% Text title : Katharudra Upanishad % File name : katharudra.itx % Category : upanishhat, shiva % Location : doc\_upanishhat % Author : Vedic tradition % Transliterated by : Sunder Hattangadi % Proofread by : Sunder Hattangadi % Description-comments : 83 / 108; Krishna Yajurveda - Sanyasa upanishad % Latest update : August 14, 2000 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Katharudra Upanishad ..}## \itxtitle{.. kaTharudropaniShat ..}##\endtitles ## parivrajyAdharmapUgAla.nkArA yatpada.n yayuH . tadaha.n kaThavidyArtha.n rAmachandrapadaM bhaje .. AUM sahanAvavatu saha nau bhunaktu saha vIrya.n karavAvahai .. tejasvinAvadhItamastu mA vidviShAvahai .. AUM shAntiH shAntiH shAntiH .. hariH AUM .. devA ha vai bhagavantamabruvannadhIhi bhagavanbrahmavidyAm.h . sa prajApatirabravItsashikhAnkeshAnniShkR^itya visR^ijya yaj~nopavIta.n niShkR^itya putra.n dR^iShTvA tvaM brahmA tva.n yaj~nastva.n vaShaTkAra\- stvamo~NkArastva.n svAhA tva.n svadhA tva.n dhAtA tva.n vidhAtA tvaM pratiShThA.asIti vadet.h . atha putro vadatyahaM brahmAha.n yaj~no.aha.n vaShaTkAro.ahamo.nkAro.aha.n svAhAha.n svadhAha.n dhAtAha.n vidhAtAha.n tvaShTAhaM pratiShThAsmIti . tAnyetAnyanuvrajannAshrumApAtayet.h . yadashrumApAtayetprajA.n vichChindyAt.h . pradakShiNamAvR^ittyaitachchaitachchAnavekShamANAH pratyAyanti . sa svargyo bhavati brahmachArI vedamadhItya vedoktAcharitabrahmacharyo dArAnAhR^itya putrAnutpAdya tAnanupAdibhirvitatyeShTvA cha shaktito yaj~naiH . tasya sa.nnyAso gurubhiranuj~nAtasya bAndhavaishcha . so.araNyaM paretya dvAdasharAtraM payasAgnihotra.n juhuyAt.h . dvAdasharAtraM payobhakShA syAt.h . dvAdasharAtrasyAnte agnaye vaishvAnarAya prajApataye cha prAjApatya.n charu.n vaiShNava.n trikapAlamagni.n sa.nsthitAni pUrvANi dArupAtrANyAgnau juhuyAt.h . mR^iNmayAnyapsu juhuyAt.h . taijasAni gurave dadyAt.h . mA tvaM mAmapahAya parAgAH . nAha.n tvAmapahAya parAgAmiti . gArhapatyadakShiNAgnyAhavanIyeShvaraNideshAdbhasmamuShTiM pibedityeke . sashikhAnkeshAnniShkR^itya visR^ijya yaj~nopavItaM bhUHsvAhetyapsu juhuyAt.h . ata UrdhvamanashanamapAM pravesha\- magnipravesha.n vIrAdhvAnaM mahAprasthAna.n vR^iddhAshrama.n vA gachChet.h . payasA yaM prAshnIyAtso.asya sAya.nhomaH . yatprAtaH so.ayaM prAtaH . yaddarshe taddarshanam.h . yatpaurNamAsye tatpaurNamAsyam.h . yadvasante keshashmashrulomanakhAni vApayetso.asyAgniShTomaH . sa.nnyasyAgni.n na punarAvartayenmR^ityurjayamAvahamityadhyAtma\- mantrAnpaThet.h . svasti sarvajIvebhya ityuktvAtmAnamananya.n dhyAyan tadUrdhvabAhurvimuktamArgo bhavet.h . aniketashcharet.h . bhikShAshI yatki.nchinnAdyAt.h . lavaika.n na dhAvayejjantusa.nrakShaNArtha.n varShavarjamiti . tadapi shlokA bhavanti . kuNDikA.n chamasa.n shikya.n triviShTamupAnahau . shItopaghAtinI.n kanthA.n kaupInAchChAdana.n tathA .. 1.. pavitra.n j~nAnashATI.n cha uttarAsa~Ngameva cha . yaj~nopavIta.n vedA.nshcha sarva.n tadvarjayedyatiH .. 2.. snAnaM pAna.n tathA shauchamadbhiH pUtAbhirAcharet.h . nadIpulinashAyI syAddevAgAreShu vA svapet.h .. 3.. nAtyartha.n sukhaduHkhAbhyA.n sharIramupatAyet.h . stUyamAno na tuSheta nindito na shapetparAn.h .. 4.. brahmacharyeNa sa.ntiShThedapramAdena maskarI . darshana.n sparshana.n keliH kIrtana.n guhyabhAShaNam.h .. 5.. sa.nkalpo.adhyavasAyashcha kriyAnnirvR^ittireva cha . etanmaithunamaShTA~NgaM pravadanti manIShiNaH .. 6.. viparItaM brahmacharyamanuShTheyaM mumukShubhiH . yajjagadbhAsakaM bhAna.n nityaM bhAti svataH sphurat.h .. 7.. sa eva jagataH sAkShI sarvAtmA vimalAkR^itiH . pratiShThA sarvabhUtAnAM praj~nAnaghanalakShaNaH .. 8.. na karmaNA na prajayA na chAnyenApi kechit.h . brahmavedanamAtreNa brahmApnotyeva mAnavaH .. 9.. tadvidyA viShayaM brahma satyaj~nAnasukhAdvayam.h . sa.nsAre cha guhAvAchye mAyAj~nAnAdisa.nj~nake .. 10.. nihitaM brahma yo veda parame vyomni sa.nj~nite . so.ashnute sakalAnkAmAnkrameNaiva dvijottamaH .. 11.. pratyagAtmAnamaj~nAnamAyAshakteshcha sAkShiNam.h . ekaM brahmAhamasmIti brahmaiva bhavati svayam.h .. 12.. brahmabhUtAtmanastasmAdetasmAchChktimishritAt.h . apa~nchIkR^ita AkAshasaMbhUto rajjusarpavat.h .. 13.. AkAshAdvAyusa.nj~nastu sparsho.apa~nchIkR^itaH punaH . vAyoragnistathA chAgnerApa adbhyo vasundharA .. 14.. tAni bhUtAni sUkShmANi pa~nchIkR^ityeshvarastadA . tebhya eva visR^iShTa.n tadbrahmANDAdi shivena ha .. 15.. brahmANDasyodare devA dAnavA yakShakinnarAH . manuShyAH pashupakShyAdyAstattatkarmAnusArataH .. 16.. asthisnAyvAdirUpo.aya.n sharIraM bhAti dehinAm.h . yo.ayamannamayo hyAtmA bhAti sarvasharIriNaH .. 17.. tataH prANamayo hyAtmA vibhinnashchAntaraH sthitaH . tato vij~nAna AtmA tu tato.anyashchAntaraH svataH .. 18.. Anandamaya AtmA tu tato.anyashchAntarasthitaH . yo.ayamannamayaH so.ayaM pUrNaH prANamayena tu .. 19.. manomayena prANo.api tathA pUrNaH svabhAvataH . tathA manomayo hyAtmA pUrNo j~nAnamayena tu .. 20.. Anandena sadA pUrNaH sadA j~nAnamayaH sukham.h . tathAnandamayashchApi brahmaNo.anyena sAkShiNA .. 21.. sarvAntareNa pUrNashcha brahma nAnyena kenachit.h . yadidaM brahmapuchChAkhya.n satyaj~nAnadvayAtmakam.h .. 22.. sArameva rasa.n labdhvA sAkShAddehI sanAtanam.h . sukhI bhavati sarvatra anyathA sukhatA kutaH .. 23.. asatyasminparAnande svAtmabhUte.akhilAtmanAm.h . ko jIvati naro jantuH ko vA nitya.n vicheShTate .. 24.. tasmAtsarvAtmanA chitte bhAsamAno hyasau naraH . Anandayati duHkhADhya.n jIvAtmAna.n sadA janaH .. 25.. yadA hyevaiSha etasminnadR^ishyatvAdilakShaNe . nirbhedaM paramAdvaita.n vindate cha mahAyatiH .. 26.. tadevAbhayamatyantakalyANaM paramAmR^itam.h . sadrUpaM paramaM brahma triparichChedavarjitam.h .. 27.. yadA hyevaiSha etasminnalpamapyantara.n naraH . vijAnAti tadA tasya bhaya.n syAnnAtra sa.nshayaH .. 28.. asyaivAnandakoshena stambAntA viShNupUrvakAH . bhavanti sukhino nitya.n tAratamyakrameNa tu .. 29.. tattatpadaviraktasya shrotriyasya prasAdinaH . svarUpabhUta AnandaH svayaM bhAti pare yathA .. 30.. nimitta.n ki.nchidAshritya khalu shabdaH pravartate . yato vAcho nivartante nimittAnAmabhavataH .. 31.. nirvisheShe parAnande katha.n shabdaH pravartate . tasmAdetanmanaH sUkShma.n vyAvR^ita.n sarvagocharam.h .. 32.. yasmAchChrotratvagakShyAdikhAdikarmendriyANi cha . vyAvR^ittAni paraM prAptu.n na samarthAni tAni tu .. 33.. tadbrahmAnandamadvandva.n nirguNa.n satyachidghanam.h . viditvA svAtmarUpeNa na bibheti kutashchana .. 34.. eva.n yastu vijAnAti svagurorupadeshataH . sa sAdhvAsAdhukarmabhyA.n sadA na tapati prabhuH .. 35.. tApyatApakarUpeNa vibhAtamakhila.n jagat.h . pratyagAtmatayA bhAti j~nAnAdvedAntavAkyajAt.h .. 36.. shuddhamIshvarachaitanya.n jIvachaitanyameva cha . pramAtA cha pramANa.n cha prameya.n cha phala.n tathA .. 37.. iti saptavidhaM proktaM bhidyate vyavahArataH . mAyopAdhivinirmukta.n shuddhamityabhidhIyate .. 38.. mAyAsaMbandhatashchesho jIvo.avidyAvashastathA . antaHkaraNasaMbandhAtpramAtetyabhidhIyate .. 39.. tathA tadvR^ittisaMbandhAtpramANamiti kathyate . aj~nAtamapi chaitanyaM prameyamiti kathyate .. 40.. tathA j~nAta.n cha chaitanyaM phalamityabhidhIyate . sarvopAdhivinirmukta.n svAtmAnaM bhAvayetsudhIH .. 41.. eva.n yo veda tattvena brahmabhUyAya kalpate . sarvavedAntasiddhAntasAra.n vachmi yathArthataH .. 42.. svayaM mR^itvA svayaM bhUtvA svayamevAvashiShyate .. ityupaniShat.h .. AUM sahanAvavatu saha nau bhunaktu saha vIrya.n karavAvahai .. tejasvinAvadhItamastu mA vidviShAvahai .. AUM shAntiH shAntiH shAntiH .. hariH AUM tatsat.h .. iti kaTharudropaniShatsamAptA .. ## Encoded by Sunder Hattangadi \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}