% Text title            : yogarAjopaniShat
% File name             : yogarAjopaniShat.itx
% Category              : upanishhat, yoga, upanishad
% Location              : doc\_upanishhat
% Proofread by          : Kasturi navya sahiti kasturinsahiti at gmail.com
% Description-comments  : aprakAshitA upaniShadaH
% Latest update         : March 20, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yogaraja Upanishad ..}##
\itxtitle{.. yogarAjopaniShat ..}##\endtitles ##
yogarAjaM pravakShyAmi yoginAM yogasiddhaye |
mantrayogo layashchaiva rAjayogo haThastathA || 1||
yogashchaturvidhaH prokto yogibhistattvadarshibhiH |
AsanaM prANasaMrodho dhyAnaM chaiva samAdhikaH || 2||
etachchatuShTayaM viddhi sarvayogeShu sammatam |
brahmIviShNushivAdInAM mantraM jApyaM vishAradaiH || 3||
sAdhyate mantrayogastu vatsarAjAdibhiryathA |
kR^iShNadvaipAyanAdyaistu sAdhito layasa.nj~nitaH || 4||
navasveva hi chakreShu layaM kR^itvA mahAtmabhiH |
prathamaM brahmachakraM syAt trirAvR^ittaM bhagAkR^iti || 5||
apAne mUlakandAravyaM kAmarUpaM cha tajjaguH |
tadeva vahnikuNDaM syAt tattvakuNDalinI tathA || 6||
tAM jIvarUpiNIM dhyAyejjyotiShThaM muktihetave |
svAdhiShThAnaM dvitIyaM syAchchakraM tanmadhyagaM viduH || 7||
pashchimAbhimukhaM li~NgaM pravAlA~Nkurasannibham |
tatrodrIyANapITheShu taM dhyAtvAkarShayejjagat || 8||
tR^itIyaM nAbhichakraM syAttanmadhye tu jagat sthitam |
pa~nchAvartA madhyashaktiM chintayedvidyudAkR^iti || 9||
tAM dhyAtvA sarvasiddhInAM bhAjanaM jAyate budhaH |
chaturthaM hR^idaye chakraM vij~neyaM tadadhomukham || 10||
jyotIrUpaM cha tanmadhye haMsaM dhyAyet prayatnataH |
taM dhyAyato jagat sarvaM vashyaM syAnnAtra saMshayaH || 11||
pa~nchamaM kaNThachakraM syAt tatra vAme iDA bhavet |
dakShiNe pi~NgalA j~neyA suShumnA madhyataH sthatA || 12||
tatra dhyAtvA shuchi jyotiH siddhInAM bhAjanaM bhavet |
ShaShThaM cha tAlukAchakraM ghaNTikAsthAnamuchyate || 13||
dashamadvAramArgaM tadrAjadantaM cha tajjaguH |
tatra shUnye layaM kR^itvA mukto bhavati nishchitam || 14||
bhrUchakraM saptamaM vidyAdbindusthAnaM cha tadviduH |
bhruvormadhye vartulaM cha dhyAtvA jyotiH pramuchyate || 15||
aShTamaM brahmarandhraM syAt paraM nirvANasUchakam |
taM dhyAtvA sUtikAgrAmaM dhUmAkAraM vimuchyate || 16||
tachcha jAlandharaM j~neyaM mokShadaM nIlachetasam |
navamaM vyomachakraM syAdashraiH ShoDashabhiryutam || 17||
saMvidbrUyAchcha tanmadhye shaktiruddhA sthitA parA |
tatra pUrNAM girau pIThe shaktiM dhyAtvA vimuchyate || 18||
eteShAM navachakrANAmekaikaM dhyAyato muneH |
siddhayo muktisahitAH karasthAH syurdine dine || 19||
eko daNDadvayaM madhye pashyati j~nAnachakShuShA |
kadambagolakAkAraM brahmalokaM vrajanti te || 20||
UrdhvashaktinipAtena adhaHshakterniku~nchanAt |
madhyashaktiprabodhena jAyate paramaM sukhaM jAyate paramaM sukham | iti || 21||
(yoga\-upaniShadaH)

iti yogarAjopaniShat samAptA |

##
Proofread by Kasturi navya sahiti

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}