% Text title            : Surya Upanishad
% File name             : suryopan.itx
% Category              : upanishhat, navagraha
% Location              : doc\_upanishhat
% Author                : Vedic Tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 71/108; Atharva Veda, Samanya Upanishad, surya, navagraha
% Latest update         : May 2, 2007
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Surya Upanishad ..}##
\itxtitle{.. sUryopaniShat sUryAtharvashIrSham cha ..}##\endtitles ##

atharvavedIya sAmAnyopaniShat.h .

sUditasvAtiriktArisUrinandAtmabhAvitam.h .
sUryanArAyaNAkAra.n naumi chitsUryavaibhavam.h ..

AUM bhadra.n karNebhiH shruNuyAma devAH . bhadra.n
pashyemAkShabhiryajatrAH .
sthiraira~NgaistuShTuvA.nsastanUbhirvyashema devahita.n yadAyuH .
svasti na indro vR^iddhashravAH .  svasti naH pUShA vishvavedAH .
svasti nastArkShyo ariShTanemiH . svasti no bR^ihaspatirdadhAtu ..
AUM shAntiH shAntiH shAntiH ..

hariH AUM atha sUryAtharvA~Ngirasa.n vyAkhyAsyAmaH .
brahmA R^iShiH . gAyatrI ChandaH . Adityo devatA .
ha.nsaH so.ahamagninArAyaNayuktaM bIjam.h . hR^illekhA shaktiH .
viyadAdisargasa.nyukta.n kIlakam.h .
chaturvidhapuruShArthasiddhyarthe viniyogaH .
ShaTsvarArUDhena bIjena ShaDa~Nga.n raktAmbujasa.nsthitam.h .
saptAshvarathina.n hiraNyavarNa.n chaturbhujaM
padmadvayAbhayavaradahasta.n kAlachakrapraNetAra.n
shrIsUryanArAyaNa.n ya eva.n veda sa vai brAhmaNaH .
AUM bhUrbhuvaHsuvaH . AUM tatsaviturvareNyaM bhargo devasya
dhImahi . dhiyo yo naH prachodayAt.h .
sUrya AtmA jagatastasthuShashcha . sUryAdvai khalvimAni
bhUtAni jAyante .
sUryAdyaGYaH parjanyo.annamAtmA namasta Aditya .
tvameva pratyakSha.n karmakartAsi . tvameva pratyakShaM brahmAsi .
tvameva pratyakSha.n viShNurasi .
tvameva pratyakSha.n rudro.asi . tvameva pratyakShamR^igasi .
tvameva pratyakSha.n yajurasi .
tvameva pratyakSha.n sAmAsi . tvameva pratyakShamatharvAsi .
tvameva sarva.n Chando.asi .
AdityAdvAyurjAyate . AdityAdbhUmirjAyate . AdityAdApo
jAyante . AdityAjjyotirjAyate .
AdityAdvyoma disho jAyante . AdityAddevA jAyante .
AdityAdvedA jAyante .
Adityo vA eSha etanmaNDala.n tapati . asAvAdityo brahma .
Adityo.antaHkaraNamanobuddhichittAha~NkArAH . Adityo vai
vyAnaH samAnodAno.apAnaH prANaH .
Adityo vai shrotratvakchakShUrasanaghrANAH . Adityo vai
vAkpANipAdapAyUpasthAH .
Adityo vai shabdasparsharUparasagandhAH . Adityo vai
vachanAdAnAgamanavisargAnandAH .
Anandamayo GYAnamayo viGYAnAnamaya AdityaH . namo mitrAya
bhAnave mR^ityormA pAhi .
bhrAjiShNave vishvahetave namaH . sUryAdbhavanti bhUtAni
sUryeNa pAlitAni tu .
sUrye layaM prApnuvanti yaH sUryaH so.ahameva cha . chakShurno
devaH savitA chakShurna uta parvataH .
chakShurdhAtA dadhAtu naH . AdityAya vidmahe sahasrakiraNAya
dhImahi . tannaH sUryaH prachodayAt.h .
savitA pashchAttAtsavitA
purastAtsavitottarAttAtsavitAdharAttAt.h .
savitA naH suvatu sarvatAti.n savitA no rAsatA.n dIrghamAyuH .
AUMityekAkSharaM brahma . ghR^iNiriti dve akShare . sUrya
ityakSharadvayam.h . Aditya iti trINyakSharANi .
etasyaiva sUryasyAShTAkSharo manuH . yaH sadAharaharjapati sa
vai brAhmaNo bhavati sa vai brAhmaNo bhavati .
sUryAbhimukho japtvA mahAvyAdhibhayAtpramuchyate .
alakShmIrnashyati . abhakShyabhakShaNAtpUto bhavati .
agamyAgamanAtpUto bhavati . patitasambhAShaNAtpUto bhavati .
asatsambhAShaNAtpUto bhavati .
madhyAhne sUrAbhimukhaH paThet.h .
sadyotpannapa~nchamahApAtakAtpramuchyate .
saiShA.n sAvitrI.n vidyA.n na ki~nchidapi na
kasmaichitprasha.nsayet.h .
ya etAM mahAbhAgaH prAtaH paThati sa bhAgyavA~njAyate .
pashUnvindati . vedArtha.n labhate .
trikAlametajjaptvA kratushataphalamavApnoti . yo hastAditye
japati sa mahAmR^ityu.n tarati ya eva.n veda ..
ityupaniShat.h ..
hariH AUM bhadra.n karNebhiriti shAntiH ..
iti sUryopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}