% Text title            : Gopichandana Upanishad
% File name             : gopIchandanopaniShat.itx
% Category              : upanishhat
% Location              : doc\_upanishhat
% Transliterated by     : Sunder Hattangadi
% Proofread by          : Sunder Hattangadi
% Description/comments  : Atharva Veda upanishad
% Latest update         : March 21, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gopichandana Upanishad ..}##
\itxtitle{.. gopIchandanopaniShat ..}##\endtitles ##

gopikAsvAntasaMlInaM shrIkR^iShNAkhyaM paraM mahaH |
brahmAnandasvarUpaM tatsvamAtramiti chintaye || 1||

AUM bhadra.n karNebhiH shruNuyAma devAH |
bhadra.n pashyemAkShabhiryajatrAH |
sthiraira~NgaistuShTuvA.nsastanUbhirvyashema devahita.n yadAyuH |
svasti na indro vR^iddhashravAH |  svasti naH pUShA vishvavedAH |
svasti nastArkShyo ariShTanemiH | svasti no bR^ihaspatirdadhAtu ||
AUM shAntiH shAntiH shAntiH ||

hariH OM || gopI kA nAma | saMrakShaNI |
kutaH saMrakShaNI | lokasya narakAnmR^ityorbhayAchcha
saMrakShaNI | chandanaM tuShTikAraNaM cha | kiM tuShTikAraNam |
brahmAnandakAraNam | ya evaMvidvAnetadAkhyApayedya etachcha
dhArayedgopIchandanamR^ittikAyA niruktyA dhAraNamAtreNa cha
brahmaloke mahIyate brahmaloke mahIyata iti || 1||

gopyo nAma viShNupatnyaH syustAsAM chandanamAhlAdanam |
kashchAhlAdaH | eSha brahmAnandarUpaH | kAshcha viShNupatnyo
gopyo nAma | yA AtmanA brahmAnandaikarUpaM kR^iShNAkhyaM
paraM dhAmAjayaMstA jagatsR^iShTisthityantakAriNyaH
prakR^itimahadahamAdyA mahAmAyAH | kashcha viShNuH |
paraM brahmaiva viShNuH | kashchAhlAdaH | gopIchandanasaMsakta\-
mAnuShANAM pApasaMharaNAchChuddhAntakaraNAnAM
brahmaj~nAnaprAptishcha | ya evaM vedetyupaniShat || 2||

gopItyagra uchyatAM chandanaM tu tataH pashchAt | gopItyakSharadvayaM
chandanaM tu triyakSharaM tasmAdakSharapa~nchakam | ya evaMvidvAn
gopIchandanaM dhArayedakShayaM padamApnoti pa~nchatvaM na sa pashyati
tato.amR^itatvamashnute tato.amR^itamashnuta iti || 3||

atha mAyAshabalitaM brahmAsIttatashcha  mahadAdyA brahmaNo
mahAmAyAsammilitAt | pa~nchabhUteShu gandhavatIyaM pR^ithivyAsIt |
pR^ithivyAshcha vaibhavAdvarNabhedAH | pItavarNA mR^ido jAyante
lokAnugrahArtham | mAyAsahitabrahmasambhogavashAdasya chandanasya
vaibhavam | ya evaMvidvAnyatihaste dadyAdanupaplavaH sarvamAyureti |
tataH prAjApatyaM rAyaspoShaM gauShpatyaM cha | ya etadrahasyaM
sAyaM prAtardhyAyedahorAtrakR^itaM pApaM nAshayati mR^ito
mokShamashnuta iti || 4||

gopIchandanapa~Nkena lalATaM yastu lepayet |
ekadaNDI tridaNDI vA sa vai mokShaM samashnute || 1||
gopIchandanaliptA~Ngo yaM yaM pashyati chakShuShA |
taM taM pUtaM vijAnIyAdrAjabhiH satkR^ito bhavet || 2||
brahmahantA kR^itaghnashcha goghnashcha guru talpagaH |
teShAM pApAni nashyanti gopIchandanadhAraNAt || 3||
gopIchandanaliptA~Ngo mriyate yatra kutrachit |
abhivyApyAyato bhUtvA devendrapadamashnute || 4||
gopIchandanaliptA~NgaM puruShaM ya upAsate |
evaM brahmAdayo devAstanmukhAstAnupAsate || 5||
gopIchandanaliptA~NgaH puruSho yena pUjyate |
viShNupUjitabhUtitvAdviShNuloke mahIyate || 6||
sadAchAraH shubhAkalpo mitAhAro jitendriyaH |
gopIchandanaliptA~NgaH sAkShAdviShNumayo bhavet || 7||
gopIchandanaliptA~Ngo vrataM yastu samAcharet |
tataH koTiguNaM puNyamityevaM munirabravIt || 8||
gopIchandanaliptA~NgairjapadAnAdi yatkR^itam |
nyUnaM sampUrNatAM yAti vidhAnena visheShataH || 9||
gopIchandanamAyuShyaM balArogyavivardhanam |
kAmadaM mokShadaM chaiva ityevaM munayo.abruvan || 10||
agniShTomasahasrANi vAjapeya shatAni cha |
teShAM puNyamavApnoti gopIchandanadhAraNAt || 11||
gopIchandanadAnasya nAshvamedhakR^itaH phalam |
na ga~NgayA samaM tIrthaM na shuddhirgopichandanAt || 12||
bahumA.atra kimuktena gopIchandanamaNDanam |
na tattulyaM bhavelloke nAtra kAryA vichAraNA || 13||
chandanaM chApi gopInAM keliku~Nkumasambhavam |
maNDanAtpAvanaM nRRINAM bhuktimuktiphalapradam || 14||
kR^iShNagopIratodbhUtaM pApaghnaM gopichanadanam |
tatprasAdAtsarvadaiva chaturvargaphalapradam |
tilamAtrapradAnena kA~nchanAdrisamaM phalam || 15||
ku~NkumaM kR^iShNagopInAM jalakrIDAsu sambhR^itam |
gopIchandanamityuktaM dvAravatyAM sureshvaraiH || 16||
kR^iShNagopIjalakrIDAku~NkumaM chandanairyutam |
tilamAtraM pradAyedaM punAtyA dashamaM kulam || 17||
gopIchandanakhaNDaM tu chakrAkAraM sulakShaNam |
viShNurUpamidaM puNyaM pAvanaM pAtavarNakaH || 18||

Apo vA agra Asan | tatra prajApatirvAyurbhUtvA.ashrAmyatedaM sR^ijeyamiti |
sa tapo.atapyata | tata o~NkAramapashyat | tato vyAhR^itIstato gAyatrIm |
gAyatryA vedAstairidamasR^ijata | dhUmamArgavistR^itaM hi
vedArthamabhisandhAya chaturdasha lokAnasR^ijata | tata upaniShadaH
shrutaya AvirbabhUvuH | archimArgavistR^itaM vedArthamabhisandhAya
sarvAnvedAsarahasyopaniShada~NgAnbrahmaloke sthApayAmAsa |
tAshchopAdishadvaivasvate.antare saguNaM brahma chidghanAnandaikarUpaM
puruShottamarUpeNa mathurAyAM vasudevasadmanyAvirbhaviShyati |
tatra bhavatyaH sarvalokotkR^iShTasaundaryakrIDAbhogA gopikAsvarUpaiH
parabrahmAnandaikarUpaM kR^iShNaM bhajiShyatha |
tatra shlokAH \-\-\-iti brahmavaraM labdhvA shrutayo brahmashlokagAH |
kR^iShNamArAdhayAmAsurgokule dharmasa~Nkule || 19||

shrIkR^iShNAkhyaM paraM brahma gopikAH shrutayo.abhavan |
etatsambhogasambhUtaM chandanaM gopIchandanaM chandanaM gopIchandanamityupaniShat || 20||

AUM bhadra.n karNebhiH shruNuyAma devAH |
bhadra.n pashyemAkShabhiryajatrAH |
sthiraira~NgaistuShTuvA.nsastanUbhirvyashema devahita.n yadAyuH |
svasti na indro vR^iddhashravAH |  svasti naH pUShA vishvavedAH |
svasti nastArkShyo ariShTanemiH | svasti no bR^ihaspatirdadhAtu ||
AUM shAntiH shAntiH shAntiH ||

ityAtharvaNIyA gopIchandanopaniShatsamAptA ||

##
Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}