% Text title            : kaalaagnirudropanishhat
% File name             : kaalaagni.itx
% Category              : upanishhat
% Location              : doc\_upanishhat
% Transliterated by     : Roopa and Shrirang Nene (roopashri at hotmail.com)
% Proofread by          : roopashri at hotmail.com
% Latest update         : September 26, 1999
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. kAlAgnirudropaniShat 30 ..}##
\itxtitle{.. kAlAgnirudropaniShat 30 ..}##\endtitles ##
brahmaj~nAnopAyatayA yadvibhUtiH prakIrtitA |
tamahaM kAlAgnirudraM bhajatAM svAtmadaM bhaje ||

OM saha nAvavatu saha nau bhunaktu
sahavIryaM karavAvahai
tejasvinAvadhItamastu
mA vidviShAvahai
OM shAntiH shAntiH shAntiH ||

OM atha kAlAgnirudropaniShadaH
sa.nvartako.agnirR^iShiranuShTup.hChandaH
shrIkAlAgnirudro devatA
shrIkAlAgnirudraprItyarthe
bhasmatripuNDradhAraNe viniyogaH ||
atha kAlAgnirudraM bhagavantaM sanatkumAraH paprachCha
adhIhi bhagava.nstripuNDravidhiM satattvaM
kiM dravyaM kiyatsthAnaM katipramANaM kA rekhA
ke mantrAH kA shaktiH kiM daivataM
kaH kartA kiM phalamiti cha |
taM hovAcha bhagavAnkAlAgnirudraH
yaddravyaM tadAgneyaM bhasma
sadyojAtAdipa~nchabrahmamantraiH
parigR^ihyAgniriti bhasma vAyuriti bhasma jalamiti bhasma
sthalamiti bhasma vyometi bhasmetyanenAbhimantrya
mAnastoka iti samuddhR^itya
mA no mahAntamiti jalena saMsR^ijya
triyAyuShamiti shirolalATavakShaHskandheShu
triyAyuShaistryambakaistrishaktibhistiryaktisro
rekhAH prakurvIta vratametachChAmbhavaM
sarveShu deveShu vedavAdibhiruktaM
bhavati tasmAttatsamAcharenmumukShurna punarbhavAya ||
atha sanatkumAraH paprachCha pramANamasya
tripuNDradhAraNasya tridhA rekhA
bhavatyAlalATAdAchakShuShorAmUrdhnorAbhruvormadhyatashcha
yAsya prathamA rekhA sA gArhapatyashchAkAro
rajobhUrlokaH svAtmA kriyAshaktirR^igvedaH
prAtaHsavanaM maheshvaro devateti yAsya dvitIyA rekhA
sA dakShiNAgnirukAraH satvamantarikShamantarAtmA\-
chechChAshaktiryajurvedo mAdhya.ndinaM savanaM
sadAshivo devateti yAsya tR^itIyA rekhA sAhavanIyo makArastamo
dyaurlokaH paramAtmA j~nAnashaktiH sAmavedastR^itIyasavanaM
mahAdevo devateti evaM tripuNDravidhiM bhasmanA karoti
yo vidvAnbrahmachArI gR^ihI vAnaprastho yatirvA
sa mahApAtakopapAtakebhyaH pUto bhavati
sa sarveShu tIrtheShu snAto bhavati
sa sarvAnvedAnadhIto bhavati
sa sarvAndevA~nj~nAto bhavati
sa satataM sakalarudramantrajApI bhavati
sa sakalabhogAnbhu~Nkte dehaM tyaktvA shivasAyujyameti na
sa punarAvartate na sa punarAvartata
ityAha bhagavAnkAlAgnirudraH ||
yastvetadvAdhIte so.apyevameva bhavatItyoM satyamityupaniShat || 30 ||

OM saha nAvavatu saha nau bhunaktu
sahavIryaM karavAvahai
tejasvinAvadhItamastu
mA vidviShAvahai
OM shAntiH shAntiH shAntiH ||

iti kAlAgnirudropaniShatsamAptA ||
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}