% Text title : Gopalatapini Upanishad % File name : gopala.itx % Category : upanishhat, krishna, svara, upanishad % Location : doc\_upanishhat % Author : Vedic tradition % Transliterated by : Sunder Hattangadi % Proofread by : Sunder Hattangadi % Description-comments : 95 / 108; Atharva Veda Vaishnava upanishad % Latest update : August 23, 2000, July 5, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Gopalatapini Upanishad ..}## \itxtitle{.. gopAlatApinyupaniShat ..}##\endtitles ## shrImatpa~nchapadAgAra.n savisheShatayojjvalam.h . pratiyogivinirmukta.n nirvisheSha.n hariM bhaje .. AUM bhadra.n karNebhiH shR^iNuyAma devAH .. bhadraM pashyemAkShabhiryajatrAH .. sthiraira~NgaistuShTuvA{\m+}sastanUbhiH .. vyashema devahita.n yadAyuH .. svasti na indro vR^iddhashravAH .. svasti naH pUShA vishvavedAH .. svasti nastArkShyo ariShTanemiH .. svasti no bR^ihaspatirdadhAtu .. AUM shAntiH shAntiH shAntiH .. gopAlatApana.n kR^iShNa.n yAj~navalkya.n varAhakam.h . shATyAyanI hayagrIva.n dattAtreya.n cha gAruDam.h .. hariH AUM sachchidAnandarUpaya kR^iShNAyAkliShTakarmaNe . namo vedAntavedyAya gurave buddhisAkShiNe .. munayo ha vai brAhmaNamUchuH . kaH paramo devaH kuto mR^ityurbibheti . kasya vij~nAnenAkhila.n vij~nAtaM bhavati . keneda.n vishva.n sa.nsaratIti . taduhovAcha brAhmaNaH . kR^iShNo vai parama.n daivatam.h . govindAnmR^ityurbibheti . gopIjanavallabhaj~nAnenaitadvij~nAtaM bhavati . svAheda.n vishva.n sa.nsaratIti . taduhochuH . kaH kR^iShNaH . govindashcha ko.asAviti . gopIjanavallabhashcha kaH . kA svAheti . tAnuvAcha brAhmaNaH . pApakarShaNo gobhUmivedavedito gopIjanavidyAkalApaprerakaH . tanmAyA cheti sakalaM paraM brahmaiva tat.h . yo dhyAyati rasati bhajati so.amR^ito bhavatIti . te hochuH . ki.n tadrUpa.n ki.n rasana.n kimAho tadbhajana.n tatsarva.n vividiShatAmAkhyAhIti . taduhovAcha hairaNyo gopaveShamabhrAma.n kalpadrumAshritam.h . tadiha shlokA bhavanti .. satpuNDarIkanayanaM meghAbha.n vaidyutAmbaram.h . dvibhuja.n j~nAnamudrADhya.n vanamAlinamIshvaram.h .. 1.. gopagopIgavAvIta.n suradrumatalAshritam.h . divyAla.nkaraNopeta.n ratnapa~Nkajamadhyagam.h .. 2.. kAlindIjalakallolasa~NgimArutasevitam.h . chintaya~nchetasA kR^iShNaM mukto bhavati sa.nsR^iteH .. 3.. iti.. tasya punA rasanamitijalabhUmi.n tu sampAtAH . kAmAdi kR^iShNAyetyekaM padam.h . govindAyeti dvitIyam.h . gopIjaneti tR^itIyam.h . vallabheti turIyam.h . svAheti pa~nchamamiti pa~nchapada.n japanpa~nchA~Nga.n dyAvAbhUmI sUryAchandramasau tadrUpatayA brahma sampadyata iti . tadeSha shlokaH klImityetadAdAvAdAya kR^iShNAya govindAya gopIjanavallabhAyeti bR^ihanmAnavyAsakR^iduchcharedyo.asau gatistasyAsti ma~NkShu nAnyA gatiH syAditi . bhaktirasya bhajanam.h . etadihAmutropAdhinairAshye\- nAmuShminmanaHkalpanam.h . etadeva cha naiShkarmyam.h . kR^iShNa.n ta.n viprA bahudhA yajanti govinda.n santaM bahudhA ArAdhayanti . gopIjanavallabho bhuvanAni dadhre svAhAshrito jagadetatsuretAH .. 1.. vAyuryathaiko bhuvanaM praviShTo janyejanye pa~ncharUpo babhUva . kR^iShNastadeko.api jagaddhitArthaM shabdenAsau pa~nchapado vibhAti .. 2.. iti.. te hochurupAsanametasya paramAtmano govindasyAkhilAdhAriNo brUhIti . tAnuvAcha yattasya pITha.n hairaNyAShTapalAshamambuja.n tadantarAdhikAnalAstrayuga.n tadantarAlAdyarNAkhilabIja.n kR^iShNAya nama iti bIjADhya.n sabrahmA brAhmaNamAdAyAna~NgagAyatrI.n yathAvadAlikhya bhUmaNDala.n shUlaveShTita.n kR^itvA~NgavAsudevAdi\- rukmiNyAdisvashakti.n nandAdivasudevAdipArthAdinidhyAdivIta.n yajetsandhyAsu pratipattibhirupachAraiH . tenAsyAkhilaM bhavatyakhilaM bhavatIti .. 2.. tadiha shlokA bhavanti . eko vashI sarvagaH kR^iShNa IDya eko.api sanbahudhA yo vibhAti . taM pITha.n ye.anubhajanti dhIrA\- steShA.n siddhiH shAshvatI netareShAm.h .. 3.. nityo nityAnA.n chetanashchetanAnA\- meko bahUnA.n yo vidadhAti kAmAn.h . taM pIThaga.n ye.anubhajanti dhIrA\- steShA.n sukha.n shAshvata.n netareShAm.h .. 4.. etadviShNoH paramaM pada.n ye nityodyuktAsta.n yajanti na kAmAt.h . teShAmasau goparUpaHprayatnA\- tprakAshayedAtmapada.n tadeva .. 5.. yo brahmANa.n vidadhAti pUrvaM yo vidyA.n tasmai gopayati sma kR^iShNaH . ta.n ha devamAtmabuddhiprakAshaM mumukShuH sharaNa.n vrajet.h .. 6.. o~NkAreNAntarita.n ye japanti govindasya pa~nchapadaM manum.h . teShAmasau darshayedAtmarUpaM tasmAnmumukShurabhyasennityashAntiH .. 7.. etasmA eva pa~nchapadAdabhUva\- ngovindasya manavo mAnavAnAm.h . dashArNAdyAste.api sa.nkrandanAdyai\- rabhyasyante bhUtikAmairyathAvat.h .. 8.. paprachChustaduhovAcha brahmasadana.n charato me dhyAtaH stutaH parameshvaraH parArdhAnte so.abudhyata . kopadeShTA me puruShaH purastAdAvirbabhUva . tataH praNato mAyAnukUlena hR^idA mahyamaShTAdashArNasvarUpa.n sR^iShTaye dattvAntarhitaH . punaste sisR^ikShato me prAdurabhUvan.h . teShvakShareShu vibhajya bhaviShyajjagadrUpaM prAkAshayam.h . tadiha kAdAkAlAtpR^ithivIto.agnirbindorindustatsampAtAttadarka iti . klI.nkArAdajasra.n kR^iShNAdAkAsha.n khAdvAyuruttarAtsurabhividyAH prAdurakArShamakArShamiti . taduttarAtstrIpu.nsAdibheda.n sakalamida.n sakalamidamiti .. 3.. etasyaiva yajanena chandradhvajo gatamohamAtmAna.n vedayati . o~NkArAlikaM manumAvartayet.h . sa~NgarahitobhyAnayat.h . tadviShNoH paramaM pada.n sadA pashyanti sUrayaH . divIva chakShurAtatam.h . tasmAdena.n nityamAvartavennityamAvartayediti . ..4.. tadAhureke yasya prathamapadAdbhUmirdvitIyapadAjjala.n tR^itIyapadAttejashchaturthapadAdvAyushcharamapadAdvyometi . vaiShNavaM pa~nchavyAhR^itimathaM mantra.n kR^iShNAvabhAsaka.n kaivalyasya sR^ityai satatamAvartayetsatatamAvartayediti .. 5.. tadatra gAthAH yasya chAdyapadAdbhUmirdvitIyAtsalilodbhavaH . tR^itIyAtteja udbhUta.n chaturthAdgandhavAhanaH .. 1.. pa~nchamAdambarotpattistamevaika.n samabhyaset.h . chandradhvajo.agamadviShNoH paramaM padamavyayam.h .. 2.. tato vishuddha.n vimala.n vishoka\- masheShalobhAdinirastasa~Ngam.h . yattatpadaM pa~nchapada.n tadeva sa vAsudevo na yato.anyadasti .. 3.. tameka.n govinda.n sachchidAnandavigrahaM pa~nchapada.n vR^indAvanasurabhUruhatalAsIna.n satataM marudgaNo.ahaM paramayA stutyA stoShyAmi .. AUM namo vishvasvarUpAya vishvasthityantahetave . vishveshvarAya vishvAya govindAya namonamaH .. 1.. namo vij~nAnarUpAya paramAnandarUpiNe . kR^iShNAya gopInAthAya govindAya namonamaH .. 2.. namaH kamalanetrAya namaH kamalamAline . namaH kamalanAbhAya kamalApataye namaH .. 3.. barhApIDAbhirAmAya rAmAyAkuNThamedhase . ramAmAnasaha.nsAya govindAya namonamaH .. 4.. ka.nsava.nshavinAshAya keshichANUraghAtine . vR^iShabhadhvajavandyAya pArthasArathaye namaH .. 5.. veNunAdavinodAya gopAlAyAhimardine . kAlindIkUlalolAya lolakuNDaladhAriNe .. 6.. pallavIvadanAmbhojamAline nR^ittashAline . namaH praNatapAlAya shrIkR^iShNAya namonamaH .. 7.. namaH pApapraNAshAya govardhanadharAya cha . pUtanAjIvitAntAya tR^iNAvartAsuhAriNe .. 8.. niShkalAya vimohAya shuddhAyAshuddhavairiNe . advitIyAya mahate shrIkR^iShNAya namon namaH .. 9.. prasIda paramAnanda prasIda parameshvara . AdhivyAdhibhuja~Ngena daShTaM mAmuddhara prabho .. 10.. shrIkR^iShNa rukmiNIkAnta gopIjanamanohara . sa.nsArasAgare magnaM mAmuddhara jagadguro .. 11.. keshava kleshaharaNa nArAyaNa janArdana . govinda paramAnanda mA.n samuddhara mAdhava .. 12.. athaiva.n stutibhirArAdhayAmi . tathA yUyaM pa~nchapada.n japantaH shrIkR^iShNa.n dhyAyantaH sa.nsR^iti.n tariShyatheti hovAcha hairaNyagarbhaH . amuM pa~nchapadaM manumArtayeyedyaH sa yAtyanAyAsataH kevala.n tatpada.n tat.h . anejadekaM manaso javIyo nainaddevA ApnuvanpUrvamarShaditi . tasmAtkR^iShNa eva parama.n devasta.n dhyAyet.h . ta.n rasayet.h . ta.n yajet.h . taM bhajet.h . AUM tatsadityupaniShat.h .. AUM bhadra.n karNebhiH shR^iNuyAma devAH .. bhadraM pashyemAkShabhiryajatrAH .. sthiraira~NgaistuShTuvA{\m+}sastanUbhiH .. vyashema devahita.n yadAyuH .. svasti na indro vR^iddhashravAH .. svasti naH pUShA vishvavedAH .. svasti nastArkShyo ariShTanemiH .. svasti no bR^ihaspatirdadhAtu .. AUM shAntiH shAntiH shAntiH .. iti gopAlapUrvatApinyupaniShatsamAptA .. AUM ekadA hi vrajastriyaH sakAmAH sharvarImuShitvA sarveshvara.n gopAla.n kR^iShNamUchire . uvAcha tAH kR^iShNa amukasmai brAhmaNAya bhaikShya.n dAtavyamiti durvAsasa iti . katha.n yAsyAmo jala.n tIrtvA yamunAyAH . yataH shreyo bhavati kR^iShNeti brahmachArItyuktvA mArga.n vo dAsyati . yaM mA.n smR^itvA.agAdhA gAdhA bhavati . yaM mA.n smR^itvA.apUtaH pUto bhavati . yaM mA.n smR^itvA.avratI vratI bhavati . yaM mA.n smR^itvA sakAmo niShkAmo bhavati . yaM mA.n smR^itvA.ashrotriyaH shrotriyo bhavati . yaM mA.n smR^itvA.agAdhataH sparsharahitApi sarvA saridgAdhA bhavati . shrutvA tadvAkya.n hi vai raudra.n smR^itvA tadvAkyena tIrtvA tatsauryA.n hi vai gatvAshramaM puNyatama.n hi vai natvA muni.n shreShThatama.n hi vai raudra.n cheti . dattvAsmai brAhmaNAya kShIramaya.n ghR^itamayamiShTatama.n hi vai mR^iShTatama.n hi tuShTaH snAtvA bhuktvA hitvashiShaM prayujyAnna.n j~nAtvAdAt.h . katha.n yAsyAmo tIrtvA sauryAm.h . sa hovAcha munirdurvAsanaM mA.n smR^itvA vo dAsyatIti mArgam.h . tAsAM madhye hi shreShThA gAndharvI hyuvAcha ta.n ta.n hi vai tAmiH . eva.n katha.n kR^iShNo brahmachArI . katha.n durvAsano muniH . tA.n hi mukhyA.n vidhAya pUrvamanukR^itvA tUShNImAsuH . shabdavAnAkAshaH shabdAkAshAbhyAM bhinnaH . tasminnAkAshastiShThati . AkAshe tiShThati sa hyAkAshasta.n na veda . sa hyAtmA . aha.n kathaM bhoktA bhavAmi . rUpavadida.n tejo rUpAgnibhyAM bhinnam.h . tasminnagnistiShThati . agnau tiShThati agnista.n na veda . sa hyAtmA . aha.n kathaM bhoktA bhavAmi . rasavatya Apo rasAdbhyAM bhinnAH . tAsvApastiShThanti . apsu bhUmirgandhabhUmibhyAM bhinnA . tasyAM bhUmistiShThati . bhUmau tiShThati . bhUmista.n na veda . sa hyAtmA . aha.n kathaM bhoktA bhavAmi . ida.n hi manasaivedaM manute . tAnida.n hi gR^ihNAti . yatra sarvamAtmaivAbhUttatra kutra vA manute . katha.n vA gachChatIti . sa hyAtmA . aha.n kathaM bhoktA bhavAmi . aya.n hi kR^iShNo yo hi preShThaH sharIradvayakAraNaM bhavati . dvA suparNA bhavato brahmaNo.aha.n saMbhUtastathetaro bhoktA bhavati . anyo hi sAkShI bhavatIti . vR^ikShadharme tau tiShThataH . atoo bhoktabhoktArau . pUrvo hi bhoktA bhavati . tathetaro.abhoktA kR^iShNo bhavatIti . yatra vidyAvidye na vidAma . vidyAvidyAbhyAM bhinno vidyAmayo hi yaH katha.n viShayI bhavatIti . yo ha vai kAmena kAmAnkAmayate sa kAmI bhavati . yo ha vai tvakAmena kAmAnkAmayate so.akAmI bhavati . janmajarAbhyAM bhinnaH sthANurayamachChedyo.aya.n yo.asau sUrye tiShThati yo.asau goShu tiShThati . yo.asau gopAnpAlayati . yo.asau sarveShu deveShu tiShThati . yo.asau sarvairdevairgIyate . yo.asau sarveShu bhUteShvAvishya bhUtAni vidadhAti sa vo hi svAmI bhavati . sA hovAcha gAndharvI . katha.n vAsmAsu jAto gopAlaH katha.n vA j~nAto.asau tvayA mune kR^iShNaH . ko vAsya mantraH ki.n sthAnam.h . katha.n vA devakyA jAtaH . ko vAsya jAyAgrAmo bhavati . kIdR^ishI pUjAsya gopAlasya bhavati . sAkShAtprakR^iti\- paro.ayamAtmA gopAlaH katha.n tvavatIrNo bhUmyA.n hi vai sA gAndharvI munimuvAcha . sa hovAcha tA.n hi vai pUrva.n nArAyaNo yasmi.nllokA otAshcha protAshcha tasya hR^itpadmAjAto.abjayonistapastapastaptvA tasmai ha vara.n dadau . sa kAmaprashnameva vavre . ta.n hAsmai dadau . sa hovAchAbjayoniH yo vAvatArANAM madhye shreShTho.avatAraH ko bhavati . yena lokAstuShTA bhavanti . ya.n smR^itvA muktA asmAtsa.nsArAdbhavanti . katha.n vAsyAvatArasya brahmatA bhavati . sa hovAcha ta.n hi vai nArAyaNo devaH . sakAmyA meroH shR^i~Nge yathA saptapuryo bhavanti tathA niShkAmyAH sakAmyA bhUgopAlachakre saptapuryo bhavanti . tAsAM madhye sAkShAdbrahma gopAlapurI bhavati . sakAmyA niShkAmyA devAnA.n sarveShAM bhUtAnAM bhavati . athAsya bhajanaM bhavati . yathA hi vai sarasi padma.n tiShThati tathA bhUmyA.n tiShThati . chakreNa rakShitA mathurA . tasmAdgopAlapurI bhavati bR^ihadbR^ihadvana.n madhormadhuvana.n tAlastAlavana.n kAmya.n kAmyavanaM bahulA bahulavana.n kumudaH kumudavana.n khadiraH khadiravanaM bhadro bhadravanaM bhANDIra iti bhANDIravana.n shrIvana.n lohavana.n vR^indAvanametairAvR^itA purI bhavati . tatra teShveva gaganeshveva.n devA manuShyA gandharvA nAgAH ki.nnarA gAyanti nR^ityantIti . tatra dvAdashAdityA ekAdasha rudrA aShTau vasavaH sapta munayo brahmA nAradashcha pa~ncha vinAyakA vIreshvaro rudreshvaro.ambikeshvaro gaNeshvaro nIlakaNTheshvaro vishveshvaro gopAleshvaro bhadreshvara ityaShTAvanyAni li~NgAni chaturvi.nshatirbhavanti . dve vane staH kR^iShNavanaM bhadravanam.h . tayorantardvAdasha vanAni puNyAni puNyatamAni . teshveva devAstiShThanti . siddhAH siddhiM prAptAH . tatra hi rAmasya rAmamUrtiH pradyumnasya pradyumnamUrtiraniruddhasya\- aniruddhamUrtiH kR^iShNasya kR^iShNamUrtiH . vaneshvevaM mathurAsveva.n dvAdasha mUrtayo bhavanti . ekA.n hi rudrA yajanti . dvitIyA.n hi brahmA yajati . tR^itIyAM brahmajA yajanti . chaturthIM maruto yajanti . pa~nchamI.n vinAyakA yajanti . ShaShThI.n cha vasavo yajanti . saptamImR^iShayo yajanti . navamImapsaraso yajanti . dashamI vai hyantardhAne tiShThati . ekAdashIti\- svapadAnugA . dvAdashIti bhUmyA.n tiShThati . tA.n hi ye yajanti te mR^ityu.n taranti . mukti.n labhante . garbhajanmajarAmaraNatApatrayAtmakaduHkha.n taranti . tadapyete shlokA bhavanti . samprApya mathurA ramyA.n sadA brahmAdivanditAm.h . sha~NkhachakragadAshAr~NgarakShitAM musalAdibhiH .. 1.. yatrAsau sa.nsthitaH kR^iShNaH strIbhiH shaktyA samAhitaH . ramAniruddhapradyumnai rukmiNyA sahito vibhuH .. 2.. chatuHshabdo bhavedeko hyo.nkArashcha udAhR^itaH . tasmAdeva paro rajaseti so.ahamityavadhAryAtmAna.n gopAlo.ahamiti bhAvayet.h . sa mokShamashnute . sa brahmatvamadhigachChati . sa brahmavidbhavati . sa gopA~njIvAnAtmatvena sR^iShTiparyantamAlAti . sa gopAlo hyoM bhavati . tatsatso.aham.h . paraM brahma kR^iShNAtmako nityAnandaikyasvarUpaH so.aham.h . tatsadgopAlo.ahameva . para.n satyamabAdhita.n so.ahamityatmAnamAdAya manasaikya.n kuryAt.h . AtmAna.n gopAlo.ahamiti bhAvayet.h . sa evAvyakto.ananto nityo gopAlaH . mathurAyA.n sthitirbrahmansarvadA me bhaviShyati . sha~NkhachakragadApadmavanamAlAdharasya vai .. 1.. vishvarUpaM para.njyotiH svarUpa.n rUpavarjitam.h . mathurAmaNDale yastu jambUdvIpe sthito.api vA .. 2.. yo.archayetpratimAM mA.n cha sa me priyataro bhuvi . tasyAmadhiShThitaH kR^iShNarUpI pUjyastvayA sadA .. 3.. chaturdhA chAsyAvatArabhedatvena yajanti mAm.h . yugAnuvartino lokA yajantIha sumedhasaH .. 4.. gopAla.n sAnuja.n kR^iShNa.n rukmiNyA saha tatparam.h . gopAlo.ahamajo nityaH pradyumno.aha.n sanAtanaH .. 5.. rAmo.ahamaniruddho.ahamAtmAna.n chArchayedbudhaH . mayoktena sa dharmeNa niShkAmena vibhAgashaH .. 6.. tairahaM pUjanIyo hi bhadrakR^iShNanivAsibhiH . taddharmagatihInA ye tasyAM mayi parAyaNAH .. 7.. kalinA grasitA ye vai teShA.n tasyAmavasthitiH . yathA tva.n saha putraistu yathA rudro gaNaiH saha .. 8.. yathA shriyAbhiyukto.aha.n tathA bhakto mama priyaH . sa hovAchAbjayonishchaturbhirdevaiH kathameko devaH syAt.h . ekamakShara.n yadvishrutamanekAkShara.n katha.n saMbhUtam.h . sa hovAcha hi taM pUrvamekamevAdvitIyaM brahmAsIt.h . tasmAdavyaktamekAkSharam.h . tasmadakSharAnmahat.h . mahato.aha~NkAraH . tasmAdaha~NkArAtpa~ncha tanmAtrANi . tebhyo bhUtAni . tairAvR^itamakSharam.h . akSharo.ahamo.nkAro.ayamajaro.amaro.abhayo.amR^ito brahmAbhaya.n hi vai . sa mukto.ahamasmi . akSharo.ahamasmi . sattAmAtra.n chitsvarUpaM prakAsha.n vyApaka.n tathA .. 9.. ekamevAdvayaM brahma mAyayA cha chatuShTayam.h . rohiNItanayo vishva akArAkSharasaMbhavaH .. 10.. taijasAtmakaH pradyumna ukArAkSharasaMbhavaH . prAj~nAtmako.aniruddho.asau makArAkSharasaMbhavaH .. 11.. ardhamAtrAtmakaH kR^iShNo yasminvishvaM pratiShThitam.h . kR^iShNAtmikA jagatkartrI mUlaprakR^itI rukmiNI .. 12.. vrajastrIjanasaMbhUtaH shrutibhyo j~nAnasa.ngataH . praNavatvena prakR^ititva.n vadanti brahmavAdinaH .. 13.. tasmAdo.nkArasaMbhUto gopAlo vishvasa.nsthitaH . klImo.nkArasyaikatatva.n vadanti brahmavAdinaH .. 14.. mathurAyA.n visheSheNa mA.n dhyAyanmokShamashnute . aShTapatra.n vikasita.n hR^itpadma.n tatra sa.nsthitam.h .. 15.. divyadhvajAtapatraistu chihnita.n charaNadvayam.h . shrIvatsalA~nChana.n hR^itstha.n kaustubhaM prabhayA yutam.h .. 16.. chaturbhuja.n sha~NkhachakrashAr~NgapadmagadAnvitam.h . sukeyUrAnvitaM bAhu.n kaNThamAlasushobhitam.h .. 17.. dyumatkirITamabhaya.n sphuranmakarakuNDalam.h . hiraNmaya.n saumyatanu.n svabhaktAyAbhayapradam.h .. 18.. dhyAyenmanasi mA.n nitya.n veNushR^i~Ngadhara.n tu vA . mathyate tu jagatsarvaM brahmaj~nAnena yena vA .. 19.. matsArabhUta.n yadyatsyAnmathurA sA nigadyate . aShTadikpAlakairbhUmipadma.n vikasita.n jagat.h .. 20.. sa.nsArArNavasa.njAta.n sevitaM mama mAnase . chandrasUryatviSho divyA dhvajA merurhiraNmayaH .. 21.. AtapatraM brahmalokamathordhva.n charaNa.n smR^itam.h . shrIvatsasya svarUpa.n tu vartate lA~nChanaiH saha .. 22.. shrIvatsalakShaNa.n tasmAtkathyate brahmavAdibhiH . yena sUryAgnivAkchandratejasA svasvarUpiNA .. 23.. vartate kaustubhAkhyamaNi.n vadantIshamAninaH . sattva.n rajastama iti aha.nkArashchaturbhujaH .. 24.. pa~nchabhUtAtmaka.n sha~Nkha.n kare rajasi sa.nsthitam.h . bAlasvarUpamityantaM manashchakra.n nigadyate .. 25.. AdyA mAyA bhavechChAr~NgaM padma.n vishva.n kare sthitam.h . AdyA vidyA gadA vedyA sarvadA me kare sthitA .. 26.. dharmArthakAmakeyUrairdivyairdivyamayeritaiH . kaNTha.n tu nirguNaM proktaM mAlyate AdyayA.ajayA .. 27.. mAlA nigadyate brahma.nstava putraistu mAnasaiH . kUTastha.n sattvarUpa.n cha kirITaM pravadanti mAm.h .. 28.. kShIrottaraM prasphuranta.n kuNDala.n yugala.n smR^itam.h . dhyAyenmama priya.n nitya.n sa mokShamadhigachChati .. 29.. sa mukto bhavati tasmai svAtmAna.n tu dadAmi vai . etatsarvaM mayA proktaM bhaviShyadvai vidhe tava .. 30.. svarUpa.n dvividha.n chaiva saguNa.n nirguNAtmakam.h .. 31.. sa hovAchAbjayoniH . vyaktInAM mUrtInAM proktAnA.n katha.n chAbharaNAni bhavanti . katha.n vA devA yajanti . rudrA yajanti . brahmA yajati . brahmajA yajanti . vinAyakA yajanti . dvAdashAdityA yajanti . vasavo yajanti . gandharvA yajanti . sapadAnugA antardhAne tiShThanti . kAM manuShyA yajanti . sahovAcha ta.n hi vai nArAyaNo deva AdyA vyaktA dvAdasha mUrtayaH sarveShu lokeShu sarveShu deveShu sarveShu manuShyeShu tiShThantIti . rudreShu raudrI brahmANIShu brAhmI deveShu daivI manuShyeShu mAnavI vinAyakeShu vighnavinAshinI AdityeShu jyotirgandharveShu gAndharvI apsaraHsveva.n gaurvasuShveva.n kAmyA antardhAneShvaprakAshinI AvirbhAvatirobhAvA svapade tiShThanti . tAmasI rAjasI sAttvikI mAnuShI vij~nAnaghana AnandasachchidAnandaikarase bhaktiyoge tiShThati . AUM prANAtmane AUM tatsadbhUrbhuvaH suvastasmai prANAtmane namonamaH .. 1.. AUM shrIkR^iShNAya govindAya gopIjanavallabhAya AUM tatsadbhUrbhuvaH suvastasmai namonamaH .. 2.. AUMapAnAtmane AUM tatsadbhUrbhuvaH suvastasmai apAnAtmane namonamaH .. 3.. AUM shrIkR^iShNAyAniruddhAya AUM tatsadbhUrbhuvaH suvastasmai vai namonamaH .. 4.. AUM vyAnAtmane AUM tatsadbhUrbhuvaH suvastasmai vyAnAtmane namonamaH .. 5.. AUM shrIkR^iShNAya rAmAya AUM tatsadbhUrbhuvaH suvastasmai vai namonamaH .. 6.. AUMudAnAtmane AUM tatsadbhUrbhuvaH suvastasmai udAnAtmane namonamaH .. 7.. AUM shrIkR^iShNAya devakInandanAya AUM tatsadbhUrbhuvaH suvastasmai vai namonamaH .. 8.. AUM samAnAtmane AUM tatsadbhUrbhuvaH suvastasmai samAnAtmane namonamaH .. 9.. AUM shrIgopAlAya nijasvarUpAya AUM tatsadbhUrbhuvaH suvastasmai vai namonamaH .. 10.. AUM yo.asau pradhAnAtmA gopAla AUM tatsadbhUrbhuvaH suvastasmai vai namonamaH .. 11.. AUM yo.asAvindriyAtmA gopAla AUM tatsadbhUrbhuvaH suvastasmai vai namonamaH .. 12.. AUM yo.asau bhUtAtmA gopAla AUM tatsadbhUrbhuvaH suvastasmai vai namonamaH .. 13.. AUM yo.asAvuttamapuruSho gopAla AUM tatsadbhUrbhuvaH suvastamai vai namonamaH .. 14.. AUM yo.asau brahma para.n vai brahma AUM tatsadbhUrbhuvaH suvastasmai vai namonamaH .. 15.. AUM yo.asau sarvabhUtAtmA gopAla AUM tatsadbhUrbhuvaH suvastasmai namonamaH .. 16.. AUM jAgratsvapnasuShuptiturIyaturIyAtIto.antaryAmI gopAla AUM tatsadbhUrbhuvaH suvastasmai vai namonamaH .. 17.. eko devaH sarvabhUteShu gUDhaH sarvavyApI sarvabhUtAntarAtmA . karmAdhyakShaH sarvabhUtAdhivAsaH sAkShI chetA kevalo nirguNashcha .. 18.. rudrAya namaH . AdityAya namaH . vinAyakAya namaH . sUryAya namaH . vidyAyai namaH . indrAya namaH . agnaye namaH . yamAya namaH . nirR^itaye namaH . varuNAya namaH . vAyave namaH . kuberAya namaH . IshAnAya namaH . sarvebhyo devebhyo namaH . dattvA stutiM puNyatamAM brahmaNe svasvarUpiNe . kartR^itva.n sarvabhUtAnAmantardhAno babhUva saH .. 19.. brahmaNe brahmaputrebhyo nAradAttu shrutaM mune . tathA prokta.n tu gAndharvi gachCha tva.n svAlayAntikam.h .. 20.. iti.. AUM bhadra.n karNebhiH shR^iNuyAma devAH .. bhadraM pashyemAkShabhiryajatrAH .. sthiraira~NgaistuShTuvA{\m+}sastanUbhiH .. vyashema devahita.n yadAyuH .. svasti na indro vR^iddhashravAH .. svasti naH pUShA vishvavedAH .. svasti nastArkShyo ariShTanemiH .. svasti no bR^ihaspatirdadhAtu .. AUM shAntiH shAntiH shAntiH .. hariH AUM tatsat.h .. iti gopAlottaratApinyupaniShatsamAptA .. ## Encoded by Sunder Hattangadi \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}