% Text title : Ramarahasya Upanishad % File name : ramarahasya.itx % Category : upanishhat, svara, raama % Location : doc\_upanishhat % Author : Vedic tradition % Transliterated by : Sunder Hattangadi % Proofread by : Sunder Hattangadi % Description-comments : 54 / 108; Atharva Veda - Vaishnava upanishad % Latest update : May, 14, 2000 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIRamarahasya Upanishad ..}## \itxtitle{.. shrIrAmarahasyopaniShat ..}##\endtitles ## kaivalyashrIsvarUpeNa rAjamAnaM maho.avyayam . pratiyogivinirmukta.n shrIrAmapadamAshraye .. AUM bhadra.n karNebhiH shruNuyAma devAH . bhadraM pashyemAkShabhiryajatrAH . sthiraira~NgaistuShTuvA{\m+}sastanUbhiH . vyashema devahita.n yadAyuH .. svasti na indro vR^iddhashravAH . svasti naH pUShA vishvavedAH . svasti nastArkShyo ariShTanemiH . svasti no bR^ihaspatirdadhAtu .. AUM shAntiH shAntiH shAntiH .. AUM rahasya.n ramatapata.n vAsudeva.n cha mudgalam . shANDilyaM pai~NgalaM bhikShuM mahachChArIraka.n shikhA .. 1.. sanakAdyA yogivaryA anye cha R^iShayastathA . prahlAdAdyA viShNubhaktA hanUmantamathAbruvan .. 2.. vAyuputra mahAbAho ki.ntattvaM brahmavAdinAm . purANeShvaShTAdashasu smR^itiShvaShTAdashasvapi .. 3.. chaturvedeShu shAstreShu vidyAsvAdhyAtmike.api cha . sarveShu vidyAdAneShu vighnasUryeshashaktiShu . eteShu madhye ki.n tattva.n kathaya tvaM mahAbala .. 4.. hanUmAnhovAcha .. bho yogIndrAshchaiva R^iShayo viShNubhaktAstathaiva cha . shruNudhvaM mAmakI.n vAchaM bhavabandhavinAshinIm .. 5.. eteShu chaiva sarveShu tattva.n cha brahma tArakam . rAma eva paraM brahma tattva.n shrIrAmo brahma tArakam .. 6.. vAyuptreNoktAste yogIndrA R^iShayo viShNubhaktA hanUmantaM paprachChuH rAmasyA~NgAni no brUhIti . hanUmAnhovAcha . vAyuputra.n vighnesha.n vANI.n durgA.n kShetrapAlaka.n sUrya.n chandra.n nArAyaNa.n nArasi.nha.n vAyudeva.n vArAha.n tatsarvAntsamAtrAntsIta.n lakShmaNa.n shatrughnaM bharata.n vibhIShaNa.n sugrIvama~Ngada.n jAmbavantaM praNavametAni rAmasyA~NgAni jAnIthAH . tAnya~NgAni vinA rAmo vighnakaro bhavati . punarvAyuputreNoktAste hanUmantaM paprachChuH . A~njaneya mahAbala viprANA.n gR^ihasthAnAM praNavAdhikAraH katha.n syAditi . sa hovAcha shrIrAma evovAcheti . yeShAmeva ShaDakSharAdhikAro vartate teShAM praNavAdhikAraH syAnnAnyeShAm . kevalamakArokAramakArArdhamAtrAsahitaM praNavamUhya yo rAmamantra.n japati tasya shubhakaro.aha.n syAm . tasya praNavasthAkArasyokArasya makarAsyArdhamAtrAyAshcha R^iShishChando devatA tattadvarNAvarNAvasthAna.n svaravedAgniguNAnuchchAryAnvahaM praNavamantraddviguNa.n japtvA pashchAdrAmamantra.n yo japet sa rAmo bhavatIti rAmeNoktAstasmAdrAmA~NgaM praNavaH kathita iti .. vibhIShaNa uvAcha .. si.nhAsane samAsIna.n rAmaM paulastyasUdanam . praNamya daNDavadbhUmau paulastyo vAkyamabravIt . . 7.. raghunAtha mahAbAho kevala.n kathita.n tvayA . a~NgAnA.n sulabha.n chaiva kathanIya.n cha saulabham .. 8.. shrIrAma uvAcha . atha pa~ncha daNDakAni pitR^ighno mAtR^ighno brahmaghno guruhananaH koTiyatighno.anekakR^itapApo yo mama ShaNNavatikoTinAmAni japati sa tebhyaH pApebhyaH pramuchyate . svayameva sachchidAnandasvarUpo bhavenna kim . punaruvAcha vibhIShaNaH . tatrApya shakto.aya.n ki.n karoti . sa hovAchemam . kaikaseya purashcharaNavidhAvashakto yo mama mahopaniShadaM mama gItAM mannAmasahasraM madvishvarUpaM mamAShTottarashata.n rAmashatAbhidhAna.n nAradoktastavarAja.n hanUmatproktaM mantrarAjAtmakastava.n sItAstava.n cha rAmaShaDakSharItyAdibhirmantrairyo mA.n nitya.n stauti tatsadR^isho bhavenna kiM bhavenna kim .. iti rAmarahasyopaniShadi prathamo.adhyAyaH .. 1.. \medskip\hrule\medskip sanakAdyA munayo hanUmantaM paprachChuH . A~njaneya mahAbala tArakabrahmaNo rAmachandrasya mantragrAma.n no brUhIti . hanUmAnhovAcha . vahnistha.n shayana.n viShNorardhachandravibhUShitam . ekAkSharo manuH prokto mantrarAjaH suradrumaH .. 1.. brahmA muniH syAdgAyatra.n Chando rAmasya devatA . dIrghArdhenduyujA~NgAni kuryAdvahnyAtmano manoH .. 2.. bIjashaktyAdi bIjena iShTArthe viniyojayet . sarayUtIramandAravedikApa~NkajAsane .. 3.. shyAma.n virAsanAsIna.n j~nAnamudropashobhitam . vAmorunyastataddhasta.n sItAlakShmaNasa.nyutam .. 4.. avekShamANamAtmAnamAtmanyamitatejasam . shuddhasphaTikasa.nkAsha.n kevala.n mokShakA~NkShayA .. 5.. chintayanparamAtmAnaM bhAnulakSha.n japenmanum . vahnirnArAyaNo nADyo jATharaH kevalo.api cha .. 6.. dvyakSharo mantrarAjo.aya.n sarvAbhIShTapradastataH . ekAkSharoktamR^iShyAdi syAdAdyena ShaDa~Ngakam .. 7.. tAramAyAramAna~NgavAksvabIjaishcha ShaDvidhaH , tryakSharo mantrarAjaH syAtsarvAbhIShTaphalapradaH .. 8.. dvyakSharashchandrabhadrAnto dvividhashchaturakSharaH . R^iShyAdi pUrvavajj~neyametayoshcha vichakShaNaiH .. 9.. sapratiShThau ramau vAyau hR^itpa~nchArNo manurmataH . vishvAmitraR^iShiH proktaH pa~NktishChando.asya devatA ..10.. rAmabhadro bIjashaktiH prathamArNamiti kramAt . bhrUmadhye hR^idi nAbhyUrvoH pAdayorvinyasenmanum .. 11.. ShaDa~NgaM pUrvavadvidyAnmantrArNairmanunAstrakam . madhye vana.n kalpatarormUle puShpalatAsane .. 12.. lakShmaNena praguNitamakShNaH koNena sAyakam . avekShamANa.n jAnakyA kR^itavyajanamIshvaram .. 13.. jaTAbhAralasachChIrSha.n shyAmaM munigaNAvR^itam . lakShmaNena dhR^itachChatramathavA puShpakopari .. 14.. dashAsyamathana.n shAnta.n sasugrIvavibhIShaNam . eva.n labdhvA jayArthI tu varNalakSha.n japenmanum .. 15.. svakAmashaktivAglakShmIstavAdyAH pa~nchavarNakAH . ShaDakSharaH ShaDvidhaH syAchchaturvargaphalapradaH .. 16.. pa~nchAshanmAtR^ikAmantravarNapratyekapUrvakam . lakShmIvA~NmanmathAdishcha tArAdiH syAdanekadhA .. 17.. shrImAyAmanmathaikaika bIjAdyantargato manuH . chaturvarNaH sa eva syAtShaDvarNo vA~nChitapradaH .. 18.. svAhAnto huMphaDanto vA natyanto vA bhavedayam . aShTAvi.nshatyuttarashatabhedaH ShaDvarNa IritaH .. 19.. brahmA saMmohanaH shaktirdakShiNAmUrtireva cha . agastyashcha shivaH proktA munayo.akramAdime .. 20.. Chando gAyatrasa.nj~na.n cha shrIrAmashchaiva devatA . athavA kAmabIjAdervishvAmitro munirmanoH .. 21.. Chando devyAdigAyatrI rAmabhadro.asya devatA . bIjashaktI yathApUrvaM ShaDvarNAnvinyasetkramAt .. 22.. brahmarandhre bhruvormadhye hR^innAbhyUruShu pAdayoH . bIjaiH ShaDdIrghayuktairvA mantrArNaivA ShaDa~Ngakam .. 23.. kAlAbhodharakAntikAntamanisha.n vIrAsanAdhyAsitaM mudrA.n j~nAnamayI.n dadhAnamapara.n hastAMbuja.n jAnuni . sItAM pArshvagatA.n saroruhakarA.n vidyunnibhA.n rAghavaM pashyantaM mukuTA~NgadAdivividhAkalpojjvalA~NgaM bhaje .. 24.. shrIrAmashchandrabhadrAnto ~Nento natiyuto dvidhA . saptAkSharo mantrarAjaH sarvakAmaphalapradaH .. 25.. tArAdisahitaH so.api dvividho.aShTAkSharo mataH . tAra.n rAmashchaturthyataH kroDAstra.n vahnitalpagA .. 26.. aShTArNo.ayaM paro mantro R^iShyAdiH syAtShaDarNavat . punaraShTAkSharasyAtha rAma eva R^iShiH smR^itaH .. 27.. gAyatra.n Chanda ityasya devatA rAma eva cha . tAra.n shrIbIjayugma.n cha bIjashaktyAdayo matAH .. 28.. ShaDa~Nga.n cha tataH kuryAnmantrArNaireva buddhimAn . tAra.n shrIbIjayugma.n cha rAmAya nama uchcharet .. 29.. glauMmoM bIja.n vadenmAyA.n hR^idrAmAya punashcha tAm . shivomArAmamantro.aya.n vasvarNastu vasupradaH .. 30.. R^iShiH sadAshivaH prokto gAyatra.n Chanda uchyate . shivomArAmachandro.atra devatA parikIrtitaH .. 31.. dIrghayA mAyayA~NgAni tArapa~nchArNayuktayA . rAma.n trinetra.n somArdhadhAriNa.n shUlinaM param . bhasmoddhUlitasarvA~Nga.n kapardinamupAsmahe .. 32.. rAmAbhirAmA.n saundaryasImA.n somAvata.nsikAm . pAshA~NkushadhanurbANadharA.n dhyAyettrilochanAm .. 33.. dhyAyanneva.n varNalakSha.n japatarpaNatatparaH . bilvapatraiH phalaiH puShpaistilAjyaiH pa~Nkajairhunet .. 34.. svayamAyAnti nidhayaH siddhayashcha surepsitAH . punaraShTAkSharasyAtha brahmagAyatra rAghavAH .. 35.. R^iShyAdayastu vij~neyAH shrIbIjaM mama shaktikam . tatprItyai viniyogashcha mantrArNaira~NgakalpanA .. 36.. keyUrA~Ngadaka~NkaNairmaNigatairvidyotamAna.n sadA rAmaM pArvaNachandrakoTisadR^ishachChatreNa vai rAjitam . hemastambhasahasraShoDashayute madhye mahAmaNDape deveshaM bharatAdibhiH parivR^ita.n rAmaM bhaje shyAmalam .. 37.. kiM mantrairbahubhirvinashvaraphalairAyAsasAdhyairvR^itA ki.nchillobhavitAnamAtraviphalaiH sa.nsAraduHkhAvahaiH . ekaH sannapi sarvamantraphalado lobhAdidoShojjhitaH shrIrAmaH sharaNaM mameti satataM mantro.ayamaShTAkSharaH .. 38.. evamaShTAkSharaH samyak saptadhA parikIrtitaH . rAmasaptAkSharo mantra Adyante tArasa.nyutaH .. 39.. navArNo mantrarAjaH syAchCheSha.n ShaDvarNavannyaset . jAnakIvallabha.n ~Nenta.n vahnerjAyAhumAdikam .. 40.. dashAkSharo.ayaM mantraH syAtsarvAbhIShTaphalapradaH . dashAkSharasya mantrasya vasiShTho.asya R^iShirvirAT .. 41.. Chando.asya devatA rAmaH sItApANiparigrahaH . Adyo bIja.n dviThaH shaktiH kAmenA~NgakriyA matA .. 42.. shirolalATabhrUmadhye tAlukarNeShu hR^idyapi . nAbhUrujAnupAdeShu dashArNAnvinyasenmanoH .. 43.. ayodhyAnagare ratnachitre sauvarNamaNDape . mandArapuShpairAbaddhavitAne toraNA~nchite .. 44.. si.nhAsane samAsInaM puShpakopari rAghavam . rakShobhirharibhirdevairdivyayAnagataiH shubhaiH .. 45.. sa.nstUyamAnaM munibhiH prahvaishcha parisevitam . sItAla~NkR^itavAmA~Nga.n lakShmaNenopasevitam ..46.. shyAmaM prasannavadana.n sarvAbharaNabhUShitam . dhyAyanneva.n japenmantra.n varNalakShamananyadhIH .. 47.. rAma.n ~Nenta.n dhanuShpANaye.antaH syAdvahnisundarI . dashAkSharo.ayaM mantraH syAnmunirbrahmA virAT smR^itaH .. 48.. Chandastu devatA prokto rAmo rAkShasamardanaH . sheSha.n tu pUrvavatkuryAchchApabANadhara.n smaret .. 49.. tAramAyAramAna~NgavAksvabIjaishcha ShaDvidhaH . dashArNo mantrarAjaH syAdrudravarNAtmako manuH .. 50.. sheSha.n ShaDarNavajj~neya.n nyAsadhyAnAdika.n budhaiH . dvAdashAkSharamantrasya shrIrAma R^iShiruchyate .. 51.. jagatI Chanda ityukta.n shrIrAmo devatA mataH . praNavo bIjamityuktaH klIM shaktirhrIM cha kIlakam .. 52.. mantreNA~NgAni vinyasya shiShTaM pUrvavadAcharet . tAraM mAyA.n samuchchArya bharatAgraja ityapi .. 53.. rAma.n klIM vahnijAyAntaM mantroya.n dvAdashAkSharaH . AUM hR^idbhagavate rAmachandrabhadrau cha ~Neyutau .. 54.. arkArNo dvividho.apyasya R^iShidhyAnAdipUrvavat . Chandastu jagatI chaiva mantrArNaira~NgakalpanA .. 55.. shrIrAmeti pada.n choktvA jayarAma tataH param . jayadvaya.n vadetprAj~no rAmeti manurAjakaH .. 56.. trayodashArNa R^iShyAdi pUrvavatsarvakAmadaH . padadvayadvirAvR^ittera~Nga.n dhyAna.n dashArNavat .. 57.. tArAdisahitaH so.api sa chaturdashavarNakaH . trayodashArNamuchchArya pashchAdrAmeti yojayet .. 58.. sa vai pa~nchadashArNastu japatA.n kalpabhUruhaH . namashcha sItApataye rAmAyeti hanadvayam .. 59.. tatastu kavachAstrAntaH ShoDashAkShara IritaH . tasyAgastyaR^iShishChando bR^ihatI devatA cha saH .. 60.. rAM bIja.n shaktirastra.n cha kIlaka.n humitIritam . dvipa~nchatrichaturvarNaiH sarvaira~Nga.n nyasetkramAt .. 61.. tArAdisahitaH so.api mantraH saptadashAkSharaH . tAra.n namo bhagavate rA.n ~NentaM mahA tataH .. 62.. puruShAya padaM pashchAddhR^idanto.aShTadashAkSharaH . vishvAmitro munishChando gAyatra.n devatA cha saH .. 63.. kAmAdisahitaH so.api mantra ekonavi.nshakaH . tAra.n nAmo bhagavate rAmAyeti pada.n vadet .. 64.. sarvashabda.n samuchchArya saubhAgya.n dehi me vadet . vahnijAyA.n tathochchArya mantro vi.nshArNako mataH .. 65.. tAra.n namo bhagavate rAmAya sakala.n vadet . ApannivAraNAyeti vahnijAyA.n tato vadet .. 66.. ekavi.nshArNako mantraH sarvAbhIShTaphalapradaH . tAra.n ramA svabIja.n cha tato dAsharathAya cha .. 67.. tataH sItAvallabhAya sarvAbhIShTapada.n vadet . tato dAya hR^idanto.ayaM mantro dvAvi.nshadakSharaH .. 68.. tAra.n namo bhagavate vIrarAmAya sa.nvadet . kala shatrUn hana dvandva.n vahnijAyA.n tato vadet .. 69.. trayovi.nshAkSharomantraH sarvashatrunibarhaNaH . vishvAmitro muniH prokto gAyatrIChanda uchyate .. 70.. devatA vIrarAmo.asau bIjAdyAH pUrvavanmatAH . mUlamantravibhAgena nyAsAnkR^itvA vichakShaNaH .. 71.. shara.n dhanuShi sandhAya tiShThanta.n rAvaNonmukham . vajrapANi.n rathArUDha.n rAma.n dhyAtvA japenmanum .. 72.. tAra.n namo bhagavate shrIrAmAya pada.n vadet . tArakabrahmaNe choktvA mA.n tAraya pada.n vadet .. 73.. namastArAtmako mantrashchaturvi.nshatimantrakaH . bIjAdika.n yathA pUrva.n sarva.n kuryAtShaDarNavat .. 74.. kAmastAro natishchaiva tato bhagavatepadam . rAmachandrAya chochchArya sakaleti pada.n vadet .. 75.. janavashyakarAyeti svAhA kAmAtmako manuH . sarvavashyakaro mantraH pa~nchavi.nshativarNakaH .. 76.. Adau tAreNa sa.nyukto mantraH ShaDvi.nshadakSharaH . ante.api tArasa.nyuktaH saptavi.nshativarNakaH .. 77.. tAra.n namo bhagavate rakShoghnavishadAya cha . sarvavighnAntsamuchchArya nivAraya padadvayam .. 78.. svAhAnto mantrarAjo.ayamaShTAvi.nshativarNakaH . ante tAreNa sa.nyukta ekonatri.nshadakSharaH .. 79.. Adau svabIjasa.nyuktastri.nshadvarNAtmako manuH . ante.api tena sa.nyukta ekatri.nshAtmakaH smR^itaH .. 80.. rAmabhadra maheshvAsa raghuvIra nR^ipottama . bho dashAsyAntakAsmAka.n shriya.n dApaya dehi me .. 81.. AnuShTubha R^iShI rAmashChando.anuShTupsa devatA . rAM bIjamasya ya.n shaktiriShTArthe viniyojayet .. 82.. pAda.n hR^idi cha vinyasya pAda.n shirasi vinyaset . shikhAyAM pa~nchabhirnyasya trivarNaiH kavacha.n nyaset .. 83.. netrayoH pa~nchavarNaishcha dApayetyastramuchyate . chApabANadhara.n shyAma.n sasugrIvabibhIShaNam .. 84.. hatvA rAvaNamAyAnta.n kR^itatrailokyarakShaNam . rAmachandra.n hR^idi dhyAtvA dashalakSha.n japenmanum .. 85.. vadeddAsharathAyeti vidmaheti pada.n tataH . sItApada.n samuddhR^itya vallabhAya tato vadet .. 86.. dhImahIti vadettanno rAmashchApi prachodayAt tArAdireShA gAyatrI muktimeva prayachChati .. 87.. mAyAdirapi vaiduShTya.n rAmAdishcha shriyaHpadam . madanenApi sa.nyuktaH sa mohayati medinIm .. 88.. pa~ncha trINi ShaDarNaishcha trINi chatvAri varNakaiH . chatvAri cha chaturvarNaira~NganyAsaM prakalpayet .. 89.. bIjadhyAnAdika.n sarva.n kuryAtShaDvarNavatkramAt . tAra.n namo bhagavate chaturthyA raghunandanam .. 90.. rakShoghnavishada.n tadvanmadhureti vadettataH . prasannavadana.n ~Nenta.n vadedamitatejase .. 91.. balarAmau chaturthyantau viShNu.n ~Nenta.n natistataH . prokto mAlAmanuH saptachatvAri.nshadbhirakSharaiH .. 92.. R^iShishChando devatAdi brahmAnuShTubharAghavAH . saptartusaptadasha ShaDrudrasa.nkhyaiH ShaDa~Ngakam .. 93.. dhyAna.n dashAkShara.n prokta.n lakShameka.n japenmanum . shriya.n sItA.n chaturthyantA.n svAhAnto.aya.n ShaDakSharaH .. 94.. janako.asya R^iShishChando gAyatrI devatA manoH . sItA bhagavatI proktA shrIM bIja.n natishaktikam .. 95.. kIla.n sItA chaturthyantamiShTArthe viniyojayet . dIrghasvarayutAdyena ShaDa~NgAni prakalpayet .. 96.. svarNAbhAmambujakarA.n rAmAlokanatatparAm . dhyAyetShaTkoNamadhyastharAmA~Nkopari shobhitAm .. 97.. lakAra.n tu samuddhR^itya lakShmaNAya namontakaH . agastyaR^iShirasyAtha gAyatra.n Chanda uchyate .. 98.. lakShmaNo devatA prokto laM bIja.n shaktirasya hi . namastu viniyogo hi puruShArtha chatuShTaye .. 99.. dIrghabhAjA svabIjena ShaDa~NgAni prakalpayet . dvibhuja.n svarNaruchiratanuM padmanibhekShaNam .. 100.. dhanurbANadhara.n deva.n rAmArAdhanatatparam . bhakAra.n tu samuddhR^itya bharatAya namontakaH .. 101.. agastyaR^iShirasyAtha sheShaM pUrvavadAcharet . bharata.n shyAmala.n shAnta.n rAmasevAparAyaNam .. 102.. dhanurbANadhara.n vIra.n kaikeyItanayaM bhaje . shaM bIja.n tu samuddhR^itya shatrughnAya namontakaH . R^iShyAdayo yathApUrva.n viniyogo.arinigrahe .. 103.. dvibhuja.n svarNavarNAbha.n rAmasevAparAyaNam . lavaNAsurahantAra.n sumitrAtanayaM bhaje .. 104.. hR^iM hanumA.nshchaturthyanta.n hR^idanto mantrarAjakaH . rAmachandra R^iShiH prokto yojayetpUrvavatkramAt .. 105.. dvibhuja.n svarNavarNAbha.n rAmasevAparAyaNam . mau~njIkaupInasahitaM mA.n dhyAyedrAmasevakam .. iti.. 106.. iti rAmarahasyopaniShadi dvitIyo.adhyAyaH .. 2.. \medskip\hrule\medskip sanakAdyA munayo hanUmantaM paprachChuH . A~njaneya mahAbala pUrvoktamantrANAM pUjApIThamanubrUhIti . hanumAn hovAcha . Adau ShaTkoNam . tanmadhye rAmabIja.n sashrIkam . tadadhobhAge dvitIyAnta.n sAdhyam . bIjordhvabhAge ShaShThyanta.n sAdhakam . pArshve dR^iShTibIje tatparito jIvaprANashaktivashyabIjAni . tatsarva.n sanmukhonmukhAbhyAM praNavAbhyA.n veShTanam . agnIshAsuravAyavyapuraHpR^iShTheShu ShaTkoNeShu dIrghabhA~nji . hR^idayAdimantrAH krameNa . rAM rIM rUM raiM rauM raH iti dIrghabhAji tadyuktahR^idayAdyastrAntam . ShaTkoNapArshve ramAmAyAbIje . koNAgre vArAha.n humiti . tadbIjAntarAle kAmabIjam . parito vAgbhavam . tato vR^ittatraya.n sAShTapatram . teShu daleShu svarAnaShTavargAnpratidalaM mAlAmanuvarNaShaTkam . ante pa~nchAkSharam . taddalakapoleShvaShTavarNAn . punaraShTadalapadmam . teShu daleShu nArAyaNAShTAkSharo mantraH . taddalakapoleShu shrIbIjam . tato vR^ittam . tato dvAdashadalam . teShu daleShu vAsudevadvAdashAkSharo mantraH . taddalakapoleShvAdikShAntAn . tato vR^ittam . tataH ShoDashadalam . teShu daleShu huM phaT natisahitarAmadvAdashAkSharam . taddalakapoleShu mAyAbIjam . sarvatra pratikapola.n dvirAvR^ittyA hraM sraM bhraM braM bhramaM shruM jram . tato vR^ittam . tato dvAtri.nshaddalapadmam . teShu daleShu nR^isi.nhamantrarAjAnuShTubhamanraH . taddalakapoleshvaShTava\- svekAdasharudradvAdashAdityamantrAH praNavAdinamontA\- shchaturthyantAH krameNa . tadbahirvaShaTkAraM paritaH . tato rekhAtrayayuktaM bhUpuram . dvAdashadikShu rAshyAdibhUShitam . aShTanAgairadhiShThitam . chaturdikShu nArasi.nhabIjam . vidikShu vArAhabIjam . etatsarvAtmaka.n yantra.n sarvakAmapradaM mokShaprada.n cha . ekAkSharAdinavAkSharAntAnAmetadyantraM bhavati . taddashAvaraNAtmakaM bhavati . ShaTkoNamadhye sA~Nga.n rAghava.n yajet . ShaTkoNeShva~NgaiH prathamA vR^itiH . aShTadalamUle AtmAdyAvaraNam . tadagre vAsudevAdyAvaraNam . dvitIyAShTadalamUle ghR^iShTAdyAvaraNam . tadagre hanUmadAdyAvaraNam . dvAdashadaleShu vasiShThAdyAvaraNam . ShoDashadaleshu nIlAdyAvaraNam . dvAtri.nshaddaleShu dhruvAdyAvaraNam . bhUpurAntarindrAdyAvaraNam . tadbahirvajrAdyAvaraNam . evamabhyarchya manu.n japet .. atha dashAkSharAdidvAtri.nshadakSharAntAnAM mantrANAM pUjApIThamuchyate . Adau ShaTkoNam . tanmadhye svabIjam . tanmadhye sAdhyanAmAni . eva.n kAmabIjaveShTanam . ta.n shiShTena navArNena veShTanam . ShaTkoNeShu ShaDa~NgAnyagnIshAsuravAyavyapUrvapR^iShTheShu . tatkapoleShu shrImAye . koNAgre krodham . tato vR^ittam . tato.aShTadalam . teShu daleShu ShaTsa.nkhyayA mAlAmanuvarNAn . taddalakapoleShu ShoDasha svarAH . tato vR^ittam . tatparita AdikShAntam . tadbahirbhUpuram sAShTashUlAgram . dikShu vidikShu nArasi.nhavArAhe . etanmahAyantram . AdhArashaktyAdivaiShNavapITham . a~NgaiH prathamA vR^itiH . madhye rAmam . vAmabhAge sItAm . tatpurataH shAr~Nga.n shara.n cha . aShTadalamUle hanumadAdidvitIyAvaraNam . ghR^iShTyAditR^itIyAvaraNam . indrAdibhishchaturthI . vajrAdibhiH pa~nchamI . etadyantrArAdhana\- pUrvaka.n dashAkSharAdimantra.n japet . .. iti rAmarahasyopaniShadi tR^itIyo.adhyAyaH .. 3.. \medskip\hrule\medskip sanakAdyA munayo hanUmantaM paprachChuH . shrIrAmamantrANAM purashcharaNavidhimanubrUhIti . hanUmAnhovAcha . nitya.n triShavaNasnAyI payomUlaphalAdibhuk . athavA pAyasAhAro haviShyAnnAda eva vA .. 1.. ShaDsaishcha parityaktaH svAshramoktavidhi.n charan . vanitAdiShu vAkkarmamanobhirniHspR^ihaH shuchiH .. 2.. bhUmishAyI brahmachArI niShkAmo gurubhaktimAn . snAnapUjAjapadhyAnahomatarpaNatatparaH .. 3.. gurUpadiShTamArgeNa dhyAyanrAmamananyadhIH . sUryendugurudIpAdigobrAhmaNasamIpataH .. 4.. shrIrAmasannidhau maunI mantrArthamanuchintayan . vyAghracharmAsane sthitvA svastikAdyAsanakramAt .. 5.. tulasIpArijAtashrIvR^ikShamUlAdikasthale . padmAkShatulasIkAShTharudrAkShakR^itamAlayA .. 6.. mAtR^ikAmAlayA mantrI manasaiva manu.n japet . abhyarchya vaiShNave pIThe japedakSharalakShakam .. 7.. tarpayettaddashA.nshena pAyasAttaddashA.nshataH . juhuyAdgoghR^itenaiva bhojayettaddashA.nshataH .. 8.. tataH puShpA~njaliM mUlamantreNa vidhivachcharet . tataH siddhamanurbhUtvA jIvanmukto bhavenmuniH .. 9.. aNimAdirbhajatyena.n yUna.n varavadhUriva . aihikeShu cha kAryeShu mahApatsu cha sarvadA .. 10.. naiva yojyo rAmamantraH kevalaM mokShasAdhakaH . aihike samanuprApte mA.n smaredrAmasevakam .. 11.. yo rAma.n sa.nsmarennityaM bhaktyA manuparAyaNaH . tasyAhamiShTasa.nsiddhyai dIkShito.asmi munIshvarAH .. 12.. vA~nChitArthaM pradAsyAmi bhaktAnA.n rAghavasya tu . sarvathA jAgarUko.asmi rAmakAryadhurandharaH .. 13.. iti rAmarahasyopaniShadi chaturtho.adhyAyaH .. 4.. \medskip\hrule\medskip sanakAdyA munayo hanUmantaM paprachChuH . shrIrAmamantrArthamanubrUhIti . hanUmAnhovAcha . sarveShu rAmamantreShu mantrarAjaH ShaDakSharaH . ekadhAya dvidhA tredhA chaturdhA pa~nchadhA tathA .. 1.. ShaTsaptadhAShTadhA chaiva bahudhAya.n vyavasthitaH . ShaDakSharasya mAhAtmya.n shivo jAnAti tattvataH .. 2.. shrIrAmamantrarAjasya samyagartho.ayamuchyate . nArAyaNAShTAkShare cha shivapa~nchAkShare tathA . sArthakArNadvaya.n rAmo ramante yatra yoginaH . rakAro vahnivachanaH prakAshaH paryavasyati .. 3.. sachchidAnandarUpo.asya paramAtmArtha uchyate . vya~njana.n niShkalaM brahma prANo mAyeti cha svaraH .. 4.. vya~njanaiH svarasa.nyoga.n viddhi tatprANayojanam . repho jyotirmaye tasmAtkR^itamAkarayojanam .. 5.. makAro.abhyudayArthatvAtsa mAyeti cha kIrtyate . so.ayaM bIja.n svaka.n yasmAtsamAyaM brahma chochyate .. 6.. sabinduH so.api puruShaH shivasUryendurUpavAn . jyotistasya shikhA rUpa.n nAdaH saprakR^itirmataH .. 7.. prakR^itiH puruShashchobhau samAyAdbrahmaNaH smR^itau . bindunAdAtmakaM bIja.n vahnisomakalAtmakam .. 8.. agnIShomAtmaka.n rUpa.n rAmabIje pratiShThitam . yathaiva vaTabIjasthaH prAkR^itashcha mahAdrumaH .. 9.. tathaiva rAmabIjastha.n jagadetachcharAcharam . bIjoktamubhayArthatva.n rAmanAmani dR^ishyate .. 10.. bIjaM mAyAvinirmuktaM paraM brahmeti kIrtyate . muktida.n sAdhakAnA.n cha makAro muktido mataH .. 11.. mArUpatvAdato rAmo bhuktimuktiphalapradaH . Adyo ra tatpadArthaH syAnmakarastvaMpadArthavAn .. 12.. tayoH sa.nyojanamasItyarthe tattvavido viduH . namastvamartho vij~neyo rAmastatpadamuchyate .. 13.. asItyarthe chaturthI syAdevaM mantreShu yojayet . tattvamasyAdivAkya.n tu kevalaM muktida.n yataH .. 14.. bhuktimuktiprada.n chaitattasmAdapyatirichyate . manuShveteShu sarveShAmadhikAro.asti dehinAm .. 15.. mumukShUNA.n viraktAnA.n tathA chAshramavAsinAm . praNavatvAtsadA dhyeyo yatInA.n cha visheShataH . rAmamantrArthavij~nAnI jIvanmukto na sa.nshayaH .. 16.. ya imAmupaniShadamadhIte so.agnipUto bhavati . sa vAyupUto bhavati . surApAnAtpUto bhavati . svarNasteyAtpUto bhavati . brahmahatyApUto bhavati . sa rAmamantrANA.n kR^itapurashcharaNo rAmachandro bhavati . tadetadR^ichAbhyuktam . sadA rAmo.ahamasmIti tattvataH pravadanti ye . na te sa.nsAriNo nUna.n rAma eva na sa.nshayaH .. AUM satyamityupaniShat .. AUM bhadra.n karNebhiH shruNuyAma devA bhadraM pashyemAkShabhiryajatrAH . sthiraira~NgaistuShTuvA{\m+}sastanUbhirvyashema devahita.n yadAyuH .. AUM shAntiH shAntiH shAntiH .. iti shrIrAmarahasyopaniShatsamAptA .. ## Encoded by Sunder Hattangadi \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}