% Text title            : praNavopaniShat 2
% File name             : praNavopaniShat2.itx
% Category              : upanishhat, vedanta, deities\_misc
% Location              : doc\_upanishhat
% Proofread by          : Sunder Hattangadi
% Description-comments  : aprakAshitA upaniShadaH
% Latest update         : October 18, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pranavopanishad 2 ..}##
\itxtitle{.. praNavopaniShat 2 ..}##\endtitles ##

brahma ha vai brahmANaM puShkare puShkare sasR^ije | sa khalu brahmA
sR^iShTashchintAmApede | kenAhamekenAkShareNa sarvAMshcha kAmAn
sarvAMshcha lokAn sarvAMshcha devAn sarvAMshcha vedAn sarvAMshcha
yaj~nAn sarvAMshcha shabdAn sarvAMshcha vyuShTIH sarvANi cha
bhUtAni sthAvaraja~NgamAnyanubhaveyamiti | sa brahmacharyamacharat |
sa omityetadakSharamapashyat | vivarNaM chaturmAtraM sarvavyApi
sarvavibhvayAtayAmabrahma brAhmIM vyAhR^itiM brahmadaivataM tathA
sarvAMshcha kAmAn sarvAMshcha lokAn sarvAMshcha devAn sarvAMshcha
vedAn sarvAMshcha yaj~nAn sarvAMshcha shabdAn sarvAMshcha
vyuShTIH sarvANi cha bhUtAni sthAvaraja~NgamAnyanvabhavat |
tasya prathamena varNenApasnehashchAnvabhavat | tasya
dvitIyena varNena tejo jyotIMShyanvabhavat | tasya prathamayA
svaramAtrayA pR^ithivImagnimoShadhivanaspatInR^igvedaM bhUriti
vyAhR^itirgAyatraM ChandastrivR^itaM stomaM prAchIM dishaM
vasantamR^ituM vAchamadhyAtmaM jihvAM rasamitIndriyANyanvabhavat |
tasya dvitIyayA svaramAtrayAntarikShaM vAyuM yajurvedaM bhuva iti
vyAhR^itiM traiShTubhaM ChandaH pa~nchadashaM stomaM pratIchIM dishaM
grIShmamR^ituM prANamadhyAtmaM nAsike gandhaghrANamitIndriyANyanvabhavat |
tasya tR^itIyayA svaramAtrayA divamAdityaM sAmavedaM svaritivyAhR^itiM
jAgataM ChandaH saptadashaM stomabhudIchIM dishaM varShartuM
jyotiradhyAtmaM chakShuShI darshanamitIndriyaNayanvabhavat |
tasya vakAramAtrayA yashchandramasamatharvavedaM nakShatrANyomiti
svamAtmAnaM janaditya~NgirasAmAnuShTubhaM ChandaH ekaviMshaM
stomaM dakShiNAM dishaM sharadamR^ituM mano.adhyAtmaM j~nAnaM
j~neyamitIndriyANyanvabhavat | tasya makArashrutyetihAsapurANaM
vAkovAkyagAthAnArAshaMsIrupaniShadonushAsamAnAnAmiti
vR^idhatkaradruhanmahattachChamomiti vyAhR^itIH
svarashamyanAnAtantrIsvaranR^ityagItavAditrANyanvabhavachchaitrarathaM
daivataM vaidyutaM jyotirbArhataM ChandastR^iNavattrayastriMshastomau
dhruvAmUrdhvAM dishaM hemantashishirAvR^itU shrotramadhyAtmaM
shabdashravaNamitIndriyANyanvabhavat | saiShaikAkShara
R^igbrahmaNastapaso.agre prAdurbabhUva | brahma vedasyAtharvaNaM
shukramata eva mantrAH prAdurbabhUvuH | sa tu khalu mantrANAM tapasA
shushrUShAnadhyAyAdhyanena yadUnaM cha variShThaM cha yAtayAmaM
cha karoti | tathApyatharvaNaM tejasA pratyApyAyayenmantrAshcha
mAmabhimukhIbhaveyurgarbhA iva mAtaramabhijighAMsuH
parastAdo~NkAraprayuktayaitayaiva tadR^ichA pratyApyAyayedeSha
yaj~nasya purastAdyujyata eShA pashchAt sarvata etayA yaj~nastapate
tadapyetadR^ichoktaM \ldq{}yA purastAdyu~njata R^icho.akShare
parame vyomanniti\rdq{} | tadetadakSharaM brAhmaNo yaM kAmamichChet
trirAtropoShitaH prA~Nmukho vAgyato barhipyupavishya sahasraM R^icha
Avartayet sidhyantyasyArthAH sarvakarmANi cheti brAhmaNam ||

vasordvArANAmindranagaraM tadasurAH paryavArayanta | te devA bhItA
Asan | ka imAnasurAn haniShyatIti | tamo~NkAraM brahmaNaH putraM
jyeShThaM dadR^ishuste tamabruvan | bhavatA mukhyenemAnasurAn jayemeti |
sa hovAcha kiM me pratIvAho bhaviShyatIti | varaM vR^iNIShveti |
vR^iNa iti | sa varamavR^iNIta | \ldq{}na mAmanIrayitvA brAhmaNA
brahma vadeyuryadi vadeyurabrahma tatsyAt\rdq{} iti | tatheti te devA
devayajanasyottarArdhe.araiH saMyattA AsaMstAno~NkAreNAgnIdhrIyA
devA asurAn parAbhAvayanta | tadyatparAbhAvayanta tasmAdo~NkAraH
pUrvamuchchAryate | yo ha vA etamo~NkAraM na vedAvashyaHsyAdityatha ya
evaM veda brahmavashaH syAditi tasmAdo~NkAra R^igbhavati yajuShi yajuH
sAmni sAma sUtre sUtraM brAhmaNe brAhmaNaM shloke shlokaH praNave praNava
iti brAhmaNam ||

o~NkAraM pR^ichChAmaH ko dhAtuH kiM prAtipadikaM kiM nAmAkhyAtaM
kiM li~NgaM kiM cha vachanaM kA vibhaktiH kaH pratyayaH kaH svaraH
upasargo nipAtaH kiM vai vyAkaraNaM ko vikAraH ko vikArI katimAtraH
kativarNaH katyakSharaH katipadaH kaH saMyogaH kiM sthAnAnupradAnakaraNaM
shikShakAH kimuchchArayanti kiM ChandaH ko varNa iti pUrve prashnAH |
athottare mantrAH | kalpo brAhmaNaM R^ig yajuH sAma | kasmAdbrahmavAdina
o~NkAramAditaH kurvanti | kiM daivataM kiM jyotiShaM kiM niruktaM kiM
sthAnaM kA prakR^itiH kimadhyAtmamiti ShaTtriMshatprashnAH pUrvottarANAM
trayo vargA dvAdasha ekAshatairo~NkAraM vyAkhyAsyAmaH ||

indraH prajApatimapR^ichChat bhagavannabhyastUya pR^ichChAmIti | pR^ichCha
vatsetyabravIt | kimayamo~NkAraH kasya putraH kiM chaitachChandaH kiM
chaitadvarNaH kiM chaitadbrahmA brahma sampadyate | tasmAdvaitamo~NkAraM
pUrvamAlobhasvaritodAtta ekAkShara o~NkAra R^igvede traisvaryodAtta
ekAkShara o~NkAro yajurvede dIrghaplutodAtta ekAkShara o~NkAraH sAmavede
hrasvodAtta ekAkSharaH ukAro.atharvavede.anudAttodAttadvipada a u
ityardhachatasro mAtrA makAre vya~njanamityAhuH | yA sA prathamA
mAtrA brahmadaivatyA raktA varNena yastAM dhyAyate nityaM sa
gachChedbrAhmaM padam | yA sA dvitIyA mAtrA viShNudaivatyA kR^iShNA
varNena yastAM dhyAyate nityaM sa gachChedvaiShNavaM padam | yA sA
tR^itIyA mAtrA IshAnadaivatyA kapilA varNena yastAM dhyAyate nityaM
sa gachChedaishAnaM padam | yA sArdhachaturthI mAtrA sarvadaivatyA
vyaktIbhUtA svaM vicharati shuddhasphaTikasannibhA varNena yastAM
dhyAyate nityaM sa gachChet padamanAmakam | o~NkArasyotpattiM vipro
yo na jAnAti tatpunarupanayanaM tasmAdbrAhmaNavachanamAdartavyam |
yathA lAtavyo gotro brAhmaNaH | putro gAyatraM ChandaH shuklo varNaH |
puMso vatso rudro devatA | o~NkAro vedAnAM uttaropaniShadaM
vyAkhyAsyAmaH | ko dhAturityApterdhAturavatimapyeke |
rUpasAmAnyAdyarthasAmAnyAnyanyadIyastasmAdApero~NkAraH
sarvamApnotItyarthaH | kR^idantamarthavatprAtipadikamadarshanaM
pratyayasya nAma sampadyate | nipAteShu chainaM vaiyyAkaraNA ukShattaM
samAmananti | tadavyayIbhUtamanvarthavAchI shabdo na vyeti kadAchaneti |
sadR^ishaM triShu li~NgeShu sarvAsu cha vibhaktiShu | vachaneShu cha
sarveShu yanna vyeti tadavyayam ||

ko vikArI chyavate prakAraNamApnotirAkArapakArau vikAryau AditaH
okAro vikriyate | dvitIyo makAra evaM dvivarNa ekAkShara omityo~NkAro
nirvR^ittaH | katimAtra ityAdestisro mAtrAH abhyAdhAne hi plavate |
makArashchaturthI kiM sthAnamityubhAvoShThau sthAnamAdhAnakaraNI cha
dviHsthAnaM sandhyakSharamavarNaleshaH kaNThyo yathoktasheShaH pUrvo
vivR^ittakaraNasthitashcha dvitIyaH spR^iShTakaraNasthitashcha | nAyaM
yoge vidyuta AkhyAtopasargAnudAttaH svaritali~NgavibhaktivachanAni cha
sa~nchChinnAdhyAyina AchAryAH pUrve babhUbuH | shravaNAdevaM pratipadyante |
na kAraNaM prayachChantyathAparapakShIyANAM kaviH pa~nchAlachaNDaH
paripR^ichChako babhUvAMbuH pR^ithagudgIthadoShAn bhavanto bruvantviti |
tadvAchyupalakShayet varNAkSharapadA~Nkasho vibhaktyAmR^iShiniShevitAmiti
vAchaM stuvanti | tasmAt kAraNaM brUmo varNAnAmayamidaM bhaviShyatIti
ShaDa~NgavidastattayAdhImahi | kiM Chanda iti | gAyatraM hi Chando
gAyatrI devAnAmekAkSharA shvetavarNA cha vyAkhyAtA | dvau dvAdashakau
vargAvetadvai vyAkaraNaM dhAtvarthavachanaM shaikShaM Chando vachanaM
chAthottarau dvau dvAdashakau vargau vedarahasikI ##(##?##)## vyAkhyAtA
mantrakalpo brAhmaNamR^igyajuHsAmAtharvANyeShA vyAhR^itishchaturNAM
vedAnAmAnupUrvyeNa | oM bhUrbhuvassuvariti vyAhR^itayaH ||

asamIkShya pravalhitAni shrUyante dvAparAdAvR^iShINAmekadesho
doShayatIha chintAmApede | tribhiH somaH pAtavyaH samAptamiva
bhavati | tasmAdR^igyajussAmAnyapakrAntatejAMsyAsaMstatra maharShayaH
paridevayA~nchakrira | mahachChokabhayaM prAptAH smo na chaitasarvaiH
samabhihitaM te vayaM bhagavantamevopadhAvAma | sarveShAmeva sharma
bhavAniti | te tathetyuktvA tUShNImatiShThannAnupasannebhya
ityupopasIdAmeti nIchairbabhUbuH | sa ebhya upanIya
provAcha | mAmikAmeva vyAhR^itimAditaH kR^iNudhvamityevaM
mAmakA adhIyante | nartte bhR^igva~NgirovidbhyaH somaH
pAtavya R^itvijaH parAbhavanti | yajamAno rajasApadhvasyati
shrutishchApadhvastApatiShThatItyevamevottarottarAdyogAllokaM
tokaM prashAdhvamityevaM pratApo na parAbhaviShyatIti | tathAha
bhagavanniti pratipedire ApyAyayaMste tathA vItashokabhayA babhUvuH |
tasmAdbrahmavAdina o~NkAramAditaH kurvanti ||

kiM daivatamityR^ichAmagnirdaivataM tadeva jyotirgAyatraM ChandaH
pR^ithivI sthAnaM \ldq{}agnimIDe purohitaM yaj~nasya devamR^itvijam |
hotAraM ratnadhAtamam |\rdq{} ityevamAdiM kR^itvA R^igvedamadhIyate |
yajuShAM vAyurdaivataM tadeva jyotistraiShTubhaM Chando.antarikShaM
sthAnaM \ldq{}iShe tvorje tvA vAyavaH sthopAyavaH stha devo vaH
savitA prArpayatu shreShThatamAya karmaNe\rdq{} ityevamAdiM kR^itvA
yajurvedamadhIyate | sAmnAdityo daivataM tadeva jyotirjAgataM Chando
dyauH sthAnaM \ldq{}agna AyAhi vItaye gR^iNAno havyadAtaye | nihotA
satsi barhiShi |\rdq{} ityevamAdiM kR^itvA sAmavedamadhIyate |
atharvaNAM chandramA daivataM tadeva jyotiH sarvANi ChandAMsyApaH
sthAnaM \ldq{}shanno devIrabhiShTaye\rdq{} ityevamAdiM kR^itvA
atharvavedamadhIyate | adbhyaH sthAvaraja~Ngamo bhUtagrAmaH sambhavati |
tasmAt sarvamApomayaM bhUtaM sarvaM bhR^igva~NgiromayaM antaraite
trayo vedA bhR^igUna~NgirasaH shritA ityabiti prakR^itirapAmo~NkAreNa
chaitasmAdvyAsaH ||

iti praNavopaniShat (2) samAptA |
##
Proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}