% Text title : Prabrahma Upanishad % File name : parabrahma.itx % Category : upanishhat, svara % Location : doc\_upanishhat % Author : Vedic tradition % Transliterated by : Sunder Hattangadi % Proofread by : Sunder Hattangadi % Description-comments : 78 / 108; Atharva Veda - Sanyasa upanishad % Latest update : August 12, 2000 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Parabrahma Upanishad ..}## \itxtitle{.. parabrahmopaniShat ..}##\endtitles ## parabrahmopaniShadi vedyAkhaNDasukhAkR^iti . parivrAjakahR^idgeyaM paritastraipadaM bhaje .. AUM bhadra.n karNebhiH shR^iNuyAma devAH .. bhadraM pashyemAkShabhiryajatrAH .. sthiraira~NgaistuShTuvA{\m+}sastanUbhiH .. vyashema devahita.n yadAyuH .. svasti na indro vR^iddhashravAH .. svasti naH pUShA vishvavedAH .. svasti nastArkShyo ariShTanemiH .. svasti no bR^ihaspatirdadhAtu .. AUM shAntiH shAntiH shAntiH .. hariH AUM .. atha hainaM mahAshAlaH shaunako.a~NgirasaM bhagavantaM pippalAda.n vidhivadupasannaH paprachCha divye brahmapure ke sampratiShThitA bhavanti . katha.n sR^ijyante . nityAtmana eSha mahimA . vibhajya eSha mahimA vibhuH . ka eShaH . tasmai sa hovAcha . etatsatya.n yatprabravImi brahmavidyA.n variShThA.n devebhyaH prANebhyaH . parabrahmapure viraja.n niShkala.n shubhamakShara.n viraja.n vibhAti . sa niyachChati madhukaraH shveva vikarmakaH . akarmA svAmIva sthitaH . karmataraH karShakavatphalamanubhavati . karmamarmaj~nAtA karma karoti . karmamarma j~nAtvA karma kuryAt.h . ko jAla.n vikShipedeko nainamapakarShatyapakarShati . prANadevA\- shchatvAraH . tAH sarvA nADyaH suShuptashyenAkAshavat.h . yathA shyenaH khamAshritya yAti svamAlaya.n kulAyam.h . eva.n suShuptaM brUta . aya.n cha parashcha sa sarvatra hiraNmaye pare koshe . amR^itA hyeShA nADI traya.n sa.ncharati . tasya tripAdaM brahma . eShAtreShya tato.anutiShThati . anyatra brUta . aya.n cha para.n cha sarvatra hiraNmaye koshe . yathaiSha devadatto yaShTyA cha tADyamAno naivaiti . evamiShTApUrtakarmashubhAshubhairna lipyate . yathA kumArako niShkAma AnandamabhiyAti . tathaiSha devaH svapna AnandamabhiyAti veda eva para.n jyotiH . jyotiShAmA jyotirAnandayatyevameva . tatpara.n yachchittaM paramAtmAna\- mAnandayati . shubhravarNamAjAyateshvarAt.h . bhUyastenaiva mArgeNa svapnasthAna.n niyachChati . jalUkAbhAvavadyathA\- kAmamAjAyateshvarAt.h . tAvatAtmAnamAnandayati . parasandhi yadaparasandhIti . tatpara.n nApara.n tyajati . tadaiva kapAlaShTaka.n sandhAya ya eSha stana ivAvalambate sendrayoniH sa vedayoniriti . atra jAgrati . shubhAshubhAtiriktaH shubhAshubhairapi karmabhirna lipyate . ya eSha devo.anyadevAsya samprasAdo.antaryAmyasa~NgachidrUpaH puruShaH . praNavaha.nsaH paraM brahma . na prANaha.nsaH . praNavo jIvaH . AdyA devatA nivedayati . ya eva.n veda . tatkatha.n nivedayate . jIvasya brahmatvamApAdayati . sattvamathAsya puruShasyAntaH shikhopavItatvaM brAhmaNasya . mumukShorantaH shikhopavItadhAraNam.h . bahirlakShyamANashikhAyaj~nopavItadhAraNa.n karmiNo gR^ihasthasya . antarupavItalakShaNa.n tu bahistantuvadavyaktamantastattvamelanam.h . na sannAsanna sadasadbhinnAbhinna.n na chobhayam.h . na sabhAga.n na nirbhAga.n na chApyubhayarUpakam.h .. brahmAtmaikatvavij~nAna.n heyaM mithyatvakAraNAditi . pa~nchapAdbrahmaNo na ki.nchana . chatuShpAdantarvartino.anta\- rjIvabrahmaNashchatvAri sthAnAni . nAbhihR^idayakaNThamUrdhasu jAgratsvapnasuShuptiturIyAvasthAH . AhavanIyagArhapatya\- dakShiNasabhyAgniShu . jAgarite brahmA svapne viShNuH suShuptau rudrasturIyamakShara.n chinmayam.h . tasmAchchaturavasthA . chatura~NgulaveShTanamiva ShaNNavatitattvAni tantuvadvibhajya tadA hita.n triguNIkR^itya dvAtri.nshattattvaniShkarShamApAdya j~nAnapUta.n triguNasvarUpa.n trimUrtitvaM pR^ithagvij~nAya navabrahmAkhyanavaguNopeta.n j~nAtvA navamAnamitastriguNIkR^itya sUryendvagnikalAsvarUpatvenaikIkR^ityAdyantarekatvamapi madhye trirAvR^itya brahmaviShNumaheshvaratvamanusa.ndhAyAdyantamekIkR^itya chidgranthAvadvaitagranthi.n kR^itvA nAbhyAdibrahmabilapramANaM pR^ithak pR^ithak saptavi.nshatitattvasaMbandha.n triguNopeta.n trimUrtilakShaNalakShitamapyekatvamApAdya vAmA.nsAdidakShiNakaNThyanta.n vibhAvyAdyantagrahasaMmelanameka.n j~nAtvA mUlameka.n satyaM mR^iNmaya.n vij~nAta.n syAdvAchArambhaNa.n vikAro nAmadheyaM mR^ittiketyeva satyam.h . ha.nseti varNadvayenAntaH shikhopavItitva.n nishchitya brAhmaNatvaM brahmadhyAnArhatva.n yatitvamalakShitAntaHshikhopavItitvamevaM bahirlakShitakarmashikhA j~nAnopavIta.n gR^ihasthasyAbhAsabrahmaNatvasya keshasamUhashikhApratyakShakArpAsatantu\- kR^itopavItatva.n chaturguNIkR^itya chaturvi.nshatitattvApAdanatantukR^ittva.n navatattvamekameva .. paraMbrahma tatpratisarayogyatvAdbahumArgapravR^itti.n kalpayanti . sarveShAM brahmAdInA.n devarShINAM manuShyANAM mUrtirekA . brahmaikameva . brAhmaNatvamekameva . varNAshramAchAravisheShAH pR^ithakpR^ithak shikhAvarNAshramiNAmekakaiva . apavargasya yateH shikhAyaj~nopavItamUlaM praNavamekameva vadanti . ha.nsaH shikhA . praNava upavItam.h . nAdaH sa.ndhAnam.h . eSha dharmo netaro dharmaH . tatkathamiti . praNavaha.nso nAdastrivR^itsUtra.n svahR^idi chaitanye tiShThati trividhaM brahma . tadviddhi prApa~nchikashikhopavIta.n tyajet.h . sashikha.n vapana.n kR^itvA bahiHsUtra.n tyajedbudhaH . yadakSharaM paraMbrahma tatsUtramiti dhArayet.h .. 1.. punarjanmanivR^ityarthaM mokShasyAharnisha.n smaret.h . sUchanAtsUtramityukta.n sUtra.n nAma paraM padam.h .. 2.. tatsUtra.n vidita.n yena sa mumukShuH sa bhikShukaH . sa vedavitsadAchAraH sa vipraH pa~NktipAvanaH .. 3.. yena sarvamidaM prota.n sUtre maNigaNA iva . tatsUtra.n dhArayedyogI yogavidbrAhmaNo yatiH .. 4.. bahiHsUtra.n tyajedvipro yogavij~nAnatatparaH . brahmabhAvamida.n sUtra.n dhArayedyaH sa muktibhAk.h .. 5.. nAshuchitva.n na chochChiShTa.n tasya sUtrasya dhAraNAt.h . sUtramantargata.n yeShA.n j~nAnayaj~nopavItinAm.h .. 6.. ye tu sUtravido loke te cha yaj~nopavItinaH . j~nAnashikhino j~nAnaniShThA j~nAnayaj~nopavItinaH . j~nAnameva para.n teShAM pavitra.n j~nAnamIritam.h .. 7.. agneriva shikhA nAnyA yasya j~nAnamayI shikhA . sa shikhItyuchyate vidvAnnetare keshadhAriNaH .. 8.. karmaNyadhikR^itaH ye tu vaidike laukike.api vA . brAhmaNAbhAsamAtreNa jIvante kukShipUrakAH . vrajante niraya.n te tu punarjanmani janmani .. 9.. vAmA.nsadakShakaNThyantaM brahmasUtra.n tu savyataH . antarbahirivAtyartha.n tattvatantusamanvitam.h .. 10.. nAbhyAdibrahmarandhrAntapramANa.n dhArayetsudhIH . tebhirdhAryamida.n sUtra.n kriyA~Nga.n tantunirmitam.h .. 11.. shikhA j~nAnamayI yasya upavIta.n cha tanmayam.h . brAhmaNya.n sakala.n tasya netareShA.n tu ki.nchana .. 12.. ida.n yaj~nopavIta.n tu parama.n yatparAyaNam.h . vidvAnyaj~nopavItI sa.ndhArayedyaH sa muktibhAk.h .. 13.. bahirantashchopavItI vipraH sa.nnyastumarhati . ekayaj~nopavItI tu naiva sa.nnyastumarhati .. 14.. tasmAtsarvaprayatnena mokShApekShI bhavedyatiH . bahiHsUtraM parityajya svAntaHsUtra.n tu dhArayet.h .. 15.. bahiHprapa~nchashikhopavItitvamanAdR^itya praNavaha.nsashikhopavItitvamavalambya mokShasAdhana.n kuryAdityAha bhagavA~nChaunaka ityupaniShat.h .. AUM bhadra.n karNebhiH shR^iNuyAma devAH .. bhadraM pashyemAkShabhiryajatrAH .. sthiraira~NgaistuShTuvA{\m+}sastanUbhiH .. vyashema devahita.n yadAyuH .. svasti na indro vR^iddhashravAH .. svasti naH pUShA vishvavedAH .. svasti nastArkShyo ariShTanemiH .. svasti no bR^ihaspatirdadhAtu .. AUM shAntiH shAntiH shAntiH .. hariH AUM tatsat.h .. iti parabrahmopaniShatsamAptA.. ## Encoded by Sunder Hattangadi \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}