% Text title            : paramaha.nsopaniShat
% File name             : paramahamsa\_upan.itx
% Category              : upanishhat
% Location              : doc\_upanishhat
% Transliterated by     : Anshuman Pandey pandey at umich.edu
% Proofread by          : Anshuman Pandey pandey at umich.edu
% Latest update         : April 16, 1996
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Paramahansopanishat ..}##
\itxtitle{.. paramahaMsopaniShat ..}##\endtitles ##

AUM bhadraM karNebhiH shR^iNuyAma devA bhadraM pashyemAkShabhiryajatrAH .
sthiraira~NgaistuShTuva.nsastanUbhirvyashema devahitaM yadAyuH .
svasti na indro vR^iddhashravaH svasti naH pUShA vishvavedAH .
svasti nastArkShyo.ariShTanemiH svasti no bR^ihaspatirdadhAtu .

          AUM shAntiH shAntiH shAntiH.
          hariH AUM ..

atha yoginaM paramaha.nsanaM ko.ayaM mArnasteShaM kA sthitiriti nArado
bhagavantamupagatyovAcha . taM bhagavAnAH . yo.ayaM paramaha.nsamArgo
loke durlabhataro na tu bAhulyo yadyeko bhavati sa eva nityapUtasthaH
sa eva vedapuruSha iti viduSho manyante mahApuruSho yachchittaM
tatsarvadA mayyevAvatiShTate tasmAdahaM cha tasminnevAvasthIyate .
asau svaputramitrakalatrabanvvAdI~nshikhAyaj~nopavIte
svAdhyAyaM cha sarvakarmANi
sa.nnyasyAyaM brahmANDaM cha hitvA kaupInaM daNDamAchChAdanaM cha
svasharIropabhogArthAya cha lokasyopakArArthAya cha parigrahettachcha na
mukhyo.asti ko.ayaM mukhya iti chedayaM mukhyaH .. 1..

na daNDaM na shikhaM na yaj~nopavItaM na chAchChAdanaM charati paramaha.nsaH .
na shitaM na choShNaM na sukhaM na duHkhaM na mAnAvamAne cha ShaDUrmivarjaM
nindAgarvamatsaradammadarpechChAdveShasukhaduHkhakAmakodhalobhamohaharShasu
uyAha.nkArAdI.nshcha hitvA svavapuH kuNapamiva dR^iShyate
yatastadvapurapadhvastaM sa.nshayaviparItamithyAj~nAnAnAM yo hetustena
nityanivR^ittastannityabodhastatsvayamevAvasthitistaM
shantamachalamadvayAnandavij~nAnaghana evAsmi .
tadeva mama paramdhAma tadeva shikhA cha tadevopavIta cha .
paramAtmAtmanorekatvaj~nAnena tayorbheda eva vibhagnaH sA sadhyA .. 2..

sarvAnkAmAnparityajya advaite paramasthitiH .
j~nAnadaNDo dhR^ito yena ekadaNDo sa uchyate ..
kAShThadaNDo dhR^ito yena sarvAshi j~nAnavarjitaH .
sa yAti narakAndhorAnmahArauravasa~nj~nakAn ..
idamantaraM j~nAtvA sa paramaha.nsaH .. 3..

AshAmbaro na namarkAro na svadhAkAro na nindA na stutiryAdR^ichChiko
bhavedbhikShurnA.a.avAhanaM na visarjanaM na mantraM na dhyAnaM
nopAsanaM cha na lakShyaM nAkakShyaM na pR^ithagnApR^ithagahaM
na na tvaM na sarva chAniketasthitireva bhikShuH sauvarNAdInaM
naiva parignahenna lokaM nAvalokaM chA.a.abAdhakaM ka iti
chedbAdhako.astyeva yasmAdbhikShurhiraNyaM rasena dR^iShTaM
cha sa brahmahA bhavet .
yasmAdbhikShurhiraNyaM rasena grAhyaM cha sa AtmahA bhavet .
tasmAdbhikShurhiraNyaM rasena na dR^iShTaM cha na
spR^iShTaM cha na grAhyaM cha . sarve kAmA manogatA
vyAvartante . duHkhe nodvignaH sukhe na spR^ihA tyAgo rAge sarvatra
shubhAshubhayoranabhisneho na dveShTi na modaM cha . sarveShAmindriyANAM
gatiruparamate ya AtmanyevAvasthIyate
yatpUrNAnandaikabodhastadabrahmAhamasmIti
kR^itakR^ityo bhavati kR^itakR^ityo bhavati .. 4..

AUM bhadraM karNebhiH shR^iNuyAma devA bhadraM pashyemAkShabhiryajatrAH .
sthiraira~NgaistuShTuva.nsastanUbhirvyashema devahitaM yadAyuH .
svasti na indro vR^iddhashravaH svasti naH pUShA vishvavedAH .
svasti nastArkShyo.ariShTanemiH svasti no bR^ihaspatirdadhAtu .

          AUM shAntiH shAntiH shAntiH.
          hariH AUM ..

          iti shrIparamaha.nsopaniShatsamAptA ..
##
Encoded and proofread by Anshuman Pandey pandey at umich.edu

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}