% Text title            : Kaivalya Upanishad
% File name             : kaivalya.itx
% Category              : upanishhat, shiva
% Location              : doc\_upanishhat
% Author                : traditional
% Transliterated by     : Sunder Hattangadi
% Proofread by          : Sunder Hattangadi
% Translated by         : -
% Description-comments  : Krishna-Yajur-veda - Shaiva upanishad -   12
% Latest update         : May 3, 2003, July 25, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kaivalya Upanishad ..}##
\itxtitle{.. kaivalyopaniShat ..}##\endtitles ##
kaivalyopaniShadvedya.n kaivalyAnandatundilam |
kaivalyagirijArAma.n svamAtra.n kalaye.anvaham ||
OM sahanAvavatu | saha nau bhunaktu | saha vIrya.n karavAvahai |
tejasvinAvadhItamastu | mA vidviShAvahai ||
OM shAntiH shAntiH shAntiH ||
OM athAshvalAyano bhagavantaM parameShThinamupasametyovAcha |
adhIhi bhagavanbrahmavidyAM variShThAM sadA sadbhiH sevyamAnAM nigUDhAm |
yayA.achirAtsarvapApaM vyapohya parAtparaM puruShaM yAti vidvAn || 1|| (yathA.achirAt)

tasmai sa hovAcha pitAmahashcha shraddhAbhaktidhyAnayogAdavaihi || 2||
na karmaNA na prajayA dhanena tyAgenaike amR^itatvamAnashuH |
pareNa nAkaM nihitaM guhAyAM vibhrAjate yadyatayo vishanti || 3||
vedAntavij~nAnasunishrchitArthAH sa.nnyAsayogAdyatayaH shuddhasattvAH |
te brahmalokeShu parAntakAle parAmR^itAH parimuchyanti sarve || 4||
viviktadeshe cha sukhAsanasthaH shuchiH samagrIvashiraHsharIraH |
atyAshramasthaH sakalendriyANi nirudhya bhaktyA svaguruM praNamya || 5|| (antyAshramasthaH)

hR^itpuNDarIkaM virajaM vishuddhaM vichintya madhye vishadaM vishokam |
achintyamavyaktamanantarUpaM shivaM prashAntamamR^itaM brahmayonim || 6||
tamAdimadhyAntavihInamekaM vibhuM chidAnandamarUpamadbhutam | ##var ##tathAdi
umAsahAyaM parameshvaraM prabhuM trilochanaM nIlakaNThaM prashAntam |
dhyAtvA munirgachChati bhUtayoniM samastasAkShiM tamasaH parastAt || 7||
sa brahmA sa shivaH sendraH so.akSharaH paramaH svarAT |
sa eva viShNuH sa prANaH sa kAlo.agniH sa chandramAH || 8||
sa eva sarvaM yadbhUtaM yachcha bhavyaM sanAtanam |
j~nAtvA taM mR^ityumatyeti nAnyaH panthA vimuktaye || 9||
sarvabhUtasthamAtmAnaM sarvabhUtAni chAtmani |
sampashyanbrahma paramaM yAti nAnyena hetunA || 10||
AtmAnamaraNiM kR^itvA praNavaM chottarAraNim |
j~nAnanirmathanAbhyAsAtpApaM dahati paNDitaH || 11|| ##var ##pAshaM
sa eva mAyAparimohitAtmA sharIramAsthAya karoti sarvam |
stryannapAnAdivichitrabhogaiH sa eva jAgratparitR^iptimeti || 12||
svapne sa jIvaH sukhaduHkhabhoktA svamAyayA kalpitajIvaloke |
suShuptikAle sakale vilIne tamo.abhibhUtaH sukharUpameti || 13||
punashcha janmAntarakarmayogAtsa eva jIvaH svapiti prabuddhaH |
puratraye krIDati yashcha jIvastatastu jAtaM sakalaM vichitram |
AdhAramAnandamakhaNDabodhaM yasmi.NllayaM yAti puratrayaM cha || 14||
etasmAjjAyate prANo manaH sarvendriyANi cha |
khaM vAyurjyotirApashcha pR^ithvI vishvasya dhAriNI || 15||
yatparaM brahma sarvAtmA vishvasyAyatanaM mahat |
sUkShmAtsUkShmataraM nityaM tattvameva tvameva tat || 16||
jAgratsvapnasuShuptyAdiprapa~nchaM yatprakAshate |
tadbrahmAhamiti j~nAtvA sarvabandhaiH pramuchyate || 17||
triShu dhAmasu yadbhogyaM bhoktA bhogashcha yadbhavet |
tebhyo vilakShaNaH sAkShI chinmAtro.ahaM sadAshivaH || 18||
mayyeva sakalaM jAtaM mayi sarvaM pratiShThitam |
mayi sarvaM layaM yAti tad.hbrahmAdvayamasmyaham || 19||
|| prathamaH khaNDaH || 1||
aNoraNIyAnahameva tadvanmahAnahaM vishvamahaM vichitram |
purAtano.ahaM puruSho.ahamIsho hiraNmayo.ahaM shivarUpamasmi || 20||
apANipAdo.ahamachintyashaktiH pashyAmyachakShuH sa shR^iNomyakarNaH |
ahaM vijAnAmi viviktarUpo na chAsti vettA mama chitsadA.aham || 21
vedairanekairahameva vedyo vedAntakR^idvedavideva chAham |
na puNyapApe mama nAsti nAsho na janma dehendriyabuddhirasti || 22||
na bhUmirApo na cha vahnirasti na chAnilo me.asti na chAmbaraM cha |
evaM viditvA paramAtmarUpaM guhAshayaM niShkalamadvitIyam || 23
samastasAkShiM sadasadvihInaM prayAti shuddhaM paramAtmarUpam ||
yaH shatarudriyamadhIte so.agnipUto bhavati surApAnAtpUto bhavati
sa brahmahatyAyAH pUto bhavati sa suvarNasteyAtpUto bhavati
sa kR^ityAkR^ityAtpUto bhavati tasmAdavimuktamAshrito
bhavatyatyAshramI sarvadA sakR^idvA japet ||
anena j~nAnamApnoti sa.nsArArNavanAshanam | tasmAdevaM
viditvainaM kaivalyaM padamashnute kaivalyaM padamashnuta iti || 24||
dvitIyaH khaNDaH || 2||

OM sahanAvavatu | saha nau bhunaktu | saha vIrya.n karavAvahai |
tejasvinAvadhItamastu | mA vidviShAvahai ||

OM shAntiH shAntiH shAntiH ||

ityatharvavedIyA kaivalyopaniShatsamAptA ||

##
Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}