% Text title            : Yajnavalkya Upanishad
% File name             : yajnavalkya.itx
% Category              : upanishhat
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  97 / 108; Shukla Yajurveds - Sanyasa upanishad
% Latest update         : April, 16, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yajnavalkya Upanishad ..}##
\itxtitle{.. yAj~navalkyopaniShat ..}##\endtitles ##

sa.nnyAsaj~nAnasampannA yAnti yadvaiShNavaM padam.h .
tadvai padaM brahmatattva.n rAmachandrapadaM bhaje ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH ..
hariH AUM .. atha janako ha vaideho yAj~navalkyamupasametyovAcha
bhagavansa.nnyAsamanubrUhIti katha.n sa.nnyAsalakShaNam.h . sa
hovAcha yAj~navalkyo brahmacharya.n samApya gR^ihI bhavet.h .
gR^ihAdvanI bhUtvA pravrajet.h . yadi vetarathA brahmacharyAdeva
pravrajedgR^ihAdvA vanAdvA . atha punarvratI vAvratI vA snAtako
vA.asnAtako vA utsannAgniranagnoko.avA yadahareva virajettadahareva
pravrajet.h . tadeke prAjApatyAmeveShTi.n kurvanti . atha vA na
kuryAdAgneyyAmeva kuryAt.h . agnirhi prANaH . prANamevaitayA karoti .
traidhAtavIyAmeva kuryAt.h . etayaiva trayo dhAtavo yaduta sattva.n
rajastama iti aya.n te yonirR^itvijo yato jAto arochathAH . ta.n jAnannagna
ArohAthAno vardhayA rayimityanena mantreNAgnimAjighret.h . eSha vA
agneryoniryaH prANa.n gachCha svA.n yoni.n gachCha svAhetyevamevaita\-
dAgrAmAdagnimAhR^itya pUrvavadagnimAjighret.h yadagni.n na vindedapsu
juhuyAdApo vai sarvA devatAH sarvAbhyo devatAbhyo juhomi svAheti
sAjya.n haviranAmayam.h . mokShamantrastrayyeva.n veda tadbrahma
tadupAsitavyam.h . shikhA.n yaj~nopavIta.n ChittvA sa.nnyastaM mayeti
trivAramuchcharet.h . evamevaitadbhagavanniti vai yAj~navalkyaH .. 1..
atha hainamatriH paprachCha yAj~navalkya.n yaj~nopavItI
kathaM brAhmaNa iti . sa hovAcha yAj~navalkya idaM
praNavamevAsya tadyaj~nopavIta.n ya AtmA . prAshyAchamyAya.n
vidhiratha vA parivrADvivarNavAsA muNDo.aparigrahaH shuchiradrohI
bhaikShamANo brahma bhUyAya bhavati . eSha panthAH
parivrAjakAnA.n vIrAdhvani vA.anAshake vApAM praveshe
vAgnipraveshe vA mahAprasthAne vA . eSha panthA brahmaNA
hAnuvittasteneti sa sa.nnyAsI brahmaviditi . evamevaiSha bhagavanniti
vai yAj~navalkya . tatra paramaha.nsA nAma sa.nvartakAruNi\-
shvetaketudUrvAsaR^ibhunidAghadattAtreyashukavAmadeva\-
hArItakaprabhR^itayo.avyaktali~NgA.avyaktAchArA anunmattA
unmattavadAcharantaH parastrIpuraparA~NmukhAstridaNDa.n
kamaNDaluM bhuktapAtra.n jalapavitra.n shikhA.n yaj~nopavItaM
bahirantashchetyetatsarva.n bhUH svAhetyapsu parityajyAtmAna\-
manvichChet.h . yathA jAtarUpadharA nirdvandvA niShparigrahA\-
stattvabrahmamArge samyaksampannAH shuddhamAnasAH
prANasandhAraNArtha.n yathoktakAle vimukto bhaikShamAchara\-
nnudarapAtreNa lAbhAlAbhau samau bhUtvA karapAtreNa vA
kamaNDalUdakapo bhaikShamAcharannudaramAtrasa.ngrahaH
pAtrAntarashUnyo jalasthalakamaNDalurabAdhakarahaHsthala\-
niketano lAbhAlAbhau samau bhUtvA shUnyAgAradevagR^iha\-
tR^iNakUTavalmIkavR^ikShamUlakulAlashAlAgnihotrashAlAnadI\-
pulunagirikuharakoTarakandaranirjharasthaNDileShvaniketanivAsya\-
prayatnaHshubhAshubhakarmanirmUlanaparaH sa.nnyAsena
dehatyAga.n karoti sa paramaha.nso nAmeti . AshAmbaro na
namaskAro na dAraputrAbhilAShI lakShyAlakShyanirvartakaH
parivrAT parameshvaro bhavati . atraite shlokA bhavanti .
yo bhavetpUrvasa.nnyAsI tulyo vai dharmato yadi .
tasmai praNAmaH kartavyo netarAya kadAchana .. 1..
pramAdino bahishchittAH pishunAH kalahotsukAH .
sa.nnyAsino.api dR^ishyante devasa.ndUShitAshayAH .. 2..
nAmAdibhyaH pare bhUmni svArAjye chetsthito.advathe .
praNametka.n tadAtmaj~no na kArya.n karmaNA tadA .. 3..
Ishvaro jIvakalayA praviShTo bhagavAniti .
praNameddaNDavadbhUmAvAshvachaNDAlagokharam.h .. 4..
mA.nsapA~nchAlikAyAstu yantraloke.a~Ngapa~njare .
snAyvasthigranthishAlinyaH striyaH kimiva shobhanam.h .. 5..
tva~NmA.nsaraktabAShpAmbu pR^ithakkR^itvA vilochane .
samAlokaya ramya.n chetkiM mudhA parimuhyasi .. 6..
merushR^i~NgataTollAsi ga~NgAjalasyopamA .
dR^iShTA yasminmune muktAhArasyollasashAlitA .. 7..
shmanAneShu diganteShu sa eva lalanAstanaH .
shvabhirAsvAdyate kAle laghupiNDa ivAndhasaH .. 8..
keshakajjaladhAriNyo duHsparshA lochanapriyAH .
duShkR^itAgnishikhA nAryo dahanti tR^iNavannaram.h .. 9..
jvalanA atidUre.api sarasA api nIrasAH .
striyo hi narakAgnInAmindhana.n chAru dAruNam.h .. 10..
kAmanAmnA kirAtena vikIrNA mugdhachetasaH .
nAryo naraviha~NgAnAma~NgabandhanavAgurAH .. 11..
janmapalvalamatsyAnA.n chittakardamachAriNAm.h .
pu.nsA.n durvAsanArajjurnArIbaDishapiNDikA .. 12..
sarveShA.n doSharatnAnA.n susamudgikayAnayA .
duHkhashR^i~NkhalayA nityamalamastu mama striyA .. 13..
yasya strI tasya bhogechChA nistrIkasya kva bhogabhUH .
striya.n tyaktvA jagattyakta.n jagattyaktvA sukhI bhavet.h .. 14..
alabhyamAnastanayaH pitarau kleshayechchiram.h .
labdho hi garbhapAtena prasavena cha bAdhate .. 15..
jAtasya graharogAdi kumArasya cha dhUrtatA .
upanIte.apyavidyatvamanudvAhashcha paNDite .. 16..
yUnashcha paradArAdi dAridrya.n cha kuTumbinaH .
putraduHkhasya nAstyanto dhanI chenmriyate tadA .. 17..
na pANipAdachapalo na netrachapalo yatiH .
na cha vAkchapalashchaiva brahmabhUto jitendriyaH .. 18..
ripau baddhe svadehe cha samaikAtmyaM prapashyataH .
vivekinaH kutaH kopaH svadehAvayaveShviva .. 19..
apakAriNi kopashchetkope kopaH katha.n na te .
dharmArthakAmamokShANAM prasahya paripanthini .. 20..
namo.astu mama kopAya svAshrayajvAline bhR^isham.h .
kopasya mama vairAgyadAyine doShabodhine .. 21..
yatra suptA janA nityaM prabuddhastatra sa.nyamI .
prabuddhA yatra te vidvAnsuShupti.n yAti yogirAT.h .. 22..
chidihAstIti chinmAtramida.n chinmayameva cha .
chittva.n chidahamete cha lokAshchiditi bhAvaya .. 23..
yatInA.n tadupAdeyaM pAraha.nsyaM paraM padam.h .
nAtaH paratara.n ki~nchidvidyate munipu~NgavaH .. 24..
ityupaniShat.h ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH .. hariH AUM tatsat.h ..
iti yAj~navalkyopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}