% Text title            : Nirvana Upanishad
% File name             : nirvana.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 47/108; Rig Veda, Sanyasa Upanishad
% Latest update         : July, 3, 1999, October 6, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nirvana Upanishad ..}##
\itxtitle{.. nirvANopaniShat ..}##\endtitles ##
(R^igvedIya sa.nnyAsopaniShat.h)

nirvANopaniShadvedya.n nirvANAnandatundilam .
traipadAnandasAmrAjya.n svamAtramiti chintayet ..

AUM vA~Nme manasi pratiShThitA . mano me vAchi pratiShThitam .
AvirAvIrma edhi . vedasya mA ANIsthaH .
shrutaM me mA prahAsIH . anenAdhItenAhorAtrAnsandadhAmi .
R^ita.n vadiShyAmi . satya.n vadiShyAmi .
tanmAmavatu . tadvaktAramavatu .
avatu mAmavatu vaktAram .
AUM shAntiH  shAntiH  shAntiH ..

atha nirvANopaniShada.n vyAkhyAsyAmaH .
paramaha.nsaH so.aham . parivrAjakAH pashchimali~NgAH .
manmatha kShetrapAlAH . gaganasiddhAntaH amR^itakallolanadI .
akShaya.n nira~njanam . niHsa.nshaya R^iShiH .
nirvANodevatA . niShkulapravR^ittiH . niShkevalaGYAnam .
UrdhvAmnAyaH . nirAlamba pIThaH . sa.nyogadIkShA .
viyogopadeshaH . dIkShAsantoShapAna.n cha .
dvAdashAvadityAvalokanam . vivekarakShA .
karuNaiva keliH . AnandamAlA .
ekAntaguhAyAM muktAsanasukhagoShTI . akalpitabhikShAshI .
ha.nsAchAraH .sarvabhUtAntarvartI ha.nsa iti pratipAdanam .
dhairyakanthA . udAsIna kaupInam . vichAradaNDaH .
brahmAvalokayogapaTTaH .shriyAM pAdukA . parechChAcharaNam .
kuNDalinIbandhaH . parApavAdamukto jIvanmuktaH .
shivayoganidrA cha . khecharImudrA cha . paramAnandI .
nirgataguNatrayam . vivekalabhyaM manovAgagocharam .
anitya.n jagadyajjanita.n svapnajagadabhragajAditulyam .
tathA dehAdisa~NghAtaM mohaguNajAlakalita.n tadrajjusarpavatkalpitam .
viShNuvidyAdishatAbhidhAnalakShyam .
a~Nkusho mArgaH . shUnya.n na sa~NketaH .
parameshvarasattA . satyasiddhayogo maThaH .
amarapada.n tatsvarUpam .
Adibrahmasvasa.nvit . ajapA gAyatrI . vikAradaNDo dhyeyaH .
manonirodhinI kanthA . yogena sadAnandasvarUpadarshanam .
Ananda bhikShAshI . mahAshmashAne.apyAnandavane vAsaH .
ekAntasthAnam . AnandamaTham . unmanyavasthA .
shAradA cheShTA . unmanI gatiH . nirmalagAtram .
nirAlambapITham . amR^itakallolAnandakriyA .
pANDaragaganam . mahAsiddhAntaH .
shamadamAdidivyashaktyAcharaNe kShetrapAtrapaTutA .
parAvarasa.nyogaH . tArakopadeshAH . advaitasadAnando devatA .
niyamaH svAtarindriyanigrahaH .
bhayamohashokakrodhatyAgastyAgaH . aniyAmakatvanirmalashaktiH .
svaprakAshabrahmatattve shivashaktisampuTita prapa~nchachChedanam .
tathA patrAkShAkShikamaNDaluH .
bhavAbhAvadahanam . bibhratyAkAshAdhAram .
shiva.n turIya.n yaGYopavItam . tanmayA shikhA .
chinmaya.n chotsR^iShTidaNDam . santatAkShikamaNDalum .
karmanirmUlana.n kanthA . mAyAmamatAha~NkAradahanam .
sprashAne anAhatA~NgI . nistraiguNyasvarUpAnusandhAna.n samayam .
bhrAntiharaNam . kAmAdivR^ittidahanam . kAThinyadR^iDhakaupInam .
chIrAjinavAsaH . anAhatamantraH . akriyayaiva juShTam .
svechChAchArasvasvabhAvo mokShaH paraM brahma .
plavavadAcharaNam . brahmacharyashAntisa.ngrahaNam .
brahmacharyAshrame.adhItya sasarvasa.nvinnyAsa.n sa.nnyAsam .
ante brahmAkhaNDAkAram . nitya.n sarvasandehanAshanam .
etannirvANadarshanam .
shiShyaM putra.n vinA na deyamityupaniShat .
AUM vA~Nme manasIti shAntiH ..

iti nirvANopaniShat samAptA .
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}