% Text title            : tulasyupaniShat
% File name             : tulasyupaniShat.itx
% Category              : upanishhat, tulasI
% Location              : doc\_upanishhat
% Transliterated by     : Shree Devi Kumar
% Proofread by          : Shree Devi Kumar
% Acknowledge-Permission: Mahaperiaval Trust
% Latest update         : June 12, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. tulasyupaniShat ..}##
\itxtitle{.. tulasyupaniShat ..}##\endtitles ##

adha tulasyupaniShadaM vyAkhyAsyAmaH | nArada R^iShiH |
atharvA~NgirAshChandaH | amR^itA tulasI devatA |
sudhAbIjam | vasudhA shaktiH | nArAyaNaH kIlakam |
shyAmAM shyAmavapurdharAM R^iksvarUpAM yajurmanasaM brahmAtharvaprANAM
kalpahastAM purANapaThitAM amR^itodbhavAM amR^itarasama~njarIM anantAM
anantarasabhogadAM vaiShNavIM viShNuvallabhAM mR^ityujanmanibarhiNIM
darshanAtpApanAshinIM sparshanAtpAvanIM abhivandanAd roganAshinIM sevanAt
mR^ityunAshinIM vaikuNThArchanAt vipaddhantrIM\, bhakShaNAt vayunapradAM \,
prAdakShiNyAt dAridryanAshinIM\, mUlamR^illepanAt mahApApabha~njinIM
ghrANatarpaNAt antarmalanAshinIM ya evaM veda sa vaiShNavo bhavati |
vR^ithA na ChindyAt | dR^iShTvA pradakShiNaM kuryAt |
dvAdashyAM na spR^ishet | parvaNi na vichinvet |
yadi vichanvati sa viShNuhA bhavati | shrI tulasyai svAhA |
viShNupriyAyai svAhA | amR^itAyai svAhA |
shrI tulasyai vidmahe viShNupriyAyai dhImahi | tanno amR^itA prachodayAt |
amR^ite.amR^itarUpA.asi amR^itatvapradAyini |
tvaM mAmuddhara saMsArAt kShIrasAgara kanyake || 1
shrIsakhi tvaM sadAnande mukundasya sadA priye |
varadAbhayahastAbhyAM mAM vilokaya durlabhe || 2
avR^ikShavR^ikSharUpA.asi vR^ikShatchaM me vinAshaya |
tulasyatularUpA.asi tulAkoTinibhe.ajare ||| 3
atule tvattulAyAM hi harireko.asti nAnyathA |
tvameva jagatAM dhAtrI tvameva viShNuvallabhA || 4
tvameva surasaMsevyA tvameva mokShadAyinI |
tvachChAyAyAM vasellakShmIH tchanmUle viShNuravyayaH |
samantAd devatAH sarvAH siddhachAraNapannagAH || 5
yanmUle sarvatIrthAni yanmadhye brahma devatAH |
yadayre vedashAsrANi tulasIM tAM namAmyaham || 6
tulasi shrIsakhi shubhe pApahAriNi puNyade |
namaste nAradanute nArAyaNamanaH priye || 7
brahmAnandAshrusa~njAte vR^indAvananivAsini |
sarvAvayasampUrNe amR^itopaniShadrase || 8
tvaM mAmuddhara kalyANi mahApApAbdhidustarAt |
sarveShAmapi pApAnAM prAyashchittaM tvameva hi ||
devAnAM cha R^iShINAM cha pitRRINAM tvaM sadA priyA || 9
vinA shrItulasIM viprA ye.api shrAddhaM prakurvate |
vR^ithA bhavati tachChrAddhaM pitRRINAM nopagachChati ||| 10
tulasIpatramutsR^ijya yadi pUjAM karoti vai |
AsurI sA bhavetpUjA viShNuprItikarI na cha || 11
yaj~naM dAnaM japaM tIrthaM shrAddhaM vai devatArchanam |
tarpaNaM mArjanaM chAnyanna kuryAt tulasIM vinA || 12
tulasIdArumaNibhirjapaH sarvArthasAdhakaH |
evaM na veda yaH kashchit sa vipraH shvapachAdhamaH || 13
ityAha bhagavAn brahmANaM nArAyaNaH \,brahmA nAradasanakAdibhyaH\,
sanakAdayo vedavyAsAya\, vedavyAsaH shukAya\, shuko vAmadevAya\, vAmadevo
munibhyaH \, munayo manubhyaH prochuH |
ya evaM veda\, sa srIhatyAyAH pramuchyate\, sa vIrahatyAyAH pramuchyate\,
sa brahmahatyAyAH pramuchyate\, sa mahAbhayAt
pramuchyate\, sa mahAduHkhAtpramuchyate\, dehAnte vaikuNThamavApnoti
vaikuNThamavApnoti | ityupaniShat |

##
Encoded and proofread by Shree Devi Kumar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}