% Text title            : Saparya Paryayah
% File name             : saparyAparyAyaH.itx
% Category              : upanishhat, upaniShat
% Location              : doc\_upanishhat
% Author                : Krishnananda Saraswati
% Proofread by          : Rajesh Thyagarajan
% Description/comments  : Minor works of Shri Krishnananda Saraswati
% Latest update         : November 6, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Saparya Paryayah ..}##
\itxtitle{.. saparyA paryAyaH ..}##\endtitles ##
shrIshaH shreyaskAmibhirabhyarchanato.antarnidhyAnAdyAnirvriyatAmatra jagatyAm |
sattAmAtrAnandachidAtmAnamanantaM so.ahaM taM tvAmarchayituM na prabhavAmi || 1||
sa dhyeyo yaH saMsR^itibhUmirvyavadhAnAdadhyeyo nastvaM tu na sAkShAda parokShAt |
dhyAyachchAnudhyAyasi chetaH svayamantastaM dhyAyAmi tvAmiti vandhyAtra manIShA || 2||
sarvAnanyastvamabAhyAntarabhAvo bAhya~nchAsyAbhyantaramapyasya khilAtmA |
nityapratyAsannasatastasya tavAtman nAhaM jAne kiMvidhamAvAhanakarma || 3||
otaM protaM yatra samastaM jagadetat sarvAdhAre tiShThati sambAdhavihInam |
bhUmaMstasya sve mahimanyeva sataste ko nAmAsAvAsanasa~NkalpaviDambA || 4||
anAdibhyo yasya parasya pratipattyA saMsArAdhvatrayyatipannassukhameti |
AtmaMste tasyAgatigatyAdyatibhUmermithyA nAhaM kena kathaM svAgatikaH syAm || 5||
indrAdyAH syuryasya parasyAmaravaryA vidyAmAtrAleshavashenApi sadarghyAH |
tasyAdyasyApANipadAdeH kathamarghyaM dadyAmadyAnardhavibhUterudavindum || 6||
vishvAtmaiko yasya tu pAdo na vimeyaH pAdA sh chAnye paNDitarUpairapi mR^igyAH |
tasyArUpasyApada mUrdhAdivibhakterApAdyaM kiM kena kathaM vA tava pAdyam || 7||
sandhyA nadyo yasya cha vAsteyamudanvAn meghAH keshAH prAkR^itavishvApaghanasya |
tasyApetaprAkR^itasambodhatanoste kalpyaM manye nAchamanIyaM kamanIyam || 8||
adhyAtmaM yanmadhvadhidaiva~ncha vibhaktaM tatsampR^ichyaikAtmakamAhopaniShadyam |
satvaM sarvAsvAdyatamastanmadhuparkaH samprIyethAH kiM madhuparkeNa kathaM vA || 9||
yatraikasthaM sarvapavitrAkhilatIrthaM niShNAtAH syuryatra vigachChadbhavapa~NkAH |
yadvyomno.api vyoma paraM jyotirapAraM tantvAmAtman kena vishuddhaM snapa yAmi || 10||
lokAlekhyaM vo hitashuklAsitarUpaiH syUtaM sUkShmairambararUpaM guNabhedaiH |
samparyAptaM prAvarituM yanna vibhraman kiM te tasyA ambaramanyatkalayAmi || 11||
atraiguNye yanna jagattvayyupavIte sUtre syUtaM bhUtamato vishlathamAste |
tasyAsavyAdakShiNasampUrNatanoste kalpyaM sUtraM kiM triguNaM syAdupavItam || 12||
yasyaikAMsha[veshavashAdAnakhakeshAt bhUtaM bhUtaM rochanamindhe ruchakAbham |
tasyAsthUlAnaNvapasiddhAvayavAtmannirmeyante kiM manasApi pratikarma || 13||
yasyAnudhyAvidyuvadhyAtatamisrA nAlipyante karmabhirachChAsitamishraiH |
AkAshAderapyatisUkShmasya vibho te tasyAlepasyaiva kutaH syAdanulepaH || 14||
AtiShThante ke.apyayanante ghanapuShpaM chUDApIDaM kechidapAM puShpamushanti |
bhUma~njAne puShkarapuShpaM tvayi sarvaM kA kA puShpaistena mayArchA tava kAryA || 15||
yasya prANo gandhavahashChandatanoste yastvaM gItaH sarvasugandhaH shrutimaulau |
tasyAmodaprItikR^ite te kathamAtmana dhUpAyeyaM phalgutamairgulaguladhUmaiH || 16||
akShANyarthA buddhimanoha~NkR^itayo vA sandIpyante sanditabhAvAstava bhAsA |
khadyotAtpratyastavadIpaH khalu kalpyaH tejo varcho dyumnadatejastritayasya || 17||
mR^ityuryasyAsheShabhujaH syAdupadaMsho yo vA.ashnIyAt ki~nchana nAkishchanagamyaH |
yaM vij~nAyAtyeti pipAsAmashanAyAM naivedyante tasya nivedyaM kimivAtman || 18||
pashyatyanyadyatra na dR^ishyaM na shR^iNoti shrAvyaM j~neyaM yatra vijAnAti na ki~nchit |
bhUmnastasyAsheShavisheShopashamasya ChatrAdyairvA kairupachAryaM tava kena || 19||
sarvAtmA.asan yassa purastAdatha pashchAt UrdhvaM chAdho dakShiNatashchottaratashcha |
tasyApArAnantamahimnaH kathamAtman prAdakShiNyakrAntimahaM te karavANi || 20||
nantabhyo.anyo.asAvahamanyo.asmi cha nantA naivaM bhedaM veda pashU yAmatiyAtaH |
yo.ahaM sa tvaM satyamahaM sa pratibuddho bud.hdhyA dadhyAntasya namasyAM tava ko ham || 21||
stotraM nAma syAdguNino yo guNavAdaH svashchAmeyAnantaguNo vApyaguNo vA |
prAdhvaM pAre vA~NmanasAdhvaM paramAtmannAnandeyAstvaM sa kayA nu stutibha~NgyA || 22||
yastvaM brahma kShatramasheShA api lokA vedA devAssarvamidaM chAsi vibhUman |
soshambhR^ito mAnasashokAnatitIrNo na prAptavyaM prArthanayA te vimR^ishAmi || 23||
dehaM dehaM deva ihAtmaiva saparyA so.ahaM tanme mohakathAtyantikashAntiH |
kaivalya~nchAtulyaparAnandamavApyaM nAnyo devo nApi saparyA na phalaM vA || 24||
kati kati taravo me nArchanAlUnapatrAH kati kati na sarasyastarpaNotkIrNatoyAH |
kati kati na harIshAdyAlayAH krAntapUrvA viditaparamatatvo nAdhunA ki~nchidIhe ||
saparyAparyAyaM paThata shR^iNuta pratyahamimaM
vidhUyAyAsaM ye paramashivamArAddhumanasaH |
sukhenaivAtyantaM sukhamiha cha nirvANaparamaM
labhadhvaM modadhvaM jahita bhavasa~Nkochamakhilam ||
       shrIrAmabhadrayogIndracharaNAmbujareNunA |
       kR^itaH saparyA paryAyaH kR^iShNAnandena yoginA |

iti kR^iShNAnandakR^itiShu saparyA paryAya stavaH sampUrNaH ||
##

Notes:
The text shows how material worship of personal God should culminate in mental worship of the impersonal and how the former becomes meaningless and farcical at a stage when the individual attains a higher plane of life, shedding imposed limitations on the unlimited infinite. In effect it is an amplification of the wellknown passage of Bṛhadaranyakōpanisad
##
mantra 14     ##[II.iv.14]##
yatra hi dvaitamiva bhavati taditara itaraM jighrati taditara itaraM
pashyati taditara itara{\m+} shR^iNoti taditara itaramabhivadati taditara
itaraM manute taditara itaraM vijAnAti | yatra vA asya sarvamAtmaivAbhUt
tatkena kaM jighret tatkena kaM pashyet tatkena ka{\m+} shR^iNuyAt tatkena
kamabhivadet tatkena kaM manvIta tatkena kaM vijAnIyAt | yeneda{\m+}
sarvaM vijAnAti taM kena vijAnIyAd vij~nAtAramare kena vijAnIyAditi || 14||
##

Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}