% Text title            : shaunakopaniShat
% File name             : shaunakopaniShat.itx
% Category              : upanishhat, vedanta
% Location              : doc\_upanishhat
% Proofread by          : Sunder Hattangadi sunderh at hotmail.com, Radim Navyan radimnavyan at gmail.com
% Description-comments  : aprakAshitA upaniShadaH
% Latest update         : October 21, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shaunakopanishad ..}##
\itxtitle{.. shaunakopaniShat ..}##\endtitles ##

OM devAsurAH saMyattA Asan | teShAmindro na pratyapadyata | te ha
vasUneva prAtassavaneShu purodhAya vyajigIShanta | te ha nunneShu
nArAshaMseShu R^iShINAM yaj~navAstvabhyAyan haniShyAma vA etadvo
yaddevAnna parAbhAvayiShyatheti | te ha bibhyata eva stokAnudakalpayan
vijepyadhve vAvaitAnanviti | te ha tata \?\?rtimArchChaMstAnanvitarAn
parAbhAvayan | tato hendro.apashyat | sa ha gA??vImeva pratisandidesha |
sA hovAcha | bibhemi vA etadetebhyo yathaitatparAvR^itanniti |
sa praNavamevAsyAH purogamakarodeSha vAva te gopyAyeti | sA hovAcha |
yadeSha purogAH udeSha me bhAgadheyI syAditi | sa hovAcha | na ha
vAvaiSha tvadbhAgadheyI bhavati | mahAnvA asya mahimA na ha vA mahIyAMso
bhAgaklR^iptimapyAbhajantIti | vishvaminnu samanvAlabhadhvamiti |
senAnyAstu prathamajAnApyAyayiShyasItyomiti hovAcha | sa hovAcha
yatprathamaM nAbhyakIrtayo nAmagrAhamatha nAnuvatsya iti | nAmagrAhametena
sarvamabhipadyante | sarvaM vA eSha sarvamashnotIti | akSharaM vA
eShaH | tasmAdomityanujAnanti | omiti pratipadyanta omityabhyAdadata
omityabhinidhApayanti | tadetadakSharaM jaitramabhitvaraM sarvANi
bhUtAnyabhyAttaM yadanekamekaM nAnAvarNaM nAnArUpaM nAnAshabdaM
nAnAgandhaM nAnArasaM nAnAsparshamiti | atho khalvAhurindro vA
chaitadakSharam | sarvANi ha vA imAni bhUtAnyetadakSharamanvAyattAni
sarve vedAH sarve yaj~nA ityatha khalvindramanvAyattamiti ||

sa mandreNaivAnvAbhakto vididyute.a~njasaiva bhrAtR^ivyAnapahanAnIti |
tasmAnmandraM prAtaHsavanamabhavadyadgAyatraM tadgAyatrI tadgAyatraM
yadvasavaH tadvasavyam | sa ha praNava uvAcha | yadahaM sarvaM
bhavAni yadgAyatrI vai purogAH tatkiM me syAditi | gAyatramanveva
gAyatrImanveva tvA sarvarUpamimaM kR^itvA hi~Nkurvanti | sa
hApashyannaitada~njasaiva sarvA rUpANyevamabhichakShIranniti | sa hAntata
evAtmAnamupasaMhR^itya tAvadevAgrAhayat | sa vishR^i~Nga evAbhavat |
tasmAdvishR^i~NgamevaitadihAnudravanti | tadAhuryadvA etasya vIryaM
yachChukraM yajjyotiryadamR^itaM yadajaryaM tadavaramiti | tasmAttata
evAto jyotiramR^itamajaryaM pratipadyante | tato hAsurAH parAbhavan |
sa eSha indraH sarvaM yadgAyatrI udgItho vasavaH prAtassavanamiti |
tadAhuH | sarvaM vA etadindro yajjagadyathaiveti ||

tato hAsurAH punarevodayanti | te ha mAdhyandinasyaiva savanasya
pavamAneShu yaj~navAstvabhyAyan | teShAM jaritAro bibhyata eva
vasatIvarIrupAkalpayan | te ha tAbhireva jighAMsan | teShAmindro rudrAneva
senAnyo.akaH | te hAkShIyanta | sa ha triShTubhameva pratisandadat |
sAbravIt | bibhemi vA etadetebhyo yathaujIyAMso balIyAMsa ime
parAbhavanniti | sa ha praNavamevovAcha purogAyamevArabhasveti |
so.abravIt | kiM me.ataH syAditi | yadahaM sa tvaM mamaiva rUpeNa
nyU.nkhayiShyanti tvAmiti | sa hApashyat | sarva eva nyU.nkhayanto
mAmabhichakShIranniti | sa ha sarvamevAtmAnamupasaMhR^itya shR^i~Nga
evAgUhayat | sa ha vishR^i~Nga evAbhavat | tasmAditthaiva nyU.nkhayanti |
tato hAsurAH parAbhAvayan | tasmAdrudrAneva mAdhyandinaM savanaM
traiShTubhaM cheti ||

te hAsurAH punarevodapatiShyanta | te ha tR^itIyasyeha savanasya
pavamAneShu yaj~navAstvabhyAyan | teShAmime bibhyata evAMshUnupAkalpayan |
te ha taireva devAnapAjighAMsan | teShAmindro jagatImeva pratisandidesha |
sAbravIt bibhemi vA etadetebhyo yathaujIyAMso balIyAMsa ime
parAvR^itanniti | tasyA indraH praNavameva purogAmakarot | sa hovAcha |
kiM me.ataH syAditi | sa hovAchendro yattvAmudgIthenopAvaneShyante tenaiva
te kalpayiShyantIti | senAnyo hi tarhyAdityAnakalpayan tasmAjjAgataM
tR^itIyasavanamAdityAnAm | sa hApashyadAdityo vA udgItho.asau
khalvAdityo brahma | na ha vA enaM mithu chidemIti | sa ha svenaiva
rUpeNAdityAnagachChat | sa ha tenaiva vajreNAsurAn parAbhAvayan | tadyat
svenaiva rUpeNAvistarAmagachChattatpratiShThAmavindat | pratiShThA ha vA
eShA yatpraNavaH | sarvANi ha vA imAni bhUtAni praNava eva pratitiShThanti |
tasya ha vA eShA pratiShThA yatrAsAvAtmAnamupasaMhR^ityAjUgupat |
tasmAttadevopanvIteti tadevopAsIta | tadetadR^ichAbhyuktam\-\-
     chatvAri shR^i~NgA trayo asya pAdAH
        dve shIrShe saptahastAso asya |
     tridhA badvo vR^iShabho roravIti
        maho devo martyA{\m+} Avivesha || iti ||

yadimAstisrothAsAviti chatvArIti | yadime dve evAkShare tribhirupanvanti
tattraya iti | yatpratyakShaM tadvai iti | yadudgIthaM
saptabhirabhiprapadyante tatsapteti | atho khalvAhuH | saptabhirenaM
svArayantIti | yadImAn trInabhidhatte tattridheti | yadindra
evodgIthastadvR^iShabha iti | tadetadR^ichAbhyuktam\-\-
     marutvantaM vR^iShabhaM vAvR^idhAnam |
     yad.hdrAvayanti tadroravIti ||

yadeSha sarvANi bhUtAnyanupraviShTastanmartyA{\m+} Avivesheti |
tasmAdomityekAkSharamudgIthamupAsItetyAha bhagavAn shaunakaH shaunaka iti ||

iti shaunakopaniShat samAptA |
##
Proofread by Sunder Hattangadi sunderh at hotmail.com,
Radim Navyan radimnavyan at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}