% Text title            : Hayagriva Upanishad
% File name             : hayagriva\_upan.itx
% Category              : upanishhat, svara, upanishad
% Location              : doc\_upanishhat
% Author                : Vedic tradition
% Transliterated by     : Sunder Hattangadi (sunderh at hotmail.com)
% Proofread by          : Sunder Hattangadi (sunderh at hotmail.com)
% Description-comments  :  100 / 108; Atharva Veda - Vaishnava upanishad
% Latest update         : April, 19, 2000, July 3, 2019
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hayagriva Upanishad ..}##
\itxtitle{.. hayagrIvopaniShat ..}##\endtitles ##
svaj~no.api yatprasAdena j~nAnaM tatphalamApnuyAt |
so.ayaM hayAsyo bhagavAnhR^idi me bhAtu sarvadA ||
OM bhadraM karNebhiH shruNuyAma devAH |
bhadraM pashyemAkShabhiryajatrAH |
sthiraira~NgaistuShTuvA{\m+}sastanUbhiH |
vyashema devahitaM yadAyuH ||
svasti na indro vR^iddhashravAH | svasti naH pUShA vishvavedAH |
svasti nastArkShyo ariShTanemiH | svasti no bR^ihaspatirdadhAtu ||
OM shAntiH shAntiH shAntiH ||
hariH OM || nArado brahmANamupasametyovAchAdhIhi bhagavan
brahmavidyAM variShThA.n yayA chirAtsarvapApa.n vyapohya
brahmavidyAM labdhvaishvaryavAnbhavati | brahmovAcha
hayagrIvadaivatyAnmantrAnyo veda sa shrutismR^itItihAsapurANAni veda |
sa sarvaishvaryavAnbhavati | ta ete mantrAH |
vishvottIrNasvarUpAya chinmayAnandarUpiNe |
tubhyaM namo hayagrIva vidyArAjAya svAhA svAhA namaH || 1||
R^igyajuHsAmarUpAya vedAharaNakarmaNe |
praNavodgIthavapuShe mahAshvashirase namaH svAhA svAhA namaH || 2||
udgItha praNavodgItha sarvavAgIshvareshvara |
sarvavedamayAchintya sarvaM bodhaya bodhaya svAhA svAhA namaH || 3||
brahmAtriravisavitR^ibhArgavA R^iShayaH | gAyatrItriShTubanuShTup ChandA.nsi |
shrImAn hayagrIvaH paramAtmA devateti | hlau(hsau)miti bIjam |
so.ahamiti shaktiH | hlU(hsau)miti kIlakam | bhogamokShayorviniyogaH |
akArokAramakAraira~NganyAsaH | dhyAnam |
sha~NkhachakramahAmudrApustakADhyaM chaturbhujam |
sampUrNachandrasa.nkAshaM hayagrIvamupAsmahe ||
OM shrImiti dve akShare | hlau(hsau)mityekAkSharam | OM namo
bhagavata iti saptAkSharANi | hayagrIvAyeti pa~nchAkSharANi |
viShNava iti tryakSharANi | mahyaM medhAM praj~nAmiti
ShaDakSharANi , prayachCha svAheti pa~nchAkSharANi |
hayagrIvasya turIyo bhavati || 4||
OM shrImiti dve akShare | hlau(hsau)mityekAkSharam | aimaimaimiti
trINyakSharANi | klIM klImiti dve akShare | sauH sauriti dve akShare |
hrImityekAkSharam | OM namo bhagavata iti saptAkSharANi |
mahyaM medhAM praj~nAmiti ShaDakSharANi | prayachCha
svAheti pa~nchAkSharANi | pa~nchamo manurbhavati || 5||
   iti hayagrIvopaniShatsu prathamopaniShat || 1 ||
hayagrIvaikAkShareNa brahmavidyAM pravakShyAmi | brahmA
maheshvarAya maheshvaraH sa.nkarShaNAya sa.nkarShaNo nAradAya
nArado vyAsAya vyAso lokebhyaH prAyachChaditi
hakAro.nsakAromakAroM trayamekasvarUpaM bhavati | hlauM(hsauM)
bIjAkSharaM bhavati | bIjAkShareNa hlauM(hsauM) rUpeNa tajjApakAnA.n
sampatsArasvatau bhavataH | tatsvarUpaj~nAnAM vaidehI
muktishcha bhavati | dikpAlAnAM rAj~nA.n nAgAnA.n
kinnarANAmadhipatirbhavati | hayagrIvaikAkSharajapashIlAj~nayA
sUryAdayaH svataH svasvakarmaNi pravartante | sarveShAM
bIjAnAM hayagrIvaikAkSharabIjamanuttamaM mantrarAjAtmakaM
bhavati | hlauM(hsauM) hayagrIvasvarUpo bhavati | amR^ita.n kuru kuru svAhA |
tajjApakAnAM vAksiddhiH shrIsiddhiraShTA~Ngayogasiddhishcha
bhavati | hlauM(hsauM) sakalasAmrAjyena siddhiM kuru kuru svAhA |
tAnetAnmantrAnyo veda apavitraH pavitro bhavati | abrahmachArI
subrahmachArI bhavati | agamyAgamanAtpUto bhavati | patitasambhAShaNAtpUto
bhavati | brahmahatyAdipAtakairmukto bhavati | gR^ihaM R^ihapatiriva
dehI dehAnte paramAtmAnaM pravishati | praj~nAnamAnandaM brahma
tattvamasi ayamAtmA brahma ahaM brahmAsmIti mahAvAkyaiH
pratipAditamarthaM ta ete mantrAH pratipAdayanti |
svaravya~njanabhedena dvidhA ete | athAnumantrA~njapati |

yadvAgvadantyavichetanAni rAShTrI devAnAM niShasAda mandrA |
chatasra UrjaM duduhe payA.nsi kva svidasyAH parama.n jagAma || 1||
gaurIrmimAya salilAni takShatyekapadI dvipadI sA chatuShpadI |
aShTApadI navapadI babhUvuShI sahasrAkSharA parame vyoman || 2||
oShThApidhAnA nakulI dantaiH parivR^itA paviH |
sarvasyai vAcha IshAnA chAru mAmiha vAdayeti cha vAgrasaH || 3||
sasarparIramatiM bAdhamAna bR^ihanmimAya jamadagnidatta |
AsUryasya duritA tanAna shravo deveShvamR^itamajuryam || 4||
ya imAM brahmavidyAmekAdashyAM paTheddhayagrIvaprabhAvena
mahApuruSho bhavati | sa jIvanmukto bhavati | OM namo brahmaNe
dhAraNaM me astvanirAkaraNaM dhArayitA bhUyAsa.n karNayoH
shrutaM mAchyoDhvaM mamAmuShya omityupaniShat ||
OM bhadraM karNebhiH shruNuyAma devAH | bhadraM pashyemAkShabhiryajatrAH |
sthiraira~NgaistuShTuvA{\m+}sastanUbhirvyashema devahitaM yadAyuH ||
OM svasti na indro vR^iddhashravAH | svasti naH pUShA vishvavedAH |
svasti nastArkShyo ariShTanemiH | svasti no bR^ihaspatirdadhAtu ||
OM shAntiH shAntiH shAntiH || hariH OM tatsat ||

iti hayagrIvopaniShatsamAptA ||
##
Encoded by Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}