% Text title : guhyakAlyupAniShat % File name : guhyakAlyupAniShat.itx % Category : upanishhat, devii, devI, upanishad, dashamahAvidyA % Location : doc\_upanishhat % Proofread by : Kasturi navya sahiti kasturinsahiti at gmail.com % Description-comments : aprakAshitA upaniShadaH % Latest update : March 20, 2020 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Guhyakali Upanishad ..}## \itxtitle{.. guhyakAlyupAniShat ..}##\endtitles ## atharvavedamadhye tu shAkhA mukhyatamA hi ShaT | svayambhuvA yAH kathitAH putrAyAtharvaNe purA || 1|| tAsu guhyopaniShadastiShThanti varavarNini | nAmAni shR^iNu shAkhAnAM tatrAdyA vAratantavI || 2|| mau~njAyanI dvitIyA tu tR^itIyA tArNabaindavI | chaturthI shaunakI proktA pa~nchamI paippalAdikA || 3|| ShaShThI saumantavI j~neyA sArAt sAratamA imAH | guhyopaniShado gR^iDhAH santi shAkhAsu ShaTsvapi || 4|| tA ekIkR^itya sarvAstu mayA.asyAM viniveshitAH | saMhitAyAM sAdhakAnAmuddhArAya varAnane || 5|| tAste vadAmi yata proktaM dhyAnaM kurvanti devatAH | virATdhyAnaM hi tajj~neyaM mahApAtakanAshanam || 6|| brahmANDAdbahirUrdhvaM hi mahattattvamaha~NkR^itiH | rUpANi pa~ncha tanmAtrAH puruShaH prakR^iratirnava || 7|| mahApAtAlapAdAntalambA tasyA jayaM smaret | vbrahmANDArdhaM kapAlaM hi shirastamyA vibhAvayet || 8|| devaloko lalATaM cha paTviMshallakShayojanam | meruH samintadaNDo.amyA graharatnasamAkulaH || 9|| antarvIthI nAgavIthI bhruvAvamyAH prakIrtite | shivalokashcha vaikuNThalokaH karNAvubhau matau || 10|| lohitaM tilakaM dhyAyennAsA mandAkinI tathA | chakShuShI chandrasUryau cha pakShmANi kiraNAstathA || 11|| gaNDau nyAtAM tapolokasatyalokau yathAkramam | janolokamaharlokau kapolau parikIrtitau || 12|| syAtAM himAdrikaumAsau tamyAM devyAstu kR^iNDale | svarlokashcha bhuvarloko devyA oShThAdharau matau || 13|| dikpatInAM grahANAM cha lokAshchAtha radAvalI | gandharvasiddhasAdhyAnAM pitR^irakinnararakShasAm || 14|| pishAchayakShApsarasAM marIchIyAyinAM tathA | vidyAdharANAmAjyoShmapANAM somaikapAyinAm || 15|| saptarShINAM dhruvasyApi lokA UrdhvaradAvalI | mukhaM cha rodasI j~neyaM dyaurlokashchibukaM tathA || 16|| brahmaloko galaH prokto vAyava prANarUpiNaH | vanaspataya oShadhyo lomAni parichakShate || 17|| vidyuddR^iShTirahorAtraM nimeShonmeShasa.nj~nakam | vishvaM tu hR^idayaM proktaM pR^ithivI pAda uchyate || 18|| talaM talAtalaM chaiva pAtAlaM sutalaM tathA | rasAtalaM nAgalokAH pAdA~NgulyaH prakIrtitAH || 19|| vedA vAchaH syandamAnA nadA nadyo.amitA matAH | kalAH kAShThA muhUrtAshcha R^itavo.ayanameva cha || 20|| pakShA mAsAstathA chAbdAshchatvAro.api yugAH priye | kaphoNirmaNibandhashcha tadUrukaTibandhanAH || 21|| prapadAshcha sphichashchaiva sarvA~NgAni prachakShate | vaishvAnaraH kAlamR^ityurjihvAtrayamidaM smR^itam || 22|| AbrahmastambaparyantaM tanumasyAH prachakShate | pralayo bhojane kAlastR^iptistena cha nAsikA || 23|| j~neyaH pArshvaparIvarto mahAkalpAntarodbhavaH | virADrUpavosya te dhyAnamiti sa.nkShepato.arpitam || 24|| tasyAH svarUpavij~nAnaM saparyA parikIrtitA | tadeva hi shrutiproktamavadhAraya pArvati || 25|| yathorNanAbhiH sUtrANi sR^ijatyapi gilatyapi | yathA pR^ithivyAmoShadhyaH sambhavanti gilantyapi || 26|| puruShAt keshalomAni jAyante cha kSharanatyapi | utpadyante vilIyante tathA tasyAM jagatyapi || 27|| jvalataH pAvakAdyadvat sphuli~NgAH koTikoTishaH | nirgatya cha vinashyanti vishvaM tasyAstathA priye || 28|| R^icho yajUMShi sAmAni dIkShA yaj~nAH sadakShiNAH | adhvaryuryajamAnashcha bhuvanAni chaturdasha || 29|| brahmaviShNvAdikA devA manuShyAH pashavo yataH | prANApAnau vrIhayashcha satyaM shraddhA vidhistapaH || 30|| samudrA girayo nadyaH sarve sthAvaraja~NgamAH | visR^ijyemAni sargAdau tvaM prakAshayase tataH || 31|| ja~NgamAni vidhAyAndhe vishatyapratibhUtakam | navadvAraM puraM kR^itvA gavAkShANIndriyANyapi || 32|| sA pashyatyatti vahati spR^ishati krIDatIchChati | shR^iNoti jighrati tathA ramate viramatyapi || 33|| tayA muktaM puraM taddhi matamityabhidhIyate || 34|| ye tapaH kShINadoShAste naiva pashyanti bhAvitAm | jyotirmayIM sharIre.antirdhyAyamAnAM mahAtmabhiH || 35|| bR^ihachcha taddivyamachintyarUpaM sUkShmAchcha tat sUkShmataraM vibhAti | dUrAt sudUre tadihAsti ki~nchit pashyettvihaitannihitaM guhAyAm || 36|| na chakShuShA gR^ihyate nApi vAchA nAnyairyogairna hi sA karmaNA vA | j~nAnaprasAdena vishuddhasattvaH tatastu tAM pashyati niShkalAM cha || 37|| yathA nadyaH syandamAnAH samudre gachChantyastaM nAmarUpe vihAya | tathA vidvAn nAmarUpAdvimuktaH parAt parAM jagadambAmupaiti || 38|| sarve vedA yatpadamAmananti tapAMsi sarvANi cha yadvadanti | yadichChanto brahmacharyaM charanti tatte padaM sa~NgraheNa bravImi || 39|| saivaitat | eShaivAlambanaM shreShThaM saiShaivAlambanaM param | eShaivAlambanaM j~nAtvA brahmaloke mahIyate || 40|| indriyebhyaH parA hyarthA hyarthebhyashcha paraM manaH | manasastu parA buddhirbuddherAtmA mahAn paraH || 41|| mahataH paramavyaktamavyaktAt puruShaH paraH | puruShAttu parA devI sA kAShThA sA parA gatiH || 42|| yathodakaM girau sR^iShTaM samudreShu vidhAvati | evaM dharmAn pR^ithaka pashyaMstAmevAnuvidhAvati || 43|| ekA guhyA sarvabhUtAntarAtmA eka rUpaM bahudhA yA karoti | tAmAtmasthAM ye.anupashyanti dhIrAH teShAM sukhaM shAshvataM netareShAm || 44|| na tatra sUryo bhAti na chandratArakaM nemA vidyuto bhAnti kuto.ayamagniH | tAmeva bhAntImanubhAti sarvaM tasyA bhAsA sarvamidaM vibhAti || 45|| yasyAH paraM nAparamasti ki~nchit yasyA nANIyo na jyAyo.asti ki~nchit | vR^ikSha iva stabdhA divi tiShThatyekA yadantaH pUrNAmavagatya pUrNaH || 46|| sarvAnanashirogrIvA sarvabhUtaguhAshayA | sarvatrasthA bhagavatI tasmAt sarvagatA shivA || 47|| sarvataH pANipAdAntA sarvato.akShishiromukhA | sarvataH shrutimatyeShA sarvamAvR^itya tiShThati || 48|| sarvendriyaguNAbhAsA sarvendriyavivarjitA | sarveShAM prabhurIshAnI sarveShAM sharaNaM suhR^it || 49|| navadvAre pure devI haMsI lIlAyatAM bahiH | dhyeyA sarvasya lokasya sthAvarasya charasya cha || 50|| apANipAdA jananI grahItrI pashyatyachakShuH sA shruNotyarNA | sA vetti vedyaM na cha tasyAstu vettA tAmAhuragryAM mahatIM mahIyasIm || 51|| sA chaivAgniH sA cha sUryaH sA vAyuH sA cha chandramA | sA chaiva shukaH sA brahma sA chApaH sA prajApatiH | sA chaiva strI sA cha pumAn sA kumAraH kumArikA || 52|| R^icho akShare parame vyoman yasyAM devA adhirudrA niSheduH | yastAM na veda kimR^ichA kariShyati ye tAM vidustu ime samAsate || 53|| ChandAMsi yaj~nAH kratavo vratAni bhR^itaM bhavyaM yachcha vedA vadanti | sarvaM devI sR^ijate vishvametat tasyAshchAnyo mAyayA sanniruddhaH || 54|| mAyAM tu prakR^itiM vidyAt prabhuM tasyA maheshvarIm | asyA avayavaiH sUkShmairvyAptaM sarvamidaM jagat || 55|| yA devAnAM prabhavA chodbhavA cha vishvAdhipA sarvabhUteShu gUDhA | hiraNyagarbhaM janayAmAsa pUrvaM sA no bud.hdhyA shubhayA saMyunaktum || 56|| sUkShmAtisUkShmaM salilasya madhye vishvasya sraShTrImanekAnanAkhyAm | vishvasya chaikAM pariveShTayitrIM j~nAtvA guhyAM shAntimatyantameti || 57|| sA hyeva kAle bhuvanasya goptrI vishvAdhipA sarvabhUteShu gUDhA | yamyAM muktA bradmarShayo.api devAH j~nAtvA tAM mutyupAshA~nChinatti || 58|| ghR^itAt paraM maNDamivAtisUkShmaM j~nAtvA kAlIM sarvabhUteShu gUDhAm | kalpAnte vai sarvasaMhArakatrIM j~nAtvA guhyAM muchyate sarvapApaiH || 59|| eShA devI vishvayonirmahAtmA sadA janAnAM hR^idi sanniviShTA | hR^idA manIShA manasAbhikL^iptA ye tAM viduramR^itAste bhavanti || 60|| yadA tamastatra divA na rAtriH na sanna chAsadbhagavatyeva guhyA | tadakSharaM tatsaviturvareNyaM praj~nA cha tasyAH prasR^itA parA sA || 61|| nainAmUrdhvaM na tiryak cha na madhyaM parijagrabhat | na tasyAH pratimAbhishcha tasyA nAma mahadyashaH || 62|| na sandR^ishe tiShThati lrUpamasyAH na chakShuShA pashyati kashchidenAm | hR^idA manIShA manasAbhikL^iptAM ya enAM viduramR^itAste bhavanti || 63|| bhUyashcha sR^iShTvA tridashAnatheshI sarvAdhipatyaM kurute bhavAnI | sarvA dishashchordhvamadhashcha tiryak prakAshayantI bhrAjate guhyakAlI || 64|| naiva strI na pumAneShA naiva cheyaM napuMsakA | yadyachCharIramAdatte tena tenaiva yujyate || 65|| dharmAvahAM pApanudAM bhageshIM j~nAtvAtmasthAmamR^itAM vishvamAtaram | tAmIshvarANAM paramAM maheshvarIM tAM devatAnAM paradevatAM cha | patiM patInAM paramAM purastAt vidyAvatAM guhyakAlIM manIShAm || 66|| tasyA na kAryaM karaNaM cha vidyate na tatsamA chApyadhikA cha dR^ishyate | parAsyAH shaktirvividhaiva shrUyate svAbhAvikI j~nAnabalakriyA cha || 67|| kashchinna tasyAH patirasti loke na cheshitA naiva tasyAshcha li~Ngam | sA kAraNaM kAraNakAraNAdhipA nAsyAshcha kashchijjanitA na chAdhipaH || 68|| ekA devI sarvabhUteShu gUDhA vyApnotyetat sarvabhUtAntarasthA | karmAdhyakShA sarvabhUtAdhivAsA sAkShiNyepA kevalA nirguNA cha || 69|| vashinyekA niShkiyANAM bahUnAM ekaM bIjaM bahudhA yA karoti | nAnArUpA dashavaktraM vidhatte nAnArUpAn yA cha bAhUn bibharti || 70|| nityA nityAnAM chetanA chetanAnAM ekA bahUnAM vidadhAti kAmAn | tatkAraNaM sA~NkhyayogAdhigamyaM j~nAtvA devIM muchyate sarvapAshaiH || 71|| yA vai viShNuM pAlane sanniyu~Nkte rudraM devaM saMhR^itau chApi guhyA | tAM vai devImAtmabuddhiprakAshAM mumukShurvai sharaNamahaM prapadye || 72|| niShkalA niShkriyAM shAntAM niravadyAM nira~njanAm | bahvAnanakarAM devIM guhyAmekAM samAshraye || 73|| iyaM hi guhyopaniShat sugR^iDhA yasyA brahmA devatA vishvayoniH | etAM japaMshchAnvahaM bhaktiyuktaH satyaM satyaM hyamR^irataH sambabhUva || 74|| vedavedAntayorguhyaM purAkalpe prachoditam | nAprashAntAya dAtavyaM nAshiShyAya cha vai punaH || 75|| yasya devyAM parA bhaktiryathA devyAM tathA gurau | tasyaite kathitA hyarthAH prakAshante mahAtmanaH || 76|| mahAkAla uvAcha \- guhyopaniShadityeShA gopyAt gopyatarA sadA | chaturbhyashchApi vedemya ekIkR^ityAtra yojitA || 77|| upadiShTA cha sargAdau sarvAneva divaukasaH | evaMvidhaM cha yad.hdhyAnamevaMrUpaM cha kIrtitam || 78|| sA saparyA parij~neyA vidhAnamadhunA shR^iNu | so.ahamasmIti prathamaM so.ahamasmi dvitIyakam || 79|| tadassyahaM tR^itIyaM cha mahAvAkyatrayaM bhavet | AdyAnyetAni vAkyAni ChandAMsi parichakShate || 80|| devatA guhyakAlI cha rajaHsattvatamoguNAH | sarveShAM praNavo bIjaM haMsaH shaktiH prakIrtitA || 81|| makArashchApyakArashcha hyukArashcheti kIlakam | ebhirvAkyatrayaiH sarvaM karma protaM vidhAnataH || 82|| anukShaNaM japaMshchaiva nishchayaH parikIrtitaH | dvitIyopAsakAnAM hi paripATIyamIritA || 83|| evaM chApyAturo yastu manuShyo bhaktibhAvitaH | vimuktaH sarvapApebhyaH kaivalyAyopakalpate | sarvAbhiH siddhibhistasya kiM kAryaM kamalAnane || 84|| (shAkta\-upaniShadaH) iti shrImahAkAlasaMhitAyAM guhyakAlyupaniShat samAptA | ## Proofread by Kasturi navya sahiti \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}