% Text title            : paramahamsa-parivrAjakopanishad
% File name             : paramahansaparivrAjaka.itx
% Category              : upanishhat
% Location              : doc\_upanishhat
% Author                : -
% Transliterated by     : Sunder Hattangadi
% Proofread by          : Sunder Hattangadi
% Description-comments  : 66, Sanyasa upaishad fro Atharva Veda
% Latest update         : Jan. 20, 2008
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Paramahamsa-Parivrajaka Upanishad ..}##
\itxtitle{.. paramahaMsaparivrAjakopaniShat ..}##\endtitles ##

pArivrAjyadharmavanto yajj~nAnAdbrahmatAM yayuH .
tadbrahma praNavaikArthaM turyaturyaM hariM bhaje ..
OM bhadraM karNebhiH shR^iNuyAma devA .
bhadraM pashyemAkShabhiryajatrAH.
sthiraira~NgaistuShTuvAMstanUbhiH .
vyashema devahitaM yadAyuH .
svasti na indro vR^iddhashravAH .
svasti naH pUShA vishvavedAH .
svasti nastArkShyo.ariShTanemiH .
svasto no bR^ihaspatirdadhAtu ..
OM shAntiH shAntiH shAntiH ..
hariH OM atha pitAmahaH svapitaramAdinArAyaNamupasametya
praNamya paprachCha bhagavaMstvanmukhAdvarNAshramadharma\-
kramaM sarvaM shrutaM viditamavagatam.h .
idAnIM paramahaMsaparivrAjakalakShaNaM veditumichChAmi kaH
parivrajanAdhikArI kIdR^ishaM parivrAjakalakShaNaM kaH
paramahaMsaH parivrAjakatvaM kathaM tatsarvaM me brUhIti .
sa hovAcha bhagavAnAdinArAyaNaH .
sadgurusamIpe sakalavidyAparishramaj~no bhUtvA vidvAnsarva\-
maihikAmuShmikasukhashramaM j~nAtvaiShaNAtrayavAsanAtraya\-
mamatvAha~NkArAdikaM vamanAnnamiva heyamadhigamya mokSha\-
mArgaikasAdhano brahmacharyaM samApya gR^ihI bhavet.h .
gR^ihAdvanI bhUtvA pravrajet.h .
yadi vetarathA brahmacharyAdeva pravrajedgR^ihAdvA vanAdvA .
atha punaravratI vA vratI vA snAtako vA.asnAtako votsannAgni\-
ranagniko vA yadahareva virajettadahareva pravrajediti buddhvA
sarvasaMsAreShu virakto brahmachArI gR^ihI vAnaprastho vA
pitaraM mAtaraM kalatraputramAptabandhuvargaM tadabhAve shiShyaM
sahavAsinaM vAnumodayitvA taddhaike prAjApatyAmeveShTiM kurvanti
tadu tathA na kuryAt.h . AgneyyAmeva kuryAt.h .
agnirhi prANaH prANamevaitayA karoti traidhAtavIyAmeva kuryAt.h .
etayaiva trayo dhAtavo yaduta sattvaM rajastama iti .
ayaM te yonirR^itviyo yato jAto ArochathAH .
taM jAnannagna ArohAthAno vardhayA rayimityanena mantreNAgni\-
mAjighret.h .
eSha vA agneryoniryaH prANaM gachCha svAM yoniM gachChasvA\-
hetyevamevaitadAha .
grAmAchChrotriyAgArAdagnimAhR^itya svavidhyuktakrameNa
pUrvavadagnimAjighret.h .
yadyAturo vAgniM na vinedapsu juhuyAt.h .
Apo vai sarvA devatAH sarvAbhyo devatAbhyo juhomi svAheti
hutvoddhR^itya prAshnIyAt.h sAjyaM haviranAmayam.h .
eSha vidhirvIrAdhvAne vA.anAshake vA sampraveshe vAgnipraveshe
vA mahAprasthAne vA .
yadyAturaH syAnmanasA vAchA vA saMnyasedeSha panthAH .
svasthakrameNaiva chedAtmashrAddhaM virajAhomaM kR^itvAgni\-
mAtmanyAropya laukikavaidikasAmrthyaM svachaturdashakaraNa\-
pravR^ittiM cha putre samAropya tadabhAve shiShye vA tadabhAve
svAtmanyeva vA brahmA tvaM yaj~nastvamityabhimantrya brahma\-
bhAvanayA dhyAtvA sAvitrIpraveshapUrvakamapsu sarvavidyArtha\-
svarUpAM brAhmaNyAdhArAM vedamAtaraM kramAdvyAhR^itiShu
triShu pravilApya vyAhR^ititrayamakArokAramakAreShu pravilApya
tatsAvadhAnenApaH prAshya praNavena shikhAmutkR^iShya
yaj~nopavItaM ChittvA vastramapi bhUmau vApsu vA visR^ijya
AUM bhUH svAhA AUM bhuvaH svAhA AUM suvaH svAhetyanena
jAtarUpadharo bhUtvA svaM rUpaM dhyAyanpunaH pR^ithak.h
praNavavyAhR^itipUrvakaM manasA vachasApi saMnyastaM mayA
saMnyastaM mayA saMnyastaM mayeti mandramadhyamatAradhvani\-
bhistrivAraM triguNIkR^itapreShochchAraNaM kR^itvA praNavaika\-
dhyAnaparAyaNaH sannabhayaM sarvabhUtebhyo mattaH svAhetyUrdhva\-
bAhurbhUtvA brahmAhamasmIti tattvamasyAdivAkyArthasvarUpA\-
nusandhAnaM kurvannudIchiM dishaM gachChet.h .
jAtarUpadharashcharet.h . eSha saMnyAsaH .
tadadhikArI na bhavedyadi gR^ihasthaprArthanApUrvakamabhayaM
sarvabhUtebhyo mattaH sarvaM pravartate sakhA mA gopAyaujaH
sakhA yo.asIndrasya vrajo.asi vArgaghnaH sharma me bhava yatpApaM
tannivArayetyanena mantreNa praNavapUrvakaM salakShaNaM vAiNavaM
daNDaM kaTisUtraM kaupInaM kamaNDaluM vivarNavastramekaM
parigR^ihya sadgurumupagamya natvA gurumukhAttattvamasIti
mahAvAkyaM praNavapUrvakamupalabhyAtha jIrNavalkalAjinaM
dhR^itvAtha jalAvataraNamUrdhvagamanamekabhikShAM parityajya
trikAlasnAnamAcharanvedAntashravaNapUrvakaM praNavAnuShThAnaM
kurvanbrahmamArge samyak.h sampannaH svAbhimatamAtmani gopayitvA
nirmamo.adhyAtmaniShThaH kAmakrodhalobhamohamadamAtsarya\-
dambhadarpAha~NkArAsUyAgarvechChAdveShaharShAmarSha\-
mamatvAdIMshcha hitvA j~nAnavairAgyayukto vittastrIparA~NmukhaH
shuddhamAnasaH sarvopaniShadarthamAlochya brahmacharyA\-
parigrahAhiMsAsatyaM yatnena rakSha~njitendriyo bahirantaHsnehavarjitaH
sharIrasaMdhAraNArthaM vA triShu varNeShvabhishastapatitavarjiteShu
pashuradrohI bhaikShyamANo brahmabhUyAya bhavati .
sarveShu kAleShu lAbhAlAbhau samau kR^itvA parapAtramadhUkare\-
NAnnamashnanmedovR^iddhimakurvankR^ishIbhUtvA brahmAhamasmIti
bhAvayangurvarthaM grAmamupetya dhruvashIlo.aShTau mAsyekAkI
chareddvAvevAcharet.h .
yadAlaMbuddhirbhavettadA kuTIchako vA bahUdako vA haMso vA
paramahaMso vA tattanmantrapUrvakaM kaTisUtraM kaupInaM daNDaM
kamaNDaluM sarvamapsu visR^ijyAtha jAtarUpadharashcharet.h .
grAma ekarAtraM tIrthe trirAtraM pattane pa~ncharAtraM kShetre
saptarAtramaniketaH sthiramatiranagnisevI nirvikAro niyamAniyAma\-
mutsR^ijya prANasandhAraNArthamayameva lAbhAlAbhau samau
kR^itvA govR^ittyA bhaikShamAcharannudakasthalakamaNDalur\-
rabAdhakarahasyasthalavAso na punarlAbhAlAbharataH shubhAshubha\-
karmanirmUlanaparaH sarvatra bhUtalashayanaH kShaurakarmaparityakto
yuktachAturmAsyavrataniyamaH shukladhyAnaparAyaNo.arthastrIpura\-
parA~Nmukho.anunmatto.apyunmattavadAcharannavyaktali~Ngo.ali~Ngo.avya\-
ktAchAro divAnaktasamatvenAsvapnaH svarUpAnusandhAnabrahma\-
praNavadhyAnamArgeNAvahitaH saMnyAsena dehatyAgaM karoti sa
paramahaMsaparivrAjako bhavati .
bhagavan.h brahmapraNavaH kIdR^isha iti brahmA pR^ichChati .
sa hovAcha nArAyaNaH .
brahmapraNavaH ShoDashamAtrAtmakaH so.avasthAchatuShTaya\-
chatuShTayagocharaH .
jAgradavasthAyAM jAgradAdicharasro.avasthAH svapne svapnAdi\-
chatasrovasthAH suShuptau suShuptyAdichatasro.avasthAturIye
turIyAdichatasro.avasthA bhavantIti .
jAgradavasthAyAM vishvasya chAturvidhyaM vishvavishvo vishvataijaso
vishvaprAj~no vishvaturIya iti .
svapnAvasthAyAM taijasasya chAturvidhyaM
taijasavishvastaijasataijasastaijasaprAj~nastaijasaturIya iti .
suShuptyavasthAyAM prAj~nasya chAturvidhyaM prAj~navishvaH
prAj~nataijasaH prAj~naprAj~naH prAj~naturIya iti.
turIyAvasthAyAM turIyasya chAturvidhyaM
turIyavishvasturIyataijasasturIyaprAj~nastuturIyaturIya iti .
te krameNa ShoDashamAtrA rUDhAH akAre jAgradvishva ukAre
jAgrattaijaso makAre jAgratprAj~na ardhamAtrAyAM jAgratturIyo
bindau svapnavishvonAde svapnataijasaH kalAyAM svapnaprAj~naH
kalAtIte svapnaturIyaH shAntau suShuptavishvaH shAntyAtIte
suShuptataijasa unmanyAM suShuptaprAj~no manonmanyAM
suShuptaturIyaH puryAM turIyavishvo madhyamAyAM turIyataijasaH
pashyantAM turIyaprAj~naH parAyAM turIyaturIyaH .
jAgranmAtrAchatuShTayamakArAMshaM svapnamAtrAchatuShTaya\-
mukArAMshaM suShuptimAtrAchatuShTayaM makArAMshaM
turIyamAtrAchatuShTayamardhamAtrAMsham.h .
ayameva brahmapraNavaH . sa paramahaMsaturIyAtItAvadhUtairupAsyaH .
tenaiva brahma prakAshate tena videhamuktiH .
bhagavan.h kathamayaj~nopavIttyashikhI sarvakarmaparityaktaH kathaM
brahmaniShThAparaH kathaM brAhmaNa iti brahmA pR^ichChati .
sa hovAcha viShNurbhobho.arbhaka yasyAstyadvaitamAtmaj~nAnaM
tadeva yaj~nopavItam.h .
tasya dhyAnaniShThaiva shikhA . tatkarma sa pavitram.h .
sa sarvakarmakR^it.h . sa brAhmaNaH . sa brahmaniShThAparaH .
sa devaH . sa R^iShiH . sa tapasvI . sa shreShThaH .
sa eva sarvajyeShThaH . sa eva jagadguruH . sa evAhaM viddhi .
loke paramahaMsaparivrAjako durlabhataro yadyeko.asti .
sa eva nityapUtaH . sa eva vedapuruSho mahApuruSho yastachchittaM
mayyevAvatiShThate . ahaM cha tasminnevAvasthitaH .
sa eva nityatR^iptaH . sa shItoShNasukhaduHkhamAnAvamAnavarjitaH .
sa nindAmarShasahiShNuH . sa ShaDUrmivarjitaH .
ShaDbhAvavikArashUnyaH . sa jyeShThAjyeShThavyavadhAnarahitaH .
sa svavyatirekeNa nAnyadraShTA . AshAmbaro nanamaskAro na
svAhAkAro na svadhAkArashcha navisarjanaparo nindAstuti\-
vyatirikto namantratantropAsako devAntaradhyAnashUnyo
lakShyAlakShyanivartakaH sarvoparataH sasachchidAnandAdvaya\-
chidghanaH sampUrNAnandaikabodho brahmaivAhamamItyanavarataM
brahmapraNavAnusandhAnena yaH kR^itakR^ityo bhavati sa ha
paramahaMsaparivrADityupaniShat.h ..
hariH AUM tatsat.h .
OM bhadraM karNebhiH shR^iNuyAma devA .
bhadraM pashyemAkShabhiryajatrAH.
sthiraira~NgaistuShTuvAMstanUbhiH .
vyashema devahitaM yadAyuH .
svasti na indro vR^iddhashravAH .
svasti naH pUShA vishvavedAH .
svasti nastArkShyo.ariShTanemiH .
svasti no bR^ihaspatirdadhAtu ..
OM shAntiH shAntiH shAntiH ..
iti paramahaMsaparivrAjakopaniShatsamAptA ..
##

Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}