% Text title            : maitreyyupaniShat
% File name             : maitreyi.itx
% Category              : upanishhat
% Location              : doc\_upanishhat
% Author                : Traditional
% Description-comments  : Essence of the Devi Mahatmyam
% Latest update         : January 5, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Maitreyi Upanishad ..}##
\itxtitle{.. maitreyyupaniShat ..}##\endtitles ##

shrutyAchAryopadeshena munayo yatpada.n yayuH |
tatsvAnubhUtisa.nsiddha.n svamAtraM brahma bhAvaye ||

AUM ApyAyantu mamA~NgAni vAkprANashchakShuH shrotram |
atho balamindriyANi cha sarvANi sarvaM brahmopaniShadaM
mAhaM brahma nirAkuryAm | mA mA brahma nirAkaro\-
danirAkaraNamastu | anirAkaraNaM me.astu | tadAtmani nirate
ya upaniShatsu dharmAste mayi santu  te mayi santu ||

AUM shAntiH shAntiH shAntiH ||

AUM bR^ihadratho vai nAma rAjA rAjye jyeShThaM
putra.n nidhApayitvedamashAshvataM manyamAnaH
sharIra.n vairAgyamupeto.araNya.n nirjagAma | sa tatra
parama.n tapa AsthAyAdityamIkShamANa UrdhvabAhu\-
stiShThatyante sahasrasya munirantikamAjagAmAgni
rivAdhUmakastejasA nirdahannivAtmavidbhagavA~nChA\-
kAyanya uttiShThottiShTha vara.n vR^iNIshveti
rAjAnamabravItsa tasmai namaskR^ityovAcha
bhagavannAhamAtmavittva.n tattvavichChR^iNumo vaya.n
sa tva.n no brUhItyetadvR^ittaM purastAdashakyaM mA
pR^ichCha prashnamaikShvAkAnyAnkAmAnvR^iNIshveti
shAkAyanyasya charaNAvabhimR^ishyamAno
rAjemA.n gAthA.n jagAda || 1||

atha kimaetairmAnyanA.n shoShaNaM mahArNavAnA.n
shikhariNAM prapatana.n dhruvasya prachalana.n sthAna.n
vA tarUNA.n nimajjanaM pR^ithivyAH sthAnAdapasaraNa.n
surANA.n so.ahamityetadvidhe.asminsa.nsAre ki.n
kAmopabhogairyairevAshritasyAsakR^idupAvartana.n
dR^ishyata ityuddhartumarhasItyandhodapAnastho bheka
ivAhamasminsa.nsAre bhagava.nstva.n no gatiriti || 2||

bhagava~nsharIramida.n maithunAdevodbhUta.n sa.nvidapeta.n
niraya eva mUtradvAreNa niShkrAntamasthibhishchitaM
mA.nsenAnulipta.n charmaNAvabaddha.n viNmUtravAtapitta\-
kaphamajjAmedovasAbhiranyaishcha malairbahubhiH
paripUrNametAdR^ishe sharIre vartamAnasya bhagava.nstva.n
no gatiriti || 3||

atha bhagavA~nChakAyanyaH suprIto.abravIdrAjAnaM
mahArAja bR^ihadrathekShvAkurva.nshadhvajashIrShAtmaj~naH
kR^itakR^ityastvaM marunnAmno vishruto.asItyaya.n
khalvAtmA te katamo bhagavAnvarNya iti ta.n hovAcha ||

shabdasparshamayA ye.arthA anarthA iva te sthitAH |
yeShA.n saktastu bhUtAtmA na smarechcha paraM padam || 1||

tapasA prApyate sattva.n sattvAtsamprApyate manaH |
manasA prApyate hyAtmA hyAtmApattyA nivartate || 2||

yathA nirindhano vahniH svayonAvupashAmyati |
tathA vR^ittikShayachchitta.n svayonAvupashAmyati || 3||

svayonAvupashAntasya manasaH satyagAminaH |
indriyArthavimUDhasyAnR^itAH karmavashAnugAH || 4||

chittameva hi sa.nsArastatprayatnena shodhayet |
yachchittastanmayo bhavati guhyametatsanAtanam || 5||

chittasya hi prasAdena hanti karma shubhAshubham |
prasannAtmAtmani sthitvA sukhamakShayamashnute || 6||

samAsakta.n yadA chitta.n jantorviShayagocharam |
yadyevaM brahmaNi syAttatko na muchyeta bandhanAt || 7||

hR^itpuNDarIkamadhye tu bhAvayetparameshvaram |
sAkShiNaM buddhivR^ittasya paramapremagocharam || 8||

agocharaM manovAchAmavadhUtAdisamplavam |
sattAmAtraprakAshaikaprakAshaM bhAvanAtigam || 9||

aheyamanupAdeyamasAmAnyavisheShaNam |
dhruva.n stimitagambhIra.n na tejo na tamastatam |
nirvikalpa.n nirAbhAsa.n nirvANamayasa.nvidam || 10||

nityaH shuddho buddhamuktasvabhAvaH
       satyaH sUkShmaH sa.nvibhushchAdvitIyaH |
AnandAbdhiryaH paraH so.aha\-
       masmi pratyagdhAturnAtra sa.nshItirasti || 11||

AnandamantarnijamAshraya.n ta\-
       mAshApishAchImavamanayantam |
Alokayanta.n jagadindrajAla\-
       mApatkathaM mAM pravishedasa~Ngam || 12||

varNAshramAchArayutA vimUDhAH
       karmAnusAreNa phala.n labhante |
varNAdidharma.n hi parityajantaH
       svAnandatR^iptAH puruShA bhavanti || 13||

varNAshrama.n sAvayava.n svarUpa\-
       mAdyantayukta.n hyatikR^ichChramAtram |
putrAdideheShvabhimAnashUnyaM
       bhUtvA vasetsaukhyatame hyananta iti || 14||  4||

iti prathamo.adhyAyaH || 1||

atha bhagavAnmaitreyaH kailAsa.n jagAma ta.n gatvovAcha
bho bhagavanparamatattvarahasyamanubrUhIti ||

sa hovAcha mahAdevaH ||

deho devAlayaH proktaH sa jIvaH kevalaH shivaH |
tyajedaj~nAnanirmAlya.n so.ahambhAvena pUjayet || 1||

abhedadarshana.n j~nAna.n dhyAna.n nirviShayaM manaH.
snAnaM manomalatyAgaH shauchamindriyanigrahaH || 2||

brahmAmR^itaM pibedbhaikShamAchareddeharakShaNe |
vasedekAntiko bhUtvA chaikAnte dvaitavarjite |
ityevamAchareddhImAnsa evaM muktimApnuyAt || 3||

jAtaM mR^itamida.n dehaM mAtApitR^imalAtmakam |
sukhaduHkhAlayAmedhya.n spR^iShTvA snAna.n vidhIyate || 4||

dhAtubaddhaM mahArogaM pApamandiramadhruvam |
vikArAkAravistIrNa.n spR^iShTvA snAna.n vidhIyate || 5||

navadvAramalasrAva.n sadA kAle svabhAvajam |
durgandha.n durmalopeta.n spR^iShTvA snAna.n vidhIyate || 6||

mAtR^isUtakasambandha.n sUtake saha jAyate |
mR^itasUtakaja.n deha.n spR^iShTvA snAna.n vidhIyate || 7||

ahammameti viNmUtralepagandhAdimochanam |
shuddhashauchamiti proktaM mR^ijjalAbhyA.n tu laukikam || 8||

chittashuddhikara.n shaucha.n vAsanAtrayanAshanam |
j~nAnavairAgyamR^ittoyaiH kShAlanAchChauchamuchyate || 9||

advaitabhAvanAbhaikShamabhakShya.n dvaitabhAvanam |
gurushAstroktabhAvena bhikShorbhaikSha.n vidhIyate || 10||

vidvAnsvadeshamutsR^ijya sa.nnyAsAnantara.n svataH |
kArAgAravinirmuktachoravaddUrato vaset || 11||

aha~NkArasuta.n vittabhrAtaraM mohamandiram |
AshApatnI tyajedyAvattAvanmukto na sa.nshayaH || 12||

mR^itA mohamayI mAtA jAto bodhamayaH sutaH |
sUtakadvayasamprAptau katha.n sandhyAmupAsmahe || 13||

hR^idAkAshe chidAdityaH sadA bhAsati bhAsati |
nAstameti na chodeti katha.n sandhyAmupAsmahe || 14||

ekamevAdvitIya.n yadgurorvAkyena nishchitam |
etadekAntamityukta.n na maTho na vanAntaram || 15||

asa.nshayavatAM muktiH sa.nshayAviShTachetasAm |
na muktirjanmajanmAnte tasmAdvishvAsamApnuyAt || 16||

karmatyAgAnna sa.nnyAso na preShochchAraNena tu |
sandhau jIvAtmanoraikya.n sa.nnyAsaH parikIrtitaH || 17||

vamanAhAravadyasya bhAti sarveShaNAdiShu |
tasyAdhikAraH sa.nnyAse tyaktadehAbhimAninaH || 18||

yadA manasi vairAgya.n jAta.n sarveShu vastuShu |
tadaiva sa.nnyasedvidvAnanyathA patito bhavet || 19||

dravyArthamannavastrArtha.n yaH pratiShThArthameva vA |
sa.nnyaseddubhayabhraShTaH sa mukti.n nAptumarhati || 20||

uttamA tattvachintaiva madhyama.n shAstrachintanam |
adhamA mantrachintA cha tIrthabhrAntyadhamAdhamA || 21||

anubhUti.n vinA mUDho vR^ithA brahmaNi modate |
pratibimbitashAkhAgraphalAsvAdanamodavat || 22||

na tyajechchedyatirmukto yo mAdhukaramAtaram |
vairAgyajanaka.n shraddhAkalatra.n j~nAnanandanam || 23||

dhanavR^iddhA vayovR^iddhA vidyAvR^iddhAstathaiva cha |
te sarve j~nAnavR^iddhasya ki.nkarAH shiShyaki.nkarAH || 24||

yanmAyayA mohitachetaso mA\-
        mAtmAnamApUrNamalabdhavantaH |
para.n vidagdodharapUraNAya
        bhramanti kAkA iva sUrayo.api || 25||

pAShANalohamaNimR^iNmayavigraheShu
         pUjA punarjananabhogakarI mumukShoH |
tasmAdyatiH svahR^idayArchanameva kuryA\-
         dbAhyArchanaM pariharedapunarbhavAya || 26||

antaHpUrNo bahiHpUrNaH pUrNakumbha ivArNave |
antaHshUnyo bahiHshUnyaH shUnyakumbha ivAmbare ||27||

mA bhava grAhyabhAvAtmA grAhakAtmA cha mA bhava |
bhAvanAmakhila.n tyaktvA yachChiShTa.n tanmayo bhava || 28||

draShTR^idarshanadR^ishyAni tyaktvA vAsanayA saha |
darshanaprathamAbhAsamAtmAna.n kevalaM bhaja || 29||

sa.nshAntasarvasa.nkalpA yA shilAvadavasthitiH |
jAgrannidrAvinirmuktA sA svarUpasthitiH parA || 30||

iti dvitIyo.adhyAyaH || 2||

ahamasmi parashchAsmi brahmAsmi prabhavo.asmyaham |
sarvalokagurushchAmi sarvaloke.asmi so.asmyaham || 1||

ahamevAsmi siddho.asmi shuddho.asmi paramo.asmyaham |
ahamasmi somo.asmi nityo.asmi vimalo.asmyaham || 2||

vij~nAno.asmi visheSho.asmi somo.asmi sakalo.asmyaham |
shubho.asmi shokahIno.asmi chaitanyo.asmi samo.asmyaham || 3||

mAnAvamAnahIno.asmi nirguNo.asmi shivo.asmyaham |
dvaitAdvaitavihIno.asmi dvandvahIno.asmi so.asmyaham || 4||

bhAvAbhAvavihIno.asmi bhAsAhIno.asmi bhAsmyaham |
shUnyAshUnyaprabhAvo.asmi shobhanAshobhano.asmyaham || 5||

tulyAtulyavihIno.asmi nityaH shuddhaH sadAshivaH |
sarvAsarvavihIno.asmi sAttviko.asmi sadAsmyaham || 6||

ekasa~NkhyAvihIno.asmi dvisa~NkhyAvAhana.n na cha |
sadasadbhedahIno.asmi sa~Nkalpsrahitosmyaham || 7||

nAnAtmabhedahIno.asmi hyakhaNDAnandavigrahaH |
nAhamasmi na chAnyo.asmi dehAdirahito.asmyaham || 8||

AshrayAshrayahIno.asmi AdhArarahito.asmyaham |
bandhamokShAdihIno.asmi shuddhabrahmAsmi so.asmyaham || 9||

chittAdisarvahIno.asmi paramo.asmi parAtparaH |
sadA vichArarUpo.asmi nirvichAro.asmi so.asmyaham || 10||

akArokArarUpo.asmi makaro.asmi sanAtanaH |
dhAtR^idhyAnavihIno.asmi dhyeyahIno.asmi so.asmyaham || 11||

sarvapUrNasvarUpo.asmi sachchidAnandalakShaNaH |
sarvatIrthasvarUpo.asmi paramAtmAsmyaha.n shivaH || 12||

lakShyAlakShyavihIno.asmi layahInaraso.asmyaham |
mAtR^imAnavihIno.asmi meyahInaH shivo.asmyaham || 13||

na jagatsarvadraShTAsmi netrAdirahitosmyaham |
pravR^iddho.asmi prabuddho.asmi prasanno.asmi paro.asmyaham || 14||

sarvendriyavihIno.asmi sarvakarmakR^idapyaham |
sarvavedAntatR^ipto.asmi sarvadA sulabho.asmyaham || 15||

muditAmuditAkhyo.asmi sarvamaunaphalo.asmyaham |
nityachinmAtrarUpo.asmi sadA sachchinmayo.asmyaham || 16||

yatki~nchidapi hIno.asmi svalpamapyati nAsmyaham |
hR^idayagranthihIno.asmi hR^idayAmbhojamadhyagaH || 17||

ShaDvikAravihIno.asmi ShaTkoSharahito.asmyaham |
ariShaDvargamukto.asmi antarAdantaro.asmyaham || 18||

deshakAlavimukto.asmi digambarasukho.asmyaham |
nAsti nAsti vimukto.asmi nakArahito.asmyaham || 19||

akhaNDAkAsharUpo.asmi hyakhaNDAkAramasmyaham |
prapa~nchamuktachitto.asmi prapa~ncharahito.asmyaham || 20||

sarvaprakAsharUpo.asmi chinmAtrajyotirasmyaham |
kAlatrayavimukto.asmi kAmAdirahito.asmyaham || 21||

kAyikAdivimukto.asmi nirguNaH kevalo.asmyaham |
muktihIno.asmi mukto.asmi mokShahIno.asmyaham sadA || 22||

satyAsatyAdihIno.asmi sanmAtrAnnAsmyaha.n sadA |
gantavyadeshahIno.asmi gamanAdivivarjitaH || 23||

sarvadA samarUpo.asmi shAnto.asmi puruShottamaH |
eva.n svAnubhavo yasya so.ahamasmi na sa.nshayaH || 24||

yaH shR^iNoti sakR^idvApi brahmaiva bhavati svayamityupaniShat ||

iti tR^itIyo.adhyAyaH || 3||

AUM ApyAntu mAmA~NgAni vAkprANashchakShuH shrotra\-
matho balamindriyANi cha | sarvANi sarvaM brahmopaniShadaM
mAhaM brahma nirAkuryAM mA mA brahma nirAkaro\-
danirAkaraNamastvanirAkaraNaM mestu tadAtmani nirate ya
upaniShatsu dharmAste mayi santu te mayi santu ||

AUM shAntiH shAntiH shAntiH ||

iti maitreyyupaniShatsamAptA ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}