% Text title            : Sita Upanishad
% File name             : sita.itx
% Category              : upanishhat, svara, devii, sItA, devI
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  45 / 108; Atharva Veda - Shakta upanishad
% Latest update         : Mar. 8, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sita Upanishad ..}##
\itxtitle{.. sItopaniShat ..}##\endtitles ##

ichChAj~nAnakriyAshaktitraya.n yadbhAvasAdhanam.h .
tadbrahmasattAsAmAnya.n sItAtattvamupAsmahe ..
AUM bhadra.n karNebhiH shruNuyAma devAH .
bhadraM pashyemAkShabhiryajatrAH .
sthiraira~NgaistuShTuvA{\m+}sastanUbhiH .
vyashema devahita.n yadAyuH .
svasti na indro vR^iddhashravAH . svasti naH pUShA vishvavedAH .
svasti nastArkShyo ariShTanemiH . svasti no bR^ihaspatirdadhAtu .
AUM shAntiH shAntiH shAntiH ..
devA ha vai prajApatimabruvankA sItA ki.n rUpamiti .
sa hovAcha prajApatiH sA sIteti . mUlaprakR^itirUpatvAtsA
sItA prakR^itiH smR^itA . praNavaprakR^itirUpatvAtsA sItA
prakR^itiruchyate . sItA iti trivarNAtmA sAkShAnmAyAmayI
bhavet.h . viShNuH prapa~nchabIja.n cha mAyA IkAra uchyate .
sakAraH satyamamR^itaM prAptiH somashcha kIrtyate .
takArastAralakShmyA cha vairAjaH prastaraH smR^itaH .
IkArarUpiNI somAmR^itAvayavadivyAla~NkArasra~NmauktikA\-
dyAbharaNala~NkR^itA mahAmAyA.avyaktarUpiNI vyaktA bhavati .
prathamA shabdabrahmamayI svAdhyAyakAle prasannA
udbhAvanakarI sAtmikA dvitIyA bhUtale halAgre samutpannA
tR^itIyA IkArarUpiNI avyaktasvarUpA bhavatIti sItA
ityudAharanti . shaunakIye . shrIrAmasAnnidhyavashA\-
jjagadAnandakAriNI . utpattisthitisa.nhArakAriNI sarvadehinAm.h .
sItA bhagavatI j~neyA mUlaprakR^itisa.nj~nitA . praNavatvA\-
tprakR^iriti vadanti brahmavAdina iti . athAto brahmajij~nAseti cha .
sA sarvavedamayI sarvadevamayI sarvalokamayI sarvakIrtimayI
sarvadharmamayI sarvAdhArakAryakAraNamayI mahAlakShmI\-
rdeveshasya bhinnAbhinnarUpA chetanAchetanAtmikA
brahmasthAvarAtmA tadguNakarmavibhAgabhedAchCharIrUpA
devarShimanuShyagandharvarUpA asurarAkShasabhUtapreta\-
pishAchabhUtAdibhUtasharIrUpA bhUtendriyamanaHprANarUpeti
cha vij~nAyate .
sA devI trividhA bhavati shaktyAsanA ichChAshaktiH
kriyAshaktiH sAkShAchChaktiriti . ichChAshaktistrividhA
bhavati . shrIbhUminIlAtmikA bhadrarUpiNI prabhAvarUpiNI
somasUryAgnirUpA bhavati . somAtmikA oShadhInAM
prabhavati kalpavR^ikShapuShpaphalalatAgulmAtmikA
auShadhabheShajAtmikA amR^itarUpA devAnAM mahastoma\-
phalapradA amR^itena tR^ipti.n janayantI devAnAmannena
pashUnA.n tR^iNena tattajjIvAnA.n sUryAdisakalabhuvana\-
prakAshinI divA cha rAtriH kAlakalAnimeShamArabhya
ghaTikAShTayAmadivasa##(##vAra##)##rAtribhedena
pakShamAsartvayanasa.nvatsarabhedena manuShyANA.n
shatAyuHkalpanayA prakAshamAnA chirakShipravyapadeshena
nimeShamArabhya parArdhaparyanta.n kAlachakra.n
jagachchakramityAdiprakAreNa chakravatparivartamAnAH
sarvasyaitasyaiva kAlasya vibhAgavisheShAH prakAsharUpAH
kAlarUpA bhavanti . agnirUpA annapAnAdiprANinA.n
kShuttR^iShNAtmikA devAnAM mukharUpA vanauShadhInA.n
shItoShNarUpA kAShTheShvantarbahishcha nityAnityarUpA
bhavati . shrIdevI trividha.n rUpa.n kR^itvA bhagavatsa~NkalpAnu\-
guNyena lokarakShaNArtha.n rUpa.n dhArayati . shrIriti lakShmIriti
lakShyamANA bhavatIti vij~nAyate . bhUdevI sasAgarAMbhaH\-
saptadvIpA vasundharA bhUrAdichaturdashabhuvanAnA\-
mAdhArAdheyA praNavAtmikA bhavati . nIlA cha mukha\-
vidyunmAlinI sarvauShadhInA.n sarvaprANinAM poShaNArtha.n
sarvarUpA bhavati . samastabhuvanasyAdhobhAge jalAkArAtmikA
maNDUkamayeti bhuvanAdhAreti vij~nAyate ..
kriyAshaktisvarUpa.n harermukhAnnAdaH . tannAdAdbinduH .
bindoro~NkAraH . o~NkArAtparato rAma vaikhAnasaparvataH .
tatparvate karmaj~nAnamayIbhirbahushAkhA bhavanti . tatra
trayImaya.n shAstramAdya.n sarvArthadarshanam.h .
R^igyajuHsAmarUpatvAttrayIti parikIrtitA . kAryasiddhena chaturdhA
parikIrtitA . R^icho yajU.nShi sAmAni atharvA~NgirasastathA .
chAturhotrapradhAnatvAlli~NgAditritaya.n trayI . atharvA~Ngirasa.n
rUpa.n sAmaR^igyajurAtmakam.h . tathA dishantyAbhichAra\-
sAmAnyena pR^ithakpR^ithak.h . ekavi.nshatishAkhAyAmR^igvedaH
parikIrtitaH . shata.n cha navashAkhAsu yajuShAmeva janmanAm.h .
sAmnaH sahasrashAkhAH syuH pa~nchashAkhA atharvaNaH .
vaikhAnasamatastasminnAdau pratyakShadarshanam.h . smaryate
munibhirnitya.n vaikhAnasamataH param.h . kalpo vyAkaraNa.n shikShA
nirukta.n jyotiSha.n Chanda etAni ShaDa~NgAni ..
upA~Ngamayana.n chaiva mImA.nsAnyAyavistaraH .
dharmaj~nasevitArtha.n cha vedavedo.adhika.n tathA .
nibandhAH sarvashAkhA cha samayAchArasa~NgatiH .
dharmashAstraM maharShiNAmantaHkaraNasambhR^itam.h .
itihAsapurANAkhyamupA~Nga.n cha prakIrtitam.h .
vAstuvedo dhanurvedo gAndharvashcha tathA mune .
Ayurvedashcha pa~nchaite upavedAH prakIrtitAH .
daNDo nItishcha vArtA cha vidyA vAyujayaH paraH .
ekavi.nshatibhedo.aya.n svaprakAshaH prakIrtitaH .
vaikhAnasaR^iSheH pUrva.n viShNorvANI samudbhavet.h .
trayIrUpeNa sa~Nkalpya vaikhAnasaR^iSheH purA .
udito yAdR^ishaH pUrva.n tAdR^isha.n shR^iNu me.akhilam.h .
shashvadbrahmamaya.n rUpa.n kriyAshaktirudAhR^itA .
sAkShAchChaktirbhagavataH smaraNamAtrarUpAvirbhAva\-
prAdurbhAvAtmikA nigrahAnugraharUpA bhagavatsahachAriNI
anapAyinI anavaratasahAshrayiNI uditAnuditAkArA
nimeShonmeShasR^iShTisthitisa.nhAratirodhAnAnugrahAdi\-
sarvashaktisAmarthyAtsAkShAchChaktiriti gIyate .
ichChAshaktistrividhA pralayAvasthAyA.n vishramaNArthaM
bhagavato dakShiNavakShaHsthale shrIvatsAkR^itirbhUtvA
vishrAmyatIti sA yogashaktiH . bhogashaktirbhogarUpA
kalpavR^ikShakAmadhenuchintAmaNisha~Nkhapadma\-
nidhyAdinavanidhisamAshritA bhagavadupAsakAnA.n
kAmanayA akAmanayA vA bhaktiyuktA nara.n
nityanaimittikakarmabhiragnihotrAdibhirvA yamaniyamAsana\-
prANAyAmapratyAhAradhyAnadhAraNAsamAdhibhi\-
rvAlamaNanvapi gopuraprAkArAdibhirvimAnAdibhiH saha
bhagavadvigrahArchApUjopakaraNairarchanaiH snAnAdhiparvA
pitR^ipUjAdibhirannapAnAdibhirvA bhagavatprItyarthamuktvA
sarva.n kriyate . athAto vIrashaktishchaturbhujA.abhayavarada\-
padmadharA kirITAbharaNayutA sarvadevaiH parivR^itA
kalpatarumUle chaturbhirgajai ratnaghaTairamR^itajalai\-
rabhiShichyamAnA sarvadaivatairbrahmAdibhirvandyamAnA
aNimAdyaShTaishvaryayutA saMmukhe kAmadhenunA
stUyamAnA vedashAstrAdibhiH stUyamAnA jayAdyapsara\-
sstrIbhiH paricharyamANA AdityasomAbhyA.n dIpAbhyAM
prakAshyamAnA tumburunAradAdibhirgAyamAnA
rAkAsinIvAlIbhyA.n ChatreNa hlAdinImAyAbhyA.n chAmareNa
svAhAsvadhAbhyA.n vyajanena bhR^igupuNAdibhirabhyarchyamAnA
devI divyasi.nhAsane padmAsanarUDhA sakalakAraNakAryakarI
lakShmIrdevasya pR^ithagbhavanakalpanA . ala.nchakAra sthirA
prasannalochanA sarvadevataiH pUjyamAnA vIralakShmIriti
vij~nAyata ityupaniShat.h ..
AUM bhadra.n karNebhiH shR^iNuyAma devAH .
bhadraM pashyemAkShabhiryajatrAH .
sthiraira~NgaistuShTuvA{\m+}sastanUbhiH .
vyashema devahita.n yadAyuH .
svasti na indro vR^iddhashravAH . svasti naH pUShA vishvavedAH .
svasti nastArkShyo ariShTanemiH . svasti no bR^ihaspatirdadhAtu ..
AUM shAntiH shAntiH shAntiH ..
iti sItopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}