% Text title            : Kshurika Upanishad
% File name             : kshurika.itx
% Category              : upanishhat
% Location              : doc\_upanishhat
% Author                : Vedic Rishis
% Transliterated by     : Sunder Hattangadi
% Proofread by          : Sunder Hattangadi
% Description-comments  :  31/108; Krishna Yajurveda Ypga Upanishad
% Latest update         : Jan. 8, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kshurika Upanishad ..}##
\itxtitle{.. kShurikopaniShat ..}##\endtitles ##

kaivalyanADIkAntasthaparAbhUminivAsinam.h .
kShurikopaniShadyogabhAsura.n rAmamAshraye ..
AUM sahanAvavatu .. saha nau bhunaktu .. saha vIrya.n karavAvahai ..
tejasvinAvadhItamastu mA vidviShAvahai ..
AUM shAntiH shAntiH shAntiH ..
AUM kShurikA.n sampravakShyAmi dhAraNA.n yogasiddhaye .
yaM prApya na punarjanma yogayuktasya jAyate .. 1..
vedatattvArthavihita.n yathokta.n hi svayaMbhuvA .
niHshabda.n deshamAsthAya tatrAsanamavasthitaH .. 2..
kUrmo.a~NgAnIva sa.nhR^itya mano hR^idi nirudhya cha .
mAtrAdvAdashayogena praNavena shanaiH shanaiH .. 3..
pUrayetsarvamAtmAna.n sarvadvAra.n nirudhya cha .
uromukhakaTigrIva.n ki~nchidbhUdayamunnatam.h .. 4..
prANAnsandhArayettasminAsAbhyantarachAriNaH .
bhUtvA tatra gataH prANaH shanairatha samutsR^ijet.h .. 5..
sthiramAtrAdR^iDha.n kR^itvA a~NguShThena samAhitaH .
dve gulphe tu prakurvIta ja~Nghe chaiva trayastrayaH .. 6..
dve jAnunI tathorubhyA.n gude shishne trayastrayaH .
vAyorAyatana.n chAtra nAbhideshe samAshrayet.h .. 7..
tatra nADI suShumnA tu nADIbhirbahubhirvR^itA ..
aNu raktashcha pItAshcha kR^iShNAstAmrA vilohitAH .. 8..
atisUkShmA.n cha tanvI.n cha shuklA.n nADI.n samAshrayet.h .
tatra sa.nchArayetprANAnUrNanAbhIva tantunA .. 9..
tato raktotpalAbhAsaM puruShAyatanaM mahat.h
daharaM puNDarIka.n tadvedAnteShu nigadyate .. 10..
tadbhittvA kaNThamAyAti tA.n nADIM pUrayanyataH .
manasastu kShura.n gR^ihya sutIkShNaM buddhinirmalam.h .. 11..
pAdasyopari yanmadhye tadrUpa.n nAma kR^intayet.h .
manodvAreNa tIkShNena yogamAshritya nityashaH .. 12..
indravajra iti prokta.n marmaja~NghAnukIrtanam.h .
taddhyAnabalayogena dhAraNAbhirnikR^intayet.h .. 13..
Urvormadhye tu sa.nsthApya marmaprANavimochanam.h .
chaturabhyAsayogena Chindedanabhisha~NkitaH ..14..
tataH kaNThAntare yogI samUhannADisa~nchayam.h .
ekottara.n nADishata.n tAsAM madhye varAH smR^itAH .. 15..
suShumnA tu pare lInA virajA brahmarUpiNI .
iDA tiShThati vAmena pi~NgalA dakShiNena cha .. 16..
tayormadhye vara.n sthAna.n yasta.n veda sa vedavit.h .
dvAsaptatisahasrANi pratinADIShu taitilam.h .. 17..
Chidyate dhyAnayogena suShumnaikA na Chidyate .
yoganirmaladhAreNa kShureNAnalavarchasA .. 18..
ChindennADIshata.n dhIraH prabhAvAdiha janmani .
jAtIpuShpasamAyogairyathA vAsyati taitilam.h .. 19..
eva.n shubhAshubhairbhAvaiH sA nADIti vibhAvayet.h .
tadbhAvitAH prapadyante punarjanmavivarjitAH .. 20..
tapovijitachittastu niHshabda.n deshamAsthitaH .
niHsa~Ngatattvayogaj~no nirapekShaH shanaiH shanaiH .. 21..
pAsha.n ChittvA yathA ha.nso nirvisha~Nka.n khamutkramet.h .
ChinnapAshastathA jIvaH sa.nsAra.n tarate sadA .. 22..
yathA nirvANakAle tu dIpo dagdhvA laya.n vrajet.h .
tathA sarvANi karmANi yogI dagdhvA laya.n vrajet.h .. 23..
prANAyAmasutIkShNena mAtrAdhAreNa yogavit.h .
vairAgyopalaghR^iShTena ChittvA ta.n tu na badhyate .. 24..
amR^itatva.n samApnoti yadA kAmAtsa muchyate .
sarveShaNAvinirmuktashChittvA ta.n tu na badhyata ityupaniShat.h ..
AUM saha nAvavatu .. saha nau bhunaktu .. saha vIrya.n karavAvahai ..
tejasvinAvadhItamastu mA vidviShAvahai ..
AUM shAntiH shAntiH shAntiH ..
.. iti kShurikopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}