% Text title            : nArAyaNapUrvatApinIyopaniShat
% File name             : nArAyaNapUrvatApinIyopaniShat.itx
% Category              : upanishhat, vishhnu, upanishad
% Location              : doc\_upanishhat
% Proofread by          : Kasturi navya sahiti kasturinsahiti at gmail.com
% Description-comments  : aprakAshitA upaniShadaH
% Latest update         : March 20, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narayanapurvatapiniya Upanishad ..}##
\itxtitle{.. nArAyaNapUrvatApinIyopaniShat ..}##\endtitles ##
\section{prathamaH khaNDaH |}
atha brahmANaM bhagavantaM sanatkumAraH paprachCha | kIdR^ishaM
nArAyaNAShTAkSharaM bhavatIti vyAchaShTe | atha yo vai nArAyaNaH sa
bhagavAn parabrahmaNa Anando bhavati | j~nAtvA jIvanmukto bhavati |
sachchidAnandasvarUpaparavastu bhavati | aShTAkSharaM aShTamUrti
bhavati | prathamarUpaH pR^ithivIrUpo bhavati | dvitIyamApo bhavati |
tatIyastejo bhavati | chaturtho vAyurbhavati | pa~nchama AkAsho bhavati |
ShaShThashchandramA bhavati | saptamaH sUryo bhavati | aShTamo yajamAnaH ||

bhR^imirApastathA tejo vAyurvyoma cha chandramAH |
sUryaH pumAMstathAcheti mUrtayashchAShTa kIrtitAH ||
akArokAramakAranAdabindukalAnusandhAnadhyAnAShTavidhA aShTAkSharaM bhavati |
akAraH sadyojAto bhavati | ukAro vAmadevaH | aghoro makAro bhavati |
tatpuruSho nAdaH | bindurIshAnaH | kalA vyApako bhavati | anusandhAno
nityaH | dhyAnasvarUpaM brahma | sarvavyApako.aShTAkSharaH ||

nArAyaNaH paraM brahma j~nAnaM nArAyaNaH paraH |
nArAyaNaM mahApuruShaM vishvamAtmAnamavyayam ||
antarbahishcha tatsarvaM sthito nArAyaNaH paraH |
sahasrashIrShaM devamakSharaM paramaM padam ||
nArAyaNaM shivaM shAntaM sarvavedAntagocharam |
sR^iShTiH sthitishcha saMhAratirodhAnAnusammatam |
pa~nchakR^ityasya kartAraM nArAyaNamanAmayam ||
ityAtharvaNarahasye nArAyaNapUrvatApinIye prathamaH khaNDa |

\section{dvitIyaH khaNDaH |}
sa hovAcha bhagavAn brahmA nArAyaNAShTAkSharamantraM vyAchaShTe |
shrImannArAyaNasya dashamantrAH kathyante |
OM namo nArAyaNAya ityaShTAkSharo mantraH | sa eva mantrarAjo bhavati |
etannArAyaNasya tArakaM bhavati | tadevopAsitavyaM bhavati |
ityuvAcha bhagavAnnArAyaNashabdaparabrahmashrImahAmAyAprakR^iti\-
sarvamekajananIlakShmIrbhavati |
devAnAM devalakShmIrbhavati | siddhAnAM siddhalakShmIrbhavati |
mumukShaNAM mokShalakShmIrbhavati | yoginAM yogalakShmIrbhavati |
munInAM vivekabuddhirbhavati | rAj~nAM rAjyalakShmIrbhavati | sR^iShTirUpA
sarasvatI bhavati | sthitirUpA mahAlakShmIrbhavati | saMhArarUpA rudrANI
bhavati | tirodhAnakarI pArvatI bhavati | anugraharUpA umA bhavati |
pa~nchakR^ityarUpA parameshvarI bhavati | shrImahAlakShmyai nama iti
saptAkSharo mantraH ||

sarveShAmeva bhUtAnAM mahAsaubhAgyadAyinI |
mahAlakShmIrmahAdevI sarvalokaikamohinI ||
sAmrAjyadAyinI nityaM sarvavedasvarUpiNI |
mahAvidyA jaganmAtA munInAM mokShadAyinI |
j~nAninAM j~nAnadA satyaM dAnavAnAM vinAshinI ||
iti mahAlakShmIrmUlaprakR^itirbhavati | nArAyaNaH
sa bhagavAn parabrahmasvarUpI sarvavedAntagocharaH
nityashuddhabuddhaparabrahmAnandamayo bhavati | tasmAllakShmInArAyaNa
iti sa hovAcha bhagavAn ya evaM veda | ityupaniShat ||

ityAtharvaNarahasye nArAyaNapUrvatApinIye dvitIyaH khaNDa |

\section{tR^itIyaH khaNDaH |}
sa hovAcha bhagavAn brahmA nArAyaNamantraH kIdR^isho bhavati | \ldq{}OM
nArAyaNAya vidmahe vAsudevAya dhImahi | tanno viShNuH prachodayAt\rdq{}
iti gAyatrI bhavati | \ldq{}idaM viShNurvichakrame tredhA nidadhe
padam | samUDhamasya pA.Nsure |\rdq{} \ldq{}ato devA bhavantu no yato
viShNurvichakrame | pR^ithivyAH saptadhAmabhiH\rdq{} iti mantradvayena
nArAyaNapratipAditaM bhavati |\rdq{} sa brahmA sa shivaH sa hariH sendraH
so.akSharaH paramaH svarAT\rdq{}| nArAyaNAyeti pa~nchAkSharaM bhavati |
OM namo viShNava iti ShaDakSharaM vij~nAtam | namo nArAyaNAyeti saptAkSharaM
bhavati | OM namo bhagavate vAsudevAyeti dvAdashaM parikIrtitam |
OM shrIM hrIM klIM namo nArAyaNAya svAhA | yasya kasyApi na deyam ||

putro deyaH shiro deyaM na deyA ShoDashAkSharI |
na vadedyasya kasyApi kiM tu shiShyAya tAM vadet ||
OM shrIM hrIM namo bhagavate lakShmInArAyaNAya viShNave vAsudevAya svAhA ||
shrImahAviShNave tubhyaM namo nArAyaNAya cha |
govindAya cha rudrAya haraye brahmarUpiNe ||
nArAyaNa mahAviShNo shrIdharAnanta kashava |
vAsudeva jagannAtha hR^iShIkesha namo namaH ||
ityanuShTubdvayaM mantraM vyAkhyAtam | atha mAlAmantraM vyAkhyAsyAmaH |
sa hovAcha bhagavAn brahmA ya evaM veda | ityupaniShat ||

ityAtharvaNarahasye nArAyaNapUrvatApinIye tR^itIyaH khaNDa |

\section{chaturthaH khaNDaH |}
sa hovAcha bhagavAn pitAmahaH gAyatrIM vyAchaShTe | govindAya
vidmahe vAsudevAya dhImahi | tanno nArAyaNaH prachodayAt |
kAmadevAya vidmahe puShpabANAya dhImahi | tanno.ana~NgaH
prachodayAt | mahAdevyai cha vidmahe viShNupatnI cha dhImahi |
tanno lakShmIH prachodayAt | \ldq{}viShNornukaM vIryANi pravochaM
yaH pArthivAni vimare rajA,.Nsi yo askabhAyaduttara,.NsadhasthaM
vichakramANastredhorugAyaH\rdq{} \ldq{}trirdevaH pR^ithivImeSha etAm |
vichakrame shatarchasaM mahitvA | praviShNurastu tavasastavIyAn |
pveSha,.Nhyasya sthavirasya nAma |\rdq{}

satkumiva titaunA punanto yatra dhIrA manasA vAchamakR^ita |
atrA sakhAyaH sakhyAni jAnate bhadraiShAM lakShmIrnihitAdhivAchi ||
\ldq{}pratadviShNustavate vIryAya | mR^igo na bhImaH kucharo giriShThAH |
yasyoruShu triShu vikramaNeShu | adhikShiyanti bhuvanAni vishvA | \rdq{},
\ldq{}ya I,.NshR^iNotyalaka,.N shR^iNoti | na hi praveda
sukR^itasya panthAm |\rdq{} akShanvantaH karNavantaH sakhAyo
mano jIveShvasamA babhUvuH | tasmAllakShmInArAyaNaM sarvabIjaM
sarvabhUtAdhivAsaM yo vetti sa vidvAn bhavati | upAsakAnAM
mokShaprAptirbhavati | sa jIvanmukto bhavati | sa hovAcha bhagavAn
upAsanavidhiM vyAchaShTe | brahmA R^iShirbhavati | gAyatrI Chanda uchyate |
shrImannArAyaNaparamAtmA devatA | praNavaM bIjam | namaH shaktiruchyate |
kIlakaM nArAyaNeti ||

dharmArthakAmamokSheShu viniyogo.atha bhAvanA |
maholkAya vIrolkAya vR^iddholkAya pR^ithUlkAya vidyulkAya jvaladulkAya
cha ShaDa~NgakalpitAH namaHsvAhAvaShaDvauShaTpadAntA a~NganyAsA bhavanti |
nIlajImUtasa~NkAshaM pItakausheyavAsasam |
kirITakuNDaladharaM kaustubhodbhAsitorasam ||
sha~NkhachakragadAkhaDgadhAriNaM vanamAlinam |
vAmabhAge mahAlakShmyAli~NgitArdhasharIriNam ||
sanakAdibhiH saMsevyaM stUyamAnaM maharShibhiH |
brahmAdibhiH sadA dhyeyaM dhyAtvA nArAyaNaM vibhum ||
karmaNA manasA vAchA saMsmaret prajapet sudhIH |
ayutaM japamAtreNa sarvaj~nAnaprado bhavet ||
lakShamAtraM tu prajapet svasvarUpaM bhavenmanuH |
ata UrdhvaM sadA dhyAyet sAkShAnnArAyaNo hariH ||
sa hovAcha bhagavAn ya evaM veda | ityupaniShat ||
ityAtharvaNarahasye nArAyaNapUrvatApinIye chaturthaH khaNDa |

\section{pa~nchamaH khaNDaH |}
sa hovAcha bhagavAn brahmA dashakaLAtmako.avatAraH kathyate ||
jarA pAlinikA shAntirIshvarI ratikAmikA |
varadA hlAdinI prItirdIrghA dashakalA hareH ||
nArAyaNAdavatArA mantrarUpA jAyante | OM namo nArAyaNAya svAhA | tvaM
dashAkSharo mahAmantro bhavati | tatra prathamo matsyAvatAraH | dvitIyaH
kUrmaH | tR^itIyo varAhaH | chaturtho narasiMhaH | pa~nchamo vAmanaH |
ShaShTho jamadagniH | saptamo rAmachandraH | aShTamaH kR^iShNaH
paramAtmA | navamo buddhAvatAraH | dashamaH kalkirjanArdanaH |
OM matsyAvatArAya namaH | shrIM kUrmAvatArAya namaH | hIM varAhAvatArAya
namaH | hUM nR^isiMhAvatArAya namaH | sauH vAmanAvatArAya namaH |
aiM parashurAmAvatArAya namaH | glauM rAmachandrAya namaH | klIM
kR^iShNAya namaH | blUM buddhAvatArAya namaH | saH kalkyavatArAya
namaH iti | prajApatiH prajAyate | tasmAnnArAyaNaH prajAyate |
brahmA jAyate | brahmaNaHsakAshAt pa~nchamahAbhUtAni tanmAtrANi
jAyante | j~nAnendriyakarmendriyANi manobuddhichittAha~NkArA
jAyante | prakR^itirjAyate | chaturviMshatitattvAtmako nArAyaNaH |
pa~nchaviMshatitattvAtmakaH puruShatvaM parabrahma bhavet | shivashcha
nArAyaNaH | shakrashcha nArAyaNaH | dishashcha nArAyaNaH | Urdhva~nja
nArAyaNaH | antashcha nArAyaNaH | nArAyaNaH sarvaM khalvidaM brahma |
tasmAnnArAyaNAdaNDajasvedajodbhijjajarAyujamanasijAdayaH sarve mahAbhUtAH
prajAyante ||

ajAmekAM lohitashuklakR^iShNAM barahvIM prajAM janayantI,.N sarUpAm |
ajo hyeko juShamANo.anushete jahAtyenAM bhuktabhogAmajo.anyaH ||
aNDajAH sarvakhagarUpA jAyante | svedajAH krimikITAdayaH |
udbhijjAstarugulmalatAdayaH | jarAyujA narapashumR^igAdayo
jAyante | manasijA nAradAdayaH sarve R^iShayaH | nArAyaNaH
sthAvaraja~NgamAtmako bhavati | aShTavasavo nArAyaNaH | ekAdasharudrA
nArAyaNaH | nArAyaNAt dvAdashAdityAH | sarve devA R^iShayo munayaH
siddhagandharvayakSharakShaHpishAchAH sarveM nArAyaNaH | nArAyaNa evedaM
sarvam | lakShyIrmUlaprakR^itiriti vij~nAyate | vastvekaM parabrahma
nArAyaNaH sanAtanaH ||

sAkShAnnArAyaNo devaH parabrahmAbhidhIyate |
sachchidAnandAtmakAH syurviShNau nitye prakalpitAH |
nAnAvidhAni rUpANi hATake kaNTakAdivat ||
\ldq{}chatvAri vAkparimitA padAni | tAni vidurbrAhmaNA ye manIShiNaH |
guhA trINi nihitA ne~Ngayanti | turIyaM vAcho manuShyA vadanti |\rdq{}
parApashyantImadhyamAvaikharIrUpA sarasvatIti chaturvidhA vAcho vadanti |
vaikharI sarvavidyAsu prashastA ||

a~NgAni vedAshchatvAro mImAMsA nyAyavistaraH |
purANaM dharmashAstraM cha vidyA hyetAshchaturdasha ||
Ayurvedo dhanurvedo gAndharvaM mantrashAstrakam |
vidyAshchAShTAdasha proktA nArAyaNaniveshitAH ||
tasya nishvasitameva R^igvedo yajurvedaH sAmavedo hyatharvA~Ngirashcheti |
sarvavedavedAntAnAM nArAyaNaparabrahmaNyeva tAtparyam | sa hovAcha bhagavAn
ya evaM veda | ityupanipat ||

ityAtharvaNarahasye nArAyaNapUrvatApinIye pa~nchamaH khaNDa |

\section{ShaShThaH khaNDaH |}
sa hovAcha bhagavAn brahmA nArAyaNayantramantrAvaraNapUjAmAchachakShe |
trikoNaM prathamaM bhavati | dvitIyaM ShaTkoNaM bhavati |
vR^ittamaShTadalaM tR^itIyam | chaturthaM dvAdashadalam |
pa~nchamaM ShoDashadalam | chaturviMshati (H) ShaShTham |
dvAtriMshati(H) saptamam | aShTamaM bhUpuram | evaM yantraM
samAlikhet | madhye lakShmInArAyaNaM vikShepashaktyAvaraNaM
shaktiprabhAshaktitrikoNadevatAH ShaTkoNaM vR^iddholkAdayaH pUjyAH |
sarvaj~nAnitvatR^itpyanAdibodhasvatantranityamaluptAnantaM ShaTkoNashaktayaH |
sanakasanandanasanatsujAtasanatkumAMrasanAtananAradatumburu\-
samantAdayo.aShTadalAH |
vasiShThavAlakhilyavishvAmitrakashyapAtribharadvAjA~NgIrasa\-
jAmadagnigautamAgastyajAbAlikapilA dvAdashadalAH |
matsyakUrmavarAhanArasiMhavAmanarAmarAmakR^iShNabuddhakalkisadyojAtavAmadevA
aghoratatpuruSheshAnaparameshvarAH ShoDashadalAH ||

sha~NkhachakragadApadmakhaDgashrIvatsakaustubhavanamAlAdikirITa\-
kuNDalakeyUrahArA~NgadashAr~NgisharanandakapadmaveNu\-
barhipi~nChasheShAnantagaruDavipvaksenabrahmANashchaturviMshatidalAH
keshavAdichaturviMshatyanukramam |
harishrIkR^iShNamukundakumudAkShapuNDarIkAkShadhAmakasha~NkhavarNa\-
sarvanetrasumukhasupratIkA dvAtriMshaddalAH |
airAvatapuNDarrAkavAmanakumudA~njanapuNyadantasArvabhauma\-
supratIkAkShAshchaturashradevatAH |
OM namo nArAyaNAyAShTAkSharasa.nj~nAvaraNadevatApUjA kartavyA |
sa hovAcha bhagavAn ya evaM veda | ityupaniShat ||

ityAtharvaNarahasye nArAyaNaparvatApinIye ShaShThaH khaNDaH
(vaiShNava\-upaniShadaH)

iti nArAyaNapUrvatApinIyopaniShat samApta |

##
Proofread by Kasturi navya sahiti

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}