% Text title            : Kundika Upanishad
% File name             : kundika.itx
% Category              : upanishhat, upanishad
% Location              : doc\_upanishhat
% Author                : Vedic tradition
% Transliterated by     : Sunder Hattangadi (sunderh at hotmail.com)
% Proofread by          : Sunder Hattangadi (sunderh at hotmail.com)
% Description-comments  :  74 / 108; Sama Veda - Sanyasa upanishad
% Latest update         : October 16, 2019
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kundika Upanishad  ..}##
\itxtitle{.. kuNDikopaniShat ..}##\endtitles ##
kuNDikopaniShatkhyAtaparivrAjakasa.ntatiH .
yatra vishrAntimagamattadrAmapadamAshraye ..
OM ApyAyantu mamA~NgAni vAkprANashchakShuH
shrotramatho balamindriyANi cha .. sarvANi sarvaM
brahmopaniShadaM mAhaM brahma nirAkuryAM
mA mA brahma nirAkarodanirAkaraNamastvanirAkaraNaM
mestu tadAtmani nirate ya upaniShatsu dharmAste mayi
santu te mayi santu .. OM shAntiH shAntiH shAntiH ..
hariH OM
brahmacharyAshrame kShINe gurushushrUShaNe  rataH .
vedAnadhItyAnuj~nAta uchyate guruNAshramI .. 1..
dAramAhR^itya sadR^ishamagnimAdhAya shaktitaH .
brAhmImiShTi.n yajettAsAmahorAtreNa nirvapet .. 2..
sa.nvibhajya sutAnarthe grAmyakAmAnvisR^ijya cha .
sa.ncharanvanamArgeNa shuchau deshe paribhraman .. 3..
vAyubhakSho.ambubhakSho vA vihitaiH kandamUlakaiH .
svasharIre samApyAtha pR^ithivyA.n nAshru pAtayet .. 4..
saha tenaiva puruShaH katha.n sa.nnyasta uchyate .
sanAmadheyo yasmi.nstu katha.n sa.nnyasta uchyate .. 5..
tasmAtphalavishuddhA~NgI sa.nnyAsa.n sa.nhitAtmanAm .
agnivarNa.n viniShkramya vAnaprasthaM prapadyate .. 6..
lokavadbhAryayAsakto vana.n gachChati sa.nyataH .
sa.ntyaktvA sa.nsR^itisukhamanutiShThati kiM mudhA .. 7..
ki.nvA duHkhamanusmR^itya bhogA.nstyajati chochChritAn .
garbhavAsabhayAdbhItaH shItoShNAbhyA.n tathaiva cha .. 8..
guhyaM praveShTumichChAmi paraM padamanAmayamiti .
sa.nnyasyAgnimapunarAvartana.n yanmR^ityurjAyamAvahamiti ..
athAdhyAtmamantrA~njapet . dIkShAmupeyAtkAShAyavAsAH .
kakShopasthalomAni varjayet . UrdhvabAhurvimuktamArgo bhavati .
aniketashcharebhikShAshI . nididhyAsana.n dadhyAt . pavitra.n
dhArayejjantusa.nrakShaNArtham . tadapi shlokA bhavanti .
kuNDikA.n chamaka.n shikya.n triviShTapamupAnahau .
shItopaghAtinI.n kanthA.n kaupInAchChAdana.n tathA .. 9..
pavitra.n snAnashATI.n cha uttarAsa~Ngameva cha .
ato.atirikta.n yatki.nchitsarva.n tadvarjayedyatiH .. 10..
nadIpulinashAyI syAddevAgAreShu bAhyataH .
nAtyartha.n sukhaduHkhAbhyA.n sharIramupatApayet .. 11..
snAnaM pAna.n tathA shauchamadbhiH pUtAbhirAchiret .
stUyamAno na tuShyeta nindito na shapetparAn .. 12..
bhikShAdivaidalaM pAtra.n snAnadravyamavAritam .
eva.n vR^ittimupAsIno yatendriyo japetsadA .. 13..
vishvAyamanusa.nyogaM manasA bhAvayetsudhIH .
AkAshAdvAyurvAyorjyotirjyotiSha Apo.adbhyaH pR^ithivI .
eShAM bhUtAnAM brahma prapadye . ajaramamaramakSharamavyayaM prapadye .
mayyakhaNDasukhAMbhodhau bahudhA vishvavIchayaH .
utpadyante vilIyante mAyAmArutavibhramAt .. 14..
na me dehena saMbandho megheneva vihAyasaH .
ataH kuto me taddharmA jAgratsvapnasuShuptiShu .. 15..
AkAshavatkalpavidUragoha\-
     mAdityavadbhAsyavilakShaNo.aham .
ahAryavannityavinishchalo.aha\-
     mambhodhivatpAravivarjito.aham .. 16..
nArAyaNo.aha.n narakAntako.ahaM
     purAntako.ahaM puruSho.ahamIshaH .
akhaNDabodho.ahamasheShasAkShI
     nirIshvaro.aha.n niraha.n cha nirmamaH .. 17..
tadabhyAsena prANApAnau sa.nyamya tatra shlokA bhavanti ..
vR^iShaNApAnayormadhye pANI AsthAya sa.nshrayet .
sa.ndashya shanakairjihvA.n yavamAtre vinirgatAm .. 18..
mAShamAtrA.n tathA dR^iShTi.n shrotre sthApya tathA bhuvi .
shravaNe nAsike gandhA yataH sva.n na cha sa.nshrayet .. 19..
atha shaivapada.n yatra tadbrahma brahma tatparam .
tadabhyAsena labhyeta pUrvajanmArjitAtmanAm .. 20..
saMbhUtairvAyusa.nshrAvairhR^idaya.n tapa uchyate .
UrdhvaM prapadyate dehAdbhittvA mUrdhAnamavyayam .. 21..
svadehasya tu mUrdhAna.n ye prApya paramA.n gatim .
bhUyaste na nivartante parAvaravido janAH .. 22..
na sAkShiNa.n sAkShyadharmAH sa.nspR^ishanti vilakShaNam .
avikAramudAsIna.n gR^ihadharmAH pradIpavat .. 23..
jale vApi sthale vApi luThatveSha jaDAtmakaH .
nAha.n vilipye taddharmairghaTadharmairnabho yathA .. 24..
niShkriyo.asmyavikAro.asmi niShkalo.asmi nirAkR^itiH .
nirvikalpo.asmi nityo.asmi nirAlambo.asmi nirdvayaH .. 25..
sarvAtmako.aha.n sarvo.aha.n sarvAtIto.ahamadvayaH .
kevalAkhaNDabodho.aha.n svAnando.aha.n nirantaraH .. 26..
svameva sarvataH pashyanmanyamAnaH svamadvayam .
svAnandamanubhu~njAno nirvikalpo bhavAmyaham .. 27..
gachCha.nstiShThannupavisha~nChayAno vAnyathApi vA .
yathechChayA vasedvidvAnAtmArAmaH sadA muniH .. 28.. ityupaniShat ..
OM ApyAyantu mamA~NgAni vAkprANashchakShuH
shrotramatho balamindriyANi cha .. sarvANi sarvaM
brahmopaniShadaM mAhaM brahma nirAkuryAM
mA mA brahma nirAkarodanirAkaraNamastvanirAkaraNaM
mestu tadAtmani nirate ya upaniShatsu dharmAste mayi
santu te mayi santu .. OM shAntiH shAntiH shAntiH ..
hariH OM tatsat ..

iti kuNDikopaniShatsamAptA ..
##
Encoded by Sunder Hattangadi (sunderh@hotmail.com)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}