Mantra classification is following this convention :-
{ಮಂಡಲ, ಸೂಕ್ತ, ಮಂತ್ರ}, {ಮಂಡಲ, ಅನುವಾಕ, ಸೂಕ್ತ, ಮಂತ್ರ}, {ಅಷ್ಟಕ, ಅಧ್ಯಾಯ, ವರ್ಗ, ಮಂತ್ರ}
| [1] (1-23) ತ್ರಯೋವಿಂಶತ್ಯೃಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 1 | ಸೋಮ॑ಸ್ಯ ಮಾ ತ॒ವಸಂ॒ ವಕ್ಷ್ಯ॑ಗ್ನೇ॒ ವಹ್ನಿಂ᳚ ಚಕರ್ಥ ವಿ॒ದಥೇ॒ ಯಜ॑ಧ್ಯೈ | ದೇ॒ವಾಁ ಅಚ್ಛಾ॒ ದೀದ್ಯ॑ದ್ಯುಂ॒ಜೇ ಅದ್ರಿಂ᳚ ಶಮಾ॒ಯೇ ಅ॑ಗ್ನೇ ತ॒ನ್ವಂ᳚ ಜುಷಸ್ವ ||{3.1.1}, {3.1.1.1}, {2.8.13.1} |
| 2 | ಪ್ರಾಂಚಂ᳚ ಯ॒ಜ್ಞಂ ಚ॑ಕೃಮ॒ ವರ್ಧ॑ತಾಂ॒ ಗೀಃ ಸ॒ಮಿದ್ಭಿ॑ರ॒ಗ್ನಿಂ ನಮ॑ಸಾ ದುವಸ್ಯನ್ | ದಿ॒ವಃ ಶ॑ಶಾಸುರ್ವಿ॒ದಥಾ᳚ ಕವೀ॒ನಾಂ ಗೃತ್ಸಾ᳚ಯ ಚಿತ್ತ॒ವಸೇ᳚ ಗಾ॒ತುಮೀ᳚ಷುಃ ||{3.1.2}, {3.1.1.2}, {2.8.13.2} |
| 3 | ಮಯೋ᳚ ದಧೇ॒ ಮೇಧಿ॑ರಃ ಪೂ॒ತದ॑ಕ್ಷೋ ದಿ॒ವಃ ಸು॒ಬಂಧು॑ರ್ಜ॒ನುಷಾ᳚ ಪೃಥಿ॒ವ್ಯಾಃ | ಅವಿಂ᳚ದನ್ನು ದರ್ಶ॒ತಮ॒ಪ್ಸ್ವ೧॑(ಅ॒)'ನ್ತರ್ದೇ॒ವಾಸೋ᳚ ಅ॒ಗ್ನಿಮ॒ಪಸಿ॒ ಸ್ವಸೄ᳚ಣಾಂ ||{3.1.3}, {3.1.1.3}, {2.8.13.3} |
| 4 | ಅವ॑ರ್ಧಯನ್ಸು॒ಭಗಂ᳚ ಸ॒ಪ್ತ ಯ॒ಹ್ವೀಃ ಶ್ವೇ॒ತಂ ಜ॑ಜ್ಞಾ॒ನಮ॑ರು॒ಷಂ ಮ॑ಹಿ॒ತ್ವಾ | ಶಿಶುಂ॒ ನ ಜಾ॒ತಮ॒ಭ್ಯಾ᳚ರು॒ರಶ್ವಾ᳚ ದೇ॒ವಾಸೋ᳚ ಅ॒ಗ್ನಿಂ ಜನಿ॑ಮನ್ವಪುಷ್ಯನ್ ||{3.1.4}, {3.1.1.4}, {2.8.13.4} |
| 5 | ಶು॒ಕ್ರೇಭಿ॒ರಂಗೈ॒ ರಜ॑ ಆತತ॒ನ್ವಾನ್ಕ್ರತುಂ᳚ ಪುನಾ॒ನಃ ಕ॒ವಿಭಿಃ॑ ಪ॒ವಿತ್ರೈಃ᳚ | ಶೋ॒ಚಿರ್ವಸಾ᳚ನಃ॒ ಪರ್ಯಾಯು॑ರ॒ಪಾಂ ಶ್ರಿಯೋ᳚ ಮಿಮೀತೇ ಬೃಹ॒ತೀರನೂ᳚ನಾಃ ||{3.1.5}, {3.1.1.5}, {2.8.13.5} |
| 6 | ವ॒ವ್ರಾಜಾ᳚ ಸೀ॒ಮನ॑ದತೀ॒ರದ॑ಬ್ಧಾ ದಿ॒ವೋ ಯ॒ಹ್ವೀರವ॑ಸಾನಾ॒ ಅನ॑ಗ್ನಾಃ | ಸನಾ॒ ಅತ್ರ॑ ಯುವ॒ತಯಃ॒ ಸಯೋ᳚ನೀ॒ರೇಕಂ॒ ಗರ್ಭಂ᳚ ದಧಿರೇ ಸ॒ಪ್ತ ವಾಣೀಃ᳚ ||{3.1.6}, {3.1.1.6}, {2.8.14.1} |
| 7 | ಸ್ತೀ॒ರ್ಣಾ ಅ॑ಸ್ಯ ಸಂ॒ಹತೋ᳚ ವಿ॒ಶ್ವರೂ᳚ಪಾ ಘೃ॒ತಸ್ಯ॒ ಯೋನೌ᳚ ಸ್ರ॒ವಥೇ॒ ಮಧೂ᳚ನಾಂ | ಅಸ್ಥು॒ರತ್ರ॑ ಧೇ॒ನವಃ॒ ಪಿನ್ವ॑ಮಾನಾ ಮ॒ಹೀ ದ॒ಸ್ಮಸ್ಯ॑ ಮಾ॒ತರಾ᳚ ಸಮೀ॒ಚೀ ||{3.1.7}, {3.1.1.7}, {2.8.14.2} |
| 8 | ಬ॒ಭ್ರಾ॒ಣಃ ಸೂ᳚ನೋ ಸಹಸೋ॒ ವ್ಯ॑ದ್ಯೌ॒ದ್ದಧಾ᳚ನಃ ಶು॒ಕ್ರಾ ರ॑ಭ॒ಸಾ ವಪೂಂ᳚ಷಿ | ಶ್ಚೋತಂ᳚ತಿ॒ ಧಾರಾ॒ ಮಧು॑ನೋ ಘೃ॒ತಸ್ಯ॒ ವೃಷಾ॒ ಯತ್ರ॑ ವಾವೃ॒ಧೇ ಕಾವ್ಯೇ᳚ನ ||{3.1.8}, {3.1.1.8}, {2.8.14.3} |
| 9 | ಪಿ॒ತುಶ್ಚಿ॒ದೂಧ॑ರ್ಜ॒ನುಷಾ᳚ ವಿವೇದ॒ ವ್ಯ॑ಸ್ಯ॒ ಧಾರಾ᳚ ಅಸೃಜ॒ದ್ವಿ ಧೇನಾಃ᳚ | ಗುಹಾ॒ ಚರಂ᳚ತಂ॒ ಸಖಿ॑ಭಿಃ ಶಿ॒ವೇಭಿ॑ರ್ದಿ॒ವೋ ಯ॒ಹ್ವೀಭಿ॒ರ್ನ ಗುಹಾ᳚ ಬಭೂವ ||{3.1.9}, {3.1.1.9}, {2.8.14.4} |
| 10 | ಪಿ॒ತುಶ್ಚ॒ ಗರ್ಭಂ᳚ ಜನಿ॒ತುಶ್ಚ॑ ಬಭ್ರೇ ಪೂ॒ರ್ವೀರೇಕೋ᳚ ಅಧಯ॒ತ್ಪೀಪ್ಯಾ᳚ನಾಃ | ವೃಷ್ಣೇ᳚ ಸ॒ಪತ್ನೀ॒ ಶುಚ॑ಯೇ॒ ಸಬಂ᳚ಧೂ ಉ॒ಭೇ ಅ॑ಸ್ಮೈ ಮನು॒ಷ್ಯೇ॒೩॑(ಏ॒) ನಿ ಪಾ᳚ಹಿ ||{3.1.10}, {3.1.1.10}, {2.8.14.5} |
| 11 | ಉ॒ರೌ ಮ॒ಹಾಁ ಅ॑ನಿಬಾ॒ಧೇ ವ॑ವ॒ರ್ಧಾಪೋ᳚ ಅ॒ಗ್ನಿಂ ಯ॒ಶಸಃ॒ ಸಂ ಹಿ ಪೂ॒ರ್ವೀಃ | ಋ॒ತಸ್ಯ॒ ಯೋನಾ᳚ವಶಯ॒ದ್ದಮೂ᳚ನಾ ಜಾಮೀ॒ನಾಮ॒ಗ್ನಿರ॒ಪಸಿ॒ ಸ್ವಸೄ᳚ಣಾಂ ||{3.1.11}, {3.1.1.11}, {2.8.15.1} |
| 12 | ಅ॒ಕ್ರೋ ನ ಬ॒ಭ್ರಿಃ ಸ॑ಮಿ॒ಥೇ ಮ॒ಹೀನಾಂ᳚ ದಿದೃ॒ಕ್ಷೇಯಃ॑ ಸೂ॒ನವೇ॒ ಭಾಋ॑ಜೀಕಃ | ಉದು॒ಸ್ರಿಯಾ॒ ಜನಿ॑ತಾ॒ ಯೋ ಜ॒ಜಾನಾ॒ಪಾಂ ಗರ್ಭೋ॒ ನೃತ॑ಮೋ ಯ॒ಹ್ವೋ ಅ॒ಗ್ನಿಃ ||{3.1.12}, {3.1.1.12}, {2.8.15.2} |
| 13 | ಅ॒ಪಾಂ ಗರ್ಭಂ᳚ ದರ್ಶ॒ತಮೋಷ॑ಧೀನಾಂ॒ ವನಾ᳚ ಜಜಾನ ಸು॒ಭಗಾ॒ ವಿರೂ᳚ಪಂ | ದೇ॒ವಾಸ॑ಶ್ಚಿ॒ನ್ಮನ॑ಸಾ॒ ಸಂ ಹಿ ಜ॒ಗ್ಮುಃ ಪನಿ॑ಷ್ಠಂ ಜಾ॒ತಂ ತ॒ವಸಂ᳚ ದುವಸ್ಯನ್ ||{3.1.13}, {3.1.1.13}, {2.8.15.3} |
| 14 | ಬೃ॒ಹಂತ॒ ಇದ್ಭಾ॒ನವೋ॒ ಭಾಋ॑ಜೀಕಮ॒ಗ್ನಿಂ ಸ॑ಚಂತ ವಿ॒ದ್ಯುತೋ॒ ನ ಶು॒ಕ್ರಾಃ | ಗುಹೇ᳚ವ ವೃ॒ದ್ಧಂ ಸದ॑ಸಿ॒ ಸ್ವೇ ಅಂ॒ತರ॑ಪಾ॒ರ ಊ॒ರ್ವೇ ಅ॒ಮೃತಂ॒ ದುಹಾ᳚ನಾಃ ||{3.1.14}, {3.1.1.14}, {2.8.15.4} |
| 15 | ಈಳೇ᳚ ಚ ತ್ವಾ॒ ಯಜ॑ಮಾನೋ ಹ॒ವಿರ್ಭಿ॒ರೀಳೇ᳚ ಸಖಿ॒ತ್ವಂ ಸು॑ಮ॒ತಿಂ ನಿಕಾ᳚ಮಃ | ದೇ॒ವೈರವೋ᳚ ಮಿಮೀಹಿ॒ ಸಂ ಜ॑ರಿ॒ತ್ರೇ ರಕ್ಷಾ᳚ ಚ ನೋ॒ ದಮ್ಯೇ᳚ಭಿ॒ರನೀ᳚ಕೈಃ ||{3.1.15}, {3.1.1.15}, {2.8.15.5} |
| 16 | ಉ॒ಪ॒ಕ್ಷೇ॒ತಾರ॒ಸ್ತವ॑ ಸುಪ್ರಣೀ॒ತೇಽಗ್ನೇ॒ ವಿಶ್ವಾ᳚ನಿ॒ ಧನ್ಯಾ॒ ದಧಾ᳚ನಾಃ | ಸು॒ರೇತ॑ಸಾ॒ ಶ್ರವ॑ಸಾ॒ ತುಂಜ॑ಮಾನಾ ಅ॒ಭಿ ಷ್ಯಾ᳚ಮ ಪೃತನಾ॒ಯೂಁರದೇ᳚ವಾನ್ ||{3.1.16}, {3.1.1.16}, {2.8.16.1} |
| 17 | ಆ ದೇ॒ವಾನಾ᳚ಮಭವಃ ಕೇ॒ತುರ॑ಗ್ನೇ ಮಂ॒ದ್ರೋ ವಿಶ್ವಾ᳚ನಿ॒ ಕಾವ್ಯಾ᳚ನಿ ವಿ॒ದ್ವಾನ್ | ಪ್ರತಿ॒ ಮರ್ತಾಁ᳚ ಅವಾಸಯೋ॒ ದಮೂ᳚ನಾ॒ ಅನು॑ ದೇ॒ವಾನ್ರ॑ಥಿ॒ರೋ ಯಾ᳚ಸಿ॒ ಸಾಧ॑ನ್ ||{3.1.17}, {3.1.1.17}, {2.8.16.2} |
| 18 | ನಿ ದು॑ರೋ॒ಣೇ ಅ॒ಮೃತೋ॒ ಮರ್ತ್ಯಾ᳚ನಾಂ॒ ರಾಜಾ᳚ ಸಸಾದ ವಿ॒ದಥಾ᳚ನಿ॒ ಸಾಧ॑ನ್ | ಘೃ॒ತಪ್ರ॑ತೀಕ ಉರ್ವಿ॒ಯಾ ವ್ಯ॑ದ್ಯೌದ॒ಗ್ನಿರ್ವಿಶ್ವಾ᳚ನಿ॒ ಕಾವ್ಯಾ᳚ನಿ ವಿ॒ದ್ವಾನ್ ||{3.1.18}, {3.1.1.18}, {2.8.16.3} |
| 19 | ಆ ನೋ᳚ ಗಹಿ ಸ॒ಖ್ಯೇಭಿಃ॑ ಶಿ॒ವೇಭಿ᳚ರ್ಮ॒ಹಾನ್ಮ॒ಹೀಭಿ॑ರೂ॒ತಿಭಿಃ॑ ಸರ॒ಣ್ಯನ್ | ಅ॒ಸ್ಮೇ ರ॒ಯಿಂ ಬ॑ಹು॒ಲಂ ಸಂತ॑ರುತ್ರಂ ಸು॒ವಾಚಂ᳚ ಭಾ॒ಗಂ ಯ॒ಶಸಂ᳚ ಕೃಧೀ ನಃ ||{3.1.19}, {3.1.1.19}, {2.8.16.4} |
| 20 | ಏ॒ತಾ ತೇ᳚ ಅಗ್ನೇ॒ ಜನಿ॑ಮಾ॒ ಸನಾ᳚ನಿ॒ ಪ್ರ ಪೂ॒ರ್ವ್ಯಾಯ॒ ನೂತ॑ನಾನಿ ವೋಚಂ | ಮ॒ಹಾಂತಿ॒ ವೃಷ್ಣೇ॒ ಸವ॑ನಾ ಕೃ॒ತೇಮಾ ಜನ್ಮಂ᳚ಜನ್ಮ॒ನ್ನಿಹಿ॑ತೋ ಜಾ॒ತವೇ᳚ದಾಃ ||{3.1.20}, {3.1.1.20}, {2.8.16.5} |
| 21 | ಜನ್ಮಂ᳚ಜನ್ಮ॒ನ್ನಿಹಿ॑ತೋ ಜಾ॒ತವೇ᳚ದಾ ವಿ॒ಶ್ವಾಮಿ॑ತ್ರೇಭಿರಿಧ್ಯತೇ॒ ಅಜ॑ಸ್ರಃ | ತಸ್ಯ॑ ವ॒ಯಂ ಸು॑ಮ॒ತೌ ಯ॒ಜ್ಞಿಯ॒ಸ್ಯಾಪಿ॑ ಭ॒ದ್ರೇ ಸೌ᳚ಮನ॒ಸೇ ಸ್ಯಾ᳚ಮ ||{3.1.21}, {3.1.1.21}, {2.8.16.6} |
| 22 | ಇ॒ಮಂ ಯ॒ಜ್ಞಂ ಸ॑ಹಸಾವಂ॒ತ್ವಂ ನೋ᳚ ದೇವ॒ತ್ರಾ ಧೇ᳚ಹಿ ಸುಕ್ರತೋ॒ ರರಾ᳚ಣಃ | ಪ್ರ ಯಂ᳚ಸಿ ಹೋತರ್ಬೃಹ॒ತೀರಿಷೋ॒ ನೋಽಗ್ನೇ॒ ಮಹಿ॒ ದ್ರವಿ॑ಣ॒ಮಾ ಯ॑ಜಸ್ವ ||{3.1.22}, {3.1.1.22}, {2.8.16.7} |
| 23 | ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ | ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಽಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ ||{3.1.23}, {3.1.1.23}, {2.8.16.8} |
| [2] (1-15) ಪಂಚದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ವೈಶ್ವಾನರೋಽಗ್ನಿರ್ದೇವತಾ | ಜಗತೀ ಛಂದಃ || | |
| 24 | ವೈ॒ಶ್ವಾ॒ನ॒ರಾಯ॑ ಧಿ॒ಷಣಾ᳚ಮೃತಾ॒ವೃಧೇ᳚ ಘೃ॒ತಂ ನ ಪೂ॒ತಮ॒ಗ್ನಯೇ᳚ ಜನಾಮಸಿ | ದ್ವಿ॒ತಾ ಹೋತಾ᳚ರಂ॒ ಮನು॑ಷಶ್ಚ ವಾ॒ಘತೋ᳚ ಧಿ॒ಯಾ ರಥಂ॒ ನ ಕುಲಿ॑ಶಃ॒ ಸಮೃ᳚ಣ್ವತಿ ||{3.2.1}, {3.1.2.1}, {2.8.17.1} |
| 25 | ಸ ರೋ᳚ಚಯಜ್ಜ॒ನುಷಾ॒ ರೋದ॑ಸೀ ಉ॒ಭೇ ಸ ಮಾ॒ತ್ರೋರ॑ಭವತ್ಪು॒ತ್ರ ಈಡ್ಯಃ॑ | ಹ॒ವ್ಯ॒ವಾಳ॒ಗ್ನಿರ॒ಜರ॒ಶ್ಚನೋ᳚ಹಿತೋ ದೂ॒ಳಭೋ᳚ ವಿ॒ಶಾಮತಿ॑ಥಿರ್ವಿ॒ಭಾವ॑ಸುಃ ||{3.2.2}, {3.1.2.2}, {2.8.17.2} |
| 26 | ಕ್ರತ್ವಾ॒ ದಕ್ಷ॑ಸ್ಯ॒ ತರು॑ಷೋ॒ ವಿಧ᳚ರ್ಮಣಿ ದೇ॒ವಾಸೋ᳚ ಅ॒ಗ್ನಿಂ ಜ॑ನಯಂತ॒ ಚಿತ್ತಿ॑ಭಿಃ | ರು॒ರು॒ಚಾ॒ನಂ ಭಾ॒ನುನಾ॒ ಜ್ಯೋತಿ॑ಷಾ ಮ॒ಹಾಮತ್ಯಂ॒ ನ ವಾಜಂ᳚ ಸನಿ॒ಷ್ಯನ್ನುಪ॑ ಬ್ರುವೇ ||{3.2.3}, {3.1.2.3}, {2.8.17.3} |
| 27 | ಆ ಮಂ॒ದ್ರಸ್ಯ॑ ಸನಿ॒ಷ್ಯಂತೋ॒ ವರೇ᳚ಣ್ಯಂ ವೃಣೀ॒ಮಹೇ॒ ಅಹ್ರ॑ಯಂ॒ ವಾಜ॑ಮೃ॒ಗ್ಮಿಯಂ᳚ | ರಾ॒ತಿಂ ಭೃಗೂ᳚ಣಾಮು॒ಶಿಜಂ᳚ ಕ॒ವಿಕ್ರ॑ತುಮ॒ಗ್ನಿಂ ರಾಜಂ᳚ತಂ ದಿ॒ವ್ಯೇನ॑ ಶೋ॒ಚಿಷಾ᳚ ||{3.2.4}, {3.1.2.4}, {2.8.17.4} |
| 28 | ಅ॒ಗ್ನಿಂ ಸು॒ಮ್ನಾಯ॑ ದಧಿರೇ ಪು॒ರೋ ಜನಾ॒ ವಾಜ॑ಶ್ರವಸಮಿ॒ಹ ವೃ॒ಕ್ತಬ॑ರ್ಹಿಷಃ | ಯ॒ತಸ್ರು॑ಚಃ ಸು॒ರುಚಂ᳚ ವಿ॒ಶ್ವದೇ᳚ವ್ಯಂ ರು॒ದ್ರಂ ಯ॒ಜ್ಞಾನಾಂ॒ ಸಾಧ॑ದಿಷ್ಟಿಮ॒ಪಸಾಂ᳚ ||{3.2.5}, {3.1.2.5}, {2.8.17.5} |
| 29 | ಪಾವ॑ಕಶೋಚೇ॒ ತವ॒ ಹಿ ಕ್ಷಯಂ॒ ಪರಿ॒ ಹೋತ᳚ರ್ಯ॒ಜ್ಞೇಷು॑ ವೃ॒ಕ್ತಬ॑ರ್ಹಿಷೋ॒ ನರಃ॑ | ಅಗ್ನೇ॒ ದುವ॑ ಇ॒ಚ್ಛಮಾ᳚ನಾಸ॒ ಆಪ್ಯ॒ಮುಪಾ᳚ಸತೇ॒ ದ್ರವಿ॑ಣಂ ಧೇಹಿ॒ ತೇಭ್ಯಃ॑ ||{3.2.6}, {3.1.2.6}, {2.8.18.1} |
| 30 | ಆ ರೋದ॑ಸೀ ಅಪೃಣ॒ದಾ ಸ್ವ᳚ರ್ಮ॒ಹಜ್ಜಾ॒ತಂ ಯದೇ᳚ನಮ॒ಪಸೋ॒ ಅಧಾ᳚ರಯನ್ | ಸೋ ಅ॑ಧ್ವ॒ರಾಯ॒ ಪರಿ॑ ಣೀಯತೇ ಕ॒ವಿರತ್ಯೋ॒ ನ ವಾಜ॑ಸಾತಯೇ॒ ಚನೋ᳚ಹಿತಃ ||{3.2.7}, {3.1.2.7}, {2.8.18.2} |
| 31 | ನ॒ಮ॒ಸ್ಯತ॑ ಹ॒ವ್ಯದಾ᳚ತಿಂ ಸ್ವಧ್ವ॒ರಂ ದು॑ವ॒ಸ್ಯತ॒ ದಮ್ಯಂ᳚ ಜಾ॒ತವೇ᳚ದಸಂ | ರ॒ಥೀರೃ॒ತಸ್ಯ॑ ಬೃಹ॒ತೋ ವಿಚ॑ರ್ಷಣಿರ॒ಗ್ನಿರ್ದೇ॒ವಾನಾ᳚ಮಭವತ್ಪು॒ರೋಹಿ॑ತಃ ||{3.2.8}, {3.1.2.8}, {2.8.18.3} |
| 32 | ತಿ॒ಸ್ರೋ ಯ॒ಹ್ವಸ್ಯ॑ ಸ॒ಮಿಧಃ॒ ಪರಿ॑ಜ್ಮನೋ॒ಽಗ್ನೇರ॑ಪುನನ್ನು॒ಶಿಜೋ॒ ಅಮೃ॑ತ್ಯವಃ | ತಾಸಾ॒ಮೇಕಾ॒ಮದ॑ಧು॒ರ್ಮರ್ತ್ಯೇ॒ ಭುಜ॑ಮು ಲೋ॒ಕಮು॒ ದ್ವೇ ಉಪ॑ ಜಾ॒ಮಿಮೀ᳚ಯತುಃ ||{3.2.9}, {3.1.2.9}, {2.8.18.4} |
| 33 | ವಿ॒ಶಾಂ ಕ॒ವಿಂ ವಿ॒ಶ್ಪತಿಂ॒ ಮಾನು॑ಷೀ॒ರಿಷಃ॒ ಸಂ ಸೀ᳚ಮಕೃಣ್ವ॒ನ್ಸ್ವಧಿ॑ತಿಂ॒ ನ ತೇಜ॑ಸೇ | ಸ ಉ॒ದ್ವತೋ᳚ ನಿ॒ವತೋ᳚ ಯಾತಿ॒ ವೇವಿ॑ಷ॒ತ್ಸ ಗರ್ಭ॑ಮೇ॒ಷು ಭುವ॑ನೇಷು ದೀಧರತ್ ||{3.2.10}, {3.1.2.10}, {2.8.18.5} |
| 34 | ಸ ಜಿ᳚ನ್ವತೇ ಜ॒ಠರೇ᳚ಷು ಪ್ರಜಜ್ಞಿ॒ವಾನ್ವೃಷಾ᳚ ಚಿ॒ತ್ರೇಷು॒ ನಾನ॑ದ॒ನ್ನ ಸಿಂ॒ಹಃ | ವೈ॒ಶ್ವಾ॒ನ॒ರಃ ಪೃ॑ಥು॒ಪಾಜಾ॒ ಅಮ॑ರ್ತ್ಯೋ॒ ವಸು॒ ರತ್ನಾ॒ ದಯ॑ಮಾನೋ॒ ವಿ ದಾ॒ಶುಷೇ᳚ ||{3.2.11}, {3.1.2.11}, {2.8.19.1} |
| 35 | ವೈ॒ಶ್ವಾ॒ನ॒ರಃ ಪ್ರ॒ತ್ನಥಾ॒ ನಾಕ॒ಮಾರು॑ಹದ್ದಿ॒ವಸ್ಪೃ॒ಷ್ಠಂ ಭಂದ॑ಮಾನಃ ಸು॒ಮನ್ಮ॑ಭಿಃ | ಸ ಪೂ᳚ರ್ವ॒ವಜ್ಜ॒ನಯಂ᳚ಜಂ॒ತವೇ॒ ಧನಂ᳚ ಸಮಾ॒ನಮಜ್ಮಂ॒ ಪರ್ಯೇ᳚ತಿ॒ ಜಾಗೃ॑ವಿಃ ||{3.2.12}, {3.1.2.12}, {2.8.19.2} |
| 36 | ಋ॒ತಾವಾ᳚ನಂ ಯ॒ಜ್ಞಿಯಂ॒ ವಿಪ್ರ॑ಮು॒ಕ್ಥ್ಯ೧॑(ಅ॒)ಮಾ ಯಂ ದ॒ಧೇ ಮಾ᳚ತ॒ರಿಶ್ವಾ᳚ ದಿ॒ವಿ ಕ್ಷಯಂ᳚ | ತಂ ಚಿ॒ತ್ರಯಾ᳚ಮಂ॒ ಹರಿ॑ಕೇಶಮೀಮಹೇ ಸುದೀ॒ತಿಮ॒ಗ್ನಿಂ ಸು॑ವಿ॒ತಾಯ॒ ನವ್ಯ॑ಸೇ ||{3.2.13}, {3.1.2.13}, {2.8.19.3} |
| 37 | ಶುಚಿಂ॒ ನ ಯಾಮ᳚ನ್ನಿಷಿ॒ರಂ ಸ್ವ॒ರ್ದೃಶಂ᳚ ಕೇ॒ತುಂ ದಿ॒ವೋ ರೋ᳚ಚನ॒ಸ್ಥಾಮು॑ಷ॒ರ್ಬುಧಂ᳚ | ಅ॒ಗ್ನಿಂ ಮೂ॒ರ್ಧಾನಂ᳚ ದಿ॒ವೋ ಅಪ್ರ॑ತಿಷ್ಕುತಂ॒ ತಮೀ᳚ಮಹೇ॒ ನಮ॑ಸಾ ವಾ॒ಜಿನಂ᳚ ಬೃ॒ಹತ್ ||{3.2.14}, {3.1.2.14}, {2.8.19.4} |
| 38 | ಮಂ॒ದ್ರಂ ಹೋತಾ᳚ರಂ॒ ಶುಚಿ॒ಮದ್ವ॑ಯಾವಿನಂ॒ ದಮೂ᳚ನಸಮು॒ಕ್ಥ್ಯಂ᳚ ವಿ॒ಶ್ವಚ॑ರ್ಷಣಿಂ | ರಥಂ॒ ನ ಚಿ॒ತ್ರಂ ವಪು॑ಷಾಯ ದರ್ಶ॒ತಂ ಮನು॑ರ್ಹಿತಂ॒ ಸದ॒ಮಿದ್ರಾ॒ಯ ಈ᳚ಮಹೇ ||{3.2.15}, {3.1.2.15}, {2.8.19.5} |
| [3] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ವೈಶ್ವಾನರೋಽಗ್ನಿರ್ದೇವತಾ | ಜಗತೀ ಛಂದಃ || | |
| 39 | ವೈ॒ಶ್ವಾ॒ನ॒ರಾಯ॑ ಪೃಥು॒ಪಾಜ॑ಸೇ॒ ವಿಪೋ॒ ರತ್ನಾ᳚ ವಿಧಂತ ಧ॒ರುಣೇ᳚ಷು॒ ಗಾತ॑ವೇ | ಅ॒ಗ್ನಿರ್ಹಿ ದೇ॒ವಾಁ ಅ॒ಮೃತೋ᳚ ದುವ॒ಸ್ಯತ್ಯಥಾ॒ ಧರ್ಮಾ᳚ಣಿ ಸ॒ನತಾ॒ ನ ದೂ᳚ದುಷತ್ ||{3.3.1}, {3.1.3.1}, {2.8.20.1} |
| 40 | ಅಂ॒ತರ್ದೂ॒ತೋ ರೋದ॑ಸೀ ದ॒ಸ್ಮ ಈ᳚ಯತೇ॒ ಹೋತಾ॒ ನಿಷ॑ತ್ತೋ॒ ಮನು॑ಷಃ ಪು॒ರೋಹಿ॑ತಃ | ಕ್ಷಯಂ᳚ ಬೃ॒ಹಂತಂ॒ ಪರಿ॑ ಭೂಷತಿ॒ ದ್ಯುಭಿ॑ರ್ದೇ॒ವೇಭಿ॑ರ॒ಗ್ನಿರಿ॑ಷಿ॒ತೋ ಧಿ॒ಯಾವ॑ಸುಃ ||{3.3.2}, {3.1.3.2}, {2.8.20.2} |
| 41 | ಕೇ॒ತುಂ ಯ॒ಜ್ಞಾನಾಂ᳚ ವಿ॒ದಥ॑ಸ್ಯ॒ ಸಾಧ॑ನಂ॒ ವಿಪ್ರಾ᳚ಸೋ ಅ॒ಗ್ನಿಂ ಮ॑ಹಯಂತ॒ ಚಿತ್ತಿ॑ಭಿಃ | ಅಪಾಂ᳚ಸಿ॒ ಯಸ್ಮಿ॒ನ್ನಧಿ॑ ಸಂದ॒ಧುರ್ಗಿರ॒ಸ್ತಸ್ಮಿ᳚ನ್ಸು॒ಮ್ನಾನಿ॒ ಯಜ॑ಮಾನ॒ ಆ ಚ॑ಕೇ ||{3.3.3}, {3.1.3.3}, {2.8.20.3} |
| 42 | ಪಿ॒ತಾ ಯ॒ಜ್ಞಾನಾ॒ಮಸು॑ರೋ ವಿಪ॒ಶ್ಚಿತಾಂ᳚ ವಿ॒ಮಾನ॑ಮ॒ಗ್ನಿರ್ವ॒ಯುನಂ᳚ ಚ ವಾ॒ಘತಾಂ᳚ | ಆ ವಿ॑ವೇಶ॒ ರೋದ॑ಸೀ॒ ಭೂರಿ॑ವರ್ಪಸಾ ಪುರುಪ್ರಿ॒ಯೋ ಭಂ᳚ದತೇ॒ ಧಾಮ॑ಭಿಃ ಕ॒ವಿಃ ||{3.3.4}, {3.1.3.4}, {2.8.20.4} |
| 43 | ಚಂ॒ದ್ರಮ॒ಗ್ನಿಂ ಚಂ॒ದ್ರರ॑ಥಂ॒ ಹರಿ᳚ವ್ರತಂ ವೈಶ್ವಾನ॒ರಮ॑ಪ್ಸು॒ಷದಂ᳚ ಸ್ವ॒ರ್ವಿದಂ᳚ | ವಿ॒ಗಾ॒ಹಂ ತೂರ್ಣಿಂ॒ ತವಿ॑ಷೀಭಿ॒ರಾವೃ॑ತಂ॒ ಭೂರ್ಣಿಂ᳚ ದೇ॒ವಾಸ॑ ಇ॒ಹ ಸು॒ಶ್ರಿಯಂ᳚ ದಧುಃ ||{3.3.5}, {3.1.3.5}, {2.8.20.5} |
| 44 | ಅ॒ಗ್ನಿರ್ದೇ॒ವೇಭಿ॒ರ್ಮನು॑ಷಶ್ಚ ಜಂ॒ತುಭಿ॑ಸ್ತನ್ವಾ॒ನೋ ಯ॒ಜ್ಞಂ ಪು॑ರು॒ಪೇಶ॑ಸಂ ಧಿ॒ಯಾ | ರ॒ಥೀರಂ॒ತರೀ᳚ಯತೇ॒ ಸಾಧ॑ದಿಷ್ಟಿಭಿರ್ಜೀ॒ರೋ ದಮೂ᳚ನಾ ಅಭಿಶಸ್ತಿ॒ಚಾತ॑ನಃ ||{3.3.6}, {3.1.3.6}, {2.8.21.1} |
| 45 | ಅಗ್ನೇ॒ ಜರ॑ಸ್ವ ಸ್ವಪ॒ತ್ಯ ಆಯು᳚ನ್ಯೂ॒ರ್ಜಾ ಪಿ᳚ನ್ವಸ್ವ॒ ಸಮಿಷೋ᳚ ದಿದೀಹಿ ನಃ | ವಯಾಂ᳚ಸಿ ಜಿನ್ವ ಬೃಹ॒ತಶ್ಚ॑ ಜಾಗೃವ ಉ॒ಶಿಗ್ದೇ॒ವಾನಾ॒ಮಸಿ॑ ಸು॒ಕ್ರತು᳚ರ್ವಿ॒ಪಾಂ ||{3.3.7}, {3.1.3.7}, {2.8.21.2} |
| 46 | ವಿ॒ಶ್ಪತಿಂ᳚ ಯ॒ಹ್ವಮತಿ॑ಥಿಂ॒ ನರಃ॒ ಸದಾ᳚ ಯಂ॒ತಾರಂ᳚ ಧೀ॒ನಾಮು॒ಶಿಜಂ᳚ ಚ ವಾ॒ಘತಾಂ᳚ | ಅ॒ಧ್ವ॒ರಾಣಾಂ॒ ಚೇತ॑ನಂ ಜಾ॒ತವೇ᳚ದಸಂ॒ ಪ್ರ ಶಂ᳚ಸಂತಿ॒ ನಮ॑ಸಾ ಜೂ॒ತಿಭಿ᳚ರ್ವೃ॒ಧೇ ||{3.3.8}, {3.1.3.8}, {2.8.21.3} |
| 47 | ವಿ॒ಭಾವಾ᳚ ದೇ॒ವಃ ಸು॒ರಣಃ॒ ಪರಿ॑ ಕ್ಷಿ॒ತೀರ॒ಗ್ನಿರ್ಬ॑ಭೂವ॒ ಶವ॑ಸಾ ಸು॒ಮದ್ರ॑ಥಃ | ತಸ್ಯ᳚ ವ್ರ॒ತಾನಿ॑ ಭೂರಿಪೋ॒ಷಿಣೋ᳚ ವ॒ಯಮುಪ॑ ಭೂಷೇಮ॒ ದಮ॒ ಆ ಸು॑ವೃ॒ಕ್ತಿಭಿಃ॑ ||{3.3.9}, {3.1.3.9}, {2.8.21.4} |
| 48 | ವೈಶ್ವಾ᳚ನರ॒ ತವ॒ ಧಾಮಾ॒ನ್ಯಾ ಚ॑ಕೇ॒ ಯೇಭಿಃ॑ ಸ್ವ॒ರ್ವಿದಭ॑ವೋ ವಿಚಕ್ಷಣ | ಜಾ॒ತ ಆಪೃ॑ಣೋ॒ ಭುವ॑ನಾನಿ॒ ರೋದ॑ಸೀ॒ ಅಗ್ನೇ॒ ತಾ ವಿಶ್ವಾ᳚ ಪರಿ॒ಭೂರ॑ಸಿ॒ ತ್ಮನಾ᳚ ||{3.3.10}, {3.1.3.10}, {2.8.21.5} |
| 49 | ವೈ॒ಶ್ವಾ॒ನ॒ರಸ್ಯ॑ ದಂ॒ಸನಾ᳚ಭ್ಯೋ ಬೃ॒ಹದರಿ॑ಣಾ॒ದೇಕಃ॑ ಸ್ವಪ॒ಸ್ಯಯಾ᳚ ಕ॒ವಿಃ | ಉ॒ಭಾ ಪಿ॒ತರಾ᳚ ಮ॒ಹಯ᳚ನ್ನಜಾಯತಾ॒ಗ್ನಿರ್ದ್ಯಾವಾ᳚ಪೃಥಿ॒ವೀ ಭೂರಿ॑ರೇತಸಾ ||{3.3.11}, {3.1.3.11}, {2.8.21.6} |
| [4] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ (2) ದ್ವಿತೀಯಾಯಾಸ್ತನೂನಪಾತ್ (3) ತೃತೀಯಾಯಾ ಇಳಃ (4) ಚತುರ್ಥ್ಯಾ ಬರ್ಹಿಃ (5) ಪಂಚಮ್ಯಾ ದೇವೀಪುರಃ (6) ಷಷ್ಠ್ಯಾ ಉಷಾಸಾನಕ್ತಾ (7) ಸಪ್ತಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ (8) ಅಷ್ಟಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ (9) ನವಮ್ಯಾಸ್ತ್ವಷ್ಟಾ (10) ದಶಮ್ಯಾ ವನಸ್ಪತಿಃ (11) ಏಕಾದಶ್ಯಾಶ್ಚ ಸ್ವಾಹಾಕೃತಯೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 50 | ಸ॒ಮಿತ್ಸ॑ಮಿತ್ಸು॒ಮನಾ᳚ ಬೋಧ್ಯ॒ಸ್ಮೇ ಶು॒ಚಾಶು॑ಚಾ ಸುಮ॒ತಿಂ ರಾ᳚ಸಿ॒ ವಸ್ವಃ॑ | ಆ ದೇ᳚ವ ದೇ॒ವಾನ್ಯ॒ಜಥಾ᳚ಯ ವಕ್ಷಿ॒ ಸಖಾ॒ ಸಖೀ᳚ನ್ಸು॒ಮನಾ᳚ ಯಕ್ಷ್ಯಗ್ನೇ ||{3.4.1}, {3.1.4.1}, {2.8.22.1} |
| 51 | ಯಂ ದೇ॒ವಾಸ॒ಸ್ತ್ರಿರಹ᳚ನ್ನಾ॒ಯಜಂ᳚ತೇ ದಿ॒ವೇದಿ॑ವೇ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ | ಸೇಮಂ ಯ॒ಜ್ಞಂ ಮಧು॑ಮಂತಂ ಕೃಧೀ ನ॒ಸ್ತನೂ᳚ನಪಾದ್ಘೃ॒ತಯೋ᳚ನಿಂ ವಿ॒ಧಂತಂ᳚ ||{3.4.2}, {3.1.4.2}, {2.8.22.2} |
| 52 | ಪ್ರ ದೀಧಿ॑ತಿರ್ವಿ॒ಶ್ವವಾ᳚ರಾ ಜಿಗಾತಿ॒ ಹೋತಾ᳚ರಮಿ॒ಳಃ ಪ್ರ॑ಥ॒ಮಂ ಯಜ॑ಧ್ಯೈ | ಅಚ್ಛಾ॒ ನಮೋ᳚ಭಿರ್ವೃಷ॒ಭಂ ವಂ॒ದಧ್ಯೈ॒ ಸ ದೇ॒ವಾನ್ಯ॑ಕ್ಷದಿಷಿ॒ತೋ ಯಜೀ᳚ಯಾನ್ ||{3.4.3}, {3.1.4.3}, {2.8.22.3} |
| 53 | ಊ॒ರ್ಧ್ವೋ ವಾಂ᳚ ಗಾ॒ತುರ॑ಧ್ವ॒ರೇ ಅ॑ಕಾರ್ಯೂ॒ರ್ಧ್ವಾ ಶೋ॒ಚೀಂಷಿ॒ ಪ್ರಸ್ಥಿ॑ತಾ॒ ರಜಾಂ᳚ಸಿ | ದಿ॒ವೋ ವಾ॒ ನಾಭಾ॒ ನ್ಯ॑ಸಾದಿ॒ ಹೋತಾ᳚ ಸ್ತೃಣೀ॒ಮಹಿ॑ ದೇ॒ವವ್ಯ॑ಚಾ॒ ವಿ ಬ॒ರ್ಹಿಃ ||{3.4.4}, {3.1.4.4}, {2.8.22.4} |
| 54 | ಸ॒ಪ್ತ ಹೋ॒ತ್ರಾಣಿ॒ ಮನ॑ಸಾ ವೃಣಾ॒ನಾ ಇನ್ವಂ᳚ತೋ॒ ವಿಶ್ವಂ॒ ಪ್ರತಿ॑ ಯನ್ನೃ॒ತೇನ॑ | ನೃ॒ಪೇಶ॑ಸೋ ವಿ॒ದಥೇ᳚ಷು॒ ಪ್ರ ಜಾ॒ತಾ ಅ॒ಭೀ॒೩॑(ಈ॒)ಮಂ ಯ॒ಜ್ಞಂ ವಿ ಚ॑ರಂತ ಪೂ॒ರ್ವೀಃ ||{3.4.5}, {3.1.4.5}, {2.8.22.5} |
| 55 | ಆ ಭಂದ॑ಮಾನೇ ಉ॒ಷಸಾ॒ ಉಪಾ᳚ಕೇ ಉ॒ತ ಸ್ಮ॑ಯೇತೇ ತ॒ನ್ವಾ॒೩॑(ಆ॒) ವಿರೂ᳚ಪೇ | ಯಥಾ᳚ ನೋ ಮಿ॒ತ್ರೋ ವರು॑ಣೋ॒ ಜುಜೋ᳚ಷ॒ದಿಂದ್ರೋ᳚ ಮ॒ರುತ್ವಾಁ᳚ ಉ॒ತ ವಾ॒ ಮಹೋ᳚ಭಿಃ ||{3.4.6}, {3.1.4.6}, {2.8.23.1} |
| 56 | ದೈವ್ಯಾ॒ ಹೋತಾ᳚ರಾ ಪ್ರಥ॒ಮಾ ನ್ಯೃಂ᳚ಜೇ ಸ॒ಪ್ತ ಪೃ॒ಕ್ಷಾಸಃ॑ ಸ್ವ॒ಧಯಾ᳚ ಮದಂತಿ | ಋ॒ತಂ ಶಂಸಂ᳚ತ ಋ॒ತಮಿತ್ತ ಆ᳚ಹು॒ರನು᳚ ವ್ರ॒ತಂ ವ್ರ॑ತ॒ಪಾ ದೀಧ್ಯಾ᳚ನಾಃ ||{3.4.7}, {3.1.4.7}, {2.8.23.2} |
| 57 | ಆ ಭಾರ॑ತೀ॒ ಭಾರ॑ತೀಭಿಃ ಸ॒ಜೋಷಾ॒ ಇಳಾ᳚ ದೇ॒ವೈರ್ಮ॑ನು॒ಷ್ಯೇ᳚ಭಿರ॒ಗ್ನಿಃ | ಸರ॑ಸ್ವತೀ ಸಾರಸ್ವ॒ತೇಭಿ॑ರ॒ರ್ವಾಕ್ತಿ॒ಸ್ರೋ ದೇ॒ವೀರ್ಬ॒ರ್ಹಿರೇದಂ ಸ॑ದಂತು ||{3.4.8}, {3.1.4.8}, {2.8.23.3} |
| 58 | ತನ್ನ॑ಸ್ತು॒ರೀಪ॒ಮಧ॑ ಪೋಷಯಿ॒ತ್ನು ದೇವ॑ ತ್ವಷ್ಟ॒ರ್ವಿ ರ॑ರಾ॒ಣಃ ಸ್ಯ॑ಸ್ವ | ಯತೋ᳚ ವೀ॒ರಃ ಕ᳚ರ್ಮ॒ಣ್ಯಃ॑ ಸು॒ದಕ್ಷೋ᳚ ಯು॒ಕ್ತಗ್ರಾ᳚ವಾ॒ ಜಾಯ॑ತೇ ದೇ॒ವಕಾ᳚ಮಃ ||{3.4.9}, {3.1.4.9}, {2.8.23.4} |
| 59 | ವನ॑ಸ್ಪ॒ತೇಽವ॑ ಸೃ॒ಜೋಪ॑ ದೇ॒ವಾನ॒ಗ್ನಿರ್ಹ॒ವಿಃ ಶ॑ಮಿ॒ತಾ ಸೂ᳚ದಯಾತಿ | ಸೇದು॒ ಹೋತಾ᳚ ಸ॒ತ್ಯತ॑ರೋ ಯಜಾತಿ॒ ಯಥಾ᳚ ದೇ॒ವಾನಾಂ॒ ಜನಿ॑ಮಾನಿ॒ ವೇದ॑ ||{3.4.10}, {3.1.4.10}, {2.8.23.5} |
| 60 | ಆ ಯಾ᳚ಹ್ಯಗ್ನೇ ಸಮಿಧಾ॒ನೋ ಅ॒ರ್ವಾಙಿಂದ್ರೇ᳚ಣ ದೇ॒ವೈಃ ಸ॒ರಥಂ᳚ ತು॒ರೇಭಿಃ॑ | ಬ॒ರ್ಹಿರ್ನ॑ ಆಸ್ತಾ॒ಮದಿ॑ತಿಃ ಸುಪು॒ತ್ರಾ ಸ್ವಾಹಾ᳚ ದೇ॒ವಾ ಅ॒ಮೃತಾ᳚ ಮಾದಯಂತಾಂ ||{3.4.11}, {3.1.4.11}, {2.8.23.6} |
| [5] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 61 | ಪ್ರತ್ಯ॒ಗ್ನಿರು॒ಷಸ॒ಶ್ಚೇಕಿ॑ತಾ॒ನೋಽಬೋ᳚ಧಿ॒ ವಿಪ್ರಃ॑ ಪದ॒ವೀಃ ಕ॑ವೀ॒ನಾಂ | ಪೃ॒ಥು॒ಪಾಜಾ᳚ ದೇವ॒ಯದ್ಭಿಃ॒ ಸಮಿ॒ದ್ಧೋಽಪ॒ ದ್ವಾರಾ॒ ತಮ॑ಸೋ॒ ವಹ್ನಿ॑ರಾವಃ ||{3.5.1}, {3.1.5.1}, {2.8.24.1} |
| 62 | ಪ್ರೇದ್ವ॒ಗ್ನಿರ್ವಾ᳚ವೃಧೇ॒ ಸ್ತೋಮೇ᳚ಭಿರ್ಗೀ॒ರ್ಭಿಃ ಸ್ತೋ᳚ತೄ॒ಣಾಂ ನ॑ಮ॒ಸ್ಯ॑ ಉ॒ಕ್ಥೈಃ | ಪೂ॒ರ್ವೀರೃ॒ತಸ್ಯ॑ ಸಂ॒ದೃಶ॑ಶ್ಚಕಾ॒ನಃ ಸಂ ದೂ॒ತೋ ಅ॑ದ್ಯೌದು॒ಷಸೋ᳚ ವಿರೋ॒ಕೇ ||{3.5.2}, {3.1.5.2}, {2.8.24.2} |
| 63 | ಅಧಾ᳚ಯ್ಯ॒ಗ್ನಿರ್ಮಾನು॑ಷೀಷು ವಿ॒ಕ್ಷ್ವ೧॑(ಅ॒)ಪಾಂ ಗರ್ಭೋ᳚ ಮಿ॒ತ್ರ ಋ॒ತೇನ॒ ಸಾಧ॑ನ್ | ಆ ಹ᳚ರ್ಯ॒ತೋ ಯ॑ಜ॒ತಃ ಸಾನ್ವ॑ಸ್ಥಾ॒ದಭೂ᳚ದು॒ ವಿಪ್ರೋ॒ ಹವ್ಯೋ᳚ ಮತೀ॒ನಾಂ ||{3.5.3}, {3.1.5.3}, {2.8.24.3} |
| 64 | ಮಿ॒ತ್ರೋ ಅ॒ಗ್ನಿರ್ಭ॑ವತಿ॒ ಯತ್ಸಮಿ॑ದ್ಧೋ ಮಿ॒ತ್ರೋ ಹೋತಾ॒ ವರು॑ಣೋ ಜಾ॒ತವೇ᳚ದಾಃ | ಮಿ॒ತ್ರೋ ಅ॑ಧ್ವ॒ರ್ಯುರಿ॑ಷಿ॒ರೋ ದಮೂ᳚ನಾ ಮಿ॒ತ್ರಃ ಸಿಂಧೂ᳚ನಾಮು॒ತ ಪರ್ವ॑ತಾನಾಂ ||{3.5.4}, {3.1.5.4}, {2.8.24.4} |
| 65 | ಪಾತಿ॑ ಪ್ರಿ॒ಯಂ ರಿ॒ಪೋ ಅಗ್ರಂ᳚ ಪ॒ದಂ ವೇಃ ಪಾತಿ॑ ಯ॒ಹ್ವಶ್ಚರ॑ಣಂ॒ ಸೂರ್ಯ॑ಸ್ಯ | ಪಾತಿ॒ ನಾಭಾ᳚ ಸ॒ಪ್ತಶೀ᳚ರ್ಷಾಣಮ॒ಗ್ನಿಃ ಪಾತಿ॑ ದೇ॒ವಾನಾ᳚ಮುಪ॒ಮಾದ॑ಮೃ॒ಷ್ವಃ ||{3.5.5}, {3.1.5.5}, {2.8.24.5} |
| 66 | ಋ॒ಭುಶ್ಚ॑ಕ್ರ॒ ಈಡ್ಯಂ॒ ಚಾರು॒ ನಾಮ॒ ವಿಶ್ವಾ᳚ನಿ ದೇ॒ವೋ ವ॒ಯುನಾ᳚ನಿ ವಿ॒ದ್ವಾನ್ | ಸ॒ಸಸ್ಯ॒ ಚರ್ಮ॑ ಘೃ॒ತವ॑ತ್ಪ॒ದಂ ವೇಸ್ತದಿದ॒ಗ್ನೀ ರ॑ಕ್ಷ॒ತ್ಯಪ್ರ॑ಯುಚ್ಛನ್ ||{3.5.6}, {3.1.5.6}, {2.8.25.1} |
| 67 | ಆ ಯೋನಿ॑ಮ॒ಗ್ನಿರ್ಘೃ॒ತವಂ᳚ತಮಸ್ಥಾತ್ಪೃ॒ಥುಪ್ರ॑ಗಾಣಮು॒ಶಂತ॑ಮುಶಾ॒ನಃ | ದೀದ್ಯಾ᳚ನಃ॒ ಶುಚಿ॑ರೃ॒ಷ್ವಃ ಪಾ᳚ವ॒ಕಃ ಪುನಃ॑ಪುನರ್ಮಾ॒ತರಾ॒ ನವ್ಯ॑ಸೀ ಕಃ ||{3.5.7}, {3.1.5.7}, {2.8.25.2} |
| 68 | ಸ॒ದ್ಯೋ ಜಾ॒ತ ಓಷ॑ಧೀಭಿರ್ವವಕ್ಷೇ॒ ಯದೀ॒ ವರ್ಧಂ᳚ತಿ ಪ್ರ॒ಸ್ವೋ᳚ ಘೃ॒ತೇನ॑ | ಆಪ॑ ಇವ ಪ್ರ॒ವತಾ॒ ಶುಂಭ॑ಮಾನಾ ಉರು॒ಷ್ಯದ॒ಗ್ನಿಃ ಪಿ॒ತ್ರೋರು॒ಪಸ್ಥೇ᳚ ||{3.5.8}, {3.1.5.8}, {2.8.25.3} |
| 69 | ಉದು॑ ಷ್ಟು॒ತಃ ಸ॒ಮಿಧಾ᳚ ಯ॒ಹ್ವೋ ಅ॑ದ್ಯೌ॒ದ್ವರ್ಷ್ಮಂ᳚ದಿ॒ವೋ ಅಧಿ॒ ನಾಭಾ᳚ ಪೃಥಿ॒ವ್ಯಾಃ | ಮಿ॒ತ್ರೋ ಅ॒ಗ್ನಿರೀಡ್ಯೋ᳚ ಮಾತ॒ರಿಶ್ವಾ ದೂ॒ತೋ ವ॑ಕ್ಷದ್ಯ॒ಜಥಾ᳚ಯ ದೇ॒ವಾನ್ ||{3.5.9}, {3.1.5.9}, {2.8.25.4} |
| 70 | ಉದ॑ಸ್ತಂಭೀತ್ಸ॒ಮಿಧಾ॒ ನಾಕ॑ಮೃ॒ಷ್ವೋ॒೩॑(ಓ॒)ಽಗ್ನಿರ್ಭವ᳚ನ್ನುತ್ತ॒ಮೋ ರೋ᳚ಚ॒ನಾನಾಂ᳚ | ಯದೀ॒ ಭೃಗು॑ಭ್ಯಃ॒ ಪರಿ॑ ಮಾತ॒ರಿಶ್ವಾ॒ ಗುಹಾ॒ ಸಂತಂ᳚ ಹವ್ಯ॒ವಾಹಂ᳚ ಸಮೀ॒ಧೇ ||{3.5.10}, {3.1.5.10}, {2.8.25.5} |
| 71 | ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ | ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಽಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ ||{3.5.11}, {3.1.5.11}, {2.8.25.6} |
| [6] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 72 | ಪ್ರ ಕಾ᳚ರವೋ ಮನ॒ನಾ ವ॒ಚ್ಯಮಾ᳚ನಾ ದೇವ॒ದ್ರೀಚೀಂ᳚ ನಯತ ದೇವ॒ಯಂತಃ॑ | ದ॒ಕ್ಷಿ॒ಣಾ॒ವಾಡ್ವಾ॒ಜಿನೀ॒ ಪ್ರಾಚ್ಯೇ᳚ತಿ ಹ॒ವಿರ್ಭರಂ᳚ತ್ಯ॒ಗ್ನಯೇ᳚ ಘೃ॒ತಾಚೀ᳚ ||{3.6.1}, {3.1.6.1}, {2.8.26.1} |
| 73 | ಆ ರೋದ॑ಸೀ ಅಪೃಣಾ॒ ಜಾಯ॑ಮಾನ ಉ॒ತ ಪ್ರ ರಿ॑ಕ್ಥಾ॒ ಅಧ॒ ನು ಪ್ರ॑ಯಜ್ಯೋ | ದಿ॒ವಶ್ಚಿ॑ದಗ್ನೇ ಮಹಿ॒ನಾ ಪೃ॑ಥಿ॒ವ್ಯಾ ವ॒ಚ್ಯಂತಾಂ᳚ ತೇ॒ ವಹ್ನ॑ಯಃ ಸ॒ಪ್ತಜಿ॑ಹ್ವಾಃ ||{3.6.2}, {3.1.6.2}, {2.8.26.2} |
| 74 | ದ್ಯೌಶ್ಚ॑ ತ್ವಾ ಪೃಥಿ॒ವೀ ಯ॒ಜ್ಞಿಯಾ᳚ಸೋ॒ ನಿ ಹೋತಾ᳚ರಂ ಸಾದಯಂತೇ॒ ದಮಾ᳚ಯ | ಯದೀ॒ ವಿಶೋ॒ ಮಾನು॑ಷೀರ್ದೇವ॒ಯಂತೀಃ॒ ಪ್ರಯ॑ಸ್ವತೀ॒ರೀಳ॑ತೇ ಶು॒ಕ್ರಮ॒ರ್ಚಿಃ ||{3.6.3}, {3.1.6.3}, {2.8.26.3} |
| 75 | ಮ॒ಹಾನ್ಸ॒ಧಸ್ಥೇ᳚ ಧ್ರು॒ವ ಆ ನಿಷ॑ತ್ತೋ॒ಽನ್ತರ್ದ್ಯಾವಾ॒ ಮಾಹಿ॑ನೇ॒ ಹರ್ಯ॑ಮಾಣಃ | ಆಸ್ಕ್ರೇ᳚ ಸ॒ಪತ್ನೀ᳚ ಅ॒ಜರೇ॒ ಅಮೃ॑ಕ್ತೇ ಸಬ॒ರ್ದುಘೇ᳚ ಉರುಗಾ॒ಯಸ್ಯ॑ ಧೇ॒ನೂ ||{3.6.4}, {3.1.6.4}, {2.8.26.4} |
| 76 | ವ್ರ॒ತಾ ತೇ᳚ ಅಗ್ನೇ ಮಹ॒ತೋ ಮ॒ಹಾನಿ॒ ತವ॒ ಕ್ರತ್ವಾ॒ ರೋದ॑ಸೀ॒ ಆ ತ॑ತಂಥ | ತ್ವಂ ದೂ॒ತೋ ಅ॑ಭವೋ॒ ಜಾಯ॑ಮಾನ॒ಸ್ತ್ವಂ ನೇ॒ತಾ ವೃ॑ಷಭ ಚರ್ಷಣೀ॒ನಾಂ ||{3.6.5}, {3.1.6.5}, {2.8.26.5} |
| 77 | ಋ॒ತಸ್ಯ॑ ವಾ ಕೇ॒ಶಿನಾ᳚ ಯೋ॒ಗ್ಯಾಭಿ॑ರ್ಘೃತ॒ಸ್ನುವಾ॒ ರೋಹಿ॑ತಾ ಧು॒ರಿ ಧಿ॑ಷ್ವ | ಅಥಾ ವ॑ಹ ದೇ॒ವಾಂದೇ᳚ವ॒ ವಿಶ್ವಾ᳚ನ್ಸ್ವಧ್ವ॒ರಾ ಕೃ॑ಣುಹಿ ಜಾತವೇದಃ ||{3.6.6}, {3.1.6.6}, {2.8.27.1} |
| 78 | ದಿ॒ವಶ್ಚಿ॒ದಾ ತೇ᳚ ರುಚಯಂತ ರೋ॒ಕಾ ಉ॒ಷೋ ವಿ॑ಭಾ॒ತೀರನು॑ ಭಾಸಿ ಪೂ॒ರ್ವೀಃ | ಅ॒ಪೋ ಯದ॑ಗ್ನ ಉ॒ಶಧ॒ಗ್ವನೇ᳚ಷು॒ ಹೋತು᳚ರ್ಮಂ॒ದ್ರಸ್ಯ॑ ಪ॒ನಯಂ᳚ತ ದೇ॒ವಾಃ ||{3.6.7}, {3.1.6.7}, {2.8.27.2} |
| 79 | ಉ॒ರೌ ವಾ॒ ಯೇ ಅಂ॒ತರಿ॑ಕ್ಷೇ॒ ಮದಂ᳚ತಿ ದಿ॒ವೋ ವಾ॒ ಯೇ ರೋ᳚ಚ॒ನೇ ಸಂತಿ॑ ದೇ॒ವಾಃ | ಊಮಾ᳚ ವಾ॒ ಯೇ ಸು॒ಹವಾ᳚ಸೋ॒ ಯಜ॑ತ್ರಾ ಆಯೇಮಿ॒ರೇ ರ॒ಥ್ಯೋ᳚ ಅಗ್ನೇ॒ ಅಶ್ವಾಃ᳚ ||{3.6.8}, {3.1.6.8}, {2.8.27.3} |
| 80 | ಐಭಿ॑ರಗ್ನೇ ಸ॒ರಥಂ᳚ ಯಾಹ್ಯ॒ರ್ವಾಙ್ನಾ᳚ನಾರ॒ಥಂ ವಾ᳚ ವಿ॒ಭವೋ॒ ಹ್ಯಶ್ವಾಃ᳚ | ಪತ್ನೀ᳚ವತಸ್ತ್ರಿಂ॒ಶತಂ॒ ತ್ರೀಁಶ್ಚ॑ ದೇ॒ವಾನ॑ನುಷ್ವ॒ಧಮಾ ವ॑ಹ ಮಾ॒ದಯ॑ಸ್ವ ||{3.6.9}, {3.1.6.9}, {2.8.27.4} |
| 81 | ಸ ಹೋತಾ॒ ಯಸ್ಯ॒ ರೋದ॑ಸೀ ಚಿದು॒ರ್ವೀ ಯ॒ಜ್ಞಂಯ॑ಜ್ಞಮ॒ಭಿ ವೃ॒ಧೇ ಗೃ॑ಣೀ॒ತಃ | ಪ್ರಾಚೀ᳚ ಅಧ್ವ॒ರೇವ॑ ತಸ್ಥತುಃ ಸು॒ಮೇಕೇ᳚ ಋ॒ತಾವ॑ರೀ ಋ॒ತಜಾ᳚ತಸ್ಯ ಸ॒ತ್ಯೇ ||{3.6.10}, {3.1.6.10}, {2.8.27.5} |
| 82 | ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ | ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಽಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ ||{3.6.11}, {3.1.6.11}, {2.8.27.6} |
| [7] (1-11) ಪ್ರಯಆರುರಿತಿ ಏಕಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 83 | ಪ್ರ ಯ ಆ॒ರುಃ ಶಿ॑ತಿಪೃ॒ಷ್ಠಸ್ಯ॑ ಧಾ॒ಸೇರಾ ಮಾ॒ತರಾ᳚ ವಿವಿಶುಃ ಸ॒ಪ್ತ ವಾಣೀಃ᳚ | ಪ॒ರಿ॒ಕ್ಷಿತಾ᳚ ಪಿ॒ತರಾ॒ ಸಂ ಚ॑ರೇತೇ॒ ಪ್ರ ಸ᳚ರ್ಸ್ರಾತೇ ದೀ॒ರ್ಘಮಾಯುಃ॑ ಪ್ರ॒ಯಕ್ಷೇ᳚ ||{3.7.1}, {3.1.7.1}, {3.1.1.1} |
| 84 | ದಿ॒ವಕ್ಷ॑ಸೋ ಧೇ॒ನವೋ॒ ವೃಷ್ಣೋ॒ ಅಶ್ವಾ᳚ ದೇ॒ವೀರಾ ತ॑ಸ್ಥೌ॒ ಮಧು॑ಮ॒ದ್ವಹಂ᳚ತೀಃ | ಋ॒ತಸ್ಯ॑ ತ್ವಾ॒ ಸದ॑ಸಿ ಕ್ಷೇಮ॒ಯಂತಂ॒ ಪರ್ಯೇಕಾ᳚ ಚರತಿ ವರ್ತ॒ನಿಂ ಗೌಃ ||{3.7.2}, {3.1.7.2}, {3.1.1.2} |
| 85 | ಆ ಸೀ᳚ಮರೋಹತ್ಸು॒ಯಮಾ॒ ಭವಂ᳚ತೀಃ॒ ಪತಿ॑ಶ್ಚಿಕಿ॒ತ್ವಾನ್ರ॑ಯಿ॒ವಿದ್ರ॑ಯೀ॒ಣಾಂ | ಪ್ರ ನೀಲ॑ಪೃಷ್ಠೋ ಅತ॒ಸಸ್ಯ॑ ಧಾ॒ಸೇಸ್ತಾ ಅ॑ವಾಸಯತ್ಪುರು॒ಧಪ್ರ॑ತೀಕಃ ||{3.7.3}, {3.1.7.3}, {3.1.1.3} |
| 86 | ಮಹಿ॑ ತ್ವಾ॒ಷ್ಟ್ರಮೂ॒ರ್ಜಯಂ᳚ತೀರಜು॒ರ್ಯಂ ಸ್ತ॑ಭೂ॒ಯಮಾ᳚ನಂ ವ॒ಹತೋ᳚ ವಹಂತಿ | ವ್ಯಂಗೇ᳚ಭಿರ್ದಿದ್ಯುತಾ॒ನಃ ಸ॒ಧಸ್ಥ॒ ಏಕಾ᳚ಮಿವ॒ ರೋದ॑ಸೀ॒ ಆ ವಿ॑ವೇಶ ||{3.7.4}, {3.1.7.4}, {3.1.1.4} |
| 87 | ಜಾ॒ನಂತಿ॒ ವೃಷ್ಣೋ᳚ ಅರು॒ಷಸ್ಯ॒ ಶೇವ॑ಮು॒ತ ಬ್ರ॒ಧ್ನಸ್ಯ॒ ಶಾಸ॑ನೇ ರಣಂತಿ | ದಿ॒ವೋ॒ರುಚಃ॑ ಸು॒ರುಚೋ॒ ರೋಚ॑ಮಾನಾ॒ ಇಳಾ॒ ಯೇಷಾಂ॒ ಗಣ್ಯಾ॒ ಮಾಹಿ॑ನಾ॒ ಗೀಃ ||{3.7.5}, {3.1.7.5}, {3.1.1.5} |
| 88 | ಉ॒ತೋ ಪಿ॒ತೃಭ್ಯಾಂ᳚ ಪ್ರ॒ವಿದಾನು॒ ಘೋಷಂ᳚ ಮ॒ಹೋ ಮ॒ಹದ್ಭ್ಯಾ᳚ಮನಯಂತ ಶೂ॒ಷಂ | ಉ॒ಕ್ಷಾ ಹ॒ ಯತ್ರ॒ ಪರಿ॒ ಧಾನ॑ಮ॒ಕ್ತೋರನು॒ ಸ್ವಂ ಧಾಮ॑ ಜರಿ॒ತುರ್ವ॒ವಕ್ಷ॑ ||{3.7.6}, {3.1.7.6}, {3.1.2.1} |
| 89 | ಅ॒ಧ್ವ॒ರ್ಯುಭಿಃ॑ ಪಂ॒ಚಭಿಃ॑ ಸ॒ಪ್ತ ವಿಪ್ರಾಃ᳚ ಪ್ರಿ॒ಯಂ ರ॑ಕ್ಷಂತೇ॒ ನಿಹಿ॑ತಂ ಪ॒ದಂ ವೇಃ | ಪ್ರಾಂಚೋ᳚ ಮದಂತ್ಯು॒ಕ್ಷಣೋ᳚ ಅಜು॒ರ್ಯಾ ದೇ॒ವಾ ದೇ॒ವಾನಾ॒ಮನು॒ ಹಿ ವ್ರ॒ತಾ ಗುಃ ||{3.7.7}, {3.1.7.7}, {3.1.2.2} |
| 90 | ದೈವ್ಯಾ॒ ಹೋತಾ᳚ರಾ ಪ್ರಥ॒ಮಾ ನ್ಯೃಂ᳚ಜೇ ಸ॒ಪ್ತ ಪೃ॒ಕ್ಷಾಸಃ॑ ಸ್ವ॒ಧಯಾ᳚ ಮದಂತಿ | ಋ॒ತಂ ಶಂಸಂ᳚ತ ಋ॒ತಮಿತ್ತ ಆ᳚ಹು॒ರನು᳚ ವ್ರ॒ತಂ ವ್ರ॑ತ॒ಪಾ ದೀಧ್ಯಾ᳚ನಾಃ ||{3.7.8}, {3.1.7.8}, {3.1.2.3} |
| 91 | ವೃ॒ಷಾ॒ಯಂತೇ᳚ ಮ॒ಹೇ ಅತ್ಯಾ᳚ಯ ಪೂ॒ರ್ವೀರ್ವೃಷ್ಣೇ᳚ ಚಿ॒ತ್ರಾಯ॑ ರ॒ಶ್ಮಯಃ॑ ಸುಯಾ॒ಮಾಃ | ದೇವ॑ ಹೋತರ್ಮಂ॒ದ್ರತ॑ರಶ್ಚಿಕಿ॒ತ್ವಾನ್ಮ॒ಹೋ ದೇ॒ವಾನ್ರೋದ॑ಸೀ॒ ಏಹ ವ॑ಕ್ಷಿ ||{3.7.9}, {3.1.7.9}, {3.1.2.4} |
| 92 | ಪೃ॒ಕ್ಷಪ್ರ॑ಯಜೋ ದ್ರವಿಣಃ ಸು॒ವಾಚಃ॑ ಸುಕೇ॒ತವ॑ ಉ॒ಷಸೋ᳚ ರೇ॒ವದೂ᳚ಷುಃ | ಉ॒ತೋ ಚಿ॑ದಗ್ನೇ ಮಹಿ॒ನಾ ಪೃ॑ಥಿ॒ವ್ಯಾಃ ಕೃ॒ತಂ ಚಿ॒ದೇನಃ॒ ಸಂ ಮ॒ಹೇ ದ॑ಶಸ್ಯ ||{3.7.10}, {3.1.7.10}, {3.1.2.5} |
| 93 | ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ | ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಽಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ ||{3.7.11}, {3.1.7.11}, {3.1.2.6} |
| [8] (1-11) ಅಂಜಂತಿ ಇತಿ ಏಕಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | (1-5) ಪ್ರಥಮಾದಿಪಂಚರ್ಚಾಂ ಯೂಪಃ (6-10) ಷಷ್ಠ್ಯಾದಿಪಂಚಾನಾಂ ಯೂಪಾಃ (8) ಅಷ್ಟಮ್ಯಾ ವಿಶ್ವೇ ದೇವಾ ವಾ (11) ಏಕಾದಶ್ಯಾಶ್ಚ ವ್ರಶ್ಚನೋ ದೇವತಾಃ | (1-2, 4-6, 8-11) ಪ್ರಥಮಾದ್ವಿತೀಯಯೋರ್‌ಋಚೋಶ್ಚತುರ್ಥ್ಯಾದಿತೃಚಸ್ಯಾಷ್ಟಮ್ಯಾದಿಚತಸೃಣಾಂಚ ತ್ರಿಷ್ಟುಪ್ (3, 7) ತೃತೀಯಾಸಪ್ತಮ್ಯೋಶ್ಚಾನುಷ್ಟಪ್ ಛಂದಸೀ || | |
| 94 | ಅಂ॒ಜಂತಿ॒ ತ್ವಾಮ॑ಧ್ವ॒ರೇ ದೇ᳚ವ॒ಯಂತೋ॒ ವನ॑ಸ್ಪತೇ॒ ಮಧು॑ನಾ॒ ದೈವ್ಯೇ᳚ನ | ಯದೂ॒ರ್ಧ್ವಸ್ತಿಷ್ಠಾ॒ ದ್ರವಿ॑ಣೇ॒ಹ ಧ॑ತ್ತಾ॒ದ್ಯದ್ವಾ॒ ಕ್ಷಯೋ᳚ ಮಾ॒ತುರ॒ಸ್ಯಾ ಉ॒ಪಸ್ಥೇ᳚ ||{3.8.1}, {3.1.8.1}, {3.1.3.1} |
| 95 | ಸಮಿ॑ದ್ಧಸ್ಯ॒ ಶ್ರಯ॑ಮಾಣಃ ಪು॒ರಸ್ತಾ॒ದ್ಬ್ರಹ್ಮ॑ ವನ್ವಾ॒ನೋ ಅ॒ಜರಂ᳚ ಸು॒ವೀರಂ᳚ | ಆ॒ರೇ ಅ॒ಸ್ಮದಮ॑ತಿಂ॒ ಬಾಧ॑ಮಾನ॒ ಉಚ್ಛ್ರ॑ಯಸ್ವ ಮಹ॒ತೇ ಸೌಭ॑ಗಾಯ ||{3.8.2}, {3.1.8.2}, {3.1.3.2} |
| 96 | ಉಚ್ಛ್ರ॑ಯಸ್ವ ವನಸ್ಪತೇ॒ ವರ್ಷ್ಮ᳚ನ್ಪೃಥಿ॒ವ್ಯಾ ಅಧಿ॑ | ಸುಮಿ॑ತೀ ಮೀ॒ಯಮಾ᳚ನೋ॒ ವರ್ಚೋ᳚ ಧಾ ಯ॒ಜ್ಞವಾ᳚ಹಸೇ ||{3.8.3}, {3.1.8.3}, {3.1.3.3} |
| 97 | ಯುವಾ᳚ ಸು॒ವಾಸಾಃ॒ ಪರಿ॑ವೀತ॒ ಆಗಾ॒ತ್ಸ ಉ॒ ಶ್ರೇಯಾ᳚ನ್ಭವತಿ॒ ಜಾಯ॑ಮಾನಃ | ತಂ ಧೀರಾ᳚ಸಃ ಕ॒ವಯ॒ ಉನ್ನ॑ಯಂತಿ ಸ್ವಾ॒ಧ್ಯೋ॒೩॑(ಓ॒) ಮನ॑ಸಾ ದೇವ॒ಯಂತಃ॑ ||{3.8.4}, {3.1.8.4}, {3.1.3.4} |
| 98 | ಜಾ॒ತೋ ಜಾ᳚ಯತೇ ಸುದಿನ॒ತ್ವೇ ಅಹ್ನಾಂ᳚ ಸಮ॒ರ್ಯ ಆ ವಿ॒ದಥೇ॒ ವರ್ಧ॑ಮಾನಃ | ಪು॒ನಂತಿ॒ ಧೀರಾ᳚ ಅ॒ಪಸೋ᳚ ಮನೀ॒ಷಾ ದೇ᳚ವ॒ಯಾ ವಿಪ್ರ॒ ಉದಿ॑ಯರ್ತಿ॒ ವಾಚಂ᳚ ||{3.8.5}, {3.1.8.5}, {3.1.3.5} |
| 99 | ಯಾನ್ವೋ॒ ನರೋ᳚ ದೇವ॒ಯಂತೋ᳚ ನಿಮಿ॒ಮ್ಯುರ್ವನ॑ಸ್ಪತೇ॒ ಸ್ವಧಿ॑ತಿರ್ವಾ ತ॒ತಕ್ಷ॑ | ತೇ ದೇ॒ವಾಸಃ॒ ಸ್ವರ॑ವಸ್ತಸ್ಥಿ॒ವಾಂಸಃ॑ ಪ್ರ॒ಜಾವ॑ದ॒ಸ್ಮೇ ದಿ॑ಧಿಷಂತು॒ ರತ್ನಂ᳚ ||{3.8.6}, {3.1.8.6}, {3.1.4.1} |
| 100 | ಯೇ ವೃ॒ಕ್ಣಾಸೋ॒ ಅಧಿ॒ ಕ್ಷಮಿ॒ ನಿಮಿ॑ತಾಸೋ ಯ॒ತಸ್ರು॑ಚಃ | ತೇ ನೋ᳚ ವ್ಯಂತು॒ ವಾರ್ಯಂ᳚ ದೇವ॒ತ್ರಾ ಕ್ಷೇ᳚ತ್ರ॒ಸಾಧ॑ಸಃ ||{3.8.7}, {3.1.8.7}, {3.1.4.2} |
| 101 | ಆ॒ದಿ॒ತ್ಯಾ ರು॒ದ್ರಾ ವಸ॑ವಃ ಸುನೀ॒ಥಾ ದ್ಯಾವಾ॒ಕ್ಷಾಮಾ᳚ ಪೃಥಿ॒ವೀ ಅಂ॒ತರಿ॑ಕ್ಷಂ | ಸ॒ಜೋಷ॑ಸೋ ಯ॒ಜ್ಞಮ॑ವಂತು ದೇ॒ವಾ ಊ॒ರ್ಧ್ವಂ ಕೃ᳚ಣ್ವಂತ್ವಧ್ವ॒ರಸ್ಯ॑ ಕೇ॒ತುಂ ||{3.8.8}, {3.1.8.8}, {3.1.4.3} |
| 102 | ಹಂ॒ಸಾ ಇ॑ವ ಶ್ರೇಣಿ॒ಶೋ ಯತಾ᳚ನಾಃ ಶು॒ಕ್ರಾ ವಸಾ᳚ನಾಃ॒ ಸ್ವರ॑ವೋ ನ॒ ಆಗುಃ॑ | ಉ॒ನ್ನೀ॒ಯಮಾ᳚ನಾಃ ಕ॒ವಿಭಿಃ॑ ಪು॒ರಸ್ತಾ᳚ದ್ದೇ॒ವಾ ದೇ॒ವಾನಾ॒ಮಪಿ॑ ಯಂತಿ॒ ಪಾಥಃ॑ ||{3.8.9}, {3.1.8.9}, {3.1.4.4} |
| 103 | ಶೃಂಗಾ᳚ಣೀ॒ವೇಚ್ಛೃಂ॒ಗಿಣಾಂ॒ ಸಂ ದ॑ದೃಶ್ರೇ ಚ॒ಷಾಲ॑ವಂತಃ॒ ಸ್ವರ॑ವಃ ಪೃಥಿ॒ವ್ಯಾಂ | ವಾ॒ಘದ್ಭಿ᳚ರ್ವಾ ವಿಹ॒ವೇ ಶ್ರೋಷ॑ಮಾಣಾ ಅ॒ಸ್ಮಾಁ ಅ॑ವಂತು ಪೃತ॒ನಾಜ್ಯೇ᳚ಷು ||{3.8.10}, {3.1.8.10}, {3.1.4.5} |
| 104 | ವನ॑ಸ್ಪತೇ ಶ॒ತವ᳚ಲ್ಶೋ॒ ವಿ ರೋ᳚ಹ ಸ॒ಹಸ್ರ॑ವಲ್ಶಾ॒ ವಿ ವ॒ಯಂ ರು॑ಹೇಮ | ಯಂ ತ್ವಾಮ॒ಯಂ ಸ್ವಧಿ॑ತಿ॒ಸ್ತೇಜ॑ಮಾನಃ ಪ್ರಣಿ॒ನಾಯ॑ ಮಹ॒ತೇ ಸೌಭ॑ಗಾಯ ||{3.8.11}, {3.1.8.11}, {3.1.4.6} |
| [9] (1-9) ಸಖಾಯ ಇತಿ ನವರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಅಗ್ನಿರ್ದೇವತಾ | (1-8) ಪ್ರಥಮಾದ್ಯಷ್ಟರ್ಚಾಂ ಬೃಹತೀ (9) ನವಮ್ಯಾಶ್ಚ ತ್ರಿಷ್ಟುಪ್ ಛಂದಸೀ || | |
| 105 | ಸಖಾ᳚ಯಸ್ತ್ವಾ ವವೃಮಹೇ ದೇ॒ವಂ ಮರ್ತಾ᳚ಸ ಊ॒ತಯೇ᳚ | ಅ॒ಪಾಂ ನಪಾ᳚ತಂ ಸು॒ಭಗಂ᳚ ಸು॒ದೀದಿ॑ತಿಂ ಸು॒ಪ್ರತೂ᳚ರ್ತಿಮನೇ॒ಹಸಂ᳚ ||{3.9.1}, {3.1.9.1}, {3.1.5.1} |
| 106 | ಕಾಯ॑ಮಾನೋ ವ॒ನಾ ತ್ವಂ ಯನ್ಮಾ॒ತೄರಜ॑ಗನ್ನ॒ಪಃ | ನ ತತ್ತೇ᳚ ಅಗ್ನೇ ಪ್ರ॒ಮೃಷೇ᳚ ನಿ॒ವರ್ತ॑ನಂ॒ ಯದ್ದೂ॒ರೇ ಸನ್ನಿ॒ಹಾಭ॑ವಃ ||{3.9.2}, {3.1.9.2}, {3.1.5.2} |
| 107 | ಅತಿ॑ ತೃ॒ಷ್ಟಂ ವ॑ವಕ್ಷಿ॒ಥಾಥೈ॒ವ ಸು॒ಮನಾ᳚ ಅಸಿ | ಪ್ರಪ್ರಾ॒ನ್ಯೇ ಯಂತಿ॒ ಪರ್ಯ॒ನ್ಯ ಆ᳚ಸತೇ॒ ಯೇಷಾಂ᳚ ಸ॒ಖ್ಯೇ ಅಸಿ॑ ಶ್ರಿ॒ತಃ ||{3.9.3}, {3.1.9.3}, {3.1.5.3} |
| 108 | ಈ॒ಯಿ॒ವಾಂಸ॒ಮತಿ॒ ಸ್ರಿಧಃ॒ ಶಶ್ವ॑ತೀ॒ರತಿ॑ ಸ॒ಶ್ಚತಃ॑ | ಅನ್ವೀ᳚ಮವಿಂದನ್ನಿಚಿ॒ರಾಸೋ᳚ ಅ॒ದ್ರುಹೋ॒ಽಪ್ಸು ಸಿಂ॒ಹಮಿ॑ವ ಶ್ರಿ॒ತಂ ||{3.9.4}, {3.1.9.4}, {3.1.5.4} |
| 109 | ಸ॒ಸೃ॒ವಾಂಸ॑ಮಿವ॒ ತ್ಮನಾ॒ಗ್ನಿಮಿ॒ತ್ಥಾ ತಿ॒ರೋಹಿ॑ತಂ | ಐನಂ᳚ ನಯನ್ಮಾತ॒ರಿಶ್ವಾ᳚ ಪರಾ॒ವತೋ᳚ ದೇ॒ವೇಭ್ಯೋ᳚ ಮಥಿ॒ತಂ ಪರಿ॑ ||{3.9.5}, {3.1.9.5}, {3.1.5.5} |
| 110 | ತಂ ತ್ವಾ॒ ಮರ್ತಾ᳚ ಅಗೃಭ್ಣತ ದೇ॒ವೇಭ್ಯೋ᳚ ಹವ್ಯವಾಹನ | ವಿಶ್ವಾ॒ನ್ಯದ್ಯ॒ಜ್ಞಾಁ ಅ॑ಭಿ॒ಪಾಸಿ॑ ಮಾನುಷ॒ ತವ॒ ಕ್ರತ್ವಾ᳚ ಯವಿಷ್ಠ್ಯ ||{3.9.6}, {3.1.9.6}, {3.1.6.1} |
| 111 | ತದ್ಭ॒ದ್ರಂ ತವ॑ ದಂ॒ಸನಾ॒ ಪಾಕಾ᳚ಯ ಚಿಚ್ಛದಯತಿ | ತ್ವಾಂ ಯದ॑ಗ್ನೇ ಪ॒ಶವಃ॑ ಸ॒ಮಾಸ॑ತೇ॒ ಸಮಿ॑ದ್ಧಮಪಿಶರ್ವ॒ರೇ ||{3.9.7}, {3.1.9.7}, {3.1.6.2} |
| 112 | ಆ ಜು॑ಹೋತಾ ಸ್ವಧ್ವ॒ರಂ ಶೀ॒ರಂ ಪಾ᳚ವ॒ಕಶೋ᳚ಚಿಷಂ | ಆ॒ಶುಂ ದೂ॒ತಮ॑ಜಿ॒ರಂ ಪ್ರ॒ತ್ನಮೀಡ್ಯಂ᳚ ಶ್ರು॒ಷ್ಟೀ ದೇ॒ವಂ ಸ॑ಪರ್ಯತ ||{3.9.8}, {3.1.9.8}, {3.1.6.3} |
| 113 | ತ್ರೀಣಿ॑ ಶ॒ತಾ ತ್ರೀ ಸ॒ಹಸ್ರಾ᳚ಣ್ಯ॒ಗ್ನಿಂ ತ್ರಿಂ॒ಶಚ್ಚ॑ ದೇ॒ವಾ ನವ॑ ಚಾಸಪರ್ಯನ್ | ಔಕ್ಷ᳚ನ್ಘೃ॒ತೈರಸ್ತೃ॑ಣನ್ಬ॒ರ್ಹಿರ॑ಸ್ಮಾ॒ ಆದಿದ್ಧೋತಾ᳚ರಂ॒ ನ್ಯ॑ಸಾದಯಂತ ||{3.9.9}, {3.1.9.9}, {3.1.6.4} |
| [10] (1-9) ತ್ವಾಮಗ್ನ ಇತಿ ನವರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಅಗ್ನಿರ್ದೇವತಾ | ಉಷ್ಣಿಕ್ ಛಂದಃ || | |
| 114 | ತ್ವಾಮ॑ಗ್ನೇ ಮನೀ॒ಷಿಣಃ॑ ಸ॒ಮ್ರಾಜಂ᳚ ಚರ್ಷಣೀ॒ನಾಂ | ದೇ॒ವಂ ಮರ್ತಾ᳚ಸ ಇಂಧತೇ॒ ಸಮ॑ಧ್ವ॒ರೇ ||{3.10.1}, {3.1.10.1}, {3.1.7.1} |
| 115 | ತ್ವಾಂ ಯ॒ಜ್ಞೇಷ್ವೃ॒ತ್ವಿಜ॒ಮಗ್ನೇ॒ ಹೋತಾ᳚ರಮೀಳತೇ | ಗೋ॒ಪಾ ಋ॒ತಸ್ಯ॑ ದೀದಿಹಿ॒ ಸ್ವೇ ದಮೇ᳚ ||{3.10.2}, {3.1.10.2}, {3.1.7.2} |
| 116 | ಸ ಘಾ॒ ಯಸ್ತೇ॒ ದದಾ᳚ಶತಿ ಸ॒ಮಿಧಾ᳚ ಜಾ॒ತವೇ᳚ದಸೇ | ಸೋ ಅ॑ಗ್ನೇ ಧತ್ತೇ ಸು॒ವೀರ್ಯಂ॒ ಸ ಪು॑ಷ್ಯತಿ ||{3.10.3}, {3.1.10.3}, {3.1.7.3} |
| 117 | ಸ ಕೇ॒ತುರ॑ಧ್ವ॒ರಾಣಾ᳚ಮ॒ಗ್ನಿರ್ದೇ॒ವೇಭಿ॒ರಾ ಗ॑ಮತ್ | ಅಂ॒ಜಾ॒ನಃ ಸ॒ಪ್ತ ಹೋತೃ॑ಭಿರ್ಹ॒ವಿಷ್ಮ॑ತೇ ||{3.10.4}, {3.1.10.4}, {3.1.7.4} |
| 118 | ಪ್ರ ಹೋತ್ರೇ᳚ ಪೂ॒ರ್ವ್ಯಂ ವಚೋ॒ಽಗ್ನಯೇ᳚ ಭರತಾ ಬೃ॒ಹತ್ | ವಿ॒ಪಾಂ ಜ್ಯೋತೀಂ᳚ಷಿ॒ ಬಿಭ್ರ॑ತೇ॒ ನ ವೇ॒ಧಸೇ᳚ ||{3.10.5}, {3.1.10.5}, {3.1.7.5} |
| 119 | ಅ॒ಗ್ನಿಂ ವ॑ರ್ಧಂತು ನೋ॒ ಗಿರೋ॒ ಯತೋ॒ ಜಾಯ॑ತ ಉ॒ಕ್ಥ್ಯಃ॑ | ಮ॒ಹೇ ವಾಜಾ᳚ಯ॒ ದ್ರವಿ॑ಣಾಯ ದರ್ಶ॒ತಃ ||{3.10.6}, {3.1.10.6}, {3.1.8.1} |
| 120 | ಅಗ್ನೇ॒ ಯಜಿ॑ಷ್ಠೋ ಅಧ್ವ॒ರೇ ದೇ॒ವಾಂದೇ᳚ವಯ॒ತೇ ಯ॑ಜ | ಹೋತಾ᳚ ಮಂ॒ದ್ರೋ ವಿ ರಾ᳚ಜ॒ಸ್ಯತಿ॒ ಸ್ರಿಧಃ॑ ||{3.10.7}, {3.1.10.7}, {3.1.8.2} |
| 121 | ಸ ನಃ॑ ಪಾವಕ ದೀದಿಹಿ ದ್ಯು॒ಮದ॒ಸ್ಮೇ ಸು॒ವೀರ್ಯಂ᳚ | ಭವಾ᳚ ಸ್ತೋ॒ತೃಭ್ಯೋ॒ ಅಂತ॑ಮಃ ಸ್ವ॒ಸ್ತಯೇ᳚ ||{3.10.8}, {3.1.10.8}, {3.1.8.3} |
| 122 | ತಂ ತ್ವಾ॒ ವಿಪ್ರಾ᳚ ವಿಪ॒ನ್ಯವೋ᳚ ಜಾಗೃ॒ವಾಂಸಃ॒ ಸಮಿಂ᳚ಧತೇ | ಹ॒ವ್ಯ॒ವಾಹ॒ಮಮ॑ರ್ತ್ಯಂ ಸಹೋ॒ವೃಧಂ᳚ ||{3.10.9}, {3.1.10.9}, {3.1.8.4} |
| [11] (1-9) ಅಗ್ನಿರ್ಹೋತೇತಿ ನವರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಅಗ್ನಿರ್ದೇವತಾ | ಗಾಯತ್ರೀ ಛಂದಃ || | |
| 123 | ಅ॒ಗ್ನಿರ್ಹೋತಾ᳚ ಪು॒ರೋಹಿ॑ತೋಽಧ್ವ॒ರಸ್ಯ॒ ವಿಚ॑ರ್ಷಣಿಃ | ಸ ವೇ᳚ದ ಯ॒ಜ್ಞಮಾ᳚ನು॒ಷಕ್ ||{3.11.1}, {3.1.11.1}, {3.1.9.1} |
| 124 | ಸ ಹ᳚ವ್ಯ॒ವಾಳಮ॑ರ್ತ್ಯ ಉ॒ಶಿಗ್ದೂ॒ತಶ್ಚನೋ᳚ಹಿತಃ | ಅ॒ಗ್ನಿರ್ಧಿ॒ಯಾ ಸಮೃ᳚ಣ್ವತಿ ||{3.11.2}, {3.1.11.2}, {3.1.9.2} |
| 125 | ಅ॒ಗ್ನಿರ್ಧಿ॒ಯಾ ಸ ಚೇ᳚ತತಿ ಕೇ॒ತುರ್ಯ॒ಜ್ಞಸ್ಯ॑ ಪೂ॒ರ್ವ್ಯಃ | ಅರ್ಥಂ॒ ಹ್ಯ॑ಸ್ಯ ತ॒ರಣಿ॑ ||{3.11.3}, {3.1.11.3}, {3.1.9.3} |
| 126 | ಅ॒ಗ್ನಿಂ ಸೂ॒ನುಂ ಸನ॑ಶ್ರುತಂ॒ ಸಹ॑ಸೋ ಜಾ॒ತವೇ᳚ದಸಂ | ವಹ್ನಿಂ᳚ ದೇ॒ವಾ ಅ॑ಕೃಣ್ವತ ||{3.11.4}, {3.1.11.4}, {3.1.9.4} |
| 127 | ಅದಾ᳚ಭ್ಯಃ ಪುರಏ॒ತಾ ವಿ॒ಶಾಮ॒ಗ್ನಿರ್ಮಾನು॑ಷೀಣಾಂ | ತೂರ್ಣೀ॒ ರಥಃ॒ ಸದಾ॒ ನವಃ॑ ||{3.11.5}, {3.1.11.5}, {3.1.9.5} |
| 128 | ಸಾ॒ಹ್ವಾನ್ವಿಶ್ವಾ᳚ ಅಭಿ॒ಯುಜಃ॒ ಕ್ರತು᳚ರ್ದೇ॒ವಾನಾ॒ಮಮೃ॑ಕ್ತಃ | ಅ॒ಗ್ನಿಸ್ತು॒ವಿಶ್ರ॑ವಸ್ತಮಃ ||{3.11.6}, {3.1.11.6}, {3.1.10.1} |
| 129 | ಅ॒ಭಿ ಪ್ರಯಾಂ᳚ಸಿ॒ ವಾಹ॑ಸಾ ದಾ॒ಶ್ವಾಁ ಅ॑ಶ್ನೋತಿ॒ ಮರ್ತ್ಯಃ॑ | ಕ್ಷಯಂ᳚ ಪಾವ॒ಕಶೋ᳚ಚಿಷಃ ||{3.11.7}, {3.1.11.7}, {3.1.10.2} |
| 130 | ಪರಿ॒ ವಿಶ್ವಾ᳚ನಿ॒ ಸುಧಿ॑ತಾ॒ಽಗ್ನೇರ॑ಶ್ಯಾಮ॒ ಮನ್ಮ॑ಭಿಃ | ವಿಪ್ರಾ᳚ಸೋ ಜಾ॒ತವೇ᳚ದಸಃ ||{3.11.8}, {3.1.11.8}, {3.1.10.3} |
| 131 | ಅಗ್ನೇ॒ ವಿಶ್ವಾ᳚ನಿ॒ ವಾರ್ಯಾ॒ ವಾಜೇ᳚ಷು ಸನಿಷಾಮಹೇ | ತ್ವೇ ದೇ॒ವಾಸ॒ ಏರಿ॑ರೇ ||{3.11.9}, {3.1.11.9}, {3.1.10.4} |
| [12] (1-9) ಇಂದ್ರಾಗ್ನೀ ಇತಿ ನವರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರಾಗ್ನೀ ದೇವತೇ | ಗಾಯತ್ರೀ ಛಂದಃ || | |
| 132 | ಇಂದ್ರಾ᳚ಗ್ನೀ॒ ಆ ಗ॑ತಂ ಸು॒ತಂ ಗೀ॒ರ್ಭಿರ್ನಭೋ॒ ವರೇ᳚ಣ್ಯಂ | ಅ॒ಸ್ಯ ಪಾ᳚ತಂ ಧಿ॒ಯೇಷಿ॒ತಾ ||{3.12.1}, {3.1.12.1}, {3.1.11.1} |
| 133 | ಇಂದ್ರಾ᳚ಗ್ನೀ ಜರಿ॒ತುಃ ಸಚಾ᳚ ಯ॒ಜ್ಞೋ ಜಿ॑ಗಾತಿ॒ ಚೇತ॑ನಃ | ಅ॒ಯಾ ಪಾ᳚ತಮಿ॒ಮಂ ಸು॒ತಂ ||{3.12.2}, {3.1.12.2}, {3.1.11.2} |
| 134 | ಇಂದ್ರ॑ಮ॒ಗ್ನಿಂ ಕ॑ವಿ॒ಚ್ಛದಾ᳚ ಯ॒ಜ್ಞಸ್ಯ॑ ಜೂ॒ತ್ಯಾ ವೃ॑ಣೇ | ತಾ ಸೋಮ॑ಸ್ಯೇ॒ಹ ತೃಂ᳚ಪತಾಂ ||{3.12.3}, {3.1.12.3}, {3.1.11.3} |
| 135 | ತೋ॒ಶಾ ವೃ॑ತ್ರ॒ಹಣಾ᳚ ಹುವೇ ಸ॒ಜಿತ್ವಾ॒ನಾಪ॑ರಾಜಿತಾ | ಇಂ॒ದ್ರಾ॒ಗ್ನೀ ವಾ᳚ಜ॒ಸಾತ॑ಮಾ ||{3.12.4}, {3.1.12.4}, {3.1.11.4} |
| 136 | ಪ್ರ ವಾ᳚ಮರ್ಚಂತ್ಯು॒ಕ್ಥಿನೋ᳚ ನೀಥಾ॒ವಿದೋ᳚ ಜರಿ॒ತಾರಃ॑ | ಇಂದ್ರಾ᳚ಗ್ನೀ॒ ಇಷ॒ ಆ ವೃ॑ಣೇ ||{3.12.5}, {3.1.12.5}, {3.1.11.5} |
| 137 | ಇಂದ್ರಾ᳚ಗ್ನೀ ನವ॒ತಿಂ ಪುರೋ᳚ ದಾ॒ಸಪ॑ತ್ನೀರಧೂನುತಂ | ಸಾ॒ಕಮೇಕೇ᳚ನ॒ ಕರ್ಮ॑ಣಾ ||{3.12.6}, {3.1.12.6}, {3.1.12.1} |
| 138 | ಇಂದ್ರಾ᳚ಗ್ನೀ॒ ಅಪ॑ಸ॒ಸ್ಪರ್ಯುಪ॒ ಪ್ರ ಯಂ᳚ತಿ ಧೀ॒ತಯಃ॑ | ಋ॒ತಸ್ಯ॑ ಪ॒ಥ್ಯಾ॒೩॑(ಆ॒) ಅನು॑ ||{3.12.7}, {3.1.12.7}, {3.1.12.2} |
| 139 | ಇಂದ್ರಾ᳚ಗ್ನೀ ತವಿ॒ಷಾಣಿ॑ ವಾಂ ಸ॒ಧಸ್ಥಾ᳚ನಿ॒ ಪ್ರಯಾಂ᳚ಸಿ ಚ | ಯು॒ವೋರ॒ಪ್ತೂರ್ಯಂ᳚ ಹಿ॒ತಂ ||{3.12.8}, {3.1.12.8}, {3.1.12.3} |
| 140 | ಇಂದ್ರಾ᳚ಗ್ನೀ ರೋಚ॒ನಾ ದಿ॒ವಃ ಪರಿ॒ ವಾಜೇ᳚ಷು ಭೂಷಥಃ | ತದ್ವಾಂ᳚ ಚೇತಿ॒ ಪ್ರ ವೀ॒ರ್ಯಂ᳚ ||{3.12.9}, {3.1.12.9}, {3.1.12.4} |
| [13] (1-7) ಪ್ರವೋದೇವಾಯೇತಿ ಸಪ್ತರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರ ಋಷಭ ಋಷಿಃ | ಅಗ್ನಿರ್ದೇವತಾ | ಅನುಷ್ಟುಪ್ ಛಂದಃ || | |
| 141 | ಪ್ರ ವೋ᳚ ದೇ॒ವಾಯಾ॒ಗ್ನಯೇ॒ ಬರ್ಹಿ॑ಷ್ಠಮರ್ಚಾಸ್ಮೈ | ಗಮ॑ದ್ದೇ॒ವೇಭಿ॒ರಾ ಸ ನೋ॒ ಯಜಿ॑ಷ್ಠೋ ಬ॒ರ್ಹಿರಾ ಸ॑ದತ್ ||{3.13.1}, {3.2.1.1}, {3.1.13.1} |
| 142 | ಋ॒ತಾವಾ॒ ಯಸ್ಯ॒ ರೋದ॑ಸೀ॒ ದಕ್ಷಂ॒ ಸಚಂ᳚ತ ಊ॒ತಯಃ॑ | ಹ॒ವಿಷ್ಮಂ᳚ತ॒ಸ್ತಮೀ᳚ಳತೇ॒ ತಂ ಸ॑ನಿ॒ಷ್ಯಂತೋಽವ॑ಸೇ ||{3.13.2}, {3.2.1.2}, {3.1.13.2} |
| 143 | ಸ ಯಂ॒ತಾ ವಿಪ್ರ॑ ಏಷಾಂ॒ ಸ ಯ॒ಜ್ಞಾನಾ॒ಮಥಾ॒ ಹಿ ಷಃ | ಅ॒ಗ್ನಿಂ ತಂ ವೋ᳚ ದುವಸ್ಯತ॒ ದಾತಾ॒ ಯೋ ವನಿ॑ತಾ ಮ॒ಘಂ ||{3.13.3}, {3.2.1.3}, {3.1.13.3} |
| 144 | ಸ ನಃ॒ ಶರ್ಮಾ᳚ಣಿ ವೀ॒ತಯೇ॒ಽಗ್ನಿರ್ಯ॑ಚ್ಛತು॒ ಶಂತ॑ಮಾ | ಯತೋ᳚ ನಃ ಪ್ರು॒ಷ್ಣವ॒ದ್ವಸು॑ ದಿ॒ವಿ ಕ್ಷಿ॒ತಿಭ್ಯೋ᳚ ಅ॒ಪ್ಸ್ವಾ ||{3.13.4}, {3.2.1.4}, {3.1.13.4} |
| 145 | ದೀ॒ದಿ॒ವಾಂಸ॒ಮಪೂ᳚ರ್ವ್ಯಂ॒ ವಸ್ವೀ᳚ಭಿರಸ್ಯ ಧೀ॒ತಿಭಿಃ॑ | ಋಕ್ವಾ᳚ಣೋ ಅ॒ಗ್ನಿಮಿಂ᳚ಧತೇ॒ ಹೋತಾ᳚ರಂ ವಿ॒ಶ್ಪತಿಂ᳚ ವಿ॒ಶಾಂ ||{3.13.5}, {3.2.1.5}, {3.1.13.5} |
| 146 | ಉ॒ತ ನೋ॒ ಬ್ರಹ್ಮ᳚ನ್ನವಿಷ ಉ॒ಕ್ಥೇಷು॑ ದೇವ॒ಹೂತ॑ಮಃ | ಶಂ ನಃ॑ ಶೋಚಾ ಮ॒ರುದ್ವೃ॒ಧೋಽಗ್ನೇ᳚ ಸಹಸ್ರ॒ಸಾತ॑ಮಃ ||{3.13.6}, {3.2.1.6}, {3.1.13.6} |
| 147 | ನೂ ನೋ᳚ ರಾಸ್ವ ಸ॒ಹಸ್ರ॑ವತ್ತೋ॒ಕವ॑ತ್ಪುಷ್ಟಿ॒ಮದ್ವಸು॑ | ದ್ಯು॒ಮದ॑ಗ್ನೇ ಸು॒ವೀರ್ಯಂ॒ ವರ್ಷಿ॑ಷ್ಠ॒ಮನು॑ಪಕ್ಷಿತಂ ||{3.13.7}, {3.2.1.7}, {3.1.13.7} |
| [14] (1-7) ಆಹೋತೇತಿ ಸಪ್ತರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರ ಋಷಭ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 148 | ಆ ಹೋತಾ᳚ ಮಂ॒ದ್ರೋ ವಿ॒ದಥಾ᳚ನ್ಯಸ್ಥಾತ್ಸ॒ತ್ಯೋ ಯಜ್ವಾ᳚ ಕ॒ವಿತ॑ಮಃ॒ ಸ ವೇ॒ಧಾಃ | ವಿ॒ದ್ಯುದ್ರ॑ಥಃ॒ ಸಹ॑ಸಸ್ಪು॒ತ್ರೋ ಅ॒ಗ್ನಿಃ ಶೋ॒ಚಿಷ್ಕೇ᳚ಶಃ ಪೃಥಿ॒ವ್ಯಾಂ ಪಾಜೋ᳚ ಅಶ್ರೇತ್ ||{3.14.1}, {3.2.2.1}, {3.1.14.1} |
| 149 | ಅಯಾ᳚ಮಿ ತೇ॒ ನಮ॑ಉಕ್ತಿಂ ಜುಷಸ್ವ॒ ಋತಾ᳚ವ॒ಸ್ತುಭ್ಯಂ॒ ಚೇತ॑ತೇ ಸಹಸ್ವಃ | ವಿ॒ದ್ವಾಁ ಆ ವ॑ಕ್ಷಿ ವಿ॒ದುಷೋ॒ ನಿ ಷ॑ತ್ಸಿ॒ ಮಧ್ಯ॒ ಆ ಬ॒ರ್ಹಿರೂ॒ತಯೇ᳚ ಯಜತ್ರ ||{3.14.2}, {3.2.2.2}, {3.1.14.2} |
| 150 | ದ್ರವ॑ತಾಂ ತ ಉ॒ಷಸಾ᳚ ವಾ॒ಜಯಂ᳚ತೀ॒ ಅಗ್ನೇ॒ ವಾತ॑ಸ್ಯ ಪ॒ಥ್ಯಾ᳚ಭಿ॒ರಚ್ಛ॑ | ಯತ್ಸೀ᳚ಮಂ॒ಜಂತಿ॑ ಪೂ॒ರ್ವ್ಯಂ ಹ॒ವಿರ್ಭಿ॒ರಾ ವಂ॒ಧುರೇ᳚ವ ತಸ್ಥತುರ್ದುರೋ॒ಣೇ ||{3.14.3}, {3.2.2.3}, {3.1.14.3} |
| 151 | ಮಿ॒ತ್ರಶ್ಚ॒ ತುಭ್ಯಂ॒ ವರು॑ಣಃ ಸಹ॒ಸ್ವೋಽಗ್ನೇ॒ ವಿಶ್ವೇ᳚ ಮ॒ರುತಃ॑ ಸು॒ಮ್ನಮ॑ರ್ಚನ್ | ಯಚ್ಛೋ॒ಚಿಷಾ᳚ ಸಹಸಸ್ಪುತ್ರ॒ ತಿಷ್ಠಾ᳚ ಅ॒ಭಿ ಕ್ಷಿ॒ತೀಃ ಪ್ರ॒ಥಯ॒ನ್ಸೂರ್ಯೋ॒ ನೄನ್ ||{3.14.4}, {3.2.2.4}, {3.1.14.4} |
| 152 | ವ॒ಯಂ ತೇ᳚ ಅ॒ದ್ಯ ರ॑ರಿ॒ಮಾ ಹಿ ಕಾಮ॑ಮುತ್ತಾ॒ನಹ॑ಸ್ತಾ॒ ನಮ॑ಸೋಪ॒ಸದ್ಯ॑ | ಯಜಿ॑ಷ್ಠೇನ॒ ಮನ॑ಸಾ ಯಕ್ಷಿ ದೇ॒ವಾನಸ್ರೇ᳚ಧತಾ॒ ಮನ್ಮ॑ನಾ॒ ವಿಪ್ರೋ᳚ ಅಗ್ನೇ ||{3.14.5}, {3.2.2.5}, {3.1.14.5} |
| 153 | ತ್ವದ್ಧಿ ಪು॑ತ್ರ ಸಹಸೋ॒ ವಿ ಪೂ॒ರ್ವೀರ್ದೇ॒ವಸ್ಯ॒ ಯಂತ್ಯೂ॒ತಯೋ॒ ವಿ ವಾಜಾಃ᳚ | ತ್ವಂ ದೇ᳚ಹಿ ಸಹ॒ಸ್ರಿಣಂ᳚ ರ॒ಯಿಂ ನೋ᳚ಽದ್ರೋ॒ಘೇಣ॒ ವಚ॑ಸಾ ಸ॒ತ್ಯಮ॑ಗ್ನೇ ||{3.14.6}, {3.2.2.6}, {3.1.14.6} |
| 154 | ತುಭ್ಯಂ᳚ ದಕ್ಷ ಕವಿಕ್ರತೋ॒ ಯಾನೀ॒ಮಾ ದೇವ॒ ಮರ್ತಾ᳚ಸೋ ಅಧ್ವ॒ರೇ ಅಕ᳚ರ್ಮ | ತ್ವಂ ವಿಶ್ವ॑ಸ್ಯ ಸು॒ರಥ॑ಸ್ಯ ಬೋಧಿ॒ ಸರ್ವಂ॒ ತದ॑ಗ್ನೇ ಅಮೃತ ಸ್ವದೇ॒ಹ ||{3.14.7}, {3.2.2.7}, {3.1.14.7} |
| [15] (1-7) ವಿಪಾಜಸೇತಿ ಸಪ್ತರ್ಚಸ್ಯ ಸೂಕ್ತಸ್ಯ ಕಾತ್ಯ ಉತ್ಕೀಲ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 155 | ವಿ ಪಾಜ॑ಸಾ ಪೃ॒ಥುನಾ॒ ಶೋಶು॑ಚಾನೋ॒ ಬಾಧ॑ಸ್ವ ದ್ವಿ॒ಷೋ ರ॒ಕ್ಷಸೋ॒ ಅಮೀ᳚ವಾಃ | ಸು॒ಶರ್ಮ॑ಣೋ ಬೃಹ॒ತಃ ಶರ್ಮ॑ಣಿ ಸ್ಯಾಮ॒ಗ್ನೇರ॒ಹಂ ಸು॒ಹವ॑ಸ್ಯ॒ ಪ್ರಣೀ᳚ತೌ ||{3.15.1}, {3.2.3.1}, {3.1.15.1} |
| 156 | ತ್ವಂ ನೋ᳚ ಅ॒ಸ್ಯಾ ಉ॒ಷಸೋ॒ ವ್ಯು॑ಷ್ಟೌ॒ ತ್ವಂ ಸೂರ॒ ಉದಿ॑ತೇ ಬೋಧಿ ಗೋ॒ಪಾಃ | ಜನ್ಮೇ᳚ವ॒ ನಿತ್ಯಂ॒ ತನ॑ಯಂ ಜುಷಸ್ವ॒ ಸ್ತೋಮಂ᳚ ಮೇ ಅಗ್ನೇ ತ॒ನ್ವಾ᳚ ಸುಜಾತ ||{3.15.2}, {3.2.3.2}, {3.1.15.2} |
| 157 | ತ್ವಂ ನೃ॒ಚಕ್ಷಾ᳚ ವೃಷ॒ಭಾನು॑ ಪೂ॒ರ್ವೀಃ ಕೃ॒ಷ್ಣಾಸ್ವ॑ಗ್ನೇ ಅರು॒ಷೋ ವಿ ಭಾ᳚ಹಿ | ವಸೋ॒ ನೇಷಿ॑ ಚ॒ ಪರ್ಷಿ॒ ಚಾತ್ಯಂಹಃ॑ ಕೃ॒ಧೀ ನೋ᳚ ರಾ॒ಯ ಉ॒ಶಿಜೋ᳚ ಯವಿಷ್ಠ ||{3.15.3}, {3.2.3.3}, {3.1.15.3} |
| 158 | ಅಷಾ᳚ಳ್ಹೋ ಅಗ್ನೇ ವೃಷ॒ಭೋ ದಿ॑ದೀಹಿ॒ ಪುರೋ॒ ವಿಶ್ವಾಃ॒ ಸೌಭ॑ಗಾ ಸಂಜಿಗೀ॒ವಾನ್ | ಯ॒ಜ್ಞಸ್ಯ॑ ನೇ॒ತಾ ಪ್ರ॑ಥ॒ಮಸ್ಯ॑ ಪಾ॒ಯೋರ್ಜಾತ॑ವೇದೋ ಬೃಹ॒ತಃ ಸು॑ಪ್ರಣೀತೇ ||{3.15.4}, {3.2.3.4}, {3.1.15.4} |
| 159 | ಅಚ್ಛಿ॑ದ್ರಾ॒ ಶರ್ಮ॑ ಜರಿತಃ ಪು॒ರೂಣಿ॑ ದೇ॒ವಾಁ ಅಚ್ಛಾ॒ ದೀದ್ಯಾ᳚ನಃ ಸುಮೇ॒ಧಾಃ | ರಥೋ॒ ನ ಸಸ್ನಿ॑ರ॒ಭಿ ವ॑ಕ್ಷಿ॒ ವಾಜ॒ಮಗ್ನೇ॒ ತ್ವಂ ರೋದ॑ಸೀ ನಃ ಸು॒ಮೇಕೇ᳚ ||{3.15.5}, {3.2.3.5}, {3.1.15.5} |
| 160 | ಪ್ರ ಪೀ᳚ಪಯ ವೃಷಭ॒ ಜಿನ್ವ॒ ವಾಜಾ॒ನಗ್ನೇ॒ ತ್ವಂ ರೋದ॑ಸೀ ನಃ ಸು॒ದೋಘೇ᳚ | ದೇ॒ವೇಭಿ᳚ರ್ದೇವ ಸು॒ರುಚಾ᳚ ರುಚಾ॒ನೋ ಮಾ ನೋ॒ ಮರ್ತ॑ಸ್ಯ ದುರ್ಮ॒ತಿಃ ಪರಿ॑ ಷ್ಠಾತ್ ||{3.15.6}, {3.2.3.6}, {3.1.15.6} |
| 161 | ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ | ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಽಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ ||{3.15.7}, {3.2.3.7}, {3.1.15.7} |
| [16] (1-6) ಅಯಮಗ್ನಿರಿತಿ ಷಳೃರ್ಚಸ್ಯ ಸೂಕ್ತಸ್ಯ ಕಾತ್ಯ ಉತ್ಕೀಲ ಋಷಿಃ | ಅಗ್ನಿರ್ದೇವತಾ | ಪ್ರಗಾಥಃ (ವಿಷಮರ್ಚಾಂ ಬೃಹತೀ ಸಮರ್ಚಾಂ ಸತೋಬೃಹತೀ) ಛಂದಃ || | |
| 162 | ಅ॒ಯಮ॒ಗ್ನಿಃ ಸು॒ವೀರ್ಯ॒ಸ್ಯೇಶೇ᳚ ಮ॒ಹಃ ಸೌಭ॑ಗಸ್ಯ | ರಾ॒ಯ ಈ᳚ಶೇ ಸ್ವಪ॒ತ್ಯಸ್ಯ॒ ಗೋಮ॑ತ॒ ಈಶೇ᳚ ವೃತ್ರ॒ಹಥಾ᳚ನಾಂ ||{3.16.1}, {3.2.4.1}, {3.1.16.1} |
| 163 | ಇ॒ಮಂ ನ॑ರೋ ಮರುತಃ ಸಶ್ಚತಾ॒ ವೃಧಂ॒ ಯಸ್ಮಿ॒ನ್ರಾಯಃ॒ ಶೇವೃ॑ಧಾಸಃ | ಅ॒ಭಿ ಯೇ ಸಂತಿ॒ ಪೃತ॑ನಾಸು ದೂ॒ಢ್ಯೋ᳚ ವಿ॒ಶ್ವಾಹಾ॒ ಶತ್ರು॑ಮಾದ॒ಭುಃ ||{3.16.2}, {3.2.4.2}, {3.1.16.2} |
| 164 | ಸ ತ್ವಂ ನೋ᳚ ರಾ॒ಯಃ ಶಿ॑ಶೀಹಿ॒ ಮೀಢ್ವೋ᳚ ಅಗ್ನೇ ಸು॒ವೀರ್ಯ॑ಸ್ಯ | ತುವಿ॑ದ್ಯುಮ್ನ॒ ವರ್ಷಿ॑ಷ್ಠಸ್ಯ ಪ್ರ॒ಜಾವ॑ತೋಽನಮೀ॒ವಸ್ಯ॑ ಶು॒ಷ್ಮಿಣಃ॑ ||{3.16.3}, {3.2.4.3}, {3.1.16.3} |
| 165 | ಚಕ್ರಿ॒ರ್ಯೋ ವಿಶ್ವಾ॒ ಭುವ॑ನಾ॒ಭಿ ಸಾ᳚ಸ॒ಹಿಶ್ಚಕ್ರಿ᳚ರ್ದೇ॒ವೇಷ್ವಾ ದುವಃ॑ | ಆ ದೇ॒ವೇಷು॒ ಯತ॑ತ॒ ಆ ಸು॒ವೀರ್ಯ॒ ಆ ಶಂಸ॑ ಉ॒ತ ನೃ॒ಣಾಂ ||{3.16.4}, {3.2.4.4}, {3.1.16.4} |
| 166 | ಮಾ ನೋ᳚ ಅ॒ಗ್ನೇಽಮ॑ತಯೇ॒ ಮಾವೀರ॑ತಾಯೈ ರೀರಧಃ | ಮಾಗೋತಾ᳚ಯೈ ಸಹಸಸ್ಪುತ್ರ॒ ಮಾ ನಿ॒ದೇಽಪ॒ ದ್ವೇಷಾಂ॒ಸ್ಯಾ ಕೃ॑ಧಿ ||{3.16.5}, {3.2.4.5}, {3.1.16.5} |
| 167 | ಶ॒ಗ್ಧಿ ವಾಜ॑ಸ್ಯ ಸುಭಗ ಪ್ರ॒ಜಾವ॒ತೋಽಗ್ನೇ᳚ ಬೃಹ॒ತೋ ಅ॑ಧ್ವ॒ರೇ | ಸಂ ರಾ॒ಯಾ ಭೂಯ॑ಸಾ ಸೃಜ ಮಯೋ॒ಭುನಾ॒ ತುವಿ॑ದ್ಯುಮ್ನ॒ ಯಶ॑ಸ್ವತಾ ||{3.16.6}, {3.2.4.6}, {3.1.16.6} |
| [17] (1-5) ಸಮಿಧ್ಯಮಾನ ಇತಿ ಪಂಚರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರಃ ಕತ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 168 | ಸ॒ಮಿ॒ಧ್ಯಮಾ᳚ನಃ ಪ್ರಥ॒ಮಾನು॒ ಧರ್ಮಾ॒ ಸಮ॒ಕ್ತುಭಿ॑ರಜ್ಯತೇ ವಿ॒ಶ್ವವಾ᳚ರಃ | ಶೋ॒ಚಿಷ್ಕೇ᳚ಶೋ ಘೃ॒ತನಿ᳚ರ್ಣಿಕ್ಪಾವ॒ಕಃ ಸು॑ಯ॒ಜ್ಞೋ ಅ॒ಗ್ನಿರ್ಯ॒ಜಥಾ᳚ಯ ದೇ॒ವಾನ್ ||{3.17.1}, {3.2.5.1}, {3.1.17.1} |
| 169 | ಯಥಾಯ॑ಜೋ ಹೋ॒ತ್ರಮ॑ಗ್ನೇ ಪೃಥಿ॒ವ್ಯಾ ಯಥಾ᳚ ದಿ॒ವೋ ಜಾ᳚ತವೇದಶ್ಚಿಕಿ॒ತ್ವಾನ್ | ಏ॒ವಾನೇನ॑ ಹ॒ವಿಷಾ᳚ ಯಕ್ಷಿ ದೇ॒ವಾನ್ಮ॑ನು॒ಷ್ವದ್ಯ॒ಜ್ಞಂ ಪ್ರ ತಿ॑ರೇ॒ಮಮ॒ದ್ಯ ||{3.17.2}, {3.2.5.2}, {3.1.17.2} |
| 170 | ತ್ರೀಣ್ಯಾಯೂಂ᳚ಷಿ॒ ತವ॑ ಜಾತವೇದಸ್ತಿ॒ಸ್ರ ಆ॒ಜಾನೀ᳚ರು॒ಷಸ॑ಸ್ತೇ ಅಗ್ನೇ | ತಾಭಿ᳚ರ್ದೇ॒ವಾನಾ॒ಮವೋ᳚ ಯಕ್ಷಿ ವಿ॒ದ್ವಾನಥಾ᳚ ಭವ॒ ಯಜ॑ಮಾನಾಯ॒ ಶಂ ಯೋಃ ||{3.17.3}, {3.2.5.3}, {3.1.17.3} |
| 171 | ಅ॒ಗ್ನಿಂ ಸು॑ದೀ॒ತಿಂ ಸು॒ದೃಶಂ᳚ ಗೃ॒ಣಂತೋ᳚ ನಮ॒ಸ್ಯಾಮ॒ಸ್ತ್ವೇಡ್ಯಂ᳚ ಜಾತವೇದಃ | ತ್ವಾಂ ದೂ॒ತಮ॑ರ॒ತಿಂ ಹ᳚ವ್ಯ॒ವಾಹಂ᳚ ದೇ॒ವಾ ಅ॑ಕೃಣ್ವನ್ನ॒ಮೃತ॑ಸ್ಯ॒ ನಾಭಿಂ᳚ ||{3.17.4}, {3.2.5.4}, {3.1.17.4} |
| 172 | ಯಸ್ತ್ವದ್ಧೋತಾ॒ ಪೂರ್ವೋ᳚ ಅಗ್ನೇ॒ ಯಜೀ᳚ಯಾಂದ್ವಿ॒ತಾ ಚ॒ ಸತ್ತಾ᳚ ಸ್ವ॒ಧಯಾ᳚ ಚ ಶಂ॒ಭುಃ | ತಸ್ಯಾನು॒ ಧರ್ಮ॒ ಪ್ರ ಯ॑ಜಾ ಚಿಕಿ॒ತ್ವೋಥಾ᳚ ನೋ ಧಾ ಅಧ್ವ॒ರಂ ದೇ॒ವವೀ᳚ತೌ ||{3.17.5}, {3.2.5.5}, {3.1.17.5} |
| [18] (1-5) ಭವಾನ ಇತಿ ಪಂಚರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರಃ ಕತ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 173 | ಭವಾ᳚ ನೋ ಅಗ್ನೇ ಸು॒ಮನಾ॒ ಉಪೇ᳚ತೌ॒ ಸಖೇ᳚ವ॒ ಸಖ್ಯೇ᳚ ಪಿ॒ತರೇ᳚ವ ಸಾ॒ಧುಃ | ಪು॒ರು॒ದ್ರುಹೋ॒ ಹಿ ಕ್ಷಿ॒ತಯೋ॒ ಜನಾ᳚ನಾಂ॒ ಪ್ರತಿ॑ ಪ್ರತೀ॒ಚೀರ್ದ॑ಹತಾ॒ದರಾ᳚ತೀಃ ||{3.18.1}, {3.2.6.1}, {3.1.18.1} |
| 174 | ತಪೋ॒ ಷ್ವ॑ಗ್ನೇ॒ ಅಂತ॑ರಾಁ ಅ॒ಮಿತ್ರಾಂ॒ತಪಾ॒ ಶಂಸ॒ಮರ॑ರುಷಃ॒ ಪರ॑ಸ್ಯ | ತಪೋ᳚ ವಸೋ ಚಿಕಿತಾ॒ನೋ ಅ॒ಚಿತ್ತಾ॒ನ್ವಿ ತೇ᳚ ತಿಷ್ಠಂತಾಮ॒ಜರಾ᳚ ಅ॒ಯಾಸಃ॑ ||{3.18.2}, {3.2.6.2}, {3.1.18.2} |
| 175 | ಇ॒ಧ್ಮೇನಾ᳚ಗ್ನ ಇ॒ಚ್ಛಮಾ᳚ನೋ ಘೃ॒ತೇನ॑ ಜು॒ಹೋಮಿ॑ ಹ॒ವ್ಯಂ ತರ॑ಸೇ॒ ಬಲಾ᳚ಯ | ಯಾವ॒ದೀಶೇ॒ ಬ್ರಹ್ಮ॑ಣಾ॒ ವಂದ॑ಮಾನ ಇ॒ಮಾಂ ಧಿಯಂ᳚ ಶತ॒ಸೇಯಾ᳚ಯ ದೇ॒ವೀಂ ||{3.18.3}, {3.2.6.3}, {3.1.18.3} |
| 176 | ಉಚ್ಛೋ॒ಚಿಷಾ᳚ ಸಹಸಸ್ಪುತ್ರ ಸ್ತು॒ತೋ ಬೃ॒ಹದ್ವಯಃ॑ ಶಶಮಾ॒ನೇಷು॑ ಧೇಹಿ | ರೇ॒ವದ॑ಗ್ನೇ ವಿ॒ಶ್ವಾಮಿ॑ತ್ರೇಷು॒ ಶಂ ಯೋರ್ಮ᳚ರ್ಮೃ॒ಜ್ಮಾ ತೇ᳚ ತ॒ನ್ವ೧॑(ಅ॒) ಅಂಭೂರಿ॒ ಕೃತ್ವಃ॑ ||{3.18.4}, {3.2.6.4}, {3.1.18.4} |
| 177 | ಕೃ॒ಧಿ ರತ್ನಂ᳚ ಸುಸನಿತ॒ರ್ಧನಾ᳚ನಾಂ॒ ಸ ಘೇದ॑ಗ್ನೇ ಭವಸಿ॒ ಯತ್ಸಮಿ॑ದ್ಧಃ | ಸ್ತೋ॒ತುರ್ದು॑ರೋ॒ಣೇ ಸು॒ಭಗ॑ಸ್ಯ ರೇ॒ವತ್ಸೃ॒ಪ್ರಾ ಕ॒ರಸ್ನಾ᳚ ದಧಿಷೇ॒ ವಪೂಂ᳚ಷಿ ||{3.18.5}, {3.2.6.5}, {3.1.18.5} |
| [19] (1-5) ಅಗ್ನಿಂಹೋತಾರಮಿತಿ ಪಂಚರ್ಚಸ್ಯ ಸೂಕ್ತಸ್ಯ ಕೌಶಿಕೋ ಗಾಥೀ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 178 | ಅ॒ಗ್ನಿಂ ಹೋತಾ᳚ರಂ॒ ಪ್ರ ವೃ॑ಣೇ ಮಿ॒ಯೇಧೇ॒ ಗೃತ್ಸಂ᳚ ಕ॒ವಿಂ ವಿ॑ಶ್ವ॒ವಿದ॒ಮಮೂ᳚ರಂ | ಸ ನೋ᳚ ಯಕ್ಷದ್ದೇ॒ವತಾ᳚ತಾ॒ ಯಜೀ᳚ಯಾನ್ರಾ॒ಯೇ ವಾಜಾ᳚ಯ ವನತೇ ಮ॒ಘಾನಿ॑ ||{3.19.1}, {3.2.7.1}, {3.1.19.1} |
| 179 | ಪ್ರ ತೇ᳚ ಅಗ್ನೇ ಹ॒ವಿಷ್ಮ॑ತೀಮಿಯ॒ರ್ಮ್ಯಚ್ಛಾ᳚ ಸುದ್ಯು॒ಮ್ನಾಂ ರಾ॒ತಿನೀಂ᳚ ಘೃ॒ತಾಚೀಂ᳚ | ಪ್ರ॒ದ॒ಕ್ಷಿ॒ಣಿದ್ದೇ॒ವತಾ᳚ತಿಮುರಾ॒ಣಃ ಸಂ ರಾ॒ತಿಭಿ॒ರ್ವಸು॑ಭಿರ್ಯ॒ಜ್ಞಮ॑ಶ್ರೇತ್ ||{3.19.2}, {3.2.7.2}, {3.1.19.2} |
| 180 | ಸ ತೇಜೀ᳚ಯಸಾ॒ ಮನ॑ಸಾ॒ ತ್ವೋತ॑ ಉ॒ತ ಶಿ॑ಕ್ಷ ಸ್ವಪ॒ತ್ಯಸ್ಯ॑ ಶಿ॒ಕ್ಷೋಃ | ಅಗ್ನೇ᳚ ರಾ॒ಯೋ ನೃತ॑ಮಸ್ಯ॒ ಪ್ರಭೂ᳚ತೌ ಭೂ॒ಯಾಮ॑ ತೇ ಸುಷ್ಟು॒ತಯ॑ಶ್ಚ॒ ವಸ್ವಃ॑ ||{3.19.3}, {3.2.7.3}, {3.1.19.3} |
| 181 | ಭೂರೀ᳚ಣಿ॒ ಹಿ ತ್ವೇ ದ॑ಧಿ॒ರೇ ಅನೀ॒ಕಾಗ್ನೇ᳚ ದೇ॒ವಸ್ಯ॒ ಯಜ್ಯ॑ವೋ॒ ಜನಾ᳚ಸಃ | ಸ ಆ ವ॑ಹ ದೇ॒ವತಾ᳚ತಿಂ ಯವಿಷ್ಠ॒ ಶರ್ಧೋ॒ ಯದ॒ದ್ಯ ದಿ॒ವ್ಯಂ ಯಜಾ᳚ಸಿ ||{3.19.4}, {3.2.7.4}, {3.1.19.4} |
| 182 | ಯತ್ತ್ವಾ॒ ಹೋತಾ᳚ರಮ॒ನಜ᳚ನ್ಮಿ॒ಯೇಧೇ᳚ ನಿಷಾ॒ದಯಂ᳚ತೋ ಯ॒ಜಥಾ᳚ಯ ದೇ॒ವಾಃ | ಸ ತ್ವಂ ನೋ᳚ ಅಗ್ನೇಽವಿ॒ತೇಹ ಬೋ॒ಧ್ಯಧಿ॒ ಶ್ರವಾಂ᳚ಸಿ ಧೇಹಿ ನಸ್ತ॒ನೂಷು॑ ||{3.19.5}, {3.2.7.5}, {3.1.19.5} |
| [20] (1-5) ಅಗ್ನಿಮುಷಸಮಿತಿ ಪಂಚರ್ಚಸ್ಯ ಸೂಕ್ತಸ್ಯ ಕೌಶಿಕೋ ಗಾಥೀ ಋಷಿಃ | (1, 5) ಪ್ರಥಮಾಪಂಚಮ್ಯೋರ್‌ಋಚೋರ್ವಿಶ್ವೇ ದೇವಾಃ (2-4) ದ್ವಿತೀಯಾದಿತೃಚಸ್ಯಚಾಗ್ನಿರ್ದೇವತಾಃ | ತ್ರಿಷ್ಟುಪ್ ಛಂದಃ || | |
| 183 | ಅ॒ಗ್ನಿಮು॒ಷಸ॑ಮ॒ಶ್ವಿನಾ᳚ ದಧಿ॒ಕ್ರಾಂ ವ್ಯು॑ಷ್ಟಿಷು ಹವತೇ॒ ವಹ್ನಿ॑ರು॒ಕ್ಥೈಃ | ಸು॒ಜ್ಯೋತಿ॑ಷೋ ನಃ ಶೃಣ್ವಂತು ದೇ॒ವಾಃ ಸ॒ಜೋಷ॑ಸೋ ಅಧ್ವ॒ರಂ ವಾ᳚ವಶಾ॒ನಾಃ ||{3.20.1}, {3.2.8.1}, {3.1.20.1} |
| 184 | ಅಗ್ನೇ॒ ತ್ರೀ ತೇ॒ ವಾಜಿ॑ನಾ॒ ತ್ರೀ ಷ॒ಧಸ್ಥಾ᳚ ತಿ॒ಸ್ರಸ್ತೇ᳚ ಜಿ॒ಹ್ವಾ ಋ॑ತಜಾತ ಪೂ॒ರ್ವೀಃ | ತಿ॒ಸ್ರ ಉ॑ ತೇ ತ॒ನ್ವೋ᳚ ದೇ॒ವವಾ᳚ತಾ॒ಸ್ತಾಭಿ᳚ರ್ನಃ ಪಾಹಿ॒ ಗಿರೋ॒ ಅಪ್ರ॑ಯುಚ್ಛನ್ ||{3.20.2}, {3.2.8.2}, {3.1.20.2} |
| 185 | ಅಗ್ನೇ॒ ಭೂರೀ᳚ಣಿ॒ ತವ॑ ಜಾತವೇದೋ॒ ದೇವ॑ ಸ್ವಧಾವೋ॒ಽಮೃತ॑ಸ್ಯ॒ ನಾಮ॑ | ಯಾಶ್ಚ॑ ಮಾ॒ಯಾ ಮಾ॒ಯಿನಾಂ᳚ ವಿಶ್ವಮಿನ್ವ॒ ತ್ವೇ ಪೂ॒ರ್ವೀಃ ಸಂ᳚ದ॒ಧುಃ ಪೃ॑ಷ್ಟಬಂಧೋ ||{3.20.3}, {3.2.8.3}, {3.1.20.3} |
| 186 | ಅ॒ಗ್ನಿರ್ನೇ॒ತಾ ಭಗ॑ ಇವ ಕ್ಷಿತೀ॒ನಾಂ ದೈವೀ᳚ನಾಂ ದೇ॒ವ ಋ॑ತು॒ಪಾ ಋ॒ತಾವಾ᳚ | ಸ ವೃ॑ತ್ರ॒ಹಾ ಸ॒ನಯೋ᳚ ವಿ॒ಶ್ವವೇ᳚ದಾಃ॒ ಪರ್ಷ॒ದ್ವಿಶ್ವಾತಿ॑ ದುರಿ॒ತಾ ಗೃ॒ಣಂತಂ᳚ ||{3.20.4}, {3.2.8.4}, {3.1.20.4} |
| 187 | ದ॒ಧಿ॒ಕ್ರಾಮ॒ಗ್ನಿಮು॒ಷಸಂ᳚ ಚ ದೇ॒ವೀಂ ಬೃಹ॒ಸ್ಪತಿಂ᳚ ಸವಿ॒ತಾರಂ᳚ ಚ ದೇ॒ವಂ | ಅ॒ಶ್ವಿನಾ᳚ ಮಿ॒ತ್ರಾವರು॑ಣಾ॒ ಭಗಂ᳚ ಚ॒ ವಸೂ᳚ನ್ರು॒ದ್ರಾಁ ಆ᳚ದಿ॒ತ್ಯಾಁ ಇ॒ಹ ಹು॑ವೇ ||{3.20.5}, {3.2.8.5}, {3.1.20.5} |
| [21] (1-5) ಇಮಂನ ಇತಿ ಪಂಚರ್ಚಸ್ಯ ಸೂಕ್ತಸ್ಯ ಕೌಶಿಕೋ ಗಾಥೀ ಋಷಿಃ | ಅಗ್ನಿರ್ದೇವತಾ | (1) ಪ್ರಥಮರ್ಚಸ್ತ್ರಿಷ್ಟುಪ್ (2-3) ದ್ವಿತೀಯಾತೃತೀಯಯೋರನುಷ್ಟುಪ್ (4) ಚತುರ್ಥ್ಯಾ ವಿರಾಡ್ರೂಪಾ (5) ಪಂಚಮ್ಯಾಶ್ಚ ಸತೋಬೃಹತೀ ಛಂದಾಂಸಿ || | |
| 188 | ಇ॒ಮಂ ನೋ᳚ ಯ॒ಜ್ಞಮ॒ಮೃತೇ᳚ಷು ಧೇಹೀ॒ಮಾ ಹ॒ವ್ಯಾ ಜಾ᳚ತವೇದೋ ಜುಷಸ್ವ | ಸ್ತೋ॒ಕಾನಾ᳚ಮಗ್ನೇ॒ ಮೇದ॑ಸೋ ಘೃ॒ತಸ್ಯ॒ ಹೋತಃ॒ ಪ್ರಾಶಾ᳚ನ ಪ್ರಥ॒ಮೋ ನಿ॒ಷದ್ಯ॑ ||{3.21.1}, {3.2.9.1}, {3.1.21.1} |
| 189 | ಘೃ॒ತವಂ᳚ತಃ ಪಾವಕ ತೇ ಸ್ತೋ॒ಕಾಃ ಶ್ಚೋ᳚ತಂತಿ॒ ಮೇದ॑ಸಃ | ಸ್ವಧ᳚ರ್ಮಂದೇ॒ವವೀ᳚ತಯೇ॒ ಶ್ರೇಷ್ಠಂ᳚ ನೋ ಧೇಹಿ॒ ವಾರ್ಯಂ᳚ ||{3.21.2}, {3.2.9.2}, {3.1.21.2} |
| 190 | ತುಭ್ಯಂ᳚ ಸ್ತೋ॒ಕಾ ಘೃ॑ತ॒ಶ್ಚುತೋಽಗ್ನೇ॒ ವಿಪ್ರಾ᳚ಯ ಸಂತ್ಯ | ಋಷಿಃ॒ ಶ್ರೇಷ್ಠಃ॒ ಸಮಿ॑ಧ್ಯಸೇ ಯ॒ಜ್ಞಸ್ಯ॑ ಪ್ರಾವಿ॒ತಾ ಭ॑ವ ||{3.21.3}, {3.2.9.3}, {3.1.21.3} |
| 191 | ತುಭ್ಯಂ᳚ ಶ್ಚೋತಂತ್ಯಧ್ರಿಗೋ ಶಚೀವಃ ಸ್ತೋ॒ಕಾಸೋ᳚ ಅಗ್ನೇ॒ ಮೇದ॑ಸೋ ಘೃ॒ತಸ್ಯ॑ | ಕ॒ವಿ॒ಶ॒ಸ್ತೋ ಬೃ॑ಹ॒ತಾ ಭಾ॒ನುನಾಗಾ᳚ ಹ॒ವ್ಯಾ ಜು॑ಷಸ್ವ ಮೇಧಿರ ||{3.21.4}, {3.2.9.4}, {3.1.21.4} |
| 192 | ಓಜಿ॑ಷ್ಠಂ ತೇ ಮಧ್ಯ॒ತೋ ಮೇದ॒ ಉದ್ಭೃ॑ತಂ॒ ಪ್ರ ತೇ᳚ ವ॒ಯಂ ದ॑ದಾಮಹೇ | ಶ್ಚೋತಂ᳚ತಿ ತೇ ವಸೋ ಸ್ತೋ॒ಕಾ ಅಧಿ॑ ತ್ವ॒ಚಿ ಪ್ರತಿ॒ ತಾಂದೇ᳚ವ॒ಶೋ ವಿ॑ಹಿ ||{3.21.5}, {3.2.9.5}, {3.1.21.5} |
| [22] (1-5) ಅಯಂಸ ಇತಿ ಪಂಚರ್ಚಸ್ಯ ಸೂಕ್ತಸ್ಯ ಕೌಶಿಕೋ ಗಾಥೀ ಋಷಿಃ | (1-3, 5) ಪ್ರಥಮಾದಿತೃಚಸ್ಯ ಪಂಚಮ್ಯಾ ಋಚಶ್ಚಾಗ್ನಿಃ (4) ಚತುರ್ಥ್ಯಾಶ್ಚ ಪುರೀಷ್ಯಾ ಅಗ್ನಯೋ ದೇವತಾಃ | (1-3, 5) ಪ್ರಥಮಾದಿತೃಚಸ್ಯ ಪಂಚಮ್ಯಾಋಚಶ್ಚ ತ್ರಿಷ್ಟುಪ್ (4) ಚತುರ್ಥ್ಯಾಶ್ಚಾನುಷ್ಟಪ್ ಛಂದಸೀ || | |
| 193 | ಅ॒ಯಂ ಸೋ ಅ॒ಗ್ನಿರ್ಯಸ್ಮಿ॒ನ್ಸೋಮ॒ಮಿಂದ್ರಃ॑ ಸು॒ತಂ ದ॒ಧೇ ಜ॒ಠರೇ᳚ ವಾವಶಾ॒ನಃ | ಸ॒ಹ॒ಸ್ರಿಣಂ॒ ವಾಜ॒ಮತ್ಯಂ॒ ನ ಸಪ್ತಿಂ᳚ ಸಸ॒ವಾಂತ್ಸಂತ್ಸ್ತೂ᳚ಯಸೇ ಜಾತವೇದಃ ||{3.22.1}, {3.2.10.1}, {3.1.22.1} |
| 194 | ಅಗ್ನೇ॒ ಯತ್ತೇ᳚ ದಿ॒ವಿ ವರ್ಚಃ॑ ಪೃಥಿ॒ವ್ಯಾಂ ಯದೋಷ॑ಧೀಷ್ವ॒ಪ್ಸ್ವಾ ಯ॑ಜತ್ರ | ಯೇನಾಂ॒ತರಿ॑ಕ್ಷಮು॒ರ್ವಾ᳚ತ॒ತಂಥ॑ ತ್ವೇ॒ಷಃ ಸ ಭಾ॒ನುರ᳚ರ್ಣ॒ವೋ ನೃ॒ಚಕ್ಷಾಃ᳚ ||{3.22.2}, {3.2.10.2}, {3.1.22.2} |
| 195 | ಅಗ್ನೇ᳚ ದಿ॒ವೋ ಅರ್ಣ॒ಮಚ್ಛಾ᳚ ಜಿಗಾ॒ಸ್ಯಚ್ಛಾ᳚ ದೇ॒ವಾಁ ಊ᳚ಚಿಷೇ॒ ಧಿಷ್ಣ್ಯಾ॒ ಯೇ | ಯಾ ರೋ᳚ಚ॒ನೇ ಪ॒ರಸ್ತಾ॒ತ್ಸೂರ್ಯ॑ಸ್ಯ॒ ಯಾಶ್ಚಾ॒ವಸ್ತಾ᳚ದುಪ॒ತಿಷ್ಠಂ᳚ತ॒ ಆಪಃ॑ ||{3.22.3}, {3.2.10.3}, {3.1.22.3} |
| 196 | ಪು॒ರೀ॒ಷ್ಯಾ᳚ಸೋ ಅ॒ಗ್ನಯಃ॑ ಪ್ರಾವ॒ಣೇಭಿಃ॑ ಸ॒ಜೋಷ॑ಸಃ | ಜು॒ಷಂತಾಂ᳚ ಯ॒ಜ್ಞಮ॒ದ್ರುಹೋ᳚ಽನಮೀ॒ವಾ ಇಷೋ᳚ ಮ॒ಹೀಃ ||{3.22.4}, {3.2.10.4}, {3.1.22.4} |
| 197 | ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ | ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಽಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ ||{3.22.5}, {3.2.10.5}, {3.1.22.5} |
| [23] (1-5) ನಿರ್ಮಥಿತ ಇತಿ ಪಂಚರ್ಚಸ್ಯ ಸೂಕ್ತಸ್ಯ ಭಾರತೌ ದೇವಶ್ರವದೇವವಾತೌ ಋಷಿಃ | ಅಗ್ನಿರ್ದೇವತಾ | (1-2, 4-5) ಪ್ರಥಮಾದ್ವಿತೀಯಯೋರ್‌ಋಚೋಶ್ಚತುರ್ಥೀಪಂಚಮ್ಯೋಶ್ಚ ತ್ರಿಷ್ಟುಪ್ (3) ತೃತೀಯಾಯಾಶ್ಚ ಸತೋಬೃಹತೀ ಛಂದಸೀ || | |
| 198 | ನಿರ್ಮ॑ಥಿತಃ॒ ಸುಧಿ॑ತ॒ ಆ ಸ॒ಧಸ್ಥೇ॒ ಯುವಾ᳚ ಕ॒ವಿರ॑ಧ್ವ॒ರಸ್ಯ॑ ಪ್ರಣೇ॒ತಾ | ಜೂರ್ಯ॑ತ್ಸ್ವ॒ಗ್ನಿರ॒ಜರೋ॒ ವನೇ॒ಷ್ವತ್ರಾ᳚ ದಧೇ ಅ॒ಮೃತಂ᳚ ಜಾ॒ತವೇ᳚ದಾಃ ||{3.23.1}, {3.2.11.1}, {3.1.23.1} |
| 199 | ಅಮಂ᳚ಥಿಷ್ಟಾಂ॒ ಭಾರ॑ತಾ ರೇ॒ವದ॒ಗ್ನಿಂ ದೇ॒ವಶ್ರ॑ವಾ ದೇ॒ವವಾ᳚ತಃ ಸು॒ದಕ್ಷಂ᳚ | ಅಗ್ನೇ॒ ವಿ ಪ॑ಶ್ಯ ಬೃಹ॒ತಾಭಿ ರಾ॒ಯೇಷಾಂ ನೋ᳚ ನೇ॒ತಾ ಭ॑ವತಾ॒ದನು॒ ದ್ಯೂನ್ ||{3.23.2}, {3.2.11.2}, {3.1.23.2} |
| 200 | ದಶ॒ ಕ್ಷಿಪಃ॑ ಪೂ॒ರ್ವ್ಯಂ ಸೀ᳚ಮಜೀಜನ॒ನ್ಸುಜಾ᳚ತಂ ಮಾ॒ತೃಷು॑ ಪ್ರಿ॒ಯಂ | ಅ॒ಗ್ನಿಂ ಸ್ತು॑ಹಿ ದೈವವಾ॒ತಂ ದೇ᳚ವಶ್ರವೋ॒ ಯೋ ಜನಾ᳚ನಾ॒ಮಸ॑ದ್ವ॒ಶೀ ||{3.23.3}, {3.2.11.3}, {3.1.23.3} |
| 201 | ನಿ ತ್ವಾ᳚ ದಧೇ॒ ವರ॒ ಆ ಪೃ॑ಥಿ॒ವ್ಯಾ ಇಳಾ᳚ಯಾಸ್ಪ॒ದೇ ಸು॑ದಿನ॒ತ್ವೇ ಅಹ್ನಾಂ᳚ | ದೃ॒ಷದ್ವ॑ತ್ಯಾಂ॒ ಮಾನು॑ಷ ಆಪ॒ಯಾಯಾಂ॒ ಸರ॑ಸ್ವತ್ಯಾಂ ರೇ॒ವದ॑ಗ್ನೇ ದಿದೀಹಿ ||{3.23.4}, {3.2.11.4}, {3.1.23.4} |
| 202 | ಇಳಾ᳚ಮಗ್ನೇ ಪುರು॒ದಂಸಂ᳚ ಸ॒ನಿಂ ಗೋಃ ಶ॑ಶ್ವತ್ತ॒ಮಂ ಹವ॑ಮಾನಾಯ ಸಾಧ | ಸ್ಯಾನ್ನಃ॑ ಸೂ॒ನುಸ್ತನ॑ಯೋ ವಿ॒ಜಾವಾಽಗ್ನೇ॒ ಸಾ ತೇ᳚ ಸುಮ॒ತಿರ್ಭೂ᳚ತ್ವ॒ಸ್ಮೇ ||{3.23.5}, {3.2.11.5}, {3.1.23.5} |
| [24] (1-5) ಅಗ್ನೇಸಹಸ್ವೇತಿ ಪಂಚರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಅಗ್ನಿರ್ದೇವತಾ | (1) ಪ್ರಥಮರ್ಚೋಽನುಷ್ಟಪ್ (2-5) ದ್ವಿತೀಯಾದಿಚತಸೃಣಾಂಚ ಗಾಯತ್ರೀ ಛಂದಸೀ || | |
| 203 | ಅಗ್ನೇ॒ ಸಹ॑ಸ್ವ॒ ಪೃತ॑ನಾ ಅ॒ಭಿಮಾ᳚ತೀ॒ರಪಾ᳚ಸ್ಯ | ದು॒ಷ್ಟರ॒ಸ್ತರ॒ನ್ನರಾ᳚ತೀ॒ರ್ವರ್ಚೋ᳚ ಧಾ ಯ॒ಜ್ಞವಾ᳚ಹಸೇ ||{3.24.1}, {3.2.12.1}, {3.1.24.1} |
| 204 | ಅಗ್ನ॑ ಇ॒ಳಾ ಸಮಿ॑ಧ್ಯಸೇ ವೀ॒ತಿಹೋ᳚ತ್ರೋ॒ ಅಮ॑ರ್ತ್ಯಃ | ಜು॒ಷಸ್ವ॒ ಸೂ ನೋ᳚ ಅಧ್ವ॒ರಂ ||{3.24.2}, {3.2.12.2}, {3.1.24.2} |
| 205 | ಅಗ್ನೇ᳚ ದ್ಯು॒ಮ್ನೇನ॑ ಜಾಗೃವೇ॒ ಸಹ॑ಸಃ ಸೂನವಾಹುತ | ಏದಂ ಬ॒ರ್ಹಿಃ ಸ॑ದೋ॒ ಮಮ॑ ||{3.24.3}, {3.2.12.3}, {3.1.24.3} |
| 206 | ಅಗ್ನೇ॒ ವಿಶ್ವೇ᳚ಭಿರ॒ಗ್ನಿಭಿ᳚ರ್ದೇ॒ವೇಭಿ᳚ರ್ಮಹಯಾ॒ ಗಿರಃ॑ | ಯ॒ಜ್ಞೇಷು॒ ಯ ಉ॑ ಚಾ॒ಯವಃ॑ ||{3.24.4}, {3.2.12.4}, {3.1.24.4} |
| 207 | ಅಗ್ನೇ॒ ದಾ ದಾ॒ಶುಷೇ᳚ ರ॒ಯಿಂ ವೀ॒ರವಂ᳚ತಂ॒ ಪರೀ᳚ಣಸಂ | ಶಿ॒ಶೀ॒ಹಿ ನಃ॑ ಸೂನು॒ಮತಃ॑ ||{3.24.5}, {3.2.12.5}, {3.1.24.5} |
| [25] (1-5) ಅಗ್ನೇದಿವ ಇತಿ ಪಂಚರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | (1-3, 5) ಪ್ರಥಮಾದಿತೃಚಸ್ಯ ಪಂಚಮ್ಯಾ ಋಚಶ್ಚಾಗ್ನಿಃ (4) ಚತುರ್ಥ್ಯಾಶ್ಚಂದ್ರಾಗ್ನೀ ದೇವತೇ | ವಿರಾಳನುಷ್ಟುಪ್ ಛಂದಃ || | |
| 208 | ಅಗ್ನೇ᳚ ದಿ॒ವಃ ಸೂ॒ನುರ॑ಸಿ॒ ಪ್ರಚೇ᳚ತಾ॒ಸ್ತನಾ᳚ ಪೃಥಿ॒ವ್ಯಾ ಉ॒ತ ವಿ॒ಶ್ವವೇ᳚ದಾಃ | ಋಧ॑ಗ್ದೇ॒ವಾಁ ಇ॒ಹ ಯ॑ಜಾ ಚಿಕಿತ್ವಃ ||{3.25.1}, {3.2.13.1}, {3.1.25.1} |
| 209 | ಅ॒ಗ್ನಿಃ ಸ॑ನೋತಿ ವೀ॒ರ್ಯಾ᳚ಣಿ ವಿ॒ದ್ವಾನ್ಸ॒ನೋತಿ॒ ವಾಜ॑ಮ॒ಮೃತಾ᳚ಯ॒ ಭೂಷ॑ನ್ | ಸ ನೋ᳚ ದೇ॒ವಾಁ ಏಹ ವ॑ಹಾ ಪುರುಕ್ಷೋ ||{3.25.2}, {3.2.13.2}, {3.1.25.2} |
| 210 | ಅ॒ಗ್ನಿರ್ದ್ಯಾವಾ᳚ಪೃಥಿ॒ವೀ ವಿ॒ಶ್ವಜ᳚ನ್ಯೇ॒ ಆ ಭಾ᳚ತಿ ದೇ॒ವೀ ಅ॒ಮೃತೇ॒ ಅಮೂ᳚ರಃ | ಕ್ಷಯ॒ನ್ವಾಜೈಃ᳚ ಪುರುಶ್ಚಂ॒ದ್ರೋ ನಮೋ᳚ಭಿಃ ||{3.25.3}, {3.2.13.3}, {3.1.25.3} |
| 211 | ಅಗ್ನ॒ ಇಂದ್ರ॑ಶ್ಚ ದಾ॒ಶುಷೋ᳚ ದುರೋ॒ಣೇ ಸು॒ತಾವ॑ತೋ ಯ॒ಜ್ಞಮಿ॒ಹೋಪ॑ ಯಾತಂ | ಅಮ॑ರ್ಧಂತಾ ಸೋಮ॒ಪೇಯಾ᳚ಯ ದೇವಾ ||{3.25.4}, {3.2.13.4}, {3.1.25.4} |
| 212 | ಅಗ್ನೇ᳚ ಅ॒ಪಾಂ ಸಮಿ॑ಧ್ಯಸೇ ದುರೋ॒ಣೇ ನಿತ್ಯಃ॑ ಸೂನೋ ಸಹಸೋ ಜಾತವೇದಃ | ಸ॒ಧಸ್ಥಾ᳚ನಿ ಮ॒ಹಯ॑ಮಾನ ಊ॒ತೀ ||{3.25.5}, {3.2.13.5}, {3.1.25.5} |
| [26] (1-9) ವೈಶ್ವಾನರಮಿತಿ ನವರ್ಚಸ್ಯ ಸೂಕ್ತಸ್ಯ (1-6, 8-9) ಪ್ರಥಮತೃಚದ್ವಯಸ್ಯ ಅಷ್ಟಮೀನವಮ್ಯೋರ್‌ಋಚೋಶ್ಚ ಗಾಥಿನೋ ವಿಶ್ವಾಮಿತ್ರಃ (7) ಸಪ್ತಮ್ಯಾಶ್ಚ ಆತ್ಮ ಋಷೀ | (1-3) ಪ್ರಥಮಾದಿತೃಚಸ್ಯ ವೈಶ್ವಾನರೋಽಗ್ನಿಃ (4-6) ಚತುರ್ಥ್ಯಾದಿತೃಚಸ್ಯ ಮರುತಃ (7-8) ಸಪ್ತಮ್ಯ ಅಷ್ಟಮ್ಯೋರ್‌ಋಚೋರಗ್ನಿಃ ಪರಂ ಬ್ರಹ್ಮ ವಾ (9) ನವಮ್ಯಾಶ್ಚ ವಿಶ್ವಾಮಿತ್ರೋಪಾಧ್ಯಾಯೋ ದೇವತಾಃ | (1-6) ಪ್ರಥಮತೃಚದ್ವಯಸ್ಯ ಜಗತೀ (7-9) ತೃತೀಯತೃಚಸ್ಯ ಚ ತ್ರಿಷ್ಟುಪ್ ಛಂದಸೀ || | |
| 213 | ವೈ॒ಶ್ವಾ॒ನ॒ರಂ ಮನ॑ಸಾ॒ಗ್ನಿಂ ನಿ॒ಚಾಯ್ಯಾ᳚ ಹ॒ವಿಷ್ಮಂ᳚ತೋ ಅನುಷ॒ತ್ಯಂ ಸ್ವ॒ರ್ವಿದಂ᳚ | ಸು॒ದಾನುಂ᳚ ದೇ॒ವಂ ರ॑ಥಿ॒ರಂ ವ॑ಸೂ॒ಯವೋ᳚ ಗೀ॒ರ್ಭೀ ರ॒ಣ್ವಂ ಕು॑ಶಿ॒ಕಾಸೋ᳚ ಹವಾಮಹೇ ||{3.26.1}, {3.2.14.1}, {3.1.26.1} |
| 214 | ತಂ ಶು॒ಭ್ರಮ॒ಗ್ನಿಮವ॑ಸೇ ಹವಾಮಹೇ ವೈಶ್ವಾನ॒ರಂ ಮಾ᳚ತ॒ರಿಶ್ವಾ᳚ನಮು॒ಕ್ಥ್ಯಂ᳚ | ಬೃಹ॒ಸ್ಪತಿಂ॒ ಮನು॑ಷೋ ದೇ॒ವತಾ᳚ತಯೇ॒ ವಿಪ್ರಂ॒ ಶ್ರೋತಾ᳚ರ॒ಮತಿ॑ಥಿಂ ರಘು॒ಷ್ಯದಂ᳚ ||{3.26.2}, {3.2.14.2}, {3.1.26.2} |
| 215 | ಅಶ್ವೋ॒ ನ ಕ್ರಂದಂ॒ಜನಿ॑ಭಿಃ॒ ಸಮಿ॑ಧ್ಯತೇ ವೈಶ್ವಾನ॒ರಃ ಕು॑ಶಿ॒ಕೇಭಿ᳚ರ್ಯು॒ಗೇಯು॑ಗೇ | ಸ ನೋ᳚ ಅ॒ಗ್ನಿಃ ಸು॒ವೀರ್ಯಂ॒ ಸ್ವಶ್ವ್ಯಂ॒ ದಧಾ᳚ತು॒ ರತ್ನ॑ಮ॒ಮೃತೇ᳚ಷು॒ ಜಾಗೃ॑ವಿಃ ||{3.26.3}, {3.2.14.3}, {3.1.26.3} |
| 216 | ಪ್ರ ಯಂ᳚ತು॒ ವಾಜಾ॒ಸ್ತವಿ॑ಷೀಭಿರ॒ಗ್ನಯಃ॑ ಶು॒ಭೇ ಸಮ್ಮಿ॑ಶ್ಲಾಃ॒ ಪೃಷ॑ತೀರಯುಕ್ಷತ | ಬೃ॒ಹ॒ದುಕ್ಷೋ᳚ ಮ॒ರುತೋ᳚ ವಿ॒ಶ್ವವೇ᳚ದಸಃ॒ ಪ್ರ ವೇ᳚ಪಯಂತಿ॒ ಪರ್ವ॑ತಾಁ॒ ಅದಾ᳚ಭ್ಯಾಃ ||{3.26.4}, {3.2.14.4}, {3.1.26.4} |
| 217 | ಅ॒ಗ್ನಿ॒ಶ್ರಿಯೋ᳚ ಮ॒ರುತೋ᳚ ವಿ॒ಶ್ವಕೃ॑ಷ್ಟಯ॒ ಆ ತ್ವೇ॒ಷಮು॒ಗ್ರಮವ॑ ಈಮಹೇ ವ॒ಯಂ | ತೇ ಸ್ವಾ॒ನಿನೋ᳚ ರು॒ದ್ರಿಯಾ᳚ ವ॒ರ್ಷನಿ᳚ರ್ಣಿಜಃ ಸಿಂ॒ಹಾ ನ ಹೇ॒ಷಕ್ರ॑ತವಃ ಸು॒ದಾನ॑ವಃ ||{3.26.5}, {3.2.14.5}, {3.1.26.5} |
| 218 | ವ್ರಾತಂ᳚ವ್ರಾತಂ ಗ॒ಣಂಗ॑ಣಂ ಸುಶ॒ಸ್ತಿಭಿ॑ರ॒ಗ್ನೇರ್ಭಾಮಂ᳚ ಮ॒ರುತಾ॒ಮೋಜ॑ ಈಮಹೇ | ಪೃಷ॑ದಶ್ವಾಸೋ ಅನವ॒ಭ್ರರಾ᳚ಧಸೋ॒ ಗಂತಾ᳚ರೋ ಯ॒ಜ್ಞಂ ವಿ॒ದಥೇ᳚ಷು॒ ಧೀರಾಃ᳚ ||{3.26.6}, {3.2.14.6}, {3.1.27.1} |
| 219 | ಅ॒ಗ್ನಿರ॑ಸ್ಮಿ॒ ಜನ್ಮ॑ನಾ ಜಾ॒ತವೇ᳚ದಾ ಘೃ॒ತಂ ಮೇ॒ ಚಕ್ಷು॑ರ॒ಮೃತಂ᳚ ಮ ಆ॒ಸನ್ | ಅ॒ರ್ಕಸ್ತ್ರಿ॒ಧಾತೂ॒ ರಜ॑ಸೋ ವಿ॒ಮಾನೋಽಜ॑ಸ್ರೋ ಘ॒ರ್ಮೋ ಹ॒ವಿರ॑ಸ್ಮಿ॒ ನಾಮ॑ ||{3.26.7}, {3.2.14.7}, {3.1.27.2} |
| 220 | ತ್ರಿ॒ಭಿಃ ಪ॒ವಿತ್ರೈ॒ರಪು॑ಪೋ॒ದ್ಧ್ಯ೧॑(ಅ॒)ರ್ಕಂ ಹೃ॒ದಾ ಮ॒ತಿಂ ಜ್ಯೋತಿ॒ರನು॑ ಪ್ರಜಾ॒ನನ್ | ವರ್ಷಿ॑ಷ್ಠಂ॒ ರತ್ನ॑ಮಕೃತ ಸ್ವ॒ಧಾಭಿ॒ರಾದಿದ್ದ್ಯಾವಾ᳚ಪೃಥಿ॒ವೀ ಪರ್ಯ॑ಪಶ್ಯತ್ ||{3.26.8}, {3.2.14.8}, {3.1.27.3} |
| 221 | ಶ॒ತಧಾ᳚ರ॒ಮುತ್ಸ॒ಮಕ್ಷೀ᳚ಯಮಾಣಂ ವಿಪ॒ಶ್ಚಿತಂ᳚ ಪಿ॒ತರಂ॒ ವಕ್ತ್ವಾ᳚ನಾಂ | ಮೇ॒ಳಿಂ ಮದಂ᳚ತಂ ಪಿ॒ತ್ರೋರು॒ಪಸ್ಥೇ॒ ತಂ ರೋ᳚ದಸೀ ಪಿಪೃತಂ ಸತ್ಯ॒ವಾಚಂ᳚ ||{3.26.9}, {3.2.14.9}, {3.1.27.4} |
| [27] (1-15) ಪ್ರವೋವಾಜಾ ಇತಿ ಪಂಚದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | (1-15) ಪಂಚದಶರ್ಚಾಮಗ್ನಿಃ (1) ಪ್ರಥಮಾಯಾ ಋತವೋ ವಾ ದೇವತಾಃ | ಗಾಯತ್ರೀ ಛಂದಃ || | |
| 222 | ಪ್ರ ವೋ॒ ವಾಜಾ᳚ ಅ॒ಭಿದ್ಯ॑ವೋ ಹ॒ವಿಷ್ಮಂ᳚ತೋ ಘೃ॒ತಾಚ್ಯಾ᳚ | ದೇ॒ವಾಂಜಿ॑ಗಾತಿ ಸುಮ್ನ॒ಯುಃ ||{3.27.1}, {3.2.15.1}, {3.1.28.1} |
| 223 | ಈಳೇ᳚ ಅ॒ಗ್ನಿಂ ವಿ॑ಪ॒ಶ್ಚಿತಂ᳚ ಗಿ॒ರಾ ಯ॒ಜ್ಞಸ್ಯ॒ ಸಾಧ॑ನಂ | ಶ್ರು॒ಷ್ಟೀ॒ವಾನಂ᳚ ಧಿ॒ತಾವಾ᳚ನಂ ||{3.27.2}, {3.2.15.2}, {3.1.28.2} |
| 224 | ಅಗ್ನೇ᳚ ಶ॒ಕೇಮ॑ ತೇ ವ॒ಯಂ ಯಮಂ᳚ ದೇ॒ವಸ್ಯ॑ ವಾ॒ಜಿನಃ॑ | ಅತಿ॒ ದ್ವೇಷಾಂ᳚ಸಿ ತರೇಮ ||{3.27.3}, {3.2.15.3}, {3.1.28.3} |
| 225 | ಸ॒ಮಿ॒ಧ್ಯಮಾ᳚ನೋ ಅಧ್ವ॒ರೇ॒೩॑(ಏ॒)ಽಗ್ನಿಃ ಪಾ᳚ವ॒ಕ ಈಡ್ಯಃ॑ | ಶೋ॒ಚಿಷ್ಕೇ᳚ಶ॒ಸ್ತಮೀ᳚ಮಹೇ ||{3.27.4}, {3.2.15.4}, {3.1.28.4} |
| 226 | ಪೃ॒ಥು॒ಪಾಜಾ॒ ಅಮ॑ರ್ತ್ಯೋ ಘೃ॒ತನಿ᳚ರ್ಣಿ॒ಕ್ಸ್ವಾ᳚ಹುತಃ | ಅ॒ಗ್ನಿರ್ಯ॒ಜ್ಞಸ್ಯ॑ ಹವ್ಯ॒ವಾಟ್ ||{3.27.5}, {3.2.15.5}, {3.1.28.5} |
| 227 | ತಂ ಸ॒ಬಾಧೋ᳚ ಯ॒ತಸ್ರು॑ಚ ಇ॒ತ್ಥಾ ಧಿ॒ಯಾ ಯ॒ಜ್ಞವಂ᳚ತಃ | ಆ ಚ॑ಕ್ರುರ॒ಗ್ನಿಮೂ॒ತಯೇ᳚ ||{3.27.6}, {3.2.15.6}, {3.1.29.1} |
| 228 | ಹೋತಾ᳚ ದೇ॒ವೋ ಅಮ॑ರ್ತ್ಯಃ ಪು॒ರಸ್ತಾ᳚ದೇತಿ ಮಾ॒ಯಯಾ᳚ | ವಿ॒ದಥಾ᳚ನಿ ಪ್ರಚೋ॒ದಯ॑ನ್ ||{3.27.7}, {3.2.15.7}, {3.1.29.2} |
| 229 | ವಾ॒ಜೀ ವಾಜೇ᳚ಷು ಧೀಯತೇಽಧ್ವ॒ರೇಷು॒ ಪ್ರ ಣೀ᳚ಯತೇ | ವಿಪ್ರೋ᳚ ಯ॒ಜ್ಞಸ್ಯ॒ ಸಾಧ॑ನಃ ||{3.27.8}, {3.2.15.8}, {3.1.29.3} |
| 230 | ಧಿ॒ಯಾ ಚ॑ಕ್ರೇ॒ ವರೇ᳚ಣ್ಯೋ ಭೂ॒ತಾನಾಂ॒ ಗರ್ಭ॒ಮಾ ದ॑ಧೇ | ದಕ್ಷ॑ಸ್ಯ ಪಿ॒ತರಂ॒ ತನಾ᳚ ||{3.27.9}, {3.2.15.9}, {3.1.29.4} |
| 231 | ನಿ ತ್ವಾ᳚ ದಧೇ॒ ವರೇ᳚ಣ್ಯಂ॒ ದಕ್ಷ॑ಸ್ಯೇ॒ಳಾ ಸ॑ಹಸ್ಕೃತ | ಅಗ್ನೇ᳚ ಸುದೀ॒ತಿಮು॒ಶಿಜಂ᳚ ||{3.27.10}, {3.2.15.10}, {3.1.29.5} |
| 232 | ಅ॒ಗ್ನಿಂ ಯಂ॒ತುರ॑ಮ॒ಪ್ತುರ॑ಮೃ॒ತಸ್ಯ॒ ಯೋಗೇ᳚ ವ॒ನುಷಃ॑ | ವಿಪ್ರಾ॒ ವಾಜೈಃ॒ ಸಮಿಂ᳚ಧತೇ ||{3.27.11}, {3.2.15.11}, {3.1.30.1} |
| 233 | ಊ॒ರ್ಜೋ ನಪಾ᳚ತಮಧ್ವ॒ರೇ ದೀ᳚ದಿ॒ವಾಂಸ॒ಮುಪ॒ ದ್ಯವಿ॑ | ಅ॒ಗ್ನಿಮೀ᳚ಳೇ ಕ॒ವಿಕ್ರ॑ತುಂ ||{3.27.12}, {3.2.15.12}, {3.1.30.2} |
| 234 | ಈ॒ಳೇನ್ಯೋ᳚ ನಮ॒ಸ್ಯ॑ಸ್ತಿ॒ರಸ್ತಮಾಂ᳚ಸಿ ದರ್ಶ॒ತಃ | ಸಮ॒ಗ್ನಿರಿ॑ಧ್ಯತೇ॒ ವೃಷಾ᳚ ||{3.27.13}, {3.2.15.13}, {3.1.30.3} |
| 235 | ವೃಷೋ᳚ ಅ॒ಗ್ನಿಃ ಸಮಿ॑ಧ್ಯ॒ತೇಽಶ್ವೋ॒ ನ ದೇ᳚ವ॒ವಾಹ॑ನಃ | ತಂ ಹ॒ವಿಷ್ಮಂ᳚ತ ಈಳತೇ ||{3.27.14}, {3.2.15.14}, {3.1.30.4} |
| 236 | ವೃಷ॑ಣಂ ತ್ವಾ ವ॒ಯಂ ವೃ॑ಷ॒ನ್ವೃಷ॑ಣಃ॒ ಸಮಿ॑ಧೀಮಹಿ | ಅಗ್ನೇ॒ ದೀದ್ಯ॑ತಂ ಬೃ॒ಹತ್ ||{3.27.15}, {3.2.15.15}, {3.1.30.5} |
| [28] (1-6) ಅಗ್ನೇಜುಷಸ್ವೇತಿ ಷಳೃರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಅಗ್ನಿರ್ದೇವತಾ | (1-2, 6) ಪ್ರಥಮಾದ್ವಿತೀಯಯೋರ್‌ಋಚೋಃ ಷಷ್ಠ್ಯಾಶ್ಚ ಗಾಯತ್ರೀ (3) ತೃತೀಯಾಯಾ ಉಷ್ಣಿಕ್ (4) ಚತುರ್ಥ್ಯಾಸ್ತ್ರಿಷ್ಟುಪ್ (5) ಪಂಚಮ್ಯಾಶ್ಚ ಜಗತೀ ಛಂದಾಂಸಿ || | |
| 237 | ಅಗ್ನೇ᳚ ಜು॒ಷಸ್ವ॑ ನೋ ಹ॒ವಿಃ ಪು॑ರೋ॒ಳಾಶಂ᳚ ಜಾತವೇದಃ | ಪ್ರಾ॒ತಃ॒ಸಾ॒ವೇ ಧಿ॑ಯಾವಸೋ ||{3.28.1}, {3.2.16.1}, {3.1.31.1} |
| 238 | ಪು॒ರೋ॒ಳಾ ಅ॑ಗ್ನೇ ಪಚ॒ತಸ್ತುಭ್ಯಂ᳚ ವಾ ಘಾ॒ ಪರಿ॑ಷ್ಕೃತಃ | ತಂ ಜು॑ಷಸ್ವ ಯವಿಷ್ಠ್ಯ ||{3.28.2}, {3.2.16.2}, {3.1.31.2} |
| 239 | ಅಗ್ನೇ᳚ ವೀ॒ಹಿ ಪು॑ರೋ॒ಳಾಶ॒ಮಾಹು॑ತಂ ತಿ॒ರೋಅ᳚ಹ್ನ್ಯಂ | ಸಹ॑ಸಃ ಸೂ॒ನುರ॑ಸ್ಯಧ್ವ॒ರೇ ಹಿ॒ತಃ ||{3.28.3}, {3.2.16.3}, {3.1.31.3} |
| 240 | ಮಾಧ್ಯಂ᳚ದಿನೇ॒ ಸವ॑ನೇ ಜಾತವೇದಃ ಪುರೋ॒ಳಾಶ॑ಮಿ॒ಹ ಕ॑ವೇ ಜುಷಸ್ವ | ಅಗ್ನೇ᳚ ಯ॒ಹ್ವಸ್ಯ॒ ತವ॑ ಭಾಗ॒ಧೇಯಂ॒ ನ ಪ್ರ ಮಿ॑ನಂತಿ ವಿ॒ದಥೇ᳚ಷು॒ ಧೀರಾಃ᳚ ||{3.28.4}, {3.2.16.4}, {3.1.31.4} |
| 241 | ಅಗ್ನೇ᳚ ತೃ॒ತೀಯೇ॒ ಸವ॑ನೇ॒ ಹಿ ಕಾನಿ॑ಷಃ ಪುರೋ॒ಳಾಶಂ᳚ ಸಹಸಃ ಸೂನ॒ವಾಹು॑ತಂ | ಅಥಾ᳚ ದೇ॒ವೇಷ್ವ॑ಧ್ವ॒ರಂ ವಿ॑ಪ॒ನ್ಯಯಾ॒ ಧಾ ರತ್ನ॑ವಂತಮ॒ಮೃತೇ᳚ಷು॒ ಜಾಗೃ॑ವಿಂ ||{3.28.5}, {3.2.16.5}, {3.1.31.5} |
| 242 | ಅಗ್ನೇ᳚ ವೃಧಾ॒ನ ಆಹು॑ತಿಂ ಪುರೋ॒ಳಾಶಂ᳚ ಜಾತವೇದಃ | ಜು॒ಷಸ್ವ॑ ತಿ॒ರೋಅ᳚ಹ್ನ್ಯಂ ||{3.28.6}, {3.2.16.6}, {3.1.31.6} |
| [29] (1-16) ಅಸ್ತೀದಮಿತಿ ಷೋಳಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | (1-4, 6-16) ಪ್ರಥಮಾದಿಚತುರ್‌ಋಚಾಂ ಷಷ್ಠ್ಯಾದ್ ಏಕಾದಶಾನಾಂಚಾಗ್ನಿಃ (5) ಪಂಚಮ್ಯಾಶ್ಚ ಅಗ್ನಿರೃತ್ವಿಜೋ ವಾ ದೇವತಾಃ | (1, 4, 10, 12) ಪ್ರಥಮಾಚತುರ್ಥೀದಶಮೀದ್ವಾದಶೀನಾಮನುಷ್ಟುಪ್ (2, 3, 5, 7-9, 13, 16) ದ್ವಿತೀಯಾತೃತೀಯಯೋಃ ಪಂಚಮ್ಯಾಃ ಸಪ್ತಮ್ಯಾದಿತೃಚಸ್ಯ ತ್ರಯೋದಶೀಷೋಡಶ್ಯೋಶ್ಚ ತ್ರಿಷ್ಟುಪ್ (6, 11, 14, 15) ಷಷ್ಠ್ಯೇ ಏಕಾದಶೀಚತುರ್ದಶೀಪಂಚದಶೀನಾಂಚ ಜಗತೀ ಛಂದಾಂಸಿ || | |
| 243 | ಅಸ್ತೀ॒ದಮ॑ಧಿ॒ಮಂಥ॑ನ॒ಮಸ್ತಿ॑ ಪ್ರ॒ಜನ॑ನಂ ಕೃ॒ತಂ | ಏ॒ತಾಂ ವಿ॒ಶ್ಪತ್ನೀ॒ಮಾ ಭ॑ರಾ॒ಗ್ನಿಂ ಮಂ᳚ಥಾಮ ಪೂ॒ರ್ವಥಾ᳚ ||{3.29.1}, {3.2.17.1}, {3.1.32.1} |
| 244 | ಅ॒ರಣ್ಯೋ॒ರ್ನಿಹಿ॑ತೋ ಜಾ॒ತವೇ᳚ದಾ॒ ಗರ್ಭ॑ ಇವ॒ ಸುಧಿ॑ತೋ ಗ॒ರ್ಭಿಣೀ᳚ಷು | ದಿ॒ವೇದಿ॑ವ॒ ಈಡ್ಯೋ᳚ ಜಾಗೃ॒ವದ್ಭಿ॑ರ್ಹ॒ವಿಷ್ಮ॑ದ್ಭಿರ್‌ಮನು॒ಷ್ಯೇ᳚ಭಿರ॒ಗ್ನಿಃ ||{3.29.2}, {3.2.17.2}, {3.1.32.2} |
| 245 | ಉ॒ತ್ತಾ॒ನಾಯಾ॒ಮವ॑ ಭರಾ ಚಿಕಿ॒ತ್ವಾನ್ಸ॒ದ್ಯಃ ಪ್ರವೀ᳚ತಾ॒ ವೃಷ॑ಣಂ ಜಜಾನ | ಅ॒ರು॒ಷಸ್ತೂ᳚ಪೋ॒ ರುಶ॑ದಸ್ಯ॒ ಪಾಜ॒ ಇಳಾ᳚ಯಾಸ್ಪು॒ತ್ರೋ ವ॒ಯುನೇ᳚ಽಜನಿಷ್ಟ ||{3.29.3}, {3.2.17.3}, {3.1.32.3} |
| 246 | ಇಳಾ᳚ಯಾಸ್ತ್ವಾ ಪ॒ದೇ ವ॒ಯಂ ನಾಭಾ᳚ ಪೃಥಿ॒ವ್ಯಾ ಅಧಿ॑ | ಜಾತ॑ವೇದೋ॒ ನಿ ಧೀ᳚ಮ॒ಹ್ಯಗ್ನೇ᳚ ಹ॒ವ್ಯಾಯ॒ ವೋಳ್ಹ॑ವೇ ||{3.29.4}, {3.2.17.4}, {3.1.32.4} |
| 247 | ಮಂಥ॑ತಾ ನರಃ ಕ॒ವಿಮದ್ವ॑ಯಂತಂ॒ ಪ್ರಚೇ᳚ತಸಮ॒ಮೃತಂ᳚ ಸು॒ಪ್ರತೀ᳚ಕಂ | ಯ॒ಜ್ಞಸ್ಯ॑ ಕೇ॒ತುಂ ಪ್ರ॑ಥ॒ಮಂ ಪು॒ರಸ್ತಾ᳚ದ॒ಗ್ನಿಂ ನ॑ರೋ ಜನಯತಾ ಸು॒ಶೇವಂ᳚ ||{3.29.5}, {3.2.17.5}, {3.1.32.5} |
| 248 | ಯದೀ॒ ಮಂಥಂ᳚ತಿ ಬಾ॒ಹುಭಿ॒ರ್ವಿ ರೋ᳚ಚ॒ತೇಽಶ್ವೋ॒ ನ ವಾ॒ಜ್ಯ॑ರು॒ಷೋ ವನೇ॒ಷ್ವಾ | ಚಿ॒ತ್ರೋ ನ ಯಾಮ᳚ನ್ನ॒ಶ್ವಿನೋ॒ರನಿ॑ವೃತಃ॒ ಪರಿ॑ ವೃಣ॒ಕ್‌ತ್ಯಶ್ಮ॑ನ॒ಸ್ತೃಣಾ॒ ದಹ॑ನ್ ||{3.29.6}, {3.2.17.6}, {3.1.33.1} |
| 249 | ಜಾ॒ತೋ ಅ॒ಗ್ನೀ ರೋ᳚ಚತೇ॒ ಚೇಕಿ॑ತಾನೋ ವಾ॒ಜೀ ವಿಪ್ರಃ॑ ಕವಿಶ॒ಸ್ತಃ ಸು॒ದಾನುಃ॑ | ಯಂ ದೇ॒ವಾಸ॒ ಈಡ್ಯಂ᳚ ವಿಶ್ವ॒ವಿದಂ᳚ ಹವ್ಯ॒ವಾಹ॒ಮದ॑ಧುರಧ್ವ॒ರೇಷು॑ ||{3.29.7}, {3.2.17.7}, {3.1.33.2} |
| 250 | ಸೀದ॑ ಹೋತಃ॒ ಸ್ವ ಉ॑ ಲೋ॒ಕೇ ಚಿ॑ಕಿ॒ತ್ವಾನ್ಸಾ॒ದಯಾ᳚ ಯ॒ಜ್ಞಂ ಸು॑ಕೃ॒ತಸ್ಯ॒ ಯೋನೌ᳚ | ದೇ॒ವಾ॒ವೀರ್‌ದೇ॒ವಾನ್ಹ॒ವಿಷಾ᳚ ಯಜಾ॒ಸ್ಯಗ್ನೇ᳚ ಬೃ॒ಹದ್ಯಜ॑ಮಾನೇ॒ ವಯೋ᳚ ಧಾಃ ||{3.29.8}, {3.2.17.8}, {3.1.33.3} |
| 251 | ಕೃ॒ಣೋತ॑ ಧೂ॒ಮಂ ವೃಷ॑ಣಂ ಸಖಾ॒ಯೋಽಸ್ರೇ᳚ಧಂತ ಇತನ॒ ವಾಜ॒ಮಚ್ಛ॑ | ಅ॒ಯಮ॒ಗ್ನಿಃ ಪೃ॑ತನಾ॒ಷಾಟ್ಸು॒ವೀರೋ॒ ಯೇನ॑ ದೇ॒ವಾಸೋ॒ ಅಸ॑ಹಂತ॒ ದಸ್ಯೂ॑ನ್ ||{3.29.9}, {3.2.17.9}, {3.1.33.4} |
| 252 | ಅ॒ಯಂ ತೇ॒ ಯೋನಿ॑ರೃ॒ತ್ವಿಯೋ॒ ಯತೋ᳚ ಜಾ॒ತೋ ಅರೋ᳚ಚಥಾಃ | ತಂ ಜಾ॒ನನ್ನ॑ಗ್ನ॒ ಆ ಸೀ॒ದಾಥಾ᳚ ನೋ ವರ್ಧಯಾ॒ ಗಿರಃ॑ ||{3.29.10}, {3.2.17.10}, {3.1.33.5} |
| 253 | ತನೂ॒ನಪಾ᳚ದುಚ್ಯತೇ॒ ಗರ್ಭ॑ ಆಸು॒ರೋ ನರಾ॒ಶಂಸೋ᳚ ಭವತಿ॒ ಯದ್ವಿ॒ಜಾಯ॑ತೇ | ಮಾ॒ತ॒ರಿಶ್ವಾ॒ ಯದಮಿ॑ಮೀತ ಮಾ॒ತರಿ॒ ವಾತ॑ಸ್ಯ॒ ಸರ್ಗೋ᳚ ಅಭವ॒ತ್ಸರೀ᳚ಮಣಿ ||{3.29.11}, {3.2.17.11}, {3.1.34.1} |
| 254 | ಸು॒ನಿ॒ರ್ಮಥಾ॒ ನಿರ್ಮ॑ಥಿತಃ ಸುನಿ॒ಧಾ ನಿಹಿ॑ತಃ ಕ॒ವಿಃ | ಅಗ್ನೇ᳚ ಸ್ವಧ್ವ॒ರಾ ಕೃ॑ಣು ದೇ॒ವಾಂದೇ᳚ವಯ॒ತೇ ಯ॑ಜ ||{3.29.12}, {3.2.17.12}, {3.1.34.2} |
| 255 | ಅಜೀ᳚ಜನನ್‌ನ॒ಮೃತಂ॒ ಮರ್ತ್ಯಾ᳚ಸೋಽಸ್ರೇ॒ಮಾಣಂ᳚ ತ॒ರಣಿಂ᳚ ವೀ॒ಳುಜಂ᳚ಭಂ | ದಶ॒ ಸ್ವಸಾ᳚ರೋ ಅ॒ಗ್ರುವಃ॑ ಸಮೀ॒ಚೀಃ ಪುಮಾಂ᳚ಸಂ ಜಾ॒ತಮ॒ಭಿ ಸಂ ರ॑ಭಂತೇ ||{3.29.13}, {3.2.17.13}, {3.1.34.3} |
| 256 | ಪ್ರ ಸ॒ಪ್ತಹೋ᳚ತಾ ಸನ॒ಕಾದ॑ರೋಚತ ಮಾ॒ತುರು॒ಪಸ್ಥೇ॒ ಯದಶೋ᳚ಚ॒ದೂಧ॑ನಿ | ನ ನಿ ಮಿ॑ಷತಿ ಸು॒ರಣೋ᳚ ದಿ॒ವೇದಿ॑ವೇ॒ ಯದಸು॑ರಸ್ಯ ಜ॒ಠರಾ॒ದಜಾ᳚ಯತ ||{3.29.14}, {3.2.17.14}, {3.1.34.4} |
| 257 | ಅ॒ಮಿ॒ತ್ರಾ॒ಯುಧೋ᳚ ಮ॒ರುತಾ᳚ಮಿವ ಪ್ರ॒ಯಾಃ ಪ್ರ॑ಥಮ॒ಜಾ ಬ್ರಹ್ಮ॑ಣೋ॒ ವಿಶ್ವ॒ಮಿದ್ವಿ॑ದುಃ | ದ್ಯು॒ಮ್ನವ॒ದ್ಬ್ರಹ್ಮ॑ ಕುಶಿ॒ಕಾಸ॒ ಏರಿ॑ರ॒ ಏಕ॑ಏಕೋ॒ ದಮೇ᳚ ಅ॒ಗ್ನಿಂ ಸಮೀ᳚ಧಿರೇ ||{3.29.15}, {3.2.17.15}, {3.1.34.5} |
| 258 | ಯದ॒ದ್ಯ ತ್ವಾ᳚ ಪ್ರಯ॒ತಿ ಯ॒ಜ್ಞೇ ಅ॒ಸ್ಮಿನ್ಹೋತ॑ಶ್ಚಿಕಿ॒ತ್ವೋಽವೃ॑ಣೀಮಹೀ॒ಹ | ಧ್ರು॒ವಮ॑ಯಾ ಧ್ರು॒ವಮು॒ತಾಶ॑ಮಿಷ್ಠಾಃ ಪ್ರಜಾ॒ನನ್ವಿ॒ದ್ವಾಁ ಉಪ॑ ಯಾಹಿ॒ ಸೋಮಂ᳚ ||{3.29.16}, {3.2.17.16}, {3.1.34.6} |
| [30] (1-22) ಇಚ್ಛಂತಿತ್ವೇತಿ ದ್ವಾವಿಂಶತ್ಯೃಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 259 | ಇ॒ಚ್ಛಂತಿ॑ ತ್ವಾ ಸೋ॒ಮ್ಯಾಸಃ॒ ಸಖಾ᳚ಯಃ ಸು॒ನ್ವಂತಿ॒ ಸೋಮಂ॒ ದಧ॑ತಿ॒ ಪ್ರಯಾಂ᳚ಸಿ | ತಿತಿ॑ಕ್ಷಂತೇ ಅ॒ಭಿಶ॑ಸ್ತಿಂ॒ ಜನಾ᳚ನಾ॒ಮಿಂದ್ರ॒ ತ್ವದಾ ಕಶ್ಚ॒ನ ಹಿ ಪ್ರ॑ಕೇ॒ತಃ ||{3.30.1}, {3.3.1.1}, {3.2.1.1} |
| 260 | ನ ತೇ᳚ ದೂ॒ರೇ ಪ॑ರ॒ಮಾ ಚಿ॒ದ್ರಜಾಂ॒ಸ್ಯಾ ತು ಪ್ರ ಯಾ᳚ಹಿ ಹರಿವೋ॒ ಹರಿ॑ಭ್ಯಾಂ | ಸ್ಥಿ॒ರಾಯ॒ ವೃಷ್ಣೇ॒ ಸವ॑ನಾ ಕೃ॒ತೇಮಾ ಯು॒ಕ್ತಾ ಗ್ರಾವಾ᳚ಣಃ ಸಮಿಧಾ॒ನೇ ಅ॒ಗ್ನೌ ||{3.30.2}, {3.3.1.2}, {3.2.1.2} |
| 261 | ಇಂದ್ರಃ॑ ಸು॒ಶಿಪ್ರೋ᳚ ಮ॒ಘವಾ॒ ತರು॑ತ್ರೋ ಮ॒ಹಾವ್ರಾ᳚ತಸ್ತುವಿಕೂ॒ರ್ಮಿರೃಘಾ᳚ವಾನ್ | ಯದು॒ಗ್ರೋ ಧಾ ಬಾ᳚ಧಿ॒ತೋ ಮರ್ತ್ಯೇ᳚ಷು॒ ಕ್ವ೧॑(ಅ॒) ತ್ಯಾ ತೇ᳚ ವೃಷಭ ವೀ॒ರ್ಯಾ᳚ಣಿ ||{3.30.3}, {3.3.1.3}, {3.2.1.3} |
| 262 | ತ್ವಂ ಹಿ ಷ್ಮಾ᳚ ಚ್ಯಾ॒ವಯ॒ನ್ನಚ್ಯು॑ತಾ॒ನ್ಯೇಕೋ᳚ ವೃ॒ತ್ರಾ ಚರ॑ಸಿ॒ ಜಿಘ್ನ॑ಮಾನಃ | ತವ॒ ದ್ಯಾವಾ᳚ಪೃಥಿ॒ವೀ ಪರ್ವ॑ತಾ॒ಸೋಽನು᳚ ವ್ರ॒ತಾಯ॒ ನಿಮಿ॑ತೇವ ತಸ್ಥುಃ ||{3.30.4}, {3.3.1.4}, {3.2.1.4} |
| 263 | ಉ॒ತಾಭ॑ಯೇ ಪುರುಹೂತ॒ ಶ್ರವೋ᳚ಭಿ॒ರೇಕೋ᳚ ದೃ॒ಳ್ಹಮ॑ವದೋ ವೃತ್ರ॒ಹಾ ಸನ್ | ಇ॒ಮೇ ಚಿ॑ದಿಂದ್ರ॒ ರೋದ॑ಸೀ ಅಪಾ॒ರೇ ಯತ್ಸಂ᳚ಗೃ॒ಭ್ಣಾ ಮ॑ಘವನ್ಕಾ॒ಶಿರಿತ್ತೇ᳚ ||{3.30.5}, {3.3.1.5}, {3.2.1.5} |
| 264 | ಪ್ರ ಸೂ ತ॑ ಇಂದ್ರ ಪ್ರ॒ವತಾ॒ ಹರಿ॑ಭ್ಯಾಂ॒ ಪ್ರ ತೇ॒ ವಜ್ರಃ॑ ಪ್ರಮೃ॒ಣನ್ನೇ᳚ತು॒ ಶತ್ರೂ॑ನ್ | ಜ॒ಹಿ ಪ್ರ॑ತೀ॒ಚೋ ಅ॑ನೂ॒ಚಃ ಪರಾ᳚ಚೋ॒ ವಿಶ್ವಂ᳚ ಸ॒ತ್ಯಂ ಕೃ॑ಣುಹಿ ವಿ॒ಷ್ಟಮ॑ಸ್ತು ||{3.30.6}, {3.3.1.6}, {3.2.2.1} |
| 265 | ಯಸ್ಮೈ॒ ಧಾಯು॒ರದ॑ಧಾ॒ ಮರ್ತ್ಯಾ॒ಯಾಭ॑ಕ್ತಂ ಚಿದ್ಭಜತೇ ಗೇ॒ಹ್ಯ೧॑(ಅ॒) ಅಂಸಃ | ಭ॒ದ್ರಾ ತ॑ ಇಂದ್ರ ಸುಮ॒ತಿರ್ಘೃ॒ತಾಚೀ᳚ ಸ॒ಹಸ್ರ॑ದಾನಾ ಪುರುಹೂತ ರಾ॒ತಿಃ ||{3.30.7}, {3.3.1.7}, {3.2.2.2} |
| 266 | ಸ॒ಹದಾ᳚ನುಂ ಪುರುಹೂತ ಕ್ಷಿ॒ಯಂತ॑ಮಹ॒ಸ್ತಮಿಂ᳚ದ್ರ॒ ಸಂ ಪಿ॑ಣ॒ಕ್ಕುಣಾ᳚ರುಂ | ಅ॒ಭಿ ವೃ॒ತ್ರಂ ವರ್ಧ॑ಮಾನಂ॒ ಪಿಯಾ᳚ರುಮ॒ಪಾದ॑ಮಿಂದ್ರ ತ॒ವಸಾ᳚ ಜಘಂಥ ||{3.30.8}, {3.3.1.8}, {3.2.2.3} |
| 267 | ನಿ ಸಾ᳚ಮ॒ನಾಮಿ॑ಷಿ॒ರಾಮಿಂ᳚ದ್ರ॒ ಭೂಮಿಂ᳚ ಮ॒ಹೀಮ॑ಪಾ॒ರಾಂ ಸದ॑ನೇ ಸಸತ್ಥ | ಅಸ್ತ॑ಭ್ನಾ॒ದ್ದ್ಯಾಂ ವೃ॑ಷ॒ಭೋ ಅಂ॒ತರಿ॑ಕ್ಷ॒ಮರ್ಷಂ॒ತ್ವಾಪ॒ಸ್ತ್ವಯೇ॒ಹ ಪ್ರಸೂ᳚ತಾಃ ||{3.30.9}, {3.3.1.9}, {3.2.2.4} |
| 268 | ಅ॒ಲಾ॒ತೃ॒ಣೋ ವ॒ಲ ಇಂ᳚ದ್ರ ವ್ರ॒ಜೋ ಗೋಃ ಪು॒ರಾ ಹಂತೋ॒ರ್ಭಯ॑ಮಾನೋ॒ ವ್ಯಾ᳚ರ | ಸು॒ಗಾನ್ಪ॒ಥೋ ಅ॑ಕೃಣೋನ್ನಿ॒ರಜೇ॒ ಗಾಃ ಪ್ರಾವ॒ನ್ವಾಣೀಃ᳚ ಪುರುಹೂ॒ತಂ ಧಮಂ᳚ತೀಃ ||{3.30.10}, {3.3.1.10}, {3.2.2.5} |
| 269 | ಏಕೋ॒ ದ್ವೇ ವಸು॑ಮತೀ ಸಮೀ॒ಚೀ ಇಂದ್ರ॒ ಆ ಪ॑ಪ್ರೌ ಪೃಥಿ॒ವೀಮು॒ತ ದ್ಯಾಂ | ಉ॒ತಾಂತರಿ॑ಕ್ಷಾದ॒ಭಿ ನಃ॑ ಸಮೀ॒ಕ ಇ॒ಷೋ ರ॒ಥೀಃ ಸ॒ಯುಜಃ॑ ಶೂರ॒ ವಾಜಾ॑ನ್ ||{3.30.11}, {3.3.1.11}, {3.2.3.1} |
| 270 | ದಿಶಃ॒ ಸೂರ್ಯೋ॒ ನ ಮಿ॑ನಾತಿ॒ ಪ್ರದಿ॑ಷ್ಟಾ ದಿ॒ವೇದಿ॑ವೇ॒ ಹರ್ಯ॑ಶ್ವಪ್ರಸೂತಾಃ | ಸಂ ಯದಾನ॒ಳಧ್ವ॑ನ॒ ಆದಿದಶ್ವೈ᳚ರ್ವಿ॒ಮೋಚ॑ನಂ ಕೃಣುತೇ॒ ತತ್ತ್ವ॑ಸ್ಯ ||{3.30.12}, {3.3.1.12}, {3.2.3.2} |
| 271 | ದಿದೃ॑ಕ್ಷಂತ ಉ॒ಷಸೋ॒ ಯಾಮ᳚ನ್ನ॒ಕ್ತೋರ್ವಿ॒ವಸ್ವ॑ತ್ಯಾ॒ ಮಹಿ॑ ಚಿ॒ತ್ರಮನೀ᳚ಕಂ | ವಿಶ್ವೇ᳚ ಜಾನಂತಿ ಮಹಿ॒ನಾ ಯದಾಗಾ॒ದಿಂದ್ರ॑ಸ್ಯ॒ ಕರ್ಮ॒ ಸುಕೃ॑ತಾ ಪು॒ರೂಣಿ॑ ||{3.30.13}, {3.3.1.13}, {3.2.3.3} |
| 272 | ಮಹಿ॒ ಜ್ಯೋತಿ॒ರ್ನಿಹಿ॑ತಂ ವ॒ಕ್ಷಣಾ᳚ಸ್ವಾ॒ಮಾ ಪ॒ಕ್ವಂ ಚ॑ರತಿ॒ ಬಿಭ್ರ॑ತೀ॒ ಗೌಃ | ವಿಶ್ವಂ॒ ಸ್ವಾದ್ಮ॒ ಸಂಭೃ॑ತಮು॒ಸ್ರಿಯಾ᳚ಯಾಂ॒ ಯತ್ಸೀ॒ಮಿಂದ್ರೋ॒ ಅದ॑ಧಾ॒ದ್ಭೋಜ॑ನಾಯ ||{3.30.14}, {3.3.1.14}, {3.2.3.4} |
| 273 | ಇಂದ್ರ॒ ದೃಹ್ಯ॑ ಯಾಮಕೋ॒ಶಾ ಅ॑ಭೂವನ್ಯ॒ಜ್ಞಾಯ॑ ಶಿಕ್ಷ ಗೃಣ॒ತೇ ಸಖಿ॑ಭ್ಯಃ | ದು॒ರ್ಮಾ॒ಯವೋ᳚ ದು॒ರೇವಾ॒ ಮರ್ತ್ಯಾ᳚ಸೋ ನಿಷಂ॒ಗಿಣೋ᳚ ರಿ॒ಪವೋ॒ ಹಂತ್ವಾ᳚ಸಃ ||{3.30.15}, {3.3.1.15}, {3.2.3.5} |
| 274 | ಸಂ ಘೋಷಃ॑ ಶೃಣ್ವೇಽವ॒ಮೈರ॒ಮಿತ್ರೈ᳚ರ್ಜ॒ಹೀ ನ್ಯೇ᳚ಷ್ವ॒ಶನಿಂ॒ ತಪಿ॑ಷ್ಠಾಂ | ವೃ॒ಶ್ಚೇಮ॒ಧಸ್ತಾ॒ದ್ವಿ ರು॑ಜಾ॒ ಸಹ॑ಸ್ವ ಜ॒ಹಿ ರಕ್ಷೋ᳚ ಮಘವನ್ರಂ॒ಧಯ॑ಸ್ವ ||{3.30.16}, {3.3.1.16}, {3.2.4.1} |
| 275 | ಉದ್ವೃ॑ಹ॒ ರಕ್ಷಃ॑ ಸ॒ಹಮೂ᳚ಲಮಿಂದ್ರ ವೃ॒ಶ್ಚಾ ಮಧ್ಯಂ॒ ಪ್ರತ್ಯಗ್ರಂ᳚ ಶೃಣೀಹಿ | ಆ ಕೀವ॑ತಃ ಸಲ॒ಲೂಕಂ᳚ ಚಕರ್ಥ ಬ್ರಹ್ಮ॒ದ್ವಿಷೇ॒ ತಪು॑ಷಿಂ ಹೇ॒ತಿಮ॑ಸ್ಯ ||{3.30.17}, {3.3.1.17}, {3.2.4.2} |
| 276 | ಸ್ವ॒ಸ್ತಯೇ᳚ ವಾ॒ಜಿಭಿ॑ಶ್ಚ ಪ್ರಣೇತಃ॒ ಸಂ ಯನ್ಮ॒ಹೀರಿಷ॑ ಆ॒ಸತ್ಸಿ॑ ಪೂ॒ರ್ವೀಃ | ರಾ॒ಯೋ ವಂ॒ತಾರೋ᳚ ಬೃಹ॒ತಃ ಸ್ಯಾ᳚ಮಾ॒ಸ್ಮೇ ಅ॑ಸ್ತು॒ ಭಗ॑ ಇಂದ್ರ ಪ್ರ॒ಜಾವಾ॑ನ್ ||{3.30.18}, {3.3.1.18}, {3.2.4.3} |
| 277 | ಆ ನೋ᳚ ಭರ॒ ಭಗ॑ಮಿಂದ್ರ ದ್ಯು॒ಮಂತಂ॒ ನಿ ತೇ᳚ ದೇ॒ಷ್ಣಸ್ಯ॑ ಧೀಮಹಿ ಪ್ರರೇ॒ಕೇ | ಊ॒ರ್ವ ಇ॑ವ ಪಪ್ರಥೇ॒ ಕಾಮೋ᳚ ಅ॒ಸ್ಮೇ ತಮಾ ಪೃ॑ಣ ವಸುಪತೇ॒ ವಸೂ᳚ನಾಂ ||{3.30.19}, {3.3.1.19}, {3.2.4.4} |
| 278 | ಇ॒ಮಂ ಕಾಮಂ᳚ ಮಂದಯಾ॒ ಗೋಭಿ॒ರಶ್ವೈ᳚ಶ್ಚಂ॒ದ್ರವ॑ತಾ॒ ರಾಧ॑ಸಾ ಪ॒ಪ್ರಥ॑ಶ್ಚ | ಸ್ವ॒ರ್ಯವೋ᳚ ಮ॒ತಿಭಿ॒ಸ್ತುಭ್ಯಂ॒ ವಿಪ್ರಾ॒ ಇಂದ್ರಾ᳚ಯ॒ ವಾಹಃ॑ ಕುಶಿ॒ಕಾಸೋ᳚ ಅಕ್ರನ್ ||{3.30.20}, {3.3.1.20}, {3.2.4.5} |
| 279 | ಆ ನೋ᳚ ಗೋ॒ತ್ರಾ ದ॑ರ್ದೃಹಿ ಗೋಪತೇ॒ ಗಾಃ ಸಮ॒ಸ್ಮಭ್ಯಂ᳚ ಸ॒ನಯೋ᳚ ಯಂತು॒ ವಾಜಾಃ᳚ | ದಿ॒ವಕ್ಷಾ᳚ ಅಸಿ ವೃಷಭ ಸ॒ತ್ಯಶು॑ಷ್ಮೋ॒ಽಸ್ಮಭ್ಯಂ॒ ಸು ಮ॑ಘವನ್ಬೋಧಿ ಗೋ॒ದಾಃ ||{3.30.21}, {3.3.1.21}, {3.2.4.6} |
| 280 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.30.22}, {3.3.1.22}, {3.2.4.7} |
| [31] (1-22) ಶಾಸದ್‌ವಹ್ನಿರಿತಿ ದ್ವಾವಿಂಶತ್ಯೃಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಐಷೀರಥಿಃ ಕುಶಿಕೋ ವಾ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 281 | ಶಾಸ॒ದ್ವಹ್ನಿ॑ರ್ದುಹಿ॒ತುರ್ನ॒ಪ್ತ್ಯಂ᳚ ಗಾದ್ವಿ॒ದ್ವಾಁ ಋ॒ತಸ್ಯ॒ ದೀಧಿ॑ತಿಂ ಸಪ॒ರ್ಯನ್ | ಪಿ॒ತಾ ಯತ್ರ॑ ದುಹಿ॒ತುಃ ಸೇಕ॑ಮೃಂ॒ಜನ್ಸಂ ಶ॒ಗ್ಮ್ಯೇ᳚ನ॒ ಮನ॑ಸಾ ದಧ॒ನ್ವೇ ||{3.31.1}, {3.3.2.1}, {3.2.5.1} |
| 282 | ನ ಜಾ॒ಮಯೇ॒ ತಾನ್ವೋ᳚ ರಿ॒ಕ್ಥಮಾ᳚ರೈಕ್ಚ॒ಕಾರ॒ ಗರ್ಭಂ᳚ ಸನಿ॒ತುರ್ನಿ॒ಧಾನಂ᳚ | ಯದೀ᳚ ಮಾ॒ತರೋ᳚ ಜ॒ನಯಂ᳚ತ॒ ವಹ್ನಿ॑ಮ॒ನ್ಯಃ ಕ॒ರ್ತಾ ಸು॒ಕೃತೋ᳚ರ॒ನ್ಯ ಋಂ॒ಧನ್ ||{3.31.2}, {3.3.2.2}, {3.2.5.2} |
| 283 | ಅ॒ಗ್ನಿರ್ಜ॑ಜ್ಞೇ ಜು॒ಹ್ವಾ॒೩॑(ಆ॒) ರೇಜ॑ಮಾನೋ ಮ॒ಹಸ್ಪು॒ತ್ರಾಁ ಅ॑ರು॒ಷಸ್ಯ॑ ಪ್ರ॒ಯಕ್ಷೇ᳚ | ಮ॒ಹಾನ್ಗರ್ಭೋ॒ ಮಹ್ಯಾ ಜಾ॒ತಮೇ᳚ಷಾಂ ಮ॒ಹೀ ಪ್ರ॒ವೃದ್ಧರ್ಯ॑ಶ್ವಸ್ಯ ಯ॒ಜ್ಞೈಃ ||{3.31.3}, {3.3.2.3}, {3.2.5.3} |
| 284 | ಅ॒ಭಿ ಜೈತ್ರೀ᳚ರಸಚಂತ ಸ್ಪೃಧಾ॒ನಂ ಮಹಿ॒ ಜ್ಯೋತಿ॒ಸ್ತಮ॑ಸೋ॒ ನಿರ॑ಜಾನನ್ | ತಂ ಜಾ᳚ನ॒ತೀಃ ಪ್ರತ್ಯುದಾ᳚ಯನ್ನು॒ಷಾಸಃ॒ ಪತಿ॒ರ್ಗವಾ᳚ಮಭವ॒ದೇಕ॒ ಇಂದ್ರಃ॑ ||{3.31.4}, {3.3.2.4}, {3.2.5.4} |
| 285 | ವೀ॒ಳೌ ಸ॒ತೀರ॒ಭಿ ಧೀರಾ᳚ ಅತೃಂದನ್ಪ್ರಾ॒ಚಾಹಿ᳚ನ್ವ॒ನ್ಮನ॑ಸಾ ಸ॒ಪ್ತ ವಿಪ್ರಾಃ᳚ | ವಿಶ್ವಾ᳚ಮವಿಂದನ್ಪ॒ಥ್ಯಾ᳚ಮೃ॒ತಸ್ಯ॑ ಪ್ರಜಾ॒ನನ್ನಿತ್ತಾ ನಮ॒ಸಾ ವಿ॑ವೇಶ ||{3.31.5}, {3.3.2.5}, {3.2.5.5} |
| 286 | ವಿ॒ದದ್ಯದೀ᳚ ಸ॒ರಮಾ᳚ ರು॒ಗ್ಣಮದ್ರೇ॒ರ್‌ಮಹಿ॒ ಪಾಥಃ॑ ಪೂ॒ರ್ವ್ಯಂ ಸ॒ಧ್ರ್ಯ॑ಕ್ಕಃ | ಅಗ್ರಂ᳚ ನಯತ್ಸು॒ಪದ್ಯಕ್ಷ॑ರಾಣಾ॒ಮಚ್ಛಾ॒ ರವಂ᳚ ಪ್ರಥ॒ಮಾ ಜಾ᳚ನ॒ತೀ ಗಾ᳚ತ್ ||{3.31.6}, {3.3.2.6}, {3.2.6.1} |
| 287 | ಅಗ॑ಚ್ಛದು॒ ವಿಪ್ರ॑ತಮಃ ಸಖೀ॒ಯನ್ನಸೂ᳚ದಯತ್ಸು॒ಕೃತೇ॒ ಗರ್ಭ॒ಮದ್ರಿಃ॑ | ಸ॒ಸಾನ॒ ಮರ್ಯೋ॒ ಯುವ॑ಭಿರ್ಮಖ॒ಸ್ಯನ್ನಥಾ᳚ಭವ॒ದಂಗಿ॑ರಾಃ ಸ॒ದ್ಯೋ ಅರ್ಚ॑ನ್ ||{3.31.7}, {3.3.2.7}, {3.2.6.2} |
| 288 | ಸ॒ತಃಸ॑ತಃ ಪ್ರತಿ॒ಮಾನಂ᳚ ಪುರೋ॒ಭೂರ್ವಿಶ್ವಾ᳚ ವೇದ॒ ಜನಿ॑ಮಾ॒ ಹಂತಿ॒ ಶುಷ್ಣಂ᳚ | ಪ್ರ ಣೋ᳚ ದಿ॒ವಃ ಪ॑ದ॒ವೀರ್ಗ॒ವ್ಯುರರ್ಚ॒ನ್ಸಖಾ॒ ಸಖೀಁ᳚ರಮುಂಚ॒ನ್ನಿರ॑ವ॒ದ್ಯಾತ್ ||{3.31.8}, {3.3.2.8}, {3.2.6.3} |
| 289 | ನಿ ಗ᳚ವ್ಯ॒ತಾ ಮನ॑ಸಾ ಸೇದುರ॒ರ್ಕೈಃ ಕೃ᳚ಣ್ವಾ॒ನಾಸೋ᳚ ಅಮೃತ॒ತ್ವಾಯ॑ ಗಾ॒ತುಂ | ಇ॒ದಂ ಚಿ॒ನ್ನು ಸದ॑ನಂ॒ ಭೂರ್ಯೇ᳚ಷಾಂ॒ ಯೇನ॒ ಮಾಸಾಁ॒ ಅಸಿ॑ಷಾಸನ್ನೃ॒ತೇನ॑ ||{3.31.9}, {3.3.2.9}, {3.2.6.4} |
| 290 | ಸಂ॒ಪಶ್ಯ॑ಮಾನಾ ಅಮದನ್ನ॒ಭಿ ಸ್ವಂ ಪಯಃ॑ ಪ್ರ॒ತ್ನಸ್ಯ॒ ರೇತ॑ಸೋ॒ ದುಘಾ᳚ನಾಃ | ವಿ ರೋದ॑ಸೀ ಅತಪ॒ದ್ಘೋಷ॑ ಏಷಾಂ ಜಾ॒ತೇ ನಿ॒ಷ್ಠಾಮದ॑ಧು॒ರ್ಗೋಷು॑ ವೀ॒ರಾನ್ ||{3.31.10}, {3.3.2.10}, {3.2.6.5} |
| 291 | ಸ ಜಾ॒ತೇಭಿ᳚ರ್ವೃತ್ರ॒ಹಾ ಸೇದು॑ ಹ॒ವ್ಯೈರುದು॒ಸ್ರಿಯಾ᳚ ಅಸೃಜ॒ದಿಂದ್ರೋ᳚ ಅ॒ರ್ಕೈಃ | ಉ॒ರೂ॒ಚ್ಯ॑ಸ್ಮೈ ಘೃ॒ತವ॒ದ್ಭರಂ᳚ತೀ॒ ಮಧು॒ ಸ್ವಾದ್ಮ॑ ದುದುಹೇ॒ ಜೇನ್ಯಾ॒ ಗೌಃ ||{3.31.11}, {3.3.2.11}, {3.2.7.1} |
| 292 | ಪಿ॒ತ್ರೇ ಚಿ॑ಚ್ಚಕ್ರುಃ॒ ಸದ॑ನಂ॒ ಸಮ॑ಸ್ಮೈ॒ ಮಹಿ॒ ತ್ವಿಷೀ᳚ಮತ್ಸು॒ಕೃತೋ॒ ವಿ ಹಿ ಖ್ಯನ್ | ವಿ॒ಷ್ಕ॒ಭ್ನಂತಃ॒ ಸ್ಕಂಭ॑ನೇನಾ॒ ಜನಿ॑ತ್ರೀ॒ ಆಸೀ᳚ನಾ ಊ॒ರ್ಧ್ವಂ ರ॑ಭ॒ಸಂ ವಿ ಮಿ᳚ನ್ವನ್ ||{3.31.12}, {3.3.2.12}, {3.2.7.2} |
| 293 | ಮ॒ಹೀ ಯದಿ॑ ಧಿ॒ಷಣಾ᳚ ಶಿ॒ಶ್ನಥೇ॒ ಧಾತ್ಸ॑ದ್ಯೋ॒ವೃಧಂ᳚ ವಿ॒ಭ್ವ೧॑(ಅ॒) ಅಂರೋದ॑ಸ್ಯೋಃ | ಗಿರೋ॒ ಯಸ್ಮಿ᳚ನ್ನನವ॒ದ್ಯಾಃ ಸ॑ಮೀ॒ಚೀರ್ವಿಶ್ವಾ॒ ಇಂದ್ರಾ᳚ಯ॒ ತವಿ॑ಷೀ॒ರನು॑ತ್ತಾಃ ||{3.31.13}, {3.3.2.13}, {3.2.7.3} |
| 294 | ಮಹ್ಯಾ ತೇ᳚ ಸ॒ಖ್ಯಂ ವ॑ಶ್ಮಿ ಶ॒ಕ್ತೀರಾ ವೃ॑ತ್ರ॒ಘ್ನೇ ನಿ॒ಯುತೋ᳚ ಯಂತಿ ಪೂ॒ರ್ವೀಃ | ಮಹಿ॑ ಸ್ತೋ॒ತ್ರಮವ॒ ಆಗ᳚ನ್ಮ ಸೂ॒ರೇರ॒ಸ್ಮಾಕಂ॒ ಸು ಮ॑ಘವನ್ಬೋಧಿ ಗೋ॒ಪಾಃ ||{3.31.14}, {3.3.2.14}, {3.2.7.4} |
| 295 | ಮಹಿ॒ ಕ್ಷೇತ್ರಂ᳚ ಪು॒ರು ಶ್ಚಂ॒ದ್ರಂ ವಿ॑ವಿ॒ದ್ವಾನಾದಿತ್ಸಖಿ॑ಭ್ಯಶ್ಚ॒ರಥಂ॒ ಸಮೈ᳚ರತ್ | ಇಂದ್ರೋ॒ ನೃಭಿ॑ರಜನ॒ದ್ದೀದ್ಯಾ᳚ನಃ ಸಾ॒ಕಂ ಸೂರ್ಯ॑ಮು॒ಷಸಂ᳚ ಗಾ॒ತುಮ॒ಗ್ನಿಂ ||{3.31.15}, {3.3.2.15}, {3.2.7.5} |
| 296 | ಅ॒ಪಶ್ಚಿ॑ದೇ॒ಷ ವಿ॒ಭ್ವೋ॒೩॑(ಓ॒) ದಮೂ᳚ನಾಃ॒ ಪ್ರ ಸ॒ಧ್ರೀಚೀ᳚ರಸೃಜದ್ವಿ॒ಶ್ವಶ್ಚಂ᳚ದ್ರಾಃ | ಮಧ್ವಃ॑ ಪುನಾ॒ನಾಃ ಕ॒ವಿಭಿಃ॑ ಪ॒ವಿತ್ರೈ॒ರ್‌ದ್ಯುಭಿ॑ರ್ಹಿನ್ವಂತ್ಯ॒ಕ್ತುಭಿ॒ರ್ಧನು॑ತ್ರೀಃ ||{3.31.16}, {3.3.2.16}, {3.2.8.1} |
| 297 | ಅನು॑ ಕೃ॒ಷ್ಣೇ ವಸು॑ಧಿತೀ ಜಿಹಾತೇ ಉ॒ಭೇ ಸೂರ್ಯ॑ಸ್ಯ ಮಂ॒ಹನಾ॒ ಯಜ॑ತ್ರೇ | ಪರಿ॒ ಯತ್ತೇ᳚ ಮಹಿ॒ಮಾನಂ᳚ ವೃ॒ಜಧ್ಯೈ॒ ಸಖಾ᳚ಯ ಇಂದ್ರ॒ ಕಾಮ್ಯಾ᳚ ಋಜಿ॒ಪ್ಯಾಃ ||{3.31.17}, {3.3.2.17}, {3.2.8.2} |
| 298 | ಪತಿ॑ರ್ಭವ ವೃತ್ರಹನ್ಸೂ॒ನೃತಾ᳚ನಾಂ ಗಿ॒ರಾಂ ವಿ॒ಶ್ವಾಯು᳚ರ್ವೃಷ॒ಭೋ ವ॑ಯೋ॒ಧಾಃ | ಆ ನೋ᳚ ಗಹಿ ಸ॒ಖ್ಯೇಭಿಃ॑ ಶಿ॒ವೇಭಿ᳚ರ್ಮ॒ಹಾನ್ಮ॒ಹೀಭಿ॑ರೂ॒ತಿಭಿಃ॑ ಸರ॒ಣ್ಯನ್ ||{3.31.18}, {3.3.2.18}, {3.2.8.3} |
| 299 | ತಮಂ᳚ಗಿರ॒ಸ್ವನ್ನಮ॑ಸಾ ಸಪ॒ರ್ಯನ್ನವ್ಯಂ᳚ ಕೃಣೋಮಿ॒ ಸನ್ಯ॑ಸೇ ಪುರಾ॒ಜಾಂ | ದ್ರುಹೋ॒ ವಿ ಯಾ᳚ಹಿ ಬಹು॒ಲಾ ಅದೇ᳚ವೀಃ॒ ಸ್ವ॑ಶ್ಚ ನೋ ಮಘವನ್ಸಾ॒ತಯೇ᳚ ಧಾಃ ||{3.31.19}, {3.3.2.19}, {3.2.8.4} |
| 300 | ಮಿಹಃ॑ ಪಾವ॒ಕಾಃ ಪ್ರತ॑ತಾ ಅಭೂವನ್ಸ್ವ॒ಸ್ತಿ ನಃ॑ ಪಿಪೃಹಿ ಪಾ॒ರಮಾ᳚ಸಾಂ | ಇಂದ್ರ॒ ತ್ವಂ ರ॑ಥಿ॒ರಃ ಪಾ᳚ಹಿ ನೋ ರಿ॒ಷೋ ಮ॒ಕ್ಷೂಮ॑ಕ್ಷೂ ಕೃಣುಹಿ ಗೋ॒ಜಿತೋ᳚ ನಃ ||{3.31.20}, {3.3.2.20}, {3.2.8.5} |
| 301 | ಅದೇ᳚ದಿಷ್ಟ ವೃತ್ರ॒ಹಾ ಗೋಪ॑ತಿ॒ರ್ಗಾ ಅಂ॒ತಃ ಕೃ॒ಷ್ಣಾಁ ಅ॑ರು॒ಷೈರ್ಧಾಮ॑ಭಿರ್ಗಾತ್ | ಪ್ರ ಸೂ॒ನೃತಾ᳚ ದಿ॒ಶಮಾ᳚ನ ಋ॒ತೇನ॒ ದುರ॑ಶ್ಚ॒ ವಿಶ್ವಾ᳚ ಅವೃಣೋ॒ದಪ॒ ಸ್ವಾಃ ||{3.31.21}, {3.3.2.21}, {3.2.8.6} |
| 302 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.31.22}, {3.3.2.22}, {3.2.8.7} |
| [32] (1-17) ಇಂದ್ರಸೋಮಮಿತಿ ಸಪ್ತದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 303 | ಇಂದ್ರ॒ ಸೋಮಂ᳚ ಸೋಮಪತೇ॒ ಪಿಬೇ॒ಮಂ ಮಾಧ್ಯಂ᳚ದಿನಂ॒ ಸವ॑ನಂ॒ ಚಾರು॒ ಯತ್ತೇ᳚ | ಪ್ರ॒ಪ್ರುಥ್ಯಾ॒ ಶಿಪ್ರೇ᳚ ಮಘವನ್ನೃಜೀಷಿನ್ವಿ॒ಮುಚ್ಯಾ॒ ಹರೀ᳚ ಇ॒ಹ ಮಾ᳚ದಯಸ್ವ ||{3.32.1}, {3.3.3.1}, {3.2.9.1} |
| 304 | ಗವಾ᳚ಶಿರಂ ಮಂ॒ಥಿನ॑ಮಿಂದ್ರ ಶು॒ಕ್ರಂ ಪಿಬಾ॒ ಸೋಮಂ᳚ ರರಿ॒ಮಾ ತೇ॒ ಮದಾ᳚ಯ | ಬ್ರ॒ಹ್ಮ॒ಕೃತಾ॒ ಮಾರು॑ತೇನಾ ಗ॒ಣೇನ॑ ಸ॒ಜೋಷಾ᳚ ರು॒ದ್ರೈಸ್ತೃ॒ಪದಾ ವೃ॑ಷಸ್ವ ||{3.32.2}, {3.3.3.2}, {3.2.9.2} |
| 305 | ಯೇ ತೇ॒ ಶುಷ್ಮಂ॒ ಯೇ ತವಿ॑ಷೀ॒ಮವ॑ರ್ಧ॒ನ್ನರ್ಚಂ᳚ತ ಇಂದ್ರ ಮ॒ರುತ॑ಸ್ತ॒ ಓಜಃ॑ | ಮಾಧ್ಯಂ᳚ದಿನೇ॒ ಸವ॑ನೇ ವಜ್ರಹಸ್ತ॒ ಪಿಬಾ᳚ ರು॒ದ್ರೇಭಿಃ॒ ಸಗ॑ಣಃ ಸುಶಿಪ್ರ ||{3.32.3}, {3.3.3.3}, {3.2.9.3} |
| 306 | ತ ಇನ್ನ್ವ॑ಸ್ಯ॒ ಮಧು॑ಮದ್ವಿವಿಪ್ರ॒ ಇಂದ್ರ॑ಸ್ಯ॒ ಶರ್ಧೋ᳚ ಮ॒ರುತೋ॒ ಯ ಆಸ॑ನ್ | ಯೇಭಿ᳚ರ್ವೃ॒ತ್ರಸ್ಯೇ᳚ಷಿ॒ತೋ ವಿ॒ವೇದಾ᳚ಮ॒ರ್ಮಣೋ॒ ಮನ್ಯ॑ಮಾನಸ್ಯ॒ ಮರ್ಮ॑ ||{3.32.4}, {3.3.3.4}, {3.2.9.4} |
| 307 | ಮ॒ನು॒ಷ್ವದಿಂ᳚ದ್ರ॒ ಸವ॑ನಂ ಜುಷಾ॒ಣಃ ಪಿಬಾ॒ ಸೋಮಂ॒ ಶಶ್ವ॑ತೇ ವೀ॒ರ್ಯಾ᳚ಯ | ಸ ಆ ವ॑ವೃತ್ಸ್ವ ಹರ್ಯಶ್ವ ಯ॒ಜ್ಞೈಃ ಸ॑ರ॒ಣ್ಯುಭಿ॑ರ॒ಪೋ ಅರ್ಣಾ᳚ ಸಿಸರ್ಷಿ ||{3.32.5}, {3.3.3.5}, {3.2.9.5} |
| 308 | ತ್ವಮ॒ಪೋ ಯದ್ಧ॑ ವೃ॒ತ್ರಂ ಜ॑ಘ॒ನ್ವಾಁ ಅತ್ಯಾಁ᳚ ಇವ॒ ಪ್ರಾಸೃ॑ಜಃ॒ ಸರ್ತ॒ವಾಜೌ | ಶಯಾ᳚ನಮಿಂದ್ರ॒ ಚರ॑ತಾ ವ॒ಧೇನ॑ ವವ್ರಿ॒ವಾಂಸಂ॒ ಪರಿ॑ ದೇ॒ವೀರದೇ᳚ವಂ ||{3.32.6}, {3.3.3.6}, {3.2.10.1} |
| 309 | ಯಜಾ᳚ಮ॒ ಇನ್ನಮ॑ಸಾ ವೃ॒ದ್ಧಮಿಂದ್ರಂ᳚ ಬೃ॒ಹಂತ॑ಮೃ॒ಷ್ವಮ॒ಜರಂ॒ ಯುವಾ᳚ನಂ | ಯಸ್ಯ॑ ಪ್ರಿ॒ಯೇ ಮ॒ಮತು᳚ರ್ಯ॒ಜ್ಞಿಯ॑ಸ್ಯ॒ ನ ರೋದ॑ಸೀ ಮಹಿ॒ಮಾನಂ᳚ ಮ॒ಮಾತೇ᳚ ||{3.32.7}, {3.3.3.7}, {3.2.10.2} |
| 310 | ಇಂದ್ರ॑ಸ್ಯ॒ ಕರ್ಮ॒ ಸುಕೃ॑ತಾ ಪು॒ರೂಣಿ᳚ ವ್ರ॒ತಾನಿ॑ ದೇ॒ವಾ ನ ಮಿ॑ನಂತಿ॒ ವಿಶ್ವೇ᳚ | ದಾ॒ಧಾರ॒ ಯಃ ಪೃ॑ಥಿ॒ವೀಂ ದ್ಯಾಮು॒ತೇಮಾಂ ಜ॒ಜಾನ॒ ಸೂರ್ಯ॑ಮು॒ಷಸಂ᳚ ಸು॒ದಂಸಾಃ᳚ ||{3.32.8}, {3.3.3.8}, {3.2.10.3} |
| 311 | ಅದ್ರೋ᳚ಘ ಸ॒ತ್ಯಂ ತವ॒ ತನ್ಮ॑ಹಿ॒ತ್ವಂ ಸ॒ದ್ಯೋ ಯಜ್ಜಾ॒ತೋ ಅಪಿ॑ಬೋ ಹ॒ ಸೋಮಂ᳚ | ನ ದ್ಯಾವ॑ ಇಂದ್ರ ತ॒ವಸ॑ಸ್ತ॒ ಓಜೋ॒ ನಾಹಾ॒ ನ ಮಾಸಾಃ᳚ ಶ॒ರದೋ᳚ ವರಂತ ||{3.32.9}, {3.3.3.9}, {3.2.10.4} |
| 312 | ತ್ವಂ ಸ॒ದ್ಯೋ ಅ॑ಪಿಬೋ ಜಾ॒ತ ಇಂ᳚ದ್ರ॒ ಮದಾ᳚ಯ॒ ಸೋಮಂ᳚ ಪರ॒ಮೇ ವ್ಯೋ᳚ಮನ್ | ಯದ್ಧ॒ ದ್ಯಾವಾ᳚ಪೃಥಿ॒ವೀ ಆವಿ॑ವೇಶೀ॒ರಥಾ᳚ಭವಃ ಪೂ॒ರ್ವ್ಯಃ ಕಾ॒ರುಧಾ᳚ಯಾಃ ||{3.32.10}, {3.3.3.10}, {3.2.10.5} |
| 313 | ಅಹ॒ನ್ನಹಿಂ᳚ ಪರಿ॒ಶಯಾ᳚ನ॒ಮರ್ಣ॑ ಓಜಾ॒ಯಮಾ᳚ನಂ ತುವಿಜಾತ॒ ತವ್ಯಾ॑ನ್ | ನ ತೇ᳚ ಮಹಿ॒ತ್ವಮನು॑ ಭೂ॒ದಧ॒ ದ್ಯೌರ್ಯದ॒ನ್ಯಯಾ᳚ ಸ್ಫಿ॒ಗ್ಯಾ॒೩॑(ಆ॒) ಕ್ಷಾಮವ॑ಸ್ಥಾಃ ||{3.32.11}, {3.3.3.11}, {3.2.11.1} |
| 314 | ಯ॒ಜ್ಞೋ ಹಿ ತ॑ ಇಂದ್ರ॒ ವರ್ಧ॑ನೋ॒ ಭೂದು॒ತ ಪ್ರಿ॒ಯಃ ಸು॒ತಸೋ᳚ಮೋ ಮಿ॒ಯೇಧಃ॑ | ಯ॒ಜ್ಞೇನ॑ ಯ॒ಜ್ಞಮ॑ವ ಯ॒ಜ್ಞಿಯಃ॒ ಸನ್ಯ॒ಜ್ಞಸ್ತೇ॒ ವಜ್ರ॑ಮಹಿ॒ಹತ್ಯ॑ ಆವತ್ ||{3.32.12}, {3.3.3.12}, {3.2.11.2} |
| 315 | ಯ॒ಜ್ಞೇನೇಂದ್ರ॒ಮವ॒ಸಾ ಚ॑ಕ್ರೇ ಅ॒ರ್ವಾಗೈನಂ᳚ ಸು॒ಮ್ನಾಯ॒ ನವ್ಯ॑ಸೇ ವವೃತ್ಯಾಂ | ಯಃ ಸ್ತೋಮೇ᳚ಭಿರ್ವಾವೃ॒ಧೇ ಪೂ॒ರ್ವ್ಯೇಭಿ॒ರ್ಯೋ ಮ॑ಧ್ಯ॒ಮೇಭಿ॑ರು॒ತ ನೂತ॑ನೇಭಿಃ ||{3.32.13}, {3.3.3.13}, {3.2.11.3} |
| 316 | ವಿ॒ವೇಷ॒ ಯನ್ಮಾ᳚ ಧಿ॒ಷಣಾ᳚ ಜ॒ಜಾನ॒ ಸ್ತವೈ᳚ ಪು॒ರಾ ಪಾರ್ಯಾ॒ದಿಂದ್ರ॒ಮಹ್ನಃ॑ | ಅಂಹ॑ಸೋ॒ ಯತ್ರ॑ ಪೀ॒ಪರ॒ದ್ಯಥಾ᳚ ನೋ ನಾ॒ವೇವ॒ ಯಾಂತ॑ಮು॒ಭಯೇ᳚ ಹವಂತೇ ||{3.32.14}, {3.3.3.14}, {3.2.11.4} |
| 317 | ಆಪೂ᳚ರ್ಣೋ ಅಸ್ಯ ಕ॒ಲಶಃ॒ ಸ್ವಾಹಾ॒ ಸೇಕ್ತೇ᳚ವ॒ ಕೋಶಂ᳚ ಸಿಸಿಚೇ॒ ಪಿಬ॑ಧ್ಯೈ | ಸಮು॑ ಪ್ರಿ॒ಯಾ ಆವ॑ವೃತ್ರ॒ನ್ಮದಾ᳚ಯ ಪ್ರದಕ್ಷಿ॒ಣಿದ॒ಭಿ ಸೋಮಾ᳚ಸ॒ ಇಂದ್ರಂ᳚ ||{3.32.15}, {3.3.3.15}, {3.2.11.5} |
| 318 | ನ ತ್ವಾ᳚ ಗಭೀ॒ರಃ ಪು॑ರುಹೂತ॒ ಸಿಂಧು॒ರ್ನಾದ್ರ॑ಯಃ॒ ಪರಿ॒ ಷಂತೋ᳚ ವರಂತ | ಇ॒ತ್ಥಾ ಸಖಿ॑ಭ್ಯ ಇಷಿ॒ತೋ ಯದಿಂ॒ದ್ರಾ ದೃ॒ಳ್ಹಂ ಚಿ॒ದರು॑ಜೋ॒ ಗವ್ಯ॑ಮೂ॒ರ್ವಂ ||{3.32.16}, {3.3.3.16}, {3.2.11.6} |
| 319 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.32.17}, {3.3.3.17}, {3.2.11.7} |
| [33] (1-13) ಪ್ರ ಪರ್ವತಾನಾಮಿತಿ ತ್ರಯೋದಶರ್ಚಸ್ಯ ಸೂಕ್ತಸ್ಯ (1-3, 5, 7, 9, 11-13) ಪ್ರಥಮಾದಿತೃಚಸ್ಯ ಪಂಚಮೀಸಪ್ತಮೀನವಮ್ಯ ಏಕಾದಶ್ಯಾದಿತೃಚಸ್ಯ ಚ ಗಾಥಿನೋ ವಿಶ್ವಾಮಿತ್ರ ಋಷಿಃ (4, 6, 8, 10) ಚತುರ್ಥೀಷಷ್ಠ್ಯ ಅಷ್ಟಮೀದಶಮೀನಾಂಚ ನದ್ಯ ಋಷಿಕಾಃ | (1-3, 5, 9, 11-13) ಪ್ರಥಮಾದಿತೃಚಸ್ಯ ಪಂಚಮೀನವಮ್ಯೋರ್‌ಋಚೋರೇಕಾದಶ್ಯಾದಿತೃಚಸ್ಯ ಚ ನದ್ಯಃ (4, 8, 10) ಚತುರ್ಥ್ಯಷ್ಟಮೀದಶಮೀನಾಂ ವಿಶ್ವಾಮಿತ್ರಃ (6, 7) ಷಷ್ಠೀಸಪ್ತಮ್ಯೋಶ್ಚೇಂದ್ರೋ ದೇವತಾಃ | (1-12) ಪ್ರಥಮಾದಿದ್ವಾದಶಾ ತ್ರಿಷ್ಟುಪ್ (13) ತ್ರಯೋದಶ್ಯಾಶ್ಚಾನುಷ್ಟಪ್ ಛಂದಸೀ || | |
| 320 | ಪ್ರ ಪರ್ವ॑ತಾನಾಮುಶ॒ತೀ ಉ॒ಪಸ್ಥಾ॒ದಶ್ವೇ᳚ ಇವ॒ ವಿಷಿ॑ತೇ॒ ಹಾಸ॑ಮಾನೇ | ಗಾವೇ᳚ವ ಶು॒ಭ್ರೇ ಮಾ॒ತರಾ᳚ ರಿಹಾ॒ಣೇ ವಿಪಾ᳚ಟ್ಛುತು॒ದ್ರೀ ಪಯ॑ಸಾ ಜವೇತೇ ||{3.33.1}, {3.3.4.1}, {3.2.12.1} |
| 321 | ಇಂದ್ರೇ᳚ಷಿತೇ ಪ್ರಸ॒ವಂ ಭಿಕ್ಷ॑ಮಾಣೇ॒ ಅಚ್ಛಾ᳚ ಸಮು॒ದ್ರಂ ರ॒ಥ್ಯೇ᳚ವ ಯಾಥಃ | ಸ॒ಮಾ॒ರಾ॒ಣೇ ಊ॒ರ್ಮಿಭಿಃ॒ ಪಿನ್ವ॑ಮಾನೇ ಅ॒ನ್ಯಾ ವಾ᳚ಮ॒ನ್ಯಾಮಪ್ಯೇ᳚ತಿ ಶುಭ್ರೇ ||{3.33.2}, {3.3.4.2}, {3.2.12.2} |
| 322 | ಅಚ್ಛಾ॒ ಸಿಂಧುಂ᳚ ಮಾ॒ತೃತ॑ಮಾಮಯಾಸಂ॒ ವಿಪಾ᳚ಶಮು॒ರ್ವೀಂ ಸು॒ಭಗಾ᳚ಮಗನ್ಮ | ವ॒ತ್ಸಮಿ॑ವ ಮಾ॒ತರಾ᳚ ಸಂರಿಹಾ॒ಣೇ ಸ॑ಮಾ॒ನಂ ಯೋನಿ॒ಮನು॑ ಸಂ॒ಚರಂ᳚ತೀ ||{3.33.3}, {3.3.4.3}, {3.2.12.3} |
| 323 | ಏ॒ನಾ ವ॒ಯಂ ಪಯ॑ಸಾ॒ ಪಿನ್ವ॑ಮಾನಾ॒ ಅನು॒ ಯೋನಿಂ᳚ ದೇ॒ವಕೃ॑ತಂ॒ ಚರಂ᳚ತೀಃ | ನ ವರ್ತ॑ವೇ ಪ್ರಸ॒ವಃ ಸರ್ಗ॑ತಕ್ತಃ ಕಿಂ॒ಯುರ್ವಿಪ್ರೋ᳚ ನ॒ದ್ಯೋ᳚ ಜೋಹವೀತಿ ||{3.33.4}, {3.3.4.4}, {3.2.12.4} |
| 324 | ರಮ॑ಧ್ವಂ ಮೇ॒ ವಚ॑ಸೇ ಸೋ॒ಮ್ಯಾಯ॒ ಋತಾ᳚ವರೀ॒ರುಪ॑ ಮುಹೂ॒ರ್ತಮೇವೈಃ᳚ | ಪ್ರ ಸಿಂಧು॒ಮಚ್ಛಾ᳚ ಬೃಹ॒ತೀ ಮ॑ನೀ॒ಷಾ ಽ‌ವ॒ಸ್ಯುರ॑ಹ್ವೇ ಕುಶಿ॒ಕಸ್ಯ॑ ಸೂ॒ನುಃ ||{3.33.5}, {3.3.4.5}, {3.2.12.5} |
| 325 | ಇಂದ್ರೋ᳚ ಅ॒ಸ್ಮಾಁ ಅ॑ರದ॒ದ್ವಜ್ರ॑ಬಾಹು॒ರಪಾ᳚ಹನ್ವೃ॒ತ್ರಂ ಪ॑ರಿ॒ಧಿಂ ನ॒ದೀನಾಂ᳚ | ದೇ॒ವೋ᳚ಽನಯತ್ಸವಿ॒ತಾ ಸು॑ಪಾ॒ಣಿಸ್ತಸ್ಯ॑ ವ॒ಯಂ ಪ್ರ॑ಸ॒ವೇ ಯಾ᳚ಮ ಉ॒ರ್ವೀಃ ||{3.33.6}, {3.3.4.6}, {3.2.13.1} |
| 326 | ಪ್ರ॒ವಾಚ್ಯಂ᳚ ಶಶ್ವ॒ಧಾ ವೀ॒ರ್ಯ೧॑(ಅ॒) ಅಂತದಿಂದ್ರ॑ಸ್ಯ॒ ಕರ್ಮ॒ ಯದಹಿಂ᳚ ವಿವೃ॒ಶ್ಚತ್ | ವಿ ವಜ್ರೇ᳚ಣ ಪರಿ॒ಷದೋ᳚ ಜಘಾ॒ನಾಯ॒ನ್ನಾಪೋಽಯ॑ನಮಿ॒ಚ್ಛಮಾ᳚ನಾಃ ||{3.33.7}, {3.3.4.7}, {3.2.13.2} |
| 327 | ಏ॒ತದ್ವಚೋ᳚ ಜರಿತ॒ರ್ಮಾಪಿ॑ ಮೃಷ್ಠಾ॒ ಆ ಯತ್ತೇ॒ ಘೋಷಾ॒ನುತ್ತ॑ರಾ ಯು॒ಗಾನಿ॑ | ಉ॒ಕ್ಥೇಷು॑ ಕಾರೋ॒ ಪ್ರತಿ॑ ನೋ ಜುಷಸ್ವ॒ ಮಾ ನೋ॒ ನಿ ಕಃ॑ ಪುರುಷ॒ತ್ರಾ ನಮ॑ಸ್ತೇ ||{3.33.8}, {3.3.4.8}, {3.2.13.3} |
| 328 | ಓ ಷು ಸ್ವ॑ಸಾರಃ ಕಾ॒ರವೇ᳚ ಶೃಣೋತ ಯ॒ಯೌ ವೋ᳚ ದೂ॒ರಾದನ॑ಸಾ॒ ರಥೇ᳚ನ | ನಿ ಷೂ ನ॑ಮಧ್ವಂ॒ ಭವ॑ತಾ ಸುಪಾ॒ರಾ ಅ॑ಧೋಽ‌ಅ॒ಕ್ಷಾಃ ಸಿಂ᳚ಧವಃ ಸ್ರೋ॒ತ್ಯಾಭಿಃ॑ ||{3.33.9}, {3.3.4.9}, {3.2.13.4} |
| 329 | ಆ ತೇ᳚ ಕಾರೋ ಶೃಣವಾಮಾ॒ ವಚಾಂ᳚ಸಿ ಯ॒ಯಾಥ॑ ದೂ॒ರಾದನ॑ಸಾ॒ ರಥೇ᳚ನ | ನಿ ತೇ᳚ ನಂಸೈ ಪೀಪ್ಯಾ॒ನೇವ॒ ಯೋಷಾ॒ ಮರ್ಯಾ᳚ಯೇವ ಕ॒ನ್ಯಾ᳚ ಶಶ್ವ॒ಚೈ ತೇ᳚ ||{3.33.10}, {3.3.4.10}, {3.2.13.5} |
| 330 | ಯದಂ॒ಗ ತ್ವಾ᳚ ಭರ॒ತಾಃ ಸಂ॒ತರೇ᳚ಯುರ್‌ಗ॒ವ್ಯನ್ಗ್ರಾಮ॑ ಇಷಿ॒ತ ಇಂದ್ರ॑ಜೂತಃ | ಅರ್ಷಾ॒ದಹ॑ ಪ್ರಸ॒ವಃ ಸರ್ಗ॑ತಕ್ತ॒ ಆ ವೋ᳚ ವೃಣೇ ಸುಮ॒ತಿಂ ಯ॒ಜ್ಞಿಯಾ᳚ನಾಂ ||{3.33.11}, {3.3.4.11}, {3.2.14.1} |
| 331 | ಅತಾ᳚ರಿಷುರ್ಭರ॒ತಾ ಗ॒ವ್ಯವಃ॒ ಸಮಭ॑ಕ್ತ॒ ವಿಪ್ರಃ॑ ಸುಮ॒ತಿಂ ನ॒ದೀನಾಂ᳚ | ಪ್ರ ಪಿ᳚ನ್ವಧ್ವಮಿ॒ಷಯಂ᳚ತೀಃ ಸು॒ರಾಧಾ॒ ಆ ವ॒ಕ್ಷಣಾಃ᳚ ಪೃ॒ಣಧ್ವಂ᳚ ಯಾ॒ತ ಶೀಭಂ᳚ ||{3.33.12}, {3.3.4.12}, {3.2.14.2} |
| 332 | ಉದ್ವ॑ ಊ॒ರ್ಮಿಃ ಶಮ್ಯಾ᳚ ಹಂ॒ತ್ವಾಪೋ॒ ಯೋಕ್ತ್ರಾ᳚ಣಿ ಮುಂಚತ | ಮಾದು॑ಷ್ಕೃತೌ॒ ವ್ಯೇ᳚ನಸಾ॒ ಽ‌ಘ್ನ್ಯೌ ಶೂನ॒ಮಾರ॑ತಾಂ ||{3.33.13}, {3.3.4.13}, {3.2.14.3} |
| [34] (1-11) ಇಂದ್ರಃ ಪೂರ್ಭಿದಿತಿ ಏಕಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 333 | ಇಂದ್ರಃ॑ ಪೂ॒ರ್ಭಿದಾತಿ॑ರ॒ದ್ದಾಸ॑ಮ॒ರ್ಕೈರ್ವಿ॒ದದ್ವ॑ಸು॒ರ್ದಯ॑ಮಾನೋ॒ ವಿ ಶತ್ರೂ॑ನ್ | ಬ್ರಹ್ಮ॑ಜೂತಸ್ತ॒ನ್ವಾ᳚ ವಾವೃಧಾ॒ನೋ ಭೂರಿ॑ದಾತ್ರ॒ ಆಪೃ॑ಣ॒ದ್ರೋದ॑ಸೀ ಉ॒ಭೇ ||{3.34.1}, {3.3.5.1}, {3.2.15.1} |
| 334 | ಮ॒ಖಸ್ಯ॑ ತೇ ತವಿ॒ಷಸ್ಯ॒ ಪ್ರ ಜೂ॒ತಿಮಿಯ᳚ರ್ಮಿ॒ ವಾಚ॑ಮ॒ಮೃತಾ᳚ಯ॒ ಭೂಷ॑ನ್ | ಇಂದ್ರ॑ ಕ್ಷಿತೀ॒ನಾಮ॑ಸಿ॒ ಮಾನು॑ಷೀಣಾಂ ವಿ॒ಶಾಂ ದೈವೀ᳚ನಾಮು॒ತ ಪೂ᳚ರ್ವ॒ಯಾವಾ᳚ ||{3.34.2}, {3.3.5.2}, {3.2.15.2} |
| 335 | ಇಂದ್ರೋ᳚ ವೃ॒ತ್ರಮ॑ವೃಣೋ॒ಚ್ಛರ್ಧ॑ನೀತಿಃ॒ ಪ್ರ ಮಾ॒ಯಿನಾ᳚ಮಮಿನಾ॒ದ್ವರ್ಪ॑ಣೀತಿಃ | ಅಹ॒ನ್ವ್ಯಂ᳚ಸಮು॒ಶಧ॒ಗ್ವನೇ᳚ಷ್ವಾ॒ವಿರ್ಧೇನಾ᳚ ಅಕೃಣೋದ್ರಾ॒ಮ್ಯಾಣಾಂ᳚ ||{3.34.3}, {3.3.5.3}, {3.2.15.3} |
| 336 | ಇಂದ್ರಃ॑ ಸ್ವ॒ರ್ಷಾ ಜ॒ನಯ॒ನ್ನಹಾ᳚ನಿ ಜಿ॒ಗಾಯೋ॒ಶಿಗ್ಭಿಃ॒ ಪೃತ॑ನಾ ಅಭಿ॒ಷ್ಟಿಃ | ಪ್ರಾರೋ᳚ಚಯ॒ನ್ಮನ॑ವೇ ಕೇ॒ತುಮಹ್ನಾ॒ಮವಿಂ᳚ದ॒ಜ್ಜ್ಯೋತಿ॑ರ್ಬೃಹ॒ತೇ ರಣಾ᳚ಯ ||{3.34.4}, {3.3.5.4}, {3.2.15.4} |
| 337 | ಇಂದ್ರ॒ಸ್ತುಜೋ᳚ ಬ॒ರ್ಹಣಾ॒ ಆ ವಿ॑ವೇಶ ನೃ॒ವದ್ದಧಾ᳚ನೋ॒ ನರ್ಯಾ᳚ ಪು॒ರೂಣಿ॑ | ಅಚೇ᳚ತಯ॒ದ್ಧಿಯ॑ ಇ॒ಮಾ ಜ॑ರಿ॒ತ್ರೇ ಪ್ರೇಮಂ ವರ್ಣ॑ಮತಿರಚ್ಛು॒ಕ್ರಮಾ᳚ಸಾಂ ||{3.34.5}, {3.3.5.5}, {3.2.15.5} |
| 338 | ಮ॒ಹೋ ಮ॒ಹಾನಿ॑ ಪನಯಂತ್ಯ॒ಸ್ಯೇಂದ್ರ॑ಸ್ಯ॒ ಕರ್ಮ॒ ಸುಕೃ॑ತಾ ಪು॒ರೂಣಿ॑ | ವೃ॒ಜನೇ᳚ನ ವೃಜಿ॒ನಾನ್ಸಂ ಪಿ॑ಪೇಷ ಮಾ॒ಯಾಭಿ॒ರ್ದಸ್ಯೂಁ᳚ರ॒ಭಿಭೂ᳚ತ್ಯೋಜಾಃ ||{3.34.6}, {3.3.5.6}, {3.2.16.1} |
| 339 | ಯು॒ಧೇಂದ್ರೋ᳚ ಮ॒ಹ್ನಾ ವರಿ॑ವಶ್ಚಕಾರ ದೇ॒ವೇಭ್ಯಃ॒ ಸತ್ಪ॑ತಿಶ್ಚರ್ಷಣಿ॒ಪ್ರಾಃ | ವಿ॒ವಸ್ವ॑ತಃ॒ ಸದ॑ನೇ ಅಸ್ಯ॒ ತಾನಿ॒ ವಿಪ್ರಾ᳚ ಉ॒ಕ್ಥೇಭಿಃ॑ ಕ॒ವಯೋ᳚ ಗೃಣಂತಿ ||{3.34.7}, {3.3.5.7}, {3.2.16.2} |
| 340 | ಸ॒ತ್ರಾ॒ಸಾಹಂ॒ ವರೇ᳚ಣ್ಯಂ ಸಹೋ॒ದಾಂ ಸ॑ಸ॒ವಾಂಸಂ॒ ಸ್ವ॑ರ॒ಪಶ್ಚ॑ ದೇ॒ವೀಃ | ಸ॒ಸಾನ॒ ಯಃ ಪೃ॑ಥಿ॒ವೀಂ ದ್ಯಾಮು॒ತೇಮಾಮಿಂದ್ರಂ᳚ ಮದಂ॒ತ್ಯನು॒ ಧೀರ॑ಣಾಸಃ ||{3.34.8}, {3.3.5.8}, {3.2.16.3} |
| 341 | ಸ॒ಸಾನಾತ್ಯಾಁ᳚ ಉ॒ತ ಸೂರ್ಯಂ᳚ ಸಸಾ॒ನೇಂದ್ರಃ॑ ಸಸಾನ ಪುರು॒ಭೋಜ॑ಸಂ॒ ಗಾಂ | ಹಿ॒ರ॒ಣ್ಯಯ॑ಮು॒ತ ಭೋಗಂ᳚ ಸಸಾನ ಹ॒ತ್ವೀ ದಸ್ಯೂ॒ನ್ಪ್ರಾರ್ಯಂ॒ ವರ್ಣ॑ಮಾವತ್ ||{3.34.9}, {3.3.5.9}, {3.2.16.4} |
| 342 | ಇಂದ್ರ॒ ಓಷ॑ಧೀರಸನೋ॒ದಹಾ᳚ನಿ॒ ವನ॒ಸ್ಪತೀಁ᳚ರಸನೋದಂ॒ತರಿ॑ಕ್ಷಂ | ಬಿ॒ಭೇದ॑ ವ॒ಲಂ ನು॑ನು॒ದೇ ವಿವಾ॒ಚೋ ಥಾ᳚ಭವದ್ದಮಿ॒ತಾಭಿಕ್ರ॑ತೂನಾಂ ||{3.34.10}, {3.3.5.10}, {3.2.16.5} |
| 343 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.34.11}, {3.3.5.11}, {3.2.16.6} |
| [35] (1-11) ತಿಷ್ಠಾಹರೀ ಇತಿ ಏಕಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 344 | ತಿಷ್ಠಾ॒ ಹರೀ॒ ರಥ॒ ಆ ಯು॒ಜ್ಯಮಾ᳚ನಾ ಯಾ॒ಹಿ ವಾ॒ಯುರ್ನ ನಿ॒ಯುತೋ᳚ ನೋ॒ ಅಚ್ಛ॑ | ಪಿಬಾ॒ಸ್ಯಂಧೋ᳚ ಅ॒ಭಿಸೃ॑ಷ್ಟೋ ಅ॒ಸ್ಮೇ ಇಂದ್ರ॒ ಸ್ವಾಹಾ᳚ ರರಿ॒ಮಾ ತೇ॒ ಮದಾ᳚ಯ ||{3.35.1}, {3.3.6.1}, {3.2.17.1} |
| 345 | ಉಪಾ᳚ಜಿ॒ರಾ ಪು॑ರುಹೂ॒ತಾಯ॒ ಸಪ್ತೀ॒ ಹರೀ॒ ರಥ॑ಸ್ಯ ಧೂ॒ರ್ಷ್ವಾ ಯು॑ನಜ್ಮಿ | ದ್ರ॒ವದ್ಯಥಾ॒ ಸಂಭೃ॑ತಂ ವಿ॒ಶ್ವತ॑ಶ್ಚಿ॒ದುಪೇ॒ಮಂ ಯ॒ಜ್ಞಮಾ ವ॑ಹಾತ॒ ಇಂದ್ರಂ᳚ ||{3.35.2}, {3.3.6.2}, {3.2.17.2} |
| 346 | ಉಪೋ᳚ ನಯಸ್ವ॒ ವೃಷ॑ಣಾ ತಪು॒ಷ್ಪೋತೇಮ॑ವ॒ ತ್ವಂ ವೃ॑ಷಭ ಸ್ವಧಾವಃ | ಗ್ರಸೇ᳚ತಾ॒ಮಶ್ವಾ॒ ವಿ ಮು॑ಚೇ॒ಹ ಶೋಣಾ᳚ ದಿ॒ವೇದಿ॑ವೇ ಸ॒ದೃಶೀ᳚ರದ್ಧಿ ಧಾ॒ನಾಃ ||{3.35.3}, {3.3.6.3}, {3.2.17.3} |
| 347 | ಬ್ರಹ್ಮ॑ಣಾ ತೇ ಬ್ರಹ್ಮ॒ಯುಜಾ᳚ ಯುನಜ್ಮಿ॒ ಹರೀ॒ ಸಖಾ᳚ಯಾ ಸಧ॒ಮಾದ॑ ಆ॒ಶೂ | ಸ್ಥಿ॒ರಂ ರಥಂ᳚ ಸು॒ಖಮಿಂ᳚ದ್ರಾಧಿ॒ತಿಷ್ಠ᳚ನ್ಪ್ರಜಾ॒ನನ್ವಿ॒ದ್ವಾಁ ಉಪ॑ ಯಾಹಿ॒ ಸೋಮಂ᳚ ||{3.35.4}, {3.3.6.4}, {3.2.17.4} |
| 348 | ಮಾ ತೇ॒ ಹರೀ॒ ವೃಷ॑ಣಾ ವೀ॒ತಪೃ॑ಷ್ಠಾ॒ ನಿ ರೀ᳚ರಮ॒ನ್ಯಜ॑ಮಾನಾಸೋ ಅ॒ನ್ಯೇ | ಅ॒ತ್ಯಾಯಾ᳚ಹಿ॒ ಶಶ್ವ॑ತೋ ವ॒ಯಂ ತೇ ರಂ᳚ ಸು॒ತೇಭಿಃ॑ ಕೃಣವಾಮ॒ ಸೋಮೈಃ᳚ ||{3.35.5}, {3.3.6.5}, {3.2.17.5} |
| 349 | ತವಾ॒ಯಂ ಸೋಮ॒ಸ್ತ್ವಮೇಹ್ಯ॒ರ್ವಾಙ್ಶ॑ಶ್ವತ್ತ॒ಮಂ ಸು॒ಮನಾ᳚ ಅ॒ಸ್ಯ ಪಾ᳚ಹಿ | ಅ॒ಸ್ಮಿನ್ಯ॒ಜ್ಞೇ ಬ॒ರ್ಹಿಷ್ಯಾ ನಿ॒ಷದ್ಯಾ᳚ ದಧಿ॒ಷ್ವೇಮಂ ಜ॒ಠರ॒ ಇಂದು॑ಮಿಂದ್ರ ||{3.35.6}, {3.3.6.6}, {3.2.18.1} |
| 350 | ಸ್ತೀ॒ರ್ಣಂ ತೇ᳚ ಬ॒ರ್ಹಿಃ ಸು॒ತ ಇಂ᳚ದ್ರ॒ ಸೋಮಃ॑ ಕೃ॒ತಾ ಧಾ॒ನಾ ಅತ್ತ॑ವೇ ತೇ॒ ಹರಿ॑ಭ್ಯಾಂ | ತದೋ᳚ಕಸೇ ಪುರು॒ಶಾಕಾ᳚ಯ॒ ವೃಷ್ಣೇ᳚ ಮ॒ರುತ್ವ॑ತೇ॒ ತುಭ್ಯಂ᳚ ರಾ॒ತಾ ಹ॒ವೀಂಷಿ॑ ||{3.35.7}, {3.3.6.7}, {3.2.18.2} |
| 351 | ಇ॒ಮಂ ನರಃ॒ ಪರ್ವ॑ತಾ॒ಽ‌ಸ್ತುಭ್ಯ॒ಮಾಪಃ॒ ಸಮಿಂ᳚ದ್ರ॒ ಗೋಭಿ॒ರ್ಮಧು॑ಮಂತಮಕ್ರನ್ | ತಸ್ಯಾ॒ಗತ್ಯಾ᳚ ಸು॒ಮನಾ᳚ ಋಷ್ವ ಪಾಹಿ ಪ್ರಜಾ॒ನನ್ವಿ॒ದ್ವಾನ್ಪ॒ಥ್ಯಾ॒೩॑(ಆ॒) ಅನು॒ ಸ್ವಾಃ ||{3.35.8}, {3.3.6.8}, {3.2.18.3} |
| 352 | ಯಾಁ ಆಭ॑ಜೋ ಮ॒ರುತ॑ ಇಂದ್ರ॒ ಸೋಮೇ॒ ಯೇ ತ್ವಾಮವ॑ರ್ಧ॒ನ್ನಭ॑ವನ್ಗ॒ಣಸ್ತೇ᳚ | ತೇಭಿ॑ರೇ॒ತಂ ಸ॒ಜೋಷಾ᳚ ವಾವಶಾ॒ನೋ॒೩॑(ಓ॒)ಽಗ್ನೇಃ ಪಿ॑ಬ ಜಿ॒ಹ್ವಯಾ॒ ಸೋಮ॑ಮಿಂದ್ರ ||{3.35.9}, {3.3.6.9}, {3.2.18.4} |
| 353 | ಇಂದ್ರ॒ ಪಿಬ॑ ಸ್ವ॒ಧಯಾ᳚ ಚಿತ್ಸು॒ತಸ್ಯಾ॒ಽ‌ಗ್ನೇರ್ವಾ᳚ ಪಾಹಿ ಜಿ॒ಹ್ವಯಾ᳚ ಯಜತ್ರ | ಅ॒ಧ್ವ॒ರ್ಯೋರ್ವಾ॒ ಪ್ರಯ॑ತಂ ಶಕ್ರ॒ ಹಸ್ತಾ॒ದ್ಧೋತು᳚ರ್ವಾ ಯ॒ಜ್ಞಂ ಹ॒ವಿಷೋ᳚ ಜುಷಸ್ವ ||{3.35.10}, {3.3.6.10}, {3.2.18.5} |
| 354 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.35.11}, {3.3.6.11}, {3.2.18.6} |
| [36] (1-11) ಏಕಾದಶರ್ಚಸ್ಯ ಸೂಕ್ತಸ್ಯ (1-9, 11) ಪ್ರಥಮಾದಿನವರ್ಚಾಮಕ ದಿಶ್ಯಾಶ್ಚ ಗಾಥಿನೋ ವಿಶ್ವಾಮಿತ್ರಃ (10) ದಶಮ್ಯಾಶ್ಚ ಆಂಗಿರಸೋ ಘೋರ ಋಷೀ, ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 355 | ಇ॒ಮಾಮೂ॒ ಷು ಪ್ರಭೃ॑ತಿಂ ಸಾ॒ತಯೇ᳚ ಧಾಃ॒ ಶಶ್ವ॑ಚ್ಛಶ್ವದೂ॒ತಿಭಿ॒ರ್‌ಯಾದ॑ಮಾನಃ | ಸು॒ತೇಸು॑ತೇ ವಾವೃಧೇ॒ ವರ್ಧ॑ನೇಭಿ॒ರ್ಯಃ ಕರ್ಮ॑ಭಿರ್‌ಮ॒ಹದ್ಭಿಃ॒ ಸುಶ್ರು॑ತೋ॒ ಭೂತ್ ||{3.36.1}, {3.3.7.1}, {3.2.19.1} |
| 356 | ಇಂದ್ರಾ᳚ಯ॒ ಸೋಮಾಃ᳚ ಪ್ರ॒ದಿವೋ॒ ವಿದಾ᳚ನಾ ಋ॒ಭುರ್ಯೇಭಿ॒ರ್ವೃಷ॑ಪರ್ವಾ॒ ವಿಹಾ᳚ಯಾಃ | ಪ್ರ॒ಯ॒ಮ್ಯಮಾ᳚ನಾ॒ನ್ಪ್ರತಿ॒ ಷೂ ಗೃ॑ಭಾ॒ಯೇಂದ್ರ॒ ಪಿಬ॒ ವೃಷ॑ಧೂತಸ್ಯ॒ ವೃಷ್ಣಃ॑ ||{3.36.2}, {3.3.7.2}, {3.2.19.2} |
| 357 | ಪಿಬಾ॒ ವರ್ಧ॑ಸ್ವ॒ ತವ॑ ಘಾ ಸು॒ತಾಸ॒ ಇಂದ್ರ॒ ಸೋಮಾ᳚ಸಃ ಪ್ರಥ॒ಮಾ ಉ॒ತೇಮೇ | ಯಥಾಪಿ॑ಬಃ ಪೂ॒ರ್ವ್ಯಾಁ ಇಂ᳚ದ್ರ॒ ಸೋಮಾಁ᳚ ಏ॒ವಾ ಪಾ᳚ಹಿ॒ ಪನ್ಯೋ᳚ ಅ॒ದ್ಯಾ ನವೀ᳚ಯಾನ್ ||{3.36.3}, {3.3.7.3}, {3.2.19.3} |
| 358 | ಮ॒ಹಾಁ ಅಮ॑ತ್ರೋ ವೃ॒ಜನೇ᳚ ವಿರ॒ಪ್ಶ್ಯು೧॑(ಉ॒)ಗ್ರಂ ಶವಃ॑ ಪತ್ಯತೇ ಧೃ॒ಷ್ಣ್ವೋಜಃ॑ | ನಾಹ॑ ವಿವ್ಯಾಚ ಪೃಥಿ॒ವೀ ಚ॒ನೈನಂ॒ ಯತ್ಸೋಮಾ᳚ಸೋ॒ ಹರ್ಯ॑ಶ್ವ॒ಮಮಂ᳚ದನ್ ||{3.36.4}, {3.3.7.4}, {3.2.19.4} |
| 359 | ಮ॒ಹಾಁ ಉ॒ಗ್ರೋ ವಾ᳚ವೃಧೇ ವೀ॒ರ್ಯಾ᳚ಯ ಸ॒ಮಾಚ॑ಕ್ರೇ ವೃಷ॒ಭಃ ಕಾವ್ಯೇ᳚ನ | ಇಂದ್ರೋ॒ ಭಗೋ᳚ ವಾಜ॒ದಾ ಅ॑ಸ್ಯ॒ ಗಾವಃ॒ ಪ್ರ ಜಾ᳚ಯಂತೇ॒ ದಕ್ಷಿ॑ಣಾ ಅಸ್ಯ ಪೂ॒ರ್ವೀಃ ||{3.36.5}, {3.3.7.5}, {3.2.19.5} |
| 360 | ಪ್ರ ಯತ್ಸಿಂಧ॑ವಃ ಪ್ರಸ॒ವಂ ಯಥಾಯ॒ನ್ನಾಪಃ॑ ಸಮು॒ದ್ರಂ ರ॒ಥ್ಯೇ᳚ವ ಜಗ್ಮುಃ | ಅತ॑ಶ್ಚಿ॒ದಿಂದ್ರಃ॒ ಸದ॑ಸೋ॒ ವರೀ᳚ಯಾ॒ನ್ಯದೀಂ॒ ಸೋಮಃ॑ ಪೃ॒ಣತಿ॑ ದು॒ಗ್ಧೋ ಅಂ॒ಶುಃ ||{3.36.6}, {3.3.7.6}, {3.2.20.1} |
| 361 | ಸ॒ಮು॒ದ್ರೇಣ॒ ಸಿಂಧ॑ವೋ॒ ಯಾದ॑ಮಾನಾ॒ ಇಂದ್ರಾ᳚ಯ॒ ಸೋಮಂ॒ ಸುಷು॑ತಂ॒ ಭರಂ᳚ತಃ | ಅಂ॒ಶುಂ ದು॑ಹಂತಿ ಹ॒ಸ್ತಿನೋ᳚ ಭ॒ರಿತ್ರೈ॒ರ್ಮಧ್ವಃ॑ ಪುನಂತಿ॒ ಧಾರ॑ಯಾ ಪ॒ವಿತ್ರೈಃ᳚ ||{3.36.7}, {3.3.7.7}, {3.2.20.2} |
| 362 | ಹ್ರ॒ದಾ ಇ॑ವ ಕು॒ಕ್ಷಯಃ॑ ಸೋಮ॒ಧಾನಾಃ॒ ಸಮೀ᳚ ವಿವ್ಯಾಚ॒ ಸವ॑ನಾ ಪು॒ರೂಣಿ॑ | ಅನ್ನಾ॒ ಯದಿಂದ್ರಃ॑ ಪ್ರಥ॒ಮಾ ವ್ಯಾಶ॑ ವೃ॒ತ್ರಂ ಜ॑ಘ॒ನ್ವಾಁ ಅ॑ವೃಣೀತ॒ ಸೋಮಂ᳚ ||{3.36.8}, {3.3.7.8}, {3.2.20.3} |
| 363 | ಆ ತೂ ಭ॑ರ॒ ಮಾಕಿ॑ರೇ॒ತತ್ಪರಿ॑ ಷ್ಠಾದ್ವಿ॒ದ್ಮಾ ಹಿ ತ್ವಾ॒ ವಸು॑ಪತಿಂ॒ ವಸೂ᳚ನಾಂ | ಇಂದ್ರ॒ ಯತ್ತೇ॒ ಮಾಹಿ॑ನಂ॒ ದತ್ರ॒ಮಸ್ತ್ಯ॒ಸ್ಮಭ್ಯಂ॒ ತದ್ಧ॑ರ್ಯಶ್ವ॒ ಪ್ರ ಯಂ᳚ಧಿ ||{3.36.9}, {3.3.7.9}, {3.2.20.4} |
| 364 | ಅ॒ಸ್ಮೇ ಪ್ರ ಯಂ᳚ಧಿ ಮಘವನ್ನೃಜೀಷಿ॒ನ್ನಿಂದ್ರ॑ ರಾ॒ಯೋ ವಿ॒ಶ್ವವಾ᳚ರಸ್ಯ॒ ಭೂರೇಃ᳚ | ಅ॒ಸ್ಮೇ ಶ॒ತಂ ಶ॒ರದೋ᳚ ಜೀ॒ವಸೇ᳚ ಧಾ ಅ॒ಸ್ಮೇ ವೀ॒ರಾಂಛಶ್ವ॑ತ ಇಂದ್ರ ಶಿಪ್ರಿನ್ ||{3.36.10}, {3.3.7.10}, {3.2.20.5} |
| 365 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.36.11}, {3.3.7.11}, {3.2.20.6} |
| [37] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | (1-10) ಪ್ರಥಮಾದಿದಶೋಂ ಗಾಯತ್ರೀ (11) ಏಕಾದಶ್ಯಾಶ್ಚಾನುಷ್ಟಪ್ ಛಂದಸೀ || | |
| 366 | ವಾರ್ತ್ರ॑ಹತ್ಯಾಯ॒ ಶವ॑ಸೇ ಪೃತನಾ॒ಷಾಹ್ಯಾ᳚ಯ ಚ | ಇಂದ್ರ॒ ತ್ವಾ ವ॑ರ್ತಯಾಮಸಿ ||{3.37.1}, {3.3.8.1}, {3.2.21.1} |
| 367 | ಅ॒ರ್ವಾ॒ಚೀನಂ॒ ಸು ತೇ॒ ಮನ॑ ಉ॒ತ ಚಕ್ಷುಃ॑ ಶತಕ್ರತೋ | ಇಂದ್ರ॑ ಕೃ॒ಣ್ವಂತು॑ ವಾ॒ಘತಃ॑ ||{3.37.2}, {3.3.8.2}, {3.2.21.2} |
| 368 | ನಾಮಾ᳚ನಿ ತೇ ಶತಕ್ರತೋ॒ ವಿಶ್ವಾ᳚ಭಿರ್ಗೀ॒ರ್ಭಿರೀ᳚ಮಹೇ | ಇಂದ್ರಾ᳚ಭಿಮಾತಿ॒ಷಾಹ್ಯೇ᳚ ||{3.37.3}, {3.3.8.3}, {3.2.21.3} |
| 369 | ಪು॒ರು॒ಷ್ಟು॒ತಸ್ಯ॒ ಧಾಮ॑ಭಿಃ ಶ॒ತೇನ॑ ಮಹಯಾಮಸಿ | ಇಂದ್ರ॑ಸ್ಯ ಚರ್ಷಣೀ॒ಧೃತಃ॑ ||{3.37.4}, {3.3.8.4}, {3.2.21.4} |
| 370 | ಇಂದ್ರಂ᳚ ವೃ॒ತ್ರಾಯ॒ ಹಂತ॑ವೇ ಪುರುಹೂ॒ತಮುಪ॑ ಬ್ರುವೇ | ಭರೇ᳚ಷು॒ ವಾಜ॑ಸಾತಯೇ ||{3.37.5}, {3.3.8.5}, {3.2.21.5} |
| 371 | ವಾಜೇ᳚ಷು ಸಾಸ॒ಹಿರ್ಭ॑ವ॒ ತ್ವಾಮೀ᳚ಮಹೇ ಶತಕ್ರತೋ | ಇಂದ್ರ॑ ವೃ॒ತ್ರಾಯ॒ ಹಂತ॑ವೇ ||{3.37.6}, {3.3.8.6}, {3.2.22.1} |
| 372 | ದ್ಯು॒ಮ್ನೇಷು॑ ಪೃತ॒ನಾಜ್ಯೇ᳚ ಪೃತ್ಸು॒ತೂರ್ಷು॒ ಶ್ರವ॑ಸ್ಸು ಚ | ಇಂದ್ರ॒ ಸಾಕ್ಷ್ವಾ॒ಭಿಮಾ᳚ತಿಷು ||{3.37.7}, {3.3.8.7}, {3.2.22.2} |
| 373 | ಶು॒ಷ್ಮಿಂತ॑ಮಂ ನ ಊ॒ತಯೇ᳚ ದ್ಯು॒ಮ್ನಿನಂ᳚ ಪಾಹಿ॒ ಜಾಗೃ॑ವಿಂ | ಇಂದ್ರ॒ ಸೋಮಂ᳚ ಶತಕ್ರತೋ ||{3.37.8}, {3.3.8.8}, {3.2.22.3} |
| 374 | ಇಂ॒ದ್ರಿ॒ಯಾಣಿ॑ ಶತಕ್ರತೋ॒ ಯಾ ತೇ॒ ಜನೇ᳚ಷು ಪಂ॒ಚಸು॑ | ಇಂದ್ರ॒ ತಾನಿ॑ ತ॒ ಆ ವೃ॑ಣೇ ||{3.37.9}, {3.3.8.9}, {3.2.22.4} |
| 375 | ಅಗ᳚ನ್ನಿಂದ್ರ॒ ಶ್ರವೋ᳚ ಬೃ॒ಹದ್ದ್ಯು॒ಮ್ನಂ ದ॑ಧಿಷ್ವ ದು॒ಷ್ಟರಂ᳚ | ಉತ್ತೇ॒ ಶುಷ್ಮಂ᳚ ತಿರಾಮಸಿ ||{3.37.10}, {3.3.8.10}, {3.2.22.5} |
| 376 | ಅ॒ರ್ವಾ॒ವತೋ᳚ ನ॒ ಆ ಗ॒ಹ್ಯಥೋ᳚ ಶಕ್ರ ಪರಾ॒ವತಃ॑ | ಉ॒ ಲೋ॒ಕೋ ಯಸ್ತೇ᳚ ಅದ್ರಿವ॒ ಇಂದ್ರೇ॒ಹ ತತ॒ ಆ ಗ॑ಹಿ ||{3.37.11}, {3.3.8.11}, {3.2.22.6} |
| [38] (1-10) ದಶರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ವಾಚ್ಯೋ ವಾ ಪ್ರಜಾಪತಿಃ ತಾವುಭೌ ವಾ ಗಾಥಿನೋ ವಿಶ್ವಾಮಿತ್ರೋ ವಾ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 377 | ಅ॒ಭಿ ತಷ್ಟೇ᳚ವ ದೀಧಯಾ ಮನೀ॒ಷಾಮತ್ಯೋ॒ ನ ವಾ॒ಜೀ ಸು॒ಧುರೋ॒ ಜಿಹಾ᳚ನಃ | ಅ॒ಭಿ ಪ್ರಿ॒ಯಾಣಿ॒ ಮರ್ಮೃ॑ಶ॒ತ್ಪರಾ᳚ಣಿ ಕ॒ವೀಁರಿ॑ಚ್ಛಾಮಿ ಸಂ॒ದೃಶೇ᳚ ಸುಮೇ॒ಧಾಃ ||{3.38.1}, {3.3.9.1}, {3.2.23.1} |
| 378 | ಇ॒ನೋತ ಪೃ॑ಚ್ಛ॒ ಜನಿ॑ಮಾ ಕವೀ॒ನಾಂ ಮ॑ನೋ॒ಧೃತಃ॑ ಸು॒ಕೃತ॑ಸ್ತಕ್ಷತ॒ ದ್ಯಾಂ | ಇ॒ಮಾ ಉ॑ ತೇ ಪ್ರ॒ಣ್ಯೋ॒೩॑(ಓ॒) ವರ್ಧ॑ಮಾನಾ॒ ಮನೋ᳚ವಾತಾ॒ ಅಧ॒ ನು ಧರ್ಮ॑ಣಿ ಗ್ಮನ್ ||{3.38.2}, {3.3.9.2}, {3.2.23.2} |
| 379 | ನಿ ಷೀ॒ಮಿದತ್ರ॒ ಗುಹ್ಯಾ॒ ದಧಾ᳚ನಾ ಉ॒ತ ಕ್ಷ॒ತ್ರಾಯ॒ ರೋದ॑ಸೀ॒ ಸಮಂ᳚ಜನ್ | ಸಂ ಮಾತ್ರಾ᳚ಭಿರ್ಮಮಿ॒ರೇ ಯೇ॒ಮುರು॒ರ್ವೀ ಅಂ॒ತರ್ಮ॒ಹೀ ಸಮೃ॑ತೇ॒ ಧಾಯ॑ಸೇ ಧುಃ ||{3.38.3}, {3.3.9.3}, {3.2.23.3} |
| 380 | ಆ॒ತಿಷ್ಠಂ᳚ತಂ॒ ಪರಿ॒ ವಿಶ್ವೇ᳚ ಅಭೂಷಂ॒ಛ್ರಿಯೋ॒ ವಸಾ᳚ನಶ್ಚರತಿ॒ ಸ್ವರೋ᳚ಚಿಃ | ಮ॒ಹತ್ತದ್ವೃಷ್ಣೋ॒ ಅಸು॑ರಸ್ಯ॒ ನಾಮಾ ವಿ॒ಶ್ವರೂ᳚ಪೋ ಅ॒ಮೃತಾ᳚ನಿ ತಸ್ಥೌ ||{3.38.4}, {3.3.9.4}, {3.2.23.4} |
| 381 | ಅಸೂ᳚ತ॒ ಪೂರ್ವೋ᳚ ವೃಷ॒ಭೋ ಜ್ಯಾಯಾ᳚ನಿ॒ಮಾ ಅ॑ಸ್ಯ ಶು॒ರುಧಃ॑ ಸಂತಿ ಪೂ॒ರ್ವೀಃ | ದಿವೋ᳚ ನಪಾತಾ ವಿ॒ದಥ॑ಸ್ಯ ಧೀ॒ಭಿಃ ಕ್ಷ॒ತ್ರಂ ರಾ᳚ಜಾನಾ ಪ್ರ॒ದಿವೋ᳚ ದಧಾಥೇ ||{3.38.5}, {3.3.9.5}, {3.2.23.5} |
| 382 | ತ್ರೀಣಿ॑ ರಾಜಾನಾ ವಿ॒ದಥೇ᳚ ಪು॒ರೂಣಿ॒ ಪರಿ॒ ವಿಶ್ವಾ᳚ನಿ ಭೂಷಥಃ॒ ಸದಾಂ᳚ಸಿ | ಅಪ॑ಶ್ಯ॒ಮತ್ರ॒ ಮನ॑ಸಾ ಜಗ॒ನ್ವಾನ್ವ್ರ॒ತೇ ಗಂ᳚ಧ॒ರ್ವಾಁ ಅಪಿ॑ ವಾ॒ಯುಕೇ᳚ಶಾನ್ ||{3.38.6}, {3.3.9.6}, {3.2.24.1} |
| 383 | ತದಿನ್ನ್ವ॑ಸ್ಯ ವೃಷ॒ಭಸ್ಯ॑ ಧೇ॒ನೋರಾ ನಾಮ॑ಭಿರ್ಮಮಿರೇ॒ ಸಕ್ಮ್ಯಂ॒ ಗೋಃ | ಅ॒ನ್ಯದ᳚ನ್ಯದಸು॒ರ್ಯ೧॑(ಅ॒) ಅಂವಸಾ᳚ನಾ॒ ನಿ ಮಾ॒ಯಿನೋ᳚ ಮಮಿರೇ ರೂ॒ಪಮ॑ಸ್ಮಿನ್ ||{3.38.7}, {3.3.9.7}, {3.2.24.2} |
| 384 | ತದಿನ್ನ್ವ॑ಸ್ಯ ಸವಿ॒ತುರ್ನಕಿ᳚ರ್ಮೇ ಹಿರ॒ಣ್ಯಯೀ᳚ಮ॒ಮತಿಂ॒ ಯಾಮಶಿ॑ಶ್ರೇತ್ | ಆ ಸು॑ಷ್ಟು॒ತೀ ರೋದ॑ಸೀ ವಿಶ್ವಮಿ॒ನ್ವೇ ಅಪೀ᳚ವ॒ ಯೋಷಾ॒ ಜನಿ॑ಮಾನಿ ವವ್ರೇ ||{3.38.8}, {3.3.9.8}, {3.2.24.3} |
| 385 | ಯು॒ವಂ ಪ್ರ॒ತ್ನಸ್ಯ॑ ಸಾಧಥೋ ಮ॒ಹೋ ಯದ್ದೈವೀ᳚ ಸ್ವ॒ಸ್ತಿಃ ಪರಿ॑ ಣಃ ಸ್ಯಾತಂ | ಗೋ॒ಪಾಜಿ॑ಹ್ವಸ್ಯ ತ॒ಸ್ಥುಷೋ॒ ವಿರೂ᳚ಪಾ॒ ವಿಶ್ವೇ᳚ ಪಶ್ಯಂತಿ ಮಾ॒ಯಿನಃ॑ ಕೃ॒ತಾನಿ॑ ||{3.38.9}, {3.3.9.9}, {3.2.24.4} |
| 386 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.38.10}, {3.3.9.10}, {3.2.24.5} |
| [39] (1-9) ನವರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 387 | ಇಂದ್ರಂ᳚ ಮ॒ತಿರ್ಹೃ॒ದ ಆ ವ॒ಚ್ಯಮಾ॒ನಾಚ್ಛಾ॒ ಪತಿಂ॒ ಸ್ತೋಮ॑ತಷ್ಟಾ ಜಿಗಾತಿ | ಯಾ ಜಾಗೃ॑ವಿರ್ವಿ॒ದಥೇ᳚ ಶ॒ಸ್ಯಮಾ॒ನೇಂದ್ರ॒ ಯತ್ತೇ॒ ಜಾಯ॑ತೇ ವಿ॒ದ್ಧಿ ತಸ್ಯ॑ ||{3.39.1}, {3.4.1.1}, {3.2.25.1} |
| 388 | ದಿ॒ವಶ್ಚಿ॒ದಾ ಪೂ॒ರ್ವ್ಯಾ ಜಾಯ॑ಮಾನಾ॒ ವಿ ಜಾಗೃ॑ವಿರ್ವಿ॒ದಥೇ᳚ ಶ॒ಸ್ಯಮಾ᳚ನಾ | ಭ॒ದ್ರಾ ವಸ್ತ್ರಾ॒ಣ್ಯರ್ಜು॑ನಾ॒ ವಸಾ᳚ನಾ॒ ಸೇಯಮ॒ಸ್ಮೇ ಸ॑ನ॒ಜಾ ಪಿತ್ರ್ಯಾ॒ ಧೀಃ ||{3.39.2}, {3.4.1.2}, {3.2.25.2} |
| 389 | ಯ॒ಮಾ ಚಿ॒ದತ್ರ॑ ಯಮ॒ಸೂರ॑ಸೂತ ಜಿ॒ಹ್ವಾಯಾ॒ ಅಗ್ರಂ॒ ಪತ॒ದಾ ಹ್ಯಸ್ಥಾ᳚ತ್ | ವಪೂಂ᳚ಷಿ ಜಾ॒ತಾ ಮಿ॑ಥು॒ನಾ ಸ॑ಚೇತೇ ತಮೋ॒ಹನಾ॒ ತಪು॑ಷೋ ಬು॒ಧ್ನ ಏತಾ᳚ ||{3.39.3}, {3.4.1.3}, {3.2.25.3} |
| 390 | ನಕಿ॑ರೇಷಾಂ ನಿಂದಿ॒ತಾ ಮರ್ತ್ಯೇ᳚ಷು॒ ಯೇ ಅ॒ಸ್ಮಾಕಂ᳚ ಪಿ॒ತರೋ॒ ಗೋಷು॑ ಯೋ॒ಧಾಃ | ಇಂದ್ರ॑ ಏಷಾಂ ದೃಂಹಿ॒ತಾ ಮಾಹಿ॑ನಾವಾ॒ನುದ್ಗೋ॒ತ್ರಾಣಿ॑ ಸಸೃಜೇ ದಂ॒ಸನಾ᳚ವಾನ್ ||{3.39.4}, {3.4.1.4}, {3.2.25.4} |
| 391 | ಸಖಾ᳚ ಹ॒ ಯತ್ರ॒ ಸಖಿ॑ಭಿ॒ರ್ನವ॑ಗ್ವೈರಭಿ॒ಜ್ಞ್ವಾ ಸತ್ವ॑ಭಿ॒ರ್ಗಾ ಅ॑ನು॒ಗ್ಮನ್ | ಸ॒ತ್ಯಂ ತದಿಂದ್ರೋ᳚ ದ॒ಶಭಿ॒ರ್ದಶ॑ಗ್ವೈಃ॒ ಸೂರ್ಯಂ᳚ ವಿವೇದ॒ ತಮ॑ಸಿ ಕ್ಷಿ॒ಯಂತಂ᳚ ||{3.39.5}, {3.4.1.5}, {3.2.25.5} |
| 392 | ಇಂದ್ರೋ॒ ಮಧು॒ ಸಂಭೃ॑ತಮು॒ಸ್ರಿಯಾ᳚ಯಾಂ ಪ॒ದ್ವದ್ವಿ॑ವೇದ ಶ॒ಫವ॒ನ್ನಮೇ॒ ಗೋಃ | ಗುಹಾ᳚ ಹಿ॒ತಂ ಗುಹ್ಯಂ᳚ ಗೂ॒ಳ್ಹಮ॒ಪ್ಸು ಹಸ್ತೇ᳚ ದಧೇ॒ ದಕ್ಷಿ॑ಣೇ॒ ದಕ್ಷಿ॑ಣಾವಾನ್ ||{3.39.6}, {3.4.1.6}, {3.2.26.1} |
| 393 | ಜ್ಯೋತಿ᳚ರ್ವೃಣೀತ॒ ತಮ॑ಸೋ ವಿಜಾ॒ನನ್ನಾ॒ರೇ ಸ್ಯಾ᳚ಮ ದುರಿ॒ತಾದ॒ಭೀಕೇ᳚ | ಇ॒ಮಾ ಗಿರಃ॑ ಸೋಮಪಾಃ ಸೋಮವೃದ್ಧ ಜು॒ಷಸ್ವೇಂ᳚ದ್ರ ಪುರು॒ತಮ॑ಸ್ಯ ಕಾ॒ರೋಃ ||{3.39.7}, {3.4.1.7}, {3.2.26.2} |
| 394 | ಜ್ಯೋತಿ᳚ರ್ಯ॒ಜ್ಞಾಯ॒ ರೋದ॑ಸೀ॒ ಅನು॑ ಷ್ಯಾದಾ॒ರೇ ಸ್ಯಾ᳚ಮ ದುರಿ॒ತಸ್ಯ॒ ಭೂರೇಃ᳚ | ಭೂರಿ॑ ಚಿ॒ದ್ಧಿ ತು॑ಜ॒ತೋ ಮರ್ತ್ಯ॑ಸ್ಯ ಸುಪಾ॒ರಾಸೋ᳚ ವಸವೋ ಬ॒ರ್ಹಣಾ᳚ವತ್ ||{3.39.8}, {3.4.1.8}, {3.2.26.3} |
| 395 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.39.9}, {3.4.1.9}, {3.2.26.4} |
| [40] (1-9) ನವರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ಗಾಯತ್ರೀ ಛಂದಃ || | |
| 396 | ಇಂದ್ರ॑ ತ್ವಾ ವೃಷ॒ಭಂ ವ॒ಯಂ ಸು॒ತೇ ಸೋಮೇ᳚ ಹವಾಮಹೇ | ಸ ಪಾ᳚ಹಿ॒ ಮಧ್ವೋ॒ ಅಂಧ॑ಸಃ ||{3.40.1}, {3.4.2.1}, {3.3.1.1} |
| 397 | ಇಂದ್ರ॑ ಕ್ರತು॒ವಿದಂ᳚ ಸು॒ತಂ ಸೋಮಂ᳚ ಹರ್ಯ ಪುರುಷ್ಟುತ | ಪಿಬಾ ವೃ॑ಷಸ್ವ॒ ತಾತೃ॑ಪಿಂ ||{3.40.2}, {3.4.2.2}, {3.3.1.2} |
| 398 | ಇಂದ್ರ॒ ಪ್ರ ಣೋ᳚ ಧಿ॒ತಾವಾ᳚ನಂ ಯ॒ಜ್ಞಂ ವಿಶ್ವೇ᳚ಭಿರ್ದೇ॒ವೇಭಿಃ॑ | ತಿ॒ರ ಸ್ತ॑ವಾನ ವಿಶ್ಪತೇ ||{3.40.3}, {3.4.2.3}, {3.3.1.3} |
| 399 | ಇಂದ್ರ॒ ಸೋಮಾಃ᳚ ಸು॒ತಾ ಇ॒ಮೇ ತವ॒ ಪ್ರ ಯಂ᳚ತಿ ಸತ್ಪತೇ | ಕ್ಷಯಂ᳚ ಚಂ॒ದ್ರಾಸ॒ ಇಂದ॑ವಃ ||{3.40.4}, {3.4.2.4}, {3.3.1.4} |
| 400 | ದ॒ಧಿ॒ಷ್ವಾ ಜ॒ಠರೇ᳚ ಸು॒ತಂ ಸೋಮ॑ಮಿಂದ್ರ॒ ವರೇ᳚ಣ್ಯಂ | ತವ॑ ದ್ಯು॒ಕ್ಷಾಸ॒ ಇಂದ॑ವಃ ||{3.40.5}, {3.4.2.5}, {3.3.1.5} |
| 401 | ಗಿರ್ವ॑ಣಃ ಪಾ॒ಹಿ ನಃ॑ ಸು॒ತಂ ಮಧೋ॒ರ್ಧಾರಾ᳚ಭಿರಜ್ಯಸೇ | ಇಂದ್ರ॒ ತ್ವಾದಾ᳚ತ॒ಮಿದ್ಯಶಃ॑ ||{3.40.6}, {3.4.2.6}, {3.3.2.1} |
| 402 | ಅ॒ಭಿ ದ್ಯು॒ಮ್ನಾನಿ॑ ವ॒ನಿನ॒ ಇಂದ್ರಂ᳚ ಸಚಂತೇ॒ ಅಕ್ಷಿ॑ತಾ | ಪೀ॒ತ್ವೀ ಸೋಮ॑ಸ್ಯ ವಾವೃಧೇ ||{3.40.7}, {3.4.2.7}, {3.3.2.2} |
| 403 | ಅ॒ರ್ವಾ॒ವತೋ᳚ ನ॒ ಆ ಗ॑ಹಿ ಪರಾ॒ವತ॑ಶ್ಚ ವೃತ್ರಹನ್ | ಇ॒ಮಾ ಜು॑ಷಸ್ವ ನೋ॒ ಗಿರಃ॑ ||{3.40.8}, {3.4.2.8}, {3.3.2.3} |
| 404 | ಯದಂ᳚ತ॒ರಾ ಪ॑ರಾ॒ವತ॑ಮರ್ವಾ॒ವತಂ᳚ ಚ ಹೂ॒ಯಸೇ᳚ | ಇಂದ್ರೇ॒ಹ ತತ॒ ಆ ಗ॑ಹಿ ||{3.40.9}, {3.4.2.9}, {3.3.2.4} |
| [41] (1-9) ನವರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ಗಾಯತ್ರೀ ಛಂದಃ || | |
| 405 | ಆ ತೂ ನ॑ ಇಂದ್ರ ಮ॒ದ್ರ್ಯ॑ಗ್ಘುವಾ॒ನಃ ಸೋಮ॑ಪೀತಯೇ | ಹರಿ॑ಭ್ಯಾಂ ಯಾಹ್ಯದ್ರಿವಃ ||{3.41.1}, {3.4.3.1}, {3.3.3.1} |
| 406 | ಸ॒ತ್ತೋ ಹೋತಾ᳚ ನ ಋ॒ತ್ವಿಯ॑ಸ್ತಿಸ್ತಿ॒ರೇ ಬ॒ರ್ಹಿರಾ᳚ನು॒ಷಕ್ | ಅಯು॑ಜ್ರನ್ಪ್ರಾ॒ತರದ್ರ॑ಯಃ ||{3.41.2}, {3.4.3.2}, {3.3.3.2} |
| 407 | ಇ॒ಮಾ ಬ್ರಹ್ಮ॑ ಬ್ರಹ್ಮವಾಹಃ ಕ್ರಿ॒ಯಂತ॒ ಆ ಬ॒ರ್ಹಿಃ ಸೀ᳚ದ | ವೀ॒ಹಿ ಶೂ᳚ರ ಪುರೋ॒ಳಾಶಂ᳚ ||{3.41.3}, {3.4.3.3}, {3.3.3.3} |
| 408 | ರಾ॒ರಂ॒ಧಿ ಸವ॑ನೇಷು ಣ ಏ॒ಷು ಸ್ತೋಮೇ᳚ಷು ವೃತ್ರಹನ್ | ಉ॒ಕ್ಥೇಷ್ವಿಂ᳚ದ್ರ ಗಿರ್ವಣಃ ||{3.41.4}, {3.4.3.4}, {3.3.3.4} |
| 409 | ಮ॒ತಯಃ॑ ಸೋಮ॒ಪಾಮು॒ರುಂ ರಿ॒ಹಂತಿ॒ ಶವ॑ಸ॒ಸ್ಪತಿಂ᳚ | ಇಂದ್ರಂ᳚ ವ॒ತ್ಸಂ ನ ಮಾ॒ತರಃ॑ ||{3.41.5}, {3.4.3.5}, {3.3.3.5} |
| 410 | ಸ ಮಂ᳚ದಸ್ವಾ॒ ಹ್ಯಂಧ॑ಸೋ॒ ರಾಧ॑ಸೇ ತ॒ನ್ವಾ᳚ ಮ॒ಹೇ | ನ ಸ್ತೋ॒ತಾರಂ᳚ ನಿ॒ದೇ ಕ॑ರಃ ||{3.41.6}, {3.4.3.6}, {3.3.4.1} |
| 411 | ವ॒ಯಮಿಂ᳚ದ್ರ ತ್ವಾ॒ಯವೋ᳚ ಹ॒ವಿಷ್ಮಂ᳚ತೋ ಜರಾಮಹೇ | ಉ॒ತ ತ್ವಮ॑ಸ್ಮ॒ಯುರ್ವ॑ಸೋ ||{3.41.7}, {3.4.3.7}, {3.3.4.2} |
| 412 | ಮಾರೇ ಅ॒ಸ್ಮದ್ವಿ ಮು॑ಮುಚೋ॒ ಹರಿ॑ಪ್ರಿಯಾ॒ರ್ವಾಙ್ಯಾ᳚ಹಿ | ಇಂದ್ರ॑ ಸ್ವಧಾವೋ॒ ಮತ್ಸ್ವೇ॒ಹ ||{3.41.8}, {3.4.3.8}, {3.3.4.3} |
| 413 | ಅ॒ರ್ವಾಂಚಂ᳚ ತ್ವಾ ಸು॒ಖೇ ರಥೇ॒ ವಹ॑ತಾಮಿಂದ್ರ ಕೇ॒ಶಿನಾ᳚ | ಘೃ॒ತಸ್ನೂ᳚ ಬ॒ರ್ಹಿರಾ॒ಸದೇ᳚ ||{3.41.9}, {3.4.3.9}, {3.3.4.4} |
| [42] (1-9) ನವರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ಗಾಯತ್ರೀ ಛಂದಃ || | |
| 414 | ಉಪ॑ ನಃ ಸು॒ತಮಾ ಗ॑ಹಿ॒ ಸೋಮ॑ಮಿಂದ್ರ॒ ಗವಾ᳚ಶಿರಂ | ಹರಿ॑ಭ್ಯಾಂ॒ ಯಸ್ತೇ᳚ ಅಸ್ಮ॒ಯುಃ ||{3.42.1}, {3.4.4.1}, {3.3.5.1} |
| 415 | ತಮಿಂ᳚ದ್ರ॒ ಮದ॒ಮಾ ಗ॑ಹಿ ಬರ್ಹಿಃ॒ಷ್ಠಾಂ ಗ್ರಾವ॑ಭಿಃ ಸು॒ತಂ | ಕು॒ವಿನ್ನ್ವ॑ಸ್ಯ ತೃ॒ಪ್ಣವಃ॑ ||{3.42.2}, {3.4.4.2}, {3.3.5.2} |
| 416 | ಇಂದ್ರ॑ಮಿ॒ತ್ಥಾ ಗಿರೋ॒ ಮಮಾಚ್ಛಾ᳚ಗುರಿಷಿ॒ತಾ ಇ॒ತಃ | ಆ॒ವೃತೇ॒ ಸೋಮ॑ಪೀತಯೇ ||{3.42.3}, {3.4.4.3}, {3.3.5.3} |
| 417 | ಇಂದ್ರಂ॒ ಸೋಮ॑ಸ್ಯ ಪೀ॒ತಯೇ॒ ಸ್ತೋಮೈ᳚ರಿ॒ಹ ಹ॑ವಾಮಹೇ | ಉ॒ಕ್ಥೇಭಿಃ॑ ಕು॒ವಿದಾ॒ಗಮ॑ತ್ ||{3.42.4}, {3.4.4.4}, {3.3.5.4} |
| 418 | ಇಂದ್ರ॒ ಸೋಮಾಃ᳚ ಸು॒ತಾ ಇ॒ಮೇ ತಾಂದ॑ಧಿಷ್ವ ಶತಕ್ರತೋ | ಜ॒ಠರೇ᳚ ವಾಜಿನೀವಸೋ ||{3.42.5}, {3.4.4.5}, {3.3.5.5} |
| 419 | ವಿ॒ದ್ಮಾ ಹಿ ತ್ವಾ᳚ ಧನಂಜ॒ಯಂ ವಾಜೇ᳚ಷು ದಧೃ॒ಷಂ ಕ॑ವೇ | ಅಧಾ᳚ ತೇ ಸು॒ಮ್ನಮೀ᳚ಮಹೇ ||{3.42.6}, {3.4.4.6}, {3.3.6.1} |
| 420 | ಇ॒ಮಮಿಂ᳚ದ್ರ॒ ಗವಾ᳚ಶಿರಂ॒ ಯವಾ᳚ಶಿರಂ ಚ ನಃ ಪಿಬ | ಆ॒ಗತ್ಯಾ॒ ವೃಷ॑ಭಿಃ ಸು॒ತಂ ||{3.42.7}, {3.4.4.7}, {3.3.6.2} |
| 421 | ತುಭ್ಯೇದಿಂ᳚ದ್ರ॒ ಸ್ವ ಓ॒ಕ್ಯೇ॒೩॑(ಏ॒) ಸೋಮಂ᳚ ಚೋದಾಮಿ ಪೀ॒ತಯೇ᳚ | ಏ॒ಷ ರಾ᳚ರಂತು ತೇ ಹೃ॒ದಿ ||{3.42.8}, {3.4.4.8}, {3.3.6.3} |
| 422 | ತ್ವಾಂ ಸು॒ತಸ್ಯ॑ ಪೀ॒ತಯೇ᳚ ಪ್ರ॒ತ್ನಮಿಂ᳚ದ್ರ ಹವಾಮಹೇ | ಕು॒ಶಿ॒ಕಾಸೋ᳚ ಅವ॒ಸ್ಯವಃ॑ ||{3.42.9}, {3.4.4.9}, {3.3.6.4} |
| [43] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 423 | ಆ ಯಾ᳚ಹ್ಯ॒ರ್ವಾಙುಪ॑ ವಂಧುರೇ॒ಷ್ಠಾಸ್ತವೇದನು॑ ಪ್ರ॒ದಿವಃ॑ ಸೋಮ॒ಪೇಯಂ᳚ | ಪ್ರಿ॒ಯಾ ಸಖಾ᳚ಯಾ॒ ವಿ ಮು॒ಚೋಪ॑ ಬ॒ರ್ಹಿಸ್ತ್ವಾಮಿ॒ಮೇ ಹ᳚ವ್ಯ॒ವಾಹೋ᳚ ಹವಂತೇ ||{3.43.1}, {3.4.5.1}, {3.3.7.1} |
| 424 | ಆ ಯಾ᳚ಹಿ ಪೂ॒ರ್ವೀರತಿ॑ ಚರ್ಷ॒ಣೀರಾಁ ಅ॒ರ್ಯ ಆ॒ಶಿಷ॒ ಉಪ॑ ನೋ॒ ಹರಿ॑ಭ್ಯಾಂ | ಇ॒ಮಾ ಹಿ ತ್ವಾ᳚ ಮ॒ತಯಃ॒ ಸ್ತೋಮ॑ತಷ್ಟಾ॒ ಇಂದ್ರ॒ ಹವಂ᳚ತೇ ಸ॒ಖ್ಯಂ ಜು॑ಷಾ॒ಣಾಃ ||{3.43.2}, {3.4.5.2}, {3.3.7.2} |
| 425 | ಆ ನೋ᳚ ಯ॒ಜ್ಞಂ ನ॑ಮೋ॒ವೃಧಂ᳚ ಸ॒ಜೋಷಾ॒ ಇಂದ್ರ॑ ದೇವ॒ ಹರಿ॑ಭಿರ್ಯಾಹಿ॒ ತೂಯಂ᳚ | ಅ॒ಹಂ ಹಿ ತ್ವಾ᳚ ಮ॒ತಿಭಿ॒ರ್ಜೋಹ॑ವೀಮಿ ಘೃ॒ತಪ್ರ॑ಯಾಃ ಸಧ॒ಮಾದೇ॒ ಮಧೂ᳚ನಾಂ ||{3.43.3}, {3.4.5.3}, {3.3.7.3} |
| 426 | ಆ ಚ॒ ತ್ವಾಮೇ॒ತಾ ವೃಷ॑ಣಾ॒ ವಹಾ᳚ತೋ॒ ಹರೀ॒ ಸಖಾ᳚ಯಾ ಸು॒ಧುರಾ॒ ಸ್ವಂಗಾ᳚ | ಧಾ॒ನಾವ॒ದಿಂದ್ರಃ॒ ಸವ॑ನಂ ಜುಷಾ॒ಣಃ ಸಖಾ॒ ಸಖ್ಯುಃ॑ ಶೃಣವ॒ದ್ವಂದ॑ನಾನಿ ||{3.43.4}, {3.4.5.4}, {3.3.7.4} |
| 427 | ಕು॒ವಿನ್ಮಾ᳚ ಗೋ॒ಪಾಂ ಕರ॑ಸೇ॒ ಜನ॑ಸ್ಯ ಕು॒ವಿದ್ರಾಜಾ᳚ನಂ ಮಘವನ್ನೃಜೀಷಿನ್ | ಕು॒ವಿನ್ಮ॒ ಋಷಿಂ᳚ ಪಪಿ॒ವಾಂಸಂ᳚ ಸು॒ತಸ್ಯ॑ ಕು॒ವಿನ್ಮೇ॒ ವಸ್ವೋ᳚ ಅ॒ಮೃತ॑ಸ್ಯ॒ ಶಿಕ್ಷಾಃ᳚ ||{3.43.5}, {3.4.5.5}, {3.3.7.5} |
| 428 | ಆ ತ್ವಾ᳚ ಬೃ॒ಹಂತೋ॒ ಹರ॑ಯೋ ಯುಜಾ॒ನಾ ಅ॒ರ್ವಾಗಿಂ᳚ದ್ರ ಸಧ॒ಮಾದೋ᳚ ವಹಂತು | ಪ್ರ ಯೇ ದ್ವಿ॒ತಾ ದಿ॒ವ ಋಂ॒ಜಂತ್ಯಾತಾಃ॒ ಸುಸ᳚ಮ್ಮೃಷ್ಟಾಸೋ ವೃಷ॒ಭಸ್ಯ॑ ಮೂ॒ರಾಃ ||{3.43.6}, {3.4.5.6}, {3.3.7.6} |
| 429 | ಇಂದ್ರ॒ ಪಿಬ॒ ವೃಷ॑ಧೂತಸ್ಯ॒ ವೃಷ್ಣ॒ ಆ ಯಂ ತೇ᳚ ಶ್ಯೇ॒ನ ಉ॑ಶ॒ತೇ ಜ॒ಭಾರ॑ | ಯಸ್ಯ॒ ಮದೇ᳚ ಚ್ಯಾ॒ವಯ॑ಸಿ॒ ಪ್ರ ಕೃ॒ಷ್ಟೀರ್ಯಸ್ಯ॒ ಮದೇ॒ ಅಪ॑ ಗೋ॒ತ್ರಾ ವ॒ವರ್ಥ॑ ||{3.43.7}, {3.4.5.7}, {3.3.7.7} |
| 430 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.43.8}, {3.4.5.8}, {3.3.7.8} |
| [44] (1-5) ಪಂಚರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ಬೃಹತೀ ಛಂದಃ || | |
| 431 | ಅ॒ಯಂ ತೇ᳚ ಅಸ್ತು ಹರ್ಯ॒ತಃ ಸೋಮ॒ ಆ ಹರಿ॑ಭಿಃ ಸು॒ತಃ | ಜು॒ಷಾ॒ಣ ಇಂ᳚ದ್ರ॒ ಹರಿ॑ಭಿರ್ನ॒ ಆ ಗ॒ಹ್ಯಾ ತಿ॑ಷ್ಠ॒ ಹರಿ॑ತಂ॒ ರಥಂ᳚ ||{3.44.1}, {3.4.6.1}, {3.3.8.1} |
| 432 | ಹ॒ರ್ಯನ್ನು॒ಷಸ॑ಮರ್ಚಯಃ॒ ಸೂರ್ಯಂ᳚ ಹ॒ರ್ಯನ್ನ॑ರೋಚಯಃ | ವಿ॒ದ್ವಾಁಶ್ಚಿ॑ಕಿ॒ತ್ವಾನ್ಹ᳚ರ್ಯಶ್ವ ವರ್ಧಸ॒ ಇಂದ್ರ॒ ವಿಶ್ವಾ᳚ ಅ॒ಭಿ ಶ್ರಿಯಃ॑ ||{3.44.2}, {3.4.6.2}, {3.3.8.2} |
| 433 | ದ್ಯಾಮಿಂದ್ರೋ॒ ಹರಿ॑ಧಾಯಸಂ ಪೃಥಿ॒ವೀಂ ಹರಿ॑ವರ್ಪಸಂ | ಅಧಾ᳚ರಯದ್ಧ॒ರಿತೋ॒ರ್ಭೂರಿ॒ ಭೋಜ॑ನಂ॒ ಯಯೋ᳚ರಂ॒ತರ್ಹರಿ॒ಶ್ಚರ॑ತ್ ||{3.44.3}, {3.4.6.3}, {3.3.8.3} |
| 434 | ಜ॒ಜ್ಞಾ॒ನೋ ಹರಿ॑ತೋ॒ ವೃಷಾ॒ ವಿಶ್ವ॒ಮಾ ಭಾ᳚ತಿ ರೋಚ॒ನಂ | ಹರ್ಯ॑ಶ್ವೋ॒ ಹರಿ॑ತಂ ಧತ್ತ॒ ಆಯು॑ಧ॒ಮಾ ವಜ್ರಂ᳚ ಬಾ॒ಹ್ವೋರ್ಹರಿಂ᳚ ||{3.44.4}, {3.4.6.4}, {3.3.8.4} |
| 435 | ಇಂದ್ರೋ᳚ ಹ॒ರ್ಯಂತ॒ಮರ್ಜು॑ನಂ॒ ವಜ್ರಂ᳚ ಶು॒ಕ್ರೈರ॒ಭೀವೃ॑ತಂ | ಅಪಾ᳚ವೃಣೋ॒ದ್ಧರಿ॑ಭಿ॒ರದ್ರಿ॑ಭಿಃ ಸು॒ತಮುದ್ಗಾ ಹರಿ॑ಭಿರಾಜತ ||{3.44.5}, {3.4.6.5}, {3.3.8.5} |
| [45] (1-5) ಪಂಚರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ಬೃಹತೀ ಛಂದಃ || | |
| 436 | ಆ ಮಂ॒ದ್ರೈರಿಂ᳚ದ್ರ॒ ಹರಿ॑ಭಿರ್ಯಾ॒ಹಿ ಮ॒ಯೂರ॑ರೋಮಭಿಃ | ಮಾ ತ್ವಾ॒ ಕೇ ಚಿ॒ನ್ನಿ ಯ॑ಮ॒ನ್ವಿಂ ನ ಪಾ॒ಶಿನೋಽತಿ॒ ಧನ್ವೇ᳚ವ॒ ತಾಁ ಇ॑ಹಿ ||{3.45.1}, {3.4.7.1}, {3.3.9.1} |
| 437 | ವೃ॒ತ್ರ॒ಖಾ॒ದೋ ವ॑ಲಂರು॒ಜಃ ಪು॒ರಾಂ ದ॒ರ್ಮೋ ಅ॒ಪಾಮ॒ಜಃ | ಸ್ಥಾತಾ॒ ರಥ॑ಸ್ಯ॒ ಹರ್ಯೋ᳚ರಭಿಸ್ವ॒ರ ಇಂದ್ರೋ᳚ ದೃ॒ಳ್ಹಾ ಚಿ॑ದಾರು॒ಜಃ ||{3.45.2}, {3.4.7.2}, {3.3.9.2} |
| 438 | ಗಂ॒ಭೀ॒ರಾಁ ಉ॑ದ॒ಧೀಁರಿ॑ವ॒ ಕ್ರತುಂ᳚ ಪುಷ್ಯಸಿ॒ ಗಾ ಇ॑ವ | ಪ್ರ ಸು॑ಗೋ॒ಪಾ ಯವ॑ಸಂ ಧೇ॒ನವೋ᳚ ಯಥಾ ಹ್ರ॒ದಂ ಕು॒ಲ್ಯಾ ಇ॑ವಾಶತ ||{3.45.3}, {3.4.7.3}, {3.3.9.3} |
| 439 | ಆ ನ॒ಸ್ತುಜಂ᳚ ರ॒ಯಿಂ ಭ॒ರಾಂಶಂ॒ ನ ಪ್ರ॑ತಿಜಾನ॒ತೇ | ವೃ॒ಕ್ಷಂ ಪ॒ಕ್ವಂ ಫಲ॑ಮಂ॒ಕೀವ॑ ಧೂನು॒ಹೀಂದ್ರ॑ ಸಂ॒ಪಾರ॑ಣಂ॒ ವಸು॑ ||{3.45.4}, {3.4.7.4}, {3.3.9.4} |
| 440 | ಸ್ವ॒ಯುರಿಂ᳚ದ್ರ ಸ್ವ॒ರಾಳ॑ಸಿ॒ ಸ್ಮದ್ದಿ॑ಷ್ಟಿಃ॒ ಸ್ವಯ॑ಶಸ್ತರಃ | ಸ ವಾ᳚ವೃಧಾ॒ನ ಓಜ॑ಸಾ ಪುರುಷ್ಟುತ॒ ಭವಾ᳚ ನಃ ಸು॒ಶ್ರವ॑ಸ್ತಮಃ ||{3.45.5}, {3.4.7.5}, {3.3.9.5} |
| [46] (1-5) ಪಂಚರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 441 | ಯು॒ಧ್ಮಸ್ಯ॑ ತೇ ವೃಷ॒ಭಸ್ಯ॑ ಸ್ವ॒ರಾಜ॑ ಉ॒ಗ್ರಸ್ಯ॒ ಯೂನಃ॒ ಸ್ಥವಿ॑ರಸ್ಯ॒ ಘೃಷ್ವೇಃ᳚ | ಅಜೂ᳚ರ್ಯತೋ ವ॒ಜ್ರಿಣೋ᳚ ವೀ॒ರ್ಯಾ॒೩॑(ಆ॒)ಣೀಂದ್ರ॑ ಶ್ರು॒ತಸ್ಯ॑ ಮಹ॒ತೋ ಮ॒ಹಾನಿ॑ ||{3.46.1}, {3.4.8.1}, {3.3.10.1} |
| 442 | ಮ॒ಹಾಁ ಅ॑ಸಿ ಮಹಿಷ॒ ವೃಷ್ಣ್ಯೇ᳚ಭಿರ್ಧನ॒ಸ್ಪೃದು॑ಗ್ರ॒ ಸಹ॑ಮಾನೋ ಅ॒ನ್ಯಾನ್ | ಏಕೋ॒ ವಿಶ್ವ॑ಸ್ಯ॒ ಭುವ॑ನಸ್ಯ॒ ರಾಜಾ॒ ಸ ಯೋ॒ಧಯಾ᳚ ಚ ಕ್ಷ॒ಯಯಾ᳚ ಚ॒ ಜನಾ॑ನ್ ||{3.46.2}, {3.4.8.2}, {3.3.10.2} |
| 443 | ಪ್ರ ಮಾತ್ರಾ᳚ಭೀ ರಿರಿಚೇ॒ ರೋಚ॑ಮಾನಃ॒ ಪ್ರ ದೇ॒ವೇಭಿ᳚ರ್ವಿ॒ಶ್ವತೋ॒ ಅಪ್ರ॑ತೀತಃ | ಪ್ರ ಮ॒ಜ್ಮನಾ᳚ ದಿ॒ವ ಇಂದ್ರಃ॑ ಪೃಥಿ॒ವ್ಯಾಃ ಪ್ರೋರೋರ್ಮ॒ಹೋ ಅಂ॒ತರಿ॑ಕ್ಷಾದೃಜೀ॒ಷೀ ||{3.46.3}, {3.4.8.3}, {3.3.10.3} |
| 444 | ಉ॒ರುಂ ಗ॑ಭೀ॒ರಂ ಜ॒ನುಷಾ॒ಭ್ಯು೧॑(ಉ॒)ಗ್ರಂ ವಿ॒ಶ್ವವ್ಯ॑ಚಸಮವ॒ತಂ ಮ॑ತೀ॒ನಾಂ | ಇಂದ್ರಂ॒ ಸೋಮಾ᳚ಸಃ ಪ್ರ॒ದಿವಿ॑ ಸು॒ತಾಸಃ॑ ಸಮು॒ದ್ರಂ ನ ಸ್ರ॒ವತ॒ ಆ ವಿ॑ಶಂತಿ ||{3.46.4}, {3.4.8.4}, {3.3.10.4} |
| 445 | ಯಂ ಸೋಮ॑ಮಿಂದ್ರ ಪೃಥಿ॒ವೀದ್ಯಾವಾ॒ ಗರ್ಭಂ॒ ನ ಮಾ॒ತಾ ಬಿ॑ಭೃ॒ತಸ್ತ್ವಾ॒ಯಾ | ತಂ ತೇ᳚ ಹಿನ್ವಂತಿ॒ ತಮು॑ ತೇ ಮೃಜಂತ್ಯಧ್ವ॒ರ್ಯವೋ᳚ ವೃಷಭ॒ ಪಾತ॒ವಾ ಉ॑ ||{3.46.5}, {3.4.8.5}, {3.3.10.5} |
| [47] (1-5) ಪಂಚರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 446 | ಮ॒ರುತ್ವಾಁ᳚ ಇಂದ್ರ ವೃಷ॒ಭೋ ರಣಾ᳚ಯ॒ ಪಿಬಾ॒ ಸೋಮ॑ಮನುಷ್ವ॒ಧಂ ಮದಾ᳚ಯ | ಆ ಸಿಂ᳚ಚಸ್ವ ಜ॒ಠರೇ॒ ಮಧ್ವ॑ ಊ॒ರ್ಮಿಂ ತ್ವಂ ರಾಜಾ᳚ಸಿ ಪ್ರ॒ದಿವಃ॑ ಸು॒ತಾನಾಂ᳚ ||{3.47.1}, {3.4.9.1}, {3.3.11.1} |
| 447 | ಸ॒ಜೋಷಾ᳚ ಇಂದ್ರ॒ ಸಗ॑ಣೋ ಮ॒ರುದ್ಭಿಃ॒ ಸೋಮಂ᳚ ಪಿಬ ವೃತ್ರ॒ಹಾ ಶೂ᳚ರ ವಿ॒ದ್ವಾನ್ | ಜ॒ಹಿ ಶತ್ರೂಁ॒ರಪ॒ ಮೃಧೋ᳚ ನುದ॒ಸ್ವಾಥಾಭ॑ಯಂ ಕೃಣುಹಿ ವಿ॒ಶ್ವತೋ᳚ ನಃ ||{3.47.2}, {3.4.9.2}, {3.3.11.2} |
| 448 | ಉ॒ತ ಋ॒ತುಭಿ॑ರೃತುಪಾಃ ಪಾಹಿ॒ ಸೋಮ॒ಮಿಂದ್ರ॑ ದೇ॒ವೇಭಿಃ॒ ಸಖಿ॑ಭಿಃ ಸು॒ತಂ ನಃ॑ | ಯಾಁ ಆಭ॑ಜೋ ಮ॒ರುತೋ॒ ಯೇ ತ್ವಾನ್ವಹ᳚ನ್ವೃ॒ತ್ರಮದ॑ಧು॒ಸ್ತುಭ್ಯ॒ಮೋಜಃ॑ ||{3.47.3}, {3.4.9.3}, {3.3.11.3} |
| 449 | ಯೇ ತ್ವಾ᳚ಹಿ॒ಹತ್ಯೇ᳚ ಮಘವ॒ನ್ನವ॑ರ್ಧ॒ನ್ಯೇ ಶಾಂ᳚ಬ॒ರೇ ಹ॑ರಿವೋ॒ ಯೇ ಗವಿ॑ಷ್ಟೌ | ಯೇ ತ್ವಾ᳚ ನೂ॒ನಮ॑ನು॒ಮದಂ᳚ತಿ॒ ವಿಪ್ರಾಃ॒ ಪಿಬೇಂ᳚ದ್ರ॒ ಸೋಮಂ॒ ಸಗ॑ಣೋ ಮ॒ರುದ್ಭಿಃ॑ ||{3.47.4}, {3.4.9.4}, {3.3.11.4} |
| 450 | ಮ॒ರುತ್ವಂ᳚ತಂ ವೃಷ॒ಭಂ ವಾ᳚ವೃಧಾ॒ನಮಕ॑ವಾರಿಂ ದಿ॒ವ್ಯಂ ಶಾ॒ಸಮಿಂದ್ರಂ᳚ | ವಿ॒ಶ್ವಾ॒ಸಾಹ॒ಮವ॑ಸೇ॒ ನೂತ॑ನಾಯೋ॒ಗ್ರಂ ಸ॑ಹೋ॒ದಾಮಿ॒ಹ ತಂ ಹು॑ವೇಮ ||{3.47.5}, {3.4.9.5}, {3.3.11.5} |
| [48] (1-5) ಪಂಚರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 451 | ಸ॒ದ್ಯೋ ಹ॑ ಜಾ॒ತೋ ವೃ॑ಷ॒ಭಃ ಕ॒ನೀನಃ॒ ಪ್ರಭ॑ರ್ತುಮಾವ॒ದಂಧ॑ಸಃ ಸು॒ತಸ್ಯ॑ | ಸಾ॒ಧೋಃ ಪಿ॑ಬ ಪ್ರತಿಕಾ॒ಮಂ ಯಥಾ᳚ ತೇ॒ ರಸಾ᳚ಶಿರಃ ಪ್ರಥ॒ಮಂ ಸೋ॒ಮ್ಯಸ್ಯ॑ ||{3.48.1}, {3.4.10.1}, {3.3.12.1} |
| 452 | ಯಜ್ಜಾಯ॑ಥಾ॒ಸ್ತದಹ॑ರಸ್ಯ॒ ಕಾಮೇಂ॒ಽಶೋಃ ಪೀ॒ಯೂಷ॑ಮಪಿಬೋ ಗಿರಿ॒ಷ್ಠಾಂ | ತಂ ತೇ᳚ ಮಾ॒ತಾ ಪರಿ॒ ಯೋಷಾ॒ ಜನಿ॑ತ್ರೀ ಮ॒ಹಃ ಪಿ॒ತುರ್ದಮ॒ ಆಸಿಂ᳚ಚ॒ದಗ್ರೇ᳚ ||{3.48.2}, {3.4.10.2}, {3.3.12.2} |
| 453 | ಉ॒ಪ॒ಸ್ಥಾಯ॑ ಮಾ॒ತರ॒ಮನ್ನ॑ಮೈಟ್ಟ ತಿ॒ಗ್ಮಮ॑ಪಶ್ಯದ॒ಭಿ ಸೋಮ॒ಮೂಧಃ॑ | ಪ್ರ॒ಯಾ॒ವಯ᳚ನ್ನಚರ॒ದ್ಗೃತ್ಸೋ᳚ ಅ॒ನ್ಯಾನ್ಮ॒ಹಾನಿ॑ ಚಕ್ರೇ ಪುರು॒ಧಪ್ರ॑ತೀಕಃ ||{3.48.3}, {3.4.10.3}, {3.3.12.3} |
| 454 | ಉ॒ಗ್ರಸ್ತು॑ರಾ॒ಷಾಳ॒ಭಿಭೂ᳚ತ್ಯೋಜಾ ಯಥಾವ॒ಶಂ ತ॒ನ್ವಂ᳚ ಚಕ್ರ ಏ॒ಷಃ | ತ್ವಷ್ಟಾ᳚ರ॒ಮಿಂದ್ರೋ᳚ ಜ॒ನುಷಾ᳚ಭಿ॒ಭೂಯಾ॒ಮುಷ್ಯಾ॒ ಸೋಮ॑ಮಪಿಬಚ್ಚ॒ಮೂಷು॑ ||{3.48.4}, {3.4.10.4}, {3.3.12.4} |
| 455 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.48.5}, {3.4.10.5}, {3.3.12.5} |
| [49] (1-5) ಪಂಚರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 456 | ಶಂಸಾ᳚ ಮ॒ಹಾಮಿಂದ್ರಂ॒ ಯಸ್ಮಿ॒ನ್ವಿಶ್ವಾ॒ ಆ ಕೃ॒ಷ್ಟಯಃ॑ ಸೋಮ॒ಪಾಃ ಕಾಮ॒ಮವ್ಯ॑ನ್ | ಯಂ ಸು॒ಕ್ರತುಂ᳚ ಧಿ॒ಷಣೇ᳚ ವಿಭ್ವತ॒ಷ್ಟಂ ಘ॒ನಂ ವೃ॒ತ್ರಾಣಾಂ᳚ ಜ॒ನಯಂ᳚ತ ದೇ॒ವಾಃ ||{3.49.1}, {3.4.11.1}, {3.3.13.1} |
| 457 | ಯಂ ನು ನಕಿಃ॒ ಪೃತ॑ನಾಸು ಸ್ವ॒ರಾಜಂ᳚ ದ್ವಿ॒ತಾ ತರ॑ತಿ॒ ನೃತ॑ಮಂ ಹರಿ॒ಷ್ಠಾಂ | ಇ॒ನತ॑ಮಃ॒ ಸತ್ವ॑ಭಿ॒ರ್ಯೋ ಹ॑ ಶೂ॒ಷೈಃ ಪೃ॑ಥು॒ಜ್ರಯಾ᳚ ಅಮಿನಾ॒ದಾಯು॒ರ್ದಸ್ಯೋಃ᳚ ||{3.49.2}, {3.4.11.2}, {3.3.13.2} |
| 458 | ಸ॒ಹಾವಾ᳚ ಪೃ॒ತ್ಸು ತ॒ರಣಿ॒ರ್ನಾರ್ವಾ᳚ ವ್ಯಾನ॒ಶೀ ರೋದ॑ಸೀ ಮೇ॒ಹನಾ᳚ವಾನ್ | ಭಗೋ॒ ನ ಕಾ॒ರೇ ಹವ್ಯೋ᳚ ಮತೀ॒ನಾಂ ಪಿ॒ತೇವ॒ ಚಾರುಃ॑ ಸು॒ಹವೋ᳚ ವಯೋ॒ಧಾಃ ||{3.49.3}, {3.4.11.3}, {3.3.13.3} |
| 459 | ಧ॒ರ್ತಾ ದಿ॒ವೋ ರಜ॑ಸಸ್ಪೃ॒ಷ್ಟ ಊ॒ರ್ಧ್ವೋ ರಥೋ॒ ನ ವಾ॒ಯುರ್ವಸು॑ಭಿರ್ನಿ॒ಯುತ್ವಾ॑ನ್ | ಕ್ಷ॒ಪಾಂ ವ॒ಸ್ತಾ ಜ॑ನಿ॒ತಾ ಸೂರ್ಯ॑ಸ್ಯ॒ ವಿಭ॑ಕ್ತಾ ಭಾ॒ಗಂ ಧಿ॒ಷಣೇ᳚ವ॒ ವಾಜಂ᳚ ||{3.49.4}, {3.4.11.4}, {3.3.13.4} |
| 460 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.49.5}, {3.4.11.5}, {3.3.13.5} |
| [50] (1-5) ಪಂಚರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 461 | ಇಂದ್ರಃ॒ ಸ್ವಾಹಾ᳚ ಪಿಬತು॒ ಯಸ್ಯ॒ ಸೋಮ॑ ಆ॒ಗತ್ಯಾ॒ ತುಮ್ರೋ᳚ ವೃಷ॒ಭೋ ಮ॒ರುತ್ವಾ॑ನ್ | ಓರು॒ವ್ಯಚಾಃ᳚ ಪೃಣತಾಮೇ॒ಭಿರನ್ನೈ॒ರಾಸ್ಯ॑ ಹ॒ವಿಸ್ತ॒ನ್ವ೧॑(ಅ॒)ಃ ಕಾಮ॑ಮೃಧ್ಯಾಃ ||{3.50.1}, {3.4.12.1}, {3.3.14.1} |
| 462 | ಆ ತೇ᳚ ಸಪ॒ರ್ಯೂ ಜ॒ವಸೇ᳚ ಯುನಜ್ಮಿ॒ ಯಯೋ॒ರನು॑ ಪ್ರ॒ದಿವಃ॑ ಶ್ರು॒ಷ್ಟಿಮಾವಃ॑ | ಇ॒ಹ ತ್ವಾ᳚ ಧೇಯು॒ರ್ಹರ॑ಯಃ ಸುಶಿಪ್ರ॒ ಪಿಬಾ॒ ತ್ವ೧॑(ಅ॒)ಸ್ಯ ಸುಷು॑ತಸ್ಯ॒ ಚಾರೋಃ᳚ ||{3.50.2}, {3.4.12.2}, {3.3.14.2} |
| 463 | ಗೋಭಿ᳚ರ್ಮಿಮಿ॒ಕ್ಷುಂ ದ॑ಧಿರೇ ಸುಪಾ॒ರಮಿಂದ್ರಂ॒ ಜ್ಯೈಷ್ಠ್ಯಾ᳚ಯ॒ ಧಾಯ॑ಸೇ ಗೃಣಾ॒ನಾಃ | ಮಂ॒ದಾ॒ನಃ ಸೋಮಂ᳚ ಪಪಿ॒ವಾಁ ಋ॑ಜೀಷಿ॒ನ್ಸಮ॒ಸ್ಮಭ್ಯಂ᳚ ಪುರು॒ಧಾ ಗಾ ಇ॑ಷಣ್ಯ ||{3.50.3}, {3.4.12.3}, {3.3.14.3} |
| 464 | ಇ॒ಮಂ ಕಾಮಂ᳚ ಮಂದಯಾ॒ ಗೋಭಿ॒ರಶ್ವೈ᳚ಶ್ಚಂ॒ದ್ರವ॑ತಾ॒ ರಾಧ॑ಸಾ ಪ॒ಪ್ರಥ॑ಶ್ಚ | ಸ್ವ॒ರ್ಯವೋ᳚ ಮ॒ತಿಭಿ॒ಸ್ತುಭ್ಯಂ॒ ವಿಪ್ರಾ॒ ಇಂದ್ರಾ᳚ಯ॒ ವಾಹಃ॑ ಕುಶಿ॒ಕಾಸೋ᳚ ಅಕ್ರನ್ ||{3.50.4}, {3.4.12.4}, {3.3.14.4} |
| 465 | ಶು॒ನಂ ಹು॑ವೇಮ ಮ॒ಘವಾ᳚ನ॒ಮಿಂದ್ರ॑ಮ॒ಸ್ಮಿನ್ಭರೇ॒ ನೃತ॑ಮಂ॒ ವಾಜ॑ಸಾತೌ | ಶೃ॒ಣ್ವಂತ॑ಮು॒ಗ್ರಮೂ॒ತಯೇ᳚ ಸ॒ಮತ್ಸು॒ ಘ್ನಂತಂ᳚ ವೃ॒ತ್ರಾಣಿ॑ ಸಂ॒ಜಿತಂ॒ ಧನಾ᳚ನಾಂ ||{3.50.5}, {3.4.12.5}, {3.3.14.5} |
| [51] (1-12) ದ್ವಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | (1-3) ಪ್ರಥಮಾದಿತೃಚಸ್ಯ ಜಗತೀ (4-9) ಚತುರ್ಥ್ಯಾದಿತೃಚದ್ಯಸ್ಯ ತ್ರಿಷ್ಟುಪ್ (10-12) ದಶಮ್ಯಾದಿತೃಚಸ್ಯ ಚ ಗಾಯತ್ರೀ ಛಂದಾಂಸಿ || | |
| 466 | ಚ॒ರ್ಷ॒ಣೀ॒ಧೃತಂ᳚ ಮ॒ಘವಾ᳚ನಮು॒ಕ್ಥ್ಯ೧॑(ಅ॒)ಮಿಂದ್ರಂ॒ ಗಿರೋ᳚ ಬೃಹ॒ತೀರ॒ಭ್ಯ॑ನೂಷತ | ವಾ॒ವೃ॒ಧಾ॒ನಂ ಪು॑ರುಹೂ॒ತಂ ಸು॑ವೃ॒ಕ್ತಿಭಿ॒ರಮ॑ರ್ತ್ಯಂ॒ ಜರ॑ಮಾಣಂ ದಿ॒ವೇದಿ॑ವೇ ||{3.51.1}, {3.4.13.1}, {3.3.15.1} |
| 467 | ಶ॒ತಕ್ರ॑ತುಮರ್ಣ॒ವಂ ಶಾ॒ಕಿನಂ॒ ನರಂ॒ ಗಿರೋ᳚ ಮ॒ ಇಂದ್ರ॒ಮುಪ॑ ಯಂತಿ ವಿ॒ಶ್ವತಃ॑ | ವಾ॒ಜ॒ಸನಿಂ᳚ ಪೂ॒ರ್ಭಿದಂ॒ ತೂರ್ಣಿ॑ಮ॒ಪ್ತುರಂ᳚ ಧಾಮ॒ಸಾಚ॑ಮಭಿ॒ಷಾಚಂ᳚ ಸ್ವ॒ರ್ವಿದಂ᳚ ||{3.51.2}, {3.4.13.2}, {3.3.15.2} |
| 468 | ಆ॒ಕ॒ರೇ ವಸೋ᳚ರ್ಜರಿ॒ತಾ ಪ॑ನಸ್ಯತೇಽನೇ॒ಹಸಃ॒ ಸ್ತುಭ॒ ಇಂದ್ರೋ᳚ ದುವಸ್ಯತಿ | ವಿ॒ವಸ್ವ॑ತಃ॒ ಸದ॑ನ॒ ಆ ಹಿ ಪಿ॑ಪ್ರಿ॒ಯೇ ಸ॑ತ್ರಾ॒ಸಾಹ॑ಮಭಿಮಾತಿ॒ಹನಂ᳚ ಸ್ತುಹಿ ||{3.51.3}, {3.4.13.3}, {3.3.15.3} |
| 469 | ನೃ॒ಣಾಮು॑ ತ್ವಾ॒ ನೃತ॑ಮಂ ಗೀ॒ರ್ಭಿರು॒ಕ್ಥೈರ॒ಭಿ ಪ್ರ ವೀ॒ರಮ॑ರ್ಚತಾ ಸ॒ಬಾಧಃ॑ | ಸಂ ಸಹ॑ಸೇ ಪುರುಮಾ॒ಯೋ ಜಿ॑ಹೀತೇ॒ ನಮೋ᳚ ಅಸ್ಯ ಪ್ರ॒ದಿವ॒ ಏಕ॑ ಈಶೇ ||{3.51.4}, {3.4.13.4}, {3.3.15.4} |
| 470 | ಪೂ॒ರ್ವೀರ॑ಸ್ಯ ನಿ॒ಷ್ಷಿಧೋ॒ ಮರ್ತ್ಯೇ᳚ಷು ಪು॒ರೂ ವಸೂ᳚ನಿ ಪೃಥಿ॒ವೀ ಬಿ॑ಭರ್ತಿ | ಇಂದ್ರಾ᳚ಯ॒ ದ್ಯಾವ॒ ಓಷ॑ಧೀರು॒ತಾಪೋ᳚ ರ॒ಯಿಂ ರ॑ಕ್ಷಂತಿ ಜೀ॒ರಯೋ॒ ವನಾ᳚ನಿ ||{3.51.5}, {3.4.13.5}, {3.3.15.5} |
| 471 | ತುಭ್ಯಂ॒ ಬ್ರಹ್ಮಾ᳚ಣಿ॒ ಗಿರ॑ ಇಂದ್ರ॒ ತುಭ್ಯಂ᳚ ಸ॒ತ್ರಾ ದ॑ಧಿರೇ ಹರಿವೋ ಜು॒ಷಸ್ವ॑ | ಬೋ॒ಧ್ಯಾ॒೩॑(ಆ॒)ಪಿರವ॑ಸೋ॒ ನೂತ॑ನಸ್ಯ॒ ಸಖೇ᳚ ವಸೋ ಜರಿ॒ತೃಭ್ಯೋ॒ ವಯೋ᳚ ಧಾಃ ||{3.51.6}, {3.4.13.6}, {3.3.16.1} |
| 472 | ಇಂದ್ರ॑ ಮರುತ್ವ ಇ॒ಹ ಪಾ᳚ಹಿ॒ ಸೋಮಂ॒ ಯಥಾ᳚ ಶಾರ್ಯಾ॒ತೇ ಅಪಿ॑ಬಃ ಸು॒ತಸ್ಯ॑ | ತವ॒ ಪ್ರಣೀ᳚ತೀ॒ ತವ॑ ಶೂರ॒ ಶರ್ಮ॒ನ್ನಾ ವಿ॑ವಾಸಂತಿ ಕ॒ವಯಃ॑ ಸುಯ॒ಜ್ಞಾಃ ||{3.51.7}, {3.4.13.7}, {3.3.16.2} |
| 473 | ಸ ವಾ᳚ವಶಾ॒ನ ಇ॒ಹ ಪಾ᳚ಹಿ॒ ಸೋಮಂ᳚ ಮ॒ರುದ್ಭಿ॑ರಿಂದ್ರ॒ ಸಖಿ॑ಭಿಃ ಸು॒ತಂ ನಃ॑ | ಜಾ॒ತಂ ಯತ್ತ್ವಾ॒ ಪರಿ॑ ದೇ॒ವಾ ಅಭೂ᳚ಷನ್ಮ॒ಹೇ ಭರಾ᳚ಯ ಪುರುಹೂತ॒ ವಿಶ್ವೇ᳚ ||{3.51.8}, {3.4.13.8}, {3.3.16.3} |
| 474 | ಅ॒ಪ್ತೂರ್ಯೇ᳚ ಮರುತ ಆ॒ಪಿರೇ॒ಷೋಽಮಂ᳚ದ॒ನ್ನಿಂದ್ರ॒ಮನು॒ ದಾತಿ॑ವಾರಾಃ | ತೇಭಿಃ॑ ಸಾ॒ಕಂ ಪಿ॑ಬತು ವೃತ್ರಖಾ॒ದಃ ಸು॒ತಂ ಸೋಮಂ᳚ ದಾ॒ಶುಷಃ॒ ಸ್ವೇ ಸ॒ಧಸ್ಥೇ᳚ ||{3.51.9}, {3.4.13.9}, {3.3.16.4} |
| 475 | ಇ॒ದಂ ಹ್ಯನ್ವೋಜ॑ಸಾ ಸು॒ತಂ ರಾ᳚ಧಾನಾಂ ಪತೇ | ಪಿಬಾ॒ ತ್ವ೧॑(ಅ॒)ಸ್ಯ ಗಿ᳚ರ್ವಣಃ ||{3.51.10}, {3.4.13.10}, {3.3.16.5} |
| 476 | ಯಸ್ತೇ॒ ಅನು॑ ಸ್ವ॒ಧಾಮಸ॑ತ್ಸು॒ತೇ ನಿ ಯ॑ಚ್ಛ ತ॒ನ್ವಂ᳚ | ಸ ತ್ವಾ᳚ ಮಮತ್ತು ಸೋ॒ಮ್ಯಂ ||{3.51.11}, {3.4.13.11}, {3.3.16.6} |
| 477 | ಪ್ರ ತೇ᳚ ಅಶ್ನೋತು ಕು॒ಕ್ಷ್ಯೋಃ ಪ್ರೇಂದ್ರ॒ ಬ್ರಹ್ಮ॑ಣಾ॒ ಶಿರಃ॑ | ಪ್ರ ಬಾ॒ಹೂ ಶೂ᳚ರ॒ ರಾಧ॑ಸೇ ||{3.51.12}, {3.4.13.12}, {3.3.16.7} |
| [52] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಇಂದ್ರೋ ದೇವತಾ | (1-4) ಪ್ರಥಮಾದಿಚತುರ್‌ಋಚಾಂ ಗಾಯತ್ರೀ (5, 7-8) ಪಂಚಮ್ಯಾಃ ಸಪ್ತಮ್ಯಷ್ಟಮ್ಯೋಶ್ಚ ತ್ರಿಷ್ಟುಪ್ (6) ಷಷ್ಠ್ಯಾಶ್ಚ ಜಗತೀ ಛಂದಾಂಸಿ || | |
| 478 | ಧಾ॒ನಾವಂ᳚ತಂ ಕರಂ॒ಭಿಣ॑ಮಪೂ॒ಪವಂ᳚ತಮು॒ಕ್ಥಿನಂ᳚ | ಇಂದ್ರ॑ ಪ್ರಾ॒ತರ್ಜು॑ಷಸ್ವ ನಃ ||{3.52.1}, {3.4.14.1}, {3.3.17.1} |
| 479 | ಪು॒ರೋ॒ಳಾಶಂ᳚ ಪಚ॒ತ್ಯಂ᳚ ಜು॒ಷಸ್ವೇಂ॒ದ್ರಾ ಗು॑ರಸ್ವ ಚ | ತುಭ್ಯಂ᳚ ಹ॒ವ್ಯಾನಿ॑ ಸಿಸ್ರತೇ ||{3.52.2}, {3.4.14.2}, {3.3.17.2} |
| 480 | ಪು॒ರೋ॒ಳಾಶಂ᳚ ಚ ನೋ॒ ಘಸೋ᳚ ಜೋ॒ಷಯಾ᳚ಸೇ॒ ಗಿರ॑ಶ್ಚ ನಃ | ವ॒ಧೂ॒ಯುರಿ॑ವ॒ ಯೋಷ॑ಣಾಂ ||{3.52.3}, {3.4.14.3}, {3.3.17.3} |
| 481 | ಪು॒ರೋ॒ಳಾಶಂ᳚ ಸನಶ್ರುತ ಪ್ರಾತಃಸಾ॒ವೇ ಜು॑ಷಸ್ವ ನಃ | ಇಂದ್ರ॒ ಕ್ರತು॒ರ್ಹಿ ತೇ᳚ ಬೃ॒ಹನ್ ||{3.52.4}, {3.4.14.4}, {3.3.17.4} |
| 482 | ಮಾಧ್ಯಂ᳚ದಿನಸ್ಯ॒ ಸವ॑ನಸ್ಯ ಧಾ॒ನಾಃ ಪು॑ರೋ॒ಳಾಶ॑ಮಿಂದ್ರ ಕೃಷ್ವೇ॒ಹ ಚಾರುಂ᳚ | ಪ್ರ ಯತ್ಸ್ತೋ॒ತಾ ಜ॑ರಿ॒ತಾ ತೂರ್ಣ್ಯ॑ರ್ಥೋ ವೃಷಾ॒ಯಮಾ᳚ಣ॒ ಉಪ॑ ಗೀ॒ರ್ಭಿರೀಟ್ಟೇ᳚ ||{3.52.5}, {3.4.14.5}, {3.3.17.5} |
| 483 | ತೃ॒ತೀಯೇ᳚ ಧಾ॒ನಾಃ ಸವ॑ನೇ ಪುರುಷ್ಟುತ ಪುರೋ॒ಳಾಶ॒ಮಾಹು॑ತಂ ಮಾಮಹಸ್ವ ನಃ | ಋ॒ಭು॒ಮಂತಂ॒ ವಾಜ॑ವಂತಂ ತ್ವಾ ಕವೇ॒ ಪ್ರಯ॑ಸ್ವಂತ॒ ಉಪ॑ ಶಿಕ್ಷೇಮ ಧೀ॒ತಿಭಿಃ॑ ||{3.52.6}, {3.4.14.6}, {3.3.18.1} |
| 484 | ಪೂ॒ಷ॒ಣ್ವತೇ᳚ ತೇ ಚಕೃಮಾ ಕರಂ॒ಭಂ ಹರಿ॑ವತೇ॒ ಹರ್ಯ॑ಶ್ವಾಯ ಧಾ॒ನಾಃ | ಅ॒ಪೂ॒ಪಮ॑ದ್ಧಿ॒ ಸಗ॑ಣೋ ಮ॒ರುದ್ಭಿಃ॒ ಸೋಮಂ᳚ ಪಿಬ ವೃತ್ರ॒ಹಾ ಶೂ᳚ರ ವಿ॒ದ್ವಾನ್ ||{3.52.7}, {3.4.14.7}, {3.3.18.2} |
| 485 | ಪ್ರತಿ॑ ಧಾ॒ನಾ ಭ॑ರತ॒ ತೂಯ॑ಮಸ್ಮೈ ಪುರೋ॒ಳಾಶಂ᳚ ವೀ॒ರತ॑ಮಾಯ ನೃ॒ಣಾಂ | ದಿ॒ವೇದಿ॑ವೇ ಸ॒ದೃಶೀ᳚ರಿಂದ್ರ॒ ತುಭ್ಯಂ॒ ವರ್ಧಂ᳚ತು ತ್ವಾ ಸೋಮ॒ಪೇಯಾ᳚ಯ ಧೃಷ್ಣೋ ||{3.52.8}, {3.4.14.8}, {3.3.18.3} |
| [53] (1-24) ಚತುರ್ವಿಂಶತ್ಯೃಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | (1) ಪ್ರಥಮರ್ಚ ಇಂದ್ರಾಪರ್ವತೌ (2-14) ದ್ವಿತೀಯಾದಿತ್ರಯೋದಶಾನಾಮಿಂದ್ರಃ (15-16) ಪಂಚದಶೀಷೋಡಶ್ಯೋಃ ಸಸರ್ಪರೀ ವಾಕ್ (17-20) ಸಪ್ತದಶ್ಯಾದಿಚತಸೃಣಾಂ ರಥಾಂಗಾನಿ (21-24) ಏಕವಿಂಶ್ಯಾದಿಚತಸೃಣಾಂಚಾಭಿಶಾಪೋ ದೇವತಾಃ | (1-9, 11, 14-15, 17, 19, 21, 23-24) ಪ್ರಥಮಾದಿನವರ್ಚಾಮಕ ದಿಶೀಚತುರ್ದಶೀಪಂಚದಶೀಸಪ್ತದಶ್ಯೇಕೋನವಿಂಶ್ಯೇಕವಿಂಶೀತ್ರಯೋವಿಂಶೀಚತುರ್ವಿಂ ಶೀನಾಂಚ ತ್ರಿಷ್ಟುಪ್ (10, 16) ದಶಮೀಷೋಡಶ್ಯೋರ್ಜಗತೀ (12, 20, 22) ದ್ವಾದಶೀವಿಂಶೀದ್ವಾವಿಂಶೀನಾಮನುಷ್ಟುಪ್ (13) ತ್ರಯೋದಶ್ಯಾ ಗಾಯತ್ರೀ (18) ಅಷ್ಟಾದಶ್ಯಾಶ್ಚ ಬೃಹತೀ ಛಂದಾಂಸಿ || | |
| 486 | ಇಂದ್ರಾ᳚ಪರ್ವತಾ ಬೃಹ॒ತಾ ರಥೇ᳚ನ ವಾ॒ಮೀರಿಷ॒ ಆ ವ॑ಹತಂ ಸು॒ವೀರಾಃ᳚ | ವೀ॒ತಂ ಹ॒ವ್ಯಾನ್ಯ॑ಧ್ವ॒ರೇಷು॑ ದೇವಾ॒ ವರ್ಧೇ᳚ಥಾಂ ಗೀ॒ರ್ಭಿರಿಳ॑ಯಾ॒ ಮದಂ᳚ತಾ ||{3.53.1}, {3.4.15.1}, {3.3.19.1} |
| 487 | ತಿಷ್ಠಾ॒ ಸು ಕಂ᳚ ಮಘವ॒ನ್ಮಾ ಪರಾ᳚ ಗಾಃ॒ ಸೋಮ॑ಸ್ಯ॒ ನು ತ್ವಾ॒ ಸುಷು॑ತಸ್ಯ ಯಕ್ಷಿ | ಪಿ॒ತುರ್ನ ಪು॒ತ್ರಃ ಸಿಚ॒ಮಾ ರ॑ಭೇ ತ॒ ಇಂದ್ರ॒ ಸ್ವಾದಿ॑ಷ್ಠಯಾ ಗಿ॒ರಾ ಶ॑ಚೀವಃ ||{3.53.2}, {3.4.15.2}, {3.3.19.2} |
| 488 | ಶಂಸಾ᳚ವಾಧ್ವರ್ಯೋ॒ ಪ್ರತಿ॑ ಮೇ ಗೃಣೀ॒ಹೀಂದ್ರಾ᳚ಯ॒ ವಾಹಃ॑ ಕೃಣವಾವ॒ ಜುಷ್ಟಂ᳚ | ಏದಂ ಬ॒ರ್ಹಿರ್ಯಜ॑ಮಾನಸ್ಯ ಸೀ॒ದಾಥಾ᳚ ಚ ಭೂದು॒ಕ್ಥಮಿಂದ್ರಾ᳚ಯ ಶ॒ಸ್ತಂ ||{3.53.3}, {3.4.15.3}, {3.3.19.3} |
| 489 | ಜಾ॒ಯೇದಸ್ತಂ᳚ ಮಘವ॒ನ್ಸೇದು॒ ಯೋನಿ॒ಸ್ತದಿತ್ತ್ವಾ᳚ ಯು॒ಕ್ತಾ ಹರ॑ಯೋ ವಹಂತು | ಯ॒ದಾ ಕ॒ದಾ ಚ॑ ಸು॒ನವಾ᳚ಮ॒ ಸೋಮ॑ಮ॒ಗ್ನಿಷ್ಟ್ವಾ᳚ ದೂ॒ತೋ ಧ᳚ನ್ವಾ॒ತ್ಯಚ್ಛ॑ ||{3.53.4}, {3.4.15.4}, {3.3.19.4} |
| 490 | ಪರಾ᳚ ಯಾಹಿ ಮಘವ॒ನ್ನಾ ಚ॑ ಯಾ॒ಹೀಂದ್ರ॑ ಭ್ರಾತರುಭ॒ಯತ್ರಾ᳚ ತೇ॒ ಅರ್ಥಂ᳚ | ಯತ್ರಾ॒ ರಥ॑ಸ್ಯ ಬೃಹ॒ತೋ ನಿ॒ಧಾನಂ᳚ ವಿ॒ಮೋಚ॑ನಂ ವಾ॒ಜಿನೋ॒ ರಾಸ॑ಭಸ್ಯ ||{3.53.5}, {3.4.15.5}, {3.3.19.5} |
| 491 | ಅಪಾಃ॒ ಸೋಮ॒ಮಸ್ತ॑ಮಿಂದ್ರ॒ ಪ್ರ ಯಾ᳚ಹಿ ಕಲ್ಯಾ॒ಣೀರ್ಜಾ॒ಯಾ ಸು॒ರಣಂ᳚ ಗೃ॒ಹೇ ತೇ᳚ | ಯತ್ರಾ॒ ರಥ॑ಸ್ಯ ಬೃಹ॒ತೋ ನಿ॒ಧಾನಂ᳚ ವಿ॒ಮೋಚ॑ನಂ ವಾ॒ಜಿನೋ॒ ದಕ್ಷಿ॑ಣಾವತ್ ||{3.53.6}, {3.4.15.6}, {3.3.20.1} |
| 492 | ಇ॒ಮೇ ಭೋ॒ಜಾ ಅಂಗಿ॑ರಸೋ॒ ವಿರೂ᳚ಪಾ ದಿ॒ವಸ್ಪು॒ತ್ರಾಸೋ॒ ಅಸು॑ರಸ್ಯ ವೀ॒ರಾಃ | ವಿ॒ಶ್ವಾಮಿ॑ತ್ರಾಯ॒ ದದ॑ತೋ ಮ॒ಘಾನಿ॑ ಸಹಸ್ರಸಾ॒ವೇ ಪ್ರ ತಿ॑ರಂತ॒ ಆಯುಃ॑ ||{3.53.7}, {3.4.15.7}, {3.3.20.2} |
| 493 | ರೂ॒ಪಂರೂ᳚ಪಂ ಮ॒ಘವಾ᳚ ಬೋಭವೀತಿ ಮಾ॒ಯಾಃ ಕೃ᳚ಣ್ವಾ॒ನಸ್ತ॒ನ್ವ೧॑(ಅ॒) ಅಂಪರಿ॒ ಸ್ವಾಂ | ತ್ರಿರ್ಯದ್ದಿ॒ವಃ ಪರಿ॑ ಮುಹೂ॒ರ್ತಮಾಗಾ॒ತ್ಸ್ವೈರ್ಮಂತ್ರೈ॒ರನೃ॑ತುಪಾ ಋ॒ತಾವಾ᳚ ||{3.53.8}, {3.4.15.8}, {3.3.20.3} |
| 494 | ಮ॒ಹಾಁ ಋಷಿ॑ರ್ದೇವ॒ಜಾ ದೇ॒ವಜೂ॒ತೋಽಸ್ತ॑ಭ್ನಾ॒ತ್ಸಿಂಧು॑ಮರ್ಣ॒ವಂ ನೃ॒ಚಕ್ಷಾಃ᳚ | ವಿ॒ಶ್ವಾಮಿ॑ತ್ರೋ॒ ಯದವ॑ಹತ್ಸು॒ದಾಸ॒ಮಪ್ರಿ॑ಯಾಯತ ಕುಶಿ॒ಕೇಭಿ॒ರಿಂದ್ರಃ॑ ||{3.53.9}, {3.4.15.9}, {3.3.20.4} |
| 495 | ಹಂ॒ಸಾ ಇ॑ವ ಕೃಣುಥ॒ ಶ್ಲೋಕ॒ಮದ್ರಿ॑ಭಿ॒ರ್ಮದಂ᳚ತೋ ಗೀ॒ರ್ಭಿರ॑ಧ್ವ॒ರೇ ಸು॒ತೇ ಸಚಾ᳚ | ದೇ॒ವೇಭಿ᳚ರ್ವಿಪ್ರಾ ಋಷಯೋ ನೃಚಕ್ಷಸೋ॒ ವಿ ಪಿ॑ಬಧ್ವಂ ಕುಶಿಕಾಃ ಸೋ॒ಮ್ಯಂ ಮಧು॑ ||{3.53.10}, {3.4.15.10}, {3.3.20.5} |
| 496 | ಉಪ॒ ಪ್ರೇತ॑ ಕುಶಿಕಾಶ್ಚೇ॒ತಯ॑ಧ್ವ॒ಮಶ್ವಂ᳚ ರಾ॒ಯೇ ಪ್ರ ಮುಂ᳚ಚತಾ ಸು॒ದಾಸಃ॑ | ರಾಜಾ᳚ ವೃ॒ತ್ರಂ ಜಂ᳚ಘನ॒ತ್ಪ್ರಾಗಪಾ॒ಗುದ॒ಗಥಾ᳚ ಯಜಾತೇ॒ ವರ॒ ಆ ಪೃ॑ಥಿ॒ವ್ಯಾಃ ||{3.53.11}, {3.4.15.11}, {3.3.21.1} |
| 497 | ಯ ಇ॒ಮೇ ರೋದ॑ಸೀ ಉ॒ಭೇ ಅ॒ಹಮಿಂದ್ರ॒ಮತು॑ಷ್ಟವಂ | ವಿ॒ಶ್ವಾಮಿ॑ತ್ರಸ್ಯ ರಕ್ಷತಿ॒ ಬ್ರಹ್ಮೇ॒ದಂ ಭಾರ॑ತಂ॒ ಜನಂ᳚ ||{3.53.12}, {3.4.15.12}, {3.3.21.2} |
| 498 | ವಿ॒ಶ್ವಾಮಿ॑ತ್ರಾ ಅರಾಸತ॒ ಬ್ರಹ್ಮೇಂದ್ರಾ᳚ಯ ವ॒ಜ್ರಿಣೇ᳚ | ಕರ॒ದಿನ್ನಃ॑ ಸು॒ರಾಧ॑ಸಃ ||{3.53.13}, {3.4.15.13}, {3.3.21.3} |
| 499 | ಕಿಂ ತೇ᳚ ಕೃಣ್ವಂತಿ॒ ಕೀಕ॑ಟೇಷು॒ ಗಾವೋ॒ ನಾಶಿರಂ᳚ ದು॒ಹ್ರೇ ನ ತ॑ಪಂತಿ ಘ॒ರ್ಮಂ | ಆ ನೋ᳚ ಭರ॒ ಪ್ರಮ॑ಗಂದಸ್ಯ॒ ವೇದೋ᳚ ನೈಚಾಶಾ॒ಖಂ ಮ॑ಘವನ್ರಂಧಯಾ ನಃ ||{3.53.14}, {3.4.15.14}, {3.3.21.4} |
| 500 | ಸ॒ಸ॒ರ್ಪ॒ರೀರಮ॑ತಿಂ॒ ಬಾಧ॑ಮಾನಾ ಬೃ॒ಹನ್ಮಿ॑ಮಾಯ ಜ॒ಮದ॑ಗ್ನಿದತ್ತಾ | ಆ ಸೂರ್ಯ॑ಸ್ಯ ದುಹಿ॒ತಾ ತ॑ತಾನ॒ ಶ್ರವೋ᳚ ದೇ॒ವೇಷ್ವ॒ಮೃತ॑ಮಜು॒ರ್ಯಂ ||{3.53.15}, {3.4.15.15}, {3.3.21.5} |
| 501 | ಸ॒ಸ॒ರ್ಪ॒ರೀರ॑ಭರ॒ತ್ತೂಯ॑ಮೇ॒ಭ್ಯೋಽಧಿ॒ ಶ್ರವಃ॒ ಪಾಂಚ॑ಜನ್ಯಾಸು ಕೃ॒ಷ್ಟಿಷು॑ | ಸಾ ಪ॒ಕ್ಷ್ಯಾ॒೩॑(ಆ॒) ನವ್ಯ॒ಮಾಯು॒ರ್ದಧಾ᳚ನಾ॒ ಯಾಂ ಮೇ᳚ ಪಲಸ್ತಿಜಮದ॒ಗ್ನಯೋ᳚ ದ॒ದುಃ ||{3.53.16}, {3.4.15.16}, {3.3.22.1} |
| 502 | ಸ್ಥಿ॒ರೌ ಗಾವೌ᳚ ಭವತಾಂ ವೀ॒ಳುರಕ್ಷೋ॒ ಮೇಷಾ ವಿ ವ॑ರ್ಹಿ॒ ಮಾ ಯು॒ಗಂ ವಿ ಶಾ᳚ರಿ | ಇಂದ್ರಃ॑ ಪಾತ॒ಲ್ಯೇ᳚ ದದತಾಂ॒ ಶರೀ᳚ತೋ॒ರರಿ॑ಷ್ಟನೇಮೇ ಅ॒ಭಿ ನಃ॑ ಸಚಸ್ವ ||{3.53.17}, {3.4.15.17}, {3.3.22.2} |
| 503 | ಬಲಂ᳚ ಧೇಹಿ ತ॒ನೂಷು॑ ನೋ॒ ಬಲ॑ಮಿಂದ್ರಾನ॒ಳುತ್ಸು॑ ನಃ | ಬಲಂ᳚ ತೋ॒ಕಾಯ॒ ತನ॑ಯಾಯ ಜೀ॒ವಸೇ॒ ತ್ವಂ ಹಿ ಬ॑ಲ॒ದಾ ಅಸಿ॑ ||{3.53.18}, {3.4.15.18}, {3.3.22.3} |
| 504 | ಅ॒ಭಿ ವ್ಯ॑ಯಸ್ವ ಖದಿ॒ರಸ್ಯ॒ ಸಾರ॒ಮೋಜೋ᳚ ಧೇಹಿ ಸ್ಪಂದ॒ನೇ ಶಿಂ॒ಶಪಾ᳚ಯಾಂ | ಅಕ್ಷ॑ ವೀಳೋ ವೀಳಿತ ವೀ॒ಳಯ॑ಸ್ವ॒ ಮಾ ಯಾಮಾ᳚ದ॒ಸ್ಮಾದವ॑ ಜೀಹಿಪೋ ನಃ ||{3.53.19}, {3.4.15.19}, {3.3.22.4} |
| 505 | ಅ॒ಯಮ॒ಸ್ಮಾನ್ವನ॒ಸ್ಪತಿ॒ರ್ಮಾ ಚ॒ ಹಾ ಮಾ ಚ॑ ರೀರಿಷತ್ | ಸ್ವ॒ಸ್ತ್ಯಾ ಗೃ॒ಹೇಭ್ಯ॒ ಆವ॒ಸಾ ಆ ವಿ॒ಮೋಚ॑ನಾತ್ ||{3.53.20}, {3.4.15.20}, {3.3.22.5} |
| 506 | ಇಂದ್ರೋ॒ತಿಭಿ॑ರ್ಬಹು॒ಲಾಭಿ᳚ರ್ನೋ ಅ॒ದ್ಯ ಯಾ᳚ಚ್ಛ್ರೇ॒ಷ್ಠಾಭಿ᳚ರ್ಮಘವಂಛೂರ ಜಿನ್ವ | ಯೋ ನೋ॒ ದ್ವೇಷ್ಟ್ಯಧ॑ರಃ॒ ಸಸ್ಪ॑ದೀಷ್ಟ॒ ಯಮು॑ ದ್ವಿ॒ಷ್ಮಸ್ತಮು॑ ಪ್ರಾ॒ಣೋ ಜ॑ಹಾತು ||{3.53.21}, {3.4.15.21}, {3.3.23.1} |
| 507 | ಪ॒ರ॒ಶುಂ ಚಿ॒ದ್ವಿ ತ॑ಪತಿ ಶಿಂಬ॒ಲಂ ಚಿ॒ದ್ವಿ ವೃ॑ಶ್ಚತಿ | ಉ॒ಖಾ ಚಿ॑ದಿಂದ್ರ॒ ಯೇಷಂ᳚ತೀ॒ ಪ್ರಯ॑ಸ್ತಾ॒ ಫೇನ॑ಮಸ್ಯತಿ ||{3.53.22}, {3.4.15.22}, {3.3.23.2} |
| 508 | ನ ಸಾಯ॑ಕಸ್ಯ ಚಿಕಿತೇ ಜನಾಸೋ ಲೋ॒ಧಂ ನ॑ಯಂತಿ॒ ಪಶು॒ ಮನ್ಯ॑ಮಾನಾಃ | ನಾವಾ᳚ಜಿನಂ ವಾ॒ಜಿನಾ᳚ ಹಾಸಯಂತಿ॒ ನ ಗ॑ರ್ದ॒ಭಂ ಪು॒ರೋ ಅಶ್ವಾ᳚ನ್ನಯಂತಿ ||{3.53.23}, {3.4.15.23}, {3.3.23.3} |
| 509 | ಇ॒ಮ ಇಂ᳚ದ್ರ ಭರ॒ತಸ್ಯ॑ ಪು॒ತ್ರಾ ಅ॑ಪಪಿ॒ತ್ವಂ ಚಿ॑ಕಿತು॒ರ್ನ ಪ್ರ॑ಪಿ॒ತ್ವಂ | ಹಿ॒ನ್ವಂತ್ಯಶ್ವ॒ಮರ॑ಣಂ॒ ನ ನಿತ್ಯಂ॒ ಜ್ಯಾ᳚ವಾಜಂ॒ ಪರಿ॑ ಣಯಂತ್ಯಾ॒ಜೌ ||{3.53.24}, {3.4.15.24}, {3.3.23.4} |
| [54] (1-22) ದ್ವಾವಿಂಶತ್ಯೃಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ವಾಚ್ಯೋ ವಾ ಪ್ರಜಾಪತಿ ಋಷಿಃ | ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 510 | ಇ॒ಮಂ ಮ॒ಹೇ ವಿ॑ದ॒ಥ್ಯಾ᳚ಯ ಶೂ॒ಷಂ ಶಶ್ವ॒ತ್ಕೃತ್ವ॒ ಈಡ್ಯಾ᳚ಯ॒ ಪ್ರ ಜ॑ಭ್ರುಃ | ಶೃ॒ಣೋತು॑ ನೋ॒ ದಮ್ಯೇ᳚ಭಿ॒ರನೀ᳚ಕೈಃ ಶೃ॒ಣೋತ್ವ॒ಗ್ನಿರ್ದಿ॒ವ್ಯೈರಜ॑ಸ್ರಃ ||{3.54.1}, {3.5.1.1}, {3.3.24.1} |
| 511 | ಮಹಿ॑ ಮ॒ಹೇ ದಿ॒ವೇ ಅ॑ರ್ಚಾ ಪೃಥಿ॒ವ್ಯೈ ಕಾಮೋ᳚ ಮ ಇ॒ಚ್ಛಂಚ॑ರತಿ ಪ್ರಜಾ॒ನನ್ | ಯಯೋ᳚ರ್ಹ॒ ಸ್ತೋಮೇ᳚ ವಿ॒ದಥೇ᳚ಷು ದೇ॒ವಾಃ ಸ॑ಪ॒ರ್ಯವೋ᳚ ಮಾ॒ದಯಂ᳚ತೇ॒ ಸಚಾ॒ಯೋಃ ||{3.54.2}, {3.5.1.2}, {3.3.24.2} |
| 512 | ಯು॒ವೋರೃ॒ತಂ ರೋ᳚ದಸೀ ಸ॒ತ್ಯಮ॑ಸ್ತು ಮ॒ಹೇ ಷು ಣಃ॑ ಸುವಿ॒ತಾಯ॒ ಪ್ರ ಭೂ᳚ತಂ | ಇ॒ದಂ ದಿ॒ವೇ ನಮೋ᳚ ಅಗ್ನೇ ಪೃಥಿ॒ವ್ಯೈ ಸ॑ಪ॒ರ್ಯಾಮಿ॒ ಪ್ರಯ॑ಸಾ॒ ಯಾಮಿ॒ ರತ್ನಂ᳚ ||{3.54.3}, {3.5.1.3}, {3.3.24.3} |
| 513 | ಉ॒ತೋ ಹಿ ವಾಂ᳚ ಪೂ॒ರ್ವ್ಯಾ ಆ᳚ವಿವಿ॒ದ್ರ ಋತಾ᳚ವರೀ ರೋದಸೀ ಸತ್ಯ॒ವಾಚಃ॑ | ನರ॑ಶ್ಚಿದ್ವಾಂ ಸಮಿ॒ಥೇ ಶೂರ॑ಸಾತೌ ವವಂದಿ॒ರೇ ಪೃ॑ಥಿವಿ॒ ವೇವಿ॑ದಾನಾಃ ||{3.54.4}, {3.5.1.4}, {3.3.24.4} |
| 514 | ಕೋ ಅ॒ದ್ಧಾ ವೇ᳚ದ॒ ಕ ಇ॒ಹ ಪ್ರ ವೋ᳚ಚದ್ದೇ॒ವಾಁ ಅಚ್ಛಾ᳚ ಪ॒ಥ್ಯಾ॒೩॑(ಆ॒) ಕಾ ಸಮೇ᳚ತಿ | ದದೃ॑ಶ್ರ ಏಷಾಮವ॒ಮಾ ಸದಾಂ᳚ಸಿ॒ ಪರೇ᳚ಷು॒ ಯಾ ಗುಹ್ಯೇ᳚ಷು ವ್ರ॒ತೇಷು॑ ||{3.54.5}, {3.5.1.5}, {3.3.24.5} |
| 515 | ಕ॒ವಿರ್ನೃ॒ಚಕ್ಷಾ᳚ ಅ॒ಭಿ ಷೀ᳚ಮಚಷ್ಟ ಋ॒ತಸ್ಯ॒ ಯೋನಾ॒ ವಿಘೃ॑ತೇ॒ ಮದಂ᳚ತೀ | ನಾನಾ᳚ ಚಕ್ರಾತೇ॒ ಸದ॑ನಂ॒ ಯಥಾ॒ ವೇಃ ಸ॑ಮಾ॒ನೇನ॒ ಕ್ರತು॑ನಾ ಸಂವಿದಾ॒ನೇ ||{3.54.6}, {3.5.1.6}, {3.3.25.1} |
| 516 | ಸ॒ಮಾ॒ನ್ಯಾ ವಿಯು॑ತೇ ದೂ॒ರೇಅಂ᳚ತೇ ಧ್ರು॒ವೇ ಪ॒ದೇ ತ॑ಸ್ಥತುರ್ಜಾಗ॒ರೂಕೇ᳚ | ಉ॒ತ ಸ್ವಸಾ᳚ರಾ ಯುವ॒ತೀ ಭವಂ᳚ತೀ॒ ಆದು॑ ಬ್ರುವಾತೇ ಮಿಥು॒ನಾನಿ॒ ನಾಮ॑ ||{3.54.7}, {3.5.1.7}, {3.3.25.2} |
| 517 | ವಿಶ್ವೇದೇ॒ತೇ ಜನಿ॑ಮಾ॒ ಸಂ ವಿ॑ವಿಕ್ತೋ ಮ॒ಹೋ ದೇ॒ವಾನ್ಬಿಭ್ರ॑ತೀ॒ ನ ವ್ಯ॑ಥೇತೇ | ಏಜ॑ದ್ಧ್ರು॒ವಂ ಪ॑ತ್ಯತೇ॒ ವಿಶ್ವ॒ಮೇಕಂ॒ ಚರ॑ತ್ಪತ॒ತ್ರಿ ವಿಷು॑ಣಂ॒ ವಿ ಜಾ॒ತಂ ||{3.54.8}, {3.5.1.8}, {3.3.25.3} |
| 518 | ಸನಾ᳚ ಪುರಾ॒ಣಮಧ್ಯೇ᳚ಮ್ಯಾ॒ರಾನ್ಮ॒ಹಃ ಪಿ॒ತುರ್ಜ॑ನಿ॒ತುರ್ಜಾ॒ಮಿ ತನ್ನಃ॑ | ದೇ॒ವಾಸೋ॒ ಯತ್ರ॑ ಪನಿ॒ತಾರ॒ ಏವೈ᳚ರು॒ರೌ ಪ॒ಥಿ ವ್ಯು॑ತೇ ತ॒ಸ್ಥುರಂ॒ತಃ ||{3.54.9}, {3.5.1.9}, {3.3.25.4} |
| 519 | ಇ॒ಮಂ ಸ್ತೋಮಂ᳚ ರೋದಸೀ॒ ಪ್ರ ಬ್ರ॑ವೀಮ್ಯೃದೂ॒ದರಾಃ᳚ ಶೃಣವನ್ನಗ್ನಿಜಿ॒ಹ್ವಾಃ | ಮಿ॒ತ್ರಃ ಸ॒ಮ್ರಾಜೋ॒ ವರು॑ಣೋ॒ ಯುವಾ᳚ನ ಆದಿ॒ತ್ಯಾಸಃ॑ ಕ॒ವಯಃ॑ ಪಪ್ರಥಾ॒ನಾಃ ||{3.54.10}, {3.5.1.10}, {3.3.25.5} |
| 520 | ಹಿರ᳚ಣ್ಯಪಾಣಿಃ ಸವಿ॒ತಾ ಸು॑ಜಿ॒ಹ್ವಸ್ತ್ರಿರಾ ದಿ॒ವೋ ವಿ॒ದಥೇ॒ ಪತ್ಯ॑ಮಾನಃ | ದೇ॒ವೇಷು॑ ಚ ಸವಿತಃ॒ ಶ್ಲೋಕ॒ಮಶ್ರೇ॒ರಾದ॒ಸ್ಮಭ್ಯ॒ಮಾ ಸು॑ವ ಸ॒ರ್ವತಾ᳚ತಿಂ ||{3.54.11}, {3.5.1.11}, {3.3.26.1} |
| 521 | ಸು॒ಕೃತ್ಸು॑ಪಾ॒ಣಿಃ ಸ್ವವಾಁ᳚ ಋ॒ತಾವಾ᳚ ದೇ॒ವಸ್ತ್ವಷ್ಟಾವ॑ಸೇ॒ ತಾನಿ॑ ನೋ ಧಾತ್ | ಪೂ॒ಷ॒ಣ್ವಂತ॑ ಋಭವೋ ಮಾದಯಧ್ವಮೂ॒ರ್ಧ್ವಗ್ರಾ᳚ವಾಣೋ ಅಧ್ವ॒ರಮ॑ತಷ್ಟ ||{3.54.12}, {3.5.1.12}, {3.3.26.2} |
| 522 | ವಿ॒ದ್ಯುದ್ರ॑ಥಾ ಮ॒ರುತ॑ ಋಷ್ಟಿ॒ಮಂತೋ᳚ ದಿ॒ವೋ ಮರ್ಯಾ᳚ ಋ॒ತಜಾ᳚ತಾ ಅ॒ಯಾಸಃ॑ | ಸರ॑ಸ್ವತೀ ಶೃಣವನ್ಯ॒ಜ್ಞಿಯಾ᳚ಸೋ॒ ಧಾತಾ᳚ ರ॒ಯಿಂ ಸ॒ಹವೀ᳚ರಂ ತುರಾಸಃ ||{3.54.13}, {3.5.1.13}, {3.3.26.3} |
| 523 | ವಿಷ್ಣುಂ॒ ಸ್ತೋಮಾ᳚ಸಃ ಪುರುದ॒ಸ್ಮಮ॒ರ್ಕಾ ಭಗ॑ಸ್ಯೇವ ಕಾ॒ರಿಣೋ॒ ಯಾಮ॑ನಿ ಗ್ಮನ್ | ಉ॒ರು॒ಕ್ರ॒ಮಃ ಕ॑ಕು॒ಹೋ ಯಸ್ಯ॑ ಪೂ॒ರ್ವೀರ್ನ ಮ॑ರ್ಧಂತಿ ಯುವ॒ತಯೋ॒ ಜನಿ॑ತ್ರೀಃ ||{3.54.14}, {3.5.1.14}, {3.3.26.4} |
| 524 | ಇಂದ್ರೋ॒ ವಿಶ್ವೈ᳚ರ್ವೀ॒ರ್ಯೈ॒೩॒ಃ॑ ಪತ್ಯ॑ಮಾನ ಉ॒ಭೇ ಆ ಪ॑ಪ್ರೌ॒ ರೋದ॑ಸೀ ಮಹಿ॒ತ್ವಾ | ಪು॒ರಂ॒ದ॒ರೋ ವೃ॑ತ್ರ॒ಹಾ ಧೃ॒ಷ್ಣುಷೇ᳚ಣಃ ಸಂ॒ಗೃಭ್ಯಾ᳚ ನ॒ ಆ ಭ॑ರಾ॒ ಭೂರಿ॑ ಪ॒ಶ್ವಃ ||{3.54.15}, {3.5.1.15}, {3.3.26.5} |
| 525 | ನಾಸ॑ತ್ಯಾ ಮೇ ಪಿ॒ತರಾ᳚ ಬಂಧು॒ಪೃಚ್ಛಾ᳚ ಸಜಾ॒ತ್ಯ॑ಮ॒ಶ್ವಿನೋ॒ಶ್ಚಾರು॒ ನಾಮ॑ | ಯು॒ವಂ ಹಿ ಸ್ಥೋ ರ॑ಯಿ॒ದೌ ನೋ᳚ ರಯೀ॒ಣಾಂ ದಾ॒ತ್ರಂ ರ॑ಕ್ಷೇಥೇ॒ ಅಕ॑ವೈ॒ರದ॑ಬ್ಧಾ ||{3.54.16}, {3.5.1.16}, {3.3.27.1} |
| 526 | ಮ॒ಹತ್ತದ್ವಃ॑ ಕವಯ॒ಶ್ಚಾರು॒ ನಾಮ॒ ಯದ್ಧ॑ ದೇವಾ॒ ಭವ॑ಥ॒ ವಿಶ್ವ॒ ಇಂದ್ರೇ᳚ | ಸಖ॑ ಋ॒ಭುಭಿಃ॑ ಪುರುಹೂತ ಪ್ರಿ॒ಯೇಭಿ॑ರಿ॒ಮಾಂ ಧಿಯಂ᳚ ಸಾ॒ತಯೇ᳚ ತಕ್ಷತಾ ನಃ ||{3.54.17}, {3.5.1.17}, {3.3.27.2} |
| 527 | ಅ॒ರ್ಯ॒ಮಾ ಣೋ॒ ಅದಿ॑ತಿರ್ಯ॒ಜ್ಞಿಯಾ॒ಸೋಽದ॑ಬ್ಧಾನಿ॒ ವರು॑ಣಸ್ಯ ವ್ರ॒ತಾನಿ॑ | ಯು॒ಯೋತ॑ ನೋ ಅನಪ॒ತ್ಯಾನಿ॒ ಗಂತೋಃ᳚ ಪ್ರ॒ಜಾವಾ᳚ನ್ನಃ ಪಶು॒ಮಾಁ ಅ॑ಸ್ತು ಗಾ॒ತುಃ ||{3.54.18}, {3.5.1.18}, {3.3.27.3} |
| 528 | ದೇ॒ವಾನಾಂ᳚ ದೂ॒ತಃ ಪು॑ರು॒ಧ ಪ್ರಸೂ॒ತೋಽನಾ᳚ಗಾನ್ನೋ ವೋಚತು ಸ॒ರ್ವತಾ᳚ತಾ | ಶೃ॒ಣೋತು॑ ನಃ ಪೃಥಿ॒ವೀ ದ್ಯೌರು॒ತಾಪಃ॒ ಸೂರ್ಯೋ॒ ನಕ್ಷ॑ತ್ರೈರು॒ರ್ವ೧॑(ಅ॒)'ನ್ತರಿ॑ಕ್ಷಂ ||{3.54.19}, {3.5.1.19}, {3.3.27.4} |
| 529 | ಶೃ॒ಣ್ವಂತು॑ ನೋ॒ ವೃಷ॑ಣಃ॒ ಪರ್ವ॑ತಾಸೋ ಧ್ರು॒ವಕ್ಷೇ᳚ಮಾಸ॒ ಇಳ॑ಯಾ॒ ಮದಂ᳚ತಃ | ಆ॒ದಿ॒ತ್ಯೈರ್ನೋ॒ ಅದಿ॑ತಿಃ ಶೃಣೋತು॒ ಯಚ್ಛಂ᳚ತು ನೋ ಮ॒ರುತಃ॒ ಶರ್ಮ॑ ಭ॒ದ್ರಂ ||{3.54.20}, {3.5.1.20}, {3.3.27.5} |
| 530 | ಸದಾ᳚ ಸು॒ಗಃ ಪಿ॑ತು॒ಮಾಁ ಅ॑ಸ್ತು॒ ಪಂಥಾ॒ ಮಧ್ವಾ᳚ ದೇವಾ॒ ಓಷ॑ಧೀಃ॒ ಸಂ ಪಿ॑ಪೃಕ್ತ | ಭಗೋ᳚ ಮೇ ಅಗ್ನೇ ಸ॒ಖ್ಯೇ ನ ಮೃ॑ಧ್ಯಾ॒ ಉದ್ರಾ॒ಯೋ ಅ॑ಶ್ಯಾಂ॒ ಸದ॑ನಂ ಪುರು॒ಕ್ಷೋಃ ||{3.54.21}, {3.5.1.21}, {3.3.27.6} |
| 531 | ಸ್ವದ॑ಸ್ವ ಹ॒ವ್ಯಾ ಸಮಿಷೋ᳚ ದಿದೀಹ್ಯಸ್ಮ॒ದ್ರ್ಯ೧॑(ಅ॒)ಕ್ಸಂ ಮಿ॑ಮೀಹಿ॒ ಶ್ರವಾಂ᳚ಸಿ | ವಿಶ್ವಾಁ᳚ ಅಗ್ನೇ ಪೃ॒ತ್ಸು ತಾಂಜೇ᳚ಷಿ॒ ಶತ್ರೂ॒ನಹಾ॒ ವಿಶ್ವಾ᳚ ಸು॒ಮನಾ᳚ ದೀದಿಹೀ ನಃ ||{3.54.22}, {3.5.1.22}, {3.3.27.7} |
| [55] (1-22) ದ್ವಾವಿಂಶತ್ಯೃಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ವಾಚ್ಯೋ ವಾ ಪ್ರಜಾಪತಿಷಿಃ, ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 532 | ಉ॒ಷಸಃ॒ ಪೂರ್ವಾ॒ ಅಧ॒ ಯದ್ವ್ಯೂ॒ಷುರ್ಮ॒ಹದ್ವಿ ಜ॑ಜ್ಞೇ ಅ॒ಕ್ಷರಂ᳚ ಪ॒ದೇ ಗೋಃ | ವ್ರ॒ತಾ ದೇ॒ವಾನಾ॒ಮುಪ॒ ನು ಪ್ರ॒ಭೂಷ᳚ನ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.1}, {3.5.2.1}, {3.3.28.1} |
| 533 | ಮೋ ಷೂ ಣೋ॒ ಅತ್ರ॑ ಜುಹುರಂತ ದೇ॒ವಾ ಮಾ ಪೂರ್ವೇ᳚ ಅಗ್ನೇ ಪಿ॒ತರಃ॑ ಪದ॒ಜ್ಞಾಃ | ಪು॒ರಾ॒ಣ್ಯೋಃ ಸದ್ಮ॑ನೋಃ ಕೇ॒ತುರಂ॒ತರ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.2}, {3.5.2.2}, {3.3.28.2} |
| 534 | ವಿ ಮೇ᳚ ಪುರು॒ತ್ರಾ ಪ॑ತಯಂತಿ॒ ಕಾಮಾಃ॒ ಶಮ್ಯಚ್ಛಾ᳚ ದೀದ್ಯೇ ಪೂ॒ರ್ವ್ಯಾಣಿ॑ | ಸಮಿ॑ದ್ಧೇ ಅ॒ಗ್ನಾವೃ॒ತಮಿದ್ವ॑ದೇಮ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.3}, {3.5.2.3}, {3.3.28.3} |
| 535 | ಸ॒ಮಾ॒ನೋ ರಾಜಾ॒ ವಿಭೃ॑ತಃ ಪುರು॒ತ್ರಾ ಶಯೇ᳚ ಶ॒ಯಾಸು॒ ಪ್ರಯು॑ತೋ॒ ವನಾನು॑ | ಅ॒ನ್ಯಾ ವ॒ತ್ಸಂ ಭರ॑ತಿ॒ ಕ್ಷೇತಿ॑ ಮಾ॒ತಾ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.4}, {3.5.2.4}, {3.3.28.4} |
| 536 | ಆ॒ಕ್ಷಿತ್ಪೂರ್ವಾ॒ಸ್ವಪ॑ರಾ ಅನೂ॒ರುತ್ಸ॒ದ್ಯೋ ಜಾ॒ತಾಸು॒ ತರು॑ಣೀಷ್ವಂ॒ತಃ | ಅಂ॒ತರ್ವ॑ತೀಃ ಸುವತೇ॒ ಅಪ್ರ॑ವೀತಾ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.5}, {3.5.2.5}, {3.3.28.5} |
| 537 | ಶ॒ಯುಃ ಪ॒ರಸ್ತಾ॒ದಧ॒ ನು ದ್ವಿ॑ಮಾ॒ತಾಬಂ᳚ಧ॒ನಶ್ಚ॑ರತಿ ವ॒ತ್ಸ ಏಕಃ॑ | ಮಿ॒ತ್ರಸ್ಯ॒ ತಾ ವರು॑ಣಸ್ಯ ವ್ರ॒ತಾನಿ॑ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.6}, {3.5.2.6}, {3.3.29.1} |
| 538 | ದ್ವಿ॒ಮಾ॒ತಾ ಹೋತಾ᳚ ವಿ॒ದಥೇ᳚ಷು ಸ॒ಮ್ರಾಳನ್ವಗ್ರಂ॒ ಚರ॑ತಿ॒ ಕ್ಷೇತಿ॑ ಬು॒ಧ್ನಃ | ಪ್ರ ರಣ್ಯಾ᳚ನಿ ರಣ್ಯ॒ವಾಚೋ᳚ ಭರಂತೇ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.7}, {3.5.2.7}, {3.3.29.2} |
| 539 | ಶೂರ॑ಸ್ಯೇವ॒ ಯುಧ್ಯ॑ತೋ ಅಂತ॒ಮಸ್ಯ॑ ಪ್ರತೀ॒ಚೀನಂ᳚ ದದೃಶೇ॒ ವಿಶ್ವ॑ಮಾ॒ಯತ್ | ಅಂ॒ತರ್ಮ॒ತಿಶ್ಚ॑ರತಿ ನಿ॒ಷ್ಷಿಧಂ॒ ಗೋರ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.8}, {3.5.2.8}, {3.3.29.3} |
| 540 | ನಿ ವೇ᳚ವೇತಿ ಪಲಿ॒ತೋ ದೂ॒ತ ಆ᳚ಸ್ವಂ॒ತರ್ಮ॒ಹಾಁಶ್ಚ॑ರತಿ ರೋಚ॒ನೇನ॑ | ವಪೂಂ᳚ಷಿ॒ ಬಿಭ್ರ॑ದ॒ಭಿ ನೋ॒ ವಿ ಚ॑ಷ್ಟೇ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.9}, {3.5.2.9}, {3.3.29.4} |
| 541 | ವಿಷ್ಣು॑ರ್ಗೋ॒ಪಾಃ ಪ॑ರ॒ಮಂ ಪಾ᳚ತಿ॒ ಪಾಥಃ॑ ಪ್ರಿ॒ಯಾ ಧಾಮಾ᳚ನ್ಯ॒ಮೃತಾ॒ ದಧಾ᳚ನಃ | ಅ॒ಗ್ನಿಷ್ಟಾ ವಿಶ್ವಾ॒ ಭುವ॑ನಾನಿ ವೇದ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.10}, {3.5.2.10}, {3.3.29.5} |
| 542 | ನಾನಾ᳚ ಚಕ್ರಾತೇ ಯ॒ಮ್ಯಾ॒೩॑(ಆ॒) ವಪೂಂ᳚ಷಿ॒ ತಯೋ᳚ರ॒ನ್ಯದ್ರೋಚ॑ತೇ ಕೃ॒ಷ್ಣಮ॒ನ್ಯತ್ | ಶ್ಯಾವೀ᳚ ಚ॒ ಯದರು॑ಷೀ ಚ॒ ಸ್ವಸಾ᳚ರೌ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.11}, {3.5.2.11}, {3.3.30.1} |
| 543 | ಮಾ॒ತಾ ಚ॒ ಯತ್ರ॑ ದುಹಿ॒ತಾ ಚ॑ ಧೇ॒ನೂ ಸ॑ಬ॒ರ್ದುಘೇ᳚ ಧಾ॒ಪಯೇ᳚ತೇ ಸಮೀ॒ಚೀ | ಋ॒ತಸ್ಯ॒ ತೇ ಸದ॑ಸೀಳೇ ಅಂ॒ತರ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.12}, {3.5.2.12}, {3.3.30.2} |
| 544 | ಅ॒ನ್ಯಸ್ಯಾ᳚ ವ॒ತ್ಸಂ ರಿ॑ಹ॒ತೀ ಮಿ॑ಮಾಯ॒ ಕಯಾ᳚ ಭು॒ವಾ ನಿ ದ॑ಧೇ ಧೇ॒ನುರೂಧಃ॑ | ಋ॒ತಸ್ಯ॒ ಸಾ ಪಯ॑ಸಾಪಿನ್ವ॒ತೇಳಾ᳚ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.13}, {3.5.2.13}, {3.3.30.3} |
| 545 | ಪದ್ಯಾ᳚ ವಸ್ತೇ ಪುರು॒ರೂಪಾ॒ ವಪೂಂ᳚ಷ್ಯೂ॒ರ್ಧ್ವಾ ತ॑ಸ್ಥೌ॒ ತ್ರ್ಯವಿಂ॒ ರೇರಿ॑ಹಾಣಾ | ಋ॒ತಸ್ಯ॒ ಸದ್ಮ॒ ವಿ ಚ॑ರಾಮಿ ವಿ॒ದ್ವಾನ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.14}, {3.5.2.14}, {3.3.30.4} |
| 546 | ಪ॒ದೇ ಇ॑ವ॒ ನಿಹಿ॑ತೇ ದ॒ಸ್ಮೇ ಅಂ॒ತಸ್ತಯೋ᳚ರ॒ನ್ಯದ್ಗುಹ್ಯ॑ಮಾ॒ವಿರ॒ನ್ಯತ್ | ಸ॒ಧ್ರೀ॒ಚೀ॒ನಾ ಪ॒ಥ್ಯಾ॒೩॑(ಆ॒) ಸಾ ವಿಷೂ᳚ಚೀ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.15}, {3.5.2.15}, {3.3.30.5} |
| 547 | ಆ ಧೇ॒ನವೋ᳚ ಧುನಯಂತಾ॒ಮಶಿ॑ಶ್ವೀಃ ಸಬ॒ರ್ದುಘಾಃ᳚ ಶಶ॒ಯಾ ಅಪ್ರ॑ದುಗ್ಧಾಃ | ನವ್ಯಾ᳚ನವ್ಯಾ ಯುವ॒ತಯೋ॒ ಭವಂ᳚ತೀರ್ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.16}, {3.5.2.16}, {3.3.31.1} |
| 548 | ಯದ॒ನ್ಯಾಸು॑ ವೃಷ॒ಭೋ ರೋರ॑ವೀತಿ॒ ಸೋ ಅ॒ನ್ಯಸ್ಮಿ᳚ನ್ಯೂ॒ಥೇ ನಿ ದ॑ಧಾತಿ॒ ರೇತಃ॑ | ಸ ಹಿ ಕ್ಷಪಾ᳚ವಾ॒ನ್ಸ ಭಗಃ॒ ಸ ರಾಜಾ᳚ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.17}, {3.5.2.17}, {3.3.31.2} |
| 549 | ವೀ॒ರಸ್ಯ॒ ನು ಸ್ವಶ್ವ್ಯಂ᳚ ಜನಾಸಃ॒ ಪ್ರ ನು ವೋ᳚ಚಾಮ ವಿ॒ದುರ॑ಸ್ಯ ದೇ॒ವಾಃ | ಷೋ॒ಳ್ಹಾ ಯು॒ಕ್ತಾಃ ಪಂಚ॑ಪಂ॒ಚಾ ವ॑ಹಂತಿ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.18}, {3.5.2.18}, {3.3.31.3} |
| 550 | ದೇ॒ವಸ್ತ್ವಷ್ಟಾ᳚ ಸವಿ॒ತಾ ವಿ॒ಶ್ವರೂ᳚ಪಃ ಪು॒ಪೋಷ॑ ಪ್ರ॒ಜಾಃ ಪು॑ರು॒ಧಾ ಜ॑ಜಾನ | ಇ॒ಮಾ ಚ॒ ವಿಶ್ವಾ॒ ಭುವ॑ನಾನ್ಯಸ್ಯ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.19}, {3.5.2.19}, {3.3.31.4} |
| 551 | ಮ॒ಹೀ ಸಮೈ᳚ರಚ್ಚ॒ಮ್ವಾ᳚ ಸಮೀ॒ಚೀ ಉ॒ಭೇ ತೇ ಅ॑ಸ್ಯ॒ ವಸು॑ನಾ॒ ನ್ಯೃ॑ಷ್ಟೇ | ಶೃ॒ಣ್ವೇ ವೀ॒ರೋ ವಿಂ॒ದಮಾ᳚ನೋ॒ ವಸೂ᳚ನಿ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.20}, {3.5.2.20}, {3.3.31.5} |
| 552 | ಇ॒ಮಾಂ ಚ॑ ನಃ ಪೃಥಿ॒ವೀಂ ವಿ॒ಶ್ವಧಾ᳚ಯಾ॒ ಉಪ॑ ಕ್ಷೇತಿ ಹಿ॒ತಮಿ॑ತ್ರೋ॒ ನ ರಾಜಾ᳚ | ಪು॒ರಃ॒ಸದಃ॑ ಶರ್ಮ॒ಸದೋ॒ ನ ವೀ॒ರಾ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.21}, {3.5.2.21}, {3.3.31.6} |
| 553 | ನಿ॒ಷ್ಷಿಧ್ವ॑ರೀಸ್ತ॒ ಓಷ॑ಧೀರು॒ತಾಪೋ᳚ ರ॒ಯಿಂ ತ॑ ಇಂದ್ರ ಪೃಥಿ॒ವೀ ಬಿ॑ಭರ್ತಿ | ಸಖಾ᳚ಯಸ್ತೇ ವಾಮ॒ಭಾಜಃ॑ ಸ್ಯಾಮ ಮ॒ಹದ್ದೇ॒ವಾನಾ᳚ಮಸುರ॒ತ್ವಮೇಕಂ᳚ ||{3.55.22}, {3.5.2.22}, {3.3.31.7} |
| [56] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ವೈಶ್ವಾಮಿತ್ರೋ ವಾಚ್ಯೋ ವಾ ಪ್ರಜಾಪತಿ ಋಷಿಃ | ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 554 | ನ ತಾ ಮಿ॑ನಂತಿ ಮಾ॒ಯಿನೋ॒ ನ ಧೀರಾ᳚ ವ್ರ॒ತಾ ದೇ॒ವಾನಾಂ᳚ ಪ್ರಥ॒ಮಾ ಧ್ರು॒ವಾಣಿ॑ | ನ ರೋದ॑ಸೀ ಅ॒ದ್ರುಹಾ᳚ ವೇ॒ದ್ಯಾಭಿ॒ರ್ನ ಪರ್ವ॑ತಾ ನಿ॒ನಮೇ᳚ ತಸ್ಥಿ॒ವಾಂಸಃ॑ ||{3.56.1}, {3.5.3.1}, {3.4.1.1} |
| 555 | ಷಡ್ಭಾ॒ರಾಁ ಏಕೋ॒ ಅಚ॑ರನ್ಬಿಭರ್ತ್ಯೃ॒ತಂ ವರ್ಷಿ॑ಷ್ಠ॒ಮುಪ॒ ಗಾವ॒ ಆಗುಃ॑ | ತಿ॒ಸ್ರೋ ಮ॒ಹೀರುಪ॑ರಾಸ್ತಸ್ಥು॒ರತ್ಯಾ॒ ಗುಹಾ॒ ದ್ವೇ ನಿಹಿ॑ತೇ॒ ದರ್ಶ್ಯೇಕಾ᳚ ||{3.56.2}, {3.5.3.2}, {3.4.1.2} |
| 556 | ತ್ರಿ॒ಪಾ॒ಜ॒ಸ್ಯೋ ವೃ॑ಷ॒ಭೋ ವಿ॒ಶ್ವರೂ᳚ಪ ಉ॒ತ ತ್ರ್ಯು॒ಧಾ ಪು॑ರು॒ಧ ಪ್ರ॒ಜಾವಾ॑ನ್ | ತ್ರ್ಯ॒ನೀ॒ಕಃ ಪ॑ತ್ಯತೇ॒ ಮಾಹಿ॑ನಾವಾ॒ನ್ಸ ರೇ᳚ತೋ॒ಧಾ ವೃ॑ಷ॒ಭಃ ಶಶ್ವ॑ತೀನಾಂ ||{3.56.3}, {3.5.3.3}, {3.4.1.3} |
| 557 | ಅ॒ಭೀಕ॑ ಆಸಾಂ ಪದ॒ವೀರ॑ಬೋಧ್ಯಾದಿ॒ತ್ಯಾನಾ᳚ಮಹ್ವೇ॒ ಚಾರು॒ ನಾಮ॑ | ಆಪ॑ಶ್ಚಿದಸ್ಮಾ ಅರಮಂತ ದೇ॒ವೀಃ ಪೃಥ॒ಗ್ವ್ರಜಂ᳚ತೀಃ॒ ಪರಿ॑ ಷೀಮವೃಂಜನ್ ||{3.56.4}, {3.5.3.4}, {3.4.1.4} |
| 558 | ತ್ರೀ ಷ॒ಧಸ್ಥಾ᳚ ಸಿಂಧವ॒ಸ್ತ್ರಿಃ ಕ॑ವೀ॒ನಾಮು॒ತ ತ್ರಿ॑ಮಾ॒ತಾ ವಿ॒ದಥೇ᳚ಷು ಸ॒ಮ್ರಾಟ್ | ಋ॒ತಾವ॑ರೀ॒ರ್ಯೋಷ॑ಣಾಸ್ತಿ॒ಸ್ರೋ ಅಪ್ಯಾ॒ಸ್ತ್ರಿರಾ ದಿ॒ವೋ ವಿ॒ದಥೇ॒ ಪತ್ಯ॑ಮಾನಾಃ ||{3.56.5}, {3.5.3.5}, {3.4.1.5} |
| 559 | ತ್ರಿರಾ ದಿ॒ವಃ ಸ॑ವಿತ॒ರ್ವಾರ್ಯಾ᳚ಣಿ ದಿ॒ವೇದಿ॑ವ॒ ಆ ಸು॑ವ॒ ತ್ರಿರ್ನೋ॒ ಅಹ್ನಃ॑ | ತ್ರಿ॒ಧಾತು॑ ರಾ॒ಯ ಆ ಸು॑ವಾ॒ ವಸೂ᳚ನಿ॒ ಭಗ॑ ತ್ರಾತರ್ಧಿಷಣೇ ಸಾ॒ತಯೇ᳚ ಧಾಃ ||{3.56.6}, {3.5.3.6}, {3.4.1.6} |
| 560 | ತ್ರಿರಾ ದಿ॒ವಃ ಸ॑ವಿ॒ತಾ ಸೋ᳚ಷವೀತಿ॒ ರಾಜಾ᳚ನಾ ಮಿ॒ತ್ರಾವರು॑ಣಾ ಸುಪಾ॒ಣೀ | ಆಪ॑ಶ್ಚಿದಸ್ಯ॒ ರೋದ॑ಸೀ ಚಿದು॒ರ್ವೀ ರತ್ನಂ᳚ ಭಿಕ್ಷಂತ ಸವಿ॒ತುಃ ಸ॒ವಾಯ॑ ||{3.56.7}, {3.5.3.7}, {3.4.1.7} |
| 561 | ತ್ರಿರು॑ತ್ತ॒ಮಾ ದೂ॒ಣಶಾ᳚ ರೋಚ॒ನಾನಿ॒ ತ್ರಯೋ᳚ ರಾಜಂ॒ತ್ಯಸು॑ರಸ್ಯ ವೀ॒ರಾಃ | ಋ॒ತಾವಾ᳚ನ ಇಷಿ॒ರಾ ದೂ॒ಳಭಾ᳚ಸ॒ಸ್ತ್ರಿರಾ ದಿ॒ವೋ ವಿ॒ದಥೇ᳚ ಸಂತು ದೇ॒ವಾಃ ||{3.56.8}, {3.5.3.8}, {3.4.1.8} |
| [57] (1-6) ಷಳೃರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 562 | ಪ್ರ ಮೇ᳚ ವಿವಿ॒ಕ್ವಾಁ ಅ॑ವಿದನ್ಮನೀ॒ಷಾಂ ಧೇ॒ನುಂ ಚರಂ᳚ತೀಂ॒ ಪ್ರಯು॑ತಾ॒ಮಗೋ᳚ಪಾಂ | ಸ॒ದ್ಯಶ್ಚಿ॒ದ್ಯಾ ದು॑ದು॒ಹೇ ಭೂರಿ॑ ಧಾ॒ಸೇರಿಂದ್ರ॒ಸ್ತದ॒ಗ್ನಿಃ ಪ॑ನಿ॒ತಾರೋ᳚ ಅಸ್ಯಾಃ ||{3.57.1}, {3.5.4.1}, {3.4.2.1} |
| 563 | ಇಂದ್ರಃ॒ ಸು ಪೂ॒ಷಾ ವೃಷ॑ಣಾ ಸು॒ಹಸ್ತಾ᳚ ದಿ॒ವೋ ನ ಪ್ರೀ॒ತಾಃ ಶ॑ಶ॒ಯಂ ದು॑ದುಹ್ರೇ | ವಿಶ್ವೇ॒ ಯದ॑ಸ್ಯಾಂ ರ॒ಣಯಂ᳚ತ ದೇ॒ವಾಃ ಪ್ರ ವೋಽತ್ರ॑ ವಸವಃ ಸು॒ಮ್ನಮ॑ಶ್ಯಾಂ ||{3.57.2}, {3.5.4.2}, {3.4.2.2} |
| 564 | ಯಾ ಜಾ॒ಮಯೋ॒ ವೃಷ್ಣ॑ ಇ॒ಚ್ಛಂತಿ॑ ಶ॒ಕ್ತಿಂ ನ॑ಮ॒ಸ್ಯಂತೀ᳚ರ್ಜಾನತೇ॒ ಗರ್ಭ॑ಮಸ್ಮಿನ್ | ಅಚ್ಛಾ᳚ ಪು॒ತ್ರಂ ಧೇ॒ನವೋ᳚ ವಾವಶಾ॒ನಾ ಮ॒ಹಶ್ಚ॑ರಂತಿ॒ ಬಿಭ್ರ॑ತಂ॒ ವಪೂಂ᳚ಷಿ ||{3.57.3}, {3.5.4.3}, {3.4.2.3} |
| 565 | ಅಚ್ಛಾ᳚ ವಿವಕ್ಮಿ॒ ರೋದ॑ಸೀ ಸು॒ಮೇಕೇ॒ ಗ್ರಾವ್ಣೋ᳚ ಯುಜಾ॒ನೋ ಅ॑ಧ್ವ॒ರೇ ಮ॑ನೀ॒ಷಾ | ಇ॒ಮಾ ಉ॑ ತೇ॒ ಮನ॑ವೇ॒ ಭೂರಿ॑ವಾರಾ ಊ॒ರ್ಧ್ವಾ ಭ॑ವಂತಿ ದರ್ಶ॒ತಾ ಯಜ॑ತ್ರಾಃ ||{3.57.4}, {3.5.4.4}, {3.4.2.4} |
| 566 | ಯಾ ತೇ᳚ ಜಿ॒ಹ್ವಾ ಮಧು॑ಮತೀ ಸುಮೇ॒ಧಾ ಅಗ್ನೇ᳚ ದೇ॒ವೇಷೂ॒ಚ್ಯತ॑ ಉರೂ॒ಚೀ | ತಯೇ॒ಹ ವಿಶ್ವಾಁ॒ ಅವ॑ಸೇ॒ ಯಜ॑ತ್ರಾ॒ನಾ ಸಾ᳚ದಯ ಪಾ॒ಯಯಾ᳚ ಚಾ॒ ಮಧೂ᳚ನಿ ||{3.57.5}, {3.5.4.5}, {3.4.2.5} |
| 567 | ಯಾ ತೇ᳚ ಅಗ್ನೇ॒ ಪರ್ವ॑ತಸ್ಯೇವ॒ ಧಾರಾಸ॑ಶ್ಚಂತೀ ಪೀ॒ಪಯ॑ದ್ದೇವ ಚಿ॒ತ್ರಾ | ತಾಮ॒ಸ್ಮಭ್ಯಂ॒ ಪ್ರಮ॑ತಿಂ ಜಾತವೇದೋ॒ ವಸೋ॒ ರಾಸ್ವ॑ ಸುಮ॒ತಿಂ ವಿ॒ಶ್ವಜ᳚ನ್ಯಾಂ ||{3.57.6}, {3.5.4.6}, {3.4.2.6} |
| [58] (1-9) ನವರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಅಶ್ವಿನೌ ದೇವತೇ | ತ್ರಿಷ್ಟುಪ್ ಛಂದಃ || | |
| 568 | ಧೇ॒ನುಃ ಪ್ರ॒ತ್ನಸ್ಯ॒ ಕಾಮ್ಯಂ॒ ದುಹಾ᳚ನಾಂ॒ತಃ ಪು॒ತ್ರಶ್ಚ॑ರತಿ॒ ದಕ್ಷಿ॑ಣಾಯಾಃ | ಆ ದ್ಯೋ᳚ತ॒ನಿಂ ವ॑ಹತಿ ಶು॒ಭ್ರಯಾ᳚ಮೋ॒ಷಸಃ॒ ಸ್ತೋಮೋ᳚ ಅ॒ಶ್ವಿನಾ᳚ವಜೀಗಃ ||{3.58.1}, {3.5.5.1}, {3.4.3.1} |
| 569 | ಸು॒ಯುಗ್ವ॑ಹಂತಿ॒ ಪ್ರತಿ॑ ವಾಮೃ॒ತೇನೋ॒ರ್ಧ್ವಾ ಭ॑ವಂತಿ ಪಿ॒ತರೇ᳚ವ॒ ಮೇಧಾಃ᳚ | ಜರೇ᳚ಥಾಮ॒ಸ್ಮದ್ವಿ ಪ॒ಣೇರ್ಮ॑ನೀ॒ಷಾಂ ಯು॒ವೋರವ॑ಶ್ಚಕೃ॒ಮಾ ಯಾ᳚ತಮ॒ರ್ವಾಕ್ ||{3.58.2}, {3.5.5.2}, {3.4.3.2} |
| 570 | ಸು॒ಯುಗ್ಭಿ॒ರಶ್ವೈಃ᳚ ಸು॒ವೃತಾ॒ ರಥೇ᳚ನ॒ ದಸ್ರಾ᳚ವಿ॒ಮಂ ಶೃ॑ಣುತಂ॒ ಶ್ಲೋಕ॒ಮದ್ರೇಃ᳚ | ಕಿಮಂ॒ಗ ವಾಂ॒ ಪ್ರತ್ಯವ॑ರ್ತಿಂ॒ ಗಮಿ॑ಷ್ಠಾ॒ಹುರ್ವಿಪ್ರಾ᳚ಸೋ ಅಶ್ವಿನಾ ಪುರಾ॒ಜಾಃ ||{3.58.3}, {3.5.5.3}, {3.4.3.3} |
| 571 | ಆ ಮ᳚ನ್ಯೇಥಾ॒ಮಾ ಗ॑ತಂ॒ ಕಚ್ಚಿ॒ದೇವೈ॒ರ್ವಿಶ್ವೇ॒ ಜನಾ᳚ಸೋ ಅ॒ಶ್ವಿನಾ᳚ ಹವಂತೇ | ಇ॒ಮಾ ಹಿ ವಾಂ॒ ಗೋಋ॑ಜೀಕಾ॒ ಮಧೂ᳚ನಿ॒ ಪ್ರ ಮಿ॒ತ್ರಾಸೋ॒ ನ ದ॒ದುರು॒ಸ್ರೋ ಅಗ್ರೇ᳚ ||{3.58.4}, {3.5.5.4}, {3.4.3.4} |
| 572 | ತಿ॒ರಃ ಪು॒ರೂ ಚಿ॑ದಶ್ವಿನಾ॒ ರಜಾಂ᳚ಸ್ಯಾಂಗೂ॒ಷೋ ವಾಂ᳚ ಮಘವಾನಾ॒ ಜನೇ᳚ಷು | ಏಹ ಯಾ᳚ತಂ ಪ॒ಥಿಭಿ॑ರ್ದೇವ॒ಯಾನೈ॒ರ್ದಸ್ರಾ᳚ವಿ॒ಮೇ ವಾಂ᳚ ನಿ॒ಧಯೋ॒ ಮಧೂ᳚ನಾಂ ||{3.58.5}, {3.5.5.5}, {3.4.3.5} |
| 573 | ಪು॒ರಾ॒ಣಮೋಕಃ॑ ಸ॒ಖ್ಯಂ ಶಿ॒ವಂ ವಾಂ᳚ ಯು॒ವೋರ್ನ॑ರಾ॒ ದ್ರವಿ॑ಣಂ ಜ॒ಹ್ನಾವ್ಯಾಂ᳚ | ಪುನಃ॑ ಕೃಣ್ವಾ॒ನಾಃ ಸ॒ಖ್ಯಾ ಶಿ॒ವಾನಿ॒ ಮಧ್ವಾ᳚ ಮದೇಮ ಸ॒ಹ ನೂ ಸ॑ಮಾ॒ನಾಃ ||{3.58.6}, {3.5.5.6}, {3.4.4.1} |
| 574 | ಅಶ್ವಿ॑ನಾ ವಾ॒ಯುನಾ᳚ ಯು॒ವಂ ಸು॑ದಕ್ಷಾ ನಿ॒ಯುದ್ಭಿ॑ಷ್ಚ ಸ॒ಜೋಷ॑ಸಾ ಯುವಾನಾ | ನಾಸ॑ತ್ಯಾ ತಿ॒ರೋಅ᳚ಹ್ನ್ಯಂ ಜುಷಾ॒ಣಾ ಸೋಮಂ᳚ ಪಿಬತಮ॒ಸ್ರಿಧಾ᳚ ಸುದಾನೂ ||{3.58.7}, {3.5.5.7}, {3.4.4.2} |
| 575 | ಅಶ್ವಿ॑ನಾ॒ ಪರಿ॑ ವಾ॒ಮಿಷಃ॑ ಪುರೂ॒ಚೀರೀ॒ಯುರ್ಗೀ॒ರ್ಭಿರ್ಯತ॑ಮಾನಾ॒ ಅಮೃ॑ಧ್ರಾಃ | ರಥೋ᳚ ಹ ವಾಮೃತ॒ಜಾ ಅದ್ರಿ॑ಜೂತಃ॒ ಪರಿ॒ ದ್ಯಾವಾ᳚ಪೃಥಿ॒ವೀ ಯಾ᳚ತಿ ಸ॒ದ್ಯಃ ||{3.58.8}, {3.5.5.8}, {3.4.4.3} |
| 576 | ಅಶ್ವಿ॑ನಾ ಮಧು॒ಷುತ್ತ॑ಮೋ ಯು॒ವಾಕುಃ॒ ಸೋಮ॒ಸ್ತಂ ಪಾ᳚ತ॒ಮಾ ಗ॑ತಂ ದುರೋ॒ಣೇ | ರಥೋ᳚ ಹ ವಾಂ॒ ಭೂರಿ॒ ವರ್ಪಃ॒ ಕರಿ॑ಕ್ರತ್ಸು॒ತಾವ॑ತೋ ನಿಷ್ಕೃ॒ತಮಾಗ॑ಮಿಷ್ಠಃ ||{3.58.9}, {3.5.5.9}, {3.4.4.4} |
| [59] (1-9) ನವರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಮಿತ್ರೋ ದೇವತಾ | (1-5) ಪ್ರಥಮಾದಿಪಂಚಾ ತ್ರಿಷ್ಟುಪ್ (6-9) ಷಷ್ಠ್ಯಾದಿಚತಸೃಣಾಂಚ ಗಾಯತ್ರೀ ಛಂದಸೀ || | |
| 577 | ಮಿ॒ತ್ರೋ ಜನಾ᳚ನ್ಯಾತಯತಿ ಬ್ರುವಾ॒ಣೋ ಮಿ॒ತ್ರೋ ದಾ᳚ಧಾರ ಪೃಥಿ॒ವೀಮು॒ತ ದ್ಯಾಂ | ಮಿ॒ತ್ರಃ ಕೃ॒ಷ್ಟೀರನಿ॑ಮಿಷಾ॒ಭಿ ಚ॑ಷ್ಟೇ ಮಿ॒ತ್ರಾಯ॑ ಹ॒ವ್ಯಂ ಘೃ॒ತವ॑ಜ್ಜುಹೋತ ||{3.59.1}, {3.5.6.1}, {3.4.5.1} |
| 578 | ಪ್ರ ಸ ಮಿ॑ತ್ರ॒ ಮರ್ತೋ᳚ ಅಸ್ತು॒ ಪ್ರಯ॑ಸ್ವಾ॒ನ್ಯಸ್ತ॑ ಆದಿತ್ಯ॒ ಶಿಕ್ಷ॑ತಿ ವ್ರ॒ತೇನ॑ | ನ ಹ᳚ನ್ಯತೇ॒ ನ ಜೀ᳚ಯತೇ॒ ತ್ವೋತೋ॒ ನೈನ॒ಮಂಹೋ᳚ ಅಶ್ನೋ॒ತ್ಯಂತಿ॑ತೋ॒ ನ ದೂ॒ರಾತ್ ||{3.59.2}, {3.5.6.2}, {3.4.5.2} |
| 579 | ಅ॒ನ॒ಮೀ॒ವಾಸ॒ ಇಳ॑ಯಾ॒ ಮದಂ᳚ತೋ ಮಿ॒ತಜ್ಞ॑ವೋ॒ ವರಿ॑ಮ॒ನ್ನಾ ಪೃ॑ಥಿ॒ವ್ಯಾಃ | ಆ॒ದಿ॒ತ್ಯಸ್ಯ᳚ ವ್ರ॒ತಮು॑ಪಕ್ಷಿ॒ಯಂತೋ᳚ ವ॒ಯಂ ಮಿ॒ತ್ರಸ್ಯ॑ ಸುಮ॒ತೌ ಸ್ಯಾ᳚ಮ ||{3.59.3}, {3.5.6.3}, {3.4.5.3} |
| 580 | ಅ॒ಯಂ ಮಿ॒ತ್ರೋ ನ॑ಮ॒ಸ್ಯಃ॑ ಸು॒ಶೇವೋ॒ ರಾಜಾ᳚ ಸುಕ್ಷ॒ತ್ರೋ ಅ॑ಜನಿಷ್ಟ ವೇ॒ಧಾಃ | ತಸ್ಯ॑ ವ॒ಯಂ ಸು॑ಮ॒ತೌ ಯ॒ಜ್ಞಿಯ॒ಸ್ಯಾಪಿ॑ ಭ॒ದ್ರೇ ಸೌ᳚ಮನ॒ಸೇ ಸ್ಯಾ᳚ಮ ||{3.59.4}, {3.5.6.4}, {3.4.5.4} |
| 581 | ಮ॒ಹಾಁ ಆ᳚ದಿ॒ತ್ಯೋ ನಮ॑ಸೋಪ॒ಸದ್ಯೋ᳚ ಯಾತ॒ಯಜ್ಜ॑ನೋ ಗೃಣ॒ತೇ ಸು॒ಶೇವಃ॑ | ತಸ್ಮಾ᳚ ಏ॒ತತ್ಪನ್ಯ॑ತಮಾಯ॒ ಜುಷ್ಟ॑ಮ॒ಗ್ನೌ ಮಿ॒ತ್ರಾಯ॑ ಹ॒ವಿರಾ ಜು॑ಹೋತ ||{3.59.5}, {3.5.6.5}, {3.4.5.5} |
| 582 | ಮಿ॒ತ್ರಸ್ಯ॑ ಚರ್ಷಣೀ॒ಧೃತೋಽವೋ᳚ ದೇ॒ವಸ್ಯ॑ ಸಾನ॒ಸಿ | ದ್ಯು॒ಮ್ನಂ ಚಿ॒ತ್ರಶ್ರ॑ವಸ್ತಮಂ ||{3.59.6}, {3.5.6.6}, {3.4.6.1} |
| 583 | ಅ॒ಭಿ ಯೋ ಮ॑ಹಿ॒ನಾ ದಿವಂ᳚ ಮಿ॒ತ್ರೋ ಬ॒ಭೂವ॑ ಸ॒ಪ್ರಥಾಃ᳚ | ಅ॒ಭಿ ಶ್ರವೋ᳚ಭಿಃ ಪೃಥಿ॒ವೀಂ ||{3.59.7}, {3.5.6.7}, {3.4.6.2} |
| 584 | ಮಿ॒ತ್ರಾಯ॒ ಪಂಚ॑ ಯೇಮಿರೇ॒ ಜನಾ᳚ ಅ॒ಭಿಷ್ಟಿ॑ಶವಸೇ | ಸ ದೇ॒ವಾನ್ವಿಶ್ವಾ᳚ನ್ಬಿಭರ್ತಿ ||{3.59.8}, {3.5.6.8}, {3.4.6.3} |
| 585 | ಮಿ॒ತ್ರೋ ದೇ॒ವೇಷ್ವಾ॒ಯುಷು॒ ಜನಾ᳚ಯ ವೃ॒ಕ್ತಬ॑ರ್ಹಿಷೇ | ಇಷ॑ ಇ॒ಷ್ಟವ್ರ॑ತಾ ಅಕಃ ||{3.59.9}, {3.5.6.9}, {3.4.6.4} |
| [60] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | (1-4) ಪ್ರಥಮಾದಿಚತುರ್‌ಋಚಾಮೃಭವಃ (5-7) ಪಂಚಮ್ಯಾದಿತೃಚಸ್ಯ ಚ ಭವ ಇಂದ್ರಶ್ಚ ದೇವತಾಃ | ಜಗತೀ ಛಂದಃ || | |
| 586 | ಇ॒ಹೇಹ॑ ವೋ॒ ಮನ॑ಸಾ ಬಂ॒ಧುತಾ᳚ ನರ ಉ॒ಶಿಜೋ᳚ ಜಗ್ಮುರ॒ಭಿ ತಾನಿ॒ ವೇದ॑ಸಾ | ಯಾಭಿ᳚ರ್ಮಾ॒ಯಾಭಿಃ॒ ಪ್ರತಿ॑ಜೂತಿವರ್ಪಸಃ॒ ಸೌಧ᳚ನ್ವನಾ ಯ॒ಜ್ಞಿಯಂ᳚ ಭಾ॒ಗಮಾ᳚ನ॒ಶ ||{3.60.1}, {3.5.7.1}, {3.4.7.1} |
| 587 | ಯಾಭಿಃ॒ ಶಚೀ᳚ಭಿಶ್ಚಮ॒ಸಾಁ ಅಪಿಂ᳚ಶತ॒ ಯಯಾ᳚ ಧಿ॒ಯಾ ಗಾಮರಿ॑ಣೀತ॒ ಚರ್ಮ॑ಣಃ | ಯೇನ॒ ಹರೀ॒ ಮನ॑ಸಾ ನಿ॒ರತ॑ಕ್ಷತ॒ ತೇನ॑ ದೇವ॒ತ್ವಮೃ॑ಭವಃ॒ ಸಮಾ᳚ನಶ ||{3.60.2}, {3.5.7.2}, {3.4.7.2} |
| 588 | ಇಂದ್ರ॑ಸ್ಯ ಸ॒ಖ್ಯಮೃ॒ಭವಃ॒ ಸಮಾ᳚ನಶು॒ರ್ಮನೋ॒ರ್ನಪಾ᳚ತೋ ಅ॒ಪಸೋ᳚ ದಧನ್ವಿರೇ | ಸೌ॒ಧ॒ನ್ವ॒ನಾಸೋ᳚ ಅಮೃತ॒ತ್ವಮೇರಿ॑ರೇ ವಿ॒ಷ್ಟ್ವೀ ಶಮೀ᳚ಭಿಃ ಸು॒ಕೃತಃ॑ ಸುಕೃ॒ತ್ಯಯಾ᳚ ||{3.60.3}, {3.5.7.3}, {3.4.7.3} |
| 589 | ಇಂದ್ರೇ᳚ಣ ಯಾಥ ಸ॒ರಥಂ᳚ ಸು॒ತೇ ಸಚಾಁ॒ ಅಥೋ॒ ವಶಾ᳚ನಾಂ ಭವಥಾ ಸ॒ಹ ಶ್ರಿ॒ಯಾ | ನ ವಃ॑ ಪ್ರತಿ॒ಮೈ ಸು॑ಕೃ॒ತಾನಿ॑ ವಾಘತಃ॒ ಸೌಧ᳚ನ್ವನಾ ಋಭವೋ ವೀ॒ರ್ಯಾ᳚ಣಿ ಚ ||{3.60.4}, {3.5.7.4}, {3.4.7.4} |
| 590 | ಇಂದ್ರ॑ ಋ॒ಭುಭಿ॒ರ್ವಾಜ॑ವದ್ಭಿಃ॒ ಸಮು॑ಕ್ಷಿತಂ ಸು॒ತಂ ಸೋಮ॒ಮಾ ವೃ॑ಷಸ್ವಾ॒ ಗಭ॑ಸ್ತ್ಯೋಃ | ಧಿ॒ಯೇಷಿ॒ತೋ ಮ॑ಘವಂದಾ॒ಶುಷೋ᳚ ಗೃ॒ಹೇ ಸೌ᳚ಧನ್ವ॒ನೇಭಿಃ॑ ಸ॒ಹ ಮ॑ತ್ಸ್ವಾ॒ ನೃಭಿಃ॑ ||{3.60.5}, {3.5.7.5}, {3.4.7.5} |
| 591 | ಇಂದ್ರ॑ ಋಭು॒ಮಾನ್ವಾಜ॑ವಾನ್ಮತ್ಸ್ವೇ॒ಹ ನೋ॒ಽಸ್ಮಿನ್ಸವ॑ನೇ॒ ಶಚ್ಯಾ᳚ ಪುರುಷ್ಟುತ | ಇ॒ಮಾನಿ॒ ತುಭ್ಯಂ॒ ಸ್ವಸ॑ರಾಣಿ ಯೇಮಿರೇ ವ್ರ॒ತಾ ದೇ॒ವಾನಾಂ॒ ಮನು॑ಷಶ್ಚ॒ ಧರ್ಮ॑ಭಿಃ ||{3.60.6}, {3.5.7.6}, {3.4.7.6} |
| 592 | ಇಂದ್ರ॑ ಋ॒ಭುಭಿ᳚ರ್ವಾ॒ಜಿಭಿ᳚ರ್ವಾ॒ಜಯ᳚ನ್ನಿ॒ಹ ಸ್ತೋಮಂ᳚ ಜರಿ॒ತುರುಪ॑ ಯಾಹಿ ಯ॒ಜ್ಞಿಯಂ᳚ | ಶ॒ತಂ ಕೇತೇ᳚ಭಿರಿಷಿ॒ರೇಭಿ॑ರಾ॒ಯವೇ᳚ ಸ॒ಹಸ್ರ॑ಣೀಥೋ ಅಧ್ವ॒ರಸ್ಯ॒ ಹೋಮ॑ನಿ ||{3.60.7}, {3.5.7.7}, {3.4.7.7} |
| [61] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರ ಋಷಿಃ | ಉಷಾ ದೇವತಾ | ತ್ರಿಷ್ಟುಪ್ ಛಂದಃ || | |
| 593 | ಉಷೋ॒ ವಾಜೇ᳚ನ ವಾಜಿನಿ॒ ಪ್ರಚೇ᳚ತಾಃ॒ ಸ್ತೋಮಂ᳚ ಜುಷಸ್ವ ಗೃಣ॒ತೋ ಮ॑ಘೋನಿ | ಪು॒ರಾ॒ಣೀ ದೇ᳚ವಿ ಯುವ॒ತಿಃ ಪುರಂ᳚ಧಿ॒ರನು᳚ ವ್ರ॒ತಂ ಚ॑ರಸಿ ವಿಶ್ವವಾರೇ ||{3.61.1}, {3.5.8.1}, {3.4.8.1} |
| 594 | ಉಷೋ᳚ ದೇ॒ವ್ಯಮ॑ರ್ತ್ಯಾ॒ ವಿ ಭಾ᳚ಹಿ ಚಂ॒ದ್ರರ॑ಥಾ ಸೂ॒ನೃತಾ᳚ ಈ॒ರಯಂ᳚ತೀ | ಆ ತ್ವಾ᳚ ವಹಂತು ಸು॒ಯಮಾ᳚ಸೋ॒ ಅಶ್ವಾ॒ ಹಿರ᳚ಣ್ಯವರ್ಣಾಂ ಪೃಥು॒ಪಾಜ॑ಸೋ॒ ಯೇ ||{3.61.2}, {3.5.8.2}, {3.4.8.2} |
| 595 | ಉಷಃ॑ ಪ್ರತೀ॒ಚೀ ಭುವ॑ನಾನಿ॒ ವಿಶ್ವೋ॒ರ್ಧ್ವಾ ತಿ॑ಷ್ಠಸ್ಯ॒ಮೃತ॑ಸ್ಯ ಕೇ॒ತುಃ | ಸ॒ಮಾ॒ನಮರ್ಥಂ᳚ ಚರಣೀ॒ಯಮಾ᳚ನಾ ಚ॒ಕ್ರಮಿ॑ವ ನವ್ಯ॒ಸ್ಯಾ ವ॑ವೃತ್ಸ್ವ ||{3.61.3}, {3.5.8.3}, {3.4.8.3} |
| 596 | ಅವ॒ ಸ್ಯೂಮೇ᳚ವ ಚಿನ್ವ॒ತೀ ಮ॒ಘೋನ್ಯು॒ಷಾ ಯಾ᳚ತಿ॒ ಸ್ವಸ॑ರಸ್ಯ॒ ಪತ್ನೀ᳚ | ಸ್ವ೧॑(ಅ॒)ರ್ಜನಂ᳚ತೀ ಸು॒ಭಗಾ᳚ ಸು॒ದಂಸಾ॒ ಆಂತಾ᳚ದ್ದಿ॒ವಃ ಪ॑ಪ್ರಥ॒ ಆ ಪೃ॑ಥಿ॒ವ್ಯಾಃ ||{3.61.4}, {3.5.8.4}, {3.4.8.4} |
| 597 | ಅಚ್ಛಾ᳚ ವೋ ದೇ॒ವೀಮು॒ಷಸಂ᳚ ವಿಭಾ॒ತೀಂ ಪ್ರ ವೋ᳚ ಭರಧ್ವಂ॒ ನಮ॑ಸಾ ಸುವೃ॒ಕ್ತಿಂ | ಊ॒ರ್ಧ್ವಂ ಮ॑ಧು॒ಧಾ ದಿ॒ವಿ ಪಾಜೋ᳚ ಅಶ್ರೇ॒ತ್ಪ್ರ ರೋ᳚ಚ॒ನಾ ರು॑ರುಚೇ ರ॒ಣ್ವಸಂ᳚ದೃಕ್ ||{3.61.5}, {3.5.8.5}, {3.4.8.5} |
| 598 | ಋ॒ತಾವ॑ರೀ ದಿ॒ವೋ ಅ॒ರ್ಕೈರ॑ಬೋ॒ಧ್ಯಾ ರೇ॒ವತೀ॒ ರೋದ॑ಸೀ ಚಿ॒ತ್ರಮ॑ಸ್ಥಾತ್ | ಆ॒ಯ॒ತೀಮ॑ಗ್ನ ಉ॒ಷಸಂ᳚ ವಿಭಾ॒ತೀಂ ವಾ॒ಮಮೇ᳚ಷಿ॒ ದ್ರವಿ॑ಣಂ॒ ಭಿಕ್ಷ॑ಮಾಣಃ ||{3.61.6}, {3.5.8.6}, {3.4.8.6} |
| 599 | ಋ॒ತಸ್ಯ॑ ಬು॒ಧ್ನ ಉ॒ಷಸಾ᳚ಮಿಷ॒ಣ್ಯನ್ವೃಷಾ᳚ ಮ॒ಹೀ ರೋದ॑ಸೀ॒ ಆ ವಿ॑ವೇಶ | ಮ॒ಹೀ ಮಿ॒ತ್ರಸ್ಯ॒ ವರು॑ಣಸ್ಯ ಮಾ॒ಯಾ ಚಂ॒ದ್ರೇವ॑ ಭಾ॒ನುಂ ವಿ ದ॑ಧೇ ಪುರು॒ತ್ರಾ ||{3.61.7}, {3.5.8.7}, {3.4.8.7} |
| [62] (1-18) ಅಷ್ಟಾದಶರ್ಚಸ್ಯ ಸೂಕ್ತಸ್ಯ ಗಾಥಿನೋ ವಿಶ್ವಾಮಿತ್ರಃ (16-18) ಷೋಡಶ್ಯಾದಿತೃಚಸ್ಯ ಚ ಜಮದಗ್ನಿರ್ವಾ ಋಷಿಃ | (1-3) ಪ್ರಥಮಾದಿತೃಚಸ್ಯೇಂದ್ರಾವರುಣೌ (46) ಚತುರ್ಥ್ಯಾದಿತೃಚಸ್ಯ ಬೃಹಸ್ಪತಿಃ (7-9) ಸಪ್ತಮ್ಯಾದಿತೃಚಸ್ಯ ಪೂಷಾ (10-12) ದಶಮ್ಯಾದಿತೃಚಸ್ಯ ಸವಿತಾ (13-15) ತ್ರಯೋದಶ್ಯಾದಿತೃಚಸ್ಯ ಸೋಮಃ (16-18) ಷೋಡಶ್ಯಾದಿತೃಚಸ್ಯ ಚ ಮಿತ್ರಾವರುಣೌ ದೇವತಾಃ | (1-3) ಪ್ರಥಮತೃಚಸ್ಯ ತ್ರಿಷ್ಟುಪ್ (4-18) ಚತುರ್ಥ್ಯಾದಿಪಂಚದಶರ್ಚಾಂಚ ಗಾಯತ್ರೀ ಛಂದಸೀ || | |
| 600 | ಇ॒ಮಾ ಉ॑ ವಾಂ ಭೃ॒ಮಯೋ॒ ಮನ್ಯ॑ಮಾನಾ ಯು॒ವಾವ॑ತೇ॒ ನ ತುಜ್ಯಾ᳚ ಅಭೂವನ್ | ಕ್ವ೧॑(ಅ॒) ತ್ಯದಿಂ᳚ದ್ರಾವರುಣಾ॒ ಯಶೋ᳚ ವಾಂ॒ ಯೇನ॑ ಸ್ಮಾ॒ ಸಿನಂ॒ ಭರ॑ಥಃ॒ ಸಖಿ॑ಭ್ಯಃ ||{3.62.1}, {3.5.9.1}, {3.4.9.1} |
| 601 | ಅ॒ಯಮು॑ ವಾಂ ಪುರು॒ತಮೋ᳚ ರಯೀ॒ಯಂಛ॑ಶ್ವತ್ತ॒ಮಮವ॑ಸೇ ಜೋಹವೀತಿ | ಸ॒ಜೋಷಾ᳚ವಿಂದ್ರಾವರುಣಾ ಮ॒ರುದ್ಭಿ॑ರ್ದಿ॒ವಾ ಪೃ॑ಥಿ॒ವ್ಯಾ ಶೃ॑ಣುತಂ॒ ಹವಂ᳚ ಮೇ ||{3.62.2}, {3.5.9.2}, {3.4.9.2} |
| 602 | ಅ॒ಸ್ಮೇ ತದಿಂ᳚ದ್ರಾವರುಣಾ॒ ವಸು॑ ಷ್ಯಾದ॒ಸ್ಮೇ ರ॒ಯಿರ್ಮ॑ರುತಃ॒ ಸರ್ವ॑ವೀರಃ | ಅ॒ಸ್ಮಾನ್ವರೂ᳚ತ್ರೀಃ ಶರ॒ಣೈರ॑ವಂತ್ವ॒ಸ್ಮಾನ್ಹೋತ್ರಾ॒ ಭಾರ॑ತೀ॒ ದಕ್ಷಿ॑ಣಾಭಿಃ ||{3.62.3}, {3.5.9.3}, {3.4.9.3} |
| 603 | ಬೃಹ॑ಸ್ಪತೇ ಜು॒ಷಸ್ವ॑ ನೋ ಹ॒ವ್ಯಾನಿ॑ ವಿಶ್ವದೇವ್ಯ | ರಾಸ್ವ॒ ರತ್ನಾ᳚ನಿ ದಾ॒ಶುಷೇ᳚ ||{3.62.4}, {3.5.9.4}, {3.4.9.4} |
| 604 | ಶುಚಿ॑ಮ॒ರ್ಕೈರ್ಬೃಹ॒ಸ್ಪತಿ॑ಮಧ್ವ॒ರೇಷು॑ ನಮಸ್ಯತ | ಅನಾ॒ಮ್ಯೋಜ॒ ಆ ಚ॑ಕೇ ||{3.62.5}, {3.5.9.5}, {3.4.9.5} |
| 605 | ವೃ॒ಷ॒ಭಂ ಚ॑ರ್ಷಣೀ॒ನಾಂ ವಿ॒ಶ್ವರೂ᳚ಪ॒ಮದಾ᳚ಭ್ಯಂ | ಬೃಹ॒ಸ್ಪತಿಂ॒ ವರೇ᳚ಣ್ಯಂ ||{3.62.6}, {3.5.9.6}, {3.4.10.1} |
| 606 | ಇ॒ಯಂ ತೇ᳚ ಪೂಷನ್ನಾಘೃಣೇ ಸುಷ್ಟು॒ತಿರ್ದೇ᳚ವ॒ ನವ್ಯ॑ಸೀ | ಅ॒ಸ್ಮಾಭಿ॒ಸ್ತುಭ್ಯಂ᳚ ಶಸ್ಯತೇ ||{3.62.7}, {3.5.9.7}, {3.4.10.2} |
| 607 | ತಾಂ ಜು॑ಷಸ್ವ॒ ಗಿರಂ॒ ಮಮ॑ ವಾಜ॒ಯಂತೀ᳚ಮವಾ॒ ಧಿಯಂ᳚ | ವ॒ಧೂ॒ಯುರಿ॑ವ॒ ಯೋಷ॑ಣಾಂ ||{3.62.8}, {3.5.9.8}, {3.4.10.3} |
| 608 | ಯೋ ವಿಶ್ವಾ॒ಭಿ ವಿ॒ಪಶ್ಯ॑ತಿ॒ ಭುವ॑ನಾ॒ ಸಂ ಚ॒ ಪಶ್ಯ॑ತಿ | ಸ ನಃ॑ ಪೂ॒ಷಾವಿ॒ತಾ ಭು॑ವತ್ ||{3.62.9}, {3.5.9.9}, {3.4.10.4} |
| 609 | ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ᳚ ದೇ॒ವಸ್ಯ॑ ಧೀಮಹಿ | ಧಿಯೋ॒ ಯೋ ನಃ॑ ಪ್ರಚೋ॒ದಯಾ᳚ತ್ ||{3.62.10}, {3.5.9.10}, {3.4.10.5} |
| 610 | ದೇ॒ವಸ್ಯ॑ ಸವಿ॒ತುರ್ವ॒ಯಂ ವಾ᳚ಜ॒ಯಂತಃ॒ ಪುರಂ᳚ಧ್ಯಾ | ಭಗ॑ಸ್ಯ ರಾ॒ತಿಮೀ᳚ಮಹೇ ||{3.62.11}, {3.5.9.11}, {3.4.11.1} |
| 611 | ದೇ॒ವಂ ನರಃ॑ ಸವಿ॒ತಾರಂ॒ ವಿಪ್ರಾ᳚ ಯ॒ಜ್ಞೈಃ ಸು॑ವೃ॒ಕ್ತಿಭಿಃ॑ | ನ॒ಮ॒ಸ್ಯಂತಿ॑ ಧಿ॒ಯೇಷಿ॒ತಾಃ ||{3.62.12}, {3.5.9.12}, {3.4.11.2} |
| 612 | ಸೋಮೋ᳚ ಜಿಗಾತಿ ಗಾತು॒ವಿದ್ದೇ॒ವಾನಾ᳚ಮೇತಿ ನಿಷ್ಕೃ॒ತಂ | ಋ॒ತಸ್ಯ॒ ಯೋನಿ॑ಮಾ॒ಸದಂ᳚ ||{3.62.13}, {3.5.9.13}, {3.4.11.3} |
| 613 | ಸೋಮೋ᳚ ಅ॒ಸ್ಮಭ್ಯಂ᳚ ದ್ವಿ॒ಪದೇ॒ ಚತು॑ಷ್ಪದೇ ಚ ಪ॒ಶವೇ᳚ | ಅ॒ನ॒ಮೀ॒ವಾ ಇಷ॑ಸ್ಕರತ್ ||{3.62.14}, {3.5.9.14}, {3.4.11.4} |
| 614 | ಅ॒ಸ್ಮಾಕ॒ಮಾಯು᳚ರ್ವ॒ರ್ಧಯ᳚ನ್ನ॒ಭಿಮಾ᳚ತೀಃ॒ ಸಹ॑ಮಾನಃ | ಸೋಮಃ॑ ಸ॒ಧಸ್ಥ॒ಮಾಸ॑ದತ್ ||{3.62.15}, {3.5.9.15}, {3.4.11.5} |
| 615 | ಆ ನೋ᳚ ಮಿತ್ರಾವರುಣಾ ಘೃ॒ತೈರ್ಗವ್ಯೂ᳚ತಿಮುಕ್ಷತಂ | ಮಧ್ವಾ॒ ರಜಾಂ᳚ಸಿ ಸುಕ್ರತೂ ||{3.62.16}, {3.5.9.16}, {3.4.11.6} |
| 616 | ಉ॒ರು॒ಶಂಸಾ᳚ ನಮೋ॒ವೃಧಾ᳚ ಮ॒ಹ್ನಾ ದಕ್ಷ॑ಸ್ಯ ರಾಜಥಃ | ದ್ರಾಘಿ॑ಷ್ಠಾಭಿಃ ಶುಚಿವ್ರತಾ ||{3.62.17}, {3.5.9.17}, {3.4.11.7} |
| 617 | ಗೃ॒ಣಾ॒ನಾ ಜ॒ಮದ॑ಗ್ನಿನಾ॒ ಯೋನಾ᳚ವೃ॒ತಸ್ಯ॑ ಸೀದತಂ | ಪಾ॒ತಂ ಸೋಮ॑ಮೃತಾವೃಧಾ ||{3.62.18}, {3.5.9.18}, {3.4.11.8} |