% Text title            : Pashupatabrahma Upanishad
% File name             : pashupata.itx
% Category              : upanishhat, svara
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  77 / 108; Atharva Veda - Yoga upanishad
% Latest update         : August  12, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pashupatabrahma Upanishad ..}##
\itxtitle{.. pAshupatabrahmopaniShat ..}##\endtitles ##
pAshupatabrahmavidyAsa.nvedyaM paramAkSharam |
paramAnandasampUrNaM rAmachandrapadaM bhaje ||
OM bhadraM karNebhiH shR^iNuyAma devAH
      bhadraM pashyemAkShabhiryajatrAH |
sthiraira~NgaistuShTuvA{\m+}sastanUbhiH
      vyashema devahitaM yadAyuH ||
svasti na indro vR^iddhashravAH
      svasti naH pUShA vishvavedAH |
svasti nastArkShyo ariShTanemiH
      svasti no bR^ihaspatirdadhAtu ||
OM shAntiH shAntiH shAntiH ||
hariH OM || atha ha vai svayaMbhUrbrahmA prajAH sR^ijAnIti kAmakAmo jAyate
kAmeshvaro vaishravaNaH | vaishravaNo brahmaputro vAlakhilyaH svayaMbhuvaM
paripR^ichChati jagatAM kA vidyA kA devatA jAgratturIyayorasya ko devo yAni
tasya vashAni kAlAH kiyatpramANAH kasyAj~nayA ravichandragrahAdayo bhAsante
kasya mahimA gaganasvarUpa etadahaM shrotumichChAmi nAnyo jAnAti
tvaM brUhi brahman | svayaMbhUruvAcha kR^itsnajagatAM mAtR^ikA vidyA
dvitrivarNasahitA dvivarNamAtA trivarNasahitA | chaturmAtrAtmako~NkAro mama
prANAtmikA devatA | ahameva jagattrayasyaikaH patiH | mama vashAni sarvANi
yugAnyapi | ahorAtrAdayo matsa.nvardhitAH kAlAH | mama rUpA
ravestejashchandranakShatragrahatejA.nsi cha | gagano mama trishaktimAyAsvarUpaH
nAnyo madasti | tamomAyAtmako rudraH sAtvikamAyAtmako viShNU
rAjasamAyAtmako brahmA |
indrAdayastAmasarAjasAtmikA na sAtvikaH ko.api aghoraH
sarvasAdhAraNasvarUpaH | samastayAgAnAM rudraH pashupatiH kartA |
rudro yAgadevo viShNuradhvaryurhotendro devatA yaj~nabhug
mAnasaM brahma mAheshvaraM brahma mAnasaM ha.nsaH
so.ahaM ha.nsa iti | tanmayayaj~no nAdAnusandhAnam |
tanmayavikAro jIvaH | paramAtmasvarUpo ha.nsaH | antarbahishcharati
ha.nsaH | antargato.anakAshAntargatasuparNasvarUpo ha.nsaH |
ShaNNavatitattvatantuvadvyaktaM chitsUtratrayachinmayalakShaNaM
navatattvatrirAvR^itaM brahmaviShNumaheshvarAtmakamagnitrayakalopetaM
chidgranthibandhanam | advaitagranthiH yaj~nasAdhAraNA~NgaM
bahirantarjvalanaM yaj~nA~NgalakShaNabrahmasvarUpo ha.nsaH |
upavItalakShaNasUtrabrahmagA yaj~nAH | brahmA~NgalakShaNayukto
yaj~nasUtram | tadbrahmasUtram | yaj~nasUtrasa.nbandhI brahmayaj~naH |
tatsvarUpo.a~NgAni mAtrANi mano yaj~nasya ha.nso yaj~nasUtram |
praNavaM brahmasUtraM brahmayaj~namayam | praNavAntarvartI ha.nso
brahmasUtram | tadeva brahmayaj~namayaM mokShakramam |
brahmasandhyAkriyA manoyAgaH | sandhyAkriyA manoyAgasya lakShaNam |
yaj~nasUtrapraNavabrahmayaj~nakriyAyukto brAhmaNaH | brahmacharyeNa
haranti devAH | ha.nsasUtracharyA yaj~nAH | ha.nsapraNavayorabhedaH |
ha.nsasya prArthanAstrikAlAH | trikAlastrivarNAH | tretAgnyanusandhAno yAgaH |
tretAgnyAtmAkR^itivarNo~NkAraha.nsAnusandhAno.antaryAgaH |
chitsvarUpavattanmayaM turIyasvarUpam | antarAditye jyotiHsvarUpo ha.nsaH |
yaj~nA~NgaM brahmasampattiH | brahmapravR^ittau tatpraNavaha.nsasUtreNaiva
dhyAnamAcharanti | provAcha punaH svayaMbhuvaM pratijAnIte brahmaputro
R^iShirvAlakhilyaH | ha.nsasUtrANi katisa.nkhyAni kiyadvA pramANam |
hR^idyAdityamarIchInAM padaM ShaNNavatiH | chitsUtraghrANayoH svarnirgatA
praNavadhArA ShaDa~NguladashAshItiH | vAmabAhurdakShiNakaThyorantashcharati
ha.nsaH paramAtmA brahmaguhyaprakAro nAnyatra viditaH |
jAnanti te.amR^itaphalakAH |
sarvakAlaM ha.nsaM prakAshakam |
praNavaha.nsAntardhyAnaprakR^itiM vinA na muktiH |
navasUtrAnparicharchitAn | te.api yadbrahma charanti | antarAditye na j~nAtaM
manuShyANAm | jagadAdityo rochata iti j~nAtvA te martyA vibudhAstapana
prArthanAyuktA Acharanti |
vAjapeyaH pashuhartA adhvaryurindro devatA ahi.nsA
dharmayAgaH paramaha.nso.adhvaryuH paramAtmA devatA
pashupatiH brahmopaniShado brahma | svAdhyAyayuktA
brAhmaNAshcharanti | ashvamedho mahAyaj~nakathA |
tadrAj~nA brahmacharyamAcharanti | sarveShAM
pUrvoktabrahmayaj~nakramaM muktikramamiti brahmaputraH
provAcha | udito ha.nsa R^iShiH | svayaMbhUstirodadhe | rudro
brahmopaniShado ha.nsajyotiH pashupatiH praNavastArakaH sa evaM veda |
ha.nsAtmamAlikAvarNabrahmakAlaprachoditA |
paramAtmA pumAniti brahmasampattikAriNI || 1||
adhyAtmabrahmakalpasyAkR^itiH kIdR^ishI kathA |
brahmaj~nAnaprabhAsandhyAkAlo gachChati dhImatAm |
ha.nsAkhyo devamAtmAkhyamAtmatattvaprajA katham || 2||
antaHpraNavanAdAkhyo ha.nsaH pratyayabodhakaH |
antargatapramAgUDhaM j~nAnanAlaM virAjitam || 3||
shivashaktyAtmakaM rUpaM chinmayAnandaveditam |
nAdabindukalA trINi netraM vishvavicheShTitam || 4||
triya~NgAni shikhA trINi dvitrANAM sa.nkhyamAkR^itiH |
antargUDhapramA ha.nsaH pramANAnnirgataM bahiH || 5||
brahmasUtrapadaM j~neyaM brAhmaM vidhyuktalakShaNam |
ha.nsArkapraNavadhyAnamityukto j~nAnasAgare || 6||
etadvij~nAnamatreNa j~nAnasAgarapAragaH |
svataH shivaH pashupatiH sAkShI sarvasya sarvadA || 7||
sarveShAM tu manastena preritaM niyamena tu |
viShaye gachChati prANashcheShTate vAgvadatyapi || 8||
chakShuH pashyati rUpANi shrotraM sarvaM shR^iNotyapi |
anyAni kAni sarvANi tenaiva preritAni tu || 9||
svaM svaM viShayamuddishya pravartante nirantaram |
pravartakatvaM chApyasya mAyayA na svabhAvataH || 10||
shrotramAtmani chAdhyastaM svayaM pashupatiH pumAn |
anupravishya shrotrasya dadAti shrotratAM shivaH || 11||
manaH svAtmani chAdhyastaM pravishya parameshvaraH |
manastvaM tasya sattvastho dadAti niyamena tu || 12||
sa eva viditAdanyastathaivAviditAdapi |
anyeShAmindriyANAM tu kalpitAnAmapIshvaraH || 13||
tattadrUpamanu prApya dadAti niyamena tu |
tatashchakShushcha vAkchaiva manashchAnyAni khAni cha || 14||
na gachChanti svaya.njyotiHsvabhAve paramAtmani |
akartR^iviShayapratyakprakAshaM svAtmanaiva tu || 15||
vinA tarkapramANAbhyAM brahma yo veda veda saH |
pratyagAtmA para.njyotirmAyA sA tu mahattamaH || 16||
tathA sati kathaM mAyAsaMbhavaH pratyagAtmani |
tasmAttarkapramANAbhyAM svAnubhUtyA cha chidghane || 17||
svaprakAshaikasa.nsiddhe nAsti mAyA parAtmani |
vyAvahArikadR^iShTyeyaM vidyAvidyA na chAnyathA || 18||
tattvadR^iShTyA tu nAstyeva tattvamevAsti kevalam |
vyAvahArika dR^iShTistu prakAshAvyabhichAritaH || 19||
prakAsha eva satataM tasmAdadvaita eva hi |
advaitamiti choktishcha prakAshAvyabhichArataH || 20||
prakAsha eva satataM tasmAnmaunaM hi yujyate |
ayamartho mahAnyasya svayameva prakAshitaH || 21||
na sa jIvo na cha brahmA na chAnyadapi ki.nchana |
na tasya varNA vidyante nAshramAshcha tathaiva cha || 22||
na tasya dharmo.adharmashcha na niShedho vidhirna cha |
yadA brahmAtmakaM sarvaM vibhAti tata eva tu || 23||
tadA duHkhAdibhedo.ayamAbhAso.api na bhAsate |
jagajjIvAdirUpeNa pashyannapi parAtmavit || 24||
na tatpashyati chidrUpaM brahmavastveva pashyati |
dharmadharmitvavArtA cha bhede sati hi bhidyate || 25||
bhedAbhedastathA bhedAbhedaH sAkShAtparAtmanaH |
nAsti svAtmAtirekeNa svayamevAsti sarvadA || 26||
brahmaiva vidyate sAkShAdvastuto.avastuto.api cha |
tathaiva brahmavijj~nAnI kiM gR^ihNAti jahAti kim || 27||
adhiShThAnamanaupamyamavA~Nmanasagocharam |
yattadadreshyamagrAhyamagotraM rUpavarjitam || 28||
achakShuHshrotramatyarthaM tadapANipadaM tathA |
nityaM vibhuM sarvagataM susUkhmaM cha tadavyayam || 29||
brahmaivedamamR^itaM tatpurastAd\-
     brahmAnandaM paramaM chaiva pashchAt |
brahmAnandaM paramaM dakShiNe cha
     brahmAnandaM paramaM chottare cha  || 30||
svAtmanyeva svayaM sarvaM sadA pashyati nirbhayaH |
tadA mukto na muktashcha baddhasyaiva vimuktatA || 31||
eva.nrUpA parA vidyA satyena tapasApi cha |
brahmacharyAdibhirdharmairlabhyA vedAntavartmanA || 32||
svasharIre svaya.njyotiHsvarUpaM pAramArthikam |
kShINadoShaH prapashyanti netare mAyayAvR^itAH || 33||
evaM svarUpavij~nAnaM yasya kasyAsti yoginaH |
kutrachidgamanaM nAsti tasya sampUrNarUpiNaH || 34||
AkAshamekaM sampUrNaM kutrachinna hi gachChati |
tadvadbrahmAtmavichChreShThaH kutrachinnaiva gachChati || 35||
abhakShyasya nivR^ittyA tu vishuddhaM hR^idayaM bhavet |
AhArashuddhau chittasya vishuddhirbhavati svataH || 36||
chittashuddhau kramAjj~nAnaM truTyanti granthayaH sphuTam |
abhakShyaM brahmavij~nAnavihInasyaiva dehinaH || 37||
na samyagj~nAninastadvatsvarUpaM sakalaM khalu |
ahamannaM sadAnnAda iti hi brahmavedanam || 38||
brahmavidgrasati j~nAnAtsarvaM brahmAtmanaiva tu |
brahmakShatrAdikaM sarvaM yasya syAdodanaM sadA || 39||
yasyopasechanaM mR^ityustaM j~nAnI tAdR^ishaH khalu |
brahmasvarUpavij~nAnAjjagadbhojyaM bhavetkhalu || 40||
jagadAtmatayA bhAti yadA bhojyaM bhavettadA |
brahmasvAtmatayA nityaM bhakShitaM sakalaM tadA || 41||
yadAbhAsena rUpeNa jagadbhojyaM bhaveta tat |
mAnataH svAtmanA bhAtaM bhakShitaM bhavati dhruvam || 42||
svasvarUpaM svayaM bhu~Nkte nAsti bhojyaM pR^ithak svataH |
asti chedastitArUpaM brahmaivAstitvalakShaNam || 43||
astitAlakShaNA sattA sattA brahma na chAparA |
nAsti sattAtirekeNa nAsti mAyA cha vastutaH || 44||
yoginAmAtmaniShThAnAM mAyA svAtmani kalpitA |
sAkShirUpatayA bhAti brahmaj~nAnena bAdhitA || 45||
brahmavij~nAnasampannaH pratItamakhilaM jagat |
pashyannapi sadA naiva pashyati svAtmanaH pR^ithak || 46|| ityupaniShat ||

OM bhadraM karNebhiH shR^iNuyAma devAH
    bhadraM pashyemAkShabhiryajatrAH |
sthiraira~NgaistuShTuvA{\m+}sastanUbhiH
    vyashema devahitaM yadAyuH ||
svasti na indro vR^iddhashravAH
    svasti naH pUShA vishvavedAH |
svasti nastArkShyo ariShTanemiH
    svasti no bR^ihaspatirdadhAtu ||
OM shAntiH shAntiH shAntiH || hariH OM tatsat ||

iti pAshupatabrahmopaniShatsamAptA ||
##
Encoded by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}