% Text title            : itihAsopaniShat
% File name             : itihAsopaniShat.itx
% Category              : upanishhat, vedanta
% Location              : doc\_upanishhat
% Proofread by          : Sunder Hattangadi sunderh at hotmail.com
% Description-comments  : aprakAshitA upaniShadaH
% Latest update         : October 18, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. itihAsopaniShat ..}##
\itxtitle{.. itihAsopaniShat ..}##\endtitles ##

OM vR^iShAdarvikula{\m+} ha vai shibikulaM babhUva | tasyAyamitihAsaH
kulavidyA babhUva | tadyo ha smemamadhIte sa ha smai rAjA bhavati |
sa ki~nchitprApyAntarhitaH | so.abravIt | yo mAmitihAsa grAhayet |
varamasmai dadyAmiti | tato brAhmaNaH saMyogaM saMyuyuje | tamAdityAt
puruSho bhAskaravarNo niShkramya sa enaM grAhayA~nchakAra | tamapR^ichChat |
ko.asIti vA vR^iShAdarviriti | tasmAdya imamitihAsamadhIte | Adityaloke
sa kAmachAro bhavati | tasmAdya imamitihAsamupanIto mANavako gR^ihNIyAt |
gR^ihItvA.atha brAhmaNA~nChrAvayet | medhAvI bhavet | varShashataM cha
jIvet | ShaDa~NgaM cha vedamavApnuyAt | tasmAdya imamitihAsaM paThan
pitR^ibhya udakA~njaliM dadyAt | apUpakUlA nadyaH sarpiShpAyasakardamA
upatiShTheran | tasmAdya imamitihAsaM paThan pitR^ibhyaH shrAddhaM
dadyAt | tadyathA sthUlayA gayAshrAddhaM kR^itaM bhavet | svadhA saha
pitRRINAm | evamasya pitRRINAmanantA tR^iptirbhavati | ya evaM veda |
so.ayamitihAsaH dhanyaH puNyaH putrIyaH pashavya AyuShyaH svargyaH |
sArvakAlikasarvabhayapramokShaNaH | nAdhibhyo bhayaM bhavati | na
chorebhyaH | na rakShobhyaH | nAdhvani pramIyate | nApsu pramIyate |
nAgnau pramIyate | nApsu na shastreNa vadhyate | nAnapatyaH pramIyate |
sAyaM prayu~njAno divasakR^itaM pApaM nAshayati | prAtaH prayu~njAno
rAtrikR^itaM pApaM nAshayati | sAyamprAtaH prayu~njAnaH pApo.apApo bhavati |
pApabhAjo hi shroRRINAmanasUyAvatAM pApA{\m+}shchApakrAmanti | ekashataM
chAnye sAdhava AgamAH | etAvatI paribhAShA | ata UrdhvaM vidyAt |

jihvA rasaM vijAnAti hR^idayaM vedayat priyam |
chakShurdiShTaH sAkShibhAgo manasA sAdhu pashyati ||
manasA vAchaM nayati chakShuShA mIyate jagat |
bhUtasya karNau shrotArAvannaM prANena sammitam ||
annaM prANo vR^iShAdarviH parjanyo dattavAnmahat |
agnishcha havyavAhanastadidaM gAva iddhaviH ||
vittaM bandhuH prajAtantuH karmarUpaM bR^ihatsakhA |
praj~nA pratiShThA tantUnAmiShTApUrte parAyaNam ||
satyaM vadantyanR^itamudvahanti kShIraM pibanti madhu te pibanti |
somaM pibanayamR^itena sArdhaM mR^ityoH parastAdamR^itA bhavanti ||
ye brAhmaNA brahmacharyaM charantyatho khalvAhurvedasammito.ayamitihAsaH ||
dharmaM charati nAdharmaM satyaM vadati nAnR^itam |
dIrghaM pashyati mA hrasvaM paraM pashyati mA.aparam ||
R^icho ha yo veda sa veda devAn yajUMShi yo veda sa veda yaj~nam |
sAmAni yo veda sa veda sarvaM yo mAnasaM veda sa veda brahma ||
yaH krauddhavyena kruddhastiShThati sau.ativAchaM cha dIkShayati |
yo.ativAchaM nayati sa vai sarvaM dvijaH khalu mAnasaM vedeti naH shrutam ||
tapo.avadhiH paramA brAhmaNasya shraddhA mAtA pitaraMsatyamAhuH |
yoga AtmA charaNamasya bandhurdamaH pratiShThA viduSho na bhUmim ||
duHkhaM janma jarA duHkhaM duHkhaM mR^ityuH punaH punaH |
saMsAramaNDalaM duHkhaM pachyante yatra jantavaH ||
yo brAhmaNaH pApakR^it mantrakR^ichcha sa jIvati |
brahmaNyo brahmakR^ichChashvat brahmaloke mahIyate ||
tR^iNAni hIchChanti kushatvameva vR^ikShA yUpatvaM pashavashcha gotvam |
sarvAH prajA brAhmaNatvaM narendra na brAhmaNatvAt paramasti ki~nchit ||
shatAhAvashatasharaH shatashakraR^ijIShiNAm |
shataM brahma tapasvinAM kUpo.araNyasya tiShThati ||
R^itenApihitA guhA shrutenApihitA guhA |
smR^itenApihitA guhA shamenApihitA guhA ||
damenApihitA guhA satyenApihitA guhA |
AtmanApihitA guhA brahmaNApihitA guhA ||
brahmannidhiM manasA vedayantaH pashyanto guhyamaparaM paraM cha |
anadhvagA adhvasu pArayiShNavaH brAhmaNAstu sadR^ishAH sUryeNa ||
yaH chChrAddhAni kurute.asa~NgatAni na devayAnena pathA sa yAti |
parimuktaM pippalaM bandhanAdiva svargAllokAchchyavate.ashrAddhamitraH ||

yo yaj~nasya prasAdhanaH tanturdeveShvAhutaH | tamAhutamashImahi |
nAvedavinmanutedaM bR^ihantam | sarvAnubhumAtmAna{\m+}samparAye | eSha
nityo mahimA brAhmaNasya | na karmaNA vardhate no kanIyAn | tasyaivAtmA
paravittaM viditvA | na karmaNA lipyate pApakena ||

agnihotraM balIvR^iddhAH kAle chAtithirAgataH |
bAlAshcha kulavR^iddhAshcha nirdahantyavamAnitAH ||
sambhojanI nAma pishAchabhikShA naiShA pitRRIn gachChati nota devAn |
ihaiva sA charati kShINapuNyA shAlAntare gauriva naShTavatsA ||
shUdrAyAM sR^ijate retaH shrAddhaM bhuktvA.atha yo dvijaH |
sa shUdrayonisa~nChinnaM retasA si~nchate pitRRin ||
yaH kAmamohitaH shUdryAM putramutpAdyate dvijaH |
yAvadutpAdyate bhUmau tAvattiShThet sudAruNe ||
ashrotriyaM brAhmaNaM bhojayAnasya ShoDasha shrAddhAni pitaro na bhu~njate |
tato nirAshAH pitaro bhavanti sendrAH sma devAH praharanti vajram ||
yAvataH khalu piNDAn sa prAshnanti haviSho nR^ichaH |
tAvataH shUlAn grasati prApya vaivasvataM yamam ||
Chindanti dAtR^ihastaM cha jihvAgramitarasya cha |
mantrapUtaM tu yachChrAddhamamantrAya prayachChati ||
niyuktastu yatiH shrAddhaM deve vA mAMsamutsR^ijet |
yAvanti pashuromANi tAvannarakamR^ichChati ||
yatheriNe bIjamuptaM narendra nAsya vaptA labhate bIjabhAgam |
evaM shrAddhamapratiShThitaM vinashyati ||
shrAddhaM dattvA cha bhuktvA cha sa~NgamaM na samAcharet |
pitarastasya tanmAsaM bhavante retabhojanAH ||
shrAddhaM dattvA cha bhuktvA cha sapa~NktiH sahabhojanam |
ShaNmAsAn pitaro.ashnanti karturuchChiShTabhojanam ||
shrAddhaM bhuktvA punaH shrAddhaM bhu~njIyAllobhamohitaH |
naShTaM bhavati tachChrAddhaM rauravaM narakaM vrajet ||
shrAddhaM dattvA cha bhuktvA cha bhAramudvahate dvijaH |
pitarastasya tanmAsaM bhavante bhArapIDitAH ||
shrAddhaM dattvA cha bhuktvA cha adhvAnaM yo.adhigachChati |
pitarastasya tanmAsaM bhavante pAMsubhojanAH ||
anagnikasya vedo.agnirvedahIno.apyanagnikaH |
sAgniko.apyanadhItaH syAt sa eSho.anagnikaH smR^itaH ||
strIshUdrabAlishAdimya uchChiShTaM na pradApayet |
yadi dadyAt pramAdena na tadgachChati tAn pitRRIn ||
AhitAgniH sadA pAtraM sadA pAtraM tu vedavit |
pAtrANAmuttamaM pAtraM shUdrAnnaM yasya nodare ||
punarbhojanamadhvAnaM bhArAdhyayanasa~Ngamam |
dAnaM pratigrahaM homaM shrAddhabhukchAShTa varjayet ||
dantadhAvanatAmbUlaM nakhakeshanikR^intanam |
kartA chaiva tu pUrvedyurbhoktA chaiva pare.ahani ||
dantadhAvanatAmbUlaM kShaurAbhya~Nganabhojanam |
ratyauShadhaparAnnaM cha shrAddhakartA vivarjayet ||
shrAddhakartA parashrAddhaM yastu bhu~njIta lolupaH |
naShTaM bhavati tachChrAddhaM rauravaM narakaM vrajet ||
nimantrite.adhvAnagate punarbhuktvA tu vAyasam |
karoti karma yat gR^idhraH grAmasUkarasa~NgamAt ||
pratigraheShu dAridryaM dAnaM niShphalameva cha |
home tu kuShTharogI syAt svAdhyAyairmR^ityumApnuyAt ||
yasyAnR^ichastu bhu~Nkte tasya viddhi brahmaiva vittaM puruShasya kevalam |
dharmaH svadhAyAM charate dadAti cha satyaM rasaH svAdutamo rasAnAm |
satyaM shraiShThyaM vyAhR^itInAM tathaiva praj~nAnaM saptamaM jIvanAnAm ||
brAhmaNAtikramo nAsti mUrkho mantraM vivarjayet |
jvalantamagnimutsR^ijya na hi bhasmani hUyate ||
yaH shataM cha sahasrANAM sahasraM shrAddha Acharet |
ekasmAnmantravit pUtaH sarvamarhati brAhmaNaH ||
brAhmaNAnAM sahasreShu bhuktvA tu nava sapta cha |
bhavanti j~nAyike bhUtvA dhyAyike cha na saMshayet ||
kukShau tiShThati yasyAnnaM vedAbhyAsena jIryate |
kulaM tArayate teShAM dashapUrvA dashAparAm ||

brAhmaNo dvipadAM varaH | chatuShpadAM gauruttamA | lohAnAM kA~nchanaM
varam | tileShu tailaM dadhinIva sarpiH | yadApassrotassaraNyorivAgniH |
evamAtmAtmani jAyate ||

satyenainaM manasA sAdhu pashyati satyenainaM manasA vAchaM nayati ||
prA~NmukhAshcha surA havyaM pitarashchApyuda~NmukhAH |
pratigR^ihNanti sambAdhamagninA brAhmaNena cha ||
vedAdhyAyIti yo vipraH satataM brAhmaNaH sthitaH |
sAchAraH sAgnihotrI cha so.agnirvai kavyavAhanaH ||
vikiraM prakiraM dadyAdvikiraM ha vai prakiraM bhu~njIta |
tR^iptirUpANi darshayan ||
parishrite tveva dadyAdaddhlIkA hi pitaraH smR^itAH |
kravyAdAH pitarassarve tilajyotirghR^itapriyAH ||
deshakAlapAtramantrAShTashauchepsAH kR^iShNapakShakShayotsavAH ||
uchChiShTaM shivanirmAlyaM vamanaM mR^itakarpaTam |
shrAddhe sapta pavitrANi dauhitraH kutapastilAH ||
trINi shrAddhe pavitrANi dauhitraH kutapastilAH |
trINi chAtra prashaMsanti shauchamakrodhamatsarAH ||
divasasyAShTame bhAge yadA mandAyate raviH |
sa kAlaH kutapo nAma pitRRINAM dattamakShayam ||
Arabhya kutape shrAddhaM kuryAdArohaNaM budhaH |
vidhij~nA vidhimAsthAya rohiNIM naiva la~Nghayet ||
rauhiNIM la~Nghayedyastu j~nAnAdaj~nAnato.api vA |
AsuraM tadbhavechChrAddhaM pitRRINAM nopatiShThate ||
yAtudhAnAshcha rakShAMsi pishAchA asurAstathA |
ete haranti vai shrAddhaM daivaM yatra nivartayet ||
rAkShasaM bhavati shrAddhaM daivaM yatra nivartayet |
tatra rakShAMsi paishAchA na cha vidveShTi yo janaH ||
puro devAH prapadyante pashchAddaivaM visarjayet |
pakShaistu kukkuTo hanti nikarSheNa tu sUkara |
AgataM gatayA shvAnaM chakShuShA vR^iShaLIpatiH ||
yasya deshaM na jAnAti nAmagotre tripUruSham |
kanyAdAnaM pitR^ishrAddhaM namaskAraM cha varjayet ||
yasya vedashcha vedI cha vichChidyete tripUruSham |
sa vai durbrAhmaNo nAma sarvakarmabahiShkR^itaH ||
aShTavarShA bhavet kanyA navavarShA tu rohiNI |
dashavarShA bhavet gaurI hyata UrdhvaM rajasvalA ||
pitR^igeheShu yA kanyA rajaH pashyatyasaMskR^itA |
sA kanyA vR^iShaLI nAma tatpatirvR^iShaLIpatiH ||
vR^iShaLIpatibhuktAni shrAddhAni cha havIMShi cha |
pitaro na pratigR^ihNanti dAtA svargaM na gachChati ||
mahiShItyuchyate bhAryA bhagenopArjitaM dhanam |
taddravyamupajIvan yaH sa vai mAhiShikaH smR^itaH ||
samarghaM dhanamuddhR^itya mahArghaM yaH prayachChati |
sa vai vArdhuShiko nAma brahmavAdiShu garhitaH ||
agre mAhiShikaM dR^iShTvA madhye tu vR^iShaLIpatim |
ante vArdhuShikaM dR^iShTvA nirAshAH pitaro gatAH
shvitrI kuShThI tathA chaiva kunakhI shyAvadantakaH |
rogI hInAtiritA~NgaH kANaH pa~NguH punarbhavaH ||
avakIrNI kuNDagoLAvAyudhI paradAragaH |
bhR^itakAdhyApakaH klIbaH kanyAdUShyabhishastakaH ||
mitradhruk pishunashchaiva vikrayI vedanindakaH |
mAtApitR^igurutyAgI kuNDAshI vR^iShaLAtmajaH ||
parapUrvAparastena shUdrajaH shrAddhakarmaNi |
rajasstrIsa~NgamI chaiva paropadravakAriNaH ||
devabrAhmaNaghAtI cha teShAM dravyApahAriNaH |
ete guNA na vaktavyAH shrAddhakarmabahiShkR^itAH ||
bhrAtanvA bhojayechChrAddhaM putraM vA.api guNAnvitam |
AtmA cha vA.api bhu~njIta na vipraM vedavarjitam ||
tebhyaH shrAddhaM tu dattaM chettachChrAddhaM niShphalaM bhavet |
nirAshAH pitarastasya yAnti devAH saharShibhiH ||
madamohena yaH shUdryAM putramutpAdyate dvijaH |
yAvattiShThet sa vai bhUmau tAvattiShThet sudAruNe ||
kShIraM vA dadhi vA tailaM takramAjyaM madhUni cha |
eteShAM vikrayI vipro rauravaM narakaM vrajet ||
yAvaduShNaM bhavatyannaM tAvadbhu~njIta vAgyataH |
pitarastAvadashnanti yAvannoktA havirguNAH ||
havirguNA na vaktavyAH pitaro yAvadarpitAH |
tR^iptaistu pitR^ipibhiH pashchAdvaktavyaM shobhanaM haviH ||
ya imAM devImiha veda sarvaM
sarveShu bhUteShu pratiShThitAnAm |
satI nainaM pashyanti hR^idayaM na shokAH
na putradArAH pashuchodamAhitam ||
apAM rasau madhunassarpiShashcha kShIrasya chAnnasya cha saMsthitasya |
ete rasAnAM sarasena shrAddhaM prApnuvanti vAgyatAnAM saMyutAnAm ||
udehi sUryaM varaM vR^iNIShveti rAjovAcha pa~nchemAni ratnAni
gaurme.ajasraM duhyati | havirme.ajasraM vilR^ihati | tviShirme.ajasraM
pinaShTi | ratho me sarvAn samudrAn saMyAti | AdityavarNe ime
maNikuNDale iti | atho hyevamevaiShAmekaM vR^iNIShveti | brAhmaNa
uvAcha | yAvatsampR^ichChasIti bhAryAM samapR^ichChat | havirgR^ihANeti
bhAryovAcha | putraM samapR^ichChat | rathaM gR^ihANeti putra uvAcha |
kanyAM samapR^ichChat | maNikuNDale iti kanyovAcha | dAsIM samapR^ichChat |
dR^iShadaM gR^ihANeti dAsyuvAcha | anupetyovAcha havirbhAryA rathaM
putraH kanyA maNikuNDale drAsI dR^iShadamichChati 
gAmahaM shibisaptame iti | sarvANyevamevainaM dadAmIti hovAcha
vR^igadarvistadidamitihAso brahmAdityaH purogAya | purogaH kAshyapAya |
kAshyapo bharadvAjAya | bharadvAjaH bahubhiH anekamahArAjAya |
tataH prachya\.\.\.\.  \.\.\. dhanapaterdvijaH brAhmaNakule
jAtasma\.\.\.\.\.\. bhavati ||

saptajanmakR^itAtpApAnmuchyate yastu parvabhiH |
kanyAgate yadA sUrye tiShThanti pitaro gR^ihe ||
dine dine gayAtulyaM bharaNyAM gayapa~nchake |
dashatulyaM vyatIpAte pakShamadhye tu viMshatiH ||
dvAdashyAM shatamityAhuramAvAsyAM sahasrakam |
AshvayukChuklapakShasya dvitIyAmayutaM phalam ||
annena vA.athavA yena shAkamUlaphalena vA |
tasmAt sarvaprayatnena kuryAchChrAddhaM mahAlayam ||
shUnyA pretapurI tatra yAvadvR^ishchikadarshanAt |
vR^ishchikA darshanaM yAnti nirAshAH pitaro gatAH ||
tataH svabhavanaM yAnti shApaM datvA sudAruNam |
ahovannavAchyamiti kechit pitaro vadanti ||
aputrAshchaivApashavo loke santi cha ninditAH |
raurave narake ghore yAvadAbhUtasamplavAt ||
eShTavyA bahavaH putrA yadyeko.api gayAM vrajet |
yajeta vA.ashvamedhaM vA lIlaM vA vR^iShamutsR^ijet ||
shvetaH khuraviShANAbhyAM mukhe puchChe cha pANDuram |
rohito yastu varNena sa lIlo vR^iSha uchyate ||
gaurIM vA varayet kanyA charedvA shravaNe\.\.\.\ nti japati ||

atha saMhitAyAM phalamavApnotItyAha bhagavAn brahmA | aShTau brAhmaNAn
samyak grAhayenmedhAvI bhavet | varShashataM cha jIvet | ShaDa~NgaM cha
vedamavApnuyAt ||

vR^iddho vasUni purovAcha putrebhyaH paramaM nidhim |
etadvo dhanamAryANAM mantrAshchaiva vratAni cha ||
namo namashcha mantrAshcha vratAni cha namo namaH |
etat sakalaM brahmapraNavastutiH kANvashAkhe pArayeti ||

iti itihAsopaniShat sampUrNA |

shrAddhakAle vishSheNa pitRRINAM dattamakShayam |
manojava AyamAnoAyA \.\.\.\. taratparam ||
divaM suparNaM gatvAyA somaM va \.\.\.\. mahat |
suparNo.asi garutmAn divaM gacCha suvaH pata ||
yastilajyotistriMshat vR^iShAdarvisuvaH pata ||

##
Proofread by Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}