% Text title : vaTukopaniShat % File name : vaTukopaniShat.itx % Category : upanishhat, shiva, upanishad % Location : doc\_upanishhat % Proofread by : Kasturi navya sahiti kasturinsahiti at gmail.com % Description-comments : aprakAshitA upaniShadaH % Latest update : March 20, 2020 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Vatuka Upanishad ..}## \itxtitle{.. vaTukopaniShat ..}##\endtitles ## atha vaTukopaniShadaM vyAkhyAsyAmaH | vAlAgramAtraM hR^idayasya madhye vishvaM deva jAtarUpaM vareNyam | tamAtmasthaM ye.anupashyanti dhIrAsteShAM shAntirbhavitA netareShAM yo vai vaTukaH sa bhagavAn yashcha brahmA tasmai vai namo namaH | yo vai vaTukaH sa bhagavAn yashcha vipNustasmai vai namo namaH || yo vai vaTukaH sa bhagavAn yashcha rudrastasmai vai namo namaH | yo vai vaTukaH sa bhagavAn yashchendrastasmai vai namo namaH || yo vai vaTukaH sa bhagavAn yashchAgnistasmai vai namo namaH | yo vai vaTukaH sa bhagavAn yashcha vAyustasmai vai namo namaH || yo vai vaTukaH sa bhagavAn yashcha sUryastasmai vai namo namaH | yo vai vaTukaH sa bhagavAn yashcha somastasmai vai namo namaH || yo vai vaTukaH sa bhagavAn yashcha grahAstasmai vai namo namaH | yo vai vaTukaH sa bhagavAn yashchopagrahAstasmai vai namo namaH || yo vai vaTukaH sa bhagavAn yashcha bhUstasmai vai namo namaH | yo vai vaTukaH sa bhagavAn yashcha bhuvastasmai vai namo namaH || yo vai vaTukaH sa bhagavAn yashcha svastasmai vai namo namaH | yo vai vaTukaH sa bhagavAn yashchAntarikShaM tasmai vai namo namaH | yo vai vaTukaH sa bhagavAn yashcha dyaustasmai vai namo namaH | yo vai vaTukaH sa bhagavAn yashchApastasmai vai namo namaH || yo vai vaTukaH sa bhagavAn yashcha tejastasmai vai namo namaH | yo vai vaTukaH sa bhagavAn yashcha kAlastasmai vai namo namaH || yo vai vaTukaH sa bhagavAn yashcha mR^ityustasmai vai namo namaH | yo vai vaTukaH sa bhagavAn yashchAmR^ityustasmai vai namo namaH || yo vai vaTukaH sa bhagavAn yashchAkAshastasmai vai namo namaH | yo vai vaTukaH sa bhagavAn yashcha vishvaM tasmai vai namo namaH || yo vai vaTukaH sa bhagavAn yashcha shuklaM tasmai vai namo namaH | yo vai vaTukaH sa bhagavAn yashcha dambhastasmai vai namo namaH || yo vai vaTuka sa bhagavAn yashchAdambhastasmai vai namo namaH | yo vai vaTukaH sa bhagavAt yashcha sUkShmaM tasmai vai namo namaH || yo vai vaTukaH sa bhagavAn yashcha sthUlaM tasmai vai namo namaH | yo vai vaTukaH sa bhagavAn yashcha kR^iShNastasmai vai namo namaH || yo vai vaTukaH sa bhagavAn yashchAkR^iShNastasmai vai namo namaH | yo vai vaTukaH sa bhagavAn yashcha satyaM tasmai vai namo namaH | yo vai vaTukaH sa bhagavAn yashcha sarvaM tasmai vai namo namaH || bhUste AdirmadhyaM bhuvaH svaste shIrShaM vishvarUpo.asi brahmaikastvaM dvidhA tridhA buddhistvaM shAntistvaM puShTistvaM hutamahutaM dattamadattaM sarvamasarvaM vishvamavishvaM kR^itamakR^itaM paramaparaM parAyaNaM cha tvam | apAma somamamR^itA abhUmAganma jyotiravidAma devAn | kiM nUnamasmAnkR^iNavadarAtiH kimu dhUrtiramR^itaM martyasya | somasUryapurastAt sUkShmaH puruShaH | sarvaM jagaddhitaM vA etadakSharaM prAjApatyaM sUkShmaM saumyaM puruShaM grAhyamagrAhyeNa bhAvaM bhAvena saumyaM saumyena sUkShmaM sUkShmeNa vAyavyaM vAyavyena grasati svena tejasA tasmAdupasahartre mahAgrAsAya vai namo namaH || hR^idisthA devatAH sarvA hR^idi prANAH pratiShThitAH | hR^idi tvamasi yo nityaM tisro mAtrAH parastu saH || tasyottarataH shiro dakShiNataH pAdau ya uttarataH sa o~NkAro ya o~NkAraH sa praNavo yaH praNavaH sa sarvavyApI yaH sarvavyApI so.ananto yo.anantastattAraM yattAraM tatsUkShmaM yatsukShmaM tachChuklaM yachChuklaM tadvaidyutaM yadvaidyutaM tatparaM brahma yatparaM brahma sa eko ya ekaH sa rudro yo rudraH sa IshAno ya IshAnaH sa bhagavAn maheshvaro yo bhagavAn maheshvaraH sa bhagavAn vaTukeshvaro yo bhagavAn vaTukeshvaraH || atha kasmAduchyata o~NkAro yasmAduchchAryamANa eva prANAnUrdhvamutkAmayati tasmAduchyata o~NkAraH | atha kasmAduchyate praNavo yasmAduchchAryamANa eva R^igyajussAmAtharvA~NgirasaM brahma brAhmaNebhyaH praNAmayati nAmayati cha tasmAduchyate praNavaH | atha kasmAduchyate sarvavyApI yasmAduchchAryamANa eva sarvAn lokAn vyApnoti sneho yathA palalapiNDamiva shAntarUpamotaprotamanuprApto vyatiShaktashcha tasmAduchyate sarvavyApI | atha kasmAduchyate.ananto yasmAduchchAryamANa eva tiryagUrdhvamadhastAchchAsyAnto nopalabhyate tasmAduchyate.anantaH | atha kasmAduchyate tAraM yasmAduchchAryamANa eva garbhajanmavyAdhijarAmaraNasaMsAramahAbhayAttArayati trAyate cha tasmAduchyate tAram | atha kasmAduchyate sUkShmaM yasmAduchchAryamANa eva sUkShmo bhUtvA sharIrANyadhitiShThati sarvANi chA~NgAnyabhimR^ishati tasmAduchyate sUkShmam | atha kasmAduchyate shuklaM yasmAduchchAryamANa tava klandate klAmayati cha tasmAduchyate shuklam | atha kasmAduchyate vaidyutaM yasmAduchchAryamANa evAvyakte mahati tamasi dyotayati tasmAduchyate vaidyutam | atha kasmAduchyate paraM brahma yasmAt paramaparaM parAyaNaM cha bR^ihadbR^ihatyA bR^iMhayati tasmAduchyate paraM brahma | atha kasmAduchyata eko yaH sarvAn prANAn sambhakShya sambhakShaNenAjaH saMsR^ijati visR^ijati tIrthameke vrajanti tIrthameke dakShiNAH pratya~ncha uda~ncha prA~ncho.abhivrajantyeka teShAM sarveShAmiha sadgatiH | sAkaM sa eko bhUtashcharati prajAnAM tasmAduchyata ekaH | atha kasmAduchyate rudro yasmAdR^iShibhirnAnyairbhaktairdrutamasya rUpamupalabhyate tasmAduchyate rudraH | atha kasmAduchyata IshAno yaH sarvAn devAnIshata IshAnIbhirjananIbhishcha paramashaktibhiH | abhi tvA shUra nonumo.adugdhA iva dhenavaH | IshAnamasya jagataH suvardR^ishamIshAnamindra tasthuShaH | tasmAduchyata IshAnaH | atha kasmAduchyate bhagavAn maheshvaro yasmAdbhaktA j~nAnena bhajantyanugR^ihNAti cha vAchaM saMsR^ijati visR^ijati cha sarvAn bhAvAn parityajyAtmaj~nAnena yogaishvaryeNa mahati mahIyate tasmAduchyate bhagavAn maheshvaraH | atha kasmAduchyate bhagavAn vaTukeshvaro yasmAdantarjalauShadhivIrudhAnAvishyemaM vishvaM bhuvanAni vA avate tasmAduchyate bhagavAn vaTukeshvaraH | tadetadrudracharitam || eko ha devaH pradisho nu sarvAH pUrvo ha jAtaH sa u garbhe antaH | sa eva jAtaH sa janiShyamANaH pratya~NjanAstiShThati sarvatomukhaH || eko vaTuko na dvitIyAya tasmai ya imAn lokAnIshata IshanIbhiH | pratya~NjanAstiShThati sa~nchukochAntakAle saMsR^ijya vishvA bhuvanAni goptA || yasmin krodhaM yAM cha tR^iShNAM kShamAM cha hyakShamAM hitvA hetujAlasya mUlam | bud.hdhyA sa~nchitaM sthApayitvA tu rudre shAshvata vai rudramekatvamAhuH || vaTuko hi shAshvatena purANena veShamUrjeNa tapasA niyantA || agniriti bhasma vAyuriti bhasma jalamiti bhasma sthalamiti bhasma vyometi bhasma sarvaM ha vedaM bhasma mana etAni chakShaShi yasmAdvratamidaM pAshupataM yadbhasmanA~NgAni saMspR^ishettasmAdbrahma tadetadvaTukaM pashupAshavimokShaNAya || yasminnidaM savarmotaprotaM tasmAdanyanna paraM ki~nchanAsti | na tasmAt pUrvaM na paraM tadasti na bhUtaM nota bhavyaM yadAsIt || akSharAjjAyate kAlaH kAlAdvyApaka uchyate | vyApako hi bhagavAn vaTuko bhogAyamAno yadA shete rudrastadA saMharate prajAH | uchChvAsite tamo bhavati tamasa Apo.apsva~NgulyA mathite mathitaM shishire shishiraM mathyamAnaM phenaM bhavati phenAdaNDaM bhavatyaNDAdbrahmA bhavati brahmaNo vAyurvAyoro~NkAra o~NkArAtsAvitrI sAvitryA gAyatrI gAyatryA lokAH bhavanti | etaddhi paramaM tapaH | Apo jyotI raso.amR^itaM brahma bhUrbhuvaHsvaroM nama iti || ya imAM vaTukopaniShadaM brAhmaNo.adhIte.ashrotriyaH shrotriyo bhavati | anupanIta upanIto bhavati | sa hAgnipUto bhavati | sa vAyupUto bhavati | sa sUryapUto bhavati | sa somapUto bhavati | sa satyapUto bhavati | sa sarvapUto bhavati | sa sarvairdevarainuj~nAto bhavati | sa sarvairvedairanudhyAto bhavati | sa sarveShu tIrtheShu snAto bhavati | sa sarvavidbhavati | sa sarvAyurArogyavAn bhavati | sa kAlaj~nAnI bhavati | sa gurvanugrahabhAgI bhavati | ityevaM bhagavadvaTukeshvaraM yaH stauti sa vedyaM vedeti || (shaiva\-upaniShadaH) ityAtharvaNarahasye vaTukopaniShat samAptA | ## Proofread by Kasturi navya sahiti \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}