% Text title            : Shatyayani Upanishad
% File name             : shatyayani.itx
% Category              : upanishhat
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 99 / 108; Shukla Yajurveda - Sanyasa upanishad
% Latest update         : April, 18, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shatyayani Upanishad  ..}##
\itxtitle{.. shATyAyanIyopaniShat ..}##\endtitles ##

shATyAyanIbrahmavidyAkhaNDAkArasukhAkR^iti .
yativR^indahR^idAgAra.n rAmachandrapadaM bhaje ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH ..
hariH AUM ..
mana eva manuShyANA.n kAraNaM bandhamokShayoH .
bandhAya viShayAsaktaM muktyai nirviShaya.n smR^itam.h .. 1..
samAsakta.n sadA chitta.n jantorviShayagochare .
yadyevaM brahmaNi syAttatko na muchyeta bandhanAt.h .. 2..
vittameva hi sa.nsArastatprayatnena shodhayet.h .
yachchittastanmayo bhavati guhyametatsanAtanam.h .. 3..
nAvedavinmanute taM bR^ihantaM
    nAbrahmavitparamaM praiti dhAma .
viShNukrAnta.n vAsudeva.n vijAna\-
    nvipro vipratva.n gachChate tattvadarshI .. 4..
athAha yatparamaM brahma sanAtanaM
    ye shrotriyA akAmahatA adhIyuH .
shAnto dAnta uparatistitikShuhu\-
    ryo.anUchAno hyabhijaj~nau samAnaH .. 5..
tyakteShaNo hyanR^iNasta.n viditvA
    maunI vasedAshrame yatra kutra .
athAshrama.n charama.n sampravishya
    yathopapattiM pa~nchamAtrA.n dadhAnaH .. 6..
tridaNDamupavIta.n cha vAsaH kaupInaveShTanam.h .
shikyaM pavitramityetadvibhR^iyAdyAvadAyuSham.h .. 7..
pa~nchaitAstu yatermAtrAstA mAtrA brahmaNe shrutAH .
na tyajedyAvadutkrAntirante.api nikhanetsaha .. 8..
viShNuli~Nga.n dvidhA prokta.n vyaktamavyaktameva cha .
tayorekamapi tyaktvA patatyeva na sa.nshayaH .. 9..
tridaNDa.n vaiShNava.n li~Nga.n viprANAM muktisAdhanam.h .
nirvANa.n sarvadharmANAmiti vedAnushAsanam.h .. 10..
atha khalu saumya kuTIchako bahUdako ha.nsaH paramaha.nsa
ityete parivrAjakAshchaturvidhA bhavanti . sarva ete viShNuli~NginaH
shikhinopavItinaH shuddhachittA AtmAnamAtmanA brahma
bhAvayantaH shuddhachidrUpopAsanaratA japayamavanto
niyamavantaH sushIlinaH puNyashlokA bhavanti . tadetadR^ichAbhyuktam.h .
kuTIchako bahUdakashchApi ha.nsaH
     paramaha.nsa iva vR^ittyA cha bhinnAH .
sarva ete viShNuli~Nga.n dadhAnA
     vR^ittyA vyaktaM bahirantashcha nityam.h .
pa~nchayaj~nA vedashiraHpraviShTAH
    kriyAvanto.amI sa~NgatA brahmavidyAm.h .
tyaktvA vR^ikSha.n vR^ikShamUla.n shritAsaH
    sa.nnyastapuShpA rasamevAshnuvAnAH .
viShNukrIDA viShNuratayo vimuktA
    viShNvAtmakA viShNumevApiyanti .. 11..
trisandhya.n shaktitaH snAna.n tarpaNaM mArjana.n tathA .
upasthAnaM pa~nchayaj~nAnkuryAdAmaraNAntikam.h .. 12..
dashabhiH praNavaiH saptavyAhR^itibhishchatuShpadA .
gAyatrIjapayaj~nashcha trisandhya.n shirasA saha .. 13..
yogayaj~naH sadaikAgrabhaktyA sevA harerguroH .
ahi.nsA tu tapoyaj~no vA~NmanaHkAyakarmabhiH .. 14..
nAnopaniShadabhyAsaH svAdhyAyo yaj~na IritaH .
AUMityAtmAnamavyagro brahmaNyagnA juhoti yat.h .. 15..
j~nAnayaj~naH sa vij~neyaH sarvayaj~nottamottamaH .
j~nAnadaNDA j~nAnashikhA j~nAnayaj~nopavItinaH .. 16..
shikhA j~nAnamayI yasya upavIta.n cha tanmayam.h .
brAhmaNya.n sakala.n tasya iti vedAnushAsanam.h .. 17..
atha khalu saumyeta parivrAjakA yathA prAdurbhavanti
tathA bhavanti . kAmakrodhalobhamohadambhadarpAsUyA\-
mamatvAha~NkArAdI.nstitIrya mAnAvamAnau nindAstutI
cha varjayitvA vR^ikSha iva tiShThAset.h . ChidyamAno na
brUyAt.h . tadaiva.n vidvA.nsa ihaivAmR^itA bhavanti .
tadetadR^ichAbhyuktam.h .
bandhuputramanumodayitvA\-
     navekShyamANo dvandvasahaH prashAntaH .
prAchImudIchi.n vA nirvartaya.nshchareta
     pAtrI daNDI yugamAtrAvalokI .
shikhI muNDI chopavItI kuTumbI
     yAtrAmAtraM pratigR^ihNanmanuShyAt.h .. 18..
ayAchita.n yAchita.n vota bhaikShaM
     mR^iddArvalAbUphalaparNapAtram.h .
kShINa.n kShauma.n tR^iNa.n kanthAjine cha parNa\-
     mAchChAdana.n syAdahata.n vA vimuktaH .. 19..
R^itusandhau muNDayenmuNDamAtraM
     nAdho nAkSha.n jAtu shikhA.n na vApayet.h .
chaturo mAsAndhruvashIlataH syA\-
     tsa yAvatsupto.antarAtmA puruSho vishvarUpaH .
anyAnathAShTau punarutthite.asmi\-
     nsvakarmalipsurviharedvA vasedvA .. 20..
devAgnyagAre tarumUle guhAyAM
     vasedasa~Ngo.alakShitashIlavR^ittaH .
anindhano jyotirivopashAnto
     na chodvijedudvijedyatra kutra .. 21..
AtmAna.n chedvijAnIyAdayamasmIti pUruShaH .
kimichChankasya kAmAya sharIramanusa.njvaret.h .. 22..
tameva dhIro vij~nAya praj~nA.n kurvIta brAhmaNaH .
nAnudhyAyAdbahU~nChabdAnvAcho viglApana.n hi tat.h .. 23..
bAlyenaiva hi tiShThAsennirvidya brahmavedanam.h .
brahmavidyA cha bAlya.n cha nirvidya munirAtmavAn.h .. 24..
yadA sarve pramuchyante kAmA ye.asya hR^idi shritAH .
atha martyo.amR^ito bhavatyatra brahma samashnute .. 25..
atha khalu saumyedaM parivrAjya.n naiShThikamAtmadharma.n
yo vijahAti sa vIrahA bhavati . sa brahmahA bhavati . sa bhrUNahA
bhavati . sa mahApAtakI bhavati . ya imA.n vaiShNavI.n niShThAM
parityajyati . sa steno bhavati . sa gurutalpago bhavati . sa mitradhrugbhavati .
sa kR^itaghno bhavati . sa sarvasmAllokAtprachyuto bhavati .
tadetadR^ichAbhyuktam.h .
stenaH surApo gurutalpagAmI
     mitradhrugete niShkR^iteryAnti shuddhim.h .
vyaktamavyakta.n vA vidhR^ita.n viShNuli~NgaM
     tyajanna shuddhyedakhilairAtmabhAsA .. 26..
tyaktvA viShNorli~NgamantarbahirvA
     yaH svAshrama.n sevate.anAshrama.n vA .
pratyapattiM bhajate vAtimUDho
     naiShA.n gatiH kalpakoTyApi dR^iShTA .. 27..
tyaktvA sarvAshramAndhIro vasenmokShAshrame chiram.h .
mokShAshramAtparibhraShTo na gatistasya vidyate .. 28..
pArivrAjya.n gR^ihItvA tu yaH svadharme na tiShThati .
tamArUDhachyuta.n vidyAditi vedAnushAsanam.h .. 29..
atha khalu saumyema.n sanAtanamAtmadharma.n vaiShNavI.n
niShThA.n labdhvA yastAmadUShayanvartate sa vashI bhavati .
sa puNyashloko bhavati . sa lokaj~no bhavati . sa vedAntaj~no bhavati .
sa brahmaj~no bhavati . sa sarvaj~no bhavati . sa svarAD bhavati .
sa paraM brahma bhagavantamApnoti . sa pitR^Insambandhino
bAndhavAnsuhR^ido mitrANi cha bhavAduttarayati . tadetadR^ichAbhyuktam.h .
shata.n kulAnAM prathamaM babhUva
     tathA parANA.n trishata.n samagram.h .
ete bhavanti sukR^itasya loke
     yeSha.n kule sa.nnyasatIha vidvAn.h .. 30..
tri.nshatparAstri.nshadaparA.nstri.nshachcha parataH parAn.h .
uttarayati dharmiShThaH parivrADiti vai shrutiH .. 31..
sa.nyastamiti yo brUyAtkaNThasthaprANavAnapi .
tAritAH pitarastena iti vedAnushAsanam.h .. 32..
atha khalu saumyema.n sanAtanamAtmadharma.n vaiShNavI.n
niShThA.n nAsamApya prabrUyAt.h . nAnUchAnAya
nAnAtmavide nAvItarAgAya nAvishuddhAya nAnupasannAya
nAprayatamAnasAyeti ha smAhuH . tadetadR^ichAbhyuktam.h .
vidyA ha vai brAhmaNamAjagAma
      gopAya mA.n shevadhiShTe.ahamasmi .
asUyakAyAnR^ijave shaThAya
      mA mA brUyA vIryavatI tathA syAm.h .. 33..
yameva vidyAshrutamapramattaM
      medhAvinaM brahmacharyopapannam.h .
asmA imAmupasannAya samyak.h
      parIkShya dadyAdvaiShNavImAtmaniShThAm.h .. 34..
adhyApitA ye guru.n nAdriyante
      viprA vAchA manasA karmaNA vA .
yathaiva tena na gururbhojanIya\-
      stathaiva chAna.n na bhunakti shruta.n tat.h .. 35..
gurureva paro dharmo gurureva parA gatiH .
ekAkSharapradAtAra.n yo guru.n nAbhinandati .
tasya shruta.n tathA j~nAna.n sravatyAmaghaTAmbuvat.h .. 36..
yasya deve parA bhaktiryathA deve tathA gurau .
sa brahmavitparaM preyAditi vedAnushAsanam.h .. 37..
ityupaniShat.h ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH .. hariH AUM tatsat.h ..
iti shATyAyanIyopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}