% Text title            : Shariraka Upanishad
% File name             : shaariiraka.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 62/108; Krishna-Yajurveda; Samanya Upanishad
% Latest update         : October 20, 1999
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shariraka Upanishad ..}##
\itxtitle{.. shArIrakopaniShat ..}##\endtitles ##

tattvagrAmopAyasiddhaM paratattvasvarUpakam |
shArIropaniShadvedya.n shrIrAmabrahma me gatiH ||
AUM saha nAvavatu | saha nau bhunaktu | saha vIrya.n karavAvahai |
tejasvi nAvadhItamastu | mA vidviShAvahai ||
AUM   shAntiH   shAntiH   shAntiH ||
AUM athAtaH pR^ithivyAdimahAbhUtAnA.n samavAya.n sharIram |
yatkaThina.n sA pR^ithivI yaddrava.n tadApo yaduShNa.n tattejo yatsa.ncharati
sa vAyuryatsuShiara.n tadAkAsham.h
shrotrAdIni j~nAnendriyANi | shrotramAkAshe vAyau tvagagnau chakShurapsu
jihvA pR^ithivyA.n ghrANamiti |
evamindriyANA.n yathAkrameNa shabdasparsharUparasagandhAshchaite
viShayAH pR^ithivyAdimahAbhUteShu krameNotpannAH |
vAkpANipAdapAyUpasthAkhyAni karmendriyANi |
teShA.n krameNa vachanAdAnagamanavisargAnandashchaite viShayAH
pR^ithivyAdimahAbhUteShu krameNotpanAH |
manobuddhiraha~NkArashcittamatyantaHkaraNachatuShTayam |
teShA.n krameNa sa~NkalpavikalpAdhyavasAyAbhimAnAvadhAraNAsvarUpashchaite
viShayAH |
manaHsthAna.n galAntaM buddhervadanamaha~NkArasya hR^idaya.n chittasya nAbhiriti |
asthicharmanADIromamA.nsAshcheti pR^ithivya.nshAH |
mUtrashleShmaraktashukrasvedA aba.nshAH |
kShuttR^iShNAlasyamohamaithunAnyagneH |
prachAraNavilekhanasthUlAkShyunmeShanimeShAdi vAyoH |
kAmakrodhalobhamohabhayAnyAkAshasya |
shabdasparsharUparasagandhAH pR^ithivIguNAH |
shabdasparsharUparasAshchApA.n guNAH |
shabdasparsharUpANyagniguNAH |
shabdasparShAviti vAyuguNau |
shabda eka AkAshasya |
sAttvikarAjasatAmasalakShaNAni trayo guNAH ||
ahi.nsA satyamasteyabrahmacharyAparigrahAH |
akrodho gurushushruShA shaucha.n santoSha Arjavam || 1||
amAnitvamadambhitvamAstikatvamahi.nsratA |
ete sarve guNA j~neyAH sAttvikasya visheShataH || 2||
aha.n kartA.asmyahaM bhoktA.asmyaha.n vaktA.abhimAnavAn |
ete guNA rAjasasya prochyante brahmavittamaiH || 3||
nidrAlasye moharAgau maithuna.n chauryameva cha |
ete guNastAmasasya prochyante brahmavAdibhiH || 4||
Urdhve sAtviko madhye rajaso.adhastAmasa iti |
satyaj~nAna.n sAttvikam | dharmaj~nAna.n rAjasam | timirAndha.n tAmasamiti |
jAgratsvapnasuShuptiturIyamiti chaturvidhA avasthAH |
j~nAnendriyakarmendriyAntaHkaraNachatuShTaya.n chaturdashakaraNayukta.n jAgrat |
antaHkaraNachatuShTayaireva sa.nyuktaH svapnaH |
chittaikakaraNA suShuptiH |
kevalajIvayuktameva turIyamiti |
unmIlitanimIlitamadhyasthajIvaparamAtmanormadhye jIvAtmA kShetraj~na iti vij~nAyate ||
buddhikarmendriyaprANapa~nchakairmanasA dhiyA |
sharIra.n saptadashabhiH sUkShma.n talli~Ngamuchyate || 5||
mano buddhiraha~NkAraH khAnilAgnijalAni bhUH |
etAH prakR^itayastvaShTau vikArAH ShoDashApare || 6||
shrotra.n tvakchakShuShI jihvA ghrANa.n chaiva tu pa~nchamam |
pAyUpasthau karau pAdau vAkchaiva dashamI matA || 7||
shabdaH sparshashcha rUpa.n cha raso gandhastathaiva cha |
trayovi.nshatiretAni tattvAni prakR^itAni tu |
chaturvi.nshatiravyaktaM pradhAnaM puruShaH paraH || 8||
ityupaniShat ||
AUM saha nAvavatu | saha nau bhunaktu | saha vIrya.n karavAvahai |
tejasvi nAvadhItamastu | mA vidviShAvahai ||
AUM   shAntiH   shAntiH   shAntiH ||
|| iti kR^iShNayajurvedIya shArIrakopaniShatsamAptA ||
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}