% Text title : Kubjika Upasanamrita Purnopanishad % File name : kubjikopAsanAmRRitapUrNopaniShat.itx % Category : upanishhat, devii, devI, dashamahAvidyA, upaniShat % Location : doc\_upanishhat % Proofread by : Mandar Kulkarni % Source : The Kubjika Upanishad, T. Goudriaan and J. A. Schoterman (Eds) archive.org 1994 % Latest update : January 26, 2026 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kubjika Upasanamrita PurnopaniShad ..}## \itxtitle{.. kubjikopAsanAmR^itapUrNopaniShat ..}##\endtitles ## atha kubjikopAsanAmR^itapUrNopaniShat | \section{|| 1||} shrIgaNeshAya namaH || OM parAmR^itarUpiNyai sachchidAnandakandAyai shrImahAkubjikAyai namo namaH || atha hainAM brahmarandhre parabrahmasvarUpiNIM pashchimAmnAyeshvarIM mahAkubjikAmApnoti || 1|| prANeshaH sugrIvaH saMvartako vaikuNTho dharA tridhAturvahnirvyApako mahAvidyeshvarIsaMyutaM prathamam | dvitIyaM sahajaH paramAtmA nR^isiMhaM kAlarudraM khaDgI sha~NkaraM vahnivarNaM chAmuNDA tUryasvarabhUShitaM nAdabinduyutam || 2|| mahAkUTaM kUTarAjaM sarvakUTottamaM mahAkubjikAkUTarAjaM yo jAnAti sa mahAdevo bhavati sa sarvadevamayo bhavati sa sarvadevasamo bhavati || 3|| so.aryamA sa varuNaH sa rudraH sa mahAdevaH | so agniH sa u sUryaH sa u evaM mahAyamaH || 4|| sa chandraH sendraH sa prANaH so.akSharaH paramaH sarveshvaraH svarAT | sa kAlaH sa pR^ithvI sAtmA so.antarikShaH prajApatiH || 5|| prajApatirabravIt || pashchimasiMhAsanasthAM mahAkubjikAM guhyakubjikAM rudrakubjikAM vIrakubjikAM shmashAnakubjikAM ghorakubjikAM saMhArakubjikAM prachaNDograkubjikAM vyAkhyAsyAmaH || 6|| sa sarveShu vedeShu sAraM sa sarveShu deveShu sAraM sArAtsAratarAM mahAvidyArAj~nI siddhikubjikAM shrIlakShmIkubjikAM shrIsiddhilakShmIkubjikAM yo vetti sa khe\- charatvaM prApnoti sa rudratvaM prApnoti sa nirvANeshvaro bhavati sa sarvasiddheshvaro bhavati sa parakAyapraveshakaraNasAmartho bhavati sa mahANimAdyaShTasiddhibhAgbhavati sa mahAkavirbhavati sa devendrasamo bhavati || 7|| tvamindrastvaM mahendrastvaM lokastvaM prajApatiH | tubhyaM yaj~no vijAyate tubhyaM juhvati juhvatastavedviShNo bahudhA vIryANi || sa mahAviShNurbhavati || 8|| pippalAdo.a~NgirAH sanatkumArashchAtharvaNaM bhagavantaM paprachCha bhagavAnsanatkumAra\- shvAtharvaNa kubjikAmahApashchimAmnAyeshvaryAH kiM mantraM kiM yantraM kena tantreNa pUjanaM kiM devaM kAnya~NgAni devatAni kiM ChandaH ka R^iShiriti || 9|| sa hovAcha bhagavAnsanatkumAraH || pratya~Ngire mahArAjavidye kubjikAmahApashchimAmnAyeshvaryA yantrarAjaM sarvayantramayaM sarvamantramayaM mahAsAmrAjyasiddhipradaM rAjyadaM bhogadaM mokShadaM mahAnirvANadaM devIsAdehasArUpyasAyujyasAlInamokShadaM mahAkubjikAyantraM mahAmantrarAjaM prANAntasa~NkaTopadrave.api sarvathA na prakAshayet | prakAshAnmahAkubjikA kruddhA bhavati | pa~nchatvaM prApnoti | tasmAdyatnena gopayenna prakAshayet || 10|| mahAyantrarAjam | bindustrikoNaM ShaTkoNamaShTadalamaShTakoNAkR^iti chaturashraM dvArashobhADhyam | kubjikApUjAyantrarAjaM mahApratya~Ngire sarvadA svahR^idaye shikhAyAM bAhau yo dhArayetsa vetAlabhairavo bhavati sa prachaNDabhairavo bhavati | shikhAyAM yo dhArayati sa sarvapApaiH pramuchyate | bAhau yo dhArayati sa sarvAn shatrUnmArayati trailokyavijayI bhavati sR^iShTiM sthitiM saMhAraM karoti sa sarveshvaro bhavati sa vIreshvaro bhavati sa nATeshvaro bhavati sa rAjarAjeshvaro bhavatIti vadanti brahmavAdinaH || 11|| kubjanAthaM yajedAdau kubjinIM cha tato yajet | kubjikAM cha yajetpashchAtkubjikAkhyAtavinAyakam || 12|| sampUjya vidhivannityaM bhogamokShamavApnuyAt | vinA yantreNa chetpUjA kubjikA na prasIdati || 13|| tasmAtsarvaprayatnena yantrapUjAM samAcharet | kubjeshaM cha yajedvAme kubjikAM dakShiNe yajet || 14|| atha kubjeshvarasya mahAtrayodashArNamantroddhAraM vyAkhyAsyAmaH || prathamaM sarvabI\- jotpAdakaM mahAbIjam | dvitIyaM prAsAdabIjam | prAsAdabIjaM tu paramAtmA graheshasvarasaMyutaM kalAbindumilitam | prAsAdabIjaM dvitIyam | tR^itIyaM krodhabIjam | krodhabIjaM tu paramAtmA trivikramasvarabhUShitaM kalAvishvayonimilitam | krodhabIjaM tR^itIyam | chaturthaM kubjeshvarAya | nR^isiMhabIjam | nR^isiMhabIjaM tu kShetrapAlaH prakAshArUDhashcha graheshasvarabhUShitaM nAdabindumilitam | mahAnR^isiMhabIjaM navamam | dashamaM kAmarUpI prayAgaH prakAshArUDhAdhArashaktisvarabhUShitaM kalAbinduyutam | mahArAvabIjam | tato.a~NkushabIjam | a~NkushabIjaM tu mAheshvarI revatIsamArUDhA pashchimAsyasvarabhUShitaM nAdabinduyutam | mahAbIjarAjam | dvAdashaM shabdAtmA | mahAjIvaH kalApUrNasvarabhUShitam || 15|| mahAkubjeshvaramantrarAjaM yo jAnAti sa bhUrbhuvaH svarlokaM maharlokaM janarlokaM tapolokaM satyalokaM jayati sa sarvalokaM jayati | ya evaM veda mahAkubjikopaniShatsarvopaniShatsAram | sa sahasrAyuShyamApnoti || 16|| prajApaterAvR^ito brahmaNA varmaNAhaM kashyapasya jyotiShA varchasA cha | jaradaShTiH kR^itavIryo vihAyAH sahasrAyuH sukR^itashchareyam || 17|| sa dIrghAyuShyamApnoti sa sarvAnkAmAnavApnoti sa sarvAnbhogAnavApnoti sa sa\- rvAndevAn jayati sa sarvAn lokAn jayati ya evaM veda mahAkubjikopaniShat || 18|| \section{|| 2||} mahAyantraM mahAmantraM kubjikopaniShadaM param | mahAdhyAnaM mahApAtraM mahAmAlAM tathaiva cha || 1|| gopayechcha prayatnena sarvathA na prakAshayet | prakAshAtsiddhihAniH syAtprakAshAnmaraNaM dhruvam | tasmAtsarvaprayatnena gopayenna prakAshayet || 2|| sanatkumArashchAtharvaNaH pippalAdashaunakataudamaudataudAyanajAbAlabrahmapalashAkuna\- khIdevadR^ishIchAraNavidyAshchetyatharvaNasya navashAkhApAraj~naH sanatkumArovAcha | mahAkubjeshvarayantrarAjaM vyAkhyAsyAmaH || 3|| puNDarIkaM navadvAraM tribhirguNebhirAvR^itam | tasminyadyakShamAtmanvattadvai brahmavido viduH || 4|| navadvAraM navakoNam | puNDarIkamaShTapattam | tribhirguNebhirAvR^itaM vR^ittatrayamiti | tasminyadyakShaM binduchakramAtmanvadbrahmavidbrahmachakraM kubjeshvarayantrarAjaM brahmachakraM viduH || 5|| yo akrandayatsalilaM mahitvA yoniM kR^itvA tribhujaM shayAnaH | kubjaH kAmaduho virAjaH sa guhA chakre tanvaH parAchaiH || 6|| yAni trINi bR^ihanti yeShAM chaturthaM viyunakti vAcham | brahmainadvidyAttapasA vipashchidyasminnekaM yujyate yasminnekam || 7|| yoniM kR^itvAdau trikoNaM binduchakraM bhavati | tadbahirnavakoNaM tadbAhye rasakoNaM puNDarIkamaShTapattraM chakraM tataH ShoDashapattraM chakraM tribhirguNebhirAvR^itaM bahiraShTakoNaM chaturasrachakrarAjaM tadbahiH sandhyAvR^ittaM tadbAhye dvAtriMshatipattraM chakraM tatashchatuHShaShTipattraM chakraM bahirmAyayAvR^ittatrayaM mAyAkAmakUrchabIjena bhUpuraM saMlikhediti || 8|| aShTakoNaM navadvAraM tribhirguNebhirAvR^itam | dvAtriMshatidalaM padmaM chatuHShaShTidalaM tathA || 9|| mAyAkAmakrodhabIjena vedadvAraM samAlikhet | idaM kubjeshvaraM yantraM sarvayantrottamaM param || 10|| sevakAnAM mokShakaramAyurArogyavardhanam | aputrINAM putradaM cha bahunA kimanena vai | idaM rahasyaM paramamIshvarasyApi durgamam || 11|| idaM kubjeshvaraM yantraM shaThAya kuTilAya mahAnindakAya parashiShyAya prANAnte.api sarvathA na prakAshayediti vadanti brahmavAdinaH shaunakAH || 12|| mahograM virUpAkShaM nIlakaNThaM kubjeshvaraM ghorarUpaM mahAkAlarUpaM sheShayaj~nopavItadharaM vishvarUpaM virUpaM virADUpaM mahAkubjikArdhA~NgadharaM pashchimasiMhAsanasthaM pashchimA\- mnAyakramapUjanapriyaM raktapAnapriyaM mahAmAMsacharvaNapriyaM naracharmAsanapriyaM chaturdikShu shmashAne mahAmAMsachitA~NgArAsthishayyAsanasthaM ka~NkAlamAlAbhUShitaM vIramuNDamA\- lAdharaM mahAbhUtavetAlakaratAlapretamaNDalamadhyasthaM mahAyantrasiMhAsanasthaM pa~nchama\- hApretAsanasthaM pretATTahAsapriyaM pretamAlAdharaM pashchimAbhimukhaM mahAkubjeshvaraM shatavaktraM triMshallochanaM sahasrabAhupuruShaM mahAkubjeshvaraM dhyAyet || 13|| sahasrashIrShaM rudraM sahasrAkSham | te pa~ncharchyaH | tasyAH shikhAyA madhye puruShaH kubjeshvaraH sthitaH || 14|| eka eva rudro.avatasthe na dvitIyaH | asa~NkhyAtA sahasrANi ye rudrA adhi bhUmyAm || ekamevAdvitIyaM brahma | brahmasvarUpA kubjikA || 15|| katyakSharA katipadA mahAvidyA || sanatkumAraH provAcha || mahAsaptadashAkSharI siddhikubjikA | ShoDashAkSharI mahograkubjikA | dvAviMshatyakSharI mahAvIrakubjikA | dvAdashAkSharI mahAj~nAnakubjikA | saptAkSharI mahAbhImakubjikA | navAkSharI siddhilakShmIkubjikA | ShaDakSharI mahAprachaNDakubjikA | pa~nchAkSharI parA rudrakubjikA | mahAkUTAShTAdashAkSharI shrIkubjikA || etA eva mahAkubjAbhedavidyAH prakAshitAH || 16|| ya evaM veda kubjikAbhedamantrarAjaM sa sarvadevapUjyo bhavati sa sarvairdevairj~nAto bhavati sa sarvairdevairanudhyAto bhavati sa sarveShu tIrtheShu snAto bhavati sa sarvamantrajApako bhavati sa sarvayantrapUjako bhavati sa brahmapUto bhavati sa viShNupUto bhavati sa rudrapUto bhavati sa sUryapUto bhavati sa somapUto bhavati sa satyapUto bhavati sa sarvapUto bhavati ya evaM veda mahAkubjikopaniShat || 17|| \section{|| 3||} atha mahAsaptadashAkSharIM vyAkhyAsyAmaH || prathamaM vedAdibIjam | dvitIyaM mAyAbIjam | tR^itIyaM krodhabIjam | chaturthaM rAvabIjam | pa~nchamaM nR^isiMhabIjam | mahA~NkushaM ShaShThamam | mahAkubjiketyevaM samuchchArya tato.a~NkushabIjaM nR^isiMhabIjaM rAvabIjaM krodhabIjaM mAyAbIjaM vedAdibIjamiti saptadashAkSharI || 1|| mahAmantrarAj~nIM yo jAnAti sarvalokaM jayati sa trailokyavijayI bhavati sarvasiddheshvaro bhavati chidAchAryamukhena gR^ihNIyAnmahAkubjikAmantrarAjaM sarvapApaiH pramuchyate sa kubjikApratyakShadevatAdarshanaM karoti sa brahmahatyAM tarati sa vIrahatyAM tarati sa bhrUNahatyAM tarati sa gohatyAM tarati sa strIhatyAM tarati sa bAlahatyAM tarati sa sarvahatyAM tarati garbhajanmajarAmaraNatApatrayAtmakaM duHkhaM tarati sa khecharati sa khecharatvaM prApnotyevaM veda || 2|| atha mahAkubjikAM ShoDashAkSharIM vyAkhyAsyAmaH || prathamaM bhuvaneshvarIbIjam | bhuvaneshvarIbIjaM tu vyomajvalanendirA kalAbindumelanarUpA | taddvayam | tataH krodhabIjama | krodhabIjaM tu mahAlakShmIH ShaShThasvarabhUShitaM nAdabindumilitam | taddvayam | nR^isiMhabIjam | nR^isiMhabIjaM tu kShetrapAlaH pashchimAsyasvarabhUShitaM nAdabinduyutam | taddvayam | tato.a~NkushabIjam | a~NkushabIjaM tu mahAkAlaM rephArUDhaM jvAlAmukhIbhUShitaM kalAbindumilitaM bIjadvayaM samuchchArya mahAkubjiketyabhimukhagatA | tadanu nR^isiMhabIjama~NkashabIjaM bhuvaneshvarIbIjam || 3|| iti shrIkubjikAmahAvidyeshvaryA mahAShoDashArNaM mahAmantrarAjaM mahAsha~NkhamAlayA niyamena latApIThe yo lakShamAvartayati sa vishvAdhIsho bhavati sa brahmamayo bhavati sa rudeshvaraH sa lokeshvaraH sa sarvadeveshvaro bhavati sa sarvAn shatrUnmArayati sa sarvaj~no bhavati sa siddhikabjikApriyo bhavati || 4|| \section{|| 4||} atha dvAviMshatyakSharIM vyAkhyAsyAmaH || prathamaM pa~ncha lakShmIbIjam | dvitIyaM krodhabIjam | krodhabIjaM tu lakShmIrharaShaShThasvarabhUShitaM nAdabindumilitam | taddvayam | tato bhuvaneshvarIbIjam | bhuvaneshvarIbIjaM tu prANasandhirrephArUDhaM mohinIsvarabhUShitaM nAdabindumilitam | taddvayam | tato lakShmIbIjam | lakShmIbIjaM tu kAmarUpaM vanhayArUDhaM bindumAlinIbhUShitaM kalAbindumilitam | taddvayam | tato nR^isiMhabIjam | nR^isiMhabIjaM tu yugAntakaM brahmasUtrabhUShitaM nAdabindumilitam | taddvayam | tato.a~NkushabIjam | a~NkushabIjaM tu mahAkAlI tripurasundaryArUDhaM trailokyavijayasvarabhUShitaM nAdabinduyutaM samuchchArya kubjiketyabhimukhagatA | tadanu mahA~NkashabIjaM nR^isiMhabIjadvayaM kUrchabIjadvayamiti dvAviMshatyakSharI || 1|| mahAkubjikA yo jAnAti sa mahAnirvANamApnoti shuputrakIrtij~nAnaishvaryavAnbhavati sa mahAkavirbhavati mahAmedhAvI bhavati sa tarkAgamapurANapAta~njalasA~NkhyayogamImAMsAdharmashAstravedAntajyotiShavyAkaraNAla~NkArakAvyadivyaughAdhIsho bhavati sakalavedArthabhAShyakArako bhavati sa mahANimAdyaShTasiddhi prApnoti sa sakalasAmrAjyeshvaro bhavati sa sarvamantrArthaM jAnAti sa sarvayantrArthaM jAnAti sa sarvadevasamo bhavati sa sarvadevamayo bhavati sa sarvamayo bhavati || 2|| \section{|| 5||} atha kubjikApa~nchAkSharIM ShaDakSharIM dvAdashAkSharIM mahAShTAdashAkSharIM vyAkhyAsyAmaH || prathamaM prANesho dhArA vAruNI vahnishchAmuNDA mahAvidyeshvarIbhUShitam | prathamaM kUTarAjaM paThitvA kubjiketyabhimukhagatA | tadanu paramAtmA brahma pR^ithvI vAruNI repha bindumAlinImilitam | dvitIyaM kUTarAjam | tR^itIyaM jagadbIjaM krodhIshaH pR^ithvI mAyAbIjama || 1|| ityeShA mahAkubjikAShTAdashAkSharIM yo jAnAti sa mahAkhecharo bhavati sa brahmamayo bhavati sa viShNumayo bhavati sa rudramayo bhavati sa sarvaj~nAnamayo bhavati sa tattvaj~nAnavAnbhavati sa sarvaprayogasiddhimApnoti sa sarvamantrajApako bhavati sa sarvayantrapUjako bhavatyevaM veda || 2|| krodhabIjaM samuchchArya kubjikAyai paThitvA bR^ihadbhAnujAyAmuchcharet | iti saptAkSharI mahAkubjikA bhavati || 3|| etasyA j~nAnamAtreNa jIvanmukto bhavati sa mahAchakravartIndro bhavati sa navadvIpeshvaro bhavati chatuHsamudraparyantaM mahArAjyaM prApnoti sArvabhaumo bhavati mahAmahIpatIndro bhavati sa mahArAjarAjeshvaro bhavati || 4|| krodhabIjaM paThitvA tu tato.a~NkushaM paThetsadA | mAyAbIjaM paThettatra astrabIjaM paThetsudhIH | eShA pa~nchAkSharI vidyA kubjikA yA prakAshitA || 5|| etasyA j~nAnamAtreNa sakalasiddhibhAgbhavati mahAsArvabhaumapadaM prApnotyevaM veda || 6|| mAyAbIjaM samuchchArya kUrchabIjaM tataH paThet | lakShmIbIjaM paThetpashchAtkubjike siddhipUrvakam | ante kUrchaM vadettatra navArNA kubjikA smR^itA || 7|| navArNAM kubjikAM yo jAnAti sa mahAbhairavo bhavati sa pratyakShakubjikAdarshanaM karoti sa mantrasiddhiM kurute sa prayogasiddhiM kurute sa khecharatvaM prApnotyevaM veda || praNavaM pUrvamuchchArya lakShmIbIjaM paThettataH | kAmarAjaM paThetpashchAtkrodhabIjaM tataH paThet || 9|| prachaNDakubjike.apyatra mAyAnte parikalpayet | dvAdashArNA mahAkubjA sarvavidyAtmikA parA || 10|| etasyA j~nAnamAtreNa mantrasiddhiH prajAyate | satyaM satyaM punaH satyaM satyaM satyaM punaH punaH || 11|| na hi kubjAsamA vidyA na hi kubjAsamA stutiH | na hi kubjAsamo mantro nAsti brahmANDagolake || 12|| dvAdashArNAM mahAkubjikAM yo jAnAti sa nakShatrANAM yathA somo jyotiShAmiva bhAskaro bhAti sarveShu lokeShu sarveShu deveShu sarveShu deveShviti || 13|| mahAkubjike dhanapati dhanaM me dehi yashaspati yasho me dehi saubhAgyavati saubhAgyaM me dehi | rAjaputro rAjyakAmo mahArAjyaM labhate kanyAH patikAmAH supatiM labhante striyaH putrakAmAH suputrapautrAnlabhante shrotriyAdhyApakAchAryatvaM labhante || 14|| yo kubjikAM nityamarchayati sa brahmasamo bhUtvA sarvAnlokAnsaMsR^ijati sa viShNusamo bhUtvA sarvAnlokAnsarvAnR^iShInsarvAtmAnaM pAlayati sa rudrasamo bhUtvA sarvAndevAnsarvAnlokAnsarvAnR^iShInsarvAtmAnaM saMhArayati sa mahApralayaM kR^itvA punaH sR^iShTiM sthitiM saMhAraM kalpe kalpe sa sarvaM karoti sarvAnkAmAnavApnoti sa sarvAnbhogAnavApnoti sa sarvAna shatrUnmArayati jR^imbhayati stambhayatyudakaM sa somaM stambhayati sa sUryaM stambhayati sa sarvaM jayatItyevaM veda mahAkubjikArchanatattvasArAmR^itopaniShat || 15|| \section{|| 6||} parameShThIguruM pUjya parAparaguruM yajet | paramaguruM tataH pUjya svaguruM nityamarchayet || evaM guruM prapUjyAdau prAtaHkR^ityAdikaM kuryAt || 1|| prAtaragniM prAtarindraM havAmahe prAtarmitrAvaruNA prAtarashvinA | prAtarbhagaM pUShaNaM brahmaNaspatiM prAtaH somamuta rudraM havAmahe || 2|| uShAkAle samutthAya prAtaryAgaM samAchareta | uShA devI vAchA saMvidAnA vAgdevyuShasA saMvidAnA || 3|| uShaspatirvAchaspatinA saMvidAno vAchaspatiruShaspatinA saMvidAnaH || 4|| iti mantreNa samayodakenAchamanaM kR^itvA samayodakaM dhyAtvA pItvA rAtrimAtaraM prArthayet || 5|| rAtri mAtaruShasaM naH pari dehi | uShA no ahne pari dadAdahastubhyaM vibhAvari || 6|| rAtriM rAtrimariShyanta tareva tanvA vayam | gambhIramaplavA iva na tareyurarAtayaH || 7|| vayaM tanvA nidrAvashAdrAtriM rAtrimitiM pratirAtraM pratimariShyanta | yathArAtayaH shatravaH pAre tiShThanti aplavA gambhIramatareyuH | ka iva | tareva tarashabdena pata~NgopalakShyate | yathA pata~Ngo dIpakaM dR^iShTvA dIpamadhye svadehaM dAhayati mariShyati tathA vayaM tanvA nidrayA mohayati mariShyati | kimapi kartuM na shakyate shavavadbhAti | aplavA gambhIramatareyuH | plavamiti naukAM vinA yathA mahAgambhIrasAgaraM na tarati tathA shrIkubjikArAdhanaM vinA samyagvedArthaj~nAnaM vinA nidrAhArabhayamaithunaM na tyajati mahAj~nAnAndhakAravashAtsa sarvaM karotItyarthaH || 8|| ye rAtrimanutiShThanti ye cha bhUteShu jAgrati | pashUnye sarvAnR^ikShanti te na Atmasu jAgrati te na pashuShu jAgrati || 9|| ye sAdhakA rAtrimanutiShThanti rAtrau jAgaraNaM karoti ye mahAkubjikArAdhanatatparA rAtrI jAgaraNaM kR^itvA mahAbhUtashuddhiM karoti te bhUteShu jAgrati te pashuShu jAgrati | yaH pashujAgaraNaM karoti te pashUnR^ikShanti sa pashuvajjAgaraNaM karoti te pashuvadbhAti te pashutvaM prApnoti | ye rAtrau jAgaraNaM kR^itvA mahApa~nchabhUtashuddhiM (??pippalAdo.a~NgirAH sanatkumArashchAtharvaNaM bhagavantaM paprachCha bhagavAnsanatkumArashvAtharvaNa kubjikAmahApashchimAmnAyeshvaryAH kiM mantraM kiM yantraM kena tantreNa pUjanaM ??##not in the book##) kR^itvA indriyANi pashUnhatvAtmAnaM sampUjya kubjikAdIkShAvAnpuruShaH paramAtmani jAgrati paramAtmaj~nAnasiddhiM prApnotyevaM veda kubjikopaniShat || 10|| akAmo dhIra amR^itaH svayambhU rasena tR^ipto na kutashchanonaH | tameva vidvAnna vibhAya mR^ityorAtmAnaM dhIramajaraM yuvAnam || 11|| naH AtmakaM paramAtmAnaM ShaT madhurAmlatiktakaTukaShAyalavaNaShaDrasenApi na tR^iptaM svayambhU puruShamakAmaM dhIramamR^itamayaM puruShamamR^itavAchamamR^itamukhA vadanti | tamajaraM yuvAnaM paramAtmAnaM vidvAnpaNDito vedArthaj~naH puruSho mahAdhIro mR^ityoH sakAshAnna vibhAvya sambhAvanApi na vidyatetyarthaH || 12|| tvaM strI tvaM pumAnasi tvaM kumAra uta vA kumArI | tvaM jIrNo daNDena va~nchasi tvaM jAto bhavasi vishvatomukhaH || 13|| tasmAdvai vidvAnpuruShamidaM brahmeti manyate | sarvA hyasmindevatA gAvo goShTha ivAsate || 14|| prathamena pramAreNa tredhA vishvaM vigachChati | aja ekena gachChatyaja ekena gachChatIhaikena niShevate || 15|| evaM svAtmAnaM guruM sveShTadevIM chaikyaM sambhAvya prAtaHkR^itiM kuryAt | parAshareNoktaM samyagbrahmaj~nAnaM vinA vedamantrArthaj~nAnaM vinA na kubjikAM yajetprAtaHkR^ityAdikaM na kuryAt | tasmAdbrahmaj~nAnasyAvashyakatvamuktaM parAshareNa mahAtharvaNarahasyakubjikopaniShade.apyuktaM ya evaM veda mahAkubjikopaniShat || 16|| \section{|| 7||} sahasrAbjachandramaNDalamadhye bhramaragumphitaguhAyAM shrIsachchidAnandamayaM parabrahmasvarUpaM svaguruM paramaguruM parAparaguruM parameShThIguruM vilomena pashchimAmnAyakrameNa sahasrAbje mahAchakraikachakre mAnavaughAguruM siddhaughAguruM divyaughAguruM divyarUpaM shivashaktyAtmakamagnIShomAtmakaM brahmasvarUpaM paramavyomnikaM pa~nchabhUtajanakaM sarvadevajanakaM sarvavedajanakaM sarvendriyajanakaM sarvatejojanakaM sR^iShTisthitisaMhArakArakaM sa sUryajanakaM sa somajanakaM sarvajanakaM sa sarvajanakamiti || 1|| somaH pavate janitA matInAM janitA divo janitA pR^ithivyAH | janitAgnerjanitA sUryasya janitendrasya janitota viShNoH || 2|| sa viShNujanakaM sa rudrajanakaM sa brahmajanakaM sa bhUrbhuvaHsvarjanakaM maharjanakaM tapaHsatyajanakam | shrIguruM shAntaM sadAshivaM brahmAdivanditaM yogidhyeyam | tatra na duHkhaM na sukham | pratibuddhaH sarvataH svayaM vibhAti || 3|| na tatra chandrArkavapuH prakAshate na vAnti vAtA na cha yAnti devatAH | yatra devaH kratubhirbhUtabhAvanaH svayaM vibhUtyA virajaH prakAshate || 4|| na tatra sUryo bhAti na chandatArakaM nemA vidyuto bhAnti kuto.ayamagniH | tameva bhAntamanubhAti nityaM tasya bhAsA sarvamidaM vibhAti || 5|| divyo hyamUrtiH puruShaH sabAhyAbhyantare hyajaH | aprANo hyamanAH shubhro.akSharAtparataH paraH || 6|| tatparaM brahma paripUrNaM nityaM nira~njanamadvayam | tattvamasi | ahaM brahmAsmi | ayamAtmA brahma | yo.asAvAditye puruShaH so.asAvaham | khaM brahmarUpaM shrIguruM sahasradalamahAchakraikachakrarAje mahAchandrapIThe svaguruM dhyAyet || 7|| ekachakraM vartata ekanemi sahasrAkSharaM pra puro ni pashchAt | ardhena vishvaM bhuvanaM jajAna yadasyArdhaM gururUpamugram || 8|| UrdhvaH supteShu jAgara nanu tirya~Ngipadyate na suptamasya supteShvanu shushrAva kashchana || shivashaktyAtmakaM shrIguruM dhyAyet || 9|| yadasya dakShiNamakSha sa u sa Adityo yadasya savyamakSha sa u sa chandramAH | yo.asya dakShiNaH karNo hi so.agniryo.asya savyaH karNo hi sa pavamAnaH | ahorAtre nAsike ditishchAditishcha shIrShakapAle saMvatsaraH shiraH || 10|| brahmAsya shIrSha bR^ihadasya pR^iShThaM vAmadevyamudaramodanasya | ChandAMsi pakShau mukhamasya satyaM viShTArI jAtastapaso.adhi yaj~naH || 11|| tasyaudanasya bR^ihaspatiH shiro brahma mukham || 12|| dyAvApR^ithivI shrotre sUryAchandramasAvakShiNI sapta R^iShayaH prANApAnAH || 13|| prANamAhurmAtarishvAnaM vAto ha prANamuchyate | prANe ha bhUtaM bhavyaM cha prANe sarvaM pratiShThitam || 14|| sUryashchakShurvAtaH prANo.antarikShamAtmA pR^ithivI sharIram | astR^ito nAmAhamayamasmi sa AtmAnaM nidadhe dyAvApR^ithivIbhyAM gopIthAya || 15|| tasmAdvai vidvAnpuruShamidaM brahmeti manyate || 16|| brahmAparaM yujyatAM brahma pUrvaM brahmAntato madhyato brahma sarvajaH || 17|| tatparaM brahma tatsatyaM tatsalilaM tadavyaktaM tadasparsha tadarUpaM tadagandhaM tadarasaM tadamR^itam | tanniShTho bhUtAtmA saiShA pa~nchamahAbhUtaH || 18|| prakR^itijanaka shrIparameShThIguruM sachchidAnandarUpaM dhyAtvA mAnasAdyupachAraiH sampUjya sa~njapya tarpya samarpya shrIsiddhikubjikArUpaM svaguruM dhyAtvA svAtmAnaM guru sveShTadevIM chaikyaM j~nAtvA prArthayet || 19|| kubjikA parameShThinI vAgdevI brahmasaMshritA | yayaiva sasR^ije ghoraM tayaiva shAntirastu naH || 20|| idaM yatparameShThinaM mano vAM brahmasaMshritama | yenaiva sasR^ije ghoraM tenaiva shAntirastu naH || 21|| imAni yAni pa~nchendriyAni manaHShaShThAni me hR^idi brahmaNA saMshritAni | yaireva sasR^ije ghora taireva shAntirastu naH || 22|| aShTAviMshAni shivAni shagmAni saha yogaM bhajantu me | yogaM prapadye kShemaM cha kShemaM prapadye yogaM cha namo.ahorAtrAbhyAmastu || iti samprArthya kulavR^ikShaM praNamya || 23|| madhumanmUlaM madhumadagramAsAM madhumanmadhyaM vIrudhAM babhUva | madhumatparNa madhumatpuShpamAsAM madhoH sambhaktA amR^itaM ghR^itamannaM duhutAM kubjikAtmakam || kulavR^ikShaM praNamyAjapaM samarpayet || 24|| ajapA vaiShNavI mAyA japyena sAjitA parA | kubjikA brahmavidyA sA yA vedairupagIyate || 25|| anAkhyeyamidaM guhya yogIkeshasamaM nibham | haMsasya gativistAraM bhuktimuktiphalapradam || 26|| haMsa paramahaMsanirvANaM vyAkhyAsyAmaH || brahmachAriNe shAntAya gurubhaktAya kubjikAsAdhakAya prakAshayet | shaThAya gurumantrayantratantramArganindakAya na darshayet || 27|| haMsaH paramAtmA paraM jyotiH sarveShu deheShu kITakapata~NgAdiShu deheShu vyApnoti | yathA kAShThe hyagnistileShu tailamiva taM viditvAti mR^ityumeti | nAnyaH paramapanthA vidyate.ayanAya || 28|| AdhArAdvAyumutthApya svAdhiShThAnaM triH pradakShiNIkR^itya maNipUraM gatvAnAhatamatikramya vishuddhau prANAnnirudhyAj~nAchakre dvidale hakShadvitattvamaye varNamaye sthitvA brahmarandhaM dhyAyan trimAtro.ahamityevaM sarvadA dhyAyannAdamAdAya haMseti kuNDalinImutthApya so.ahamiti mantreNa paramashivena saha saMyojya brahmarandhraparyantaM shuddhasphaTikasa~NkAshaM nirAbhAsaM paramaguruM dhyAyet || 29|| na tatra chandrArkavapuH prakAshate na vAnti vAtA na cha yAnti devatAH | yatra devaH kratubhirbhUtabhAvanaH svayaM vibhUtyA virajaH prakAshate || 30|| na tatra sUryo bhAti na chandatArakaM nemA vidyuto bhAnti kuto.ayamagniH | tameva bhAtimanubhAti sarvaM tasya bhAsA sarvamidaM vibhAti || 31|| haMsa R^iShiH | avyaktagAyatrI ChandaH | paramahaMso devatA | hamiti bIjakam | samiti shaktiH | so.ahamiti kIlakam | adyAhorAtrayormadhye shvAsochChavAsarUpeNa ekaviMshatisahasrANi ShaTshatAnyadhikAni bhavanti || 32|| sUryAya somAya gaNeshAya nira~njanAya nirAbhAsAya tanu sUkShmaH prachodayAdityagnIShomAbhyAM vauShaT hR^idayAdya~NganyAsakaranyAsau bhavataH || 33|| evaM kR^itvA hR^idaye.aShTadale haMsAtmAnaM dhyAyet || agnIShomau pakShau | o~NkAraH shiro bindurnetraM satyaM mukhaM kubjeshvaramahAkubjikAshcharaNau bAhau mahAkAlakarAlau dvau shikhA prajApatiH || 34|| prajApatishcha parameShThI cha shR^i~Nge indraH shiro agnirlalATaM yamaH kR^ikATam || 35|| somo rAjA mastiShko dyauruttarahanuH pR^ithivyadharahanuH || 36|| vidyujjihvA maruto dantA revatIIvAH kR^ittikA skandhA gharmo vahaH || 37|| vishvaM vAyuH svargo lokaH kR^iShNadaM vidharaNI niveShyaH || 38|| shyenaH kroDo.antarikShaM pAjasyaM bR^ihaspatiH kakudhatIH kIkasAH || 39|| devAnAM patnIH pR^iShTaya upasadaH parshavaH || 40|| mitrashcha varuNashchAMsau tvaShTA chAryamA cha doShaNI mahAdevo bAhU || 41|| indrANI bhasadvAyuH puchChaM pavamAno vAlAH || 42|| brahma cha kShatraM cha shroNI balamUrU || 43|| dhAtA cha savitA chAShThIvantau ja~NghA gandharvA apsarasaH kuShThikA aditiH shaphAH || 44|| cheto hR^idayaM yakR^inmedhA vrataM purItat || 45|| kShutkukShirirA vaniShThaH parvatAH lAshayaH || 46|| krodho vR^ikkau manyurANDau prajAH shepaH || 47|| nadI sUtrI varShasya pataya stanA stanayitnurUdhaH || 48|| vishvavyachAshcharmoShadhayo lomAni nakShatrANi rUpam || 49|| devajanA gudA manuShyA AntrANyatrA udaram || 50|| rakShAMsi lohitamitarjanA vavandham || 51|| abhraM pIbo majjA nidhanama || 52|| agnirAsIna utthito.ashvinA || 53|| indraH prA~NitaShThandakShiNA tiShThanyamaH || 54|| pratya~NtiShThandhAtoda~NtiShThansavitA || 55|| tR^iNAni prAptaH somo rAjA || 56|| mitra IkShamANa AvR^itta AnandaH || 57|| yujyamAno vaishvadevo yuktaH prajApatirvimuktaH sarvam || 58|| etadvai vishvarUpaM sarvarUpaM gorUpam || 59|| upainaM vishvarUpAtsarvarUpAH pashavastiShThanti ya evaM veda || 60|| paramahaMso bhAnukoTipratIkAsho yenedaM vyAptaM bhuvanaM bhUtaM bhavadbhaviShyAdi || 61|| mUlAdhAre chaturdale OM gaM gaNapataye namaH | vaM shaM ShaM saM bIjAtmane namaH | svAdhiShThAnaShaDdalachakrAya namaH | baM bhaM maM yaM raM laM bIjAtmane namaH | maNipUrachakrAya namaH | digdale DaM DhaM NaM taM thaM daM dhaM naM paM phaM bIjAtmane namaH | anAhatachakrAya namaH | shrIsUryadale ka kha ga gha ~Na cha Cha ja jhaM aM TaM ThaM bIjapuruShAya namaH | vishuddhachakrAya namaH | ShoDashadale aM A i I u U R^i R^i laM lU e ai OM auM aM aH bIjapuruShAya namaH | Aj~nAchakrAya namaH | padmadale ha kSha dvivarNamantrAsanasthAya haMsaHparamAtmane namaH || 62|| pUrvadale puNyamatiH | AgneyyAM nidrAlasyAdayo bhavanti | yAmye krUramatirbhavati | nairR^itye yadA haMsaH paramAtmA tiShThati tadA pApamatirbhavati mahApa~nchapAtakAni karoti | vAruNyAM haMso yadA yAti tadA ratyAdichumbanAli~NganaM karoti | gItavAdyanR^ityAdinAnAvidhikrIDAkaraNechChA bhavati | vAyavye gamanAdau buddhiH | saumye ratiprItiH | IshAne japapUjAdAnakaraNechChA bhavati | madhye haMso yadA yAti tadA mahAvairAgyaM chotpadyate | mR^ittiketyeva satyam || 63|| sarvaM bhasma | agniriti bhasma | vAyuriti bhasma | jalamiti bhasma | sthalamiti bhasma | sarvaM ha vA idaM bhUtaM bhavadbhaviShyatsarvaM sthAvaraja~NgamaM sarvaM bhasma | na etAni chakShUsi yasmAdbatamidaM pAshupataM yadbhasmanA~NgAni saMspR^ishettadetatpashupAshavimokShaNAya tadbhasmadhAraNaM karoti || 64|| svapnamAyAsvarUpeNa sR^iShTiranyairvikalpitA | ichChAmAtra prabhoH sR^iShTiriti sR^iShTirvikalpitA || 65|| ardhamAtrAtmakenedaM vishvaM vyApya vyavasthitA || 66|| kAryopAdhirayaM jIvaH kAraNopAdhirIshvaraH | kAryakAraNatAM hitvA pUrNabodho.avashiShyate || 67|| yadA chakramadhye haMsaH paramAtmA yAti tadA mahAvairAgyavashAdbrahmaj~nAnaM chotpadyate sadbrahmamayo bhavati | kesare yadA haMsAtmA yAti tadA jAgradavasthAvashAdvishva vyApya vishvarUpeNa virADUpeNa tiShThati || 68|| virADvAgnirvirATpR^ithivI virADantarikShaM virATaprajApatiH | virAmR^ityuH sAdhyAnAmadhirAjo babhUva tasya bhUtaM bhavyaM vashe sa me bhUtaM bhavyaM vashe kR^iNotu || karNikAmadhye haMsAtmA yadA yAti tadA svapnavashAddhiraNyagarbho bhavati || 70|| hiraNyagarbhaH samavartatAgre bhUtasya jAtaH patireka AsIt | sa dAdhAra pR^ithivImuta dyAM kasmai devAya haviShA vidhema || 71|| Apo agre vishvabhAvAd garbhaM dadhAnA amR^itA shataj~nAH | yAsu devIShvadhi deva AsItkasmai devAya haviShA vidhema || 72|| li~Nge yadA haMsAtmA yAti tadA suShuptivashAtsarvaM shUnyamidaM jagat | OM khaM brahmamayo bhavati || yadA haMsAtmA padmatyAgaM karoti tadA turIyAvasthAvashAdbrahmAsmyahaM brahmAsmi | tattvamasIti nishchayArthaH pratipAdayati || 73|| svayaM mAtA pitA proktAH svayaM bhrAtA svayaM guruH || sacharAcharaM svayaM vyAptaM tattvamasIti svayaM svayaM tattvamasIti svayaM svayamityarthaH || yadA haMso nAde lIno bhavati tadA turIyAtItAvasthAvashAnnirAbhAsa nira~njanaM nirvikalpaM chinmayaM chidrUpaM chidAkAraM nityaM jyotirUpamaNurUpaM bhAti || 75|| chatvAri vAkparimitA padAni tAni vidurbrAhmaNA ye manIShiNaH | guhA trINi nihitA ne~Ngayanti turIyaM vAcho manuShyA vadanti || 76|| ya etAM turIyarUpAM turIyAtItAM mahAkubjikA pashchimasiMhAsanasthAM mahApa~nchapretAsanAM mahAghorAM siddhikubjikAM kUTamantrAsanAM mahAkUTeshvarIkubjikAM svahR^idhaye pUjAchakra sambhAvya mAnasAdyupachAraiH samabhyarchya sa~njapya tarpya samam || 77|| OM ha sa kha phre OM parameShThIgurupAdukAM pUjayAmi namaH svAheti mantreNa parameShThIguru pUjayet | aiM hasaM sphreM aiM parAparagurupAdukAM pUjayAmi ityanena parAparaguruM pUjayet | shrIM hrIM hsaphreM shrIM hrIM paramagurupAdukAM pUjayAmi ityanena paramaguru pUjayet | hasaM kaha hasaM khphreM shaM kaha iti mantreNa kubjeshAnandanAtha shrIguru shrIsiddhikubjAmbApAdukAM pUjayAmi | OM namaH svAheti mantreNa shrIguru samabhyarchya | R^ila va ra yUM iti siddhikUTena divyaughAguruM samabhyarchya | shka hU khphreM Dka ha iti mantreNa siddhaughAguruM sampUjya | ka cha Ta va ra yI mantreNa mAnavaughAguru sampUjyAnulomavilomena navadhA sampUjayet || 78|| OM kubjikAdevyai vidmahe kuladIpAyai dhImahi hrIM tannaH kubjiH prachodayAt || mahAkubjikAgAyatrImantreNa mahAkubjikAM pUjayet || 79|| OM brahmaviShNumaheshvarAdi R^iShiH | gAyatryuShNiganuShTubbR^ihatIpa~NkitriShTubjagatyAdi ChandAMsi | rudrakubjikAmahAkubjikAvIrakubjikAshmashAnakubjikAguhyakubjikAsiddhikubjikAbhImakubjikAbhadrakubjikAprachaNDakubjikAj~nAnakubjikAmahograkubjikA devatA | hR^idaye viniyogaH || 80|| hR^idisthA kAlikA vidyA mahAkubjA hR^idi sthitA | siddhikubjA mahAvidyA kubjAnAthena sevitA || 81|| kubjeshvaraM virUpAkShaM nIlakaNThaM trilochanama | UrdhvakeshaM jyotirUpaM vyAlayaj~nopavItakam || 82|| sahasrashIrSha rudraM sahasrAkShaM vishvashambhuvam | vishvataH paramaM vishvaM kubjeshaM vishvatomukham || 83|| gajacharmaparIdhAnaM pashchimAbhimukhe sthitam | devaM bhavaM pashupatiM shivam | kubjeshvara mahAdevaM sarvamugraM shikhaNDinam || 84|| sahasrAkShaH sahasrapAtsahasrashIrShA puruSham | sahasrabAhubhUShitaM kubjeshvaram || 85|| IshAnaH sarvavidyAnAmIshvaraH sarvabhUtAnAm | brahmAdhipatirbrahmaNo.adhipatiH shivo me.astu sadAshivom || 86|| OM jyotIrUpAya vidmahe parabrahmeshvarAya dhImahi tannaH kubjeshvaraH prachodayAt || ityanena kubjeshvaraM samabhyarchya sa~njapya tarpya samarpya praNamet || 87|| namaH sAyaM namaH prAtarnamo rAtrau namo divA | shivAya cha kubjAya chobhAbhyAmakaraM namaH || iti kubjeshvaraM praNamya pR^ithivIM praNamet || 88|| pR^ithivyAmagnaye samanamantsa Aot | yathA pR^ithivyAmagnaye samanamannevA mahyaM sannamaH sannamantu || 89|| pR^ithivI dhenustasyA agnirvatsaH | sA me.agninA vatseneShamUrjaM kAmaM duhAm | AyuH prathama prajA poShaM rayiM svAhA || 90|| antarikShe vAyave samanamantsa Aota | yathAntarikShe vAyave samanamannevA mahyaM sannamaH sannamantu || 91|| antarikShaM dhenustasyA vAyurvatsaH | sA me vAyunA vatseneShamUrjaM kAmaM duhAm | AyuH prathamaM prajAM poShaM rayiM svAhA || 92|| divyAdityAya samanamantsa Aota | yathA divyAdityAya samanamannevA mahyaM sannamaH sannamantu || 93|| dyaurdhenustasyA Adityo vatsaH | sA ma Adityena vatseneShamUrjaM kAmaM duhAm | AyuH prathamaM prajAM poShaM rayiM svAhA || 94|| dikShu chandrAya samanamantsa Adhota | yathA dikShu chandrAya samanamannevA mahyaM sannamaH sannamantu || 95|| disho dhenavastAsAM chandro vatsaH | tA me chandreNa vatseneShamUrjaM kAmaM duhAm | AyuH prathamaM prajA poShaM rayiM svAhA || 96|| agnAvagnishcharati praviShTa R^iShINAM putro abhishastipA u | namaskAreNa namasA te juhomi mA devAnAM mithuyA karma bhAgam || iti mantreNa namaskAraM kuryAt || 97|| svAtmAnaM guruM sveShTadevIM chaikyaM sambhAvya kubjeshvaro.ahaM mahAkubjikAsvarUpo.ahaM nira~njano.ahaM nirAkAro.ahaM nirvikalpo.ahaM tattvarUpo.ahaM tattvamasi | ayamAtmA brahma yo.asAvAdityekapuruShaH so.asAvaha OM khaM brahmarUpo.ahamityevaM sambhAvya snAnArtha bahirnirgachChediti vadanti brahmavAdinaH || 98|| shrIsiddhikujikAM shUnyAlaye shmashAne nadItIre gopIte parvate.apyekali~Nge ga~NgAgarbhe latAgR^ihe mahApIThopapIThe pUrNagiripIThe mahoDyAnapIThe jAlandharapIThe mahAkAmarUpe vR^iShashUnyashivAlaye svayambhusadAshivasannidhAne niyamenAniyamena vA mahAsha~NkhamAlayA vA varNamAlayA yo lakShamAvartayati sa vishvAdhIsho bhavati sa trailokyAdhIsho bhavati sa brahmamayo bhavati sa tattvamayo bhavati sa sarvadevamayo bhavati sa sarvadevamayo bhavatIti || 99|| \section{|| 8||} kubjeshvaraM yajedvAme kujikAM dakShiNe yajet || 1|| ye puruShe brahma viduste viduH parameShThinam | yo veda parameShThinaM yashcha veda prajApatim || 2|| prajApatirabrAvIta || praNavasya chotpattirvipro yo na jAnAti tatpunarupanayanam | praNavasya chotpattiH kubjikopAsako yo na jAnAti sa kathaM kubjikArAdhanaM karoti sahasrAbdakoTilakShapurashcharaNenApi na mantrasiddhirbhavati | tasmAnmahAkujikopAsako sarvathA praNavotpattij~nAnaM praNavArthaj~nAnaM kartavyamiti || 3|| praNavArthaj~nAnaM vinA mahAvidyAM na yajediti brahmavAdinaH | chaturNAM vedAnAmAdipUrvA OM bhUrbhuvaHsvariti vyAhR^itayo bhavanti | sarvamantrANAmAdipUrva o~NkAro bhavati | o~NkArAdyA vidyA brahmavidyochyate || 4|| o~NkAraM pR^ichChAmaH || ko dhAtuH kiM prAtipadikaM kiM nAmAkhyAtaM kiM li~Nga ki vachanaM kA vibhaktiH kaH pratyayaH kaH svara upasargo nipAtaH kiM vai vyAkaraNa ko vikAraH ko vikArI katimAtraH katyakSharaH katipadaH kaH saMyogaH ki sthAnAnupradAnakaraNaM shikShukAH kimuchchArayanti kiM ChandaH ko varNa iti pUrve prashnAH | athottare mantraH kalpo brAhmaNamR^igyajuH sAma | kasmAdbrahmavAdina o~NkA ramAditaH kurvanti | ki daivataM ki jyotiShaM ki niruktaM ki sthAna kA prakR^itiH kimadhyAtmamiti ShaTtriMshatprashnAH | pUrvottarANAM trayo vargA dvAdashakA etairo~NkAra vyAkhyAsyAmaH || 5|| OM ityetadakSharasya pAdAshchatvAro vedAshchatvAraH | chatuShpAdametadakSharaM dvivarNa chaturmAtraM sarvavyApi sarvavibhavayAtayAmaM brahma brAhmI brahma daivatam || 6|| tasya pUrvA mAtrA pR^ithivyakAraH sa R^igbhirR^igvedo brahmA vasavo gAyatrI gArhapatyaH | dvitIyAntarikShamukAraH sa yajurbhiryajurvedo rudro rudrA triShTubdakShiNAgniH | tR^itIyA dyaurmakAraH sa sAmabhiH sAmavedo viShNurAdityA jagatyAhavanIyaH | yAvasAne.asya chaturthyardhamAtrA sAluptamakAraH so.atharvaNairatharvavedaH saMvartako .agnirmaruto virADekaR^iShira~NgirA bhAsvatI svabhA || 7|| prathamA raktA brAhmI brahmadaivatyA | dvitIyA shubhashuklA raudrI rudradaivatyA | tR^itIyA kR^iShNA viShNumatI viShNudaivatyA | chaturthI vidyunmatI sarvavarNA puruShadaivatyA | sa eSha o~NkAro bhavati || 8|| OM ityekAkSharaM brahma yaduktaM brahmavAdibhiH | sharIraM tasya vakShyAmi sthAnaM kAlaM layaM tathA || 9|| tatra devAstrayaH proktA lokA vedAstrayo.agnayaH | tisro mAtrArdhamAtrA cha tryakSharasya shivasya cha || 10|| R^igvedo gArhapatyashcha pR^ithivI brahma eva cha | akArasya sharIraM tu vyAkhyAtaM brahmavAdibhiH || 11|| yajurvedo.antarikShaM cha dakShiNAgnistathaiva cha | viShNushcha bhagavAndeva ukAraH parikIrtitaH || 12|| sAmavedastathA dyauchAhavanIyastathaiva cha | IshvaraH paramo devo makAraH parikIrtitaH || 13|| sUryamaNDalamAbhAtya akAraH sha~NkhamadhyagaH | ukArashchandrasa~NkAshastasya madhye vyavasthitaH H || 14|| makArastvagnisa~NkAsho vidhUmo vidyutopamaH | tisro mAtrAstathA j~neyAH somasUryAgnitejasA || 15|| shikhA cha dIpasa~NkAshA yasmiMstu parivartate | ardhamAtrA tu sA j~neyA praNavasyopari sthitA | brahmasUtranibhA sUkShmA shikhAbhA dR^ishyate parA || 16|| yA sA prathamA mAtrA brahmadevatyA raktA, varNena yastAM dhyAyate nityaM sa gachChedvAbhyaM padam | yA sA dvitIyA mAtrA viShNudevatyA kR^iShNA varNena yastAM dhyAyate nityaM sa gachChedvaiShNavaM padam | yA sA tR^itIyA mAtrA IshAnadevatyA kapilA varNena yastAM dhyAyate nityaM sa gachChedaishAnaM padam | yA sArdhachaturthI mAtrA sarvadevatyA | vyaktIbhUtA khaM vicharati shuddhasphaTikasannibhA varNena yastAM dhyAyate nityaM sa kubjeshvaratvaM prApnotyevaM veda mahAkubjikopaniShat || 17|| \section{|| 9||} mahAbhUtadinArdharAtre shmashAne gatvAsanaM saMshodhya mahApAtraM saMsthApya mahAyantraM prapUjya mahAsha~NkhamAlayA diksahasraM sam~napya santarpya samarpya piShTamayapratimAM kR^itvA hR^idaye svashatroH sAdhyaM saMlikhya pR^ithvIbIja visargabinduyutaM sarvA~Nge saMlikhya dakShiNAbhimukhaM saMsthApya jIvanyAsaM kuryAt || 1|| jIvalA naghAriShAM jIvantImoShadhImaham | trAyamANAM sahamAnAM sahasvatImiha huve.asmA ariShTatAtaye || 2|| ihAyantu prachetaso medinIrvachaso mama | yathemaM pArayAmasi puruShaM duritAdadhi || 3|| prANamAhurmAtarishvAnaM vAto ha prANamuchyate | prANe ha bhUtaM bhavyaM cha prANe sarvaM pratiShThitam || 4|| prANAya namo yasya sarvamidaM vashe | yo bhUtaH sarvasyeshvaro yasminsarvaM pratiShThitam || 5|| AtharvaNIrA~NgirasIrdaivIrmanuShyajA uta | oShadhayaH prajAyante yadA tvaM prANa jinvasi || 6|| yo asya vishvajanmana Ishe vishvasya cheShTataH | anyeShu kShipradhanvane tasmai prANa namo.astu te || ityanena prANapratiShThAM kR^itvA dhyAtvA pUjayet || 7|| gR^idhrakarNi virUpAkShi lambastani mahodari | jahi shatrUntrishUlena kuddhAsya piba shoNitam || 8|| kR^iShNavarNi bR^ihadUpi bR^ihatskandhi mahayi | devi devi mahAdevi mama shatrUnvinAshayoM namaH || 9|| yadA keshAnasthi snAva mAMsaM majjAnamAbharat | sharIraM kR^itvA pAdavatkaM lokamanu prAvishat || 10|| kutaH keshAnkutaH snAva kuto asthInyAbharat | a~NgA parvANi majjAnaM ko mAMsaM kuta Abharat || 11|| saMsicho nAma te devA ye sambhArAM samabharan | sarvaM saMsichya martya devAH puruShamAvishan || 12|| UrU pAdAvaShThIvantau shiro hastAvatho mukham | pR^iShTIrbarjahye pArshve kastatsamadadhAdR^iShiH || 13|| shiro hastAvatho mukha jihAM grIvAshcha kIkasAH | tvachA prAvR^itya sarvaM tatsandhA samadadhAnmahI || 14|| yattachCharIramashayatsandhayA sahitaM mahat | yenedamadA rochate ko asminvarNamAbharata || 15|| sarve devA upAshikShantadajAnAdvadhUH satI | IshA vashasya yA jAyA sAsminvarNamAbharata || 16|| yadA tvaShTA vyatR^iNatpitA tvaShTraya uttaraH | gR^ihaM kR^itvA maryaM devAH puruShamAvishan || 17|| kuta indraH kutaH somaH kuto agnirajAyata | kutastvaShTA samabhavatkuto dhAtAjAyata || 18|| indrAdindraH somAtsomo agneragnirajAyata | tvaShTA ha jaj~ne tvaShTurdhAturdhAtAjAyata || 19|| svapno vai tandrI nirR^itiH kubjikA nAma devatAH | jarA khAratyaM pAlityaM sharIramanu prAvishan || 20|| steyaM duShkR^itaM vR^ijinaM satyaM yaj~naM yasho bR^ihat | balaM cha kShatramojashcha sharIramanu prAvishan || 21|| bhUtishcha vA abhUtishcha rAtayo.arAtayashcha yAH | kShudhashcha sarvAstR^iShNAshcha sharIramanu prAvishan || 22|| nindAshcha vA anindAshcha yachcha hanteti neti cha | sharIraM shraddhA dakShiNAshraddhA chAnu prAvishan || 23|| vidyApa vA avidyAshcha yachchAnyadupadeshyam | sharIraM brahma prAvishadR^ichaH sAmAtho yajuH || 24|| AnandA modAH pramudo.abhImodamudashcha ye | haso nariShTA nR^ittAni sharIramanu prAvishan || 25|| AlApAshcha pralApAshchAbhIlApalapAshcha ye | sharIraM sarve prAvishannAyujaH prayujo yajuH || 26|| prANApAnau chakShuH shrotramakShitishcha kShitishcha yA | vyAnodAnau vA~NmanaH sharIreNa ta Iyante || 27|| AshiShashcha prashiShashcha saMshiSho vishiShashcha yAH | chittAni sarve sa~NkalpAH sharIramanu prAvishan || 28|| AsteyIshcha vAsteyIshcha tvaraNAH kR^ipaNAshcha yAH | guhyAH shukrAH sthUlA ApastA bIbhatsAvasAdayana || 29|| asthi kR^itvA samidhaM tadaShTApo asAdayan | retaH kR^itvAjyaM devAH puruShamAvishan || 30|| ityanena jIvanyAsaM kR^itvA anena mantreNa pratimAM pUjayet | svAtmAnaM brahmasvarUpaM dhyAtvA prajvalachchitAgnau puttalikAM lomeneti mantreNa juhuyAt || 31|| yA Apo yAshcha devatA yA virADbrahmaNA saha | sharIraM brahma prAvishachCharIre.adhi prajApatiH || 32|| sUryashchakShurvAtaH prANaM puruShasya vibhejire | athAsyetamAtmAnaM devAH prAyachChannagnaye || ityanena brahmasvarUpo.ayamAtmA brahmeti || 33|| tasmAdvai vidvAnpuruShamidaM brahmeti manyate | brahmAparaM yujyatAM brahma pUrvaM brahmAntato madhyato brahma sarvataH || evaM brahmAtmAnaM j~nAnaM j~nAtvA loma lomneti mantreNa homayet || 34|| loma lomnA sa~NkalpayA tvachA sa~NkalpayA tvacham | asR^ikte asthi rohatu mAMsaM mAMsena rohatu || 35|| amukasya daha gAtrANi daha mAMsaM daha tvachama | daha tvagasthyasR^iglomAni asthibhyo majjikAM daha || iti mantreNa homayet || 36|| architvA kR^iShNapuShpaistAM dagdhvA dhUpaM baliM haret | balimAlomikA dhAnAM shakulyaH palalaM surAm || 37|| piShTakulmAShamAMsAni madhuloDAphalAni cha | puShpAni kR^isharaM matsyAnapUpAnupahArayet || 38|| yatte devI nirR^itirAbabandha dAma grIvAsvavimokyaM yat | tatte vi ShyAmyAyuShe varchase balAyAdomadamannavR^iddhiH prasUtaH || 39|| namo.astu te nirR^ite tigmatejo.ayasmayAnvintA bandhapAshAn | yamo mahyaM punarittvAM dadAti tasmai yamAya namo astu mR^ityave || 40|| OM namo yamAya pa~nchamahApretAdhipataye hrIM mama shatrUnmAraya 2 shoShaya 2 tADaya 2 bhedaya 2 Chedaya 2 daha 2 pacha 2 matha 2 vidhvaMsaya 2 mamAmukashatroH saparivAraM nAshaya 2 kahaphreM phaT svAhA || ityanena yamarAjaM pUjayet | sa sarvAn shatrUnmArayati sa sarvashatruchchATanaM karoti sa sarvaloka jayatIti || 41|| \section{|| 10||} yadi kashchidanarthavido j~nAtvA pramAdAdvA lobhAdvA yaH prayogaM kurute viparItaphalabhAgbhavati pa~nchatvamApnoti sa vAtulo bhavati || 1|| atharvavedoktaH pippalAdashaunakIshAkhAdhyApako pArAsharagotrotpannabrAhmaNo vA kubjikopAsakasvirAtryupoShitaH prA~Nmukho vAgyato barhiShyupavishya sahasraM kR^itvAvartayetsidhyantyasyArthA sarvakarmANi sarvaprayogAdIni | vashyaM vidveShaNaM chaiva mAraNaM mohanaM tathA || 2|| ya evaM veda mahAkubjikArahasyopaniShatsarvopaniShatsAratattvArthaM veda | sa sarvakANi karoti parasenAstambhanaM karoti parasenAnvidrAvayati shoShayati mArayati mohayati stambhayati ya evaM veda || 3|| mss kR^ite pUrvAmnAyordhvAmnAyopAsanaM kuryAt | tretAyAM dakShiNottarAmnAyopAsanaM kuryAt | dvApare.adhAmnAyopAsanaM kalau pashchimAmnAyopAsanaM kuryAt || 4|| mahAkubjike pashchimAmnAyeshvari sarvabhUteshvari mahAvidyeshvari devi sharaNaM tvAhamAgato daurbhAgya me jahi saubhAgyavati sarvasaubhAgyaM me dehi dhanavati dhanaM me dehi yashasvati yasho me dehi putravati putrapautrAnme dehi sarvavati sarvAnme kAmAnme dehi || 5|| iti mantreNa kubjikAM praNamya bhaumAShTamyAM mahAnishArdhe shmashAne gatvA pretAsanopavishya kapAlapAtraM ghR^itapUritaM ShaTkoNAShTakoNaM chaturasraM kR^itvA pUrNapAtraM saMsthApya vIranADyena ShoDashatantubhirvartikAM kR^itvA pashchimAbhimukhaM dIpa prajvAlyAhorAtraparyantaM \ldq{}amukaM me vashamAnaya OM hasphreM AM hrIM kroM shaphreM oM\rdq{} iti shatamaShTottarasahasraM sanapAtpratyakShaM kubjikAdarshanaM karoti trailokyaM vashamAnayati ya evaM vedeti mahAkubjikApUjanopaniShat || 6|| \section{|| 11||} kAlikA cha mahAkubjA tArApi kubjikA smR^itA | ShoDashI siddhikubjA cha kubjikA bhuvaneshvarI || 1|| kubjA bhairavI vikhyAtA kubjikA ChinnamastakA | dhUmAvatI smR^itA kubjA kubjikA bagalAmukhI | mAta~NgI vIrakubjA cha kubjikA kamalAparA || 2|| pUrvAmnAyeshvarI kubjA pashchimAmnAyasvarUpiNI | uttarAmnAyeshvarI kubjA dakShiNAmnAyasvarUpiNI || 3|| adhAmnAyeshvarI kubjA mahomniAyasvarUpiNI | ShasiMhAsanagA kubjA ratnasiMhAsanasthitA || 4|| brahmANIsahito brahmA mAheshIsahitaH shivaH | vaiShNavIsahito viShNuH kubjikAM samupAsate || 5|| kAlikAdyA mahAdashavidyAH kubjikApUjAyantrarAjopari bAhyAdikrameNa ShaTkoNe binduchakre gurUpadiShTamArgeNa yajet | dvAradevatA hyAdau sampUjya tato.aShTakoNadevatAM yajediti || 6|| kAlikA mahogratArAM ShoDashI bhuvaneshvarI bhairavI prachaNDograchaNDikA dhUmAvatI mAta~NgIM bagalAmukhIM shrIsiddhilakShmI yathAkrameNoktamantreNa yajet | shrIsiddhilakShmyA mahAnavArNAmUlena shrIsiddhilakShmI yajet | binduchakrarAjopari shrIsiddhilakShmI mahAShoDashopachAraiH prapUjayet | kAlikogratArAH prachaNDachaNDikA trikoNe sa | mpUjayet | dvAviMshatyakShareNa mahAkAlikAM yajet | pashchimAdikrameNa ShaTkoNachakre ShoDashIbhuvaneshvarIbhairavIdhUmAvatImAta~NgIbagalAmukhIryajet | tArAM tryakShareNa bhuvaneshvarIM hyekAkShareNa chaitanyabhairavyA mahAShaTkaTamahAmantrarAjena dhUmAvatI saptAkShareNa mAta~NgI mahAShTAkShareNa ShaTtriMshatirakSharImahAbrahmAstramantrarAjena bagalAmukhIM yajet | pashchimAdivAmAvartena tadyantraM tachchakramaNDale yathoktakrameNa kubjikA yajet | mahAnishArdhe mahApa~nchamakAreNa sarvadA prapUjayediti || 7|| shAkteShu divyabrahmachArI rAtrau nagnaH sadA maithunAsakto madhunAsakto manasA japapUjAdiniyamo yoShitAM priyakaro bhagodakena tarpaNaM yonikShatena toyena tarpaNa tenaiva pUjanaM sarvadA kubjikArUpamAtmAnaM vibhAvya mahArghapAtraM saMsthApya mahAyantra prapUjya mahAsha~NkhamAlayA shatamaShTottaraM sApya tarpya samarpya lehyachoShyapeyAtmaka bhakShyabhojyamAcharediti || 8|| evaM yaH kriyate kubjikArAdhanaM sa nakShatrANAM yathA somo jyotiShAmiva bhAskaraH | bhAti sarveShu lokeShviti || 9|| chakShuSho hete manaso hete brahmaNo hete tapasashcha hete || 10|| taM tvA prapadye taM tvA pravishAmi sarvaguH sarvapuruShaH sarvAtmA sarvatanUH saha yanme.asti tena || 11|| sa sarvAtmA sa sarvabhUtAtmA sa j~nAnAtmA sa vishvAtmA sa paramAtmA sa antarAtmA sa antarAntarAtmA sa jIvAtmA sa devAtmA sa vedAtmA sa lokAtmA sa parabrahmAtmA sa jyotirUpAtmA sa sarvavyApipuruSho bhavati | sa sAkShimAtro.avatiShThati sa puNyapApairna lipyate | yantra nAduHkhaM sukhaM shAntaM nityAnanda brahmAdivanditaM nirvANaM labdhvA punarAvartati || 12|| mahApUrNAbhiShekaM kR^itvA kubjikopAsanaM kuryAnno chedvAtulo bhavati pa~nchatvaM prA potyevaM veda | pUrNAtpUrNamudajati pUrNaM pUrNena sichyate | sa sarvamantropadeshaM gR^ihNIyAt | kechichchidAchAryamukhena sauryaM gANapatyaM shaivaM vaiShNavaM shaktimantraM vedoktamantraM navagrahamantramaShTAviMshatinakShatramantraM sarvamantraM gR^ihNIyAttasya sarvayantrapUjane.apyadhikAraH sa sarvatantrAdhyApako bhavati || 13|| satyaM bR^ihadR^itamugraM dIkShA tapo brahma yaj~naH pR^ithivIM dhArayanti || 14|| yadabhivadati dIkShAmupaiti yadudakaM yAchatyapaH praNayati || 15|| yA eva yaj~na ApaH praNIyante tA eva tAH || 16|| yattarpaNamAharanti ya evAgniShomIyaH pashurbadhyate sa eva saH || 17|| etadvA u svAdIyo yadadhigavaM kShIraM vA mAMsa vA tadeva nAshnIyAt || 18|| shriyaM cha vA eSha saMvidaM cha gR^ihANAmashnAti yaH pUrvo.atitheranAti || 19|| ashitAvatyatithAvashnIyAdyaj~nasya sAtmatvAya yaj~nasyAvichChedAya tadvatam || 20|| brAhmaNo jaj~ne prathamo dashashIrSho dashAsyaH | sa somaM prathamaH papau sa chakArArasaM viShama || 21|| abhi prehi dakShiNato bhavA no.adhA vR^itrANi ja~NghanAva bhUri | juhomi te dharuNaM madhvo agramubhAvapAMshu prathamA pibAva || 22|| yasya pitA pitAmahaH somaM na pibati sa pashutvaM prApnoti ya evaM veda mahAkubjikApUjanatattvopaniShat || 23|| \section{|| 12||} atha mahAkAlikAM vyAkhyAsyAmaH || kAmarephendirAsamaShTirUpiNImetattiguNitAmAdau | tadanu kUrchadvayam | kUrchabIjaM tu vyomaShaShThasvarabindumelanarUpam | tadeva dviruchchArya | bhuvanAdvayam | bhuvanA tu vyomajvalanendirAkalAbindumelanarUpA | taddyam | dakShiNA kAlikA chetyabhimukhagatA | tadanu bIjasaptakamuchchArya bR^ihadbhAnujAyAmuddharet | sa tu shivamayo bhavet | sa tu sarvasiddhIshvaro bhavet | gatistasyAstIti | nAnyasya gatirastIti | sa tu vAgIshvaraH sa tu nArIshvaraH sa tu deveshvaraH sa tu lokeshvaraH sa tu sarveshvara iti || 1|| bhairavo.asya R^iShiH prokta uShNikChanda udAhR^itaH | hR^idisthA cha mahAvidyA kAlikA guhyakAlikA || 2|| kAlI karAlI cha manojavA cha sulohitA yA cha sudhUmravarNA | sphuli~NginI vishvaruchI cha devI lelAyamAnA iti sapta jihvAH || 3|| abhinavajaladasa~NkAshAmunnatastanI kuTiladaMShTrA shavAsanA kAlikA dhyeyA | tri koNaM trikoNaM navakoNaM padmam | tasmindevIM sarvA~NgenAbhyarchya pa~nchamahAmakAreNa rAtrau sarvadA yajediti || 4|| jIvanmuktaH sa vij~neyo yaH smaretkAlikAM parAm || 5|| pa~nchamakAreNa bhuktimuktikavitvaputrapashukIrtij~nAnaishvaryavAnbhavati ya evaM vedeti mahAkubjikopaniShat || 6|| \section{|| 13||} atha mahogratArAM vyAkhyAsyAmaH || prathamaM vedAdibIjama | dvitIyaM trapAbIjama | tR^itIyaM krodhabIjamiti || 1|| vAgAdyAM kamalAdyA kAmAdyAM vA jagattAriNImetAM yo vindyAtsa vAgIsho bhavati sarvashravaNo bhavati sarvAM sampadamIShTe || 2|| shuddhA niShkalAM trivarNapUtAM yo jAnAti sa pApmAnaM tarati sa brahmahatyAM tarati sa vIrahatyAM tarati sa bhrUNahatyAM tarati sa mR^ityu tarati | muktiM labhate garbhajanmajarAmaraNatApatrayAtmakaM duHkhaM tarati || 3|| ya etAM bhuvanAdyAM smarati chintayati dhArayati gurumupAste sa chaturvargaphalabhAgbhavati || 4|| yo mahAchInakrameNa latAgAde mahAsha~NkhamAlayA lakShamAvartayati sa vishvAdhIsho bhavati sa sarvavidyAvAnbhavati sa brahmadhAmavAnbhavati sa nirlepo niShkalo dvandvavarjito vigatajvara AsantattvaviShayo amR^itatvapadamashnute sa nirvANapadamApnoti || 5|| pUjAsthAnamasyA antaH ShaTkoNamaShTadalaM bhUpuramiti | ShaTkoNeShu ShaDa~Nga madhye tArAmaShTapatte yoginyaH || 6|| yoginyo yathA | mahAkAlyatha rudrANI ugrA bhImA tathaiva cha | ghorA cha bhrAmarI chaiva mahArAtrishcha saptamI | bhairavI chAShTamI proktA yoginIstAshcha pUjayet || 7|| itthaM yo bhajate devIM sa bhavetkalpapAdapaH | sarvakAmamavApnoti prApnoti paramaM padam | OM tatsat || 8|| imAmadhIyAnastarka AgamapurANakAvyadivyauShadhIsho bhavati sa sarvamantrajApako bhavati sa sarvayantrapUjako bhavati sa sarvadevasamo bhavati sa sarvadevasamo bhavati ya evaM veda kabjikArAdhanakramatattvopaniShata || 9|| \section{|| 14||} atha rAjarAjeshvaryA mahAShoDashArNamantroddhAraM vyAkhyAsyAmaH || prathamaM mahAlakShmIbIjam | mahAlakShmIbIjaM tu kulakaulinI vishvatomukhyArUDhaM mAyAsvarabhUShitaM kalAkubjikAbhUShitam | shrIbIjam | dvitIyaM bhuvaneshvarIbIjam | bhuvaneshvarIbIja tu parAtmA vyApakArUDhaM bindumAlinIbhUShitaM kalAkubjikAyutam | bhuvaneshvarIbIjam | tR^itIyaM kAmarAjam | kAmarAjaM tu mahAkAlI mAMsArUDhaM mohinIbhUShitaM kalAkubjikAyutam | kAmarAjam | chaturthaM vAgbhavam | vAgbhavaM tu j~nAnAmR^itA vyomarUpIbhUShitaM kalAkubjikAyutam | vAgbhavam | pa~nchamaM shaktibIjam | shaktibIja tu jagabIjaM jvAlAmAlinIbhUShitaM kalAmR^itAvarShaNIyutam | shaktibIjam | ShaShThamaM vedAdibIjam | vedAdibIjaM tu pashchimAsyaH pUrNimAbhUShitaM kalAkubjikAyutam | vedAdibIjam | saptamaM hyaShTamaM lajjAbIjaM shrIbIjaM samuchchArya | trikUTAtmA mahApa~nchadashAkSharI navamaM dashamaikAdashamaM bIjaM bhavati | pa~nchadashAkSharI tu mahAkAlaH kuNDalI pAvakaH pinAkIshaH | samuchchArya bhuvanAbIjaM paThet | parAtmAparamAtmAmahAkAlIchaitanyavedAstrakUTaM paThitvA mAyAbIjaM paThet | nIlakaNThaH sthANuH krodhIsho bIjAtmA lajjAbIjam | dvAdashamaM shaktibIjam | trayodashamaM chaturdashamaM vAgbhavaM manmathAkhyam | pa~nchadashamaM bhuvaneshvarIbIjam | lakShmIbIjaM ShoDashamam || 1|| eShA mahAtripureshvaryA mahAShoDashArNamantrarAja yo jAnAti sa sAdehasAraupyasAyujyasAlInatvaM prApnoti sa nirvANesho bhavati sa sarvasAmrAjyavAnbhavati sa chittAnAkarShayati sa jIvAnAkarShayati sa nAmAkarShayati sa budhyAnAkarShayati sa dhairyAnAkarShayati sa rUpAnAkarShayati sa prANAnAkarShayati sa devAnAkarShayati sa | lokAnAkarShayati sa sarvAnAkarShayati || 2|| R^iShishcha dakShiNAmUrtiH pashChindastu sammukhe | devatA cha mahAvidyA ShoDashI tripureshvarI || 3|| bIjaM cha vAgbhavaM prokta shaktishcha shaktibIjakama | kAmarAja mahAbIja kIlake viniyojayet || 4|| pUjAsthAnamasyA bindustrikoNamaShTakoNaM dashakoNaM dashakoNaM manukoNamaShTapattaM ShoDashapatta vR^ittatrayaM sandhyAvR^ittairishobhAyama | mahAshrIchakrarAjaM sarvayantrottama mokShadvAraM brahmANDAkArarUpaM bhUgolachakra shrIchakram | yaH shrIchakra vetti sa sarvaM vettIti || 5|| AdhAranavaka mudrAshaktayaH | pR^ithivyaptejavAyvAkAshashabdasparsharasarUpagandhavAkpANipAdapAyupasthamanovikArAH kAmAkarShiNyAdayaH ShoDashashaktayaH | vachanAdAnagamanavisargAnandahAnopAdAnopekShAkhyabuddhayo ana~NgakusumAdyaShTau | kAmakrodhalobhamohamadamAtsaryapuNyapApamayA brAhmayAdyaShTashaktayaH | alambusA kuhUrvishvodarI vAruNI hastinI gAndhArI yashovatI payasvinI pUShA sha~NkhinI sarasvatI iDA pi~NgalA suShumnA cheti chaturdasha nADyaH sarvasa~NkShobhaNyAdi chaturdashashaktayaH | prANApAnavyAnodAnasamAnanAgakUrmakR^ikalAsadevadattadhana~njayAdayo dasha vAyavaH sarvasiddhipradA devyo bahirdashAragA devatAH | etadvAyudashasaMsargopAdhibhedena rechakaH poShakaH shoShako dAhakaH plAvakaH prANamukhyatvena pa~nchadhA jaTharAgnirbhavati | sariko hAriko kShobhako jR^imbhaka mohaka iti nAgaprAdhAnyena pa~nchavidhAste manuShyANAM dehagAH | bhakShyabhojyachoShyalehyapeyAtmakaM pa~nchavidhamannaM pAchayanti | etaddasha vahikalAH sarvaj~nAdyA antardashAragA devatAH | shItoShNasukhaduHkhechChAsattvarajastamoguNAnvitA vashinIvAgdevatAdyaShTashaktayaH | shabdAdipa~nchatanmAtrAH pa~nchapuShpabANAH | mana ikShudhanuH | rAgaH pAshaH | dveSha a~NkushaH | avyaktAhakAramahattattvamiti | kAmeshvarIvajeshvarIbhagamAlinyo.antastrikoNagA devatAH | shuddhA nirupAdhikA sA cha devI kAmeshvarI | sadAnandaghanaH svAtmaiva paradevatA | etasya sarvasya vimarshaH ananyachittatvena cha siddhiH | bhAvanAyAH kriyA upachAraH kartavyamakartavyamupAsitavyamiti ya evaM veda kubjikApUjanopaniShat || 6|| \section{|| 15||} atha bhuvaneshvarI vyAkhyAsyAmaH || prANeshaH prakR^ityArUDhaM bindumAlinIbhUShitaM kalAkubjikAyutam || 1|| mahAbhuvaneshvaryA mahAmantraikAkSharamantrarAjaM yo jAnAti sa trailokyAdhIsho bhavati sa sakalasAmrAjyeshvaro bhavati || 2|| pUjAsthAnamasyA antaHShaTkoNamaShTadalaM ShoDashadalaM bhUpuramiti || 3|| shrIbhuvaneshvaryA pUjAyantrarAjaM yo jAnAti sa sarvaishvaryavAnbhavati khecharatvaM prAprotyevaM veda mahAkubjikAdhyAnatattvopaniShat || 4|| \section{|| 16||} atha chaitanyabhairavIM mahAmannapUrNeshvarI bhairavIM vyAkhyAsyAmaH || prathamaM chaitanyeshvarI tripurasundaryArUDhaM mAheshvarIbhUShitaM kalAmR^itAkarShaNIyutaM prathamam | dvitIyaM nIlakaNThaM mahAkAlaM pinAkIshaM samuchchArya mAyAbIjam | tato.ambikApati vR^ikodarI dIpArUDhaM jvAlAmAlinIbhUShitaM kalAkubjikAmelanaM kvachitsundarIyutam | chaitanyabhairavyA mahAmantrarAjam || 1|| hrIM namo bhagavatIti mAheshvarI padaM punaH | annapUrNe ThayugalaM vAgIshatvapradaM parama || 2|| trikoNaM binduchakra tu dalavedasamanvitam | vasupattuM ShoDashAbja bhUpura dvArabhUShitam || 3|| idaM yantraM yantrarAjaM sarvadevaiH prapUjitam | bAlAbhairavIvidyApi aiM klIM sauH tryakSharI parA || 4|| rAtrau tAmbUlapUrNamukhaM kR^itvA sAdhakasattamaH | lakShamekamanujaptvA sa kaivalyaM padamashnuteti || ya evaM veda mahAkubjikopAsanopaniShata || 5|| \section{|| 17||} atha prachaNDograrUpAM kartR^ikapAlahastAM pratyAlIDhapadA viparItAsanasthA svamuNDadharAM lalajjihvAM mahAghorAM DAkinIvarNinIsahitAM mahAChinnamastAM vyAkhyAsyAmaH || 1|| prathamaM mahAlakShmIbIjam | mahAlakShmIbIjaM tu visphuli~NginI vishvamukhyArUDhaM bindumAlinIbhUShitaM kalAmR^itAkarShaNIyutam | mahAlakShmIbIjam | dvitIyaM manobhavabIjam | manobhavabIjaM tu mahAkAlI dharArUDhaM govindasvarabhUShitaM kalAkalAnidhiyutam | manobhavabIjam | tR^itIyaM trapAbIjam | trapAbIjaM tu prANesho vedakaNThArUDhaM tUryasvarabhUShitaM kalAkubjikAyutam | trapAbIjam | chaturthaM vAgbhavam | vAgbhavaM tu sa~NkarShaNaH kalAchetanabhUShitam | vAgbhavaM samuchchArya vajravairochanIye paThitvA bhuvanAdvayam | tato.astrabIjam | tataH shaktirvareNyayuta prachaNDasvarabhUShita paramAtmA vinAyakabhUShitam || 2|| mahAmantrarAjaM saptadashAkSharI yo jAnAti sa saptadvIpeshvaro bhavati sa trilokeshvaro bhavati sa devendro bhavati sa prachaNDograChinnamastApratyakShadevatAdarshanaM karoti sa ChinnamastAsvarUpo bhavati sa sarvaduShTAnmArayati shoShayati stambhayati jR^imbhayati sa chaturdashabhuvanAdhIsho bhavati || 3|| jvalachchitAmadhyasaMsthA madAghUrNitalochanAma | vidyutkoTipratIkAshAM dADimIkusumopamAm | evaM dhyAtvA yajechChinnAM ghorarUpAM digambarAma || 4|| pUjAsthAnamasyA antaH krodhabIjaM vilikhya tatastrikoNaM dvAratrayabhUShitaM vR^ittatrayaM trikoNaM saMlikhya vasupattU bhUpuram || 5|| prachaNDograchaNDikAmahAChinnamastApujAyantrarAjaM yo jAnAti nityaM yo.archayati yopAsanaM sarvadA karoti svashikhAyAM yo dhArayati sa brahmatvaM prApnoti sa viShNutvaM prApnoti sa rudratvaM prApnoti sa brahmasamo bhUtvA sarvAndevAnsarvAMllokAnsarvAtmAnaM saMsR^ijati viShNusamo bhUtvA sa sarvAndevAnsarvAMllokAnsarvAtmAnam | pratipAlayati sa rudrasamo bhUtvA sarvAndevAnsarvAMllokAnsarvAtmAnaM jagatsthAvaraja~NgamaM bhUtaM bhavadbhaviShyatsarvaM saMhArayati sa sarvashAstrArthaM jAnAti sa vedArthaM karoti sa sarvashAstrAdhyApako bhavati nyAyamImAMsAsA~NkhyapAta~njalavyAkaraNavedAgamajyotiShadharmashAstrArthaM jAnAti sa AyurvedadhanurvedagAndharvavedArthashAstraM jAnAti sa sakalashAstrArthaM jAnAti ya evaM veda || 6|| mahAbhUtadinArdharAtrau gatvA shmashAne nirjane mahograpIThAlaye bIjena snAtvA prachaNDachaNDikA dhyAtvA pItvA bhuktvA natvA smR^itvA prachaNDograchaNDikAChinnamastApUjAchakrarAjaM pashchimAbhimukhaM saMsthApya mahApa~nchamakAraiH sampUjya vidhivatsantarpya japya samarpya mahAmAMsaM madhunAbhighAritaM sAjyaM raktachandanaM raktotpalasahasraM karavIrasahasraM juhayAt | shakti santoShya pa~nchamaM kR^itvA svaretasA ChinnamastAM santarpya kuNDagolodbhavena svayambhUpuShpena sarvadA yajet || 7|| sa navadvIpeshvaro bhavati sa mahArAjarAjeshvaro bhavati sa chaturdashabhuvanAdhIsho bhavati sa mahAkavirbhavati sa mahAkavIndreshvaro bhavati ya evaM veda mahAkubjikApUjanopaniShat || 8|| \section{|| 18||} atha dhUmAvatIM vyAkhyAsyAmaH || prathamaM vakratuNDaM mahAvidyeshvarIbhUShitaM kalAkubjikAyutam | tataH shabdAtmA kubjasvarabhUShitam | tR^itIyaM vaikhuNThaM pitAmahabhUShitam | chaturthaM vareNyam | pa~nchamaM vArAhI sarveshvarI mohinIbhUShitam | AgamaH pramattaH sharIrAkarShaNIsaMyutam || 1|| mahAdhUmAvatI yo jAnAti sa sarvasaubhAgyArogyadhanadhAnyaputrapashukIrtij~nAneshvaryavAnbhavati sa trailokyaM jayati sa rudratvaM prApnotyevaM veda || 2|| pUjAyantramasyA antaHShaTkoNaM vasupattaM bhUpuram || 3|| dhUmAvatyAH pUjAchakrarAja shmashAne nararaktena vilikhya mahAshakopari mahApa~nchamakAraiH pa~nchopachAraiH svayambhUkusumaiH samabhyAkShamAlayA niyamena yo lakShamAvartayati sa brahmAdimAraNaM karoti sa sarvAna shatrUnmArayatyuchchATayati stambhayati dveShayati ShaTaprayogasiddhibhAgbhavati sa khecharatvaM prApnotyevaM veda mahAkubjikArchanatattvAmR^itasAropaniShat || 4|| \section{|| 19||} atha mahAbrahmAstravidyA ShaTviMshatiratnAkSharI mahApItAmbarA pItasiMhAsanasthA pItagandhAnulepanA pItapuShpA~njaliratA svarNAla~NkArabhUShitA mahApItavarNA pItAmbarA brahmAstravidyA | mahAbagalAmukhyAH ShaTviMshatiratnAkSharI vyAkhyAsyAmaH || 1|| prathamaM vedAdibIjam | vedAdibIjaM tu jvAlAmAlinI kAmakalAvR^iShadhvajabhUShitam | vedAdibIja prathamam | dvitIyaM sthiramAyAbIjam | sthiramAyAbIjaM tu paramAtmA vyApakArUDhaM bindumAlinIbhUShitaM kalAmR^itAkarShaNIyutaM samuchchArya kapardinI [ || .] pinAkIshaH kAshIshvarabhUShitaM puruShottamaH shatrughnasvarabhUShitaM kapAlI parAparabhUShitaM durgottAriNI sAgaraH shirasi vahUyArUDhaM yoginI mohinIbhUShitaM parameShThI khecharIbhUShitaM bhagamAlinIyutaM shabdAtmA vighnarAjabhUShitaM pUrNimAyutaM nartakaH H surAntakasvarabhUShitaM chaturmUrtisvarUpiNyamR^itAkarShaNIyutaM vaikuNThaH ShaDvakR^isvarabhUShitaM prachaNDaH kubjikAbhUShitaM sahajAShADhI kubjikAbhUShitaM vishvamUrtiH sa~NkarShaNashchaturAnanaM nepAlasvarabhUShitaM prANeshaM vAruNIyutaM kAshIshvarabhUShitaM kubjikAyutaM mahAkAlaM mahAmAyAbhUShitaM vyApakaM sumukheshvarI mahAkAlI parAparabhUShitaM parAyaNaH prakAshaM paThitvA buddhiM nAshaya ityuchchArya sthiramAyAM punaH praNavaM svAhAnte cha yojayet || 2|| mahAbagalAmukhyAH ShaTviMshatiratnAkSharI yo jAnAti sa shatrusenAstambhanaM karoti sa devAnstambhayati sa lokAnstambhayati sa somaM stambhayati sa sUryaM stambhayati sa sarvaM jayati || 3|| pUjAyantramasyA bindustrikoNaM ShaTkoNaM vR^ittaM vasupattuM chatu`rashobhitaM brahmAstrayantrarAja bhavati || 4|| yo.archayati sa sarvadevapUjyo bhavati sa sarvadevasamo bhavati ya evaM veda mahAkubjikApUjanatattvAmR^itopaniShat || 5|| \section{|| 20||} atha rAjamAta~NginIM nIlotpalanibhAM nIlavastraparIdhAnAM nIlagandhAnulepanAM nIlasiMhAsanasthAM nIlashukahastAM nIlAbharaNabhUShitAM mahAnIlA sarva vidyArAj~nI mahAmAta~NgI vyAkhyAsyAmaH || 1|| prathamaM vedAdibIjam | dvitIyaM trapAbIjam | tR^itIyaM kAmarAjaM paThitvA mAta~Nginyai samuchchArya phaTsvAhAnte.api yojayet || 2|| mahAmAta~NgI yo.archayati smarati dhArayati gurumupAste sa sarvasAmrAjyavAnbhavati sa chaturvargaphalabhAgbhavati ya evaM veda || 3|| pUjAchakra bindustrikoNaM vasupattraM ShoDashAbja chaturdhArahInam || 4|| rAjamAta~NgImahAvidyashvaryAH pUjAyantrarAjaM yo jAnAti sa khecharo bhavati | mahAnishArdhe mahApa~nchamakAraiH sarvadA yajediti vadanti brahmavAdinaH shaunakAH || 5|| meShamArjAraraktena svayambhUkusumena cha | kuNDagolodbhavairmIsairmAta~NgIM sarvadA yajet || 6|| evaM yo.archayati sa mahArAjendro bhavati sa trailokyAdhIsho bhavati sa brahmAnandamayo bhavati sa j~nAnAnandamayo bhavati sa tattvAnandamayo bhavati sa pUrNAnandamayo bhavati sa sarvAnandamayo bhavati sa nirvANeshvaro bhavati sa kailAsAdhipo bhavati sa lokAdhipo bhavati sa sarvavidyAdhipo bhavati ya evaM veda mahAkubjikopaniShat || 7|| \section{|| 21||} atha mahAsiddhilakShmI sarva vidyeshvarI mahAsubhagAM pa~nchAnanAM tripa~nchAyatAkShIM dashabhujAM ratnasiMhAsanasthAM ratnAbharaNabhUShitAM sarvalakShaNasampannAM siddhilakShmI vyAkhyAsyAmaH || 1|| prathamaM tArabIjam | tArabIjaM tu pashchimAsyaH kubjikAbhUShitam | tArabIjam | dvitIyaM bhuvaneshvarIbIjam | bhuvaneshvarabIjaM tu chaitanyaM vedakaNThArUDhaM kAmakalAbhUShitaM kalAkubjikAyutam | bhuvaneshvarIbIjam | tR^itIya krodhabIjam | krodhabIjaM tu parAtmA mahAvidyeshvarIbhUShitaM kalAkubjikAyutam | krodhabIjam | chaturthaM prANeshaH pitAmahabhUShitaM kalAkubjikAyutam | pa~nchamaM rAvabIjam | rAvabIjaM tu prayAgaH prakR^ityArUDhaM bhagavatIbhUShitaM kalAkubjikAyutam | rAvabIjam | ShaShThaM nR^isiMhabIjam | nR^isiMhabIjaM tu kShetrapAla H pashchimAsyasvarabhUShitaM kalAkubjikAyutam | nR^isiMhabIjam | saptamaM mahA~NkushabIjam | mahA~NkashabIjaM tu mahAkAlaH sadyojAtasvarabhUShitaM kalAkubjikAyutam | mahA~NkushabIjam | aShTamaM shabdAtmA | navama mahAjIvaH sharIrAkarShaNIyutam | navamam || 2|| shrIsiddhilakShmyA mahAnavArNamUlamantrarAja yo jAnAti sa siddhilakShmIsvarUpo bhavati sa navadvIpeshvaro bhavati sa sarvasiddhibhAgbhavati sa mahAdevendro bhavati sa sarvavidoshvaro bhavati ya evaM veda || 3|| pUjAyantramasyA antastrikoNaM binduchakra bahiHShaTkoNaM dvAdashadalaM vasudalaM vIthIshobhAbhUShitaM dvArachatuShkam || 4|| shrIsiddhilakShmyA mahApUjAyantrarAjaM sarvayantrottamaM sarvayantramayaM mahAsiddhiyantraM mokShadvAraM yadyoginya uddishya nirvANamupavishanti bAhyAdikrameNa kubjikAyantra pUjayet | karA~NganyAsaM kR^itvA dvAradevatAM pUjayet | vAmahastena pUjanaM vAmamArgeNopAsanaM vAmakaramAlayA sarvadA kubjikAmanujapet | svashaktyA yukto vA kulAShTako yatnataH shaktisahitaH sAdhako sarvadA kubjikAM yajet || 5|| OM sa ka la vAgUpiNyai shrImahAkubjikAyai kaniShThAbhyAM namaH | hrIM sa ka la brahmavAnapiNyai shrIbrahmakabjikAyai anAmikAbhyAM namaH | klIM sa ka la viShNuvAgrUpiNyai shrIviShNukubjikArya madhyamAbhyAM namaH | hskhlaiM sa ka la rudravAmUpiNyai shrIsiddhikubjikAyai tarjanIbhyAM namaH | chauM aghoravAgUpiNyai shrIshmashAnakubjikAya karatalapR^iShThAbhyAM namaH || evaM hR^idayAdiShu nyAsamAcharet || indra tveti mantreNa mahendra mahAgajarAjairAvataM sampUjya || 7|| ye.adR^ihyanR^ijaveti mantreNa yamaM pUjayet || 8|| varaNo vArayeti mantreNa varuNamabhyarchayet || 9|| dhanvanA gA mantreNa kuberaM pashchimAdivAmAvartena yajet || 10|| jayA vijayA aparAjitA mohinI stambhinI jR^imbhinI sarvAkarShaNI sarvavidrAviNIM pashchimAdivAmAvartenAShTakoNe samabhyarchya | hAM hAkinI rAM rAkinI DAM DAkinI kA kAkinI shAM shAkinI lA lAkinI ShaTkoNeShu sampUjya | OM gaM ga~NgAyai OM yaM yamunAyai OM saM sarasvatyai namaH | iti trikoNachake yajet || 11|| mUlena binduchakropari | OM shrIM aiM UM shrIM mahAkubjeshvarA~NkasthAyai shrIkulakubjikAyai namo namo | ityanena kubjikAM yajet || pUrvoktakrameNa kAlikA tArA mahAShoDashI bhuvaneshvarI bhairavI ChinnamastA dhUmAvatI bagalAmukhI mAta~NgI shrIsiddhilakShmI pUrvoktamantreNa tattarpaNaM trikoNe tadvidyAyantrabhAvanA kartavyamiti | vadanti brahmavAdinaH shaunakAH || 12|| vikalpAnAmAtmani vilayaM homaH | bhAvanAviShayAnAmabhedabhAvanA tarpaNam | indriyarUpapashuchChedanamanindyA sarvajIvadayA brAhmaNabhojanaM sarvaM khalvidaM brahmAnandamayaM satyaM j~nAnamanantaM brahma ha vA idamagra AsIta | svayaM tvekamevAtmAnaM j~nAnaM jAgratsvapnasuShuptidhyAnaM dakShiNAdAnam | pUrNabrahmaikarasAnandarasAbhiShekam || 13|| evaM muhUrtatritayaM muhUrta dvitayaM muhUrtekamAtraM kubjikAbhAvanaparo jIvanmukto bhavati | tasya kubjikAtmaikyaM siddhiH | chintitakAryApyayatnena cha sidhyati | sa brahmA sa shivaH sendraH so.agniH so.akSharaH saMrATasvarATapuruSho bhavati sa sarvadevasamo bhavati ya evaM veda mahAkubjikApUjAmR^itopaniShat || 14|| \section{|| 22||} indraH prajAptimapR^ichChat | ki mohanaM kathaM trijagadvashIkaraNaM kenopAyena shatrusenAstambhanaM kathaM dundubhividhAnam || 1|| provAcha bhagavAnprajApatiH | pa~nchashatA~NgulipramANordhvavistAraM pa~nchashatA~NgulipramANaM madhyavistAraM bAlamR^idukomalacharmeNa vA shR^igAlacharmeNa vA saMveShTanaM kR^itvA shmashAne mahAnishArdhe gatvA pratya~NgirAM vA rudrakubjikAM dhyAtvA sa~NkalpaM kR^itvA pItvA medhasUktena narabalidAnaM kuryAt || 2|| uchchai? Sho dundubhiH sUktadvayena sampUjya sahasraka sam~napya tarpya samarpya javAsahasraM karavIrAyutaM jvalachchitAyAM juhuyAt || 3|| pashchimAbhimukhe sthitvA ulUkabhairavaM shR^igAlabhairavaM kAkabhairavaM gR^idhrabhairavaM vetAlabhairava saMhArabhairavaM vidrAvaNabhairavaM mahoDDIshabhairavaM pa~nchamakAreNa pUjayitvA prArthayet || 4|| kha phaTa jahi mahAkR^itye vidhUmAgnisamaprabhe | devIdevi mahAkubje mama shatrUnvinAshaya mama shatrUnvinAshayoM namaH || 5|| pratya~NgirAsUktagaNena dundubhivAdyaM kuryAt | sa dundubhivAdyaM shrutvA sarvashatrusenAH palAyati sa nidrayA mohayati mahAshUro.api shithilo bhavati tasya parAjayo bhavati ya evaM veda mahAdundubhividhAnam | sa sarvashatrusenAnmArayati sa trailokyaM jayati sa devaloka jayati sa mR^ityuloka jayati sa rudraloka jayati sa brahmaloka jayati sa viShNuloka jayati sa bhUrloka jayati sabhuvarloka jayati sa svarloka jayati sa maharloka jayati sa janaloka jayati sa tapoloka jayati sa satyaloka jayati sa sarvaloka jayati ya evaM veda mahAkubjikApUjanaprayogopaniShat || 6|| \section{|| 23||} atha mahAmohanaM devamohanaM lokamohana rAjyamohana shaktimohanaM sarvamohanaM vyAkhyAsyAmaH || 1|| mahAbhUtadinArdharAtrau ekAkI sAdhako gatvA pashchimAbhimukhe sthitvA mahAkubjikAyantrarAjamaShTagandhena mahAsha~Nkhopari saMlikhya shavAsanopavishya mahAsammohanabhairavaM svachChandabhairavaM vajrabhairavaM bhUtabhairavaM kapAlabhairavaM mahAkAlabhairavaM mahonmattabhairavaM mahAkAshabhairavaM pa~nchAmR^itena pa~nchamakAreNa sampUjya mahAsavena santarpya meShamahiShabalidAnaM samarpya kumArI samabhyarchya kulashakti santoShya mR^idukomalAsanopavishya dashamahAvidyAsahitAM mahAkubjikAM chatuHShaShTyupachAreNa pa~nchamakAreNAbhyarchya indrachittAni mohayati || 2|| mahAtrailokyamohanasUktamantreNa mahApratya~NgirAM vA mahAkubjikA sampUjya mohanasUktamantramayutamekaM sa~njapya vIramuNDapAtraM mahAshavopari saMsthApya puShpavAsitatailena sampUjya vIranAyena ShoDashatantubhirvartikAM kR^itvA pashchimAbhimukhaM dIpa prajvAlya mohanasUktenAbhyarchya mohanasUkta sahasraika sa~njapya tatkajjalaM lalATe tilaka kR^itvA || 3|| devaloka mohayati sa sarvaloka mohayati sa brahmaloka mohayati sa rudraloka mohayati sa viShNuloka mohayati sa sarvAndevAnmohayati sa sarvAMllokAnmohayati ya evaM veda kubjikApUjanatattvAmR^itaprayogabIjasAgaropaniShat || 4|| \section{|| 24||} atha brahmAdimAraNaM mahAmAraNaprayogaM vyAkhyAsyAmaH || 1|| tatrAsurI mahApratya~NgirAM yajet | bhaumAShTamyAM vAmAvAsyAyAM prayogaM kArayet || 2|| pitR^ibhUmau mahAnishArdhe gatvAsurI chakre prathamedaM kiletyekarmantreNAsurIrAjikA ropaNaM kR^itvA chaturdikShu chaNDograshUlapANibhairavaM pretAkarShaNabhairavaM svarNAkarShaNabhairavaM vIrAkarShaNabhairavaM jIvAkarShaNabhairavaM mahogravirUpAnandabhairavaM kubjabhairavaM chaNDabhairavaM pa~nchopachAraiH pa~nchamakAraiH samabhyarchya mahAsavena santarpya mahAmAMsaM samarpya kulasundarI santoShya kumArI sampUjya IshAnAM tveti sUktatrayaM yAM kalpayanti sUktatrayaM sahasraika sa~napya samal || 3|| ksaM bhakSha jvAlAjihve karAladaMShTra pratya~Ngire kShaM hrIM namaH || 4|| iti viMshatyakSharI | mahAyantrarAjapuTitaM vA pratya~NgirAsUktagaNamantrapuTitena vA shatrunAmapuTitaM shatamaShTottarasahasraM sammapya samal || 5|| ayaM pratisaro maNirvIro vIrAya badhyate | vIryavAnsapatnahA shUravIraH paripANaH subha~NgajaH || ityanena kR^iShNAparAjitApuShpA~njaliM dadyAt || 6|| kubjikA UpaniShad khphre namaH sakalashatrusaMhAriNi rudrakubjike mamAmukashatru saparivAraM nAshaya 2 mAraya 2 shoShaya 2 ledaya 2 Chedaya 2 vidhvaMsaya 2 pacha 2 matha 2 daha 2 haiM mahAvIrakubjike hastai viparItakubjike haiM saMhArakubjike haiM shatrushirasphoTanaM kuru phaT svAhA || 7|| ityanena jvalati chitAgnau saindhavaM shvetasarShapaM lavaNasUktena homayetsahasraka mahAnishAyAm || 8|| ekarAtriprayogena brahmAdishatrUnmArayati | saptarAtriprayogena shatruparivArakShayaM karoti || 9|| yathA vidyuddhato vR^ikSha A mUlAdanushuShyati | evaM samprati shuShyatu yo me pApaM chikIrShati || ityanena samprArthayet | dhyAtvA kR^iShNAparAjitApuShpA~njalipa~nchakaM dadyAt || 10|| kR^iShNavarNA bR^ihadUpA bR^ihatskandhi mahadbhayi | siddhikubje mahAdevi mama shatrUnvinAshayoM namaH || 11|| OM phreM hauM aM abanddhadviSho jahi || ityanena balidAnaM kuryAt | dhyAtvA samarpayet || 12|| gR^idhrakarNi virUpAkShi lambastani mahodari | jahi shatru trishUlena kruddhAsya piba shoNitam || ityanena prArthayet || 13|| ghaTimAtra prayogena sadyaH shatrUnmArayati ya evaM veda mahAkubjikArchanAmR^itabIjapUrNopaniShat || 14|| \section{|| 25||} atha grAmavashIkaraNaM devavashIkaraNaM lokavashIkaraNaM mahArAjavashIkaraNaM trailokyavashIkaraNaM vyAkhyAsyAmaH || 1|| pitR^ibhUmau gatvA shavAsane sthitvA | yatheyaM pR^ithivI mahI bhUtAnAM garbhamAdadhe | evA te dhriyatAM garbho anu sUtaM sahitave || 2|| yatheyaM pR^ithivI mahI dAdhAremAnvanaspatIna | evA te dhriyatAM garbho anu sUtaM sahitave || 3|| yatheyaM pR^ithivI mahI dAdhAra parvatAn girIn | evA te dhriyatAM garbho anu sUtaM sahitave || 4|| yatheyaM pR^ithivI mahI dAdhAra viShThitaM jagat | evA te dhriyatAM garbho anu sUtaM sahitave || ityanenAdhArashakti saMshodhya vighnavighAtAya abhayaM rakShAM kuryAt || 5|| abhayaM yAvApR^ithivI ihAstu no abhayaM somaH savitA naH kR^iNotu | abhayaM no.astUrvantarikSha sapta R^iShINAM cha haviShAbhayaM no.astu || ityanena rakShAM kuryAt || 6|| IrmAbhyAmayanaM jAtaM sakthibhyAM cheti sUktaM ShaTasahasraM sam~napya tarpya samal mahAkubjikA sampUjya balidAnaM kuryAt | svarNapuShpA~njaliM dadyAt || 7|| mAraNochchATanavidveShaNavashIkaraNAkarShaNamohanastambhanAdiShaTprayogasiddhidaM kubjikAsUktaM vyAkhyAsyAmaH || 8|| kubjaH shrotriyamApnoti kubjaika parameShThinama | kubjaikamagnipuruSho kubjaH saMvatsaraM mame || 9|| kubjedamanukShayati kubja devajanairviShaH | kubjaikamanyaM nakShatraM kubjikA satyamuchyate || 10|| dyauH pitA kubjikA satyamAtA mR^ityurdahati devi bhadram | bhadraM vada kubjike tvaM bhadraM nityaM kuruShva me || 11|| kubjikAparaM yujyatAM kubja pUrvaM kubjikAntato madhyato brahma kubjikA || iti siddhikubjikAsUktam || 12|| kubjikopAsakastrirAtryupoShitaH pashchimAbhimukho vAgyataH shavAsanopavishya kubjikAsUkta sahasraM kR^itvAvartayet | siddhiM tasyArthAH sarvakarmANi vashyavidveShaNochchATanAkarShaNamohanamAraNAni sarvakarmANi sidhyanti sa daivamAnuSho bhUtvA svarge ma] pAtAle vicharati sa khecharo bhavati ya evaM veda kubjikopAsanAmR^itapUrNopaniShat || 13|| prANAnte.api na prakAshayet | sarvadA prANAtipriyaM kubjikopaniShadaM sarvopaniShatsAraM gopayeta | yathoktasAdhanaprayogapUjanaM kR^itvA yathoktasiddhibhAgbhavatIti vedaH || 14|| ityatharvaNarahasye mahAkubjikAkANDe kubjikopAsanAmR^itapUrNopaniShat samAptA || ## Proofread by Mandar Kulkarni \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}