Mantra classification is following this convention :-
{ಅಷ್ಟಕ, ಅಧ್ಯಾಯ, ವರ್ಗ, ಮಂತ್ರ}, {ಮಂಡಲ, ಸೂಕ್ತ, ಮಂತ್ರ}, {ಮಂಡಲ, ಅನುವಾಕ, ಸೂಕ್ತ, ಮಂತ್ರ}
| [1] (1-9) ಅಗ್ನಿಮೀಳ ಇತಿ ನವರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ | ಅಗ್ನಿರ್ದೇವತಾ | ಗಾಯತ್ರೀ ಛಂದಃ || | |
| 1 | ಅ॒ಗ್ನಿಮೀ᳚ಳೇ ಪು॒ರೋಹಿ॑ತಂ ಯ॒ಜ್ಞಸ್ಯ॑ ದೇ॒ವಮೃ॒ತ್ವಿಜಂ᳚ | ಹೋತಾ᳚ರಂ ರತ್ನ॒ಧಾತ॑ಮಂ ||{1.1.1.1}, {1.1.1}, {1.1.1.1} |
| 2 | ಅ॒ಗ್ನಿಃ ಪೂರ್ವೇ᳚ಭಿ॒ರೃಷಿ॑ಭಿ॒ರೀಡ್ಯೋ॒ ನೂತ॑ನೈರು॒ತ | ಸ ದೇ॒ವಾಁ ಏಹ ವ॑ಕ್ಷತಿ ||{1.1.1.2}, {1.1.2}, {1.1.1.2} |
| 3 | ಅ॒ಗ್ನಿನಾ᳚ ರ॒ಯಿಮ॑ಶ್ನವ॒ತ್ಪೋಷ॑ಮೇ॒ವ ದಿ॒ವೇದಿ॑ವೇ | ಯ॒ಶಸಂ᳚ ವೀ॒ರವ॑ತ್ತಮಂ ||{1.1.1.3}, {1.1.3}, {1.1.1.3} |
| 4 | ಅಗ್ನೇ॒ ಯಂ ಯ॒ಜ್ಞಮ॑ಧ್ವ॒ರಂ ವಿ॒ಶ್ವತಃ॑ ಪರಿ॒ಭೂರಸಿ॑ | ಸ ಇದ್ದೇ॒ವೇಷು॑ ಗಚ್ಛತಿ ||{1.1.1.4}, {1.1.4}, {1.1.1.4} |
| 5 | ಅ॒ಗ್ನಿರ್ಹೋತಾ᳚ ಕ॒ವಿಕ್ರ॑ತುಃ ಸ॒ತ್ಯಶ್ಚಿ॒ತ್ರಶ್ರ॑ವಸ್ತಮಃ | ದೇ॒ವೋ ದೇ॒ವೇಭಿ॒ರಾ ಗ॑ಮತ್ ||{1.1.1.5}, {1.1.5}, {1.1.1.5} |
| 6 | ಯದಂ॒ಗ ದಾ॒ಶುಷೇ॒ ತ್ವಮಗ್ನೇ᳚ ಭ॒ದ್ರಂ ಕ॑ರಿ॒ಷ್ಯಸಿ॑ | ತವೇತ್ತತ್ಸ॒ತ್ಯಮಂ᳚ಗಿರಃ ||{1.1.2.1}, {1.1.6}, {1.1.1.6} |
| 7 | ಉಪ॑ ತ್ವಾಗ್ನೇ ದಿ॒ವೇದಿ॑ವೇ॒ ದೋಷಾ᳚ವಸ್ತರ್ಧಿ॒ಯಾ ವ॒ಯಂ | ನಮೋ॒ ಭರಂ᳚ತ॒ ಏಮ॑ಸಿ ||{1.1.2.2}, {1.1.7}, {1.1.1.7} |
| 8 | ರಾಜಂ᳚ತಮಧ್ವ॒ರಾಣಾಂ᳚ ಗೋ॒ಪಾಮೃ॒ತಸ್ಯ॒ ದೀದಿ॑ವಿಂ | ವರ್ಧ॑ಮಾನಂ॒ ಸ್ವೇ ದಮೇ᳚ ||{1.1.2.3}, {1.1.8}, {1.1.1.8} |
| 9 | ಸ ನಃ॑ ಪಿ॒ತೇವ॑ ಸೂ॒ನವೇಽಗ್ನೇ᳚ ಸೂಪಾಯ॒ನೋ ಭ॑ವ | ಸಚ॑ಸ್ವಾ ನಃ ಸ್ವ॒ಸ್ತಯೇ᳚ ||{1.1.2.4}, {1.1.9}, {1.1.1.9} |
| [2] (1-9) ವಾಯವೇತಿ ನವರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ | (1-3) ಆದ್ಯತೃಚಸ್ಯ ವಾಯುಃ (4-6) ದ್ವಿತೀಯತೃಚಸ್ಯೇಂದ್ರವಾಯೂ (7-9) ತೃತೀಯತೃಚಸ್ಯ ಚ ಮಿತ್ರಾವರುಣೌ ದೇವತಾಃ | ಗಾಯತ್ರೀ ಛಂದಃ || | |
| 10 | ವಾಯ॒ವಾ ಯಾ᳚ಹಿ ದರ್ಶತೇ॒ಮೇ ಸೋಮಾ॒ ಅರಂ᳚ಕೃತಾಃ | ತೇಷಾಂ᳚ ಪಾಹಿ ಶ್ರು॒ಧೀ ಹವಂ᳚ ||{1.1.3.1}, {1.2.1}, {1.1.2.1} |
| 11 | ವಾಯ॑ ಉ॒ಕ್ಥೇಭಿ॑ರ್ಜರಂತೇ॒ ತ್ವಾಮಚ್ಛಾ᳚ ಜರಿ॒ತಾರಃ॑ | ಸು॒ತಸೋ᳚ಮಾ ಅಹ॒ರ್ವಿದಃ॑ ||{1.1.3.2}, {1.2.2}, {1.1.2.2} |
| 12 | ವಾಯೋ॒ ತವ॑ ಪ್ರಪೃಂಚ॒ತೀ ಧೇನಾ᳚ ಜಿಗಾತಿ ದಾ॒ಶುಷೇ᳚ | ಉ॒ರೂ॒ಚೀ ಸೋಮ॑ಪೀತಯೇ ||{1.1.3.3}, {1.2.3}, {1.1.2.3} |
| 13 | ಇಂದ್ರ॑ವಾಯೂ ಇ॒ಮೇ ಸು॒ತಾ ಉಪ॒ ಪ್ರಯೋ᳚ಭಿ॒ರಾ ಗ॑ತಂ | ಇಂದ॑ವೋ ವಾಮು॒ಶಂತಿ॒ ಹಿ ||{1.1.3.4}, {1.2.4}, {1.1.2.4} |
| 14 | ವಾಯ॒ವಿಂದ್ರ॑ಶ್ಚ ಚೇತಥಃ ಸು॒ತಾನಾಂ᳚ ವಾಜಿನೀವಸೂ | ತಾವಾ ಯಾ᳚ತ॒ಮುಪ॑ ದ್ರ॒ವತ್ ||{1.1.3.5}, {1.2.5}, {1.1.2.5} |
| 15 | ವಾಯ॒ವಿಂದ್ರ॑ಶ್ಚ ಸುನ್ವ॒ತ ಆ ಯಾ᳚ತ॒ಮುಪ॑ ನಿಷ್ಕೃ॒ತಂ | ಮ॒ಕ್ಷ್ವಿ೧॑(ಇ॒)ತ್ಥಾ ಧಿ॒ಯಾ ನ॑ರಾ ||{1.1.4.1}, {1.2.6}, {1.1.2.6} |
| 16 | ಮಿ॒ತ್ರಂ ಹು॑ವೇ ಪೂ॒ತದ॑ಕ್ಷಂ॒ ವರು॑ಣಂ ಚ ರಿ॒ಶಾದ॑ಸಂ | ಧಿಯಂ᳚ ಘೃ॒ತಾಚೀಂ॒ ಸಾಧಂ᳚ತಾ ||{1.1.4.2}, {1.2.7}, {1.1.2.7} |
| 17 | ಋ॒ತೇನ॑ ಮಿತ್ರಾವರುಣಾವೃತಾವೃಧಾವೃತಸ್ಪೃಶಾ | ಕ್ರತುಂ᳚ ಬೃ॒ಹಂತ॑ಮಾಶಾಥೇ ||{1.1.4.3}, {1.2.8}, {1.1.2.8} |
| 18 | ಕ॒ವೀ ನೋ᳚ ಮಿ॒ತ್ರಾವರು॑ಣಾ ತುವಿಜಾ॒ತಾ ಉ॑ರು॒ಕ್ಷಯಾ᳚ | ದಕ್ಷಂ᳚ ದಧಾತೇ ಅ॒ಪಸಂ᳚ ||{1.1.4.4}, {1.2.9}, {1.1.2.9} |
| [3] (1-12) ಅಶ್ವಿನಾ ಇತಿ ದ್ವಾದಶರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ | (1-3) ಆದ್ಯತೃಚಸ್ಯಾಶ್ವಿನೌ (4-6) ದ್ವಿತೀಯತೃಚಸ್ಯೇಂದ್ರಃ (7-9) ತೃತೀಯತೃಚಸ್ಯ ವಿಶ್ವೇ ದೇವಾಃ (10-12) ಚತುಥರ್ತ್ರಚಸ್ಯ ಚ ಸರಸ್ವತೀ ದೇವತಾಃ | ಗಾಯತ್ರೀ ಛಂದಃ || | |
| 19 | ಅಶ್ವಿ॑ನಾ॒ ಯಜ್ವ॑ರೀ॒ರಿಷೋ॒ ದ್ರವ॑ತ್ಪಾಣೀ॒ ಶುಭ॑ಸ್ಪತೀ | ಪುರು॑ಭುಜಾ ಚನ॒ಸ್ಯತಂ᳚ ||{1.1.5.1}, {1.3.1}, {1.1.3.1} |
| 20 | ಅಶ್ವಿ॑ನಾ॒ ಪುರು॑ದಂಸಸಾ॒ ನರಾ॒ ಶವೀ᳚ರಯಾ ಧಿ॒ಯಾ | ಧಿಷ್ಣ್ಯಾ॒ ವನ॑ತಂ॒ ಗಿರಃ॑ ||{1.1.5.2}, {1.3.2}, {1.1.3.2} |
| 21 | ದಸ್ರಾ᳚ ಯು॒ವಾಕ॑ವಃ ಸು॒ತಾ ನಾಸ॑ತ್ಯಾ ವೃ॒ಕ್ತಬ॑ರ್ಹಿಷಃ | ಆ ಯಾ᳚ತಂ ರುದ್ರವರ್ತನೀ ||{1.1.5.3}, {1.3.3}, {1.1.3.3} |
| 22 | ಇಂದ್ರಾ ಯಾ᳚ಹಿ ಚಿತ್ರಭಾನೋ ಸು॒ತಾ ಇ॒ಮೇ ತ್ವಾ॒ಯವಃ॑ | ಅಣ್ವೀ᳚ಭಿ॒ಸ್ತನಾ᳚ ಪೂ॒ತಾಸಃ॑ ||{1.1.5.4}, {1.3.4}, {1.1.3.4} |
| 23 | ಇಂದ್ರಾ ಯಾ᳚ಹಿ ಧಿ॒ಯೇಷಿ॒ತೋ ವಿಪ್ರ॑ಜೂತಃ ಸು॒ತಾವ॑ತಃ | ಉಪ॒ ಬ್ರಹ್ಮಾ᳚ಣಿ ವಾ॒ಘತಃ॑ ||{1.1.5.5}, {1.3.5}, {1.1.3.5} |
| 24 | ಇಂದ್ರಾ ಯಾ᳚ಹಿ॒ ತೂತು॑ಜಾನ॒ ಉಪ॒ ಬ್ರಹ್ಮಾ᳚ಣಿ ಹರಿವಃ | ಸು॒ತೇ ದ॑ಧಿಷ್ವ ನ॒ಶ್ಚನಃ॑ ||{1.1.5.6}, {1.3.6}, {1.1.3.6} |
| 25 | ಓಮಾ᳚ಸಶ್ಚರ್ಷಣೀಧೃತೋ॒ ವಿಶ್ವೇ᳚ ದೇವಾಸ॒ ಆ ಗ॑ತ | ದಾ॒ಶ್ವಾಂಸೋ᳚ ದಾ॒ಶುಷಃ॑ ಸು॒ತಂ ||{1.1.6.1}, {1.3.7}, {1.1.3.7} |
| 26 | ವಿಶ್ವೇ᳚ ದೇ॒ವಾಸೋ᳚ ಅ॒ಪ್ತುರಃ॑ ಸು॒ತಮಾ ಗಂ᳚ತ॒ ತೂರ್ಣ॑ಯಃ | ಉ॒ಸ್ರಾ ಇ॑ವ॒ ಸ್ವಸ॑ರಾಣಿ ||{1.1.6.2}, {1.3.8}, {1.1.3.8} |
| 27 | ವಿಶ್ವೇ᳚ ದೇ॒ವಾಸೋ᳚ ಅ॒ಸ್ರಿಧ॒ ಏಹಿ॑ಮಾಯಾಸೋ ಅ॒ದ್ರುಹಃ॑ | ಮೇಧಂ᳚ ಜುಷಂತ॒ ವಹ್ನ॑ಯಃ ||{1.1.6.3}, {1.3.9}, {1.1.3.9} |
| 28 | ಪಾ॒ವ॒ಕಾ ನಃ॒ ಸರ॑ಸ್ವತೀ॒ ವಾಜೇ᳚ಭಿರ್ವಾ॒ಜಿನೀ᳚ವತೀ | ಯ॒ಜ್ಞಂ ವ॑ಷ್ಟು ಧಿ॒ಯಾವ॑ಸುಃ ||{1.1.6.4}, {1.3.10}, {1.1.3.10} |
| 29 | ಚೋ॒ದ॒ಯಿ॒ತ್ರೀ ಸೂ॒ನೃತಾ᳚ನಾಂ॒ ಚೇತಂ᳚ತೀ ಸುಮತೀ॒ನಾಂ | ಯ॒ಜ್ಞಂ ದ॑ಧೇ॒ ಸರ॑ಸ್ವತೀ ||{1.1.6.5}, {1.3.11}, {1.1.3.11} |
| 30 | ಮ॒ಹೋ ಅರ್ಣಃ॒ ಸರ॑ಸ್ವತೀ॒ಽಪ್ರ ಚೇ᳚ತಯತಿ ಕೇ॒ತುನಾ᳚ | ಧಿಯೋ॒ ವಿಶ್ವಾ॒ ವಿ ರಾ᳚ಜತಿ ||{1.1.6.6}, {1.3.12}, {1.1.3.12} |
| [4] (1-10) ಸುರೂಪಕೃತ್ನುಮಿತಿ ದಶರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ | ಇಂದ್ರೋ ದೇವತಾ | ಗಾಯತ್ರೀ ಛಂದಃ || | |
| 31 | ಸು॒ರೂ॒ಪ॒ಕೃ॒ತ್ನುಮೂ॒ತಯೇ᳚ ಸು॒ದುಘಾ᳚ಮಿವ ಗೋ॒ದುಹೇ᳚ | ಜು॒ಹೂ॒ಮಸಿ॒ ದ್ಯವಿ॑ದ್ಯವಿ ||{1.1.7.1}, {1.4.1}, {1.2.1.1} |
| 32 | ಉಪ॑ ನಃ॒ ಸವ॒ನಾ ಗ॑ಹಿ॒ ಸೋಮ॑ಸ್ಯ ಸೋಮಪಾಃ ಪಿಬ | ಗೋ॒ದಾ ಇದ್ರೇ॒ವತೋ॒ ಮದಃ॑ ||{1.1.7.2}, {1.4.2}, {1.2.1.2} |
| 33 | ಅಥಾ᳚ ತೇ॒ ಅಂತ॑ಮಾನಾಂ ವಿ॒ದ್ಯಾಮ॑ ಸುಮತೀ॒ನಾಂ | ಮಾ ನೋ॒ ಅತಿ॑ ಖ್ಯ॒ ಆ ಗ॑ಹಿ ||{1.1.7.3}, {1.4.3}, {1.2.1.3} |
| 34 | ಪರೇ᳚ಹಿ॒ ವಿಗ್ರ॒ಮಸ್ತೃ॑ತ॒ಮಿಂದ್ರಂ᳚ ಪೃಚ್ಛಾ ವಿಪ॒ಶ್ಚಿತಂ᳚ | ಯಸ್ತೇ॒ ಸಖಿ॑ಭ್ಯ॒ ಆ ವರಂ᳚ ||{1.1.7.4}, {1.4.4}, {1.2.1.4} |
| 35 | ಉ॒ತ ಬ್ರು॑ವಂತು ನೋ॒ ನಿದೋ॒ ನಿರ॒ನ್ಯತ॑ಶ್ಚಿದಾರತ | ದಧಾ᳚ನಾ॒ ಇಂದ್ರ॒ ಇದ್ದುವಃ॑ ||{1.1.7.5}, {1.4.5}, {1.2.1.5} |
| 36 | ಉ॒ತ ನಃ॑ ಸು॒ಭಗಾಁ᳚ ಅ॒ರಿರ್ವೋ॒ಚೇಯು॑ರ್ದಸ್ಮ ಕೃ॒ಷ್ಟಯಃ॑ | ಸ್ಯಾಮೇದಿಂದ್ರ॑ಸ್ಯ॒ ಶರ್ಮ॑ಣಿ ||{1.1.8.1}, {1.4.6}, {1.2.1.6} |
| 37 | ಏಮಾ॒ಶುಮಾ॒ಶವೇ᳚ ಭರ ಯಜ್ಞ॒ಶ್ರಿಯಂ᳚ ನೃ॒ಮಾದ॑ನಂ | ಪ॒ತ॒ಯನ್ಮಂ᳚ದ॒ಯತ್ಸ॑ಖಂ ||{1.1.8.2}, {1.4.7}, {1.2.1.7} |
| 38 | ಅ॒ಸ್ಯ ಪೀ॒ತ್ವಾ ಶ॑ತಕ್ರತೋ ಘ॒ನೋ ವೃ॒ತ್ರಾಣಾ᳚ಮಭವಃ | ಪ್ರಾವೋ॒ ವಾಜೇ᳚ಷು ವಾ॒ಜಿನಂ᳚ ||{1.1.8.3}, {1.4.8}, {1.2.1.8} |
| 39 | ತಂ ತ್ವಾ॒ ವಾಜೇ᳚ಷು ವಾ॒ಜಿನಂ᳚ ವಾ॒ಜಯಾ᳚ಮಃ ಶತಕ್ರತೋ | ಧನಾ᳚ನಾಮಿಂದ್ರ ಸಾ॒ತಯೇ᳚ ||{1.1.8.4}, {1.4.9}, {1.2.1.9} |
| 40 | ಯೋ ರಾ॒ಯೋ॒೩॑(ಓ॒)ವನಿ᳚ರ್ಮ॒ಹಾನ್ಸು॑ಪಾ॒ರಃ ಸು᳚ನ್ವ॒ತಃ ಸಖಾ᳚ | ತಸ್ಮಾ॒ ಇಂದ್ರಾ᳚ಯ ಗಾಯತ ||{1.1.8.5}, {1.4.10}, {1.2.1.10} |
| [5] (1-10) ಆತ್ವೇತೇತಿ ದಶರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ | ಇಂದ್ರೋ ದೇವತಾ | ಗಾಯತ್ರೀ ಛಂದಃ || | |
| 41 | ಆ ತ್ವೇತಾ॒ ನಿ ಷೀ᳚ದ॒ತೇಂದ್ರ॑ಮ॒ಭಿ ಪ್ರ ಗಾ᳚ಯತ | ಸಖಾ᳚ಯಃ॒ ಸ್ತೋಮ॑ವಾಹಸಃ ||{1.1.9.1}, {1.5.1}, {1.2.2.1} |
| 42 | ಪು॒ರೂ॒ತಮಂ᳚ ಪುರೂ॒ಣಾಮೀಶಾ᳚ನಂ॒ ವಾರ್ಯಾ᳚ಣಾಂ | ಇಂದ್ರಂ॒ ಸೋಮೇ॒ ಸಚಾ᳚ ಸು॒ತೇ ||{1.1.9.2}, {1.5.2}, {1.2.2.2} |
| 43 | ಸ ಘಾ᳚ ನೋ॒ ಯೋಗ॒ ಆ ಭು॑ವ॒ತ್ಸ ರಾ॒ಯೇ ಸ ಪುರಂ᳚ಧ್ಯಾಂ | ಗಮ॒ದ್ವಾಜೇ᳚ಭಿ॒ರಾ ಸ ನಃ॑ ||{1.1.9.3}, {1.5.3}, {1.2.2.3} |
| 44 | ಯಸ್ಯ॑ ಸಂ॒ಸ್ಥೇ ನ ವೃ॒ಣ್ವತೇ॒ ಹರೀ᳚ ಸ॒ಮತ್ಸು॒ ಶತ್ರ॑ವಃ | ತಸ್ಮಾ॒ ಇಂದ್ರಾ᳚ಯ ಗಾಯತ ||{1.1.9.4}, {1.5.4}, {1.2.2.4} |
| 45 | ಸು॒ತ॒ಪಾವ್ನೇ᳚ ಸು॒ತಾ ಇ॒ಮೇ ಶುಚ॑ಯೋ ಯಂತಿ ವೀ॒ತಯೇ᳚ | ಸೋಮಾ᳚ಸೋ॒ ದಧ್ಯಾ᳚ಶಿರಃ ||{1.1.9.5}, {1.5.5}, {1.2.2.5} |
| 46 | ತ್ವಂ ಸು॒ತಸ್ಯ॑ ಪೀ॒ತಯೇ᳚ ಸ॒ದ್ಯೋ ವೃ॒ದ್ಧೋ ಅ॑ಜಾಯಥಾಃ | ಇಂದ್ರ॒ ಜ್ಯೈಷ್ಠ್ಯಾ᳚ಯ ಸುಕ್ರತೋ ||{1.1.10.1}, {1.5.6}, {1.2.2.6} |
| 47 | ಆ ತ್ವಾ᳚ ವಿಶಂತ್ವಾ॒ಶವಃ॒ ಸೋಮಾ᳚ಸ ಇಂದ್ರ ಗಿರ್ವಣಃ | ಶಂ ತೇ᳚ ಸಂತು॒ ಪ್ರಚೇ᳚ತಸೇ ||{1.1.10.2}, {1.5.7}, {1.2.2.7} |
| 48 | ತ್ವಾಂ ಸ್ತೋಮಾ᳚ ಅವೀವೃಧಂ॒ತ್ವಾಮು॒ಕ್ಥಾ ಶ॑ತಕ್ರತೋ | ತ್ವಾಂ ವ॑ರ್ಧಂತು ನೋ॒ ಗಿರಃ॑ ||{1.1.10.3}, {1.5.8}, {1.2.2.8} |
| 49 | ಅಕ್ಷಿ॑ತೋತಿಃ ಸನೇದಿ॒ಮಂ ವಾಜ॒ಮಿಂದ್ರಃ॑ ಸಹ॒ಸ್ರಿಣಂ᳚ | ಯಸ್ಮಿ॒ನ್ವಿಶ್ವಾ᳚ನಿ॒ ಪೌಂಸ್ಯಾ᳚ ||{1.1.10.4}, {1.5.9}, {1.2.2.9} |
| 50 | ಮಾ ನೋ॒ ಮರ್ತಾ᳚ ಅ॒ಭಿ ದ್ರು॑ಹಂತ॒ನೂನಾ᳚ಮಿಂದ್ರ ಗಿರ್ವಣಃ | ಈಶಾ᳚ನೋ ಯವಯಾ ವ॒ಧಂ ||{1.1.10.5}, {1.5.10}, {1.2.2.10} |
| [6] (1-10) ಯುಂಜಂತೀತಿ ದಶರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ | (1-3, 10) ಆದ್ಯಾನಾಂ ತಿಸೃಣಾಂ ದಶಮ್ಯಾಶ್ಚೇಂದ್ರಃ (4-9) ಚತುರ್ಥೀತಃ ಷಣ್ಣಾಂ ಮರುತಃ, ತತ್ರಾಪಿ (5, 7) ಪಂಚಮೀಸಪ್ತಮ್ಯೋಶ್ಚೇಂದ್ರೋ ದೇವತಾಃ | ಗಾಯತ್ರೀ ಛಂದಃ || | |
| 51 | ಯುಂ॒ಜಂತಿ॑ ಬ್ರ॒ಧ್ನಮ॑ರು॒ಷಂ ಚರಂ᳚ತಂ॒ ಪರಿ॑ ತ॒ಸ್ಥುಷಃ॑ | ರೋಚಂ᳚ತೇ ರೋಚ॒ನಾ ದಿ॒ವಿ ||{1.1.11.1}, {1.6.1}, {1.2.3.1} |
| 52 | ಯುಂ॒ಜಂತ್ಯ॑ಸ್ಯ॒ ಕಾಮ್ಯಾ॒ ಹರೀ॒ ವಿಪ॑ಕ್ಷಸಾ॒ ರಥೇ᳚ | ಶೋಣಾ᳚ ಧೃ॒ಷ್ಣೂ ನೃ॒ವಾಹ॑ಸಾ ||{1.1.11.2}, {1.6.2}, {1.2.3.2} |
| 53 | ಕೇ॒ತುಂ ಕೃ॒ಣ್ವನ್ನ॑ಕೇ॒ತವೇ॒ ಪೇಶೋ᳚ ಮರ್ಯಾ ಅಪೇ॒ಶಸೇ᳚ | ಸಮು॒ಷದ್ಭಿ॑ರಜಾಯಥಾಃ ||{1.1.11.3}, {1.6.3}, {1.2.3.3} |
| 54 | ಆದಹ॑ ಸ್ವ॒ಧಾಮನು॒ ಪುನ॑ರ್ಗರ್ಭ॒ತ್ವಮೇ᳚ರಿ॒ರೇ | ದಧಾ᳚ನಾ॒ ನಾಮ॑ ಯ॒ಜ್ಞಿಯಂ᳚ ||{1.1.11.4}, {1.6.4}, {1.2.3.4} |
| 55 | ವೀ॒ಳು ಚಿ॑ದಾರುಜ॒ತ್ನುಭಿ॒ರ್ಗುಹಾ᳚ ಚಿದಿಂದ್ರ॒ ವಹ್ನಿ॑ಭಿಃ | ಅವಿಂ᳚ದ ಉ॒ಸ್ರಿಯಾ॒ ಅನು॑ ||{1.1.11.5}, {1.6.5}, {1.2.3.5} |
| 56 | ದೇ॒ವ॒ಯಂತೋ॒ ಯಥಾ᳚ ಮ॒ತಿಮಚ್ಛಾ᳚ ವಿ॒ದದ್ವ॑ಸುಂ॒ ಗಿರಃ॑ | ಮ॒ಹಾಮ॑ನೂಷತ ಶ್ರು॒ತಂ ||{1.1.12.1}, {1.6.6}, {1.2.3.6} |
| 57 | ಇಂದ್ರೇ᳚ಣ॒ ಸಂ ಹಿ ದೃಕ್ಷ॑ಸೇ ಸಂಜಗ್ಮಾ॒ನೋ ಅಬಿ॑ಭ್ಯುಷಾ | ಮಂ॒ದೂ ಸ॑ಮಾ॒ನವ॑ರ್ಚಸಾ ||{1.1.12.2}, {1.6.7}, {1.2.3.7} |
| 58 | ಅ॒ನ॒ವ॒ದ್ಯೈರ॒ಭಿದ್ಯು॑ಭಿರ್ಮ॒ಖಃ ಸಹ॑ಸ್ವದರ್ಚತಿ | ಗ॒ಣೈರಿಂದ್ರ॑ಸ್ಯ॒ ಕಾಮ್ಯೈಃ᳚ ||{1.1.12.3}, {1.6.8}, {1.2.3.8} |
| 59 | ಅತಃ॑ ಪರಿಜ್ಮ॒ನ್ನಾ ಗ॑ಹಿ ದಿ॒ವೋ ವಾ᳚ ರೋಚ॒ನಾದಧಿ॑ | ಸಮ॑ಸ್ಮಿನ್ನೃಂಜತೇ॒ ಗಿರಃ॑ ||{1.1.12.4}, {1.6.9}, {1.2.3.9} |
| 60 | ಇ॒ತೋ ವಾ᳚ ಸಾ॒ತಿಮೀಮ॑ಹೇ ದಿ॒ವೋ ವಾ॒ ಪಾರ್ಥಿ॑ವಾ॒ದಧಿ॑ | ಇಂದ್ರಂ᳚ ಮ॒ಹೋ ವಾ॒ ರಜ॑ಸಃ ||{1.1.12.5}, {1.6.10}, {1.2.3.10} |
| [7] (1-10) ಇಂದ್ರಮಿದಿತಿ ದಶರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ | ಇಂದ್ರೋ ದೇವತಾ | ಗಾಯತ್ರೀ ಛಂದಃ || | |
| 61 | ಇಂದ್ರ॒ಮಿದ್ಗಾ॒ಥಿನೋ᳚ ಬೃ॒ಹದಿಂದ್ರ॑ಮ॒ರ್ಕೇಭಿ॑ರ॒ರ್ಕಿಣಃ॑ | ಇಂದ್ರಂ॒ ವಾಣೀ᳚ರನೂಷತ ||{1.1.13.1}, {1.7.1}, {1.2.4.1} |
| 62 | ಇಂದ್ರ॒ ಇದ್ಧರ್ಯೋಃ॒ ಸಚಾ॒ ಸಮ್ಮಿ॑ಶ್ಲ॒ ಆ ವ॑ಚೋ॒ಯುಜಾ᳚ | ಇಂದ್ರೋ᳚ ವ॒ಜ್ರೀ ಹಿ॑ರ॒ಣ್ಯಯಃ॑ ||{1.1.13.2}, {1.7.2}, {1.2.4.2} |
| 63 | ಇಂದ್ರೋ᳚ ದೀ॒ರ್ಘಾಯ॒ ಚಕ್ಷ॑ಸ॒ ಆ ಸೂರ್ಯಂ᳚ ರೋಹಯದ್ದಿ॒ವಿ | ವಿ ಗೋಭಿ॒ರದ್ರಿ॑ಮೈರಯತ್ ||{1.1.13.3}, {1.7.3}, {1.2.4.3} |
| 64 | ಇಂದ್ರ॒ ವಾಜೇ᳚ಷು ನೋವ ಸ॒ಹಸ್ರ॑ಪ್ರಧನೇಷು ಚ | ಉ॒ಗ್ರ ಉ॒ಗ್ರಾಭಿ॑ರೂ॒ತಿಭಿಃ॑ ||{1.1.13.4}, {1.7.4}, {1.2.4.4} |
| 65 | ಇಂದ್ರಂ᳚ ವ॒ಯಂ ಮ॑ಹಾಧ॒ನ ಇಂದ್ರ॒ಮರ್ಭೇ᳚ ಹವಾಮಹೇ | ಯುಜಂ᳚ ವೃ॒ತ್ರೇಷು॑ ವ॒ಜ್ರಿಣಂ᳚ ||{1.1.13.5}, {1.7.5}, {1.2.4.5} |
| 66 | ಸ ನೋ᳚ ವೃಷನ್ನ॒ಮುಂ ಚ॒ರುಂ ಸತ್ರಾ᳚ದಾವ॒ನ್ನಪಾ᳚ ವೃಧಿ | ಅ॒ಸ್ಮಭ್ಯ॒ಮಪ್ರ॑ತಿಷ್ಕುತಃ ||{1.1.14.1}, {1.7.6}, {1.2.4.6} |
| 67 | ತುಂ॒ಜೇತುಂ᳚ಜೇ॒ ಯ ಉತ್ತ॑ರೇ॒ ಸ್ತೋಮಾ॒ ಇಂದ್ರ॑ಸ್ಯ ವ॒ಜ್ರಿಣಃ॑ | ನ ವಿಂ᳚ಧೇ ಅಸ್ಯ ಸುಷ್ಟು॒ತಿಂ ||{1.1.14.2}, {1.7.7}, {1.2.4.7} |
| 68 | ವೃಷಾ᳚ ಯೂ॒ಥೇವ॒ ವಂಸ॑ಗಃ ಕೃ॒ಷ್ಟೀರಿ॑ಯ॒ರ್ತ್ಯೋಜ॑ಸಾ | ಈಶಾ᳚ನೋ॒ ಅಪ್ರ॑ತಿಷ್ಕುತಃ ||{1.1.14.3}, {1.7.8}, {1.2.4.8} |
| 69 | ಯ ಏಕ॑ಶ್ಚರ್ಷಣೀ॒ನಾಂ ವಸೂ᳚ನಾಮಿರ॒ಜ್ಯತಿ॑ | ಇಂದ್ರಃ॒ ಪಂಚ॑ ಕ್ಷಿತೀ॒ನಾಂ ||{1.1.14.4}, {1.7.9}, {1.2.4.9} |
| 70 | ಇಂದ್ರಂ᳚ ವೋ ವಿ॒ಶ್ವತ॒ಸ್ಪರಿ॒ ಹವಾ᳚ಮಹೇ॒ ಜನೇ᳚ಭ್ಯಃ | ಅ॒ಸ್ಮಾಕ॑ಮಸ್ತು॒ ಕೇವ॑ಲಃ ||{1.1.14.5}, {1.7.10}, {1.2.4.10} |
| [8] (1-10) ಏಂದ್ರಸಾನಸಿಮಿತಿ ದಶರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ | ಇಂದ್ರೋ ದೇವತಾ | ಗಾಯತ್ರೀ ಛಂದಃ || | |
| 71 | ಏಂದ್ರ॑ ಸಾನ॒ಸಿಂ ರ॒ಯಿಂ ಸ॒ಜಿತ್ವಾ᳚ನಂ ಸದಾ॒ಸಹಂ᳚ | ವರ್ಷಿ॑ಷ್ಠಮೂ॒ತಯೇ᳚ ಭರ ||{1.1.15.1}, {1.8.1}, {1.3.1.1} |
| 72 | ನಿ ಯೇನ॑ ಮುಷ್ಟಿಹ॒ತ್ಯಯಾ॒ ನಿ ವೃ॒ತ್ರಾ ರು॒ಣಧಾ᳚ಮಹೈ | ತ್ವೋತಾ᳚ಸೋ॒ ನ್ಯರ್ವ॑ತಾ ||{1.1.15.2}, {1.8.2}, {1.3.1.2} |
| 73 | ಇಂದ್ರ॒ ತ್ವೋತಾ᳚ಸ॒ ಆ ವ॒ಯಂ ವಜ್ರಂ᳚ ಘ॒ನಾ ದ॑ದೀಮಹಿ | ಜಯೇ᳚ಮ॒ ಸಂ ಯು॒ಧಿ ಸ್ಪೃಧಃ॑ ||{1.1.15.3}, {1.8.3}, {1.3.1.3} |
| 74 | ವ॒ಯಂ ಶೂರೇ᳚ಭಿ॒ರಸ್ತೃ॑ಭಿ॒ರಿಂದ್ರ॒ ತ್ವಯಾ᳚ ಯು॒ಜಾ ವ॒ಯಂ | ಸಾ॒ಸ॒ಹ್ಯಾಮ॑ ಪೃತನ್ಯ॒ತಃ ||{1.1.15.4}, {1.8.4}, {1.3.1.4} |
| 75 | ಮ॒ಹಾಁ ಇಂದ್ರಃ॑ ಪ॒ರಶ್ಚ॒ ನು ಮ॑ಹಿ॒ತ್ವಮ॑ಸ್ತು ವ॒ಜ್ರಿಣೇ᳚ | ದ್ಯೌರ್ನ ಪ್ರ॑ಥಿ॒ನಾ ಶವಃ॑ ||{1.1.15.5}, {1.8.5}, {1.3.1.5} |
| 76 | ಸ॒ಮೋ॒ಹೇ ವಾ॒ ಯ ಆಶ॑ತ॒ ನರ॑ಸ್ತೋ॒ಕಸ್ಯ॒ ಸನಿ॑ತೌ | ವಿಪ್ರಾ᳚ಸೋ ವಾ ಧಿಯಾ॒ಯವಃ॑ ||{1.1.16.1}, {1.8.6}, {1.3.1.6} |
| 77 | ಯಃ ಕು॒ಕ್ಷಿಃ ಸೋ᳚ಮ॒ಪಾತ॑ಮಃ ಸಮು॒ದ್ರ ಇ॑ವ॒ ಪಿನ್ವ॑ತೇ | ಉ॒ರ್ವೀರಾಪೋ॒ ನ ಕಾ॒ಕುದಃ॑ ||{1.1.16.2}, {1.8.7}, {1.3.1.7} |
| 78 | ಏ॒ವಾ ಹ್ಯ॑ಸ್ಯ ಸೂ॒ನೃತಾ᳚ ವಿರ॒ಪ್ಶೀ ಗೋಮ॑ತೀ ಮ॒ಹೀ | ಪ॒ಕ್ವಾ ಶಾಖಾ॒ ನ ದಾ॒ಶುಷೇ᳚ ||{1.1.16.3}, {1.8.8}, {1.3.1.8} |
| 79 | ಏ॒ವಾ ಹಿ ತೇ॒ ವಿಭೂ᳚ತಯ ಊ॒ತಯ॑ ಇಂದ್ರ॒ ಮಾವ॑ತೇ | ಸ॒ದ್ಯಶ್ಚಿ॒ತ್ಸಂತಿ॑ ದಾ॒ಶುಷೇ᳚ ||{1.1.16.4}, {1.8.9}, {1.3.1.9} |
| 80 | ಏ॒ವಾ ಹ್ಯ॑ಸ್ಯ॒ ಕಾಮ್ಯಾ॒ ಸ್ತೋಮ॑ ಉ॒ಕ್ಥಂ ಚ॒ ಶಂಸ್ಯಾ᳚ | ಇಂದ್ರಾ᳚ಯ॒ ಸೋಮ॑ಪೀತಯೇ ||{1.1.16.5}, {1.8.10}, {1.3.1.10} |
| [9] (1-10) ಇಂದ್ರೇಹೀತಿ ದಶರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ | ಇಂದ್ರೋ ದೇವತಾ | ಗಾಯತ್ರೀ ಛಂದಃ || | |
| 81 | ಇಂದ್ರೇಹಿ॒ ಮತ್ಸ್ಯಂಧ॑ಸೋ॒ ವಿಶ್ವೇ᳚ಭಿಃ ಸೋಮ॒ಪರ್ವ॑ಭಿಃ | ಮ॒ಹಾಁ ಅ॑ಭಿ॒ಷ್ಟಿರೋಜ॑ಸಾ ||{1.1.17.1}, {1.9.1}, {1.3.2.1} |
| 82 | ಏಮೇ᳚ನಂ ಸೃಜತಾ ಸು॒ತೇ ಮಂ॒ದಿಮಿಂದ್ರಾ᳚ಯ ಮಂ॒ದಿನೇ᳚ | ಚಕ್ರಿಂ॒ ವಿಶ್ವಾ᳚ನಿ॒ ಚಕ್ರ॑ಯೇ ||{1.1.17.2}, {1.9.2}, {1.3.2.2} |
| 83 | ಮತ್ಸ್ವಾ᳚ ಸುಶಿಪ್ರ ಮಂ॒ದಿಭಿಃ॒ ಸ್ತೋಮೇ᳚ಭಿರ್ವಿಶ್ವಚರ್ಷಣೇ | ಸಚೈ॒ಷು ಸವ॑ನೇ॒ಷ್ವಾ ||{1.1.17.3}, {1.9.3}, {1.3.2.3} |
| 84 | ಅಸೃ॑ಗ್ರಮಿಂದ್ರ ತೇ॒ ಗಿರಃ॒ ಪ್ರತಿ॒ ತ್ವಾಮುದ॑ಹಾಸತ | ಅಜೋ᳚ಷಾ ವೃಷ॒ಭಂ ಪತಿಂ᳚ ||{1.1.17.4}, {1.9.4}, {1.3.2.4} |
| 85 | ಸಂ ಚೋ᳚ದಯ ಚಿ॒ತ್ರಮ॒ರ್ವಾಗ್ರಾಧ॑ ಇಂದ್ರ॒ ವರೇ᳚ಣ್ಯಂ | ಅಸ॒ದಿತ್ತೇ᳚ ವಿ॒ಭು ಪ್ರ॒ಭು ||{1.1.17.5}, {1.9.5}, {1.3.2.5} |
| 86 | ಅ॒ಸ್ಮಾನ್ಸು ತತ್ರ॑ ಚೋದ॒ಯೇಂದ್ರ॑ ರಾ॒ಯೇ ರಭ॑ಸ್ವತಃ | ತುವಿ॑ದ್ಯುಮ್ನ॒ ಯಶ॑ಸ್ವತಃ ||{1.1.18.1}, {1.9.6}, {1.3.2.6} |
| 87 | ಸಂ ಗೋಮ॑ದಿಂದ್ರ॒ ವಾಜ॑ವದ॒ಸ್ಮೇ ಪೃ॒ಥು ಶ್ರವೋ᳚ ಬೃ॒ಹತ್ | ವಿ॒ಶ್ವಾಯು॑ರ್ಧೇ॒ಹ್ಯಕ್ಷಿ॑ತಂ ||{1.1.18.2}, {1.9.7}, {1.3.2.7} |
| 88 | ಅ॒ಸ್ಮೇ ಧೇ᳚ಹಿ॒ ಶ್ರವೋ᳚ ಬೃ॒ಹದ್ದ್ಯು॒ಮ್ನಂ ಸ॑ಹಸ್ರ॒ಸಾತ॑ಮಂ | ಇಂದ್ರ॒ ತಾ ರ॒ಥಿನೀ॒ರಿಷಃ॑ ||{1.1.18.3}, {1.9.8}, {1.3.2.8} |
| 89 | ವಸೋ॒ರಿಂದ್ರಂ॒ ವಸು॑ಪತಿಂ ಗೀ॒ರ್ಭಿರ್ಗೃ॒ಣಂತ॑ ಋ॒ಗ್ಮಿಯಂ᳚ | ಹೋಮ॒ ಗಂತಾ᳚ರಮೂ॒ತಯೇ᳚ ||{1.1.18.4}, {1.9.9}, {1.3.2.9} |
| 90 | ಸು॒ತೇಸು॑ತೇ॒ ನ್ಯೋ᳚ಕಸೇ ಬೃ॒ಹದ್ಬೃ॑ಹ॒ತ ಏದ॒ರಿಃ | ಇಂದ್ರಾ᳚ಯ ಶೂ॒ಷಮ॑ರ್ಚತಿ ||{1.1.18.5}, {1.9.10}, {1.3.2.10} |
| [10] (1-12) ಗಾಯಂತೀತಿ ದ್ವಾದಶರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ಮಧುಚ್ಛಂದಾ ಋಷಿಃ | ಇಂದ್ರೋ ದೇವತಾ | ಅನುಷ್ಟುಪ್ ಛಂದಃ || | |
| 91 | ಗಾಯಂ᳚ತಿ ತ್ವಾ ಗಾಯ॒ತ್ರಿಣೋಽರ್ಚಂ᳚ತ್ಯ॒ರ್ಕಮ॒ರ್ಕಿಣಃ॑ | ಬ್ರ॒ಹ್ಮಾಣ॑ಸ್ತ್ವಾ ಶತಕ್ರತ॒ ಉದ್ವಂ॒ಶಮಿ॑ವ ಯೇಮಿರೇ ||{1.1.19.1}, {1.10.1}, {1.3.3.1} |
| 92 | ಯತ್ಸಾನೋಃ॒ ಸಾನು॒ಮಾರು॑ಹ॒ದ್ಭೂರ್ಯಸ್ಪ॑ಷ್ಟ॒ ಕರ್ತ್ವಂ᳚ | ತದಿಂದ್ರೋ॒ ಅರ್ಥಂ᳚ ಚೇತತಿ ಯೂ॒ಥೇನ॑ ವೃ॒ಷ್ಣಿರೇ᳚ಜತಿ ||{1.1.19.2}, {1.10.2}, {1.3.3.2} |
| 93 | ಯು॒ಕ್ಷ್ವಾ ಹಿ ಕೇ॒ಶಿನಾ॒ ಹರೀ॒ ವೃಷ॑ಣಾ ಕಕ್ಷ್ಯ॒ಪ್ರಾ | ಅಥಾ᳚ ನ ಇಂದ್ರ ಸೋಮಪಾ ಗಿ॒ರಾಮುಪ॑ಶ್ರುತಿಂ ಚರ ||{1.1.19.3}, {1.10.3}, {1.3.3.3} |
| 94 | ಏಹಿ॒ ಸ್ತೋಮಾಁ᳚ ಅ॒ಭಿ ಸ್ವ॑ರಾ॒ಭಿ ಗೃ॑ಣೀ॒ಹ್ಯಾ ರು॑ವ | ಬ್ರಹ್ಮ॑ ಚ ನೋ ವಸೋ॒ ಸಚೇಂದ್ರ॑ ಯ॒ಜ್ಞಂ ಚ॑ ವರ್ಧಯ ||{1.1.19.4}, {1.10.4}, {1.3.3.4} |
| 95 | ಉ॒ಕ್ಥಮಿಂದ್ರಾ᳚ಯ॒ ಶಂಸ್ಯಂ॒ ವರ್ಧ॑ನಂ ಪುರುನಿ॒ಷ್ಷಿಧೇ᳚ | ಶ॒ಕ್ರೋ ಯಥಾ᳚ ಸು॒ತೇಷು॑ ಣೋ ರಾ॒ರಣ॑ತ್ಸ॒ಖ್ಯೇಷು॑ ಚ ||{1.1.19.5}, {1.10.5}, {1.3.3.5} |
| 96 | ತಮಿತ್ಸ॑ಖಿ॒ತ್ವ ಈ᳚ಮಹೇ॒ ತಂ ರಾ॒ಯೇ ತಂ ಸು॒ವೀರ್ಯೇ᳚ | ಸ ಶ॒ಕ್ರ ಉ॒ತ ನಃ॑ ಶಕ॒ದಿಂದ್ರೋ॒ ವಸು॒ ದಯ॑ಮಾನಃ ||{1.1.19.6}, {1.10.6}, {1.3.3.6} |
| 97 | ಸು॒ವಿ॒ವೃತಂ᳚ ಸುನಿ॒ರಜ॒ಮಿಂದ್ರ॒ ತ್ವಾದಾ᳚ತ॒ಮಿದ್ಯಶಃ॑ | ಗವಾ॒ಮಪ᳚ ವ್ರ॒ಜಂ ವೃ॑ಧಿ ಕೃಣು॒ಷ್ವ ರಾಧೋ᳚ ಅದ್ರಿವಃ ||{1.1.20.1}, {1.10.7}, {1.3.3.7} |
| 98 | ನ॒ಹಿ ತ್ವಾ॒ ರೋದ॑ಸೀ ಉ॒ಭೇ ಋ॑ಘಾ॒ಯಮಾ᳚ಣ॒ಮಿನ್ವ॑ತಃ | ಜೇಷಃ॒ ಸ್ವ᳚ರ್ವತೀರ॒ಪಃ ಸಂ ಗಾ ಅ॒ಸ್ಮಭ್ಯಂ᳚ ಧೂನುಹಿ ||{1.1.20.2}, {1.10.8}, {1.3.3.8} |
| 99 | ಆಶ್ರು॑ತ್ಕರ್ಣ ಶ್ರು॒ಧೀ ಹವಂ॒ ನೂ ಚಿ॑ದ್ದಧಿಷ್ವ ಮೇ॒ ಗಿರಃ॑ | ಇಂದ್ರ॒ ಸ್ತೋಮ॑ಮಿ॒ಮಂ ಮಮ॑ ಕೃ॒ಷ್ವಾ ಯು॒ಜಶ್ಚಿ॒ದಂತ॑ರಂ ||{1.1.20.3}, {1.10.9}, {1.3.3.9} |
| 100 | ವಿ॒ದ್ಮಾ ಹಿ ತ್ವಾ॒ ವೃಷಂ᳚ತಮಂ॒ ವಾಜೇ᳚ಷು ಹವನ॒ಶ್ರುತಂ᳚ | ವೃಷಂ᳚ತಮಸ್ಯ ಹೂಮಹ ಊ॒ತಿಂ ಸ॑ಹಸ್ರ॒ಸಾತ॑ಮಾಂ ||{1.1.20.4}, {1.10.10}, {1.3.3.10} |
| 101 | ಆ ತೂ ನ॑ ಇಂದ್ರ ಕೌಶಿಕ ಮಂದಸಾ॒ನಃ ಸು॒ತಂ ಪಿ॑ಬ | ನವ್ಯ॒ಮಾಯುಃ॒ ಪ್ರ ಸೂ ತಿ॑ರ ಕೃ॒ಧೀ ಸ॑ಹಸ್ರ॒ಸಾಮೃಷಿಂ᳚ ||{1.1.20.5}, {1.10.11}, {1.3.3.11} |
| 102 | ಪರಿ॑ ತ್ವಾ ಗಿರ್ವಣೋ॒ ಗಿರ॑ ಇ॒ಮಾ ಭ॑ವಂತು ವಿ॒ಶ್ವತಃ॑ | ವೃ॒ದ್ಧಾಯು॒ಮನು॒ ವೃದ್ಧ॑ಯೋ॒ ಜುಷ್ಟಾ᳚ ಭವಂತು॒ ಜುಷ್ಟ॑ಯಃ ||{1.1.20.6}, {1.10.12}, {1.3.3.12} |
| [11] (1-8) ಇಂದ್ರಂವಿಶ್ವಾ ಇತಿ ಅಷ್ಟರ್ಚಸ್ಯ ಸೂಕ್ತಸ್ಯ ಮಾಧುಚ್ಛಂದಸೋ ಜೇತಾ ಋಷಿಃ | ಇಂದ್ರೋ ದೇವತಾ | ಅನುಷ್ಟುಪ್ ಛಂದಃ || | |
| 103 | ಇಂದ್ರಂ॒ ವಿಶ್ವಾ᳚ ಅವೀವೃಧನ್ಸಮು॒ದ್ರವ್ಯ॑ಚಸಂ॒ ಗಿರಃ॑ | ರ॒ಥೀತ॑ಮಂ ರ॒ಥೀನಾಂ॒ ವಾಜಾ᳚ನಾಂ॒ ಸತ್ಪ॑ತಿಂ॒ ಪತಿಂ᳚ ||{1.1.21.1}, {1.11.1}, {1.3.4.1} |
| 104 | ಸ॒ಖ್ಯೇ ತ॑ ಇಂದ್ರ ವಾ॒ಜಿನೋ॒ ಮಾ ಭೇ᳚ಮ ಶವಸಸ್ಪತೇ | ತ್ವಾಮ॒ಭಿ ಪ್ರ ಣೋ᳚ನುಮೋ॒ ಜೇತಾ᳚ರ॒ಮಪ॑ರಾಜಿತಂ ||{1.1.21.2}, {1.11.2}, {1.3.4.2} |
| 105 | ಪೂ॒ರ್ವೀರಿಂದ್ರ॑ಸ್ಯ ರಾ॒ತಯೋ॒ ನ ವಿ ದ॑ಸ್ಯಂತ್ಯೂ॒ತಯಃ॑ | ಯದೀ॒ ವಾಜ॑ಸ್ಯ॒ ಗೋಮ॑ತಃ ಸ್ತೋ॒ತೃಭ್ಯೋ॒ ಮಂಹ॑ತೇ ಮ॒ಘಂ ||{1.1.21.3}, {1.11.3}, {1.3.4.3} |
| 106 | ಪು॒ರಾಂ ಭಿಂ॒ದುರ್ಯುವಾ᳚ ಕ॒ವಿರಮಿ॑ತೌಜಾ ಅಜಾಯತ | ಇಂದ್ರೋ॒ ವಿಶ್ವ॑ಸ್ಯ॒ ಕರ್ಮ॑ಣೋ ಧ॒ರ್ತಾ ವ॒ಜ್ರೀ ಪು॑ರುಷ್ಟು॒ತಃ ||{1.1.21.4}, {1.11.4}, {1.3.4.4} |
| 107 | ತ್ವಂ ವ॒ಲಸ್ಯ॒ ಗೋಮ॒ತೋಽಪಾ᳚ವರದ್ರಿವೋ॒ ಬಿಲಂ᳚ | ತ್ವಾಂ ದೇ॒ವಾ ಅಬಿ॑ಭ್ಯುಷಸ್ತು॒ಜ್ಯಮಾ᳚ನಾಸ ಆವಿಷುಃ ||{1.1.21.5}, {1.11.5}, {1.3.4.5} |
| 108 | ತವಾ॒ಹಂ ಶೂ᳚ರ ರಾ॒ತಿಭಿಃ॒ ಪ್ರತ್ಯಾ᳚ಯಂ॒ ಸಿಂಧು॑ಮಾ॒ವದ॑ನ್ | ಉಪಾ᳚ತಿಷ್ಠಂತ ಗಿರ್ವಣೋ ವಿ॒ದುಷ್ಟೇ॒ ತಸ್ಯ॑ ಕಾ॒ರವಃ॑ ||{1.1.21.6}, {1.11.6}, {1.3.4.6} |
| 109 | ಮಾ॒ಯಾಭಿ॑ರಿಂದ್ರ ಮಾ॒ಯಿನಂ॒ ತ್ವಂ ಶುಷ್ಣ॒ಮವಾ᳚ತಿರಃ | ವಿ॒ದುಷ್ಟೇ॒ ತಸ್ಯ॒ ಮೇಧಿ॑ರಾ॒ಸ್ತೇಷಾಂ॒ ಶ್ರವಾಂ॒ಸ್ಯುತ್ತಿ॑ರ ||{1.1.21.7}, {1.11.7}, {1.3.4.7} |
| 110 | ಇಂದ್ರ॒ಮೀಶಾ᳚ನ॒ಮೋಜ॑ಸಾ॒ಭಿ ಸ್ತೋಮಾ᳚ ಅನೂಷತ | ಸ॒ಹಸ್ರಂ॒ ಯಸ್ಯ॑ ರಾ॒ತಯ॑ ಉ॒ತ ವಾ॒ ಸಂತಿ॒ ಭೂಯ॑ಸೀಃ ||{1.1.21.8}, {1.11.8}, {1.3.4.8} |
| [12] (1-12) ಅಗ್ನಿಂದೂತಮಿತಿ ದ್ವಾದಶರ್ಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | ಅಗ್ನಿರ್ದೇವತಾ, ತತ್ರಾಪಿ (6) ಷಷ್ಠ್ಯಾ ಋಚ ಆದ್ಯಪಾದಸ್ಯ ನಿರ್ಮಥ್ಯಾಹವನೀಯಾವಗ್ನೀ ದೇವತೇ | ಗಾಯತ್ರೀ ಛಂದಃ || | |
| 111 | ಅ॒ಗ್ನಿಂ ದೂ॒ತಂ ವೃ॑ಣೀಮಹೇ॒ ಹೋತಾ᳚ರಂ ವಿ॒ಶ್ವವೇ᳚ದಸಂ | ಅ॒ಸ್ಯ ಯ॒ಜ್ಞಸ್ಯ॑ ಸು॒ಕ್ರತುಂ᳚ ||{1.1.22.1}, {1.12.1}, {1.4.1.1} |
| 112 | ಅ॒ಗ್ನಿಮ॑ಗ್ನಿಂ॒ ಹವೀ᳚ಮಭಿಃ॒ ಸದಾ᳚ ಹವಂತ ವಿ॒ಶ್ಪತಿಂ᳚ | ಹ॒ವ್ಯ॒ವಾಹಂ᳚ ಪುರುಪ್ರಿ॒ಯಂ ||{1.1.22.2}, {1.12.2}, {1.4.1.2} |
| 113 | ಅಗ್ನೇ᳚ ದೇ॒ವಾಁ ಇ॒ಹಾ ವ॑ಹ ಜಜ್ಞಾ॒ನೋ ವೃ॒ಕ್ತಬ॑ರ್ಹಿಷೇ | ಅಸಿ॒ ಹೋತಾ᳚ ನ॒ ಈಡ್ಯಃ॑ ||{1.1.22.3}, {1.12.3}, {1.4.1.3} |
| 114 | ತಾಁ ಉ॑ಶ॒ತೋ ವಿ ಬೋ᳚ಧಯ॒ ಯದ॑ಗ್ನೇ॒ ಯಾಸಿ॑ ದೂ॒ತ್ಯಂ᳚ | ದೇ॒ವೈರಾ ಸ॑ತ್ಸಿ ಬ॒ರ್ಹಿಷಿ॑ ||{1.1.22.4}, {1.12.4}, {1.4.1.4} |
| 115 | ಘೃತಾ᳚ಹವನ ದೀದಿವಃ॒ ಪ್ರತಿ॑ ಷ್ಮ॒ ರಿಷ॑ತೋ ದಹ | ಅಗ್ನೇ॒ ತ್ವಂ ರ॑ಕ್ಷ॒ಸ್ವಿನಃ॑ ||{1.1.22.5}, {1.12.5}, {1.4.1.5} |
| 116 | ಅ॒ಗ್ನಿನಾ॒ಗ್ನಿಃ ಸಮಿ॑ಧ್ಯತೇ ಕ॒ವಿರ್ಗೃ॒ಹಪ॑ತಿ॒ರ್ಯುವಾ᳚ | ಹ॒ವ್ಯ॒ವಾಡ್ಜು॒ಹ್ವಾ᳚ಸ್ಯಃ ||{1.1.22.6}, {1.12.6}, {1.4.1.6} |
| 117 | ಕ॒ವಿಮ॒ಗ್ನಿಮುಪ॑ ಸ್ತುಹಿ ಸ॒ತ್ಯಧ᳚ರ್ಮಾಣಮಧ್ವ॒ರೇ | ದೇ॒ವಮ॑ಮೀವ॒ಚಾತ॑ನಂ ||{1.1.23.1}, {1.12.7}, {1.4.1.7} |
| 118 | ಯಸ್ತ್ವಾಮ॑ಗ್ನೇ ಹ॒ವಿಷ್ಪ॑ತಿರ್ದೂ॒ತಂ ದೇ᳚ವ ಸಪ॒ರ್ಯತಿ॑ | ತಸ್ಯ॑ ಸ್ಮ ಪ್ರಾವಿ॒ತಾ ಭ॑ವ ||{1.1.23.2}, {1.12.8}, {1.4.1.8} |
| 119 | ಯೋ ಅ॒ಗ್ನಿಂ ದೇ॒ವವೀ᳚ತಯೇ ಹ॒ವಿಷ್ಮಾಁ᳚ ಆ॒ವಿವಾ᳚ಸತಿ | ತಸ್ಮೈ᳚ ಪಾವಕ ಮೃಳಯ ||{1.1.23.3}, {1.12.9}, {1.4.1.9} |
| 120 | ಸ ನಃ॑ ಪಾವಕ ದೀದಿ॒ವೋಽಗ್ನೇ᳚ ದೇ॒ವಾಁ ಇ॒ಹಾ ವ॑ಹ | ಉಪ॑ ಯ॒ಜ್ಞಂ ಹ॒ವಿಶ್ಚ॑ ನಃ ||{1.1.23.4}, {1.12.10}, {1.4.1.10} |
| 121 | ಸ ನಃ॒ ಸ್ತವಾ᳚ನ॒ ಆ ಭ॑ರ ಗಾಯ॒ತ್ರೇಣ॒ ನವೀ᳚ಯಸಾ | ರ॒ಯಿಂ ವೀ॒ರವ॑ತೀ॒ಮಿಷಂ᳚ ||{1.1.23.5}, {1.12.11}, {1.4.1.11} |
| 122 | ಅಗ್ನೇ᳚ ಶು॒ಕ್ರೇಣ॑ ಶೋ॒ಚಿಷಾ॒ ವಿಶ್ವಾ᳚ಭಿರ್ದೇ॒ವಹೂ᳚ತಿಭಿಃ | ಇ॒ಮಂ ಸ್ತೋಮಂ᳚ ಜುಷಸ್ವ ನಃ ||{1.1.23.6}, {1.12.12}, {1.4.1.12} |
| [13] (1-12) ಸುಸಮಿದ್ಧ ಇತಿ ದ್ವಾದಶರ್ಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | (1) ಆದ್ಯಾಯಾ ಋಚ ಇಧ್ಮಃ ಸಮಿದ್ಧೋ ವಾಗ್ನಿಃ (2) ದ್ವಿತೀಯಾಯಾಸ್ತನೂನಪಾತ್ (3) ತೃತೀಯಾಯಾ ನರಾಶಂಸಃ (4) ಚತುರ್ಥ್ಯಾ ಇಳಃ (5) ಪಂಚಮ್ಯಾ ಬರ್ಹಿಃ (6) ಷಷ್ಠ್ಯಾ ದೇವೀರ್ದ್ವಾರಃ (7) ಸಪ್ತಮ್ಯಾ ಉಷಾಸಾನಕ್ತಾ (8) ಅಷ್ಟಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ (9) ನವಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ (10) ದಶಮ್ಯಾಸ್ತ್ವಷ್ಟಾ (11) ಏಕಾದಶ್ಯಾ ವನಸ್ಪತಿಃ (12) ದ್ವಾದಶ್ಯಾಶ್ಚ ಸ್ವಾಹಾಕೃತಯೋಽಗ್ನಿರೂಪಾ ದೇವತಾಃ | ಗಾಯತ್ರೀ ಛಂದಃ (ಏತದಾಪ್ರೀಸೂಕ್ತಂ) || | |
| 123 | ಸುಸ॑ಮಿದ್ಧೋ ನ॒ ಆ ವ॑ಹ ದೇ॒ವಾಁ ಅ॑ಗ್ನೇ ಹ॒ವಿಷ್ಮ॑ತೇ | ಹೋತಃ॑ ಪಾವಕ॒ ಯಕ್ಷಿ॑ ಚ ||{1.1.24.1}, {1.13.1}, {1.4.2.1} |
| 124 | ಮಧು॑ಮಂತಂ ತನೂನಪಾದ್ಯ॒ಜ್ಞಂ ದೇ॒ವೇಷು॑ ನಃ ಕವೇ | ಅ॒ದ್ಯಾ ಕೃ॑ಣುಹಿ ವೀ॒ತಯೇ᳚ ||{1.1.24.2}, {1.13.2}, {1.4.2.2} |
| 125 | ನರಾ॒ಶಂಸ॑ಮಿ॒ಹ ಪ್ರಿ॒ಯಮ॒ಸ್ಮಿನ್ಯ॒ಜ್ಞ ಉಪ॑ ಹ್ವಯೇ | ಮಧು॑ಜಿಹ್ವಂ ಹವಿ॒ಷ್ಕೃತಂ᳚ ||{1.1.24.3}, {1.13.3}, {1.4.2.3} |
| 126 | ಅಗ್ನೇ᳚ ಸು॒ಖತ॑ಮೇ॒ ರಥೇ᳚ ದೇ॒ವಾಁ ಈ᳚ಳಿ॒ತ ಆ ವ॑ಹ | ಅಸಿ॒ ಹೋತಾ॒ ಮನು॑ರ್ಹಿತಃ ||{1.1.24.4}, {1.13.4}, {1.4.2.4} |
| 127 | ಸ್ತೃ॒ಣೀ॒ತ ಬ॒ರ್ಹಿರಾ᳚ನು॒ಷಗ್ಘೃ॒ತಪೃ॑ಷ್ಠಂ ಮನೀಷಿಣಃ | ಯತ್ರಾ॒ಮೃತ॑ಸ್ಯ॒ ಚಕ್ಷ॑ಣಂ ||{1.1.24.5}, {1.13.5}, {1.4.2.5} |
| 128 | ವಿ ಶ್ರ॑ಯಂತಾಮೃತಾ॒ವೃಧೋ॒ ದ್ವಾರೋ᳚ ದೇ॒ವೀರ॑ಸ॒ಶ್ಚತಃ॑ | ಅ॒ದ್ಯಾ ನೂ॒ನಂ ಚ॒ ಯಷ್ಟ॑ವೇ ||{1.1.24.6}, {1.13.6}, {1.4.2.6} |
| 129 | ನಕ್ತೋ॒ಷಾಸಾ᳚ ಸು॒ಪೇಶ॑ಸಾ॒ಸ್ಮಿನ್ಯ॒ಜ್ಞ ಉಪ॑ ಹ್ವಯೇ | ಇ॒ದಂ ನೋ᳚ ಬ॒ರ್ಹಿರಾ॒ಸದೇ᳚ ||{1.1.25.1}, {1.13.7}, {1.4.2.7} |
| 130 | ತಾ ಸು॑ಜಿ॒ಹ್ವಾ ಉಪ॑ ಹ್ವಯೇ॒ ಹೋತಾ᳚ರಾ॒ ದೈವ್ಯಾ᳚ ಕ॒ವೀ | ಯ॒ಜ್ಞಂ ನೋ᳚ ಯಕ್ಷತಾಮಿ॒ಮಂ ||{1.1.25.2}, {1.13.8}, {1.4.2.8} |
| 131 | ಇಳಾ॒ ಸರ॑ಸ್ವತೀ ಮ॒ಹೀ ತಿ॒ಸ್ರೋ ದೇ॒ವೀರ್ಮ॑ಯೋ॒ಭುವಃ॑ | ಬ॒ರ್ಹಿಃ ಸೀ᳚ದಂತ್ವ॒ಸ್ರಿಧಃ॑ ||{1.1.25.3}, {1.13.9}, {1.4.2.9} |
| 132 | ಇ॒ಹ ತ್ವಷ್ಟಾ᳚ರಮಗ್ರಿ॒ಯಂ ವಿ॒ಶ್ವರೂ᳚ಪ॒ಮುಪ॑ ಹ್ವಯೇ | ಅ॒ಸ್ಮಾಕ॑ಮಸ್ತು॒ ಕೇವ॑ಲಃ ||{1.1.25.4}, {1.13.10}, {1.4.2.10} |
| 133 | ಅವ॑ ಸೃಜಾ ವನಸ್ಪತೇ॒ ದೇವ॑ ದೇ॒ವೇಭ್ಯೋ᳚ ಹ॒ವಿಃ | ಪ್ರ ದಾ॒ತುರ॑ಸ್ತು॒ ಚೇತ॑ನಂ ||{1.1.25.5}, {1.13.11}, {1.4.2.11} |
| 134 | ಸ್ವಾಹಾ᳚ ಯ॒ಜ್ಞಂ ಕೃ॑ಣೋತ॒ನೇಂದ್ರಾ᳚ಯ॒ ಯಜ್ವ॑ನೋ ಗೃ॒ಹೇ | ತತ್ರ॑ ದೇ॒ವಾಁ ಉಪ॑ ಹ್ವಯೇ ||{1.1.25.6}, {1.13.12}, {1.4.2.12} |
| [14] (1-12) ಐಭಿರಗ್ನ ಇತಿ ದ್ವಾದಶರ್ಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | ವಿಶ್ವೇ ದೇವಾ ದೇವತಾಃ | ಗಾಯತ್ರೀ ಛಂದಃ || | |
| 135 | ಐಭಿ॑ರಗ್ನೇ॒ ದುವೋ॒ ಗಿರೋ॒ ವಿಶ್ವೇ᳚ಭಿಃ॒ ಸೋಮ॑ಪೀತಯೇ | ದೇ॒ವೇಭಿ᳚ರ್ಯಾಹಿ॒ ಯಕ್ಷಿ॑ ಚ ||{1.1.26.1}, {1.14.1}, {1.4.3.1} |
| 136 | ಆ ತ್ವಾ॒ ಕಣ್ವಾ᳚ ಅಹೂಷತ ಗೃ॒ಣಂತಿ॑ ವಿಪ್ರ ತೇ॒ ಧಿಯಃ॑ | ದೇ॒ವೇಭಿ॑ರಗ್ನ॒ ಆ ಗ॑ಹಿ ||{1.1.26.2}, {1.14.2}, {1.4.3.2} |
| 137 | ಇಂ॒ದ್ರ॒ವಾ॒ಯೂ ಬೃಹ॒ಸ್ಪತಿಂ᳚ ಮಿ॒ತ್ರಾಗ್ನಿಂ ಪೂ॒ಷಣಂ॒ ಭಗಂ᳚ | ಆ॒ದಿ॒ತ್ಯಾನ್ಮಾರು॑ತಂ ಗ॒ಣಂ ||{1.1.26.3}, {1.14.3}, {1.4.3.3} |
| 138 | ಪ್ರ ವೋ᳚ ಭ್ರಿಯಂತ॒ ಇಂದ॑ವೋ ಮತ್ಸ॒ರಾ ಮಾ᳚ದಯಿ॒ಷ್ಣವಃ॑ | ದ್ರ॒ಪ್ಸಾ ಮಧ್ವ॑ಶ್ಚಮೂ॒ಷದಃ॑ ||{1.1.26.4}, {1.14.4}, {1.4.3.4} |
| 139 | ಈಳ॑ತೇ॒ ತ್ವಾಮ॑ವ॒ಸ್ಯವಃ॒ ಕಣ್ವಾ᳚ಸೋ ವೃ॒ಕ್ತಬ॑ರ್ಹಿಷಃ | ಹ॒ವಿಷ್ಮಂ᳚ತೋ ಅರಂ॒ಕೃತಃ॑ ||{1.1.26.5}, {1.14.5}, {1.4.3.5} |
| 140 | ಘೃ॒ತಪೃ॑ಷ್ಠಾ ಮನೋ॒ಯುಜೋ॒ ಯೇ ತ್ವಾ॒ ವಹಂ᳚ತಿ॒ ವಹ್ನ॑ಯಃ | ಆ ದೇ॒ವಾನ್ಸೋಮ॑ಪೀತಯೇ ||{1.1.26.6}, {1.14.6}, {1.4.3.6} |
| 141 | ತಾನ್ಯಜ॑ತ್ರಾಁ ಋತಾ॒ವೃಧೋಽಗ್ನೇ॒ ಪತ್ನೀ᳚ವತಸ್ಕೃಧಿ | ಮಧ್ವಃ॑ ಸುಜಿಹ್ವ ಪಾಯಯ ||{1.1.27.1}, {1.14.7}, {1.4.3.7} |
| 142 | ಯೇ ಯಜ॑ತ್ರಾ॒ ಯ ಈಡ್ಯಾ॒ಸ್ತೇ ತೇ᳚ ಪಿಬಂತು ಜಿ॒ಹ್ವಯಾ᳚ | ಮಧೋ᳚ರಗ್ನೇ॒ ವಷ॑ಟ್ಕೃತಿ ||{1.1.27.2}, {1.14.8}, {1.4.3.8} |
| 143 | ಆಕೀಂ॒ ಸೂರ್ಯ॑ಸ್ಯ ರೋಚ॒ನಾದ್ವಿಶ್ವಾ᳚ನ್‌ದೇ॒ವಾಁ ಉ॑ಷ॒ರ್ಬುಧಃ॑ | ವಿಪ್ರೋ॒ ಹೋತೇ॒ಹ ವ॑ಕ್ಷತಿ ||{1.1.27.3}, {1.14.9}, {1.4.3.9} |
| 144 | ವಿಶ್ವೇ᳚ಭಿಃ ಸೋ॒ಮ್ಯಂ ಮಧ್ವಗ್ನ॒ ಇಂದ್ರೇ᳚ಣ ವಾ॒ಯುನಾ᳚ | ಪಿಬಾ᳚ ಮಿ॒ತ್ರಸ್ಯ॒ ಧಾಮ॑ಭಿಃ ||{1.1.27.4}, {1.14.10}, {1.4.3.10} |
| 145 | ತ್ವಂ ಹೋತಾ॒ ಮನು॑ರ್ಹಿ॒ತೋಽಗ್ನೇ᳚ ಯ॒ಜ್ಞೇಷು॑ ಸೀದಸಿ | ಸೇಮಂ ನೋ᳚ ಅಧ್ವ॒ರಂ ಯ॑ಜ ||{1.1.27.5}, {1.14.11}, {1.4.3.11} |
| 146 | ಯು॒ಕ್ಷ್ವಾ ಹ್ಯರು॑ಷೀ॒ ರಥೇ᳚ ಹ॒ರಿತೋ᳚ ದೇವ ರೋ॒ಹಿತಃ॑ | ತಾಭಿ᳚ರ್ದೇ॒ವಾಁ ಇ॒ಹಾ ವ॑ಹ ||{1.1.27.6}, {1.14.12}, {1.4.3.12} |
| [15] (1-12) ಇಂದ್ರಸೋಮಮಿತಿ ದ್ವಾದಶರ್ಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | (1) ಆದ್ಯಾಯಾ ಋಚ ಇಂದ್ರಃ (2) ದ್ವಿತೀಯಾಯಾ ಮರುತಃ (3) ತೃತೀಯಾಯಾಸ್ತ್ವಷ್ಟಾ (4) ಚತುರ್ಥ್ಯಾ ಅಗ್ನಿಃ (5) ಪಂಚಮ್ಯಾ ಇಂದ್ರಃ (6) ಷಷ್ಟ್ಯಾ ಮಿತ್ರಾವರುಣೌ (7-10) ಸಪ್ತಮೀತಶ್ಚತಸೃಣಾಂ ದ್ರವಿಣೋದಾ ಅಗ್ನಿಃ (11) ಏಕಾದಶ್ಯಾ ಅಶ್ವಿನೌ (12) ದ್ವಾದಶ್ಯಾಶ್ಚಾಗ್ನಿರ್ದೇವತಾಃ | (ಋತುದೇವತಾ ಏತಾಃ) ಗಾಯತ್ರೀ ಛಂದಃ || | |
| 147 | ಇಂದ್ರ॒ ಸೋಮಂ॒ ಪಿಬ॑ ಋ॒ತುನಾ ತ್ವಾ᳚ ವಿಶಂ॒ತ್ವಿಂದ॑ವಃ | ಮ॒ತ್ಸ॒ರಾಸ॒ಸ್ತದೋ᳚ಕಸಃ ||{1.1.28.1}, {1.15.1}, {1.4.4.1} |
| 148 | ಮರು॑ತಃ॒ ಪಿಬ॑ತ ಋ॒ತುನಾ᳚ ಪೋ॒ತ್ರಾದ್ಯ॒ಜ್ಞಂ ಪು॑ನೀತನ | ಯೂ॒ಯಂ ಹಿ ಷ್ಠಾ ಸು॑ದಾನವಃ ||{1.1.28.2}, {1.15.2}, {1.4.4.2} |
| 149 | ಅ॒ಭಿ ಯ॒ಜ್ಞಂ ಗೃ॑ಣೀಹಿ ನೋ॒ ಗ್ನಾವೋ॒ ನೇಷ್ಟಃ॒ ಪಿಬ॑ ಋ॒ತುನಾ᳚ | ತ್ವಂ ಹಿ ರ॑ತ್ನ॒ಧಾ ಅಸಿ॑ ||{1.1.28.3}, {1.15.3}, {1.4.4.3} |
| 150 | ಅಗ್ನೇ᳚ ದೇ॒ವಾಁ ಇ॒ಹಾ ವ॑ಹ ಸಾ॒ದಯಾ॒ ಯೋನಿ॑ಷು ತ್ರಿ॒ಷು | ಪರಿ॑ ಭೂಷ॒ ಪಿಬ॑ ಋ॒ತುನಾ᳚ ||{1.1.28.4}, {1.15.4}, {1.4.4.4} |
| 151 | ಬ್ರಾಹ್ಮ॑ಣಾದಿಂದ್ರ॒ ರಾಧ॑ಸಃ॒ ಪಿಬಾ॒ ಸೋಮ॑ಮೃ॒ತೂಁರನು॑ | ತವೇದ್ಧಿ ಸ॒ಖ್ಯಮಸ್ತೃ॑ತಂ ||{1.1.28.5}, {1.15.5}, {1.4.4.5} |
| 152 | ಯು॒ವಂ ದಕ್ಷಂ᳚ ಧೃತವ್ರತ॒ ಮಿತ್ರಾ᳚ವರುಣ ದೂ॒ಳಭಂ᳚ | ಋ॒ತುನಾ᳚ ಯ॒ಜ್ಞಮಾ᳚ಶಾಥೇ ||{1.1.28.6}, {1.15.6}, {1.4.4.6} |
| 153 | ದ್ರ॒ವಿ॒ಣೋ॒ದಾ ದ್ರವಿ॑ಣಸೋ॒ ಗ್ರಾವ॑ಹಸ್ತಾಸೋ ಅಧ್ವ॒ರೇ | ಯ॒ಜ್ಞೇಷು॑ ದೇ॒ವಮೀ᳚ಳತೇ ||{1.1.29.1}, {1.15.7}, {1.4.4.7} |
| 154 | ದ್ರ॒ವಿ॒ಣೋ॒ದಾ ದ॑ದಾತು ನೋ॒ ವಸೂ᳚ನಿ॒ ಯಾನಿ॑ ಶೃಣ್ವಿ॒ರೇ | ದೇ॒ವೇಷು॒ ತಾ ವ॑ನಾಮಹೇ ||{1.1.29.2}, {1.15.8}, {1.4.4.8} |
| 155 | ದ್ರ॒ವಿ॒ಣೋ॒ದಾಃ ಪಿ॑ಪೀಷತಿ ಜು॒ಹೋತ॒ ಪ್ರ ಚ॑ ತಿಷ್ಠತ | ನೇ॒ಷ್ಟ್ರಾದೃ॒ತುಭಿ॑ರಿಷ್ಯತ ||{1.1.29.3}, {1.15.9}, {1.4.4.9} |
| 156 | ಯತ್ತ್ವಾ᳚ ತು॒ರೀಯ॑ಮೃ॒ತುಭಿ॒ರ್ದ್ರವಿ॑ಣೋದೋ॒ ಯಜಾ᳚ಮಹೇ | ಅಧ॑ ಸ್ಮಾ ನೋ ದ॒ದಿರ್ಭ॑ವ ||{1.1.29.4}, {1.15.10}, {1.4.4.10} |
| 157 | ಅಶ್ವಿ॑ನಾ॒ ಪಿಬ॑ತಂ॒ ಮಧು॒ ದೀದ್ಯ॑ಗ್ನೀ ಶುಚಿವ್ರತಾ | ಋ॒ತುನಾ᳚ ಯಜ್ಞವಾಹಸಾ ||{1.1.29.5}, {1.15.11}, {1.4.4.11} |
| 158 | ಗಾರ್ಹ॑ಪತ್ಯೇನ ಸಂತ್ಯ ಋ॒ತುನಾ᳚ ಯಜ್ಞ॒ನೀರ॑ಸಿ | ದೇ॒ವಾಂದೇ᳚ವಯ॒ತೇ ಯ॑ಜ ||{1.1.29.6}, {1.15.12}, {1.4.4.12} |
| [16] (1-9) ಆತ್ವಾವಹಂತ್ವಿತಿ ನವರ್ಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | ಇಂದ್ರೋ ದೇವತಾ | ಗಾಯತ್ರೀ ಛಂದಃ || | |
| 159 | ಆ ತ್ವಾ᳚ ವಹಂತು॒ ಹರ॑ಯೋ॒ ವೃಷ॑ಣಂ॒ ಸೋಮ॑ಪೀತಯೇ | ಇಂದ್ರ॑ ತ್ವಾ॒ ಸೂರ॑ಚಕ್ಷಸಃ ||{1.1.30.1}, {1.16.1}, {1.4.5.1} |
| 160 | ಇ॒ಮಾ ಧಾ॒ನಾ ಘೃ॑ತ॒ಸ್ನುವೋ॒ ಹರೀ᳚ ಇ॒ಹೋಪ॑ ವಕ್ಷತಃ | ಇಂದ್ರಂ᳚ ಸು॒ಖತ॑ಮೇ॒ ರಥೇ᳚ ||{1.1.30.2}, {1.16.2}, {1.4.5.2} |
| 161 | ಇಂದ್ರಂ᳚ ಪ್ರಾ॒ತರ್ಹ॑ವಾಮಹ॒ ಇಂದ್ರಂ᳚ ಪ್ರಯ॒ತ್ಯ॑ಧ್ವ॒ರೇ | ಇಂದ್ರಂ॒ ಸೋಮ॑ಸ್ಯ ಪೀ॒ತಯೇ᳚ ||{1.1.30.3}, {1.16.3}, {1.4.5.3} |
| 162 | ಉಪ॑ ನಃ ಸು॒ತಮಾ ಗ॑ಹಿ॒ ಹರಿ॑ಭಿರಿಂದ್ರ ಕೇ॒ಶಿಭಿಃ॑ | ಸು॒ತೇ ಹಿ ತ್ವಾ॒ ಹವಾ᳚ಮಹೇ ||{1.1.30.4}, {1.16.4}, {1.4.5.4} |
| 163 | ಸೇಮಂ ನಃ॒ ಸ್ತೋಮ॒ಮಾ ಗ॒ಹ್ಯುಪೇ॒ದಂ ಸವ॑ನಂ ಸು॒ತಂ | ಗೌ॒ರೋ ನ ತೃ॑ಷಿ॒ತಃ ಪಿ॑ಬ ||{1.1.30.5}, {1.16.5}, {1.4.5.5} |
| 164 | ಇ॒ಮೇ ಸೋಮಾ᳚ಸ॒ ಇಂದ॑ವಃ ಸು॒ತಾಸೋ॒ ಅಧಿ॑ ಬ॒ರ್ಹಿಷಿ॑ | ತಾಁ ಇಂ᳚ದ್ರ॒ ಸಹ॑ಸೇ ಪಿಬ ||{1.1.31.1}, {1.16.6}, {1.4.5.6} |
| 165 | ಅ॒ಯಂ ತೇ॒ ಸ್ತೋಮೋ᳚ ಅಗ್ರಿ॒ಯೋ ಹೃ॑ದಿ॒ಸ್ಪೃಗ॑ಸ್ತು॒ ಶಂತ॑ಮಃ | ಅಥಾ॒ ಸೋಮಂ᳚ ಸು॒ತಂ ಪಿ॑ಬ ||{1.1.31.2}, {1.16.7}, {1.4.5.7} |
| 166 | ವಿಶ್ವ॒ಮಿತ್ಸವ॑ನಂ ಸು॒ತಮಿಂದ್ರೋ॒ ಮದಾ᳚ಯ ಗಚ್ಛತಿ | ವೃ॒ತ್ರ॒ಹಾ ಸೋಮ॑ಪೀತಯೇ ||{1.1.31.3}, {1.16.8}, {1.4.5.8} |
| 167 | ಸೇಮಂ ನಃ॒ ಕಾಮ॒ಮಾ ಪೃ॑ಣ॒ ಗೋಭಿ॒ರಶ್ವೈಃ᳚ ಶತಕ್ರತೋ | ಸ್ತವಾ᳚ಮ ತ್ವಾ ಸ್ವಾ॒ಧ್ಯಃ॑ ||{1.1.31.4}, {1.16.9}, {1.4.5.9} |
| [17] (1-9) ಇಂದ್ರಾವರುಣಯೋರಿತಿ ನವರ್ಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | ಇಂದ್ರಾವರುಣೋ ದೇವತೇ | (1-3, 6-9) ಪ್ರಥಮತೃಚಸ್ಯ ಷಷ್ಠ್ಯಾದಿಚತುರ್‌ಋಚಾಂಚ ಗಾಯತ್ರೀ (4-5) ಚತುರ್ಥೀಪಂಚಮ್ಯೋಶ್ಚ ಪಾದನಿಚ್ರತ್ (5) ಪಂಚಮ್ಯಾ ಹಸೀಯಸೀ ವಾ ಗಾಯತ್ರೀ ಛಂದಸೀ || | |
| 168 | ಇಂದ್ರಾ॒ವರು॑ಣಯೋರ॒ಹಂ ಸ॒ಮ್ರಾಜೋ॒ರವ॒ ಆ ವೃ॑ಣೇ | ತಾ ನೋ᳚ ಮೃಳಾತ ಈ॒ದೃಶೇ᳚ ||{1.1.32.1}, {1.17.1}, {1.4.6.1} |
| 169 | ಗಂತಾ᳚ರಾ॒ ಹಿ ಸ್ಥೋವ॑ಸೇ॒ ಹವಂ॒ ವಿಪ್ರ॑ಸ್ಯ॒ ಮಾವ॑ತಃ | ಧ॒ರ್ತಾರಾ᳚ ಚರ್ಷಣೀ॒ನಾಂ ||{1.1.32.2}, {1.17.2}, {1.4.6.2} |
| 170 | ಅ॒ನು॒ಕಾ॒ಮಂ ತ॑ರ್ಪಯೇಥಾ॒ಮಿಂದ್ರಾ᳚ವರುಣ ರಾ॒ಯ ಆ | ತಾ ವಾಂ॒ ನೇದಿ॑ಷ್ಠಮೀಮಹೇ ||{1.1.32.3}, {1.17.3}, {1.4.6.3} |
| 171 | ಯು॒ವಾಕು॒ ಹಿ ಶಚೀ᳚ನಾಂ ಯು॒ವಾಕು॑ ಸುಮತೀ॒ನಾಂ | ಭೂ॒ಯಾಮ॑ ವಾಜ॒ದಾವ್ನಾಂ᳚ ||{1.1.32.4}, {1.17.4}, {1.4.6.4} |
| 172 | ಇಂದ್ರಃ॑ ಸಹಸ್ರ॒ದಾವ್ನಾಂ॒ ವರು॑ಣಃ॒ ಶಂಸ್ಯಾ᳚ನಾಂ | ಕ್ರತು॑ರ್ಭವತ್ಯು॒ಕ್ಥ್ಯಃ॑ ||{1.1.32.5}, {1.17.5}, {1.4.6.5} |
| 173 | ತಯೋ॒ರಿದವ॑ಸಾ ವ॒ಯಂ ಸ॒ನೇಮ॒ ನಿ ಚ॑ ಧೀಮಹಿ | ಸ್ಯಾದು॒ತ ಪ್ರ॒ರೇಚ॑ನಂ ||{1.1.33.1}, {1.17.6}, {1.4.6.6} |
| 174 | ಇಂದ್ರಾ᳚ವರುಣ ವಾಮ॒ಹಂ ಹು॒ವೇ ಚಿ॒ತ್ರಾಯ॒ ರಾಧ॑ಸೇ | ಅ॒ಸ್ಮಾನ್ಸು ಜಿ॒ಗ್ಯುಷ॑ಸ್ಕೃತಂ ||{1.1.33.2}, {1.17.7}, {1.4.6.7} |
| 175 | ಇಂದ್ರಾ᳚ವರುಣ॒ ನೂ ನು ವಾಂ॒ ಸಿಷಾ᳚ಸಂತೀಷು ಧೀ॒ಷ್ವಾ | ಅ॒ಸ್ಮಭ್ಯಂ॒ ಶರ್ಮ॑ ಯಚ್ಛತಂ ||{1.1.33.3}, {1.17.8}, {1.4.6.8} |
| 176 | ಪ್ರ ವಾ᳚ಮಶ್ನೋತು ಸುಷ್ಟು॒ತಿರಿಂದ್ರಾ᳚ವರುಣ॒ ಯಾಂ ಹು॒ವೇ | ಯಾಮೃ॒ಧಾಥೇ᳚ ಸ॒ಧಸ್ತು॑ತಿಂ ||{1.1.33.4}, {1.17.9}, {1.4.6.9} |
| [18] (1-9) ಸೋಮಾನಮಿತಿ ನವರ್ಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | (1-3) ಪ್ರಥಮತೃಚಸ್ಯ ಬ್ರಹ್ಮಣಸ್ಪತಿಃ (4) ಚತುರ್ಥ್ಯಾ ಇಂದ್ರೋ ಬ್ರಹ್ಮಣಸ್ಪತಿಃ ಸೋಮಶ್ಚ (5) ಪಂಚಮ್ಯಾ ಬ್ರಹ್ಮಣಸ್ಪತಿಃ ಸೋಮ ಇಂದ್ರೋ ದಕ್ಷಿಣಾ ಚ (6-8) ಷಷ್ಠ್ಯಾದಿತೃಚಸ್ಯ ಸದಸಸ್ಪತಿಃ (9) ನವಮ್ಯಾಃ ಸದಸಸ್ಪತಿರ್ನರಾಶಂಸೋ ವಾ ದೇವತಾಃ | ಗಾಯತ್ರೀ ಛಂದಃ || | |
| 177 | ಸೋ॒ಮಾನಂ॒ ಸ್ವರ॑ಣಂ ಕೃಣು॒ಹಿ ಬ್ರ᳚ಹ್ಮಣಸ್ಪತೇ | ಕ॒ಕ್ಷೀವಂ᳚ತಂ॒ ಯಾಉ᳚ಶಿ॒ಜಃ ||{1.1.34.1}, {1.18.1}, {1.5.1.1} |
| 178 | ಯೋ ರೇ॒ವಾನ್ಯೋ ಅ॑ಮೀವ॒ಹಾ ವ॑ಸು॒ವಿತ್ಪು॑ಷ್ಟಿ॒ವರ್ಧ॑ನಃ | ಸ ನಃ॑ ಸಿಷಕ್ತು॒ ಯಸ್ತು॒ರಃ ||{1.1.34.2}, {1.18.2}, {1.5.1.2} |
| 179 | ಮಾ ನಃ॒ ಶಂಸೋ॒ ಅರ॑ರುಷೋ ಧೂ॒ರ್ತಿಃ ಪ್ರಣ॒ಙ್ ಮರ್ತ್ಯ॑ಸ್ಯ | ರಕ್ಷಾ᳚ ಣೋ ಬ್ರಹ್ಮಣಸ್ಪತೇ ||{1.1.34.3}, {1.18.3}, {1.5.1.3} |
| 180 | ಸ ಘಾ᳚ ವೀ॒ರೋ ನ ರಿ॑ಷ್ಯತಿ॒ ಯಮಿಂದ್ರೋ॒ ಬ್ರಹ್ಮ॑ಣ॒ಸ್ಪತಿಃ॑ | ಸೋಮೋ᳚ ಹಿ॒ನೋತಿ॒ ಮರ್ತ್ಯಂ᳚ ||{1.1.34.4}, {1.18.4}, {1.5.1.4} |
| 181 | ತ್ವಂ ತಂ ಬ್ರ᳚ಹ್ಮಣಸ್ಪತೇ॒ ಸೋಮ॒ ಇಂದ್ರ॑ಶ್ಚ॒ ಮರ್ತ್ಯಂ᳚ | ದಕ್ಷಿ॑ಣಾ ಪಾ॒ತ್ವಂಹ॑ಸಃ ||{1.1.34.5}, {1.18.5}, {1.5.1.5} |
| 182 | ಸದ॑ಸ॒ಸ್ಪತಿ॒ಮದ್ಭು॑ತಂ ಪ್ರಿ॒ಯಮಿಂದ್ರ॑ಸ್ಯ॒ ಕಾಮ್ಯಂ᳚ | ಸ॒ನಿಂ ಮೇ॒ಧಾಮ॑ಯಾಸಿಷಂ ||{1.1.35.1}, {1.18.6}, {1.5.1.6} |
| 183 | ಯಸ್ಮಾ᳚ದೃ॒ತೇ ನ ಸಿಧ್ಯ॑ತಿ ಯ॒ಜ್ಞೋ ವಿ॑ಪ॒ಶ್ಚಿತ॑ಶ್ಚ॒ನ | ಸ ಧೀ॒ನಾಂ ಯೋಗ॑ಮಿನ್ವತಿ ||{1.1.35.2}, {1.18.7}, {1.5.1.7} |
| 184 | ಆದೃ॑ಧ್ನೋತಿ ಹ॒ವಿಷ್ಕೃ॑ತಿಂ॒ ಪ್ರಾಂಚಂ᳚ ಕೃಣೋತ್ಯಧ್ವ॒ರಂ | ಹೋತ್ರಾ᳚ ದೇ॒ವೇಷು॑ ಗಚ್ಛತಿ ||{1.1.35.3}, {1.18.8}, {1.5.1.8} |
| 185 | ನರಾ॒ಶಂಸಂ᳚ ಸು॒ಧೃಷ್ಟ॑ಮ॒ಮಪ॑ಶ್ಯಂ ಸ॒ಪ್ರಥ॑ಸ್ತಮಂ | ದಿ॒ವೋ ನ ಸದ್ಮ॑ಮಖಸಂ ||{1.1.35.4}, {1.18.9}, {1.5.1.9} |
| [19] (1-9) ಪ್ರತಿತ್ಯಮಿತಿ ನವರ್ಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | ಅಗ್ನಿರ್ಮರುತಶ್ಚ ದೇವತಾಃ | ಗಾಯತ್ರೀ ಛಂದಃ || | |
| 186 | ಪ್ರತಿ॒ ತ್ಯಂ ಚಾರು॑ಮಧ್ವ॒ರಂ ಗೋ᳚ಪೀ॒ಥಾಯ॒ ಪ್ರ ಹೂ᳚ಯಸೇ | ಮ॒ರುದ್ಭಿ॑ರಗ್ನ॒ ಆ ಗ॑ಹಿ ||{1.1.36.1}, {1.19.1}, {1.5.2.1} |
| 187 | ನ॒ಹಿ ದೇ॒ವೋ ನ ಮರ್ತ್ಯೋ᳚ ಮ॒ಹಸ್ತವ॒ ಕ್ರತುಂ᳚ ಪ॒ರಃ | ಮ॒ರುದ್ಭಿ॑ರಗ್ನ॒ ಆ ಗ॑ಹಿ ||{1.1.36.2}, {1.19.2}, {1.5.2.2} |
| 188 | ಯೇ ಮ॒ಹೋ ರಜ॑ಸೋ ವಿ॒ದುರ್ವಿಶ್ವೇ᳚ ದೇ॒ವಾಸೋ᳚ ಅ॒ದ್ರುಹಃ॑ | ಮ॒ರುದ್ಭಿ॑ರಗ್ನ॒ ಆ ಗ॑ಹಿ ||{1.1.36.3}, {1.19.3}, {1.5.2.3} |
| 189 | ಯ ಉ॒ಗ್ರಾ ಅ॒ರ್ಕಮಾ᳚ನೃ॒ಚುರನಾ᳚ಧೃಷ್ಟಾಸ॒ ಓಜ॑ಸಾ | ಮ॒ರುದ್ಭಿ॑ರಗ್ನ॒ ಆ ಗ॑ಹಿ ||{1.1.36.4}, {1.19.4}, {1.5.2.4} |
| 190 | ಯೇ ಶು॒ಭ್ರಾ ಘೋ॒ರವ॑ರ್ಪಸಃ ಸುಕ್ಷ॒ತ್ರಾಸೋ᳚ ರಿ॒ಶಾದ॑ಸಃ | ಮ॒ರುದ್ಭಿ॑ರಗ್ನ॒ ಆ ಗ॑ಹಿ ||{1.1.36.5}, {1.19.5}, {1.5.2.5} |
| 191 | ಯೇ ನಾಕ॒ಸ್ಯಾಧಿ॑ ರೋಚ॒ನೇ ದಿ॒ವಿ ದೇ॒ವಾಸ॒ ಆಸ॑ತೇ | ಮ॒ರುದ್ಭಿ॑ರಗ್ನ॒ ಆ ಗ॑ಹಿ ||{1.1.37.1}, {1.19.6}, {1.5.2.6} |
| 192 | ಯ ಈಂ॒ಖಯಂ᳚ತಿ॒ ಪರ್ವ॑ತಾಂತಿ॒ರಃ ಸ॑ಮು॒ದ್ರಮ᳚ರ್ಣ॒ವಂ | ಮ॒ರುದ್ಭಿ॑ರಗ್ನ॒ ಆ ಗ॑ಹಿ ||{1.1.37.2}, {1.19.7}, {1.5.2.7} |
| 193 | ಆ ಯೇ ತ॒ನ್ವಂತಿ॑ ರ॒ಶ್ಮಿಭಿ॑ಸ್ತಿ॒ರಃ ಸ॑ಮು॒ದ್ರಮೋಜ॑ಸಾ | ಮ॒ರುದ್ಭಿ॑ರಗ್ನ॒ ಆ ಗ॑ಹಿ ||{1.1.37.3}, {1.19.8}, {1.5.2.8} |
| 194 | ಅ॒ಭಿ ತ್ವಾ᳚ ಪೂ॒ರ್ವಪೀ᳚ತಯೇ ಸೃ॒ಜಾಮಿ॑ ಸೋ॒ಮ್ಯಂ ಮಧು॑ | ಮ॒ರುದ್ಭಿ॑ರಗ್ನ॒ ಆ ಗ॑ಹಿ ||{1.1.37.4}, {1.19.9}, {1.5.2.9} |
| [20] (1-8) ಅಯಂದೇವಾಯೇತಿ ಅಷ್ಟರ್ಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | ಋಭವೋ ದೇವತಾಃ | ಗಾಯತ್ರೀ ಛಂದಃ || | |
| 195 | ಅ॒ಯಂ ದೇ॒ವಾಯ॒ ಜನ್ಮ॑ನೇ॒ ಸ್ತೋಮೋ॒ ವಿಪ್ರೇ᳚ಭಿರಾಸ॒ಯಾ | ಅಕಾ᳚ರಿ ರತ್ನ॒ಧಾತ॑ಮಃ ||{1.2.1.1}, {1.20.1}, {1.5.3.1} |
| 196 | ಯ ಇಂದ್ರಾ᳚ಯ ವಚೋ॒ಯುಜಾ᳚ ತತ॒ಕ್ಷುರ್ಮನ॑ಸಾ॒ ಹರೀ᳚ | ಶಮೀ᳚ಭಿರ್ಯ॒ಜ್ಞಮಾ᳚ಶತ ||{1.2.1.2}, {1.20.2}, {1.5.3.2} |
| 197 | ತಕ್ಷ॒ನ್ನಾಸ॑ತ್ಯಾಭ್ಯಾಂ॒ ಪರಿ॑ಜ್ಮಾನಂ ಸು॒ಖಂ ರಥಂ᳚ | ತಕ್ಷಂ᳚ಧೇ॒ನುಂ ಸ॑ಬ॒ರ್ದುಘಾಂ᳚ ||{1.2.1.3}, {1.20.3}, {1.5.3.3} |
| 198 | ಯುವಾ᳚ನಾ ಪಿ॒ತರಾ॒ ಪುನಃ॑ ಸ॒ತ್ಯಮಂ᳚ತ್ರಾ ಋಜೂ॒ಯವಃ॑ | ಋ॒ಭವೋ᳚ ವಿ॒ಷ್ಟ್ಯ॑ಕ್ರತ ||{1.2.1.4}, {1.20.4}, {1.5.3.4} |
| 199 | ಸಂ ವೋ॒ ಮದಾ᳚ಸೋ ಅಗ್ಮ॒ತೇಂದ್ರೇ᳚ಣ ಚ ಮ॒ರುತ್ವ॑ತಾ | ಆ॒ದಿ॒ತ್ಯೇಭಿ॑ಶ್ಚ॒ ರಾಜ॑ಭಿಃ ||{1.2.1.5}, {1.20.5}, {1.5.3.5} |
| 200 | ಉ॒ತ ತ್ಯಂ ಚ॑ಮ॒ಸಂ ನವಂ॒ ತ್ವಷ್ಟು॑ರ್ದೇ॒ವಸ್ಯ॒ ನಿಷ್ಕೃ॑ತಂ | ಅಕ॑ರ್ತ ಚ॒ತುರಃ॒ ಪುನಃ॑ ||{1.2.2.1}, {1.20.6}, {1.5.3.6} |
| 201 | ತೇ ನೋ॒ ರತ್ನಾ᳚ನಿ ಧತ್ತನ॒ ತ್ರಿರಾ ಸಾಪ್ತಾ᳚ನಿ ಸುನ್ವ॒ತೇ | ಏಕ॑ಮೇಕಂ ಸುಶ॒ಸ್ತಿಭಿಃ॑ ||{1.2.2.2}, {1.20.7}, {1.5.3.7} |
| 202 | ಅಧಾ᳚ರಯಂತ॒ ವಹ್ನ॒ಯೋಽಭ॑ಜಂತ ಸುಕೃ॒ತ್ಯಯಾ᳚ | ಭಾ॒ಗಂ ದೇ॒ವೇಷು॑ ಯ॒ಜ್ಞಿಯಂ᳚ ||{1.2.2.3}, {1.20.8}, {1.5.3.8} |
| [21] (1-6) ಇಹೇಂದ್ರಾಗ್ನೀ ಇತಿ ಷಳೃರ್ಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | ಇಂದ್ರಾಗ್ನೀ ದೇವತೇ | ಗಾಯತ್ರೀ ಛಂದಃ || | |
| 203 | ಇ॒ಹೇಂದ್ರಾ॒ಗ್ನೀ ಉಪ॑ ಹ್ವಯೇ॒ ತಯೋ॒ರಿತ್ಸ್ತೋಮ॑ಮುಶ್ಮಸಿ | ತಾ ಸೋಮಂ᳚ ಸೋಮ॒ಪಾತ॑ಮಾ ||{1.2.3.1}, {1.21.1}, {1.5.4.1} |
| 204 | ತಾ ಯ॒ಜ್ಞೇಷು॒ ಪ್ರ ಶಂ᳚ಸತೇಂದ್ರಾ॒ಗ್ನೀ ಶುಂ᳚ಭತಾ ನರಃ | ತಾ ಗಾ᳚ಯ॒ತ್ರೇಷು॑ ಗಾಯತ ||{1.2.3.2}, {1.21.2}, {1.5.4.2} |
| 205 | ತಾ ಮಿ॒ತ್ರಸ್ಯ॒ ಪ್ರಶ॑ಸ್ತಯ ಇಂದ್ರಾ॒ಗ್ನೀ ತಾ ಹ॑ವಾಮಹೇ | ಸೋ॒ಮ॒ಪಾ ಸೋಮ॑ಪೀತಯೇ ||{1.2.3.3}, {1.21.3}, {1.5.4.3} |
| 206 | ಉ॒ಗ್ರಾ ಸಂತಾ᳚ ಹವಾಮಹ॒ ಉಪೇ॒ದಂ ಸವ॑ನಂ ಸು॒ತಂ | ಇಂ॒ದ್ರಾ॒ಗ್ನೀ ಏಹ ಗ॑ಚ್ಛತಾಂ ||{1.2.3.4}, {1.21.4}, {1.5.4.4} |
| 207 | ತಾ ಮ॒ಹಾಂತಾ॒ ಸದ॒ಸ್ಪತೀ॒ ಇಂದ್ರಾ᳚ಗ್ನೀ॒ ರಕ್ಷ॑ ಉಬ್ಜತಂ | ಅಪ್ರ॑ಜಾಃ ಸಂತ್ವ॒ತ್ರಿಣಃ॑ ||{1.2.3.5}, {1.21.5}, {1.5.4.5} |
| 208 | ತೇನ॑ ಸ॒ತ್ಯೇನ॑ ಜಾಗೃತ॒ಮಧಿ॑ ಪ್ರಚೇ॒ತುನೇ᳚ ಪ॒ದೇ | ಇಂದ್ರಾ᳚ಗ್ನೀ॒ ಶರ್ಮ॑ ಯಚ್ಛತಂ ||{1.2.3.6}, {1.21.6}, {1.5.4.6} |
| [22] (1-21) ಪ್ರಾತರ್ಯುಜೇತಿ ಏಕವಿಂಶತ್ಯೃಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | (1-4) ಪ್ರಥಮಾದಿಚತುರ್‌ಋಚಾಮಶ್ವಿನೌ (5-8) ಪಂಚಮ್ಯಾದಿಚತಸೃಣಾಂ ಸವಿತಾ (9-10) ನವಮೀದಶಮ್ಯೋರಗ್ನಿಃ (11) ಏಕಾದಶ್ಯಾ ದೇವ್ಯಃ (12) ದ್ವಾದಶ್ಯಾ ಇಂದ್ರಾಣೀವರುಣಾನ್ಯಗ್ನಾಯ್ಯಃ (13-14) ತ್ರಯೋದಶೀಚತುರ್ದಶ್ಯೋರ್ದ್ಯಾವಾಪೃಥಿವ್ಯೌ (15) ಪಂಚದಶ್ಯಾಃ ಪೃಥಿವೀ (16) ಷೋಡಶ್ಯಾ ವಿಷ್ಣುರ್ದೇವಾ ವಾ (17-21) ಸಪ್ತದಶ್ಯಾದಿಪಂಚಾನಾಂಚ ವಿಷ್ಣುದೇವತಾಃ | ಗಾಯತ್ರೀ ಛಂದಃ || | |
| 209 | ಪ್ರಾ॒ತ॒ರ್ಯುಜಾ॒ ವಿ ಬೋ᳚ಧಯಾ॒ಶ್ವಿನಾ॒ವೇಹ ಗ॑ಚ್ಛತಾಂ | ಅ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ ||{1.2.4.1}, {1.22.1}, {1.5.5.1} |
| 210 | ಯಾ ಸು॒ರಥಾ᳚ ರ॒ಥೀತ॑ಮೋ॒ಭಾ ದೇ॒ವಾ ದಿ॑ವಿ॒ಸ್ಪೃಶಾ᳚ | ಅ॒ಶ್ವಿನಾ॒ ತಾ ಹ॑ವಾಮಹೇ ||{1.2.4.2}, {1.22.2}, {1.5.5.2} |
| 211 | ಯಾ ವಾಂ॒ ಕಶಾ॒ ಮಧು॑ಮ॒ತ್ಯಶ್ವಿ॑ನಾ ಸೂ॒ನೃತಾ᳚ವತೀ | ತಯಾ᳚ ಯ॒ಜ್ಞಂ ಮಿ॑ಮಿಕ್ಷತಂ ||{1.2.4.3}, {1.22.3}, {1.5.5.3} |
| 212 | ನ॒ಹಿ ವಾ॒ಮಸ್ತಿ॑ ದೂರ॒ಕೇ ಯತ್ರಾ॒ ರಥೇ᳚ನ॒ ಗಚ್ಛ॑ಥಃ | ಅಶ್ವಿ॑ನಾ ಸೋ॒ಮಿನೋ᳚ ಗೃ॒ಹಂ ||{1.2.4.4}, {1.22.4}, {1.5.5.4} |
| 213 | ಹಿರ᳚ಣ್ಯಪಾಣಿಮೂ॒ತಯೇ᳚ ಸವಿ॒ತಾರ॒ಮುಪ॑ ಹ್ವಯೇ | ಸ ಚೇತ್ತಾ᳚ ದೇ॒ವತಾ᳚ ಪ॒ದಂ ||{1.2.4.5}, {1.22.5}, {1.5.5.5} |
| 214 | ಅ॒ಪಾಂ ನಪಾ᳚ತ॒ಮವ॑ಸೇ ಸವಿ॒ತಾರ॒ಮುಪ॑ ಸ್ತುಹಿ | ತಸ್ಯ᳚ ವ್ರ॒ತಾನ್ಯು॑ಶ್ಮಸಿ ||{1.2.5.1}, {1.22.6}, {1.5.5.6} |
| 215 | ವಿ॒ಭ॒ಕ್ತಾರಂ᳚ ಹವಾಮಹೇ॒ ವಸೋ᳚ಶ್ಚಿ॒ತ್ರಸ್ಯ॒ ರಾಧ॑ಸಃ | ಸ॒ವಿ॒ತಾರಂ᳚ ನೃ॒ಚಕ್ಷ॑ಸಂ ||{1.2.5.2}, {1.22.7}, {1.5.5.7} |
| 216 | ಸಖಾ᳚ಯ॒ ಆ ನಿ ಷೀ᳚ದತ ಸವಿ॒ತಾ ಸ್ತೋಮ್ಯೋ॒ ನು ನಃ॑ | ದಾತಾ॒ ರಾಧಾಂ᳚ಸಿ ಶುಂಭತಿ ||{1.2.5.3}, {1.22.8}, {1.5.5.8} |
| 217 | ಅಗ್ನೇ॒ ಪತ್ನೀ᳚ರಿ॒ಹಾ ವ॑ಹ ದೇ॒ವಾನಾ᳚ಮುಶ॒ತೀರುಪ॑ | ತ್ವಷ್ಟಾ᳚ರಂ॒ ಸೋಮ॑ಪೀತಯೇ ||{1.2.5.4}, {1.22.9}, {1.5.5.9} |
| 218 | ಆ ಗ್ನಾ ಅ॑ಗ್ನ ಇ॒ಹಾವ॑ಸೇ॒ ಹೋತ್ರಾಂ᳚ ಯವಿಷ್ಠ॒ ಭಾರ॑ತೀಂ | ವರೂ᳚ತ್ರೀಂ ಧಿ॒ಷಣಾಂ᳚ ವಹ ||{1.2.5.5}, {1.22.10}, {1.5.5.10} |
| 219 | ಅ॒ಭಿ ನೋ᳚ ದೇ॒ವೀರವ॑ಸಾ ಮ॒ಹಃ ಶರ್ಮ॑ಣಾ ನೃ॒ಪತ್ನೀಃ᳚ | ಅಚ್ಛಿ᳚ನ್ನಪತ್ರಾಃ ಸಚಂತಾಂ ||{1.2.6.1}, {1.22.11}, {1.5.5.11} |
| 220 | ಇ॒ಹೇಂದ್ರಾ॒ಣೀಮುಪ॑ ಹ್ವಯೇ ವರುಣಾ॒ನೀಂ ಸ್ವ॒ಸ್ತಯೇ᳚ | ಅ॒ಗ್ನಾಯೀಂ॒ ಸೋಮ॑ಪೀತಯೇ ||{1.2.6.2}, {1.22.12}, {1.5.5.12} |
| 221 | ಮ॒ಹೀ ದ್ಯೌಃ ಪೃ॑ಥಿ॒ವೀ ಚ॑ ನ ಇ॒ಮಂ ಯ॒ಜ್ಞಂ ಮಿ॑ಮಿಕ್ಷತಾಂ | ಪಿ॒ಪೃ॒ತಾಂ ನೋ॒ ಭರೀ᳚ಮಭಿಃ ||{1.2.6.3}, {1.22.13}, {1.5.5.13} |
| 222 | ತಯೋ॒ರಿದ್ಘೃ॒ತವ॒ತ್ಪಯೋ॒ ವಿಪ್ರಾ᳚ ರಿಹಂತಿ ಧೀ॒ತಿಭಿಃ॑ | ಗಂ॒ಧ॒ರ್ವಸ್ಯ॑ ಧ್ರು॒ವೇ ಪ॒ದೇ ||{1.2.6.4}, {1.22.14}, {1.5.5.14} |
| 223 | ಸ್ಯೋ॒ನಾ ಪೃ॑ಥಿವಿ ಭವಾನೃಕ್ಷ॒ರಾ ನಿ॒ವೇಶ॑ನೀ | ಯಚ್ಛಾ᳚ ನಃ॒ ಶರ್ಮ॑ ಸ॒ಪ್ರಥಃ॑ ||{1.2.6.5}, {1.22.15}, {1.5.5.15} |
| 224 | ಅತೋ᳚ ದೇ॒ವಾ ಅ॑ವಂತು ನೋ॒ ಯತೋ॒ ವಿಷ್ಣು᳚ರ್ವಿಚಕ್ರ॒ಮೇ | ಪೃ॒ಥಿ॒ವ್ಯಾಃ ಸ॒ಪ್ತ ಧಾಮ॑ಭಿಃ ||{1.2.7.1}, {1.22.16}, {1.5.5.16} |
| 225 | ಇ॒ದಂ ವಿಷ್ಣು॒ರ್ವಿ ಚ॑ಕ್ರಮೇ ತ್ರೇ॒ಧಾ ನಿ ದ॑ಧೇ ಪ॒ದಂ | ಸಮೂ᳚ಳ್ಹಮಸ್ಯ ಪಾಂಸು॒ರೇ ||{1.2.7.2}, {1.22.17}, {1.5.5.17} |
| 226 | ತ್ರೀಣಿ॑ ಪ॒ದಾ ವಿ ಚ॑ಕ್ರಮೇ॒ ವಿಷ್ಣು॑ರ್ಗೋ॒ಪಾ ಅದಾ᳚ಭ್ಯಃ | ಅತೋ॒ ಧರ್ಮಾ᳚ಣಿ ಧಾ॒ರಯ॑ನ್ ||{1.2.7.3}, {1.22.18}, {1.5.5.18} |
| 227 | ವಿಷ್ಣೋಃ॒ ಕರ್ಮಾ᳚ಣಿ ಪಶ್ಯತ॒ ಯತೋ᳚ ವ್ರ॒ತಾನಿ॑ ಪಸ್ಪ॒ಶೇ | ಇಂದ್ರ॑ಸ್ಯ॒ ಯುಜ್ಯಃ॒ ಸಖಾ᳚ ||{1.2.7.4}, {1.22.19}, {1.5.5.19} |
| 228 | ತದ್ವಿಷ್ಣೋಃ᳚ ಪರ॒ಮಂ ಪ॒ದಂ ಸದಾ᳚ ಪಶ್ಯಂತಿ ಸೂ॒ರಯಃ॑ | ದಿ॒ವೀ᳚ವ॒ ಚಕ್ಷು॒ರಾತ॑ತಂ ||{1.2.7.5}, {1.22.20}, {1.5.5.20} |
| 229 | ತದ್ವಿಪ್ರಾ᳚ಸೋ ವಿಪ॒ನ್ಯವೋ᳚ ಜಾಗೃ॒ವಾಂಸಃ॒ ಸಮಿಂ᳚ಧತೇ | ವಿಷ್ಣೋ॒ರ್ಯತ್ಪ॑ರ॒ಮಂ ಪ॒ದಂ ||{1.2.7.6}, {1.22.21}, {1.5.5.21} |
| [23] (1-24) ತೀವ್ರಾಃಸೋಮಾಸ ಇತಿ ಚತುರ್ವಿಂಶತ್ಯೃಚಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿ ಋಷಿಃ | (1) ಪ್ರಥಮಾಯಾ ಋಚೋ ವಾಯುಃ (2-3) ದ್ವಿತೀಯಾತೃತೀಯಯೋರಿಂದ್ರವಾಯೂ (4-6) ಚತುರ್ಥ್ಯಾದಿತೃಚಸ್ಯ ಮಿತ್ರಾವರುಣೌ (7-9) ಸಪ್ತಮ್ಯಾದಿತೃಚಸ್ಯೇಂದ್ರೋ ಮರುತ್ವಾನ್ (10-12) ದಶಮ್ಯಾದಿತೃಚಸ್ಯ ವಿಶ್ವೇ ದೇವಾಃ (13-15) ತ್ರಯೋದಶ್ಯಾದಿತೃಚಸ್ಯ ಪೂಷಾ (16-22, 23) ಷೋಡಶ್ಯಾದಿಸಪ್ತಾನಾಂ ತ್ರಯೋವಿಂಶ್ಯಾಃ ಪೂರ್ವಾರ್ಧಸ್ಯ ಚಾಪಃ (23, 24) ತ್ರಯೋವಿಂಶ್ಯಾಃ ಪರಾರ್ಧಸ್ಯ ಚತುರ್ವಿಂಶ್ಯಾಶ್ಚಾಗ್ನಿರ್ದೇವತಾಃ | (1-18) ಪ್ರಥಮಾದ್ಯಷ್ಟಾದಶರ್ಚಾಂ ಗಾಯತ್ರೀ (19) ಏಕೋನವಿಂಶ್ಯಾಃ ಪುರಉಷ್ಣಿಕ್ (21) ಏಕವಿಂಶ್ಯಾಃ ಪ್ರತಿಷ್ಠಾ (20, 22-24) ವಿಂಶ್ಯಾ ದ್ವಾವಿಂಶ್ಯಾದಿತೃಚಸ್ಯ ಚಾನುಷ್ಟಪ್ ಛಂದಾಂಸಿ || | |
| 230 | ತೀ॒ವ್ರಾಃ ಸೋಮಾ᳚ಸ॒ ಆ ಗ॑ಹ್ಯಾ॒ಶೀರ್ವಂ᳚ತಃ ಸು॒ತಾ ಇ॒ಮೇ | ವಾಯೋ॒ ತಾನ್ಪ್ರಸ್ಥಿ॑ತಾನ್ಪಿಬ ||{1.2.8.1}, {1.23.1}, {1.5.6.1} |
| 231 | ಉ॒ಭಾ ದೇ॒ವಾ ದಿ॑ವಿ॒ಸ್ಪೃಶೇಂ᳚ದ್ರವಾ॒ಯೂ ಹ॑ವಾಮಹೇ | ಅ॒ಸ್ಯ ಸೋಮ॑ಸ್ಯ ಪೀ॒ತಯೇ᳚ ||{1.2.8.2}, {1.23.2}, {1.5.6.2} |
| 232 | ಇಂ॒ದ್ರ॒ವಾ॒ಯೂ ಮ॑ನೋ॒ಜುವಾ॒ ವಿಪ್ರಾ᳚ ಹವಂತ ಊ॒ತಯೇ᳚ | ಸ॒ಹ॒ಸ್ರಾ॒ಕ್ಷಾ ಧಿ॒ಯಸ್ಪತೀ᳚ ||{1.2.8.3}, {1.23.3}, {1.5.6.3} |
| 233 | ಮಿ॒ತ್ರಂ ವ॒ಯಂ ಹ॑ವಾಮಹೇ॒ ವರು॑ಣಂ॒ ಸೋಮ॑ಪೀತಯೇ | ಜ॒ಜ್ಞಾ॒ನಾ ಪೂ॒ತದ॑ಕ್ಷಸಾ ||{1.2.8.4}, {1.23.4}, {1.5.6.4} |
| 234 | ಋ॒ತೇನ॒ ಯಾವೃ॑ತಾ॒ವೃಧಾ᳚ವೃ॒ತಸ್ಯ॒ ಜ್ಯೋತಿ॑ಷ॒ಸ್ಪತೀ᳚ | ತಾ ಮಿ॒ತ್ರಾವರು॑ಣಾ ಹುವೇ ||{1.2.8.5}, {1.23.5}, {1.5.6.5} |
| 235 | ವರು॑ಣಃ ಪ್ರಾವಿ॒ತಾ ಭು॑ವನ್ಮಿ॒ತ್ರೋ ವಿಶ್ವಾ᳚ಭಿರೂ॒ತಿಭಿಃ॑ | ಕರ॑ತಾಂ ನಃ ಸು॒ರಾಧ॑ಸಃ ||{1.2.9.1}, {1.23.6}, {1.5.6.6} |
| 236 | ಮ॒ರುತ್ವಂ᳚ತಂ ಹವಾಮಹ॒ ಇಂದ್ರ॒ಮಾ ಸೋಮ॑ಪೀತಯೇ | ಸ॒ಜೂರ್ಗ॒ಣೇನ॑ ತೃಂಪತು ||{1.2.9.2}, {1.23.7}, {1.5.6.7} |
| 237 | ಇಂದ್ರ॑ಜ್ಯೇಷ್ಠಾ॒ ಮರು॑ದ್ಗಣಾ॒ ದೇವಾ᳚ಸಃ॒ ಪೂಷ॑ರಾತಯಃ | ವಿಶ್ವೇ॒ ಮಮ॑ ಶ್ರುತಾ॒ ಹವಂ᳚ ||{1.2.9.3}, {1.23.8}, {1.5.6.8} |
| 238 | ಹ॒ತ ವೃ॒ತ್ರಂ ಸು॑ದಾನವ॒ ಇಂದ್ರೇ᳚ಣ॒ ಸಹ॑ಸಾ ಯು॒ಜಾ | ಮಾ ನೋ᳚ ದುಃ॒ಶಂಸ॑ ಈಶತ ||{1.2.9.4}, {1.23.9}, {1.5.6.9} |
| 239 | ವಿಶ್ವಾಂ᳚ದೇ॒ವಾನ್ಹ॑ವಾಮಹೇ ಮ॒ರುತಃ॒ ಸೋಮ॑ಪೀತಯೇ | ಉ॒ಗ್ರಾ ಹಿ ಪೃಶ್ನಿ॑ಮಾತರಃ ||{1.2.9.5}, {1.23.10}, {1.5.6.10} |
| 240 | ಜಯ॑ತಾಮಿವ ತನ್ಯ॒ತುರ್ಮ॒ರುತಾ᳚ಮೇತಿ ಧೃಷ್ಣು॒ಯಾ | ಯಚ್ಛುಭಂ᳚ ಯಾ॒ಥನಾ᳚ ನರಃ ||{1.2.10.1}, {1.23.11}, {1.5.6.11} |
| 241 | ಹ॒ಸ್ಕಾ॒ರಾದ್ವಿ॒ದ್ಯುತ॒ಸ್ಪರ್ಯತೋ᳚ ಜಾ॒ತಾ ಅ॑ವಂತು ನಃ | ಮ॒ರುತೋ᳚ ಮೃಳಯಂತು ನಃ ||{1.2.10.2}, {1.23.12}, {1.5.6.12} |
| 242 | ಆ ಪೂ᳚ಷಂಚಿ॒ತ್ರಬ॑ರ್ಹಿಷ॒ಮಾಘೃ॑ಣೇ ಧ॒ರುಣಂ᳚ ದಿ॒ವಃ | ಆಜಾ᳚ ನ॒ಷ್ಟಂ ಯಥಾ᳚ ಪ॒ಶುಂ ||{1.2.10.3}, {1.23.13}, {1.5.6.13} |
| 243 | ಪೂ॒ಷಾ ರಾಜಾ᳚ನ॒ಮಾಘೃ॑ಣಿ॒ರಪ॑ಗೂಳ್ಹಂ॒ ಗುಹಾ᳚ ಹಿ॒ತಂ | ಅವಿಂ᳚ದಚ್ಚಿ॒ತ್ರಬ॑ರ್ಹಿಷಂ ||{1.2.10.4}, {1.23.14}, {1.5.6.14} |
| 244 | ಉ॒ತೋ ಸ ಮಹ್ಯ॒ಮಿಂದು॑ಭಿಃ॒ ಷಡ್ಯು॒ಕ್ತಾಁ ಅ॑ನು॒ಸೇಷಿ॑ಧತ್ | ಗೋಭಿ॒ರ್ಯವಂ॒ ನ ಚ॑ರ್ಕೃಷತ್ ||{1.2.10.5}, {1.23.15}, {1.5.6.15} |
| 245 | ಅಂ॒ಬಯೋ᳚ ಯಂ॒ತ್ಯಧ್ವ॑ಭಿರ್ಜಾ॒ಮಯೋ᳚ ಅಧ್ವರೀಯ॒ತಾಂ | ಪೃಂ॒ಚ॒ತೀರ್ಮಧು॑ನಾ॒ ಪಯಃ॑ ||{1.2.11.1}, {1.23.16}, {1.5.6.16} |
| 246 | ಅ॒ಮೂರ್ಯಾ ಉಪ॒ ಸೂರ್ಯೇ॒ ಯಾಭಿ᳚ರ್ವಾ॒ ಸೂರ್ಯಃ॑ ಸ॒ಹ | ತಾ ನೋ᳚ ಹಿನ್ವಂತ್ವಧ್ವ॒ರಂ ||{1.2.11.2}, {1.23.17}, {1.5.6.17} |
| 247 | ಅ॒ಪೋ ದೇ॒ವೀರುಪ॑ ಹ್ವಯೇ॒ ಯತ್ರ॒ ಗಾವಃ॒ ಪಿಬಂ᳚ತಿ ನಃ | ಸಿಂಧು॑ಭ್ಯಃ॒ ಕರ್ತ್ವಂ᳚ ಹ॒ವಿಃ ||{1.2.11.3}, {1.23.18}, {1.5.6.18} |
| 248 | ಅ॒ಪ್ಸ್ವ೧॑(ಅ॒)'ನ್ತರ॒ಮೃತ॑ಮ॒ಪ್ಸು ಭೇ᳚ಷ॒ಜಮ॒ಪಾಮು॒ತ ಪ್ರಶ॑ಸ್ತಯೇ | ದೇವಾ॒ ಭವ॑ತ ವಾ॒ಜಿನಃ॑ ||{1.2.11.4}, {1.23.19}, {1.5.6.19} |
| 249 | ಅ॒ಪ್ಸು ಮೇ॒ ಸೋಮೋ᳚ ಅಬ್ರವೀದಂ॒ತರ್ವಿಶ್ವಾ᳚ನಿ ಭೇಷ॒ಜಾ | ಅ॒ಗ್ನಿಂ ಚ॑ ವಿ॒ಶ್ವಶಂ᳚ಭುವ॒ಮಾಪ॑ಶ್ಚ ವಿ॒ಶ್ವಭೇ᳚ಷಜೀಃ ||{1.2.11.5}, {1.23.20}, {1.5.6.20} |
| 250 | ಆಪಃ॑ ಪೃಣೀ॒ತ ಭೇ᳚ಷ॒ಜಂ ವರೂ᳚ಥಂ ತ॒ನ್ವೇ॒೩॑(ಏ॒) ಮಮ॑ | ಜ್ಯೋಕ್ಚ॒ ಸೂರ್ಯಂ᳚ ದೃ॒ಶೇ ||{1.2.12.1}, {1.23.21}, {1.5.6.21} |
| 251 | ಇ॒ದಮಾ᳚ಪಃ॒ ಪ್ರ ವ॑ಹತ॒ ಯತ್ಕಿಂ ಚ॑ ದುರಿ॒ತಂ ಮಯಿ॑ | ಯದ್ವಾ॒ಹಮ॑ಭಿದು॒ದ್ರೋಹ॒ ಯದ್ವಾ᳚ ಶೇ॒ಪ ಉ॒ತಾನೃ॑ತಂ ||{1.2.12.2}, {1.23.22}, {1.5.6.22} |
| 252 | ಆಪೋ᳚ ಅ॒ದ್ಯಾನ್ವ॑ಚಾರಿಷಂ॒ ರಸೇ᳚ನ॒ ಸಮ॑ಗಸ್ಮಹಿ | ಪಯ॑ಸ್ವಾನಗ್ನ॒ ಆ ಗ॑ಹಿ॒ ತಂ ಮಾ॒ ಸಂ ಸೃ॑ಜ॒ ವರ್ಚ॑ಸಾ ||{1.2.12.3}, {1.23.23}, {1.5.6.23} |
| 253 | ಸಂ ಮಾ᳚ಗ್ನೇ॒ ವರ್ಚ॑ಸಾ ಸೃಜ॒ ಸಂ ಪ್ರ॒ಜಯಾ॒ ಸಮಾಯು॑ಷಾ | ವಿ॒ದ್ಯುರ್ಮೇ᳚ ಅಸ್ಯ ದೇ॒ವಾ ಇಂದ್ರೋ᳚ ವಿದ್ಯಾತ್ಸ॒ಹ ಋಷಿ॑ಭಿಃ ||{1.2.12.4}, {1.23.24}, {1.5.6.24} |
| [24] (1-15) ಕಸ್ಯನೂನಮಿತಿ ಪಂಚದಶರ್ಚಸ್ಯ ಸೂಕ್ತಸ್ಯ ಆಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ | (1) ಪ್ರಥಮಾಯಾ ಋಚಃ ಕಃ (ಪ್ರಜಾಪತಿಃ) (2) ದ್ವಿತೀಯಾಯಾ ಅಗ್ನಿಃ (3-5) ತೃತೀಯಾದಿತೃಚಸ್ಯ ಸವಿತಾ (5) ಪಂಚಮ್ಯಾ ಭಗೋ ವಾ (6-15) ಷಷ್ಠ್ಯಾದಿದಶರ್ಚಾಂಚ ವರುಣೋ ದೇವತಾಃ | (1-2, 6-15) ಆದ್ಯಯೋದ್ವರ್ಯಚೋಃ ಷಷ್ಠ್ಯಾದಿದಶರ್ಚಾಂಚ ತ್ರಿಷ್ಟುಪ್ (3-5) ತೃತೀಯಾದಿತೃಚಸ್ಯ ಚ ಗಾಯತ್ರೀ ಛಂದಸೀ || | |
| 254 | ಕಸ್ಯ॑ ನೂ॒ನಂ ಕ॑ತ॒ಮಸ್ಯಾ॒ಮೃತಾ᳚ನಾಂ॒ ಮನಾ᳚ಮಹೇ॒ ಚಾರು॑ ದೇ॒ವಸ್ಯ॒ ನಾಮ॑ | ಕೋ ನೋ᳚ ಮ॒ಹ್ಯಾ ಅದಿ॑ತಯೇ॒ ಪುನ॑ರ್ದಾತ್ಪಿ॒ತರಂ᳚ ಚ ದೃ॒ಶೇಯಂ᳚ ಮಾ॒ತರಂ᳚ ಚ ||{1.2.13.1}, {1.24.1}, {1.6.1.1} |
| 255 | ಅ॒ಗ್ನೇರ್ವ॒ಯಂ ಪ್ರ॑ಥ॒ಮಸ್ಯಾ॒ಮೃತಾ᳚ನಾಂ॒ ಮನಾ᳚ಮಹೇ॒ ಚಾರು॑ ದೇ॒ವಸ್ಯ॒ ನಾಮ॑ | ಸ ನೋ᳚ ಮ॒ಹ್ಯಾ ಅದಿ॑ತಯೇ॒ ಪುನ॑ರ್ದಾತ್ಪಿ॒ತರಂ᳚ ಚ ದೃ॒ಶೇಯಂ᳚ ಮಾ॒ತರಂ᳚ ಚ ||{1.2.13.2}, {1.24.2}, {1.6.1.2} |
| 256 | ಅ॒ಭಿ ತ್ವಾ᳚ ದೇವ ಸವಿತ॒ರೀಶಾ᳚ನಂ॒ ವಾರ್ಯಾ᳚ಣಾಂ | ಸದಾ᳚ವನ್ಭಾ॒ಗಮೀ᳚ಮಹೇ ||{1.2.13.3}, {1.24.3}, {1.6.1.3} |
| 257 | ಯಶ್ಚಿ॒ದ್ಧಿ ತ॑ ಇ॒ತ್ಥಾ ಭಗಃ॑ ಶಶಮಾ॒ನಃ ಪು॒ರಾ ನಿ॒ದಃ | ಅ॒ದ್ವೇ॒ಷೋ ಹಸ್ತ॑ಯೋರ್ದ॒ಧೇ ||{1.2.13.4}, {1.24.4}, {1.6.1.4} |
| 258 | ಭಗ॑ಭಕ್ತಸ್ಯ ತೇ ವ॒ಯಮುದ॑ಶೇಮ॒ ತವಾವ॑ಸಾ | ಮೂ॒ರ್ಧಾನಂ᳚ ರಾ॒ಯ ಆ॒ರಭೇ᳚ ||{1.2.13.5}, {1.24.5}, {1.6.1.5} |
| 259 | ನ॒ಹಿ ತೇ᳚ ಕ್ಷ॒ತ್ರಂ ನ ಸಹೋ॒ ನ ಮ॒ನ್ಯುಂ ವಯ॑ಶ್ಚ॒ನಾಮೀ ಪ॒ತಯಂ᳚ತ ಆ॒ಪುಃ | ನೇಮಾ ಆಪೋ᳚ ಅನಿಮಿ॒ಷಂ ಚರಂ᳚ತೀ॒ರ್ನ ಯೇ ವಾತ॑ಸ್ಯ ಪ್ರಮಿ॒ನಂತ್ಯಭ್ವಂ᳚ ||{1.2.14.1}, {1.24.6}, {1.6.1.6} |
| 260 | ಅ॒ಬು॒ಧ್ನೇ ರಾಜಾ॒ ವರು॑ಣೋ॒ ವನ॑ಸ್ಯೋ॒ರ್ಧ್ವಂ ಸ್ತೂಪಂ᳚ ದದತೇ ಪೂ॒ತದ॑ಕ್ಷಃ | ನೀ॒ಚೀನಾಃ᳚ ಸ್ಥುರು॒ಪರಿ॑ ಬು॒ಧ್ನ ಏ᳚ಷಾಮ॒ಸ್ಮೇ ಅಂ॒ತರ್ನಿಹಿ॑ತಾಃ ಕೇ॒ತವಃ॑ ಸ್ಯುಃ ||{1.2.14.2}, {1.24.7}, {1.6.1.7} |
| 261 | ಉ॒ರುಂ ಹಿ ರಾಜಾ॒ ವರು॑ಣಶ್ಚ॒ಕಾರ॒ ಸೂರ್ಯಾ᳚ಯ॒ ಪಂಥಾ॒ಮನ್ವೇ᳚ತ॒ವಾ ಉ॑ | ಅ॒ಪದೇ॒ ಪಾದಾ॒ ಪ್ರತಿ॑ಧಾತವೇಽಕರು॒ತಾಪ॑ವ॒ಕ್ತಾ ಹೃ॑ದಯಾ॒ವಿಧ॑ಶ್ಚಿತ್ ||{1.2.14.3}, {1.24.8}, {1.6.1.8} |
| 262 | ಶ॒ತಂ ತೇ᳚ ರಾಜನ್ಭಿ॒ಷಜಃ॑ ಸ॒ಹಸ್ರ॑ಮು॒ರ್ವೀ ಗ॑ಭೀ॒ರಾ ಸು॑ಮ॒ತಿಷ್ಟೇ᳚ ಅಸ್ತು | ಬಾಧ॑ಸ್ವ ದೂ॒ರೇ ನಿರೃ॑ತಿಂ ಪರಾ॒ಚೈಃ ಕೃ॒ತಂ ಚಿ॒ದೇನಃ॒ ಪ್ರ ಮು॑ಮುಗ್ಧ್ಯ॒ಸ್ಮತ್ ||{1.2.14.4}, {1.24.9}, {1.6.1.9} |
| 263 | ಅ॒ಮೀ ಯ ಋಕ್ಷಾ॒ ನಿಹಿ॑ತಾಸ ಉ॒ಚ್ಚಾ ನಕ್ತಂ॒ ದದೃ॑ಶ್ರೇ॒ ಕುಹ॑ ಚಿ॒ದ್ದಿವೇ᳚ಯುಃ | ಅದ॑ಬ್ಧಾನಿ॒ ವರು॑ಣಸ್ಯ ವ್ರ॒ತಾನಿ॑ ವಿ॒ಚಾಕ॑ಶಚ್ಚಂ॒ದ್ರಮಾ॒ ನಕ್ತ॑ಮೇತಿ ||{1.2.14.5}, {1.24.10}, {1.6.1.10} |
| 264 | ತತ್ತ್ವಾ᳚ ಯಾಮಿ॒ ಬ್ರಹ್ಮ॑ಣಾ॒ ವಂದ॑ಮಾನ॒ಸ್ತದಾ ಶಾ᳚ಸ್ತೇ॒ ಯಜ॑ಮಾನೋ ಹ॒ವಿರ್ಭಿಃ॑ | ಅಹೇ᳚ಳಮಾನೋ ವರುಣೇ॒ಹ ಬೋ॒ಧ್ಯುರು॑ಶಂಸ॒ ಮಾ ನ॒ ಆಯುಃ॒ ಪ್ರ ಮೋ᳚ಷೀಃ ||{1.2.15.1}, {1.24.11}, {1.6.1.11} |
| 265 | ತದಿನ್ನಕ್ತಂ॒ ತದ್ದಿವಾ॒ ಮಹ್ಯ॑ಮಾಹು॒ಸ್ತದ॒ಯಂ ಕೇತೋ᳚ ಹೃ॒ದ ಆ ವಿ ಚ॑ಷ್ಟೇ | ಶುನಃ॒ಶೇಪೋ॒ ಯಮಹ್ವ॑ದ್ಗೃಭೀ॒ತಃ ಸೋ ಅ॒ಸ್ಮಾನ್ರಾಜಾ॒ ವರು॑ಣೋ ಮುಮೋಕ್ತು ||{1.2.15.2}, {1.24.12}, {1.6.1.12} |
| 266 | ಶುನಃ॒ಶೇಪೋ॒ ಹ್ಯಹ್ವ॑ದ್ಗೃಭೀ॒ತಸ್ತ್ರಿ॒ಷ್ವಾ᳚ದಿ॒ತ್ಯಂ ದ್ರು॑ಪ॒ದೇಷು॑ ಬ॒ದ್ಧಃ | ಅವೈ᳚ನಂ॒ ರಾಜಾ॒ ವರು॑ಣಃ ಸಸೃಜ್ಯಾದ್ವಿ॒ದ್ವಾಁ ಅದ॑ಬ್ಧೋ॒ ವಿ ಮು॑ಮೋಕ್ತು॒ ಪಾಶಾ॑ನ್ ||{1.2.15.3}, {1.24.13}, {1.6.1.13} |
| 267 | ಅವ॑ ತೇ॒ ಹೇಳೋ᳚ ವರುಣ॒ ನಮೋ᳚ಭಿ॒ರವ॑ ಯ॒ಜ್ಞೇಭಿ॑ರೀಮಹೇ ಹ॒ವಿರ್ಭಿಃ॑ | ಕ್ಷಯ᳚ನ್ನ॒ಸ್ಮಭ್ಯ॑ಮಸುರ ಪ್ರಚೇತಾ॒ ರಾಜ॒ನ್ನೇನಾಂ᳚ಸಿ ಶಿಶ್ರಥಃ ಕೃ॒ತಾನಿ॑ ||{1.2.15.4}, {1.24.14}, {1.6.1.14} |
| 268 | ಉದು॑ತ್ತ॒ಮಂ ವ॑ರುಣ॒ ಪಾಶ॑ಮ॒ಸ್ಮದವಾ᳚ಧ॒ಮಂ ವಿ ಮ॑ಧ್ಯ॒ಮಂ ಶ್ರ॑ಥಾಯ | ಅಥಾ᳚ ವ॒ಯಮಾ᳚ದಿತ್ಯ ವ್ರ॒ತೇ ತವಾನಾ᳚ಗಸೋ॒ ಅದಿ॑ತಯೇ ಸ್ಯಾಮ ||{1.2.15.5}, {1.24.15}, {1.6.1.15} |
| [25] (1-21) ಯಚ್ಚಿದ್ದೀತಿ ಏಕವಿಂಶತ್ಯೃಚಸ್ಯ ಸೂಕ್ತಸ್ಯ ಆಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ | ವರುಣೋ ದೇವತಾ | ಗಾಯತ್ರೀ ಛಂದಃ || | |
| 269 | ಯಚ್ಚಿ॒ದ್ಧಿ ತೇ॒ ವಿಶೋ᳚ ಯಥಾ॒ ಪ್ರ ದೇ᳚ವ ವರುಣ ವ್ರ॒ತಂ | ಮಿ॒ನೀ॒ಮಸಿ॒ ದ್ಯವಿ॑ದ್ಯವಿ ||{1.2.16.1}, {1.25.1}, {1.6.2.1} |
| 270 | ಮಾ ನೋ᳚ ವ॒ಧಾಯ॑ ಹ॒ತ್ನವೇ᳚ ಜಿಹೀಳಾ॒ನಸ್ಯ॑ ರೀರಧಃ | ಮಾ ಹೃ॑ಣಾ॒ನಸ್ಯ॑ ಮ॒ನ್ಯವೇ᳚ ||{1.2.16.2}, {1.25.2}, {1.6.2.2} |
| 271 | ವಿ ಮೃ॑ಳೀ॒ಕಾಯ॑ ತೇ॒ ಮನೋ᳚ ರ॒ಥೀರಶ್ವಂ॒ ನ ಸಂದಿ॑ತಂ | ಗೀ॒ರ್ಭಿರ್ವ॑ರುಣ ಸೀಮಹಿ ||{1.2.16.3}, {1.25.3}, {1.6.2.3} |
| 272 | ಪರಾ॒ ಹಿ ಮೇ॒ ವಿಮ᳚ನ್ಯವಃ॒ ಪತಂ᳚ತಿ॒ ವಸ್ಯ॑ಇಷ್ಟಯೇ | ವಯೋ॒ ನ ವ॑ಸ॒ತೀರುಪ॑ ||{1.2.16.4}, {1.25.4}, {1.6.2.4} |
| 273 | ಕ॒ದಾ ಕ್ಷ॑ತ್ರ॒ಶ್ರಿಯಂ॒ ನರ॒ಮಾ ವರು॑ಣಂ ಕರಾಮಹೇ | ಮೃ॒ಳೀ॒ಕಾಯೋ᳚ರು॒ಚಕ್ಷ॑ಸಂ ||{1.2.16.5}, {1.25.5}, {1.6.2.5} |
| 274 | ತದಿತ್ಸ॑ಮಾ॒ನಮಾ᳚ಶಾತೇ॒ ವೇನಂ᳚ತಾ॒ ನ ಪ್ರ ಯು॑ಚ್ಛತಃ | ಧೃ॒ತವ್ರ॑ತಾಯ ದಾ॒ಶುಷೇ᳚ ||{1.2.17.1}, {1.25.6}, {1.6.2.6} |
| 275 | ವೇದಾ॒ ಯೋ ವೀ॒ನಾಂ ಪ॒ದಮಂ॒ತರಿ॑ಕ್ಷೇಣ॒ ಪತ॑ತಾಂ | ವೇದ॑ ನಾ॒ವಃ ಸ॑ಮು॒ದ್ರಿಯಃ॑ ||{1.2.17.2}, {1.25.7}, {1.6.2.7} |
| 276 | ವೇದ॑ ಮಾ॒ಸೋ ಧೃ॒ತವ್ರ॑ತೋ॒ ದ್ವಾದ॑ಶ ಪ್ರ॒ಜಾವ॑ತಃ | ವೇದಾ॒ ಯ ಉ॑ಪ॒ಜಾಯ॑ತೇ ||{1.2.17.3}, {1.25.8}, {1.6.2.8} |
| 277 | ವೇದ॒ ವಾತ॑ಸ್ಯ ವರ್ತ॒ನಿಮು॒ರೋರೃ॒ಷ್ವಸ್ಯ॑ ಬೃಹ॒ತಃ | ವೇದಾ॒ ಯೇ ಅ॒ಧ್ಯಾಸ॑ತೇ ||{1.2.17.4}, {1.25.9}, {1.6.2.9} |
| 278 | ನಿ ಷ॑ಸಾದ ಧೃ॒ತವ್ರ॑ತೋ॒ ವರು॑ಣಃ ಪ॒ಸ್ತ್ಯಾ॒೩॑(ಆ॒)ಸ್ವಾ | ಸಾಮ್ರಾ᳚ಜ್ಯಾಯ ಸು॒ಕ್ರತುಃ॑ ||{1.2.17.5}, {1.25.10}, {1.6.2.10} |
| 279 | ಅತೋ॒ ವಿಶ್ವಾ॒ನ್ಯದ್ಭು॑ತಾ ಚಿಕಿ॒ತ್ವಾಁ ಅ॒ಭಿ ಪ॑ಶ್ಯತಿ | ಕೃ॒ತಾನಿ॒ ಯಾ ಚ॒ ಕರ್ತ್ವಾ᳚ ||{1.2.18.1}, {1.25.11}, {1.6.2.11} |
| 280 | ಸ ನೋ᳚ ವಿ॒ಶ್ವಾಹಾ᳚ ಸು॒ಕ್ರತು॑ರಾದಿ॒ತ್ಯಃ ಸು॒ಪಥಾ᳚ ಕರತ್ | ಪ್ರ ಣ॒ ಆಯೂಂ᳚ಷಿ ತಾರಿಷತ್ ||{1.2.18.2}, {1.25.12}, {1.6.2.12} |
| 281 | ಬಿಭ್ರ॑ದ್ದ್ರಾ॒ಪಿಂ ಹಿ॑ರ॒ಣ್ಯಯಂ॒ ವರು॑ಣೋ ವಸ್ತ ನಿ॒ರ್ಣಿಜಂ᳚ | ಪರಿ॒ ಸ್ಪಶೋ॒ ನಿ ಷೇ᳚ದಿರೇ ||{1.2.18.3}, {1.25.13}, {1.6.2.13} |
| 282 | ನ ಯಂ ದಿಪ್ಸಂ᳚ತಿ ದಿ॒ಪ್ಸವೋ॒ ನ ದ್ರುಹ್ವಾ᳚ಣೋ॒ ಜನಾ᳚ನಾಂ | ನ ದೇ॒ವಮ॒ಭಿಮಾ᳚ತಯಃ ||{1.2.18.4}, {1.25.14}, {1.6.2.14} |
| 283 | ಉ॒ತ ಯೋ ಮಾನು॑ಷೇ॒ಷ್ವಾ ಯಶ॑ಶ್ಚ॒ಕ್ರೇ ಅಸಾ॒ಮ್ಯಾ | ಅ॒ಸ್ಮಾಕ॑ಮು॒ದರೇ॒ಷ್ವಾ ||{1.2.18.5}, {1.25.15}, {1.6.2.15} |
| 284 | ಪರಾ᳚ ಮೇ ಯಂತಿ ಧೀ॒ತಯೋ॒ ಗಾವೋ॒ ನ ಗವ್ಯೂ᳚ತೀ॒ರನು॑ | ಇ॒ಚ್ಛಂತೀ᳚ರುರು॒ಚಕ್ಷ॑ಸಂ ||{1.2.19.1}, {1.25.16}, {1.6.2.16} |
| 285 | ಸಂ ನು ವೋ᳚ಚಾವಹೈ॒ ಪುನ॒ರ್ಯತೋ᳚ ಮೇ॒ ಮಧ್ವಾಭೃ॑ತಂ | ಹೋತೇ᳚ವ॒ ಕ್ಷದ॑ಸೇ ಪ್ರಿ॒ಯಂ ||{1.2.19.2}, {1.25.17}, {1.6.2.17} |
| 286 | ದರ್ಶಂ॒ ನು ವಿ॒ಶ್ವದ॑ರ್ಶತಂ॒ ದರ್ಶಂ॒ ರಥ॒ಮಧಿ॒ ಕ್ಷಮಿ॑ | ಏ॒ತಾ ಜು॑ಷತ ಮೇ॒ ಗಿರಃ॑ ||{1.2.19.3}, {1.25.18}, {1.6.2.18} |
| 287 | ಇ॒ಮಂ ಮೇ᳚ ವರುಣ ಶ್ರುಧೀ॒ ಹವ॑ಮ॒ದ್ಯಾ ಚ॑ ಮೃಳಯ | ತ್ವಾಮ॑ವ॒ಸ್ಯುರಾ ಚ॑ಕೇ ||{1.2.19.4}, {1.25.19}, {1.6.2.19} |
| 288 | ತ್ವಂ ವಿಶ್ವ॑ಸ್ಯ ಮೇಧಿರ ದಿ॒ವಶ್ಚ॒ ಗ್ಮಶ್ಚ॑ ರಾಜಸಿ | ಸ ಯಾಮ॑ನಿ॒ ಪ್ರತಿ॑ ಶ್ರುಧಿ ||{1.2.19.5}, {1.25.20}, {1.6.2.20} |
| 289 | ಉದು॑ತ್ತ॒ಮಂ ಮು॑ಮುಗ್ಧಿ ನೋ॒ ವಿ ಪಾಶಂ᳚ ಮಧ್ಯ॒ಮಂ ಚೃ॑ತ | ಅವಾ᳚ಧ॒ಮಾನಿ॑ ಜೀ॒ವಸೇ᳚ ||{1.2.19.6}, {1.25.21}, {1.6.2.21} |
| [26] (1-10) ವಸಿಷ್ವೇತಿ ದಶರ್ಚಸ್ಯ ಸೂಕ್ತಸ್ಯ ಆಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ | ಅಗ್ನಿರ್ದೇವತಾ | ಗಾಯತ್ರೀ ಛಂದಃ || | |
| 290 | ವಸಿ॑ಷ್ವಾ॒ ಹಿ ಮಿ॑ಯೇಧ್ಯ॒ ವಸ್ತ್ರಾ᳚ಣ್ಯೂರ್ಜಾಂ ಪತೇ | ಸೇಮಂ ನೋ᳚ ಅಧ್ವ॒ರಂ ಯ॑ಜ ||{1.2.20.1}, {1.26.1}, {1.6.3.1} |
| 291 | ನಿ ನೋ॒ ಹೋತಾ॒ ವರೇ᳚ಣ್ಯಃ॒ ಸದಾ᳚ ಯವಿಷ್ಠ॒ ಮನ್ಮ॑ಭಿಃ | ಅಗ್ನೇ᳚ ದಿ॒ವಿತ್ಮ॑ತಾ॒ ವಚಃ॑ ||{1.2.20.2}, {1.26.2}, {1.6.3.2} |
| 292 | ಆ ಹಿ ಷ್ಮಾ᳚ ಸೂ॒ನವೇ᳚ ಪಿ॒ತಾಪಿರ್ಯಜ॑ತ್ಯಾ॒ಪಯೇ᳚ | ಸಖಾ॒ ಸಖ್ಯೇ॒ ವರೇ᳚ಣ್ಯಃ ||{1.2.20.3}, {1.26.3}, {1.6.3.3} |
| 293 | ಆ ನೋ᳚ ಬ॒ರ್ಹೀ ರಿ॒ಶಾದ॑ಸೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ | ಸೀದಂ᳚ತು॒ ಮನು॑ಷೋ ಯಥಾ ||{1.2.20.4}, {1.26.4}, {1.6.3.4} |
| 294 | ಪೂರ್ವ್ಯ॑ ಹೋತರ॒ಸ್ಯ ನೋ॒ ಮಂದ॑ಸ್ವ ಸ॒ಖ್ಯಸ್ಯ॑ ಚ | ಇ॒ಮಾ ಉ॒ ಷು ಶ್ರು॑ಧೀ॒ ಗಿರಃ॑ ||{1.2.20.5}, {1.26.5}, {1.6.3.5} |
| 295 | ಯಚ್ಚಿ॒ದ್ಧಿ ಶಶ್ವ॑ತಾ॒ ತನಾ᳚ ದೇ॒ವಂದೇ᳚ವಂ॒ ಯಜಾ᳚ಮಹೇ | ತ್ವೇ ಇದ್ಧೂ᳚ಯತೇ ಹ॒ವಿಃ ||{1.2.21.1}, {1.26.6}, {1.6.3.6} |
| 296 | ಪ್ರಿ॒ಯೋ ನೋ᳚ ಅಸ್ತು ವಿ॒ಶ್ಪತಿ॒ರ್ಹೋತಾ᳚ ಮಂ॒ದ್ರೋ ವರೇ᳚ಣ್ಯಃ | ಪ್ರಿ॒ಯಾಃ ಸ್ವ॒ಗ್ನಯೋ᳚ ವ॒ಯಂ ||{1.2.21.2}, {1.26.7}, {1.6.3.7} |
| 297 | ಸ್ವ॒ಗ್ನಯೋ॒ ಹಿ ವಾರ್ಯಂ᳚ ದೇ॒ವಾಸೋ᳚ ದಧಿ॒ರೇ ಚ॑ ನಃ | ಸ್ವ॒ಗ್ನಯೋ᳚ ಮನಾಮಹೇ ||{1.2.21.3}, {1.26.8}, {1.6.3.8} |
| 298 | ಅಥಾ᳚ ನ ಉ॒ಭಯೇ᳚ಷಾ॒ಮಮೃ॑ತ॒ ಮರ್ತ್ಯಾ᳚ನಾಂ | ಮಿ॒ಥಃ ಸಂ᳚ತು॒ ಪ್ರಶ॑ಸ್ತಯಃ ||{1.2.21.4}, {1.26.9}, {1.6.3.9} |
| 299 | ವಿಶ್ವೇ᳚ಭಿರಗ್ನೇ ಅ॒ಗ್ನಿಭಿ॑ರಿ॒ಮಂ ಯ॒ಜ್ಞಮಿ॒ದಂ ವಚಃ॑ | ಚನೋ᳚ ಧಾಃ ಸಹಸೋ ಯಹೋ ||{1.2.21.5}, {1.26.10}, {1.6.3.10} |
| [27] (1-13) ಅಶ್ವಂನೇತಿ ತ್ರಯೋದಶರ್ಚಸ್ಯ ಸೂಕ್ತಸ್ಯ ಆಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ | (1-12) ಪ್ರಥಮಾದಿದ್ವಾದಶರ್ಚಾಮಗ್ನಿಃ (13) ತ್ರಯೋದಶ್ಯಾಶ್ಚ ದೇವಾ ದೇವತಾಃ | (1-12) ಪ್ರಥಮಾದಿದ್ವಾದಶರ್ಚಾಂ ಗಾಯತ್ರೀ (13) ತ್ರಯೋದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ || | |
| 300 | ಅಶ್ವಂ॒ ನ ತ್ವಾ॒ ವಾರ॑ವಂತಂ ವಂ॒ದಧ್ಯಾ᳚ ಅ॒ಗ್ನಿಂ ನಮೋ᳚ಭಿಃ | ಸ॒ಮ್ರಾಜಂ᳚ತಮಧ್ವ॒ರಾಣಾಂ᳚ ||{1.2.22.1}, {1.27.1}, {1.6.4.1} |
| 301 | ಸ ಘಾ᳚ ನಃ ಸೂ॒ನುಃ ಶವ॑ಸಾ ಪೃ॒ಥುಪ್ರ॑ಗಾಮಾ ಸು॒ಶೇವಃ॑ | ಮೀ॒ಢ್ವಾಁ ಅ॒ಸ್ಮಾಕಂ᳚ ಬಭೂಯಾತ್ ||{1.2.22.2}, {1.27.2}, {1.6.4.2} |
| 302 | ಸ ನೋ᳚ ದೂ॒ರಾಚ್ಚಾ॒ಸಾಚ್ಚ॒ ನಿ ಮರ್ತ್ಯಾ᳚ದಘಾ॒ಯೋಃ | ಪಾ॒ಹಿ ಸದ॒ಮಿದ್ವಿ॒ಶ್ವಾಯುಃ॑ ||{1.2.22.3}, {1.27.3}, {1.6.4.3} |
| 303 | ಇ॒ಮಮೂ॒ ಷು ತ್ವಮ॒ಸ್ಮಾಕಂ᳚ ಸ॒ನಿಂ ಗಾ᳚ಯ॒ತ್ರಂ ನವ್ಯಾಂ᳚ಸಂ | ಅಗ್ನೇ᳚ ದೇ॒ವೇಷು॒ ಪ್ರ ವೋ᳚ಚಃ ||{1.2.22.4}, {1.27.4}, {1.6.4.4} |
| 304 | ಆ ನೋ᳚ ಭಜ ಪರ॒ಮೇಷ್ವಾ ವಾಜೇ᳚ಷು ಮಧ್ಯ॒ಮೇಷು॑ | ಶಿಕ್ಷಾ॒ ವಸ್ವೋ॒ ಅಂತ॑ಮಸ್ಯ ||{1.2.22.5}, {1.27.5}, {1.6.4.5} |
| 305 | ವಿ॒ಭ॒ಕ್ತಾಸಿ॑ ಚಿತ್ರಭಾನೋ॒ ಸಿಂಧೋ᳚ರೂ॒ರ್ಮಾ ಉ॑ಪಾ॒ಕ ಆ | ಸ॒ದ್ಯೋ ದಾ॒ಶುಷೇ᳚ ಕ್ಷರಸಿ ||{1.2.23.1}, {1.27.6}, {1.6.4.6} |
| 306 | ಯಮ॑ಗ್ನೇ ಪೃ॒ತ್ಸು ಮರ್ತ್ಯ॒ಮವಾ॒ ವಾಜೇ᳚ಷು॒ ಯಂ ಜು॒ನಾಃ | ಸ ಯಂತಾ॒ ಶಶ್ವ॑ತೀ॒ರಿಷಃ॑ ||{1.2.23.2}, {1.27.7}, {1.6.4.7} |
| 307 | ನಕಿ॑ರಸ್ಯ ಸಹಂತ್ಯ ಪರ್ಯೇ॒ತಾ ಕಯ॑ಸ್ಯ ಚಿತ್ | ವಾಜೋ᳚ ಅಸ್ತಿ ಶ್ರ॒ವಾಯ್ಯಃ॑ ||{1.2.23.3}, {1.27.8}, {1.6.4.8} |
| 308 | ಸ ವಾಜಂ᳚ ವಿ॒ಶ್ವಚ॑ರ್ಷಣಿ॒ರರ್ವ॑ದ್ಭಿರಸ್ತು॒ ತರು॑ತಾ | ವಿಪ್ರೇ᳚ಭಿರಸ್ತು॒ ಸನಿ॑ತಾ ||{1.2.23.4}, {1.27.9}, {1.6.4.9} |
| 309 | ಜರಾ᳚ಬೋಧ॒ ತದ್ವಿ॑ವಿಡ್ಢಿ ವಿ॒ಶೇವಿ॑ಶೇ ಯ॒ಜ್ಞಿಯಾ᳚ಯ | ಸ್ತೋಮಂ᳚ ರು॒ದ್ರಾಯ॒ ದೃಶೀ᳚ಕಂ ||{1.2.23.5}, {1.27.10}, {1.6.4.10} |
| 310 | ಸ ನೋ᳚ ಮ॒ಹಾಁ ಅ॑ನಿಮಾ॒ನೋ ಧೂ॒ಮಕೇ᳚ತುಃ ಪುರುಶ್ಚಂ॒ದ್ರಃ | ಧಿ॒ಯೇ ವಾಜಾ᳚ಯ ಹಿನ್ವತು ||{1.2.24.1}, {1.27.11}, {1.6.4.11} |
| 311 | ಸ ರೇ॒ವಾಁ ಇ॑ವ ವಿ॒ಶ್ಪತಿ॒ರ್ದೈವ್ಯಃ॑ ಕೇ॒ತುಃ ಶೃ॑ಣೋತು ನಃ | ಉ॒ಕ್ಥೈರ॒ಗ್ನಿರ್ಬೃ॒ಹದ್ಭಾ᳚ನುಃ ||{1.2.24.2}, {1.27.12}, {1.6.4.12} |
| 312 | ನಮೋ᳚ ಮ॒ಹದ್ಭ್ಯೋ॒ ನಮೋ᳚ ಅರ್ಭ॒ಕೇಭ್ಯೋ॒ ನಮೋ॒ ಯುವ॑ಭ್ಯೋ॒ ನಮ॑ ಆಶಿ॒ನೇಭ್ಯಃ॑ | ಯಜಾ᳚ಮ ದೇ॒ವಾನ್ಯದಿ॑ ಶ॒ಕ್ನವಾ᳚ಮ॒ ಮಾ ಜ್ಯಾಯ॑ಸಃ॒ ಶಂಸ॒ಮಾ ವೃ॑ಕ್ಷಿ ದೇವಾಃ ||{1.2.24.3}, {1.27.13}, {1.6.4.13} |
| [28] (1-9) ಯತ್ರಗ್ರಾವೇತಿ ನವರ್ಚಸ್ಯ ಸೂಕ್ತಸ್ಯ ಆಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ | (1-4) ಪ್ರಥಮಾದಿಚತುರ್‌ಋಚಾಮಿಂದ್ರಃ (5-6) ಪಂಚಮೀಷಷ್ಠ್ಯೋರುಲೂಖಲಂ (7-8) ಸಪ್ತಮ್ಯಷ್ಟಮ್ಯೋರುಲೂಖಲಮುಸಲೇ (9) ನವಮ್ಯಾಶ್ಚ ಪ್ರಜಾಪತಿರ್ಹರಿಶ್ಚಂದ್ರಃ ಅಧಿಷವಣಚರ್ಮ ಸೋಮೋ ವಾ ದೇವತಾಃ | (1-6) ಪ್ರಥಮಾದಿಷಡೃಚಾಮನುಷ್ಟುಪ್ (7-9) ಅಂತ್ಯತೃಚಸ್ಯ ಚ ಗಾಯತ್ರೀ ಛಂದಸೀ || | |
| 313 | ಯತ್ರ॒ ಗ್ರಾವಾ᳚ ಪೃ॒ಥುಬು॑ಧ್ನ ಊ॒ರ್ಧ್ವೋ ಭವ॑ತಿ॒ ಸೋತ॑ವೇ | ಉ॒ಲೂಖ॑ಲಸುತಾನಾ॒ಮವೇದ್ವಿಂ᳚ದ್ರ ಜಲ್ಗುಲಃ ||{1.2.25.1}, {1.28.1}, {1.6.5.1} |
| 314 | ಯತ್ರ॒ ದ್ವಾವಿ॑ವ ಜ॒ಘನಾ᳚ಧಿಷವ॒ಣ್ಯಾ᳚ ಕೃ॒ತಾ | ಉ॒ಲೂಖ॑ಲಸುತಾನಾ॒ಮವೇದ್ವಿಂ᳚ದ್ರ ಜಲ್ಗುಲಃ ||{1.2.25.2}, {1.28.2}, {1.6.5.2} |
| 315 | ಯತ್ರ॒ ನಾರ್ಯ॑ಪಚ್ಯ॒ವಮು॑ಪಚ್ಯ॒ವಂ ಚ॒ ಶಿಕ್ಷ॑ತೇ | ಉ॒ಲೂಖ॑ಲಸುತಾನಾ॒ಮವೇದ್ವಿಂ᳚ದ್ರ ಜಲ್ಗುಲಃ ||{1.2.25.3}, {1.28.3}, {1.6.5.3} |
| 316 | ಯತ್ರ॒ ಮಂಥಾಂ᳚ ವಿಬ॒ಧ್ನತೇ᳚ ರ॒ಶ್ಮೀನ್ಯಮಿ॑ತ॒ವಾ ಇ॑ವ | ಉ॒ಲೂಖ॑ಲಸುತಾನಾ॒ಮವೇದ್ವಿಂ᳚ದ್ರ ಜಲ್ಗುಲಃ ||{1.2.25.4}, {1.28.4}, {1.6.5.4} |
| 317 | ಯಚ್ಚಿ॒ದ್ಧಿ ತ್ವಂ ಗೃ॒ಹೇಗೃ॑ಹ॒ ಉಲೂ᳚ಖಲಕ ಯು॒ಜ್ಯಸೇ᳚ | ಇ॒ಹ ದ್ಯು॒ಮತ್ತ॑ಮಂ ವದ॒ ಜಯ॑ತಾಮಿವ ದುಂದು॒ಭಿಃ ||{1.2.25.5}, {1.28.5}, {1.6.5.5} |
| 318 | ಉ॒ತ ಸ್ಮ॑ ತೇ ವನಸ್ಪತೇ॒ ವಾತೋ॒ ವಿ ವಾ॒ತ್ಯಗ್ರ॒ಮಿತ್ | ಅಥೋ॒ ಇಂದ್ರಾ᳚ಯ॒ ಪಾತ॑ವೇ ಸು॒ನು ಸೋಮ॑ಮುಲೂಖಲ ||{1.2.26.1}, {1.28.6}, {1.6.5.6} |
| 319 | ಆ॒ಯ॒ಜೀ ವಾ᳚ಜ॒ಸಾತ॑ಮಾ॒ ತಾ ಹ್ಯು೧॑(ಉ॒)ಚ್ಚಾ ವಿ॑ಜರ್ಭೃ॒ತಃ | ಹರೀ᳚ ಇ॒ವಾಂಧಾಂ᳚ಸಿ॒ ಬಪ್ಸ॑ತಾ ||{1.2.26.2}, {1.28.7}, {1.6.5.7} |
| 320 | ತಾ ನೋ᳚ ಅ॒ದ್ಯ ವ॑ನಸ್ಪತೀ ಋ॒ಷ್ವಾವೃ॒ಷ್ವೇಭಿಃ॑ ಸೋ॒ತೃಭಿಃ॑ | ಇಂದ್ರಾ᳚ಯ॒ ಮಧು॑ಮತ್ಸುತಂ ||{1.2.26.3}, {1.28.8}, {1.6.5.8} |
| 321 | ಉಚ್ಛಿ॒ಷ್ಟಂ ಚ॒ಮ್ವೋ᳚ರ್ಭರ॒ ಸೋಮಂ᳚ ಪ॒ವಿತ್ರ॒ ಆ ಸೃ॑ಜ | ನಿ ಧೇ᳚ಹಿ॒ ಗೋರಧಿ॑ ತ್ವ॒ಚಿ ||{1.2.26.4}, {1.28.9}, {1.6.5.9} |
| [29] (1-7) ಯಚ್ಚಿದ್ಧೀತಿ ಸಪ್ತರ್ಚಸ್ಯ ಸೂಕ್ತಸ್ಯ ಆಜೀಗರ್ತಿಃ ಶುನಃಶೇಪ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ | ಇಂದ್ರೋ ದೇವತಾ | ಪ‌ಙ್ಕ್ತಿಶ್ಛಂದಃ || | |
| 322 | ಯಚ್ಚಿ॒ದ್ಧಿ ಸ॑ತ್ಯ ಸೋಮಪಾ ಅನಾಶ॒ಸ್ತಾ ಇ॑ವ॒ ಸ್ಮಸಿ॑ | ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ ||{1.2.27.1}, {1.29.1}, {1.6.6.1} |
| 323 | ಶಿಪ್ರಿ᳚ನ್ವಾಜಾನಾಂ ಪತೇ॒ ಶಚೀ᳚ವ॒ಸ್ತವ॑ ದಂ॒ಸನಾ᳚ | ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ ||{1.2.27.2}, {1.29.2}, {1.6.6.2} |
| 324 | ನಿ ಷ್ವಾ᳚ಪಯಾ ಮಿಥೂ॒ದೃಶಾ᳚ ಸ॒ಸ್ತಾಮಬು॑ಧ್ಯಮಾನೇ | ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ ||{1.2.27.3}, {1.29.3}, {1.6.6.3} |
| 325 | ಸ॒ಸಂತು॒ ತ್ಯಾ ಅರಾ᳚ತಯೋ॒ ಬೋಧಂ᳚ತು ಶೂರ ರಾ॒ತಯಃ॑ | ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ ||{1.2.27.4}, {1.29.4}, {1.6.6.4} |
| 326 | ಸಮಿಂ᳚ದ್ರ ಗರ್ದ॒ಭಂ ಮೃ॑ಣ ನು॒ವಂತಂ᳚ ಪಾ॒ಪಯಾ᳚ಮು॒ಯಾ | ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ ||{1.2.27.5}, {1.29.5}, {1.6.6.5} |
| 327 | ಪತಾ᳚ತಿ ಕುಂಡೃ॒ಣಾಚ್ಯಾ᳚ ದೂ॒ರಂ ವಾತೋ॒ ವನಾ॒ದಧಿ॑ | ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ ||{1.2.27.6}, {1.29.6}, {1.6.6.6} |
| 328 | ಸರ್ವಂ᳚ ಪರಿಕ್ರೋ॒ಶಂ ಜ॑ಹಿ ಜಂ॒ಭಯಾ᳚ ಕೃಕದಾ॒ಶ್ವಂ᳚ | ಆ ತೂ ನ॑ ಇಂದ್ರ ಶಂಸಯ॒ ಗೋಷ್ವಶ್ವೇ᳚ಷು ಶು॒ಭ್ರಿಷು॑ ಸ॒ಹಸ್ರೇ᳚ಷು ತುವೀಮಘ ||{1.2.27.7}, {1.29.7}, {1.6.6.7} |
| [30] (1-22) ಆವ ಇಂದ್ರಮಿತಿ ದ್ವಾವಿಂಶತ್ಯೃಚಸ್ಯ ಸೂಕ್ತಸ್ಯ ಆಜೀಗರ್ತಿಃ ಶುನಃಶೇಪಃ (ಸ ಕೃತ್ರಿಮೋ ವೈಶ್ವಾಮಿತ್ರೋ ದೇವರಾತಃ) ಋಷಿಃ | (1-16) ಪ್ರಥಮಾದಿಷೋಡಶರ್ಚಾಮಿಂದ್ರಃ (17-19) ಸಪ್ತದಶ್ಯಾದಿತೃಚಸ್ಯಾಶ್ವಿನೌ (20-22) ವಿಂಶ್ಯಾದಿತೃಚಸ್ಯ ಚ ಉಷಾ ದೇವತಾಃ | (1-10, 12-15, 17-22) ಪ್ರಥಮಾದಿದಶರ್ಚಾಂ ದ್ವಾದಶ್ಯಾದಿಚತುರ್‌ಋಚಾಂ ಸಪ್ತದಶ್ಯಾದಿಷಳೃಚಾಂಚ ಗಾಯತ್ರೀ (11) ಏಕಾದಶ್ಯಾಃ ಪಾದನಿಚೃದ್ಗಾಯತ್ರೀ (16) ಷೋಡಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ || | |
| 329 | ಆ ವ॒ ಇಂದ್ರಂ॒ ಕ್ರಿವಿಂ᳚ ಯಥಾ ವಾಜ॒ಯಂತಃ॑ ಶ॒ತಕ್ರ॑ತುಂ | ಮಂಹಿ॑ಷ್ಠಂ ಸಿಂಚ॒ ಇಂದು॑ಭಿಃ ||{1.2.28.1}, {1.30.1}, {1.6.7.1} |
| 330 | ಶ॒ತಂ ವಾ॒ ಯಃ ಶುಚೀ᳚ನಾಂ ಸ॒ಹಸ್ರಂ᳚ ವಾ॒ ಸಮಾ᳚ಶಿರಾಂ | ಏದು॑ ನಿ॒ಮ್ನಂ ನ ರೀ᳚ಯತೇ ||{1.2.28.2}, {1.30.2}, {1.6.7.2} |
| 331 | ಸಂ ಯನ್ಮದಾ᳚ಯ ಶು॒ಷ್ಮಿಣ॑ ಏ॒ನಾ ಹ್ಯ॑ಸ್ಯೋ॒ದರೇ᳚ | ಸ॒ಮು॒ದ್ರೋ ನ ವ್ಯಚೋ᳚ ದ॒ಧೇ ||{1.2.28.3}, {1.30.3}, {1.6.7.3} |
| 332 | ಅ॒ಯಮು॑ ತೇ॒ ಸಮ॑ತಸಿ ಕ॒ಪೋತ॑ ಇವ ಗರ್ಭ॒ಧಿಂ | ವಚ॒ಸ್ತಚ್ಚಿ᳚ನ್ನ ಓಹಸೇ ||{1.2.28.4}, {1.30.4}, {1.6.7.4} |
| 333 | ಸ್ತೋ॒ತ್ರಂ ರಾ᳚ಧಾನಾಂ ಪತೇ॒ ಗಿರ್ವಾ᳚ಹೋ ವೀರ॒ ಯಸ್ಯ॑ ತೇ | ವಿಭೂ᳚ತಿರಸ್ತು ಸೂ॒ನೃತಾ᳚ ||{1.2.28.5}, {1.30.5}, {1.6.7.5} |
| 334 | ಊ॒ರ್ಧ್ವಸ್ತಿ॑ಷ್ಠಾ ನ ಊ॒ತಯೇ॒ಽಸ್ಮಿನ್ವಾಜೇ᳚ ಶತಕ್ರತೋ | ಸಮ॒ನ್ಯೇಷು॑ ಬ್ರವಾವಹೈ ||{1.2.29.1}, {1.30.6}, {1.6.7.6} |
| 335 | ಯೋಗೇ᳚ಯೋಗೇ ತ॒ವಸ್ತ॑ರಂ॒ ವಾಜೇ᳚ವಾಜೇ ಹವಾಮಹೇ | ಸಖಾ᳚ಯ॒ ಇಂದ್ರ॑ಮೂ॒ತಯೇ᳚ ||{1.2.29.2}, {1.30.7}, {1.6.7.7} |
| 336 | ಆ ಘಾ᳚ ಗಮ॒ದ್ಯದಿ॒ ಶ್ರವ॑ತ್ಸಹ॒ಸ್ರಿಣೀ᳚ಭಿರೂ॒ತಿಭಿಃ॑ | ವಾಜೇ᳚ಭಿ॒ರುಪ॑ ನೋ॒ ಹವಂ᳚ ||{1.2.29.3}, {1.30.8}, {1.6.7.8} |
| 337 | ಅನು॑ ಪ್ರ॒ತ್ನಸ್ಯೌಕ॑ಸೋ ಹು॒ವೇ ತು॑ವಿಪ್ರ॒ತಿಂ ನರಂ᳚ | ಯಂ ತೇ॒ ಪೂರ್ವಂ᳚ ಪಿ॒ತಾ ಹು॒ವೇ ||{1.2.29.4}, {1.30.9}, {1.6.7.9} |
| 338 | ತಂ ತ್ವಾ᳚ ವ॒ಯಂ ವಿ॑ಶ್ವವಾ॒ರಾ ಶಾ᳚ಸ್ಮಹೇ ಪುರುಹೂತ | ಸಖೇ᳚ ವಸೋ ಜರಿ॒ತೃಭ್ಯಃ॑ ||{1.2.29.5}, {1.30.10}, {1.6.7.10} |
| 339 | ಅ॒ಸ್ಮಾಕಂ᳚ ಶಿ॒ಪ್ರಿಣೀ᳚ನಾಂ॒ ಸೋಮ॑ಪಾಃ ಸೋಮ॒ಪಾವ್ನಾಂ᳚ | ಸಖೇ᳚ ವಜ್ರಿ॒ನ್ಸಖೀ᳚ನಾಂ ||{1.2.30.1}, {1.30.11}, {1.6.7.11} |
| 340 | ತಥಾ॒ ತದ॑ಸ್ತು ಸೋಮಪಾಃ॒ ಸಖೇ᳚ ವಜ್ರಿಂ॒ತಥಾ᳚ ಕೃಣು | ಯಥಾ᳚ ತ ಉ॒ಶ್ಮಸೀ॒ಷ್ಟಯೇ᳚ ||{1.2.30.2}, {1.30.12}, {1.6.7.12} |
| 341 | ರೇ॒ವತೀ᳚ರ್ನಃ ಸಧ॒ಮಾದ॒ ಇಂದ್ರೇ᳚ ಸಂತು ತು॒ವಿವಾ᳚ಜಾಃ | ಕ್ಷು॒ಮಂತೋ॒ ಯಾಭಿ॒ರ್ಮದೇ᳚ಮ ||{1.2.30.3}, {1.30.13}, {1.6.7.13} |
| 342 | ಆ ಘ॒ ತ್ವಾವಾಂ॒ತ್ಮನಾ॒ಪ್ತಃ ಸ್ತೋ॒ತೃಭ್ಯೋ᳚ ಧೃಷ್ಣವಿಯಾ॒ನಃ | ಋ॒ಣೋರಕ್ಷಂ॒ ನ ಚ॒ಕ್ರ್ಯೋಃ᳚ ||{1.2.30.4}, {1.30.14}, {1.6.7.14} |
| 343 | ಆ ಯದ್ದುವಃ॑ ಶತಕ್ರತ॒ವಾ ಕಾಮಂ᳚ ಜರಿತೄ॒ಣಾಂ | ಋ॒ಣೋರಕ್ಷಂ॒ ನ ಶಚೀ᳚ಭಿಃ ||{1.2.30.5}, {1.30.15}, {1.6.7.15} |
| 344 | ಶಶ್ವ॒ದಿಂದ್ರಃ॒ ಪೋಪ್ರು॑ಥದ್ಭಿರ್ಜಿಗಾಯ॒ ನಾನ॑ದದ್ಭಿಃ॒ ಶಾಶ್ವ॑ಸದ್ಭಿ॒ರ್ಧನಾ᳚ನಿ | ಸ ನೋ᳚ ಹಿರಣ್ಯರ॒ಥಂ ದಂ॒ಸನಾ᳚ವಾ॒ನ್ಸ ನಃ॑ ಸನಿ॒ತಾ ಸ॒ನಯೇ॒ ಸ ನೋ᳚ಽದಾತ್ ||{1.2.31.1}, {1.30.16}, {1.6.7.16} |
| 345 | ಆಶ್ವಿ॑ನಾ॒ವಶ್ವಾ᳚ವತ್ಯೇ॒ಷಾ ಯಾ᳚ತಂ॒ ಶವೀ᳚ರಯಾ | ಗೋಮ॑ದ್ದಸ್ರಾ॒ ಹಿರ᳚ಣ್ಯವತ್ ||{1.2.31.2}, {1.30.17}, {1.6.7.17} |
| 346 | ಸ॒ಮಾ॒ನಯೋ᳚ಜನೋ॒ ಹಿ ವಾಂ॒ ರಥೋ᳚ ದಸ್ರಾ॒ವಮ॑ರ್ತ್ಯಃ | ಸ॒ಮು॒ದ್ರೇ ಅ॑ಶ್ವಿ॒ನೇಯ॑ತೇ ||{1.2.31.3}, {1.30.18}, {1.6.7.18} |
| 347 | ನ್ಯ೧॑(ಅ॒)ಘ್ನ್ಯಸ್ಯ॑ ಮೂ॒ರ್ಧನಿ॑ ಚ॒ಕ್ರಂ ರಥ॑ಸ್ಯ ಯೇಮಥುಃ | ಪರಿ॒ ದ್ಯಾಮ॒ನ್ಯದೀ᳚ಯತೇ ||{1.2.31.4}, {1.30.19}, {1.6.7.19} |
| 348 | ಕಸ್ತ॑ ಉಷಃ ಕಧಪ್ರಿಯೇ ಭು॒ಜೇ ಮರ್ತೋ᳚ ಅಮರ್ತ್ಯೇ | ಕಂ ನ॑ಕ್ಷಸೇ ವಿಭಾವರಿ ||{1.2.31.5}, {1.30.20}, {1.6.7.20} |
| 349 | ವ॒ಯಂ ಹಿ ತೇ॒ ಅಮ᳚ನ್ಮ॒ಹ್ಯಾಂತಾ॒ದಾ ಪ॑ರಾ॒ಕಾತ್ | ಅಶ್ವೇ॒ ನ ಚಿ॑ತ್ರೇ ಅರುಷಿ ||{1.2.31.6}, {1.30.21}, {1.6.7.21} |
| 350 | ತ್ವಂ ತ್ಯೇಭಿ॒ರಾ ಗ॑ಹಿ॒ ವಾಜೇ᳚ಭಿರ್ದುಹಿತರ್ದಿವಃ | ಅ॒ಸ್ಮೇ ರ॒ಯಿಂ ನಿ ಧಾ᳚ರಯ ||{1.2.31.7}, {1.30.22}, {1.6.7.22} |
| [31] (1-18) ತ್ವಮಗ್ನ ಇತಿ ಅಷ್ಟಾದಶರ್ಚಸ್ಯ ಸೂಕ್ತಸ್ಯ ಆಂಗಿರಸೋ ಹಿರಣ್ಯಸ್ತೂಪ ಋಷಿಃ | ಅಗ್ನಿರ್ದೇವತಾ | (1-7, 9-15, 17) ಪ್ರಥಮಾದಿಸಪ್ತರ್ಚಾಂ ನವಮ್ಯಾದಿಸಪ್ತರ್ಚಾಂ ಸಪ್ತದಶ್ಯಾಶ್ಚ ಜಗತೀಃ (8, 16, 18) ಅಷ್ಟಮೀಷೋಡಶ್ಯೋರಷ್ಟಾದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ || | |
| 351 | ತ್ವಮ॑ಗ್ನೇ ಪ್ರಥ॒ಮೋ ಅಂಗಿ॑ರಾ॒ ಋಷಿ॑ರ್ದೇ॒ವೋ ದೇ॒ವಾನಾ᳚ಮಭವಃ ಶಿ॒ವಃ ಸಖಾ᳚ | ತವ᳚ ವ್ರ॒ತೇ ಕ॒ವಯೋ᳚ ವಿದ್ಮ॒ನಾಪ॒ಸೋಽಜಾ᳚ಯಂತ ಮ॒ರುತೋ॒ ಭ್ರಾಜ॑ದೃಷ್ಟಯಃ ||{1.2.32.1}, {1.31.1}, {1.7.1.1} |
| 352 | ತ್ವಮ॑ಗ್ನೇ ಪ್ರಥ॒ಮೋ ಅಂಗಿ॑ರಸ್ತಮಃ ಕ॒ವಿರ್ದೇ॒ವಾನಾಂ॒ ಪರಿ॑ ಭೂಷಸಿ ವ್ರ॒ತಂ | ವಿ॒ಭುರ್ವಿಶ್ವ॑ಸ್ಮೈ॒ ಭುವ॑ನಾಯ॒ ಮೇಧಿ॑ರೋ ದ್ವಿಮಾ॒ತಾ ಶ॒ಯುಃ ಕ॑ತಿ॒ಧಾ ಚಿ॑ದಾ॒ಯವೇ᳚ ||{1.2.32.2}, {1.31.2}, {1.7.1.2} |
| 353 | ತ್ವಮ॑ಗ್ನೇ ಪ್ರಥ॒ಮೋ ಮಾ᳚ತ॒ರಿಶ್ವ॑ನ ಆ॒ವಿರ್ಭ॑ವ ಸುಕ್ರತೂ॒ಯಾ ವಿ॒ವಸ್ವ॑ತೇ | ಅರೇ᳚ಜೇತಾಂ॒ ರೋದ॑ಸೀ ಹೋತೃ॒ವೂರ್ಯೇಽಸ॑ಘ್ನೋರ್ಭಾ॒ರಮಯ॑ಜೋ ಮ॒ಹೋ ವ॑ಸೋ ||{1.2.32.3}, {1.31.3}, {1.7.1.3} |
| 354 | ತ್ವಮ॑ಗ್ನೇ॒ ಮನ॑ವೇ॒ ದ್ಯಾಮ॑ವಾಶಯಃ ಪುರೂ॒ರವ॑ಸೇ ಸು॒ಕೃತೇ᳚ ಸು॒ಕೃತ್ತ॑ರಃ | ಶ್ವಾ॒ತ್ರೇಣ॒ ಯತ್ಪಿ॒ತ್ರೋರ್ಮುಚ್ಯ॑ಸೇ॒ ಪರ್ಯಾ ತ್ವಾ॒ ಪೂರ್ವ॑ಮನಯ॒ನ್ನಾಪ॑ರಂ॒ ಪುನಃ॑ ||{1.2.32.4}, {1.31.4}, {1.7.1.4} |
| 355 | ತ್ವಮ॑ಗ್ನೇ ವೃಷ॒ಭಃ ಪು॑ಷ್ಟಿ॒ವರ್ಧ॑ನ॒ ಉದ್ಯ॑ತಸ್ರುಚೇ ಭವಸಿ ಶ್ರ॒ವಾಯ್ಯಃ॑ | ಯ ಆಹು॑ತಿಂ॒ ಪರಿ॒ ವೇದಾ॒ ವಷ॑ಟ್ಕೃತಿ॒ಮೇಕಾ᳚ಯು॒ರಗ್ರೇ॒ ವಿಶ॑ ಆ॒ವಿವಾ᳚ಸಸಿ ||{1.2.32.5}, {1.31.5}, {1.7.1.5} |
| 356 | ತ್ವಮ॑ಗ್ನೇ ವೃಜಿ॒ನವ॑ರ್ತನಿಂ॒ ನರಂ॒ ಸಕ್ಮ᳚ನ್ಪಿಪರ್ಷಿ ವಿ॒ದಥೇ᳚ ವಿಚರ್ಷಣೇ | ಯಃ ಶೂರ॑ಸಾತಾ॒ ಪರಿ॑ತಕ್ಮ್ಯೇ॒ ಧನೇ᳚ ದ॒ಭ್ರೇಭಿ॑ಶ್ಚಿ॒ತ್ಸಮೃ॑ತಾ॒ ಹಂಸಿ॒ ಭೂಯ॑ಸಃ ||{1.2.33.1}, {1.31.6}, {1.7.1.6} |
| 357 | ತ್ವಂ ತಮ॑ಗ್ನೇ ಅಮೃತ॒ತ್ವ ಉ॑ತ್ತ॒ಮೇ ಮರ್ತಂ᳚ ದಧಾಸಿ॒ ಶ್ರವ॑ಸೇ ದಿ॒ವೇದಿ॑ವೇ | ಯಸ್ತಾ᳚ತೃಷಾ॒ಣ ಉ॒ಭಯಾ᳚ಯ॒ ಜನ್ಮ॑ನೇ॒ ಮಯಃ॑ ಕೃ॒ಣೋಷಿ॒ ಪ್ರಯ॒ ಆ ಚ॑ ಸೂ॒ರಯೇ᳚ ||{1.2.33.2}, {1.31.7}, {1.7.1.7} |
| 358 | ತ್ವಂ ನೋ᳚ ಅಗ್ನೇ ಸ॒ನಯೇ॒ ಧನಾ᳚ನಾಂ ಯ॒ಶಸಂ᳚ ಕಾ॒ರುಂ ಕೃ॑ಣುಹಿ॒ ಸ್ತವಾ᳚ನಃ | ಋ॒ಧ್ಯಾಮ॒ ಕರ್ಮಾ॒ಪಸಾ॒ ನವೇ᳚ನ ದೇ॒ವೈರ್ದ್ಯಾ᳚ವಾಪೃಥಿವೀ॒ ಪ್ರಾವ॑ತಂ ನಃ ||{1.2.33.3}, {1.31.8}, {1.7.1.8} |
| 359 | ತ್ವಂ ನೋ᳚ ಅಗ್ನೇ ಪಿ॒ತ್ರೋರು॒ಪಸ್ಥ॒ ಆ ದೇ॒ವೋ ದೇ॒ವೇಷ್ವ॑ನವದ್ಯ॒ ಜಾಗೃ॑ವಿಃ | ತ॒ನೂ॒ಕೃದ್ಬೋ᳚ಧಿ॒ ಪ್ರಮ॑ತಿಶ್ಚ ಕಾ॒ರವೇ॒ ತ್ವಂ ಕ᳚ಲ್ಯಾಣ॒ ವಸು॒ ವಿಶ್ವ॒ಮೋಪಿ॑ಷೇ ||{1.2.33.4}, {1.31.9}, {1.7.1.9} |
| 360 | ತ್ವಮ॑ಗ್ನೇ॒ ಪ್ರಮ॑ತಿ॒ಸ್ತ್ವಂ ಪಿ॒ತಾಸಿ॑ ನ॒ಸ್ತ್ವಂ ವ॑ಯ॒ಸ್ಕೃತ್ತವ॑ ಜಾ॒ಮಯೋ᳚ ವ॒ಯಂ | ಸಂ ತ್ವಾ॒ ರಾಯಃ॑ ಶ॒ತಿನಃ॒ ಸಂ ಸ॑ಹ॒ಸ್ರಿಣಃ॑ ಸು॒ವೀರಂ᳚ ಯಂತಿ ವ್ರತ॒ಪಾಮ॑ದಾಭ್ಯ ||{1.2.33.5}, {1.31.10}, {1.7.1.10} |
| 361 | ತ್ವಾಮ॑ಗ್ನೇ ಪ್ರಥ॒ಮಮಾ॒ಯುಮಾ॒ಯವೇ᳚ ದೇ॒ವಾ ಅ॑ಕೃಣ್ವ॒ನ್ನಹು॑ಷಸ್ಯ ವಿ॒ಶ್ಪತಿಂ᳚ | ಇಳಾ᳚ಮಕೃಣ್ವ॒ನ್ಮನು॑ಷಸ್ಯ॒ ಶಾಸ॑ನೀಂ ಪಿ॒ತುರ್ಯತ್ಪು॒ತ್ರೋ ಮಮ॑ಕಸ್ಯ॒ ಜಾಯ॑ತೇ ||{1.2.34.1}, {1.31.11}, {1.7.1.11} |
| 362 | ತ್ವಂ ನೋ᳚ ಅಗ್ನೇ॒ ತವ॑ ದೇವ ಪಾ॒ಯುಭಿ᳚ರ್ಮ॒ಘೋನೋ᳚ ರಕ್ಷ ತ॒ನ್ವ॑ಶ್ಚ ವಂದ್ಯ | ತ್ರಾ॒ತಾ ತೋ॒ಕಸ್ಯ॒ ತನ॑ಯೇ॒ ಗವಾ᳚ಮ॒ಸ್ಯನಿ॑ಮೇಷಂ॒ ರಕ್ಷ॑ಮಾಣ॒ಸ್ತವ᳚ ವ್ರ॒ತೇ ||{1.2.34.2}, {1.31.12}, {1.7.1.12} |
| 363 | ತ್ವಮ॑ಗ್ನೇ॒ ಯಜ್ಯ॑ವೇ ಪಾ॒ಯುರಂತ॑ರೋಽನಿಷಂ॒ಗಾಯ॑ ಚತುರ॒ಕ್ಷ ಇ॑ಧ್ಯಸೇ | ಯೋ ರಾ॒ತಹ᳚ವ್ಯೋಽವೃ॒ಕಾಯ॒ ಧಾಯ॑ಸೇ ಕೀ॒ರೇಶ್ಚಿ॒ನ್ಮಂತ್ರಂ॒ ಮನ॑ಸಾ ವ॒ನೋಷಿ॒ ತಂ ||{1.2.34.3}, {1.31.13}, {1.7.1.13} |
| 364 | ತ್ವಮ॑ಗ್ನ ಉರು॒ಶಂಸಾ᳚ಯ ವಾ॒ಘತೇ᳚ ಸ್ಪಾ॒ರ್ಹಂ ಯದ್ರೇಕ್ಣಃ॑ ಪರ॒ಮಂ ವ॒ನೋಷಿ॒ ತತ್ | ಆ॒ಧ್ರಸ್ಯ॑ ಚಿ॒ತ್ಪ್ರಮ॑ತಿರುಚ್ಯಸೇ ಪಿ॒ತಾ ಪ್ರ ಪಾಕಂ॒ ಶಾಸ್ಸಿ॒ ಪ್ರ ದಿಶೋ᳚ ವಿ॒ದುಷ್ಟ॑ರಃ ||{1.2.34.4}, {1.31.14}, {1.7.1.14} |
| 365 | ತ್ವಮ॑ಗ್ನೇ॒ ಪ್ರಯ॑ತದಕ್ಷಿಣಂ॒ ನರಂ॒ ವರ್ಮೇ᳚ವ ಸ್ಯೂ॒ತಂ ಪರಿ॑ ಪಾಸಿ ವಿ॒ಶ್ವತಃ॑ | ಸ್ವಾ॒ದು॒ಕ್ಷದ್ಮಾ॒ ಯೋ ವ॑ಸ॒ತೌ ಸ್ಯೋ᳚ನ॒ಕೃಜ್ಜೀ᳚ವಯಾ॒ಜಂ ಯಜ॑ತೇ॒ ಸೋಪ॒ಮಾ ದಿ॒ವಃ ||{1.2.34.5}, {1.31.15}, {1.7.1.15} |
| 366 | ಇ॒ಮಾಮ॑ಗ್ನೇ ಶ॒ರಣಿಂ᳚ ಮೀಮೃಷೋ ನ ಇ॒ಮಮಧ್ವಾ᳚ನಂ॒ ಯಮಗಾ᳚ಮ ದೂ॒ರಾತ್ | ಆ॒ಪಿಃ ಪಿ॒ತಾ ಪ್ರಮ॑ತಿಃ ಸೋ॒ಮ್ಯಾನಾಂ॒ ಭೃಮಿ॑ರಸ್ಯೃಷಿ॒ಕೃನ್ಮರ್ತ್ಯಾ᳚ನಾಂ ||{1.2.35.1}, {1.31.16}, {1.7.1.16} |
| 367 | ಮ॒ನು॒ಷ್ವದ॑ಗ್ನೇ ಅಂಗಿರ॒ಸ್ವದಂ᳚ಗಿರೋ ಯಯಾತಿ॒ವತ್ಸದ॑ನೇ ಪೂರ್ವ॒ವಚ್ಛು॑ಚೇ | ಅಚ್ಛ॑ ಯಾ॒ಹ್ಯಾ ವ॑ಹಾ॒ ದೈವ್ಯಂ॒ ಜನ॒ಮಾ ಸಾ᳚ದಯ ಬ॒ರ್ಹಿಷಿ॒ ಯಕ್ಷಿ॑ ಚ ಪ್ರಿ॒ಯಂ ||{1.2.35.2}, {1.31.17}, {1.7.1.17} |
| 368 | ಏ॒ತೇನಾ᳚ಗ್ನೇ॒ ಬ್ರಹ್ಮ॑ಣಾ ವಾವೃಧಸ್ವ॒ ಶಕ್ತೀ᳚ ವಾ॒ ಯತ್ತೇ᳚ ಚಕೃ॒ಮಾ ವಿ॒ದಾ ವಾ᳚ | ಉ॒ತ ಪ್ರ ಣೇ᳚ಷ್ಯ॒ಭಿ ವಸ್ಯೋ᳚ ಅ॒ಸ್ಮಾನ್ಸಂ ನಃ॑ ಸೃಜ ಸುಮ॒ತ್ಯಾ ವಾಜ॑ವತ್ಯಾ ||{1.2.35.3}, {1.31.18}, {1.7.1.18} |
| [32] (1-15) ಇಂದ್ರಸ್ಯ ಇತಿ ಪಂಚದಶರ್ಚಸ್ಯ ಸೂಕ್ತಸ್ಯ ಆಂಗಿರಸೋ ಹಿರಣ್ಯಸ್ತೂಪ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 369 | ಇಂದ್ರ॑ಸ್ಯ॒ ನು ವೀ॒ರ್ಯಾ᳚ಣಿ॒ ಪ್ರ ವೋ᳚ಚಂ॒ ಯಾನಿ॑ ಚ॒ಕಾರ॑ ಪ್ರಥ॒ಮಾನಿ॑ ವ॒ಜ್ರೀ | ಅಹ॒ನ್ನಹಿ॒ಮನ್ವ॒ಪಸ್ತ॑ತರ್ದ॒ ಪ್ರ ವ॒ಕ್ಷಣಾ᳚ ಅಭಿನ॒ತ್ಪರ್ವ॑ತಾನಾಂ ||{1.2.36.1}, {1.32.1}, {1.7.2.1} |
| 370 | ಅಹ॒ನ್ನಹಿಂ॒ ಪರ್ವ॑ತೇ ಶಿಶ್ರಿಯಾ॒ಣಂ ತ್ವಷ್ಟಾ᳚ಸ್ಮೈ॒ ವಜ್ರಂ᳚ ಸ್ವ॒ರ್ಯಂ᳚ ತತಕ್ಷ | ವಾ॒ಶ್ರಾ ಇ॑ವ ಧೇ॒ನವಃ॒ ಸ್ಯಂದ॑ಮಾನಾ॒ ಅಂಜಃ॑ ಸಮು॒ದ್ರಮವ॑ ಜಗ್ಮು॒ರಾಪಃ॑ ||{1.2.36.2}, {1.32.2}, {1.7.2.2} |
| 371 | ವೃ॒ಷಾ॒ಯಮಾ᳚ಣೋಽವೃಣೀತ॒ ಸೋಮಂ॒ ತ್ರಿಕ॑ದ್ರುಕೇಷ್ವಪಿಬತ್ಸು॒ತಸ್ಯ॑ | ಆ ಸಾಯ॑ಕಂ ಮ॒ಘವಾ᳚ದತ್ತ॒ ವಜ್ರ॒ಮಹ᳚ನ್ನೇನಂ ಪ್ರಥಮ॒ಜಾಮಹೀ᳚ನಾಂ ||{1.2.36.3}, {1.32.3}, {1.7.2.3} |
| 372 | ಯದಿಂ॒ದ್ರಾಹ᳚ನ್ಪ್ರಥಮ॒ಜಾಮಹೀ᳚ನಾ॒ಮಾನ್ಮಾ॒ಯಿನಾ॒ಮಮಿ॑ನಾಃ॒ ಪ್ರೋತ ಮಾ॒ಯಾಃ | ಆತ್ಸೂರ್ಯಂ᳚ ಜ॒ನಯಂ॒ದ್ಯಾಮು॒ಷಾಸಂ᳚ ತಾ॒ದೀತ್ನಾ॒ ಶತ್ರುಂ॒ ನ ಕಿಲಾ᳚ ವಿವಿತ್ಸೇ ||{1.2.36.4}, {1.32.4}, {1.7.2.4} |
| 373 | ಅಹ᳚ನ್ವೃ॒ತ್ರಂ ವೃ॑ತ್ರ॒ತರಂ॒ ವ್ಯಂ᳚ಸ॒ಮಿಂದ್ರೋ॒ ವಜ್ರೇ᳚ಣ ಮಹ॒ತಾ ವ॒ಧೇನ॑ | ಸ್ಕಂಧಾಂ᳚ಸೀವ॒ ಕುಲಿ॑ಶೇನಾ॒ ವಿವೃ॒ಕ್ಣಾಹಿಃ॑ ಶಯತ ಉಪ॒ಪೃಕ್ಪೃ॑ಥಿ॒ವ್ಯಾಃ ||{1.2.36.5}, {1.32.5}, {1.7.2.5} |
| 374 | ಅ॒ಯೋ॒ದ್ಧೇವ॑ ದು॒ರ್ಮದ॒ ಆ ಹಿ ಜು॒ಹ್ವೇ ಮ॑ಹಾವೀ॒ರಂ ತು॑ವಿಬಾ॒ಧಮೃ॑ಜೀ॒ಷಂ | ನಾತಾ᳚ರೀದಸ್ಯ॒ ಸಮೃ॑ತಿಂ ವ॒ಧಾನಾಂ॒ ಸಂ ರು॒ಜಾನಾಃ᳚ ಪಿಪಿಷ॒ ಇಂದ್ರ॑ಶತ್ರುಃ ||{1.2.37.1}, {1.32.6}, {1.7.2.6} |
| 375 | ಅ॒ಪಾದ॑ಹ॒ಸ್ತೋ ಅ॑ಪೃತನ್ಯ॒ದಿಂದ್ರ॒ಮಾಸ್ಯ॒ ವಜ್ರ॒ಮಧಿ॒ ಸಾನೌ᳚ ಜಘಾನ | ವೃಷ್ಣೋ॒ ವಧ್ರಿಃ॑ ಪ್ರತಿ॒ಮಾನಂ॒ ಬುಭೂ᳚ಷನ್ಪುರು॒ತ್ರಾ ವೃ॒ತ್ರೋ ಅ॑ಶಯ॒ದ್ವ್ಯ॑ಸ್ತಃ ||{1.2.37.2}, {1.32.7}, {1.7.2.7} |
| 376 | ನ॒ದಂ ನ ಭಿ॒ನ್ನಮ॑ಮು॒ಯಾ ಶಯಾ᳚ನಂ॒ ಮನೋ॒ ರುಹಾ᳚ಣಾ॒ ಅತಿ॑ ಯಂ॒ತ್ಯಾಪಃ॑ | ಯಾಶ್ಚಿ॑ದ್ವೃ॒ತ್ರೋ ಮ॑ಹಿ॒ನಾ ಪ॒ರ್ಯತಿ॑ಷ್ಠ॒ತ್ತಾಸಾ॒ಮಹಿಃ॑ ಪತ್ಸುತಃ॒ಶೀರ್ಬ॑ಭೂವ ||{1.2.37.3}, {1.32.8}, {1.7.2.8} |
| 377 | ನೀ॒ಚಾವ॑ಯಾ ಅಭವದ್ವೃ॒ತ್ರಪು॒ತ್ರೇಂದ್ರೋ᳚ ಅಸ್ಯಾ॒ ಅವ॒ ವಧ॑ರ್ಜಭಾರ | ಉತ್ತ॑ರಾ॒ ಸೂರಧ॑ರಃ ಪು॒ತ್ರ ಆ᳚ಸೀ॒ದ್ದಾನುಃ॑ ಶಯೇ ಸ॒ಹವ॑ತ್ಸಾ॒ ನ ಧೇ॒ನುಃ ||{1.2.37.4}, {1.32.9}, {1.7.2.9} |
| 378 | ಅತಿ॑ಷ್ಠಂತೀನಾಮನಿವೇಶ॒ನಾನಾಂ॒ ಕಾಷ್ಠಾ᳚ನಾಂ॒ ಮಧ್ಯೇ॒ ನಿಹಿ॑ತಂ॒ ಶರೀ᳚ರಂ | ವೃ॒ತ್ರಸ್ಯ॑ ನಿ॒ಣ್ಯಂ ವಿ ಚ॑ರಂ॒ತ್ಯಾಪೋ᳚ ದೀ॒ರ್ಘಂ ತಮ॒ ಆಶ॑ಯ॒ದಿಂದ್ರ॑ಶತ್ರುಃ ||{1.2.37.5}, {1.32.10}, {1.7.2.10} |
| 379 | ದಾ॒ಸಪ॑ತ್ನೀ॒ರಹಿ॑ಗೋಪಾ ಅತಿಷ್ಠ॒ನ್ನಿರು॑ದ್ಧಾ॒ ಆಪಃ॑ ಪ॒ಣಿನೇ᳚ವ॒ ಗಾವಃ॑ | ಅ॒ಪಾಂ ಬಿಲ॒ಮಪಿ॑ಹಿತಂ॒ ಯದಾಸೀ᳚ದ್ವೃ॒ತ್ರಂ ಜ॑ಘ॒ನ್ವಾಁ ಅಪ॒ ತದ್ವ॑ವಾರ ||{1.2.38.1}, {1.32.11}, {1.7.2.11} |
| 380 | ಅಶ್ವ್ಯೋ॒ ವಾರೋ᳚ ಅಭವ॒ಸ್ತದಿಂ᳚ದ್ರ ಸೃ॒ಕೇ ಯತ್ತ್ವಾ᳚ ಪ್ರ॒ತ್ಯಹಂ᳚ದೇ॒ವ ಏಕಃ॑ | ಅಜ॑ಯೋ॒ ಗಾ ಅಜ॑ಯಃ ಶೂರ॒ ಸೋಮ॒ಮವಾ᳚ಸೃಜಃ॒ ಸರ್ತ॑ವೇ ಸ॒ಪ್ತ ಸಿಂಧೂ॑ನ್ ||{1.2.38.2}, {1.32.12}, {1.7.2.12} |
| 381 | ನಾಸ್ಮೈ᳚ ವಿ॒ದ್ಯುನ್ನ ತ᳚ನ್ಯ॒ತುಃ ಸಿ॑ಷೇಧ॒ ನ ಯಾಂ ಮಿಹ॒ಮಕಿ॑ರದ್ಧ್ರಾ॒ದುನಿಂ᳚ ಚ | ಇಂದ್ರ॑ಶ್ಚ॒ ಯದ್ಯು॑ಯು॒ಧಾತೇ॒ ಅಹಿ॑ಶ್ಚೋ॒ತಾಪ॒ರೀಭ್ಯೋ᳚ ಮ॒ಘವಾ॒ ವಿ ಜಿ॑ಗ್ಯೇ ||{1.2.38.3}, {1.32.13}, {1.7.2.13} |
| 382 | ಅಹೇ᳚ರ್ಯಾ॒ತಾರಂ॒ ಕಮ॑ಪಶ್ಯ ಇಂದ್ರ ಹೃ॒ದಿ ಯತ್ತೇ᳚ ಜ॒ಘ್ನುಷೋ॒ ಭೀರಗ॑ಚ್ಛತ್ | ನವ॑ ಚ॒ ಯನ್ನ॑ವ॒ತಿಂ ಚ॒ ಸ್ರವಂ᳚ತೀಃ ಶ್ಯೇ॒ನೋ ನ ಭೀ॒ತೋ ಅತ॑ರೋ॒ ರಜಾಂ᳚ಸಿ ||{1.2.38.4}, {1.32.14}, {1.7.2.14} |
| 383 | ಇಂದ್ರೋ᳚ ಯಾ॒ತೋಽವ॑ಸಿತಸ್ಯ॒ ರಾಜಾ॒ ಶಮ॑ಸ್ಯ ಚ ಶೃಂ॒ಗಿಣೋ॒ ವಜ್ರ॑ಬಾಹುಃ | ಸೇದು॒ ರಾಜಾ᳚ ಕ್ಷಯತಿ ಚರ್ಷಣೀ॒ನಾಮ॒ರಾನ್ನ ನೇ॒ಮಿಃ ಪರಿ॒ ತಾ ಬ॑ಭೂವ ||{1.2.38.5}, {1.32.15}, {1.7.2.15} |
| [33] (1-15) ಏತಾಯಾಮೇತಿ ಪಂಚದಶರ್ಚಸ್ಯ ಸೂಕ್ತಸ್ಯ ಆಂಗಿರಸೋ ಹಿರಣ್ಯಸ್ತೂಪ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 384 | ಏತಾಯಾ॒ಮೋಪ॑ ಗ॒ವ್ಯಂತ॒ ಇಂದ್ರ॑ಮ॒ಸ್ಮಾಕಂ॒ ಸು ಪ್ರಮ॑ತಿಂ ವಾವೃಧಾತಿ | ಅ॒ನಾ॒ಮೃ॒ಣಃ ಕು॒ವಿದಾದ॒ಸ್ಯ ರಾ॒ಯೋ ಗವಾಂ॒ ಕೇತಂ॒ ಪರ॑ಮಾ॒ವರ್ಜ॑ತೇ ನಃ ||{1.3.1.1}, {1.33.1}, {1.7.3.1} |
| 385 | ಉಪೇದ॒ಹಂ ಧ॑ನ॒ದಾಮಪ್ರ॑ತೀತಂ॒ ಜುಷ್ಟಾಂ॒ ನ ಶ್ಯೇ॒ನೋ ವ॑ಸ॒ತಿಂ ಪ॑ತಾಮಿ | ಇಂದ್ರಂ᳚ ನಮ॒ಸ್ಯನ್ನು॑ಪ॒ಮೇಭಿ॑ರ॒ರ್ಕೈರ್ಯಃ ಸ್ತೋ॒ತೃಭ್ಯೋ॒ ಹವ್ಯೋ॒ ಅಸ್ತಿ॒ ಯಾಮ॑ನ್ ||{1.3.1.2}, {1.33.2}, {1.7.3.2} |
| 386 | ನಿ ಸರ್ವ॑ಸೇನ ಇಷು॒ಧೀಁರ॑ಸಕ್ತ॒ ಸಮ॒ರ್ಯೋ ಗಾ ಅ॑ಜತಿ॒ ಯಸ್ಯ॒ ವಷ್ಟಿ॑ | ಚೋ॒ಷ್ಕೂ॒ಯಮಾ᳚ಣ ಇಂದ್ರ॒ ಭೂರಿ॑ ವಾ॒ಮಂ ಮಾ ಪ॒ಣಿರ್ಭೂ᳚ರ॒ಸ್ಮದಧಿ॑ ಪ್ರವೃದ್ಧ ||{1.3.1.3}, {1.33.3}, {1.7.3.3} |
| 387 | ವಧೀ॒ರ್ಹಿ ದಸ್ಯುಂ᳚ ಧ॒ನಿನಂ᳚ ಘ॒ನೇನಁ॒ ಏಕ॒ಶ್ಚರ᳚ನ್ನುಪಶಾ॒ಕೇಭಿ॑ರಿಂದ್ರ | ಧನೋ॒ರಧಿ॑ ವಿಷು॒ಣಕ್ತೇ ವ್ಯಾ᳚ಯ॒ನ್ನಯ॑ಜ್ವಾನಃ ಸನ॒ಕಾಃ ಪ್ರೇತಿ॑ಮೀಯುಃ ||{1.3.1.4}, {1.33.4}, {1.7.3.4} |
| 388 | ಪರಾ᳚ ಚಿಚ್ಛೀ॒ರ್ಷಾ ವ॑ವೃಜು॒ಸ್ತ ಇಂ॒ದ್ರಾಯ॑ಜ್ವಾನೋ॒ ಯಜ್ವ॑ಭಿಃ॒ ಸ್ಪರ್ಧ॑ಮಾನಾಃ | ಪ್ರ ಯದ್ದಿ॒ವೋ ಹ॑ರಿವಃ ಸ್ಥಾತರುಗ್ರ॒ ನಿರ᳚ವ್ರ॒ತಾಁ ಅ॑ಧಮೋ॒ ರೋದ॑ಸ್ಯೋಃ ||{1.3.1.5}, {1.33.5}, {1.7.3.5} |
| 389 | ಅಯು॑ಯುತ್ಸನ್ನನವ॒ದ್ಯಸ್ಯ॒ ಸೇನಾ॒ಮಯಾ᳚ತಯಂತ ಕ್ಷಿ॒ತಯೋ॒ ನವ॑ಗ್ವಾಃ | ವೃ॒ಷಾ॒ಯುಧೋ॒ ನ ವಧ್ರ॑ಯೋ॒ ನಿರ॑ಷ್ಟಾಃ ಪ್ರ॒ವದ್ಭಿ॒ರಿಂದ್ರಾ᳚ಚ್ಚಿ॒ತಯಂ᳚ತ ಆಯನ್ ||{1.3.2.1}, {1.33.6}, {1.7.3.6} |
| 390 | ತ್ವಮೇ॒ತಾನ್ರು॑ದ॒ತೋ ಜಕ್ಷ॑ತ॒ಶ್ಚಾಯೋ᳚ಧಯೋ॒ ರಜ॑ಸ ಇಂದ್ರ ಪಾ॒ರೇ | ಅವಾ᳚ದಹೋ ದಿ॒ವ ಆ ದಸ್ಯು॑ಮು॒ಚ್ಚಾ# ಪ್ರ ಸು᳚ನ್ವ॒ತಃ ಸ್ತು॑ವ॒ತಃ ಶಂಸ॑ಮಾವಃ ||{1.3.2.2}, {1.33.7}, {1.7.3.7} |
| 391 | ಚ॒ಕ್ರಾ॒ಣಾಸಃ॑ ಪರೀ॒ಣಹಂ᳚ ಪೃಥಿ॒ವ್ಯಾ ಹಿರ᳚ಣ್ಯೇನ ಮ॒ಣಿನಾ॒ ಶುಂಭ॑ಮಾನಾಃ | ನ ಹಿ᳚ನ್ವಾ॒ನಾಸ॑ಸ್ತಿತಿರು॒ಸ್ತ ಇಂದ್ರಂ॒ ಪರಿ॒ ಸ್ಪಶೋ᳚ ಅದಧಾ॒ತ್ಸೂರ್ಯೇ᳚ಣ ||{1.3.2.3}, {1.33.8}, {1.7.3.8} |
| 392 | ಪರಿ॒ ಯದಿಂ᳚ದ್ರ॒ ರೋದ॑ಸೀ ಉ॒ಭೇ ಅಬು॑ಭೋಜೀರ್ಮಹಿ॒ನಾ ವಿ॒ಶ್ವತಃ॑ ಸೀಂ | ಅಮ᳚ನ್ಯಮಾನಾಁ ಅ॒ಭಿ ಮನ್ಯ॑ಮಾನೈ॒ರ್ನಿರ್ಬ್ರ॒ಹ್ಮಭಿ॑ರಧಮೋ॒ ದಸ್ಯು॑ಮಿಂದ್ರ ||{1.3.2.4}, {1.33.9}, {1.7.3.9} |
| 393 | ನ ಯೇ ದಿ॒ವಃ ಪೃ॑ಥಿ॒ವ್ಯಾ ಅಂತ॑ಮಾ॒ಪುರ್ನ ಮಾ॒ಯಾಭಿ॑ರ್ಧನ॒ದಾಂ ಪ॒ರ್ಯಭೂ᳚ವನ್ | ಯುಜಂ॒ ವಜ್ರಂ᳚ ವೃಷ॒ಭಶ್ಚ॑ಕ್ರ॒ ಇಂದ್ರೋ॒ ನಿರ್ಜ್ಯೋತಿ॑ಷಾ॒ ತಮ॑ಸೋ॒ ಗಾ ಅ॑ದುಕ್ಷತ್ ||{1.3.2.5}, {1.33.10}, {1.7.3.10} |
| 394 | ಅನು॑ ಸ್ವ॒ಧಾಮ॑ಕ್ಷರ॒ನ್ನಾಪೋ᳚ ಅ॒ಸ್ಯಾವ॑ರ್ಧತ॒ ಮಧ್ಯ॒ ಆ ನಾ॒ವ್ಯಾ᳚ನಾಂ | ಸ॒ಧ್ರೀ॒ಚೀನೇ᳚ನ॒ ಮನ॑ಸಾ॒ ತಮಿಂದ್ರ॒ ಓಜಿ॑ಷ್ಠೇನ॒ ಹನ್ಮ॑ನಾಹನ್ನ॒ಭಿ ದ್ಯೂನ್ ||{1.3.3.1}, {1.33.11}, {1.7.3.11} |
| 395 | ನ್ಯಾ᳚ವಿಧ್ಯದಿಲೀ॒ಬಿಶ॑ಸ್ಯ ದೃ॒ಳ್ಹಾ ವಿ ಶೃಂ॒ಗಿಣ॑ಮಭಿನ॒ಚ್ಛುಷ್ಣ॒ಮಿಂದ್ರಃ॑ | ಯಾವ॒ತ್ತರೋ᳚ ಮಘವ॒ನ್ಯಾವ॒ದೋಜೋ॒ ವಜ್ರೇ᳚ಣ॒ ಶತ್ರು॑ಮವಧೀಃ ಪೃತ॒ನ್ಯುಂ ||{1.3.3.2}, {1.33.12}, {1.7.3.12} |
| 396 | ಅ॒ಭಿ ಸಿ॒ಧ್ಮೋ ಅ॑ಜಿಗಾದಸ್ಯ॒ ಶತ್ರೂ॒ನ್ವಿ ತಿ॒ಗ್ಮೇನ॑ ವೃಷ॒ಭೇಣಾ॒ ಪುರೋ᳚ಽಭೇತ್ | ಸಂ ವಜ್ರೇ᳚ಣಾಸೃಜದ್ವೃ॒ತ್ರಮಿಂದ್ರಃ॒ ಪ್ರ ಸ್ವಾಂ ಮ॒ತಿಮ॑ತಿರ॒ಚ್ಛಾಶ॑ದಾನಃ ||{1.3.3.3}, {1.33.13}, {1.7.3.13} |
| 397 | ಆವಃ॒ ಕುತ್ಸ॑ಮಿಂದ್ರ॒ ಯಸ್ಮಿಂ᳚ಚಾ॒ಕನ್ಪ್ರಾವೋ॒ ಯುಧ್ಯಂ᳚ತಂ ವೃಷ॒ಭಂ ದಶ॑ದ್ಯುಂ | ಶ॒ಫಚ್ಯು॑ತೋ ರೇ॒ಣುರ್ನ॑ಕ್ಷತ॒ ದ್ಯಾಮುಚ್ಛ್ವೈ᳚ತ್ರೇ॒ಯೋ ನೃ॒ಷಾಹ್ಯಾ᳚ಯ ತಸ್ಥೌ ||{1.3.3.4}, {1.33.14}, {1.7.3.14} |
| 398 | ಆವಃ॒ ಶಮಂ᳚ ವೃಷ॒ಭಂ ತುಗ್ರ್ಯಾ᳚ಸು ಕ್ಷೇತ್ರಜೇ॒ಷೇ ಮ॑ಘವಂ॒ಛ್ವಿತ್ರ್ಯಂ॒ ಗಾಂ | ಜ್ಯೋಕ್ಚಿ॒ದತ್ರ॑ ತಸ್ಥಿ॒ವಾಂಸೋ᳚ ಅಕ್ರಂಛತ್ರೂಯ॒ತಾಮಧ॑ರಾ॒ ವೇದ॑ನಾಕಃ ||{1.3.3.5}, {1.33.15}, {1.7.3.15} |
| [34] (1-12) ತ್ರಿಶ್ಚಿನ್ನ ಇತಿ ದ್ವಾದಶರ್ಚಸ್ಯ ಸೂಕ್ತಸ್ಯ ಆಂಗಿರಸೋ ಹಿರಣ್ಯಸ್ತೂಪ ಋಷಿಃ | ಅಶ್ವಿನೌ ದೇವತೇ | (1-8, 10-11) ಪ್ರಥಮಾದ್ಯಷ್ಟರ್ಚಾಂ ದಶಮ್ಯೇಕಾದಶ್ಯೋಶ್ಚ ಜಗತೀ (9, 12) ನವಮೀದ್ವಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 399 | ತ್ರಿಶ್ಚಿ᳚ನ್ನೋ ಅ॒ದ್ಯಾ ಭ॑ವತಂ ನವೇದಸಾ ವಿ॒ಭುರ್ವಾಂ॒ ಯಾಮ॑ ಉ॒ತ ರಾ॒ತಿರ॑ಶ್ವಿನಾ | ಯು॒ವೋರ್ಹಿ ಯಂ॒ತ್ರಂ ಹಿ॒ಮ್ಯೇವ॒ ವಾಸ॑ಸೋಽಭ್ಯಾಯಂ॒ಸೇನ್ಯಾ᳚ ಭವತಂ ಮನೀ॒ಷಿಭಿಃ॑ ||{1.3.4.1}, {1.34.1}, {1.7.4.1} |
| 400 | ತ್ರಯಃ॑ ಪ॒ವಯೋ᳚ ಮಧು॒ವಾಹ॑ನೇ॒ ರಥೇ॒ ಸೋಮ॑ಸ್ಯ ವೇ॒ನಾಮನು॒ ವಿಶ್ವ॒ ಇದ್ವಿ॑ದುಃ | ತ್ರಯಃ॑ ಸ್ಕಂ॒ಭಾಸಃ॑ ಸ್ಕಭಿ॒ತಾಸ॑ ಆ॒ರಭೇ॒# ತ್ರಿರ್ನಕ್ತಂ᳚ ಯಾ॒ಥಸ್ತ್ರಿರ್ವ॑ಶ್ವಿನಾ॒ ದಿವಾ᳚ ||{1.3.4.2}, {1.34.2}, {1.7.4.2} |
| 401 | ಸ॒ಮಾ॒ನೇ ಅಹಂ॒ತ್ರಿರ॑ವದ್ಯಗೋಹನಾ॒ ತ್ರಿರ॒ದ್ಯ ಯ॒ಜ್ಞಂ ಮಧು॑ನಾ ಮಿಮಿಕ್ಷತಂ | ತ್ರಿರ್ವಾಜ॑ವತೀ॒ರಿಷೋ᳚ ಅಶ್ವಿನಾ ಯು॒ವಂ ದೋ॒ಷಾ ಅ॒ಸ್ಮಭ್ಯ॑ಮು॒ಷಸ॑ಶ್ಚ ಪಿನ್ವತಂ ||{1.3.4.3}, {1.34.3}, {1.7.4.3} |
| 402 | ತ್ರಿರ್ವ॒ರ್ತಿರ್ಯಾ᳚ತಂ॒ ತ್ರಿರನು᳚ವ್ರತೇ ಜ॒ನೇ ತ್ರಿಃ ಸು॑ಪ್ರಾ॒ವ್ಯೇ᳚ ತ್ರೇ॒ಧೇವ॑ ಶಿಕ್ಷತಂ | ತ್ರಿರ್ನಾಂ॒ದ್ಯಂ᳚ ವಹತಮಶ್ವಿನಾ ಯು॒ವಂ ತ್ರಿಃ ಪೃಕ್ಷೋ᳚ ಅ॒ಸ್ಮೇ ಅ॒ಕ್ಷರೇ᳚ವ ಪಿನ್ವತಂ ||{1.3.4.4}, {1.34.4}, {1.7.4.4} |
| 403 | ತ್ರಿರ್ನೋ᳚ ರ॒ಯಿಂ ವ॑ಹತಮಶ್ವಿನಾ ಯು॒ವಂ ತ್ರಿರ್ದೇ॒ವತಾ᳚ತಾ॒# ತ್ರಿರು॒ತಾವ॑ತಂ॒ ಧಿಯಃ॑ | ತ್ರಿಃ ಸೌ᳚ಭಗ॒ತ್ವಂ ತ್ರಿರು॒ತ ಶ್ರವಾಂ᳚ಸಿ ನಸ್ತ್ರಿ॒ಷ್ಠಂ ವಾಂ॒ ಸೂರೇ᳚ ದುಹಿ॒ತಾ ರು॑ಹ॒ದ್ರಥಂ᳚ ||{1.3.4.5}, {1.34.5}, {1.7.4.5} |
| 404 | ತ್ರಿರ್ನೋ᳚ ಅಶ್ವಿನಾ ದಿ॒ವ್ಯಾನಿ॑ ಭೇಷ॒ಜಾ# ತ್ರಿಃ ಪಾರ್ಥಿ॑ವಾನಿ॒ ತ್ರಿರು॑ ದತ್ತಮ॒ದ್ಭ್ಯಃ | ಓ॒ಮಾನಂ᳚ ಶಂ॒ಯೋರ್ಮಮ॑ಕಾಯ ಸೂ॒ನವೇ᳚ ತ್ರಿ॒ಧಾತು॒ ಶರ್ಮ॑ ವಹತಂ ಶುಭಸ್ಪತೀ ||{1.3.4.6}, {1.34.6}, {1.7.4.6} |
| 405 | ತ್ರಿರ್ನೋ᳚ ಅಶ್ವಿನಾ ಯಜ॒ತಾ ದಿ॒ವೇದಿ॑ವೇ॒ ಪರಿ॑ ತ್ರಿ॒ಧಾತು॑ ಪೃಥಿ॒ವೀಮ॑ಶಾಯತಂ | ತಿ॒ಸ್ರೋ ನಾ᳚ಸತ್ಯಾ ರಥ್ಯಾ ಪರಾ॒ವತ॑ ಆ॒ತ್ಮೇವ॒ ವಾತಃ॒ ಸ್ವಸ॑ರಾಣಿ ಗಚ್ಛತಂ ||{1.3.5.1}, {1.34.7}, {1.7.4.7} |
| 406 | ತ್ರಿರ॑ಶ್ವಿನಾ॒ ಸಿಂಧು॑ಭಿಃ ಸ॒ಪ್ತಮಾ᳚ತೃಭಿ॒ಸ್ತ್ರಯ॑ ಆಹಾ॒ವಾಸ್ತ್ರೇ॒ಧಾ ಹ॒ವಿಷ್ಕೃ॒ತಂ | ತಿ॒ಸ್ರಃ ಪೃ॑ಥಿ॒ವೀರು॒ಪರಿ॑ ಪ್ರ॒ವಾ ದಿ॒ವೋ ನಾಕಂ᳚ ರಕ್ಷೇಥೇ॒# ದ್ಯುಭಿ॑ರ॒ಕ್ತುಭಿ॑ರ್ಹಿ॒ತಂ ||{1.3.5.2}, {1.34.8}, {1.7.4.8} |
| 407 | ಕ್ವ೧॑(ಅ॒) ತ್ರೀ ಚ॒ಕ್ರಾ ತ್ರಿ॒ವೃತೋ॒ ರಥ॑ಸ್ಯ॒ ಕ್ವ೧॑(ಅ॒) ತ್ರಯೋ᳚ ವಂ॒ಧುರೋ॒ ಯೇ ಸನೀ᳚ಳಾಃ | ಕ॒ದಾ ಯೋಗೋ᳚ ವಾ॒ಜಿನೋ॒ ರಾಸ॑ಭಸ್ಯ॒ ಯೇನ॑ ಯ॒ಜ್ಞಂ ನಾ᳚ಸತ್ಯೋಪಯಾ॒ಥಃ ||{1.3.5.3}, {1.34.9}, {1.7.4.9} |
| 408 | ಆ ನಾ᳚ಸತ್ಯಾ॒# ಗಚ್ಛ॑ತಂ ಹೂ॒ಯತೇ᳚ ಹ॒ವಿರ್ಮಧ್ವಃ॑ ಪಿಬತಂ ಮಧು॒ಪೇಭಿ॑ರಾ॒ಸಭಿಃ॑ | ಯು॒ವೋರ್ಹಿ ಪೂರ್ವಂ᳚ ಸವಿ॒ತೋಷಸೋ॒ ರಥ॑ಮೃ॒ತಾಯ॑ ಚಿ॒ತ್ರಂ ಘೃ॒ತವಂ᳚ತ॒ಮಿಷ್ಯ॑ತಿ ||{1.3.5.4}, {1.34.10}, {1.7.4.10} |
| 409 | ಆ ನಾ᳚ಸತ್ಯಾ# ತ್ರಿ॒ಭಿರೇ᳚ಕಾದ॒ಶೈರಿ॒ಹ ದೇ॒ವೇಭಿ᳚ರ್ಯಾತಂ ಮಧು॒ಪೇಯ॑ಮಶ್ವಿನಾ | ಪ್ರಾಯು॒ಸ್ತಾರಿ॑ಷ್ಟಂ॒ ನೀ ರಪಾಂ᳚ಸಿ ಮೃಕ್ಷತಂ॒ ಸೇಧ॑ತಂ॒ ದ್ವೇಷೋ॒ ಭವ॑ತಂ ಸಚಾ॒ಭುವಾ᳚ ||{1.3.5.5}, {1.34.11}, {1.7.4.11} |
| 410 | ಆ ನೋ᳚ ಅಶ್ವಿನಾ# ತ್ರಿ॒ವೃತಾ॒ ರಥೇ᳚ನಾ॒ರ್ವಾಂಚಂ᳚ ರ॒ಯಿಂ ವ॑ಹತಂ ಸು॒ವೀರಂ᳚ | ಶೃ॒ಣ್ವಂತಾ᳚ ವಾ॒ಮವ॑ಸೇ ಜೋಹವೀಮಿ ವೃ॒ಧೇ ಚ॑ ನೋ ಭವತಂ॒ ವಾಜ॑ಸಾತೌ ||{1.3.5.6}, {1.34.12}, {1.7.4.12} |
| [35] (1-11) ಹ್ವಯಾಮೀತಿ ಏಕಾದಶರ್ಚಸ್ಯ ಸೂಕ್ತಸ್ಯ ಆಂಗಿರಸೋ ಹಿರಣ್ಯಸ್ತೂಪ ಋಷಿಃ | (1) ಪ್ರಥಮರ್ಚಃ (ಪಾದಕ್ರಮೇಣ) ಅಗ್ನಿರ್ಮಿತ್ರಾವರುಣೌ ರಾತ್ರಿಃ ಸವಿತಾ ಚ (2-11) ದ್ವಿತೀಯಾದಿದಶಾನಾಂಚ ಸವಿತಾ ದೇವತಾಃ | (1, 9) ಪ್ರಥಮಾನವಮ್ಯೋರ್‌ಋಚೋರ್ಜಗತೀ (2-8, 10-11) ದ್ವಿತೀಯಾದಿಸಪ್ತಾನಾಂ ದಶಮ್ಯೇಕಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 411 | ಹ್ವಯಾ᳚ಮ್ಯ॒ಗ್ನಿಂ ಪ್ರ॑ಥ॒ಮಂ# ಸ್ವ॒ಸ್ತಯೇ॒ ಹ್ವಯಾ᳚ಮಿ ಮಿ॒ತ್ರಾವರು॑ಣಾವಿ॒ಹಾವ॑ಸೇ | ಹ್ವಯಾ᳚ಮಿ॒ ರಾತ್ರೀಂ॒ ಜಗ॑ತೋ ನಿ॒ವೇಶ॑ನೀಂ॒ ಹ್ವಯಾ᳚ಮಿ ದೇ॒ವಂ ಸ॑ವಿ॒ತಾರ॑ಮೂ॒ತಯೇ᳚ ||{1.3.6.1}, {1.35.1}, {1.7.5.1} |
| 412 | ಆ ಕೃ॒ಷ್ಣೇನ॒ ರಜ॑ಸಾ॒ ವರ್ತ॑ಮಾನೋ ನಿವೇ॒ಶಯ᳚ನ್ನ॒ಮೃತಂ॒ ಮರ್ತ್ಯಂ᳚ ಚ | ಹಿ॒ರ॒ಣ್ಯಯೇ᳚ನ ಸವಿ॒ತಾ ರಥೇ॒ನಾ ದೇ॒ವೋ ಯಾ᳚ತಿ॒ ಭುವ॑ನಾನಿ॒ ಪಶ್ಯ॑ನ್ ||{1.3.6.2}, {1.35.2}, {1.7.5.2} |
| 413 | ಯಾತಿ॑ ದೇ॒ವಃ ಪ್ರ॒ವತಾ॒ ಯಾತ್ಯು॒ದ್ವತಾ॒ ಯಾತಿ॑ ಶು॒ಭ್ರಾಭ್ಯಾಂ᳚ ಯಜ॒ತೋ ಹರಿ॑ಭ್ಯಾಂ | ಆ ದೇ॒ವೋ ಯಾ᳚ತಿ ಸವಿ॒ತಾ ಪ॑ರಾ॒ವತೋಽಪ॒ ವಿಶ್ವಾ᳚ ದುರಿ॒ತಾ ಬಾಧ॑ಮಾನಃ ||{1.3.6.3}, {1.35.3}, {1.7.5.3} |
| 414 | ಅ॒ಭೀವೃ॑ತಂ॒ ಕೃಶ॑ನೈರ್ವಿ॒ಶ್ವರೂ᳚ಪಂ॒ ಹಿರ᳚ಣ್ಯಶಮ್ಯಂ ಯಜ॒ತೋ ಬೃ॒ಹಂತಂ᳚ | ಆಸ್ಥಾ॒ದ್ರಥಂ᳚ ಸವಿ॒ತಾ ಚಿ॒ತ್ರಭಾ᳚ನುಃ ಕೃ॒ಷ್ಣಾ ರಜಾಂ᳚ಸಿ॒ ತವಿ॑ಷೀಂ॒ ದಧಾ᳚ನಃ ||{1.3.6.4}, {1.35.4}, {1.7.5.4} |
| 415 | ವಿ ಜನಾಂ᳚ಛ್ಯಾ॒ವಾಃ# ಶಿ॑ತಿ॒ಪಾದೋ᳚ ಅಖ್ಯ॒ನ್ರಥಂ॒ ಹಿರ᳚ಣ್ಯಪ್ರ‌ಉಗಂ॒ ವಹಂ᳚ತಃ | ಶಶ್ವ॒ದ್ವಿಶಃ॑ ಸವಿ॒ತುರ್ದೈವ್ಯ॑ಸ್ಯೋ॒ಪಸ್ಥೇ॒ ವಿಶ್ವಾ॒ ಭುವ॑ನಾನಿ ತಸ್ಥುಃ ||{1.3.6.5}, {1.35.5}, {1.7.5.5} |
| 416 | ತಿ॒ಸ್ರೋ ದ್ಯಾವಃ॑ ಸವಿ॒ತುರ್ದ್ವಾ ಉ॒ಪಸ್ಥಾಁ॒ ಏಕಾ᳚ ಯ॒ಮಸ್ಯ॒ ಭುವ॑ನೇ ವಿರಾ॒ಷಾಟ್ | ಆ॒ಣಿಂ ನ ರಥ್ಯ॑ಮ॒ಮೃತಾಧಿ॑ ತಸ್ಥುರಿ॒ಹ ಬ್ರ॑ವೀತು॒ ಯ ಉ॒ ತಚ್ಚಿಕೇ᳚ತತ್ ||{1.3.6.6}, {1.35.6}, {1.7.5.6} |
| 417 | ವಿ ಸು॑ಪ॒ರ್ಣೋ ಅಂ॒ತರಿ॑ಕ್ಷಾಣ್ಯಖ್ಯದ್ಗಭೀ॒ರವೇ᳚ಪಾ॒ ಅಸು॑ರಃ ಸುನೀ॒ಥಃ | ಕ್ವೇ॒೩॑(ಏ॒)ದಾನೀಂ॒ ಸೂರ್ಯಃ॒ ಕಶ್ಚಿ॑ಕೇತ ಕತ॒ಮಾಂ ದ್ಯಾಂ ರ॒ಶ್ಮಿರ॒ಸ್ಯಾ ತ॑ತಾನ ||{1.3.7.1}, {1.35.7}, {1.7.5.7} |
| 418 | ಅ॒ಷ್ಟೌ ವ್ಯ॑ಖ್ಯತ್ಕ॒ಕುಭಃ॑ ಪೃಥಿ॒ವ್ಯಾಸ್ತ್ರೀ ಧನ್ವ॒ ಯೋಜ॑ನಾ ಸ॒ಪ್ತ ಸಿಂಧೂ॑ನ್ | ಹಿ॒ರ॒ಣ್ಯಾ॒ಕ್ಷಃ ಸ॑ವಿ॒ತಾ ದೇ॒ವ ಆಗಾ॒ದ್ದಧ॒ದ್ರತ್ನಾ᳚ ದಾ॒ಶುಷೇ॒ ವಾರ್ಯಾ᳚ಣಿ ||{1.3.7.2}, {1.35.8}, {1.7.5.8} |
| 419 | ಹಿರ᳚ಣ್ಯಪಾಣಿಃ ಸವಿ॒ತಾ ವಿಚ॑ರ್ಷಣಿರು॒ಭೇ ದ್ಯಾವಾ᳚ಪೃಥಿ॒ವೀ ಅಂ॒ತರೀ᳚ಯತೇ | ಅಪಾಮೀ᳚ವಾಂ॒ ಬಾಧ॑ತೇ॒ ವೇತಿ॒ ಸೂರ್ಯ॑ಮ॒ಭಿ ಕೃ॒ಷ್ಣೇನ॒ ರಜ॑ಸಾ॒# ದ್ಯಾಮೃ॑ಣೋತಿ ||{1.3.7.3}, {1.35.9}, {1.7.5.9} |
| 420 | ಹಿರ᳚ಣ್ಯಹಸ್ತೋ॒ ಅಸು॑ರಃ ಸುನೀ॒ಥಃ ಸು॑ಮೃಳೀ॒ಕಃ ಸ್ವವಾಁ᳚ ಯಾತ್ವ॒ರ್ವಾಙ್ | ಅ॒ಪ॒ಸೇಧ᳚ನ್ರ॒ಕ್ಷಸೋ᳚ ಯಾತು॒ಧಾನಾ॒ನಸ್ಥಾ᳚ದ್ದೇ॒ವಃ ಪ್ರ॑ತಿದೋ॒ಷಂ ಗೃ॑ಣಾ॒ನಃ ||{1.3.7.4}, {1.35.10}, {1.7.5.10} |
| 421 | ಯೇ ತೇ॒ ಪಂಥಾಃ᳚ ಸವಿತಃ ಪೂ॒ರ್ವ್ಯಾಸೋ᳚ಽರೇ॒ಣವಃ॒ ಸುಕೃ॑ತಾ ಅಂ॒ತರಿ॑ಕ್ಷೇ | ತೇಭಿ᳚ರ್ನೋ ಅ॒ದ್ಯ ಪ॒ಥಿಭಿಃ॑ ಸು॒ಗೇಭೀ॒ ರಕ್ಷಾ᳚ ಚ ನೋ॒ ಅಧಿ॑ ಚ ಬ್ರೂಹಿ ದೇವ ||{1.3.7.5}, {1.35.11}, {1.7.5.11} |
| [36] (1-20) ಪ್ರವೋಯಹ್ವಮಿತಿ ವಿಂಶತ್ಯೃಚಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ | (1-20) ಪ್ರಥಮಾದಿವಿಂಶತ್ರ್ಯಚಾಮಗ್ನಿಃ (13-14) ತ್ರಯೋದಶೀಚತುರ್ದಶ್ಯೋರ್ಯೂಪೋ ವಾ ದೇವತಾ | ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ || | |
| 422 | ಪ್ರ ವೋ᳚ ಯ॒ಹ್ವಂ ಪು॑ರೂ॒ಣಾಂ ವಿ॒ಶಾಂ ದೇ᳚ವಯ॒ತೀನಾಂ᳚ | ಅ॒ಗ್ನಿಂ ಸೂ॒ಕ್ತೇಭಿ॒ರ್ವಚೋ᳚ಭಿರೀಮಹೇ॒ ಯಂ ಸೀ॒ಮಿದ॒ನ್ಯ ಈಳ॑ತೇ ||{1.3.8.1}, {1.36.1}, {1.8.1.1} |
| 423 | ಜನಾ᳚ಸೋ ಅ॒ಗ್ನಿಂ ದ॑ಧಿರೇ ಸಹೋ॒ವೃಧಂ᳚ ಹ॒ವಿಷ್ಮಂ᳚ತೋ ವಿಧೇಮ ತೇ | ಸ ತ್ವಂ ನೋ᳚ ಅ॒ದ್ಯ ಸು॒ಮನಾ᳚ ಇ॒ಹಾವಿ॒ತಾ ಭವಾ॒ ವಾಜೇ᳚ಷು ಸಂತ್ಯ ||{1.3.8.2}, {1.36.2}, {1.8.1.2} |
| 424 | ಪ್ರ ತ್ವಾ᳚ ದೂ॒ತಂ ವೃ॑ಣೀಮಹೇ॒ ಹೋತಾ᳚ರಂ ವಿ॒ಶ್ವವೇ᳚ದಸಂ | ಮ॒ಹಸ್ತೇ᳚ ಸ॒ತೋ ವಿ ಚ॑ರಂತ್ಯ॒ರ್ಚಯೋ᳚ ದಿ॒ವಿ ಸ್ಪೃ॑ಶಂತಿ ಭಾ॒ನವಃ॑ ||{1.3.8.3}, {1.36.3}, {1.8.1.3} |
| 425 | ದೇ॒ವಾಸ॑ಸ್ತ್ವಾ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ಸಂ ದೂ॒ತಂ ಪ್ರ॒ತ್ನಮಿಂ᳚ಧತೇ | ವಿಶ್ವಂ॒ ಸೋ ಅ॑ಗ್ನೇ ಜಯತಿ॒ ತ್ವಯಾ॒ ಧನಂ॒ ಯಸ್ತೇ᳚ ದ॒ದಾಶ॒ ಮರ್ತ್ಯಃ॑ ||{1.3.8.4}, {1.36.4}, {1.8.1.4} |
| 426 | ಮಂ॒ದ್ರೋ ಹೋತಾ᳚ ಗೃ॒ಹಪ॑ತಿ॒ರಗ್ನೇ᳚ ದೂ॒ತೋ ವಿ॒ಶಾಮ॑ಸಿ | ತ್ವೇ ವಿಶ್ವಾ॒ ಸಂಗ॑ತಾನಿ ವ್ರ॒ತಾ ಧ್ರು॒ವಾ ಯಾನಿ॑ ದೇ॒ವಾ ಅಕೃ᳚ಣ್ವತ ||{1.3.8.5}, {1.36.5}, {1.8.1.5} |
| 427 | ತ್ವೇ ಇದ॑ಗ್ನೇ ಸು॒ಭಗೇ᳚ ಯವಿಷ್ಠ್ಯ॒ ವಿಶ್ವ॒ಮಾ ಹೂ᳚ಯತೇ ಹ॒ವಿಃ | ಸ ತ್ವಂ ನೋ᳚ ಅ॒ದ್ಯ ಸು॒ಮನಾ᳚ ಉ॒ತಾಪ॒ರಂ ಯಕ್ಷಿ॑ ದೇ॒ವಾನ್ಸು॒ವೀರ್ಯಾ᳚ ||{1.3.9.1}, {1.36.6}, {1.8.1.6} |
| 428 | ತಂ ಘೇ᳚ಮಿ॒ತ್ಥಾ ನ॑ಮ॒ಸ್ವಿನ॒ ಉಪ॑ ಸ್ವ॒ರಾಜ॑ಮಾಸತೇ | ಹೋತ್ರಾ᳚ಭಿರ॒ಗ್ನಿಂ ಮನು॑ಷಃ॒ ಸಮಿಂ᳚ಧತೇ ತಿತಿ॒ರ್ವಾಂಸೋ॒ ಅತಿ॒ ಸ್ರಿಧಃ॑ ||{1.3.9.2}, {1.36.7}, {1.8.1.7} |
| 429 | ಘ್ನಂತೋ᳚ ವೃ॒ತ್ರಮ॑ತರ॒ನ್ರೋದ॑ಸೀ ಅ॒ಪ ಉ॒ರು ಕ್ಷಯಾ᳚ಯ ಚಕ್ರಿರೇ | ಭುವ॒ತ್ಕಣ್ವೇ॒ ವೃಷಾ᳚ ದ್ಯು॒ಮ್ನ್ಯಾಹು॑ತಃ॒ ಕ್ರಂದ॒ದಶ್ವೋ॒ ಗವಿ॑ಷ್ಟಿಷು ||{1.3.9.3}, {1.36.8}, {1.8.1.8} |
| 430 | ಸಂ ಸೀ᳚ದಸ್ವ ಮ॒ಹಾಁ ಅ॑ಸಿ॒ ಶೋಚ॑ಸ್ವ ದೇವ॒ವೀತ॑ಮಃ | ವಿ ಧೂ॒ಮಮ॑ಗ್ನೇ ಅರು॒ಷಂ ಮಿ॑ಯೇಧ್ಯ ಸೃ॒ಜ ಪ್ರ॑ಶಸ್ತ ದರ್ಶ॒ತಂ ||{1.3.9.4}, {1.36.9}, {1.8.1.9} |
| 431 | ಯಂ ತ್ವಾ᳚ ದೇ॒ವಾಸೋ॒ ಮನ॑ವೇ ದ॒ಧುರಿ॒ಹ ಯಜಿ॑ಷ್ಠಂ ಹವ್ಯವಾಹನ | ಯಂ ಕಣ್ವೋ॒ ಮೇಧ್ಯಾ᳚ತಿಥಿರ್ಧನ॒ಸ್ಪೃತಂ॒ ಯಂ ವೃಷಾ॒ ಯಮು॑ಪಸ್ತು॒ತಃ ||{1.3.9.5}, {1.36.10}, {1.8.1.10} |
| 432 | ಯಮ॒ಗ್ನಿಂ ಮೇಧ್ಯಾ᳚ತಿಥಿಃ॒ ಕಣ್ವ॑ ಈ॒ಧ ಋ॒ತಾದಧಿ॑ | ತಸ್ಯ॒ ಪ್ರೇಷೋ᳚ ದೀದಿಯು॒ಸ್ತಮಿ॒ಮಾ ಋಚ॒ಸ್ತಮ॒ಗ್ನಿಂ ವ॑ರ್ಧಯಾಮಸಿ ||{1.3.10.1}, {1.36.11}, {1.8.1.11} |
| 433 | ರಾ॒ಯಸ್ಪೂ᳚ರ್ಧಿ ಸ್ವಧಾ॒ವೋಽಸ್ತಿ॒ ಹಿ ತೇಽಗ್ನೇ᳚ ದೇ॒ವೇಷ್ವಾಪ್ಯಂ᳚ | ತ್ವಂ ವಾಜ॑ಸ್ಯ॒ ಶ್ರುತ್ಯ॑ಸ್ಯ ರಾಜಸಿ॒ ಸ ನೋ᳚ ಮೃಳ ಮ॒ಹಾಁ ಅ॑ಸಿ ||{1.3.10.2}, {1.36.12}, {1.8.1.12} |
| 434 | ಊ॒ರ್ಧ್ವ ಊ॒ ಷು ಣ॑ ಊ॒ತಯೇ॒ ತಿಷ್ಠಾ᳚ ದೇ॒ವೋ ನ ಸ॑ವಿ॒ತಾ | ಊ॒ರ್ಧ್ವೋ ವಾಜ॑ಸ್ಯ॒ ಸನಿ॑ತಾ॒ ಯದಂ॒ಜಿಭಿ᳚ರ್ವಾ॒ಘದ್ಭಿ᳚ರ್ವಿ॒ಹ್ವಯಾ᳚ಮಹೇ ||{1.3.10.3}, {1.36.13}, {1.8.1.13} |
| 435 | ಊ॒ರ್ಧ್ವೋ ನಃ॑ ಪಾ॒ಹ್ಯಂಹ॑ಸೋ॒ ನಿ ಕೇ॒ತುನಾ॒ ವಿಶ್ವಂ॒ ಸಮ॒ತ್ರಿಣಂ᳚ ದಹ | ಕೃ॒ಧೀ ನ॑ ಊ॒ರ್ಧ್ವಾಂಚ॒ರಥಾ᳚ಯ ಜೀ॒ವಸೇ᳚ ವಿ॒ದಾ ದೇ॒ವೇಷು॑ ನೋ॒ ದುವಃ॑ ||{1.3.10.4}, {1.36.14}, {1.8.1.14} |
| 436 | ಪಾ॒ಹಿ ನೋ᳚ ಅಗ್ನೇ ರ॒ಕ್ಷಸಃ॑ ಪಾ॒ಹಿ ಧೂ॒ರ್ತೇರರಾ᳚ವ್ಣಃ | ಪಾ॒ಹಿ ರೀಷ॑ತ ಉ॒ತ ವಾ॒ ಜಿಘಾಂ᳚ಸತೋ॒ ಬೃಹ॑ದ್ಭಾನೋ॒ ಯವಿ॑ಷ್ಠ್ಯ ||{1.3.10.5}, {1.36.15}, {1.8.1.15} |
| 437 | ಘ॒ನೇವ॒ ವಿಷ್ವ॒ಗ್ವಿ ಜ॒ಹ್ಯರಾ᳚ವ್ಣ॒ಸ್ತಪು॑ರ್ಜಂಭ॒ ಯೋ ಅ॑ಸ್ಮ॒ಧ್ರುಕ್ | ಯೋ ಮರ್ತ್ಯಃ॒ ಶಿಶೀ᳚ತೇ॒ ಅತ್ಯ॒ಕ್ತುಭಿ॒ರ್ಮಾ ನಃ॒ ಸ ರಿ॒ಪುರೀ᳚ಶತ ||{1.3.11.1}, {1.36.16}, {1.8.1.16} |
| 438 | ಅ॒ಗ್ನಿರ್ವ᳚ವ್ನೇ ಸು॒ವೀರ್ಯ॑ಮ॒ಗ್ನಿಃ ಕಣ್ವಾ᳚ಯ॒ ಸೌಭ॑ಗಂ | ಅ॒ಗ್ನಿಃ ಪ್ರಾವ᳚ನ್ಮಿ॒ತ್ರೋತ ಮೇಧ್ಯಾ᳚ತಿಥಿಮ॒ಗ್ನಿಃ ಸಾ॒ತಾ ಉ॑ಪಸ್ತು॒ತಂ ||{1.3.11.2}, {1.36.17}, {1.8.1.17} |
| 439 | ಅ॒ಗ್ನಿನಾ᳚ ತು॒ರ್ವಶಂ॒ ಯದುಂ᳚ ಪರಾ॒ವತ॑ ಉ॒ಗ್ರಾದೇ᳚ವಂ ಹವಾಮಹೇ | ಅ॒ಗ್ನಿರ್ನ॑ಯ॒ನ್ನವ॑ವಾಸ್ತ್ವಂ ಬೃ॒ಹದ್ರ॑ಥಂ ತು॒ರ್ವೀತಿಂ॒ ದಸ್ಯ॑ವೇ॒ ಸಹಃ॑ ||{1.3.11.3}, {1.36.18}, {1.8.1.18} |
| 440 | ನಿ ತ್ವಾಮ॑ಗ್ನೇ॒ ಮನು॑ರ್ದಧೇ॒ ಜ್ಯೋತಿ॒ರ್ಜನಾ᳚ಯ॒ ಶಶ್ವ॑ತೇ | ದೀ॒ದೇಥ॒ ಕಣ್ವ॑ ಋ॒ತಜಾ᳚ತ ಉಕ್ಷಿ॒ತೋ ಯಂ ನ॑ಮ॒ಸ್ಯಂತಿ॑ ಕೃ॒ಷ್ಟಯಃ॑ ||{1.3.11.4}, {1.36.19}, {1.8.1.19} |
| 441 | ತ್ವೇ॒ಷಾಸೋ᳚ ಅ॒ಗ್ನೇರಮ॑ವಂತೋ ಅ॒ರ್ಚಯೋ᳚ ಭೀ॒ಮಾಸೋ॒ ನ ಪ್ರತೀ᳚ತಯೇ | ರ॒ಕ್ಷ॒ಸ್ವಿನಃ॒ ಸದ॒ಮಿದ್ಯಾ᳚ತು॒ಮಾವ॑ತೋ॒ ವಿಶ್ವಂ॒ ಸಮ॒ತ್ರಿಣಂ᳚ ದಹ ||{1.3.11.5}, {1.36.20}, {1.8.1.20} |
| [37] (1-15) ಕ್ರೀಳಂವ ಇತಿ ಪಂಚದಶರ್ಚಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ | ಮರುತೋ ದೇವತಾಃ | ಗಾಯತ್ರೀ ಛಂದಃ || | |
| 442 | ಕ್ರೀ॒ಳಂ ವಃ॒ ಶರ್ಧೋ॒ ಮಾರು॑ತಮನ॒ರ್ವಾಣಂ᳚ ರಥೇ॒ಶುಭಂ᳚ | ಕಣ್ವಾ᳚ ಅ॒ಭಿ ಪ್ರ ಗಾ᳚ಯತ ||{1.3.12.1}, {1.37.1}, {1.8.2.1} |
| 443 | ಯೇ ಪೃಷ॑ತೀಭಿರೃ॒ಷ್ಟಿಭಿಃ॑ ಸಾ॒ಕಂ ವಾಶೀ᳚ಭಿರಂ॒ಜಿಭಿಃ॑ | ಅಜಾ᳚ಯಂತ॒ ಸ್ವಭಾ᳚ನವಃ ||{1.3.12.2}, {1.37.2}, {1.8.2.2} |
| 444 | ಇ॒ಹೇವ॑ ಶೃಣ್ವ ಏಷಾಂ॒ ಕಶಾ॒ ಹಸ್ತೇ᳚ಷು॒ ಯದ್ವದಾ॑ನ್ | ನಿ ಯಾಮಂ᳚ಚಿ॒ತ್ರಮೃಂ᳚ಜತೇ ||{1.3.12.3}, {1.37.3}, {1.8.2.3} |
| 445 | ಪ್ರ ವಃ॒ ಶರ್ಧಾ᳚ಯ॒ ಘೃಷ್ವ॑ಯೇ# ತ್ವೇ॒ಷದ್ಯು᳚ಮ್ನಾಯ ಶು॒ಷ್ಮಿಣೇ᳚ | ದೇ॒ವತ್ತಂ॒ ಬ್ರಹ್ಮ॑ ಗಾಯತ ||{1.3.12.4}, {1.37.4}, {1.8.2.4} |
| 446 | ಪ್ರ ಶಂ᳚ಸಾ॒ ಗೋಷ್ವಘ್ನ್ಯಂ᳚ ಕ್ರೀ॒ಳಂ ಯಚ್ಛರ್ಧೋ॒ ಮಾರು॑ತಂ | ಜಂಭೇ॒ ರಸ॑ಸ್ಯ ವಾವೃಧೇ ||{1.3.12.5}, {1.37.5}, {1.8.2.5} |
| 447 | ಕೋ ವೋ॒ ವರ್ಷಿ॑ಷ್ಠ॒ ಆ ನ॑ರೋ ದಿ॒ವಶ್ಚ॒ ಗ್ಮಶ್ಚ॑ ಧೂತಯಃ | ಯತ್ಸೀ॒ಮಂತಂ॒ ನ ಧೂ᳚ನು॒ಥ ||{1.3.13.1}, {1.37.6}, {1.8.2.6} |
| 448 | ನಿ ವೋ॒ ಯಾಮಾ᳚ಯ॒ ಮಾನು॑ಷೋ ದ॒ಧ್ರ ಉ॒ಗ್ರಾಯ॑ ಮ॒ನ್ಯವೇ᳚ | ಜಿಹೀ᳚ತ॒ ಪರ್ವ॑ತೋ ಗಿ॒ರಿಃ ||{1.3.13.2}, {1.37.7}, {1.8.2.7} |
| 449 | ಯೇಷಾ॒ಮಜ್ಮೇ᳚ಷು ಪೃಥಿ॒ವೀ ಜು॑ಜು॒ರ್ವಾಁ ಇ॑ವ ವಿ॒ಶ್ಪತಿಃ॑ | ಭಿ॒ಯಾ ಯಾಮೇ᳚ಷು॒ ರೇಜ॑ತೇ ||{1.3.13.3}, {1.37.8}, {1.8.2.8} |
| 450 | ಸ್ಥಿ॒ರಂ ಹಿ ಜಾನ॑ಮೇಷಾಂ॒ ವಯೋ᳚ ಮಾ॒ತುರ್ನಿರೇ᳚ತವೇ | ಯತ್ಸೀ॒ಮನು॑ ದ್ವಿ॒ತಾ ಶವಃ॑ ||{1.3.13.4}, {1.37.9}, {1.8.2.9} |
| 451 | ಉದು॒ ತ್ಯೇ ಸೂ॒ನವೋ॒ ಗಿರಃ॒ ಕಾಷ್ಠಾ॒ ಅಜ್ಮೇ᳚ಷ್ವತ್ನತ | ವಾ॒ಶ್ರಾ ಅ॑ಭಿ॒ಜ್ಞು ಯಾತ॑ವೇ ||{1.3.13.5}, {1.37.10}, {1.8.2.10} |
| 452 | ತ್ಯಂ ಚಿ॑ದ್ಘಾ ದೀ॒ರ್ಘಂ ಪೃ॒ಥುಂ ಮಿ॒ಹೋ ನಪಾ᳚ತ॒ಮಮೃ॑ಧ್ರಂ | ಪ್ರ ಚ್ಯಾ᳚ವಯಂತಿ॒ ಯಾಮ॑ಭಿಃ ||{1.3.14.1}, {1.37.11}, {1.8.2.11} |
| 453 | ಮರು॑ತೋ॒ ಯದ್ಧ॑ ವೋ॒ ಬಲಂ॒ ಜನಾಁ᳚ ಅಚುಚ್ಯವೀತನ | ಗಿ॒ರೀಁರ॑ಚುಚ್ಯವೀತನ ||{1.3.14.2}, {1.37.12}, {1.8.2.12} |
| 454 | ಯದ್ಧ॒ ಯಾಂತಿ॑ ಮ॒ರುತಃ॒ ಸಂ ಹ॑ ಬ್ರುವ॒ತೇಽಧ್ವ॒ನ್ನಾ | ಶೃ॒ಣೋತಿ॒ ಕಶ್ಚಿ॑ದೇಷಾಂ ||{1.3.14.3}, {1.37.13}, {1.8.2.13} |
| 455 | ಪ್ರ ಯಾ᳚ತ॒ ಶೀಭ॑ಮಾ॒ಶುಭಿಃ॒ ಸಂತಿ॒ ಕಣ್ವೇ᳚ಷು ವೋ॒ ದುವಃ॑ | ತತ್ರೋ॒ ಷು ಮಾ᳚ದಯಾಧ್ವೈ ||{1.3.14.4}, {1.37.14}, {1.8.2.14} |
| 456 | ಅಸ್ತಿ॒ ಹಿ ಷ್ಮಾ॒ ಮದಾ᳚ಯ ವಃ॒ ಸ್ಮಸಿ॑ ಷ್ಮಾ ವ॒ಯಮೇ᳚ಷಾಂ | ವಿಶ್ವಂ᳚ ಚಿ॒ದಾಯು॑ರ್ಜೀ॒ವಸೇ᳚ ||{1.3.14.5}, {1.37.15}, {1.8.2.15} |
| [38] (1-15) ಕದ್ಧನೂನಮಿತಿ ಪಂಚದಶರ್ಚಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ | ಮರುತೋ ದೇವತಾಃ | ಗಾಯತ್ರೀ ಛಂದಃ || | |
| 457 | ಕದ್ಧ॑ ನೂ॒ನಂ ಕ॑ಧಪ್ರಿಯಃ ಪಿ॒ತಾ ಪು॒ತ್ರಂ ನ ಹಸ್ತ॑ಯೋಃ | ದ॒ಧಿ॒ಧ್ವೇ ವೃ॑ಕ್ತಬರ್ಹಿಷಃ ||{1.3.15.1}, {1.38.1}, {1.8.3.1} |
| 458 | ಕ್ವ॑ ನೂ॒ನಂ ಕದ್ವೋ॒ ಅರ್ಥಂ॒ ಗಂತಾ᳚ ದಿ॒ವೋ ನ ಪೃ॑ಥಿ॒ವ್ಯಾಃ | ಕ್ವ॑ ವೋ॒ ಗಾವೋ॒ ನ ರ᳚ಣ್ಯಂತಿ ||{1.3.15.2}, {1.38.2}, {1.8.3.2} |
| 459 | ಕ್ವ॑ ವಃ ಸು॒ಮ್ನಾ ನವ್ಯಾಂ᳚ಸಿ॒ ಮರು॑ತಃ॒ ಕ್ವ॑ ಸುವಿ॒ತಾ | ಕ್ವೋ॒೩॑(ಓ॒) ವಿಶ್ವಾ᳚ನಿ॒ ಸೌಭ॑ಗಾ ||{1.3.15.3}, {1.38.3}, {1.8.3.3} |
| 460 | ಯದ್ಯೂ॒ಯಂ ಪೃ॑ಶ್ನಿಮಾತರೋ॒ ಮರ್ತಾ᳚ಸಃ॒ ಸ್ಯಾತ॑ನ | ಸ್ತೋ॒ತಾ ವೋ᳚ ಅ॒ಮೃತಃ॑ ಸ್ಯಾತ್ ||{1.3.15.4}, {1.38.4}, {1.8.3.4} |
| 461 | ಮಾ ವೋ᳚ ಮೃ॒ಗೋ ನ ಯವ॑ಸೇ ಜರಿ॒ತಾ ಭೂ॒ದಜೋ᳚ಷ್ಯಃ | ಪ॒ಥಾ ಯ॒ಮಸ್ಯ॑ ಗಾ॒ದುಪ॑ ||{1.3.15.5}, {1.38.5}, {1.8.3.5} |
| 462 | ಮೋ ಷು ಣಃ॒ ಪರಾ᳚ಪರಾ॒ ನಿರೃ॑ತಿರ್ದು॒ರ್ಹಣಾ᳚ ವಧೀತ್ | ಪ॒ದೀ॒ಷ್ಟ ತೃಷ್ಣ॑ಯಾ ಸ॒ಹ ||{1.3.16.1}, {1.38.6}, {1.8.3.6} |
| 463 | ಸ॒ತ್ಯಂ ತ್ವೇ॒ಷಾ ಅಮ॑ವಂತೋ॒ ಧನ್ವಂ᳚ಚಿ॒ದಾ ರು॒ದ್ರಿಯಾ᳚ಸಃ | ಮಿಹಂ᳚ ಕೃಣ್ವಂತ್ಯವಾ॒ತಾಂ ||{1.3.16.2}, {1.38.7}, {1.8.3.7} |
| 464 | ವಾ॒ಶ್ರೇವ॑ ವಿ॒ದ್ಯುನ್ಮಿ॑ಮಾತಿ ವ॒ತ್ಸಂ ನ ಮಾ॒ತಾ ಸಿ॑ಷಕ್ತಿ | ಯದೇ᳚ಷಾಂ ವೃ॒ಷ್ಟಿರಸ॑ರ್ಜಿ ||{1.3.16.3}, {1.38.8}, {1.8.3.8} |
| 465 | ದಿವಾ᳚ ಚಿ॒ತ್ತಮಃ॑ ಕೃಣ್ವಂತಿ ಪ॒ರ್ಜನ್ಯೇ᳚ನೋದವಾ॒ಹೇನ॑ | ಯತ್ಪೃ॑ಥಿ॒ವೀಂ ವ್ಯುಂ॒ದಂತಿ॑ ||{1.3.16.4}, {1.38.9}, {1.8.3.9} |
| 466 | ಅಧ॑ ಸ್ವ॒ನಾನ್ಮ॒ರುತಾಂ॒ ವಿಶ್ವ॒ಮಾ ಸದ್ಮ॒ ಪಾರ್ಥಿ॑ವಂ | ಅರೇ᳚ಜಂತ॒ ಪ್ರ ಮಾನು॑ಷಾಃ ||{1.3.16.5}, {1.38.10}, {1.8.3.10} |
| 467 | ಮರು॑ತೋ ವೀಳುಪಾ॒ಣಿಭಿ॑ಶ್ಚಿ॒ತ್ರಾ ರೋಧ॑ಸ್ವತೀ॒ರನು॑ | ಯಾ॒ತೇಮಖಿ॑ದ್ರಯಾಮಭಿಃ ||{1.3.17.1}, {1.38.11}, {1.8.3.11} |
| 468 | ಸ್ಥಿ॒ರಾ ವಃ॑ ಸಂತು ನೇ॒ಮಯೋ॒ ರಥಾ॒ ಅಶ್ವಾ᳚ಸ ಏಷಾಂ | ಸುಸಂ᳚ಸ್ಕೃತಾ ಅ॒ಭೀಶ॑ವಃ ||{1.3.17.2}, {1.38.12}, {1.8.3.12} |
| 469 | ಅಚ್ಛಾ᳚ ವದಾ॒ ತನಾ᳚ ಗಿ॒ರಾ ಜ॒ರಾಯೈ॒ ಬ್ರಹ್ಮ॑ಣ॒ಸ್ಪತಿಂ᳚ | ಅ॒ಗ್ನಿಂ ಮಿ॒ತ್ರಂ ನ ದ॑ರ್ಶ॒ತಂ ||{1.3.17.3}, {1.38.13}, {1.8.3.13} |
| 470 | ಮಿ॒ಮೀ॒ಹಿ ಶ್ಲೋಕ॑ಮಾ॒ಸ್ಯೇ᳚ ಪ॒ರ್ಜನ್ಯ॑ ಇವ ತತನಃ | ಗಾಯ॑ ಗಾಯ॒ತ್ರಮು॒ಕ್ಥ್ಯಂ᳚ ||{1.3.17.4}, {1.38.14}, {1.8.3.14} |
| 471 | ವಂದ॑ಸ್ವ॒ ಮಾರು॑ತಂ ಗ॒ಣಂ ತ್ವೇ॒ಷಂ ಪ॑ನ॒ಸ್ಯುಮ॒ರ್ಕಿಣಂ᳚ | ಅ॒ಸ್ಮೇ ವೃ॒ದ್ಧಾ ಅ॑ಸನ್ನಿ॒ಹ ||{1.3.17.5}, {1.38.15}, {1.8.3.15} |
| [39] (1-10) ಪ್ರಯದಿತ್ತೇ ಇತಿ ದಶರ್ಚಸ್ಯ ಸೂಕ್ತಸ್ಯ ಘೌರಃ ಕಣ್ವಃ ಋಷಿಃ | ಮರುತೋ ದೇವತಾಃ | ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ || | |
| 472 | ಪ್ರ ಯದಿ॒ತ್ಥಾ ಪ॑ರಾ॒ವತಃ॑ ಶೋ॒ಚಿರ್ನ ಮಾನ॒ಮಸ್ಯ॑ಥ | ಕಸ್ಯ॒ ಕ್ರತ್ವಾ᳚ ಮರುತಃ॒ ಕಸ್ಯ॒ ವರ್ಪ॑ಸಾ॒ ಕಂ ಯಾ᳚ಥ॒ ಕಂ ಹ॑ ಧೂತಯಃ ||{1.3.18.1}, {1.39.1}, {1.8.4.1} |
| 473 | ಸ್ಥಿ॒ರಾ ವಃ॑ ಸಂ॒ತ್ವಾಯು॑ಧಾ ಪರಾ॒ಣುದೇ᳚ ವೀ॒ಳೂ ಉ॒ತ ಪ್ರ॑ತಿ॒ಷ್ಕಭೇ᳚ | ಯು॒ಷ್ಮಾಕ॑ಮಸ್ತು॒ ತವಿ॑ಷೀ॒ ಪನೀ᳚ಯಸೀ॒ ಮಾ ಮರ್ತ್ಯ॑ಸ್ಯ ಮಾ॒ಯಿನಃ॑ ||{1.3.18.2}, {1.39.2}, {1.8.4.2} |
| 474 | ಪರಾ᳚ ಹ॒ ಯತ್ಸ್ಥಿ॒ರಂ ಹ॒ಥ ನರೋ᳚ ವ॒ರ್ತಯ॑ಥಾ ಗು॒ರು | ವಿ ಯಾ᳚ಥನ ವ॒ನಿನಃ॑ ಪೃಥಿ॒ವ್ಯಾ ವ್ಯಾಶಾಃ॒ ಪರ್ವ॑ತಾನಾಂ ||{1.3.18.3}, {1.39.3}, {1.8.4.3} |
| 475 | ನ॒ಹಿ ವಃ॒ ಶತ್ರು᳚ರ್ವಿವಿ॒ದೇ ಅಧಿ॒ ದ್ಯವಿ॒ ನ ಭೂಮ್ಯಾಂ᳚ ರಿಶಾದಸಃ | ಯು॒ಷ್ಮಾಕ॑ಮಸ್ತು॒ ತವಿ॑ಷೀ॒ ತನಾ᳚ ಯು॒ಜಾ ರುದ್ರಾ᳚ಸೋ॒ ನೂ ಚಿ॑ದಾ॒ಧೃಷೇ᳚ ||{1.3.18.4}, {1.39.4}, {1.8.4.4} |
| 476 | ಪ್ರ ವೇ᳚ಪಯಂತಿ॒ ಪರ್ವ॑ತಾ॒ನ್ವಿ ವಿಂ᳚ಚಂತಿ॒ ವನ॒ಸ್ಪತೀ॑ನ್ | ಪ್ರೋ ಆ᳚ರತ ಮರುತೋ ದು॒ರ್ಮದಾ᳚ ಇವ॒ ದೇವಾ᳚ಸಃ॒ ಸರ್ವ॑ಯಾ ವಿ॒ಶಾ ||{1.3.18.5}, {1.39.5}, {1.8.4.5} |
| 477 | ಉಪೋ॒ ರಥೇ᳚ಷು॒ ಪೃಷ॑ತೀರಯುಗ್ಧ್ವಂ॒ ಪ್ರಷ್ಟಿ᳚ರ್ವಹತಿ॒ ರೋಹಿ॑ತಃ | ಆ ವೋ॒ ಯಾಮಾ᳚ಯ ಪೃಥಿ॒ವೀ ಚಿ॑ದಶ್ರೋ॒ದಬೀ᳚ಭಯಂತ॒ ಮಾನು॑ಷಾಃ ||{1.3.19.1}, {1.39.6}, {1.8.4.6} |
| 478 | ಆ ವೋ᳚ ಮ॒ಕ್ಷೂ ತನಾ᳚ಯ॒ ಕಂ ರುದ್ರಾ॒ ಅವೋ᳚ ವೃಣೀಮಹೇ | ಗಂತಾ᳚ ನೂ॒ನಂ ನೋಽವ॑ಸಾ॒ ಯಥಾ᳚ ಪು॒ರೇತ್ಥಾ ಕಣ್ವಾ᳚ಯ ಬಿ॒ಭ್ಯುಷೇ᳚ ||{1.3.19.2}, {1.39.7}, {1.8.4.7} |
| 479 | ಯು॒ಷ್ಮೇಷಿ॑ತೋ ಮರುತೋ॒ ಮರ್ತ್ಯೇ᳚ಷಿತ॒ ಆ ಯೋ ನೋ॒ ಅಭ್ವ॒ ಈಷ॑ತೇ | ವಿ ತಂ ಯು॑ಯೋತ॒ ಶವ॑ಸಾ॒ ವ್ಯೋಜ॑ಸಾ॒ ವಿ ಯು॒ಷ್ಮಾಕಾ᳚ಭಿರೂ॒ತಿಭಿಃ॑ ||{1.3.19.3}, {1.39.8}, {1.8.4.8} |
| 480 | ಅಸಾ᳚ಮಿ॒ ಹಿ ಪ್ರ॑ಯಜ್ಯವಃ॒ ಕಣ್ವಂ᳚ ದ॒ದ ಪ್ರ॑ಚೇತಸಃ | ಅಸಾ᳚ಮಿಭಿರ್ಮರುತ॒ ಆ ನ॑ ಊ॒ತಿಭಿ॒ರ್ಗಂತಾ᳚ ವೃ॒ಷ್ಟಿಂ ನ ವಿ॒ದ್ಯುತಃ॑ ||{1.3.19.4}, {1.39.9}, {1.8.4.9} |
| 481 | ಅಸಾ॒ಮ್ಯೋಜೋ᳚ ಬಿಭೃಥಾ ಸುದಾನ॒ವೋಽಸಾ᳚ಮಿ ಧೂತಯಃ॒ ಶವಃ॑ | ಋ॒ಷಿ॒ದ್ವಿಷೇ᳚ ಮರುತಃ ಪರಿಮ॒ನ್ಯವ॒ ಇಷುಂ॒ ನ ಸೃ॑ಜತ॒ ದ್ವಿಷಂ᳚ ||{1.3.19.5}, {1.39.10}, {1.8.4.10} |
| [40] (1-8) ಉತ್ತಿಷ್ಠೇತಿ ಅಷ್ಟರ್ಚಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ | ಬ್ರಹ್ಮಣಸ್ಪತಿರ್ದೇವತಾ | ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ || | |
| 482 | ಉತ್ತಿ॑ಷ್ಠ ಬ್ರಹ್ಮಣಸ್ಪತೇ ದೇವ॒ಯಂತ॑ಸ್ತ್ವೇಮಹೇ | ಉಪ॒ ಪ್ರ ಯಂ᳚ತು ಮ॒ರುತಃ॑ ಸು॒ದಾನ॑ವ॒ ಇಂದ್ರ॑ ಪ್ರಾ॒ಶೂರ್ಭ॑ವಾ॒ ಸಚಾ᳚ ||{1.3.20.1}, {1.40.1}, {1.8.5.1} |
| 483 | ತ್ವಾಮಿದ್ಧಿ ಸ॑ಹಸಸ್ಪುತ್ರ॒ ಮರ್ತ್ಯ॑ ಉಪಬ್ರೂ॒ತೇ ಧನೇ᳚ ಹಿ॒ತೇ | ಸು॒ವೀರ್ಯಂ᳚ ಮರುತ॒ ಆ ಸ್ವಶ್ವ್ಯಂ॒ ದಧೀ᳚ತ॒ ಯೋ ವ॑ ಆಚ॒ಕೇ ||{1.3.20.2}, {1.40.2}, {1.8.5.2} |
| 484 | ಪ್ರೈತು॒ ಬ್ರಹ್ಮ॑ಣ॒ಸ್ಪತಿಃ॒ ಪ್ರ ದೇ॒ವ್ಯೇ᳚ತು ಸೂ॒ನೃತಾ᳚ | ಅಚ್ಛಾ᳚ ವೀ॒ರಂ ನರ್ಯಂ᳚ ಪಂ॒ಕ್ತಿರಾ᳚ಧಸಂ ದೇ॒ವಾ ಯ॒ಜ್ಞಂ ನ॑ಯಂತು ನಃ ||{1.3.20.3}, {1.40.3}, {1.8.5.3} |
| 485 | ಯೋ ವಾ॒ಘತೇ॒ ದದಾ᳚ತಿ ಸೂ॒ನರಂ॒ ವಸು॒ ಸ ಧ॑ತ್ತೇ॒ ಅಕ್ಷಿ॑ತಿ॒ ಶ್ರವಃ॑ | ತಸ್ಮಾ॒ ಇಳಾಂ᳚ ಸು॒ವೀರಾ॒ಮಾ ಯ॑ಜಾಮಹೇ ಸು॒ಪ್ರತೂ᳚ರ್ತಿಮನೇ॒ಹಸಂ᳚ ||{1.3.20.4}, {1.40.4}, {1.8.5.4} |
| 486 | ಪ್ರ ನೂ॒ನಂ ಬ್ರಹ್ಮ॑ಣ॒ಸ್ಪತಿ॒ರ್ಮಂತ್ರಂ᳚ ವದತ್ಯು॒ಕ್ಥ್ಯಂ᳚ | ಯಸ್ಮಿ॒ನ್ನಿಂದ್ರೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ದೇ॒ವಾ ಓಕಾಂ᳚ಸಿ ಚಕ್ರಿ॒ರೇ ||{1.3.20.5}, {1.40.5}, {1.8.5.5} |
| 487 | ತಮಿದ್ವೋ᳚ಚೇಮಾ ವಿ॒ದಥೇ᳚ಷು ಶಂ॒ಭುವಂ॒ ಮಂತ್ರಂ᳚ ದೇವಾ ಅನೇ॒ಹಸಂ᳚ | ಇ॒ಮಾಂ ಚ॒ ವಾಚಂ᳚ ಪ್ರತಿ॒ಹರ್ಯ॑ಥಾ ನರೋ॒ ವಿಶ್ವೇದ್ವಾ॒ಮಾ ವೋ᳚ ಅಶ್ನವತ್ ||{1.3.21.1}, {1.40.6}, {1.8.5.6} |
| 488 | ಕೋ ದೇ᳚ವ॒ಯಂತ॑ಮಶ್ನವ॒ಜ್ಜನಂ॒ ಕೋ ವೃ॒ಕ್ತಬ॑ರ್ಹಿಷಂ | ಪ್ರಪ್ರ॑ ದಾ॒ಶ್ವಾನ್ಪ॒ಸ್ತ್ಯಾ᳚ಭಿರಸ್ಥಿತಾಽನ್‌ತ॒ರ್ವಾವ॒ತ್ಕ್ಷಯಂ᳚ ದಧೇ ||{1.3.21.2}, {1.40.7}, {1.8.5.7} |
| 489 | ಉಪ॑ ಕ್ಷ॒ತ್ರಂ ಪೃಂ᳚ಚೀ॒ತ ಹಂತಿ॒ ರಾಜ॑ಭಿರ್ಭ॒ಯೇ ಚಿ॑ತ್ಸುಕ್ಷಿ॒ತಿಂ ದ॑ಧೇ | ನಾಸ್ಯ॑ ವ॒ರ್ತಾ ನ ತ॑ರು॒ತಾ ಮ॑ಹಾಧ॒ನೇ ನಾರ್ಭೇ᳚ ಅಸ್ತಿ ವ॒ಜ್ರಿಣಃ॑ ||{1.3.21.3}, {1.40.8}, {1.8.5.8} |
| [41] (1-9) ಯಂರಕ್Sಅಂತೀತಿ ನವರ್ಚಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ | (1-3, 7-9) ಪ್ರಥಮಾ ಅಂತಿಮತೃಚಯೋರ್ವರುಣಮಿತ್ರಾರ್ಯಮಣಃ (4-6) ದ್ವಿತೀಯತೃಚಸ್ಯಚ ಆದಿತ್ಯಾ ದೇವತಾಃ | ಗಾಯತ್ರೀ ಛಂದಃ || | |
| 490 | ಯಂ ರಕ್ಷಂ᳚ತಿ॒ ಪ್ರಚೇ᳚ತಸೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ | ನೂ ಚಿ॒ತ್ಸ ದ॑ಭ್ಯತೇ॒ ಜನಃ॑ ||{1.3.22.1}, {1.41.1}, {1.8.6.1} |
| 491 | ಯಂ ಬಾ॒ಹುತೇ᳚ವ॒ ಪಿಪ್ರ॑ತಿ॒ ಪಾಂತಿ॒ ಮರ್ತ್ಯಂ᳚ ರಿ॒ಷಃ | ಅರಿ॑ಷ್ಟಃ॒ ಸರ್ವ॑ ಏಧತೇ ||{1.3.22.2}, {1.41.2}, {1.8.6.2} |
| 492 | ವಿ ದು॒ರ್ಗಾ ವಿ ದ್ವಿಷಃ॑ ಪು॒ರೋ ಘ್ನಂತಿ॒ ರಾಜಾ᳚ನ ಏಷಾಂ | ನಯಂ᳚ತಿ ದುರಿ॒ತಾ ತಿ॒ರಃ ||{1.3.22.3}, {1.41.3}, {1.8.6.3} |
| 493 | ಸು॒ಗಃ ಪಂಥಾ᳚ ಅನೃಕ್ಷ॒ರ ಆದಿ॑ತ್ಯಾಸ ಋ॒ತಂ ಯ॒ತೇ | ನಾತ್ರಾ᳚ವಖಾ॒ದೋ ಅ॑ಸ್ತಿ ವಃ ||{1.3.22.4}, {1.41.4}, {1.8.6.4} |
| 494 | ಯಂ ಯ॒ಜ್ಞಂ ನಯ॑ಥಾ ನರ॒ ಆದಿ॑ತ್ಯಾ ಋ॒ಜುನಾ᳚ ಪ॒ಥಾ | ಪ್ರ ವಃ॒ ಸ ಧೀ॒ತಯೇ᳚ ನಶತ್ ||{1.3.22.5}, {1.41.5}, {1.8.6.5} |
| 495 | ಸ ರತ್ನಂ॒ ಮರ್ತ್ಯೋ॒ ವಸು॒ ವಿಶ್ವಂ᳚ ತೋ॒ಕಮು॒ತ ತ್ಮನಾ᳚ | ಅಚ್ಛಾ᳚ ಗಚ್ಛ॒ತ್ಯಸ್ತೃ॑ತಃ ||{1.3.23.1}, {1.41.6}, {1.8.6.6} |
| 496 | ಕ॒ಥಾ ರಾ᳚ಧಾಮ ಸಖಾಯಃ॒ ಸ್ತೋಮಂ᳚ ಮಿ॒ತ್ರಸ್ಯಾ᳚ರ್ಯ॒ಮ್ಣಃ | ಮಹಿ॒ ಪ್ಸರೋ॒ ವರು॑ಣಸ್ಯ ||{1.3.23.2}, {1.41.7}, {1.8.6.7} |
| 497 | ಮಾ ವೋ॒ ಘ್ನಂತಂ॒ ಮಾ ಶಪಂ᳚ತಂ॒ ಪ್ರತಿ॑ ವೋಚೇ ದೇವ॒ಯಂತಂ᳚ | ಸು॒ಮ್ನೈರಿದ್ವ॒ ಆ ವಿ॑ವಾಸೇ ||{1.3.23.3}, {1.41.8}, {1.8.6.8} |
| 498 | ಚ॒ತುರ॑ಶ್ಚಿ॒ದ್ದದ॑ಮಾನಾದ್ಬಿಭೀ॒ಯಾದಾ ನಿಧಾ᳚ತೋಃ | ನ ದು॑ರು॒ಕ್ತಾಯ॑ ಸ್ಪೃಹಯೇತ್ ||{1.3.23.4}, {1.41.9}, {1.8.6.9} |
| [42] (1-10) ಸಂಪೂಷನ್ನಿತಿ ದಶರ್ಚಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ | ಪೂಷಾ ದೇವತಾ | ಗಾಯತ್ರೀ ಛಂದಃ || | |
| 499 | ಸಂ ಪೂ᳚ಷ॒ನ್ನಧ್ವ॑ನಸ್ತಿರ॒ ವ್ಯಂಹೋ᳚ ವಿಮುಚೋ ನಪಾತ್ | ಸಕ್ಷ್ವಾ᳚ ದೇವ॒ ಪ್ರ ಣ॑ಸ್ಪು॒ರಃ ||{1.3.24.1}, {1.42.1}, {1.8.7.1} |
| 500 | ಯೋ ನಃ॑ ಪೂಷನ್ನ॒ಘೋ ವೃಕೋ᳚ ದುಃ॒ಶೇವ॑ ಆ॒ದಿದೇ᳚ಶತಿ | ಅಪ॑ ಸ್ಮ॒ ತಂ ಪ॒ಥೋ ಜ॑ಹಿ ||{1.3.24.2}, {1.42.2}, {1.8.7.2} |
| 501 | ಅಪ॒ ತ್ಯಂ ಪ॑ರಿಪಂ॒ಥಿನಂ᳚ ಮುಷೀ॒ವಾಣಂ᳚ ಹುರ॒ಶ್ಚಿತಂ᳚ | ದೂ॒ರಮಧಿ॑ ಸ್ರು॒ತೇರ॑ಜ ||{1.3.24.3}, {1.42.3}, {1.8.7.3} |
| 502 | ತ್ವಂ ತಸ್ಯ॑ ದ್ವಯಾ॒ವಿನೋ॒ಽಘಶಂ᳚ಸಸ್ಯ॒ ಕಸ್ಯ॑ ಚಿತ್ | ಪ॒ದಾಭಿ ತಿ॑ಷ್ಠ॒ ತಪು॑ಷಿಂ ||{1.3.24.4}, {1.42.4}, {1.8.7.4} |
| 503 | ಆ ತತ್ತೇ᳚ ದಸ್ರ ಮಂತುಮಃ॒ ಪೂಷ॒ನ್ನವೋ᳚ ವೃಣೀಮಹೇ | ಯೇನ॑ ಪಿ॒ತೄನಚೋ᳚ದಯಃ ||{1.3.24.5}, {1.42.5}, {1.8.7.5} |
| 504 | ಅಧಾ᳚ ನೋ ವಿಶ್ವಸೌಭಗ॒ ಹಿರ᳚ಣ್ಯವಾಶೀಮತ್ತಮ | ಧನಾ᳚ನಿ ಸು॒ಷಣಾ᳚ ಕೃಧಿ ||{1.3.25.1}, {1.42.6}, {1.8.7.6} |
| 505 | ಅತಿ॑ ನಃ ಸ॒ಶ್ಚತೋ᳚ ನಯ ಸು॒ಗಾ ನಃ॑ ಸು॒ಪಥಾ᳚ ಕೃಣು | ಪೂಷ᳚ನ್ನಿ॒ಹ ಕ್ರತುಂ᳚ ವಿದಃ ||{1.3.25.2}, {1.42.7}, {1.8.7.7} |
| 506 | ಅ॒ಭಿ ಸೂ॒ಯವ॑ಸಂ ನಯ॒ ನ ನ॑ವಜ್ವಾ॒ರೋ ಅಧ್ವ॑ನೇ | ಪೂಷ᳚ನ್ನಿ॒ಹ ಕ್ರತುಂ᳚ ವಿದಃ ||{1.3.25.3}, {1.42.8}, {1.8.7.8} |
| 507 | ಶ॒ಗ್ಧಿ ಪೂ॒ರ್ಧಿ ಪ್ರ ಯಂ᳚ಸಿ ಚ ಶಿಶೀ॒ಹಿ ಪ್ರಾಸ್ಯು॒ದರಂ᳚ | ಪೂಷ᳚ನ್ನಿ॒ಹ ಕ್ರತುಂ᳚ ವಿದಃ ||{1.3.25.4}, {1.42.9}, {1.8.7.9} |
| 508 | ನ ಪೂ॒ಷಣಂ᳚ ಮೇಥಾಮಸಿ ಸೂ॒ಕ್ತೈರ॒ಭಿ ಗೃ॑ಣೀಮಸಿ | ವಸೂ᳚ನಿ ದ॒ಸ್ಮಮೀ᳚ಮಹೇ ||{1.3.25.5}, {1.42.10}, {1.8.7.10} |
| [43] (1-9) ಕದ್ರುದ್ರಾಯೇತಿ ನವರ್ಚಸ್ಯ ಸೂಕ್ತಸ್ಯ ಘೌರಃ ಕಣ್ವ ಋಷಿಃ | (1-2, 4-6) ಪ್ರಥಮಾದ್ವಿತೀಯಯೋರ್‌ಋಚೋಶ್ಚತುರ್ಥ್ಯಾದಿತೃಚಸ್ಯ ಚ ರುದ್ರಃ (3) ತೃತೀಯಾಯಾ ರುದ್ರೋ ಮಿತ್ರಾವರುಣೌ ಚ (7-9) ಸಪ್ತಮ್ಯಾದಿತೃಚಸ್ಯ ಚ ಸೋಮೋ ದೇವತಾಃ | (1-8) ಪ್ರಥಮಾದ್ಯಶ್ಟರ್ಚಾಂ ಗಾಯತ್ರೀ (9) ನವಮ್ಯಾಶ್ಚಾನುಷ್ಟಪ್ ಛಂದಸೀ || | |
| 509 | ಕದ್ರು॒ದ್ರಾಯ॒ ಪ್ರಚೇ᳚ತಸೇ ಮೀ॒ಳ್ಹುಷ್ಟ॑ಮಾಯ॒ ತವ್ಯ॑ಸೇ | ವೋ॒ಚೇಮ॒ ಶಂತ॑ಮಂ ಹೃ॒ದೇ ||{1.3.26.1}, {1.43.1}, {1.8.8.1} |
| 510 | ಯಥಾ᳚ ನೋ॒ ಅದಿ॑ತಿಃ॒ ಕರ॒ತ್ಪಶ್ವೇ॒ ನೃಭ್ಯೋ॒ ಯಥಾ॒ ಗವೇ᳚ | ಯಥಾ᳚ ತೋ॒ಕಾಯ॑ ರು॒ದ್ರಿಯಂ᳚ ||{1.3.26.2}, {1.43.2}, {1.8.8.2} |
| 511 | ಯಥಾ᳚ ನೋ ಮಿ॒ತ್ರೋ ವರು॑ಣೋ॒ ಯಥಾ᳚ ರು॒ದ್ರಶ್ಚಿಕೇ᳚ತತಿ | ಯಥಾ॒ ವಿಶ್ವೇ᳚ ಸ॒ಜೋಷ॑ಸಃ ||{1.3.26.3}, {1.43.3}, {1.8.8.3} |
| 512 | ಗಾ॒ಥಪ॑ತಿಂ ಮೇ॒ಧಪ॑ತಿಂ ರು॒ದ್ರಂ ಜಲಾ᳚ಷಭೇಷಜಂ | ತಚ್ಛಂ॒ಯೋಃ ಸು॒ಮ್ನಮೀ᳚ಮಹೇ ||{1.3.26.4}, {1.43.4}, {1.8.8.4} |
| 513 | ಯಃ ಶು॒ಕ್ರ ಇ॑ವ॒ ಸೂರ್ಯೋ॒ ಹಿರ᳚ಣ್ಯಮಿವ॒ ರೋಚ॑ತೇ | ಶ್ರೇಷ್ಠೋ᳚ ದೇ॒ವಾನಾಂ॒ ವಸುಃ॑ ||{1.3.26.5}, {1.43.5}, {1.8.8.5} |
| 514 | ಶಂ ನಃ॑ ಕರ॒ತ್ಯರ್ವ॑ತೇ ಸು॒ಗಂ ಮೇ॒ಷಾಯ॑ ಮೇ॒ಷ್ಯೇ᳚ | ನೃಭ್ಯೋ॒ ನಾರಿ॑ಭ್ಯೋ॒ ಗವೇ᳚ ||{1.3.27.1}, {1.43.6}, {1.8.8.6} |
| 515 | ಅ॒ಸ್ಮೇ ಸೋ᳚ಮ॒ ಶ್ರಿಯ॒ಮಧಿ॒ ನಿ ಧೇ᳚ಹಿ ಶ॒ತಸ್ಯ॑ ನೃ॒ಣಾಂ | ಮಹಿ॒ ಶ್ರವ॑ಸ್ತುವಿನೃ॒ಮ್ಣಂ ||{1.3.27.2}, {1.43.7}, {1.8.8.7} |
| 516 | ಮಾ ನಃ॑ ಸೋಮಪರಿ॒ಬಾಧೋ॒ ಮಾರಾ᳚ತಯೋ ಜುಹುರಂತ | ಆ ನ॑ ಇಂದೋ॒ ವಾಜೇ᳚ ಭಜ ||{1.3.27.3}, {1.43.8}, {1.8.8.8} |
| 517 | ಯಾಸ್ತೇ᳚ ಪ್ರ॒ಜಾ ಅ॒ಮೃತ॑ಸ್ಯ॒ ಪರ॑ಸ್ಮಿಂ॒ಧಾಮ᳚ನ್ನೃ॒ತಸ್ಯ॑ | ಮೂ॒ರ್ಧಾ ನಾಭಾ᳚ ಸೋಮ ವೇನ ಆ॒ಭೂಷಂ᳚ತೀಃ ಸೋಮ ವೇದಃ ||{1.3.27.4}, {1.43.9}, {1.8.8.9} |
| [44] (1-14) ಅಗ್ನೇವಿವಸ್ವದಿತಿ ಚತುರ್ದಶರ್ಚಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ | (1-2) ಪ್ರಥಮಾದ್ವಿತೀಯಯೋರ್‌ಋಚೋರಗ್ನಿರಶ್ವಿನಾವುಷಾಶ್ಚ (3-14) ತೃತೀಯಾದಿದ್ವಾದಶಾನಾಂಚಾಗ್ನಿರ್ದೇವತಾಃ | ಪ್ರಗಾಥಃ (ವಿಷಮಾ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ || | |
| 518 | ಅಗ್ನೇ॒ ವಿವ॑ಸ್ವದು॒ಷಸ॑ಶ್ಚಿ॒ತ್ರಂ ರಾಧೋ᳚ ಅಮರ್ತ್ಯ | ಆ ದಾ॒ಶುಷೇ᳚ ಜಾತವೇದೋ ವಹಾ॒ ತ್ವಮ॒ದ್ಯಾ ದೇ॒ವಾಁ ಉ॑ಷ॒ರ್ಬುಧಃ॑ ||{1.3.28.1}, {1.44.1}, {1.9.1.1} |
| 519 | ಜುಷ್ಟೋ॒ ಹಿ ದೂ॒ತೋ ಅಸಿ॑ ಹವ್ಯ॒ವಾಹ॒ನೋಽಗ್ನೇ᳚ ರ॒ಥೀರ॑ಧ್ವ॒ರಾಣಾಂ᳚ | ಸ॒ಜೂರ॒ಶ್ವಿಭ್ಯಾ᳚ಮು॒ಷಸಾ᳚ ಸು॒ವೀರ್ಯ॑ಮ॒ಸ್ಮೇ ಧೇ᳚ಹಿ॒ ಶ್ರವೋ᳚ ಬೃ॒ಹತ್ ||{1.3.28.2}, {1.44.2}, {1.9.1.2} |
| 520 | ಅ॒ದ್ಯಾ ದೂ॒ತಂ ವೃ॑ಣೀಮಹೇ॒ ವಸು॑ಮ॒ಗ್ನಿಂ ಪು॑ರುಪ್ರಿ॒ಯಂ | ಧೂ॒ಮಕೇ᳚ತುಂ॒ ಭಾಋ॑ಜೀಕಂ॒ ವ್ಯು॑ಷ್ಟಿಷು ಯ॒ಜ್ಞಾನಾ᳚ಮಧ್ವರ॒ಶ್ರಿಯಂ᳚ ||{1.3.28.3}, {1.44.3}, {1.9.1.3} |
| 521 | ಶ್ರೇಷ್ಠಂ॒ ಯವಿ॑ಷ್ಠ॒ಮತಿ॑ಥಿಂ॒ ಸ್ವಾ᳚ಹುತಂ॒ ಜುಷ್ಟಂ॒ ಜನಾ᳚ಯ ದಾ॒ಶುಷೇ᳚ | ದೇ॒ವಾಁ ಅಚ್ಛಾ॒ ಯಾತ॑ವೇ ಜಾ॒ತವೇ᳚ದಸಮ॒ಗ್ನಿಮೀ᳚ಳೇ॒ ವ್ಯು॑ಷ್ಟಿಷು ||{1.3.28.4}, {1.44.4}, {1.9.1.4} |
| 522 | ಸ್ತ॒ವಿ॒ಷ್ಯಾಮಿ॒ ತ್ವಾಮ॒ಹಂ ವಿಶ್ವ॑ಸ್ಯಾಮೃತ ಭೋಜನ | ಅಗ್ನೇ᳚ ತ್ರಾ॒ತಾರ॑ಮ॒ಮೃತಂ᳚ ಮಿಯೇಧ್ಯ॒ ಯಜಿ॑ಷ್ಠಂ ಹವ್ಯವಾಹನ ||{1.3.28.5}, {1.44.5}, {1.9.1.5} |
| 523 | ಸು॒ಶಂಸೋ᳚ ಬೋಧಿ ಗೃಣ॒ತೇ ಯ॑ವಿಷ್ಠ್ಯ॒ ಮಧು॑ಜಿಹ್ವಃ॒ ಸ್ವಾ᳚ಹುತಃ | ಪ್ರಸ್ಕ᳚ಣ್ವಸ್ಯ ಪ್ರತಿ॒ರನ್ನಾಯು॑ರ್ಜೀ॒ವಸೇ᳚ ನಮ॒ಸ್ಯಾ ದೈವ್ಯಂ॒ ಜನಂ᳚ ||{1.3.29.1}, {1.44.6}, {1.9.1.6} |
| 524 | ಹೋತಾ᳚ರಂ ವಿ॒ಶ್ವವೇ᳚ದಸಂ॒ ಸಂ ಹಿ ತ್ವಾ॒ ವಿಶ॑ ಇಂ॒ಧತೇ᳚ | ಸ ಆ ವ॑ಹ ಪುರುಹೂತ॒ ಪ್ರಚೇ᳚ತ॒ಸೋಽಗ್ನೇ᳚ ದೇ॒ವಾಁ ಇ॒ಹ ದ್ರ॒ವತ್ ||{1.3.29.2}, {1.44.7}, {1.9.1.7} |
| 525 | ಸ॒ವಿ॒ತಾರ॑ಮು॒ಷಸ॑ಮ॒ಶ್ವಿನಾ॒ ಭಗ॑ಮ॒ಗ್ನಿಂ ವ್ಯು॑ಷ್ಟಿಷು॒ ಕ್ಷಪಃ॑ | ಕಣ್ವಾ᳚ಸಸ್ತ್ವಾ ಸು॒ತಸೋ᳚ಮಾಸ ಇಂಧತೇ ಹವ್ಯ॒ವಾಹಂ᳚ ಸ್ವಧ್ವರ ||{1.3.29.3}, {1.44.8}, {1.9.1.8} |
| 526 | ಪತಿ॒ರ್ಹ್ಯ॑ಧ್ವ॒ರಾಣಾ॒ಮಗ್ನೇ᳚ ದೂ॒ತೋ ವಿ॒ಶಾಮಸಿ॑ | ಉ॒ಷ॒ರ್ಬುಧ॒ ಆ ವ॑ಹ॒ ಸೋಮ॑ಪೀತಯೇ ದೇ॒ವಾಁ ಅ॒ದ್ಯ ಸ್ವ॒ರ್ದೃಶಃ॑ ||{1.3.29.4}, {1.44.9}, {1.9.1.9} |
| 527 | ಅಗ್ನೇ॒ ಪೂರ್ವಾ॒ ಅನೂ॒ಷಸೋ᳚ ವಿಭಾವಸೋ ದೀ॒ದೇಥ॑ ವಿ॒ಶ್ವದ॑ರ್ಶತಃ | ಅಸಿ॒ ಗ್ರಾಮೇ᳚ಷ್ವವಿ॒ತಾ ಪು॒ರೋಹಿ॒ತೋಽಸಿ॑ ಯ॒ಜ್ಞೇಷು॒ ಮಾನು॑ಷಃ ||{1.3.29.5}, {1.44.10}, {1.9.1.10} |
| 528 | ನಿ ತ್ವಾ᳚ ಯ॒ಜ್ಞಸ್ಯ॒ ಸಾಧ॑ನ॒ಮಗ್ನೇ॒ ಹೋತಾ᳚ರಮೃ॒ತ್ವಿಜಂ᳚ | ಮ॒ನು॒ಷ್ವದ್ದೇ᳚ವ ಧೀಮಹಿ॒ ಪ್ರಚೇ᳚ತಸಂ ಜೀ॒ರಂ ದೂ॒ತಮಮ॑ರ್ತ್ಯಂ ||{1.3.30.1}, {1.44.11}, {1.9.1.11} |
| 529 | ಯದ್ದೇ॒ವಾನಾಂ᳚ ಮಿತ್ರಮಹಃ ಪು॒ರೋಹಿ॒ತೋಽನ್ತ॑ರೋ॒ ಯಾಸಿ॑ ದೂ॒ತ್ಯಂ᳚ | ಸಿಂಧೋ᳚ರಿವ॒ ಪ್ರಸ್ವ॑ನಿತಾಸ ಊ॒ರ್ಮಯೋ॒ಽಗ್ನೇರ್‌ಭ್ರಾ᳚ಜಂತೇ ಅ॒ರ್ಚಯಃ॑ ||{1.3.30.2}, {1.44.12}, {1.9.1.12} |
| 530 | ಶ್ರು॒ಧಿ ಶ್ರು॑ತ್ಕರ್ಣ॒ ವಹ್ನಿ॑ಭಿರ್ದೇ॒ವೈರ॑ಗ್ನೇ ಸ॒ಯಾವ॑ಭಿಃ | ಆ ಸೀ᳚ದಂತು ಬ॒ರ್ಹಿಷಿ॑ ಮಿ॒ತ್ರೋ ಅ᳚ರ್ಯ॒ಮಾ ಪ್ರಾ᳚ತ॒ರ್ಯಾವಾ᳚ಣೋ ಅಧ್ವ॒ರಂ ||{1.3.30.3}, {1.44.13}, {1.9.1.13} |
| 531 | ಶೃ॒ಣ್ವಂತು॒ ಸ್ತೋಮಂ᳚ ಮ॒ರುತಃ॑ ಸು॒ದಾನ॑ವೋಽಗ್ನಿಜಿ॒ಹ್ವಾ ಋ॑ತಾ॒ವೃಧಃ॑ | ಪಿಬ॑ತು॒ ಸೋಮಂ॒ ವರು॑ಣೋ ಧೃ॒ತವ್ರ॑ತೋ॒ಽಶ್ವಿಭ್ಯಾ᳚ಮು॒ಷಸಾ᳚ ಸ॒ಜೂಃ ||{1.3.30.4}, {1.44.14}, {1.9.1.14} |
| [45] (1-10) ತ್ವಮಗ್ನ ಇತಿ ದಶರ್ಚಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ | (1-9, 10) ಪ್ರಥಮಾದಿನವರ್ಚಾಂ ದಶಮ್ಯಾಃ ಪೂರ್ವಾರ್ಧಸ್ಯ ಚಾಗ್ನಿಃ (10) ದಶಮ್ಯಾ ಉತ್ತರಾರ್ಧಸ್ಯ ಚ ದೇವಾ ದೇವತಾಃ | ಅನುಷ್ಟುಪ್ ಛಂದಃ || | |
| 532 | ತ್ವಮ॑ಗ್ನೇ॒ ವಸೂಁ᳚ರಿ॒ಹ ರು॒ದ್ರಾಁ ಆ᳚ದಿ॒ತ್ಯಾಁ ಉ॒ತ | ಯಜಾ᳚ ಸ್ವಧ್ವ॒ರಂ ಜನಂ॒ ಮನು॑ಜಾತಂ ಘೃತ॒ಪ್ರುಷಂ᳚ ||{1.3.31.1}, {1.45.1}, {1.9.2.1} |
| 533 | ಶ್ರು॒ಷ್ಟೀ॒ವಾನೋ॒ ಹಿ ದಾ॒ಶುಷೇ᳚ ದೇ॒ವಾ ಅ॑ಗ್ನೇ॒ ವಿಚೇ᳚ತಸಃ | ತಾನ್ರೋ᳚ಹಿದಶ್ವ ಗಿರ್ವಣ॒ಸ್ತ್ರಯ॑ಸ್ತ್ರಿಂಶತ॒ಮಾ ವ॑ಹ ||{1.3.31.2}, {1.45.2}, {1.9.2.2} |
| 534 | ಪ್ರಿ॒ಯ॒ಮೇ॒ಧ॒ವದ॑ತ್ರಿ॒ವಜ್ಜಾತ॑ವೇದೋ ವಿರೂಪ॒ವತ್ | ಅಂ॒ಗಿ॒ರ॒ಸ್ವನ್ಮ॑ಹಿವ್ರತ॒ ಪ್ರಸ್ಕ᳚ಣ್ವಸ್ಯ ಶ್ರುಧೀ॒ ಹವಂ᳚ ||{1.3.31.3}, {1.45.3}, {1.9.2.3} |
| 535 | ಮಹಿ॑ಕೇರವ ಊ॒ತಯೇ᳚ ಪ್ರಿ॒ಯಮೇ᳚ಧಾ ಅಹೂಷತ | ರಾಜಂ᳚ತಮಧ್ವ॒ರಾಣಾ᳚ಮ॒ಗ್ನಿಂ ಶು॒ಕ್ರೇಣ॑ ಶೋ॒ಚಿಷಾ᳚ ||{1.3.31.4}, {1.45.4}, {1.9.2.4} |
| 536 | ಘೃತಾ᳚ಹವನ ಸಂತ್ಯೇ॒ಮಾ ಉ॒ ಷು ಶ್ರು॑ಧೀ॒ ಗಿರಃ॑ | ಯಾಭಿಃ॒ ಕಣ್ವ॑ಸ್ಯ ಸೂ॒ನವೋ॒ ಹವಂ॒ತೇಽವ॑ಸೇ ತ್ವಾ ||{1.3.31.5}, {1.45.5}, {1.9.2.5} |
| 537 | ತ್ವಾಂ ಚಿ॑ತ್ರಶ್ರವಸ್ತಮ॒ ಹವಂ᳚ತೇ ವಿ॒ಕ್ಷು ಜಂ॒ತವಃ॑ | ಶೋ॒ಚಿಷ್ಕೇ᳚ಶಂ ಪುರುಪ್ರಿ॒ಯಾಗ್ನೇ᳚ ಹ॒ವ್ಯಾಯ॒ ವೋಳ್ಹ॑ವೇ ||{1.3.32.1}, {1.45.6}, {1.9.2.6} |
| 538 | ನಿ ತ್ವಾ॒ ಹೋತಾ᳚ರಮೃ॒ತ್ವಿಜಂ᳚ ದಧಿ॒ರೇ ವ॑ಸು॒ವಿತ್ತ॑ಮಂ | ಶ್ರುತ್ಕ᳚ರ್ಣಂ ಸ॒ಪ್ರಥ॑ಸ್ತಮಂ॒ ವಿಪ್ರಾ᳚ ಅಗ್ನೇ॒ ದಿವಿ॑ಷ್ಟಿಷು ||{1.3.32.2}, {1.45.7}, {1.9.2.7} |
| 539 | ಆ ತ್ವಾ॒ ವಿಪ್ರಾ᳚ ಅಚುಚ್ಯವುಃ ಸು॒ತಸೋ᳚ಮಾ ಅ॒ಭಿ ಪ್ರಯಃ॑ | ಬೃ॒ಹದ್ಭಾ ಬಿಭ್ರ॑ತೋ ಹ॒ವಿರಗ್ನೇ॒ ಮರ್ತಾ᳚ಯ ದಾ॒ಶುಷೇ᳚ ||{1.3.32.3}, {1.45.8}, {1.9.2.8} |
| 540 | ಪ್ರಾ॒ತ॒ರ್ಯಾವ್ಣಃ॑ ಸಹಸ್ಕೃತ ಸೋಮ॒ಪೇಯಾ᳚ಯ ಸಂತ್ಯ | ಇ॒ಹಾದ್ಯ ದೈವ್ಯಂ॒ ಜನಂ᳚ ಬ॒ರ್ಹಿರಾ ಸಾ᳚ದಯಾ ವಸೋ ||{1.3.32.4}, {1.45.9}, {1.9.2.9} |
| 541 | ಅ॒ರ್ವಾಂಚಂ॒ ದೈವ್ಯಂ॒ ಜನ॒ಮಗ್ನೇ॒ ಯಕ್ಷ್ವ॒ ಸಹೂ᳚ತಿಭಿಃ | ಅ॒ಯಂ ಸೋಮಃ॑ ಸುದಾನವ॒ಸ್ತಂ ಪಾ᳚ತ ತಿ॒ರೋ ಅ᳚ಹ್ನ್ಯಂ ||{1.3.32.5}, {1.45.10}, {1.9.2.10} |
| [46] (1-15) ಏಷೋ ಉಷಾ ಇತಿ ಪಂಚದಶರ್ಚಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ | ಅಶ್ವಿನೌ ದೇವತೇ | ಗಾಯತ್ರೀ ಛಂದಃ || | |
| 542 | ಏ॒ಷೋ ಉ॒ಷಾ ಅಪೂ᳚ರ್ವ್ಯಾ॒ ವ್ಯು॑ಚ್ಛತಿ ಪ್ರಿ॒ಯಾ ದಿ॒ವಃ | ಸ್ತು॒ಷೇ ವಾ᳚ಮಶ್ವಿನಾ ಬೃ॒ಹತ್ ||{1.3.33.1}, {1.46.1}, {1.9.3.1} |
| 543 | ಯಾ ದ॒ಸ್ರಾ ಸಿಂಧು॑ಮಾತರಾ ಮನೋ॒ತರಾ᳚ ರಯೀ॒ಣಾಂ | ಧಿ॒ಯಾ ದೇ॒ವಾ ವ॑ಸು॒ವಿದಾ᳚ ||{1.3.33.2}, {1.46.2}, {1.9.3.2} |
| 544 | ವ॒ಚ್ಯಂತೇ᳚ ವಾಂ ಕಕು॒ಹಾಸೋ᳚ ಜೂ॒ರ್ಣಾಯಾ॒ಮಧಿ॑ ವಿ॒ಷ್ಟಪಿ॑ | ಯದ್ವಾಂ॒ ರಥೋ॒ ವಿಭಿ॒ಷ್ಪತಾ᳚ತ್ ||{1.3.33.3}, {1.46.3}, {1.9.3.3} |
| 545 | ಹ॒ವಿಷಾ᳚ ಜಾ॒ರೋ ಅ॒ಪಾಂ ಪಿಪ॑ರ್ತಿ॒ ಪಪು॑ರಿರ್ನರಾ | ಪಿ॒ತಾ ಕುಟ॑ಸ್ಯ ಚರ್ಷ॒ಣಿಃ ||{1.3.33.4}, {1.46.4}, {1.9.3.4} |
| 546 | ಆ॒ದಾ॒ರೋ ವಾಂ᳚ ಮತೀ॒ನಾಂ ನಾಸ॑ತ್ಯಾ ಮತವಚಸಾ | ಪಾ॒ತಂ ಸೋಮ॑ಸ್ಯ ಧೃಷ್ಣು॒ಯಾ ||{1.3.33.5}, {1.46.5}, {1.9.3.5} |
| 547 | ಯಾ ನಃ॒ ಪೀಪ॑ರದಶ್ವಿನಾ॒ ಜ್ಯೋತಿ॑ಷ್ಮತೀ॒ ತಮ॑ಸ್ತಿ॒ರಃ | ತಾಮ॒ಸ್ಮೇ ರಾ᳚ಸಾಥಾ॒ಮಿಷಂ᳚ ||{1.3.34.1}, {1.46.6}, {1.9.3.6} |
| 548 | ಆ ನೋ᳚ ನಾ॒ವಾ ಮ॑ತೀ॒ನಾಂ ಯಾ॒ತಂ ಪಾ॒ರಾಯ॒ ಗಂತ॑ವೇ | ಯುಂ॒ಜಾಥಾ᳚ಮಶ್ವಿನಾ॒ ರಥಂ᳚ ||{1.3.34.2}, {1.46.7}, {1.9.3.7} |
| 549 | ಅ॒ರಿತ್ರಂ᳚ ವಾಂ ದಿ॒ವಸ್ಪೃ॒ಥು ತೀ॒ರ್ಥೇ ಸಿಂಧೂ᳚ನಾಂ॒ ರಥಃ॑ | ಧಿ॒ಯಾ ಯು॑ಯುಜ್ರ॒ ಇಂದ॑ವಃ ||{1.3.34.3}, {1.46.8}, {1.9.3.8} |
| 550 | ದಿ॒ವಸ್ಕ᳚ಣ್ವಾಸ॒ ಇಂದ॑ವೋ॒ ವಸು॒ ಸಿಂಧೂ᳚ನಾಂ ಪ॒ದೇ | ಸ್ವಂ ವ॒ವ್ರಿಂ ಕುಹ॑ ಧಿತ್ಸಥಃ ||{1.3.34.4}, {1.46.9}, {1.9.3.9} |
| 551 | ಅಭೂ᳚ದು॒ ಭಾ ಉ॑ ಅಂ॒ಶವೇ॒ ಹಿರ᳚ಣ್ಯಂ॒ ಪ್ರತಿ॒ ಸೂರ್ಯಃ॑ | ವ್ಯ॑ಖ್ಯಜ್ಜಿ॒ಹ್ವಯಾಸಿ॑ತಃ ||{1.3.34.5}, {1.46.10}, {1.9.3.10} |
| 552 | ಅಭೂ᳚ದು ಪಾ॒ರಮೇತ॑ವೇ॒ ಪಂಥಾ᳚ ಋ॒ತಸ್ಯ॑ ಸಾಧು॒ಯಾ | ಅದ॑ರ್ಶಿ॒ ವಿ ಸ್ರು॒ತಿರ್ದಿ॒ವಃ ||{1.3.35.1}, {1.46.11}, {1.9.3.11} |
| 553 | ತತ್ತ॒ದಿದ॒ಶ್ವಿನೋ॒ರವೋ᳚ ಜರಿ॒ತಾ# ಪ್ರತಿ॑ ಭೂಷತಿ | ಮದೇ॒ ಸೋಮ॑ಸ್ಯ॒ ಪಿಪ್ರ॑ತೋಃ ||{1.3.35.2}, {1.46.12}, {1.9.3.12} |
| 554 | ವಾ॒ವ॒ಸಾ॒ನಾ ವಿ॒ವಸ್ವ॑ತಿ॒ ಸೋಮ॑ಸ್ಯ ಪೀ॒ತ್ಯಾ ಗಿ॒ರಾ | ಮ॒ನು॒ಷ್ವಚ್ಛಂ᳚ಭೂ॒ ಆ ಗ॑ತಂ ||{1.3.35.3}, {1.46.13}, {1.9.3.13} |
| 555 | ಯು॒ವೋರು॒ಷಾ ಅನು॒ ಶ್ರಿಯಂ॒ ಪರಿ॑ಜ್ಮನೋರು॒ಪಾಚ॑ರತ್ | ಋ॒ತಾ ವ॑ನಥೋ ಅ॒ಕ್ತುಭಿಃ॑ ||{1.3.35.4}, {1.46.14}, {1.9.3.14} |
| 556 | ಉ॒ಭಾ ಪಿ॑ಬತಮಶ್ವಿನೋ॒ಭಾ ನಃ॒ ಶರ್ಮ॑ ಯಚ್ಛತಂ | ಅ॒ವಿ॒ದ್ರಿ॒ಯಾಭಿ॑ರೂ॒ತಿಭಿಃ॑ ||{1.3.35.5}, {1.46.15}, {1.9.3.15} |
| [47] (1-10) ಅಯಂವಾಮಿತಿ ದಶರ್ಚಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ | ಅಶ್ವಿನೌ ದೇವತೇ | ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ || | |
| 557 | ಅ॒ಯಂ ವಾಂ॒ ಮಧು॑ಮತ್ತಮಃ ಸು॒ತಃ ಸೋಮ॑ ಋತಾವೃಧಾ | ತಮ॑ಶ್ವಿನಾ ಪಿಬತಂ ತಿ॒ರೋಅ᳚ಹ್ನ್ಯಂ ಧ॒ತ್ತಂ ರತ್ನಾ᳚ನಿ ದಾ॒ಶುಷೇ᳚ ||{1.4.1.1}, {1.47.1}, {1.9.4.1} |
| 558 | ತ್ರಿ॒ವಂ॒ಧು॒ರೇಣ॑ ತ್ರಿ॒ವೃತಾ᳚ ಸು॒ಪೇಶ॑ಸಾ॒ ರಥೇ॒ನಾ ಯಾ᳚ತಮಶ್ವಿನಾ | ಕಣ್ವಾ᳚ಸೋ ವಾಂ॒ ಬ್ರಹ್ಮ॑ ಕೃಣ್ವಂತ್ಯಧ್ವ॒ರೇ ತೇಷಾಂ॒ ಸು ಶೃ॑ಣುತಂ॒ ಹವಂ᳚ ||{1.4.1.2}, {1.47.2}, {1.9.4.2} |
| 559 | ಅಶ್ವಿ॑ನಾ॒ ಮಧು॑ಮತ್ತಮಂ ಪಾ॒ತಂ ಸೋಮ॑ಮೃತಾವೃಧಾ | ಅಥಾ॒ದ್ಯ ದ॑ಸ್ರಾ॒ ವಸು॒ ಬಿಭ್ರ॑ತಾ॒ ರಥೇ᳚ ದಾ॒ಶ್ವಾಂಸ॒ಮುಪ॑ ಗಚ್ಛತಂ ||{1.4.1.3}, {1.47.3}, {1.9.4.3} |
| 560 | ತ್ರಿ॒ಷ॒ಧ॒ಸ್ಥೇ ಬ॒ರ್ಹಿಷಿ॑ ವಿಶ್ವವೇದಸಾ॒ ಮಧ್ವಾ᳚ ಯ॒ಜ್ಞಂ ಮಿ॑ಮಿಕ್ಷತಂ | ಕಣ್ವಾ᳚ಸೋ ವಾಂ ಸು॒ತಸೋ᳚ಮಾ ಅ॒ಭಿದ್ಯ॑ವೋ ಯು॒ವಾಂ ಹ॑ವಂತೇ ಅಶ್ವಿನಾ ||{1.4.1.4}, {1.47.4}, {1.9.4.4} |
| 561 | ಯಾಭಿಃ॒ ಕಣ್ವ॑ಮ॒ಭಿಷ್ಟಿ॑ಭಿಃ॒ ಪ್ರಾವ॑ತಂ ಯು॒ವಮ॑ಶ್ವಿನಾ | ತಾಭಿಃ॒ ಷ್ವ೧॑(ಅ॒)ಸ್ಮಾಁ ಅ॑ವತಂ ಶುಭಸ್ಪತೀ ಪಾ॒ತಂ ಸೋಮ॑ಮೃತಾವೃಧಾ ||{1.4.1.5}, {1.47.5}, {1.9.4.5} |
| 562 | ಸು॒ದಾಸೇ᳚ ದಸ್ರಾ॒ ವಸು॒ ಬಿಭ್ರ॑ತಾ॒ ರಥೇ॒ ಪೃಕ್ಷೋ᳚ ವಹತಮಶ್ವಿನಾ | ರ॒ಯಿಂ ಸ॑ಮು॒ದ್ರಾದು॒ತ ವಾ᳚ ದಿ॒ವಸ್ಪರ್ಯ॒ಸ್ಮೇ ಧ॑ತ್ತಂ ಪುರು॒ಸ್ಪೃಹಂ᳚ ||{1.4.2.1}, {1.47.6}, {1.9.4.6} |
| 563 | ಯನ್ನಾ᳚ಸತ್ಯಾ ಪರಾ॒ವತಿ॒ ಯದ್ವಾ॒ ಸ್ಥೋ ಅಧಿ॑ ತು॒ರ್ವಶೇ᳚ | ಅತೋ॒ ರಥೇ᳚ನ ಸು॒ವೃತಾ᳚ ನ॒ ಆ ಗ॑ತಂ ಸಾ॒ಕಂ ಸೂರ್ಯ॑ಸ್ಯ ರ॒ಶ್ಮಿಭಿಃ॑ ||{1.4.2.2}, {1.47.7}, {1.9.4.7} |
| 564 | ಅ॒ರ್ವಾಂಚಾ᳚ ವಾಂ॒ ಸಪ್ತ॑ಯೋಽಧ್ವರ॒ಶ್ರಿಯೋ॒ ವಹಂ᳚ತು॒ ಸವ॒ನೇದುಪ॑ | ಇಷಂ᳚ ಪೃಂ॒ಚಂತಾ᳚ ಸು॒ಕೃತೇ᳚ ಸು॒ದಾನ॑ವ॒ ಆ ಬ॒ರ್ಹಿಃ ಸೀ᳚ದತಂ ನರಾ ||{1.4.2.3}, {1.47.8}, {1.9.4.8} |
| 565 | ತೇನ॑ ನಾಸ॒ತ್ಯಾ ಗ॑ತಂ॒ ರಥೇ᳚ನ॒ ಸೂರ್ಯ॑ತ್ವಚಾ | ಯೇನ॒ ಶಶ್ವ॑ದೂ॒ಹಥು॑ರ್ದಾ॒ಶುಷೇ॒ ವಸು॒ ಮಧ್ವಃ॒ ಸೋಮ॑ಸ್ಯ ಪೀ॒ತಯೇ᳚ ||{1.4.2.4}, {1.47.9}, {1.9.4.9} |
| 566 | ಉ॒ಕ್ಥೇಭಿ॑ರ॒ರ್ವಾಗವ॑ಸೇ ಪುರೂ॒ವಸೂ᳚ ಅ॒ರ್ಕೈಶ್ಚ॒ ನಿ ಹ್ವ॑ಯಾಮಹೇ | ಶಶ್ವ॒ತ್ಕಣ್ವಾ᳚ನಾಂ॒ ಸದ॑ಸಿ ಪ್ರಿ॒ಯೇ ಹಿ ಕಂ॒ ಸೋಮಂ᳚ ಪ॒ಪಥು॑ರಶ್ವಿನಾ ||{1.4.2.5}, {1.47.10}, {1.9.4.10} |
| [48] (1-16) ಸಹ ವಾಮೇನ ಇತಿ ಷೋಳಶರ್ಚಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ | ಉಷಾ ದೇವತಾ | ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ || | |
| 567 | ಸ॒ಹ ವಾ॒ಮೇನ॑ ನ ಉಷೋ॒ ವ್ಯು॑ಚ್ಛಾ ದುಹಿತರ್ದಿವಃ | ಸ॒ಹ ದ್ಯು॒ಮ್ನೇನ॑ ಬೃಹ॒ತಾ ವಿ॑ಭಾವರಿ ರಾ॒ಯಾ ದೇ᳚ವಿ॒ ದಾಸ್ವ॑ತೀ ||{1.4.3.1}, {1.48.1}, {1.9.5.1} |
| 568 | ಅಶ್ವಾ᳚ವತೀ॒ರ್ಗೋಮ॑ತೀರ್ವಿಶ್ವಸು॒ವಿದೋ॒ ಭೂರಿ॑ ಚ್ಯವಂತ॒ ವಸ್ತ॑ವೇ | ಉದೀ᳚ರಯ॒ ಪ್ರತಿ॑ ಮಾ ಸೂ॒ನೃತಾ᳚ ಉಷ॒ಶ್ಚೋದ॒ ರಾಧೋ᳚ ಮ॒ಘೋನಾಂ᳚ ||{1.4.3.2}, {1.48.2}, {1.9.5.2} |
| 569 | ಉ॒ವಾಸೋ॒ಷಾ ಉ॒ಚ್ಛಾಚ್ಚ॒ ನು ದೇ॒ವೀ ಜೀ॒ರಾ ರಥಾ᳚ನಾಂ | ಯೇ ಅ॑ಸ್ಯಾ ಆ॒ಚರ॑ಣೇಷು ದಧ್ರಿ॒ರೇ ಸ॑ಮು॒ದ್ರೇ ನ ಶ್ರ॑ವ॒ಸ್ಯವಃ॑ ||{1.4.3.3}, {1.48.3}, {1.9.5.3} |
| 570 | ಉಷೋ॒ ಯೇ ತೇ॒ ಪ್ರ ಯಾಮೇ᳚ಷು ಯುಂ॒ಜತೇ॒ ಮನೋ᳚ ದಾ॒ನಾಯ॑ ಸೂ॒ರಯಃ॑ | ಅತ್ರಾಹ॒ ತತ್ಕಣ್ವ॑ ಏಷಾಂ॒ ಕಣ್ವ॑ತಮೋ॒ ನಾಮ॑ ಗೃಣಾತಿ ನೃ॒ಣಾಂ ||{1.4.3.4}, {1.48.4}, {1.9.5.4} |
| 571 | ಆ ಘಾ॒ ಯೋಷೇ᳚ವ ಸೂ॒ನರ್ಯು॒ಷಾ ಯಾ᳚ತಿ ಪ್ರಭುಂಜ॒ತೀ | ಜ॒ರಯಂ᳚ತೀ॒ ವೃಜ॑ನಂ ಪ॒ದ್ವದೀ᳚ಯತ॒ ಉತ್ಪಾ᳚ತಯತಿ ಪ॒ಕ್ಷಿಣಃ॑ ||{1.4.3.5}, {1.48.5}, {1.9.5.5} |
| 572 | ವಿ ಯಾ ಸೃ॒ಜತಿ॒ ಸಮ॑ನಂ॒ ವ್ಯ೧॑(ಅ॒)ರ್ಥಿನಃ॑ ಪ॒ದಂ ನ ವೇ॒ತ್ಯೋದ॑ತೀ | ವಯೋ॒ ನಕಿ॑ಷ್ಟೇ ಪಪ್ತಿ॒ವಾಂಸ॑ ಆಸತೇ॒ ವ್ಯು॑ಷ್ಟೌ ವಾಜಿನೀವತಿ ||{1.4.4.1}, {1.48.6}, {1.9.5.6} |
| 573 | ಏ॒ಷಾಯು॑ಕ್ತ ಪರಾ॒ವತಃ॒ ಸೂರ್ಯ॑ಸ್ಯೋ॒ದಯ॑ನಾ॒ದಧಿ॑ | ಶ॒ತಂ ರಥೇ᳚ಭಿಃ ಸು॒ಭಗೋ॒ಷಾ ಇ॒ಯಂ ವಿ ಯಾ᳚ತ್ಯ॒ಭಿ ಮಾನು॑ಷಾನ್ ||{1.4.4.2}, {1.48.7}, {1.9.5.7} |
| 574 | ವಿಶ್ವ॑ಮಸ್ಯಾ ನಾನಾಮ॒ ಚಕ್ಷ॑ಸೇ॒ ಜಗ॒ಜ್ಜ್ಯೋತಿ॑ಷ್ಕೃಣೋತಿ ಸೂ॒ನರೀ᳚ | ಅಪ॒ ದ್ವೇಷೋ᳚ ಮ॒ಘೋನೀ᳚ ದುಹಿ॒ತಾ ದಿ॒ವ ಉ॒ಷಾ ಉ॑ಚ್ಛ॒ದಪ॒ ಸ್ರಿಧಃ॑ ||{1.4.4.3}, {1.48.8}, {1.9.5.8} |
| 575 | ಉಷ॒ ಆ ಭಾ᳚ಹಿ ಭಾ॒ನುನಾ᳚ ಚಂ॒ದ್ರೇಣ॑ ದುಹಿತರ್ದಿವಃ | ಆ॒ವಹಂ᳚ತೀ॒ ಭೂರ್ಯ॒ಸ್ಮಭ್ಯಂ॒ ಸೌಭ॑ಗಂ ವ್ಯು॒ಚ್ಛಂತೀ॒ ದಿವಿ॑ಷ್ಟಿಷು ||{1.4.4.4}, {1.48.9}, {1.9.5.9} |
| 576 | ವಿಶ್ವ॑ಸ್ಯ॒ ಹಿ ಪ್ರಾಣ॑ನಂ॒ ಜೀವ॑ನಂ॒ ತ್ವೇ ವಿ ಯದು॒ಚ್ಛಸಿ॑ ಸೂನರಿ | ಸಾ ನೋ॒ ರಥೇ᳚ನ ಬೃಹ॒ತಾ ವಿ॑ಭಾವರಿ ಶ್ರು॒ಧಿ ಚಿ॑ತ್ರಾಮಘೇ॒ ಹವಂ᳚ ||{1.4.4.5}, {1.48.10}, {1.9.5.10} |
| 577 | ಉಷೋ॒ ವಾಜಂ॒ ಹಿ ವಂಸ್ವ॒ ಯಶ್ಚಿ॒ತ್ರೋ ಮಾನು॑ಷೇ॒ ಜನೇ᳚ | ತೇನಾ ವ॑ಹ ಸು॒ಕೃತೋ᳚ ಅಧ್ವ॒ರಾಁ ಉಪ॒ ಯೇ ತ್ವಾ᳚ ಗೃ॒ಣಂತಿ॒ ವಹ್ನ॑ಯಃ ||{1.4.5.1}, {1.48.11}, {1.9.5.11} |
| 578 | ವಿಶ್ವಾಂ᳚ದೇ॒ವಾಁ ಆ ವ॑ಹ॒ ಸೋಮ॑ಪೀತಯೇ॒ಽನ್ತರಿ॑ಕ್ಷಾದುಷ॒ಸ್ತ್ವಂ | ಸಾಸ್ಮಾಸು॑ ಧಾ॒ ಗೋಮ॒ದಶ್ವಾ᳚ವದು॒ಕ್ಥ್ಯ೧॑(ಅ॒)ಮುಷೋ॒ ವಾಜಂ᳚ ಸು॒ವೀರ್ಯಂ᳚ ||{1.4.5.2}, {1.48.12}, {1.9.5.12} |
| 579 | ಯಸ್ಯಾ॒ ರುಶಂ᳚ತೋ ಅ॒ರ್ಚಯಃ॒ ಪ್ರತಿ॑ ಭ॒ದ್ರಾ ಅದೃ॑ಕ್ಷತ | ಸಾ ನೋ᳚ ರ॒ಯಿಂ ವಿ॒ಶ್ವವಾ᳚ರಂ ಸು॒ಪೇಶ॑ಸಮು॒ಷಾ ದ॑ದಾತು॒ ಸುಗ್ಮ್ಯಂ᳚ ||{1.4.5.3}, {1.48.13}, {1.9.5.13} |
| 580 | ಯೇ ಚಿ॒ದ್ಧಿ ತ್ವಾಮೃಷ॑ಯಃ॒ ಪೂರ್ವ॑ ಊ॒ತಯೇ᳚ ಜುಹೂ॒ರೇಽವ॑ಸೇ ಮಹಿ | ಸಾ ನಃ॒ ಸ್ತೋಮಾಁ᳚ ಅ॒ಭಿ ಗೃ॑ಣೀಹಿ॒ ರಾಧ॒ಸೋಷಃ॑ ಶು॒ಕ್ರೇಣ॑ ಶೋ॒ಚಿಷಾ᳚ ||{1.4.5.4}, {1.48.14}, {1.9.5.14} |
| 581 | ಉಷೋ॒ ಯದ॒ದ್ಯ ಭಾ॒ನುನಾ॒ ವಿ ದ್ವಾರಾ᳚ವೃ॒ಣವೋ᳚ ದಿ॒ವಃ | ಪ್ರ ನೋ᳚ ಯಚ್ಛತಾದವೃ॒ಕಂ ಪೃ॒ಥು ಚ್ಛ॒ರ್ದಿಃ ಪ್ರ ದೇ᳚ವಿ॒ ಗೋಮ॑ತೀ॒ರಿಷಃ॑ ||{1.4.5.5}, {1.48.15}, {1.9.5.15} |
| 582 | ಸಂ ನೋ᳚ ರಾ॒ಯಾ ಬೃ॑ಹ॒ತಾ ವಿ॒ಶ್ವಪೇ᳚ಶಸಾ ಮಿಮಿ॒ಕ್ಷ್ವಾ ಸಮಿಳಾ᳚ಭಿ॒ರಾ | ಸಂ ದ್ಯು॒ಮ್ನೇನ॑ ವಿಶ್ವ॒ತುರೋ᳚ಷೋ ಮಹಿ॒ ಸಂ ವಾಜೈ᳚ರ್ವಾಜಿನೀವತಿ ||{1.4.5.6}, {1.48.16}, {1.9.5.16} |
| [49] (1-4) ಉಷೋಭದ್ರೇಭಿರಿತಿ ಚತುರೃಚಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ | ಉಷಾ ದೇವತಾ | ಅನುಷ್ಟುಪ್ ಛಂದಃ || | |
| 583 | ಉಷೋ᳚ ಭ॒ದ್ರೇಭಿ॒ರಾ ಗ॑ಹಿ ದಿ॒ವಶ್ಚಿ॑ದ್ರೋಚ॒ನಾದಧಿ॑ | ವಹಂ᳚ತ್ವರು॒ಣಪ್ಸ॑ವ॒ ಉಪ॑ ತ್ವಾ ಸೋ॒ಮಿನೋ᳚ ಗೃ॒ಹಂ ||{1.4.6.1}, {1.49.1}, {1.9.6.1} |
| 584 | ಸು॒ಪೇಶ॑ಸಂ ಸು॒ಖಂ ರಥಂ॒ ಯಮ॒ಧ್ಯಸ್ಥಾ᳚ ಉಷ॒ಸ್ತ್ವಂ | ತೇನಾ᳚ ಸು॒ಶ್ರವ॑ಸಂ॒ ಜನಂ॒ ಪ್ರಾವಾ॒ದ್ಯ ದು॑ಹಿತರ್ದಿವಃ ||{1.4.6.2}, {1.49.2}, {1.9.6.2} |
| 585 | ವಯ॑ಶ್ಚಿತ್ತೇ ಪತ॒ತ್ರಿಣೋ᳚ ದ್ವಿ॒ಪಚ್ಚತು॑ಷ್ಪದರ್ಜುನಿ | ಉಷಃ॒ ಪ್ರಾರ᳚ನ್ನೃ॒ತೂಁರನು॑ ದಿ॒ವೋ ಅಂತೇ᳚ಭ್ಯ॒ಸ್ಪರಿ॑ ||{1.4.6.3}, {1.49.3}, {1.9.6.3} |
| 586 | ವ್ಯು॒ಚ್ಛಂತೀ॒ ಹಿ ರ॒ಶ್ಮಿಭಿ॒ರ್ವಿಶ್ವ॑ಮಾ॒ಭಾಸಿ॑ ರೋಚ॒ನಂ | ತಾಂ ತ್ವಾಮು॑ಷರ್ವಸೂ॒ಯವೋ᳚ ಗೀ॒ರ್ಭಿಃ ಕಣ್ವಾ᳚ ಅಹೂಷತ ||{1.4.6.4}, {1.49.4}, {1.9.6.4} |
| [50] (1-13) ಉದುತ್ಯಮಿತಿ ತ್ರಯೋದಶರ್ಚಸ್ಯ ಸೂಕ್ತಸ್ಯ ಕಾಣ್ವಃ ಪ್ರಸ್ಕಣ್ವ ಋಷಿಃ | ಸೂರ್ಯೋ ದೇವತಾ | (1-9) ಪ್ರಥಮಾದಿನವರ್ಚಾಂ ಗಾಯತ್ರೀ (10-13) ದಶಮ್ಯಾದಿಚತಸೃಣಾಂಚಾನುಷ್ಟಪ್ ಛಂದಸೀ || | |
| 587 | ಉದು॒ ತ್ಯಂ ಜಾ॒ತವೇ᳚ದಸಂ ದೇ॒ವಂ ವ॑ಹಂತಿ ಕೇ॒ತವಃ॑ | ದೃ॒ಶೇ ವಿಶ್ವಾ᳚ಯ॒ ಸೂರ್ಯಂ᳚ ||{1.4.7.1}, {1.50.1}, {1.9.7.1} |
| 588 | ಅಪ॒ ತ್ಯೇ ತಾ॒ಯವೋ᳚ ಯಥಾ॒ ನಕ್ಷ॑ತ್ರಾ ಯಂತ್ಯ॒ಕ್ತುಭಿಃ॑ | ಸೂರಾ᳚ಯ ವಿ॒ಶ್ವಚ॑ಕ್ಷಸೇ ||{1.4.7.2}, {1.50.2}, {1.9.7.2} |
| 589 | ಅದೃ॑ಶ್ರಮಸ್ಯ ಕೇ॒ತವೋ॒ ವಿ ರ॒ಶ್ಮಯೋ॒ ಜನಾಁ॒ ಅನು॑ | ಭ್ರಾಜಂ᳚ತೋ ಅ॒ಗ್ನಯೋ᳚ ಯಥಾ ||{1.4.7.3}, {1.50.3}, {1.9.7.3} |
| 590 | ತ॒ರಣಿ᳚ರ್ವಿ॒ಶ್ವದ॑ರ್ಶತೋ ಜ್ಯೋತಿ॒ಷ್ಕೃದ॑ಸಿ ಸೂರ್ಯ | ವಿಶ್ವ॒ಮಾ ಭಾ᳚ಸಿ ರೋಚ॒ನಂ ||{1.4.7.4}, {1.50.4}, {1.9.7.4} |
| 591 | ಪ್ರ॒ತ್ಯಙ್ದೇ॒ವಾನಾಂ॒ ವಿಶಃ॑ ಪ್ರ॒ತ್ಯಙ್ಙುದೇ᳚ಷಿ॒ ಮಾನು॑ಷಾನ್ | ಪ್ರ॒ತ್ಯಙ್ವಿಶ್ವಂ॒ ಸ್ವ॑ರ್ದೃ॒ಶೇ ||{1.4.7.5}, {1.50.5}, {1.9.7.5} |
| 592 | ಯೇನಾ᳚ ಪಾವಕ॒ ಚಕ್ಷ॑ಸಾ ಭುರ॒ಣ್ಯಂತಂ॒ ಜನಾಁ॒ ಅನು॑ | ತ್ವಂ ವ॑ರುಣ॒ ಪಶ್ಯ॑ಸಿ ||{1.4.8.1}, {1.50.6}, {1.9.7.6} |
| 593 | ವಿ ದ್ಯಾಮೇ᳚ಷಿ॒ ರಜ॑ಸ್ಪೃ॒ಥ್ವಹಾ॒ ಮಿಮಾ᳚ನೋ ಅ॒ಕ್ತುಭಿಃ॑ | ಪಶ್ಯಂ॒ಜನ್ಮಾ᳚ನಿ ಸೂರ್ಯ ||{1.4.8.2}, {1.50.7}, {1.9.7.7} |
| 594 | ಸ॒ಪ್ತ ತ್ವಾ᳚ ಹ॒ರಿತೋ॒ ರಥೇ॒ ವಹಂ᳚ತಿ ದೇವ ಸೂರ್ಯ | ಶೋ॒ಚಿಷ್ಕೇ᳚ಶಂ ವಿಚಕ್ಷಣ ||{1.4.8.3}, {1.50.8}, {1.9.7.8} |
| 595 | ಅಯು॑ಕ್ತ ಸ॒ಪ್ತ ಶುಂ॒ಧ್ಯುವಃ॒ ಸೂರೋ॒ ರಥ॑ಸ್ಯ ನ॒ಪ್ತ್ಯಃ॑ | ತಾಭಿ᳚ರ್ಯಾತಿ॒ ಸ್ವಯು॑ಕ್ತಿಭಿಃ ||{1.4.8.4}, {1.50.9}, {1.9.7.9} |
| 596 | ಉದ್ವ॒ಯಂ ತಮ॑ಸ॒ಸ್ಪರಿ॒ ಜ್ಯೋತಿ॒ಷ್ಪಶ್ಯಂ᳚ತ॒ ಉತ್ತ॑ರಂ | ದೇ॒ವಂ ದೇ᳚ವ॒ತ್ರಾ ಸೂರ್ಯ॒ಮಗ᳚ನ್ಮ॒ ಜ್ಯೋತಿ॑ರುತ್ತ॒ಮಂ ||{1.4.8.5}, {1.50.10}, {1.9.7.10} |
| 597 | ಉ॒ದ್ಯನ್ನ॒ದ್ಯ ಮಿ॑ತ್ರಮಹ ಆ॒ರೋಹ॒ನ್ನುತ್ತ॑ರಾಂ॒ ದಿವಂ᳚ | ಹೃ॒ದ್ರೋ॒ಗಂ ಮಮ॑ ಸೂರ್ಯ ಹರಿ॒ಮಾಣಂ᳚ ಚ ನಾಶಯ ||{1.4.8.6}, {1.50.11}, {1.9.7.11} |
| 598 | ಶುಕೇ᳚ಷು ಮೇ ಹರಿ॒ಮಾಣಂ᳚ ರೋಪ॒ಣಾಕಾ᳚ಸು ದಧ್ಮಸಿ | ಅಥೋ᳚ ಹಾರಿದ್ರ॒ವೇಷು॑ ಮೇ ಹರಿ॒ಮಾಣಂ॒ ನಿ ದ॑ಧ್ಮಸಿ ||{1.4.8.7}, {1.50.12}, {1.9.7.12} |
| 599 | ಉದ॑ಗಾದ॒ಯಮಾ᳚ದಿ॒ತ್ಯೋ ವಿಶ್ವೇ᳚ನ॒ ಸಹ॑ಸಾ ಸ॒ಹ | ದ್ವಿ॒ಷಂತಂ॒ ಮಹ್ಯಂ᳚ ರಂ॒ಧಯ॒ನ್ಮೋ ಅ॒ಹಂ ದ್ವಿ॑ಷ॒ತೇ ರ॑ಧಂ ||{1.4.8.8}, {1.50.13}, {1.9.7.13} |
| [51] (1-15) ಪಂಚದಶರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಸವ್ಯ ಋಷಿಃ | ಇಂದ್ರೋ ದೇವತಾ | (1-13) ಪ್ರಥಮಾದಿತ್ರಯೋದಶರ್ಚಾಂ ಜಗತೀ (14-15) ಚತುರ್ದಶೀಪಂಚದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 600 | ಅ॒ಭಿ ತ್ಯಂ ಮೇ॒ಷಂ ಪು॑ರುಹೂ॒ತಮೃ॒ಗ್ಮಿಯ॒ಮಿಂದ್ರಂ᳚ ಗೀ॒ರ್ಭಿರ್ಮ॑ದತಾ॒ ವಸ್ವೋ᳚ ಅರ್ಣ॒ವಂ | ಯಸ್ಯ॒ ದ್ಯಾವೋ॒ ನ ವಿ॒ಚರಂ᳚ತಿ॒ ಮಾನು॑ಷಾ ಭು॒ಜೇ ಮಂಹಿ॑ಷ್ಠಮ॒ಭಿ ವಿಪ್ರ॑ಮರ್ಚತ ||{1.4.9.1}, {1.51.1}, {1.10.1.1} |
| 601 | ಅ॒ಭೀಮ॑ವನ್ವನ್ಸ್ವಭಿ॒ಷ್ಟಿಮೂ॒ತಯೋ᳚ಽನ್ತರಿಕ್ಷ॒ಪ್ರಾಂ ತವಿ॑ಷೀಭಿ॒ರಾವೃ॑ತಂ | ಇಂದ್ರಂ॒ ದಕ್ಷಾ᳚ಸ ಋ॒ಭವೋ᳚ ಮದ॒ಚ್ಯುತಂ᳚ ಶ॒ತಕ್ರ॑ತುಂ॒ ಜವ॑ನೀ ಸೂ॒ನೃತಾರು॑ಹತ್ ||{1.4.9.2}, {1.51.2}, {1.10.1.2} |
| 602 | ತ್ವಂ ಗೋ॒ತ್ರಮಂಗಿ॑ರೋಭ್ಯೋಽವೃಣೋ॒ರಪೋ॒ತಾತ್ರ॑ಯೇ ಶ॒ತದು॑ರೇಷು ಗಾತು॒ವಿತ್ | ಸ॒ಸೇನ॑ ಚಿದ್ವಿಮ॒ದಾಯಾ᳚ವಹೋ॒ ವಸ್ವಾ॒ಜಾವದ್ರಿಂ᳚ ವಾವಸಾ॒ನಸ್ಯ॑ ನ॒ರ್ತಯ॑ನ್ ||{1.4.9.3}, {1.51.3}, {1.10.1.3} |
| 603 | ತ್ವಮ॒ಪಾಮ॑ಪಿ॒ಧಾನಾ᳚ವೃಣೋ॒ರಪಾಧಾ᳚ರಯಃ॒ ಪರ್ವ॑ತೇ॒ ದಾನು॑ಮ॒ದ್ವಸು॑ | ವೃ॒ತ್ರಂ ಯದಿಂ᳚ದ್ರ॒ ಶವ॒ಸಾವ॑ಧೀ॒ರಹಿ॒ಮಾದಿತ್ಸೂರ್ಯಂ᳚ ದಿ॒ವ್ಯಾರೋ᳚ಹಯೋ ದೃ॒ಶೇ ||{1.4.9.4}, {1.51.4}, {1.10.1.4} |
| 604 | ತ್ವಂ ಮಾ॒ಯಾಭಿ॒ರಪ॑ ಮಾ॒ಯಿನೋ᳚ಽಧಮಃ ಸ್ವ॒ಧಾಭಿ॒ರ್ಯೇ ಅಧಿ॒ ಶುಪ್ತಾ॒ವಜು॑ಹ್ವತ | ತ್ವಂ ಪಿಪ್ರೋ᳚ರ್ನೃಮಣಃ॒ ಪ್ರಾರು॑ಜಃ॒ ಪುರಃ॒ ಪ್ರ ಋ॒ಜಿಶ್ವಾ᳚ನಂ ದಸ್ಯು॒ಹತ್ಯೇ᳚ಷ್ವಾವಿಥ ||{1.4.9.5}, {1.51.5}, {1.10.1.5} |
| 605 | ತ್ವಂ ಕುತ್ಸಂ᳚ ಶುಷ್ಣ॒ಹತ್ಯೇ᳚ಷ್ವಾವಿ॒ಥಾರಂ᳚ಧಯೋಽತಿಥಿ॒ಗ್ವಾಯ॒ ಶಂಬ॑ರಂ | ಮ॒ಹಾಂತಂ᳚ ಚಿದರ್ಬು॒ದಂ ನಿ ಕ್ರ॑ಮೀಃ ಪ॒ದಾ ಸ॒ನಾದೇ॒ವ ದ॑ಸ್ಯು॒ಹತ್ಯಾ᳚ಯ ಜಜ್ಞಿಷೇ ||{1.4.10.1}, {1.51.6}, {1.10.1.6} |
| 606 | ತ್ವೇ ವಿಶ್ವಾ॒ ತವಿ॑ಷೀ ಸ॒ಧ್ರ್ಯ॑ಗ್ಘಿ॒ತಾ ತವ॒ ರಾಧಃ॑ ಸೋಮಪೀ॒ಥಾಯ॑ ಹರ್ಷತೇ | ತವ॒ ವಜ್ರ॑ಶ್ಚಿಕಿತೇ ಬಾ॒ಹ್ವೋರ್ಹಿ॒ತೋ ವೃ॒ಶ್ಚಾ ಶತ್ರೋ॒ರವ॒ ವಿಶ್ವಾ᳚ನಿ॒ ವೃಷ್ಣ್ಯಾ᳚ ||{1.4.10.2}, {1.51.7}, {1.10.1.7} |
| 607 | ವಿ ಜಾ᳚ನೀ॒ಹ್ಯಾರ್ಯಾ॒ನ್ಯೇ ಚ॒ ದಸ್ಯ॑ವೋ ಬ॒ರ್ಹಿಷ್ಮ॑ತೇ ರಂಧಯಾ॒ ಶಾಸ॑ದವ್ರ॒ತಾನ್ | ಶಾಕೀ᳚ ಭವ॒ ಯಜ॑ಮಾನಸ್ಯ ಚೋದಿ॒ತಾ ವಿಶ್ವೇತ್ತಾ ತೇ᳚ ಸಧ॒ಮಾದೇ᳚ಷು ಚಾಕನ ||{1.4.10.3}, {1.51.8}, {1.10.1.8} |
| 608 | ಅನು᳚ವ್ರತಾಯ ರಂ॒ಧಯ॒ನ್ನಪ᳚ವ್ರತಾನಾ॒ಭೂಭಿ॒ರಿಂದ್ರಃ॑ ಶ್ನ॒ಥಯ॒ನ್ನನಾ᳚ಭುವಃ | ವೃ॒ದ್ಧಸ್ಯ॑ ಚಿ॒ದ್ವರ್ಧ॑ತೋ॒ ದ್ಯಾಮಿನ॑ಕ್ಷತಃ॒ ಸ್ತವಾ᳚ನೋ ವ॒ಮ್ರೋ ವಿ ಜ॑ಘಾನ ಸಂ॒ದಿಹಃ॑ ||{1.4.10.4}, {1.51.9}, {1.10.1.9} |
| 609 | ತಕ್ಷ॒ದ್ಯತ್ತ॑ ಉ॒ಶನಾ॒ ಸಹ॑ಸಾ॒ ಸಹೋ॒ ವಿ ರೋದ॑ಸೀ ಮ॒ಜ್ಮನಾ᳚ ಬಾಧತೇ॒ ಶವಃ॑ | ಆ ತ್ವಾ॒ ವಾತ॑ಸ್ಯ ನೃಮಣೋ ಮನೋ॒ಯುಜ॒ ಆ ಪೂರ್ಯ॑ಮಾಣಮವಹನ್ನ॒ಭಿ ಶ್ರವಃ॑ ||{1.4.10.5}, {1.51.10}, {1.10.1.10} |
| 610 | ಮಂದಿ॑ಷ್ಟ॒ ಯದು॒ಶನೇ᳚ ಕಾ॒ವ್ಯೇ ಸಚಾಁ॒ ಇಂದ್ರೋ᳚ ವಂ॒ಕೂ ವಂ᳚ಕು॒ತರಾಧಿ॑ ತಿಷ್ಠತಿ | ಉ॒ಗ್ರೋ ಯ॒ಯಿಂ ನಿರ॒ಪಃ ಸ್ರೋತ॑ಸಾಸೃಜ॒ದ್ವಿ ಶುಷ್ಣ॑ಸ್ಯ ದೃಂಹಿ॒ತಾ ಐ᳚ರಯ॒ತ್ಪುರಃ॑ ||{1.4.11.1}, {1.51.11}, {1.10.1.11} |
| 611 | ಆ ಸ್ಮಾ॒ ರಥಂ᳚ ವೃಷ॒ಪಾಣೇ᳚ಷು ತಿಷ್ಠಸಿ ಶಾರ್ಯಾ॒ತಸ್ಯ॒ ಪ್ರಭೃ॑ತಾ॒ ಯೇಷು॒ ಮಂದ॑ಸೇ | ಇಂದ್ರ॒ ಯಥಾ᳚ ಸು॒ತಸೋ᳚ಮೇಷು ಚಾ॒ಕನೋ᳚ಽನ॒ರ್ವಾಣಂ॒ ಶ್ಲೋಕ॒ಮಾ ರೋ᳚ಹಸೇ ದಿ॒ವಿ ||{1.4.11.2}, {1.51.12}, {1.10.1.12} |
| 612 | ಅದ॑ದಾ॒ ಅರ್ಭಾಂ᳚ ಮಹ॒ತೇ ವ॑ಚ॒ಸ್ಯವೇ᳚ ಕ॒ಕ್ಷೀವ॑ತೇ ವೃಚ॒ಯಾಮಿಂ᳚ದ್ರ ಸುನ್ವ॒ತೇ | ಮೇನಾ᳚ಭವೋ ವೃಷಣ॒ಶ್ವಸ್ಯ॑ ಸುಕ್ರತೋ॒ ವಿಶ್ವೇತ್ತಾ ತೇ॒ ಸವ॑ನೇಷು ಪ್ರ॒ವಾಚ್ಯಾ᳚ ||{1.4.11.3}, {1.51.13}, {1.10.1.13} |
| 613 | ಇಂದ್ರೋ᳚ ಅಶ್ರಾಯಿ ಸು॒ಧ್ಯೋ᳚ ನಿರೇ॒ಕೇ ಪ॒ಜ್ರೇಷು॒ ಸ್ತೋಮೋ॒ ದುರ್ಯೋ॒ ನ ಯೂಪಃ॑ | ಅ॒ಶ್ವ॒ಯುರ್ಗ॒ವ್ಯೂ ರ॑ಥ॒ಯುರ್ವ॑ಸೂ॒ಯುರಿಂದ್ರ॒ ಇದ್ರಾ॒ಯಃ ಕ್ಷ॑ಯತಿ ಪ್ರಯಂ॒ತಾ ||{1.4.11.4}, {1.51.14}, {1.10.1.14} |
| 614 | ಇ॒ದಂ ನಮೋ᳚ ವೃಷ॒ಭಾಯ॑ ಸ್ವ॒ರಾಜೇ᳚ ಸ॒ತ್ಯಶು॑ಷ್ಮಾಯ ತ॒ವಸೇ᳚ಽವಾಚಿ | ಅ॒ಸ್ಮಿನ್ನಿಂ᳚ದ್ರ ವೃ॒ಜನೇ॒ ಸರ್ವ॑ವೀರಾಃ॒ ಸ್ಮತ್ಸೂ॒ರಿಭಿ॒ಸ್ತವ॒ ಶರ್ಮ᳚ನ್ಸ್ಯಾಮ ||{1.4.11.5}, {1.51.15}, {1.10.1.15} |
| [52] (1-15) ಪಂಚದಶರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಸವ್ಯ ಋಷಿಃ | ಇಂದ್ರೋ ದೇವತಾ | (1-12, 14) ಪ್ರಥಮಾದಿದ್ವಾದಶರ್ಚಾಂ ಚತುರ್ದರ್ಶ್ಯಾಶ್ಚ ಜಗತೀ (13, 15) ತ್ರಯೋದಶೀಪಂಚದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 615 | ತ್ಯಂ ಸು ಮೇ॒ಷಂ ಮ॑ಹಯಾ ಸ್ವ॒ರ್ವಿದಂ᳚ ಶ॒ತಂ ಯಸ್ಯ॑ ಸು॒ಭ್ವಃ॑ ಸಾ॒ಕಮೀರ॑ತೇ | ಅತ್ಯಂ॒ ನ ವಾಜಂ᳚ ಹವನ॒ಸ್ಯದಂ॒ ರಥ॒ಮೇಂದ್ರಂ᳚ ವವೃತ್ಯಾ॒ಮವ॑ಸೇ ಸುವೃ॒ಕ್ತಿಭಿಃ॑ ||{1.4.12.1}, {1.52.1}, {1.10.2.1} |
| 616 | ಸ ಪರ್ವ॑ತೋ॒ ನ ಧ॒ರುಣೇ॒ಷ್ವಚ್ಯು॑ತಃ ಸ॒ಹಸ್ರ॑ಮೂತಿ॒ಸ್ತವಿ॑ಷೀಷು ವಾವೃಧೇ | ಇಂದ್ರೋ॒ ಯದ್ವೃ॒ತ್ರಮವ॑ಧೀನ್ನದೀ॒ವೃತ॑ಮು॒ಬ್ಜನ್ನರ್ಣಾಂ᳚ಸಿ॒ ಜರ್ಹೃ॑ಷಾಣೋ॒ ಅಂಧ॑ಸಾ ||{1.4.12.2}, {1.52.2}, {1.10.2.2} |
| 617 | ಸ ಹಿ ದ್ವ॒ರೋ ದ್ವ॒ರಿಷು॑ ವ॒ವ್ರ ಊಧ॑ನಿ ಚಂ॒ದ್ರಬು॑ಧ್ನೋ॒ ಮದ॑ವೃದ್ಧೋ ಮನೀ॒ಷಿಭಿಃ॑ | ಇಂದ್ರಂ॒ ತಮ॑ಹ್ವೇ ಸ್ವಪ॒ಸ್ಯಯಾ᳚ ಧಿ॒ಯಾ ಮಂಹಿ॑ಷ್ಠರಾತಿಂ॒ ಸ ಹಿ ಪಪ್ರಿ॒ರಂಧ॑ಸಃ ||{1.4.12.3}, {1.52.3}, {1.10.2.3} |
| 618 | ಆ ಯಂ ಪೃ॒ಣಂತಿ॑ ದಿ॒ವಿ ಸದ್ಮ॑ಬರ್ಹಿಷಃ ಸಮು॒ದ್ರಂ ನ ಸು॒ಭ್ವ೧॑(ಅ॒)ಃ ಸ್ವಾ ಅ॒ಭಿಷ್ಟ॑ಯಃ | ತಂ ವೃ॑ತ್ರ॒ಹತ್ಯೇ॒ ಅನು॑ ತಸ್ಥುರೂ॒ತಯಃ॒ ಶುಷ್ಮಾ॒ ಇಂದ್ರ॑ಮವಾ॒ತಾ ಅಹ್ರು॑ತಪ್ಸವಃ ||{1.4.12.4}, {1.52.4}, {1.10.2.4} |
| 619 | ಅ॒ಭಿ ಸ್ವವೃ॑ಷ್ಟಿಂ॒ ಮದೇ᳚ ಅಸ್ಯ॒ ಯುಧ್ಯ॑ತೋ ರ॒ಘ್ವೀರಿ॑ವ ಪ್ರವ॒ಣೇ ಸ॑ಸ್ರುರೂ॒ತಯಃ॑ | ಇಂದ್ರೋ॒ ಯದ್ವ॒ಜ್ರೀ ಧೃ॒ಷಮಾ᳚ಣೋ॒ ಅಂಧ॑ಸಾ ಭಿ॒ನದ್ವ॒ಲಸ್ಯ॑ ಪರಿ॒ಧೀಁರಿ॑ವ ತ್ರಿ॒ತಃ ||{1.4.12.5}, {1.52.5}, {1.10.2.5} |
| 620 | ಪರೀಂ᳚ ಘೃ॒ಣಾ ಚ॑ರತಿ ತಿತ್ವಿ॒ಷೇ ಶವೋ॒ಽಪೋ ವೃ॒ತ್ವೀ ರಜ॑ಸೋ ಬು॒ಧ್ನಮಾಶ॑ಯತ್ | ವೃ॒ತ್ರಸ್ಯ॒ ಯತ್ಪ್ರ॑ವ॒ಣೇ ದು॒ರ್ಗೃಭಿ॑ಶ್ವನೋ ನಿಜ॒ಘಂಥ॒ ಹನ್ವೋ᳚ರಿಂದ್ರ ತನ್ಯ॒ತುಂ ||{1.4.13.1}, {1.52.6}, {1.10.2.6} |
| 621 | ಹ್ರ॒ದಂ ನ ಹಿ ತ್ವಾ᳚ ನ್ಯೃ॒ಷಂತ್ಯೂ॒ರ್ಮಯೋ॒ ಬ್ರಹ್ಮಾ᳚ಣೀಂದ್ರ॒ ತವ॒ ಯಾನಿ॒ ವರ್ಧ॑ನಾ | ತ್ವಷ್ಟಾ᳚ ಚಿತ್ತೇ॒ ಯುಜ್ಯಂ᳚ ವಾವೃಧೇ॒ ಶವ॑ಸ್ತ॒ತಕ್ಷ॒ ವಜ್ರ॑ಮ॒ಭಿಭೂ᳚ತ್ಯೋಜಸಂ ||{1.4.13.2}, {1.52.7}, {1.10.2.7} |
| 622 | ಜ॒ಘ॒ನ್ವಾಁ ಉ॒ ಹರಿ॑ಭಿಃ ಸಂಭೃತಕ್ರತ॒ವಿಂದ್ರ॑ ವೃ॒ತ್ರಂ ಮನು॑ಷೇ ಗಾತು॒ಯನ್ನ॒ಪಃ | ಅಯ॑ಚ್ಛಥಾ ಬಾ॒ಹ್ವೋರ್ವಜ್ರ॑ಮಾಯ॒ಸಮಧಾ᳚ರಯೋ ದಿ॒ವ್ಯಾ ಸೂರ್ಯಂ᳚ ದೃ॒ಶೇ ||{1.4.13.3}, {1.52.8}, {1.10.2.8} |
| 623 | ಬೃ॒ಹತ್ಸ್ವಶ್ಚಂ᳚ದ್ರ॒ಮಮ॑ವ॒ದ್ಯದು॒ಕ್ಥ್ಯ೧॑(ಅ॒)ಮಕೃ᳚ಣ್ವತ ಭಿ॒ಯಸಾ॒ ರೋಹ॑ಣಂ ದಿ॒ವಃ | ಯನ್ಮಾನು॑ಷಪ್ರಧನಾ॒ ಇಂದ್ರ॑ಮೂ॒ತಯಃ॒ ಸ್ವ᳚ರ್ನೃ॒ಷಾಚೋ᳚ ಮ॒ರುತೋಽಮ॑ದ॒ನ್ನನು॑ ||{1.4.13.4}, {1.52.9}, {1.10.2.9} |
| 624 | ದ್ಯೌಶ್ಚಿ॑ದ॒ಸ್ಯಾಮ॑ವಾಁ॒ ಅಹೇಃ᳚ ಸ್ವ॒ನಾದಯೋ᳚ಯವೀದ್ಭಿ॒ಯಸಾ॒ ವಜ್ರ॑ ಇಂದ್ರ ತೇ | ವೃ॒ತ್ರಸ್ಯ॒ ಯದ್ಬ॑ದ್ಬಧಾ॒ನಸ್ಯ॑ ರೋದಸೀ॒ ಮದೇ᳚ ಸು॒ತಸ್ಯ॒ ಶವ॒ಸಾಭಿ॑ನ॒ಚ್ಛಿರಃ॑ ||{1.4.13.5}, {1.52.10}, {1.10.2.10} |
| 625 | ಯದಿನ್ನ್ವಿಂ᳚ದ್ರ ಪೃಥಿ॒ವೀ ದಶ॑ಭುಜಿ॒ರಹಾ᳚ನಿ॒ ವಿಶ್ವಾ᳚ ತ॒ತನಂ᳚ತ ಕೃ॒ಷ್ಟಯಃ॑ | ಅತ್ರಾಹ॑ ತೇ ಮಘವ॒ನ್ವಿಶ್ರು॑ತಂ॒ ಸಹೋ॒ ದ್ಯಾಮನು॒ ಶವ॑ಸಾ ಬ॒ರ್ಹಣಾ᳚ ಭುವತ್ ||{1.4.14.1}, {1.52.11}, {1.10.2.11} |
| 626 | ತ್ವಮ॒ಸ್ಯ ಪಾ॒ರೇ ರಜ॑ಸೋ॒ ವ್ಯೋ᳚ಮನಃ॒ ಸ್ವಭೂ᳚ತ್ಯೋಜಾ॒ ಅವ॑ಸೇ ಧೃಷನ್ಮನಃ | ಚ॒ಕೃ॒ಷೇ ಭೂಮಿಂ᳚ ಪ್ರತಿ॒ಮಾನ॒ಮೋಜ॑ಸೋ॒ಽಪಃ ಸ್ವಃ॑ ಪರಿ॒ಭೂರೇ॒ಷ್ಯಾ ದಿವಂ᳚ ||{1.4.14.2}, {1.52.12}, {1.10.2.12} |
| 627 | ತ್ವಂ ಭು॑ವಃ ಪ್ರತಿ॒ಮಾನಂ᳚ ಪೃಥಿ॒ವ್ಯಾ ಋ॒ಷ್ವವೀ᳚ರಸ್ಯ ಬೃಹ॒ತಃ ಪತಿ॑ರ್ಭೂಃ | ವಿಶ್ವ॒ಮಾಪ್ರಾ᳚ ಅಂ॒ತರಿ॑ಕ್ಷಂ ಮಹಿ॒ತ್ವಾ ಸ॒ತ್ಯಮ॒ದ್ಧಾ ನಕಿ॑ರ॒ನ್ಯಸ್ತ್ವಾವಾ॑ನ್ ||{1.4.14.3}, {1.52.13}, {1.10.2.13} |
| 628 | ನ ಯಸ್ಯ॒ ದ್ಯಾವಾ᳚ಪೃಥಿ॒ವೀ ಅನು॒ ವ್ಯಚೋ॒ ನ ಸಿಂಧ॑ವೋ॒ ರಜ॑ಸೋ॒ ಅಂತ॑ಮಾನ॒ಶುಃ | ನೋತ ಸ್ವವೃ॑ಷ್ಟಿಂ॒ ಮದೇ᳚ ಅಸ್ಯ॒ ಯುಧ್ಯ॑ತ॒ ಏಕೋ᳚ ಅ॒ನ್ಯಚ್ಚ॑ಕೃಷೇ॒ ವಿಶ್ವ॑ಮಾನು॒ಷಕ್ ||{1.4.14.4}, {1.52.14}, {1.10.2.14} |
| 629 | ಆರ್ಚ॒ನ್ನತ್ರ॑ ಮ॒ರುತಃ॒ ಸಸ್ಮಿ᳚ನ್ನಾ॒ಜೌ ವಿಶ್ವೇ᳚ ದೇ॒ವಾಸೋ᳚ ಅಮದ॒ನ್ನನು॑ ತ್ವಾ | ವೃ॒ತ್ರಸ್ಯ॒ ಯದ್ಭೃ॑ಷ್ಟಿ॒ಮತಾ᳚ ವ॒ಧೇನ॒ ನಿ ತ್ವಮಿಂ᳚ದ್ರ॒ ಪ್ರತ್ಯಾ॒ನಂ ಜ॒ಘಂಥ॑ ||{1.4.14.5}, {1.52.15}, {1.10.2.15} |
| [53] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಸವ್ಯ ಋಷಿಃ | ಇಂದ್ರೋ ದೇವತಾ | (1-9) ಪ್ರಥಮಾದಿನವರ್ಚಾಂ ಜಗತೀ (10-11) ದಶಮ್ಯೇಕಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 630 | ನ್ಯೂ॒೩॑(ಊ॒) ಷು ವಾಚಂ॒ ಪ್ರ ಮ॒ಹೇ ಭ॑ರಾಮಹೇ॒ ಗಿರ॒ ಇಂದ್ರಾ᳚ಯ॒ ಸದ॑ನೇ ವಿ॒ವಸ್ವ॑ತಃ | ನೂ ಚಿ॒ದ್ಧಿ ರತ್ನಂ᳚ ಸಸ॒ತಾಮಿ॒ವಾವಿ॑ದ॒ನ್ನ ದು॑ಷ್ಟು॒ತಿರ್ದ್ರ॑ವಿಣೋ॒ದೇಷು॑ ಶಸ್ಯತೇ ||{1.4.15.1}, {1.53.1}, {1.10.3.1} |
| 631 | ದು॒ರೋ ಅಶ್ವ॑ಸ್ಯ ದು॒ರ ಇಂ᳚ದ್ರ॒ ಗೋರ॑ಸಿ ದು॒ರೋ ಯವ॑ಸ್ಯ॒ ವಸು॑ನ ಇ॒ನಸ್ಪತಿಃ॑ | ಶಿ॒ಕ್ಷಾ॒ನ॒ರಃ ಪ್ರ॒ದಿವೋ॒ ಅಕಾ᳚ಮಕರ್ಶನಃ॒ ಸಖಾ॒ ಸಖಿ॑ಭ್ಯ॒ಸ್ತಮಿ॒ದಂ ಗೃ॑ಣೀಮಸಿ ||{1.4.15.2}, {1.53.2}, {1.10.3.2} |
| 632 | ಶಚೀ᳚ವ ಇಂದ್ರ ಪುರುಕೃದ್ದ್ಯುಮತ್ತಮ॒ ತವೇದಿ॒ದಮ॒ಭಿತ॑ಶ್ಚೇಕಿತೇ॒ ವಸು॑ | ಅತಃ॑ ಸಂ॒ಗೃಭ್ಯಾ᳚ಭಿಭೂತ॒ ಆ ಭ॑ರ॒ ಮಾ ತ್ವಾ᳚ಯ॒ತೋ ಜ॑ರಿ॒ತುಃ ಕಾಮ॑ಮೂನಯೀಃ ||{1.4.15.3}, {1.53.3}, {1.10.3.3} |
| 633 | ಏ॒ಭಿರ್ದ್ಯುಭಿಃ॑ ಸು॒ಮನಾ᳚ ಏ॒ಭಿರಿಂದು॑ಭಿರ್ನಿರುಂಧಾ॒ನೋ ಅಮ॑ತಿಂ॒ ಗೋಭಿ॑ರ॒ಶ್ವಿನಾ᳚ | ಇಂದ್ರೇ᳚ಣ॒ ದಸ್ಯುಂ᳚ ದ॒ರಯಂ᳚ತ॒ ಇಂದು॑ಭಿರ್ಯು॒ತದ್ವೇ᳚ಷಸಃ॒ ಸಮಿ॒ಷಾ ರ॑ಭೇಮಹಿ ||{1.4.15.4}, {1.53.4}, {1.10.3.4} |
| 634 | ಸಮಿಂ᳚ದ್ರ ರಾ॒ಯಾ ಸಮಿ॒ಷಾ ರ॑ಭೇಮಹಿ॒ ಸಂ ವಾಜೇ᳚ಭಿಃ ಪುರುಶ್ಚಂ॒ದ್ರೈರ॒ಭಿದ್ಯು॑ಭಿಃ | ಸಂ ದೇ॒ವ್ಯಾ ಪ್ರಮ॑ತ್ಯಾ ವೀ॒ರಶು॑ಷ್ಮಯಾ॒ ಗೋಅ॑ಗ್ರ॒ಯಾಶ್ವಾ᳚ವತ್ಯಾ ರಭೇಮಹಿ ||{1.4.15.5}, {1.53.5}, {1.10.3.5} |
| 635 | ತೇ ತ್ವಾ॒ ಮದಾ᳚ ಅಮದಂ॒ತಾನಿ॒ ವೃಷ್ಣ್ಯಾ॒ ತೇ ಸೋಮಾ᳚ಸೋ ವೃತ್ರ॒ಹತ್ಯೇ᳚ಷು ಸತ್ಪತೇ | ಯತ್ಕಾ॒ರವೇ॒ ದಶ॑ ವೃ॒ತ್ರಾಣ್ಯ॑ಪ್ರ॒ತಿ ಬ॒ರ್ಹಿಷ್ಮ॑ತೇ॒ ನಿ ಸ॒ಹಸ್ರಾ᳚ಣಿ ಬ॒ರ್ಹಯಃ॑ ||{1.4.16.1}, {1.53.6}, {1.10.3.6} |
| 636 | ಯು॒ಧಾ ಯುಧ॒ಮುಪ॒ ಘೇದೇ᳚ಷಿ ಧೃಷ್ಣು॒ಯಾ ಪು॒ರಾ ಪುರಂ॒ ಸಮಿ॒ದಂ ಹಂ॒ಸ್ಯೋಜ॑ಸಾ | ನಮ್ಯಾ॒ ಯದಿಂ᳚ದ್ರ॒ ಸಖ್ಯಾ᳚ ಪರಾ॒ವತಿ॑ ನಿಬ॒ರ್ಹಯೋ॒ ನಮು॑ಚಿಂ॒ ನಾಮ॑ ಮಾ॒ಯಿನಂ᳚ ||{1.4.16.2}, {1.53.7}, {1.10.3.7} |
| 637 | ತ್ವಂ ಕರಂ᳚ಜಮು॒ತ ಪ॒ರ್ಣಯಂ᳚ ವಧೀ॒ಸ್ತೇಜಿ॑ಷ್ಠಯಾತಿಥಿ॒ಗ್ವಸ್ಯ॑ ವರ್ತ॒ನೀ | ತ್ವಂ ಶ॒ತಾ ವಂಗೃ॑ದಸ್ಯಾಭಿನ॒ತ್ಪುರೋ᳚ಽನಾನು॒ದಃ ಪರಿ॑ಷೂತಾ ಋ॒ಜಿಶ್ವ॑ನಾ ||{1.4.16.3}, {1.53.8}, {1.10.3.8} |
| 638 | ತ್ವಮೇ॒ತಾಂಜ॑ನ॒ರಾಜ್ಞೋ॒ ದ್ವಿರ್ದಶಾ᳚ಬಂ॒ಧುನಾ᳚ ಸು॒ಶ್ರವ॑ಸೋಪಜ॒ಗ್ಮುಷಃ॑ | ಷ॒ಷ್ಟಿಂ ಸ॒ಹಸ್ರಾ᳚ ನವ॒ತಿಂ ನವ॑ ಶ್ರು॒ತೋ ನಿ ಚ॒ಕ್ರೇಣ॒ ರಥ್ಯಾ᳚ ದು॒ಷ್ಪದಾ᳚ವೃಣಕ್ ||{1.4.16.4}, {1.53.9}, {1.10.3.9} |
| 639 | ತ್ವಮಾ᳚ವಿಥ ಸು॒ಶ್ರವ॑ಸಂ॒ ತವೋ॒ತಿಭಿ॒ಸ್ತವ॒ ತ್ರಾಮ॑ಭಿರಿಂದ್ರ॒ ತೂರ್ವ॑ಯಾಣಂ | ತ್ವಮ॑ಸ್ಮೈ॒ ಕುತ್ಸ॑ಮತಿಥಿ॒ಗ್ವಮಾ॒ಯುಂ ಮ॒ಹೇ ರಾಜ್ಞೇ॒ ಯೂನೇ᳚ ಅರಂಧನಾಯಃ ||{1.4.16.5}, {1.53.10}, {1.10.3.10} |
| 640 | ಯ ಉ॒ದೃಚೀಂ᳚ದ್ರ ದೇ॒ವಗೋ᳚ಪಾಃ॒ ಸಖಾ᳚ಯಸ್ತೇ ಶಿ॒ವತ॑ಮಾ॒ ಅಸಾ᳚ಮ | ತ್ವಾಂ ಸ್ತೋ᳚ಷಾಮ॒ ತ್ವಯಾ᳚ ಸು॒ವೀರಾ॒ ದ್ರಾಘೀ᳚ಯ॒ ಆಯುಃ॑ ಪ್ರತ॒ರಂ ದಧಾ᳚ನಾಃ ||{1.4.16.6}, {1.53.11}, {1.10.3.11} |
| [54] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಸವ್ಯ ಋಷಿಃ | ಇಂದ್ರೋ ದೇವತಾ | (1-5, 7, 10) ಪ್ರಥಮಾದಿಪಂಚರ್ಚಾಂ ಸಪ್ತಮೀದಶಮ್ಯೋಶ್ಚ ಜಗತೀ (6, 8-9, 11) ಷಷ್ಠ್ಯಷ್ಟಮೀನವಮ್ಯೇಕಾದಶೀನಾಂಚ ತ್ರಿಷ್ಟುಪ್ ಛಂದಸೀ || | |
| 641 | ಮಾ ನೋ᳚ ಅ॒ಸ್ಮಿನ್ಮ॑ಘವನ್ಪೃ॒ತ್ಸ್ವಂಹ॑ಸಿ ನ॒ಹಿ ತೇ॒ ಅಂತಃ॒ ಶವ॑ಸಃ ಪರೀ॒ಣಶೇ᳚ | ಅಕ್ರಂ᳚ದಯೋ ನ॒ದ್ಯೋ॒೩॑(ಓ॒) ರೋರು॑ವ॒ದ್ವನಾ᳚ ಕ॒ಥಾ ನ ಕ್ಷೋ॒ಣೀರ್ಭಿ॒ಯಸಾ॒ ಸಮಾ᳚ರತ ||{1.4.17.1}, {1.54.1}, {1.10.4.1} |
| 642 | ಅರ್ಚಾ᳚ ಶ॒ಕ್ರಾಯ॑ ಶಾ॒ಕಿನೇ॒ ಶಚೀ᳚ವತೇ ಶೃ॒ಣ್ವಂತ॒ಮಿಂದ್ರಂ᳚ ಮ॒ಹಯ᳚ನ್ನ॒ಭಿ ಷ್ಟು॑ಹಿ | ಯೋ ಧೃ॒ಷ್ಣುನಾ॒ ಶವ॑ಸಾ॒ ರೋದ॑ಸೀ ಉ॒ಭೇ ವೃಷಾ᳚ ವೃಷ॒ತ್ವಾ ವೃ॑ಷ॒ಭೋ ನ್ಯೃಂ॒ಜತೇ᳚ ||{1.4.17.2}, {1.54.2}, {1.10.4.2} |
| 643 | ಅರ್ಚಾ᳚ ದಿ॒ವೇ ಬೃ॑ಹ॒ತೇ ಶೂ॒ಷ್ಯ೧॑(ಅ॒) ಅಂವಚಃ॒ ಸ್ವಕ್ಷ॑ತ್ರಂ॒ ಯಸ್ಯ॑ ಧೃಷ॒ತೋ ಧೃ॒ಷನ್ಮನಃ॑ | ಬೃ॒ಹಚ್ಛ್ರ॑ವಾ॒ ಅಸು॑ರೋ ಬ॒ರ್ಹಣಾ᳚ ಕೃ॒ತಃ ಪು॒ರೋ ಹರಿ॑ಭ್ಯಾಂ ವೃಷ॒ಭೋ ರಥೋ॒ ಹಿ ಷಃ ||{1.4.17.3}, {1.54.3}, {1.10.4.3} |
| 644 | ತ್ವಂ ದಿ॒ವೋ ಬೃ॑ಹ॒ತಃ ಸಾನು॑ ಕೋಪ॒ಯೋಽವ॒ ತ್ಮನಾ᳚ ಧೃಷ॒ತಾ ಶಂಬ॑ರಂ ಭಿನತ್ | ಯನ್ಮಾ॒ಯಿನೋ᳚ ವ್ರಂ॒ದಿನೋ᳚ ಮಂ॒ದಿನಾ᳚ ಧೃ॒ಷಚ್ಛಿ॒ತಾಂ ಗಭ॑ಸ್ತಿಮ॒ಶನಿಂ᳚ ಪೃತ॒ನ್ಯಸಿ॑ ||{1.4.17.4}, {1.54.4}, {1.10.4.4} |
| 645 | ನಿ ಯದ್ವೃ॒ಣಕ್ಷಿ॑ ಶ್ವಸ॒ನಸ್ಯ॑ ಮೂ॒ರ್ಧನಿ॒ ಶುಷ್ಣ॑ಸ್ಯ ಚಿದ್ವ್ರಂ॒ದಿನೋ॒ ರೋರು॑ವ॒ದ್ವನಾ᳚ | ಪ್ರಾ॒ಚೀನೇ᳚ನ॒ ಮನ॑ಸಾ ಬ॒ರ್ಹಣಾ᳚ವತಾ॒ ಯದ॒ದ್ಯಾ ಚಿ॑ತ್ಕೃ॒ಣವಃ॒ ಕಸ್ತ್ವಾ॒ ಪರಿ॑ ||{1.4.17.5}, {1.54.5}, {1.10.4.5} |
| 646 | ತ್ವಮಾ᳚ವಿಥ॒ ನರ್ಯಂ᳚ ತು॒ರ್ವಶಂ॒ ಯದುಂ॒ ತ್ವಂ ತು॒ರ್ವೀತಿಂ᳚ ವ॒ಯ್ಯಂ᳚ ಶತಕ್ರತೋ | ತ್ವಂ ರಥ॒ಮೇತ॑ಶಂ॒ ಕೃತ್ವ್ಯೇ॒ ಧನೇ॒ ತ್ವಂ ಪುರೋ᳚ ನವ॒ತಿಂ ದಂ᳚ಭಯೋ॒ ನವ॑ ||{1.4.18.1}, {1.54.6}, {1.10.4.6} |
| 647 | ಸ ಘಾ॒ ರಾಜಾ॒ ಸತ್ಪ॑ತಿಃ ಶೂಶುವ॒ಜ್ಜನೋ᳚ ರಾ॒ತಹ᳚ವ್ಯಃ॒ ಪ್ರತಿ॒ ಯಃ ಶಾಸ॒ಮಿನ್ವ॑ತಿ | ಉ॒ಕ್ಥಾ ವಾ॒ ಯೋ ಅ॑ಭಿಗೃ॒ಣಾತಿ॒ ರಾಧ॑ಸಾ॒ ದಾನು॑ರಸ್ಮಾ॒ ಉಪ॑ರಾ ಪಿನ್ವತೇ ದಿ॒ವಃ ||{1.4.18.2}, {1.54.7}, {1.10.4.7} |
| 648 | ಅಸ॑ಮಂ ಕ್ಷ॒ತ್ರಮಸ॑ಮಾ ಮನೀ॒ಷಾ ಪ್ರ ಸೋ᳚ಮ॒ಪಾ ಅಪ॑ಸಾ ಸಂತು॒ ನೇಮೇ᳚ | ಯೇ ತ॑ ಇಂದ್ರ ದ॒ದುಷೋ᳚ ವ॒ರ್ಧಯಂ᳚ತಿ॒ ಮಹಿ॑ ಕ್ಷ॒ತ್ರಂ ಸ್ಥವಿ॑ರಂ॒ ವೃಷ್ಣ್ಯಂ᳚ ಚ ||{1.4.18.3}, {1.54.8}, {1.10.4.8} |
| 649 | ತುಭ್ಯೇದೇ॒ತೇ ಬ॑ಹು॒ಲಾ ಅದ್ರಿ॑ದುಗ್ಧಾಶ್ಚಮೂ॒ಷದ॑ಶ್ಚಮ॒ಸಾ ಇಂ᳚ದ್ರ॒ಪಾನಾಃ᳚ | ವ್ಯ॑ಶ್ನುಹಿ ತ॒ರ್ಪಯಾ॒ ಕಾಮ॑ಮೇಷಾ॒ಮಥಾ॒ ಮನೋ᳚ ವಸು॒ದೇಯಾ᳚ಯ ಕೃಷ್ವ ||{1.4.18.4}, {1.54.9}, {1.10.4.9} |
| 650 | ಅ॒ಪಾಮ॑ತಿಷ್ಠದ್ಧ॒ರುಣ॑ಹ್ವರಂ॒ ತಮೋ॒ಽನ್ತರ್ವೃ॒ತ್ರಸ್ಯ॑ ಜ॒ಠರೇ᳚ಷು॒ ಪರ್ವ॑ತಃ | ಅ॒ಭೀಮಿಂದ್ರೋ᳚ ನ॒ದ್ಯೋ᳚ ವ॒ವ್ರಿಣಾ᳚ ಹಿ॒ತಾ ವಿಶ್ವಾ᳚ ಅನು॒ಷ್ಠಾಃ ಪ್ರ॑ವ॒ಣೇಷು॑ ಜಿಘ್ನತೇ ||{1.4.18.5}, {1.54.10}, {1.10.4.10} |
| 651 | ಸ ಶೇವೃ॑ಧ॒ಮಧಿ॑ ಧಾ ದ್ಯು॒ಮ್ನಮ॒ಸ್ಮೇ ಮಹಿ॑ ಕ್ಷ॒ತ್ರಂ ಜ॑ನಾ॒ಷಾಳಿಂ᳚ದ್ರ॒ ತವ್ಯಂ᳚ | ರಕ್ಷಾ᳚ ಚ ನೋ ಮ॒ಘೋನಃ॑ ಪಾ॒ಹಿ ಸೂ॒ರೀನ್ರಾ॒ಯೇ ಚ॑ ನಃ ಸ್ವಪ॒ತ್ಯಾ ಇ॒ಷೇ ಧಾಃ᳚ ||{1.4.18.6}, {1.54.11}, {1.10.4.11} |
| [55] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಸವ್ಯ ಋಷಿಃ | ಇಂದ್ರೋ ದೇವತಾ | ಜಗತೀ ಛಂದಃ || | |
| 652 | ದಿ॒ವಶ್ಚಿ॑ದಸ್ಯ ವರಿ॒ಮಾ ವಿ ಪ॑ಪ್ರಥ॒ ಇಂದ್ರಂ॒ ನ ಮ॒ಹ್ನಾ ಪೃ॑ಥಿ॒ವೀ ಚ॒ನ ಪ್ರತಿ॑ | ಭೀ॒ಮಸ್ತುವಿ॑ಷ್ಮಾಂಚರ್ಷ॒ಣಿಭ್ಯ॑ ಆತ॒ಪಃ ಶಿಶೀ᳚ತೇ॒ ವಜ್ರಂ॒ ತೇಜ॑ಸೇ॒ ನ ವಂಸ॑ಗಃ ||{1.4.19.1}, {1.55.1}, {1.10.5.1} |
| 653 | ಸೋ ಅ᳚ರ್ಣ॒ವೋ ನ ನ॒ದ್ಯಃ॑ ಸಮು॒ದ್ರಿಯಃ॒ ಪ್ರತಿ॑ ಗೃಭ್ಣಾತಿ॒ ವಿಶ್ರಿ॑ತಾ॒ ವರೀ᳚ಮಭಿಃ | ಇಂದ್ರಃ॒ ಸೋಮ॑ಸ್ಯ ಪೀ॒ತಯೇ᳚ ವೃಷಾಯತೇ ಸ॒ನಾತ್ಸ ಯು॒ಧ್ಮ ಓಜ॑ಸಾ ಪನಸ್ಯತೇ ||{1.4.19.2}, {1.55.2}, {1.10.5.2} |
| 654 | ತ್ವಂ ತಮಿಂ᳚ದ್ರ॒ ಪರ್ವ॑ತಂ॒ ನ ಭೋಜ॑ಸೇ ಮ॒ಹೋ ನೃ॒ಮ್ಣಸ್ಯ॒ ಧರ್ಮ॑ಣಾಮಿರಜ್ಯಸಿ | ಪ್ರ ವೀ॒ರ್ಯೇ᳚ಣ ದೇ॒ವತಾತಿ॑ ಚೇಕಿತೇ॒ ವಿಶ್ವ॑ಸ್ಮಾ ಉ॒ಗ್ರಃ ಕರ್ಮ॑ಣೇ ಪು॒ರೋಹಿ॑ತಃ ||{1.4.19.3}, {1.55.3}, {1.10.5.3} |
| 655 | ಸ ಇದ್ವನೇ᳚ ನಮ॒ಸ್ಯುಭಿ᳚ರ್ವಚಸ್ಯತೇ॒ ಚಾರು॒ ಜನೇ᳚ಷು ಪ್ರಬ್ರುವಾ॒ಣ ಇಂ᳚ದ್ರಿ॒ಯಂ | ವೃಷಾ॒ ಛಂದು॑ರ್ಭವತಿ ಹರ್ಯ॒ತೋ ವೃಷಾ॒ ಕ್ಷೇಮೇ᳚ಣ॒ ಧೇನಾಂ᳚ ಮ॒ಘವಾ॒ ಯದಿನ್ವ॑ತಿ ||{1.4.19.4}, {1.55.4}, {1.10.5.4} |
| 656 | ಸ ಇನ್ಮ॒ಹಾನಿ॑ ಸಮಿ॒ಥಾನಿ॑ ಮ॒ಜ್ಮನಾ᳚ ಕೃ॒ಣೋತಿ॑ ಯು॒ಧ್ಮ ಓಜ॑ಸಾ॒ ಜನೇ᳚ಭ್ಯಃ | ಅಧಾ᳚ ಚ॒ನ ಶ್ರದ್ದ॑ಧತಿ॒ ತ್ವಿಷೀ᳚ಮತ॒ ಇಂದ್ರಾ᳚ಯ॒ ವಜ್ರಂ᳚ ನಿ॒ಘನಿ॑ಘ್ನತೇ ವ॒ಧಂ ||{1.4.19.5}, {1.55.5}, {1.10.5.5} |
| 657 | ಸ ಹಿ ಶ್ರ॑ವ॒ಸ್ಯುಃ ಸದ॑ನಾನಿ ಕೃ॒ತ್ರಿಮಾ᳚ ಕ್ಷ್ಮ॒ಯಾ ವೃ॑ಧಾ॒ನ ಓಜ॑ಸಾ ವಿನಾ॒ಶಯ॑ನ್ | ಜ್ಯೋತೀಂ᳚ಷಿ ಕೃ॒ಣ್ವನ್ನ॑ವೃ॒ಕಾಣಿ॒ ಯಜ್ಯ॒ವೇಽವ॑ ಸು॒ಕ್ರತುಃ॒ ಸರ್ತ॒ವಾ ಅ॒ಪಃ ಸೃ॑ಜತ್ ||{1.4.20.1}, {1.55.6}, {1.10.5.6} |
| 658 | ದಾ॒ನಾಯ॒ ಮನಃ॑ ಸೋಮಪಾವನ್ನಸ್ತು ತೇ॒ಽರ್ವಾಂಚಾ॒ ಹರೀ᳚ ವಂದನಶ್ರು॒ದಾ ಕೃ॑ಧಿ | ಯಮಿ॑ಷ್ಠಾಸಃ॒ ಸಾರ॑ಥಯೋ॒ ಯ ಇಂ᳚ದ್ರ ತೇ॒ ನ ತ್ವಾ॒ ಕೇತಾ॒ ಆ ದ॑ಭ್ನುವಂತಿ॒ ಭೂರ್ಣ॑ಯಃ ||{1.4.20.2}, {1.55.7}, {1.10.5.7} |
| 659 | ಅಪ್ರ॑ಕ್ಷಿತಂ॒ ವಸು॑ ಬಿಭರ್ಷಿ॒ ಹಸ್ತ॑ಯೋ॒ರಷಾ᳚ಳ್ಹಂ॒ ಸಹ॑ಸ್ತ॒ನ್ವಿ॑ ಶ್ರು॒ತೋ ದ॑ಧೇ | ಆವೃ॑ತಾಸೋಽವ॒ತಾಸೋ॒ ನ ಕ॒ರ್ತೃಭಿ॑ಸ್ತ॒ನೂಷು॑ ತೇ॒ ಕ್ರತ॑ವ ಇಂದ್ರ॒ ಭೂರ॑ಯಃ ||{1.4.20.3}, {1.55.8}, {1.10.5.8} |
| [56] (1-6) ಷಳೃರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಸವ್ಯ ಋಷಿಃ | ಇಂದ್ರೋ ದೇವತಾ | ಜಗತೀ ಛಂದಃ || | |
| 660 | ಏ॒ಷ ಪ್ರ ಪೂ॒ರ್ವೀರವ॒ ತಸ್ಯ॑ ಚ॒ಮ್ರಿಷೋಽತ್ಯೋ॒ ನ ಯೋಷಾ॒ಮುದ॑ಯಂಸ್ತ ಭು॒ರ್ವಣಿಃ॑ | ದಕ್ಷಂ᳚ ಮ॒ಹೇ ಪಾ᳚ಯಯತೇ ಹಿರ॒ಣ್ಯಯಂ॒ ರಥ॑ಮಾ॒ವೃತ್ಯಾ॒ ಹರಿ॑ಯೋಗ॒ಮೃಭ್ವ॑ಸಂ ||{1.4.21.1}, {1.56.1}, {1.10.6.1} |
| 661 | ತಂ ಗೂ॒ರ್ತಯೋ᳚ ನೇಮ॒ನ್ನಿಷಃ॒ ಪರೀ᳚ಣಸಃ ಸಮು॒ದ್ರಂ ನ ಸಂ॒ಚರ॑ಣೇ ಸನಿ॒ಷ್ಯವಃ॑ | ಪತಿಂ॒ ದಕ್ಷ॑ಸ್ಯ ವಿ॒ದಥ॑ಸ್ಯ॒ ನೂ ಸಹೋ᳚ ಗಿ॒ರಿಂ ನ ವೇ॒ನಾ ಅಧಿ॑ ರೋಹ॒ ತೇಜ॑ಸಾ ||{1.4.21.2}, {1.56.2}, {1.10.6.2} |
| 662 | ಸ ತು॒ರ್ವಣಿ᳚ರ್ಮ॒ಹಾಁ ಅ॑ರೇ॒ಣು ಪೌಂಸ್ಯೇ᳚ ಗಿ॒ರೇರ್ಭೃ॒ಷ್ಟಿರ್ನ ಭ್ರಾ᳚ಜತೇ ತು॒ಜಾ ಶವಃ॑ | ಯೇನ॒ ಶುಷ್ಣಂ᳚ ಮಾ॒ಯಿನ॑ಮಾಯ॒ಸೋ ಮದೇ᳚ ದು॒ಧ್ರ ಆ॒ಭೂಷು॑ ರಾ॒ಮಯ॒ನ್ನಿ ದಾಮ॑ನಿ ||{1.4.21.3}, {1.56.3}, {1.10.6.3} |
| 663 | ದೇ॒ವೀ ಯದಿ॒ ತವಿ॑ಷೀ॒ ತ್ವಾವೃ॑ಧೋ॒ತಯ॒ ಇಂದ್ರಂ॒ ಸಿಷ॑ಕ್ತ್ಯು॒ಷಸಂ॒ ನ ಸೂರ್ಯಃ॑ | ಯೋ ಧೃ॒ಷ್ಣುನಾ॒ ಶವ॑ಸಾ॒ ಬಾಧ॑ತೇ॒ ತಮ॒ ಇಯ॑ರ್ತಿ ರೇ॒ಣುಂ ಬೃ॒ಹದ॑ರ್ಹರಿ॒ಷ್ವಣಿಃ॑ ||{1.4.21.4}, {1.56.4}, {1.10.6.4} |
| 664 | ವಿ ಯತ್ತಿ॒ರೋ ಧ॒ರುಣ॒ಮಚ್ಯು॑ತಂ॒ ರಜೋಽತಿ॑ಷ್ಠಿಪೋ ದಿ॒ವ ಆತಾ᳚ಸು ಬ॒ರ್ಹಣಾ᳚ | ಸ್ವ᳚ರ್ಮೀಳ್ಹೇ॒ ಯನ್ಮದ॑ ಇಂದ್ರ॒ ಹರ್ಷ್ಯಾಹ᳚ನ್ವೃ॒ತ್ರಂ ನಿರ॒ಪಾಮೌ᳚ಬ್ಜೋ ಅರ್ಣ॒ವಂ ||{1.4.21.5}, {1.56.5}, {1.10.6.5} |
| 665 | ತ್ವಂ ದಿ॒ವೋ ಧ॒ರುಣಂ᳚ ಧಿಷ॒ ಓಜ॑ಸಾ ಪೃಥಿ॒ವ್ಯಾ ಇಂ᳚ದ್ರ॒ ಸದ॑ನೇಷು॒ ಮಾಹಿ॑ನಃ | ತ್ವಂ ಸು॒ತಸ್ಯ॒ ಮದೇ᳚ ಅರಿಣಾ ಅ॒ಪೋ ವಿ ವೃ॒ತ್ರಸ್ಯ॑ ಸ॒ಮಯಾ᳚ ಪಾ॒ಷ್ಯಾ᳚ರುಜಃ ||{1.4.21.6}, {1.56.6}, {1.10.6.6} |
| [57] (1-6) ಷಳೃರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಸವ್ಯ ಋಷಿಃ | ಇಂದ್ರೋ ದೇವತಾ | ಜಗತೀ ಛಂದಃ || | |
| 666 | ಪ್ರ ಮಂಹಿ॑ಷ್ಠಾಯ ಬೃಹ॒ತೇ ಬೃ॒ಹದ್ರ॑ಯೇ ಸ॒ತ್ಯಶು॑ಷ್ಮಾಯ ತ॒ವಸೇ᳚ ಮ॒ತಿಂ ಭ॑ರೇ | ಅ॒ಪಾಮಿ॑ವ ಪ್ರವ॒ಣೇ ಯಸ್ಯ॑ ದು॒ರ್ಧರಂ॒ ರಾಧೋ᳚ ವಿ॒ಶ್ವಾಯು॒ ಶವ॑ಸೇ॒ ಅಪಾ᳚ವೃತಂ ||{1.4.22.1}, {1.57.1}, {1.10.7.1} |
| 667 | ಅಧ॑ ತೇ॒ ವಿಶ್ವ॒ಮನು॑ ಹಾಸದಿ॒ಷ್ಟಯ॒ ಆಪೋ᳚ ನಿ॒ಮ್ನೇವ॒ ಸವ॑ನಾ ಹ॒ವಿಷ್ಮ॑ತಃ | ಯತ್ಪರ್ವ॑ತೇ॒ ನ ಸ॒ಮಶೀ᳚ತ ಹರ್ಯ॒ತ ಇಂದ್ರ॑ಸ್ಯ॒ ವಜ್ರಃ॒ ಶ್ನಥಿ॑ತಾ ಹಿರ॒ಣ್ಯಯಃ॑ ||{1.4.22.2}, {1.57.2}, {1.10.7.2} |
| 668 | ಅ॒ಸ್ಮೈ ಭೀ॒ಮಾಯ॒ ನಮ॑ಸಾ॒ ಸಮ॑ಧ್ವ॒ರ ಉಷೋ॒ ನ ಶು॑ಭ್ರ॒ ಆ ಭ॑ರಾ॒ ಪನೀ᳚ಯಸೇ | ಯಸ್ಯ॒ ಧಾಮ॒ ಶ್ರವ॑ಸೇ॒ ನಾಮೇಂ᳚ದ್ರಿ॒ಯಂ ಜ್ಯೋತಿ॒ರಕಾ᳚ರಿ ಹ॒ರಿತೋ॒ ನಾಯ॑ಸೇ ||{1.4.22.3}, {1.57.3}, {1.10.7.3} |
| 669 | ಇ॒ಮೇ ತ॑ ಇಂದ್ರ॒ ತೇ ವ॒ಯಂ ಪು॑ರುಷ್ಟುತ॒ ಯೇ ತ್ವಾ॒ರಭ್ಯ॒ ಚರಾ᳚ಮಸಿ ಪ್ರಭೂವಸೋ | ನ॒ಹಿ ತ್ವದ॒ನ್ಯೋ ಗಿ᳚ರ್ವಣೋ॒ ಗಿರಃ॒ ಸಘ॑ತ್ಕ್ಷೋ॒ಣೀರಿ॑ವ॒ ಪ್ರತಿ॑ ನೋ ಹರ್ಯ॒ ತದ್ವಚಃ॑ ||{1.4.22.4}, {1.57.4}, {1.10.7.4} |
| 670 | ಭೂರಿ॑ ತ ಇಂದ್ರ ವೀ॒ರ್ಯ೧॑(ಅ॒) ಅಂತವ॑ ಸ್ಮಸ್ಯ॒ಸ್ಯ ಸ್ತೋ॒ತುರ್ಮ॑ಘವ॒ನ್ಕಾಮ॒ಮಾ ಪೃ॑ಣ | ಅನು॑ ತೇ॒ ದ್ಯೌರ್ಬೃ॑ಹ॒ತೀ ವೀ॒ರ್ಯಂ᳚ ಮಮ ಇ॒ಯಂ ಚ॑ ತೇ ಪೃಥಿ॒ವೀ ನೇ᳚ಮ॒ ಓಜ॑ಸೇ ||{1.4.22.5}, {1.57.5}, {1.10.7.5} |
| 671 | ತ್ವಂ ತಮಿಂ᳚ದ್ರ॒ ಪರ್ವ॑ತಂ ಮ॒ಹಾಮು॒ರುಂ ವಜ್ರೇ᳚ಣ ವಜ್ರಿನ್ಪರ್ವ॒ಶಶ್ಚ॑ಕರ್ತಿಥ | ಅವಾ᳚ಸೃಜೋ॒ ನಿವೃ॑ತಾಃ॒ ಸರ್ತ॒ವಾ ಅ॒ಪಃ ಸ॒ತ್ರಾ ವಿಶ್ವಂ᳚ ದಧಿಷೇ॒ ಕೇವ॑ಲಂ॒ ಸಹಃ॑ ||{1.4.22.6}, {1.57.6}, {1.10.7.6} |
| [58] (1-9) ನವರ್ಚಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ | ಅಗ್ನಿರ್ದೇವತಾ | (1-5) ಪ್ರಥಮಾದಿಪಂಚರ್ಚಾಂ ಜಗತೀ (6-9) ಷಷ್ಠ್ಯಾದಿಚತಸೃಣಾಂಚ ತ್ರಿಷ್ಟುಪ್ ಛಂದಸೀ || | |
| 672 | ನೂ ಚಿ॑ತ್ಸಹೋ॒ಜಾ ಅ॒ಮೃತೋ॒ ನಿ ತುಂ᳚ದತೇ॒ ಹೋತಾ॒ ಯದ್ದೂ॒ತೋ ಅಭ॑ವದ್ವಿ॒ವಸ್ವ॑ತಃ | ವಿ ಸಾಧಿ॑ಷ್ಠೇಭಿಃ ಪ॒ಥಿಭೀ॒ ರಜೋ᳚ ಮಮ॒ ಆ ದೇ॒ವತಾ᳚ತಾ ಹ॒ವಿಷಾ᳚ ವಿವಾಸತಿ ||{1.4.23.1}, {1.58.1}, {1.11.1.1} |
| 673 | ಆ ಸ್ವಮದ್ಮ॑ ಯು॒ವಮಾ᳚ನೋ ಅ॒ಜರ॑ಸ್ತೃ॒ಷ್ವ॑ವಿ॒ಷ್ಯನ್ನ॑ತ॒ಸೇಷು॑ ತಿಷ್ಠತಿ | ಅತ್ಯೋ॒ ನ ಪೃ॒ಷ್ಠಂ ಪ್ರು॑ಷಿ॒ತಸ್ಯ॑ ರೋಚತೇ ದಿ॒ವೋ ನ ಸಾನು॑ ಸ್ತ॒ನಯ᳚ನ್ನಚಿಕ್ರದತ್ ||{1.4.23.2}, {1.58.2}, {1.11.1.2} |
| 674 | ಕ್ರಾ॒ಣಾ ರು॒ದ್ರೇಭಿ॒ರ್ವಸು॑ಭಿಃ ಪು॒ರೋಹಿ॑ತೋ॒ ಹೋತಾ॒ ನಿಷ॑ತ್ತೋ ರಯಿ॒ಷಾಳಮ॑ರ್ತ್ಯಃ | ರಥೋ॒ ನ ವಿ॒ಕ್ಷ್ವೃಂ᳚ಜಸಾ॒ನ ಆ॒ಯುಷು॒ ವ್ಯಾ᳚ನು॒ಷಗ್ವಾರ್ಯಾ᳚ ದೇ॒ವ ಋ᳚ಣ್ವತಿ ||{1.4.23.3}, {1.58.3}, {1.11.1.3} |
| 675 | ವಿ ವಾತ॑ಜೂತೋ ಅತ॒ಸೇಷು॑ ತಿಷ್ಠತೇ॒ ವೃಥಾ᳚ ಜು॒ಹೂಭಿಃ॒ ಸೃಣ್ಯಾ᳚ ತುವಿ॒ಷ್ವಣಿಃ॑ | ತೃ॒ಷು ಯದ॑ಗ್ನೇ ವ॒ನಿನೋ᳚ ವೃಷಾ॒ಯಸೇ᳚ ಕೃ॒ಷ್ಣಂ ತ॒ ಏಮ॒ ರುಶ॑ದೂರ್ಮೇ ಅಜರ ||{1.4.23.4}, {1.58.4}, {1.11.1.4} |
| 676 | ತಪು॑ರ್ಜಂಭೋ॒ ವನ॒ ಆ ವಾತ॑ಚೋದಿತೋ ಯೂ॒ಥೇ ನ ಸಾ॒ಹ್ವಾಁ ಅವ॑ ವಾತಿ॒ ವಂಸ॑ಗಃ | ಅ॒ಭಿ॒ವ್ರಜ॒ನ್ನಕ್ಷಿ॑ತಂ॒ ಪಾಜ॑ಸಾ॒ ರಜಃ॑ ಸ್ಥಾ॒ತುಶ್ಚ॒ರಥಂ᳚ ಭಯತೇ ಪತ॒ತ್ರಿಣಃ॑ ||{1.4.23.5}, {1.58.5}, {1.11.1.5} |
| 677 | ದ॒ಧುಷ್ಟ್ವಾ॒ ಭೃಗ॑ವೋ॒ ಮಾನು॑ಷೇ॒ಷ್ವಾ ರ॒ಯಿಂ ನ ಚಾರುಂ᳚ ಸು॒ಹವಂ॒ ಜನೇ᳚ಭ್ಯಃ | ಹೋತಾ᳚ರಮಗ್ನೇ॒ ಅತಿ॑ಥಿಂ॒ ವರೇ᳚ಣ್ಯಂ ಮಿ॒ತ್ರಂ ನ ಶೇವಂ᳚ ದಿ॒ವ್ಯಾಯ॒ ಜನ್ಮ॑ನೇ ||{1.4.24.1}, {1.58.6}, {1.11.1.6} |
| 678 | ಹೋತಾ᳚ರಂ ಸ॒ಪ್ತ ಜು॒ಹ್ವೋ॒೩॑(ಓ॒) ಯಜಿ॑ಷ್ಠಂ॒ ಯಂ ವಾ॒ಘತೋ᳚ ವೃ॒ಣತೇ᳚ ಅಧ್ವ॒ರೇಷು॑ | ಅ॒ಗ್ನಿಂ ವಿಶ್ವೇ᳚ಷಾಮರ॒ತಿಂ ವಸೂ᳚ನಾಂ ಸಪ॒ರ್ಯಾಮಿ॒ ಪ್ರಯ॑ಸಾ॒ ಯಾಮಿ॒ ರತ್ನಂ᳚ ||{1.4.24.2}, {1.58.7}, {1.11.1.7} |
| 679 | ಅಚ್ಛಿ॑ದ್ರಾ ಸೂನೋ ಸಹಸೋ ನೋ ಅ॒ದ್ಯ ಸ್ತೋ॒ತೃಭ್ಯೋ᳚ ಮಿತ್ರಮಹಃ॒ ಶರ್ಮ॑ ಯಚ್ಛ | ಅಗ್ನೇ᳚ ಗೃ॒ಣಂತ॒ಮಂಹ॑ಸ ಉರು॒ಷ್ಯೋರ್ಜೋ᳚ ನಪಾತ್ಪೂ॒ರ್ಭಿರಾಯ॑ಸೀಭಿಃ ||{1.4.24.3}, {1.58.8}, {1.11.1.8} |
| 680 | ಭವಾ॒ ವರೂ᳚ಥಂ ಗೃಣ॒ತೇ ವಿ॑ಭಾವೋ॒ ಭವಾ᳚ ಮಘವನ್ಮ॒ಘವ॑ದ್ಭ್ಯಃ॒ ಶರ್ಮ॑ | ಉ॒ರು॒ಷ್ಯಾಗ್ನೇ॒ ಅಂಹ॑ಸೋ ಗೃ॒ಣಂತಂ᳚ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ ||{1.4.24.4}, {1.58.9}, {1.11.1.9} |
| [59] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ | ಅಗ್ನಿರ್ವೈಶ್ವಾನರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 681 | ವ॒ಯಾ ಇದ॑ಗ್ನೇ ಅ॒ಗ್ನಯ॑ಸ್ತೇ ಅ॒ನ್ಯೇ ತ್ವೇ ವಿಶ್ವೇ᳚ ಅ॒ಮೃತಾ᳚ ಮಾದಯಂತೇ | ವೈಶ್ವಾ᳚ನರ॒ ನಾಭಿ॑ರಸಿ ಕ್ಷಿತೀ॒ನಾಂ ಸ್ಥೂಣೇ᳚ವ॒ ಜನಾಁ᳚ ಉಪ॒ಮಿದ್ಯ॑ಯಂಥ ||{1.4.25.1}, {1.59.1}, {1.11.2.1} |
| 682 | ಮೂ॒ರ್ಧಾ ದಿ॒ವೋ ನಾಭಿ॑ರ॒ಗ್ನಿಃ ಪೃ॑ಥಿ॒ವ್ಯಾ ಅಥಾ᳚ಭವದರ॒ತೀ ರೋದ॑ಸ್ಯೋಃ | ತಂ ತ್ವಾ᳚ ದೇ॒ವಾಸೋ᳚ಽಜನಯಂತ ದೇ॒ವಂ ವೈಶ್ವಾ᳚ನರ॒ ಜ್ಯೋತಿ॒ರಿದಾರ್ಯಾ᳚ಯ ||{1.4.25.2}, {1.59.2}, {1.11.2.2} |
| 683 | ಆ ಸೂರ್ಯೇ॒ ನ ರ॒ಶ್ಮಯೋ᳚ ಧ್ರು॒ವಾಸೋ᳚ ವೈಶ್ವಾನ॒ರೇ ದ॑ಧಿರೇ॒ಽಗ್ನಾ ವಸೂ᳚ನಿ | ಯಾ ಪರ್ವ॑ತೇ॒ಷ್ವೋಷ॑ಧೀಷ್ವ॒ಪ್ಸು ಯಾ ಮಾನು॑ಷೇ॒ಷ್ವಸಿ॒ ತಸ್ಯ॒ ರಾಜಾ᳚ ||{1.4.25.3}, {1.59.3}, {1.11.2.3} |
| 684 | ಬೃ॒ಹ॒ತೀ ಇ॑ವ ಸೂ॒ನವೇ॒ ರೋದ॑ಸೀ॒ ಗಿರೋ॒ ಹೋತಾ᳚ ಮನು॒ಷ್ಯೋ॒೩॑(ಓ॒) ನ ದಕ್ಷಃ॑ | ಸ್ವ᳚ರ್ವತೇ ಸ॒ತ್ಯಶು॑ಷ್ಮಾಯ ಪೂ॒ರ್ವೀರ್ವೈ᳚ಶ್ವಾನ॒ರಾಯ॒ ನೃತ॑ಮಾಯ ಯ॒ಹ್ವೀಃ ||{1.4.25.4}, {1.59.4}, {1.11.2.4} |
| 685 | ದಿ॒ವಶ್ಚಿ॑ತ್ತೇ ಬೃಹ॒ತೋ ಜಾ᳚ತವೇದೋ॒ ವೈಶ್ವಾ᳚ನರ॒ ಪ್ರ ರಿ॑ರಿಚೇ ಮಹಿ॒ತ್ವಂ | ರಾಜಾ᳚ ಕೃಷ್ಟೀ॒ನಾಮ॑ಸಿ॒ ಮಾನು॑ಷೀಣಾಂ ಯು॒ಧಾ ದೇ॒ವೇಭ್ಯೋ॒ ವರಿ॑ವಶ್ಚಕರ್ಥ ||{1.4.25.5}, {1.59.5}, {1.11.2.5} |
| 686 | ಪ್ರ ನೂ ಮ॑ಹಿ॒ತ್ವಂ ವೃ॑ಷ॒ಭಸ್ಯ॑ ವೋಚಂ॒ ಯಂ ಪೂ॒ರವೋ᳚ ವೃತ್ರ॒ಹಣಂ॒ ಸಚಂ᳚ತೇ | ವೈ॒ಶ್ವಾ॒ನ॒ರೋ ದಸ್ಯು॑ಮ॒ಗ್ನಿರ್ಜ॑ಘ॒ನ್ವಾಁ ಅಧೂ᳚ನೋ॒ತ್ಕಾಷ್ಠಾ॒ ಅವ॒ ಶಂಬ॑ರಂ ಭೇತ್ ||{1.4.25.6}, {1.59.6}, {1.11.2.6} |
| 687 | ವೈ॒ಶ್ವಾ॒ನ॒ರೋ ಮ॑ಹಿ॒ಮ್ನಾ ವಿ॒ಶ್ವಕೃ॑ಷ್ಟಿರ್ಭ॒ರದ್ವಾ᳚ಜೇಷು ಯಜ॒ತೋ ವಿ॒ಭಾವಾ᳚ | ಶಾ॒ತ॒ವ॒ನೇ॒ಯೇ ಶ॒ತಿನೀ᳚ಭಿರ॒ಗ್ನಿಃ ಪು॑ರುಣೀ॒ಥೇ ಜ॑ರತೇ ಸೂ॒ನೃತಾ᳚ವಾನ್ ||{1.4.25.7}, {1.59.7}, {1.11.2.7} |
| [60] (1-5) ಪಂಚರ್ಚಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 688 | ವಹ್ನಿಂ᳚ ಯ॒ಶಸಂ᳚ ವಿ॒ದಥ॑ಸ್ಯ ಕೇ॒ತುಂ ಸು॑ಪ್ರಾ॒ವ್ಯಂ᳚ ದೂ॒ತಂ ಸ॒ದ್ಯೋಅ॑ರ್ಥಂ | ದ್ವಿ॒ಜನ್ಮಾ᳚ನಂ ರ॒ಯಿಮಿ॑ವ ಪ್ರಶ॒ಸ್ತಂ ರಾ॒ತಿಂ ಭ॑ರ॒ದ್ಭೃಗ॑ವೇ ಮಾತ॒ರಿಶ್ವಾ᳚ ||{1.4.26.1}, {1.60.1}, {1.11.3.1} |
| 689 | ಅ॒ಸ್ಯ ಶಾಸು॑ರು॒ಭಯಾ᳚ಸಃ ಸಚಂತೇ ಹ॒ವಿಷ್ಮಂ᳚ತ ಉ॒ಶಿಜೋ॒ ಯೇ ಚ॒ ಮರ್ತಾಃ᳚ | ದಿ॒ವಶ್ಚಿ॒ತ್ಪೂರ್ವೋ॒ ನ್ಯ॑ಸಾದಿ॒ ಹೋತಾ॒ಪೃಚ್ಛ್ಯೋ᳚ ವಿ॒ಶ್ಪತಿ᳚ರ್ವಿ॒ಕ್ಷು ವೇ॒ಧಾಃ ||{1.4.26.2}, {1.60.2}, {1.11.3.2} |
| 690 | ತಂ ನವ್ಯ॑ಸೀ ಹೃ॒ದ ಆ ಜಾಯ॑ಮಾನಮ॒ಸ್ಮತ್ಸು॑ಕೀ॒ರ್ತಿರ್ಮಧು॑ಜಿಹ್ವಮಶ್ಯಾಃ | ಯಮೃ॒ತ್ವಿಜೋ᳚ ವೃ॒ಜನೇ॒ ಮಾನು॑ಷಾಸಃ॒ ಪ್ರಯ॑ಸ್ವಂತ ಆ॒ಯವೋ॒ ಜೀಜ॑ನಂತ ||{1.4.26.3}, {1.60.3}, {1.11.3.3} |
| 691 | ಉ॒ಶಿಕ್ಪಾ᳚ವ॒ಕೋ ವಸು॒ರ್ಮಾನು॑ಷೇಷು॒ ವರೇ᳚ಣ್ಯೋ॒ ಹೋತಾ᳚ಧಾಯಿ ವಿ॒ಕ್ಷು | ದಮೂ᳚ನಾ ಗೃ॒ಹಪ॑ತಿ॒ರ್ದಮ॒ ಆಁ ಅ॒ಗ್ನಿರ್ಭು॑ವದ್ರಯಿ॒ಪತೀ᳚ ರಯೀ॒ಣಾಂ ||{1.4.26.4}, {1.60.4}, {1.11.3.4} |
| 692 | ತಂ ತ್ವಾ᳚ ವ॒ಯಂ ಪತಿ॑ಮಗ್ನೇ ರಯೀ॒ಣಾಂ ಪ್ರ ಶಂ᳚ಸಾಮೋ ಮ॒ತಿಭಿ॒ರ್ಗೋತ॑ಮಾಸಃ | ಆ॒ಶುಂ ನ ವಾ᳚ಜಂಭ॒ರಂ ಮ॒ರ್ಜಯಂ᳚ತಃ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ ||{1.4.26.5}, {1.60.5}, {1.11.3.5} |
| [61] (1-16) ಷೋಳಶರ್ಚಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 693 | ಅ॒ಸ್ಮಾ ಇದು॒ ಪ್ರ ತ॒ವಸೇ᳚ ತು॒ರಾಯ॒ ಪ್ರಯೋ॒ ನ ಹ᳚ರ್ಮಿ॒ ಸ್ತೋಮಂ॒ ಮಾಹಿ॑ನಾಯ | ಋಚೀ᳚ಷಮಾ॒ಯಾಧ್ರಿ॑ಗವ॒ ಓಹ॒ಮಿಂದ್ರಾ᳚ಯ॒ ಬ್ರಹ್ಮಾ᳚ಣಿ ರಾ॒ತತ॑ಮಾ ||{1.4.27.1}, {1.61.1}, {1.11.4.1} |
| 694 | ಅ॒ಸ್ಮಾ ಇದು॒ ಪ್ರಯ॑ ಇವ॒ ಪ್ರ ಯಂ᳚ಸಿ॒ ಭರಾ᳚ಮ್ಯಾಂಗೂ॒ಷಂ ಬಾಧೇ᳚ ಸುವೃ॒ಕ್ತಿ | ಇಂದ್ರಾ᳚ಯ ಹೃ॒ದಾ ಮನ॑ಸಾ ಮನೀ॒ಷಾ ಪ್ರ॒ತ್ನಾಯ॒ ಪತ್ಯೇ॒ ಧಿಯೋ᳚ ಮರ್ಜಯಂತ ||{1.4.27.2}, {1.61.2}, {1.11.4.2} |
| 695 | ಅ॒ಸ್ಮಾ ಇದು॒ ತ್ಯಮು॑ಪ॒ಮಂ ಸ್ವ॒ರ್ಷಾಂ ಭರಾ᳚ಮ್ಯಾಂಗೂ॒ಷಮಾ॒ಸ್ಯೇ᳚ನ | ಮಂಹಿ॑ಷ್ಠ॒ಮಚ್ಛೋ᳚ಕ್ತಿಭಿರ್ಮತೀ॒ನಾಂ ಸು॑ವೃ॒ಕ್ತಿಭಿಃ॑ ಸೂ॒ರಿಂ ವಾ᳚ವೃ॒ಧಧ್ಯೈ᳚ ||{1.4.27.3}, {1.61.3}, {1.11.4.3} |
| 696 | ಅ॒ಸ್ಮಾ ಇದು॒ ಸ್ತೋಮಂ॒ ಸಂ ಹಿ॑ನೋಮಿ॒ ರಥಂ॒ ನ ತಷ್ಟೇ᳚ವ॒ ತತ್ಸಿ॑ನಾಯ | ಗಿರ॑ಶ್ಚ॒ ಗಿರ್ವಾ᳚ಹಸೇ ಸುವೃ॒ಕ್ತೀಂದ್ರಾ᳚ಯ ವಿಶ್ವಮಿ॒ನ್ವಂ ಮೇಧಿ॑ರಾಯ ||{1.4.27.4}, {1.61.4}, {1.11.4.4} |
| 697 | ಅ॒ಸ್ಮಾ ಇದು॒ ಸಪ್ತಿ॑ಮಿವ ಶ್ರವ॒ಸ್ಯೇಂದ್ರಾ᳚ಯಾ॒ರ್ಕಂ ಜು॒ಹ್ವಾ॒೩॑(ಆ॒) ಸಮಂ᳚ಜೇ | ವೀ॒ರಂ ದಾ॒ನೌಕ॑ಸಂ ವಂ॒ದಧ್ಯೈ᳚ ಪು॒ರಾಂ ಗೂ॒ರ್ತಶ್ರ॑ವಸಂ ದ॒ರ್ಮಾಣಂ᳚ ||{1.4.27.5}, {1.61.5}, {1.11.4.5} |
| 698 | ಅ॒ಸ್ಮಾ ಇದು॒ ತ್ವಷ್ಟಾ᳚ ತಕ್ಷ॒ದ್ವಜ್ರಂ॒ ಸ್ವಪ॑ಸ್ತಮಂ ಸ್ವ॒ರ್ಯ೧॑(ಅ॒) ಅಂರಣಾ᳚ಯ | ವೃ॒ತ್ರಸ್ಯ॑ ಚಿದ್ವಿ॒ದದ್ಯೇನ॒ ಮರ್ಮ॑ ತು॒ಜನ್ನೀಶಾ᳚ನಸ್ತುಜ॒ತಾ ಕಿ॑ಯೇ॒ಧಾಃ ||{1.4.28.1}, {1.61.6}, {1.11.4.6} |
| 699 | ಅ॒ಸ್ಯೇದು॑ ಮಾ॒ತುಃ ಸವ॑ನೇಷು ಸ॒ದ್ಯೋ ಮ॒ಹಃ ಪಿ॒ತುಂ ಪ॑ಪಿ॒ವಾಂಚಾರ್ವನ್ನಾ᳚ | ಮು॒ಷಾ॒ಯದ್ವಿಷ್ಣುಃ॑ ಪಚ॒ತಂ ಸಹೀ᳚ಯಾ॒ನ್ವಿಧ್ಯ॑ದ್ವರಾ॒ಹಂ ತಿ॒ರೋ ಅದ್ರಿ॒ಮಸ್ತಾ᳚ ||{1.4.28.2}, {1.61.7}, {1.11.4.7} |
| 700 | ಅ॒ಸ್ಮಾ ಇದು॒ ಗ್ನಾಶ್ಚಿ॑ದ್ದೇ॒ವಪ॑ತ್ನೀ॒ರಿಂದ್ರಾ᳚ಯಾ॒ರ್ಕಮ॑ಹಿ॒ಹತ್ಯ॑ ಊವುಃ | ಪರಿ॒ ದ್ಯಾವಾ᳚ಪೃಥಿ॒ವೀ ಜ॑ಭ್ರ ಉ॒ರ್ವೀ ನಾಸ್ಯ॒ ತೇ ಮ॑ಹಿ॒ಮಾನಂ॒ ಪರಿ॑ ಷ್ಟಃ ||{1.4.28.3}, {1.61.8}, {1.11.4.8} |
| 701 | ಅ॒ಸ್ಯೇದೇ॒ವ ಪ್ರ ರಿ॑ರಿಚೇ ಮಹಿ॒ತ್ವಂ ದಿ॒ವಸ್ಪೃ॑ಥಿ॒ವ್ಯಾಃ ಪರ್ಯಂ॒ತರಿ॑ಕ್ಷಾತ್ | ಸ್ವ॒ರಾಳಿಂದ್ರೋ॒ ದಮ॒ ಆ ವಿ॒ಶ್ವಗೂ᳚ರ್ತಃ ಸ್ವ॒ರಿರಮ॑ತ್ರೋ ವವಕ್ಷೇ॒ ರಣಾ᳚ಯ ||{1.4.28.4}, {1.61.9}, {1.11.4.9} |
| 702 | ಅ॒ಸ್ಯೇದೇ॒ವ ಶವ॑ಸಾ ಶು॒ಷಂತಂ॒ ವಿ ವೃ॑ಶ್ಚ॒ದ್ವಜ್ರೇ᳚ಣ ವೃ॒ತ್ರಮಿಂದ್ರಃ॑ | ಗಾ ನ ವ್ರಾ॒ಣಾ ಅ॒ವನೀ᳚ರಮುಂಚದ॒ಭಿ ಶ್ರವೋ᳚ ದಾ॒ವನೇ॒ ಸಚೇ᳚ತಾಃ ||{1.4.28.5}, {1.61.10}, {1.11.4.10} |
| 703 | ಅ॒ಸ್ಯೇದು॑ ತ್ವೇ॒ಷಸಾ᳚ ರಂತ॒ ಸಿಂಧ॑ವಃ॒ ಪರಿ॒ ಯದ್ವಜ್ರೇ᳚ಣ ಸೀ॒ಮಯ॑ಚ್ಛತ್ | ಈ॒ಶಾ॒ನ॒ಕೃದ್ದಾ॒ಶುಷೇ᳚ ದಶ॒ಸ್ಯಂತು॒ರ್ವೀತ॑ಯೇ ಗಾ॒ಧಂ ತು॒ರ್ವಣಿಃ॑ ಕಃ ||{1.4.29.1}, {1.61.11}, {1.11.4.11} |
| 704 | ಅ॒ಸ್ಮಾ ಇದು॒ ಪ್ರ ಭ॑ರಾ॒ ತೂತು॑ಜಾನೋ ವೃ॒ತ್ರಾಯ॒ ವಜ್ರ॒ಮೀಶಾ᳚ನಃ ಕಿಯೇ॒ಧಾಃ | ಗೋರ್ನ ಪರ್ವ॒ ವಿ ರ॑ದಾ ತಿರ॒ಶ್ಚೇಷ್ಯ॒ನ್ನರ್ಣಾಂ᳚ಸ್ಯ॒ಪಾಂ ಚ॒ರಧ್ಯೈ᳚ ||{1.4.29.2}, {1.61.12}, {1.11.4.12} |
| 705 | ಅ॒ಸ್ಯೇದು॒ ಪ್ರ ಬ್ರೂ᳚ಹಿ ಪೂ॒ರ್ವ್ಯಾಣಿ॑ ತು॒ರಸ್ಯ॒ ಕರ್ಮಾ᳚ಣಿ॒ ನವ್ಯ॑ ಉ॒ಕ್ಥೈಃ | ಯು॒ಧೇ ಯದಿ॑ಷ್ಣಾ॒ನ ಆಯು॑ಧಾನ್ಯೃಘಾ॒ಯಮಾ᳚ಣೋ ನಿರಿ॒ಣಾತಿ॒ ಶತ್ರೂ॑ನ್ ||{1.4.29.3}, {1.61.13}, {1.11.4.13} |
| 706 | ಅ॒ಸ್ಯೇದು॑ ಭಿ॒ಯಾ ಗಿ॒ರಯ॑ಶ್ಚ ದೃ॒ಳ್ಹಾ ದ್ಯಾವಾ᳚ ಚ॒ ಭೂಮಾ᳚ ಜ॒ನುಷ॑ಸ್ತುಜೇತೇ | ಉಪೋ᳚ ವೇ॒ನಸ್ಯ॒ ಜೋಗು॑ವಾನ ಓ॒ಣಿಂ ಸ॒ದ್ಯೋ ಭು॑ವದ್ವೀ॒ರ್ಯಾ᳚ಯ ನೋ॒ಧಾಃ ||{1.4.29.4}, {1.61.14}, {1.11.4.14} |
| 707 | ಅ॒ಸ್ಮಾ ಇದು॒ ತ್ಯದನು॑ ದಾಯ್ಯೇಷಾ॒ಮೇಕೋ॒ ಯದ್ವ॒ವ್ನೇ ಭೂರೇ॒ರೀಶಾ᳚ನಃ | ಪ್ರೈತ॑ಶಂ॒ ಸೂರ್ಯೇ᳚ ಪಸ್ಪೃಧಾ॒ನಂ ಸೌವ॑ಶ್ವ್ಯೇ॒ ಸುಷ್ವಿ॑ಮಾವ॒ದಿಂದ್ರಃ॑ ||{1.4.29.5}, {1.61.15}, {1.11.4.15} |
| 708 | ಏ॒ವಾ ತೇ᳚ ಹಾರಿಯೋಜನಾ ಸುವೃ॒ಕ್ತೀಂದ್ರ॒ ಬ್ರಹ್ಮಾ᳚ಣಿ॒ ಗೋತ॑ಮಾಸೋ ಅಕ್ರನ್ | ಐಷು॑ ವಿ॒ಶ್ವಪೇ᳚ಶಸಂ॒ ಧಿಯಂ᳚ ಧಾಃ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ ||{1.4.29.6}, {1.61.16}, {1.11.4.16} |
| [62] (1-13) ತ್ರಯೋದಶರ್ಚಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 709 | ಪ್ರ ಮ᳚ನ್ಮಹೇ ಶವಸಾ॒ನಾಯ॑ ಶೂ॒ಷಮಾಂ᳚ಗೂ॒ಷಂ ಗಿರ್ವ॑ಣಸೇ ಅಂಗಿರ॒ಸ್ವತ್ | ಸು॒ವೃ॒ಕ್ತಿಭಿಃ॑ ಸ್ತುವ॒ತ ಋ॑ಗ್ಮಿ॒ಯಾಯಾರ್ಚಾ᳚ಮಾ॒ರ್ಕಂ ನರೇ॒ ವಿಶ್ರು॑ತಾಯ ||{1.5.1.1}, {1.62.1}, {1.11.5.1} |
| 710 | ಪ್ರ ವೋ᳚ ಮ॒ಹೇ ಮಹಿ॒ ನಮೋ᳚ ಭರಧ್ವಮಾಂಗೂ॒ಷ್ಯಂ᳚ ಶವಸಾ॒ನಾಯ॒ ಸಾಮ॑ | ಯೇನಾ᳚ ನಃ॒ ಪೂರ್ವೇ᳚ ಪಿ॒ತರಃ॑ ಪದ॒ಜ್ಞಾ ಅರ್ಚಂ᳚ತೋ॒ ಅಂಗಿ॑ರಸೋ॒ ಗಾ ಅವಿಂ᳚ದನ್ ||{1.5.1.2}, {1.62.2}, {1.11.5.2} |
| 711 | ಇಂದ್ರ॒ಸ್ಯಾಂಗಿ॑ರಸಾಂ ಚೇ॒ಷ್ಟೌ ವಿ॒ದತ್ಸ॒ರಮಾ॒ ತನ॑ಯಾಯ ಧಾ॒ಸಿಂ | ಬೃಹ॒ಸ್ಪತಿ॑ರ್ಭಿ॒ನದದ್ರಿಂ᳚ ವಿ॒ದದ್ಗಾಃ ಸಮು॒ಸ್ರಿಯಾ᳚ಭಿರ್ವಾವಶಂತ॒ ನರಃ॑ ||{1.5.1.3}, {1.62.3}, {1.11.5.3} |
| 712 | ಸ ಸು॒ಷ್ಟುಭಾ॒ ಸ ಸ್ತು॒ಭಾ ಸ॒ಪ್ತ ವಿಪ್ರೈಃ᳚ ಸ್ವ॒ರೇಣಾದ್ರಿಂ᳚ ಸ್ವ॒ರ್ಯೋ॒೩॑(ಓ॒) ನವ॑ಗ್ವೈಃ | ಸ॒ರ॒ಣ್ಯುಭಿಃ॑ ಫಲಿ॒ಗಮಿಂ᳚ದ್ರ ಶಕ್ರ ವ॒ಲಂ ರವೇ᳚ಣ ದರಯೋ॒ ದಶ॑ಗ್ವೈಃ ||{1.5.1.4}, {1.62.4}, {1.11.5.4} |
| 713 | ಗೃ॒ಣಾ॒ನೋ ಅಂಗಿ॑ರೋಭಿರ್ದಸ್ಮ॒ ವಿ ವ॑ರು॒ಷಸಾ॒ ಸೂರ್ಯೇ᳚ಣ॒ ಗೋಭಿ॒ರಂಧಃ॑ | ವಿ ಭೂಮ್ಯಾ᳚ ಅಪ್ರಥಯ ಇಂದ್ರ॒ ಸಾನು॑ ದಿ॒ವೋ ರಜ॒ ಉಪ॑ರಮಸ್ತಭಾಯಃ ||{1.5.1.5}, {1.62.5}, {1.11.5.5} |
| 714 | ತದು॒ ಪ್ರಯ॑ಕ್ಷತಮಮಸ್ಯ॒ ಕರ್ಮ॑ ದ॒ಸ್ಮಸ್ಯ॒ ಚಾರು॑ತಮಮಸ್ತಿ॒ ದಂಸಃ॑ | ಉ॒ಪ॒ಹ್ವ॒ರೇ ಯದುಪ॑ರಾ॒ ಅಪಿ᳚ನ್ವ॒ನ್ಮಧ್ವ᳚ರ್ಣಸೋ ನ॒ದ್ಯ೧॑(ಅ॒)ಶ್ಚತ॑ಸ್ರಃ ||{1.5.2.1}, {1.62.6}, {1.11.5.6} |
| 715 | ದ್ವಿ॒ತಾ ವಿ ವ᳚ವ್ರೇ ಸ॒ನಜಾ॒ ಸನೀ᳚ಳೇ ಅ॒ಯಾಸ್ಯಃ॒ ಸ್ತವ॑ಮಾನೇಭಿರ॒ರ್ಕೈಃ | ಭಗೋ॒ ನ ಮೇನೇ᳚ ಪರ॒ಮೇ ವ್ಯೋ᳚ಮ॒ನ್ನಧಾ᳚ರಯ॒ದ್ರೋದ॑ಸೀ ಸು॒ದಂಸಾಃ᳚ ||{1.5.2.2}, {1.62.7}, {1.11.5.7} |
| 716 | ಸ॒ನಾದ್ದಿವಂ॒ ಪರಿ॒ ಭೂಮಾ॒ ವಿರೂ᳚ಪೇ ಪುನ॒ರ್ಭುವಾ᳚ ಯುವ॒ತೀ ಸ್ವೇಭಿ॒ರೇವೈಃ᳚ | ಕೃ॒ಷ್ಣೇಭಿ॑ರ॒ಕ್ತೋಷಾ ರುಶ॑ದ್ಭಿ॒ರ್ವಪು॑ರ್ಭಿ॒ರಾ ಚ॑ರತೋ ಅ॒ನ್ಯಾನ್ಯಾ᳚ ||{1.5.2.3}, {1.62.8}, {1.11.5.8} |
| 717 | ಸನೇ᳚ಮಿ ಸ॒ಖ್ಯಂ ಸ್ವ॑ಪ॒ಸ್ಯಮಾ᳚ನಃ ಸೂ॒ನುರ್ದಾ᳚ಧಾರ॒ ಶವ॑ಸಾ ಸು॒ದಂಸಾಃ᳚ | ಆ॒ಮಾಸು॑ ಚಿದ್ದಧಿಷೇ ಪ॒ಕ್ವಮಂ॒ತಃ ಪಯಃ॑ ಕೃ॒ಷ್ಣಾಸು॒ ರುಶ॒ದ್ರೋಹಿ॑ಣೀಷು ||{1.5.2.4}, {1.62.9}, {1.11.5.9} |
| 718 | ಸ॒ನಾತ್ಸನೀ᳚ಳಾ ಅ॒ವನೀ᳚ರವಾ॒ತಾ ವ್ರ॒ತಾ ರ॑ಕ್ಷಂತೇ ಅ॒ಮೃತಾಃ॒ ಸಹೋ᳚ಭಿಃ | ಪು॒ರೂ ಸ॒ಹಸ್ರಾ॒ ಜನ॑ಯೋ॒ ನ ಪತ್ನೀ᳚ರ್ದುವ॒ಸ್ಯಂತಿ॒ ಸ್ವಸಾ᳚ರೋ॒ ಅಹ್ರ॑ಯಾಣಂ ||{1.5.2.5}, {1.62.10}, {1.11.5.10} |
| 719 | ಸ॒ನಾ॒ಯುವೋ॒ ನಮ॑ಸಾ॒ ನವ್ಯೋ᳚ ಅ॒ರ್ಕೈರ್ವ॑ಸೂ॒ಯವೋ᳚ ಮ॒ತಯೋ᳚ ದಸ್ಮ ದದ್ರುಃ | ಪತಿಂ॒ ನ ಪತ್ನೀ᳚ರುಶ॒ತೀರು॒ಶಂತಂ᳚ ಸ್ಪೃ॒ಶಂತಿ॑ ತ್ವಾ ಶವಸಾವನ್ಮನೀ॒ಷಾಃ ||{1.5.2.6}, {1.62.11}, {1.11.5.11} |
| 720 | ಸ॒ನಾದೇ॒ವ ತವ॒ ರಾಯೋ॒ ಗಭ॑ಸ್ತೌ॒ ನ ಕ್ಷೀಯಂ᳚ತೇ॒ ನೋಪ॑ ದಸ್ಯಂತಿ ದಸ್ಮ | ದ್ಯು॒ಮಾಁ ಅ॑ಸಿ॒ ಕ್ರತು॑ಮಾಁ ಇಂದ್ರ॒ ಧೀರಃ॒ ಶಿಕ್ಷಾ᳚ ಶಚೀವ॒ಸ್ತವ॑ ನಃ॒ ಶಚೀ᳚ಭಿಃ ||{1.5.3.1}, {1.62.12}, {1.11.5.12} |
| 721 | ಸ॒ನಾ॒ಯ॒ತೇ ಗೋತ॑ಮ ಇಂದ್ರ॒ ನವ್ಯ॒ಮತ॑ಕ್ಷ॒ದ್ಬ್ರಹ್ಮ॑ ಹರಿ॒ಯೋಜ॑ನಾಯ | ಸು॒ನೀ॒ಥಾಯ॑ ನಃ ಶವಸಾನ ನೋ॒ಧಾಃ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ ||{1.5.3.2}, {1.62.13}, {1.11.5.13} |
| [63] (1-9) ನವರ್ಚಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 722 | ತ್ವಂ ಮ॒ಹಾಁ ಇಂ᳚ದ್ರ॒ ಯೋ ಹ॒ ಶುಷ್ಮೈ॒ರ್ದ್ಯಾವಾ᳚ ಜಜ್ಞಾ॒ನಃ ಪೃ॑ಥಿ॒ವೀ ಅಮೇ᳚ ಧಾಃ | ಯದ್ಧ॑ ತೇ॒ ವಿಶ್ವಾ᳚ ಗಿ॒ರಯ॑ಶ್ಚಿ॒ದಭ್ವಾ᳚ ಭಿ॒ಯಾ ದೃ॒ಳ್ಹಾಸಃ॑ ಕಿ॒ರಣಾ॒ ನೈಜ॑ನ್ ||{1.5.4.1}, {1.63.1}, {1.11.6.1} |
| 723 | ಆ ಯದ್ಧರೀ᳚ ಇಂದ್ರ॒ ವಿವ್ರ॑ತಾ॒ ವೇರಾ ತೇ॒ ವಜ್ರಂ᳚ ಜರಿ॒ತಾ ಬಾ॒ಹ್ವೋರ್ಧಾ᳚ತ್ | ಯೇನಾ᳚ವಿಹರ್ಯತಕ್ರತೋ ಅ॒ಮಿತ್ರಾ॒ನ್ಪುರ॑ ಇ॒ಷ್ಣಾಸಿ॑ ಪುರುಹೂತ ಪೂ॒ರ್ವೀಃ ||{1.5.4.2}, {1.63.2}, {1.11.6.2} |
| 724 | ತ್ವಂ ಸ॒ತ್ಯ ಇಂ᳚ದ್ರ ಧೃ॒ಷ್ಣುರೇ॒ತಾಂತ್ವಮೃ॑ಭು॒ಕ್ಷಾ ನರ್ಯ॒ಸ್ತ್ವಂ ಷಾಟ್ | ತ್ವಂ ಶುಷ್ಣಂ᳚ ವೃ॒ಜನೇ᳚ ಪೃ॒ಕ್ಷ ಆ॒ಣೌ ಯೂನೇ॒ ಕುತ್ಸಾ᳚ಯ ದ್ಯು॒ಮತೇ॒ ಸಚಾ᳚ಹನ್ ||{1.5.4.3}, {1.63.3}, {1.11.6.3} |
| 725 | ತ್ವಂ ಹ॒ ತ್ಯದಿಂ᳚ದ್ರ ಚೋದೀಃ॒ ಸಖಾ᳚ ವೃ॒ತ್ರಂ ಯದ್ವ॑ಜ್ರಿನ್ವೃಷಕರ್ಮನ್ನು॒ಭ್ನಾಃ | ಯದ್ಧ॑ ಶೂರ ವೃಷಮಣಃ ಪರಾ॒ಚೈರ್ವಿ ದಸ್ಯೂಁ॒ರ್ಯೋನಾ॒ವಕೃ॑ತೋ ವೃಥಾ॒ಷಾಟ್ ||{1.5.4.4}, {1.63.4}, {1.11.6.4} |
| 726 | ತ್ವಂ ಹ॒ ತ್ಯದಿಂ॒ದ್ರಾರಿ॑ಷಣ್ಯಂದೃ॒ಳ್ಹಸ್ಯ॑ ಚಿ॒ನ್ಮರ್ತಾ᳚ನಾ॒ಮಜು॑ಷ್ಟೌ | ವ್ಯ೧॑(ಅ॒)ಸ್ಮದಾ ಕಾಷ್ಠಾ॒ ಅರ್ವ॑ತೇ ವರ್ಘ॒ನೇವ॑ ವಜ್ರಿಂಛ್ನಥಿಹ್ಯ॒ಮಿತ್ರಾ॑ನ್ ||{1.5.4.5}, {1.63.5}, {1.11.6.5} |
| 727 | ತ್ವಾಂ ಹ॒ ತ್ಯದಿಂ॒ದ್ರಾರ್ಣ॑ಸಾತೌ॒ ಸ್ವ᳚ರ್ಮೀಳ್ಹೇ॒ ನರ॑ ಆ॒ಜಾ ಹ॑ವಂತೇ | ತವ॑ ಸ್ವಧಾವ ಇ॒ಯಮಾ ಸ॑ಮ॒ರ್ಯ ಊ॒ತಿರ್ವಾಜೇ᳚ಷ್ವತ॒ಸಾಯ್ಯಾ᳚ ಭೂತ್ ||{1.5.5.1}, {1.63.6}, {1.11.6.6} |
| 728 | ತ್ವಂ ಹ॒ ತ್ಯದಿಂ᳚ದ್ರ ಸ॒ಪ್ತ ಯುಧ್ಯ॒ನ್ಪುರೋ᳚ ವಜ್ರಿನ್ಪುರು॒ಕುತ್ಸಾ᳚ಯ ದರ್ದಃ | ಬ॒ರ್ಹಿರ್ನ ಯತ್ಸು॒ದಾಸೇ॒ ವೃಥಾ॒ ವರ್ಗಂ॒ಹೋ ರಾ᳚ಜ॒ನ್ವರಿ॑ವಃ ಪೂ॒ರವೇ᳚ ಕಃ ||{1.5.5.2}, {1.63.7}, {1.11.6.7} |
| 729 | ತ್ವಂ ತ್ಯಾಂ ನ॑ ಇಂದ್ರ ದೇವ ಚಿ॒ತ್ರಾಮಿಷ॒ಮಾಪೋ॒ ನ ಪೀ᳚ಪಯಃ॒ ಪರಿ॑ಜ್ಮನ್ | ಯಯಾ᳚ ಶೂರ॒ ಪ್ರತ್ಯ॒ಸ್ಮಭ್ಯಂ॒ ಯಂಸಿ॒ ತ್ಮನ॒ಮೂರ್ಜಂ॒ ನ ವಿ॒ಶ್ವಧ॒ ಕ್ಷರ॑ಧ್ಯೈ ||{1.5.5.3}, {1.63.8}, {1.11.6.8} |
| 730 | ಅಕಾ᳚ರಿ ತ ಇಂದ್ರ॒ ಗೋತ॑ಮೇಭಿ॒ರ್ಬ್ರಹ್ಮಾ॒ಣ್ಯೋಕ್ತಾ॒ ನಮ॑ಸಾ॒ ಹರಿ॑ಭ್ಯಾಂ | ಸು॒ಪೇಶ॑ಸಂ॒ ವಾಜ॒ಮಾ ಭ॑ರಾ ನಃ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ ||{1.5.5.4}, {1.63.9}, {1.11.6.9} |
| [64] (1-15) ಪಂಚದಶರ್ಚಸ್ಯ ಸೂಕ್ತಸ್ಯ ಗೌತಮೋ ನೋಧಾ ಋಷಿಃ | ಮರುತೋ ದೇವತಾಃ | (1-14) ಪ್ರಥಮಾದಿಚತುರ್ದಶರ್ಚಾಂ ಜಗತೀ (15) ಪಂಚದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ || | |
| 731 | ವೃಷ್ಣೇ॒ ಶರ್ಧಾ᳚ಯ॒ ಸುಮ॑ಖಾಯ ವೇ॒ಧಸೇ॒ ನೋಧಃ॑ ಸುವೃ॒ಕ್ತಿಂ ಪ್ರ ಭ॑ರಾ ಮ॒ರುದ್ಭ್ಯಃ॑ | ಅ॒ಪೋ ನ ಧೀರೋ॒ ಮನ॑ಸಾ ಸು॒ಹಸ್ತ್ಯೋ॒ ಗಿರಃ॒ ಸಮಂ᳚ಜೇ ವಿ॒ದಥೇ᳚ಷ್ವಾ॒ಭುವಃ॑ ||{1.5.6.1}, {1.64.1}, {1.11.7.1} |
| 732 | ತೇ ಜ॑ಜ್ಞಿರೇ ದಿ॒ವ ಋ॒ಷ್ವಾಸ॑ ಉ॒ಕ್ಷಣೋ᳚ ರು॒ದ್ರಸ್ಯ॒ ಮರ್ಯಾ॒ ಅಸು॑ರಾ ಅರೇ॒ಪಸಃ॑ | ಪಾ॒ವ॒ಕಾಸಃ॒ ಶುಚ॑ಯಃ॒ ಸೂರ್ಯಾ᳚ ಇವ॒ ಸತ್ವಾ᳚ನೋ॒ ನ ದ್ರ॒ಪ್ಸಿನೋ᳚ ಘೋ॒ರವ॑ರ್ಪಸಃ ||{1.5.6.2}, {1.64.2}, {1.11.7.2} |
| 733 | ಯುವಾ᳚ನೋ ರು॒ದ್ರಾ ಅ॒ಜರಾ᳚ ಅಭೋ॒ಗ್ಘನೋ᳚ ವವ॒ಕ್ಷುರಧ್ರಿ॑ಗಾವಃ॒ ಪರ್ವ॑ತಾ ಇವ | ದೃ॒ಳ್ಹಾ ಚಿ॒ದ್ವಿಶ್ವಾ॒ ಭುವ॑ನಾನಿ॒ ಪಾರ್ಥಿ॑ವಾ॒ ಪ್ರ ಚ್ಯಾ᳚ವಯಂತಿ ದಿ॒ವ್ಯಾನಿ॑ ಮ॒ಜ್ಮನಾ᳚ ||{1.5.6.3}, {1.64.3}, {1.11.7.3} |
| 734 | ಚಿ॒ತ್ರೈರಂ॒ಜಿಭಿ॒ರ್ವಪು॑ಷೇ॒ ವ್ಯಂ᳚ಜತೇ॒ ವಕ್ಷ॑ಸ್ಸು ರು॒ಕ್ಮಾಁ ಅಧಿ॑ ಯೇತಿರೇ ಶು॒ಭೇ | ಅಂಸೇ᳚ಷ್ವೇಷಾಂ॒ ನಿ ಮಿ॑ಮೃಕ್ಷುರೃ॒ಷ್ಟಯಃ॑ ಸಾ॒ಕಂ ಜ॑ಜ್ಞಿರೇ ಸ್ವ॒ಧಯಾ᳚ ದಿ॒ವೋ ನರಃ॑ ||{1.5.6.4}, {1.64.4}, {1.11.7.4} |
| 735 | ಈ॒ಶಾ॒ನ॒ಕೃತೋ॒ ಧುನ॑ಯೋ ರಿ॒ಶಾದ॑ಸೋ॒ ವಾತಾ᳚ನ್ವಿ॒ದ್ಯುತ॒ಸ್ತವಿ॑ಷೀಭಿರಕ್ರತ | ದು॒ಹಂತ್ಯೂಧ॑ರ್ದಿ॒ವ್ಯಾನಿ॒ ಧೂತ॑ಯೋ॒ ಭೂಮಿಂ᳚ ಪಿನ್ವಂತಿ॒ ಪಯ॑ಸಾ॒ ಪರಿ॑ಜ್ರಯಃ ||{1.5.6.5}, {1.64.5}, {1.11.7.5} |
| 736 | ಪಿನ್ವಂ᳚ತ್ಯ॒ಪೋ ಮ॒ರುತಃ॑ ಸು॒ದಾನ॑ವಃ॒ ಪಯೋ᳚ ಘೃ॒ತವ॑ದ್ವಿ॒ದಥೇ᳚ಷ್ವಾ॒ಭುವಃ॑ | ಅತ್ಯಂ॒ ನ ಮಿ॒ಹೇ ವಿ ನ॑ಯಂತಿ ವಾ॒ಜಿನ॒ಮುತ್ಸಂ᳚ ದುಹಂತಿ ಸ್ತ॒ನಯಂ᳚ತ॒ಮಕ್ಷಿ॑ತಂ ||{1.5.7.1}, {1.64.6}, {1.11.7.6} |
| 737 | ಮ॒ಹಿ॒ಷಾಸೋ᳚ ಮಾ॒ಯಿನ॑ಶ್ಚಿ॒ತ್ರಭಾ᳚ನವೋ ಗಿ॒ರಯೋ॒ ನ ಸ್ವತ॑ವಸೋ ರಘು॒ಷ್ಯದಃ॑ | ಮೃ॒ಗಾ ಇ॑ವ ಹ॒ಸ್ತಿನಃ॑ ಖಾದಥಾ॒ ವನಾ॒ ಯದಾರು॑ಣೀಷು॒ ತವಿ॑ಷೀ॒ರಯು॑ಗ್ಧ್ವಂ ||{1.5.7.2}, {1.64.7}, {1.11.7.7} |
| 738 | ಸಿಂ॒ಹಾ ಇ॑ವ ನಾನದತಿ॒ ಪ್ರಚೇ᳚ತಸಃ ಪಿ॒ಶಾ ಇ॑ವ ಸು॒ಪಿಶೋ᳚ ವಿ॒ಶ್ವವೇ᳚ದಸಃ | ಕ್ಷಪೋ॒ ಜಿನ್ವಂ᳚ತಃ॒ ಪೃಷ॑ತೀಭಿರೃ॒ಷ್ಟಿಭಿಃ॒ ಸಮಿತ್ಸ॒ಬಾಧಃ॒ ಶವ॒ಸಾಹಿ॑ಮನ್ಯವಃ ||{1.5.7.3}, {1.64.8}, {1.11.7.8} |
| 739 | ರೋದ॑ಸೀ॒ ಆ ವ॑ದತಾ ಗಣಶ್ರಿಯೋ॒ ನೃಷಾ᳚ಚಃ ಶೂರಾಃ॒ ಶವ॒ಸಾಹಿ॑ಮನ್ಯವಃ | ಆ ವಂ॒ಧುರೇ᳚ಷ್ವ॒ಮತಿ॒ರ್ನ ದ॑ರ್ಶ॒ತಾ ವಿ॒ದ್ಯುನ್ನ ತ॑ಸ್ಥೌ ಮರುತೋ॒ ರಥೇ᳚ಷು ವಃ ||{1.5.7.4}, {1.64.9}, {1.11.7.9} |
| 740 | ವಿ॒ಶ್ವವೇ᳚ದಸೋ ರ॒ಯಿಭಿಃ॒ ಸಮೋ᳚ಕಸಃ॒ ಸಮ್ಮಿ॑ಶ್ಲಾಸ॒ಸ್ತವಿ॑ಷೀಭಿರ್ವಿರ॒ಪ್ಶಿನಃ॑ | ಅಸ್ತಾ᳚ರ॒ ಇಷುಂ᳚ ದಧಿರೇ॒ ಗಭ॑ಸ್ತ್ಯೋರನಂ॒ತಶು॑ಷ್ಮಾ॒ ವೃಷ॑ಖಾದಯೋ॒ ನರಃ॑ ||{1.5.7.5}, {1.64.10}, {1.11.7.10} |
| 741 | ಹಿ॒ರ॒ಣ್ಯಯೇ᳚ಭಿಃ ಪ॒ವಿಭಿಃ॑ ಪಯೋ॒ವೃಧ॒ ಉಜ್ಜಿ॑ಘ್ನಂತ ಆಪ॒ಥ್ಯೋ॒೩॑(ಓ॒) ನ ಪರ್ವ॑ತಾನ್ | ಮ॒ಖಾ ಅ॒ಯಾಸಃ॑ ಸ್ವ॒ಸೃತೋ᳚ ಧ್ರುವ॒ಚ್ಯುತೋ᳚ ದುಧ್ರ॒ಕೃತೋ᳚ ಮ॒ರುತೋ॒ ಭ್ರಾಜ॑ದೃಷ್ಟಯಃ ||{1.5.8.1}, {1.64.11}, {1.11.7.11} |
| 742 | ಘೃಷುಂ᳚ ಪಾವ॒ಕಂ ವ॒ನಿನಂ॒ ವಿಚ॑ರ್ಷಣಿಂ ರು॒ದ್ರಸ್ಯ॑ ಸೂ॒ನುಂ ಹ॒ವಸಾ᳚ ಗೃಣೀಮಸಿ | ರ॒ಜ॒ಸ್ತುರಂ᳚ ತ॒ವಸಂ॒ ಮಾರು॑ತಂ ಗ॒ಣಮೃ॑ಜೀ॒ಷಿಣಂ॒ ವೃಷ॑ಣಂ ಸಶ್ಚತ ಶ್ರಿ॒ಯೇ ||{1.5.8.2}, {1.64.12}, {1.11.7.12} |
| 743 | ಪ್ರ ನೂ ಸ ಮರ್ತಃ॒ ಶವ॑ಸಾ॒ ಜನಾಁ॒ ಅತಿ॑ ತ॒ಸ್ಥೌ ವ॑ ಊ॒ತೀ ಮ॑ರುತೋ॒ ಯಮಾವ॑ತ | ಅರ್ವ॑ದ್ಭಿ॒ರ್ವಾಜಂ᳚ ಭರತೇ॒ ಧನಾ॒ ನೃಭಿ॑ರಾ॒ಪೃಚ್ಛ್ಯಂ॒ ಕ್ರತು॒ಮಾ ಕ್ಷೇ᳚ತಿ॒ ಪುಷ್ಯ॑ತಿ ||{1.5.8.3}, {1.64.13}, {1.11.7.13} |
| 744 | ಚ॒ರ್ಕೃತ್ಯಂ᳚ ಮರುತಃ ಪೃ॒ತ್ಸು ದು॒ಷ್ಟರಂ᳚ ದ್ಯು॒ಮಂತಂ॒ ಶುಷ್ಮಂ᳚ ಮ॒ಘವ॑ತ್ಸು ಧತ್ತನ | ಧ॒ನ॒ಸ್ಪೃತ॑ಮು॒ಕ್ಥ್ಯಂ᳚ ವಿ॒ಶ್ವಚ॑ರ್ಷಣಿಂ ತೋ॒ಕಂ ಪು॑ಷ್ಯೇಮ॒ ತನ॑ಯಂ ಶ॒ತಂ ಹಿಮಾಃ᳚ ||{1.5.8.4}, {1.64.14}, {1.11.7.14} |
| 745 | ನೂ ಷ್ಠಿ॒ರಂ ಮ॑ರುತೋ ವೀ॒ರವಂ᳚ತಮೃತೀ॒ಷಾಹಂ᳚ ರ॒ಯಿಮ॒ಸ್ಮಾಸು॑ ಧತ್ತ | ಸ॒ಹ॒ಸ್ರಿಣಂ᳚ ಶ॒ತಿನಂ᳚ ಶೂಶು॒ವಾಂಸಂ᳚ ಪ್ರಾ॒ತರ್ಮ॒ಕ್ಷೂ ಧಿ॒ಯಾವ॑ಸುರ್ಜಗಮ್ಯಾತ್ ||{1.5.8.5}, {1.64.15}, {1.11.7.15} |
| [65] (1-10) ದಶರ್ಚಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ | ಅಗ್ನಿರ್ದೇವತಾ | ದ್ವಿಪದಾ ವಿರಾಟ್ ಛಂದಃ || | |
| 746 | ಪ॒ಶ್ವಾ ನ ತಾ॒ಯುಂ ಗುಹಾ॒ ಚತಂ᳚ತಂ॒ ನಮೋ᳚ ಯುಜಾ॒ನಂ ನಮೋ॒ ವಹಂ᳚ತಂ ||{1.5.9.1}, {1.65.1}, {1.12.1.1} |
| 747 | ಸ॒ಜೋಷಾ॒ ಧೀರಾಃ᳚ ಪ॒ದೈರನು॑ ಗ್ಮ॒ನ್ನುಪ॑ ತ್ವಾ ಸೀದ॒ನ್ವಿಶ್ವೇ॒ ಯಜ॑ತ್ರಾಃ ||{1.5.9.2}, {1.65.2}, {1.12.1.2} |
| 748 | ಋ॒ತಸ್ಯ॑ ದೇ॒ವಾ ಅನು᳚ ವ್ರ॒ತಾ ಗು॒ರ್ಭುವ॒ತ್ಪರಿ॑ಷ್ಟಿ॒ರ್ದ್ಯೌರ್ನ ಭೂಮ॑ ||{1.5.9.3}, {1.65.3}, {1.12.1.3} |
| 749 | ವರ್ಧಂ᳚ತೀ॒ಮಾಪಃ॑ ಪ॒ನ್ವಾ ಸುಶಿ॑ಶ್ವಿಮೃ॒ತಸ್ಯ॒ ಯೋನಾ॒ ಗರ್ಭೇ॒ ಸುಜಾ᳚ತಂ ||{1.5.9.4}, {1.65.4}, {1.12.1.4} |
| 750 | ಪು॒ಷ್ಟಿರ್ನ ರ॒ಣ್ವಾ ಕ್ಷಿ॒ತಿರ್ನ ಪೃ॒ಥ್ವೀ ಗಿ॒ರಿರ್ನ ಭುಜ್ಮ॒ ಕ್ಷೋದೋ॒ ನ ಶಂ॒ಭು ||{1.5.9.5}, {1.65.5}, {1.12.1.5} |
| 751 | ಅತ್ಯೋ॒ ನಾಜ್ಮ॒ನ್ಸರ್ಗ॑ಪ್ರತಕ್ತಃ॒ ಸಿಂಧು॒ರ್ನ ಕ್ಷೋದಃ॒ ಕ ಈಂ᳚ ವರಾತೇ ||{1.5.9.6}, {1.65.6}, {1.12.1.6} |
| 752 | ಜಾ॒ಮಿಃ ಸಿಂಧೂ᳚ನಾಂ॒ ಭ್ರಾತೇ᳚ವ॒ ಸ್ವಸ್ರಾ॒ಮಿಭ್ಯಾ॒ನ್ನ ರಾಜಾ॒ ವನಾ᳚ನ್ಯತ್ತಿ ||{1.5.9.7}, {1.65.7}, {1.12.1.7} |
| 753 | ಯದ್ವಾತ॑ಜೂತೋ॒ ವನಾ॒ ವ್ಯಸ್ಥಾ᳚ದ॒ಗ್ನಿರ್ಹ॑ ದಾತಿ॒ ರೋಮಾ᳚ ಪೃಥಿ॒ವ್ಯಾಃ ||{1.5.9.8}, {1.65.8}, {1.12.1.8} |
| 754 | ಶ್ವಸಿ॑ತ್ಯ॒ಪ್ಸು ಹಂ॒ಸೋ ನ ಸೀದ॒ನ್ಕ್ರತ್ವಾ॒ ಚೇತಿ॑ಷ್ಠೋ ವಿ॒ಶಾಮು॑ಷ॒ರ್ಭುತ್ ||{1.5.9.9}, {1.65.9}, {1.12.1.9} |
| 755 | ಸೋಮೋ॒ ನ ವೇ॒ಧಾ ಋ॒ತಪ್ರ॑ಜಾತಃ ಪ॒ಶುರ್ನ ಶಿಶ್ವಾ᳚ ವಿ॒ಭುರ್ದೂ॒ರೇಭಾಃ᳚ ||{1.5.9.10}, {1.65.10}, {1.12.1.10} |
| [66] (1-10) ದಶರ್ಚಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ | ಅಗ್ನಿರ್ದೇವತಾ | ದ್ವಿಪದಾ ವಿರಾಟ್ ಛಂದಃ || | |
| 756 | ರ॒ಯಿರ್ನ ಚಿ॒ತ್ರಾ ಸೂರೋ॒ ನ ಸಂ॒ದೃಗಾಯು॒ರ್ನ ಪ್ರಾ॒ಣೋ ನಿತ್ಯೋ॒ ನ ಸೂ॒ನುಃ ||{1.5.10.1}, {1.66.1}, {1.12.2.1} |
| 757 | ತಕ್ವಾ॒ ನ ಭೂರ್ಣಿ॒ರ್ವನಾ᳚ ಸಿಷಕ್ತಿ॒ ಪಯೋ॒ ನ ಧೇ॒ನುಃ ಶುಚಿ᳚ರ್ವಿ॒ಭಾವಾ᳚ ||{1.5.10.2}, {1.66.2}, {1.12.2.2} |
| 758 | ದಾ॒ಧಾರ॒ ಕ್ಷೇಮ॒ಮೋಕೋ॒ ನ ರ॒ಣ್ವೋ ಯವೋ॒ ನ ಪ॒ಕ್ವೋ ಜೇತಾ॒ ಜನಾ᳚ನಾಂ ||{1.5.10.3}, {1.66.3}, {1.12.2.3} |
| 759 | ಋಷಿ॒ರ್ನ ಸ್ತುಭ್ವಾ᳚ ವಿ॒ಕ್ಷು ಪ್ರ॑ಶ॒ಸ್ತೋ ವಾ॒ಜೀ ನ ಪ್ರೀ॒ತೋ ವಯೋ᳚ ದಧಾತಿ ||{1.5.10.4}, {1.66.4}, {1.12.2.4} |
| 760 | ದು॒ರೋಕ॑ಶೋಚಿಃ॒ ಕ್ರತು॒ರ್ನ ನಿತ್ಯೋ᳚ ಜಾ॒ಯೇವ॒ ಯೋನಾ॒ವರಂ॒ ವಿಶ್ವ॑ಸ್ಮೈ ||{1.5.10.5}, {1.66.5}, {1.12.2.5} |
| 761 | ಚಿ॒ತ್ರೋ ಯದಭ್ರಾ᳚ಟ್ ಛ್ವೇ॒ತೋ ನ ವಿ॒ಕ್ಷು ರಥೋ॒ ನ ರು॒ಕ್ಮೀ ತ್ವೇ॒ಷಃ ಸ॒ಮತ್ಸು॑ ||{1.5.10.6}, {1.66.6}, {1.12.2.6} |
| 762 | ಸೇನೇ᳚ವ ಸೃ॒ಷ್ಟಾಮಂ᳚ ದಧಾ॒ತ್ಯಸ್ತು॒ರ್ನ ದಿ॒ದ್ಯುತ್ತ್ವೇ॒ಷಪ್ರ॑ತೀಕಾ ||{1.5.10.7}, {1.66.7}, {1.12.2.7} |
| 763 | ಯ॒ಮೋ ಹ॑ ಜಾ॒ತೋ ಯ॒ಮೋ ಜನಿ॑ತ್ವಂ ಜಾ॒ರಃ ಕ॒ನೀನಾಂ॒ ಪತಿ॒ರ್ಜನೀ᳚ನಾಂ ||{1.5.10.8}, {1.66.8}, {1.12.2.8} |
| 764 | ತಂ ವ॑ಶ್ಚ॒ರಾಥಾ᳚ ವ॒ಯಂ ವ॑ಸ॒ತ್ಯಾಸ್ತಂ॒ ನ ಗಾವೋ॒ ನಕ್ಷಂ᳚ತ ಇ॒ದ್ಧಂ ||{1.5.10.9}, {1.66.9}, {1.12.2.9} |
| 765 | ಸಿಂಧು॒ರ್ನ ಕ್ಷೋದಃ॒ ಪ್ರ ನೀಚೀ᳚ರೈನೋ॒ನ್ನವಂ᳚ತ॒ ಗಾವಃ॒ ಸ್ವ೧॑(ಅ॒)ರ್ದೃಶೀ᳚ಕೇ ||{1.5.10.10}, {1.66.10}, {1.12.2.10} |
| [67] (1-10) ದಶರ್ಚಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ | ಅಗ್ನಿರ್ದೇವತಾ | ದ್ವಿಪದಾ ವಿರಾಟ್ ಛಂದಃ || | |
| 766 | ವನೇ᳚ಷು ಜಾ॒ಯುರ್ಮರ್ತೇ᳚ಷು ಮಿ॒ತ್ರೋ ವೃ॑ಣೀ॒ತೇ ಶ್ರು॒ಷ್ಟಿಂ ರಾಜೇ᳚ವಾಜು॒ರ್ಯಂ ||{1.5.11.1}, {1.67.1}, {1.12.3.1} |
| 767 | ಕ್ಷೇಮೋ॒ ನ ಸಾ॒ಧುಃ ಕ್ರತು॒ರ್ನ ಭ॒ದ್ರೋ ಭುವ॑ತ್ಸ್ವಾ॒ಧೀರ್ಹೋತಾ᳚ ಹವ್ಯ॒ವಾಟ್ ||{1.5.11.2}, {1.67.2}, {1.12.3.2} |
| 768 | ಹಸ್ತೇ॒ ದಧಾ᳚ನೋ ನೃ॒ಮ್ಣಾ ವಿಶ್ವಾ॒ನ್ಯಮೇ᳚ ದೇ॒ವಾಂಧಾ॒ದ್ಗುಹಾ᳚ ನಿ॒ಷೀದ॑ನ್ ||{1.5.11.3}, {1.67.3}, {1.12.3.3} |
| 769 | ವಿ॒ದಂತೀ॒ಮತ್ರ॒ ನರೋ᳚ ಧಿಯಂ॒ಧಾ ಹೃ॒ದಾ ಯತ್ತ॒ಷ್ಟಾನ್ಮಂತ್ರಾಁ॒ ಅಶಂ᳚ಸನ್ ||{1.5.11.4}, {1.67.4}, {1.12.3.4} |
| 770 | ಅ॒ಜೋ ನ ಕ್ಷಾಂ ದಾ॒ಧಾರ॑ ಪೃಥಿ॒ವೀಂ ತ॒ಸ್ತಂಭ॒ ದ್ಯಾಂ ಮಂತ್ರೇ᳚ಭಿಃ ಸ॒ತ್ಯೈಃ ||{1.5.11.5}, {1.67.5}, {1.12.3.5} |
| 771 | ಪ್ರಿ॒ಯಾ ಪ॒ದಾನಿ॑ ಪ॒ಶ್ವೋ ನಿ ಪಾ᳚ಹಿ ವಿ॒ಶ್ವಾಯು॑ರಗ್ನೇ ಗು॒ಹಾ ಗುಹಂ᳚ ಗಾಃ ||{1.5.11.6}, {1.67.6}, {1.12.3.6} |
| 772 | ಯ ಈಂ᳚ ಚಿ॒ಕೇತ॒ ಗುಹಾ॒ ಭವಂ᳚ತ॒ಮಾ ಯಃ ಸ॒ಸಾದ॒ ಧಾರಾ᳚ಮೃ॒ತಸ್ಯ॑ ||{1.5.11.7}, {1.67.7}, {1.12.3.7} |
| 773 | ವಿ ಯೇ ಚೃ॒ತಂತ್ಯೃ॒ತಾ ಸಪಂ᳚ತ॒ ಆದಿದ್ವಸೂ᳚ನಿ॒ ಪ್ರ ವ॑ವಾಚಾಸ್ಮೈ ||{1.5.11.8}, {1.67.8}, {1.12.3.8} |
| 774 | ವಿ ಯೋ ವೀ॒ರುತ್ಸು॒ ರೋಧ᳚ನ್ಮಹಿ॒ತ್ವೋತ ಪ್ರ॒ಜಾ ಉ॒ತ ಪ್ರ॒ಸೂಷ್ವಂ॒ತಃ ||{1.5.11.9}, {1.67.9}, {1.12.3.9} |
| 775 | ಚಿತ್ತಿ॑ರ॒ಪಾಂ ದಮೇ᳚ ವಿ॒ಶ್ವಾಯುಃ॒ ಸದ್ಮೇ᳚ವ॒ ಧೀರಾಃ᳚ ಸ॒ಮ್ಮಾಯ॑ ಚಕ್ರುಃ ||{1.5.11.10}, {1.67.10}, {1.12.3.10} |
| [68] (1-10) ದಶರ್ಚಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ | ಅಗ್ನಿರ್ದೇವತಾ | ದ್ವಿಪದಾ ವಿರಾಟ್ ಛಂದಃ || | |
| 776 | ಶ್ರೀ॒ಣನ್ನುಪ॑ ಸ್ಥಾ॒ದ್ದಿವಂ᳚ ಭುರ॒ಣ್ಯುಃ ಸ್ಥಾ॒ತುಶ್ಚ॒ರಥ॑ಮ॒ಕ್ತೂನ್ವ್ಯೂ᳚ರ್ಣೋತ್ ||{1.5.12.1}, {1.68.1}, {1.12.4.1} |
| 777 | ಪರಿ॒ ಯದೇ᳚ಷಾ॒ಮೇಕೋ॒ ವಿಶ್ವೇ᳚ಷಾಂ॒ ಭುವ॑ದ್ದೇ॒ವೋ ದೇ॒ವಾನಾಂ᳚ ಮಹಿ॒ತ್ವಾ ||{1.5.12.2}, {1.68.2}, {1.12.4.2} |
| 778 | ಆದಿತ್ತೇ॒ ವಿಶ್ವೇ॒ ಕ್ರತುಂ᳚ ಜುಷಂತ॒ ಶುಷ್ಕಾ॒ದ್ಯದ್ದೇ᳚ವ ಜೀ॒ವೋ ಜನಿ॑ಷ್ಠಾಃ ||{1.5.12.3}, {1.68.3}, {1.12.4.3} |
| 779 | ಭಜಂ᳚ತ॒ ವಿಶ್ವೇ᳚ ದೇವ॒ತ್ವಂ ನಾಮ॑ ಋ॒ತಂ ಸಪಂ᳚ತೋ ಅ॒ಮೃತ॒ಮೇವೈಃ᳚ ||{1.5.12.4}, {1.68.4}, {1.12.4.4} |
| 780 | ಋ॒ತಸ್ಯ॒ ಪ್ರೇಷಾ᳚ ಋ॒ತಸ್ಯ॑ ಧೀ॒ತಿರ್ವಿ॒ಶ್ವಾಯು॒ರ್ವಿಶ್ವೇ॒ ಅಪಾಂ᳚ಸಿ ಚಕ್ರುಃ ||{1.5.12.5}, {1.68.5}, {1.12.4.5} |
| 781 | ಯಸ್ತುಭ್ಯಂ॒ ದಾಶಾ॒ದ್ಯೋ ವಾ᳚ ತೇ॒ ಶಿಕ್ಷಾ॒ತ್ತಸ್ಮೈ᳚ ಚಿಕಿ॒ತ್ವಾನ್ರ॒ಯಿಂ ದ॑ಯಸ್ವ ||{1.5.12.6}, {1.68.6}, {1.12.4.6} |
| 782 | ಹೋತಾ॒ ನಿಷ॑ತ್ತೋ॒ ಮನೋ॒ರಪ॑ತ್ಯೇ॒ ಸ ಚಿ॒ನ್ನ್ವಾ᳚ಸಾಂ॒ ಪತೀ᳚ ರಯೀ॒ಣಾಂ ||{1.5.12.7}, {1.68.7}, {1.12.4.7} |
| 783 | ಇ॒ಚ್ಛಂತ॒ ರೇತೋ᳚ ಮಿ॒ಥಸ್ತ॒ನೂಷು॒ ಸಂ ಜಾ᳚ನತ॒ ಸ್ವೈರ್ದಕ್ಷೈ॒ರಮೂ᳚ರಾಃ ||{1.5.12.8}, {1.68.8}, {1.12.4.8} |
| 784 | ಪಿ॒ತುರ್ನ ಪು॒ತ್ರಾಃ ಕ್ರತುಂ᳚ ಜುಷಂತ॒ ಶ್ರೋಷ॒ನ್ಯೇ ಅ॑ಸ್ಯ॒ ಶಾಸಂ᳚ ತು॒ರಾಸಃ॑ ||{1.5.12.9}, {1.68.9}, {1.12.4.9} |
| 785 | ವಿ ರಾಯ॑ ಔರ್ಣೋ॒ದ್ದುರಃ॑ ಪುರು॒ಕ್ಷುಃ ಪಿ॒ಪೇಶ॒ ನಾಕಂ॒ ಸ್ತೃಭಿ॒ರ್ದಮೂ᳚ನಾಃ ||{1.5.12.10}, {1.68.10}, {1.12.4.10} |
| [69] (1-10) ದಶರ್ಚಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ | ಅಗ್ನಿರ್ದೇವತಾ | ದ್ವಿಪದಾ ವಿರಾಟ್ ಛಂದಃ || | |
| 786 | ಶು॒ಕ್ರಃ ಶು॑ಶು॒ಕ್ವಾಁ ಉ॒ಷೋ ನ ಜಾ॒ರಃ ಪ॒ಪ್ರಾ ಸ॑ಮೀ॒ಚೀ ದಿ॒ವೋ ನ ಜ್ಯೋತಿಃ॑ ||{1.5.13.1}, {1.69.1}, {1.12.5.1} |
| 787 | ಪರಿ॒ ಪ್ರಜಾ᳚ತಃ॒ ಕ್ರತ್ವಾ᳚ ಬಭೂಥ॒ ಭುವೋ᳚ ದೇ॒ವಾನಾಂ᳚ ಪಿ॒ತಾ ಪು॒ತ್ರಃ ಸನ್ ||{1.5.13.2}, {1.69.2}, {1.12.5.2} |
| 788 | ವೇ॒ಧಾ ಅದೃ॑ಪ್ತೋ ಅ॒ಗ್ನಿರ್ವಿ॑ಜಾ॒ನನ್ನೂಧ॒ರ್ನ ಗೋನಾಂ॒ ಸ್ವಾದ್ಮಾ᳚ ಪಿತೂ॒ನಾಂ ||{1.5.13.3}, {1.69.3}, {1.12.5.3} |
| 789 | ಜನೇ॒ ನ ಶೇವ॑ ಆ॒ಹೂರ್ಯಃ॒ ಸನ್ಮಧ್ಯೇ॒ ನಿಷ॑ತ್ತೋ ರ॒ಣ್ವೋ ದು॑ರೋ॒ಣೇ ||{1.5.13.4}, {1.69.4}, {1.12.5.4} |
| 790 | ಪು॒ತ್ರೋ ನ ಜಾ॒ತೋ ರ॒ಣ್ವೋ ದು॑ರೋ॒ಣೇ ವಾ॒ಜೀ ನ ಪ್ರೀ॒ತೋ ವಿಶೋ॒ ವಿ ತಾ᳚ರೀತ್ ||{1.5.13.5}, {1.69.5}, {1.12.5.5} |
| 791 | ವಿಶೋ॒ ಯದಹ್ವೇ॒ ನೃಭಿಃ॒ ಸನೀ᳚ಳಾ ಅ॒ಗ್ನಿರ್ದೇ᳚ವ॒ತ್ವಾ ವಿಶ್ವಾ᳚ನ್ಯಶ್ಯಾಃ ||{1.5.13.6}, {1.69.6}, {1.12.5.6} |
| 792 | ನಕಿ॑ಷ್ಟ ಏ॒ತಾ ವ್ರ॒ತಾ ಮಿ॑ನಂತಿ॒ ನೃಭ್ಯೋ॒ ಯದೇ॒ಭ್ಯಃ ಶ್ರು॒ಷ್ಟಿಂ ಚ॒ಕರ್ಥ॑ ||{1.5.13.7}, {1.69.7}, {1.12.5.7} |
| 793 | ತತ್ತು ತೇ॒ ದಂಸೋ॒ ಯದಹ᳚ನ್ಸಮಾ॒ನೈರ್ನೃಭಿ॒ರ್ಯದ್ಯು॒ಕ್ತೋ ವಿ॒ವೇ ರಪಾಂ᳚ಸಿ ||{1.5.13.8}, {1.69.8}, {1.12.5.8} |
| 794 | ಉ॒ಷೋ ನ ಜಾ॒ರೋ ವಿ॒ಭಾವೋ॒ಸ್ರಃ ಸಂಜ್ಞಾ᳚ತರೂಪ॒ಶ್ಚಿಕೇ᳚ತದಸ್ಮೈ ||{1.5.13.9}, {1.69.9}, {1.12.5.9} |
| 795 | ತ್ಮನಾ॒ ವಹಂ᳚ತೋ॒ ದುರೋ॒ ವ್ಯೃ᳚ಣ್ವ॒ನ್ನವಂ᳚ತ॒ ವಿಶ್ವೇ॒ ಸ್ವ೧॑(ಅ॒)ರ್ದೃಶೀ᳚ಕೇ ||{1.5.13.10}, {1.69.10}, {1.12.5.10} |
| [70] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ | ಅಗ್ನಿರ್ದೇವತಾ | ದ್ವಿಪದಾ ವಿರಾಟ್ ಛಂದಃ || | |
| 796 | ವ॒ನೇಮ॑ ಪೂ॒ರ್ವೀರ॒ರ್ಯೋ ಮ॑ನೀ॒ಷಾ ಅ॒ಗ್ನಿಃ ಸು॒ಶೋಕೋ॒ ವಿಶ್ವಾ᳚ನ್ಯಶ್ಯಾಃ ||{1.5.14.1}, {1.70.1}, {1.12.6.1} |
| 797 | ಆ ದೈವ್ಯಾ᳚ನಿ ವ್ರ॒ತಾ ಚಿ॑ಕಿ॒ತ್ವಾನಾ ಮಾನು॑ಷಸ್ಯ॒ ಜನ॑ಸ್ಯ॒ ಜನ್ಮ॑ ||{1.5.14.2}, {1.70.2}, {1.12.6.2} |
| 798 | ಗರ್ಭೋ॒ ಯೋ ಅ॒ಪಾಂ ಗರ್ಭೋ॒ ವನಾ᳚ನಾಂ॒ ಗರ್ಭ॑ಶ್ಚ ಸ್ಥಾ॒ತಾಂ ಗರ್ಭ॑ಶ್ಚ॒ರಥಾಂ᳚ ||{1.5.14.3}, {1.70.3}, {1.12.6.3} |
| 799 | ಅದ್ರೌ᳚ ಚಿದಸ್ಮಾ ಅಂ॒ತರ್ದು॑ರೋ॒ಣೇ ವಿ॒ಶಾಂ ನ ವಿಶ್ವೋ᳚ ಅ॒ಮೃತಃ॑ ಸ್ವಾ॒ಧೀಃ ||{1.5.14.4}, {1.70.4}, {1.12.6.4} |
| 800 | ಸ ಹಿ ಕ್ಷ॒ಪಾವಾಁ᳚ ಅ॒ಗ್ನೀ ರ॑ಯೀ॒ಣಾಂ ದಾಶ॒ದ್ಯೋ ಅ॑ಸ್ಮಾ॒ ಅರಂ᳚ ಸೂ॒ಕ್ತೈಃ ||{1.5.14.5}, {1.70.5}, {1.12.6.5} |
| 801 | ಏ॒ತಾ ಚಿ॑ಕಿತ್ವೋ॒ ಭೂಮಾ॒ ನಿ ಪಾ᳚ಹಿ ದೇ॒ವಾನಾಂ॒ ಜನ್ಮ॒ ಮರ್ತಾಁ᳚ಶ್ಚ ವಿ॒ದ್ವಾನ್ ||{1.5.14.6}, {1.70.6}, {1.12.6.6} |
| 802 | ವರ್ಧಾ॒ನ್ಯಂ ಪೂ॒ರ್ವೀಃ ಕ್ಷ॒ಪೋ ವಿರೂ᳚ಪಾಃ ಸ್ಥಾ॒ತುಶ್ಚ॒ ರಥ॑ಮೃ॒ತಪ್ರ॑ವೀತಂ ||{1.5.14.7}, {1.70.7}, {1.12.6.7} |
| 803 | ಅರಾ᳚ಧಿ॒ ಹೋತಾ॒ ಸ್ವ೧॑(ಅ॒)'ರ್ನಿಷ॑ತ್ತಃ ಕೃ॒ಣ್ವನ್ವಿಶ್ವಾ॒ನ್ಯಪಾಂ᳚ಸಿ ಸ॒ತ್ಯಾ ||{1.5.14.8}, {1.70.8}, {1.12.6.8} |
| 804 | ಗೋಷು॒ ಪ್ರಶ॑ಸ್ತಿಂ॒ ವನೇ᳚ಷು ಧಿಷೇ॒ ಭರಂ᳚ತ॒ ವಿಶ್ವೇ᳚ ಬ॒ಲಿಂ ಸ್ವ᳚ರ್ಣಃ ||{1.5.14.9}, {1.70.9}, {1.12.6.9} |
| 805 | ವಿ ತ್ವಾ॒ ನರಃ॑ ಪುರು॒ತ್ರಾ ಸ॑ಪರ್ಯನ್ಪಿ॒ತುರ್ನ ಜಿವ್ರೇ॒ರ್ವಿ ವೇದೋ᳚ ಭರಂತ ||{1.5.14.10}, {1.70.10}, {1.12.6.10} |
| 806 | ಸಾ॒ಧುರ್ನ ಗೃ॒ಧ್ನುರಸ್ತೇ᳚ವ॒ ಶೂರೋ॒ ಯಾತೇ᳚ವ ಭೀ॒ಮಸ್ತ್ವೇ॒ಷಃ ಸ॒ಮತ್ಸು॑ ||{1.5.14.11}, {1.70.11}, {1.12.6.11} |
| [71] (1-10) ದಶರ್ಚಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 807 | ಉಪ॒ ಪ್ರ ಜಿ᳚ನ್ವನ್ನುಶ॒ತೀರು॒ಶಂತಂ॒ ಪತಿಂ॒ ನ ನಿತ್ಯಂ॒ ಜನ॑ಯಃ॒ ಸನೀ᳚ಳಾಃ | ಸ್ವಸಾ᳚ರಃ॒ ಶ್ಯಾವೀ॒ಮರು॑ಷೀಮಜುಷ್ರಂಚಿ॒ತ್ರಮು॒ಚ್ಛಂತೀ᳚ಮು॒ಷಸಂ॒ ನ ಗಾವಃ॑ ||{1.5.15.1}, {1.71.1}, {1.12.7.1} |
| 808 | ವೀ॒ಳು ಚಿ॑ದ್ದೃ॒ಳ್ಹಾ ಪಿ॒ತರೋ᳚ ನ ಉ॒ಕ್ಥೈರದ್ರಿಂ᳚ ರುಜ॒ನ್ನಂಗಿ॑ರಸೋ॒ ರವೇ᳚ಣ | ಚ॒ಕ್ರುರ್ದಿ॒ವೋ ಬೃ॑ಹ॒ತೋ ಗಾ॒ತುಮ॒ಸ್ಮೇ ಅಹಃ॒ ಸ್ವ᳚ರ್ವಿವಿದುಃ ಕೇ॒ತುಮು॒ಸ್ರಾಃ ||{1.5.15.2}, {1.71.2}, {1.12.7.2} |
| 809 | ದಧ᳚ನ್ನೃ॒ತಂ ಧ॒ನಯ᳚ನ್ನಸ್ಯ ಧೀ॒ತಿಮಾದಿದ॒ರ್ಯೋ ದಿ॑ಧಿ॒ಷ್ವೋ॒೩॑(ಓ॒) ವಿಭೃ॑ತ್ರಾಃ | ಅತೃ॑ಷ್ಯಂತೀರ॒ಪಸೋ᳚ ಯಂ॒ತ್ಯಚ್ಛಾ᳚ ದೇ॒ವಾಂಜನ್ಮ॒ ಪ್ರಯ॑ಸಾ ವ॒ರ್ಧಯಂ᳚ತೀಃ ||{1.5.15.3}, {1.71.3}, {1.12.7.3} |
| 810 | ಮಥೀ॒ದ್ಯದೀಂ॒ ವಿಭೃ॑ತೋ ಮಾತ॒ರಿಶ್ವಾ᳚ ಗೃ॒ಹೇಗೃ॑ಹೇ ಶ್ಯೇ॒ತೋ ಜೇನ್ಯೋ॒ ಭೂತ್ | ಆದೀಂ॒ ರಾಜ್ಞೇ॒ ನ ಸಹೀ᳚ಯಸೇ॒ ಸಚಾ॒ ಸನ್ನಾ ದೂ॒ತ್ಯ೧॑(ಅ॒) ಅಂಭೃಗ॑ವಾಣೋ ವಿವಾಯ ||{1.5.15.4}, {1.71.4}, {1.12.7.4} |
| 811 | ಮ॒ಹೇ ಯತ್ಪಿ॒ತ್ರ ಈಂ॒ ರಸಂ᳚ ದಿ॒ವೇ ಕರವ॑ ತ್ಸರತ್ಪೃಶ॒ನ್ಯ॑ಶ್ಚಿಕಿ॒ತ್ವಾನ್ | ಸೃ॒ಜದಸ್ತಾ᳚ ಧೃಷ॒ತಾ ದಿ॒ದ್ಯುಮ॑ಸ್ಮೈ॒ ಸ್ವಾಯಾಂ᳚ ದೇ॒ವೋ ದು॑ಹಿ॒ತರಿ॒ ತ್ವಿಷಿಂ᳚ ಧಾತ್ ||{1.5.15.5}, {1.71.5}, {1.12.7.5} |
| 812 | ಸ್ವ ಆ ಯಸ್ತುಭ್ಯಂ॒ ದಮ॒ ಆ ವಿ॒ಭಾತಿ॒ ನಮೋ᳚ ವಾ॒ ದಾಶಾ᳚ದುಶ॒ತೋ ಅನು॒ ದ್ಯೂನ್ | ವರ್ಧೋ᳚ ಅಗ್ನೇ॒ ವಯೋ᳚ ಅಸ್ಯ ದ್ವಿ॒ಬರ್ಹಾ॒ ಯಾಸ॑ದ್ರಾ॒ಯಾ ಸ॒ರಥಂ॒ ಯಂ ಜು॒ನಾಸಿ॑ ||{1.5.16.1}, {1.71.6}, {1.12.7.6} |
| 813 | ಅ॒ಗ್ನಿಂ ವಿಶ್ವಾ᳚ ಅ॒ಭಿ ಪೃಕ್ಷಃ॑ ಸಚಂತೇ ಸಮು॒ದ್ರಂ ನ ಸ್ರ॒ವತಃ॑ ಸ॒ಪ್ತ ಯ॒ಹ್ವೀಃ | ನ ಜಾ॒ಮಿಭಿ॒ರ್ವಿ ಚಿ॑ಕಿತೇ॒ ವಯೋ᳚ ನೋ ವಿ॒ದಾ ದೇ॒ವೇಷು॒ ಪ್ರಮ॑ತಿಂ ಚಿಕಿ॒ತ್ವಾನ್ ||{1.5.16.2}, {1.71.7}, {1.12.7.7} |
| 814 | ಆ ಯದಿ॒ಷೇ ನೃ॒ಪತಿಂ॒ ತೇಜ॒ ಆನ॒ಟ್ ಛುಚಿ॒ ರೇತೋ॒ ನಿಷಿ॑ಕ್ತಂ॒ ದ್ಯೌರ॒ಭೀಕೇ᳚ | ಅ॒ಗ್ನಿಃ ಶರ್ಧ॑ಮನವ॒ದ್ಯಂ ಯುವಾ᳚ನಂ ಸ್ವಾ॒ಧ್ಯಂ᳚ ಜನಯತ್ಸೂ॒ದಯ॑ಚ್ಚ ||{1.5.16.3}, {1.71.8}, {1.12.7.8} |
| 815 | ಮನೋ॒ ನ ಯೋಽಧ್ವ॑ನಃ ಸ॒ದ್ಯ ಏತ್ಯೇಕಃ॑ ಸ॒ತ್ರಾ ಸೂರೋ॒ ವಸ್ವ॑ ಈಶೇ | ರಾಜಾ᳚ನಾ ಮಿ॒ತ್ರಾವರು॑ಣಾ ಸುಪಾ॒ಣೀ ಗೋಷು॑ ಪ್ರಿ॒ಯಮ॒ಮೃತಂ॒ ರಕ್ಷ॑ಮಾಣಾ ||{1.5.16.4}, {1.71.9}, {1.12.7.9} |
| 816 | ಮಾ ನೋ᳚ ಅಗ್ನೇ ಸ॒ಖ್ಯಾ ಪಿತ್ರ್ಯಾ᳚ಣಿ॒ ಪ್ರ ಮ॑ರ್ಷಿಷ್ಠಾ ಅ॒ಭಿ ವಿ॒ದುಷ್ಕ॒ವಿಃ ಸನ್ | ನಭೋ॒ ನ ರೂ॒ಪಂ ಜ॑ರಿ॒ಮಾ ಮಿ॑ನಾತಿ ಪು॒ರಾ ತಸ್ಯಾ᳚ ಅ॒ಭಿಶ॑ಸ್ತೇ॒ರಧೀ᳚ಹಿ ||{1.5.16.5}, {1.71.10}, {1.12.7.10} |
| [72] (1-10) ದಶರ್ಚಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 817 | ನಿ ಕಾವ್ಯಾ᳚ ವೇ॒ಧಸಃ॒ ಶಶ್ವ॑ತಸ್ಕ॒ರ್ಹಸ್ತೇ॒ ದಧಾ᳚ನೋ॒ ನರ್ಯಾ᳚ ಪು॒ರೂಣಿ॑ | ಅ॒ಗ್ನಿರ್ಭು॑ವದ್ರಯಿ॒ಪತೀ᳚ ರಯೀ॒ಣಾಂ ಸ॒ತ್ರಾ ಚ॑ಕ್ರಾ॒ಣೋ ಅ॒ಮೃತಾ᳚ನಿ॒ ವಿಶ್ವಾ᳚ ||{1.5.17.1}, {1.72.1}, {1.12.8.1} |
| 818 | ಅ॒ಸ್ಮೇ ವ॒ತ್ಸಂ ಪರಿ॒ ಷಂತಂ॒ ನ ವಿಂ᳚ದನ್ನಿ॒ಚ್ಛಂತೋ॒ ವಿಶ್ವೇ᳚ ಅ॒ಮೃತಾ॒ ಅಮೂ᳚ರಾಃ | ಶ್ರ॒ಮ॒ಯುವಃ॑ ಪದ॒ವ್ಯೋ᳚ ಧಿಯಂ॒ಧಾಸ್ತ॒ಸ್ಥುಃ ಪ॒ದೇ ಪ॑ರ॒ಮೇ ಚಾರ್ವ॒ಗ್ನೇಃ ||{1.5.17.2}, {1.72.2}, {1.12.8.2} |
| 819 | ತಿ॒ಸ್ರೋ ಯದ॑ಗ್ನೇ ಶ॒ರದ॒ಸ್ತ್ವಾಮಿಚ್ಛುಚಿಂ᳚ ಘೃ॒ತೇನ॒ ಶುಚ॑ಯಃ ಸಪ॒ರ್ಯಾನ್ | ನಾಮಾ᳚ನಿ ಚಿದ್ದಧಿರೇ ಯ॒ಜ್ಞಿಯಾ॒ನ್ಯಸೂ᳚ದಯಂತ ತ॒ನ್ವ೧॑(ಅ॒)ಃ ಸುಜಾ᳚ತಾಃ ||{1.5.17.3}, {1.72.3}, {1.12.8.3} |
| 820 | ಆ ರೋದ॑ಸೀ ಬೃಹ॒ತೀ ವೇವಿ॑ದಾನಾಃ॒ ಪ್ರ ರು॒ದ್ರಿಯಾ᳚ ಜಭ್ರಿರೇ ಯ॒ಜ್ಞಿಯಾ᳚ಸಃ | ವಿ॒ದನ್ಮರ್ತೋ᳚ ನೇ॒ಮಧಿ॑ತಾ ಚಿಕಿ॒ತ್ವಾನ॒ಗ್ನಿಂ ಪ॒ದೇ ಪ॑ರ॒ಮೇ ತ॑ಸ್ಥಿ॒ವಾಂಸಂ᳚ ||{1.5.17.4}, {1.72.4}, {1.12.8.4} |
| 821 | ಸಂ॒ಜಾ॒ನಾ॒ನಾ ಉಪ॑ ಸೀದನ್ನಭಿ॒ಜ್ಞು ಪತ್ನೀ᳚ವಂತೋ ನಮ॒ಸ್ಯಂ᳚ ನಮಸ್ಯನ್ | ರಿ॒ರಿ॒ಕ್ವಾಂಸ॑ಸ್ತ॒ನ್ವಃ॑ ಕೃಣ್ವತ॒ ಸ್ವಾಃ ಸಖಾ॒ ಸಖ್ಯು᳚ರ್ನಿ॒ಮಿಷಿ॒ ರಕ್ಷ॑ಮಾಣಾಃ ||{1.5.17.5}, {1.72.5}, {1.12.8.5} |
| 822 | ತ್ರಿಃ ಸ॒ಪ್ತ ಯದ್ಗುಹ್ಯಾ᳚ನಿ॒ ತ್ವೇ ಇತ್ಪ॒ದಾವಿ॑ದ॒ನ್ನಿಹಿ॑ತಾ ಯ॒ಜ್ಞಿಯಾ᳚ಸಃ | ತೇಭೀ᳚ ರಕ್ಷಂತೇ ಅ॒ಮೃತಂ᳚ ಸ॒ಜೋಷಾಃ᳚ ಪ॒ಶೂಂಚ॑ ಸ್ಥಾ॒ತೄಂಚ॒ರಥಂ᳚ ಚ ಪಾಹಿ ||{1.5.18.1}, {1.72.6}, {1.12.8.6} |
| 823 | ವಿ॒ದ್ವಾಁ ಅ॑ಗ್ನೇ ವ॒ಯುನಾ᳚ನಿ ಕ್ಷಿತೀ॒ನಾಂ ವ್ಯಾ᳚ನು॒ಷಕ್ಛು॒ರುಧೋ᳚ ಜೀ॒ವಸೇ᳚ ಧಾಃ | ಅಂ॒ತ॒ರ್ವಿ॒ದ್ವಾಁ ಅಧ್ವ॑ನೋ ದೇವ॒ಯಾನಾ॒ನತಂ᳚ದ್ರೋ ದೂ॒ತೋ ಅ॑ಭವೋ ಹವಿ॒ರ್ವಾಟ್ ||{1.5.18.2}, {1.72.7}, {1.12.8.7} |
| 824 | ಸ್ವಾ॒ಧ್ಯೋ᳚ ದಿ॒ವ ಆ ಸ॒ಪ್ತ ಯ॒ಹ್ವೀ ರಾ॒ಯೋ ದುರೋ॒ ವ್ಯೃ॑ತ॒ಜ್ಞಾ ಅ॑ಜಾನನ್ | ವಿ॒ದದ್ಗವ್ಯಂ᳚ ಸ॒ರಮಾ᳚ ದೃ॒ಳ್ಹಮೂ॒ರ್ವಂ ಯೇನಾ॒ ನು ಕಂ॒ ಮಾನು॑ಷೀ॒ ಭೋಜ॑ತೇ॒ ವಿಟ್ ||{1.5.18.3}, {1.72.8}, {1.12.8.8} |
| 825 | ಆ ಯೇ ವಿಶ್ವಾ᳚ ಸ್ವಪ॒ತ್ಯಾನಿ॑ ತ॒ಸ್ಥುಃ ಕೃ᳚ಣ್ವಾ॒ನಾಸೋ᳚ ಅಮೃತ॒ತ್ವಾಯ॑ ಗಾ॒ತುಂ | ಮ॒ಹ್ನಾ ಮ॒ಹದ್ಭಿಃ॑ ಪೃಥಿ॒ವೀ ವಿ ತ॑ಸ್ಥೇ ಮಾ॒ತಾ ಪು॒ತ್ರೈರದಿ॑ತಿ॒ರ್ಧಾಯ॑ಸೇ॒ ವೇಃ ||{1.5.18.4}, {1.72.9}, {1.12.8.9} |
| 826 | ಅಧಿ॒ ಶ್ರಿಯಂ॒ ನಿ ದ॑ಧು॒ಶ್ಚಾರು॑ಮಸ್ಮಿಂದಿ॒ವೋ ಯದ॒ಕ್ಷೀ ಅ॒ಮೃತಾ॒ ಅಕೃ᳚ಣ್ವನ್ | ಅಧ॑ ಕ್ಷರಂತಿ॒ ಸಿಂಧ॑ವೋ॒ ನ ಸೃ॒ಷ್ಟಾಃ ಪ್ರ ನೀಚೀ᳚ರಗ್ನೇ॒ ಅರು॑ಷೀರಜಾನನ್ ||{1.5.18.5}, {1.72.10}, {1.12.8.10} |
| [73] (1-10) ದಶರ್ಚಸ್ಯ ಸೂಕ್ತಸ್ಯ ಶಾಕ್ತ್ಯಃ ಪರಾಶರ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 827 | ರ॒ಯಿರ್ನ ಯಃ ಪಿ॑ತೃವಿ॒ತ್ತೋ ವ॑ಯೋ॒ಧಾಃ ಸು॒ಪ್ರಣೀ᳚ತಿಶ್ಚಿಕಿ॒ತುಷೋ॒ ನ ಶಾಸುಃ॑ | ಸ್ಯೋ॒ನ॒ಶೀರತಿ॑ಥಿ॒ರ್ನ ಪ್ರೀ᳚ಣಾ॒ನೋ ಹೋತೇ᳚ವ॒ ಸದ್ಮ॑ ವಿಧ॒ತೋ ವಿ ತಾ᳚ರೀತ್ ||{1.5.19.1}, {1.73.1}, {1.12.9.1} |
| 828 | ದೇ॒ವೋ ನ ಯಃ ಸ॑ವಿ॒ತಾ ಸ॒ತ್ಯಮ᳚ನ್ಮಾ॒ ಕ್ರತ್ವಾ᳚ ನಿ॒ಪಾತಿ॑ ವೃ॒ಜನಾ᳚ನಿ॒ ವಿಶ್ವಾ᳚ | ಪು॒ರು॒ಪ್ರ॒ಶ॒ಸ್ತೋ ಅ॒ಮತಿ॒ರ್ನ ಸ॒ತ್ಯ ಆ॒ತ್ಮೇವ॒ ಶೇವೋ᳚ ದಿಧಿ॒ಷಾಯ್ಯೋ᳚ ಭೂತ್ ||{1.5.19.2}, {1.73.2}, {1.12.9.2} |
| 829 | ದೇ॒ವೋ ನ ಯಃ ಪೃ॑ಥಿ॒ವೀಂ ವಿ॒ಶ್ವಧಾ᳚ಯಾ ಉಪ॒ಕ್ಷೇತಿ॑ ಹಿ॒ತಮಿ॑ತ್ರೋ॒ ನ ರಾಜಾ᳚ | ಪು॒ರಃ॒ಸದಃ॑ ಶರ್ಮ॒ಸದೋ॒ ನ ವೀ॒ರಾ ಅ॑ನವ॒ದ್ಯಾ ಪತಿ॑ಜುಷ್ಟೇವ॒ ನಾರೀ᳚ ||{1.5.19.3}, {1.73.3}, {1.12.9.3} |
| 830 | ತಂ ತ್ವಾ॒ ನರೋ॒ ದಮ॒ ಆ ನಿತ್ಯ॑ಮಿ॒ದ್ಧಮಗ್ನೇ॒ ಸಚಂ᳚ತ ಕ್ಷಿ॒ತಿಷು॑ ಧ್ರು॒ವಾಸು॑ | ಅಧಿ॑ ದ್ಯು॒ಮ್ನಂ ನಿ ದ॑ಧು॒ರ್ಭೂರ್ಯ॑ಸ್ಮಿ॒ನ್ಭವಾ᳚ ವಿ॒ಶ್ವಾಯು॑ರ್ಧ॒ರುಣೋ᳚ ರಯೀ॒ಣಾಂ ||{1.5.19.4}, {1.73.4}, {1.12.9.4} |
| 831 | ವಿ ಪೃಕ್ಷೋ᳚ ಅಗ್ನೇ ಮ॒ಘವಾ᳚ನೋ ಅಶ್ಯು॒ರ್ವಿ ಸೂ॒ರಯೋ॒ ದದ॑ತೋ॒ ವಿಶ್ವ॒ಮಾಯುಃ॑ | ಸ॒ನೇಮ॒ ವಾಜಂ᳚ ಸಮಿ॒ಥೇಷ್ವ॒ರ್ಯೋ ಭಾ॒ಗಂ ದೇ॒ವೇಷು॒ ಶ್ರವ॑ಸೇ॒ ದಧಾ᳚ನಾಃ ||{1.5.19.5}, {1.73.5}, {1.12.9.5} |
| 832 | ಋ॒ತಸ್ಯ॒ ಹಿ ಧೇ॒ನವೋ᳚ ವಾವಶಾ॒ನಾಃ ಸ್ಮದೂ᳚ಧ್ನೀಃ ಪೀ॒ಪಯಂ᳚ತ॒ ದ್ಯುಭ॑ಕ್ತಾಃ | ಪ॒ರಾ॒ವತಃ॑ ಸುಮ॒ತಿಂ ಭಿಕ್ಷ॑ಮಾಣಾ॒ ವಿ ಸಿಂಧ॑ವಃ ಸ॒ಮಯಾ᳚ ಸಸ್ರು॒ರದ್ರಿಂ᳚ ||{1.5.20.1}, {1.73.6}, {1.12.9.6} |
| 833 | ತ್ವೇ ಅ॑ಗ್ನೇ ಸುಮ॒ತಿಂ ಭಿಕ್ಷ॑ಮಾಣಾ ದಿ॒ವಿ ಶ್ರವೋ᳚ ದಧಿರೇ ಯ॒ಜ್ಞಿಯಾ᳚ಸಃ | ನಕ್ತಾ᳚ ಚ ಚ॒ಕ್ರುರು॒ಷಸಾ॒ ವಿರೂ᳚ಪೇ ಕೃ॒ಷ್ಣಂ ಚ॒ ವರ್ಣ॑ಮರು॒ಣಂ ಚ॒ ಸಂ ಧುಃ॑ ||{1.5.20.2}, {1.73.7}, {1.12.9.7} |
| 834 | ಯಾನ್ರಾ॒ಯೇ ಮರ್ತಾ॒ನ್ಸುಷೂ᳚ದೋ ಅಗ್ನೇ॒ ತೇ ಸ್ಯಾ᳚ಮ ಮ॒ಘವಾ᳚ನೋ ವ॒ಯಂ ಚ॑ | ಛಾ॒ಯೇವ॒ ವಿಶ್ವಂ॒ ಭುವ॑ನಂ ಸಿಸಕ್ಷ್ಯಾಪಪ್ರಿ॒ವಾನ್ರೋದ॑ಸೀ ಅಂ॒ತರಿ॑ಕ್ಷಂ ||{1.5.20.3}, {1.73.8}, {1.12.9.8} |
| 835 | ಅರ್ವ॑ದ್ಭಿರಗ್ನೇ॒ ಅರ್ವ॑ತೋ॒ ನೃಭಿ॒ರ್ನೄನ್ವೀ॒ರೈರ್ವೀ॒ರಾನ್ವ॑ನುಯಾಮಾ॒ ತ್ವೋತಾಃ᳚ | ಈ॒ಶಾ॒ನಾಸಃ॑ ಪಿತೃವಿ॒ತ್ತಸ್ಯ॑ ರಾ॒ಯೋ ವಿ ಸೂ॒ರಯಃ॑ ಶ॒ತಹಿ॑ಮಾ ನೋ ಅಶ್ಯುಃ ||{1.5.20.4}, {1.73.9}, {1.12.9.9} |
| 836 | ಏ॒ತಾ ತೇ᳚ ಅಗ್ನ ಉ॒ಚಥಾ᳚ನಿ ವೇಧೋ॒ ಜುಷ್ಟಾ᳚ನಿ ಸಂತು॒ ಮನ॑ಸೇ ಹೃ॒ದೇ ಚ॑ | ಶ॒ಕೇಮ॑ ರಾ॒ಯಃ ಸು॒ಧುರೋ॒ ಯಮಂ॒ ತೇಽಧಿ॒ ಶ್ರವೋ᳚ ದೇ॒ವಭ॑ಕ್ತಂ॒ ದಧಾ᳚ನಾಃ ||{1.5.20.5}, {1.73.10}, {1.12.9.10} |
| [74] (1-9) ನವರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಅಗ್ನಿರ್ದೇವತಾ | ಗಾಯತ್ರೀ ಛಂದಃ || | |
| 837 | ಉ॒ಪ॒ಪ್ರ॒ಯಂತೋ᳚ ಅಧ್ವ॒ರಂ ಮಂತ್ರಂ᳚ ವೋಚೇಮಾ॒ಗ್ನಯೇ᳚ | ಆ॒ರೇ ಅ॒ಸ್ಮೇ ಚ॑ ಶೃಣ್ವ॒ತೇ ||{1.5.21.1}, {1.74.1}, {1.13.1.1} |
| 838 | ಯಃ ಸ್ನೀಹಿ॑ತೀಷು ಪೂ॒ರ್ವ್ಯಃ ಸಂ᳚ಜಗ್ಮಾ॒ನಾಸು॑ ಕೃ॒ಷ್ಟಿಷು॑ | ಅರ॑ಕ್ಷದ್ದಾ॒ಶುಷೇ॒ ಗಯಂ᳚ ||{1.5.21.2}, {1.74.2}, {1.13.1.2} |
| 839 | ಉ॒ತ ಬ್ರು॑ವಂತು ಜಂ॒ತವ॒ ಉದ॒ಗ್ನಿರ್ವೃ॑ತ್ರ॒ಹಾಜ॑ನಿ | ಧ॒ನಂ॒ಜ॒ಯೋ ರಣೇ᳚ರಣೇ ||{1.5.21.3}, {1.74.3}, {1.13.1.3} |
| 840 | ಯಸ್ಯ॑ ದೂ॒ತೋ ಅಸಿ॒ ಕ್ಷಯೇ॒ ವೇಷಿ॑ ಹ॒ವ್ಯಾನಿ॑ ವೀ॒ತಯೇ᳚ | ದ॒ಸ್ಮತ್ಕೃ॒ಣೋಷ್ಯ॑ಧ್ವ॒ರಂ ||{1.5.21.4}, {1.74.4}, {1.13.1.4} |
| 841 | ತಮಿತ್ಸು॑ಹ॒ವ್ಯಮಂ᳚ಗಿರಃ ಸುದೇ॒ವಂ ಸ॑ಹಸೋ ಯಹೋ | ಜನಾ᳚ ಆಹುಃ ಸುಬ॒ರ್ಹಿಷಂ᳚ ||{1.5.21.5}, {1.74.5}, {1.13.1.5} |
| 842 | ಆ ಚ॒ ವಹಾ᳚ಸಿ॒ ತಾಁ ಇ॒ಹ ದೇ॒ವಾಁ ಉಪ॒ ಪ್ರಶ॑ಸ್ತಯೇ | ಹ॒ವ್ಯಾ ಸು॑ಶ್ಚಂದ್ರ ವೀ॒ತಯೇ᳚ ||{1.5.22.1}, {1.74.6}, {1.13.1.6} |
| 843 | ನ ಯೋರು॑ಪ॒ಬ್ದಿರಶ್ವ್ಯಃ॑ ಶೃ॒ಣ್ವೇ ರಥ॑ಸ್ಯ॒ ಕಚ್ಚ॒ನ | ಯದ॑ಗ್ನೇ॒ ಯಾಸಿ॑ ದೂ॒ತ್ಯಂ᳚ ||{1.5.22.2}, {1.74.7}, {1.13.1.7} |
| 844 | ತ್ವೋತೋ᳚ ವಾ॒ಜ್ಯಹ್ರ॑ಯೋ॒ಽಭಿ ಪೂರ್ವ॑ಸ್ಮಾ॒ದಪ॑ರಃ | ಪ್ರ ದಾ॒ಶ್ವಾಁ ಅ॑ಗ್ನೇ ಅಸ್ಥಾತ್ ||{1.5.22.3}, {1.74.8}, {1.13.1.8} |
| 845 | ಉ॒ತ ದ್ಯು॒ಮತ್ಸು॒ವೀರ್ಯಂ᳚ ಬೃ॒ಹದ॑ಗ್ನೇ ವಿವಾಸಸಿ | ದೇ॒ವೇಭ್ಯೋ᳚ ದೇವ ದಾ॒ಶುಷೇ᳚ ||{1.5.22.4}, {1.74.9}, {1.13.1.9} |
| [75] (1-5) ಪಂಚರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಅಗ್ನಿರ್ದೇವತಾ | ಗಾಯತ್ರೀ ಛಂದಃ || | |
| 846 | ಜು॒ಷಸ್ವ॑ ಸ॒ಪ್ರಥ॑ಸ್ತಮಂ॒ ವಚೋ᳚ ದೇ॒ವಪ್ಸ॑ರಸ್ತಮಂ | ಹ॒ವ್ಯಾ ಜುಹ್ವಾ᳚ನ ಆ॒ಸನಿ॑ ||{1.5.23.1}, {1.75.1}, {1.13.2.1} |
| 847 | ಅಥಾ᳚ ತೇ ಅಂಗಿರಸ್ತ॒ಮಾಗ್ನೇ᳚ ವೇಧಸ್ತಮ ಪ್ರಿ॒ಯಂ | ವೋ॒ಚೇಮ॒ ಬ್ರಹ್ಮ॑ ಸಾನ॒ಸಿ ||{1.5.23.2}, {1.75.2}, {1.13.2.2} |
| 848 | ಕಸ್ತೇ᳚ ಜಾ॒ಮಿರ್ಜನಾ᳚ನಾ॒ಮಗ್ನೇ॒ ಕೋ ದಾ॒ಶ್ವ॑ಧ್ವರಃ | ಕೋ ಹ॒ ಕಸ್ಮಿ᳚ನ್ನಸಿ ಶ್ರಿ॒ತಃ ||{1.5.23.3}, {1.75.3}, {1.13.2.3} |
| 849 | ತ್ವಂ ಜಾ॒ಮಿರ್ಜನಾ᳚ನಾ॒ಮಗ್ನೇ᳚ ಮಿ॒ತ್ರೋ ಅ॑ಸಿ ಪ್ರಿ॒ಯಃ | ಸಖಾ॒ ಸಖಿ॑ಭ್ಯ॒ ಈಡ್ಯಃ॑ ||{1.5.23.4}, {1.75.4}, {1.13.2.4} |
| 850 | ಯಜಾ᳚ ನೋ ಮಿ॒ತ್ರಾವರು॑ಣಾ॒ ಯಜಾ᳚ ದೇ॒ವಾಁ ಋ॒ತಂ ಬೃ॒ಹತ್ | ಅಗ್ನೇ॒ ಯಕ್ಷಿ॒ ಸ್ವಂ ದಮಂ᳚ ||{1.5.23.5}, {1.75.5}, {1.13.2.5} |
| [76] (1-5) ಪಂಚರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 851 | ಕಾ ತ॒ ಉಪೇ᳚ತಿ॒ರ್ಮನ॑ಸೋ॒ ವರಾ᳚ಯ॒ ಭುವ॑ದಗ್ನೇ॒ ಶಂತ॑ಮಾ॒ ಕಾ ಮ॑ನೀ॒ಷಾ | ಕೋ ವಾ᳚ ಯ॒ಜ್ಞೈಃ ಪರಿ॒ ದಕ್ಷಂ᳚ ತ ಆಪ॒ ಕೇನ॑ ವಾ ತೇ॒ ಮನ॑ಸಾ ದಾಶೇಮ ||{1.5.24.1}, {1.76.1}, {1.13.3.1} |
| 852 | ಏಹ್ಯ॑ಗ್ನ ಇ॒ಹ ಹೋತಾ॒ ನಿ ಷೀ॒ದಾದ॑ಬ್ಧಃ॒ ಸು ಪು॑ರಏ॒ತಾ ಭ॑ವಾ ನಃ | ಅವ॑ತಾಂ ತ್ವಾ॒ ರೋದ॑ಸೀ ವಿಶ್ವಮಿ॒ನ್ವೇ ಯಜಾ᳚ ಮ॒ಹೇ ಸೌ᳚ಮನ॒ಸಾಯ॑ ದೇ॒ವಾನ್ ||{1.5.24.2}, {1.76.2}, {1.13.3.2} |
| 853 | ಪ್ರ ಸು ವಿಶ್ವಾ᳚ನ್ರ॒ಕ್ಷಸೋ॒ ಧಕ್ಷ್ಯ॑ಗ್ನೇ॒ ಭವಾ᳚ ಯ॒ಜ್ಞಾನಾ᳚ಮಭಿಶಸ್ತಿ॒ಪಾವಾ᳚ | ಅಥಾ ವ॑ಹ॒ ಸೋಮ॑ಪತಿಂ॒ ಹರಿ॑ಭ್ಯಾಮಾತಿ॒ಥ್ಯಮ॑ಸ್ಮೈ ಚಕೃಮಾ ಸು॒ದಾವ್ನೇ᳚ ||{1.5.24.3}, {1.76.3}, {1.13.3.3} |
| 854 | ಪ್ರ॒ಜಾವ॑ತಾ॒ ವಚ॑ಸಾ॒ ವಹ್ನಿ॑ರಾ॒ಸಾ ಚ॑ ಹು॒ವೇ ನಿ ಚ॑ ಸತ್ಸೀ॒ಹ ದೇ॒ವೈಃ | ವೇಷಿ॑ ಹೋ॒ತ್ರಮು॒ತ ಪೋ॒ತ್ರಂ ಯ॑ಜತ್ರ ಬೋ॒ಧಿ ಪ್ರ॑ಯಂತರ್ಜನಿತ॒ರ್ವಸೂ᳚ನಾಂ ||{1.5.24.4}, {1.76.4}, {1.13.3.4} |
| 855 | ಯಥಾ॒ ವಿಪ್ರ॑ಸ್ಯ॒ ಮನು॑ಷೋ ಹ॒ವಿರ್ಭಿ॑ರ್ದೇ॒ವಾಁ ಅಯ॑ಜಃ ಕ॒ವಿಭಿಃ॑ ಕ॒ವಿಃ ಸನ್ | ಏ॒ವಾ ಹೋ᳚ತಃ ಸತ್ಯತರ॒ ತ್ವಮ॒ದ್ಯಾಗ್ನೇ᳚ ಮಂ॒ದ್ರಯಾ᳚ ಜು॒ಹ್ವಾ᳚ ಯಜಸ್ವ ||{1.5.24.5}, {1.76.5}, {1.13.3.5} |
| [77] (1-5) ಪಂಚರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 856 | ಕ॒ಥಾ ದಾ᳚ಶೇಮಾ॒ಗ್ನಯೇ॒ ಕಾಸ್ಮೈ᳚ ದೇ॒ವಜು॑ಷ್ಟೋಚ್ಯತೇ ಭಾ॒ಮಿನೇ॒ ಗೀಃ | ಯೋ ಮರ್ತ್ಯೇ᳚ಷ್ವ॒ಮೃತ॑ ಋ॒ತಾವಾ॒ ಹೋತಾ॒ ಯಜಿ॑ಷ್ಠ॒ ಇತ್ಕೃ॒ಣೋತಿ॑ ದೇ॒ವಾನ್ ||{1.5.25.1}, {1.77.1}, {1.13.4.1} |
| 857 | ಯೋ ಅ॑ಧ್ವ॒ರೇಷು॒ ಶಂತ॑ಮ ಋ॒ತಾವಾ॒ ಹೋತಾ॒ ತಮೂ॒ ನಮೋ᳚ಭಿ॒ರಾ ಕೃ॑ಣುಧ್ವಂ | ಅ॒ಗ್ನಿರ್ಯದ್ವೇರ್ಮರ್ತಾ᳚ಯ ದೇ॒ವಾನ್ಸ ಚಾ॒ ಬೋಧಾ᳚ತಿ॒ ಮನ॑ಸಾ ಯಜಾತಿ ||{1.5.25.2}, {1.77.2}, {1.13.4.2} |
| 858 | ಸ ಹಿ ಕ್ರತುಃ॒ ಸ ಮರ್ಯಃ॒ ಸ ಸಾ॒ಧುರ್ಮಿ॒ತ್ರೋ ನ ಭೂ॒ದದ್ಭು॑ತಸ್ಯ ರ॒ಥೀಃ | ತಂ ಮೇಧೇ᳚ಷು ಪ್ರಥ॒ಮಂ ದೇ᳚ವ॒ಯಂತೀ॒ರ್ವಿಶ॒ ಉಪ॑ ಬ್ರುವತೇ ದ॒ಸ್ಮಮಾರೀಃ᳚ ||{1.5.25.3}, {1.77.3}, {1.13.4.3} |
| 859 | ಸ ನೋ᳚ ನೃ॒ಣಾಂ ನೃತ॑ಮೋ ರಿ॒ಶಾದಾ᳚ ಅ॒ಗ್ನಿರ್ಗಿರೋಽವ॑ಸಾ ವೇತು ಧೀ॒ತಿಂ | ತನಾ᳚ ಚ॒ ಯೇ ಮ॒ಘವಾ᳚ನಃ॒ ಶವಿ॑ಷ್ಠಾ॒ ವಾಜ॑ಪ್ರಸೂತಾ ಇ॒ಷಯಂ᳚ತ॒ ಮನ್ಮ॑ ||{1.5.25.4}, {1.77.4}, {1.13.4.4} |
| 860 | ಏ॒ವಾಗ್ನಿರ್ಗೋತ॑ಮೇಭಿರೃ॒ತಾವಾ॒ ವಿಪ್ರೇ᳚ಭಿರಸ್ತೋಷ್ಟ ಜಾ॒ತವೇ᳚ದಾಃ | ಸ ಏ᳚ಷು ದ್ಯು॒ಮ್ನಂ ಪೀ᳚ಪಯ॒ತ್ಸ ವಾಜಂ॒ ಸ ಪು॒ಷ್ಟಿಂ ಯಾ᳚ತಿ॒ ಜೋಷ॒ಮಾ ಚಿ॑ಕಿ॒ತ್ವಾನ್ ||{1.5.25.5}, {1.77.5}, {1.13.4.5} |
| [78] (1-5) ಪಂಚರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಅಗ್ನಿದೇವತಾ | ಗಾಯತ್ರೀ ಛಂದಃ || | |
| 861 | ಅ॒ಭಿ ತ್ವಾ॒ ಗೋತ॑ಮಾ ಗಿ॒ರಾ ಜಾತ॑ವೇದೋ॒ ವಿಚ॑ರ್ಷಣೇ | ದ್ಯು॒ಮ್ನೈರ॒ಭಿ ಪ್ರ ಣೋ᳚ನುಮಃ ||{1.5.26.1}, {1.78.1}, {1.13.5.1} |
| 862 | ತಮು॑ ತ್ವಾ॒ ಗೋತ॑ಮೋ ಗಿ॒ರಾ ರಾ॒ಯಸ್ಕಾ᳚ಮೋ ದುವಸ್ಯತಿ | ದ್ಯು॒ಮ್ನೈರ॒ಭಿ ಪ್ರ ಣೋ᳚ನುಮಃ ||{1.5.26.2}, {1.78.2}, {1.13.5.2} |
| 863 | ತಮು॑ ತ್ವಾ ವಾಜ॒ಸಾತ॑ಮಮಂಗಿರ॒ಸ್ವದ್ಧ॑ವಾಮಹೇ | ದ್ಯು॒ಮ್ನೈರ॒ಭಿ ಪ್ರ ಣೋ᳚ನುಮಃ ||{1.5.26.3}, {1.78.3}, {1.13.5.3} |
| 864 | ತಮು॑ ತ್ವಾ ವೃತ್ರ॒ಹಂತ॑ಮಂ॒ ಯೋ ದಸ್ಯೂಁ᳚ರವಧೂನು॒ಷೇ | ದ್ಯು॒ಮ್ನೈರ॒ಭಿ ಪ್ರ ಣೋ᳚ನುಮಃ ||{1.5.26.4}, {1.78.4}, {1.13.5.4} |
| 865 | ಅವೋ᳚ಚಾಮ॒ ರಹೂ᳚ಗಣಾ ಅ॒ಗ್ನಯೇ॒ ಮಧು॑ಮ॒ದ್ವಚಃ॑ | ದ್ಯು॒ಮ್ನೈರ॒ಭಿ ಪ್ರ ಣೋ᳚ನುಮಃ ||{1.5.26.5}, {1.78.5}, {1.13.5.5} |
| [79] (1-12) ದ್ವಾದಶರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | (1-3) ಪ್ರಥಮತೃಚಸ್ಯಾಗ್ನಿರ್ಮಧ್ಯಮೋಽಗ್ನಿರ್ವಾ (4-12) ಚತುರ್ಥ್ಯಾದಿನವರ್ಚಾಂಚಾಗ್ನಿದೇರ್ವತಾ (1-3) ಪ್ರಥಮತೃಚಸ್ಯ ತ್ರಿಷ್ಟುಪ್ (4-6) ದ್ವಿತೀಯತೃಚಸ್ಯೋಷ್ಣಿಕ್ (7-12) ತೃತೀಯಚತುರ್ಥತ್ರಚಯೋಶ್ಚ ಗಾಯತ್ರೀ ಛಂದಾಂಸಿ || | |
| 866 | ಹಿರ᳚ಣ್ಯಕೇಶೋ॒ ರಜ॑ಸೋ ವಿಸಾ॒ರೇಽಹಿ॒ರ್ಧುನಿ॒ರ್ವಾತ॑ ಇವ॒ ಧ್ರಜೀ᳚ಮಾನ್ | ಶುಚಿ॑ಭ್ರಾಜಾ ಉ॒ಷಸೋ॒ ನವೇ᳚ದಾ॒ ಯಶ॑ಸ್ವತೀರಪ॒ಸ್ಯುವೋ॒ ನ ಸ॒ತ್ಯಾಃ ||{1.5.27.1}, {1.79.1}, {1.13.6.1} |
| 867 | ಆ ತೇ᳚ ಸುಪ॒ರ್ಣಾ ಅ॑ಮಿನಂತಁ॒ ಏವೈಃ᳚ ಕೃ॒ಷ್ಣೋ ನೋ᳚ನಾವ ವೃಷ॒ಭೋ ಯದೀ॒ದಂ | ಶಿ॒ವಾಭಿ॒ರ್ನ ಸ್ಮಯ॑ಮಾನಾಭಿ॒ರಾಗಾ॒ತ್ಪತಂ᳚ತಿ॒ ಮಿಹಃ॑ ಸ್ತ॒ನಯಂ᳚ತ್ಯ॒ಭ್ರಾ ||{1.5.27.2}, {1.79.2}, {1.13.6.2} |
| 868 | ಯದೀ᳚ಮೃ॒ತಸ್ಯ॒ ಪಯ॑ಸಾ॒ ಪಿಯಾ᳚ನೋ॒ ನಯ᳚ನ್ನೃ॒ತಸ್ಯ॑ ಪ॒ಥಿಭೀ॒ ರಜಿ॑ಷ್ಠೈಃ | ಅ॒ರ್ಯ॒ಮಾ ಮಿ॒ತ್ರೋ ವರು॑ಣಃ॒ ಪರಿ॑ಜ್ಮಾ॒ ತ್ವಚಂ᳚ ಪೃಂಚಂ॒ತ್ಯುಪ॑ರಸ್ಯ॒ ಯೋನೌ᳚ ||{1.5.27.3}, {1.79.3}, {1.13.6.3} |
| 869 | ಅಗ್ನೇ॒ ವಾಜ॑ಸ್ಯ॒ ಗೋಮ॑ತ॒ ಈಶಾ᳚ನಃ ಸಹಸೋ ಯಹೋ | ಅ॒ಸ್ಮೇ ಧೇ᳚ಹಿ ಜಾತವೇದೋ॒ ಮಹಿ॒ ಶ್ರವಃ॑ ||{1.5.27.4}, {1.79.4}, {1.13.6.4} |
| 870 | ಸ ಇ॑ಧಾ॒ನೋ ವಸು॑ಷ್ಕ॒ವಿರ॒ಗ್ನಿರೀ॒ಳೇನ್ಯೋ᳚ ಗಿ॒ರಾ | ರೇ॒ವದ॒ಸ್ಮಭ್ಯಂ᳚ ಪುರ್ವಣೀಕ ದೀದಿಹಿ ||{1.5.27.5}, {1.79.5}, {1.13.6.5} |
| 871 | ಕ್ಷ॒ಪೋ ರಾ᳚ಜನ್ನು॒ತ ತ್ಮನಾಗ್ನೇ॒ ವಸ್ತೋ᳚ರು॒ತೋಷಸಃ॑ | ಸ ತಿ॑ಗ್ಮಜಂಭ ರ॒ಕ್ಷಸೋ᳚ ದಹ॒ ಪ್ರತಿ॑ ||{1.5.27.6}, {1.79.6}, {1.13.6.6} |
| 872 | ಅವಾ᳚ ನೋ ಅಗ್ನ ಊ॒ತಿಭಿ॑ರ್ಗಾಯ॒ತ್ರಸ್ಯ॒ ಪ್ರಭ᳚ರ್ಮಣಿ | ವಿಶ್ವಾ᳚ಸು ಧೀ॒ಷು ವಂ᳚ದ್ಯ ||{1.5.28.1}, {1.79.7}, {1.13.6.7} |
| 873 | ಆ ನೋ᳚ ಅಗ್ನೇ ರ॒ಯಿಂ ಭ॑ರ ಸತ್ರಾ॒ಸಾಹಂ॒ ವರೇ᳚ಣ್ಯಂ | ವಿಶ್ವಾ᳚ಸು ಪೃ॒ತ್ಸು ದು॒ಷ್ಟರಂ᳚ ||{1.5.28.2}, {1.79.8}, {1.13.6.8} |
| 874 | ಆ ನೋ᳚ ಅಗ್ನೇ ಸುಚೇ॒ತುನಾ᳚ ರ॒ಯಿಂ ವಿ॒ಶ್ವಾಯು॑ಪೋಷಸಂ | ಮಾ॒ರ್ಡೀ॒ಕಂ ಧೇ᳚ಹಿ ಜೀ॒ವಸೇ᳚ ||{1.5.28.3}, {1.79.9}, {1.13.6.9} |
| 875 | ಪ್ರ ಪೂ॒ತಾಸ್ತಿ॒ಗ್ಮಶೋ᳚ಚಿಷೇ॒ ವಾಚೋ᳚ ಗೋತಮಾ॒ಗ್ನಯೇ᳚ | ಭರ॑ಸ್ವ ಸುಮ್ನ॒ಯುರ್ಗಿರಃ॑ ||{1.5.28.4}, {1.79.10}, {1.13.6.10} |
| 876 | ಯೋ ನೋ᳚ ಅಗ್ನೇಽಭಿ॒ದಾಸ॒ತ್ಯಂತಿ॑ ದೂ॒ರೇ ಪ॑ದೀ॒ಷ್ಟ ಸಃ | ಅ॒ಸ್ಮಾಕ॒ಮಿದ್ವೃ॒ಧೇ ಭ॑ವ ||{1.5.28.5}, {1.79.11}, {1.13.6.11} |
| 877 | ಸ॒ಹ॒ಸ್ರಾ॒ಕ್ಷೋ ವಿಚ॑ರ್ಷಣಿರ॒ಗ್ನೀ ರಕ್ಷಾಂ᳚ಸಿ ಸೇಧತಿ | ಹೋತಾ᳚ ಗೃಣೀತ ಉ॒ಕ್ಥ್ಯಃ॑ ||{1.5.28.6}, {1.79.12}, {1.13.6.12} |
| [80] (1-16) ಷೋಳಶರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | (1-15) ಪ್ರಥಮಾದಿಪಂಚದಶರ್ಚಾಮಿಂದ್ರಃ (16) ಷೋಡಶ್ಯಾಶ್ಚೇಂದ್ರೋಽಥರ್ವಾ ಮನುರ್ದದ್ಯಙ್ ಚ ದೇವತಾಃ | ಪ‌ಙ್ಕ್ತಿಶ್ಛಂದಃ || | |
| 878 | ಇ॒ತ್ಥಾ ಹಿ ಸೋಮ॒ ಇನ್ಮದೇ᳚ ಬ್ರ॒ಹ್ಮಾ ಚ॒ಕಾರ॒ ವರ್ಧ॑ನಂ | ಶವಿ॑ಷ್ಠ ವಜ್ರಿ॒ನ್ನೋಜ॑ಸಾ ಪೃಥಿ॒ವ್ಯಾ ನಿಃ ಶ॑ಶಾ॒ ಅಹಿ॒ಮರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.29.1}, {1.80.1}, {1.13.7.1} |
| 879 | ಸ ತ್ವಾ᳚ಮದ॒ದ್ವೃಷಾ॒ ಮದಃ॒ ಸೋಮಃ॑ ಶ್ಯೇ॒ನಾಭೃ॑ತಃ ಸು॒ತಃ | ಯೇನಾ᳚ ವೃ॒ತ್ರಂ ನಿರ॒ದ್ಭ್ಯೋ ಜ॒ಘಂಥ॑ ವಜ್ರಿ॒ನ್ನೋಜ॒ಸಾರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.29.2}, {1.80.2}, {1.13.7.2} |
| 880 | ಪ್ರೇಹ್ಯ॒ಭೀ᳚ಹಿ ಧೃಷ್ಣು॒ಹಿ ನ ತೇ॒ ವಜ್ರೋ॒ ನಿ ಯಂ᳚ಸತೇ | ಇಂದ್ರ॑ ನೃ॒ಮ್ಣಂ ಹಿ ತೇ॒ ಶವೋ॒ ಹನೋ᳚ ವೃ॒ತ್ರಂ ಜಯಾ᳚ ಅ॒ಪೋಽರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.29.3}, {1.80.3}, {1.13.7.3} |
| 881 | ನಿರಿಂ᳚ದ್ರ॒ ಭೂಮ್ಯಾ॒ ಅಧಿ॑ ವೃ॒ತ್ರಂ ಜ॑ಘಂಥ॒ ನಿರ್ದಿ॒ವಃ | ಸೃ॒ಜಾ ಮ॒ರುತ್ವ॑ತೀ॒ರವ॑ ಜೀ॒ವಧ᳚ನ್ಯಾ ಇ॒ಮಾ ಅ॒ಪೋಽರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.29.4}, {1.80.4}, {1.13.7.4} |
| 882 | ಇಂದ್ರೋ᳚ ವೃ॒ತ್ರಸ್ಯ॒ ದೋಧ॑ತಃ॒ ಸಾನುಂ॒ ವಜ್ರೇ᳚ಣ ಹೀಳಿ॒ತಃ | ಅ॒ಭಿ॒ಕ್ರಮ್ಯಾವ॑ ಜಿಘ್ನತೇ॒ಽಪಃ ಸರ್ಮಾ᳚ಯ ಚೋ॒ದಯ॒ನ್ನರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.29.5}, {1.80.5}, {1.13.7.5} |
| 883 | ಅಧಿ॒ ಸಾನೌ॒ ನಿ ಜಿ॑ಘ್ನತೇ॒ ವಜ್ರೇ᳚ಣ ಶ॒ತಪ᳚ರ್ವಣಾ | ಮಂ॒ದಾ॒ನ ಇಂದ್ರೋ॒ ಅಂಧ॑ಸಃ॒ ಸಖಿ॑ಭ್ಯೋ ಗಾ॒ತುಮಿ॑ಚ್ಛ॒ತ್ಯರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.30.1}, {1.80.6}, {1.13.7.6} |
| 884 | ಇಂದ್ರ॒ ತುಭ್ಯ॒ಮಿದ॑ದ್ರಿ॒ವೋಽನು॑ತ್ತಂ ವಜ್ರಿನ್ವೀ॒ರ್ಯಂ᳚ | ಯದ್ಧ॒ ತ್ಯಂ ಮಾ॒ಯಿನಂ᳚ ಮೃ॒ಗಂ ತಮು॒ ತ್ವಂ ಮಾ॒ಯಯಾ᳚ವಧೀ॒ರರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.30.2}, {1.80.7}, {1.13.7.7} |
| 885 | ವಿ ತೇ॒ ವಜ್ರಾ᳚ಸೋ ಅಸ್ಥಿರನ್ನವ॒ತಿಂ ನಾ॒ವ್ಯಾ॒೩॑(ಆ॒) ಅನು॑ | ಮ॒ಹತ್ತ॑ ಇಂದ್ರ ವೀ॒ರ್ಯಂ᳚ ಬಾ॒ಹ್ವೋಸ್ತೇ॒ ಬಲಂ᳚ ಹಿ॒ತಮರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.30.3}, {1.80.8}, {1.13.7.8} |
| 886 | ಸ॒ಹಸ್ರಂ᳚ ಸಾ॒ಕಮ॑ರ್ಚತ॒ ಪರಿ॑ ಷ್ಟೋಭತ ವಿಂಶ॒ತಿಃ | ಶ॒ತೈನ॒ಮನ್ವ॑ನೋನವು॒ರಿಂದ್ರಾ᳚ಯ॒ ಬ್ರಹ್ಮೋದ್ಯ॑ತ॒ಮರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.30.4}, {1.80.9}, {1.13.7.9} |
| 887 | ಇಂದ್ರೋ᳚ ವೃ॒ತ್ರಸ್ಯ॒ ತವಿ॑ಷೀಂ॒ ನಿರ॑ಹ॒ನ್ಸಹ॑ಸಾ॒ ಸಹಃ॑ | ಮ॒ಹತ್ತದ॑ಸ್ಯ॒ ಪೌಂಸ್ಯಂ᳚ ವೃ॒ತ್ರಂ ಜ॑ಘ॒ನ್ವಾಁ ಅ॑ಸೃಜ॒ದರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.30.5}, {1.80.10}, {1.13.7.10} |
| 888 | ಇ॒ಮೇ ಚಿ॒ತ್ತವ॑ ಮ॒ನ್ಯವೇ॒ ವೇಪೇ᳚ತೇ ಭಿ॒ಯಸಾ᳚ ಮ॒ಹೀ | ಯದಿಂ᳚ದ್ರ ವಜ್ರಿ॒ನ್ನೋಜ॑ಸಾ ವೃ॒ತ್ರಂ ಮ॒ರುತ್ವಾಁ॒ ಅವ॑ಧೀ॒ರರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.31.1}, {1.80.11}, {1.13.7.11} |
| 889 | ನ ವೇಪ॑ಸಾ॒ ನ ತ᳚ನ್ಯ॒ತೇಂದ್ರಂ᳚ ವೃ॒ತ್ರೋ ವಿ ಬೀ᳚ಭಯತ್ | ಅ॒ಭ್ಯೇ᳚ನಂ॒ ವಜ್ರ॑ ಆಯ॒ಸಃ ಸ॒ಹಸ್ರ॑ಭೃಷ್ಟಿರಾಯ॒ತಾರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.31.2}, {1.80.12}, {1.13.7.12} |
| 890 | ಯದ್ವೃ॒ತ್ರಂ ತವ॑ ಚಾ॒ಶನಿಂ॒ ವಜ್ರೇ᳚ಣ ಸ॒ಮಯೋ᳚ಧಯಃ | ಅಹಿ॑ಮಿಂದ್ರ॒ ಜಿಘಾಂ᳚ಸತೋ ದಿ॒ವಿ ತೇ᳚ ಬದ್ಬಧೇ॒ ಶವೋಽರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.31.3}, {1.80.13}, {1.13.7.13} |
| 891 | ಅ॒ಭಿ॒ಷ್ಟ॒ನೇ ತೇ᳚ ಅದ್ರಿವೋ॒ ಯತ್ಸ್ಥಾ ಜಗ॑ಚ್ಚ ರೇಜತೇ | ತ್ವಷ್ಟಾ᳚ ಚಿ॒ತ್ತವ॑ ಮ॒ನ್ಯವ॒ ಇಂದ್ರ॑ ವೇವಿ॒ಜ್ಯತೇ᳚ ಭಿ॒ಯಾರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.31.4}, {1.80.14}, {1.13.7.14} |
| 892 | ನ॒ಹಿ ನು ಯಾದ॑ಧೀ॒ಮಸೀಂದ್ರಂ॒ ಕೋ ವೀ॒ರ್ಯಾ᳚ ಪ॒ರಃ | ತಸ್ಮಿ᳚ನ್ನೃ॒ಮ್ಣಮು॒ತ ಕ್ರತುಂ᳚ ದೇ॒ವಾ ಓಜಾಂ᳚ಸಿ॒ ಸಂ ದ॑ಧು॒ರರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.31.5}, {1.80.15}, {1.13.7.15} |
| 893 | ಯಾಮಥ᳚ರ್ವಾ॒ ಮನು॑ಷ್ಪಿ॒ತಾ ದ॒ಧ್ಯಙ್ಧಿಯ॒ಮತ್ನ॑ತ | ತಸ್ಮಿ॒ನ್ಬ್ರಹ್ಮಾ᳚ಣಿ ಪೂ॒ರ್ವಥೇಂದ್ರ॑ ಉ॒ಕ್ಥಾ ಸಮ॑ಗ್ಮ॒ತಾರ್ಚ॒ನ್ನನು॑ ಸ್ವ॒ರಾಜ್ಯಂ᳚ ||{1.5.31.6}, {1.80.16}, {1.13.7.16} |
| [81] (1-9) ನವರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಇಂದ್ರೋ ದೇವತಾ | ಪ‌ಙ್ಕ್ತಿಶ್ಛಂದಃ || | |
| 894 | ಇಂದ್ರೋ॒ ಮದಾ᳚ಯ ವಾವೃಧೇ॒ ಶವ॑ಸೇ ವೃತ್ರ॒ಹಾ ನೃಭಿಃ॑ | ತಮಿನ್ಮ॒ಹತ್ಸ್ವಾ॒ಜಿಷೂ॒ತೇಮರ್ಭೇ᳚ ಹವಾಮಹೇ॒ ಸ ವಾಜೇ᳚ಷು॒ ಪ್ರ ನೋ᳚ಽವಿಷತ್ ||{1.6.1.1}, {1.81.1}, {1.13.8.1} |
| 895 | ಅಸಿ॒ ಹಿ ವೀ᳚ರ॒ ಸೇನ್ಯೋಽಸಿ॒ ಭೂರಿ॑ ಪರಾದ॒ದಿಃ | ಅಸಿ॑ ದ॒ಭ್ರಸ್ಯ॑ ಚಿದ್ವೃ॒ಧೋ ಯಜ॑ಮಾನಾಯ ಶಿಕ್ಷಸಿ ಸುನ್ವ॒ತೇ ಭೂರಿ॑ ತೇ॒ ವಸು॑ ||{1.6.1.2}, {1.81.2}, {1.13.8.2} |
| 896 | ಯದು॒ದೀರ॑ತ ಆ॒ಜಯೋ᳚ ಧೃ॒ಷ್ಣವೇ᳚ ಧೀಯತೇ॒ ಧನಾ᳚ | ಯು॒ಕ್ಷ್ವಾ ಮ॑ದ॒ಚ್ಯುತಾ॒ ಹರೀ॒ ಕಂ ಹನಃ॒ ಕಂ ವಸೌ᳚ ದಧೋ॒ಽಸ್ಮಾಁ ಇಂ᳚ದ್ರ॒ ವಸೌ᳚ ದಧಃ ||{1.6.1.3}, {1.81.3}, {1.13.8.3} |
| 897 | ಕ್ರತ್ವಾ᳚ ಮ॒ಹಾಁ ಅ॑ನುಷ್ವ॒ಧಂ ಭೀ॒ಮ ಆ ವಾ᳚ವೃಧೇ॒ ಶವಃ॑ | ಶ್ರಿ॒ಯ ಋ॒ಷ್ವ ಉ॑ಪಾ॒ಕಯೋ॒ರ್ನಿ ಶಿ॒ಪ್ರೀ ಹರಿ॑ವಾಂದಧೇ॒ ಹಸ್ತ॑ಯೋ॒ರ್ವಜ್ರ॑ಮಾಯ॒ಸಂ ||{1.6.1.4}, {1.81.4}, {1.13.8.4} |
| 898 | ಆ ಪ॑ಪ್ರೌ॒ ಪಾರ್ಥಿ॑ವಂ॒ ರಜೋ᳚ ಬದ್ಬ॒ಧೇ ರೋ᳚ಚ॒ನಾ ದಿ॒ವಿ | ನ ತ್ವಾವಾಁ᳚ ಇಂದ್ರ॒ ಕಶ್ಚ॒ನ ನ ಜಾ॒ತೋ ನ ಜ॑ನಿಷ್ಯ॒ತೇಽತಿ॒ ವಿಶ್ವಂ᳚ ವವಕ್ಷಿಥ ||{1.6.1.5}, {1.81.5}, {1.13.8.5} |
| 899 | ಯೋ ಅ॒ರ್ಯೋ ಮ॑ರ್ತ॒ಭೋಜ॑ನಂ ಪರಾ॒ದದಾ᳚ತಿ ದಾ॒ಶುಷೇ᳚ | ಇಂದ್ರೋ᳚ ಅ॒ಸ್ಮಭ್ಯಂ᳚ ಶಿಕ್ಷತು॒ ವಿ ಭ॑ಜಾ॒ ಭೂರಿ॑ ತೇ॒ ವಸು॑ ಭಕ್ಷೀ॒ಯ ತವ॒ ರಾಧ॑ಸಃ ||{1.6.2.1}, {1.81.6}, {1.13.8.6} |
| 900 | ಮದೇ᳚ಮದೇ॒ ಹಿ ನೋ᳚ ದ॒ದಿರ್ಯೂ॒ಥಾ ಗವಾ᳚ಮೃಜು॒ಕ್ರತುಃ॑ | ಸಂ ಗೃ॑ಭಾಯ ಪು॒ರೂ ಶ॒ತೋಭ॑ಯಾಹ॒ಸ್ತ್ಯಾ ವಸು॑ ಶಿಶೀ॒ಹಿ ರಾ॒ಯ ಆ ಭ॑ರ ||{1.6.2.2}, {1.81.7}, {1.13.8.7} |
| 901 | ಮಾ॒ದಯ॑ಸ್ವ ಸು॒ತೇ ಸಚಾ॒ ಶವ॑ಸೇ ಶೂರ॒ ರಾಧ॑ಸೇ | ವಿ॒ದ್ಮಾ ಹಿ ತ್ವಾ᳚ ಪುರೂ॒ವಸು॒ಮುಪ॒ ಕಾಮಾ᳚ನ್ಸಸೃ॒ಜ್ಮಹೇಽಥಾ᳚ ನೋಽವಿ॒ತಾ ಭ॑ವ ||{1.6.2.3}, {1.81.8}, {1.13.8.8} |
| 902 | ಏ॒ತೇ ತ॑ ಇಂದ್ರ ಜಂ॒ತವೋ॒ ವಿಶ್ವಂ᳚ ಪುಷ್ಯಂತಿ॒ ವಾರ್ಯಂ᳚ | ಅಂ॒ತರ್ಹಿ ಖ್ಯೋ ಜನಾ᳚ನಾಮ॒ರ್ಯೋ ವೇದೋ॒ ಅದಾ᳚ಶುಷಾಂ॒ ತೇಷಾಂ᳚ ನೋ॒ ವೇದ॒ ಆ ಭ॑ರ ||{1.6.2.4}, {1.81.9}, {1.13.8.9} |
| [82] (1-6) ಷಳೃರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಇಂದ್ರೋ ದೇವತಾ | (1-5) ಪ್ರಥಮಾದಿಪಂಚರ್ಚಾಂ ಪ‌ಙ್ಕ್ತಿಃ (6) ಷಷ್ಠ್ಯಾಶ್ಚ ಜಗತೀ ಛಂದಸೀ || | |
| 903 | ಉಪೋ॒ ಷು ಶೃ॑ಣು॒ಹೀ ಗಿರೋ॒ ಮಘ॑ವ॒ನ್ಮಾತ॑ಥಾ ಇವ | ಯ॒ದಾ ನಃ॑ ಸೂ॒ನೃತಾ᳚ವತಃ॒ ಕರ॒ ಆದ॒ರ್ಥಯಾ᳚ಸ॒ ಇದ್ಯೋಜಾ॒ ನ್ವಿಂ᳚ದ್ರ ತೇ॒ ಹರೀ᳚ ||{1.6.3.1}, {1.82.1}, {1.13.9.1} |
| 904 | ಅಕ್ಷ॒ನ್ನಮೀ᳚ಮದಂತ॒ ಹ್ಯವ॑ ಪ್ರಿ॒ಯಾ ಅ॑ಧೂಷತ | ಅಸ್ತೋ᳚ಷತ॒ ಸ್ವಭಾ᳚ನವೋ॒ ವಿಪ್ರಾ॒ ನವಿ॑ಷ್ಠಯಾ ಮ॒ತೀ ಯೋಜಾ॒ ನ್ವಿಂ᳚ದ್ರ ತೇ॒ ಹರೀ᳚ ||{1.6.3.2}, {1.82.2}, {1.13.9.2} |
| 905 | ಸು॒ಸಂ॒ದೃಶಂ᳚ ತ್ವಾ ವ॒ಯಂ ಮಘ॑ವನ್ವಂದಿಷೀ॒ಮಹಿ॑ | ಪ್ರ ನೂ॒ನಂ ಪೂ॒ರ್ಣವಂ᳚ಧುರಃ ಸ್ತು॒ತೋ ಯಾ᳚ಹಿ॒ ವಶಾಁ॒ ಅನು॒ ಯೋಜಾ॒ ನ್ವಿಂ᳚ದ್ರ ತೇ॒ ಹರೀ᳚ ||{1.6.3.3}, {1.82.3}, {1.13.9.3} |
| 906 | ಸ ಘಾ॒ ತಂ ವೃಷ॑ಣಂ॒ ರಥ॒ಮಧಿ॑ ತಿಷ್ಠಾತಿ ಗೋ॒ವಿದಂ᳚ | ಯಃ ಪಾತ್ರಂ᳚ ಹಾರಿಯೋಜ॒ನಂ ಪೂ॒ರ್ಣಮಿಂ᳚ದ್ರ॒ ಚಿಕೇ᳚ತತಿ॒ ಯೋಜಾ॒ ನ್ವಿಂ᳚ದ್ರ ತೇ॒ ಹರೀ᳚ ||{1.6.3.4}, {1.82.4}, {1.13.9.4} |
| 907 | ಯು॒ಕ್ತಸ್ತೇ᳚ ಅಸ್ತು॒ ದಕ್ಷಿ॑ಣ ಉ॒ತ ಸ॒ವ್ಯಃ ಶ॑ತಕ್ರತೋ | ತೇನ॑ ಜಾ॒ಯಾಮುಪ॑ ಪ್ರಿ॒ಯಾಂ ಮಂ᳚ದಾ॒ನೋ ಯಾ॒ಹ್ಯಂಧ॑ಸೋ॒ ಯೋಜಾ॒ ನ್ವಿಂ᳚ದ್ರ ತೇ॒ ಹರೀ᳚ ||{1.6.3.5}, {1.82.5}, {1.13.9.5} |
| 908 | ಯು॒ನಜ್ಮಿ॑ ತೇ॒ ಬ್ರಹ್ಮ॑ಣಾ ಕೇ॒ಶಿನಾ॒ ಹರೀ॒ ಉಪ॒ ಪ್ರ ಯಾ᳚ಹಿ ದಧಿ॒ಷೇ ಗಭ॑ಸ್ತ್ಯೋಃ | ಉತ್ತ್ವಾ᳚ ಸು॒ತಾಸೋ᳚ ರಭ॒ಸಾ ಅ॑ಮಂದಿಷುಃ ಪೂಷ॒ಣ್ವಾನ್ವ॑ಜ್ರಿ॒ನ್ಸಮು॒ ಪತ್ನ್ಯಾ᳚ಮದಃ ||{1.6.3.6}, {1.82.6}, {1.13.9.6} |
| [83] (1-6) ಷಳೃರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಇಂದ್ರೋ ದೇವತಾ | ಜಗತೀ ಛಂದಃ || | |
| 909 | ಅಶ್ವಾ᳚ವತಿ ಪ್ರಥ॒ಮೋ ಗೋಷು॑ ಗಚ್ಛತಿ ಸುಪ್ರಾ॒ವೀರಿಂ᳚ದ್ರ॒ ಮರ್ತ್ಯ॒ಸ್ತವೋ॒ತಿಭಿಃ॑ | ತಮಿತ್ಪೃ॑ಣಕ್ಷಿ॒ ವಸು॑ನಾ॒ ಭವೀ᳚ಯಸಾ॒ ಸಿಂಧು॒ಮಾಪೋ॒ ಯಥಾ॒ಭಿತೋ॒ ವಿಚೇ᳚ತಸಃ ||{1.6.4.1}, {1.83.1}, {1.13.10.1} |
| 910 | ಆಪೋ॒ ನ ದೇ॒ವೀರುಪ॑ ಯಂತಿ ಹೋ॒ತ್ರಿಯ॑ಮ॒ವಃ ಪ॑ಶ್ಯಂತಿ॒ ವಿತ॑ತಂ॒ ಯಥಾ॒ ರಜಃ॑ | ಪ್ರಾ॒ಚೈರ್ದೇ॒ವಾಸಃ॒ ಪ್ರ ಣ॑ಯಂತಿ ದೇವ॒ಯುಂ ಬ್ರ᳚ಹ್ಮ॒ಪ್ರಿಯಂ᳚ ಜೋಷಯಂತೇ ವ॒ರಾ ಇ॑ವ ||{1.6.4.2}, {1.83.2}, {1.13.10.2} |
| 911 | ಅಧಿ॒ ದ್ವಯೋ᳚ರದಧಾ ಉ॒ಕ್ಥ್ಯ೧॑(ಅ॒) ಅಂವಚೋ᳚ ಯ॒ತಸ್ರು॑ಚಾ ಮಿಥು॒ನಾ ಯಾ ಸ॑ಪ॒ರ್ಯತಃ॑ | ಅಸಂ᳚ಯತ್ತೋ ವ್ರ॒ತೇ ತೇ᳚ ಕ್ಷೇತಿ॒ ಪುಷ್ಯ॑ತಿ ಭ॒ದ್ರಾ ಶ॒ಕ್ತಿರ್ಯಜ॑ಮಾನಾಯ ಸುನ್ವ॒ತೇ ||{1.6.4.3}, {1.83.3}, {1.13.10.3} |
| 912 | ಆದಂಗಿ॑ರಾಃ ಪ್ರಥ॒ಮಂ ದ॑ಧಿರೇ॒ ವಯ॑ ಇ॒ದ್ಧಾಗ್ನ॑ಯಃ॒ ಶಮ್ಯಾ॒ ಯೇ ಸು॑ಕೃ॒ತ್ಯಯಾ᳚ | ಸರ್ವಂ᳚ ಪ॒ಣೇಃ ಸಮ॑ವಿಂದಂತ॒ ಭೋಜ॑ನ॒ಮಶ್ವಾ᳚ವಂತಂ॒ ಗೋಮಂ᳚ತ॒ಮಾ ಪ॒ಶುಂ ನರಃ॑ ||{1.6.4.4}, {1.83.4}, {1.13.10.4} |
| 913 | ಯ॒ಜ್ಞೈರಥ᳚ರ್ವಾ ಪ್ರಥ॒ಮಃ ಪ॒ಥಸ್ತ॑ತೇ॒ ತತಃ॒ ಸೂರ್ಯೋ᳚ ವ್ರತ॒ಪಾ ವೇ॒ನ ಆಜ॑ನಿ | ಆ ಗಾ ಆ᳚ಜದು॒ಶನಾ᳚ ಕಾ॒ವ್ಯಃ ಸಚಾ᳚ ಯ॒ಮಸ್ಯ॑ ಜಾ॒ತಮ॒ಮೃತಂ᳚ ಯಜಾಮಹೇ ||{1.6.4.5}, {1.83.5}, {1.13.10.5} |
| 914 | ಬ॒ರ್ಹಿರ್ವಾ॒ ಯತ್ಸ್ವ॑ಪ॒ತ್ಯಾಯ॑ ವೃ॒ಜ್ಯತೇ॒ಽರ್ಕೋ ವಾ॒ ಶ್ಲೋಕ॑ಮಾ॒ಘೋಷ॑ತೇ ದಿ॒ವಿ | ಗ್ರಾವಾ॒ ಯತ್ರ॒ ವದ॑ತಿ ಕಾ॒ರುರು॒ಕ್ಥ್ಯ೧॑(ಅ॒)ಸ್ತಸ್ಯೇದಿಂದ್ರೋ᳚ ಅಭಿಪಿ॒ತ್ವೇಷು॑ ರಣ್ಯತಿ ||{1.6.4.6}, {1.83.6}, {1.13.10.6} |
| [84] (1-20) ವಿಂಶತ್ಯೃಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಇಂದ್ರೋ ದೇವತಾ | (1-6) ಪ್ರಥಮದ್ವಿತೀಯತೃಚಯೋರನುಷ್ಟುಪ್ (7-9) ತೃತೀಯತೃಚಸ್ಯೋಷ್ಣಿಕ್ (10-12) ಚತುಥರ್ತ್ರಚಸ್ಯ ಪ‌ಙ್ಕ್ತಿಃ (13-15) ಪಂಚಮತೃಚಸ್ಯ ಗಾಯತ್ರೀ (16-18) ಷಷ್ಠತೃಚಸ್ಯ ತ್ರಿಷ್ಟುಪ್ (19-20) ಏಕೋನವಿಂಶ್ಯಾ ವಿಂಶ್ಯಾಶ್ಚ ಪ್ರಗಾಥಃ (ವಿಷಮಾಯಾ ಬೃಹತೀ, ಸಮಾಯಾಃ ಸತೋಬೃಹತೀ) ಛಂದಾಂಸಿ || | |
| 915 | ಅಸಾ᳚ವಿ॒ ಸೋಮ॑ ಇಂದ್ರ ತೇ॒ ಶವಿ॑ಷ್ಠ ಧೃಷ್ಣ॒ವಾ ಗ॑ಹಿ | ಆ ತ್ವಾ᳚ ಪೃಣಕ್ತ್ವಿಂದ್ರಿ॒ಯಂ ರಜಃ॒ ಸೂರ್ಯೋ॒ ನ ರ॒ಶ್ಮಿಭಿಃ॑ ||{1.6.5.1}, {1.84.1}, {1.13.11.1} |
| 916 | ಇಂದ್ರ॒ಮಿದ್ಧರೀ᳚ ವಹ॒ತೋಽಪ್ರ॑ತಿಧೃಷ್ಟಶವಸಂ | ಋಷೀ᳚ಣಾಂ ಚ ಸ್ತು॒ತೀರುಪ॑ ಯ॒ಜ್ಞಂ ಚ॒ ಮಾನು॑ಷಾಣಾಂ ||{1.6.5.2}, {1.84.2}, {1.13.11.2} |
| 917 | ಆ ತಿ॑ಷ್ಠ ವೃತ್ರಹ॒ನ್ರಥಂ᳚ ಯು॒ಕ್ತಾ ತೇ॒ ಬ್ರಹ್ಮ॑ಣಾ॒ ಹರೀ᳚ | ಅ॒ರ್ವಾ॒ಚೀನಂ॒ ಸು ತೇ॒ ಮನೋ॒ ಗ್ರಾವಾ᳚ ಕೃಣೋತು ವ॒ಗ್ನುನಾ᳚ ||{1.6.5.3}, {1.84.3}, {1.13.11.3} |
| 918 | ಇ॒ಮಮಿಂ᳚ದ್ರ ಸು॒ತಂ ಪಿ॑ಬ॒ ಜ್ಯೇಷ್ಠ॒ಮಮ॑ರ್ತ್ಯಂ॒ ಮದಂ᳚ | ಶು॒ಕ್ರಸ್ಯ॑ ತ್ವಾ॒ಭ್ಯ॑ಕ್ಷರಂ॒ಧಾರಾ᳚ ಋ॒ತಸ್ಯ॒ ಸಾದ॑ನೇ ||{1.6.5.4}, {1.84.4}, {1.13.11.4} |
| 919 | ಇಂದ್ರಾ᳚ಯ ನೂ॒ನಮ॑ರ್ಚತೋ॒ಕ್ಥಾನಿ॑ ಚ ಬ್ರವೀತನ | ಸು॒ತಾ ಅ॑ಮತ್ಸು॒ರಿಂದ॑ವೋ॒ ಜ್ಯೇಷ್ಠಂ᳚ ನಮಸ್ಯತಾ॒ ಸಹಃ॑ ||{1.6.5.5}, {1.84.5}, {1.13.11.5} |
| 920 | ನಕಿ॒ಷ್ಟ್ವದ್ರ॒ಥೀತ॑ರೋ॒ ಹರೀ॒ ಯದಿಂ᳚ದ್ರ॒ ಯಚ್ಛ॑ಸೇ | ನಕಿ॒ಷ್ಟ್ವಾನು॑ ಮ॒ಜ್ಮನಾ॒ ನಕಿಃ॒ ಸ್ವಶ್ವ॑ ಆನಶೇ ||{1.6.6.1}, {1.84.6}, {1.13.11.6} |
| 921 | ಯ ಏಕ॒ ಇದ್ವಿ॒ದಯ॑ತೇ॒ ವಸು॒ ಮರ್ತಾ᳚ಯ ದಾ॒ಶುಷೇ᳚ | ಈಶಾ᳚ನೋ॒ ಅಪ್ರ॑ತಿಷ್ಕುತ॒ ಇಂದ್ರೋ᳚ ಅಂ॒ಗ ||{1.6.6.2}, {1.84.7}, {1.13.11.7} |
| 922 | ಕ॒ದಾ ಮರ್ತ॑ಮರಾ॒ಧಸಂ᳚ ಪ॒ದಾ ಕ್ಷುಂಪ॑ಮಿವ ಸ್ಫುರತ್ | ಕ॒ದಾ ನಃ॑ ಶುಶ್ರವ॒ದ್ಗಿರ॒ ಇಂದ್ರೋ᳚ ಅಂ॒ಗ ||{1.6.6.3}, {1.84.8}, {1.13.11.8} |
| 923 | ಯಶ್ಚಿ॒ದ್ಧಿ ತ್ವಾ᳚ ಬ॒ಹುಭ್ಯ॒ ಆ ಸು॒ತಾವಾಁ᳚ ಆ॒ವಿವಾ᳚ಸತಿ | ಉ॒ಗ್ರಂ ತತ್ಪ॑ತ್ಯತೇ॒ ಶವ॒ ಇಂದ್ರೋ᳚ ಅಂ॒ಗ ||{1.6.6.4}, {1.84.9}, {1.13.11.9} |
| 924 | ಸ್ವಾ॒ದೋರಿ॒ತ್ಥಾ ವಿ॑ಷೂ॒ವತೋ॒ ಮಧ್ವಃ॑ ಪಿಬಂತಿ ಗೌ॒ರ್ಯಃ॑ | ಯಾ ಇಂದ್ರೇ᳚ಣ ಸ॒ಯಾವ॑ರೀ॒ರ್ವೃಷ್ಣಾ॒ ಮದಂ᳚ತಿ ಶೋ॒ಭಸೇ॒ ವಸ್ವೀ॒ರನು॑ ಸ್ವ॒ರಾಜ್ಯಂ᳚ ||{1.6.6.5}, {1.84.10}, {1.13.11.10} |
| 925 | ತಾ ಅ॑ಸ್ಯ ಪೃಶನಾ॒ಯುವಃ॒ ಸೋಮಂ᳚ ಶ್ರೀಣಂತಿ॒ ಪೃಶ್ನ॑ಯಃ | ಪ್ರಿ॒ಯಾ ಇಂದ್ರ॑ಸ್ಯ ಧೇ॒ನವೋ॒ ವಜ್ರಂ᳚ ಹಿನ್ವಂತಿ॒ ಸಾಯ॑ಕಂ॒ ವಸ್ವೀ॒ರನು॑ ಸ್ವ॒ರಾಜ್ಯಂ᳚ ||{1.6.7.1}, {1.84.11}, {1.13.11.11} |
| 926 | ತಾ ಅ॑ಸ್ಯ॒ ನಮ॑ಸಾ॒ ಸಹಃ॑ ಸಪ॒ರ್ಯಂತಿ॒ ಪ್ರಚೇ᳚ತಸಃ | ವ್ರ॒ತಾನ್ಯ॑ಸ್ಯ ಸಶ್ಚಿರೇ ಪು॒ರೂಣಿ॑ ಪೂ॒ರ್ವಚಿ॑ತ್ತಯೇ॒ ವಸ್ವೀ॒ರನು॑ ಸ್ವ॒ರಾಜ್ಯಂ᳚ ||{1.6.7.2}, {1.84.12}, {1.13.11.12} |
| 927 | ಇಂದ್ರೋ᳚ ದಧೀ॒ಚೋ ಅ॒ಸ್ಥಭಿ᳚ರ್ವೃ॒ತ್ರಾಣ್ಯಪ್ರ॑ತಿಷ್ಕುತಃ | ಜ॒ಘಾನ॑ ನವ॒ತೀರ್ನವ॑ ||{1.6.7.3}, {1.84.13}, {1.13.11.13} |
| 928 | ಇ॒ಚ್ಛನ್ನಶ್ವ॑ಸ್ಯ॒ ಯಚ್ಛಿರಃ॒ ಪರ್ವ॑ತೇ॒ಷ್ವಪ॑ಶ್ರಿತಂ | ತದ್ವಿ॑ದಚ್ಛರ್ಯ॒ಣಾವ॑ತಿ ||{1.6.7.4}, {1.84.14}, {1.13.11.14} |
| 929 | ಅತ್ರಾಹ॒ ಗೋರ॑ಮನ್ವತ॒ ನಾಮ॒ ತ್ವಷ್ಟು॑ರಪೀ॒ಚ್ಯಂ᳚ | ಇ॒ತ್ಥಾ ಚಂ॒ದ್ರಮ॑ಸೋ ಗೃ॒ಹೇ ||{1.6.7.5}, {1.84.15}, {1.13.11.15} |
| 930 | ಕೋ ಅ॒ದ್ಯ ಯುಂ᳚ಕ್ತೇ ಧು॒ರಿ ಗಾ ಋ॒ತಸ್ಯ॒ ಶಿಮೀ᳚ವತೋ ಭಾ॒ಮಿನೋ᳚ ದುರ್ಹೃಣಾ॒ಯೂನ್ | ಆ॒ಸನ್ನಿ॑ಷೂನ್ಹೃ॒ತ್ಸ್ವಸೋ᳚ ಮಯೋ॒ಭೂನ್ಯ ಏ᳚ಷಾಂ ಭೃ॒ತ್ಯಾಮೃ॒ಣಧ॒ತ್ಸ ಜೀ᳚ವಾತ್ ||{1.6.8.1}, {1.84.16}, {1.13.11.16} |
| 931 | ಕ ಈ᳚ಷತೇ ತು॒ಜ್ಯತೇ॒ ಕೋ ಬಿ॑ಭಾಯ॒ ಕೋ ಮಂ᳚ಸತೇ॒ ಸಂತ॒ಮಿಂದ್ರಂ॒ ಕೋ ಅಂತಿ॑ | ಕಸ್ತೋ॒ಕಾಯ॒ ಕ ಇಭಾ᳚ಯೋ॒ತ ರಾ॒ಯೇಽಧಿ॑ ಬ್ರವತ್ತ॒ನ್ವೇ॒೩॑(ಏ॒) ಕೋ ಜನಾ᳚ಯ ||{1.6.8.2}, {1.84.17}, {1.13.11.17} |
| 932 | ಕೋ ಅ॒ಗ್ನಿಮೀ᳚ಟ್ಟೇ ಹ॒ವಿಷಾ᳚ ಘೃ॒ತೇನ॑ ಸ್ರು॒ಚಾ ಯ॑ಜಾತಾ ಋ॒ತುಭಿ॑ರ್ಧ್ರು॒ವೇಭಿಃ॑ | ಕಸ್ಮೈ᳚ ದೇ॒ವಾ ಆ ವ॑ಹಾನಾ॒ಶು ಹೋಮ॒ ಕೋ ಮಂ᳚ಸತೇ ವೀ॒ತಿಹೋ᳚ತ್ರಃ ಸುದೇ॒ವಃ ||{1.6.8.3}, {1.84.18}, {1.13.11.18} |
| 933 | ತ್ವಮಂ॒ಗ ಪ್ರ ಶಂ᳚ಸಿಷೋ ದೇ॒ವಃ ಶ॑ವಿಷ್ಠ॒ ಮರ್ತ್ಯಂ᳚ | ನ ತ್ವದ॒ನ್ಯೋ ಮ॑ಘವನ್ನಸ್ತಿ ಮರ್ಡಿ॒ತೇಂದ್ರ॒ ಬ್ರವೀ᳚ಮಿ ತೇ॒ ವಚಃ॑ ||{1.6.8.4}, {1.84.19}, {1.13.11.19} |
| 934 | ಮಾ ತೇ॒ ರಾಧಾಂ᳚ಸಿ॒ ಮಾ ತ॑ ಊ॒ತಯೋ᳚ ವಸೋ॒ಽಸ್ಮಾನ್ಕದಾ᳚ ಚ॒ನಾ ದ॑ಭನ್ | ವಿಶ್ವಾ᳚ ಚ ನ ಉಪಮಿಮೀ॒ಹಿ ಮಾ᳚ನುಷ॒ ವಸೂ᳚ನಿ ಚರ್ಷ॒ಣಿಭ್ಯ॒ ಆ ||{1.6.8.5}, {1.84.20}, {1.13.11.20} |
| [85] (1-12) ದ್ವಾದಶರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಮರುತೋ ದೇವತಾಃ | (1-4, 6-11) ಪ್ರಥಮಾದಿಚತುರ್‌ಋಚಾಂ ಷಷ್ಠ್ಯಾದಿಷಣ್ಣಾಂಚ ಜಗತೀ (5, 12) ಪಂಚಮೀದ್ವಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 935 | ಪ್ರ ಯೇ ಶುಂಭಂ᳚ತೇ॒ ಜನ॑ಯೋ॒ ನ ಸಪ್ತ॑ಯೋ॒ ಯಾಮ᳚ನ್ರು॒ದ್ರಸ್ಯ॑ ಸೂ॒ನವಃ॑ ಸು॒ದಂಸ॑ಸಃ | ರೋದ॑ಸೀ॒ ಹಿ ಮ॒ರುತ॑ಶ್ಚಕ್ರಿ॒ರೇ ವೃ॒ಧೇ ಮದಂ᳚ತಿ ವೀ॒ರಾ ವಿ॒ದಥೇ᳚ಷು॒ ಘೃಷ್ವ॑ಯಃ ||{1.6.9.1}, {1.85.1}, {1.14.1.1} |
| 936 | ತ ಉ॑ಕ್ಷಿ॒ತಾಸೋ᳚ ಮಹಿ॒ಮಾನ॑ಮಾಶತ ದಿ॒ವಿ ರು॒ದ್ರಾಸೋ॒ ಅಧಿ॑ ಚಕ್ರಿರೇ॒ ಸದಃ॑ | ಅರ್ಚಂ᳚ತೋ ಅ॒ರ್ಕಂ ಜ॒ನಯಂ᳚ತ ಇಂದ್ರಿ॒ಯಮಧಿ॒ ಶ್ರಿಯೋ᳚ ದಧಿರೇ॒ ಪೃಶ್ನಿ॑ಮಾತರಃ ||{1.6.9.2}, {1.85.2}, {1.14.1.2} |
| 937 | ಗೋಮಾ᳚ತರೋ॒ ಯಚ್ಛು॒ಭಯಂ᳚ತೇ ಅಂ॒ಜಿಭಿ॑ಸ್ತ॒ನೂಷು॑ ಶು॒ಭ್ರಾ ದ॑ಧಿರೇ ವಿ॒ರುಕ್ಮ॑ತಃ | ಬಾಧಂ᳚ತೇ॒ ವಿಶ್ವ॑ಮಭಿಮಾ॒ತಿನ॒ಮಪ॒ ವರ್ತ್ಮಾ᳚ನ್ಯೇಷಾ॒ಮನು॑ ರೀಯತೇ ಘೃ॒ತಂ ||{1.6.9.3}, {1.85.3}, {1.14.1.3} |
| 938 | ವಿ ಯೇ ಭ್ರಾಜಂ᳚ತೇ॒ ಸುಮ॑ಖಾಸ ಋ॒ಷ್ಟಿಭಿಃ॑ ಪ್ರಚ್ಯಾ॒ವಯಂ᳚ತೋ॒ ಅಚ್ಯು॑ತಾ ಚಿ॒ದೋಜ॑ಸಾ | ಮ॒ನೋ॒ಜುವೋ॒ ಯನ್ಮ॑ರುತೋ॒ ರಥೇ॒ಷ್ವಾ ವೃಷ᳚ವ್ರಾತಾಸಃ॒ ಪೃಷ॑ತೀ॒ರಯು॑ಗ್ಧ್ವಂ ||{1.6.9.4}, {1.85.4}, {1.14.1.4} |
| 939 | ಪ್ರ ಯದ್ರಥೇ᳚ಷು॒ ಪೃಷ॑ತೀ॒ರಯು॑ಗ್ಧ್ವಂ॒ ವಾಜೇ॒ ಅದ್ರಿಂ᳚ ಮರುತೋ ರಂ॒ಹಯಂ᳚ತಃ | ಉ॒ತಾರು॒ಷಸ್ಯ॒ ವಿ ಷ್ಯಂ᳚ತಿ॒ ಧಾರಾ॒ಶ್ಚರ್ಮೇ᳚ವೋ॒ದಭಿ॒ರ್ವ್ಯುಂ᳚ದಂತಿ॒ ಭೂಮ॑ ||{1.6.9.5}, {1.85.5}, {1.14.1.5} |
| 940 | ಆ ವೋ᳚ ವಹಂತು॒ ಸಪ್ತ॑ಯೋ ರಘು॒ಷ್ಯದೋ᳚ ರಘು॒ಪತ್ವಾ᳚ನಃ॒ ಪ್ರ ಜಿ॑ಗಾತ ಬಾ॒ಹುಭಿಃ॑ | ಸೀದ॒ತಾ ಬ॒ರ್ಹಿರು॒ರು ವಃ॒ ಸದ॑ಸ್ಕೃ॒ತಂ ಮಾ॒ದಯ॑ಧ್ವಂ ಮರುತೋ॒ ಮಧ್ವೋ॒ ಅಂಧ॑ಸಃ ||{1.6.9.6}, {1.85.6}, {1.14.1.6} |
| 941 | ತೇ᳚ಽವರ್ಧಂತ॒ ಸ್ವತ॑ವಸೋ ಮಹಿತ್ವ॒ನಾ ನಾಕಂ᳚ ತ॒ಸ್ಥುರು॒ರು ಚ॑ಕ್ರಿರೇ॒ ಸದಃ॑ | ವಿಷ್ಣು॒ರ್ಯದ್ಧಾವ॒ದ್ವೃಷ॑ಣಂ ಮದ॒ಚ್ಯುತಂ॒ ವಯೋ॒ ನ ಸೀ᳚ದ॒ನ್ನಧಿ॑ ಬ॒ರ್ಹಿಷಿ॑ ಪ್ರಿ॒ಯೇ ||{1.6.10.1}, {1.85.7}, {1.14.1.7} |
| 942 | ಶೂರಾ᳚ ಇ॒ವೇದ್ಯುಯು॑ಧಯೋ॒ ನ ಜಗ್ಮ॑ಯಃ ಶ್ರವ॒ಸ್ಯವೋ॒ ನ ಪೃತ॑ನಾಸು ಯೇತಿರೇ | ಭಯಂ᳚ತೇ॒ ವಿಶ್ವಾ॒ ಭುವ॑ನಾ ಮ॒ರುದ್ಭ್ಯೋ॒ ರಾಜಾ᳚ನ ಇವ ತ್ವೇ॒ಷಸಂ᳚ದೃಶೋ॒ ನರಃ॑ ||{1.6.10.2}, {1.85.8}, {1.14.1.8} |
| 943 | ತ್ವಷ್ಟಾ॒ ಯದ್ವಜ್ರಂ॒ ಸುಕೃ॑ತಂ ಹಿರ॒ಣ್ಯಯಂ᳚ ಸ॒ಹಸ್ರ॑ಭೃಷ್ಟಿಂ॒ ಸ್ವಪಾ॒ ಅವ॑ರ್ತಯತ್ | ಧ॒ತ್ತ ಇಂದ್ರೋ॒ ನರ್ಯಪಾಂ᳚ಸಿ॒ ಕರ್ತ॒ವೇಽಹ᳚ನ್ವೃ॒ತ್ರಂ ನಿರ॒ಪಾಮೌ᳚ಬ್ಜದರ್ಣ॒ವಂ ||{1.6.10.3}, {1.85.9}, {1.14.1.9} |
| 944 | ಊ॒ರ್ಧ್ವಂ ನು॑ನುದ್ರೇಽವ॒ತಂ ತ ಓಜ॑ಸಾ ದಾದೃಹಾ॒ಣಂ ಚಿ॑ದ್ಬಿಭಿದು॒ರ್ವಿ ಪರ್ವ॑ತಂ | ಧಮಂ᳚ತೋ ವಾ॒ಣಂ ಮ॒ರುತಃ॑ ಸು॒ದಾನ॑ವೋ॒ ಮದೇ॒ ಸೋಮ॑ಸ್ಯ॒ ರಣ್ಯಾ᳚ನಿ ಚಕ್ರಿರೇ ||{1.6.10.4}, {1.85.10}, {1.14.1.10} |
| 945 | ಜಿ॒ಹ್ಮಂ ನು॑ನುದ್ರೇಽವ॒ತಂ ತಯಾ᳚ ದಿ॒ಶಾಸಿಂ᳚ಚ॒ನ್ನುತ್ಸಂ॒ ಗೋತ॑ಮಾಯ ತೃ॒ಷ್ಣಜೇ᳚ | ಆ ಗ॑ಚ್ಛಂತೀ॒ಮವ॑ಸಾ ಚಿ॒ತ್ರಭಾ᳚ನವಃ॒ ಕಾಮಂ॒ ವಿಪ್ರ॑ಸ್ಯ ತರ್ಪಯಂತ॒ ಧಾಮ॑ಭಿಃ ||{1.6.10.5}, {1.85.11}, {1.14.1.11} |
| 946 | ಯಾ ವಃ॒ ಶರ್ಮ॑ ಶಶಮಾ॒ನಾಯ॒ ಸಂತಿ॑ ತ್ರಿ॒ಧಾತೂ᳚ನಿ ದಾ॒ಶುಷೇ᳚ ಯಚ್ಛ॒ತಾಧಿ॑ | ಅ॒ಸ್ಮಭ್ಯಂ॒ ತಾನಿ॑ ಮರುತೋ॒ ವಿ ಯಂ᳚ತ ರ॒ಯಿಂ ನೋ᳚ ಧತ್ತ ವೃಷಣಃ ಸು॒ವೀರಂ᳚ ||{1.6.10.6}, {1.85.12}, {1.14.1.12} |
| [86] (1-10) ದಶರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಮರುತೋ ದೇವತಾಃ | ಗಾಯತ್ರೀ ಛಂದಃ || | |
| 947 | ಮರು॑ತೋ॒ ಯಸ್ಯ॒ ಹಿ ಕ್ಷಯೇ᳚ ಪಾ॒ಥಾ ದಿ॒ವೋ ವಿ॑ಮಹಸಃ | ಸ ಸು॑ಗೋ॒ಪಾತ॑ಮೋ॒ ಜನಃ॑ ||{1.6.11.1}, {1.86.1}, {1.14.2.1} |
| 948 | ಯ॒ಜ್ಞೈರ್ವಾ᳚ ಯಜ್ಞವಾಹಸೋ॒ ವಿಪ್ರ॑ಸ್ಯ ವಾ ಮತೀ॒ನಾಂ | ಮರು॑ತಃ ಶೃಣು॒ತಾ ಹವಂ᳚ ||{1.6.11.2}, {1.86.2}, {1.14.2.2} |
| 949 | ಉ॒ತ ವಾ॒ ಯಸ್ಯ॑ ವಾ॒ಜಿನೋಽನು॒ ವಿಪ್ರ॒ಮತ॑ಕ್ಷತ | ಸ ಗಂತಾ॒ ಗೋಮ॑ತಿ ವ್ರ॒ಜೇ ||{1.6.11.3}, {1.86.3}, {1.14.2.3} |
| 950 | ಅ॒ಸ್ಯ ವೀ॒ರಸ್ಯ॑ ಬ॒ರ್ಹಿಷಿ॑ ಸು॒ತಃ ಸೋಮೋ॒ ದಿವಿ॑ಷ್ಟಿಷು | ಉ॒ಕ್ಥಂ ಮದ॑ಶ್ಚ ಶಸ್ಯತೇ ||{1.6.11.4}, {1.86.4}, {1.14.2.4} |
| 951 | ಅ॒ಸ್ಯ ಶ್ರೋ᳚ಷಂ॒ತ್ವಾ ಭುವೋ॒ ವಿಶ್ವಾ॒ ಯಶ್ಚ॑ರ್ಷ॒ಣೀರ॒ಭಿ | ಸೂರಂ᳚ ಚಿತ್ಸ॒ಸ್ರುಷೀ॒ರಿಷಃ॑ ||{1.6.11.5}, {1.86.5}, {1.14.2.5} |
| 952 | ಪೂ॒ರ್ವೀಭಿ॒ರ್ಹಿ ದ॑ದಾಶಿ॒ಮ ಶ॒ರದ್ಭಿ᳚ರ್ಮರುತೋ ವ॒ಯಂ | ಅವೋ᳚ಭಿಶ್ಚರ್ಷಣೀ॒ನಾಂ ||{1.6.12.1}, {1.86.6}, {1.14.2.6} |
| 953 | ಸು॒ಭಗಃ॒ ಸ ಪ್ರ॑ಯಜ್ಯವೋ॒ ಮರು॑ತೋ ಅಸ್ತು॒ ಮರ್ತ್ಯಃ॑ | ಯಸ್ಯ॒ ಪ್ರಯಾಂ᳚ಸಿ॒ ಪರ್ಷ॑ಥ ||{1.6.12.2}, {1.86.7}, {1.14.2.7} |
| 954 | ಶ॒ಶ॒ಮಾ॒ನಸ್ಯ॑ ವಾ ನರಃ॒ ಸ್ವೇದ॑ಸ್ಯ ಸತ್ಯಶವಸಃ | ವಿ॒ದಾ ಕಾಮ॑ಸ್ಯ॒ ವೇನ॑ತಃ ||{1.6.12.3}, {1.86.8}, {1.14.2.8} |
| 955 | ಯೂ॒ಯಂ ತತ್ಸ॑ತ್ಯಶವಸ ಆ॒ವಿಷ್ಕ॑ರ್ತ ಮಹಿತ್ವ॒ನಾ | ವಿಧ್ಯ॑ತಾ ವಿ॒ದ್ಯುತಾ॒ ರಕ್ಷಃ॑ ||{1.6.12.4}, {1.86.9}, {1.14.2.9} |
| 956 | ಗೂಹ॑ತಾ॒ ಗುಹ್ಯಂ॒ ತಮೋ॒ ವಿ ಯಾ᳚ತ॒ ವಿಶ್ವ॑ಮ॒ತ್ರಿಣಂ᳚ | ಜ್ಯೋತಿ॑ಷ್ಕರ್ತಾ॒ ಯದು॒ಶ್ಮಸಿ॑ ||{1.6.12.5}, {1.86.10}, {1.14.2.10} |
| [87] (1-6) ಷಳೃರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಮರುತೋ ದೇವತಾಃ | ಜಗತೀ ಛಂದಃ || | |
| 957 | ಪ್ರತ್ವ॑ಕ್ಷಸಃ॒ ಪ್ರತ॑ವಸೋ ವಿರ॒ಪ್ಶಿನೋಽನಾ᳚ನತಾ॒ ಅವಿ॑ಥುರಾ ಋಜೀ॒ಷಿಣಃ॑ | ಜುಷ್ಟ॑ತಮಾಸೋ॒ ನೃತ॑ಮಾಸೋ ಅಂ॒ಜಿಭಿ॒ರ್ವ್ಯಾ᳚ನಜ್ರೇ॒ ಕೇ ಚಿ॑ದು॒ಸ್ರಾ ಇ॑ವ॒ ಸ್ತೃಭಿಃ॑ ||{1.6.13.1}, {1.87.1}, {1.14.3.1} |
| 958 | ಉ॒ಪ॒ಹ್ವ॒ರೇಷು॒ ಯದಚಿ॑ಧ್ವಂ ಯ॒ಯಿಂ ವಯ॑ ಇವ ಮರುತಃ॒ ಕೇನ॑ ಚಿತ್ಪ॒ಥಾ | ಶ್ಚೋತಂ᳚ತಿ॒ ಕೋಶಾ॒ ಉಪ॑ ವೋ॒ ರಥೇ॒ಷ್ವಾ ಘೃ॒ತಮು॑ಕ್ಷತಾ॒ ಮಧು॑ವರ್ಣ॒ಮರ್ಚ॑ತೇ ||{1.6.13.2}, {1.87.2}, {1.14.3.2} |
| 959 | ಪ್ರೈಷಾ॒ಮಜ್ಮೇ᳚ಷು ವಿಥು॒ರೇವ॑ ರೇಜತೇ॒ ಭೂಮಿ॒ರ್ಯಾಮೇ᳚ಷು॒ ಯದ್ಧ॑ ಯುಂ॒ಜತೇ᳚ ಶು॒ಭೇ | ತೇ ಕ್ರೀ॒ಳಯೋ॒ ಧುನ॑ಯೋ॒ ಭ್ರಾಜ॑ದೃಷ್ಟಯಃ ಸ್ವ॒ಯಂ ಮ॑ಹಿ॒ತ್ವಂ ಪ॑ನಯಂತ॒ ಧೂತ॑ಯಃ ||{1.6.13.3}, {1.87.3}, {1.14.3.3} |
| 960 | ಸ ಹಿ ಸ್ವ॒ಸೃತ್ಪೃಷ॑ದಶ್ವೋ॒ ಯುವಾ᳚ ಗ॒ಣೋ॒೩॑(ಓ॒)ಽಯಾ ಈ᳚ಶಾ॒ನಸ್ತವಿ॑ಷೀಭಿ॒ರಾವೃ॑ತಃ | ಅಸಿ॑ ಸ॒ತ್ಯ ಋ॑ಣ॒ಯಾವಾನೇ᳚ದ್ಯೋ॒ಽಸ್ಯಾ ಧಿ॒ಯಃ ಪ್ರಾ᳚ವಿ॒ತಾಥಾ॒ ವೃಷಾ᳚ ಗ॒ಣಃ ||{1.6.13.4}, {1.87.4}, {1.14.3.4} |
| 961 | ಪಿ॒ತುಃ ಪ್ರ॒ತ್ನಸ್ಯ॒ ಜನ್ಮ॑ನಾ ವದಾಮಸಿ॒ ಸೋಮ॑ಸ್ಯ ಜಿ॒ಹ್ವಾ ಪ್ರ ಜಿ॑ಗಾತಿ॒ ಚಕ್ಷ॑ಸಾ | ಯದೀ॒ಮಿಂದ್ರಂ॒ ಶಮ್ಯೃಕ್ವಾ᳚ಣ॒ ಆಶ॒ತಾದಿನ್ನಾಮಾ᳚ನಿ ಯ॒ಜ್ಞಿಯಾ᳚ನಿ ದಧಿರೇ ||{1.6.13.5}, {1.87.5}, {1.14.3.5} |
| 962 | ಶ್ರಿ॒ಯಸೇ॒ ಕಂ ಭಾ॒ನುಭಿಃ॒ ಸಂ ಮಿ॑ಮಿಕ್ಷಿರೇ॒ ತೇ ರ॒ಶ್ಮಿಭಿ॒ಸ್ತ ಋಕ್ವ॑ಭಿಃ ಸುಖಾ॒ದಯಃ॑ | ತೇ ವಾಶೀ᳚ಮಂತ ಇ॒ಷ್ಮಿಣೋ॒ ಅಭೀ᳚ರವೋ ವಿ॒ದ್ರೇ ಪ್ರಿ॒ಯಸ್ಯ॒ ಮಾರು॑ತಸ್ಯ॒ ಧಾಮ್ನಃ॑ ||{1.6.13.6}, {1.87.6}, {1.14.3.6} |
| [88] (1-6) ಷಳೃರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಮರುತೋ ದೇವತಾಃ | (1, 6) ಪ್ರಥಮಾಷಷ್ಠ್ಯೋರ್‌ಋಚೋಃ ಪ್ರಸ್ತಾರಪ‌ಙ್ಕ್ತಿಃ (2-4) ದ್ವಿತೀಯಾದಿತೃಚಸ್ಯ ತ್ರಿಷ್ಟುಪ್ (5) ಪಂಚಮ್ಯಾಶ್ಚ ವಿರಾಡ್ರೂಪಾ ಛಂದಾಂಸಿ || | |
| 963 | ಆ ವಿ॒ದ್ಯುನ್ಮ॑ದ್ಭಿರ್ಮರುತಃ ಸ್ವ॒ರ್ಕೈ ರಥೇ᳚ಭಿರ್ಯಾತ ಋಷ್ಟಿ॒ಮದ್ಭಿ॒ರಶ್ವ॑ಪರ್ಣೈಃ | ಆ ವರ್ಷಿ॑ಷ್ಠಯಾ ನ ಇ॒ಷಾ ವಯೋ॒ ನ ಪ॑ಪ್ತತಾ ಸುಮಾಯಾಃ ||{1.6.14.1}, {1.88.1}, {1.14.4.1} |
| 964 | ತೇ᳚ಽರು॒ಣೇಭಿ॒ರ್ವರ॒ಮಾ ಪಿ॒ಶಂಗೈಃ᳚ ಶು॒ಭೇ ಕಂ ಯಾಂ᳚ತಿ ರಥ॒ತೂರ್ಭಿ॒ರಶ್ವೈಃ᳚ | ರು॒ಕ್ಮೋ ನ ಚಿ॒ತ್ರಃ ಸ್ವಧಿ॑ತೀವಾನ್ಪ॒ವ್ಯಾ ರಥ॑ಸ್ಯ ಜಂಘನಂತ॒ ಭೂಮ॑ ||{1.6.14.2}, {1.88.2}, {1.14.4.2} |
| 965 | ಶ್ರಿ॒ಯೇ ಕಂ ವೋ॒ ಅಧಿ॑ ತ॒ನೂಷು॒ ವಾಶೀ᳚ರ್ಮೇ॒ಧಾ ವನಾ॒ ನ ಕೃ॑ಣವಂತ ಊ॒ರ್ಧ್ವಾ | ಯು॒ಷ್ಮಭ್ಯಂ॒ ಕಂ ಮ॑ರುತಃ ಸುಜಾತಾಸ್ತುವಿದ್ಯು॒ಮ್ನಾಸೋ᳚ ಧನಯಂತೇ॒ ಅದ್ರಿಂ᳚ ||{1.6.14.3}, {1.88.3}, {1.14.4.3} |
| 966 | ಅಹಾ᳚ನಿ॒ ಗೃಧ್ರಾಃ॒ ಪರ್ಯಾ ವ॒ ಆಗು॑ರಿ॒ಮಾಂ ಧಿಯಂ᳚ ವಾರ್ಕಾ॒ರ್ಯಾಂ ಚ॑ ದೇ॒ವೀಂ | ಬ್ರಹ್ಮ॑ ಕೃ॒ಣ್ವಂತೋ॒ ಗೋತ॑ಮಾಸೋ ಅ॒ರ್ಕೈರೂ॒ರ್ಧ್ವಂ ನು॑ನುದ್ರ ಉತ್ಸ॒ಧಿಂ ಪಿಬ॑ಧ್ಯೈ ||{1.6.14.4}, {1.88.4}, {1.14.4.4} |
| 967 | ಏ॒ತತ್ತ್ಯನ್ನ ಯೋಜ॑ನಮಚೇತಿ ಸ॒ಸ್ವರ್ಹ॒ ಯನ್ಮ॑ರುತೋ॒ ಗೋತ॑ಮೋ ವಃ | ಪಶ್ಯ॒ನ್ಹಿರ᳚ಣ್ಯಚಕ್ರಾ॒ನಯೋ᳚ದಂಷ್ಟ್ರಾನ್ವಿ॒ಧಾವ॑ತೋ ವ॒ರಾಹೂ॑ನ್ ||{1.6.14.5}, {1.88.5}, {1.14.4.5} |
| 968 | ಏ॒ಷಾ ಸ್ಯಾ ವೋ᳚ ಮರುತೋಽನುಭ॒ರ್ತ್ರೀ ಪ್ರತಿ॑ ಷ್ಟೋಭತಿ ವಾ॒ಘತೋ॒ ನ ವಾಣೀ᳚ | ಅಸ್ತೋ᳚ಭಯ॒ದ್ವೃಥಾ᳚ಸಾ॒ಮನು॑ ಸ್ವ॒ಧಾಂ ಗಭ॑ಸ್ತ್ಯೋಃ ||{1.6.14.6}, {1.88.6}, {1.14.4.6} |
| [89] (1-10) ದಶರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ವಿಶ್ವೇ ದೇವಾ ದೇವತಾಃ | (1-5, 7) ಪ್ರಥಮಾದಿಪಂಚರ್ಚಾಂ ಸಪ್ತಮ್ಯಾಶ್ಚ ಜಗತೀ (6) ಷಷ್ಠ್ಯಾ ವಿರಾಟ್ಸ್ಥಾನಾ (8-10) ಅಷ್ಟಮ್ಯಾದಿತೃಚಸ್ಯ ಚ ತ್ರಿಷ್ಟುಪ್ ಛಂದಾಂಸಿ || | |
| 969 | ಆ ನೋ᳚ ಭ॒ದ್ರಾಃ ಕ್ರತ॑ವೋ ಯಂತು ವಿ॒ಶ್ವತೋಽದ॑ಬ್ಧಾಸೋ॒ ಅಪ॑ರೀತಾಸ ಉ॒ದ್ಭಿದಃ॑ | ದೇ॒ವಾ ನೋ॒ ಯಥಾ॒ ಸದ॒ಮಿದ್ವೃ॒ಧೇ ಅಸ॒ನ್ನಪ್ರಾ᳚ಯುವೋ ರಕ್ಷಿ॒ತಾರೋ᳚ ದಿ॒ವೇದಿ॑ವೇ ||{1.6.15.1}, {1.89.1}, {1.14.5.1} |
| 970 | ದೇ॒ವಾನಾಂ᳚ ಭ॒ದ್ರಾ ಸು॑ಮ॒ತಿರೃ॑ಜೂಯ॒ತಾಂ ದೇ॒ವಾನಾಂ᳚ ರಾ॒ತಿರ॒ಭಿ ನೋ॒ ನಿ ವ॑ರ್ತತಾಂ | ದೇ॒ವಾನಾಂ᳚ ಸ॒ಖ್ಯಮುಪ॑ ಸೇದಿಮಾ ವ॒ಯಂ ದೇ॒ವಾ ನ॒ ಆಯುಃ॒ ಪ್ರ ತಿ॑ರಂತು ಜೀ॒ವಸೇ᳚ ||{1.6.15.2}, {1.89.2}, {1.14.5.2} |
| 971 | ತಾನ್ಪೂರ್ವ॑ಯಾ ನಿ॒ವಿದಾ᳚ ಹೂಮಹೇ ವ॒ಯಂ ಭಗಂ᳚ ಮಿ॒ತ್ರಮದಿ॑ತಿಂ॒ ದಕ್ಷ॑ಮ॒ಸ್ರಿಧಂ᳚ | ಅ॒ರ್ಯ॒ಮಣಂ॒ ವರು॑ಣಂ॒ ಸೋಮ॑ಮ॒ಶ್ವಿನಾ॒ ಸರ॑ಸ್ವತೀ ನಃ ಸು॒ಭಗಾ॒ ಮಯ॑ಸ್ಕರತ್ ||{1.6.15.3}, {1.89.3}, {1.14.5.3} |
| 972 | ತನ್ನೋ॒ ವಾತೋ᳚ ಮಯೋ॒ಭು ವಾ᳚ತು ಭೇಷ॒ಜಂ ತನ್ಮಾ॒ತಾ ಪೃ॑ಥಿ॒ವೀ ತತ್ಪಿ॒ತಾ ದ್ಯೌಃ | ತದ್ಗ್ರಾವಾ᳚ಣಃ ಸೋಮ॒ಸುತೋ᳚ ಮಯೋ॒ಭುವ॒ಸ್ತದ॑ಶ್ವಿನಾ ಶೃಣುತಂ ಧಿಷ್ಣ್ಯಾ ಯು॒ವಂ ||{1.6.15.4}, {1.89.4}, {1.14.5.4} |
| 973 | ತಮೀಶಾ᳚ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ᳚ ಧಿಯಂಜಿ॒ನ್ವಮವ॑ಸೇ ಹೂಮಹೇ ವ॒ಯಂ | ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ᳚ ||{1.6.15.5}, {1.89.5}, {1.14.5.5} |
| 974 | ಸ್ವ॒ಸ್ತಿ ನ॒ ಇಂದ್ರೋ᳚ ವೃ॒ದ್ಧಶ್ರ॑ವಾಃ ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ᳚ದಾಃ | ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ||{1.6.16.1}, {1.89.6}, {1.14.5.6} |
| 975 | ಪೃಷ॑ದಶ್ವಾ ಮ॒ರುತಃ॒ ಪೃಶ್ನಿ॑ಮಾತರಃ ಶುಭಂ॒ಯಾವಾ᳚ನೋ ವಿ॒ದಥೇ᳚ಷು॒ ಜಗ್ಮ॑ಯಃ | ಅ॒ಗ್ನಿ॒ಜಿ॒ಹ್ವಾ ಮನ॑ವಃ॒ ಸೂರ॑ಚಕ್ಷಸೋ॒ ವಿಶ್ವೇ᳚ ನೋ ದೇ॒ವಾ ಅವ॒ಸಾ ಗ॑ಮನ್ನಿ॒ಹ ||{1.6.16.2}, {1.89.7}, {1.14.5.7} |
| 976 | ಭ॒ದ್ರಂ ಕರ್ಣೇ᳚ಭಿಃ ಶೃಣುಯಾಮ ದೇವಾ ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ᳚ರ್ಯಜತ್ರಾಃ | ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಂಸ॑ಸ್ತ॒ನೂಭಿ॒ರ್ವ್ಯ॑ಶೇಮ ದೇ॒ವಹಿ॑ತಂ॒ ಯದಾಯುಃ॑ ||{1.6.16.3}, {1.89.8}, {1.14.5.8} |
| 977 | ಶ॒ತಮಿನ್ನು ಶ॒ರದೋ॒ ಅಂತಿ॑ ದೇವಾ॒ ಯತ್ರಾ᳚ ನಶ್ಚ॒ಕ್ರಾ ಜ॒ರಸಂ᳚ ತ॒ನೂನಾಂ᳚ | ಪು॒ತ್ರಾಸೋ॒ ಯತ್ರ॑ ಪಿ॒ತರೋ॒ ಭವಂ᳚ತಿ॒ ಮಾ ನೋ᳚ ಮ॒ಧ್ಯಾ ರೀ᳚ರಿಷ॒ತಾಯು॒ರ್ಗಂತೋಃ᳚ ||{1.6.16.4}, {1.89.9}, {1.14.5.9} |
| 978 | ಅದಿ॑ತಿ॒ರ್ದ್ಯೌರದಿ॑ತಿರಂ॒ತರಿ॑ಕ್ಷ॒ಮದಿ॑ತಿರ್ಮಾ॒ತಾ ಸ ಪಿ॒ತಾ ಸ ಪು॒ತ್ರಃ | ವಿಶ್ವೇ᳚ ದೇ॒ವಾ ಅದಿ॑ತಿಃ॒ ಪಂಚ॒ ಜನಾ॒ ಅದಿ॑ತಿರ್ಜಾ॒ತಮದಿ॑ತಿ॒ರ್ಜನಿ॑ತ್ವಂ ||{1.6.16.5}, {1.89.10}, {1.14.5.10} |
| [90] (1-9) ನವರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ವಿಶ್ವೇ ದೇವಾ ದೇವತಾಃ | (1-8) ಪ್ರಥಮಾದ್ಯಷ್ಟರ್ಚಾಂ ಗಾಯತ್ರೀ (9) ನವಮ್ಯಾಶ್ಚಾನುಷ್ಟಪ್ ಛಂದಸೀ || | |
| 979 | ಋ॒ಜು॒ನೀ॒ತೀ ನೋ॒ ವರು॑ಣೋ ಮಿ॒ತ್ರೋ ನ॑ಯತು ವಿ॒ದ್ವಾನ್ | ಅ॒ರ್ಯ॒ಮಾ ದೇ॒ವೈಃ ಸ॒ಜೋಷಾಃ᳚ ||{1.6.17.1}, {1.90.1}, {1.14.6.1} |
| 980 | ತೇ ಹಿ ವಸ್ವೋ॒ ವಸ॑ವಾನಾ॒ಸ್ತೇ ಅಪ್ರ॑ಮೂರಾ॒ ಮಹೋ᳚ಭಿಃ | ವ್ರ॒ತಾ ರ॑ಕ್ಷಂತೇ ವಿ॒ಶ್ವಾಹಾ᳚ ||{1.6.17.2}, {1.90.2}, {1.14.6.2} |
| 981 | ತೇ ಅ॒ಸ್ಮಭ್ಯಂ॒ ಶರ್ಮ॑ ಯಂಸನ್ನ॒ಮೃತಾ॒ ಮರ್ತ್ಯೇ᳚ಭ್ಯಃ | ಬಾಧ॑ಮಾನಾ॒ ಅಪ॒ ದ್ವಿಷಃ॑ ||{1.6.17.3}, {1.90.3}, {1.14.6.3} |
| 982 | ವಿ ನಃ॑ ಪ॒ಥಃ ಸು॑ವಿ॒ತಾಯ॑ ಚಿ॒ಯಂತ್ವಿಂದ್ರೋ᳚ ಮ॒ರುತಃ॑ | ಪೂ॒ಷಾ ಭಗೋ॒ ವಂದ್ಯಾ᳚ಸಃ ||{1.6.17.4}, {1.90.4}, {1.14.6.4} |
| 983 | ಉ॒ತ ನೋ॒ ಧಿಯೋ॒ ಗೋಅ॑ಗ್ರಾಃ॒ ಪೂಷ॒ನ್ವಿಷ್ಣ॒ವೇವ॑ಯಾವಃ | ಕರ್ತಾ᳚ ನಃ ಸ್ವಸ್ತಿ॒ಮತಃ॑ ||{1.6.17.5}, {1.90.5}, {1.14.6.5} |
| 984 | ಮಧು॒ ವಾತಾ᳚ ಋತಾಯ॒ತೇ ಮಧು॑ ಕ್ಷರಂತಿ॒ ಸಿಂಧ॑ವಃ | ಮಾಧ್ವೀ᳚ರ್ನಃ ಸಂ॒ತ್ವೋಷ॑ಧೀಃ ||{1.6.18.1}, {1.90.6}, {1.14.6.6} |
| 985 | ಮಧು॒ ನಕ್ತ॑ಮು॒ತೋಷಸೋ॒ ಮಧು॑ಮ॒ತ್ಪಾರ್ಥಿ॑ವಂ॒ ರಜಃ॑ | ಮಧು॒ ದ್ಯೌರ॑ಸ್ತು ನಃ ಪಿ॒ತಾ ||{1.6.18.2}, {1.90.7}, {1.14.6.7} |
| 986 | ಮಧು॑ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಁ ಅಸ್ತು॒ ಸೂರ್ಯಃ॑ | ಮಾಧ್ವೀ॒ರ್ಗಾವೋ᳚ ಭವಂತು ನಃ ||{1.6.18.3}, {1.90.8}, {1.14.6.8} |
| 987 | ಶಂ ನೋ᳚ ಮಿ॒ತ್ರಃ ಶಂ ವರು॑ಣಃ॒ ಶಂ ನೋ᳚ ಭವತ್ವರ್ಯ॒ಮಾ | ಶಂ ನ॒ ಇಂದ್ರೋ॒ ಬೃಹ॒ಸ್ಪತಿಃ॒ ಶಂ ನೋ॒ ವಿಷ್ಣು॑ರುರುಕ್ರ॒ಮಃ ||{1.6.18.4}, {1.90.9}, {1.14.6.9} |
| [91] (1-23) ತ್ರಯೋವಿಂಶತ್ಯೃಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಸೋಮೋ ದೇವತಾ | (1-4, 18-23) ಪ್ರಥಮಾದಿಚತುರ್‌ಋಚಾಮಷ್ಟಾದಷ್ಯಾದಿಷಣ್ಣಾಂಚ ತ್ರಿಷ್ಟುಪ್ (5-16) ಪಂಚಮ್ಯಾದಿದ್ವಾದಶಾನಾಂ ಗಾಯತ್ರೀ (17) ಸಪ್ತದಶ್ಯಾಶ್ಚೋಷ್ಣಿಕ್ ಛಂದಾಂಸಿ || | |
| 988 | ತ್ವಂ ಸೋ᳚ಮ॒ ಪ್ರ ಚಿ॑ಕಿತೋ ಮನೀ॒ಷಾ ತ್ವಂ ರಜಿ॑ಷ್ಠ॒ಮನು॑ ನೇಷಿ॒ ಪಂಥಾಂ᳚ | ತವ॒ ಪ್ರಣೀ᳚ತೀ ಪಿ॒ತರೋ᳚ ನ ಇಂದೋ ದೇ॒ವೇಷು॒ ರತ್ನ॑ಮಭಜಂತ॒ ಧೀರಾಃ᳚ ||{1.6.19.1}, {1.91.1}, {1.14.7.1} |
| 989 | ತ್ವಂ ಸೋ᳚ಮ॒ ಕ್ರತು॑ಭಿಃ ಸು॒ಕ್ರತು॑ರ್ಭೂ॒ಸ್ತ್ವಂ ದಕ್ಷೈಃ᳚ ಸು॒ದಕ್ಷೋ᳚ ವಿ॒ಶ್ವವೇ᳚ದಾಃ | ತ್ವಂ ವೃಷಾ᳚ ವೃಷ॒ತ್ವೇಭಿ᳚ರ್ಮಹಿ॒ತ್ವಾ ದ್ಯು॒ಮ್ನೇಭಿ॑ರ್ದ್ಯು॒ಮ್ನ್ಯ॑ಭವೋ ನೃ॒ಚಕ್ಷಾಃ᳚ ||{1.6.19.2}, {1.91.2}, {1.14.7.2} |
| 990 | ರಾಜ್ಞೋ॒ ನು ತೇ॒ ವರು॑ಣಸ್ಯ ವ್ರ॒ತಾನಿ॑ ಬೃ॒ಹದ್ಗ॑ಭೀ॒ರಂ ತವ॑ ಸೋಮ॒ ಧಾಮ॑ | ಶುಚಿ॒ಷ್ಟ್ವಮ॑ಸಿ ಪ್ರಿ॒ಯೋ ನ ಮಿ॒ತ್ರೋ ದ॒ಕ್ಷಾಯ್ಯೋ᳚ ಅರ್ಯ॒ಮೇವಾ᳚ಸಿ ಸೋಮ ||{1.6.19.3}, {1.91.3}, {1.14.7.3} |
| 991 | ಯಾ ತೇ॒ ಧಾಮಾ᳚ನಿ ದಿ॒ವಿ ಯಾ ಪೃ॑ಥಿ॒ವ್ಯಾಂ ಯಾ ಪರ್ವ॑ತೇ॒ಷ್ವೋಷ॑ಧೀಷ್ವ॒ಪ್ಸು | ತೇಭಿ᳚ರ್ನೋ॒ ವಿಶ್ವೈಃ᳚ ಸು॒ಮನಾ॒ ಅಹೇ᳚ಳ॒ನ್ರಾಜ᳚ನ್ಸೋಮ॒ ಪ್ರತಿ॑ ಹ॒ವ್ಯಾ ಗೃ॑ಭಾಯ ||{1.6.19.4}, {1.91.4}, {1.14.7.4} |
| 992 | ತ್ವಂ ಸೋ᳚ಮಾಸಿ॒ ಸತ್ಪ॑ತಿ॒ಸ್ತ್ವಂ ರಾಜೋ॒ತ ವೃ॑ತ್ರ॒ಹಾ | ತ್ವಂ ಭ॒ದ್ರೋ ಅ॑ಸಿ॒ ಕ್ರತುಃ॑ ||{1.6.19.5}, {1.91.5}, {1.14.7.5} |
| 993 | ತ್ವಂ ಚ॑ ಸೋಮ ನೋ॒ ವಶೋ᳚ ಜೀ॒ವಾತುಂ॒ ನ ಮ॑ರಾಮಹೇ | ಪ್ರಿ॒ಯಸ್ತೋ᳚ತ್ರೋ॒ ವನ॒ಸ್ಪತಿಃ॑ ||{1.6.20.1}, {1.91.6}, {1.14.7.6} |
| 994 | ತ್ವಂ ಸೋ᳚ಮ ಮ॒ಹೇ ಭಗಂ॒ ತ್ವಂ ಯೂನ॑ ಋತಾಯ॒ತೇ | ದಕ್ಷಂ᳚ ದಧಾಸಿ ಜೀ॒ವಸೇ᳚ ||{1.6.20.2}, {1.91.7}, {1.14.7.7} |
| 995 | ತ್ವಂ ನಃ॑ ಸೋಮ ವಿ॒ಶ್ವತೋ॒ ರಕ್ಷಾ᳚ ರಾಜನ್ನಘಾಯ॒ತಃ | ನ ರಿ॑ಷ್ಯೇ॒ತ್ತ್ವಾವ॑ತಃ॒ ಸಖಾ᳚ ||{1.6.20.3}, {1.91.8}, {1.14.7.8} |
| 996 | ಸೋಮ॒ ಯಾಸ್ತೇ᳚ ಮಯೋ॒ಭುವ॑ ಊ॒ತಯಃ॒ ಸಂತಿ॑ ದಾ॒ಶುಷೇ᳚ | ತಾಭಿ᳚ರ್ನೋಽವಿ॒ತಾ ಭ॑ವ ||{1.6.20.4}, {1.91.9}, {1.14.7.9} |
| 997 | ಇ॒ಮಂ ಯ॒ಜ್ಞಮಿ॒ದಂ ವಚೋ᳚ ಜುಜುಷಾ॒ಣ ಉ॒ಪಾಗ॑ಹಿ | ಸೋಮ॒ ತ್ವಂ ನೋ᳚ ವೃ॒ಧೇ ಭ॑ವ ||{1.6.20.5}, {1.91.10}, {1.14.7.10} |
| 998 | ಸೋಮ॑ ಗೀ॒ರ್ಭಿಷ್ಟ್ವಾ᳚ ವ॒ಯಂ ವ॒ರ್ಧಯಾ᳚ಮೋ ವಚೋ॒ವಿದಃ॑ | ಸು॒ಮೃ॒ಳೀ॒ಕೋ ನ॒ ಆ ವಿ॑ಶ ||{1.6.21.1}, {1.91.11}, {1.14.7.11} |
| 999 | ಗ॒ಯ॒ಸ್ಫಾನೋ᳚ ಅಮೀವ॒ಹಾ ವ॑ಸು॒ವಿತ್ಪು॑ಷ್ಟಿ॒ವರ್ಧ॑ನಃ | ಸು॒ಮಿ॒ತ್ರಃ ಸೋ᳚ಮ ನೋ ಭವ ||{1.6.21.2}, {1.91.12}, {1.14.7.12} |
| 1000 | ಸೋಮ॑ ರಾರಂ॒ಧಿ ನೋ᳚ ಹೃ॒ದಿ ಗಾವೋ॒ ನ ಯವ॑ಸೇ॒ಷ್ವಾ | ಮರ್ಯ॑ ಇವ॒ ಸ್ವ ಓ॒ಕ್ಯೇ᳚ ||{1.6.21.3}, {1.91.13}, {1.14.7.13} |
| 1001 | ಯಃ ಸೋ᳚ಮ ಸ॒ಖ್ಯೇ ತವ॑ ರಾ॒ರಣ॑ದ್ದೇವ॒ ಮರ್ತ್ಯಃ॑ | ತಂ ದಕ್ಷಃ॑ ಸಚತೇ ಕ॒ವಿಃ ||{1.6.21.4}, {1.91.14}, {1.14.7.14} |
| 1002 | ಉ॒ರು॒ಷ್ಯಾ ಣೋ᳚ ಅ॒ಭಿಶ॑ಸ್ತೇಃ॒ ಸೋಮ॒ ನಿ ಪಾ॒ಹ್ಯಂಹ॑ಸಃ | ಸಖಾ᳚ ಸು॒ಶೇವ॑ ಏಧಿ ನಃ ||{1.6.21.5}, {1.91.15}, {1.14.7.15} |
| 1003 | ಆ ಪ್ಯಾ᳚ಯಸ್ವ॒ ಸಮೇ᳚ತು ತೇ ವಿ॒ಶ್ವತಃ॑ ಸೋಮ॒ ವೃಷ್ಣ್ಯಂ᳚ | ಭವಾ॒ ವಾಜ॑ಸ್ಯ ಸಂಗ॒ಥೇ ||{1.6.22.1}, {1.91.16}, {1.14.7.16} |
| 1004 | ಆ ಪ್ಯಾ᳚ಯಸ್ವ ಮದಿಂತಮ॒ ಸೋಮ॒ ವಿಶ್ವೇ᳚ಭಿರಂ॒ಶುಭಿಃ॑ | ಭವಾ᳚ ನಃ ಸು॒ಶ್ರವ॑ಸ್ತಮಃ॒ ಸಖಾ᳚ ವೃ॒ಧೇ ||{1.6.22.2}, {1.91.17}, {1.14.7.17} |
| 1005 | ಸಂ ತೇ॒ ಪಯಾಂ᳚ಸಿ॒ ಸಮು॑ ಯಂತು॒ ವಾಜಾಃ॒ ಸಂ ವೃಷ್ಣ್ಯಾ᳚ನ್ಯಭಿಮಾತಿ॒ಷಾಹಃ॑ | ಆ॒ಪ್ಯಾಯ॑ಮಾನೋ ಅ॒ಮೃತಾ᳚ಯ ಸೋಮ ದಿ॒ವಿ ಶ್ರವಾಂ᳚ಸ್ಯುತ್ತ॒ಮಾನಿ॑ ಧಿಷ್ವ ||{1.6.22.3}, {1.91.18}, {1.14.7.18} |
| 1006 | ಯಾ ತೇ॒ ಧಾಮಾ᳚ನಿ ಹ॒ವಿಷಾ॒ ಯಜಂ᳚ತಿ॒ ತಾ ತೇ॒ ವಿಶ್ವಾ᳚ ಪರಿ॒ಭೂರ॑ಸ್ತು ಯ॒ಜ್ಞಂ | ಗ॒ಯ॒ಸ್ಫಾನಃ॑ ಪ್ರ॒ತರ॑ಣಃ ಸು॒ವೀರೋಽವೀ᳚ರಹಾ॒ ಪ್ರ ಚ॑ರಾ ಸೋಮ॒ ದುರ್ಯಾ॑ನ್ ||{1.6.22.4}, {1.91.19}, {1.14.7.19} |
| 1007 | ಸೋಮೋ᳚ ಧೇ॒ನುಂ ಸೋಮೋ॒ ಅರ್ವಂ᳚ತಮಾ॒ಶುಂ ಸೋಮೋ᳚ ವೀ॒ರಂ ಕ᳚ರ್ಮ॒ಣ್ಯಂ᳚ ದದಾತಿ | ಸಾ॒ದ॒ನ್ಯಂ᳚ ವಿದ॒ಥ್ಯಂ᳚ ಸ॒ಭೇಯಂ᳚ ಪಿತೃ॒ಶ್ರವ॑ಣಂ॒ ಯೋ ದದಾ᳚ಶದಸ್ಮೈ ||{1.6.22.5}, {1.91.20}, {1.14.7.20} |
| 1008 | ಅಷಾ᳚ಳ್ಹಂ ಯು॒ತ್ಸು ಪೃತ॑ನಾಸು॒ ಪಪ್ರಿಂ᳚ ಸ್ವ॒ರ್ಷಾಮ॒ಪ್ಸಾಂ ವೃ॒ಜನ॑ಸ್ಯ ಗೋ॒ಪಾಂ | ಭ॒ರೇ॒ಷು॒ಜಾಂ ಸು॑ಕ್ಷಿ॒ತಿಂ ಸು॒ಶ್ರವ॑ಸಂ॒ ಜಯಂ᳚ತಂ॒ ತ್ವಾಮನು॑ ಮದೇಮ ಸೋಮ ||{1.6.23.1}, {1.91.21}, {1.14.7.21} |
| 1009 | ತ್ವಮಿ॒ಮಾ ಓಷ॑ಧೀಃ ಸೋಮ॒ ವಿಶ್ವಾ॒ಸ್ತ್ವಮ॒ಪೋ ಅ॑ಜನಯ॒ಸ್ತ್ವಂ ಗಾಃ | ತ್ವಮಾ ತ॑ತಂಥೋ॒ರ್ವ೧॑(ಅ॒)'ನ್ತರಿ॑ಕ್ಷಂ॒ ತ್ವಂ ಜ್ಯೋತಿ॑ಷಾ॒ ವಿ ತಮೋ᳚ ವವರ್ಥ ||{1.6.23.2}, {1.91.22}, {1.14.7.22} |
| 1010 | ದೇ॒ವೇನ॑ ನೋ॒ ಮನ॑ಸಾ ದೇವ ಸೋಮ ರಾ॒ಯೋ ಭಾ॒ಗಂ ಸ॑ಹಸಾವನ್ನ॒ಭಿ ಯು॑ಧ್ಯ | ಮಾ ತ್ವಾ ತ॑ನ॒ದೀಶಿ॑ಷೇ ವೀ॒ರ್ಯ॑ಸ್ಯೋ॒ಭಯೇ᳚ಭ್ಯಃ॒ ಪ್ರ ಚಿ॑ಕಿತ್ಸಾ॒ ಗವಿ॑ಷ್ಟೌ ||{1.6.23.3}, {1.91.23}, {1.14.7.23} |
| [92] (1-18) ಅಷ್ಟಾದಶರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | (1-15) ಪ್ರಥಮಾದಿಪಂಚದಶರ್ಚಾಮುಷಾಃ (13-18) ಷೋಡಶ್ಯಾದಿತೃಚಸ್ಯ ಚಾಶ್ವಿನೌ ದೇವತಾಃ | (1-4) ಪ್ರಥಮಾದಿಚತುರ್‌ಋಚಾಂ ಜಗತೀ (5-12) ಪಂಚಮ್ಯಾದ್ಯಷ್ಟಾನಾಂ ತ್ರಿಷ್ಟುಪ್ (13-18) ತ್ರಯೋದಶ್ಯಾದಿಷಣ್ಣಾಂಚೋಷ್ಣಿಕ್ ಛಂದಾಂಸಿ || | |
| 1011 | ಏ॒ತಾ ಉ॒ ತ್ಯಾ ಉ॒ಷಸಃ॑ ಕೇ॒ತುಮ॑ಕ್ರತ॒ ಪೂರ್ವೇ॒ ಅರ್ಧೇ॒ ರಜ॑ಸೋ ಭಾ॒ನುಮಂ᳚ಜತೇ | ನಿ॒ಷ್ಕೃ॒ಣ್ವಾ॒ನಾ ಆಯು॑ಧಾನೀವ ಧೃ॒ಷ್ಣವಃ॒ ಪ್ರತಿ॒ ಗಾವೋಽರು॑ಷೀರ್ಯಂತಿ ಮಾ॒ತರಃ॑ ||{1.6.24.1}, {1.92.1}, {1.14.8.1} |
| 1012 | ಉದ॑ಪಪ್ತನ್ನರು॒ಣಾ ಭಾ॒ನವೋ॒ ವೃಥಾ᳚ ಸ್ವಾ॒ಯುಜೋ॒ ಅರು॑ಷೀ॒ರ್ಗಾ ಅ॑ಯುಕ್ಷತ | ಅಕ್ರ᳚ನ್ನು॒ಷಾಸೋ᳚ ವ॒ಯುನಾ᳚ನಿ ಪೂ॒ರ್ವಥಾ॒ ರುಶಂ᳚ತಂ ಭಾ॒ನುಮರು॑ಷೀರಶಿಶ್ರಯುಃ ||{1.6.24.2}, {1.92.2}, {1.14.8.2} |
| 1013 | ಅರ್ಚಂ᳚ತಿ॒ ನಾರೀ᳚ರ॒ಪಸೋ॒ ನ ವಿ॒ಷ್ಟಿಭಿಃ॑ ಸಮಾ॒ನೇನ॒ ಯೋಜ॑ನೇ॒ನಾ ಪ॑ರಾ॒ವತಃ॑ | ಇಷಂ॒ ವಹಂ᳚ತೀಃ ಸು॒ಕೃತೇ᳚ ಸು॒ದಾನ॑ವೇ॒ ವಿಶ್ವೇದಹ॒ ಯಜ॑ಮಾನಾಯ ಸುನ್ವ॒ತೇ ||{1.6.24.3}, {1.92.3}, {1.14.8.3} |
| 1014 | ಅಧಿ॒ ಪೇಶಾಂ᳚ಸಿ ವಪತೇ ನೃ॒ತೂರಿ॒ವಾಪೋ᳚ರ್ಣುತೇ॒ ವಕ್ಷ॑ ಉ॒ಸ್ರೇವ॒ ಬರ್ಜ॑ಹಂ | ಜ್ಯೋತಿ॒ರ್ವಿಶ್ವ॑ಸ್ಮೈ॒ ಭುವ॑ನಾಯ ಕೃಣ್ವ॒ತೀ ಗಾವೋ॒ ನ ವ್ರ॒ಜಂ ವ್ಯು೧॑(ಉ॒)ಷಾ ಆ᳚ವ॒ರ್ತಮಃ॑ ||{1.6.24.4}, {1.92.4}, {1.14.8.4} |
| 1015 | ಪ್ರತ್ಯ॒ರ್ಚೀ ರುಶ॑ದಸ್ಯಾ ಅದರ್ಶಿ॒ ವಿ ತಿ॑ಷ್ಠತೇ॒ ಬಾಧ॑ತೇ ಕೃ॒ಷ್ಣಮಭ್ವಂ᳚ | ಸ್ವರುಂ॒ ನ ಪೇಶೋ᳚ ವಿ॒ದಥೇ᳚ಷ್ವಂ॒ಜಂಚಿ॒ತ್ರಂ ದಿ॒ವೋ ದು॑ಹಿ॒ತಾ ಭಾ॒ನುಮ॑ಶ್ರೇತ್ ||{1.6.24.5}, {1.92.5}, {1.14.8.5} |
| 1016 | ಅತಾ᳚ರಿಷ್ಮ॒ ತಮ॑ಸಸ್ಪಾ॒ರಮ॒ಸ್ಯೋಷಾ ಉ॒ಚ್ಛಂತೀ᳚ ವ॒ಯುನಾ᳚ ಕೃಣೋತಿ | ಶ್ರಿ॒ಯೇ ಛಂದೋ॒ ನ ಸ್ಮ॑ಯತೇ ವಿಭಾ॒ತೀ ಸು॒ಪ್ರತೀ᳚ಕಾ ಸೌಮನ॒ಸಾಯಾ᳚ಜೀಗಃ ||{1.6.25.1}, {1.92.6}, {1.14.8.6} |
| 1017 | ಭಾಸ್ವ॑ತೀ ನೇ॒ತ್ರೀ ಸೂ॒ನೃತಾ᳚ನಾಂ ದಿ॒ವಃ ಸ್ತ॑ವೇ ದುಹಿ॒ತಾ ಗೋತ॑ಮೇಭಿಃ | ಪ್ರ॒ಜಾವ॑ತೋ ನೃ॒ವತೋ॒ ಅಶ್ವ॑ಬುಧ್ಯಾ॒ನುಷೋ॒ ಗೋಅ॑ಗ್ರಾಁ॒ ಉಪ॑ ಮಾಸಿ॒ ವಾಜಾ॑ನ್ ||{1.6.25.2}, {1.92.7}, {1.14.8.7} |
| 1018 | ಉಷ॒ಸ್ತಮ॑ಶ್ಯಾಂ ಯ॒ಶಸಂ᳚ ಸು॒ವೀರಂ᳚ ದಾ॒ಸಪ್ರ॑ವರ್ಗಂ ರ॒ಯಿಮಶ್ವ॑ಬುಧ್ಯಂ | ಸು॒ದಂಸ॑ಸಾ॒ ಶ್ರವ॑ಸಾ॒ ಯಾ ವಿ॒ಭಾಸಿ॒ ವಾಜ॑ಪ್ರಸೂತಾ ಸುಭಗೇ ಬೃ॒ಹಂತಂ᳚ ||{1.6.25.3}, {1.92.8}, {1.14.8.8} |
| 1019 | ವಿಶ್ವಾ᳚ನಿ ದೇ॒ವೀ ಭುವ॑ನಾಭಿ॒ಚಕ್ಷ್ಯಾ᳚ ಪ್ರತೀ॒ಚೀ ಚಕ್ಷು॑ರುರ್ವಿ॒ಯಾ ವಿ ಭಾ᳚ತಿ | ವಿಶ್ವಂ᳚ ಜೀ॒ವಂ ಚ॒ರಸೇ᳚ ಬೋ॒ಧಯಂ᳚ತೀ॒ ವಿಶ್ವ॑ಸ್ಯ॒ ವಾಚ॑ಮವಿದನ್ಮನಾ॒ಯೋಃ ||{1.6.25.4}, {1.92.9}, {1.14.8.9} |
| 1020 | ಪುನಃ॑ಪುನ॒ರ್ಜಾಯ॑ಮಾನಾ ಪುರಾ॒ಣೀ ಸ॑ಮಾ॒ನಂ ವರ್ಣ॑ಮ॒ಭಿ ಶುಂಭ॑ಮಾನಾ | ಶ್ವ॒ಘ್ನೀವ॑ ಕೃ॒ತ್ನುರ್ವಿಜ॑ ಆಮಿನಾ॒ನಾ ಮರ್ತ॑ಸ್ಯ ದೇ॒ವೀ ಜ॒ರಯಂ॒ತ್ಯಾಯುಃ॑ ||{1.6.25.5}, {1.92.10}, {1.14.8.10} |
| 1021 | ವ್ಯೂ॒ರ್ಣ್ವ॒ತೀ ದಿ॒ವೋ ಅಂತಾಁ᳚ ಅಬೋ॒ಧ್ಯಪ॒ ಸ್ವಸಾ᳚ರಂ ಸನು॒ತರ್ಯು॑ಯೋತಿ | ಪ್ರ॒ಮಿ॒ನ॒ತೀ ಮ॑ನು॒ಷ್ಯಾ᳚ ಯು॒ಗಾನಿ॒ ಯೋಷಾ᳚ ಜಾ॒ರಸ್ಯ॒ ಚಕ್ಷ॑ಸಾ॒ ವಿ ಭಾ᳚ತಿ ||{1.6.26.1}, {1.92.11}, {1.14.8.11} |
| 1022 | ಪ॒ಶೂನ್ನ ಚಿ॒ತ್ರಾ ಸು॒ಭಗಾ᳚ ಪ್ರಥಾ॒ನಾ ಸಿಂಧು॒ರ್ನ ಕ್ಷೋದ॑ ಉರ್ವಿ॒ಯಾ ವ್ಯ॑ಶ್ವೈತ್ | ಅಮಿ॑ನತೀ॒ ದೈವ್ಯಾ᳚ನಿ ವ್ರ॒ತಾನಿ॒ ಸೂರ್ಯ॑ಸ್ಯ ಚೇತಿ ರ॒ಶ್ಮಿಭಿ॑ರ್ದೃಶಾ॒ನಾ ||{1.6.26.2}, {1.92.12}, {1.14.8.12} |
| 1023 | ಉಷ॒ಸ್ತಚ್ಚಿ॒ತ್ರಮಾ ಭ॑ರಾ॒ಸ್ಮಭ್ಯಂ᳚ ವಾಜಿನೀವತಿ | ಯೇನ॑ ತೋ॒ಕಂ ಚ॒ ತನ॑ಯಂ ಚ॒ ಧಾಮ॑ಹೇ ||{1.6.26.3}, {1.92.13}, {1.14.8.13} |
| 1024 | ಉಷೋ᳚ ಅ॒ದ್ಯೇಹ ಗೋ᳚ಮ॒ತ್ಯಶ್ವಾ᳚ವತಿ ವಿಭಾವರಿ | ರೇ॒ವದ॒ಸ್ಮೇ ವ್ಯು॑ಚ್ಛ ಸೂನೃತಾವತಿ ||{1.6.26.4}, {1.92.14}, {1.14.8.14} |
| 1025 | ಯು॒ಕ್ಷ್ವಾ ಹಿ ವಾ᳚ಜಿನೀವ॒ತ್ಯಶ್ವಾಁ᳚ ಅ॒ದ್ಯಾರು॒ಣಾಁ ಉ॑ಷಃ | ಅಥಾ᳚ ನೋ॒ ವಿಶ್ವಾ॒ ಸೌಭ॑ಗಾ॒ನ್ಯಾ ವ॑ಹ ||{1.6.26.5}, {1.92.15}, {1.14.8.15} |
| 1026 | ಅಶ್ವಿ॑ನಾ ವ॒ರ್ತಿರ॒ಸ್ಮದಾ ಗೋಮ॑ದ್ದಸ್ರಾ॒ ಹಿರ᳚ಣ್ಯವತ್ | ಅ॒ರ್ವಾಗ್ರಥಂ॒ ಸಮ॑ನಸಾ॒ ನಿ ಯ॑ಚ್ಛತಂ ||{1.6.27.1}, {1.92.16}, {1.14.8.16} |
| 1027 | ಯಾವಿ॒ತ್ಥಾ ಶ್ಲೋಕ॒ಮಾ ದಿ॒ವೋ ಜ್ಯೋತಿ॒ರ್ಜನಾ᳚ಯ ಚ॒ಕ್ರಥುಃ॑ | ಆ ನ॒ ಊರ್ಜಂ᳚ ವಹತಮಶ್ವಿನಾ ಯು॒ವಂ ||{1.6.27.2}, {1.92.17}, {1.14.8.17} |
| 1028 | ಏಹ ದೇ॒ವಾ ಮ॑ಯೋ॒ಭುವಾ᳚ ದ॒ಸ್ರಾ ಹಿರ᳚ಣ್ಯವರ್ತನೀ | ಉ॒ಷ॒ರ್ಬುಧೋ᳚ ವಹಂತು॒ ಸೋಮ॑ಪೀತಯೇ ||{1.6.27.3}, {1.92.18}, {1.14.8.18} |
| [93] (1-12) ದ್ವಾದಶರ್ಚಸ್ಯ ಸೂಕ್ತಸ್ಯ ರಹೂಗಣೋ ಗೋತಮ ಋಷಿಃ | ಅಗ್ನೀಷೋಮೌ ದೇವತೇ | (1-3) ಪ್ರಥಮಾದಿತೃಚಸ್ಯಾನುಷ್ಟುಪ್ (4-7, 12) ಚತುರ್ಥ್ಯಾದಿಚತಸೃಣಾಂ ದ್ವಾದಶ್ಯಾಶ್ಚ ತ್ರಿಷ್ಟುಪ್ (8) ಅಷ್ಟಮ್ಯಾ ಜಗತೀ ತ್ರಿಷ್ಟುಪ್ ವಾ (9-11) ನವಮ್ಯಾದಿತೃಚಸ್ಯ ಚ ಗಾಯತ್ರೀ ಛಂದಾಂಸಿ || | |
| 1029 | ಅಗ್ನೀ᳚ಷೋಮಾವಿ॒ಮಂ ಸು ಮೇ᳚ ಶೃಣು॒ತಂ ವೃ॑ಷಣಾ॒ ಹವಂ᳚ | ಪ್ರತಿ॑ ಸೂ॒ಕ್ತಾನಿ॑ ಹರ್ಯತಂ॒ ಭವ॑ತಂ ದಾ॒ಶುಷೇ॒ ಮಯಃ॑ ||{1.6.28.1}, {1.93.1}, {1.14.9.1} |
| 1030 | ಅಗ್ನೀ᳚ಷೋಮಾ॒ ಯೋ ಅ॒ದ್ಯ ವಾ᳚ಮಿ॒ದಂ ವಚಃ॑ ಸಪ॒ರ್ಯತಿ॑ | ತಸ್ಮೈ᳚ ಧತ್ತಂ ಸು॒ವೀರ್ಯಂ॒ ಗವಾಂ॒ ಪೋಷಂ॒ ಸ್ವಶ್ವ್ಯಂ᳚ ||{1.6.28.2}, {1.93.2}, {1.14.9.2} |
| 1031 | ಅಗ್ನೀ᳚ಷೋಮಾ॒ ಯ ಆಹು॑ತಿಂ॒ ಯೋ ವಾಂ॒ ದಾಶಾ᳚ದ್ಧ॒ವಿಷ್ಕೃ॑ತಿಂ | ಸ ಪ್ರ॒ಜಯಾ᳚ ಸು॒ವೀರ್ಯಂ॒ ವಿಶ್ವ॒ಮಾಯು॒ರ್ವ್ಯ॑ಶ್ನವತ್ ||{1.6.28.3}, {1.93.3}, {1.14.9.3} |
| 1032 | ಅಗ್ನೀ᳚ಷೋಮಾ॒ ಚೇತಿ॒ ತದ್ವೀ॒ರ್ಯಂ᳚ ವಾಂ॒ ಯದಮು॑ಷ್ಣೀತಮವ॒ಸಂ ಪ॒ಣಿಂ ಗಾಃ | ಅವಾ᳚ತಿರತಂ॒ ಬೃಸ॑ಯಸ್ಯ॒ ಶೇಷೋಽವಿಂ᳚ದತಂ॒ ಜ್ಯೋತಿ॒ರೇಕಂ᳚ ಬ॒ಹುಭ್ಯಃ॑ ||{1.6.28.4}, {1.93.4}, {1.14.9.4} |
| 1033 | ಯು॒ವಮೇ॒ತಾನಿ॑ ದಿ॒ವಿ ರೋ᳚ಚ॒ನಾನ್ಯ॒ಗ್ನಿಶ್ಚ॑ ಸೋಮ॒ ಸಕ್ರ॑ತೂ ಅಧತ್ತಂ | ಯು॒ವಂ ಸಿಂಧೂಁ᳚ರ॒ಭಿಶ॑ಸ್ತೇರವ॒ದ್ಯಾದಗ್ನೀ᳚ಷೋಮಾ॒ವಮುಂ᳚ಚತಂ ಗೃಭೀ॒ತಾನ್ ||{1.6.28.5}, {1.93.5}, {1.14.9.5} |
| 1034 | ಆನ್ಯಂ ದಿ॒ವೋ ಮಾ᳚ತ॒ರಿಶ್ವಾ᳚ ಜಭಾ॒ರಾಮ॑ಥ್ನಾದ॒ನ್ಯಂ ಪರಿ॑ ಶ್ಯೇ॒ನೋ ಅದ್ರೇಃ᳚ | ಅಗ್ನೀ᳚ಷೋಮಾ॒ ಬ್ರಹ್ಮ॑ಣಾ ವಾವೃಧಾ॒ನೋರುಂ ಯ॒ಜ್ಞಾಯ॑ ಚಕ್ರಥುರು ಲೋ॒ಕಂ ||{1.6.28.6}, {1.93.6}, {1.14.9.6} |
| 1035 | ಅಗ್ನೀ᳚ಷೋಮಾ ಹ॒ವಿಷಃ॒ ಪ್ರಸ್ಥಿ॑ತಸ್ಯ ವೀ॒ತಂ ಹರ್ಯ॑ತಂ ವೃಷಣಾ ಜು॒ಷೇಥಾಂ᳚ | ಸು॒ಶರ್ಮಾ᳚ಣಾ॒ ಸ್ವವ॑ಸಾ॒ ಹಿ ಭೂ॒ತಮಥಾ᳚ ಧತ್ತಂ॒ ಯಜ॑ಮಾನಾಯ॒ ಶಂ ಯೋಃ ||{1.6.29.1}, {1.93.7}, {1.14.9.7} |
| 1036 | ಯೋ ಅ॒ಗ್ನೀಷೋಮಾ᳚ ಹ॒ವಿಷಾ᳚ ಸಪ॒ರ್ಯಾದ್ದೇ᳚ವ॒ದ್ರೀಚಾ॒ ಮನ॑ಸಾ॒ ಯೋ ಘೃ॒ತೇನ॑ | ತಸ್ಯ᳚ ವ್ರ॒ತಂ ರ॑ಕ್ಷತಂ ಪಾ॒ತಮಂಹ॑ಸೋ ವಿ॒ಶೇ ಜನಾ᳚ಯ॒ ಮಹಿ॒ ಶರ್ಮ॑ ಯಚ್ಛತಂ ||{1.6.29.2}, {1.93.8}, {1.14.9.8} |
| 1037 | ಅಗ್ನೀ᳚ಷೋಮಾ॒ ಸವೇ᳚ದಸಾ॒ ಸಹೂ᳚ತೀ ವನತಂ॒ ಗಿರಃ॑ | ಸಂ ದೇ᳚ವ॒ತ್ರಾ ಬ॑ಭೂವಥುಃ ||{1.6.29.3}, {1.93.9}, {1.14.9.9} |
| 1038 | ಅಗ್ನೀ᳚ಷೋಮಾವ॒ನೇನ॑ ವಾಂ॒ ಯೋ ವಾಂ᳚ ಘೃ॒ತೇನ॒ ದಾಶ॑ತಿ | ತಸ್ಮೈ᳚ ದೀದಯತಂ ಬೃ॒ಹತ್ ||{1.6.29.4}, {1.93.10}, {1.14.9.10} |
| 1039 | ಅಗ್ನೀ᳚ಷೋಮಾವಿ॒ಮಾನಿ॑ ನೋ ಯು॒ವಂ ಹ॒ವ್ಯಾ ಜು॑ಜೋಷತಂ | ಆ ಯಾ᳚ತ॒ಮುಪ॑ ನಃ॒ ಸಚಾ᳚ ||{1.6.29.5}, {1.93.11}, {1.14.9.11} |
| 1040 | ಅಗ್ನೀ᳚ಷೋಮಾ ಪಿಪೃ॒ತಮರ್ವ॑ತೋ ನ॒ ಆ ಪ್ಯಾ᳚ಯಂತಾಮು॒ಸ್ರಿಯಾ᳚ ಹವ್ಯ॒ಸೂದಃ॑ | ಅ॒ಸ್ಮೇ ಬಲಾ᳚ನಿ ಮ॒ಘವ॑ತ್ಸು ಧತ್ತಂ ಕೃಣು॒ತಂ ನೋ᳚ ಅಧ್ವ॒ರಂ ಶ್ರು॑ಷ್ಟಿ॒ಮಂತಂ᳚ ||{1.6.29.6}, {1.93.12}, {1.14.9.12} |
| [94] (1-16) ಷೋಳಶರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | (1-16) ಪ್ರಥಮಾದಿಷೋಡಶರ್ಚಾಮಗ್ನಿರ್ಜಾತವೇದಾಃ, ತತ್ರಾಪಿ (8) ಅಷ್ಟಮ್ಯಾಃ ಪಾದತ್ರಯಸ್ಯ ದೇವಾಃ (16) ಷೋಡಶ್ಯಾ ಉತ್ತರಾರ್ಧಸ್ಯ ಮಿತ್ರವರುಣಾದಿತಿಸಿಂಧುಪ್ರಥವೀದ್ಯಾವೋ ವಾ ದೇವತಾಃ | (1-14) ಪ್ರಥಮಾದಿಚತುರ್ದಶಾಂ ಜಗತೀ (15-16) ಪಂಚದಶೀಷೋಡಶ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 1041 | ಇ॒ಮಂ ಸ್ತೋಮ॒ಮರ್ಹ॑ತೇ ಜಾ॒ತವೇ᳚ದಸೇ॒ ರಥ॑ಮಿವ॒ ಸಂ ಮ॑ಹೇಮಾ ಮನೀ॒ಷಯಾ᳚ | ಭ॒ದ್ರಾ ಹಿ ನಃ॒ ಪ್ರಮ॑ತಿರಸ್ಯ ಸಂ॒ಸದ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.30.1}, {1.94.1}, {1.15.1.1} |
| 1042 | ಯಸ್ಮೈ॒ ತ್ವಮಾ॒ಯಜ॑ಸೇ॒ ಸ ಸಾ᳚ಧತ್ಯನ॒ರ್ವಾ ಕ್ಷೇ᳚ತಿ॒ ದಧ॑ತೇ ಸು॒ವೀರ್ಯಂ᳚ | ಸ ತೂ᳚ತಾವ॒ ನೈನ॑ಮಶ್ನೋತ್ಯಂಹ॒ತಿರಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.30.2}, {1.94.2}, {1.15.1.2} |
| 1043 | ಶ॒ಕೇಮ॑ ತ್ವಾ ಸ॒ಮಿಧಂ᳚ ಸಾ॒ಧಯಾ॒ ಧಿಯ॒ಸ್ತ್ವೇ ದೇ॒ವಾ ಹ॒ವಿರ॑ದಂ॒ತ್ಯಾಹು॑ತಂ | ತ್ವಮಾ᳚ದಿ॒ತ್ಯಾಁ ಆ ವ॑ಹ॒ ತಾನ್ಹ್ಯು೧॑(ಉ॒)ಶ್ಮಸ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.30.3}, {1.94.3}, {1.15.1.3} |
| 1044 | ಭರಾ᳚ಮೇ॒ಧ್ಮಂ ಕೃ॒ಣವಾ᳚ಮಾ ಹ॒ವೀಂಷಿ॑ ತೇ ಚಿ॒ತಯಂ᳚ತಃ॒ ಪರ್ವ॑ಣಾಪರ್ವಣಾ ವ॒ಯಂ | ಜೀ॒ವಾತ॑ವೇ ಪ್ರತ॒ರಂ ಸಾ᳚ಧಯಾ॒ ಧಿಯೋಽಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.30.4}, {1.94.4}, {1.15.1.4} |
| 1045 | ವಿ॒ಶಾಂ ಗೋ॒ಪಾ ಅ॑ಸ್ಯ ಚರಂತಿ ಜಂ॒ತವೋ᳚ ದ್ವಿ॒ಪಚ್ಚ॒ ಯದು॒ತ ಚತು॑ಷ್ಪದ॒ಕ್ತುಭಿಃ॑ | ಚಿ॒ತ್ರಃ ಪ್ರ॑ಕೇ॒ತ ಉ॒ಷಸೋ᳚ ಮ॒ಹಾಁ ಅ॒ಸ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.30.5}, {1.94.5}, {1.15.1.5} |
| 1046 | ತ್ವಮ॑ಧ್ವ॒ರ್ಯುರು॒ತ ಹೋತಾ᳚ಸಿ ಪೂ॒ರ್ವ್ಯಃ ಪ್ರ॑ಶಾ॒ಸ್ತಾ ಪೋತಾ᳚ ಜ॒ನುಷಾ᳚ ಪು॒ರೋಹಿ॑ತಃ | ವಿಶ್ವಾ᳚ ವಿ॒ದ್ವಾಁ ಆರ್ತ್ವಿ॑ಜ್ಯಾ ಧೀರ ಪುಷ್ಯ॒ಸ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.31.1}, {1.94.6}, {1.15.1.6} |
| 1047 | ಯೋ ವಿ॒ಶ್ವತಃ॑ ಸು॒ಪ್ರತೀ᳚ಕಃ ಸ॒ದೃಙ್ಙಸಿ॑ ದೂ॒ರೇ ಚಿ॒ತ್ಸಂತ॒ಳಿದಿ॒ವಾತಿ॑ ರೋಚಸೇ | ರಾತ್ರ್ಯಾ᳚ಶ್ಚಿ॒ದಂಧೋ॒ ಅತಿ॑ ದೇವ ಪಶ್ಯ॒ಸ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.31.2}, {1.94.7}, {1.15.1.7} |
| 1048 | ಪೂರ್ವೋ᳚ ದೇವಾ ಭವತು ಸುನ್ವ॒ತೋ ರಥೋ॒ಽಸ್ಮಾಕಂ॒ ಶಂಸೋ᳚ ಅ॒ಭ್ಯ॑ಸ್ತು ದೂ॒ಢ್ಯಃ॑ | ತದಾ ಜಾ᳚ನೀತೋ॒ತ ಪು॑ಷ್ಯತಾ॒ ವಚೋಽಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.31.3}, {1.94.8}, {1.15.1.8} |
| 1049 | ವ॒ಧೈರ್ದುಃ॒ಶಂಸಾಁ॒ ಅಪ॑ ದೂ॒ಢ್ಯೋ᳚ ಜಹಿ ದೂ॒ರೇ ವಾ॒ ಯೇ ಅಂತಿ॑ ವಾ॒ ಕೇ ಚಿ॑ದ॒ತ್ರಿಣಃ॑ | ಅಥಾ᳚ ಯ॒ಜ್ಞಾಯ॑ ಗೃಣ॒ತೇ ಸು॒ಗಂ ಕೃ॒ಧ್ಯಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.31.4}, {1.94.9}, {1.15.1.9} |
| 1050 | ಯದಯು॑ಕ್ಥಾ ಅರು॒ಷಾ ರೋಹಿ॑ತಾ॒ ರಥೇ॒ ವಾತ॑ಜೂತಾ ವೃಷ॒ಭಸ್ಯೇ᳚ವ ತೇ॒ ರವಃ॑ | ಆದಿ᳚ನ್ವಸಿ ವ॒ನಿನೋ᳚ ಧೂ॒ಮಕೇ᳚ತು॒ನಾಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.31.5}, {1.94.10}, {1.15.1.10} |
| 1051 | ಅಧ॑ ಸ್ವ॒ನಾದು॒ತ ಬಿ॑ಭ್ಯುಃ ಪತ॒ತ್ರಿಣೋ᳚ ದ್ರ॒ಪ್ಸಾ ಯತ್ತೇ᳚ ಯವ॒ಸಾದೋ॒ ವ್ಯಸ್ಥಿ॑ರನ್ | ಸು॒ಗಂ ತತ್ತೇ᳚ ತಾವ॒ಕೇಭ್ಯೋ॒ ರಥೇ॒ಭ್ಯೋಽಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.32.1}, {1.94.11}, {1.15.1.11} |
| 1052 | ಅ॒ಯಂ ಮಿ॒ತ್ರಸ್ಯ॒ ವರು॑ಣಸ್ಯ॒ ಧಾಯ॑ಸೇಽವಯಾ॒ತಾಂ ಮ॒ರುತಾಂ॒ ಹೇಳೋ॒ ಅದ್ಭು॑ತಃ | ಮೃ॒ಳಾ ಸು ನೋ॒ ಭೂತ್ವೇ᳚ಷಾಂ॒ ಮನಃ॒ ಪುನ॒ರಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.32.2}, {1.94.12}, {1.15.1.12} |
| 1053 | ದೇ॒ವೋ ದೇ॒ವಾನಾ᳚ಮಸಿ ಮಿ॒ತ್ರೋ ಅದ್ಭು॑ತೋ॒ ವಸು॒ರ್ವಸೂ᳚ನಾಮಸಿ॒ ಚಾರು॑ರಧ್ವ॒ರೇ | ಶರ್ಮ᳚ನ್ಸ್ಯಾಮ॒ ತವ॑ ಸ॒ಪ್ರಥ॑ಸ್ತ॒ಮೇಽಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.32.3}, {1.94.13}, {1.15.1.13} |
| 1054 | ತತ್ತೇ᳚ ಭ॒ದ್ರಂ ಯತ್ಸಮಿ॑ದ್ಧಃ॒ ಸ್ವೇ ದಮೇ॒ ಸೋಮಾ᳚ಹುತೋ॒ ಜರ॑ಸೇ ಮೃಳ॒ಯತ್ತ॑ಮಃ | ದಧಾ᳚ಸಿ॒ ರತ್ನಂ॒ ದ್ರವಿ॑ಣಂ ಚ ದಾ॒ಶುಷೇಽಗ್ನೇ᳚ ಸ॒ಖ್ಯೇ ಮಾ ರಿ॑ಷಾಮಾ ವ॒ಯಂ ತವ॑ ||{1.6.32.4}, {1.94.14}, {1.15.1.14} |
| 1055 | ಯಸ್ಮೈ॒ ತ್ವಂ ಸು॑ದ್ರವಿಣೋ॒ ದದಾ᳚ಶೋಽನಾಗಾ॒ಸ್ತ್ವಮ॑ದಿತೇ ಸ॒ರ್ವತಾ᳚ತಾ | ಯಂ ಭ॒ದ್ರೇಣ॒ ಶವ॑ಸಾ ಚೋ॒ದಯಾ᳚ಸಿ ಪ್ರ॒ಜಾವ॑ತಾ॒ ರಾಧ॑ಸಾ॒ ತೇ ಸ್ಯಾ᳚ಮ ||{1.6.32.5}, {1.94.15}, {1.15.1.15} |
| 1056 | ಸ ತ್ವಮ॑ಗ್ನೇ ಸೌಭಗ॒ತ್ವಸ್ಯ॑ ವಿ॒ದ್ವಾನ॒ಸ್ಮಾಕ॒ಮಾಯುಃ॒ ಪ್ರ ತಿ॑ರೇ॒ಹ ದೇ᳚ವ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.6.32.6}, {1.94.16}, {1.15.1.16} |
| [95] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಅಗ್ನಿರೌಷಸೋಽಗ್ನಿರ್ವಾ ದೇವತಾ | ತ್ರಿಷ್ಟುಪ್ ಛಂದಃ || | |
| 1057 | ದ್ವೇ ವಿರೂ᳚ಪೇ ಚರತಃ॒ ಸ್ವರ್ಥೇ᳚ ಅ॒ನ್ಯಾನ್ಯಾ᳚ ವ॒ತ್ಸಮುಪ॑ ಧಾಪಯೇತೇ | ಹರಿ॑ರ॒ನ್ಯಸ್ಯಾಂ॒ ಭವ॑ತಿ ಸ್ವ॒ಧಾವಾಂ᳚ಛು॒ಕ್ರೋ ಅ॒ನ್ಯಸ್ಯಾಂ᳚ ದದೃಶೇ ಸು॒ವರ್ಚಾಃ᳚ ||{1.7.1.1}, {1.95.1}, {1.15.2.1} |
| 1058 | ದಶೇ॒ಮಂ ತ್ವಷ್ಟು॑ರ್ಜನಯಂತ॒ ಗರ್ಭ॒ಮತಂ᳚ದ್ರಾಸೋ ಯುವ॒ತಯೋ॒ ವಿಭೃ॑ತ್ರಂ | ತಿ॒ಗ್ಮಾನೀ᳚ಕಂ॒ ಸ್ವಯ॑ಶಸಂ॒ ಜನೇ᳚ಷು ವಿ॒ರೋಚ॑ಮಾನಂ॒ ಪರಿ॑ ಷೀಂ ನಯಂತಿ ||{1.7.1.2}, {1.95.2}, {1.15.2.2} |
| 1059 | ತ್ರೀಣಿ॒ ಜಾನಾ॒ ಪರಿ॑ ಭೂಷಂತ್ಯಸ್ಯ ಸಮು॒ದ್ರ ಏಕಂ᳚ ದಿ॒ವ್ಯೇಕ॑ಮ॒ಪ್ಸು | ಪೂರ್ವಾ॒ಮನು॒ ಪ್ರ ದಿಶಂ॒ ಪಾರ್ಥಿ॑ವಾನಾಮೃ॒ತೂನ್ಪ್ರ॒ಶಾಸ॒ದ್ವಿ ದ॑ಧಾವನು॒ಷ್ಠು ||{1.7.1.3}, {1.95.3}, {1.15.2.3} |
| 1060 | ಕ ಇ॒ಮಂ ವೋ᳚ ನಿ॒ಣ್ಯಮಾ ಚಿ॑ಕೇತ ವ॒ತ್ಸೋ ಮಾ॒ತೄರ್ಜ॑ನಯತ ಸ್ವ॒ಧಾಭಿಃ॑ | ಬ॒ಹ್ವೀ॒ನಾಂ ಗರ್ಭೋ᳚ ಅ॒ಪಸಾ᳚ಮು॒ಪಸ್ಥಾ᳚ನ್ಮ॒ಹಾನ್ಕ॒ವಿರ್ನಿಶ್ಚ॑ರತಿ ಸ್ವ॒ಧಾವಾ॑ನ್ ||{1.7.1.4}, {1.95.4}, {1.15.2.4} |
| 1061 | ಆ॒ವಿಷ್ಟ್ಯೋ᳚ ವರ್ಧತೇ॒ ಚಾರು॑ರಾಸು ಜಿ॒ಹ್ಮಾನಾ᳚ಮೂ॒ರ್ಧ್ವಃ ಸ್ವಯ॑ಶಾ ಉ॒ಪಸ್ಥೇ᳚ | ಉ॒ಭೇ ತ್ವಷ್ಟು॑ರ್ಬಿಭ್ಯತು॒ರ್ಜಾಯ॑ಮಾನಾತ್ಪ್ರತೀ॒ಚೀ ಸಿಂ॒ಹಂ ಪ್ರತಿ॑ ಜೋಷಯೇತೇ ||{1.7.1.5}, {1.95.5}, {1.15.2.5} |
| 1062 | ಉ॒ಭೇ ಭ॒ದ್ರೇ ಜೋ᳚ಷಯೇತೇ॒ ನ ಮೇನೇ॒ ಗಾವೋ॒ ನ ವಾ॒ಶ್ರಾ ಉಪ॑ ತಸ್ಥು॒ರೇವೈಃ᳚ | ಸ ದಕ್ಷಾ᳚ಣಾಂ॒ ದಕ್ಷ॑ಪತಿರ್ಬಭೂವಾಂ॒ಜಂತಿ॒ ಯಂ ದ॑ಕ್ಷಿಣ॒ತೋ ಹ॒ವಿರ್ಭಿಃ॑ ||{1.7.2.1}, {1.95.6}, {1.15.2.6} |
| 1063 | ಉದ್ಯಂ᳚ಯಮೀತಿ ಸವಿ॒ತೇವ॑ ಬಾ॒ಹೂ ಉ॒ಭೇ ಸಿಚೌ᳚ ಯತತೇ ಭೀ॒ಮ ಋಂ॒ಜನ್ | ಉಚ್ಛು॒ಕ್ರಮತ್ಕ॑ಮಜತೇ ಸಿ॒ಮಸ್ಮಾ॒ನ್ನವಾ᳚ ಮಾ॒ತೃಭ್ಯೋ॒ ವಸ॑ನಾ ಜಹಾತಿ ||{1.7.2.2}, {1.95.7}, {1.15.2.7} |
| 1064 | ತ್ವೇ॒ಷಂ ರೂ॒ಪಂ ಕೃ॑ಣುತ॒ ಉತ್ತ॑ರಂ॒ ಯತ್ಸಂ᳚ಪೃಂಚಾ॒ನಃ ಸದ॑ನೇ॒ ಗೋಭಿ॑ರ॒ದ್ಭಿಃ | ಕ॒ವಿರ್ಬು॒ಧ್ನಂ ಪರಿ॑ ಮರ್ಮೃಜ್ಯತೇ॒ ಧೀಃ ಸಾ ದೇ॒ವತಾ᳚ತಾ॒ ಸಮಿ॑ತಿರ್ಬಭೂವ ||{1.7.2.3}, {1.95.8}, {1.15.2.8} |
| 1065 | ಉ॒ರು ತೇ॒ ಜ್ರಯಃ॒ ಪರ್ಯೇ᳚ತಿ ಬು॒ಧ್ನಂ ವಿ॒ರೋಚ॑ಮಾನಂ ಮಹಿ॒ಷಸ್ಯ॒ ಧಾಮ॑ | ವಿಶ್ವೇ᳚ಭಿರಗ್ನೇ॒ ಸ್ವಯ॑ಶೋಭಿರಿ॒ದ್ಧೋಽದ॑ಬ್ಧೇಭಿಃ ಪಾ॒ಯುಭಿಃ॑ ಪಾಹ್ಯ॒ಸ್ಮಾನ್ ||{1.7.2.4}, {1.95.9}, {1.15.2.9} |
| 1066 | ಧನ್ವ॒ನ್ಸ್ರೋತಃ॑ ಕೃಣುತೇ ಗಾ॒ತುಮೂ॒ರ್ಮಿಂ ಶು॒ಕ್ರೈರೂ॒ರ್ಮಿಭಿ॑ರ॒ಭಿ ನ॑ಕ್ಷತಿ॒ ಕ್ಷಾಂ | ವಿಶ್ವಾ॒ ಸನಾ᳚ನಿ ಜ॒ಠರೇ᳚ಷು ಧತ್ತೇ॒ಽನ್ತರ್ನವಾ᳚ಸು ಚರತಿ ಪ್ರ॒ಸೂಷು॑ ||{1.7.2.5}, {1.95.10}, {1.15.2.10} |
| 1067 | ಏ॒ವಾ ನೋ᳚ ಅಗ್ನೇ ಸ॒ಮಿಧಾ᳚ ವೃಧಾ॒ನೋ ರೇ॒ವತ್ಪಾ᳚ವಕ॒ ಶ್ರವ॑ಸೇ॒ ವಿ ಭಾ᳚ಹಿ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.2.6}, {1.95.11}, {1.15.2.11} |
| [96] (1-9) ನವರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಅಗ್ನಿರ್ದ್ರವಿಣೋದಾ ಅಗ್ನಿರ್ವಾ ದೇವತಾ | ತ್ರಿಷ್ಟುಪ್ ಛಂದಃ || | |
| 1068 | ಸ ಪ್ರ॒ತ್ನಥಾ॒ ಸಹ॑ಸಾ॒ ಜಾಯ॑ಮಾನಃ ಸ॒ದ್ಯಃ ಕಾವ್ಯಾ᳚ನಿ॒ ಬಳ॑ಧತ್ತ॒ ವಿಶ್ವಾ᳚ | ಆಪ॑ಶ್ಚ ಮಿ॒ತ್ರಂ ಧಿ॒ಷಣಾ᳚ ಚ ಸಾಧಂದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾಂ ||{1.7.3.1}, {1.96.1}, {1.15.3.1} |
| 1069 | ಸ ಪೂರ್ವ॑ಯಾ ನಿ॒ವಿದಾ᳚ ಕ॒ವ್ಯತಾ॒ಯೋರಿ॒ಮಾಃ ಪ್ರ॒ಜಾ ಅ॑ಜನಯ॒ನ್ಮನೂ᳚ನಾಂ | ವಿ॒ವಸ್ವ॑ತಾ॒ ಚಕ್ಷ॑ಸಾ॒ ದ್ಯಾಮ॒ಪಶ್ಚ॑ ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾಂ ||{1.7.3.2}, {1.96.2}, {1.15.3.2} |
| 1070 | ತಮೀ᳚ಳತ ಪ್ರಥ॒ಮಂ ಯ॑ಜ್ಞ॒ಸಾಧಂ॒ ವಿಶ॒ ಆರೀ॒ರಾಹು॑ತಮೃಂಜಸಾ॒ನಂ | ಊ॒ರ್ಜಃ ಪು॒ತ್ರಂ ಭ॑ರ॒ತಂ ಸೃ॒ಪ್ರದಾ᳚ನುಂ ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾಂ ||{1.7.3.3}, {1.96.3}, {1.15.3.3} |
| 1071 | ಸ ಮಾ᳚ತ॒ರಿಶ್ವಾ᳚ ಪುರು॒ವಾರ॑ಪುಷ್ಟಿರ್ವಿ॒ದದ್ಗಾ॒ತುಂ ತನ॑ಯಾಯ ಸ್ವ॒ರ್ವಿತ್ | ವಿ॒ಶಾಂ ಗೋ॒ಪಾ ಜ॑ನಿ॒ತಾ ರೋದ॑ಸ್ಯೋರ್ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾಂ ||{1.7.3.4}, {1.96.4}, {1.15.3.4} |
| 1072 | ನಕ್ತೋ॒ಷಾಸಾ॒ ವರ್ಣ॑ಮಾ॒ಮೇಮ್ಯಾ᳚ನೇ ಧಾ॒ಪಯೇ᳚ತೇ॒ ಶಿಶು॒ಮೇಕಂ᳚ ಸಮೀ॒ಚೀ | ದ್ಯಾವಾ॒ಕ್ಷಾಮಾ᳚ ರು॒ಕ್ಮೋ ಅಂ॒ತರ್ವಿ ಭಾ᳚ತಿ ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾಂ ||{1.7.3.5}, {1.96.5}, {1.15.3.5} |
| 1073 | ರಾ॒ಯೋ ಬು॒ಧ್ನಃ ಸಂ॒ಗಮ॑ನೋ॒ ವಸೂ᳚ನಾಂ ಯ॒ಜ್ಞಸ್ಯ॑ ಕೇ॒ತುರ್ಮ᳚ನ್ಮ॒ಸಾಧ॑ನೋ॒ ವೇಃ | ಅ॒ಮೃ॒ತ॒ತ್ವಂ ರಕ್ಷ॑ಮಾಣಾಸ ಏನಂ ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾಂ ||{1.7.4.1}, {1.96.6}, {1.15.3.6} |
| 1074 | ನೂ ಚ॑ ಪು॒ರಾ ಚ॒ ಸದ॑ನಂ ರಯೀ॒ಣಾಂ ಜಾ॒ತಸ್ಯ॑ ಚ॒ ಜಾಯ॑ಮಾನಸ್ಯ ಚ॒ ಕ್ಷಾಂ | ಸ॒ತಶ್ಚ॑ ಗೋ॒ಪಾಂ ಭವ॑ತಶ್ಚ॒ ಭೂರೇ᳚ರ್ದೇ॒ವಾ ಅ॒ಗ್ನಿಂ ಧಾ᳚ರಯಂದ್ರವಿಣೋ॒ದಾಂ ||{1.7.4.2}, {1.96.7}, {1.15.3.7} |
| 1075 | ದ್ರ॒ವಿ॒ಣೋ॒ದಾ ದ್ರವಿ॑ಣಸಸ್ತು॒ರಸ್ಯ॑ ದ್ರವಿಣೋ॒ದಾಃ ಸನ॑ರಸ್ಯ॒ ಪ್ರ ಯಂ᳚ಸತ್ | ದ್ರ॒ವಿ॒ಣೋ॒ದಾ ವೀ॒ರವ॑ತೀ॒ಮಿಷಂ᳚ ನೋ ದ್ರವಿಣೋ॒ದಾ ರಾ᳚ಸತೇ ದೀ॒ರ್ಘಮಾಯುಃ॑ ||{1.7.4.3}, {1.96.8}, {1.15.3.8} |
| 1076 | ಏ॒ವಾ ನೋ᳚ ಅಗ್ನೇ ಸ॒ಮಿಧಾ᳚ ವೃಧಾ॒ನೋ ರೇ॒ವತ್ಪಾ᳚ವಕ॒ ಶ್ರವ॑ಸೇ॒ ವಿ ಭಾ᳚ಹಿ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.4.4}, {1.96.9}, {1.15.3.9} |
| [97] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಅಗ್ನಿಃ ಶುಚಿರಗ್ನಿರ್ವಾ ದೇವತಾ | ಗಾಯತ್ರೀ ಛಂದಃ || | |
| 1077 | ಅಪ॑ ನಃ॒ ಶೋಶು॑ಚದ॒ಘಮಗ್ನೇ᳚ ಶುಶು॒ಗ್ಧ್ಯಾ ರ॒ಯಿಂ | ಅಪ॑ ನಃ॒ ಶೋಶು॑ಚದ॒ಘಂ ||{1.7.5.1}, {1.97.1}, {1.15.4.1} |
| 1078 | ಸು॒ಕ್ಷೇ॒ತ್ರಿ॒ಯಾ ಸು॑ಗಾತು॒ಯಾ ವ॑ಸೂ॒ಯಾ ಚ॑ ಯಜಾಮಹೇ | ಅಪ॑ ನಃ॒ ಶೋಶು॑ಚದ॒ಘಂ ||{1.7.5.2}, {1.97.2}, {1.15.4.2} |
| 1079 | ಪ್ರ ಯದ್ಭಂದಿ॑ಷ್ಠ ಏಷಾಂ॒ ಪ್ರಾಸ್ಮಾಕಾ᳚ಸಶ್ಚ ಸೂ॒ರಯಃ॑ | ಅಪ॑ ನಃ॒ ಶೋಶು॑ಚದ॒ಘಂ ||{1.7.5.3}, {1.97.3}, {1.15.4.3} |
| 1080 | ಪ್ರ ಯತ್ತೇ᳚ ಅಗ್ನೇ ಸೂ॒ರಯೋ॒ ಜಾಯೇ᳚ಮಹಿ॒ ಪ್ರ ತೇ᳚ ವ॒ಯಂ | ಅಪ॑ ನಃ॒ ಶೋಶು॑ಚದ॒ಘಂ ||{1.7.5.4}, {1.97.4}, {1.15.4.4} |
| 1081 | ಪ್ರ ಯದ॒ಗ್ನೇಃ ಸಹ॑ಸ್ವತೋ ವಿ॒ಶ್ವತೋ॒ ಯಂತಿ॑ ಭಾ॒ನವಃ॑ | ಅಪ॑ ನಃ॒ ಶೋಶು॑ಚದ॒ಘಂ ||{1.7.5.5}, {1.97.5}, {1.15.4.5} |
| 1082 | ತ್ವಂ ಹಿ ವಿ॑ಶ್ವತೋಮುಖ ವಿ॒ಶ್ವತಃ॑ ಪರಿ॒ಭೂರಸಿ॑ | ಅಪ॑ ನಃ॒ ಶೋಶು॑ಚದ॒ಘಂ ||{1.7.5.6}, {1.97.6}, {1.15.4.6} |
| 1083 | ದ್ವಿಷೋ᳚ ನೋ ವಿಶ್ವತೋಮು॒ಖಾತಿ॑ ನಾ॒ವೇವ॑ ಪಾರಯ | ಅಪ॑ ನಃ॒ ಶೋಶು॑ಚದ॒ಘಂ ||{1.7.5.7}, {1.97.7}, {1.15.4.7} |
| 1084 | ಸ ನಃ॒ ಸಿಂಧು॑ಮಿವ ನಾ॒ವಯಾತಿ॑ ಪರ್ಷಾ ಸ್ವ॒ಸ್ತಯೇ᳚ | ಅಪ॑ ನಃ॒ ಶೋಶು॑ಚದ॒ಘಂ ||{1.7.5.8}, {1.97.8}, {1.15.4.8} |
| [98] (1-3) ತೃಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಅಗ್ನಿರ್ವೈಶ್ವಾನರೋಽಗ್ನಿರ್ವಾ ದೇವತಾ | ತ್ರಿಷ್ಟುಪ್ ಛಂದಃ || | |
| 1085 | ವೈ॒ಶ್ವಾ॒ನ॒ರಸ್ಯ॑ ಸುಮ॒ತೌ ಸ್ಯಾ᳚ಮ॒ ರಾಜಾ॒ ಹಿ ಕಂ॒ ಭುವ॑ನಾನಾಮಭಿ॒ಶ್ರೀಃ | ಇ॒ತೋ ಜಾ॒ತೋ ವಿಶ್ವ॑ಮಿ॒ದಂ ವಿ ಚ॑ಷ್ಟೇ ವೈಶ್ವಾನ॒ರೋ ಯ॑ತತೇ॒ ಸೂರ್ಯೇ᳚ಣ ||{1.7.6.1}, {1.98.1}, {1.15.5.1} |
| 1086 | ಪೃ॒ಷ್ಟೋ ದಿ॒ವಿ ಪೃ॒ಷ್ಟೋ ಅ॒ಗ್ನಿಃ ಪೃ॑ಥಿ॒ವ್ಯಾಂ ಪೃ॒ಷ್ಟೋ ವಿಶ್ವಾ॒ ಓಷ॑ಧೀ॒ರಾ ವಿ॑ವೇಶ | ವೈ॒ಶ್ವಾ॒ನ॒ರಃ ಸಹ॑ಸಾ ಪೃ॒ಷ್ಟೋ ಅ॒ಗ್ನಿಃ ಸ ನೋ॒ ದಿವಾ॒ ಸ ರಿ॒ಷಃ ಪಾ᳚ತು॒ ನಕ್ತಂ᳚ ||{1.7.6.2}, {1.98.2}, {1.15.5.2} |
| 1087 | ವೈಶ್ವಾ᳚ನರ॒ ತವ॒ ತತ್ಸ॒ತ್ಯಮ॑ಸ್ತ್ವ॒ಸ್ಮಾನ್ರಾಯೋ᳚ ಮ॒ಘವಾ᳚ನಃ ಸಚಂತಾಂ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.6.3}, {1.98.3}, {1.15.5.3} |
| [99] (1) ಏಕರ್ಚಸ್ಯ ಸೂಕ್ತಸ್ಯ ಮಾರೀಚಃ ಕಶ್ಯಪ ಋಷಿಃ | ಅಗ್ನಿರ್ಜಾತವೇದಾ ಅಗ್ನಿರ್ವಾ ದೇವತಾ | ತ್ರಿಷ್ಟುಪ್ ಛಂದಃ || | |
| 1088 | ಜಾ॒ತವೇ᳚ದಸೇ ಸುನವಾಮ॒ ಸೋಮ॑ಮರಾತೀಯ॒ತೋ ನಿ ದ॑ಹಾತಿ॒ ವೇದಃ॑ | ಸ ನಃ॑ ಪರ್ಷ॒ದತಿ॑ ದು॒ರ್ಗಾಣಿ॒ ವಿಶ್ವಾ᳚ ನಾ॒ವೇವ॒ ಸಿಂಧುಂ᳚ ದುರಿ॒ತಾತ್ಯ॒ಗ್ನಿಃ ||{1.7.7.1}, {1.99.1}, {1.15.6.1} |
| [100] (1-19) ಏಕೋನವಿಂಶತ್ಯೃಚಸ್ಯ ಸೂಕ್ತಸ್ಯ ಚಾರ್ಷಾಗಿರಾ ಋಜ್ರಾಶ್ವಾಂಬರೀಷ-ಸಹದೇವ-ಭಯಮಾನ-ಸುರಾಧಸ ಋಷಯಃ ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 1089 | ಸ ಯೋ ವೃಷಾ॒ ವೃಷ್ಣ್ಯೇ᳚ಭಿಃ॒ ಸಮೋ᳚ಕಾ ಮ॒ಹೋ ದಿ॒ವಃ ಪೃ॑ಥಿ॒ವ್ಯಾಶ್ಚ॑ ಸ॒ಮ್ರಾಟ್ | ಸ॒ತೀ॒ನಸ॑ತ್ವಾ॒ ಹವ್ಯೋ॒ ಭರೇ᳚ಷು ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.8.1}, {1.100.1}, {1.15.7.1} |
| 1090 | ಯಸ್ಯಾನಾ᳚ಪ್ತಃ॒ ಸೂರ್ಯ॑ಸ್ಯೇವ॒ ಯಾಮೋ॒ ಭರೇ᳚ಭರೇ ವೃತ್ರ॒ಹಾ ಶುಷ್ಮೋ॒ ಅಸ್ತಿ॑ | ವೃಷಂ᳚ತಮಃ॒ ಸಖಿ॑ಭಿಃ॒ ಸ್ವೇಭಿ॒ರೇವೈ᳚ರ್ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.8.2}, {1.100.2}, {1.15.7.2} |
| 1091 | ದಿ॒ವೋ ನ ಯಸ್ಯ॒ ರೇತ॑ಸೋ॒ ದುಘಾ᳚ನಾಃ॒ ಪಂಥಾ᳚ಸೋ॒ ಯಂತಿ॒ ಶವ॒ಸಾಪ॑ರೀತಾಃ | ತ॒ರದ್ದ್ವೇ᳚ಷಾಃ ಸಾಸ॒ಹಿಃ ಪೌಂಸ್ಯೇ᳚ಭಿರ್ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.8.3}, {1.100.3}, {1.15.7.3} |
| 1092 | ಸೋ ಅಂಗಿ॑ರೋಭಿ॒ರಂಗಿ॑ರಸ್ತಮೋ ಭೂ॒ದ್ವೃಷಾ॒ ವೃಷ॑ಭಿಃ॒ ಸಖಿ॑ಭಿಃ॒ ಸಖಾ॒ ಸನ್ | ಋ॒ಗ್ಮಿಭಿ॑ರೃ॒ಗ್ಮೀ ಗಾ॒ತುಭಿ॒ರ್ಜ್ಯೇಷ್ಠೋ᳚ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.8.4}, {1.100.4}, {1.15.7.4} |
| 1093 | ಸ ಸೂ॒ನುಭಿ॒ರ್ನ ರು॒ದ್ರೇಭಿ॒ರೃಭ್ವಾ᳚ ನೃ॒ಷಾಹ್ಯೇ᳚ ಸಾಸ॒ಹ್ವಾಁ ಅ॒ಮಿತ್ರಾ॑ನ್ | ಸನೀ᳚ಳೇಭಿಃ ಶ್ರವ॒ಸ್ಯಾ᳚ನಿ॒ ತೂರ್ವ᳚ನ್ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.8.5}, {1.100.5}, {1.15.7.5} |
| 1094 | ಸ ಮ᳚ನ್ಯು॒ಮೀಃ ಸ॒ಮದ॑ನಸ್ಯ ಕ॒ರ್ತಾಸ್ಮಾಕೇ᳚ಭಿ॒ರ್ನೃಭಿಃ॒ ಸೂರ್ಯಂ᳚ ಸನತ್ | ಅ॒ಸ್ಮಿನ್ನಹ॒ನ್ಸತ್ಪ॑ತಿಃ ಪುರುಹೂ॒ತೋ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.9.1}, {1.100.6}, {1.15.7.6} |
| 1095 | ತಮೂ॒ತಯೋ᳚ ರಣಯಂ॒ಛೂರ॑ಸಾತೌ॒ ತಂ ಕ್ಷೇಮ॑ಸ್ಯ ಕ್ಷಿ॒ತಯಃ॑ ಕೃಣ್ವತ॒ ತ್ರಾಂ | ಸ ವಿಶ್ವ॑ಸ್ಯ ಕ॒ರುಣ॑ಸ್ಯೇಶ॒ ಏಕೋ᳚ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.9.2}, {1.100.7}, {1.15.7.7} |
| 1096 | ತಮ॑ಪ್ಸಂತ॒ ಶವ॑ಸ ಉತ್ಸ॒ವೇಷು॒ ನರೋ॒ ನರ॒ಮವ॑ಸೇ॒ ತಂ ಧನಾ᳚ಯ | ಸೋ ಅಂ॒ಧೇ ಚಿ॒ತ್ತಮ॑ಸಿ॒ ಜ್ಯೋತಿ᳚ರ್ವಿದನ್ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.9.3}, {1.100.8}, {1.15.7.8} |
| 1097 | ಸ ಸ॒ವ್ಯೇನ॑ ಯಮತಿ॒ ವ್ರಾಧ॑ತಶ್ಚಿ॒ತ್ಸ ದ॑ಕ್ಷಿ॒ಣೇ ಸಂಗೃ॑ಭೀತಾ ಕೃ॒ತಾನಿ॑ | ಸ ಕೀ॒ರಿಣಾ᳚ ಚಿ॒ತ್ಸನಿ॑ತಾ॒ ಧನಾ᳚ನಿ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.9.4}, {1.100.9}, {1.15.7.9} |
| 1098 | ಸ ಗ್ರಾಮೇ᳚ಭಿಃ॒ ಸನಿ॑ತಾ॒ ಸ ರಥೇ᳚ಭಿರ್ವಿ॒ದೇ ವಿಶ್ವಾ᳚ಭಿಃ ಕೃ॒ಷ್ಟಿಭಿ॒ರ್ನ್ವ೧॑(ಅ॒)ದ್ಯ | ಸ ಪೌಂಸ್ಯೇ᳚ಭಿರಭಿ॒ಭೂರಶ॑ಸ್ತೀರ್ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.9.5}, {1.100.10}, {1.15.7.10} |
| 1099 | ಸ ಜಾ॒ಮಿಭಿ॒ರ್ಯತ್ಸ॒ಮಜಾ᳚ತಿ ಮೀ॒ಳ್ಹೇಽಜಾ᳚ಮಿಭಿರ್ವಾ ಪುರುಹೂ॒ತ ಏವೈಃ᳚ | ಅ॒ಪಾಂ ತೋ॒ಕಸ್ಯ॒ ತನ॑ಯಸ್ಯ ಜೇ॒ಷೇ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.10.1}, {1.100.11}, {1.15.7.11} |
| 1100 | ಸ ವ॑ಜ್ರ॒ಭೃದ್ದ॑ಸ್ಯು॒ಹಾ ಭೀ॒ಮ ಉ॒ಗ್ರಃ ಸ॒ಹಸ್ರ॑ಚೇತಾಃ ಶ॒ತನೀ᳚ಥ॒ ಋಭ್ವಾ᳚ | ಚ॒ಮ್ರೀ॒ಷೋ ನ ಶವ॑ಸಾ॒ ಪಾಂಚ॑ಜನ್ಯೋ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.10.2}, {1.100.12}, {1.15.7.12} |
| 1101 | ತಸ್ಯ॒ ವಜ್ರಃ॑ ಕ್ರಂದತಿ॒ ಸ್ಮತ್ಸ್ವ॒ರ್ಷಾ ದಿ॒ವೋ ನ ತ್ವೇ॒ಷೋ ರ॒ವಥಃ॒ ಶಿಮೀ᳚ವಾನ್ | ತಂ ಸ॑ಚಂತೇ ಸ॒ನಯ॒ಸ್ತಂ ಧನಾ᳚ನಿ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.10.3}, {1.100.13}, {1.15.7.13} |
| 1102 | ಯಸ್ಯಾಜ॑ಸ್ರಂ॒ ಶವ॑ಸಾ॒ ಮಾನ॑ಮು॒ಕ್ಥಂ ಪ॑ರಿಭು॒ಜದ್ರೋದ॑ಸೀ ವಿ॒ಶ್ವತಃ॑ ಸೀಂ | ಸ ಪಾ᳚ರಿಷ॒ತ್ಕ್ರತು॑ಭಿರ್ಮಂದಸಾ॒ನೋ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.10.4}, {1.100.14}, {1.15.7.14} |
| 1103 | ನ ಯಸ್ಯ॑ ದೇ॒ವಾ ದೇ॒ವತಾ॒ ನ ಮರ್ತಾ॒ ಆಪ॑ಶ್ಚ॒ನ ಶವ॑ಸೋ॒ ಅಂತ॑ಮಾ॒ಪುಃ | ಸ ಪ್ರ॒ರಿಕ್ವಾ॒ ತ್ವಕ್ಷ॑ಸಾ॒ ಕ್ಷ್ಮೋ ದಿ॒ವಶ್ಚ॑ ಮ॒ರುತ್ವಾ᳚ನ್ನೋ ಭವ॒ತ್ವಿಂದ್ರ॑ ಊ॒ತೀ ||{1.7.10.5}, {1.100.15}, {1.15.7.15} |
| 1104 | ರೋ॒ಹಿಚ್ಛ್ಯಾ॒ವಾ ಸು॒ಮದಂ᳚ಶುರ್ಲಲಾ॒ಮೀರ್ದ್ಯು॒ಕ್ಷಾ ರಾ॒ಯ ಋ॒ಜ್ರಾಶ್ವ॑ಸ್ಯ | ವೃಷ᳚ಣ್ವಂತಂ॒ ಬಿಭ್ರ॑ತೀ ಧೂ॒ರ್ಷು ರಥಂ᳚ ಮಂ॒ದ್ರಾ ಚಿ॑ಕೇತ॒ ನಾಹು॑ಷೀಷು ವಿ॒ಕ್ಷು ||{1.7.11.1}, {1.100.16}, {1.15.7.16} |
| 1105 | ಏ॒ತತ್ತ್ಯತ್ತ॑ ಇಂದ್ರ॒ ವೃಷ್ಣ॑ ಉ॒ಕ್ಥಂ ವಾ᳚ರ್ಷಾಗಿ॒ರಾ ಅ॒ಭಿ ಗೃ॑ಣಂತಿ॒ ರಾಧಃ॑ | ಋ॒ಜ್ರಾಶ್ವಃ॒ ಪ್ರಷ್ಟಿ॑ಭಿರಂಬ॒ರೀಷಃ॑ ಸ॒ಹದೇ᳚ವೋ॒ ಭಯ॑ಮಾನಃ ಸು॒ರಾಧಾಃ᳚ ||{1.7.11.2}, {1.100.17}, {1.15.7.17} |
| 1106 | ದಸ್ಯೂಂ॒ಛಿಮ್ಯೂಁ᳚ಶ್ಚ ಪುರುಹೂ॒ತ ಏವೈ᳚ರ್ಹ॒ತ್ವಾ ಪೃ॑ಥಿ॒ವ್ಯಾಂ ಶರ್ವಾ॒ ನಿ ಬ॑ರ್ಹೀತ್ | ಸನ॒ತ್ಕ್ಷೇತ್ರಂ॒ ಸಖಿ॑ಭಿಃ ಶ್ವಿ॒ತ್ನ್ಯೇಭಿಃ॒ ಸನ॒ತ್ಸೂರ್ಯಂ॒ ಸನ॑ದ॒ಪಃ ಸು॒ವಜ್ರಃ॑ ||{1.7.11.3}, {1.100.18}, {1.15.7.18} |
| 1107 | ವಿ॒ಶ್ವಾಹೇಂದ್ರೋ᳚ ಅಧಿವ॒ಕ್ತಾ ನೋ᳚ ಅ॒ಸ್ತ್ವಪ॑ರಿಹ್ವೃತಾಃ ಸನುಯಾಮ॒ ವಾಜಂ᳚ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.11.4}, {1.100.19}, {1.15.7.19} |
| [101] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಇಂದ್ರೋ ದೇವತಾ | (17) ಪ್ರಥಮಾದಿಸಪ್ತರ್‌ಋಚಾಂ ಜಗತೀ (8-11) ಅಷ್ಟಮ್ಯಾದಿಚತಸೃಣಾಂಚ ತ್ರಿಷ್ಟುಪ್ ಛಂದಸೀ || | |
| 1108 | ಪ್ರ ಮಂ॒ದಿನೇ᳚ ಪಿತು॒ಮದ॑ರ್ಚತಾ॒ ವಚೋ॒ ಯಃ ಕೃ॒ಷ್ಣಗ॑ರ್ಭಾ ನಿ॒ರಹ᳚ನ್ನೃ॒ಜಿಶ್ವ॑ನಾ | ಅ॒ವ॒ಸ್ಯವೋ॒ ವೃಷ॑ಣಂ॒ ವಜ್ರ॑ದಕ್ಷಿಣಂ ಮ॒ರುತ್ವಂ᳚ತಂ ಸ॒ಖ್ಯಾಯ॑ ಹವಾಮಹೇ ||{1.7.12.1}, {1.101.1}, {1.15.8.1} |
| 1109 | ಯೋ ವ್ಯಂ᳚ಸಂ ಜಾಹೃಷಾ॒ಣೇನ॑ ಮ॒ನ್ಯುನಾ॒ ಯಃ ಶಂಬ॑ರಂ॒ ಯೋ ಅಹ॒ನ್ಪಿಪ್ರು॑ಮವ್ರ॒ತಂ | ಇಂದ್ರೋ॒ ಯಃ ಶುಷ್ಣ॑ಮ॒ಶುಷಂ॒ ನ್ಯಾವೃ॑ಣಙ್ ಮ॒ರುತ್ವಂ᳚ತಂ ಸ॒ಖ್ಯಾಯ॑ ಹವಾಮಹೇ ||{1.7.12.2}, {1.101.2}, {1.15.8.2} |
| 1110 | ಯಸ್ಯ॒ ದ್ಯಾವಾ᳚ಪೃಥಿ॒ವೀ ಪೌಂಸ್ಯಂ᳚ ಮ॒ಹದ್ಯಸ್ಯ᳚ ವ್ರ॒ತೇ ವರು॑ಣೋ॒ ಯಸ್ಯ॒ ಸೂರ್ಯಃ॑ | ಯಸ್ಯೇಂದ್ರ॑ಸ್ಯ॒ ಸಿಂಧ॑ವಃ॒ ಸಶ್ಚ॑ತಿ ವ್ರ॒ತಂ ಮ॒ರುತ್ವಂ᳚ತಂ ಸ॒ಖ್ಯಾಯ॑ ಹವಾಮಹೇ ||{1.7.12.3}, {1.101.3}, {1.15.8.3} |
| 1111 | ಯೋ ಅಶ್ವಾ᳚ನಾಂ॒ ಯೋ ಗವಾಂ॒ ಗೋಪ॑ತಿರ್ವ॒ಶೀ ಯ ಆ᳚ರಿ॒ತಃ ಕರ್ಮ॑ಣಿಕರ್ಮಣಿ ಸ್ಥಿ॒ರಃ | ವೀ॒ಳೋಶ್ಚಿ॒ದಿಂದ್ರೋ॒ ಯೋ ಅಸು᳚ನ್ವತೋ ವ॒ಧೋ ಮ॒ರುತ್ವಂ᳚ತಂ ಸ॒ಖ್ಯಾಯ॑ ಹವಾಮಹೇ ||{1.7.12.4}, {1.101.4}, {1.15.8.4} |
| 1112 | ಯೋ ವಿಶ್ವ॑ಸ್ಯ॒ ಜಗ॑ತಃ ಪ್ರಾಣ॒ತಸ್ಪತಿ॒ರ್ಯೋ ಬ್ರ॒ಹ್ಮಣೇ᳚ ಪ್ರಥ॒ಮೋ ಗಾ ಅವಿಂ᳚ದತ್ | ಇಂದ್ರೋ॒ ಯೋ ದಸ್ಯೂಁ॒ರಧ॑ರಾಁ ಅ॒ವಾತಿ॑ರನ್ಮ॒ರುತ್ವಂ᳚ತಂ ಸ॒ಖ್ಯಾಯ॑ ಹವಾಮಹೇ ||{1.7.12.5}, {1.101.5}, {1.15.8.5} |
| 1113 | ಯಃ ಶೂರೇ᳚ಭಿ॒ರ್ಹವ್ಯೋ॒ ಯಶ್ಚ॑ ಭೀ॒ರುಭಿ॒ರ್ಯೋ ಧಾವ॑ದ್ಭಿರ್ಹೂ॒ಯತೇ॒ ಯಶ್ಚ॑ ಜಿ॒ಗ್ಯುಭಿಃ॑ | ಇಂದ್ರಂ॒ ಯಂ ವಿಶ್ವಾ॒ ಭುವ॑ನಾ॒ಭಿ ಸಂ᳚ದ॒ಧುರ್ಮ॒ರುತ್ವಂ᳚ತಂ ಸ॒ಖ್ಯಾಯ॑ ಹವಾಮಹೇ ||{1.7.12.6}, {1.101.6}, {1.15.8.6} |
| 1114 | ರು॒ದ್ರಾಣಾ᳚ಮೇತಿ ಪ್ರ॒ದಿಶಾ᳚ ವಿಚಕ್ಷ॒ಣೋ ರು॒ದ್ರೇಭಿ॒ರ್ಯೋಷಾ᳚ ತನುತೇ ಪೃ॒ಥು ಜ್ರಯಃ॑ | ಇಂದ್ರಂ᳚ ಮನೀ॒ಷಾ ಅ॒ಭ್ಯ॑ರ್ಚತಿ ಶ್ರು॒ತಂ ಮ॒ರುತ್ವಂ᳚ತಂ ಸ॒ಖ್ಯಾಯ॑ ಹವಾಮಹೇ ||{1.7.13.1}, {1.101.7}, {1.15.8.7} |
| 1115 | ಯದ್ವಾ᳚ ಮರುತ್ವಃ ಪರ॒ಮೇ ಸ॒ಧಸ್ಥೇ॒ ಯದ್ವಾ᳚ವ॒ಮೇ ವೃ॒ಜನೇ᳚ ಮಾ॒ದಯಾ᳚ಸೇ | ಅತ॒ ಆ ಯಾ᳚ಹ್ಯಧ್ವ॒ರಂ ನೋ॒ ಅಚ್ಛಾ᳚ ತ್ವಾ॒ಯಾ ಹ॒ವಿಶ್ಚ॑ಕೃಮಾ ಸತ್ಯರಾಧಃ ||{1.7.13.2}, {1.101.8}, {1.15.8.8} |
| 1116 | ತ್ವಾ॒ಯೇಂದ್ರ॒ ಸೋಮಂ᳚ ಸುಷುಮಾ ಸುದಕ್ಷ ತ್ವಾ॒ಯಾ ಹ॒ವಿಶ್ಚ॑ಕೃಮಾ ಬ್ರಹ್ಮವಾಹಃ | ಅಧಾ᳚ ನಿಯುತ್ವಃ॒ ಸಗ॑ಣೋ ಮ॒ರುದ್ಭಿ॑ರ॒ಸ್ಮಿನ್ಯ॒ಜ್ಞೇ ಬ॒ರ್ಹಿಷಿ॑ ಮಾದಯಸ್ವ ||{1.7.13.3}, {1.101.9}, {1.15.8.9} |
| 1117 | ಮಾ॒ದಯ॑ಸ್ವ॒ ಹರಿ॑ಭಿ॒ರ್ಯೇ ತ॑ ಇಂದ್ರ॒ ವಿ ಷ್ಯ॑ಸ್ವ॒ ಶಿಪ್ರೇ॒ ವಿ ಸೃ॑ಜಸ್ವ॒ ಧೇನೇ᳚ | ಆ ತ್ವಾ᳚ ಸುಶಿಪ್ರ॒ ಹರ॑ಯೋ ವಹಂತೂ॒ಶನ್ಹ॒ವ್ಯಾನಿ॒ ಪ್ರತಿ॑ ನೋ ಜುಷಸ್ವ ||{1.7.13.4}, {1.101.10}, {1.15.8.10} |
| 1118 | ಮ॒ರುತ್ಸ್ತೋ᳚ತ್ರಸ್ಯ ವೃ॒ಜನ॑ಸ್ಯ ಗೋ॒ಪಾ ವ॒ಯಮಿಂದ್ರೇ᳚ಣ ಸನುಯಾಮ॒ ವಾಜಂ᳚ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.13.5}, {1.101.11}, {1.15.8.11} |
| [102] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಇಂದ್ರೋ ದೇವತಾ | (1-10) ಪ್ರಥಮಾದಿದಶರ್ಚಾಂ ಜಗತೀ (11) ಏಕಾದಶ್ಯಾಶ್ಚ ತ್ರಿಷ್ಟುಪ್ ಛಂದಸೀ || | |
| 1119 | ಇ॒ಮಾಂ ತೇ॒ ಧಿಯಂ॒ ಪ್ರ ಭ॑ರೇ ಮ॒ಹೋ ಮ॒ಹೀಮ॒ಸ್ಯ ಸ್ತೋ॒ತ್ರೇ ಧಿ॒ಷಣಾ॒ ಯತ್ತ॑ ಆನ॒ಜೇ | ತಮು॑ತ್ಸ॒ವೇ ಚ॑ ಪ್ರಸ॒ವೇ ಚ॑ ಸಾಸ॒ಹಿಮಿಂದ್ರಂ᳚ ದೇ॒ವಾಸಃ॒ ಶವ॑ಸಾಮದ॒ನ್ನನು॑ ||{1.7.14.1}, {1.102.1}, {1.15.9.1} |
| 1120 | ಅ॒ಸ್ಯ ಶ್ರವೋ᳚ ನ॒ದ್ಯಃ॑ ಸ॒ಪ್ತ ಬಿ॑ಭ್ರತಿ॒ ದ್ಯಾವಾ॒ಕ್ಷಾಮಾ᳚ ಪೃಥಿ॒ವೀ ದ॑ರ್ಶ॒ತಂ ವಪುಃ॑ | ಅ॒ಸ್ಮೇ ಸೂ᳚ರ್ಯಾಚಂದ್ರ॒ಮಸಾ᳚ಭಿ॒ಚಕ್ಷೇ᳚ ಶ್ರ॒ದ್ಧೇ ಕಮಿಂ᳚ದ್ರ ಚರತೋ ವಿತರ್ತು॒ರಂ ||{1.7.14.2}, {1.102.2}, {1.15.9.2} |
| 1121 | ತಂ ಸ್ಮಾ॒ ರಥಂ᳚ ಮಘವ॒ನ್ಪ್ರಾವ॑ ಸಾ॒ತಯೇ॒ ಜೈತ್ರಂ॒ ಯಂ ತೇ᳚ ಅನು॒ಮದಾ᳚ಮ ಸಂಗ॒ಮೇ | ಆ॒ಜಾ ನ॑ ಇಂದ್ರ॒ ಮನ॑ಸಾ ಪುರುಷ್ಟುತ ತ್ವಾ॒ಯದ್ಭ್ಯೋ᳚ ಮಘವಂ॒ಛರ್ಮ॑ ಯಚ್ಛ ನಃ ||{1.7.14.3}, {1.102.3}, {1.15.9.3} |
| 1122 | ವ॒ಯಂ ಜ॑ಯೇಮ॒ ತ್ವಯಾ᳚ ಯು॒ಜಾ ವೃತ॑ಮ॒ಸ್ಮಾಕ॒ಮಂಶ॒ಮುದ॑ವಾ॒ ಭರೇ᳚ಭರೇ | ಅ॒ಸ್ಮಭ್ಯ॑ಮಿಂದ್ರ॒ ವರಿ॑ವಃ ಸು॒ಗಂ ಕೃ॑ಧಿ॒ ಪ್ರ ಶತ್ರೂ᳚ಣಾಂ ಮಘವ॒ನ್ವೃಷ್ಣ್ಯಾ᳚ ರುಜ ||{1.7.14.4}, {1.102.4}, {1.15.9.4} |
| 1123 | ನಾನಾ॒ ಹಿ ತ್ವಾ॒ ಹವ॑ಮಾನಾ॒ ಜನಾ᳚ ಇ॒ಮೇ ಧನಾ᳚ನಾಂ ಧರ್ತ॒ರವ॑ಸಾ ವಿಪ॒ನ್ಯವಃ॑ | ಅ॒ಸ್ಮಾಕಂ᳚ ಸ್ಮಾ॒ ರಥ॒ಮಾ ತಿ॑ಷ್ಠ ಸಾ॒ತಯೇ॒ ಜೈತ್ರಂ॒ ಹೀಂ᳚ದ್ರ॒ ನಿಭೃ॑ತಂ॒ ಮನ॒ಸ್ತವ॑ ||{1.7.14.5}, {1.102.5}, {1.15.9.5} |
| 1124 | ಗೋ॒ಜಿತಾ᳚ ಬಾ॒ಹೂ ಅಮಿ॑ತಕ್ರತುಃ ಸಿ॒ಮಃ ಕರ್ಮ᳚ನ್ಕರ್ಮಂಛ॒ತಮೂ᳚ತಿಃ ಖಜಂಕ॒ರಃ | ಅ॒ಕ॒ಲ್ಪ ಇಂದ್ರಃ॑ ಪ್ರತಿ॒ಮಾನ॒ಮೋಜ॒ಸಾಥಾ॒ ಜನಾ॒ ವಿ ಹ್ವ॑ಯಂತೇ ಸಿಷಾ॒ಸವಃ॑ ||{1.7.15.1}, {1.102.6}, {1.15.9.6} |
| 1125 | ಉತ್ತೇ᳚ ಶ॒ತಾನ್ಮ॑ಘವ॒ನ್ನುಚ್ಚ॒ ಭೂಯ॑ಸ॒ ಉತ್ಸ॒ಹಸ್ರಾ᳚ದ್ರಿರಿಚೇ ಕೃ॒ಷ್ಟಿಷು॒ ಶ್ರವಃ॑ | ಅ॒ಮಾ॒ತ್ರಂ ತ್ವಾ᳚ ಧಿ॒ಷಣಾ᳚ ತಿತ್ವಿಷೇ ಮ॒ಹ್ಯಧಾ᳚ ವೃ॒ತ್ರಾಣಿ॑ ಜಿಘ್ನಸೇ ಪುರಂದರ ||{1.7.15.2}, {1.102.7}, {1.15.9.7} |
| 1126 | ತ್ರಿ॒ವಿ॒ಷ್ಟಿ॒ಧಾತು॑ ಪ್ರತಿ॒ಮಾನ॒ಮೋಜ॑ಸಸ್ತಿ॒ಸ್ರೋ ಭೂಮೀ᳚ರ್ನೃಪತೇ॒ ತ್ರೀಣಿ॑ ರೋಚ॒ನಾ | ಅತೀ॒ದಂ ವಿಶ್ವಂ॒ ಭುವ॑ನಂ ವವಕ್ಷಿಥಾಶ॒ತ್ರುರಿಂ᳚ದ್ರ ಜ॒ನುಷಾ᳚ ಸ॒ನಾದ॑ಸಿ ||{1.7.15.3}, {1.102.8}, {1.15.9.8} |
| 1127 | ತ್ವಾಂ ದೇ॒ವೇಷು॑ ಪ್ರಥ॒ಮಂ ಹ॑ವಾಮಹೇ॒ ತ್ವಂ ಬ॑ಭೂಥ॒ ಪೃತ॑ನಾಸು ಸಾಸ॒ಹಿಃ | ಸೇಮಂ ನಃ॑ ಕಾ॒ರುಮು॑ಪಮ॒ನ್ಯುಮು॒ದ್ಭಿದ॒ಮಿಂದ್ರಃ॑ ಕೃಣೋತು ಪ್ರಸ॒ವೇ ರಥಂ᳚ ಪು॒ರಃ ||{1.7.15.4}, {1.102.9}, {1.15.9.9} |
| 1128 | ತ್ವಂ ಜಿ॑ಗೇಥ॒ ನ ಧನಾ᳚ ರುರೋಧಿ॒ಥಾರ್ಭೇ᳚ಷ್ವಾ॒ಜಾ ಮ॑ಘವನ್ಮ॒ಹತ್ಸು॑ ಚ | ತ್ವಾಮು॒ಗ್ರಮವ॑ಸೇ॒ ಸಂ ಶಿ॑ಶೀಮ॒ಸ್ಯಥಾ᳚ ನ ಇಂದ್ರ॒ ಹವ॑ನೇಷು ಚೋದಯ ||{1.7.15.5}, {1.102.10}, {1.15.9.10} |
| 1129 | ವಿ॒ಶ್ವಾಹೇಂದ್ರೋ᳚ ಅಧಿವ॒ಕ್ತಾ ನೋ᳚ ಅ॒ಸ್ತ್ವಪ॑ರಿಹ್ವೃತಾಃ ಸನುಯಾಮ॒ ವಾಜಂ᳚ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.15.6}, {1.102.11}, {1.15.9.11} |
| [103] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 1130 | ತತ್ತ॑ ಇಂದ್ರಿ॒ಯಂ ಪ॑ರ॒ಮಂ ಪ॑ರಾ॒ಚೈರಧಾ᳚ರಯಂತ ಕ॒ವಯಃ॑ ಪು॒ರೇದಂ | ಕ್ಷ॒ಮೇದಮ॒ನ್ಯದ್ದಿ॒ವ್ಯ೧॑(ಅ॒)'ನ್ಯದ॑ಸ್ಯ॒ ಸಮೀ᳚ ಪೃಚ್ಯತೇ ಸಮ॒ನೇವ॑ ಕೇ॒ತುಃ ||{1.7.16.1}, {1.103.1}, {1.15.10.1} |
| 1131 | ಸ ಧಾ᳚ರಯತ್ಪೃಥಿ॒ವೀಂ ಪ॒ಪ್ರಥ॑ಚ್ಚ॒ ವಜ್ರೇ᳚ಣ ಹ॒ತ್ವಾ ನಿರ॒ಪಃ ಸ॑ಸರ್ಜ | ಅಹ॒ನ್ನಹಿ॒ಮಭಿ॑ನದ್ರೌಹಿ॒ಣಂ ವ್ಯಹ॒ನ್ವ್ಯಂ᳚ಸಂ ಮ॒ಘವಾ॒ ಶಚೀ᳚ಭಿಃ ||{1.7.16.2}, {1.103.2}, {1.15.10.2} |
| 1132 | ಸ ಜಾ॒ತೂಭ᳚ರ್ಮಾ ಶ್ರ॒ದ್ದಧಾ᳚ನ॒ ಓಜಃ॒ ಪುರೋ᳚ ವಿಭಿಂ॒ದನ್ನ॑ಚರ॒ದ್ವಿ ದಾಸೀಃ᳚ | ವಿ॒ದ್ವಾನ್ವ॑ಜ್ರಿಂ॒ದಸ್ಯ॑ವೇ ಹೇ॒ತಿಮ॒ಸ್ಯಾರ್ಯಂ॒ ಸಹೋ᳚ ವರ್ಧಯಾ ದ್ಯು॒ಮ್ನಮಿಂ᳚ದ್ರ ||{1.7.16.3}, {1.103.3}, {1.15.10.3} |
| 1133 | ತದೂ॒ಚುಷೇ॒ ಮಾನು॑ಷೇ॒ಮಾ ಯು॒ಗಾನಿ॑ ಕೀ॒ರ್ತೇನ್ಯಂ᳚ ಮ॒ಘವಾ॒ ನಾಮ॒ ಬಿಭ್ರ॑ತ್ | ಉ॒ಪ॒ಪ್ರ॒ಯಂದ॑ಸ್ಯು॒ಹತ್ಯಾ᳚ಯ ವ॒ಜ್ರೀ ಯದ್ಧ॑ ಸೂ॒ನುಃ ಶ್ರವ॑ಸೇ॒ ನಾಮ॑ ದ॒ಧೇ ||{1.7.16.4}, {1.103.4}, {1.15.10.4} |
| 1134 | ತದ॑ಸ್ಯೇ॒ದಂ ಪ॑ಶ್ಯತಾ॒ ಭೂರಿ॑ ಪು॒ಷ್ಟಂ ಶ್ರದಿಂದ್ರ॑ಸ್ಯ ಧತ್ತನ ವೀ॒ರ್ಯಾ᳚ಯ | ಸ ಗಾ ಅ॑ವಿಂದ॒ತ್ಸೋ ಅ॑ವಿಂದ॒ದಶ್ವಾ॒ನ್ಸ ಓಷ॑ಧೀಃ॒ ಸೋ ಅ॒ಪಃ ಸ ವನಾ᳚ನಿ ||{1.7.16.5}, {1.103.5}, {1.15.10.5} |
| 1135 | ಭೂರಿ॑ಕರ್ಮಣೇ ವೃಷ॒ಭಾಯ॒ ವೃಷ್ಣೇ᳚ ಸ॒ತ್ಯಶು॑ಷ್ಮಾಯ ಸುನವಾಮ॒ ಸೋಮಂ᳚ | ಯ ಆ॒ದೃತ್ಯಾ᳚ ಪರಿಪಂ॒ಥೀವ॒ ಶೂರೋಽಯ॑ಜ್ವನೋ ವಿ॒ಭಜ॒ನ್ನೇತಿ॒ ವೇದಃ॑ ||{1.7.17.1}, {1.103.6}, {1.15.10.6} |
| 1136 | ತದಿಂ᳚ದ್ರ॒ ಪ್ರೇವ॑ ವೀ॒ರ್ಯಂ᳚ ಚಕರ್ಥ॒ ಯತ್ಸ॒ಸಂತಂ॒ ವಜ್ರೇ॒ಣಾಬೋ᳚ಧ॒ಯೋಽಹಿಂ᳚ | ಅನು॑ ತ್ವಾ॒ ಪತ್ನೀ᳚ರ್ಹೃಷಿ॒ತಂ ವಯ॑ಶ್ಚ॒ ವಿಶ್ವೇ᳚ ದೇ॒ವಾಸೋ᳚ ಅಮದ॒ನ್ನನು॑ ತ್ವಾ ||{1.7.17.2}, {1.103.7}, {1.15.10.7} |
| 1137 | ಶುಷ್ಣಂ॒ ಪಿಪ್ರುಂ॒ ಕುಯ॑ವಂ ವೃ॒ತ್ರಮಿಂ᳚ದ್ರ ಯ॒ದಾವ॑ಧೀ॒ರ್ವಿ ಪುರಃ॒ ಶಂಬ॑ರಸ್ಯ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.17.3}, {1.103.8}, {1.15.10.8} |
| [104] (1-9) ನವರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 1138 | ಯೋನಿ॑ಷ್ಟ ಇಂದ್ರ ನಿ॒ಷದೇ᳚ ಅಕಾರಿ॒ ತಮಾ ನಿ ಷೀ᳚ದ ಸ್ವಾ॒ನೋ ನಾರ್ವಾ᳚ | ವಿ॒ಮುಚ್ಯಾ॒ ವಯೋ᳚ಽವ॒ಸಾಯಾಶ್ವಾಂ᳚ದೋ॒ಷಾ ವಸ್ತೋ॒ರ್ವಹೀ᳚ಯಸಃ ಪ್ರಪಿ॒ತ್ವೇ ||{1.7.18.1}, {1.104.1}, {1.15.11.1} |
| 1139 | ಓ ತ್ಯೇ ನರ॒ ಇಂದ್ರ॑ಮೂ॒ತಯೇ᳚ ಗು॒ರ್ನೂ ಚಿ॒ತ್ತಾನ್ಸ॒ದ್ಯೋ ಅಧ್ವ॑ನೋ ಜಗಮ್ಯಾತ್ | ದೇ॒ವಾಸೋ᳚ ಮ॒ನ್ಯುಂ ದಾಸ॑ಸ್ಯ ಶ್ಚಮ್ನಂ॒ತೇ ನ॒ ಆ ವ॑ಕ್ಷನ್ಸುವಿ॒ತಾಯ॒ ವರ್ಣಂ᳚ ||{1.7.18.2}, {1.104.2}, {1.15.11.2} |
| 1140 | ಅವ॒ ತ್ಮನಾ᳚ ಭರತೇ॒ ಕೇತ॑ವೇದಾ॒ ಅವ॒ ತ್ಮನಾ᳚ ಭರತೇ॒ ಫೇನ॑ಮು॒ದನ್ | ಕ್ಷೀ॒ರೇಣ॑ ಸ್ನಾತಃ॒ ಕುಯ॑ವಸ್ಯ॒ ಯೋಷೇ᳚ ಹ॒ತೇ ತೇ ಸ್ಯಾ᳚ತಾಂ ಪ್ರವ॒ಣೇ ಶಿಫಾ᳚ಯಾಃ ||{1.7.18.3}, {1.104.3}, {1.15.11.3} |
| 1141 | ಯು॒ಯೋಪ॒ ನಾಭಿ॒ರುಪ॑ರಸ್ಯಾ॒ಯೋಃ ಪ್ರ ಪೂರ್ವಾ᳚ಭಿಸ್ತಿರತೇ॒ ರಾಷ್ಟಿ॒ ಶೂರಃ॑ | ಅಂ॒ಜ॒ಸೀ ಕು॑ಲಿ॒ಶೀ ವೀ॒ರಪ॑ತ್ನೀ॒ ಪಯೋ᳚ ಹಿನ್ವಾ॒ನಾ ಉ॒ದಭಿ॑ರ್ಭರಂತೇ ||{1.7.18.4}, {1.104.4}, {1.15.11.4} |
| 1142 | ಪ್ರತಿ॒ ಯತ್ಸ್ಯಾ ನೀಥಾದ॑ರ್ಶಿ॒ ದಸ್ಯೋ॒ರೋಕೋ॒ ನಾಚ್ಛಾ॒ ಸದ॑ನಂ ಜಾನ॒ತೀ ಗಾ᳚ತ್ | ಅಧ॑ ಸ್ಮಾ ನೋ ಮಘವಂಚರ್ಕೃ॒ತಾದಿನ್ಮಾ ನೋ᳚ ಮ॒ಘೇವ॑ ನಿಷ್ಷ॒ಪೀ ಪರಾ᳚ ದಾಃ ||{1.7.18.5}, {1.104.5}, {1.15.11.5} |
| 1143 | ಸ ತ್ವಂ ನ॑ ಇಂದ್ರ॒ ಸೂರ್ಯೇ॒ ಸೋ ಅ॒ಪ್ಸ್ವ॑ನಾಗಾ॒ಸ್ತ್ವ ಆ ಭ॑ಜ ಜೀವಶಂ॒ಸೇ | ಮಾಂತ॑ರಾಂ॒ ಭುಜ॒ಮಾ ರೀ᳚ರಿಷೋ ನಃ॒ ಶ್ರದ್ಧಿ॑ತಂ ತೇ ಮಹ॒ತ ಇಂ᳚ದ್ರಿ॒ಯಾಯ॑ ||{1.7.19.1}, {1.104.6}, {1.15.11.6} |
| 1144 | ಅಧಾ᳚ ಮನ್ಯೇ॒ ಶ್ರತ್ತೇ᳚ ಅಸ್ಮಾ ಅಧಾಯಿ॒ ವೃಷಾ᳚ ಚೋದಸ್ವ ಮಹ॒ತೇ ಧನಾ᳚ಯ | ಮಾ ನೋ॒ ಅಕೃ॑ತೇ ಪುರುಹೂತ॒ ಯೋನಾ॒ವಿಂದ್ರ॒ ಕ್ಷುಧ್ಯ॑ದ್ಭ್ಯೋ॒ ವಯ॑ ಆಸು॒ತಿಂ ದಾಃ᳚ ||{1.7.19.2}, {1.104.7}, {1.15.11.7} |
| 1145 | ಮಾ ನೋ᳚ ವಧೀರಿಂದ್ರ॒ ಮಾ ಪರಾ᳚ ದಾ॒ ಮಾ ನಃ॑ ಪ್ರಿ॒ಯಾ ಭೋಜ॑ನಾನಿ॒ ಪ್ರ ಮೋ᳚ಷೀಃ | ಆಂ॒ಡಾ ಮಾ ನೋ᳚ ಮಘವಂಛಕ್ರ॒ ನಿರ್ಭೇ॒ನ್ಮಾ ನಃ॒ ಪಾತ್ರಾ᳚ ಭೇತ್ಸ॒ಹಜಾ᳚ನುಷಾಣಿ ||{1.7.19.3}, {1.104.8}, {1.15.11.8} |
| 1146 | ಅ॒ರ್ವಾಙೇಹಿ॒ ಸೋಮ॑ಕಾಮಂ ತ್ವಾಹುರ॒ಯಂ ಸು॒ತಸ್ತಸ್ಯ॑ ಪಿಬಾ॒ ಮದಾ᳚ಯ | ಉ॒ರು॒ವ್ಯಚಾ᳚ ಜ॒ಠರ॒ ಆ ವೃ॑ಷಸ್ವ ಪಿ॒ತೇವ॑ ನಃ ಶೃಣುಹಿ ಹೂ॒ಯಮಾ᳚ನಃ ||{1.7.19.4}, {1.104.9}, {1.15.11.9} |
| [105] (1-19) ಏಕೋನವಿಂಶತ್ಯೃಚಸ್ಯ ಸೂಕ್ತಸ್ಯಾಪ್ತ್ಯಸ್ತ್ರಿತ ಆ‌ಙ್ಗಿರಸಃ ಕುತ್ಸೋ ವಾ ಋಷಿಃ | ವಿಶ್ವೇ ದೇವಾ ದೇವತಾಃ | (1-7, 9-18) ಪ್ರಥಮಾದಿಸಪ್ತರ್ಚಾಂ ನವಮ್ಯಾದಿದಶಾನಾಂಚ ಪ‌ಙ್ಕ್ತಿಃ (8) ಅಷ್ಟಮ್ಯಾ ಯವಮಧ್ಯಾ ಮಹಾಬೃಹತೀ (19) ಏಕೋನವಿಂಶ್ಯಾಶ್ಚ ತ್ರಿಷ್ಟುಪ್ ಛಂದಾಂಸಿ || | |
| 1147 | ಚಂ॒ದ್ರಮಾ᳚ ಅ॒ಪ್ಸ್ವ೧॑(ಅ॒)'ನ್ತರಾ ಸು॑ಪ॒ರ್ಣೋ ಧಾ᳚ವತೇ ದಿ॒ವಿ | ನ ವೋ᳚ ಹಿರಣ್ಯನೇಮಯಃ ಪ॒ದಂ ವಿಂ᳚ದಂತಿ ವಿದ್ಯುತೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.20.1}, {1.105.1}, {1.15.12.1} |
| 1148 | ಅರ್ಥ॒ಮಿದ್ವಾ ಉ॑ ಅ॒ರ್ಥಿನ॒ ಆ ಜಾ॒ಯಾ ಯು॑ವತೇ॒ ಪತಿಂ᳚ | ತುಂ॒ಜಾತೇ॒ ವೃಷ್ಣ್ಯಂ॒ ಪಯಃ॑ ಪರಿ॒ದಾಯ॒ ರಸಂ᳚ ದುಹೇ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.20.2}, {1.105.2}, {1.15.12.2} |
| 1149 | ಮೋ ಷು ದೇ᳚ವಾ ಅ॒ದಃ ಸ್ವ೧॑(ಅ॒)ರವ॑ ಪಾದಿ ದಿ॒ವಸ್ಪರಿ॑ | ಮಾ ಸೋ॒ಮ್ಯಸ್ಯ॑ ಶಂ॒ಭುವಃ॒ ಶೂನೇ᳚ ಭೂಮ॒ ಕದಾ᳚ ಚ॒ನ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.20.3}, {1.105.3}, {1.15.12.3} |
| 1150 | ಯ॒ಜ್ಞಂ ಪೃ॑ಚ್ಛಾಮ್ಯವ॒ಮಂ ಸ ತದ್ದೂ॒ತೋ ವಿ ವೋ᳚ಚತಿ | ಕ್ವ॑ ಋ॒ತಂ ಪೂ॒ರ್ವ್ಯಂ ಗ॒ತಂ ಕಸ್ತದ್ಬಿ॑ಭರ್ತಿ॒ ನೂತ॑ನೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.20.4}, {1.105.4}, {1.15.12.4} |
| 1151 | ಅ॒ಮೀ ಯೇ ದೇ᳚ವಾಃ॒ ಸ್ಥನ॑ ತ್ರಿ॒ಷ್ವಾ ರೋ᳚ಚ॒ನೇ ದಿ॒ವಃ | ಕದ್ವ॑ ಋ॒ತಂ ಕದನೃ॑ತಂ॒ ಕ್ವ॑ ಪ್ರ॒ತ್ನಾ ವ॒ ಆಹು॑ತಿರ್ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.20.5}, {1.105.5}, {1.15.12.5} |
| 1152 | ಕದ್ವ॑ ಋ॒ತಸ್ಯ॑ ಧರ್ಣ॒ಸಿ ಕದ್ವರು॑ಣಸ್ಯ॒ ಚಕ್ಷ॑ಣಂ | ಕದ᳚ರ್ಯ॒ಮ್ಣೋ ಮ॒ಹಸ್ಪ॒ಥಾತಿ॑ ಕ್ರಾಮೇಮ ದೂ॒ಢ್ಯೋ᳚ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.21.1}, {1.105.6}, {1.15.12.6} |
| 1153 | ಅ॒ಹಂ ಸೋ ಅ॑ಸ್ಮಿ॒ ಯಃ ಪು॒ರಾ ಸು॒ತೇ ವದಾ᳚ಮಿ॒ ಕಾನಿ॑ ಚಿತ್ | ತಂ ಮಾ᳚ ವ್ಯಂತ್ಯಾ॒ಧ್ಯೋ॒೩॑(ಓ॒) ವೃಕೋ॒ ನ ತೃ॒ಷ್ಣಜಂ᳚ ಮೃ॒ಗಂ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.21.2}, {1.105.7}, {1.15.12.7} |
| 1154 | ಸಂ ಮಾ᳚ ತಪಂತ್ಯ॒ಭಿತಃ॑ ಸ॒ಪತ್ನೀ᳚ರಿವ॒ ಪರ್ಶ॑ವಃ | ಮೂಷೋ॒ ನ ಶಿ॒ಶ್ನಾ ವ್ಯ॑ದಂತಿ ಮಾ॒ಧ್ಯಃ॑ ಸ್ತೋ॒ತಾರಂ᳚ ತೇ ಶತಕ್ರತೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.21.3}, {1.105.8}, {1.15.12.8} |
| 1155 | ಅ॒ಮೀ ಯೇ ಸ॒ಪ್ತ ರ॒ಶ್ಮಯ॒ಸ್ತತ್ರಾ᳚ ಮೇ॒ ನಾಭಿ॒ರಾತ॑ತಾ | ತ್ರಿ॒ತಸ್ತದ್ವೇ᳚ದಾ॒ಪ್ತ್ಯಃ ಸ ಜಾ᳚ಮಿ॒ತ್ವಾಯ॑ ರೇಭತಿ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.21.4}, {1.105.9}, {1.15.12.9} |
| 1156 | ಅ॒ಮೀ ಯೇ ಪಂಚೋ॒ಕ್ಷಣೋ॒ ಮಧ್ಯೇ᳚ ತ॒ಸ್ಥುರ್ಮ॒ಹೋ ದಿ॒ವಃ | ದೇ॒ವ॒ತ್ರಾ ನು ಪ್ರ॒ವಾಚ್ಯಂ᳚ ಸಧ್ರೀಚೀ॒ನಾ ನಿ ವಾ᳚ವೃತುರ್ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.21.5}, {1.105.10}, {1.15.12.10} |
| 1157 | ಸು॒ಪ॒ರ್ಣಾ ಏ॒ತ ಆ᳚ಸತೇ॒ ಮಧ್ಯ॑ ಆ॒ರೋಧ॑ನೇ ದಿ॒ವಃ | ತೇ ಸೇ᳚ಧಂತಿ ಪ॒ಥೋ ವೃಕಂ॒ ತರಂ᳚ತಂ ಯ॒ಹ್ವತೀ᳚ರ॒ಪೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.22.1}, {1.105.11}, {1.15.12.11} |
| 1158 | ನವ್ಯಂ॒ ತದು॒ಕ್ಥ್ಯಂ᳚ ಹಿ॒ತಂ ದೇವಾ᳚ಸಃ ಸುಪ್ರವಾಚ॒ನಂ | ಋ॒ತಮ॑ರ್ಷಂತಿ॒ ಸಿಂಧ॑ವಃ ಸ॒ತ್ಯಂ ತಾ᳚ತಾನ॒ ಸೂರ್ಯೋ᳚ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.22.2}, {1.105.12}, {1.15.12.12} |
| 1159 | ಅಗ್ನೇ॒ ತವ॒ ತ್ಯದು॒ಕ್ಥ್ಯಂ᳚ ದೇ॒ವೇಷ್ವ॒ಸ್ತ್ಯಾಪ್ಯಂ᳚ | ಸ ನಃ॑ ಸ॒ತ್ತೋ ಮ॑ನು॒ಷ್ವದಾ ದೇ॒ವಾನ್ಯ॑ಕ್ಷಿ ವಿ॒ದುಷ್ಟ॑ರೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.22.3}, {1.105.13}, {1.15.12.13} |
| 1160 | ಸ॒ತ್ತೋ ಹೋತಾ᳚ ಮನು॒ಷ್ವದಾ ದೇ॒ವಾಁ ಅಚ್ಛಾ᳚ ವಿ॒ದುಷ್ಟ॑ರಃ | ಅ॒ಗ್ನಿರ್ಹ॒ವ್ಯಾ ಸು॑ಷೂದತಿ ದೇ॒ವೋ ದೇ॒ವೇಷು॒ ಮೇಧಿ॑ರೋ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.22.4}, {1.105.14}, {1.15.12.14} |
| 1161 | ಬ್ರಹ್ಮಾ᳚ ಕೃಣೋತಿ॒ ವರು॑ಣೋ ಗಾತು॒ವಿದಂ॒ ತಮೀ᳚ಮಹೇ | ವ್ಯೂ᳚ರ್ಣೋತಿ ಹೃ॒ದಾ ಮ॒ತಿಂ ನವ್ಯೋ᳚ ಜಾಯತಾಮೃ॒ತಂ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.22.5}, {1.105.15}, {1.15.12.15} |
| 1162 | ಅ॒ಸೌ ಯಃ ಪಂಥಾ᳚ ಆದಿ॒ತ್ಯೋ ದಿ॒ವಿ ಪ್ರ॒ವಾಚ್ಯಂ᳚ ಕೃ॒ತಃ | ನ ಸ ದೇ᳚ವಾ ಅತಿ॒ಕ್ರಮೇ॒ ತಂ ಮ॑ರ್ತಾಸೋ॒ ನ ಪ॑ಶ್ಯಥ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.23.1}, {1.105.16}, {1.15.12.16} |
| 1163 | ತ್ರಿ॒ತಃ ಕೂಪೇಽವ॑ಹಿತೋ ದೇ॒ವಾನ್ಹ॑ವತ ಊ॒ತಯೇ᳚ | ತಚ್ಛು॑ಶ್ರಾವ॒ ಬೃಹ॒ಸ್ಪತಿಃ॑ ಕೃ॒ಣ್ವನ್ನಂ᳚ಹೂರ॒ಣಾದು॒ರು ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.23.2}, {1.105.17}, {1.15.12.17} |
| 1164 | ಅ॒ರು॒ಣೋ ಮಾ᳚ ಸ॒ಕೃದ್ವೃಕಃ॑ ಪ॒ಥಾ ಯಂತಂ᳚ ದ॒ದರ್ಶ॒ ಹಿ | ಉಜ್ಜಿ॑ಹೀತೇ ನಿ॒ಚಾಯ್ಯಾ॒ ತಷ್ಟೇ᳚ವ ಪೃಷ್ಟ್ಯಾಮ॒ಯೀ ವಿ॒ತ್ತಂ ಮೇ᳚ ಅ॒ಸ್ಯ ರೋ᳚ದಸೀ ||{1.7.23.3}, {1.105.18}, {1.15.12.18} |
| 1165 | ಏ॒ನಾಂಗೂ॒ಷೇಣ॑ ವ॒ಯಮಿಂದ್ರ॑ವಂತೋ॒ಽಭಿ ಷ್ಯಾ᳚ಮ ವೃ॒ಜನೇ॒ ಸರ್ವ॑ವೀರಾಃ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.23.4}, {1.105.19}, {1.15.12.19} |
| [106] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ವಿಶ್ವೇ ದೇವಾ ದೇವತಾಃ | (1-6) ಪ್ರಥಮಾದಿಷಣ್ಣಾಂ ಜಗತೀ (7) ಸಪ್ತಮ್ಯಾಶ್ಚ ತ್ರಿಷ್ಟುಪ್ ಛಂದಸೀ || | |
| 1166 | ಇಂದ್ರಂ᳚ ಮಿ॒ತ್ರಂ ವರು॑ಣಮ॒ಗ್ನಿಮೂ॒ತಯೇ॒ ಮಾರು॑ತಂ॒ ಶರ್ಧೋ॒ ಅದಿ॑ತಿಂ ಹವಾಮಹೇ | ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ||{1.7.24.1}, {1.106.1}, {1.16.1.1} |
| 1167 | ತ ಆ᳚ದಿತ್ಯಾ॒ ಆ ಗ॑ತಾ ಸ॒ರ್ವತಾ᳚ತಯೇ ಭೂ॒ತ ದೇ᳚ವಾ ವೃತ್ರ॒ತೂರ್ಯೇ᳚ಷು ಶಂ॒ಭುವಃ॑ | ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ||{1.7.24.2}, {1.106.2}, {1.16.1.2} |
| 1168 | ಅವಂ᳚ತು ನಃ ಪಿ॒ತರಃ॑ ಸುಪ್ರವಾಚ॒ನಾ ಉ॒ತ ದೇ॒ವೀ ದೇ॒ವಪು॑ತ್ರೇ ಋತಾ॒ವೃಧಾ᳚ | ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ||{1.7.24.3}, {1.106.3}, {1.16.1.3} |
| 1169 | ನರಾ॒ಶಂಸಂ᳚ ವಾ॒ಜಿನಂ᳚ ವಾ॒ಜಯ᳚ನ್ನಿ॒ಹ ಕ್ಷ॒ಯದ್ವೀ᳚ರಂ ಪೂ॒ಷಣಂ᳚ ಸು॒ಮ್ನೈರೀ᳚ಮಹೇ | ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ||{1.7.24.4}, {1.106.4}, {1.16.1.4} |
| 1170 | ಬೃಹ॑ಸ್ಪತೇ॒ ಸದ॒ಮಿನ್ನಃ॑ ಸು॒ಗಂ ಕೃ॑ಧಿ॒ ಶಂ ಯೋರ್ಯತ್ತೇ॒ ಮನು॑ರ್ಹಿತಂ॒ ತದೀ᳚ಮಹೇ | ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ||{1.7.24.5}, {1.106.5}, {1.16.1.5} |
| 1171 | ಇಂದ್ರಂ॒ ಕುತ್ಸೋ᳚ ವೃತ್ರ॒ಹಣಂ॒ ಶಚೀ॒ಪತಿಂ᳚ ಕಾ॒ಟೇ ನಿಬಾ᳚ಳ್ಹ॒ ಋಷಿ॑ರಹ್ವದೂ॒ತಯೇ᳚ | ರಥಂ॒ ನ ದು॒ರ್ಗಾದ್ವ॑ಸವಃ ಸುದಾನವೋ॒ ವಿಶ್ವ॑ಸ್ಮಾನ್ನೋ॒ ಅಂಹ॑ಸೋ॒ ನಿಷ್ಪಿ॑ಪರ್ತನ ||{1.7.24.6}, {1.106.6}, {1.16.1.6} |
| 1172 | ದೇ॒ವೈರ್ನೋ᳚ ದೇ॒ವ್ಯದಿ॑ತಿ॒ರ್ನಿ ಪಾ᳚ತು ದೇ॒ವಸ್ತ್ರಾ॒ತಾ ತ್ರಾ᳚ಯತಾ॒ಮಪ್ರ॑ಯುಚ್ಛನ್ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.24.7}, {1.106.7}, {1.16.1.7} |
| [107] (1-3) ತೃಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 1173 | ಯ॒ಜ್ಞೋ ದೇ॒ವಾನಾಂ॒ ಪ್ರತ್ಯೇ᳚ತಿ ಸು॒ಮ್ನಮಾದಿ॑ತ್ಯಾಸೋ॒ ಭವ॑ತಾ ಮೃಳ॒ಯಂತಃ॑ | ಆ ವೋ॒ಽರ್ವಾಚೀ᳚ ಸುಮ॒ತಿರ್ವ॑ವೃತ್ಯಾದಂ॒ಹೋಶ್ಚಿ॒ದ್ಯಾ ವ॑ರಿವೋ॒ವಿತ್ತ॒ರಾಸ॑ತ್ ||{1.7.25.1}, {1.107.1}, {1.16.2.1} |
| 1174 | ಉಪ॑ ನೋ ದೇ॒ವಾ ಅವ॒ಸಾ ಗ॑ಮಂ॒ತ್ವಂಗಿ॑ರಸಾಂ॒ ಸಾಮ॑ಭಿಃ ಸ್ತೂ॒ಯಮಾ᳚ನಾಃ | ಇಂದ್ರ॑ ಇಂದ್ರಿ॒ಯೈರ್ಮ॒ರುತೋ᳚ ಮ॒ರುದ್ಭಿ॑ರಾದಿ॒ತ್ಯೈರ್ನೋ॒ ಅದಿ॑ತಿಃ॒ ಶರ್ಮ॑ ಯಂಸತ್ ||{1.7.25.2}, {1.107.2}, {1.16.2.2} |
| 1175 | ತನ್ನ॒ ಇಂದ್ರ॒ಸ್ತದ್ವರು॑ಣ॒ಸ್ತದ॒ಗ್ನಿಸ್ತದ᳚ರ್ಯ॒ಮಾ ತತ್ಸ॑ವಿ॒ತಾ ಚನೋ᳚ ಧಾತ್ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.25.3}, {1.107.3}, {1.16.2.3} |
| [108] (1-13) ತ್ರಯೋದಶರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಇಂದ್ರಾಗ್ನೀ ದೇವತೇ | ತ್ರಿಷ್ಟುಪ್ ಛಂದಃ || | |
| 1176 | ಯ ಇಂ᳚ದ್ರಾಗ್ನೀ ಚಿ॒ತ್ರತ॑ಮೋ॒ ರಥೋ᳚ ವಾಮ॒ಭಿ ವಿಶ್ವಾ᳚ನಿ॒ ಭುವ॑ನಾನಿ॒ ಚಷ್ಟೇ᳚ | ತೇನಾ ಯಾ᳚ತಂ ಸ॒ರಥಂ᳚ ತಸ್ಥಿ॒ವಾಂಸಾಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ ||{1.7.26.1}, {1.108.1}, {1.16.3.1} |
| 1177 | ಯಾವ॑ದಿ॒ದಂ ಭುವ॑ನಂ॒ ವಿಶ್ವ॒ಮಸ್ತ್ಯು॑ರು॒ವ್ಯಚಾ᳚ ವರಿ॒ಮತಾ᳚ ಗಭೀ॒ರಂ | ತಾವಾಁ᳚ ಅ॒ಯಂ ಪಾತ॑ವೇ॒ ಸೋಮೋ᳚ ಅ॒ಸ್ತ್ವರ॑ಮಿಂದ್ರಾಗ್ನೀ॒ ಮನ॑ಸೇ ಯು॒ವಭ್ಯಾಂ᳚ ||{1.7.26.2}, {1.108.2}, {1.16.3.2} |
| 1178 | ಚ॒ಕ್ರಾಥೇ॒ ಹಿ ಸ॒ಧ್ರ್ಯ೧॑(ಅ॒)'ಙ್ನಾಮ॑ ಭ॒ದ್ರಂ ಸ॑ಧ್ರೀಚೀ॒ನಾ ವೃ॑ತ್ರಹಣಾ ಉ॒ತ ಸ್ಥಃ॑ | ತಾವಿಂ᳚ದ್ರಾಗ್ನೀ ಸ॒ಧ್ರ್ಯಂ᳚ಚಾ ನಿ॒ಷದ್ಯಾ॒ ವೃಷ್ಣಃ॒ ಸೋಮ॑ಸ್ಯ ವೃಷ॒ಣಾ ವೃ॑ಷೇಥಾಂ ||{1.7.26.3}, {1.108.3}, {1.16.3.3} |
| 1179 | ಸಮಿ॑ದ್ಧೇಷ್ವ॒ಗ್ನಿಷ್ವಾ᳚ನಜಾ॒ನಾ ಯ॒ತಸ್ರು॑ಚಾ ಬ॒ರ್ಹಿರು॑ ತಿಸ್ತಿರಾ॒ಣಾ | ತೀ॒ವ್ರೈಃ ಸೋಮೈಃ॒ ಪರಿ॑ಷಿಕ್ತೇಭಿರ॒ರ್ವಾಗೇಂದ್ರಾ᳚ಗ್ನೀ ಸೌಮನ॒ಸಾಯ॑ ಯಾತಂ ||{1.7.26.4}, {1.108.4}, {1.16.3.4} |
| 1180 | ಯಾನೀಂ᳚ದ್ರಾಗ್ನೀ ಚ॒ಕ್ರಥು᳚ರ್ವೀ॒ರ್ಯಾ᳚ಣಿ॒ ಯಾನಿ॑ ರೂ॒ಪಾಣ್ಯು॒ತ ವೃಷ್ಣ್ಯಾ᳚ನಿ | ಯಾ ವಾಂ᳚ ಪ್ರ॒ತ್ನಾನಿ॑ ಸ॒ಖ್ಯಾ ಶಿ॒ವಾನಿ॒ ತೇಭಿಃ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ ||{1.7.26.5}, {1.108.5}, {1.16.3.5} |
| 1181 | ಯದಬ್ರ॑ವಂ ಪ್ರಥ॒ಮಂ ವಾಂ᳚ ವೃಣಾ॒ನೋ॒೩॑(ಓ॒)ಽಯಂ ಸೋಮೋ॒ ಅಸು॑ರೈರ್ನೋ ವಿ॒ಹವ್ಯಃ॑ | ತಾಂ ಸ॒ತ್ಯಾಂ ಶ್ರ॒ದ್ಧಾಮ॒ಭ್ಯಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ ||{1.7.27.1}, {1.108.6}, {1.16.3.6} |
| 1182 | ಯದಿಂ᳚ದ್ರಾಗ್ನೀ॒ ಮದ॑ಥಃ॒ ಸ್ವೇ ದು॑ರೋ॒ಣೇ ಯದ್ಬ್ರ॒ಹ್ಮಣಿ॒ ರಾಜ॑ನಿ ವಾ ಯಜತ್ರಾ | ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ ||{1.7.27.2}, {1.108.7}, {1.16.3.7} |
| 1183 | ಯದಿಂ᳚ದ್ರಾಗ್ನೀ॒ ಯದು॑ಷು ತು॒ರ್ವಶೇ᳚ಷು॒ ಯದ್ದ್ರು॒ಹ್ಯುಷ್ವನು॑ಷು ಪೂ॒ರುಷು॒ ಸ್ಥಃ | ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ ||{1.7.27.3}, {1.108.8}, {1.16.3.8} |
| 1184 | ಯದಿಂ᳚ದ್ರಾಗ್ನೀ ಅವ॒ಮಸ್ಯಾಂ᳚ ಪೃಥಿ॒ವ್ಯಾಂ ಮ॑ಧ್ಯ॒ಮಸ್ಯಾಂ᳚ ಪರ॒ಮಸ್ಯಾ᳚ಮು॒ತ ಸ್ಥಃ | ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ ||{1.7.27.4}, {1.108.9}, {1.16.3.9} |
| 1185 | ಯದಿಂ᳚ದ್ರಾಗ್ನೀ ಪರ॒ಮಸ್ಯಾಂ᳚ ಪೃಥಿ॒ವ್ಯಾಂ ಮ॑ಧ್ಯ॒ಮಸ್ಯಾ᳚ಮವ॒ಮಸ್ಯಾ᳚ಮು॒ತ ಸ್ಥಃ | ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ ||{1.7.27.5}, {1.108.10}, {1.16.3.10} |
| 1186 | ಯದಿಂ᳚ದ್ರಾಗ್ನೀ ದಿ॒ವಿ ಷ್ಠೋ ಯತ್ಪೃ॑ಥಿ॒ವ್ಯಾಂ ಯತ್ಪರ್ವ॑ತೇ॒ಷ್ವೋಷ॑ಧೀಷ್ವ॒ಪ್ಸು | ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ ||{1.7.27.6}, {1.108.11}, {1.16.3.11} |
| 1187 | ಯದಿಂ᳚ದ್ರಾಗ್ನೀ॒ ಉದಿ॑ತಾ॒ ಸೂರ್ಯ॑ಸ್ಯ॒ ಮಧ್ಯೇ᳚ ದಿ॒ವಃ ಸ್ವ॒ಧಯಾ᳚ ಮಾ॒ದಯೇ᳚ಥೇ | ಅತಃ॒ ಪರಿ॑ ವೃಷಣಾ॒ವಾ ಹಿ ಯಾ॒ತಮಥಾ॒ ಸೋಮ॑ಸ್ಯ ಪಿಬತಂ ಸು॒ತಸ್ಯ॑ ||{1.7.27.7}, {1.108.12}, {1.16.3.12} |
| 1188 | ಏ॒ವೇಂದ್ರಾ᳚ಗ್ನೀ ಪಪಿ॒ವಾಂಸಾ᳚ ಸು॒ತಸ್ಯ॒ ವಿಶ್ವಾ॒ಸ್ಮಭ್ಯಂ॒ ಸಂ ಜ॑ಯತಂ॒ ಧನಾ᳚ನಿ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.27.8}, {1.108.13}, {1.16.3.13} |
| [109] (1-8) ಅಷ್ಟಾರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಇಂದ್ರಾಗ್ನೀ ದೇವತೇ | ತ್ರಿಷ್ಟುಪ್ ಛಂದಃ || | |
| 1189 | ವಿ ಹ್ಯಖ್ಯಂ॒ ಮನ॑ಸಾ॒ ವಸ್ಯ॑ ಇ॒ಚ್ಛನ್ನಿಂದ್ರಾ᳚ಗ್ನೀ ಜ್ಞಾ॒ಸ ಉ॒ತ ವಾ᳚ ಸಜಾ॒ತಾನ್ | ನಾನ್ಯಾ ಯು॒ವತ್ಪ್ರಮ॑ತಿರಸ್ತಿ॒ ಮಹ್ಯಂ॒ ಸ ವಾಂ॒ ಧಿಯಂ᳚ ವಾಜ॒ಯಂತೀ᳚ಮತಕ್ಷಂ ||{1.7.28.1}, {1.109.1}, {1.16.4.1} |
| 1190 | ಅಶ್ರ॑ವಂ॒ ಹಿ ಭೂ᳚ರಿ॒ದಾವ॑ತ್ತರಾ ವಾಂ॒ ವಿಜಾ᳚ಮಾತುರು॒ತ ವಾ᳚ ಘಾ ಸ್ಯಾ॒ಲಾತ್ | ಅಥಾ॒ ಸೋಮ॑ಸ್ಯ॒ ಪ್ರಯ॑ತೀ ಯು॒ವಭ್ಯಾ॒ಮಿಂದ್ರಾ᳚ಗ್ನೀ॒ ಸ್ತೋಮಂ᳚ ಜನಯಾಮಿ॒ ನವ್ಯಂ᳚ ||{1.7.28.2}, {1.109.2}, {1.16.4.2} |
| 1191 | ಮಾ ಚ್ಛೇ᳚ದ್ಮ ರ॒ಶ್ಮೀಁರಿತಿ॒ ನಾಧ॑ಮಾನಾಃ ಪಿತೄ॒ಣಾಂ ಶ॒ಕ್ತೀರ॑ನು॒ಯಚ್ಛ॑ಮಾನಾಃ | ಇಂ॒ದ್ರಾ॒ಗ್ನಿಭ್ಯಾಂ॒ ಕಂ ವೃಷ॑ಣೋ ಮದಂತಿ॒ ತಾ ಹ್ಯದ್ರೀ᳚ ಧಿ॒ಷಣಾ᳚ಯಾ ಉ॒ಪಸ್ಥೇ᳚ ||{1.7.28.3}, {1.109.3}, {1.16.4.3} |
| 1192 | ಯು॒ವಾಭ್ಯಾಂ᳚ ದೇ॒ವೀ ಧಿ॒ಷಣಾ॒ ಮದಾ॒ಯೇಂದ್ರಾ᳚ಗ್ನೀ॒ ಸೋಮ॑ಮುಶ॒ತೀ ಸು॑ನೋತಿ | ತಾವ॑ಶ್ವಿನಾ ಭದ್ರಹಸ್ತಾ ಸುಪಾಣೀ॒ ಆ ಧಾ᳚ವತಂ॒ ಮಧು॑ನಾ ಪೃಂ॒ಕ್ತಮ॒ಪ್ಸು ||{1.7.28.4}, {1.109.4}, {1.16.4.4} |
| 1193 | ಯು॒ವಾಮಿಂ᳚ದ್ರಾಗ್ನೀ॒ ವಸು॑ನೋ ವಿಭಾ॒ಗೇ ತ॒ವಸ್ತ॑ಮಾ ಶುಶ್ರವ ವೃತ್ರ॒ಹತ್ಯೇ᳚ | ತಾವಾ॒ಸದ್ಯಾ᳚ ಬ॒ರ್ಹಿಷಿ॑ ಯ॒ಜ್ಞೇ ಅ॒ಸ್ಮಿನ್ಪ್ರ ಚ॑ರ್ಷಣೀ ಮಾದಯೇಥಾಂ ಸು॒ತಸ್ಯ॑ ||{1.7.28.5}, {1.109.5}, {1.16.4.5} |
| 1194 | ಪ್ರ ಚ॑ರ್ಷ॒ಣಿಭ್ಯಃ॑ ಪೃತನಾ॒ಹವೇ᳚ಷು॒ ಪ್ರ ಪೃ॑ಥಿ॒ವ್ಯಾ ರಿ॑ರಿಚಾಥೇ ದಿ॒ವಶ್ಚ॑ | ಪ್ರ ಸಿಂಧು॑ಭ್ಯಃ॒ ಪ್ರ ಗಿ॒ರಿಭ್ಯೋ᳚ ಮಹಿ॒ತ್ವಾ ಪ್ರೇಂದ್ರಾ᳚ಗ್ನೀ॒ ವಿಶ್ವಾ॒ ಭುವ॒ನಾತ್ಯ॒ನ್ಯಾ ||{1.7.29.1}, {1.109.6}, {1.16.4.6} |
| 1195 | ಆ ಭ॑ರತಂ॒ ಶಿಕ್ಷ॑ತಂ ವಜ್ರಬಾಹೂ ಅ॒ಸ್ಮಾಁ ಇಂ᳚ದ್ರಾಗ್ನೀ ಅವತಂ॒ ಶಚೀ᳚ಭಿಃ | ಇ॒ಮೇ ನು ತೇ ರ॒ಶ್ಮಯಃ॒ ಸೂರ್ಯ॑ಸ್ಯ॒ ಯೇಭಿಃ॑ ಸಪಿ॒ತ್ವಂ ಪಿ॒ತರೋ᳚ ನ॒ ಆಸ॑ನ್ ||{1.7.29.2}, {1.109.7}, {1.16.4.7} |
| 1196 | ಪುರಂ᳚ದರಾ॒ ಶಿಕ್ಷ॑ತಂ ವಜ್ರಹಸ್ತಾ॒ಸ್ಮಾಁ ಇಂ᳚ದ್ರಾಗ್ನೀ ಅವತಂ॒ ಭರೇ᳚ಷು | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.29.3}, {1.109.8}, {1.16.4.8} |
| [110] (1-9) ನವರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಋಭವೋ ದೇವತಾಃ | (1-4, 6-8) ಪ್ರಥಮಾದಿಚತುರ್‌ಋಚಾಂ ಷಷ್ಠ್ಯಾದಿತೃಚಸ್ಯ ಚ ಜಗತೀ (5, 9) ಪಂಚಮೀನವಮ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 1197 | ತ॒ತಂ ಮೇ॒ ಅಪ॒ಸ್ತದು॑ ತಾಯತೇ॒ ಪುನಃ॒ ಸ್ವಾದಿ॑ಷ್ಠಾ ಧೀ॒ತಿರು॒ಚಥಾ᳚ಯ ಶಸ್ಯತೇ | ಅ॒ಯಂ ಸ॑ಮು॒ದ್ರ ಇ॒ಹ ವಿ॒ಶ್ವದೇ᳚ವ್ಯಃ॒ ಸ್ವಾಹಾ᳚ಕೃತಸ್ಯ॒ ಸಮು॑ ತೃಪ್ಣುತ ಋಭವಃ ||{1.7.30.1}, {1.110.1}, {1.16.5.1} |
| 1198 | ಆ॒ಭೋ॒ಗಯಂ॒ ಪ್ರ ಯದಿ॒ಚ್ಛಂತ॒ ಐತ॒ನಾಪಾ᳚ಕಾಃ॒ ಪ್ರಾಂಚೋ॒ ಮಮ॒ ಕೇ ಚಿ॑ದಾ॒ಪಯಃ॑ | ಸೌಧ᳚ನ್ವನಾಸಶ್ಚರಿ॒ತಸ್ಯ॑ ಭೂ॒ಮನಾಗ॑ಚ್ಛತ ಸವಿ॒ತುರ್ದಾ॒ಶುಷೋ᳚ ಗೃ॒ಹಂ ||{1.7.30.2}, {1.110.2}, {1.16.5.2} |
| 1199 | ತತ್ಸ॑ವಿ॒ತಾ ವೋ᳚ಽಮೃತ॒ತ್ವಮಾಸು॑ವ॒ದಗೋ᳚ಹ್ಯಂ॒ ಯಚ್ಛ್ರ॒ವಯಂ᳚ತ॒ ಐತ॑ನ | ತ್ಯಂ ಚಿ॑ಚ್ಚಮ॒ಸಮಸು॑ರಸ್ಯ॒ ಭಕ್ಷ॑ಣ॒ಮೇಕಂ॒ ಸಂತ॑ಮಕೃಣುತಾ॒ ಚತು᳚ರ್ವಯಂ ||{1.7.30.3}, {1.110.3}, {1.16.5.3} |
| 1200 | ವಿ॒ಷ್ಟ್ವೀ ಶಮೀ᳚ ತರಣಿ॒ತ್ವೇನ॑ ವಾ॒ಘತೋ॒ ಮರ್ತಾ᳚ಸಃ॒ ಸಂತೋ᳚ ಅಮೃತ॒ತ್ವಮಾ᳚ನಶುಃ | ಸೌ॒ಧ॒ನ್ವ॒ನಾ ಋ॒ಭವಃ॒ ಸೂರ॑ಚಕ್ಷಸಃ ಸಂವತ್ಸ॒ರೇ ಸಮ॑ಪೃಚ್ಯಂತ ಧೀ॒ತಿಭಿಃ॑ ||{1.7.30.4}, {1.110.4}, {1.16.5.4} |
| 1201 | ಕ್ಷೇತ್ರ॑ಮಿವ॒ ವಿ ಮ॑ಮು॒ಸ್ತೇಜ॑ನೇನಁ॒ ಏಕಂ॒ ಪಾತ್ರ॑ಮೃ॒ಭವೋ॒ ಜೇಹ॑ಮಾನಂ | ಉಪ॑ಸ್ತುತಾ ಉಪ॒ಮಂ ನಾಧ॑ಮಾನಾ॒ ಅಮ॑ರ್ತ್ಯೇಷು॒ ಶ್ರವ॑ ಇ॒ಚ್ಛಮಾ᳚ನಾಃ ||{1.7.30.5}, {1.110.5}, {1.16.5.5} |
| 1202 | ಆ ಮ॑ನೀ॒ಷಾಮಂ॒ತರಿ॑ಕ್ಷಸ್ಯ॒ ನೃಭ್ಯಃ॑ ಸ್ರು॒ಚೇವ॑ ಘೃ॒ತಂ ಜು॑ಹವಾಮ ವಿ॒ದ್ಮನಾ᳚ | ತ॒ರ॒ಣಿ॒ತ್ವಾ ಯೇ ಪಿ॒ತುರ॑ಸ್ಯ ಸಶ್ಚಿ॒ರ ಋ॒ಭವೋ॒ ವಾಜ॑ಮರುಹಂದಿ॒ವೋ ರಜಃ॑ ||{1.7.31.1}, {1.110.6}, {1.16.5.6} |
| 1203 | ಋ॒ಭುರ್ನ॒ ಇಂದ್ರಃ॒ ಶವ॑ಸಾ॒ ನವೀ᳚ಯಾನೃ॒ಭುರ್ವಾಜೇ᳚ಭಿ॒ರ್ವಸು॑ಭಿ॒ರ್ವಸು॑ರ್ದ॒ದಿಃ | ಯು॒ಷ್ಮಾಕಂ᳚ ದೇವಾ॒ ಅವ॒ಸಾಹ॑ನಿ ಪ್ರಿ॒ಯೇ॒೩॑(ಏ॒)ಽಭಿ ತಿ॑ಷ್ಠೇಮ ಪೃತ್ಸು॒ತೀರಸು᳚ನ್ವತಾಂ ||{1.7.31.2}, {1.110.7}, {1.16.5.7} |
| 1204 | ನಿಶ್ಚರ್ಮ॑ಣ ಋಭವೋ॒ ಗಾಮ॑ಪಿಂಶತ॒ ಸಂ ವ॒ತ್ಸೇನಾ᳚ಸೃಜತಾ ಮಾ॒ತರಂ॒ ಪುನಃ॑ | ಸೌಧ᳚ನ್ವನಾಸಃ ಸ್ವಪ॒ಸ್ಯಯಾ᳚ ನರೋ॒ ಜಿವ್ರೀ॒ ಯುವಾ᳚ನಾ ಪಿ॒ತರಾ᳚ಕೃಣೋತನ ||{1.7.31.3}, {1.110.8}, {1.16.5.8} |
| 1205 | ವಾಜೇ᳚ಭಿರ್ನೋ॒ ವಾಜ॑ಸಾತಾವವಿಡ್ಢ್ಯೃಭು॒ಮಾಁ ಇಂ᳚ದ್ರ ಚಿ॒ತ್ರಮಾ ದ॑ರ್ಷಿ॒ ರಾಧಃ॑ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.31.4}, {1.110.9}, {1.16.5.9} |
| [111] (1-5) ಪಂಚರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಋಭವೋ ದೇವತಾಃ | (1-4) ಪ್ರಥಮಾದಿಚತುರ್‌ಋಚಾಂ ಜಗತೀ (5) ಪಂಚಮ್ಯಾಶ್ಚ ತ್ರಿಷ್ಟುಪ್ ಛಂದಸೀ || | |
| 1206 | ತಕ್ಷ॒ನ್ರಥಂ᳚ ಸು॒ವೃತಂ᳚ ವಿದ್ಮ॒ನಾಪ॑ಸ॒ಸ್ತಕ್ಷ॒ನ್ಹರೀ᳚ ಇಂದ್ರ॒ವಾಹಾ॒ ವೃಷ᳚ಣ್ವಸೂ | ತಕ್ಷ᳚ನ್ಪಿ॒ತೃಭ್ಯಾ᳚ಮೃ॒ಭವೋ॒ ಯುವ॒ದ್ವಯ॒ಸ್ತಕ್ಷ᳚ನ್ವ॒ತ್ಸಾಯ॑ ಮಾ॒ತರಂ᳚ ಸಚಾ॒ಭುವಂ᳚ ||{1.7.32.1}, {1.111.1}, {1.16.6.1} |
| 1207 | ಆ ನೋ᳚ ಯ॒ಜ್ಞಾಯ॑ ತಕ್ಷತ ಋಭು॒ಮದ್ವಯಃ॒ ಕ್ರತ್ವೇ॒ ದಕ್ಷಾ᳚ಯ ಸುಪ್ರ॒ಜಾವ॑ತೀ॒ಮಿಷಂ᳚ | ಯಥಾ॒ ಕ್ಷಯಾ᳚ಮ॒ ಸರ್ವ॑ವೀರಯಾ ವಿ॒ಶಾ ತನ್ನಃ॒ ಶರ್ಧಾ᳚ಯ ಧಾಸಥಾ॒ ಸ್ವಿಂ᳚ದ್ರಿ॒ಯಂ ||{1.7.32.2}, {1.111.2}, {1.16.6.2} |
| 1208 | ಆ ತ॑ಕ್ಷತ ಸಾ॒ತಿಮ॒ಸ್ಮಭ್ಯ॑ಮೃಭವಃ ಸಾ॒ತಿಂ ರಥಾ᳚ಯ ಸಾ॒ತಿಮರ್ವ॑ತೇ ನರಃ | ಸಾ॒ತಿಂ ನೋ॒ ಜೈತ್ರೀಂ॒ ಸಂ ಮ॑ಹೇತ ವಿ॒ಶ್ವಹಾ᳚ ಜಾ॒ಮಿಮಜಾ᳚ಮಿಂ॒ ಪೃತ॑ನಾಸು ಸ॒ಕ್ಷಣಿಂ᳚ ||{1.7.32.3}, {1.111.3}, {1.16.6.3} |
| 1209 | ಋ॒ಭು॒ಕ್ಷಣ॒ಮಿಂದ್ರ॒ಮಾ ಹು॑ವ ಊ॒ತಯ॑ ಋ॒ಭೂನ್ವಾಜಾ᳚ನ್ಮ॒ರುತಃ॒ ಸೋಮ॑ಪೀತಯೇ | ಉ॒ಭಾ ಮಿ॒ತ್ರಾವರು॑ಣಾ ನೂ॒ನಮ॒ಶ್ವಿನಾ॒ ತೇ ನೋ᳚ ಹಿನ್ವಂತು ಸಾ॒ತಯೇ᳚ ಧಿ॒ಯೇ ಜಿ॒ಷೇ ||{1.7.32.4}, {1.111.4}, {1.16.6.4} |
| 1210 | ಋ॒ಭುರ್ಭರಾ᳚ಯ॒ ಸಂ ಶಿ॑ಶಾತು ಸಾ॒ತಿಂ ಸ॑ಮರ್ಯ॒ಜಿದ್ವಾಜೋ᳚ ಅ॒ಸ್ಮಾಁ ಅ॑ವಿಷ್ಟು | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.32.5}, {1.111.5}, {1.16.6.5} |
| [112] (1-25) ಪಂಚವಿಂಶತ್ಯೃಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | (1) ಪ್ರಥಮರ್ಚಃ ಪ್ರಥಮಪಾದಸ್ಯ ದ್ಯಾವಾಪೃಥಿವ್ಯೌ ದ್ವಿತೀಯಪಾದಸ್ಯಾಗ್ನಿರುತ್ತರಾರ್ಧಸ್ಯ (2-25) ದ್ವಿತೀಯಾದಿಚತುರ್ವಿಂಶತೀನಾಂಚಾಶ್ವಿನೌ ದೇವತಾಃ | (1-23) ಪ್ರಥಮಾದಿತ್ರಯೋವಿಂಶತೀನಾಂ ಜಗತೀ (24-25) ಚತುರ್ವಿಶೀಪಂಚವಿಂಶ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 1211 | ಈಳೇ॒ ದ್ಯಾವಾ᳚ಪೃಥಿ॒ವೀ ಪೂ॒ರ್ವಚಿ॑ತ್ತಯೇ॒ಽಗ್ನಿಂ ಘ॒ರ್ಮಂ ಸು॒ರುಚಂ॒ ಯಾಮ᳚ನ್ನಿ॒ಷ್ಟಯೇ᳚ | ಯಾಭಿ॒ರ್ಭರೇ᳚ ಕಾ॒ರಮಂಶಾ᳚ಯ॒ ಜಿನ್ವ॑ಥ॒ಸ್ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.33.1}, {1.112.1}, {1.16.7.1} |
| 1212 | ಯು॒ವೋರ್ದಾ॒ನಾಯ॑ ಸು॒ಭರಾ᳚ ಅಸ॒ಶ್ಚತೋ॒ ರಥ॒ಮಾ ತ॑ಸ್ಥುರ್ವಚ॒ಸಂ ನ ಮಂತ॑ವೇ | ಯಾಭಿ॒ರ್ಧಿಯೋಽವ॑ಥಃ॒ ಕರ್ಮ᳚ನ್ನಿ॒ಷ್ಟಯೇ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.33.2}, {1.112.2}, {1.16.7.2} |
| 1213 | ಯು॒ವಂ ತಾಸಾಂ᳚ ದಿ॒ವ್ಯಸ್ಯ॑ ಪ್ರ॒ಶಾಸ॑ನೇ ವಿ॒ಶಾಂ ಕ್ಷ॑ಯಥೋ ಅ॒ಮೃತ॑ಸ್ಯ ಮ॒ಜ್ಮನಾ᳚ | ಯಾಭಿ॑ರ್ಧೇ॒ನುಮ॒ಸ್ವ೧॑(ಅ॒) ಅಂಪಿನ್ವ॑ಥೋ ನರಾ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.33.3}, {1.112.3}, {1.16.7.3} |
| 1214 | ಯಾಭಿಃ॒ ಪರಿ॑ಜ್ಮಾ॒ ತನ॑ಯಸ್ಯ ಮ॒ಜ್ಮನಾ᳚ ದ್ವಿಮಾ॒ತಾ ತೂ॒ರ್ಷು ತ॒ರಣಿ᳚ರ್ವಿ॒ಭೂಷ॑ತಿ | ಯಾಭಿ॑ಸ್ತ್ರಿ॒ಮಂತು॒ರಭ॑ವದ್ವಿಚಕ್ಷ॒ಣಸ್ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.33.4}, {1.112.4}, {1.16.7.4} |
| 1215 | ಯಾಭೀ᳚ ರೇ॒ಭಂ ನಿವೃ॑ತಂ ಸಿ॒ತಮ॒ದ್ಭ್ಯ ಉದ್ವಂದ॑ನ॒ಮೈರ॑ಯತಂ॒ ಸ್ವ॑ರ್ದೃ॒ಶೇ | ಯಾಭಿಃ॒ ಕಣ್ವಂ॒ ಪ್ರ ಸಿಷಾ᳚ಸಂತ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.33.5}, {1.112.5}, {1.16.7.5} |
| 1216 | ಯಾಭಿ॒ರಂತ॑ಕಂ॒ ಜಸ॑ಮಾನ॒ಮಾರ॑ಣೇ ಭು॒ಜ್ಯುಂ ಯಾಭಿ॑ರವ್ಯ॒ಥಿಭಿ॑ರ್ಜಿಜಿ॒ನ್ವಥುಃ॑ | ಯಾಭಿಃ॑ ಕ॒ರ್ಕಂಧುಂ᳚ ವ॒ಯ್ಯಂ᳚ ಚ॒ ಜಿನ್ವ॑ಥ॒ಸ್ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.34.1}, {1.112.6}, {1.16.7.6} |
| 1217 | ಯಾಭಿಃ॑ ಶುಚಂ॒ತಿಂ ಧ॑ನ॒ಸಾಂ ಸು॑ಷಂ॒ಸದಂ᳚ ತ॒ಪ್ತಂ ಘ॒ರ್ಮಮೋ॒ಮ್ಯಾವಂ᳚ತ॒ಮತ್ರ॑ಯೇ | ಯಾಭಿಃ॒ ಪೃಶ್ನಿ॑ಗುಂ ಪುರು॒ಕುತ್ಸ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.34.2}, {1.112.7}, {1.16.7.7} |
| 1218 | ಯಾಭಿಃ॒ ಶಚೀ᳚ಭಿರ್ವೃಷಣಾ ಪರಾ॒ವೃಜಂ॒ ಪ್ರಾಂಧಂ ಶ್ರೋ॒ಣಂ ಚಕ್ಷ॑ಸ॒ ಏತ॑ವೇ ಕೃ॒ಥಃ | ಯಾಭಿ॒ರ್ವರ್ತಿ॑ಕಾಂ ಗ್ರಸಿ॒ತಾಮಮುಂ᳚ಚತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.34.3}, {1.112.8}, {1.16.7.8} |
| 1219 | ಯಾಭಿಃ॒ ಸಿಂಧುಂ॒ ಮಧು॑ಮಂತ॒ಮಸ॑ಶ್ಚತಂ॒ ವಸಿ॑ಷ್ಠಂ॒ ಯಾಭಿ॑ರಜರಾ॒ವಜಿ᳚ನ್ವತಂ | ಯಾಭಿಃ॒ ಕುತ್ಸಂ᳚ ಶ್ರು॒ತರ್ಯಂ॒ ನರ್ಯ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.34.4}, {1.112.9}, {1.16.7.9} |
| 1220 | ಯಾಭಿ᳚ರ್ವಿ॒ಶ್ಪಲಾಂ᳚ ಧನ॒ಸಾಮ॑ಥ॒ರ್ವ್ಯಂ᳚ ಸ॒ಹಸ್ರ॑ಮೀಳ್ಹ ಆ॒ಜಾವಜಿ᳚ನ್ವತಂ | ಯಾಭಿ॒ರ್ವಶ॑ಮ॒ಶ್ವ್ಯಂ ಪ್ರೇ॒ಣಿಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.34.5}, {1.112.10}, {1.16.7.10} |
| 1221 | ಯಾಭಿಃ॑ ಸುದಾನೂ ಔಶಿ॒ಜಾಯ॑ ವ॒ಣಿಜೇ᳚ ದೀ॒ರ್ಘಶ್ರ॑ವಸೇ॒ ಮಧು॒ ಕೋಶೋ॒ ಅಕ್ಷ॑ರತ್ | ಕ॒ಕ್ಷೀವಂ᳚ತಂ ಸ್ತೋ॒ತಾರಂ॒ ಯಾಭಿ॒ರಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.35.1}, {1.112.11}, {1.16.7.11} |
| 1222 | ಯಾಭೀ᳚ ರ॒ಸಾಂ ಕ್ಷೋದ॑ಸೋ॒ದ್ನಃ ಪಿ॑ಪಿ॒ನ್ವಥು॑ರನ॒ಶ್ವಂ ಯಾಭೀ॒ ರಥ॒ಮಾವ॑ತಂ ಜಿ॒ಷೇ | ಯಾಭಿ॑ಸ್ತ್ರಿ॒ಶೋಕ॑ ಉ॒ಸ್ರಿಯಾ᳚ ಉ॒ದಾಜ॑ತ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.35.2}, {1.112.12}, {1.16.7.12} |
| 1223 | ಯಾಭಿಃ॒ ಸೂರ್ಯಂ᳚ ಪರಿಯಾ॒ಥಃ ಪ॑ರಾ॒ವತಿ॑ ಮಂಧಾ॒ತಾರಂ॒ ಕ್ಷೈತ್ರ॑ಪತ್ಯೇ॒ಷ್ವಾವ॑ತಂ | ಯಾಭಿ॒ರ್ವಿಪ್ರಂ॒ ಪ್ರ ಭ॒ರದ್ವಾ᳚ಜ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.35.3}, {1.112.13}, {1.16.7.13} |
| 1224 | ಯಾಭಿ᳚ರ್ಮ॒ಹಾಮ॑ತಿಥಿ॒ಗ್ವಂ ಕ॑ಶೋ॒ಜುವಂ॒ ದಿವೋ᳚ದಾಸಂ ಶಂಬರ॒ಹತ್ಯ॒ ಆವ॑ತಂ | ಯಾಭಿಃ॑ ಪೂ॒ರ್ಭಿದ್ಯೇ᳚ ತ್ರ॒ಸದ॑ಸ್ಯು॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.35.4}, {1.112.14}, {1.16.7.14} |
| 1225 | ಯಾಭಿ᳚ರ್ವ॒ಮ್ರಂ ವಿ॑ಪಿಪಾ॒ನಮು॑ಪಸ್ತು॒ತಂ ಕ॒ಲಿಂ ಯಾಭಿ᳚ರ್ವಿ॒ತ್ತಜಾ᳚ನಿಂ ದುವ॒ಸ್ಯಥಃ॑ | ಯಾಭಿ॒ರ್ವ್ಯ॑ಶ್ವಮು॒ತ ಪೃಥಿ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.35.5}, {1.112.15}, {1.16.7.15} |
| 1226 | ಯಾಭಿ᳚ರ್ನರಾ ಶ॒ಯವೇ॒ ಯಾಭಿ॒ರತ್ರ॑ಯೇ॒ ಯಾಭಿಃ॑ ಪು॒ರಾ ಮನ॑ವೇ ಗಾ॒ತುಮೀ॒ಷಥುಃ॑ | ಯಾಭಿಃ॒ ಶಾರೀ॒ರಾಜ॑ತಂ॒ ಸ್ಯೂಮ॑ರಶ್ಮಯೇ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.36.1}, {1.112.16}, {1.16.7.16} |
| 1227 | ಯಾಭಿಃ॒ ಪಠ᳚ರ್ವಾ॒ ಜಠ॑ರಸ್ಯ ಮ॒ಜ್ಮನಾ॒ಗ್ನಿರ್ನಾದೀ᳚ದೇಚ್ಚಿ॒ತ ಇ॒ದ್ಧೋ ಅಜ್ಮ॒ನ್ನಾ | ಯಾಭಿಃ॒ ಶರ್ಯಾ᳚ತ॒ಮವ॑ಥೋ ಮಹಾಧ॒ನೇ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.36.2}, {1.112.17}, {1.16.7.17} |
| 1228 | ಯಾಭಿ॑ರಂಗಿರೋ॒ ಮನ॑ಸಾ ನಿರ॒ಣ್ಯಥೋಽಗ್ರಂ॒ ಗಚ್ಛ॑ಥೋ ವಿವ॒ರೇ ಗೋಅ᳚ರ್ಣಸಃ | ಯಾಭಿ॒ರ್ಮನುಂ॒ ಶೂರ॑ಮಿ॒ಷಾ ಸ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.36.3}, {1.112.18}, {1.16.7.18} |
| 1229 | ಯಾಭಿಃ॒ ಪತ್ನೀ᳚ರ್ವಿಮ॒ದಾಯ॑ ನ್ಯೂ॒ಹಥು॒ರಾ ಘ॑ ವಾ॒ ಯಾಭಿ॑ರರು॒ಣೀರಶಿ॑ಕ್ಷತಂ | ಯಾಭಿಃ॑ ಸು॒ದಾಸ॑ ಊ॒ಹಥುಃ॑ ಸುದೇ॒ವ್ಯ೧॑(ಅ॒) ಅಂತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.36.4}, {1.112.19}, {1.16.7.19} |
| 1230 | ಯಾಭಿಃ॒ ಶಂತಾ᳚ತೀ॒ ಭವ॑ಥೋ ದದಾ॒ಶುಷೇ᳚ ಭು॒ಜ್ಯುಂ ಯಾಭಿ॒ರವ॑ಥೋ॒ ಯಾಭಿ॒ರಧ್ರಿ॑ಗುಂ | ಓ॒ಮ್ಯಾವ॑ತೀಂ ಸು॒ಭರಾ᳚ಮೃತ॒ಸ್ತುಭಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.36.5}, {1.112.20}, {1.16.7.20} |
| 1231 | ಯಾಭಿಃ॑ ಕೃ॒ಶಾನು॒ಮಸ॑ನೇ ದುವ॒ಸ್ಯಥೋ᳚ ಜ॒ವೇ ಯಾಭಿ॒ರ್ಯೂನೋ॒ ಅರ್ವಂ᳚ತ॒ಮಾವ॑ತಂ | ಮಧು॑ ಪ್ರಿ॒ಯಂ ಭ॑ರಥೋ॒ ಯತ್ಸ॒ರಡ್ಭ್ಯ॒ಸ್ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.37.1}, {1.112.21}, {1.16.7.21} |
| 1232 | ಯಾಭಿ॒ರ್ನರಂ᳚ ಗೋಷು॒ಯುಧಂ᳚ ನೃ॒ಷಾಹ್ಯೇ॒ ಕ್ಷೇತ್ರ॑ಸ್ಯ ಸಾ॒ತಾ ತನ॑ಯಸ್ಯ॒ ಜಿನ್ವ॑ಥಃ | ಯಾಭೀ॒ ರಥಾಁ॒ ಅವ॑ಥೋ॒ ಯಾಭಿ॒ರರ್ವ॑ತ॒ಸ್ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.37.2}, {1.112.22}, {1.16.7.22} |
| 1233 | ಯಾಭಿಃ॒ ಕುತ್ಸ॑ಮಾರ್ಜುನೇ॒ಯಂ ಶ॑ತಕ್ರತೂ॒ ಪ್ರ ತು॒ರ್ವೀತಿಂ॒ ಪ್ರ ಚ॑ ದ॒ಭೀತಿ॒ಮಾವ॑ತಂ | ಯಾಭಿ॑ರ್ಧ್ವ॒ಸಂತಿಂ᳚ ಪುರು॒ಷಂತಿ॒ಮಾವ॑ತಂ॒ ತಾಭಿ॑ರೂ॒ ಷು ಊ॒ತಿಭಿ॑ರಶ್ವಿ॒ನಾ ಗ॑ತಂ ||{1.7.37.3}, {1.112.23}, {1.16.7.23} |
| 1234 | ಅಪ್ನ॑ಸ್ವತೀಮಶ್ವಿನಾ॒ ವಾಚ॑ಮ॒ಸ್ಮೇ ಕೃ॒ತಂ ನೋ᳚ ದಸ್ರಾ ವೃಷಣಾ ಮನೀ॒ಷಾಂ | ಅ॒ದ್ಯೂ॒ತ್ಯೇಽವ॑ಸೇ॒ ನಿ ಹ್ವ॑ಯೇ ವಾಂ ವೃ॒ಧೇ ಚ॑ ನೋ ಭವತಂ॒ ವಾಜ॑ಸಾತೌ ||{1.7.37.4}, {1.112.24}, {1.16.7.24} |
| 1235 | ದ್ಯುಭಿ॑ರ॒ಕ್ತುಭಿಃ॒ ಪರಿ॑ ಪಾತಮ॒ಸ್ಮಾನರಿ॑ಷ್ಟೇಭಿರಶ್ವಿನಾ॒ ಸೌಭ॑ಗೇಭಿಃ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.7.37.5}, {1.112.25}, {1.16.7.25} |
| [113] (1-20) ವಿಂಶತ್ಯೃಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | (1, 2-20) ಪ್ರಥಮರ್ಚಃ ಪೂರ್ವಾರ್ಧಸ್ಯ ದ್ವಿತೀಯಾದ್ಯೇಕೋನವಿಂಶತೀನಾಂಚ ಉಷಾಃ (1) ಪ್ರಥಮಾಯಾ ಉತ್ತರಾರ್ಧಸ್ಯ ಚ ರಾತ್ರಿರ್ದೇವತೇ | ತ್ರಿಷ್ಟುಪ್ ಛಂದಃ || | |
| 1236 | ಇ॒ದಂ ಶ್ರೇಷ್ಠಂ॒ ಜ್ಯೋತಿ॑ಷಾಂ॒ ಜ್ಯೋತಿ॒ರಾಗಾ᳚ಚ್ಚಿ॒ತ್ರಃ ಪ್ರ॑ಕೇ॒ತೋ ಅ॑ಜನಿಷ್ಟ॒ ವಿಭ್ವಾ᳚ | ಯಥಾ॒ ಪ್ರಸೂ᳚ತಾ ಸವಿ॒ತುಃ ಸ॒ವಾಯಁ॑ ಏ॒ವಾ ರಾತ್ರ್ಯು॒ಷಸೇ॒ ಯೋನಿ॑ಮಾರೈಕ್ ||{1.8.1.1}, {1.113.1}, {1.16.8.1} |
| 1237 | ರುಶ॑ದ್ವತ್ಸಾ॒ ರುಶ॑ತೀ ಶ್ವೇ॒ತ್ಯಾಗಾ॒ದಾರೈ᳚ಗು ಕೃ॒ಷ್ಣಾ ಸದ॑ನಾನ್ಯಸ್ಯಾಃ | ಸ॒ಮಾ॒ನಬಂ᳚ಧೂ ಅ॒ಮೃತೇ᳚ ಅನೂ॒ಚೀ ದ್ಯಾವಾ॒ ವರ್ಣಂ᳚ ಚರತ ಆಮಿನಾ॒ನೇ ||{1.8.1.2}, {1.113.2}, {1.16.8.2} |
| 1238 | ಸ॒ಮಾ॒ನೋ ಅಧ್ವಾ॒ ಸ್ವಸ್ರೋ᳚ರನಂ॒ತಸ್ತಮ॒ನ್ಯಾನ್ಯಾ᳚ ಚರತೋ ದೇ॒ವಶಿ॑ಷ್ಟೇ | ನ ಮೇ᳚ಥೇತೇ॒ ನ ತ॑ಸ್ಥತುಃ ಸು॒ಮೇಕೇ॒ ನಕ್ತೋ॒ಷಾಸಾ॒ ಸಮ॑ನಸಾ॒ ವಿರೂ᳚ಪೇ ||{1.8.1.3}, {1.113.3}, {1.16.8.3} |
| 1239 | ಭಾಸ್ವ॑ತೀ ನೇ॒ತ್ರೀ ಸೂ॒ನೃತಾ᳚ನಾ॒ಮಚೇ᳚ತಿ ಚಿ॒ತ್ರಾ ವಿ ದುರೋ᳚ ನ ಆವಃ | ಪ್ರಾರ್ಪ್ಯಾ॒ ಜಗ॒ದ್ವ್ಯು॑ ನೋ ರಾ॒ಯೋ ಅ॑ಖ್ಯದು॒ಷಾ ಅ॑ಜೀಗ॒ರ್ಭುವ॑ನಾನಿ॒ ವಿಶ್ವಾ᳚ ||{1.8.1.4}, {1.113.4}, {1.16.8.4} |
| 1240 | ಜಿ॒ಹ್ಮ॒ಶ್ಯೇ॒೩॑(ಏ॒) ಚರಿ॑ತವೇ ಮ॒ಘೋನ್ಯಾ᳚ಭೋ॒ಗಯ॑ ಇ॒ಷ್ಟಯೇ᳚ ರಾ॒ಯ ಉ॑ ತ್ವಂ | ದ॒ಭ್ರಂ ಪಶ್ಯ॑ದ್ಭ್ಯ ಉರ್ವಿ॒ಯಾ ವಿ॒ಚಕ್ಷ॑ ಉ॒ಷಾ ಅ॑ಜೀಗ॒ರ್ಭುವ॑ನಾನಿ॒ ವಿಶ್ವಾ᳚ ||{1.8.1.5}, {1.113.5}, {1.16.8.5} |
| 1241 | ಕ್ಷ॒ತ್ರಾಯ॑ ತ್ವಂ॒ ಶ್ರವ॑ಸೇ ತ್ವಂ ಮಹೀ॒ಯಾ ಇ॒ಷ್ಟಯೇ᳚ ತ್ವ॒ಮರ್ಥ॑ಮಿವ ತ್ವಮಿ॒ತ್ಯೈ | ವಿಸ॑ದೃಶಾ ಜೀವಿ॒ತಾಭಿ॑ಪ್ರ॒ಚಕ್ಷ॑ ಉ॒ಷಾ ಅ॑ಜೀಗ॒ರ್ಭುವ॑ನಾನಿ॒ ವಿಶ್ವಾ᳚ ||{1.8.2.1}, {1.113.6}, {1.16.8.6} |
| 1242 | ಏ॒ಷಾ ದಿ॒ವೋ ದು॑ಹಿ॒ತಾ ಪ್ರತ್ಯ॑ದರ್ಶಿ ವ್ಯು॒ಚ್ಛಂತೀ᳚ ಯುವ॒ತಿಃ ಶು॒ಕ್ರವಾ᳚ಸಾಃ | ವಿಶ್ವ॒ಸ್ಯೇಶಾ᳚ನಾ॒ ಪಾರ್ಥಿ॑ವಸ್ಯ॒ ವಸ್ವ॒ ಉಷೋ᳚ ಅ॒ದ್ಯೇಹ ಸು॑ಭಗೇ॒ ವ್ಯು॑ಚ್ಛ ||{1.8.2.2}, {1.113.7}, {1.16.8.7} |
| 1243 | ಪ॒ರಾ॒ಯ॒ತೀ॒ನಾಮನ್ವೇ᳚ತಿ॒ ಪಾಥ॑ ಆಯತೀ॒ನಾಂ ಪ್ರ॑ಥ॒ಮಾ ಶಶ್ವ॑ತೀನಾಂ | ವ್ಯು॒ಚ್ಛಂತೀ᳚ ಜೀ॒ವಮು॑ದೀ॒ರಯಂ᳚ತ್ಯು॒ಷಾ ಮೃ॒ತಂ ಕಂ ಚ॒ನ ಬೋ॒ಧಯಂ᳚ತೀ ||{1.8.2.3}, {1.113.8}, {1.16.8.8} |
| 1244 | ಉಷೋ॒ ಯದ॒ಗ್ನಿಂ ಸ॒ಮಿಧೇ᳚ ಚ॒ಕರ್ಥ॒ ವಿ ಯದಾವ॒ಶ್ಚಕ್ಷ॑ಸಾ॒ ಸೂರ್ಯ॑ಸ್ಯ | ಯನ್ಮಾನು॑ಷಾನ್ಯ॒ಕ್ಷ್ಯಮಾ᳚ಣಾಁ॒ ಅಜೀ᳚ಗ॒ಸ್ತದ್ದೇ॒ವೇಷು॑ ಚಕೃಷೇ ಭ॒ದ್ರಮಪ್ನಃ॑ ||{1.8.2.4}, {1.113.9}, {1.16.8.9} |
| 1245 | ಕಿಯಾ॒ತ್ಯಾ ಯತ್ಸ॒ಮಯಾ॒ ಭವಾ᳚ತಿ॒ ಯಾ ವ್ಯೂ॒ಷುರ್ಯಾಶ್ಚ॑ ನೂ॒ನಂ ವ್ಯು॒ಚ್ಛಾನ್ | ಅನು॒ ಪೂರ್ವಾಃ᳚ ಕೃಪತೇ ವಾವಶಾ॒ನಾ ಪ್ರ॒ದೀಧ್ಯಾ᳚ನಾ॒ ಜೋಷ॑ಮ॒ನ್ಯಾಭಿ॑ರೇತಿ ||{1.8.2.5}, {1.113.10}, {1.16.8.10} |
| 1246 | ಈ॒ಯುಷ್ಟೇ ಯೇ ಪೂರ್ವ॑ತರಾ॒ಮಪ॑ಶ್ಯನ್ವ್ಯು॒ಚ್ಛಂತೀ᳚ಮು॒ಷಸಂ॒ ಮರ್ತ್ಯಾ᳚ಸಃ | ಅ॒ಸ್ಮಾಭಿ॑ರೂ॒ ನು ಪ್ರ॑ತಿ॒ಚಕ್ಷ್ಯಾ᳚ಭೂ॒ದೋ ತೇ ಯಂ᳚ತಿ॒ ಯೇ ಅ॑ಪ॒ರೀಷು॒ ಪಶ್ಯಾ॑ನ್ ||{1.8.3.1}, {1.113.11}, {1.16.8.11} |
| 1247 | ಯಾ॒ವ॒ಯದ್ದ್ವೇ᳚ಷಾ ಋತ॒ಪಾ ಋ॑ತೇ॒ಜಾಃ ಸು᳚ಮ್ನಾ॒ವರೀ᳚ ಸೂ॒ನೃತಾ᳚ ಈ॒ರಯಂ᳚ತೀ | ಸು॒ಮಂ॒ಗ॒ಲೀರ್ಬಿಭ್ರ॑ತೀ ದೇ॒ವವೀ᳚ತಿಮಿ॒ಹಾದ್ಯೋಷಃ॒ ಶ್ರೇಷ್ಠ॑ತಮಾ॒ ವ್ಯು॑ಚ್ಛ ||{1.8.3.2}, {1.113.12}, {1.16.8.12} |
| 1248 | ಶಶ್ವ॑ತ್ಪು॒ರೋಷಾ ವ್ಯು॑ವಾಸ ದೇ॒ವ್ಯಥೋ᳚ ಅ॒ದ್ಯೇದಂ ವ್ಯಾ᳚ವೋ ಮ॒ಘೋನೀ᳚ | ಅಥೋ॒ ವ್ಯು॑ಚ್ಛಾ॒ದುತ್ತ॑ರಾಁ॒ ಅನು॒ ದ್ಯೂನ॒ಜರಾ॒ಮೃತಾ᳚ ಚರತಿ ಸ್ವ॒ಧಾಭಿಃ॑ ||{1.8.3.3}, {1.113.13}, {1.16.8.13} |
| 1249 | ವ್ಯ೧॑(ಅ॒)'ಞ್ಜಿಭಿ॑ರ್ದಿ॒ವ ಆತಾ᳚ಸ್ವದ್ಯೌ॒ದಪ॑ ಕೃ॒ಷ್ಣಾಂ ನಿ॒ರ್ಣಿಜಂ᳚ ದೇ॒ವ್ಯಾ᳚ವಃ | ಪ್ರ॒ಬೋ॒ಧಯಂ᳚ತ್ಯರು॒ಣೇಭಿ॒ರಶ್ವೈ॒ರೋಷಾ ಯಾ᳚ತಿ ಸು॒ಯುಜಾ॒ ರಥೇ᳚ನ ||{1.8.3.4}, {1.113.14}, {1.16.8.14} |
| 1250 | ಆ॒ವಹಂ᳚ತೀ॒ ಪೋಷ್ಯಾ॒ ವಾರ್ಯಾ᳚ಣಿ ಚಿ॒ತ್ರಂ ಕೇ॒ತುಂ ಕೃ॑ಣುತೇ॒ ಚೇಕಿ॑ತಾನಾ | ಈ॒ಯುಷೀ᳚ಣಾಮುಪ॒ಮಾ ಶಶ್ವ॑ತೀನಾಂ ವಿಭಾತೀ॒ನಾಂ ಪ್ರ॑ಥ॒ಮೋಷಾ ವ್ಯ॑ಶ್ವೈತ್ ||{1.8.3.5}, {1.113.15}, {1.16.8.15} |
| 1251 | ಉದೀ᳚ರ್ಧ್ವಂ ಜೀ॒ವೋ ಅಸು᳚ರ್ನ॒ ಆಗಾ॒ದಪ॒ ಪ್ರಾಗಾ॒ತ್ತಮ॒ ಆ ಜ್ಯೋತಿ॑ರೇತಿ | ಆರೈ॒ಕ್ಪಂಥಾಂ॒ ಯಾತ॑ವೇ॒ ಸೂರ್ಯಾ॒ಯಾಗ᳚ನ್ಮ॒ ಯತ್ರ॑ ಪ್ರತಿ॒ರಂತ॒ ಆಯುಃ॑ ||{1.8.4.1}, {1.113.16}, {1.16.8.16} |
| 1252 | ಸ್ಯೂಮ॑ನಾ ವಾ॒ಚ ಉದಿ॑ಯರ್ತಿ॒ ವಹ್ನಿಃ॒ ಸ್ತವಾ᳚ನೋ ರೇ॒ಭ ಉ॒ಷಸೋ᳚ ವಿಭಾ॒ತೀಃ | ಅ॒ದ್ಯಾ ತದು॑ಚ್ಛ ಗೃಣ॒ತೇ ಮ॑ಘೋನ್ಯ॒ಸ್ಮೇ ಆಯು॒ರ್ನಿ ದಿ॑ದೀಹಿ ಪ್ರ॒ಜಾವ॑ತ್ ||{1.8.4.2}, {1.113.17}, {1.16.8.17} |
| 1253 | ಯಾ ಗೋಮ॑ತೀರು॒ಷಸಃ॒ ಸರ್ವ॑ವೀರಾ ವ್ಯು॒ಚ್ಛಂತಿ॑ ದಾ॒ಶುಷೇ॒ ಮರ್ತ್ಯಾ᳚ಯ | ವಾ॒ಯೋರಿ॑ವ ಸೂ॒ನೃತಾ᳚ನಾಮುದ॒ರ್ಕೇ ತಾ ಅ॑ಶ್ವ॒ದಾ ಅ॑ಶ್ನವತ್ಸೋಮ॒ಸುತ್ವಾ᳚ ||{1.8.4.3}, {1.113.18}, {1.16.8.18} |
| 1254 | ಮಾ॒ತಾ ದೇ॒ವಾನಾ॒ಮದಿ॑ತೇ॒ರನೀ᳚ಕಂ ಯ॒ಜ್ಞಸ್ಯ॑ ಕೇ॒ತುರ್ಬೃ॑ಹ॒ತೀ ವಿ ಭಾ᳚ಹಿ | ಪ್ರ॒ಶ॒ಸ್ತಿ॒ಕೃದ್ಬ್ರಹ್ಮ॑ಣೇ ನೋ॒ ವ್ಯು೧॑(ಉ॒)ಚ್ಛಾ ನೋ॒ ಜನೇ᳚ ಜನಯ ವಿಶ್ವವಾರೇ ||{1.8.4.4}, {1.113.19}, {1.16.8.19} |
| 1255 | ಯಚ್ಚಿ॒ತ್ರಮಪ್ನ॑ ಉ॒ಷಸೋ॒ ವಹಂ᳚ತೀಜಾ॒ನಾಯ॑ ಶಶಮಾ॒ನಾಯ॑ ಭ॒ದ್ರಂ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.8.4.5}, {1.113.20}, {1.16.8.20} |
| [114] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ರುದ್ರೋ ದೇವತಾ | (1-9) ಪ್ರಥಮಾದಿನವರ್ಚಾಂ ಜಗತೀ (10-11) ದಶಮ್ಯೇಕಾದಶ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 1256 | ಇ॒ಮಾ ರು॒ದ್ರಾಯ॑ ತ॒ವಸೇ᳚ ಕಪ॒ರ್ದಿನೇ᳚ ಕ್ಷ॒ಯದ್ವೀ᳚ರಾಯ॒ ಪ್ರ ಭ॑ರಾಮಹೇ ಮ॒ತೀಃ | ಯಥಾ॒ ಶಮಸ॑ದ್ದ್ವಿ॒ಪದೇ॒ ಚತು॑ಷ್ಪದೇ॒ ವಿಶ್ವಂ᳚ ಪು॒ಷ್ಟಂ ಗ್ರಾಮೇ᳚ ಅ॒ಸ್ಮಿನ್ನ॑ನಾತು॒ರಂ ||{1.8.5.1}, {1.114.1}, {1.16.9.1} |
| 1257 | ಮೃ॒ಳಾ ನೋ᳚ ರುದ್ರೋ॒ತ ನೋ॒ ಮಯ॑ಸ್ಕೃಧಿ ಕ್ಷ॒ಯದ್ವೀ᳚ರಾಯ॒ ನಮ॑ಸಾ ವಿಧೇಮ ತೇ | ಯಚ್ಛಂ ಚ॒ ಯೋಶ್ಚ॒ ಮನು॑ರಾಯೇ॒ಜೇ ಪಿ॒ತಾ ತದ॑ಶ್ಯಾಮ॒ ತವ॑ ರುದ್ರ॒ ಪ್ರಣೀ᳚ತಿಷು ||{1.8.5.2}, {1.114.2}, {1.16.9.2} |
| 1258 | ಅ॒ಶ್ಯಾಮ॑ ತೇ ಸುಮ॒ತಿಂ ದೇ᳚ವಯ॒ಜ್ಯಯಾ᳚ ಕ್ಷ॒ಯದ್ವೀ᳚ರಸ್ಯ॒ ತವ॑ ರುದ್ರ ಮೀಢ್ವಃ | ಸು॒ಮ್ನಾ॒ಯನ್ನಿದ್ವಿಶೋ᳚ ಅ॒ಸ್ಮಾಕ॒ಮಾ ಚ॒ರಾರಿ॑ಷ್ಟವೀರಾ ಜುಹವಾಮ ತೇ ಹ॒ವಿಃ ||{1.8.5.3}, {1.114.3}, {1.16.9.3} |
| 1259 | ತ್ವೇ॒ಷಂ ವ॒ಯಂ ರು॒ದ್ರಂ ಯ॑ಜ್ಞ॒ಸಾಧಂ᳚ ವಂ॒ಕುಂ ಕ॒ವಿಮವ॑ಸೇ॒ ನಿ ಹ್ವ॑ಯಾಮಹೇ | ಆ॒ರೇ ಅ॒ಸ್ಮದ್ದೈವ್ಯಂ॒ ಹೇಳೋ᳚ ಅಸ್ಯತು ಸುಮ॒ತಿಮಿದ್ವ॒ಯಮ॒ಸ್ಯಾ ವೃ॑ಣೀಮಹೇ ||{1.8.5.4}, {1.114.4}, {1.16.9.4} |
| 1260 | ದಿ॒ವೋ ವ॑ರಾ॒ಹಮ॑ರು॒ಷಂ ಕ॑ಪ॒ರ್ದಿನಂ᳚ ತ್ವೇ॒ಷಂ ರೂ॒ಪಂ ನಮ॑ಸಾ॒ ನಿ ಹ್ವ॑ಯಾಮಹೇ | ಹಸ್ತೇ॒ ಬಿಭ್ರ॑ದ್ಭೇಷ॒ಜಾ ವಾರ್ಯಾ᳚ಣಿ॒ ಶರ್ಮ॒ ವರ್ಮ॑ ಚ್ಛ॒ರ್ದಿರ॒ಸ್ಮಭ್ಯಂ᳚ ಯಂಸತ್ ||{1.8.5.5}, {1.114.5}, {1.16.9.5} |
| 1261 | ಇ॒ದಂ ಪಿ॒ತ್ರೇ ಮ॒ರುತಾ᳚ಮುಚ್ಯತೇ॒ ವಚಃ॑ ಸ್ವಾ॒ದೋಃ ಸ್ವಾದೀ᳚ಯೋ ರು॒ದ್ರಾಯ॒ ವರ್ಧ॑ನಂ | ರಾಸ್ವಾ᳚ ಚ ನೋ ಅಮೃತ ಮರ್ತ॒ಭೋಜ॑ನಂ॒ ತ್ಮನೇ᳚ ತೋ॒ಕಾಯ॒ ತನ॑ಯಾಯ ಮೃಳ ||{1.8.6.1}, {1.114.6}, {1.16.9.6} |
| 1262 | ಮಾ ನೋ᳚ ಮ॒ಹಾಂತ॑ಮು॒ತ ಮಾ ನೋ᳚ ಅರ್ಭ॒ಕಂ ಮಾ ನ॒ ಉಕ್ಷಂ᳚ತಮು॒ತ ಮಾ ನ॑ ಉಕ್ಷಿ॒ತಂ | ಮಾ ನೋ᳚ ವಧೀಃ ಪಿ॒ತರಂ॒ ಮೋತ ಮಾ॒ತರಂ॒ ಮಾ ನಃ॑ ಪ್ರಿ॒ಯಾಸ್ತ॒ನ್ವೋ᳚ ರುದ್ರ ರೀರಿಷಃ ||{1.8.6.2}, {1.114.7}, {1.16.9.7} |
| 1263 | ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॑ ಆ॒ಯೌ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ᳚ಷು ರೀರಿಷಃ | ವೀ॒ರಾನ್ಮಾ ನೋ᳚ ರುದ್ರ ಭಾಮಿ॒ತೋ ವ॑ಧೀರ್ಹ॒ವಿಷ್ಮಂ᳚ತಃ॒ ಸದ॒ಮಿತ್ತ್ವಾ᳚ ಹವಾಮಹೇ ||{1.8.6.3}, {1.114.8}, {1.16.9.8} |
| 1264 | ಉಪ॑ ತೇ॒ ಸ್ತೋಮಾ᳚ನ್ಪಶು॒ಪಾ ಇ॒ವಾಕ॑ರಂ॒ ರಾಸ್ವಾ᳚ ಪಿತರ್ಮರುತಾಂ ಸು॒ಮ್ನಮ॒ಸ್ಮೇ | ಭ॒ದ್ರಾ ಹಿ ತೇ᳚ ಸುಮ॒ತಿರ್ಮೃ॑ಳ॒ಯತ್ತ॒ಮಾಥಾ᳚ ವ॒ಯಮವ॒ ಇತ್ತೇ᳚ ವೃಣೀಮಹೇ ||{1.8.6.4}, {1.114.9}, {1.16.9.9} |
| 1265 | ಆ॒ರೇ ತೇ᳚ ಗೋ॒ಘ್ನಮು॒ತ ಪೂ᳚ರುಷ॒ಘ್ನಂ ಕ್ಷಯ॑ದ್ವೀರ ಸು॒ಮ್ನಮ॒ಸ್ಮೇ ತೇ᳚ ಅಸ್ತು | ಮೃ॒ಳಾ ಚ॑ ನೋ॒ ಅಧಿ॑ ಚ ಬ್ರೂಹಿ ದೇ॒ವಾಧಾ᳚ ಚ ನಃ॒ ಶರ್ಮ॑ ಯಚ್ಛ ದ್ವಿ॒ಬರ್ಹಾಃ᳚ ||{1.8.6.5}, {1.114.10}, {1.16.9.10} |
| 1266 | ಅವೋ᳚ಚಾಮ॒ ನಮೋ᳚ ಅಸ್ಮಾ ಅವ॒ಸ್ಯವಃ॑ ಶೃ॒ಣೋತು॑ ನೋ॒ ಹವಂ᳚ ರು॒ದ್ರೋ ಮ॒ರುತ್ವಾ॑ನ್ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.8.6.6}, {1.114.11}, {1.16.9.11} |
| [115] (1-6) ಷಳೃರ್ಚಸ್ಯ ಸೂಕ್ತಸ್ಯ ಆಂಗಿರಸಃ ಕುತ್ಸ ಋಷಿಃ | ಸೂರ್ಯೋ ದೇವತಾ | ತ್ರಿಷ್ಟುಪ್ ಛಂದಃ || | |
| 1267 | ಚಿ॒ತ್ರಂ ದೇ॒ವಾನಾ॒ಮುದ॑ಗಾ॒ದನೀ᳚ಕಂ॒ ಚಕ್ಷು᳚ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ | ಆಪ್ರಾ॒ ದ್ಯಾವಾ᳚ಪೃಥಿ॒ವೀ ಅಂ॒ತರಿ॑ಕ್ಷಂ॒ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ ||{1.8.7.1}, {1.115.1}, {1.16.10.1} |
| 1268 | ಸೂರ್ಯೋ᳚ ದೇ॒ವೀಮು॒ಷಸಂ॒ ರೋಚ॑ಮಾನಾಂ॒ ಮರ್ಯೋ॒ ನ ಯೋಷಾ᳚ಮ॒ಭ್ಯೇ᳚ತಿ ಪ॒ಶ್ಚಾತ್ | ಯತ್ರಾ॒ ನರೋ᳚ ದೇವ॒ಯಂತೋ᳚ ಯು॒ಗಾನಿ॑ ವಿತನ್ವ॒ತೇ ಪ್ರತಿ॑ ಭ॒ದ್ರಾಯ॑ ಭ॒ದ್ರಂ ||{1.8.7.2}, {1.115.2}, {1.16.10.2} |
| 1269 | ಭ॒ದ್ರಾ ಅಶ್ವಾ᳚ ಹ॒ರಿತಃ॒ ಸೂರ್ಯ॑ಸ್ಯ ಚಿ॒ತ್ರಾ ಏತ॑ಗ್ವಾ ಅನು॒ಮಾದ್ಯಾ᳚ಸಃ | ನ॒ಮ॒ಸ್ಯಂತೋ᳚ ದಿ॒ವ ಆ ಪೃ॒ಷ್ಠಮ॑ಸ್ಥುಃ॒ ಪರಿ॒ ದ್ಯಾವಾ᳚ಪೃಥಿ॒ವೀ ಯಂ᳚ತಿ ಸ॒ದ್ಯಃ ||{1.8.7.3}, {1.115.3}, {1.16.10.3} |
| 1270 | ತತ್ಸೂರ್ಯ॑ಸ್ಯ ದೇವ॒ತ್ವಂ ತನ್ಮ॑ಹಿ॒ತ್ವಂ ಮ॒ಧ್ಯಾ ಕರ್ತೋ॒ರ್ವಿತ॑ತಂ॒ ಸಂ ಜ॑ಭಾರ | ಯ॒ದೇದಯು॑ಕ್ತ ಹ॒ರಿತಃ॑ ಸ॒ಧಸ್ಥಾ॒ದಾದ್ರಾತ್ರೀ॒ ವಾಸ॑ಸ್ತನುತೇ ಸಿ॒ಮಸ್ಮೈ᳚ ||{1.8.7.4}, {1.115.4}, {1.16.10.4} |
| 1271 | ತನ್ಮಿ॒ತ್ರಸ್ಯ॒ ವರು॑ಣಸ್ಯಾಭಿ॒ಚಕ್ಷೇ॒ ಸೂರ್ಯೋ᳚ ರೂ॒ಪಂ ಕೃ॑ಣುತೇ॒ ದ್ಯೋರು॒ಪಸ್ಥೇ᳚ | ಅ॒ನಂ॒ತಮ॒ನ್ಯದ್ರುಶ॑ದಸ್ಯ॒ ಪಾಜಃ॑ ಕೃ॒ಷ್ಣಮ॒ನ್ಯದ್ಧ॒ರಿತಃ॒ ಸಂ ಭ॑ರಂತಿ ||{1.8.7.5}, {1.115.5}, {1.16.10.5} |
| 1272 | ಅ॒ದ್ಯಾ ದೇ᳚ವಾ॒ ಉದಿ॑ತಾ॒ ಸೂರ್ಯ॑ಸ್ಯ॒ ನಿರಂಹ॑ಸಃ ಪಿಪೃ॒ತಾ ನಿರ॑ವ॒ದ್ಯಾತ್ | ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ||{1.8.7.6}, {1.115.6}, {1.16.10.6} |
| [116] (1-25) ಪಂಚವಿಂಶತ್ಯೃಚಸ್ಯ ಸೂಕ್ತಸ್ಯ ಔಶಿಜೋ ದೈರ್ಘತಮಸಃ ಕಕ್ಷೀವಾನ್ ಋಷಿಃ | ಅಶ್ವಿನೌ ದೇವತೇ | ತ್ರಿಷ್ಟುಪ್ ಛಂದಃ || | |
| 1273 | ನಾಸ॑ತ್ಯಾಭ್ಯಾಂ ಬ॒ರ್ಹಿರಿ॑ವ॒ ಪ್ರ ವೃಂ᳚ಜೇ॒ ಸ್ತೋಮಾಁ᳚ ಇಯರ್ಮ್ಯ॒ಭ್ರಿಯೇ᳚ವ॒ ವಾತಃ॑ | ಯಾವರ್ಭ॑ಗಾಯ ವಿಮ॒ದಾಯ॑ ಜಾ॒ಯಾಂ ಸೇ᳚ನಾ॒ಜುವಾ᳚ ನ್ಯೂ॒ಹತೂ॒ ರಥೇ᳚ನ ||{1.8.8.1}, {1.116.1}, {1.17.1.1} |
| 1274 | ವೀ॒ಳು॒ಪತ್ಮ॑ಭಿರಾಶು॒ಹೇಮ॑ಭಿರ್ವಾ ದೇ॒ವಾನಾಂ᳚ ವಾ ಜೂ॒ತಿಭಿಃ॒ ಶಾಶ॑ದಾನಾ | ತದ್ರಾಸ॑ಭೋ ನಾಸತ್ಯಾ ಸ॒ಹಸ್ರ॑ಮಾ॒ಜಾ ಯ॒ಮಸ್ಯ॑ ಪ್ರ॒ಧನೇ᳚ ಜಿಗಾಯ ||{1.8.8.2}, {1.116.2}, {1.17.1.2} |
| 1275 | ತುಗ್ರೋ᳚ ಹ ಭು॒ಜ್ಯುಮ॑ಶ್ವಿನೋದಮೇ॒ಘೇ ರ॒ಯಿಂ ನ ಕಶ್ಚಿ᳚ನ್ಮಮೃ॒ವಾಁ ಅವಾ᳚ಹಾಃ | ತಮೂ᳚ಹಥುರ್ನೌ॒ಭಿರಾ᳚ತ್ಮ॒ನ್ವತೀ᳚ಭಿರಂತರಿಕ್ಷ॒ಪ್ರುದ್ಭಿ॒ರಪೋ᳚ದಕಾಭಿಃ ||{1.8.8.3}, {1.116.3}, {1.17.1.3} |
| 1276 | ತಿ॒ಸ್ರಃ ಕ್ಷಪ॒ಸ್ತ್ರಿರಹಾ᳚ತಿ॒ವ್ರಜ॑ದ್ಭಿ॒ರ್ನಾಸ॑ತ್ಯಾ ಭು॒ಜ್ಯುಮೂ᳚ಹಥುಃ ಪತಂ॒ಗೈಃ | ಸ॒ಮು॒ದ್ರಸ್ಯ॒ ಧನ್ವ᳚ನ್ನಾ॒ರ್ದ್ರಸ್ಯ॑ ಪಾ॒ರೇ ತ್ರಿ॒ಭೀ ರಥೈಃ᳚ ಶ॒ತಪ॑ದ್ಭಿಃ॒ ಷಳ॑ಶ್ವೈಃ ||{1.8.8.4}, {1.116.4}, {1.17.1.4} |
| 1277 | ಅ॒ನಾ॒ರಂ॒ಭ॒ಣೇ ತದ॑ವೀರಯೇಥಾಮನಾಸ್ಥಾ॒ನೇ ಅ॑ಗ್ರಭ॒ಣೇ ಸ॑ಮು॒ದ್ರೇ | ಯದ॑ಶ್ವಿನಾ ಊ॒ಹಥು॑ರ್ಭು॒ಜ್ಯುಮಸ್ತಂ᳚ ಶ॒ತಾರಿ॑ತ್ರಾಂ॒ ನಾವ॑ಮಾತಸ್ಥಿ॒ವಾಂಸಂ᳚ ||{1.8.8.5}, {1.116.5}, {1.17.1.5} |
| 1278 | ಯಮ॑ಶ್ವಿನಾ ದ॒ದಥುಃ॑ ಶ್ವೇ॒ತಮಶ್ವ॑ಮ॒ಘಾಶ್ವಾ᳚ಯ॒ ಶಶ್ವ॒ದಿತ್ಸ್ವ॒ಸ್ತಿ | ತದ್ವಾಂ᳚ ದಾ॒ತ್ರಂ ಮಹಿ॑ ಕೀ॒ರ್ತೇನ್ಯಂ᳚ ಭೂತ್ಪೈ॒ದ್ವೋ ವಾ॒ಜೀ ಸದ॒ಮಿದ್ಧವ್ಯೋ᳚ ಅ॒ರ್ಯಃ ||{1.8.9.1}, {1.116.6}, {1.17.1.6} |
| 1279 | ಯು॒ವಂ ನ॑ರಾ ಸ್ತುವ॒ತೇ ಪ॑ಜ್ರಿ॒ಯಾಯ॑ ಕ॒ಕ್ಷೀವ॑ತೇ ಅರದತಂ॒ ಪುರಂ᳚ಧಿಂ | ಕಾ॒ರೋ॒ತ॒ರಾಚ್ಛ॒ಫಾದಶ್ವ॑ಸ್ಯ॒ ವೃಷ್ಣಃ॑ ಶ॒ತಂ ಕುಂ॒ಭಾಁ ಅ॑ಸಿಂಚತಂ॒ ಸುರಾ᳚ಯಾಃ ||{1.8.9.2}, {1.116.7}, {1.17.1.7} |
| 1280 | ಹಿ॒ಮೇನಾ॒ಗ್ನಿಂ ಘ್ರಂ॒ಸಮ॑ವಾರಯೇಥಾಂ ಪಿತು॒ಮತೀ॒ಮೂರ್ಜ॑ಮಸ್ಮಾ ಅಧತ್ತಂ | ಋ॒ಬೀಸೇ॒ ಅತ್ರಿ॑ಮಶ್ವಿ॒ನಾವ॑ನೀತ॒ಮುನ್ನಿ᳚ನ್ಯಥುಃ॒ ಸರ್ವ॑ಗಣಂ ಸ್ವ॒ಸ್ತಿ ||{1.8.9.3}, {1.116.8}, {1.17.1.8} |
| 1281 | ಪರಾ᳚ವ॒ತಂ ನಾ᳚ಸತ್ಯಾನುದೇಥಾಮು॒ಚ್ಚಾಬು॑ಧ್ನಂ ಚಕ್ರಥುರ್ಜಿ॒ಹ್ಮಬಾ᳚ರಂ | ಕ್ಷರ॒ನ್ನಾಪೋ॒ ನ ಪಾ॒ಯನಾ᳚ಯ ರಾ॒ಯೇ ಸ॒ಹಸ್ರಾ᳚ಯ॒ ತೃಷ್ಯ॑ತೇ॒ ಗೋತ॑ಮಸ್ಯ ||{1.8.9.4}, {1.116.9}, {1.17.1.9} |
| 1282 | ಜು॒ಜು॒ರುಷೋ᳚ ನಾಸತ್ಯೋ॒ತ ವ॒ವ್ರಿಂ ಪ್ರಾಮುಂ᳚ಚತಂ ದ್ರಾ॒ಪಿಮಿ॑ವ॒ ಚ್ಯವಾ᳚ನಾತ್ | ಪ್ರಾತಿ॑ರತಂ ಜಹಿ॒ತಸ್ಯಾಯು॑ರ್ದ॒ಸ್ರಾದಿತ್ಪತಿ॑ಮಕೃಣುತಂ ಕ॒ನೀನಾಂ᳚ ||{1.8.9.5}, {1.116.10}, {1.17.1.10} |
| 1283 | ತದ್ವಾಂ᳚ ನರಾ॒ ಶಂಸ್ಯಂ॒ ರಾಧ್ಯಂ᳚ ಚಾಭಿಷ್ಟಿ॒ಮನ್ನಾ᳚ಸತ್ಯಾ॒ ವರೂ᳚ಥಂ | ಯದ್ವಿ॒ದ್ವಾಂಸಾ᳚ ನಿ॒ಧಿಮಿ॒ವಾಪ॑ಗೂಳ್ಹ॒ಮುದ್ದ॑ರ್ಶ॒ತಾದೂ॒ಪಥು॒ರ್ವಂದ॑ನಾಯ ||{1.8.10.1}, {1.116.11}, {1.17.1.11} |
| 1284 | ತದ್ವಾಂ᳚ ನರಾ ಸ॒ನಯೇ॒ ದಂಸ॑ ಉ॒ಗ್ರಮಾ॒ವಿಷ್ಕೃ॑ಣೋಮಿ ತನ್ಯ॒ತುರ್ನ ವೃ॒ಷ್ಟಿಂ | ದ॒ಧ್ಯಙ್ಹ॒ ಯನ್ಮಧ್ವಾ᳚ಥರ್ವ॒ಣೋ ವಾ॒ಮಶ್ವ॑ಸ್ಯ ಶೀ॒ರ್ಷ್ಣಾ ಪ್ರ ಯದೀ᳚ಮು॒ವಾಚ॑ ||{1.8.10.2}, {1.116.12}, {1.17.1.12} |
| 1285 | ಅಜೋ᳚ಹವೀನ್ನಾಸತ್ಯಾ ಕ॒ರಾ ವಾಂ᳚ ಮ॒ಹೇ ಯಾಮ᳚ನ್ಪುರುಭುಜಾ॒ ಪುರಂ᳚ಧಿಃ | ಶ್ರು॒ತಂ ತಚ್ಛಾಸು॑ರಿವ ವಧ್ರಿಮ॒ತ್ಯಾ ಹಿರ᳚ಣ್ಯಹಸ್ತಮಶ್ವಿನಾವದತ್ತಂ ||{1.8.10.3}, {1.116.13}, {1.17.1.13} |
| 1286 | ಆ॒ಸ್ನೋ ವೃಕ॑ಸ್ಯ॒ ವರ್ತಿ॑ಕಾಮ॒ಭೀಕೇ᳚ ಯು॒ವಂ ನ॑ರಾ ನಾಸತ್ಯಾಮುಮುಕ್ತಂ | ಉ॒ತೋ ಕ॒ವಿಂ ಪು॑ರುಭುಜಾ ಯು॒ವಂ ಹ॒ ಕೃಪ॑ಮಾಣಮಕೃಣುತಂ ವಿ॒ಚಕ್ಷೇ᳚ ||{1.8.10.4}, {1.116.14}, {1.17.1.14} |
| 1287 | ಚ॒ರಿತ್ರಂ॒ ಹಿ ವೇರಿ॒ವಾಚ್ಛೇ᳚ದಿ ಪ॒ರ್ಣಮಾ॒ಜಾ ಖೇ॒ಲಸ್ಯ॒ ಪರಿ॑ತಕ್ಮ್ಯಾಯಾಂ | ಸ॒ದ್ಯೋ ಜಂಘಾ॒ಮಾಯ॑ಸೀಂ ವಿ॒ಶ್ಪಲಾ᳚ಯೈ॒ ಧನೇ᳚ ಹಿ॒ತೇ ಸರ್ತ॑ವೇ॒ ಪ್ರತ್ಯ॑ಧತ್ತಂ ||{1.8.10.5}, {1.116.15}, {1.17.1.15} |
| 1288 | ಶ॒ತಂ ಮೇ॒ಷಾನ್ವೃ॒ಕ್ಯೇ᳚ ಚಕ್ಷದಾ॒ನಮೃ॒ಜ್ರಾಶ್ವಂ॒ ತಂ ಪಿ॒ತಾಂಧಂ ಚ॑ಕಾರ | ತಸ್ಮಾ᳚ ಅ॒ಕ್ಷೀ ನಾ᳚ಸತ್ಯಾ ವಿ॒ಚಕ್ಷ॒ ಆಧ॑ತ್ತಂ ದಸ್ರಾ ಭಿಷಜಾವನ॒ರ್ವನ್ ||{1.8.11.1}, {1.116.16}, {1.17.1.16} |
| 1289 | ಆ ವಾಂ॒ ರಥಂ᳚ ದುಹಿ॒ತಾ ಸೂರ್ಯ॑ಸ್ಯ॒ ಕಾರ್ಷ್ಮೇ᳚ವಾತಿಷ್ಠ॒ದರ್ವ॑ತಾ॒ ಜಯಂ᳚ತೀ | ವಿಶ್ವೇ᳚ ದೇ॒ವಾ ಅನ್ವ॑ಮನ್ಯಂತ ಹೃ॒ದ್ಭಿಃ ಸಮು॑ ಶ್ರಿ॒ಯಾ ನಾ᳚ಸತ್ಯಾ ಸಚೇಥೇ ||{1.8.11.2}, {1.116.17}, {1.17.1.17} |
| 1290 | ಯದಯಾ᳚ತಂ॒ ದಿವೋ᳚ದಾಸಾಯ ವ॒ರ್ತಿರ್ಭ॒ರದ್ವಾ᳚ಜಾಯಾಶ್ವಿನಾ॒ ಹಯಂ᳚ತಾ | ರೇ॒ವದು॑ವಾಹ ಸಚ॒ನೋ ರಥೋ᳚ ವಾಂ ವೃಷ॒ಭಶ್ಚ॑ ಶಿಂಶು॒ಮಾರ॑ಶ್ಚ ಯು॒ಕ್ತಾ ||{1.8.11.3}, {1.116.18}, {1.17.1.18} |
| 1291 | ರ॒ಯಿಂ ಸು॑ಕ್ಷ॒ತ್ರಂ ಸ್ವ॑ಪ॒ತ್ಯಮಾಯುಃ॑ ಸು॒ವೀರ್ಯಂ᳚ ನಾಸತ್ಯಾ॒ ವಹಂ᳚ತಾ | ಆ ಜ॒ಹ್ನಾವೀಂ॒ ಸಮ॑ನ॒ಸೋಪ॒ ವಾಜೈ॒ಸ್ತ್ರಿರಹ್ನೋ᳚ ಭಾ॒ಗಂ ದಧ॑ತೀಮಯಾತಂ ||{1.8.11.4}, {1.116.19}, {1.17.1.19} |
| 1292 | ಪರಿ॑ವಿಷ್ಟಂ ಜಾಹು॒ಷಂ ವಿ॒ಶ್ವತಃ॑ ಸೀಂ ಸು॒ಗೇಭಿ॒ರ್ನಕ್ತ॑ಮೂಹಥೂ॒ ರಜೋ᳚ಭಿಃ | ವಿ॒ಭಿಂ॒ದುನಾ᳚ ನಾಸತ್ಯಾ॒ ರಥೇ᳚ನ॒ ವಿ ಪರ್ವ॑ತಾಁ ಅಜರ॒ಯೂ ಅ॑ಯಾತಂ ||{1.8.11.5}, {1.116.20}, {1.17.1.20} |
| 1293 | ಏಕ॑ಸ್ಯಾ॒ ವಸ್ತೋ᳚ರಾವತಂ॒ ರಣಾ᳚ಯ॒ ವಶ॑ಮಶ್ವಿನಾ ಸ॒ನಯೇ᳚ ಸ॒ಹಸ್ರಾ᳚ | ನಿರ॑ಹತಂ ದು॒ಚ್ಛುನಾ॒ ಇಂದ್ರ॑ವಂತಾ ಪೃಥು॒ಶ್ರವ॑ಸೋ ವೃಷಣಾ॒ವರಾ᳚ತೀಃ ||{1.8.12.1}, {1.116.21}, {1.17.1.21} |
| 1294 | ಶ॒ರಸ್ಯ॑ ಚಿದಾರ್ಚ॒ತ್ಕಸ್ಯಾ᳚ವ॒ತಾದಾ ನೀ॒ಚಾದು॒ಚ್ಚಾ ಚ॑ಕ್ರಥುಃ॒ ಪಾತ॑ವೇ॒ ವಾಃ | ಶ॒ಯವೇ᳚ ಚಿನ್ನಾಸತ್ಯಾ॒ ಶಚೀ᳚ಭಿ॒ರ್ಜಸು॑ರಯೇ ಸ್ತ॒ರ್ಯಂ᳚ ಪಿಪ್ಯಥು॒ರ್ಗಾಂ ||{1.8.12.2}, {1.116.22}, {1.17.1.22} |
| 1295 | ಅ॒ವ॒ಸ್ಯ॒ತೇ ಸ್ತು॑ವ॒ತೇ ಕೃ॑ಷ್ಣಿ॒ಯಾಯ॑ ಋಜೂಯ॒ತೇ ನಾ᳚ಸತ್ಯಾ॒ ಶಚೀ᳚ಭಿಃ | ಪ॒ಶುಂ ನ ನ॒ಷ್ಟಮಿ॑ವ॒ ದರ್ಶ॑ನಾಯ ವಿಷ್ಣಾ॒ಪ್ವಂ᳚ ದದಥು॒ರ್ವಿಶ್ವ॑ಕಾಯ ||{1.8.12.3}, {1.116.23}, {1.17.1.23} |
| 1296 | ದಶ॒ ರಾತ್ರೀ॒ರಶಿ॑ವೇನಾ॒ ನವ॒ ದ್ಯೂನವ॑ನದ್ಧಂ ಶ್ನಥಿ॒ತಮ॒ಪ್ಸ್ವ೧॑(ಅ॒)'ನ್ತಃ | ವಿಪ್ರು॑ತಂ ರೇ॒ಭಮು॒ದನಿ॒ ಪ್ರವೃ॑ಕ್ತ॒ಮುನ್ನಿ᳚ನ್ಯಥುಃ॒ ಸೋಮ॑ಮಿವ ಸ್ರು॒ವೇಣ॑ ||{1.8.12.4}, {1.116.24}, {1.17.1.24} |
| 1297 | ಪ್ರ ವಾಂ॒ ದಂಸಾಂ᳚ಸ್ಯಶ್ವಿನಾವವೋಚಮ॒ಸ್ಯ ಪತಿಃ॑ ಸ್ಯಾಂ ಸು॒ಗವಃ॑ ಸು॒ವೀರಃ॑ | ಉ॒ತ ಪಶ್ಯ᳚ನ್ನಶ್ನು॒ವಂದೀ॒ರ್ಘಮಾಯು॒ರಸ್ತ॑ಮಿ॒ವೇಜ್ಜ॑ರಿ॒ಮಾಣಂ᳚ ಜಗಮ್ಯಾಂ ||{1.8.12.5}, {1.116.25}, {1.17.1.25} |
| [117] (1-25) ಪಂಚವಿಂಶತ್ಯೃಚಸ್ಯ ಸೂಕ್ತಸ್ಯ ಔಶಿಜೋ ದೈರ್ಘತಮಸಃ ಕಕ್ಷೀವಾನ್ ಋಷಿಃ | ಅಶ್ವಿನೌ ದೇವತೇ | ತ್ರಿಷ್ಟುಪ್ ಛಂದಃ || | |
| 1298 | ಮಧ್ವಃ॒ ಸೋಮ॑ಸ್ಯಾಶ್ವಿನಾ॒ ಮದಾ᳚ಯ ಪ್ರ॒ತ್ನೋ ಹೋತಾ ವಿ॑ವಾಸತೇ ವಾಂ | ಬ॒ರ್ಹಿಷ್ಮ॑ತೀ ರಾ॒ತಿರ್ವಿಶ್ರಿ॑ತಾ॒ ಗೀರಿ॒ಷಾ ಯಾ᳚ತಂ ನಾಸ॒ತ್ಯೋಪ॒ ವಾಜೈಃ᳚ ||{1.8.13.1}, {1.117.1}, {1.17.2.1} |
| 1299 | ಯೋ ವಾ᳚ಮಶ್ವಿನಾ॒ ಮನ॑ಸೋ॒ ಜವೀ᳚ಯಾ॒ನ್ರಥಃ॒ ಸ್ವಶ್ವೋ॒ ವಿಶ॑ ಆ॒ಜಿಗಾ᳚ತಿ | ಯೇನ॒ ಗಚ್ಛ॑ಥಃ ಸು॒ಕೃತೋ᳚ ದುರೋ॒ಣಂ ತೇನ॑ ನರಾ ವ॒ರ್ತಿರ॒ಸ್ಮಭ್ಯಂ᳚ ಯಾತಂ ||{1.8.13.2}, {1.117.2}, {1.17.2.2} |
| 1300 | ಋಷಿಂ᳚ ನರಾ॒ವಂಹ॑ಸಃ॒ ಪಾಂಚ॑ಜನ್ಯಮೃ॒ಬೀಸಾ॒ದತ್ರಿಂ᳚ ಮುಂಚಥೋ ಗ॒ಣೇನ॑ | ಮಿ॒ನಂತಾ॒ ದಸ್ಯೋ॒ರಶಿ॑ವಸ್ಯ ಮಾ॒ಯಾ ಅ॑ನುಪೂ॒ರ್ವಂ ವೃ॑ಷಣಾ ಚೋ॒ದಯಂ᳚ತಾ ||{1.8.13.3}, {1.117.3}, {1.17.2.3} |
| 1301 | ಅಶ್ವಂ॒ ನ ಗೂ॒ಳ್ಹಮ॑ಶ್ವಿನಾ ದು॒ರೇವೈ॒ರೃಷಿಂ᳚ ನರಾ ವೃಷಣಾ ರೇ॒ಭಮ॒ಪ್ಸು | ಸಂ ತಂ ರಿ॑ಣೀಥೋ॒ ವಿಪ್ರು॑ತಂ॒ ದಂಸೋ᳚ಭಿ॒ರ್ನ ವಾಂ᳚ ಜೂರ್ಯಂತಿ ಪೂ॒ರ್ವ್ಯಾ ಕೃ॒ತಾನಿ॑ ||{1.8.13.4}, {1.117.4}, {1.17.2.4} |
| 1302 | ಸು॒ಷು॒ಪ್ವಾಂಸಂ॒ ನ ನಿರೃ॑ತೇರು॒ಪಸ್ಥೇ॒ ಸೂರ್ಯಂ॒ ನ ದ॑ಸ್ರಾ॒ ತಮ॑ಸಿ ಕ್ಷಿ॒ಯಂತಂ᳚ | ಶು॒ಭೇ ರು॒ಕ್ಮಂ ನ ದ॑ರ್ಶ॒ತಂ ನಿಖಾ᳚ತ॒ಮುದೂ᳚ಪಥುರಶ್ವಿನಾ॒ ವಂದ॑ನಾಯ ||{1.8.13.5}, {1.117.5}, {1.17.2.5} |
| 1303 | ತದ್ವಾಂ᳚ ನರಾ॒ ಶಂಸ್ಯಂ᳚ ಪಜ್ರಿ॒ಯೇಣ॑ ಕ॒ಕ್ಷೀವ॑ತಾ ನಾಸತ್ಯಾ॒ ಪರಿ॑ಜ್ಮನ್ | ಶ॒ಫಾದಶ್ವ॑ಸ್ಯ ವಾ॒ಜಿನೋ॒ ಜನಾ᳚ಯ ಶ॒ತಂ ಕುಂ॒ಭಾಁ ಅ॑ಸಿಂಚತಂ॒ ಮಧೂ᳚ನಾಂ ||{1.8.14.1}, {1.117.6}, {1.17.2.6} |
| 1304 | ಯು॒ವಂ ನ॑ರಾ ಸ್ತುವ॒ತೇ ಕೃ॑ಷ್ಣಿ॒ಯಾಯ॑ ವಿಷ್ಣಾ॒ಪ್ವಂ᳚ ದದಥು॒ರ್ವಿಶ್ವ॑ಕಾಯ | ಘೋಷಾ᳚ಯೈ ಚಿತ್ಪಿತೃ॒ಷದೇ᳚ ದುರೋ॒ಣೇ ಪತಿಂ॒ ಜೂರ್ಯಂ᳚ತ್ಯಾ ಅಶ್ವಿನಾವದತ್ತಂ ||{1.8.14.2}, {1.117.7}, {1.17.2.7} |
| 1305 | ಯು॒ವಂ ಶ್ಯಾವಾ᳚ಯ॒ ರುಶ॑ತೀಮದತ್ತಂ ಮ॒ಹಃ ಕ್ಷೋ॒ಣಸ್ಯಾ᳚ಶ್ವಿನಾ॒ ಕಣ್ವಾ᳚ಯ | ಪ್ರ॒ವಾಚ್ಯಂ॒ ತದ್ವೃ॑ಷಣಾ ಕೃ॒ತಂ ವಾಂ॒ ಯನ್ನಾ᳚ರ್ಷ॒ದಾಯ॒ ಶ್ರವೋ᳚ ಅ॒ಧ್ಯಧ॑ತ್ತಂ ||{1.8.14.3}, {1.117.8}, {1.17.2.8} |
| 1306 | ಪು॒ರೂ ವರ್ಪಾಂ᳚ಸ್ಯಶ್ವಿನಾ॒ ದಧಾ᳚ನಾ॒ ನಿ ಪೇ॒ದವ॑ ಊಹಥುರಾ॒ಶುಮಶ್ವಂ᳚ | ಸ॒ಹ॒ಸ್ರ॒ಸಾಂ ವಾ॒ಜಿನ॒ಮಪ್ರ॑ತೀತಮಹಿ॒ಹನಂ᳚ ಶ್ರವ॒ಸ್ಯ೧॑(ಅ॒) ಅಂತರು॑ತ್ರಂ ||{1.8.14.4}, {1.117.9}, {1.17.2.9} |
| 1307 | ಏ॒ತಾನಿ॑ ವಾಂ ಶ್ರವ॒ಸ್ಯಾ᳚ ಸುದಾನೂ॒ ಬ್ರಹ್ಮಾಂ᳚ಗೂ॒ಷಂ ಸದ॑ನಂ॒ ರೋದ॑ಸ್ಯೋಃ | ಯದ್ವಾಂ᳚ ಪ॒ಜ್ರಾಸೋ᳚ ಅಶ್ವಿನಾ॒ ಹವಂ᳚ತೇ ಯಾ॒ತಮಿ॒ಷಾ ಚ॑ ವಿ॒ದುಷೇ᳚ ಚ॒ ವಾಜಂ᳚ ||{1.8.14.5}, {1.117.10}, {1.17.2.10} |
| 1308 | ಸೂ॒ನೋರ್ಮಾನೇ᳚ನಾಶ್ವಿನಾ ಗೃಣಾ॒ನಾ ವಾಜಂ॒ ವಿಪ್ರಾ᳚ಯ ಭುರಣಾ॒ ರದಂ᳚ತಾ | ಅ॒ಗಸ್ತ್ಯೇ॒ ಬ್ರಹ್ಮ॑ಣಾ ವಾವೃಧಾ॒ನಾ ಸಂ ವಿ॒ಶ್ಪಲಾಂ᳚ ನಾಸತ್ಯಾರಿಣೀತಂ ||{1.8.15.1}, {1.117.11}, {1.17.2.11} |
| 1309 | ಕುಹ॒ ಯಾಂತಾ᳚ ಸುಷ್ಟು॒ತಿಂ ಕಾ॒ವ್ಯಸ್ಯ॒ ದಿವೋ᳚ ನಪಾತಾ ವೃಷಣಾ ಶಯು॒ತ್ರಾ | ಹಿರ᳚ಣ್ಯಸ್ಯೇವ ಕ॒ಲಶಂ॒ ನಿಖಾ᳚ತ॒ಮುದೂ᳚ಪಥುರ್ದಶ॒ಮೇ ಅ॑ಶ್ವಿ॒ನಾಹ॑ನ್ ||{1.8.15.2}, {1.117.12}, {1.17.2.12} |
| 1310 | ಯು॒ವಂ ಚ್ಯವಾ᳚ನಮಶ್ವಿನಾ॒ ಜರಂ᳚ತಂ॒ ಪುನ॒ರ್ಯುವಾ᳚ನಂ ಚಕ್ರಥುಃ॒ ಶಚೀ᳚ಭಿಃ | ಯು॒ವೋ ರಥಂ᳚ ದುಹಿ॒ತಾ ಸೂರ್ಯ॑ಸ್ಯ ಸ॒ಹ ಶ್ರಿ॒ಯಾ ನಾ᳚ಸತ್ಯಾವೃಣೀತ ||{1.8.15.3}, {1.117.13}, {1.17.2.13} |
| 1311 | ಯು॒ವಂ ತುಗ್ರಾ᳚ಯ ಪೂ॒ರ್ವ್ಯೇಭಿ॒ರೇವೈಃ᳚ ಪುನರ್ಮ॒ನ್ಯಾವ॑ಭವತಂ ಯುವಾನಾ | ಯು॒ವಂ ಭು॒ಜ್ಯುಮರ್ಣ॑ಸೋ॒ ನಿಃ ಸ॑ಮು॒ದ್ರಾದ್ವಿಭಿ॑ರೂಹಥುರೃ॒ಜ್ರೇಭಿ॒ರಶ್ವೈಃ᳚ ||{1.8.15.4}, {1.117.14}, {1.17.2.14} |
| 1312 | ಅಜೋ᳚ಹವೀದಶ್ವಿನಾ ತೌ॒ಗ್ರ್ಯೋ ವಾಂ॒ ಪ್ರೋಳ್ಹಃ॑ ಸಮು॒ದ್ರಮ᳚ವ್ಯ॒ಥಿರ್ಜ॑ಗ॒ನ್ವಾನ್ | ನಿಷ್ಟಮೂ᳚ಹಥುಃ ಸು॒ಯುಜಾ॒ ರಥೇ᳚ನ॒ ಮನೋ᳚ಜವಸಾ ವೃಷಣಾ ಸ್ವ॒ಸ್ತಿ ||{1.8.15.5}, {1.117.15}, {1.17.2.15} |
| 1313 | ಅಜೋ᳚ಹವೀದಶ್ವಿನಾ॒ ವರ್ತಿ॑ಕಾ ವಾಮಾ॒ಸ್ನೋ ಯತ್ಸೀ॒ಮಮುಂ᳚ಚತಂ॒ ವೃಕ॑ಸ್ಯ | ವಿ ಜ॒ಯುಷಾ᳚ ಯಯಥುಃ॒ ಸಾನ್ವದ್ರೇ᳚ರ್ಜಾ॒ತಂ ವಿ॒ಷ್ವಾಚೋ᳚ ಅಹತಂ ವಿ॒ಷೇಣ॑ ||{1.8.16.1}, {1.117.16}, {1.17.2.16} |
| 1314 | ಶ॒ತಂ ಮೇ॒ಷಾನ್ವೃ॒ಕ್ಯೇ᳚ ಮಾಮಹಾ॒ನಂ ತಮಃ॒ ಪ್ರಣೀ᳚ತ॒ಮಶಿ॑ವೇನ ಪಿ॒ತ್ರಾ | ಆಕ್ಷೀ ಋ॒ಜ್ರಾಶ್ವೇ᳚ ಅಶ್ವಿನಾವಧತ್ತಂ॒ ಜ್ಯೋತಿ॑ರಂ॒ಧಾಯ॑ ಚಕ್ರಥುರ್ವಿ॒ಚಕ್ಷೇ᳚ ||{1.8.16.2}, {1.117.17}, {1.17.2.17} |
| 1315 | ಶು॒ನಮಂ॒ಧಾಯ॒ ಭರ॑ಮಹ್ವಯ॒ತ್ಸಾ ವೃ॒ಕೀರ॑ಶ್ವಿನಾ ವೃಷಣಾ॒ ನರೇತಿ॑ | ಜಾ॒ರಃ ಕ॒ನೀನ॑ ಇವ ಚಕ್ಷದಾ॒ನ ಋ॒ಜ್ರಾಶ್ವಃ॑ ಶ॒ತಮೇಕಂ᳚ ಚ ಮೇ॒ಷಾನ್ ||{1.8.16.3}, {1.117.18}, {1.17.2.18} |
| 1316 | ಮ॒ಹೀ ವಾ᳚ಮೂ॒ತಿರ॑ಶ್ವಿನಾ ಮಯೋ॒ಭೂರು॒ತ ಸ್ರಾ॒ಮಂ ಧಿ॑ಷ್ಣ್ಯಾ॒ ಸಂ ರಿ॑ಣೀಥಃ | ಅಥಾ᳚ ಯು॒ವಾಮಿದ॑ಹ್ವಯ॒ತ್ಪುರಂ᳚ಧಿ॒ರಾಗ॑ಚ್ಛತಂ ಸೀಂ ವೃಷಣಾ॒ವವೋ᳚ಭಿಃ ||{1.8.16.4}, {1.117.19}, {1.17.2.19} |
| 1317 | ಅಧೇ᳚ನುಂ ದಸ್ರಾ ಸ್ತ॒ರ್ಯ೧॑(ಅ॒) ಅಂವಿಷ॑ಕ್ತಾ॒ಮಪಿ᳚ನ್ವತಂ ಶ॒ಯವೇ᳚ ಅಶ್ವಿನಾ॒ ಗಾಂ | ಯು॒ವಂ ಶಚೀ᳚ಭಿರ್ವಿಮ॒ದಾಯ॑ ಜಾ॒ಯಾಂ ನ್ಯೂ᳚ಹಥುಃ ಪುರುಮಿ॒ತ್ರಸ್ಯ॒ ಯೋಷಾಂ᳚ ||{1.8.16.5}, {1.117.20}, {1.17.2.20} |
| 1318 | ಯವಂ॒ ವೃಕೇ᳚ಣಾಶ್ವಿನಾ॒ ವಪಂ॒ತೇಷಂ᳚ ದು॒ಹಂತಾ॒ ಮನು॑ಷಾಯ ದಸ್ರಾ | ಅ॒ಭಿ ದಸ್ಯುಂ॒ ಬಕು॑ರೇಣಾ॒ ಧಮಂ᳚ತೋ॒ರು ಜ್ಯೋತಿ॑ಶ್ಚಕ್ರಥು॒ರಾರ್ಯಾ᳚ಯ ||{1.8.17.1}, {1.117.21}, {1.17.2.21} |
| 1319 | ಆ॒ಥ॒ರ್ವ॒ಣಾಯಾ᳚ಶ್ವಿನಾ ದಧೀ॒ಚೇಽಶ್ವ್ಯಂ॒ ಶಿರಃ॒ ಪ್ರತ್ಯೈ᳚ರಯತಂ | ಸ ವಾಂ॒ ಮಧು॒ ಪ್ರ ವೋ᳚ಚದೃತಾ॒ಯಂತ್ವಾ॒ಷ್ಟ್ರಂ ಯದ್ದ॑ಸ್ರಾವಪಿಕ॒ಕ್ಷ್ಯಂ᳚ ವಾಂ ||{1.8.17.2}, {1.117.22}, {1.17.2.22} |
| 1320 | ಸದಾ᳚ ಕವೀ ಸುಮ॒ತಿಮಾ ಚ॑ಕೇ ವಾಂ॒ ವಿಶ್ವಾ॒ ಧಿಯೋ᳚ ಅಶ್ವಿನಾ॒ ಪ್ರಾವ॑ತಂ ಮೇ | ಅ॒ಸ್ಮೇ ರ॒ಯಿಂ ನಾ᳚ಸತ್ಯಾ ಬೃ॒ಹಂತ॑ಮಪತ್ಯ॒ಸಾಚಂ॒ ಶ್ರುತ್ಯಂ᳚ ರರಾಥಾಂ ||{1.8.17.3}, {1.117.23}, {1.17.2.23} |
| 1321 | ಹಿರ᳚ಣ್ಯಹಸ್ತಮಶ್ವಿನಾ॒ ರರಾ᳚ಣಾ ಪು॒ತ್ರಂ ನ॑ರಾ ವಧ್ರಿಮ॒ತ್ಯಾ ಅ॑ದತ್ತಂ | ತ್ರಿಧಾ᳚ ಹ॒ ಶ್ಯಾವ॑ಮಶ್ವಿನಾ॒ ವಿಕ॑ಸ್ತ॒ಮುಜ್ಜೀ॒ವಸ॑ ಐರಯತಂ ಸುದಾನೂ ||{1.8.17.4}, {1.117.24}, {1.17.2.24} |
| 1322 | ಏ॒ತಾನಿ॑ ವಾಮಶ್ವಿನಾ ವೀ॒ರ್ಯಾ᳚ಣಿ॒ ಪ್ರ ಪೂ॒ರ್ವ್ಯಾಣ್ಯಾ॒ಯವೋ᳚ಽವೋಚನ್ | ಬ್ರಹ್ಮ॑ ಕೃ॒ಣ್ವಂತೋ᳚ ವೃಷಣಾ ಯು॒ವಭ್ಯಾಂ᳚ ಸು॒ವೀರಾ᳚ಸೋ ವಿ॒ದಥ॒ಮಾ ವ॑ದೇಮ ||{1.8.17.5}, {1.117.25}, {1.17.2.25} |
| [118] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಔಶಿಜೋ ದೈರ್ಘತಮಸಃ ಕಕ್ಷೀವಾನ್ ಋಷಿಃ | ಅಶ್ವಿನೌ ದೇವತೇ | ತ್ರಿಷ್ಟುಪ್ ಛಂದಃ || | |
| 1323 | ಆ ವಾಂ॒ ರಥೋ᳚ ಅಶ್ವಿನಾ ಶ್ಯೇ॒ನಪ॑ತ್ವಾ ಸುಮೃಳೀ॒ಕಃ ಸ್ವವಾಁ᳚ ಯಾತ್ವ॒ರ್ವಾಙ್ | ಯೋ ಮರ್ತ್ಯ॑ಸ್ಯ॒ ಮನ॑ಸೋ॒ ಜವೀ᳚ಯಾಂತ್ರಿವಂಧು॒ರೋ ವೃ॑ಷಣಾ॒ ವಾತ॑ರಂಹಾಃ ||{1.8.18.1}, {1.118.1}, {1.17.3.1} |
| 1324 | ತ್ರಿ॒ವಂ॒ಧು॒ರೇಣ॑ ತ್ರಿ॒ವೃತಾ॒ ರಥೇ᳚ನ ತ್ರಿಚ॒ಕ್ರೇಣ॑ ಸು॒ವೃತಾ ಯಾ᳚ತಮ॒ರ್ವಾಕ್ | ಪಿನ್ವ॑ತಂ॒ ಗಾ ಜಿನ್ವ॑ತ॒ಮರ್ವ॑ತೋ ನೋ ವ॒ರ್ಧಯ॑ತಮಶ್ವಿನಾ ವೀ॒ರಮ॒ಸ್ಮೇ ||{1.8.18.2}, {1.118.2}, {1.17.3.2} |
| 1325 | ಪ್ರ॒ವದ್ಯಾ᳚ಮನಾ ಸು॒ವೃತಾ॒ ರಥೇ᳚ನ॒ ದಸ್ರಾ᳚ವಿ॒ಮಂ ಶೃ॑ಣುತಂ॒ ಶ್ಲೋಕ॒ಮದ್ರೇಃ᳚ | ಕಿಮಂ॒ಗ ವಾಂ॒ ಪ್ರತ್ಯವ॑ರ್ತಿಂ॒ ಗಮಿ॑ಷ್ಠಾ॒ಹುರ್ವಿಪ್ರಾ᳚ಸೋ ಅಶ್ವಿನಾ ಪುರಾ॒ಜಾಃ ||{1.8.18.3}, {1.118.3}, {1.17.3.3} |
| 1326 | ಆ ವಾಂ᳚ ಶ್ಯೇ॒ನಾಸೋ᳚ ಅಶ್ವಿನಾ ವಹಂತು॒ ರಥೇ᳚ ಯು॒ಕ್ತಾಸ॑ ಆ॒ಶವಃ॑ ಪತಂ॒ಗಾಃ | ಯೇ ಅ॒ಪ್ತುರೋ᳚ ದಿ॒ವ್ಯಾಸೋ॒ ನ ಗೃಧ್ರಾ᳚ ಅ॒ಭಿ ಪ್ರಯೋ᳚ ನಾಸತ್ಯಾ॒ ವಹಂ᳚ತಿ ||{1.8.18.4}, {1.118.4}, {1.17.3.4} |
| 1327 | ಆ ವಾಂ॒ ರಥಂ᳚ ಯುವ॒ತಿಸ್ತಿ॑ಷ್ಠ॒ದತ್ರ॑ ಜು॒ಷ್ಟ್ವೀ ನ॑ರಾ ದುಹಿ॒ತಾ ಸೂರ್ಯ॑ಸ್ಯ | ಪರಿ॑ ವಾ॒ಮಶ್ವಾ॒ ವಪು॑ಷಃ ಪತಂ॒ಗಾ ವಯೋ᳚ ವಹಂತ್ವರು॒ಷಾ ಅ॒ಭೀಕೇ᳚ ||{1.8.18.5}, {1.118.5}, {1.17.3.5} |
| 1328 | ಉದ್ವಂದ॑ನಮೈರತಂ ದಂ॒ಸನಾ᳚ಭಿ॒ರುದ್ರೇ॒ಭಂ ದ॑ಸ್ರಾ ವೃಷಣಾ॒ ಶಚೀ᳚ಭಿಃ | ನಿಷ್ಟೌ॒ಗ್ರ್ಯಂ ಪಾ᳚ರಯಥಃ ಸಮು॒ದ್ರಾತ್ಪುನ॒ಶ್ಚ್ಯವಾ᳚ನಂ ಚಕ್ರಥು॒ರ್ಯುವಾ᳚ನಂ ||{1.8.19.1}, {1.118.6}, {1.17.3.6} |
| 1329 | ಯು॒ವಮತ್ರ॒ಯೇಽವ॑ನೀತಾಯ ತ॒ಪ್ತಮೂರ್ಜ॑ಮೋ॒ಮಾನ॑ಮಶ್ವಿನಾವಧತ್ತಂ | ಯು॒ವಂ ಕಣ್ವಾ॒ಯಾಪಿ॑ರಿಪ್ತಾಯ॒ ಚಕ್ಷುಃ॒ ಪ್ರತ್ಯ॑ಧತ್ತಂ ಸುಷ್ಟು॒ತಿಂ ಜು॑ಜುಷಾ॒ಣಾ ||{1.8.19.2}, {1.118.7}, {1.17.3.7} |
| 1330 | ಯು॒ವಂ ಧೇ॒ನುಂ ಶ॒ಯವೇ᳚ ನಾಧಿ॒ತಾಯಾಪಿ᳚ನ್ವತಮಶ್ವಿನಾ ಪೂ॒ರ್ವ್ಯಾಯ॑ | ಅಮುಂ᳚ಚತಂ॒ ವರ್ತಿ॑ಕಾ॒ಮಂಹ॑ಸೋ॒ ನಿಃ ಪ್ರತಿ॒ ಜಂಘಾಂ᳚ ವಿ॒ಶ್ಪಲಾ᳚ಯಾ ಅಧತ್ತಂ ||{1.8.19.3}, {1.118.8}, {1.17.3.8} |
| 1331 | ಯು॒ವಂ ಶ್ವೇ॒ತಂ ಪೇ॒ದವ॒ ಇಂದ್ರ॑ಜೂತಮಹಿ॒ಹನ॑ಮಶ್ವಿನಾದತ್ತ॒ಮಶ್ವಂ᳚ | ಜೋ॒ಹೂತ್ರ॑ಮ॒ರ್ಯೋ ಅ॒ಭಿಭೂ᳚ತಿಮು॒ಗ್ರಂ ಸ॑ಹಸ್ರ॒ಸಾಂ ವೃಷ॑ಣಂ ವೀ॒ಡ್ವಂ᳚ಗಂ ||{1.8.19.4}, {1.118.9}, {1.17.3.9} |
| 1332 | ತಾ ವಾಂ᳚ ನರಾ॒ ಸ್ವವ॑ಸೇ ಸುಜಾ॒ತಾ ಹವಾ᳚ಮಹೇ ಅಶ್ವಿನಾ॒ ನಾಧ॑ಮಾನಾಃ | ಆ ನ॒ ಉಪ॒ ವಸು॑ಮತಾ॒ ರಥೇ᳚ನ॒ ಗಿರೋ᳚ ಜುಷಾ॒ಣಾ ಸು॑ವಿ॒ತಾಯ॑ ಯಾತಂ ||{1.8.19.5}, {1.118.10}, {1.17.3.10} |
| 1333 | ಆ ಶ್ಯೇ॒ನಸ್ಯ॒ ಜವ॑ಸಾ॒ ನೂತ॑ನೇನಾ॒ಸ್ಮೇ ಯಾ᳚ತಂ ನಾಸತ್ಯಾ ಸ॒ಜೋಷಾಃ᳚ | ಹವೇ॒ ಹಿ ವಾ᳚ಮಶ್ವಿನಾ ರಾ॒ತಹ᳚ವ್ಯಃ ಶಶ್ವತ್ತ॒ಮಾಯಾ᳚ ಉ॒ಷಸೋ॒ ವ್ಯು॑ಷ್ಟೌ ||{1.8.19.6}, {1.118.11}, {1.17.3.11} |
| [119] (1-10) ದಶರ್ಚಸ್ಯ ಸೂಕ್ತಸ್ಯ ಔಶಿಜೋ ದೈರ್ಘತಮಸಃ ಕಕ್ಷೀವಾನ ಋಷಿಃ | ಅಶ್ವಿನೌ ದೇವತೇ | ಜಗತೀ ಛಂದಃ || | |
| 1334 | ಆ ವಾಂ॒ ರಥಂ᳚ ಪುರುಮಾ॒ಯಂ ಮ॑ನೋ॒ಜುವಂ᳚ ಜೀ॒ರಾಶ್ವಂ᳚ ಯ॒ಜ್ಞಿಯಂ᳚ ಜೀ॒ವಸೇ᳚ ಹುವೇ | ಸ॒ಹಸ್ರ॑ಕೇತುಂ ವ॒ನಿನಂ᳚ ಶ॒ತದ್ವ॑ಸುಂ ಶ್ರುಷ್ಟೀ॒ವಾನಂ᳚ ವರಿವೋ॒ಧಾಮ॒ಭಿ ಪ್ರಯಃ॑ ||{1.8.20.1}, {1.119.1}, {1.17.4.1} |
| 1335 | ಊ॒ರ್ಧ್ವಾ ಧೀ॒ತಿಃ ಪ್ರತ್ಯ॑ಸ್ಯ॒ ಪ್ರಯಾ᳚ಮ॒ನ್ಯಧಾ᳚ಯಿ॒ ಶಸ್ಮ॒ನ್ಸಮ॑ಯಂತ॒ ಆ ದಿಶಃ॑ | ಸ್ವದಾ᳚ಮಿ ಘ॒ರ್ಮಂ ಪ್ರತಿ॑ ಯಂತ್ಯೂ॒ತಯ॒ ಆ ವಾ᳚ಮೂ॒ರ್ಜಾನೀ॒ ರಥ॑ಮಶ್ವಿನಾರುಹತ್ ||{1.8.20.2}, {1.119.2}, {1.17.4.2} |
| 1336 | ಸಂ ಯನ್ಮಿ॒ಥಃ ಪ॑ಸ್ಪೃಧಾ॒ನಾಸೋ॒ ಅಗ್ಮ॑ತ ಶು॒ಭೇ ಮ॒ಖಾ ಅಮಿ॑ತಾ ಜಾ॒ಯವೋ॒ ರಣೇ᳚ | ಯು॒ವೋರಹ॑ ಪ್ರವ॒ಣೇ ಚೇ᳚ಕಿತೇ॒ ರಥೋ॒ ಯದ॑ಶ್ವಿನಾ॒ ವಹ॑ಥಃ ಸೂ॒ರಿಮಾ ವರಂ᳚ ||{1.8.20.3}, {1.119.3}, {1.17.4.3} |
| 1337 | ಯು॒ವಂ ಭು॒ಜ್ಯುಂ ಭು॒ರಮಾ᳚ಣಂ॒ ವಿಭಿ॑ರ್ಗ॒ತಂ ಸ್ವಯು॑ಕ್ತಿಭಿರ್ನಿ॒ವಹಂ᳚ತಾ ಪಿ॒ತೃಭ್ಯ॒ ಆ | ಯಾ॒ಸಿ॒ಷ್ಟಂ ವ॒ರ್ತಿರ್ವೃ॑ಷಣಾ ವಿಜೇ॒ನ್ಯ೧॑(ಅ॒) ಅಂದಿವೋ᳚ದಾಸಾಯ॒ ಮಹಿ॑ ಚೇತಿ ವಾ॒ಮವಃ॑ ||{1.8.20.4}, {1.119.4}, {1.17.4.4} |
| 1338 | ಯು॒ವೋರ॑ಶ್ವಿನಾ॒ ವಪು॑ಷೇ ಯುವಾ॒ಯುಜಂ॒ ರಥಂ॒ ವಾಣೀ᳚ ಯೇಮತುರಸ್ಯ॒ ಶರ್ಧ್ಯಂ᳚ | ಆ ವಾಂ᳚ ಪತಿ॒ತ್ವಂ ಸ॒ಖ್ಯಾಯ॑ ಜ॒ಗ್ಮುಷೀ॒ ಯೋಷಾ᳚ವೃಣೀತ॒ ಜೇನ್ಯಾ᳚ ಯು॒ವಾಂ ಪತೀ᳚ ||{1.8.20.5}, {1.119.5}, {1.17.4.5} |
| 1339 | ಯು॒ವಂ ರೇ॒ಭಂ ಪರಿ॑ಷೂತೇರುರುಷ್ಯಥೋ ಹಿ॒ಮೇನ॑ ಘ॒ರ್ಮಂ ಪರಿ॑ತಪ್ತ॒ಮತ್ರ॑ಯೇ | ಯು॒ವಂ ಶ॒ಯೋರ॑ವ॒ಸಂ ಪಿ॑ಪ್ಯಥು॒ರ್ಗವಿ॒ ಪ್ರ ದೀ॒ರ್ಘೇಣ॒ ವಂದ॑ನಸ್ತಾ॒ರ್ಯಾಯು॑ಷಾ ||{1.8.21.1}, {1.119.6}, {1.17.4.6} |
| 1340 | ಯು॒ವಂ ವಂದ॑ನಂ॒ ನಿರೃ॑ತಂ ಜರ॒ಣ್ಯಯಾ॒ ರಥಂ॒ ನ ದ॑ಸ್ರಾ ಕರ॒ಣಾ ಸಮಿ᳚ನ್ವಥಃ | ಕ್ಷೇತ್ರಾ॒ದಾ ವಿಪ್ರಂ᳚ ಜನಥೋ ವಿಪ॒ನ್ಯಯಾ॒ ಪ್ರ ವಾ॒ಮತ್ರ॑ ವಿಧ॒ತೇ ದಂ॒ಸನಾ᳚ ಭುವತ್ ||{1.8.21.2}, {1.119.7}, {1.17.4.7} |
| 1341 | ಅಗ॑ಚ್ಛತಂ॒ ಕೃಪ॑ಮಾಣಂ ಪರಾ॒ವತಿ॑ ಪಿ॒ತುಃ ಸ್ವಸ್ಯ॒ ತ್ಯಜ॑ಸಾ॒ ನಿಬಾ᳚ಧಿತಂ | ಸ್ವ᳚ರ್ವತೀರಿ॒ತ ಊ॒ತೀರ್ಯು॒ವೋರಹ॑ ಚಿ॒ತ್ರಾ ಅ॒ಭೀಕೇ᳚ ಅಭವನ್ನ॒ಭಿಷ್ಟ॑ಯಃ ||{1.8.21.3}, {1.119.8}, {1.17.4.8} |
| 1342 | ಉ॒ತ ಸ್ಯಾ ವಾಂ॒ ಮಧು॑ಮ॒ನ್ಮಕ್ಷಿ॑ಕಾರಪ॒ನ್ಮದೇ॒ ಸೋಮ॑ಸ್ಯೌಶಿ॒ಜೋ ಹು॑ವನ್ಯತಿ | ಯು॒ವಂ ದ॑ಧೀ॒ಚೋ ಮನ॒ ಆ ವಿ॑ವಾಸ॒ಥೋಽಥಾ॒ ಶಿರಃ॒ ಪ್ರತಿ॑ ವಾ॒ಮಶ್ವ್ಯಂ᳚ ವದತ್ ||{1.8.21.4}, {1.119.9}, {1.17.4.9} |
| 1343 | ಯು॒ವಂ ಪೇ॒ದವೇ᳚ ಪುರು॒ವಾರ॑ಮಶ್ವಿನಾ ಸ್ಪೃ॒ಧಾಂ ಶ್ವೇ॒ತಂ ತ॑ರು॒ತಾರಂ᳚ ದುವಸ್ಯಥಃ | ಶರ್ಯೈ᳚ರ॒ಭಿದ್ಯುಂ॒ ಪೃತ॑ನಾಸು ದು॒ಷ್ಟರಂ᳚ ಚ॒ರ್ಕೃತ್ಯ॒ಮಿಂದ್ರ॑ಮಿವ ಚರ್ಷಣೀ॒ಸಹಂ᳚ ||{1.8.21.5}, {1.119.10}, {1.17.4.10} |
| [120] (1-12) ದ್ವಾದಶರ್ಚಸ್ಯ ಸೂಕ್ತಸ್ಯ ಔಶಿಜೋ ದೈರ್ಘತಮಸಃ ಕಕ್ಷೀವಾನ್ ಋಷಿಃ | ಅಶ್ವಿನೌ ದೇವತೇ | (1, 10-12) ಪ್ರಥಮರ್ಚಃ ದಶಮ್ಯಾದಿತೃಚಸ್ಯ ಚ ಗಾಯತ್ರೀ (2) ದ್ವಿತೀಯಾಯಾಃ ಕಕಪ (3) ತೃತೀಯಾಯಾಃ ಕಾವಿರಾಟ್ (4) ಚತುರ್ಥ್ಯಾ ನಷ್ಟರೂಪೀ (5) ಪಂಚಮ್ಯಾಸ್ತನಶಿರಾ (6) ಷಷ್ಠ್ಯಾ ಉಷ್ಣಿಕ್ (7) ಸಪ್ತಮ್ಯಾ ವಿಷ್ಟಾರಬಹತೀ (8) ಅಷ್ಟಮ್ಯಾಃ ಕೃತಿಃ (9) ನವಮ್ಯಾಶ್ಚ ವಿರಾಟ್ ಛಂದಾಂಸಿ || | |
| 1344 | ಕಾ ರಾ᳚ಧ॒ದ್ಧೋತ್ರಾ᳚ಶ್ವಿನಾ ವಾಂ॒ ಕೋ ವಾಂ॒ ಜೋಷ॑ ಉ॒ಭಯೋಃ᳚ | ಕ॒ಥಾ ವಿ॑ಧಾ॒ತ್ಯಪ್ರ॑ಚೇತಾಃ ||{1.8.22.1}, {1.120.1}, {1.17.5.1} |
| 1345 | ವಿ॒ದ್ವಾಂಸಾ॒ವಿದ್ದುರಃ॑ ಪೃಚ್ಛೇ॒ದವಿ॑ದ್ವಾನಿ॒ತ್ಥಾಪ॑ರೋ ಅಚೇ॒ತಾಃ | ನೂ ಚಿ॒ನ್ನು ಮರ್ತೇ॒ ಅಕ್ರೌ᳚ ||{1.8.22.2}, {1.120.2}, {1.17.5.2} |
| 1346 | ತಾ ವಿ॒ದ್ವಾಂಸಾ᳚ ಹವಾಮಹೇ ವಾಂ॒ ತಾ ನೋ᳚ ವಿ॒ದ್ವಾಂಸಾ॒ ಮನ್ಮ॑ ವೋಚೇತಮ॒ದ್ಯ | ಪ್ರಾರ್ಚ॒ದ್ದಯ॑ಮಾನೋ ಯು॒ವಾಕುಃ॑ ||{1.8.22.3}, {1.120.3}, {1.17.5.3} |
| 1347 | ವಿ ಪೃ॑ಚ್ಛಾಮಿ ಪಾ॒ಕ್ಯಾ॒೩॑(ಆ॒) ನ ದೇ॒ವಾನ್ವಷ॑ಟ್ಕೃತಸ್ಯಾದ್ಭು॒ತಸ್ಯ॑ ದಸ್ರಾ | ಪಾ॒ತಂ ಚ॒ ಸಹ್ಯ॑ಸೋ ಯು॒ವಂ ಚ॒ ರಭ್ಯ॑ಸೋ ನಃ ||{1.8.22.4}, {1.120.4}, {1.17.5.4} |
| 1348 | ಪ್ರ ಯಾ ಘೋಷೇ॒ ಭೃಗ॑ವಾಣೇ॒ ನ ಶೋಭೇ॒ ಯಯಾ᳚ ವಾ॒ಚಾ ಯಜ॑ತಿ ಪಜ್ರಿ॒ಯೋ ವಾಂ᳚ | ಪ್ರೈಷ॒ಯುರ್ನ ವಿ॒ದ್ವಾನ್ ||{1.8.22.5}, {1.120.5}, {1.17.5.5} |
| 1349 | ಶ್ರು॒ತಂ ಗಾ᳚ಯ॒ತ್ರಂ ತಕ॑ವಾನಸ್ಯಾ॒ಹಂ ಚಿ॒ದ್ಧಿ ರಿ॒ರೇಭಾ᳚ಶ್ವಿನಾ ವಾಂ | ಆಕ್ಷೀ ಶು॑ಭಸ್ಪತೀ॒ ದನ್ ||{1.8.23.1}, {1.120.6}, {1.17.5.6} |
| 1350 | ಯು॒ವಂ ಹ್ಯಾಸ್ತಂ᳚ ಮ॒ಹೋ ರನ್ಯು॒ವಂ ವಾ॒ ಯನ್ನಿ॒ರತ॑ತಂಸತಂ | ತಾ ನೋ᳚ ವಸೂ ಸುಗೋ॒ಪಾ ಸ್ಯಾ᳚ತಂ ಪಾ॒ತಂ ನೋ॒ ವೃಕಾ᳚ದಘಾ॒ಯೋಃ ||{1.8.23.2}, {1.120.7}, {1.17.5.7} |
| 1351 | ಮಾ ಕಸ್ಮೈ᳚ ಧಾತಮ॒ಭ್ಯ॑ಮಿ॒ತ್ರಿಣೇ᳚ ನೋ॒ ಮಾಕುತ್ರಾ᳚ ನೋ ಗೃ॒ಹೇಭ್ಯೋ᳚ ಧೇ॒ನವೋ᳚ ಗುಃ | ಸ್ತ॒ನಾ॒ಭುಜೋ॒ ಅಶಿ॑ಶ್ವೀಃ ||{1.8.23.3}, {1.120.8}, {1.17.5.8} |
| 1352 | ದು॒ಹೀ॒ಯನ್ಮಿ॒ತ್ರಧಿ॑ತಯೇ ಯು॒ವಾಕು॑ ರಾ॒ಯೇ ಚ॑ ನೋ ಮಿಮೀ॒ತಂ ವಾಜ॑ವತ್ಯೈ | ಇ॒ಷೇ ಚ॑ ನೋ ಮಿಮೀತಂ ಧೇನು॒ಮತ್ಯೈ᳚ ||{1.8.23.4}, {1.120.9}, {1.17.5.9} |
| 1353 | ಅ॒ಶ್ವಿನೋ᳚ರಸನಂ॒ ರಥ॑ಮನ॒ಶ್ವಂ ವಾ॒ಜಿನೀ᳚ವತೋಃ | ತೇನಾ॒ಹಂ ಭೂರಿ॑ ಚಾಕನ ||{1.8.23.5}, {1.120.10}, {1.17.5.10} |
| 1354 | ಅ॒ಯಂ ಸ॑ಮಹ ಮಾ ತನೂ॒ಹ್ಯಾತೇ॒ ಜನಾಁ॒ ಅನು॑ | ಸೋ॒ಮ॒ಪೇಯಂ᳚ ಸು॒ಖೋ ರಥಃ॑ ||{1.8.23.6}, {1.120.11}, {1.17.5.11} |
| 1355 | ಅಧ॒ ಸ್ವಪ್ನ॑ಸ್ಯ॒ ನಿರ್ವಿ॒ದೇಽಭುಂ᳚ಜತಶ್ಚ ರೇ॒ವತಃ॑ | ಉ॒ಭಾ ತಾ ಬಸ್ರಿ॑ ನಶ್ಯತಃ ||{1.8.23.7}, {1.120.12}, {1.17.5.12} |
| [121] (1-15) ಪಂಚದಶರ್ಚಸ್ಯ ಸೂಕ್ತಸ್ಯ ಔಶಿಜೋ ದೈರ್ಘತಮಸಃ ಕಕ್ಷೀವಾನ್ ಋಷಿಃ | ಇಂದ್ರೋ ವಿಶ್ವೇ ದೇವಾ ವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 1356 | ಕದಿ॒ತ್ಥಾ ನೄಁಃ ಪಾತ್ರಂ᳚ ದೇವಯ॒ತಾಂ ಶ್ರವ॒ದ್ಗಿರೋ॒ ಅಂಗಿ॑ರಸಾಂ ತುರ॒ಣ್ಯನ್ | ಪ್ರ ಯದಾನ॒ಡ್ವಿಶ॒ ಆ ಹ॒ರ್ಮ್ಯಸ್ಯೋ॒ರು ಕ್ರಂ᳚ಸತೇ ಅಧ್ವ॒ರೇ ಯಜ॑ತ್ರಃ ||{1.8.24.1}, {1.121.1}, {1.18.1.1} |
| 1357 | ಸ್ತಂಭೀ᳚ದ್ಧ॒ ದ್ಯಾಂ ಸ ಧ॒ರುಣಂ᳚ ಪ್ರುಷಾಯದೃ॒ಭುರ್ವಾಜಾ᳚ಯ॒ ದ್ರವಿ॑ಣಂ॒ ನರೋ॒ ಗೋಃ | ಅನು॑ ಸ್ವ॒ಜಾಂ ಮ॑ಹಿ॒ಷಸ್ಚ॑ಕ್ಷತ॒ ವ್ರಾಂ ಮೇನಾ॒ಮಶ್ವ॑ಸ್ಯ॒ ಪರಿ॑ ಮಾ॒ತರಂ॒ ಗೋಃ ||{1.8.24.2}, {1.121.2}, {1.18.1.2} |
| 1358 | ನಕ್ಷ॒ದ್ಧವ॑ಮರು॒ಣೀಃ ಪೂ॒ರ್ವ್ಯಂ ರಾಟ್ ತು॒ರೋ ವಿ॒ಶಾಮಂಗಿ॑ರಸಾ॒ಮನು॒ ದ್ಯೂನ್ | ತಕ್ಷ॒ದ್ವಜ್ರಂ॒ ನಿಯು॑ತಂ ತ॒ಸ್ತಂಭ॒ದ್ದ್ಯಾಂ ಚತು॑ಷ್ಪದೇ॒ ನರ್ಯಾ᳚ಯ ದ್ವಿ॒ಪಾದೇ᳚ ||{1.8.24.3}, {1.121.3}, {1.18.1.3} |
| 1359 | ಅ॒ಸ್ಯ ಮದೇ᳚ ಸ್ವ॒ರ್ಯಂ᳚ ದಾ ಋ॒ತಾಯಾಪೀ᳚ವೃತಮು॒ಸ್ರಿಯಾ᳚ಣಾ॒ಮನೀ᳚ಕಂ | ಯದ್ಧ॑ ಪ್ರ॒ಸರ್ಗೇ᳚ ತ್ರಿಕ॒ಕುಮ್ನಿ॒ವರ್ತ॒ದಪ॒ ದ್ರುಹೋ॒ ಮಾನು॑ಷಸ್ಯ॒ ದುರೋ᳚ ವಃ ||{1.8.24.4}, {1.121.4}, {1.18.1.4} |
| 1360 | ತುಭ್ಯಂ॒ ಪಯೋ॒ ಯತ್ಪಿ॒ತರಾ॒ವನೀ᳚ತಾಂ॒ ರಾಧಃ॑ ಸು॒ರೇತ॑ಸ್ತು॒ರಣೇ᳚ ಭುರ॒ಣ್ಯೂ | ಶುಚಿ॒ ಯತ್ತೇ॒ ರೇಕ್ಣ॒ ಆಯ॑ಜಂತ ಸಬ॒ರ್ದುಘಾ᳚ಯಾಃ॒ ಪಯ॑ ಉ॒ಸ್ರಿಯಾ᳚ಯಾಃ ||{1.8.24.5}, {1.121.5}, {1.18.1.5} |
| 1361 | ಅಧ॒ ಪ್ರ ಜ॑ಜ್ಞೇ ತ॒ರಣಿ᳚ರ್ಮಮತ್ತು॒ ಪ್ರ ರೋ᳚ಚ್ಯ॒ಸ್ಯಾ ಉ॒ಷಸೋ॒ ನ ಸೂರಃ॑ | ಇಂದು॒ರ್ಯೇಭಿ॒ರಾಷ್ಟ॒ ಸ್ವೇದು॑ಹವ್ಯೈಃ ಸ್ರು॒ವೇಣ॑ ಸಿಂ॒ಚಂಜ॒ರಣಾ॒ಭಿ ಧಾಮ॑ ||{1.8.25.1}, {1.121.6}, {1.18.1.6} |
| 1362 | ಸ್ವಿ॒ಧ್ಮಾ ಯದ್ವ॒ನಧಿ॑ತಿರಪ॒ಸ್ಯಾತ್ಸೂರೋ᳚ ಅಧ್ವ॒ರೇ ಪರಿ॒ ರೋಧ॑ನಾ॒ ಗೋಃ | ಯದ್ಧ॑ ಪ್ರ॒ಭಾಸಿ॒ ಕೃತ್ವ್ಯಾಁ॒ ಅನು॒ ದ್ಯೂನನ᳚ರ್ವಿಶೇ ಪ॒ಶ್ವಿಷೇ᳚ ತು॒ರಾಯ॑ ||{1.8.25.2}, {1.121.7}, {1.18.1.7} |
| 1363 | ಅ॒ಷ್ಟಾ ಮ॒ಹೋ ದಿ॒ವ ಆದೋ॒ ಹರೀ᳚ ಇ॒ಹ ದ್ಯು᳚ಮ್ನಾ॒ಸಾಹ॑ಮ॒ಭಿ ಯೋ᳚ಧಾ॒ನ ಉತ್ಸಂ᳚ | ಹರಿಂ॒ ಯತ್ತೇ᳚ ಮಂ॒ದಿನಂ᳚ ದು॒ಕ್ಷನ್ವೃ॒ಧೇ ಗೋರ॑ಭಸ॒ಮದ್ರಿ॑ಭಿರ್ವಾ॒ತಾಪ್ಯಂ᳚ ||{1.8.25.3}, {1.121.8}, {1.18.1.8} |
| 1364 | ತ್ವಮಾ᳚ಯ॒ಸಂ ಪ್ರತಿ॑ ವರ್ತಯೋ॒ ಗೋರ್ದಿ॒ವೋ ಅಶ್ಮಾ᳚ನ॒ಮುಪ॑ನೀತ॒ಮೃಭ್ವಾ᳚ | ಕುತ್ಸಾ᳚ಯ॒ ಯತ್ರ॑ ಪುರುಹೂತ ವ॒ನ್ವಂಛುಷ್ಣ॑ಮನಂ॒ತೈಃ ಪ॑ರಿ॒ಯಾಸಿ॑ ವ॒ಧೈಃ ||{1.8.25.4}, {1.121.9}, {1.18.1.9} |
| 1365 | ಪು॒ರಾ ಯತ್ಸೂರ॒ಸ್ತಮ॑ಸೋ॒ ಅಪೀ᳚ತೇ॒ಸ್ತಮ॑ದ್ರಿವಃ ಫಲಿ॒ಗಂ ಹೇ॒ತಿಮ॑ಸ್ಯ | ಶುಷ್ಣ॑ಸ್ಯ ಚಿ॒ತ್ಪರಿ॑ಹಿತಂ॒ ಯದೋಜೋ᳚ ದಿ॒ವಸ್ಪರಿ॒ ಸುಗ್ರ॑ಥಿತಂ॒ ತದಾದಃ॑ ||{1.8.25.5}, {1.121.10}, {1.18.1.10} |
| 1366 | ಅನು॑ ತ್ವಾ ಮ॒ಹೀ ಪಾಜ॑ಸೀ ಅಚ॒ಕ್ರೇ ದ್ಯಾವಾ॒ಕ್ಷಾಮಾ᳚ ಮದತಾಮಿಂದ್ರ॒ ಕರ್ಮ॑ನ್ | ತ್ವಂ ವೃ॒ತ್ರಮಾ॒ಶಯಾ᳚ನಂ ಸಿ॒ರಾಸು॑ ಮ॒ಹೋ ವಜ್ರೇ᳚ಣ ಸಿಷ್ವಪೋ ವ॒ರಾಹುಂ᳚ ||{1.8.26.1}, {1.121.11}, {1.18.1.11} |
| 1367 | ತ್ವಮಿಂ᳚ದ್ರ॒ ನರ್ಯೋ॒ ಯಾಁ ಅವೋ॒ ನೄಂತಿಷ್ಠಾ॒ ವಾತ॑ಸ್ಯ ಸು॒ಯುಜೋ॒ ವಹಿ॑ಷ್ಠಾನ್ | ಯಂ ತೇ᳚ ಕಾ॒ವ್ಯ ಉ॒ಶನಾ᳚ ಮಂ॒ದಿನಂ॒ ದಾದ್ವೃ॑ತ್ರ॒ಹಣಂ॒ ಪಾರ್ಯಂ᳚ ತತಕ್ಷ॒ ವಜ್ರಂ᳚ ||{1.8.26.2}, {1.121.12}, {1.18.1.12} |
| 1368 | ತ್ವಂ ಸೂರೋ᳚ ಹ॒ರಿತೋ᳚ ರಾಮಯೋ॒ ನೄನ್ಭರ॑ಚ್ಚ॒ಕ್ರಮೇತ॑ಶೋ॒ ನಾಯಮಿಂ᳚ದ್ರ | ಪ್ರಾಸ್ಯ॑ ಪಾ॒ರಂ ನ॑ವ॒ತಿಂ ನಾ॒ವ್ಯಾ᳚ನಾ॒ಮಪಿ॑ ಕ॒ರ್ತಮ॑ವರ್ತ॒ಯೋಽಯ॑ಜ್ಯೂನ್ ||{1.8.26.3}, {1.121.13}, {1.18.1.13} |
| 1369 | ತ್ವಂ ನೋ᳚ ಅ॒ಸ್ಯಾ ಇಂ᳚ದ್ರ ದು॒ರ್ಹಣಾ᳚ಯಾಃ ಪಾ॒ಹಿ ವ॑ಜ್ರಿವೋ ದುರಿ॒ತಾದ॒ಭೀಕೇ᳚ | ಪ್ರ ನೋ॒ ವಾಜಾ᳚ನ್ರ॒ಥ್ಯೋ॒೩॑(ಓ॒) ಅಶ್ವ॑ಬುಧ್ಯಾನಿ॒ಷೇ ಯಂ᳚ಧಿ॒ ಶ್ರವ॑ಸೇ ಸೂ॒ನೃತಾ᳚ಯೈ ||{1.8.26.4}, {1.121.14}, {1.18.1.14} |
| 1370 | ಮಾ ಸಾ ತೇ᳚ ಅ॒ಸ್ಮತ್ಸು॑ಮ॒ತಿರ್ವಿ ದ॑ಸ॒ದ್ವಾಜ॑ಪ್ರಮಹಃ॒ ಸಮಿಷೋ᳚ ವರಂತ | ಆ ನೋ᳚ ಭಜ ಮಘವ॒ನ್ಗೋಷ್ವ॒ರ್ಯೋ ಮಂಹಿ॑ಷ್ಠಾಸ್ತೇ ಸಧ॒ಮಾದಃ॑ ಸ್ಯಾಮ ||{1.8.26.5}, {1.121.15}, {1.18.1.15} |