% Text title            : niruktopaniShat
% File name             : niruktopaniShat.itx
% Category              : upanishhat, vedanta
% Location              : doc\_upanishhat
% Proofread by          : Sunder Hattangadi sunderh at hotmail.com, Radim Navyan radimnavyan at gmail.com
% Description-comments  : aprakAshitA upaniShadaH
% Latest update         : October 20, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. niruktopaniShat ..}##
\itxtitle{.. niruktopaniShat ..}##\endtitles ##

sa yadyanurudhyate tadbhavati | yadi dharmo.anurudhyate tadevodbhavati |
yadi j~nAnamanurudhyate tadamR^ito bhavati | yadi kAmamanurudhyate
sa~ncharatAM imAM yoniM sandadhyAttadidamatra manaH shleShmaretasaH
sambhavati | shleShmaNo rasaH | rasAchChoNitam | shoNitAnmAMsam |
mAMsAnmedaH | medasaH snAvA | snAvo.asthIni | asthibhyo majjA |
majjAto retaH | tadidaM yonau retaH siktaM puruShaH sambhavati |
shukrAtireke pumAn bhavati | shoNitAtireke strI bhavati |
dvAbhyAM samena napuMsako bhavati | shukrabhinnena yamo bhavati |
shukrashoNitasaMyogAnmAtR^ipitR^isaMyogAchcha kathamidaM sharIraM
paraM saMyamyate | saumyo bhavatyekarAtroShitaM kalalaM bhavati |
pa~ncharAtrAbudbudaH | saptarAtrAt peshI | dvisaptarAtrAdarbudaH |
pa~nchaviMshatirAtrasthito yonau ghano bhavati | mAsamAtrAt
kaThino bhavati | dvimAsAbhyantare shiraH sampadyate | mAsatrayeNa
grIvAvyAdeshaH | mAsachatuShkeNa tvagvyAdeshaH | pa~nchame mAse
nakharomavyAdeshaH | ShaShThe mukhanAsikAkShishrotraM cha sambhavati |
saptame chalanasamartho bhavati | aShTame buddhyAdhyavasyate |
navame sarvA~NgasampUrNo bhavati ||
mR^itashchAhaM punarjAto jAtashchAhaM punarmR^itaH |
nAnAyonisahasrANi mayA yAnyuShitAni vai ||
AhArA vividhA bhuktAH pItA nAnAvidhAH stanAH |
mAtaro vividhA dR^iShTAH pitaraH suhR^idastathA ||
avA~NmukhaH pIDyamAno jantushchaiva samanvitaH |
sA~NkhyaM yogaM samabhyasya puruShaM pa~nchaviMshakam || iti ||
tatashcha dashame mAse prajAyate | jAtashcha vAyunA spR^iShTo na smarati
janma maraNam | ante cha shubhAshubhaM karmaitachCharIrasya prAmANyam ||

iti niruktopaniShadi viMshatitamodhyAyaH |

aShTottaraM sandhishatamaShTAkapAlaM shiraH sampadyate | ShoDasha
vapApalAni | nava snAyushatAni | saptashataM puruShasya marmANi |
ardhachatasro romANi koTayaH | hRRidayaM hyaShTakapalAni | dvAdashakapalAni
jihvA | vRRiShaNo hRRiShTasuparNau | tata upasthagudayonyetanmUtrapurIShaM
kasmAdAhArApAnasiktatvAdanupachati | karmaNA anyonyaM jAyata iti | taM
vidyAkarmaNI samanvArabhete pUrvapraj~nA cha | mahatyaj~nAnatamAsi magno
jarAmaraNakShutpipAsAshokakrodhadrohalobhamohamadabhayamatsara\-
harShaviShAderShyAsUyAtmakairdvandvairabhibhUyamAnaH
so.asmAdArjavaM javIbhAvanAntaM nirmuchyate | so.asmAdAntaM mahAbhUmikAvat
sharIrAnnimeShamAtraiH prakramya prakRRitibhirabhiparItya taijasaM
sharIraM kRRitvA karmaNAnurUpaM phalamanubhUya tasya sa.nkShaye punarimaM
lokaM pratipadyate ||

iti niruktopaniShadi ekaviMsho.adhyAyaH ||
iti niruktopaniShat samAptA ||

##
Proofread by Sunder Hattangadi sunderh at hotmail.com,
Radim Navyan radimnavyan at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}