% Text title            : Turiyatita Upanishad
% File name             : turiya.itx
% Category              : upanishhat
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  64 / 108; Shukla Yajurveda - Sanyasa upanishad
% Latest update         : Mar. 21, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Turiyatita Upanishad ..}##
\itxtitle{.. turIyAtItopaniShat ..}##\endtitles ##

AUM turIyAtItopaniShadvedya.n yatparamAkSharam.h .
tatturyAtItachinmAtra.n svamAtra.n chintaye.anvaham.h ..
turIyAtItasa.nnyAsaparivrAjAkShamAlikA .
avyaktaikAkSharaM pUrNA sUryAkShyadhyAtmakuNDikA ..
hariH AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH ..
atha turIyAtItAvadhUtAnA.n ko.ayaM mArgasteShA.n kA
sthitiriti pitAmaho bhagavantaM pitaramAdinArAyaNaM
parisametyovAcha.
tamAha bhagavannArAyaNo yo.ayamavadhUtamArgastho loke
durlabhataro natu bAhulyo yadyeko bhavati sa eva nityapUtaH sa eva
vairAgyamUrtiH sa eva j~nAnAkAraH sa eva vedapuruSha iti
j~nAnino manyante .
mahApuruSho yastachchittaM mayyevAvatiShThate .
aha.n cha tasminnevAvasthitaH so.ayamAdau tAvatkrameNa
kuTIchako bahUdakatvaM prApya bahUdako ha.nsatvamavalambya
ha.nsaH paramaha.nso bhUtvA svarUpAnusandhAnena
sarvaprapa~ncha.n viditvA daNDakamaNDalukaTisUtra\-
kaupInAchChAdana.n svavidhyuktakriyAdika.n sarvamapsu
sa.nnyasya digambaro bhUtvA vivarNajIrNavalkalAjina\-
parigrahamapi sa.ntyajya tadUrdhvamamantravadAcharankShaurA\-
bhya~NgasnAnordhvapuNDrAdika.n vihAya laukikavaidikama\-
pyupasa.nhR^itya sarvatra puNyApuNyavarjito j~nAnAj~nAnamapi
vihAya shItoShNasukhaduHkhamAnAvamAna.n nirjitya vAsanAtraya\-
pUrvaka.n nindAnindAgarvamatsaradambhadarpadveShakAmakrodhalobha
mohaharShAmarShAsUyAtmasa.nrakShaNAdika.n dagdhvA svavapuH
kuNapAkAramiva pashyannayatnenAniyamena lAbhAlAbhau samau
kR^itvA govR^ittyA prANasandhAraNa.n kurvanyatprApta.n tenaiva
nirlolupaH sarvavidyApANDityaprapa~nchaM bhasmIkR^itya svarUpa.n
gopayitvA jyeShThAjyeShThatvAnapalApakaH sarvotkR^iShTatva\-
sarvAtmakatvAdvaita.n kalpayitvA matto vyatiriktaH kashchinnA\-
nyo.astIti devaguhyAdidhanamAtmanyupasa.nhR^itya duHkhena nodvignaH
sukhena nAnumodako rAge niHspR^ihaH sarvatra shubhAshubhayo\-
ranabhisnehaH sarvendriyoparamaH svapUrvApannAshramAchAravidyA\-
dharmaprAbhavamananusmarantyaktavarNAshramAchAraH sarvadA
divAnaktasamatvenAsvapnaH sarvadAsa.nchArashIlo
dehamAtravashiShTo jalasthalakamaNDaluH sarvadAnunmatto
bAlonmattapishAchavadekAkI sa.ncharannasaMbhAShaNaparaH
svarUpadhyAnena nirAlambamavalambya svAtmaniShThAnukUlena
sarva.n vismR^itya turIyAtItAvadhUtaveSheNAdvaitaniShThAparaH
praNavAtmakatvena dehatyAga.n karoti yaH so.avadhUtaH  sa
kR^itakR^ityo bhavatItyupaniShat.h ..
AUM tatsat.h ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNAmevAshiShyate ..
AUM shAntiH shAntiH shAntiH ..
iti turIyAtItopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}