Mantra classification is following this convention :-
{ಮಂಡಲ, ಸೂಕ್ತ, ಮಂತ್ರ}, {ಮಂಡಲ, ಅನುವಾಕ, ಸೂಕ್ತ, ಮಂತ್ರ}, {ಅಷ್ಟಕ, ಅಧ್ಯಾಯ, ವರ್ಗ, ಮಂತ್ರ}
| [1] (1-25) ಪಂಚವಿಂಶತ್ಯೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | (1-18) ಪ್ರಥಮಾದ್ಯಷ್ಟಾದಶೋಂ ವಿರಾಟ, (19-25) ಏಕೋನವಿಂಶ್ಯಾದಿಸಪ್ತಾನಾಂಚ ತ್ರಿಷ್ಟುಪ್ ಛಂದಸೀ || | |
| 1 | ಅ॒ಗ್ನಿಂ ನರೋ॒ ದೀಧಿ॑ತಿಭಿರ॒ರಣ್ಯೋ॒ರ್ಹಸ್ತ॑ಚ್ಯುತೀ ಜನಯಂತ ಪ್ರಶ॒ಸ್ತಂ | ದೂ॒ರೇ॒ದೃಶಂ᳚ ಗೃ॒ಹಪ॑ತಿಮಥ॒ರ್ಯುಂ ||{7.1.1}, {7.1.1.1}, {5.1.23.1} |
| 2 | ತಮ॒ಗ್ನಿಮಸ್ತೇ॒ ವಸ॑ವೋ॒ ನ್ಯೃ᳚ಣ್ವನ್ಸುಪ್ರತಿ॒ಚಕ್ಷ॒ಮವ॑ಸೇ॒ ಕುತ॑ಶ್ಚಿತ್ | ದ॒ಕ್ಷಾಯ್ಯೋ॒ ಯೋ ದಮ॒ ಆಸ॒ ನಿತ್ಯಃ॑ ||{7.1.2}, {7.1.1.2}, {5.1.23.2} |
| 3 | ಪ್ರೇದ್ಧೋ᳚ ಅಗ್ನೇ ದೀದಿಹಿ ಪು॒ರೋ ನೋಽಜ॑ಸ್ರಯಾ ಸೂ॒ರ್ಮ್ಯಾ᳚ ಯವಿಷ್ಠ | ತ್ವಾಂ ಶಶ್ವಂ᳚ತ॒ ಉಪ॑ ಯಂತಿ॒ ವಾಜಾಃ᳚ ||{7.1.3}, {7.1.1.3}, {5.1.23.3} |
| 4 | ಪ್ರ ತೇ ಅ॒ಗ್ನಯೋ॒ಽಗ್ನಿಭ್ಯೋ॒ ವರಂ॒ ನಿಃ ಸು॒ವೀರಾ᳚ಸಃ ಶೋಶುಚಂತ ದ್ಯು॒ಮಂತಃ॑ | ಯತ್ರಾ॒ ನರಃ॑ ಸ॒ಮಾಸ॑ತೇ ಸುಜಾ॒ತಾಃ ||{7.1.4}, {7.1.1.4}, {5.1.23.4} |
| 5 | ದಾ ನೋ᳚ ಅಗ್ನೇ ಧಿ॒ಯಾ ರ॒ಯಿಂ ಸು॒ವೀರಂ᳚ ಸ್ವಪ॒ತ್ಯಂ ಸ॑ಹಸ್ಯ ಪ್ರಶ॒ಸ್ತಂ | ನ ಯಂ ಯಾವಾ॒ ತರ॑ತಿ ಯಾತು॒ಮಾವಾ॑ನ್ ||{7.1.5}, {7.1.1.5}, {5.1.23.5} |
| 6 | ಉಪ॒ ಯಮೇತಿ॑ ಯುವ॒ತಿಃ ಸು॒ದಕ್ಷಂ᳚ ದೋ॒ಷಾ ವಸ್ತೋ᳚ರ್ಹ॒ವಿಷ್ಮ॑ತೀ ಘೃ॒ತಾಚೀ᳚ | ಉಪ॒ ಸ್ವೈನ॑ಮ॒ರಮ॑ತಿರ್ವಸೂ॒ಯುಃ ||{7.1.6}, {7.1.1.6}, {5.1.24.1} |
| 7 | ವಿಶ್ವಾ᳚ ಅ॒ಗ್ನೇಽಪ॑ ದ॒ಹಾರಾ᳚ತೀ॒ರ್ಯೇಭಿ॒ಸ್ತಪೋ᳚ಭಿ॒ರದ॑ಹೋ॒ ಜರೂ᳚ಥಂ | ಪ್ರ ನಿ॑ಸ್ವ॒ರಂ ಚಾ᳚ತಯ॒ಸ್ವಾಮೀ᳚ವಾಂ ||{7.1.7}, {7.1.1.7}, {5.1.24.2} |
| 8 | ಆ ಯಸ್ತೇ᳚ ಅಗ್ನ ಇಧ॒ತೇ ಅನೀ᳚ಕಂ॒ ವಸಿ॑ಷ್ಠ॒ ಶುಕ್ರ॒ ದೀದಿ॑ವಃ॒ ಪಾವ॑ಕ | ಉ॒ತೋ ನ॑ ಏ॒ಭಿಃ ಸ್ತ॒ವಥೈ᳚ರಿ॒ಹ ಸ್ಯಾಃ᳚ ||{7.1.8}, {7.1.1.8}, {5.1.24.3} |
| 9 | ವಿ ಯೇ ತೇ᳚ ಅಗ್ನೇ ಭೇಜಿ॒ರೇ ಅನೀ᳚ಕಂ॒ ಮರ್ತಾ॒ ನರಃ॒ ಪಿತ್ರ್ಯಾ᳚ಸಃ ಪುರು॒ತ್ರಾ | ಉ॒ತೋ ನ॑ ಏ॒ಭಿಃ ಸು॒ಮನಾ᳚ ಇ॒ಹ ಸ್ಯಾಃ᳚ ||{7.1.9}, {7.1.1.9}, {5.1.24.4} |
| 10 | ಇ॒ಮೇ ನರೋ᳚ ವೃತ್ರ॒ಹತ್ಯೇ᳚ಷು॒ ಶೂರಾ॒ ವಿಶ್ವಾ॒ ಅದೇ᳚ವೀರ॒ಭಿ ಸಂ᳚ತು ಮಾ॒ಯಾಃ | ಯೇ ಮೇ॒ ಧಿಯಂ᳚ ಪ॒ನಯಂ᳚ತ ಪ್ರಶ॒ಸ್ತಾಂ ||{7.1.10}, {7.1.1.10}, {5.1.24.5} |
| 11 | ಮಾ ಶೂನೇ᳚ ಅಗ್ನೇ॒ ನಿ ಷ॑ದಾಮ ನೃ॒ಣಾಂ ಮಾಶೇಷ॑ಸೋ॒ಽವೀರ॑ತಾ॒ ಪರಿ॑ ತ್ವಾ | ಪ್ರ॒ಜಾವ॑ತೀಷು॒ ದುರ್ಯಾ᳚ಸು ದುರ್ಯ ||{7.1.11}, {7.1.1.11}, {5.1.25.1} |
| 12 | ಯಮ॒ಶ್ವೀ ನಿತ್ಯ॑ಮುಪ॒ಯಾತಿ॑ ಯ॒ಜ್ಞಂ ಪ್ರ॒ಜಾವಂ᳚ತಂ ಸ್ವಪ॒ತ್ಯಂ ಕ್ಷಯಂ᳚ ನಃ | ಸ್ವಜ᳚ನ್ಮನಾ॒ ಶೇಷ॑ಸಾ ವಾವೃಧಾ॒ನಂ ||{7.1.12}, {7.1.1.12}, {5.1.25.2} |
| 13 | ಪಾ॒ಹಿ ನೋ᳚ ಅಗ್ನೇ ರ॒ಕ್ಷಸೋ॒ ಅಜು॑ಷ್ಟಾತ್ಪಾ॒ಹಿ ಧೂ॒ರ್ತೇರರ॑ರುಷೋ ಅಘಾ॒ಯೋಃ | ತ್ವಾ ಯು॒ಜಾ ಪೃ॑ತನಾ॒ಯೂಁರ॒ಭಿ ಷ್ಯಾಂ᳚ ||{7.1.13}, {7.1.1.13}, {5.1.25.3} |
| 14 | ಸೇದ॒ಗ್ನಿರ॒ಗ್ನೀಁರತ್ಯ॑ಸ್ತ್ವ॒ನ್ಯಾನ್ಯತ್ರ॑ ವಾ॒ಜೀ ತನ॑ಯೋ ವೀ॒ಳುಪಾ᳚ಣಿಃ | ಸ॒ಹಸ್ರ॑ಪಾಥಾ ಅ॒ಕ್ಷರಾ᳚ ಸ॒ಮೇತಿ॑ ||{7.1.14}, {7.1.1.14}, {5.1.25.4} |
| 15 | ಸೇದ॒ಗ್ನಿರ್ಯೋ ವ॑ನುಷ್ಯ॒ತೋ ನಿ॒ಪಾತಿ॑ ಸಮೇ॒ದ್ಧಾರ॒ಮಂಹ॑ಸ ಉರು॒ಷ್ಯಾತ್ | ಸು॒ಜಾ॒ತಾಸಃ॒ ಪರಿ॑ ಚರಂತಿ ವೀ॒ರಾಃ ||{7.1.15}, {7.1.1.15}, {5.1.25.5} |
| 16 | ಅ॒ಯಂ ಸೋ ಅ॒ಗ್ನಿರಾಹು॑ತಃ ಪುರು॒ತ್ರಾ ಯಮೀಶಾ᳚ನಃ॒ ಸಮಿದಿಂ॒ಧೇ ಹ॒ವಿಷ್ಮಾ॑ನ್ | ಪರಿ॒ ಯಮೇತ್ಯ॑ಧ್ವ॒ರೇಷು॒ ಹೋತಾ᳚ ||{7.1.16}, {7.1.1.16}, {5.1.26.1} |
| 17 | ತ್ವೇ ಅ॑ಗ್ನ ಆ॒ಹವ॑ನಾನಿ॒ ಭೂರೀ᳚ಶಾ॒ನಾಸ॒ ಆ ಜು॑ಹುಯಾಮ॒ ನಿತ್ಯಾ᳚ | ಉ॒ಭಾ ಕೃ॒ಣ್ವಂತೋ᳚ ವಹ॒ತೂ ಮಿ॒ಯೇಧೇ᳚ ||{7.1.17}, {7.1.1.17}, {5.1.26.2} |
| 18 | ಇ॒ಮೋ ಅ॑ಗ್ನೇ ವೀ॒ತತ॑ಮಾನಿ ಹ॒ವ್ಯಾಜ॑ಸ್ರೋ ವಕ್ಷಿ ದೇ॒ವತಾ᳚ತಿ॒ಮಚ್ಛ॑ | ಪ್ರತಿ॑ ನ ಈಂ ಸುರ॒ಭೀಣಿ᳚ ವ್ಯಂತು ||{7.1.18}, {7.1.1.18}, {5.1.26.3} |
| 19 | ಮಾ ನೋ᳚ ಅಗ್ನೇ॒ಽವೀರ॑ತೇ॒ ಪರಾ᳚ ದಾ ದು॒ರ್ವಾಸ॒ಸೇಽಮ॑ತಯೇ॒ ಮಾ ನೋ᳚ ಅ॒ಸ್ಯೈ | ಮಾ ನಃ॑ ಕ್ಷು॒ಧೇ ಮಾ ರ॒ಕ್ಷಸ॑ ಋತಾವೋ॒ ಮಾ ನೋ॒ ದಮೇ॒ ಮಾ ವನ॒ ಆ ಜು॑ಹೂರ್ಥಾಃ ||{7.1.19}, {7.1.1.19}, {5.1.26.4} |
| 20 | ನೂ ಮೇ॒ ಬ್ರಹ್ಮಾ᳚ಣ್ಯಗ್ನ॒ ಉಚ್ಛ॑ಶಾಧಿ॒ ತ್ವಂ ದೇ᳚ವ ಮ॒ಘವ॑ದ್ಭ್ಯಃ ಸುಷೂದಃ | ರಾ॒ತೌ ಸ್ಯಾ᳚ಮೋ॒ಭಯಾ᳚ಸ॒ ಆ ತೇ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.1.20}, {7.1.1.20}, {5.1.26.5} |
| 21 | ತ್ವಮ॑ಗ್ನೇ ಸು॒ಹವೋ᳚ ರ॒ಣ್ವಸಂ᳚ದೃಕ್ಸುದೀ॒ತೀ ಸೂ᳚ನೋ ಸಹಸೋ ದಿದೀಹಿ | ಮಾ ತ್ವೇ ಸಚಾ॒ ತನ॑ಯೇ॒ ನಿತ್ಯ॒ ಆ ಧ॒ಙ್ಮಾ ವೀ॒ರೋ ಅ॒ಸ್ಮನ್ನರ್ಯೋ॒ ವಿ ದಾ᳚ಸೀತ್ ||{7.1.21}, {7.1.1.21}, {5.1.27.1} |
| 22 | ಮಾ ನೋ᳚ ಅಗ್ನೇ ದುರ್ಭೃ॒ತಯೇ॒ ಸಚೈ॒ಷು ದೇ॒ವೇದ್ಧೇ᳚ಷ್ವ॒ಗ್ನಿಷು॒ ಪ್ರ ವೋ᳚ಚಃ | ಮಾ ತೇ᳚ ಅ॒ಸ್ಮಾಂದು᳚ರ್ಮ॒ತಯೋ᳚ ಭೃ॒ಮಾಚ್ಚಿ॑ದ್ದೇ॒ವಸ್ಯ॑ ಸೂನೋ ಸಹಸೋ ನಶಂತ ||{7.1.22}, {7.1.1.22}, {5.1.27.2} |
| 23 | ಸ ಮರ್ತೋ᳚ ಅಗ್ನೇ ಸ್ವನೀಕ ರೇ॒ವಾನಮ॑ರ್ತ್ಯೇ॒ ಯ ಆ᳚ಜು॒ಹೋತಿ॑ ಹ॒ವ್ಯಂ | ಸ ದೇ॒ವತಾ᳚ ವಸು॒ವನಿಂ᳚ ದಧಾತಿ॒ ಯಂ ಸೂ॒ರಿರ॒ರ್ಥೀ ಪೃ॒ಚ್ಛಮಾ᳚ನ॒ ಏತಿ॑ ||{7.1.23}, {7.1.1.23}, {5.1.27.3} |
| 24 | ಮ॒ಹೋ ನೋ᳚ ಅಗ್ನೇ ಸುವಿ॒ತಸ್ಯ॑ ವಿ॒ದ್ವಾನ್ರ॒ಯಿಂ ಸೂ॒ರಿಭ್ಯ॒ ಆ ವ॑ಹಾ ಬೃ॒ಹಂತಂ᳚ | ಯೇನ॑ ವ॒ಯಂ ಸ॑ಹಸಾವ॒ನ್ಮದೇ॒ಮಾವಿ॑ಕ್ಷಿತಾಸ॒ ಆಯು॑ಷಾ ಸು॒ವೀರಾಃ᳚ ||{7.1.24}, {7.1.1.24}, {5.1.27.4} |
| 25 | ನೂ ಮೇ॒ ಬ್ರಹ್ಮಾ᳚ಣ್ಯಗ್ನ॒ ಉಚ್ಛ॑ಶಾಧಿ॒ ತ್ವಂ ದೇ᳚ವ ಮ॒ಘವ॑ದ್ಭ್ಯಃ ಸುಷೂದಃ | ರಾ॒ತೌ ಸ್ಯಾ᳚ಮೋ॒ಭಯಾ᳚ಸ॒ ಆ ತೇ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.1.25}, {7.1.1.25}, {5.1.27.5} |
| [2] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1) ಪ್ರಥಮರ್ಚ ಇಧ್ಮಃ ಸಮಿದ್ಧೋ ವಾಗ್ನಿಃ, (2) ದ್ವಿತೀಯಾಯಾ ನರಾಶಂಸಃ, (3) ತೃತೀಯಾಯಾ ಇಳಃ, (4) ಚತುರ್ಥ್ಯಾ ಬರ್ಹಿಃ, (5) ಪಂಚಮ್ಯಾ ದೇವೀರ್ದ್ವಾರಃ, (6) ಷಷ್ಠ್ಯಾ ಉಷಾಸಾನಕ್ತಾ, (7) ಸಪ್ತಮ್ಯಾ ದೈವ್ಯೌ ಹೋತಾರೌ ಪ್ರಚೇತಸೌ, (8) ಅಷ್ಟಮ್ಯಾಸ್ತಿಸ್ರೋ ದೇವ್ಯಃ ಸರಸ್ವತೀಳಾಭಾರತ್ಯಃ, (9) ನವಮ್ಯಾಸ್ತ್ವಷ್ಟಾ, (10) ದಶಮ್ಯಾ ವನಸ್ಪತಿಃ, (11) ಏಕಾದಶ್ಯಾಶ್ಚ ಸ್ವಾಹಾಕೃತಯೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 26 | ಜು॒ಷಸ್ವ॑ ನಃ ಸ॒ಮಿಧ॑ಮಗ್ನೇ ಅ॒ದ್ಯ ಶೋಚಾ᳚ ಬೃ॒ಹದ್ಯ॑ಜ॒ತಂ ಧೂ॒ಮಮೃ॒ಣ್ವನ್ | ಉಪ॑ ಸ್ಪೃಶ ದಿ॒ವ್ಯಂ ಸಾನು॒ ಸ್ತೂಪೈಃ॒ ಸಂ ರ॒ಶ್ಮಿಭಿ॑ಸ್ತತನಃ॒ ಸೂರ್ಯ॑ಸ್ಯ ||{7.2.1}, {7.1.2.1}, {5.2.1.1} |
| 27 | ನರಾ॒ಶಂಸ॑ಸ್ಯ ಮಹಿ॒ಮಾನ॑ಮೇಷಾ॒ಮುಪ॑ ಸ್ತೋಷಾಮ ಯಜ॒ತಸ್ಯ॑ ಯ॒ಜ್ಞೈಃ | ಯೇ ಸು॒ಕ್ರತ॑ವಃ॒ ಶುಚ॑ಯೋ ಧಿಯಂ॒ಧಾಃ ಸ್ವದಂ᳚ತಿ ದೇ॒ವಾ ಉ॒ಭಯಾ᳚ನಿ ಹ॒ವ್ಯಾ ||{7.2.2}, {7.1.2.2}, {5.2.1.2} |
| 28 | ಈ॒ಳೇನ್ಯಂ᳚ ವೋ॒ ಅಸು॑ರಂ ಸು॒ದಕ್ಷ॑ಮಂ॒ತರ್ದೂ॒ತಂ ರೋದ॑ಸೀ ಸತ್ಯ॒ವಾಚಂ᳚ | ಮ॒ನು॒ಷ್ವದ॒ಗ್ನಿಂ ಮನು॑ನಾ॒ ಸಮಿ॑ದ್ಧಂ॒ ಸಮ॑ಧ್ವ॒ರಾಯ॒ ಸದ॒ಮಿನ್ಮ॑ಹೇಮ ||{7.2.3}, {7.1.2.3}, {5.2.1.3} |
| 29 | ಸ॒ಪ॒ರ್ಯವೋ॒ ಭರ॑ಮಾಣಾ ಅಭಿ॒ಜ್ಞು ಪ್ರ ವೃಂ᳚ಜತೇ॒ ನಮ॑ಸಾ ಬ॒ರ್ಹಿರ॒ಗ್ನೌ | ಆ॒ಜುಹ್ವಾ᳚ನಾ ಘೃ॒ತಪೃ॑ಷ್ಠಂ॒ ಪೃಷ॑ದ್ವ॒ದಧ್ವ᳚ರ್ಯವೋ ಹ॒ವಿಷಾ᳚ ಮರ್ಜಯಧ್ವಂ ||{7.2.4}, {7.1.2.4}, {5.2.1.4} |
| 30 | ಸ್ವಾ॒ಧ್ಯೋ॒೩॑(ಓ॒) ವಿ ದುರೋ᳚ ದೇವ॒ಯಂತೋಽಶಿ॑ಶ್ರಯೂ ರಥ॒ಯುರ್ದೇ॒ವತಾ᳚ತಾ | ಪೂ॒ರ್ವೀ ಶಿಶುಂ॒ ನ ಮಾ॒ತರಾ᳚ ರಿಹಾ॒ಣೇ ಸಮ॒ಗ್ರುವೋ॒ ನ ಸಮ॑ನೇಷ್ವಂಜನ್ ||{7.2.5}, {7.1.2.5}, {5.2.1.5} |
| 31 | ಉ॒ತ ಯೋಷ॑ಣೇ ದಿ॒ವ್ಯೇ ಮ॒ಹೀ ನ॑ ಉ॒ಷಾಸಾ॒ನಕ್ತಾ᳚ ಸು॒ದುಘೇ᳚ವ ಧೇ॒ನುಃ | ಬ॒ರ್ಹಿ॒ಷದಾ᳚ ಪುರುಹೂ॒ತೇ ಮ॒ಘೋನೀ॒ ಆ ಯ॒ಜ್ಞಿಯೇ᳚ ಸುವಿ॒ತಾಯ॑ ಶ್ರಯೇತಾಂ ||{7.2.6}, {7.1.2.6}, {5.2.2.1} |
| 32 | ವಿಪ್ರಾ᳚ ಯ॒ಜ್ಞೇಷು॒ ಮಾನು॑ಷೇಷು ಕಾ॒ರೂ ಮನ್ಯೇ᳚ ವಾಂ ಜಾ॒ತವೇ᳚ದಸಾ॒ ಯಜ॑ಧ್ಯೈ | ಊ॒ರ್ಧ್ವಂ ನೋ᳚ ಅಧ್ವ॒ರಂ ಕೃ॑ತಂ॒ ಹವೇ᳚ಷು॒ ತಾ ದೇ॒ವೇಷು॑ ವನಥೋ॒ ವಾರ್ಯಾ᳚ಣಿ ||{7.2.7}, {7.1.2.7}, {5.2.2.2} |
| 33 | ಆ ಭಾರ॑ತೀ॒ ಭಾರ॑ತೀಭಿಃ ಸ॒ಜೋಷಾ॒ ಇಳಾ᳚ ದೇ॒ವೈರ್ಮ॑ನು॒ಷ್ಯೇ᳚ಭಿರ॒ಗ್ನಿಃ | ಸರ॑ಸ್ವತೀ ಸಾರಸ್ವ॒ತೇಭಿ॑ರ॒ರ್ವಾಕ್ತಿ॒ಸ್ರೋ ದೇ॒ವೀರ್ಬ॒ರ್ಹಿರೇದಂ ಸ॑ದಂತು ||{7.2.8}, {7.1.2.8}, {5.2.2.3} |
| 34 | ತನ್ನ॑ಸ್ತು॒ರೀಪ॒ಮಧ॑ ಪೋಷಯಿ॒ತ್ನು ದೇವ॑ ತ್ವಷ್ಟ॒ರ್ವಿ ರ॑ರಾ॒ಣಃ ಸ್ಯ॑ಸ್ವ | ಯತೋ᳚ ವೀ॒ರಃ ಕ᳚ರ್ಮ॒ಣ್ಯಃ॑ ಸು॒ದಕ್ಷೋ᳚ ಯು॒ಕ್ತಗ್ರಾ᳚ವಾ॒ ಜಾಯ॑ತೇ ದೇ॒ವಕಾ᳚ಮಃ ||{7.2.9}, {7.1.2.9}, {5.2.2.4} |
| 35 | ವನ॑ಸ್ಪ॒ತೇಽವ॑ ಸೃ॒ಜೋಪ॑ ದೇ॒ವಾನ॒ಗ್ನಿರ್ಹ॒ವಿಃ ಶ॑ಮಿ॒ತಾ ಸೂ᳚ದಯಾತಿ | ಸೇದು॒ ಹೋತಾ᳚ ಸ॒ತ್ಯತ॑ರೋ ಯಜಾತಿ॒ ಯಥಾ᳚ ದೇ॒ವಾನಾಂ॒ ಜನಿ॑ಮಾನಿ॒ ವೇದ॑ ||{7.2.10}, {7.1.2.10}, {5.2.2.5} |
| 36 | ಆ ಯಾ᳚ಹ್ಯಗ್ನೇ ಸಮಿಧಾ॒ನೋ ಅ॒ರ್ವಾಙಿಂದ್ರೇ᳚ಣ ದೇ॒ವೈಃ ಸ॒ರಥಂ᳚ ತು॒ರೇಭಿಃ॑ | ಬ॒ರ್ಹಿರ್ನ॑ ಆಸ್ತಾ॒ಮದಿ॑ತಿಃ ಸುಪು॒ತ್ರಾ ಸ್ವಾಹಾ᳚ ದೇ॒ವಾ ಅ॒ಮೃತಾ᳚ ಮಾದಯಂತಾಂ ||{7.2.11}, {7.1.2.11}, {5.2.2.6} |
| [3] (1-10) ದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 37 | ಅ॒ಗ್ನಿಂ ವೋ᳚ ದೇ॒ವಮ॒ಗ್ನಿಭಿಃ॑ ಸ॒ಜೋಷಾ॒ ಯಜಿ॑ಷ್ಠಂ ದೂ॒ತಮ॑ಧ್ವ॒ರೇ ಕೃ॑ಣುಧ್ವಂ | ಯೋ ಮರ್ತ್ಯೇ᳚ಷು॒ ನಿಧ್ರು॑ವಿರೃ॒ತಾವಾ॒ ತಪು᳚ರ್ಮೂರ್ಧಾ ಘೃ॒ತಾನ್ನಃ॑ ಪಾವ॒ಕಃ ||{7.3.1}, {7.1.3.1}, {5.2.3.1} |
| 38 | ಪ್ರೋಥ॒ದಶ್ವೋ॒ ನ ಯವ॑ಸೇಽವಿ॒ಷ್ಯನ್ಯ॒ದಾ ಮ॒ಹಃ ಸಂ॒ವರ॑ಣಾ॒ದ್ವ್ಯಸ್ಥಾ᳚ತ್ | ಆದ॑ಸ್ಯ॒ ವಾತೋ॒ ಅನು॑ ವಾತಿ ಶೋ॒ಚಿರಧ॑ ಸ್ಮ ತೇ॒ ವ್ರಜ॑ನಂ ಕೃ॒ಷ್ಣಮ॑ಸ್ತಿ ||{7.3.2}, {7.1.3.2}, {5.2.3.2} |
| 39 | ಉದ್ಯಸ್ಯ॑ ತೇ॒ ನವ॑ಜಾತಸ್ಯ॒ ವೃಷ್ಣೋಽಗ್ನೇ॒ ಚರಂ᳚ತ್ಯ॒ಜರಾ᳚ ಇಧಾ॒ನಾಃ | ಅಚ್ಛಾ॒ ದ್ಯಾಮ॑ರು॒ಷೋ ಧೂ॒ಮ ಏ᳚ತಿ॒ ಸಂ ದೂ॒ತೋ ಅ॑ಗ್ನ॒ ಈಯ॑ಸೇ॒ ಹಿ ದೇ॒ವಾನ್ ||{7.3.3}, {7.1.3.3}, {5.2.3.3} |
| 40 | ವಿ ಯಸ್ಯ॑ ತೇ ಪೃಥಿ॒ವ್ಯಾಂ ಪಾಜೋ॒ ಅಶ್ರೇ᳚ತ್ತೃ॒ಷು ಯದನ್ನಾ᳚ ಸ॒ಮವೃ॑ಕ್ತ॒ ಜಂಭೈಃ᳚ | ಸೇನೇ᳚ವ ಸೃ॒ಷ್ಟಾ ಪ್ರಸಿ॑ತಿಷ್ಟ ಏತಿ॒ ಯವಂ॒ ನ ದ॑ಸ್ಮ ಜು॒ಹ್ವಾ᳚ ವಿವೇಕ್ಷಿ ||{7.3.4}, {7.1.3.4}, {5.2.3.4} |
| 41 | ತಮಿದ್ದೋ॒ಷಾ ತಮು॒ಷಸಿ॒ ಯವಿ॑ಷ್ಠಮ॒ಗ್ನಿಮತ್ಯಂ॒ ನ ಮ॑ರ್ಜಯಂತ॒ ನರಃ॑ | ನಿ॒ಶಿಶಾ᳚ನಾ॒ ಅತಿ॑ಥಿಮಸ್ಯ॒ ಯೋನೌ᳚ ದೀ॒ದಾಯ॑ ಶೋ॒ಚಿರಾಹು॑ತಸ್ಯ॒ ವೃಷ್ಣಃ॑ ||{7.3.5}, {7.1.3.5}, {5.2.3.5} |
| 42 | ಸು॒ಸಂ॒ದೃಕ್ತೇ᳚ ಸ್ವನೀಕ॒ ಪ್ರತೀ᳚ಕಂ॒ ವಿ ಯದ್ರು॒ಕ್ಮೋ ನ ರೋಚ॑ಸ ಉಪಾ॒ಕೇ | ದಿ॒ವೋ ನ ತೇ᳚ ತನ್ಯ॒ತುರೇ᳚ತಿ॒ ಶುಷ್ಮ॑ಶ್ಚಿ॒ತ್ರೋ ನ ಸೂರಃ॒ ಪ್ರತಿ॑ ಚಕ್ಷಿ ಭಾ॒ನುಂ ||{7.3.6}, {7.1.3.6}, {5.2.4.1} |
| 43 | ಯಥಾ᳚ ವಃ॒ ಸ್ವಾಹಾ॒ಗ್ನಯೇ॒ ದಾಶೇ᳚ಮ॒ ಪರೀಳಾ᳚ಭಿರ್ಘೃ॒ತವ॑ದ್ಭಿಶ್ಚ ಹ॒ವ್ಯೈಃ | ತೇಭಿ᳚ರ್ನೋ ಅಗ್ನೇ॒ ಅಮಿ॑ತೈ॒ರ್ಮಹೋ᳚ಭಿಃ ಶ॒ತಂ ಪೂ॒ರ್ಭಿರಾಯ॑ಸೀಭಿ॒ರ್ನಿ ಪಾ᳚ಹಿ ||{7.3.7}, {7.1.3.7}, {5.2.4.2} |
| 44 | ಯಾ ವಾ᳚ ತೇ॒ ಸಂತಿ॑ ದಾ॒ಶುಷೇ॒ ಅಧೃ॑ಷ್ಟಾ॒ ಗಿರೋ᳚ ವಾ॒ ಯಾಭಿ᳚ರ್ನೃ॒ವತೀ᳚ರುರು॒ಷ್ಯಾಃ | ತಾಭಿ᳚ರ್ನಃ ಸೂನೋ ಸಹಸೋ॒ ನಿ ಪಾ᳚ಹಿ॒ ಸ್ಮತ್ಸೂ॒ರೀಂಜ॑ರಿ॒ತೄಂಜಾ᳚ತವೇದಃ ||{7.3.8}, {7.1.3.8}, {5.2.4.3} |
| 45 | ನಿರ್ಯತ್ಪೂ॒ತೇವ॒ ಸ್ವಧಿ॑ತಿಃ॒ ಶುಚಿ॒ರ್ಗಾತ್ಸ್ವಯಾ᳚ ಕೃ॒ಪಾ ತ॒ನ್ವಾ॒೩॑(ಆ॒) ರೋಚ॑ಮಾನಃ | ಆ ಯೋ ಮಾ॒ತ್ರೋರು॒ಶೇನ್ಯೋ॒ ಜನಿ॑ಷ್ಟ ದೇವ॒ಯಜ್ಯಾ᳚ಯ ಸು॒ಕ್ರತುಃ॑ ಪಾವ॒ಕಃ ||{7.3.9}, {7.1.3.9}, {5.2.4.4} |
| 46 | ಏ॒ತಾ ನೋ᳚ ಅಗ್ನೇ॒ ಸೌಭ॑ಗಾ ದಿದೀ॒ಹ್ಯಪಿ॒ ಕ್ರತುಂ᳚ ಸು॒ಚೇತ॑ಸಂ ವತೇಮ | ವಿಶ್ವಾ᳚ ಸ್ತೋ॒ತೃಭ್ಯೋ᳚ ಗೃಣ॒ತೇ ಚ॑ ಸಂತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.3.10}, {7.1.3.10}, {5.2.4.5} |
| [4] (1-10) ದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 47 | ಪ್ರ ವಃ॑ ಶು॒ಕ್ರಾಯ॑ ಭಾ॒ನವೇ᳚ ಭರಧ್ವಂ ಹ॒ವ್ಯಂ ಮ॒ತಿಂ ಚಾ॒ಗ್ನಯೇ॒ ಸುಪೂ᳚ತಂ | ಯೋ ದೈವ್ಯಾ᳚ನಿ॒ ಮಾನು॑ಷಾ ಜ॒ನೂಂಷ್ಯಂ॒ತರ್ವಿಶ್ವಾ᳚ನಿ ವಿ॒ದ್ಮನಾ॒ ಜಿಗಾ᳚ತಿ ||{7.4.1}, {7.1.4.1}, {5.2.5.1} |
| 48 | ಸ ಗೃತ್ಸೋ᳚ ಅ॒ಗ್ನಿಸ್ತರು॑ಣಶ್ಚಿದಸ್ತು॒ ಯತೋ॒ ಯವಿ॑ಷ್ಠೋ॒ ಅಜ॑ನಿಷ್ಟ ಮಾ॒ತುಃ | ಸಂ ಯೋ ವನಾ᳚ ಯು॒ವತೇ॒ ಶುಚಿ॑ದ॒ನ್ಭೂರಿ॑ ಚಿ॒ದನ್ನಾ॒ ಸಮಿದ॑ತ್ತಿ ಸ॒ದ್ಯಃ ||{7.4.2}, {7.1.4.2}, {5.2.5.2} |
| 49 | ಅ॒ಸ್ಯ ದೇ॒ವಸ್ಯ॑ ಸಂ॒ಸದ್ಯನೀ᳚ಕೇ॒ ಯಂ ಮರ್ತಾ᳚ಸಃ ಶ್ಯೇ॒ತಂ ಜ॑ಗೃ॒ಭ್ರೇ | ನಿ ಯೋ ಗೃಭಂ॒ ಪೌರು॑ಷೇಯೀಮು॒ವೋಚ॑ ದು॒ರೋಕ॑ಮ॒ಗ್ನಿರಾ॒ಯವೇ᳚ ಶುಶೋಚ ||{7.4.3}, {7.1.4.3}, {5.2.5.3} |
| 50 | ಅ॒ಯಂ ಕ॒ವಿರಕ॑ವಿಷು॒ ಪ್ರಚೇ᳚ತಾ॒ ಮರ್ತೇ᳚ಷ್ವ॒ಗ್ನಿರ॒ಮೃತೋ॒ ನಿ ಧಾ᳚ಯಿ | ಸ ಮಾ ನೋ॒ ಅತ್ರ॑ ಜುಹುರಃ ಸಹಸ್ವಃ॒ ಸದಾ॒ ತ್ವೇ ಸು॒ಮನ॑ಸಃ ಸ್ಯಾಮ ||{7.4.4}, {7.1.4.4}, {5.2.5.4} |
| 51 | ಆ ಯೋ ಯೋನಿಂ᳚ ದೇ॒ವಕೃ॑ತಂ ಸ॒ಸಾದ॒ ಕ್ರತ್ವಾ॒ ಹ್ಯ೧॑(ಅ॒)ಗ್ನಿರ॒ಮೃತಾಁ॒ ಅತಾ᳚ರೀತ್ | ತಮೋಷ॑ಧೀಶ್ಚ ವ॒ನಿನ॑ಶ್ಚ॒ ಗರ್ಭಂ॒ ಭೂಮಿ॑ಶ್ಚ ವಿ॒ಶ್ವಧಾ᳚ಯಸಂ ಬಿಭರ್ತಿ ||{7.4.5}, {7.1.4.5}, {5.2.5.5} |
| 52 | ಈಶೇ॒ ಹ್ಯ೧॑(ಅ॒)ಗ್ನಿರ॒ಮೃತ॑ಸ್ಯ॒ ಭೂರೇ॒ರೀಶೇ᳚ ರಾ॒ಯಃ ಸು॒ವೀರ್ಯ॑ಸ್ಯ॒ ದಾತೋಃ᳚ | ಮಾ ತ್ವಾ᳚ ವ॒ಯಂ ಸ॑ಹಸಾವನ್ನ॒ವೀರಾ॒ ಮಾಪ್ಸ॑ವಃ॒ ಪರಿ॑ ಷದಾಮ॒ ಮಾದು॑ವಃ ||{7.4.6}, {7.1.4.6}, {5.2.6.1} |
| 53 | ಪ॒ರಿ॒ಷದ್ಯಂ॒ ಹ್ಯರ॑ಣಸ್ಯ॒ ರೇಕ್ಣೋ॒ ನಿತ್ಯ॑ಸ್ಯ ರಾ॒ಯಃ ಪತ॑ಯಃ ಸ್ಯಾಮ | ನ ಶೇಷೋ᳚ ಅಗ್ನೇ ಅ॒ನ್ಯಜಾ᳚ತಮ॒ಸ್ತ್ಯಚೇ᳚ತಾನಸ್ಯ॒ ಮಾ ಪ॒ಥೋ ವಿ ದು॑ಕ್ಷಃ ||{7.4.7}, {7.1.4.7}, {5.2.6.2} |
| 54 | ನ॒ಹಿ ಗ್ರಭಾ॒ಯಾರ॑ಣಃ ಸು॒ಶೇವೋ॒ಽನ್ಯೋದ᳚ರ್ಯೋ॒ ಮನ॑ಸಾ॒ ಮಂತ॒ವಾ ಉ॑ | ಅಧಾ᳚ ಚಿ॒ದೋಕಃ॒ ಪುನ॒ರಿತ್ಸ ಏ॒ತ್ಯಾ ನೋ᳚ ವಾ॒ಜ್ಯ॑ಭೀ॒ಷಾಳೇ᳚ತು॒ ನವ್ಯಃ॑ ||{7.4.8}, {7.1.4.8}, {5.2.6.3} |
| 55 | ತ್ವಮ॑ಗ್ನೇ ವನುಷ್ಯ॒ತೋ ನಿ ಪಾ᳚ಹಿ॒ ತ್ವಮು॑ ನಃ ಸಹಸಾವನ್ನವ॒ದ್ಯಾತ್ | ಸಂ ತ್ವಾ᳚ ಧ್ವಸ್ಮ॒ನ್ವದ॒ಭ್ಯೇ᳚ತು॒ ಪಾಥಃ॒ ಸಂ ರ॒ಯಿಃ ಸ್ಪೃ॑ಹ॒ಯಾಯ್ಯಃ॑ ಸಹ॒ಸ್ರೀ ||{7.4.9}, {7.1.4.9}, {5.2.6.4} |
| 56 | ಏ॒ತಾ ನೋ᳚ ಅಗ್ನೇ॒ ಸೌಭ॑ಗಾ ದಿದೀ॒ಹ್ಯಪಿ॒ ಕ್ರತುಂ᳚ ಸು॒ಚೇತ॑ಸಂ ವತೇಮ | ವಿಶ್ವಾ᳚ ಸ್ತೋ॒ತೃಭ್ಯೋ᳚ ಗೃಣ॒ತೇ ಚ॑ ಸಂತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.4.10}, {7.1.4.10}, {5.2.6.5} |
| [5] (1-9) ನವರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವೈಶ್ವಾನರೋಽಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 57 | ಪ್ರಾಗ್ನಯೇ᳚ ತ॒ವಸೇ᳚ ಭರಧ್ವಂ॒ ಗಿರಂ᳚ ದಿ॒ವೋ ಅ॑ರ॒ತಯೇ᳚ ಪೃಥಿ॒ವ್ಯಾಃ | ಯೋ ವಿಶ್ವೇ᳚ಷಾಮ॒ಮೃತಾ᳚ನಾಮು॒ಪಸ್ಥೇ᳚ ವೈಶ್ವಾನ॒ರೋ ವಾ᳚ವೃ॒ಧೇ ಜಾ᳚ಗೃ॒ವದ್ಭಿಃ॑ ||{7.5.1}, {7.1.5.1}, {5.2.7.1} |
| 58 | ಪೃ॒ಷ್ಟೋ ದಿ॒ವಿ ಧಾಯ್ಯ॒ಗ್ನಿಃ ಪೃ॑ಥಿ॒ವ್ಯಾಂ ನೇ॒ತಾ ಸಿಂಧೂ᳚ನಾಂ ವೃಷ॒ಭಃ ಸ್ತಿಯಾ᳚ನಾಂ | ಸ ಮಾನು॑ಷೀರ॒ಭಿ ವಿಶೋ॒ ವಿ ಭಾ᳚ತಿ ವೈಶ್ವಾನ॒ರೋ ವಾ᳚ವೃಧಾ॒ನೋ ವರೇ᳚ಣ ||{7.5.2}, {7.1.5.2}, {5.2.7.2} |
| 59 | ತ್ವದ್ಭಿ॒ಯಾ ವಿಶ॑ ಆಯ॒ನ್ನಸಿ॑ಕ್ನೀರಸಮ॒ನಾ ಜಹ॑ತೀ॒ರ್ಭೋಜ॑ನಾನಿ | ವೈಶ್ವಾ᳚ನರ ಪೂ॒ರವೇ॒ ಶೋಶು॑ಚಾನಃ॒ ಪುರೋ॒ ಯದ॑ಗ್ನೇ ದ॒ರಯ॒ನ್ನದೀ᳚ದೇಃ ||{7.5.3}, {7.1.5.3}, {5.2.7.3} |
| 60 | ತವ॑ ತ್ರಿ॒ಧಾತು॑ ಪೃಥಿ॒ವೀ ಉ॒ತ ದ್ಯೌರ್ವೈಶ್ವಾ᳚ನರ ವ್ರ॒ತಮ॑ಗ್ನೇ ಸಚಂತ | ತ್ವಂ ಭಾ॒ಸಾ ರೋದ॑ಸೀ॒ ಆ ತ॑ತಂ॒ಥಾಜ॑ಸ್ರೇಣ ಶೋ॒ಚಿಷಾ॒ ಶೋಶು॑ಚಾನಃ ||{7.5.4}, {7.1.5.4}, {5.2.7.4} |
| 61 | ತ್ವಾಮ॑ಗ್ನೇ ಹ॒ರಿತೋ᳚ ವಾವಶಾ॒ನಾ ಗಿರಃ॑ ಸಚಂತೇ॒ ಧುನ॑ಯೋ ಘೃ॒ತಾಚೀಃ᳚ | ಪತಿಂ᳚ ಕೃಷ್ಟೀ॒ನಾಂ ರ॒ಥ್ಯಂ᳚ ರಯೀ॒ಣಾಂ ವೈ᳚ಶ್ವಾನ॒ರಮು॒ಷಸಾಂ᳚ ಕೇ॒ತುಮಹ್ನಾಂ᳚ ||{7.5.5}, {7.1.5.5}, {5.2.7.5} |
| 62 | ತ್ವೇ ಅ॑ಸು॒ರ್ಯ೧॑(ಅ॒) ಅಂವಸ॑ವೋ॒ ನ್ಯೃ᳚ಣ್ವ॒ನ್ಕ್ರತುಂ॒ ಹಿ ತೇ᳚ ಮಿತ್ರಮಹೋ ಜು॒ಷಂತ॑ | ತ್ವಂ ದಸ್ಯೂಁ॒ರೋಕ॑ಸೋ ಅಗ್ನ ಆಜ ಉ॒ರು ಜ್ಯೋತಿ॑ರ್ಜ॒ನಯ॒ನ್ನಾರ್ಯಾ᳚ಯ ||{7.5.6}, {7.1.5.6}, {5.2.8.1} |
| 63 | ಸ ಜಾಯ॑ಮಾನಃ ಪರ॒ಮೇ ವ್ಯೋ᳚ಮನ್ವಾ॒ಯುರ್ನ ಪಾಥಃ॒ ಪರಿ॑ ಪಾಸಿ ಸ॒ದ್ಯಃ | ತ್ವಂ ಭುವ॑ನಾ ಜ॒ನಯ᳚ನ್ನ॒ಭಿ ಕ್ರ॒ನ್ನಪ॑ತ್ಯಾಯ ಜಾತವೇದೋ ದಶ॒ಸ್ಯನ್ ||{7.5.7}, {7.1.5.7}, {5.2.8.2} |
| 64 | ತಾಮ॑ಗ್ನೇ ಅ॒ಸ್ಮೇ ಇಷ॒ಮೇರ॑ಯಸ್ವ॒ ವೈಶ್ವಾ᳚ನರ ದ್ಯು॒ಮತೀಂ᳚ ಜಾತವೇದಃ | ಯಯಾ॒ ರಾಧಃ॒ ಪಿನ್ವ॑ಸಿ ವಿಶ್ವವಾರ ಪೃ॒ಥು ಶ್ರವೋ᳚ ದಾ॒ಶುಷೇ॒ ಮರ್ತ್ಯಾ᳚ಯ ||{7.5.8}, {7.1.5.8}, {5.2.8.3} |
| 65 | ತಂ ನೋ᳚ ಅಗ್ನೇ ಮ॒ಘವ॑ದ್ಭ್ಯಃ ಪುರು॒ಕ್ಷುಂ ರ॒ಯಿಂ ನಿ ವಾಜಂ॒ ಶ್ರುತ್ಯಂ᳚ ಯುವಸ್ವ | ವೈಶ್ವಾ᳚ನರ॒ ಮಹಿ॑ ನಃ॒ ಶರ್ಮ॑ ಯಚ್ಛ ರು॒ದ್ರೇಭಿ॑ರಗ್ನೇ॒ ವಸು॑ಭಿಃ ಸ॒ಜೋಷಾಃ᳚ ||{7.5.9}, {7.1.5.9}, {5.2.8.4} |
| [6] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವೈಶ್ವಾನರೋಽಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 66 | ಪ್ರ ಸ॒ಮ್ರಾಜೋ॒ ಅಸು॑ರಸ್ಯ॒ ಪ್ರಶ॑ಸ್ತಿಂ ಪುಂ॒ಸಃ ಕೃ॑ಷ್ಟೀ॒ನಾಮ॑ನು॒ಮಾದ್ಯ॑ಸ್ಯ | ಇಂದ್ರ॑ಸ್ಯೇವ॒ ಪ್ರ ತ॒ವಸ॑ಸ್ಕೃ॒ತಾನಿ॒ ವಂದೇ᳚ ದಾ॒ರುಂ ವಂದ॑ಮಾನೋ ವಿವಕ್ಮಿ ||{7.6.1}, {7.1.6.1}, {5.2.9.1} |
| 67 | ಕ॒ವಿಂ ಕೇ॒ತುಂ ಧಾ॒ಸಿಂ ಭಾ॒ನುಮದ್ರೇ᳚ರ್ಹಿ॒ನ್ವಂತಿ॒ ಶಂ ರಾ॒ಜ್ಯಂ ರೋದ॑ಸ್ಯೋಃ | ಪು॒ರಂ॒ದ॒ರಸ್ಯ॑ ಗೀ॒ರ್ಭಿರಾ ವಿ॑ವಾಸೇ॒ಽಗ್ನೇರ್ವ್ರ॒ತಾನಿ॑ ಪೂ॒ರ್ವ್ಯಾ ಮ॒ಹಾನಿ॑ ||{7.6.2}, {7.1.6.2}, {5.2.9.2} |
| 68 | ನ್ಯ॑ಕ್ರ॒ತೂನ್ಗ್ರ॒ಥಿನೋ᳚ ಮೃ॒ಧ್ರವಾ᳚ಚಃ ಪ॒ಣೀಁರ॑ಶ್ರ॒ದ್ಧಾಁ ಅ॑ವೃ॒ಧಾಁ ಅ॑ಯ॒ಜ್ಞಾನ್ | ಪ್ರಪ್ರ॒ ತಾಂದಸ್ಯೂಁ᳚ರ॒ಗ್ನಿರ್ವಿ॑ವಾಯ॒ ಪೂರ್ವ॑ಶ್ಚಕಾ॒ರಾಪ॑ರಾಁ॒ ಅಯ॑ಜ್ಯೂನ್ ||{7.6.3}, {7.1.6.3}, {5.2.9.3} |
| 69 | ಯೋ ಅ॑ಪಾ॒ಚೀನೇ॒ ತಮ॑ಸಿ॒ ಮದಂ᳚ತೀಃ॒ ಪ್ರಾಚೀ᳚ಶ್ಚ॒ಕಾರ॒ ನೃತ॑ಮಃ॒ ಶಚೀ᳚ಭಿಃ | ತಮೀಶಾ᳚ನಂ॒ ವಸ್ವೋ᳚ ಅ॒ಗ್ನಿಂ ಗೃ॑ಣೀ॒ಷೇಽನಾ᳚ನತಂ ದ॒ಮಯಂ᳚ತಂ ಪೃತ॒ನ್ಯೂನ್ ||{7.6.4}, {7.1.6.4}, {5.2.9.4} |
| 70 | ಯೋ ದೇ॒ಹ್ಯೋ॒೩॑(ಓ॒) ಅನ॑ಮಯದ್ವಧ॒ಸ್ನೈರ್ಯೋ ಅ॒ರ್ಯಪ॑ತ್ನೀರು॒ಷಸ॑ಶ್ಚ॒ಕಾರ॑ | ಸ ನಿ॒ರುಧ್ಯಾ॒ ನಹು॑ಷೋ ಯ॒ಹ್ವೋ ಅ॒ಗ್ನಿರ್ವಿಶ॑ಶ್ಚಕ್ರೇ ಬಲಿ॒ಹೃತಃ॒ ಸಹೋ᳚ಭಿಃ ||{7.6.5}, {7.1.6.5}, {5.2.9.5} |
| 71 | ಯಸ್ಯ॒ ಶರ್ಮ॒ನ್ನುಪ॒ ವಿಶ್ವೇ॒ ಜನಾ᳚ಸ॒ ಏವೈ᳚ಸ್ತ॒ಸ್ಥುಃ ಸು॑ಮ॒ತಿಂ ಭಿಕ್ಷ॑ಮಾಣಾಃ | ವೈ॒ಶ್ವಾ॒ನ॒ರೋ ವರ॒ಮಾ ರೋದ॑ಸ್ಯೋ॒ರಾಗ್ನಿಃ ಸ॑ಸಾದ ಪಿ॒ತ್ರೋರು॒ಪಸ್ಥಂ᳚ ||{7.6.6}, {7.1.6.6}, {5.2.9.6} |
| 72 | ಆ ದೇ॒ವೋ ದ॑ದೇ ಬು॒ಧ್ನ್ಯಾ॒೩॑(ಆ॒) ವಸೂ᳚ನಿ ವೈಶ್ವಾನ॒ರ ಉದಿ॑ತಾ॒ ಸೂರ್ಯ॑ಸ್ಯ | ಆ ಸ॑ಮು॒ದ್ರಾದವ॑ರಾ॒ದಾ ಪರ॑ಸ್ಮಾ॒ದಾಗ್ನಿರ್ದ॑ದೇ ದಿ॒ವ ಆ ಪೃ॑ಥಿ॒ವ್ಯಾಃ ||{7.6.7}, {7.1.6.7}, {5.2.9.7} |
| [7] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 73 | ಪ್ರ ವೋ᳚ ದೇ॒ವಂ ಚಿ॑ತ್ಸಹಸಾ॒ನಮ॒ಗ್ನಿಮಶ್ವಂ॒ ನ ವಾ॒ಜಿನಂ᳚ ಹಿಷೇ॒ ನಮೋ᳚ಭಿಃ | ಭವಾ᳚ ನೋ ದೂ॒ತೋ ಅ॑ಧ್ವ॒ರಸ್ಯ॑ ವಿ॒ದ್ವಾಂತ್ಮನಾ᳚ ದೇ॒ವೇಷು॑ ವಿವಿದೇ ಮಿ॒ತದ್ರುಃ॑ ||{7.7.1}, {7.1.7.1}, {5.2.10.1} |
| 74 | ಆ ಯಾ᳚ಹ್ಯಗ್ನೇ ಪ॒ಥ್ಯಾ॒೩॑(ಆ॒) ಅನು॒ ಸ್ವಾ ಮಂ॒ದ್ರೋ ದೇ॒ವಾನಾಂ᳚ ಸ॒ಖ್ಯಂ ಜು॑ಷಾ॒ಣಃ | ಆ ಸಾನು॒ ಶುಷ್ಮೈ᳚ರ್ನ॒ದಯ᳚ನ್ಪೃಥಿ॒ವ್ಯಾ ಜಂಭೇ᳚ಭಿ॒ರ್ವಿಶ್ವ॑ಮು॒ಶಧ॒ಗ್ವನಾ᳚ನಿ ||{7.7.2}, {7.1.7.2}, {5.2.10.2} |
| 75 | ಪ್ರಾ॒ಚೀನೋ᳚ ಯ॒ಜ್ಞಃ ಸುಧಿ॑ತಂ॒ ಹಿ ಬ॒ರ್ಹಿಃ ಪ್ರೀ᳚ಣೀ॒ತೇ ಅ॒ಗ್ನಿರೀ᳚ಳಿ॒ತೋ ನ ಹೋತಾ᳚ | ಆ ಮಾ॒ತರಾ᳚ ವಿ॒ಶ್ವವಾ᳚ರೇ ಹುವಾ॒ನೋ ಯತೋ᳚ ಯವಿಷ್ಠ ಜಜ್ಞಿ॒ಷೇ ಸು॒ಶೇವಃ॑ ||{7.7.3}, {7.1.7.3}, {5.2.10.3} |
| 76 | ಸ॒ದ್ಯೋ ಅ॑ಧ್ವ॒ರೇ ರ॑ಥಿ॒ರಂ ಜ॑ನಂತ॒ ಮಾನು॑ಷಾಸೋ॒ ವಿಚೇ᳚ತಸೋ॒ ಯ ಏ᳚ಷಾಂ | ವಿ॒ಶಾಮ॑ಧಾಯಿ ವಿ॒ಶ್ಪತಿ॑ರ್ದುರೋ॒ಣೇ॒೩॑(ಏ॒)ಽಗ್ನಿರ್ಮಂ॒ದ್ರೋ ಮಧು॑ವಚಾ ಋ॒ತಾವಾ᳚ ||{7.7.4}, {7.1.7.4}, {5.2.10.4} |
| 77 | ಅಸಾ᳚ದಿ ವೃ॒ತೋ ವಹ್ನಿ॑ರಾಜಗ॒ನ್ವಾನ॒ಗ್ನಿರ್ಬ್ರ॒ಹ್ಮಾ ನೃ॒ಷದ॑ನೇ ವಿಧ॒ರ್ತಾ | ದ್ಯೌಶ್ಚ॒ ಯಂ ಪೃ॑ಥಿ॒ವೀ ವಾ᳚ವೃ॒ಧಾತೇ॒ ಆ ಯಂ ಹೋತಾ॒ ಯಜ॑ತಿ ವಿ॒ಶ್ವವಾ᳚ರಂ ||{7.7.5}, {7.1.7.5}, {5.2.10.5} |
| 78 | ಏ॒ತೇ ದ್ಯು॒ಮ್ನೇಭಿ॒ರ್ವಿಶ್ವ॒ಮಾತಿ॑ರಂತ॒ ಮಂತ್ರಂ॒ ಯೇ ವಾರಂ॒ ನರ್ಯಾ॒ ಅತ॑ಕ್ಷನ್ | ಪ್ರ ಯೇ ವಿಶ॑ಸ್ತಿ॒ರಂತ॒ ಶ್ರೋಷ॑ಮಾಣಾ॒ ಆ ಯೇ ಮೇ᳚ ಅ॒ಸ್ಯ ದೀಧ॑ಯನ್ನೃ॒ತಸ್ಯ॑ ||{7.7.6}, {7.1.7.6}, {5.2.10.6} |
| 79 | ನೂ ತ್ವಾಮ॑ಗ್ನ ಈಮಹೇ॒ ವಸಿ॑ಷ್ಠಾ ಈಶಾ॒ನಂ ಸೂ᳚ನೋ ಸಹಸೋ॒ ವಸೂ᳚ನಾಂ | ಇಷಂ᳚ ಸ್ತೋ॒ತೃಭ್ಯೋ᳚ ಮ॒ಘವ॑ದ್ಭ್ಯ ಆನಡ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.7.7}, {7.1.7.7}, {5.2.10.7} |
| [8] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 80 | ಇಂ॒ಧೇ ರಾಜಾ॒ ಸಮ॒ರ್ಯೋ ನಮೋ᳚ಭಿ॒ರ್ಯಸ್ಯ॒ ಪ್ರತೀ᳚ಕ॒ಮಾಹು॑ತಂ ಘೃ॒ತೇನ॑ | ನರೋ᳚ ಹ॒ವ್ಯೇಭಿ॑ರೀಳತೇ ಸ॒ಬಾಧ॒ ಆಗ್ನಿರಗ್ರ॑ ಉ॒ಷಸಾ᳚ಮಶೋಚಿ ||{7.8.1}, {7.1.8.1}, {5.2.11.1} |
| 81 | ಅ॒ಯಮು॒ ಷ್ಯ ಸುಮ॑ಹಾಁ ಅವೇದಿ॒ ಹೋತಾ᳚ ಮಂ॒ದ್ರೋ ಮನು॑ಷೋ ಯ॒ಹ್ವೋ ಅ॒ಗ್ನಿಃ | ವಿ ಭಾ ಅ॑ಕಃ ಸಸೃಜಾ॒ನಃ ಪೃ॑ಥಿ॒ವ್ಯಾಂ ಕೃ॒ಷ್ಣಪ॑ವಿ॒ರೋಷ॑ಧೀಭಿರ್ವವಕ್ಷೇ ||{7.8.2}, {7.1.8.2}, {5.2.11.2} |
| 82 | ಕಯಾ᳚ ನೋ ಅಗ್ನೇ॒ ವಿ ವ॑ಸಃ ಸುವೃ॒ಕ್ತಿಂ ಕಾಮು॑ ಸ್ವ॒ಧಾಮೃ॑ಣವಃ ಶ॒ಸ್ಯಮಾ᳚ನಃ | ಕ॒ದಾ ಭ॑ವೇಮ॒ ಪತ॑ಯಃ ಸುದತ್ರ ರಾ॒ಯೋ ವಂ॒ತಾರೋ᳚ ದು॒ಷ್ಟರ॑ಸ್ಯ ಸಾ॒ಧೋಃ ||{7.8.3}, {7.1.8.3}, {5.2.11.3} |
| 83 | ಪ್ರಪ್ರಾ॒ಯಮ॒ಗ್ನಿರ್ಭ॑ರ॒ತಸ್ಯ॑ ಶೃಣ್ವೇ॒ ವಿ ಯತ್ಸೂರ್ಯೋ॒ ನ ರೋಚ॑ತೇ ಬೃ॒ಹದ್ಭಾಃ | ಅ॒ಭಿ ಯಃ ಪೂ॒ರುಂ ಪೃತ॑ನಾಸು ತ॒ಸ್ಥೌ ದ್ಯು॑ತಾ॒ನೋ ದೈವ್ಯೋ॒ ಅತಿ॑ಥಿಃ ಶುಶೋಚ ||{7.8.4}, {7.1.8.4}, {5.2.11.4} |
| 84 | ಅಸ॒ನ್ನಿತ್ತ್ವೇ ಆ॒ಹವ॑ನಾನಿ॒ ಭೂರಿ॒ ಭುವೋ॒ ವಿಶ್ವೇ᳚ಭಿಃ ಸು॒ಮನಾ॒ ಅನೀ᳚ಕೈಃ | ಸ್ತು॒ತಶ್ಚಿ॑ದಗ್ನೇ ಶೃಣ್ವಿಷೇ ಗೃಣಾ॒ನಃ ಸ್ವ॒ಯಂ ವ॑ರ್ಧಸ್ವ ತ॒ನ್ವಂ᳚ ಸುಜಾತ ||{7.8.5}, {7.1.8.5}, {5.2.11.5} |
| 85 | ಇ॒ದಂ ವಚಃ॑ ಶತ॒ಸಾಃ ಸಂಸ॑ಹಸ್ರ॒ಮುದ॒ಗ್ನಯೇ᳚ ಜನಿಷೀಷ್ಟ ದ್ವಿ॒ಬರ್ಹಾಃ᳚ | ಶಂ ಯತ್ಸ್ತೋ॒ತೃಭ್ಯ॑ ಆ॒ಪಯೇ॒ ಭವಾ᳚ತಿ ದ್ಯು॒ಮದ॑ಮೀವ॒ಚಾತ॑ನಂ ರಕ್ಷೋ॒ಹಾ ||{7.8.6}, {7.1.8.6}, {5.2.11.6} |
| 86 | ನೂ ತ್ವಾಮ॑ಗ್ನ ಈಮಹೇ॒ ವಸಿ॑ಷ್ಠಾ ಈಶಾ॒ನಂ ಸೂ᳚ನೋ ಸಹಸೋ॒ ವಸೂ᳚ನಾಂ | ಇಷಂ᳚ ಸ್ತೋ॒ತೃಭ್ಯೋ᳚ ಮ॒ಘವ॑ದ್ಭ್ಯ ಆನಡ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.8.7}, {7.1.8.7}, {5.2.11.7} |
| [9] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 87 | ಅಬೋ᳚ಧಿ ಜಾ॒ರ ಉ॒ಷಸಾ᳚ಮು॒ಪಸ್ಥಾ॒ದ್ಧೋತಾ᳚ ಮಂ॒ದ್ರಃ ಕ॒ವಿತ॑ಮಃ ಪಾವ॒ಕಃ | ದಧಾ᳚ತಿ ಕೇ॒ತುಮು॒ಭಯ॑ಸ್ಯ ಜಂ॒ತೋರ್ಹ॒ವ್ಯಾ ದೇ॒ವೇಷು॒ ದ್ರವಿ॑ಣಂ ಸು॒ಕೃತ್ಸು॑ ||{7.9.1}, {7.1.9.1}, {5.2.12.1} |
| 88 | ಸ ಸು॒ಕ್ರತು॒ರ್ಯೋ ವಿ ದುರಃ॑ ಪಣೀ॒ನಾಂ ಪು॑ನಾ॒ನೋ ಅ॒ರ್ಕಂ ಪು॑ರು॒ಭೋಜ॑ಸಂ ನಃ | ಹೋತಾ᳚ ಮಂ॒ದ್ರೋ ವಿ॒ಶಾಂ ದಮೂ᳚ನಾಸ್ತಿ॒ರಸ್ತಮೋ᳚ ದದೃಶೇ ರಾ॒ಮ್ಯಾಣಾಂ᳚ ||{7.9.2}, {7.1.9.2}, {5.2.12.2} |
| 89 | ಅಮೂ᳚ರಃ ಕ॒ವಿರದಿ॑ತಿರ್ವಿ॒ವಸ್ವಾ᳚ನ್ಸುಸಂ॒ಸನ್ಮಿ॒ತ್ರೋ ಅತಿ॑ಥಿಃ ಶಿ॒ವೋ ನಃ॑ | ಚಿ॒ತ್ರಭಾ᳚ನುರು॒ಷಸಾಂ᳚ ಭಾ॒ತ್ಯಗ್ರೇ॒ಽಪಾಂ ಗರ್ಭಃ॑ ಪ್ರ॒ಸ್ವ೧॑(ಅ॒) ಆ ವಿ॑ವೇಶ ||{7.9.3}, {7.1.9.3}, {5.2.12.3} |
| 90 | ಈ॒ಳೇನ್ಯೋ᳚ ವೋ॒ ಮನು॑ಷೋ ಯು॒ಗೇಷು॑ ಸಮನ॒ಗಾ ಅ॑ಶುಚಜ್ಜಾ॒ತವೇ᳚ದಾಃ | ಸು॒ಸಂ॒ದೃಶಾ᳚ ಭಾ॒ನುನಾ॒ ಯೋ ವಿ॒ಭಾತಿ॒ ಪ್ರತಿ॒ ಗಾವಃ॑ ಸಮಿಧಾ॒ನಂ ಬು॑ಧಂತ ||{7.9.4}, {7.1.9.4}, {5.2.12.4} |
| 91 | ಅಗ್ನೇ᳚ ಯಾ॒ಹಿ ದೂ॒ತ್ಯ೧॑(ಅ॒) ಅಂಮಾ ರಿ॑ಷಣ್ಯೋ ದೇ॒ವಾಁ ಅಚ್ಛಾ᳚ ಬ್ರಹ್ಮ॒ಕೃತಾ᳚ ಗ॒ಣೇನ॑ | ಸರ॑ಸ್ವತೀಂ ಮ॒ರುತೋ᳚ ಅ॒ಶ್ವಿನಾ॒ಪೋ ಯಕ್ಷಿ॑ ದೇ॒ವಾನ್ರ॑ತ್ನ॒ಧೇಯಾ᳚ಯ॒ ವಿಶ್ವಾ॑ನ್ ||{7.9.5}, {7.1.9.5}, {5.2.12.5} |
| 92 | ತ್ವಾಮ॑ಗ್ನೇ ಸಮಿಧಾ॒ನೋ ವಸಿ॑ಷ್ಠೋ॒ ಜರೂ᳚ಥಂ ಹ॒ನ್ಯಕ್ಷಿ॑ ರಾ॒ಯೇ ಪುರಂ᳚ಧಿಂ | ಪು॒ರು॒ಣೀ॒ಥಾ ಜಾ᳚ತವೇದೋ ಜರಸ್ವ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.9.6}, {7.1.9.6}, {5.2.12.6} |
| [10] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 93 | ಉ॒ಷೋ ನ ಜಾ॒ರಃ ಪೃ॒ಥು ಪಾಜೋ᳚ ಅಶ್ರೇ॒ದ್ದವಿ॑ದ್ಯುತ॒ದ್ದೀದ್ಯ॒ಚ್ಛೋಶು॑ಚಾನಃ | ವೃಷಾ॒ ಹರಿಃ॒ ಶುಚಿ॒ರಾ ಭಾ᳚ತಿ ಭಾ॒ಸಾ ಧಿಯೋ᳚ ಹಿನ್ವಾ॒ನ ಉ॑ಶ॒ತೀರ॑ಜೀಗಃ ||{7.10.1}, {7.1.10.1}, {5.2.13.1} |
| 94 | ಸ್ವ೧॑(ಅ॒)'ರ್ಣ ವಸ್ತೋ᳚ರು॒ಷಸಾ᳚ಮರೋಚಿ ಯ॒ಜ್ಞಂ ತ᳚ನ್ವಾ॒ನಾ ಉ॒ಶಿಜೋ॒ ನ ಮನ್ಮ॑ | ಅ॒ಗ್ನಿರ್ಜನ್ಮಾ᳚ನಿ ದೇ॒ವ ಆ ವಿ ವಿ॒ದ್ವಾಂದ್ರ॒ವದ್ದೂ॒ತೋ ದೇ᳚ವ॒ಯಾವಾ॒ ವನಿ॑ಷ್ಠಃ ||{7.10.2}, {7.1.10.2}, {5.2.13.2} |
| 95 | ಅಚ್ಛಾ॒ ಗಿರೋ᳚ ಮ॒ತಯೋ᳚ ದೇವ॒ಯಂತೀ᳚ರ॒ಗ್ನಿಂ ಯಂ᳚ತಿ॒ ದ್ರವಿ॑ಣಂ॒ ಭಿಕ್ಷ॑ಮಾಣಾಃ | ಸು॒ಸಂ॒ದೃಶಂ᳚ ಸು॒ಪ್ರತೀ᳚ಕಂ॒ ಸ್ವಂಚಂ᳚ ಹವ್ಯ॒ವಾಹ॑ಮರ॒ತಿಂ ಮಾನು॑ಷಾಣಾಂ ||{7.10.3}, {7.1.10.3}, {5.2.13.3} |
| 96 | ಇಂದ್ರಂ᳚ ನೋ ಅಗ್ನೇ॒ ವಸು॑ಭಿಃ ಸ॒ಜೋಷಾ᳚ ರು॒ದ್ರಂ ರು॒ದ್ರೇಭಿ॒ರಾ ವ॑ಹಾ ಬೃ॒ಹಂತಂ᳚ | ಆ॒ದಿ॒ತ್ಯೇಭಿ॒ರದಿ॑ತಿಂ ವಿ॒ಶ್ವಜ᳚ನ್ಯಾಂ॒ ಬೃಹ॒ಸ್ಪತಿ॒ಮೃಕ್ವ॑ಭಿರ್ವಿ॒ಶ್ವವಾ᳚ರಂ ||{7.10.4}, {7.1.10.4}, {5.2.13.4} |
| 97 | ಮಂ॒ದ್ರಂ ಹೋತಾ᳚ರಮು॒ಶಿಜೋ॒ ಯವಿ॑ಷ್ಠಮ॒ಗ್ನಿಂ ವಿಶ॑ ಈಳತೇ ಅಧ್ವ॒ರೇಷು॑ | ಸ ಹಿ ಕ್ಷಪಾ᳚ವಾಁ॒ ಅಭ॑ವದ್ರಯೀ॒ಣಾಮತಂ᳚ದ್ರೋ ದೂ॒ತೋ ಯ॒ಜಥಾ᳚ಯ ದೇ॒ವಾನ್ ||{7.10.5}, {7.1.10.5}, {5.2.13.5} |
| [11] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 98 | ಮ॒ಹಾಁ ಅ॑ಸ್ಯಧ್ವ॒ರಸ್ಯ॑ ಪ್ರಕೇ॒ತೋ ನ ಋ॒ತೇ ತ್ವದ॒ಮೃತಾ᳚ ಮಾದಯಂತೇ | ಆ ವಿಶ್ವೇ᳚ಭಿಃ ಸ॒ರಥಂ᳚ ಯಾಹಿ ದೇ॒ವೈರ್ನ್ಯ॑ಗ್ನೇ॒ ಹೋತಾ᳚ ಪ್ರಥ॒ಮಃ ಸ॑ದೇ॒ಹ ||{7.11.1}, {7.1.11.1}, {5.2.14.1} |
| 99 | ತ್ವಾಮೀ᳚ಳತೇ ಅಜಿ॒ರಂ ದೂ॒ತ್ಯಾ᳚ಯ ಹ॒ವಿಷ್ಮಂ᳚ತಃ॒ ಸದ॒ಮಿನ್ಮಾನು॑ಷಾಸಃ | ಯಸ್ಯ॑ ದೇ॒ವೈರಾಸ॑ದೋ ಬ॒ರ್ಹಿರ॒ಗ್ನೇಽಹಾ᳚ನ್ಯಸ್ಮೈ ಸು॒ದಿನಾ᳚ ಭವಂತಿ ||{7.11.2}, {7.1.11.2}, {5.2.14.2} |
| 100 | ತ್ರಿಶ್ಚಿ॑ದ॒ಕ್ತೋಃ ಪ್ರ ಚಿ॑ಕಿತು॒ರ್ವಸೂ᳚ನಿ॒ ತ್ವೇ ಅಂ॒ತರ್ದಾ॒ಶುಷೇ॒ ಮರ್ತ್ಯಾ᳚ಯ | ಮ॒ನು॒ಷ್ವದ॑ಗ್ನ ಇ॒ಹ ಯ॑ಕ್ಷಿ ದೇ॒ವಾನ್ಭವಾ᳚ ನೋ ದೂ॒ತೋ ಅ॑ಭಿಶಸ್ತಿ॒ಪಾವಾ᳚ ||{7.11.3}, {7.1.11.3}, {5.2.14.3} |
| 101 | ಅ॒ಗ್ನಿರೀ᳚ಶೇ ಬೃಹ॒ತೋ ಅ॑ಧ್ವ॒ರಸ್ಯಾ॒ಗ್ನಿರ್ವಿಶ್ವ॑ಸ್ಯ ಹ॒ವಿಷಃ॑ ಕೃ॒ತಸ್ಯ॑ | ಕ್ರತುಂ॒ ಹ್ಯ॑ಸ್ಯ॒ ವಸ॑ವೋ ಜು॒ಷಂತಾಥಾ᳚ ದೇ॒ವಾ ದ॑ಧಿರೇ ಹವ್ಯ॒ವಾಹಂ᳚ ||{7.11.4}, {7.1.11.4}, {5.2.14.4} |
| 102 | ಆಗ್ನೇ᳚ ವಹ ಹವಿ॒ರದ್ಯಾ᳚ಯ ದೇ॒ವಾನಿಂದ್ರ॑ಜ್ಯೇಷ್ಠಾಸ ಇ॒ಹ ಮಾ᳚ದಯಂತಾಂ | ಇ॒ಮಂ ಯ॒ಜ್ಞಂ ದಿ॒ವಿ ದೇ॒ವೇಷು॑ ಧೇಹಿ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.11.5}, {7.1.11.5}, {5.2.14.5} |
| [12] (1-3) ತೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 103 | ಅಗ᳚ನ್ಮ ಮ॒ಹಾ ನಮ॑ಸಾ॒ ಯವಿ॑ಷ್ಠಂ॒ ಯೋ ದೀ॒ದಾಯ॒ ಸಮಿ॑ದ್ಧಃ॒ ಸ್ವೇ ದು॑ರೋ॒ಣೇ | ಚಿ॒ತ್ರಭಾ᳚ನುಂ॒ ರೋದ॑ಸೀ ಅಂ॒ತರು॒ರ್ವೀ ಸ್ವಾ᳚ಹುತಂ ವಿ॒ಶ್ವತಃ॑ ಪ್ರ॒ತ್ಯಂಚಂ᳚ ||{7.12.1}, {7.1.12.1}, {5.2.15.1} |
| 104 | ಸ ಮ॒ಹ್ನಾ ವಿಶ್ವಾ᳚ ದುರಿ॒ತಾನಿ॑ ಸಾ॒ಹ್ವಾನ॒ಗ್ನಿಃ ಷ್ಟ॑ವೇ॒ ದಮ॒ ಆ ಜಾ॒ತವೇ᳚ದಾಃ | ಸ ನೋ᳚ ರಕ್ಷಿಷದ್ದುರಿ॒ತಾದ॑ವ॒ದ್ಯಾದ॒ಸ್ಮಾನ್ಗೃ॑ಣ॒ತ ಉ॒ತ ನೋ᳚ ಮ॒ಘೋನಃ॑ ||{7.12.2}, {7.1.12.2}, {5.2.15.2} |
| 105 | ತ್ವಂ ವರು॑ಣ ಉ॒ತ ಮಿ॒ತ್ರೋ ಅ॑ಗ್ನೇ॒ ತ್ವಾಂ ವ॑ರ್ಧಂತಿ ಮ॒ತಿಭಿ॒ರ್ವಸಿ॑ಷ್ಠಾಃ | ತ್ವೇ ವಸು॑ ಸುಷಣ॒ನಾನಿ॑ ಸಂತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.12.3}, {7.1.12.3}, {5.2.15.3} |
| [13] (1-3) ತೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವೈಶ್ವಾನರೋಽಗ್ನಿರ್ದೇವತಾ | ತ್ರಿಷ್ಟುಪ್ ಛಂದಃ || | |
| 106 | ಪ್ರಾಗ್ನಯೇ᳚ ವಿಶ್ವ॒ಶುಚೇ᳚ ಧಿಯಂ॒ಧೇ᳚ಽಸುರ॒ಘ್ನೇ ಮನ್ಮ॑ ಧೀ॒ತಿಂ ಭ॑ರಧ್ವಂ | ಭರೇ᳚ ಹ॒ವಿರ್ನ ಬ॒ರ್ಹಿಷಿ॑ ಪ್ರೀಣಾ॒ನೋ ವೈ᳚ಶ್ವಾನ॒ರಾಯ॒ ಯತ॑ಯೇ ಮತೀ॒ನಾಂ ||{7.13.1}, {7.1.13.1}, {5.2.16.1} |
| 107 | ತ್ವಮ॑ಗ್ನೇ ಶೋ॒ಚಿಷಾ॒ ಶೋಶು॑ಚಾನ॒ ಆ ರೋದ॑ಸೀ ಅಪೃಣಾ॒ ಜಾಯ॑ಮಾನಃ | ತ್ವಂ ದೇ॒ವಾಁ ಅ॒ಭಿಶ॑ಸ್ತೇರಮುಂಚೋ॒ ವೈಶ್ವಾ᳚ನರ ಜಾತವೇದೋ ಮಹಿ॒ತ್ವಾ ||{7.13.2}, {7.1.13.2}, {5.2.16.2} |
| 108 | ಜಾ॒ತೋ ಯದ॑ಗ್ನೇ॒ ಭುವ॑ನಾ॒ ವ್ಯಖ್ಯಃ॑ ಪ॒ಶೂನ್ನ ಗೋ॒ಪಾ ಇರ್ಯಃ॒ ಪರಿ॑ಜ್ಮಾ | ವೈಶ್ವಾ᳚ನರ॒ ಬ್ರಹ್ಮ॑ಣೇ ವಿಂದ ಗಾ॒ತುಂ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.13.3}, {7.1.13.3}, {5.2.16.3} |
| [14] (1-3) ತೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | (1) ಪ್ರಥಮ! ಬೃಹತೀ, (2-3) ದ್ವಿತೀಯಾತೃತೀಯಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 109 | ಸ॒ಮಿಧಾ᳚ ಜಾ॒ತವೇ᳚ದಸೇ ದೇ॒ವಾಯ॑ ದೇ॒ವಹೂ᳚ತಿಭಿಃ | ಹ॒ವಿರ್ಭಿಃ॑ ಶು॒ಕ್ರಶೋ᳚ಚಿಷೇ ನಮ॒ಸ್ವಿನೋ᳚ ವ॒ಯಂ ದಾ᳚ಶೇಮಾ॒ಗ್ನಯೇ᳚ ||{7.14.1}, {7.1.14.1}, {5.2.17.1} |
| 110 | ವ॒ಯಂ ತೇ᳚ ಅಗ್ನೇ ಸ॒ಮಿಧಾ᳚ ವಿಧೇಮ ವ॒ಯಂ ದಾ᳚ಶೇಮ ಸುಷ್ಟು॒ತೀ ಯ॑ಜತ್ರ | ವ॒ಯಂ ಘೃ॒ತೇನಾ᳚ಧ್ವರಸ್ಯ ಹೋತರ್ವ॒ಯಂ ದೇ᳚ವ ಹ॒ವಿಷಾ᳚ ಭದ್ರಶೋಚೇ ||{7.14.2}, {7.1.14.2}, {5.2.17.2} |
| 111 | ಆ ನೋ᳚ ದೇ॒ವೇಭಿ॒ರುಪ॑ ದೇ॒ವಹೂ᳚ತಿ॒ಮಗ್ನೇ᳚ ಯಾ॒ಹಿ ವಷ॑ಟ್ಕೃತಿಂ ಜುಷಾ॒ಣಃ | ತುಭ್ಯಂ᳚ ದೇ॒ವಾಯ॒ ದಾಶ॑ತಃ ಸ್ಯಾಮ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.14.3}, {7.1.14.3}, {5.2.17.3} |
| [15] (1-15) ಪಂಚದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ಗಾಯತ್ರೀ ಛಂದಃ || | |
| 112 | ಉ॒ಪ॒ಸದ್ಯಾ᳚ಯ ಮೀ॒ಳ್ಹುಷ॑ ಆ॒ಸ್ಯೇ᳚ ಜುಹುತಾ ಹ॒ವಿಃ | ಯೋ ನೋ॒ ನೇದಿ॑ಷ್ಠ॒ಮಾಪ್ಯಂ᳚ ||{7.15.1}, {7.1.15.1}, {5.2.18.1} |
| 113 | ಯಃ ಪಂಚ॑ ಚರ್ಷ॒ಣೀರ॒ಭಿ ನಿ॑ಷ॒ಸಾದ॒ ದಮೇ᳚ದಮೇ | ಕ॒ವಿರ್ಗೃ॒ಹಪ॑ತಿ॒ರ್ಯುವಾ᳚ ||{7.15.2}, {7.1.15.2}, {5.2.18.2} |
| 114 | ಸ ನೋ॒ ವೇದೋ᳚ ಅ॒ಮಾತ್ಯ॑ಮ॒ಗ್ನೀ ರ॑ಕ್ಷತು ವಿ॒ಶ್ವತಃ॑ | ಉ॒ತಾಸ್ಮಾನ್ಪಾ॒ತ್ವಂಹ॑ಸಃ ||{7.15.3}, {7.1.15.3}, {5.2.18.3} |
| 115 | ನವಂ॒ ನು ಸ್ತೋಮ॑ಮ॒ಗ್ನಯೇ᳚ ದಿ॒ವಃ ಶ್ಯೇ॒ನಾಯ॑ ಜೀಜನಂ | ವಸ್ವಃ॑ ಕು॒ವಿದ್ವ॒ನಾತಿ॑ ನಃ ||{7.15.4}, {7.1.15.4}, {5.2.18.4} |
| 116 | ಸ್ಪಾ॒ರ್ಹಾ ಯಸ್ಯ॒ ಶ್ರಿಯೋ᳚ ದೃ॒ಶೇ ರ॒ಯಿರ್ವೀ॒ರವ॑ತೋ ಯಥಾ | ಅಗ್ರೇ᳚ ಯ॒ಜ್ಞಸ್ಯ॒ ಶೋಚ॑ತಃ ||{7.15.5}, {7.1.15.5}, {5.2.18.5} |
| 117 | ಸೇಮಾಂ ವೇ᳚ತು॒ ವಷ॑ಟ್ಕೃತಿಮ॒ಗ್ನಿರ್ಜು॑ಷತ ನೋ॒ ಗಿರಃ॑ | ಯಜಿ॑ಷ್ಠೋ ಹವ್ಯ॒ವಾಹ॑ನಃ ||{7.15.6}, {7.1.15.6}, {5.2.19.1} |
| 118 | ನಿ ತ್ವಾ᳚ ನಕ್ಷ್ಯ ವಿಶ್ಪತೇ ದ್ಯು॒ಮಂತಂ᳚ ದೇವ ಧೀಮಹಿ | ಸು॒ವೀರ॑ಮಗ್ನ ಆಹುತ ||{7.15.7}, {7.1.15.7}, {5.2.19.2} |
| 119 | ಕ್ಷಪ॑ ಉ॒ಸ್ರಶ್ಚ॑ ದೀದಿಹಿ ಸ್ವ॒ಗ್ನಯ॒ಸ್ತ್ವಯಾ᳚ ವ॒ಯಂ | ಸು॒ವೀರ॒ಸ್ತ್ವಮ॑ಸ್ಮ॒ಯುಃ ||{7.15.8}, {7.1.15.8}, {5.2.19.3} |
| 120 | ಉಪ॑ ತ್ವಾ ಸಾ॒ತಯೇ॒ ನರೋ॒ ವಿಪ್ರಾ᳚ಸೋ ಯಂತಿ ಧೀ॒ತಿಭಿಃ॑ | ಉಪಾಕ್ಷ॑ರಾ ಸಹ॒ಸ್ರಿಣೀ᳚ ||{7.15.9}, {7.1.15.9}, {5.2.19.4} |
| 121 | ಅ॒ಗ್ನೀ ರಕ್ಷಾಂ᳚ಸಿ ಸೇಧತಿ ಶು॒ಕ್ರಶೋ᳚ಚಿ॒ರಮ॑ರ್ತ್ಯಃ | ಶುಚಿಃ॑ ಪಾವ॒ಕ ಈಡ್ಯಃ॑ ||{7.15.10}, {7.1.15.10}, {5.2.19.5} |
| 122 | ಸ ನೋ॒ ರಾಧಾಂ॒ಸ್ಯಾ ಭ॒ರೇಶಾ᳚ನಃ ಸಹಸೋ ಯಹೋ | ಭಗ॑ಶ್ಚ ದಾತು॒ ವಾರ್ಯಂ᳚ ||{7.15.11}, {7.1.15.11}, {5.2.20.1} |
| 123 | ತ್ವಮ॑ಗ್ನೇ ವೀ॒ರವ॒ದ್ಯಶೋ᳚ ದೇ॒ವಶ್ಚ॑ ಸವಿ॒ತಾ ಭಗಃ॑ | ದಿತಿ॑ಶ್ಚ ದಾತಿ॒ ವಾರ್ಯಂ᳚ ||{7.15.12}, {7.1.15.12}, {5.2.20.2} |
| 124 | ಅಗ್ನೇ॒ ರಕ್ಷಾ᳚ ಣೋ॒ ಅಂಹ॑ಸಃ॒ ಪ್ರತಿ॑ ಷ್ಮ ದೇವ॒ ರೀಷ॑ತಃ | ತಪಿ॑ಷ್ಠೈರ॒ಜರೋ᳚ ದಹ ||{7.15.13}, {7.1.15.13}, {5.2.20.3} |
| 125 | ಅಧಾ᳚ ಮ॒ಹೀ ನ॒ ಆಯ॒ಸ್ಯನಾ᳚ಧೃಷ್ಟೋ॒ ನೃಪೀ᳚ತಯೇ | ಪೂರ್ಭ॑ವಾ ಶ॒ತಭು॑ಜಿಃ ||{7.15.14}, {7.1.15.14}, {5.2.20.4} |
| 126 | ತ್ವಂ ನಃ॑ ಪಾ॒ಹ್ಯಂಹ॑ಸೋ॒ ದೋಷಾ᳚ವಸ್ತರಘಾಯ॒ತಃ | ದಿವಾ॒ ನಕ್ತ॑ಮದಾಭ್ಯ ||{7.15.15}, {7.1.15.15}, {5.2.20.5} |
| [16] (1-12) ದ್ವಾದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ಪ್ರಗಾಥಃ ( ವಿಷಮರ್ಚೀ ಬೃಹತೀ ಸಮರ್ಚಾಂ ಸತೋಬೃಹತೀ ) ಛಂದಃ || | |
| 127 | ಏ॒ನಾ ವೋ᳚ ಅ॒ಗ್ನಿಂ ನಮ॑ಸೋ॒ರ್ಜೋ ನಪಾ᳚ತ॒ಮಾ ಹು॑ವೇ | ಪ್ರಿ॒ಯಂ ಚೇತಿ॑ಷ್ಠಮರ॒ತಿಂ ಸ್ವ॑ಧ್ವ॒ರಂ ವಿಶ್ವ॑ಸ್ಯ ದೂ॒ತಮ॒ಮೃತಂ᳚ ||{7.16.1}, {7.1.16.1}, {5.2.21.1} |
| 128 | ಸ ಯೋ᳚ಜತೇ ಅರು॒ಷಾ ವಿ॒ಶ್ವಭೋ᳚ಜಸಾ॒ ಸ ದು॑ದ್ರವ॒ತ್ಸ್ವಾ᳚ಹುತಃ | ಸು॒ಬ್ರಹ್ಮಾ᳚ ಯ॒ಜ್ಞಃ ಸು॒ಶಮೀ॒ ವಸೂ᳚ನಾಂ ದೇ॒ವಂ ರಾಧೋ॒ ಜನಾ᳚ನಾಂ ||{7.16.2}, {7.1.16.2}, {5.2.21.2} |
| 129 | ಉದ॑ಸ್ಯ ಶೋ॒ಚಿರ॑ಸ್ಥಾದಾ॒ಜುಹ್ವಾ᳚ನಸ್ಯ ಮೀ॒ಳ್ಹುಷಃ॑ | ಉದ್ಧೂ॒ಮಾಸೋ᳚ ಅರು॒ಷಾಸೋ᳚ ದಿವಿ॒ಸ್ಪೃಶಃ॒ ಸಮ॒ಗ್ನಿಮಿಂ᳚ಧತೇ॒ ನರಃ॑ ||{7.16.3}, {7.1.16.3}, {5.2.21.3} |
| 130 | ತಂ ತ್ವಾ᳚ ದೂ॒ತಂ ಕೃ॑ಣ್ಮಹೇ ಯ॒ಶಸ್ತ॑ಮಂ ದೇ॒ವಾಁ ಆ ವೀ॒ತಯೇ᳚ ವಹ | ವಿಶ್ವಾ᳚ ಸೂನೋ ಸಹಸೋ ಮರ್ತ॒ಭೋಜ॑ನಾ॒ ರಾಸ್ವ॒ ತದ್ಯತ್ತ್ವೇಮ॑ಹೇ ||{7.16.4}, {7.1.16.4}, {5.2.21.4} |
| 131 | ತ್ವಮ॑ಗ್ನೇ ಗೃ॒ಹಪ॑ತಿ॒ಸ್ತ್ವಂ ಹೋತಾ᳚ ನೋ ಅಧ್ವ॒ರೇ | ತ್ವಂ ಪೋತಾ᳚ ವಿಶ್ವವಾರ॒ ಪ್ರಚೇ᳚ತಾ॒ ಯಕ್ಷಿ॒ ವೇಷಿ॑ ಚ॒ ವಾರ್ಯಂ᳚ ||{7.16.5}, {7.1.16.5}, {5.2.21.5} |
| 132 | ಕೃ॒ಧಿ ರತ್ನಂ॒ ಯಜ॑ಮಾನಾಯ ಸುಕ್ರತೋ॒ ತ್ವಂ ಹಿ ರ॑ತ್ನ॒ಧಾ ಅಸಿ॑ | ಆ ನ॑ ಋ॒ತೇ ಶಿ॑ಶೀಹಿ॒ ವಿಶ್ವ॑ಮೃ॒ತ್ವಿಜಂ᳚ ಸು॒ಶಂಸೋ॒ ಯಶ್ಚ॒ ದಕ್ಷ॑ತೇ ||{7.16.6}, {7.1.16.6}, {5.2.21.6} |
| 133 | ತ್ವೇ ಅ॑ಗ್ನೇ ಸ್ವಾಹುತ ಪ್ರಿ॒ಯಾಸಃ॑ ಸಂತು ಸೂ॒ರಯಃ॑ | ಯಂ॒ತಾರೋ॒ ಯೇ ಮ॒ಘವಾ᳚ನೋ॒ ಜನಾ᳚ನಾಮೂ॒ರ್ವಾಂದಯಂ᳚ತ॒ ಗೋನಾಂ᳚ ||{7.16.7}, {7.1.16.7}, {5.2.22.1} |
| 134 | ಯೇಷಾ॒ಮಿಳಾ᳚ ಘೃ॒ತಹ॑ಸ್ತಾ ದುರೋ॒ಣ ಆಁ ಅಪಿ॑ ಪ್ರಾ॒ತಾ ನಿ॒ಷೀದ॑ತಿ | ತಾಁಸ್ತ್ರಾ᳚ಯಸ್ವ ಸಹಸ್ಯ ದ್ರು॒ಹೋ ನಿ॒ದೋ ಯಚ್ಛಾ᳚ ನಃ॒ ಶರ್ಮ॑ ದೀರ್ಘ॒ಶ್ರುತ್ ||{7.16.8}, {7.1.16.8}, {5.2.22.2} |
| 135 | ಸ ಮಂ॒ದ್ರಯಾ᳚ ಚ ಜಿ॒ಹ್ವಯಾ॒ ವಹ್ನಿ॑ರಾ॒ಸಾ ವಿ॒ದುಷ್ಟ॑ರಃ | ಅಗ್ನೇ᳚ ರ॒ಯಿಂ ಮ॒ಘವ॑ದ್ಭ್ಯೋ ನ॒ ಆ ವ॑ಹ ಹ॒ವ್ಯದಾ᳚ತಿಂ ಚ ಸೂದಯ ||{7.16.9}, {7.1.16.9}, {5.2.22.3} |
| 136 | ಯೇ ರಾಧಾಂ᳚ಸಿ॒ ದದ॒ತ್ಯಶ್ವ್ಯಾ᳚ ಮ॒ಘಾ ಕಾಮೇ᳚ನ॒ ಶ್ರವ॑ಸೋ ಮ॒ಹಃ | ತಾಁ ಅಂಹ॑ಸಃ ಪಿಪೃಹಿ ಪ॒ರ್ತೃಭಿ॒ಷ್ಟ್ವಂ ಶ॒ತಂ ಪೂ॒ರ್ಭಿರ್ಯ॑ವಿಷ್ಠ್ಯ ||{7.16.10}, {7.1.16.10}, {5.2.22.4} |
| 137 | ದೇ॒ವೋ ವೋ᳚ ದ್ರವಿಣೋ॒ದಾಃ ಪೂ॒ರ್ಣಾಂ ವಿ॑ವಷ್ಟ್ಯಾ॒ಸಿಚಂ᳚ | ಉದ್ವಾ᳚ ಸಿಂ॒ಚಧ್ವ॒ಮುಪ॑ ವಾ ಪೃಣಧ್ವ॒ಮಾದಿದ್ವೋ᳚ ದೇ॒ವ ಓ᳚ಹತೇ ||{7.16.11}, {7.1.16.11}, {5.2.22.5} |
| 138 | ತಂ ಹೋತಾ᳚ರಮಧ್ವ॒ರಸ್ಯ॒ ಪ್ರಚೇ᳚ತಸಂ॒ ವಹ್ನಿಂ᳚ ದೇ॒ವಾ ಅ॑ಕೃಣ್ವತ | ದಧಾ᳚ತಿ॒ ರತ್ನಂ᳚ ವಿಧ॒ತೇ ಸು॒ವೀರ್ಯ॑ಮ॒ಗ್ನಿರ್ಜನಾ᳚ಯ ದಾ॒ಶುಷೇ᳚ ||{7.16.12}, {7.1.16.12}, {5.2.22.6} |
| [17] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಗ್ನಿರ್ದೇವತಾ | ದ್ವಿಪದಾ ತ್ರಿಷ್ಟುಪ್ ಛಂದಃ || | |
| 139 | ಅಗ್ನೇ॒ ಭವ॑ ಸುಷ॒ಮಿಧಾ॒ ಸಮಿ॑ದ್ಧ ಉ॒ತ ಬ॒ರ್ಹಿರು᳚ರ್ವಿ॒ಯಾ ವಿ ಸ್ತೃ॑ಣೀತಾಂ ||{7.17.1}, {7.1.17.1}, {5.2.23.1} |
| 140 | ಉ॒ತ ದ್ವಾರ॑ ಉಶ॒ತೀರ್ವಿ ಶ್ರ॑ಯಂತಾಮು॒ತ ದೇ॒ವಾಁ ಉ॑ಶ॒ತ ಆ ವ॑ಹೇ॒ಹ ||{7.17.2}, {7.1.17.2}, {5.2.23.2} |
| 141 | ಅಗ್ನೇ᳚ ವೀ॒ಹಿ ಹ॒ವಿಷಾ॒ ಯಕ್ಷಿ॑ ದೇ॒ವಾನ್ಸ್ವ॑ಧ್ವ॒ರಾ ಕೃ॑ಣುಹಿ ಜಾತವೇದಃ ||{7.17.3}, {7.1.17.3}, {5.2.23.3} |
| 142 | ಸ್ವ॒ಧ್ವ॒ರಾ ಕ॑ರತಿ ಜಾ॒ತವೇ᳚ದಾ॒ ಯಕ್ಷ॑ದ್ದೇ॒ವಾಁ ಅ॒ಮೃತಾ᳚ನ್ಪಿ॒ಪ್ರಯ॑ಚ್ಚ ||{7.17.4}, {7.1.17.4}, {5.2.23.4} |
| 143 | ವಂಸ್ವ॒ ವಿಶ್ವಾ॒ ವಾರ್ಯಾ᳚ಣಿ ಪ್ರಚೇತಃ ಸ॒ತ್ಯಾ ಭ॑ವಂತ್ವಾ॒ಶಿಷೋ᳚ ನೋ ಅ॒ದ್ಯ ||{7.17.5}, {7.1.17.5}, {5.2.23.5} |
| 144 | ತ್ವಾಮು॒ ತೇ ದ॑ಧಿರೇ ಹವ್ಯ॒ವಾಹಂ᳚ ದೇ॒ವಾಸೋ᳚ ಅಗ್ನ ಊ॒ರ್ಜ ಆ ನಪಾ᳚ತಂ ||{7.17.6}, {7.1.17.6}, {5.2.23.6} |
| 145 | ತೇ ತೇ᳚ ದೇ॒ವಾಯ॒ ದಾಶ॑ತಃ ಸ್ಯಾಮ ಮ॒ಹೋ ನೋ॒ ರತ್ನಾ॒ ವಿ ದ॑ಧ ಇಯಾ॒ನಃ ||{7.17.7}, {7.1.17.7}, {5.2.23.7} |
| [18] (1-25) ಪಂಚವಿಂಶತ್ಯೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-21) ಪ್ರಥಮಾಯೇಕವಿಂಶತ್ರ್ಯಚಾಮಿಂದ್ರಃ, (22-25) ದ್ವಾವಿಂಶ್ಯಾದಿಚತಸೃಣಾಂಚ ಪೈಜವನಸ್ಯ ಸುದಾಸೋ ದಾನಸ್ತುತಿದೇವತೇ | ತ್ರಿಷ್ಟುಪ್ ಛಂದಃ || | |
| 146 | ತ್ವೇ ಹ॒ ಯತ್ಪಿ॒ತರ॑ಶ್ಚಿನ್ನ ಇಂದ್ರ॒ ವಿಶ್ವಾ᳚ ವಾ॒ಮಾ ಜ॑ರಿ॒ತಾರೋ॒ ಅಸ᳚ನ್ವನ್ | ತ್ವೇ ಗಾವಃ॑ ಸು॒ದುಘಾ॒ಸ್ತ್ವೇ ಹ್ಯಶ್ವಾ॒ಸ್ತ್ವಂ ವಸು॑ ದೇವಯ॒ತೇ ವನಿ॑ಷ್ಠಃ ||{7.18.1}, {7.2.1.1}, {5.2.24.1} |
| 147 | ರಾಜೇ᳚ವ॒ ಹಿ ಜನಿ॑ಭಿಃ॒ ಕ್ಷೇಷ್ಯೇ॒ವಾವ॒ ದ್ಯುಭಿ॑ರ॒ಭಿ ವಿ॒ದುಷ್ಕ॒ವಿಃ ಸನ್ | ಪಿ॒ಶಾ ಗಿರೋ᳚ ಮಘವ॒ನ್ಗೋಭಿ॒ರಶ್ವೈ᳚ಸ್ತ್ವಾಯ॒ತಃ ಶಿ॑ಶೀಹಿ ರಾ॒ಯೇ ಅ॒ಸ್ಮಾನ್ ||{7.18.2}, {7.2.1.2}, {5.2.24.2} |
| 148 | ಇ॒ಮಾ ಉ॑ ತ್ವಾ ಪಸ್ಪೃಧಾ॒ನಾಸೋ॒ ಅತ್ರ॑ ಮಂ॒ದ್ರಾ ಗಿರೋ᳚ ದೇವ॒ಯಂತೀ॒ರುಪ॑ ಸ್ಥುಃ | ಅ॒ರ್ವಾಚೀ᳚ ತೇ ಪ॒ಥ್ಯಾ᳚ ರಾ॒ಯ ಏ᳚ತು॒ ಸ್ಯಾಮ॑ ತೇ ಸುಮ॒ತಾವಿಂ᳚ದ್ರ॒ ಶರ್ಮ॑ನ್ ||{7.18.3}, {7.2.1.3}, {5.2.24.3} |
| 149 | ಧೇ॒ನುಂ ನ ತ್ವಾ᳚ ಸೂ॒ಯವ॑ಸೇ॒ ದುದು॑ಕ್ಷ॒ನ್ನುಪ॒ ಬ್ರಹ್ಮಾ᳚ಣಿ ಸಸೃಜೇ॒ ವಸಿ॑ಷ್ಠಃ | ತ್ವಾಮಿನ್ಮೇ॒ ಗೋಪ॑ತಿಂ॒ ವಿಶ್ವ॑ ಆ॒ಹಾ ನ॒ ಇಂದ್ರಃ॑ ಸುಮ॒ತಿಂ ಗಂ॒ತ್ವಚ್ಛ॑ ||{7.18.4}, {7.2.1.4}, {5.2.24.4} |
| 150 | ಅರ್ಣಾಂ᳚ಸಿ ಚಿತ್ಪಪ್ರಥಾ॒ನಾ ಸು॒ದಾಸ॒ ಇಂದ್ರೋ᳚ ಗಾ॒ಧಾನ್ಯ॑ಕೃಣೋತ್ಸುಪಾ॒ರಾ | ಶರ್ಧಂ᳚ತಂ ಶಿ॒ಮ್ಯುಮು॒ಚಥ॑ಸ್ಯ॒ ನವ್ಯಃ॒ ಶಾಪಂ॒ ಸಿಂಧೂ᳚ನಾಮಕೃಣೋ॒ದಶ॑ಸ್ತೀಃ ||{7.18.5}, {7.2.1.5}, {5.2.24.5} |
| 151 | ಪು॒ರೋ॒ಳಾ ಇತ್ತು॒ರ್ವಶೋ॒ ಯಕ್ಷು॑ರಾಸೀದ್ರಾ॒ಯೇ ಮತ್ಸ್ಯಾ᳚ಸೋ॒ ನಿಶಿ॑ತಾ॒ ಅಪೀ᳚ವ | ಶ್ರು॒ಷ್ಟಿಂ ಚ॑ಕ್ರು॒ರ್ಭೃಗ॑ವೋ ದ್ರು॒ಹ್ಯವ॑ಶ್ಚ॒ ಸಖಾ॒ ಸಖಾ᳚ಯಮತರ॒ದ್ವಿಷೂ᳚ಚೋಃ ||{7.18.6}, {7.2.1.6}, {5.2.25.1} |
| 152 | ಆ ಪ॒ಕ್ಥಾಸೋ᳚ ಭಲಾ॒ನಸೋ᳚ ಭನಂ॒ತಾಲಿ॑ನಾಸೋ ವಿಷಾ॒ಣಿನಃ॑ ಶಿ॒ವಾಸಃ॑ | ಆ ಯೋಽನ॑ಯತ್ಸಧ॒ಮಾ ಆರ್ಯ॑ಸ್ಯ ಗ॒ವ್ಯಾ ತೃತ್ಸು॑ಭ್ಯೋ ಅಜಗನ್ಯು॒ಧಾ ನೄನ್ ||{7.18.7}, {7.2.1.7}, {5.2.25.2} |
| 153 | ದು॒ರಾ॒ಧ್ಯೋ॒೩॑(ಓ॒) ಅದಿ॑ತಿಂ ಸ್ರೇ॒ವಯಂ᳚ತೋಽಚೇ॒ತಸೋ॒ ವಿ ಜ॑ಗೃಭ್ರೇ॒ ಪರು॑ಷ್ಣೀಂ | ಮ॒ಹ್ನಾವಿ᳚ವ್ಯಕ್ಪೃಥಿ॒ವೀಂ ಪತ್ಯ॑ಮಾನಃ ಪ॒ಶುಷ್ಕ॒ವಿರ॑ಶಯ॒ಚ್ಚಾಯ॑ಮಾನಃ ||{7.18.8}, {7.2.1.8}, {5.2.25.3} |
| 154 | ಈ॒ಯುರರ್ಥಂ॒ ನ ನ್ಯ॒ರ್ಥಂ ಪರು॑ಷ್ಣೀಮಾ॒ಶುಶ್ಚ॒ನೇದ॑ಭಿಪಿ॒ತ್ವಂ ಜ॑ಗಾಮ | ಸು॒ದಾಸ॒ ಇಂದ್ರಃ॑ ಸು॒ತುಕಾಁ᳚ ಅ॒ಮಿತ್ರಾ॒ನರಂ᳚ಧಯ॒ನ್ಮಾನು॑ಷೇ॒ ವಧ್ರಿ॑ವಾಚಃ ||{7.18.9}, {7.2.1.9}, {5.2.25.4} |
| 155 | ಈ॒ಯುರ್ಗಾವೋ॒ ನ ಯವ॑ಸಾ॒ದಗೋ᳚ಪಾ ಯಥಾಕೃ॒ತಮ॒ಭಿ ಮಿ॒ತ್ರಂ ಚಿ॒ತಾಸಃ॑ | ಪೃಶ್ನಿ॑ಗಾವಃ॒ ಪೃಶ್ನಿ॑ನಿಪ್ರೇಷಿತಾಸಃ ಶ್ರು॒ಷ್ಟಿಂ ಚ॑ಕ್ರುರ್ನಿ॒ಯುತೋ॒ ರಂತ॑ಯಶ್ಚ ||{7.18.10}, {7.2.1.10}, {5.2.25.5} |
| 156 | ಏಕಂ᳚ ಚ॒ ಯೋ ವಿಂ᳚ಶ॒ತಿಂ ಚ॑ ಶ್ರವ॒ಸ್ಯಾ ವೈ᳚ಕ॒ರ್ಣಯೋ॒ರ್ಜನಾ॒ನ್ರಾಜಾ॒ ನ್ಯಸ್ತಃ॑ | ದ॒ಸ್ಮೋ ನ ಸದ್ಮ॒ನ್ನಿ ಶಿ॑ಶಾತಿ ಬ॒ರ್ಹಿಃ ಶೂರಃ॒ ಸರ್ಗ॑ಮಕೃಣೋ॒ದಿಂದ್ರ॑ ಏಷಾಂ ||{7.18.11}, {7.2.1.11}, {5.2.26.1} |
| 157 | ಅಧ॑ ಶ್ರು॒ತಂ ಕ॒ವಷಂ᳚ ವೃ॒ದ್ಧಮ॒ಪ್ಸ್ವನು॑ ದ್ರು॒ಹ್ಯುಂ ನಿ ವೃ॑ಣ॒ಗ್ವಜ್ರ॑ಬಾಹುಃ | ವೃ॒ಣಾ॒ನಾ ಅತ್ರ॑ ಸ॒ಖ್ಯಾಯ॑ ಸ॒ಖ್ಯಂ ತ್ವಾ॒ಯಂತೋ॒ ಯೇ ಅಮ॑ದ॒ನ್ನನು॑ ತ್ವಾ ||{7.18.12}, {7.2.1.12}, {5.2.26.2} |
| 158 | ವಿ ಸ॒ದ್ಯೋ ವಿಶ್ವಾ᳚ ದೃಂಹಿ॒ತಾನ್ಯೇ᳚ಷಾ॒ಮಿಂದ್ರಃ॒ ಪುರಃ॒ ಸಹ॑ಸಾ ಸ॒ಪ್ತ ದ॑ರ್ದಃ | ವ್ಯಾನ॑ವಸ್ಯ॒ ತೃತ್ಸ॑ವೇ॒ ಗಯಂ᳚ ಭಾ॒ಗ್ಜೇಷ್ಮ॑ ಪೂ॒ರುಂ ವಿ॒ದಥೇ᳚ ಮೃ॒ಧ್ರವಾ᳚ಚಂ ||{7.18.13}, {7.2.1.13}, {5.2.26.3} |
| 159 | ನಿ ಗ॒ವ್ಯವೋಽನ॑ವೋ ದ್ರು॒ಹ್ಯವ॑ಶ್ಚ ಷ॒ಷ್ಟಿಃ ಶ॒ತಾ ಸು॑ಷುಪುಃ॒ ಷಟ್ ಸ॒ಹಸ್ರಾ᳚ | ಷ॒ಷ್ಟಿರ್ವೀ॒ರಾಸೋ॒ ಅಧಿ॒ ಷಡ್ದು॑ವೋ॒ಯು ವಿಶ್ವೇದಿಂದ್ರ॑ಸ್ಯ ವೀ॒ರ್ಯಾ᳚ ಕೃ॒ತಾನಿ॑ ||{7.18.14}, {7.2.1.14}, {5.2.26.4} |
| 160 | ಇಂದ್ರೇ᳚ಣೈ॒ತೇ ತೃತ್ಸ॑ವೋ॒ ವೇವಿ॑ಷಾಣಾ॒ ಆಪೋ॒ ನ ಸೃ॒ಷ್ಟಾ ಅ॑ಧವಂತ॒ ನೀಚೀಃ᳚ | ದು॒ರ್ಮಿ॒ತ್ರಾಸಃ॑ ಪ್ರಕಲ॒ವಿನ್ಮಿಮಾ᳚ನಾ ಜ॒ಹುರ್ವಿಶ್ವಾ᳚ನಿ॒ ಭೋಜ॑ನಾ ಸು॒ದಾಸೇ᳚ ||{7.18.15}, {7.2.1.15}, {5.2.26.5} |
| 161 | ಅ॒ರ್ಧಂ ವೀ॒ರಸ್ಯ॑ ಶೃತ॒ಪಾಮ॑ನಿಂ॒ದ್ರಂ ಪರಾ॒ ಶರ್ಧಂ᳚ತಂ ನುನುದೇ ಅ॒ಭಿ ಕ್ಷಾಂ | ಇಂದ್ರೋ᳚ ಮ॒ನ್ಯುಂ ಮ᳚ನ್ಯು॒ಮ್ಯೋ᳚ ಮಿಮಾಯ ಭೇ॒ಜೇ ಪ॒ಥೋ ವ॑ರ್ತ॒ನಿಂ ಪತ್ಯ॑ಮಾನಃ ||{7.18.16}, {7.2.1.16}, {5.2.27.1} |
| 162 | ಆ॒ಧ್ರೇಣ॑ ಚಿ॒ತ್ತದ್ವೇಕಂ᳚ ಚಕಾರ ಸಿಂ॒ಹ್ಯಂ᳚ ಚಿ॒ತ್ಪೇತ್ವೇ᳚ನಾ ಜಘಾನ | ಅವ॑ ಸ್ರ॒ಕ್ತೀರ್ವೇ॒ಶ್ಯಾ᳚ವೃಶ್ಚ॒ದಿಂದ್ರಃ॒ ಪ್ರಾಯ॑ಚ್ಛ॒ದ್ವಿಶ್ವಾ॒ ಭೋಜ॑ನಾ ಸು॒ದಾಸೇ᳚ ||{7.18.17}, {7.2.1.17}, {5.2.27.2} |
| 163 | ಶಶ್ವಂ᳚ತೋ॒ ಹಿ ಶತ್ರ॑ವೋ ರಾರ॒ಧುಷ್ಟೇ᳚ ಭೇ॒ದಸ್ಯ॑ ಚಿ॒ಚ್ಛರ್ಧ॑ತೋ ವಿಂದ॒ ರಂಧಿಂ᳚ | ಮರ್ತಾಁ॒ ಏನಃ॑ ಸ್ತುವ॒ತೋ ಯಃ ಕೃ॒ಣೋತಿ॑ ತಿ॒ಗ್ಮಂ ತಸ್ಮಿ॒ನ್ನಿ ಜ॑ಹಿ॒ ವಜ್ರ॑ಮಿಂದ್ರ ||{7.18.18}, {7.2.1.18}, {5.2.27.3} |
| 164 | ಆವ॒ದಿಂದ್ರಂ᳚ ಯ॒ಮುನಾ॒ ತೃತ್ಸ॑ವಶ್ಚ॒ ಪ್ರಾತ್ರ॑ ಭೇ॒ದಂ ಸ॒ರ್ವತಾ᳚ತಾ ಮುಷಾಯತ್ | ಅ॒ಜಾಸ॑ಶ್ಚ॒ ಶಿಗ್ರ॑ವೋ॒ ಯಕ್ಷ॑ವಶ್ಚ ಬ॒ಲಿಂ ಶೀ॒ರ್ಷಾಣಿ॑ ಜಭ್ರು॒ರಶ್ವ್ಯಾ᳚ನಿ ||{7.18.19}, {7.2.1.19}, {5.2.27.4} |
| 165 | ನ ತ॑ ಇಂದ್ರ ಸುಮ॒ತಯೋ॒ ನ ರಾಯಃ॑ ಸಂ॒ಚಕ್ಷೇ॒ ಪೂರ್ವಾ᳚ ಉ॒ಷಸೋ॒ ನ ನೂತ್ನಾಃ᳚ | ದೇವ॑ಕಂ ಚಿನ್ಮಾನ್ಯಮಾ॒ನಂ ಜ॑ಘಂ॒ಥಾವ॒ ತ್ಮನಾ᳚ ಬೃಹ॒ತಃ ಶಂಬ॑ರಂ ಭೇತ್ ||{7.18.20}, {7.2.1.20}, {5.2.27.5} |
| 166 | ಪ್ರ ಯೇ ಗೃ॒ಹಾದಮ॑ಮದುಸ್ತ್ವಾ॒ಯಾ ಪ॑ರಾಶ॒ರಃ ಶ॒ತಯಾ᳚ತು॒ರ್ವಸಿ॑ಷ್ಠಃ | ನ ತೇ᳚ ಭೋ॒ಜಸ್ಯ॑ ಸ॒ಖ್ಯಂ ಮೃ॑ಷಂ॒ತಾಧಾ᳚ ಸೂ॒ರಿಭ್ಯಃ॑ ಸು॒ದಿನಾ॒ ವ್ಯು॑ಚ್ಛಾನ್ ||{7.18.21}, {7.2.1.21}, {5.2.28.1} |
| 167 | ದ್ವೇ ನಪ್ತು॑ರ್ದೇ॒ವವ॑ತಃ ಶ॒ತೇ ಗೋರ್ದ್ವಾ ರಥಾ᳚ ವ॒ಧೂಮಂ᳚ತಾ ಸು॒ದಾಸಃ॑ | ಅರ್ಹ᳚ನ್ನಗ್ನೇ ಪೈಜವ॒ನಸ್ಯ॒ ದಾನಂ॒ ಹೋತೇ᳚ವ॒ ಸದ್ಮ॒ ಪರ್ಯೇ᳚ಮಿ॒ ರೇಭ॑ನ್ ||{7.18.22}, {7.2.1.22}, {5.2.28.2} |
| 168 | ಚ॒ತ್ವಾರೋ᳚ ಮಾ ಪೈಜವ॒ನಸ್ಯ॒ ದಾನಾಃ॒ ಸ್ಮದ್ದಿ॑ಷ್ಟಯಃ ಕೃಶ॒ನಿನೋ᳚ ನಿರೇ॒ಕೇ | ಋ॒ಜ್ರಾಸೋ᳚ ಮಾ ಪೃಥಿವಿ॒ಷ್ಠಾಃ ಸು॒ದಾಸ॑ಸ್ತೋ॒ಕಂ ತೋ॒ಕಾಯ॒ ಶ್ರವ॑ಸೇ ವಹಂತಿ ||{7.18.23}, {7.2.1.23}, {5.2.28.3} |
| 169 | ಯಸ್ಯ॒ ಶ್ರವೋ॒ ರೋದ॑ಸೀ ಅಂ॒ತರು॒ರ್ವೀ ಶೀ॒ರ್ಷ್ಣೇಶೀ᳚ರ್ಷ್ಣೇ ವಿಬ॒ಭಾಜಾ᳚ ವಿಭ॒ಕ್ತಾ | ಸ॒ಪ್ತೇದಿಂದ್ರಂ॒ ನ ಸ್ರ॒ವತೋ᳚ ಗೃಣಂತಿ॒ ನಿ ಯು॑ಧ್ಯಾಮ॒ಧಿಮ॑ಶಿಶಾದ॒ಭೀಕೇ᳚ ||{7.18.24}, {7.2.1.24}, {5.2.28.4} |
| 170 | ಇ॒ಮಂ ನ॑ರೋ ಮರುತಃ ಸಶ್ಚ॒ತಾನು॒ ದಿವೋ᳚ದಾಸಂ॒ ನ ಪಿ॒ತರಂ᳚ ಸು॒ದಾಸಃ॑ | ಅ॒ವಿ॒ಷ್ಟನಾ᳚ ಪೈಜವ॒ನಸ್ಯ॒ ಕೇತಂ᳚ ದೂ॒ಣಾಶಂ᳚ ಕ್ಷ॒ತ್ರಮ॒ಜರಂ᳚ ದುವೋ॒ಯು ||{7.18.25}, {7.2.1.25}, {5.2.28.5} |
| [19] (1-11) ಏಕಾದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 171 | ಯಸ್ತಿ॒ಗ್ಮಶೃಂ᳚ಗೋ ವೃಷ॒ಭೋ ನ ಭೀ॒ಮ ಏಕಃ॑ ಕೃ॒ಷ್ಟೀಶ್ಚ್ಯಾ॒ವಯ॑ತಿ॒ ಪ್ರ ವಿಶ್ವಾಃ᳚ | ಯಃ ಶಶ್ವ॑ತೋ॒ ಅದಾ᳚ಶುಷೋ॒ ಗಯ॑ಸ್ಯ ಪ್ರಯಂ॒ತಾಸಿ॒ ಸುಷ್ವಿ॑ತರಾಯ॒ ವೇದಃ॑ ||{7.19.1}, {7.2.2.1}, {5.2.29.1} |
| 172 | ತ್ವಂ ಹ॒ ತ್ಯದಿಂ᳚ದ್ರ॒ ಕುತ್ಸ॑ಮಾವಃ॒ ಶುಶ್ರೂ᳚ಷಮಾಣಸ್ತ॒ನ್ವಾ᳚ ಸಮ॒ರ್ಯೇ | ದಾಸಂ॒ ಯಚ್ಛುಷ್ಣಂ॒ ಕುಯ॑ವಂ॒ ನ್ಯ॑ಸ್ಮಾ॒ ಅರಂ᳚ಧಯ ಆರ್ಜುನೇ॒ಯಾಯ॒ ಶಿಕ್ಷ॑ನ್ ||{7.19.2}, {7.2.2.2}, {5.2.29.2} |
| 173 | ತ್ವಂ ಧೃ॑ಷ್ಣೋ ಧೃಷ॒ತಾ ವೀ॒ತಹ᳚ವ್ಯಂ॒ ಪ್ರಾವೋ॒ ವಿಶ್ವಾ᳚ಭಿರೂ॒ತಿಭಿಃ॑ ಸು॒ದಾಸಂ᳚ | ಪ್ರ ಪೌರು॑ಕುತ್ಸಿಂ ತ್ರ॒ಸದ॑ಸ್ಯುಮಾವಃ॒ ಕ್ಷೇತ್ರ॑ಸಾತಾ ವೃತ್ರ॒ಹತ್ಯೇ᳚ಷು ಪೂ॒ರುಂ ||{7.19.3}, {7.2.2.3}, {5.2.29.3} |
| 174 | ತ್ವಂ ನೃಭಿ᳚ರ್ನೃಮಣೋ ದೇ॒ವವೀ᳚ತೌ॒ ಭೂರೀ᳚ಣಿ ವೃ॒ತ್ರಾ ಹ᳚ರ್ಯಶ್ವ ಹಂಸಿ | ತ್ವಂ ನಿ ದಸ್ಯುಂ॒ ಚುಮು॑ರಿಂ॒ ಧುನಿಂ॒ ಚಾಸ್ವಾ᳚ಪಯೋ ದ॒ಭೀತ॑ಯೇ ಸು॒ಹಂತು॑ ||{7.19.4}, {7.2.2.4}, {5.2.29.4} |
| 175 | ತವ॑ ಚ್ಯೌ॒ತ್ನಾನಿ॑ ವಜ್ರಹಸ್ತ॒ ತಾನಿ॒ ನವ॒ ಯತ್ಪುರೋ᳚ ನವ॒ತಿಂ ಚ॑ ಸ॒ದ್ಯಃ | ನಿ॒ವೇಶ॑ನೇ ಶತತ॒ಮಾವಿ॑ವೇಷೀ॒ರಹಂ᳚ಚ ವೃ॒ತ್ರಂ ನಮು॑ಚಿಮು॒ತಾಹ॑ನ್ ||{7.19.5}, {7.2.2.5}, {5.2.29.5} |
| 176 | ಸನಾ॒ ತಾ ತ॑ ಇಂದ್ರ॒ ಭೋಜ॑ನಾನಿ ರಾ॒ತಹ᳚ವ್ಯಾಯ ದಾ॒ಶುಷೇ᳚ ಸು॒ದಾಸೇ᳚ | ವೃಷ್ಣೇ᳚ ತೇ॒ ಹರೀ॒ ವೃಷ॑ಣಾ ಯುನಜ್ಮಿ॒ ವ್ಯಂತು॒ ಬ್ರಹ್ಮಾ᳚ಣಿ ಪುರುಶಾಕ॒ ವಾಜಂ᳚ ||{7.19.6}, {7.2.2.6}, {5.2.30.1} |
| 177 | ಮಾ ತೇ᳚ ಅ॒ಸ್ಯಾಂ ಸ॑ಹಸಾವ॒ನ್ಪರಿ॑ಷ್ಟಾವ॒ಘಾಯ॑ ಭೂಮ ಹರಿವಃ ಪರಾ॒ದೈ | ತ್ರಾಯ॑ಸ್ವ ನೋಽವೃ॒ಕೇಭಿ॒ರ್ವರೂ᳚ಥೈ॒ಸ್ತವ॑ ಪ್ರಿ॒ಯಾಸಃ॑ ಸೂ॒ರಿಷು॑ ಸ್ಯಾಮ ||{7.19.7}, {7.2.2.7}, {5.2.30.2} |
| 178 | ಪ್ರಿ॒ಯಾಸ॒ ಇತ್ತೇ᳚ ಮಘವನ್ನ॒ಭಿಷ್ಟೌ॒ ನರೋ᳚ ಮದೇಮ ಶರ॒ಣೇ ಸಖಾ᳚ಯಃ | ನಿ ತು॒ರ್ವಶಂ॒ ನಿ ಯಾದ್ವಂ᳚ ಶಿಶೀಹ್ಯತಿಥಿ॒ಗ್ವಾಯ॒ ಶಂಸ್ಯಂ᳚ ಕರಿ॒ಷ್ಯನ್ ||{7.19.8}, {7.2.2.8}, {5.2.30.3} |
| 179 | ಸ॒ದ್ಯಶ್ಚಿ॒ನ್ನು ತೇ ಮ॑ಘವನ್ನ॒ಭಿಷ್ಟೌ॒ ನರಃ॑ ಶಂಸಂತ್ಯುಕ್ಥ॒ಶಾಸ॑ ಉ॒ಕ್ಥಾ | ಯೇ ತೇ॒ ಹವೇ᳚ಭಿ॒ರ್ವಿ ಪ॒ಣೀಁರದಾ᳚ಶನ್ನ॒ಸ್ಮಾನ್ವೃ॑ಣೀಷ್ವ॒ ಯುಜ್ಯಾ᳚ಯ॒ ತಸ್ಮೈ᳚ ||{7.19.9}, {7.2.2.9}, {5.2.30.4} |
| 180 | ಏ॒ತೇ ಸ್ತೋಮಾ᳚ ನ॒ರಾಂ ನೃ॑ತಮ॒ ತುಭ್ಯ॑ಮಸ್ಮ॒ದ್ರ್ಯಂ᳚ಚೋ॒ ದದ॑ತೋ ಮ॒ಘಾನಿ॑ | ತೇಷಾ᳚ಮಿಂದ್ರ ವೃತ್ರ॒ಹತ್ಯೇ᳚ ಶಿ॒ವೋ ಭೂಃ॒ ಸಖಾ᳚ ಚ॒ ಶೂರೋ᳚ಽವಿ॒ತಾ ಚ॑ ನೃ॒ಣಾಂ ||{7.19.10}, {7.2.2.10}, {5.2.30.5} |
| 181 | ನೂ ಇಂ᳚ದ್ರ ಶೂರ॒ ಸ್ತವ॑ಮಾನ ಊ॒ತೀ ಬ್ರಹ್ಮ॑ಜೂತಸ್ತ॒ನ್ವಾ᳚ ವಾವೃಧಸ್ವ | ಉಪ॑ ನೋ॒ ವಾಜಾ᳚ನ್ಮಿಮೀ॒ಹ್ಯುಪ॒ ಸ್ತೀನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.19.11}, {7.2.2.11}, {5.2.30.6} |
| [20] (1-10) ದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 182 | ಉ॒ಗ್ರೋ ಜ॑ಜ್ಞೇ ವೀ॒ರ್ಯಾ᳚ಯ ಸ್ವ॒ಧಾವಾಂ॒ಚಕ್ರಿ॒ರಪೋ॒ ನರ್ಯೋ॒ ಯತ್ಕ॑ರಿ॒ಷ್ಯನ್ | ಜಗ್ಮಿ॒ರ್ಯುವಾ᳚ ನೃ॒ಷದ॑ನ॒ಮವೋ᳚ಭಿಸ್ತ್ರಾ॒ತಾ ನ॒ ಇಂದ್ರ॒ ಏನ॑ಸೋ ಮ॒ಹಶ್ಚಿ॑ತ್ ||{7.20.1}, {7.2.3.1}, {5.3.1.1} |
| 183 | ಹಂತಾ᳚ ವೃ॒ತ್ರಮಿಂದ್ರಃ॒ ಶೂಶು॑ವಾನಃ॒ ಪ್ರಾವೀ॒ನ್ನು ವೀ॒ರೋ ಜ॑ರಿ॒ತಾರ॑ಮೂ॒ತೀ | ಕರ್ತಾ᳚ ಸು॒ದಾಸೇ॒ ಅಹ॒ ವಾ ಉ॑ ಲೋ॒ಕಂ ದಾತಾ॒ ವಸು॒ ಮುಹು॒ರಾ ದಾ॒ಶುಷೇ᳚ ಭೂತ್ ||{7.20.2}, {7.2.3.2}, {5.3.1.2} |
| 184 | ಯು॒ಧ್ಮೋ ಅ॑ನ॒ರ್ವಾ ಖ॑ಜ॒ಕೃತ್ಸ॒ಮದ್ವಾ॒ ಶೂರಃ॑ ಸತ್ರಾ॒ಷಾಡ್ಜ॒ನುಷೇ॒ಮಷಾ᳚ಳ್ಹಃ | ವ್ಯಾ᳚ಸ॒ ಇಂದ್ರಃ॒ ಪೃತ॑ನಾಃ॒ ಸ್ವೋಜಾ॒ ಅಧಾ॒ ವಿಶ್ವಂ᳚ ಶತ್ರೂ॒ಯಂತಂ᳚ ಜಘಾನ ||{7.20.3}, {7.2.3.3}, {5.3.1.3} |
| 185 | ಉ॒ಭೇ ಚಿ॑ದಿಂದ್ರ॒ ರೋದ॑ಸೀ ಮಹಿ॒ತ್ವಾ ಪ॑ಪ್ರಾಥ॒ ತವಿ॑ಷೀಭಿಸ್ತುವಿಷ್ಮಃ | ನಿ ವಜ್ರ॒ಮಿಂದ್ರೋ॒ ಹರಿ॑ವಾ॒ನ್ಮಿಮಿ॑ಕ್ಷ॒ನ್ಸಮಂಧ॑ಸಾ॒ ಮದೇ᳚ಷು॒ ವಾ ಉ॑ವೋಚ ||{7.20.4}, {7.2.3.4}, {5.3.1.4} |
| 186 | ವೃಷಾ᳚ ಜಜಾನ॒ ವೃಷ॑ಣಂ॒ ರಣಾ᳚ಯ॒ ತಮು॑ ಚಿ॒ನ್ನಾರೀ॒ ನರ್ಯಂ᳚ ಸಸೂವ | ಪ್ರ ಯಃ ಸೇ᳚ನಾ॒ನೀರಧ॒ ನೃಭ್ಯೋ॒ ಅಸ್ತೀ॒ನಃ ಸತ್ವಾ᳚ ಗ॒ವೇಷ॑ಣಃ॒ ಸ ಧೃ॒ಷ್ಣುಃ ||{7.20.5}, {7.2.3.5}, {5.3.1.5} |
| 187 | ನೂ ಚಿ॒ತ್ಸ ಭ್ರೇ᳚ಷತೇ॒ ಜನೋ॒ ನ ರೇ᳚ಷ॒ನ್ಮನೋ॒ ಯೋ ಅ॑ಸ್ಯ ಘೋ॒ರಮಾ॒ವಿವಾ᳚ಸಾತ್ | ಯ॒ಜ್ಞೈರ್ಯ ಇಂದ್ರೇ॒ ದಧ॑ತೇ॒ ದುವಾಂ᳚ಸಿ॒ ಕ್ಷಯ॒ತ್ಸ ರಾ॒ಯ ಋ॑ತ॒ಪಾ ಋ॑ತೇ॒ಜಾಃ ||{7.20.6}, {7.2.3.6}, {5.3.2.1} |
| 188 | ಯದಿಂ᳚ದ್ರ॒ ಪೂರ್ವೋ॒ ಅಪ॑ರಾಯ॒ ಶಿಕ್ಷ॒ನ್ನಯ॒ಜ್ಜ್ಯಾಯಾ॒ನ್ಕನೀ᳚ಯಸೋ ದೇ॒ಷ್ಣಂ | ಅ॒ಮೃತ॒ ಇತ್ಪರ್ಯಾ᳚ಸೀತ ದೂ॒ರಮಾ ಚಿ॑ತ್ರ॒ ಚಿತ್ರ್ಯಂ᳚ ಭರಾ ರ॒ಯಿಂ ನಃ॑ ||{7.20.7}, {7.2.3.7}, {5.3.2.2} |
| 189 | ಯಸ್ತ॑ ಇಂದ್ರ ಪ್ರಿ॒ಯೋ ಜನೋ॒ ದದಾ᳚ಶ॒ದಸ᳚ನ್ನಿರೇ॒ಕೇ ಅ॑ದ್ರಿವಃ॒ ಸಖಾ᳚ ತೇ | ವ॒ಯಂ ತೇ᳚ ಅ॒ಸ್ಯಾಂ ಸು॑ಮ॒ತೌ ಚನಿ॑ಷ್ಠಾಃ॒ ಸ್ಯಾಮ॒ ವರೂ᳚ಥೇ॒ ಅಘ್ನ॑ತೋ॒ ನೃಪೀ᳚ತೌ ||{7.20.8}, {7.2.3.8}, {5.3.2.3} |
| 190 | ಏ॒ಷ ಸ್ತೋಮೋ᳚ ಅಚಿಕ್ರದ॒ದ್ವೃಷಾ᳚ ತ ಉ॒ತ ಸ್ತಾ॒ಮುರ್ಮ॑ಘವನ್ನಕ್ರಪಿಷ್ಟ | ರಾ॒ಯಸ್ಕಾಮೋ᳚ ಜರಿ॒ತಾರಂ᳚ ತ॒ ಆಗಂ॒ತ್ವಮಂ॒ಗ ಶ॑ಕ್ರ॒ ವಸ್ವ॒ ಆ ಶ॑ಕೋ ನಃ ||{7.20.9}, {7.2.3.9}, {5.3.2.4} |
| 191 | ಸ ನ॑ ಇಂದ್ರ॒ ತ್ವಯ॑ತಾಯಾ ಇ॒ಷೇ ಧಾ॒ಸ್ತ್ಮನಾ᳚ ಚ॒ ಯೇ ಮ॒ಘವಾ᳚ನೋ ಜು॒ನಂತಿ॑ | ವಸ್ವೀ॒ ಷು ತೇ᳚ ಜರಿ॒ತ್ರೇ ಅ॑ಸ್ತು ಶ॒ಕ್ತಿರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.20.10}, {7.2.3.10}, {5.3.2.5} |
| [21] (1-10) ದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 192 | ಅಸಾ᳚ವಿ ದೇ॒ವಂ ಗೋಋ॑ಜೀಕ॒ಮಂಧೋ॒ ನ್ಯ॑ಸ್ಮಿ॒ನ್ನಿಂದ್ರೋ᳚ ಜ॒ನುಷೇ᳚ಮುವೋಚ | ಬೋಧಾ᳚ಮಸಿ ತ್ವಾ ಹರ್ಯಶ್ವ ಯ॒ಜ್ಞೈರ್ಬೋಧಾ᳚ ನಃ॒ ಸ್ತೋಮ॒ಮಂಧ॑ಸೋ॒ ಮದೇ᳚ಷು ||{7.21.1}, {7.2.4.1}, {5.3.3.1} |
| 193 | ಪ್ರ ಯಂ᳚ತಿ ಯ॒ಜ್ಞಂ ವಿ॒ಪಯಂ᳚ತಿ ಬ॒ರ್ಹಿಃ ಸೋ᳚ಮ॒ಮಾದೋ᳚ ವಿ॒ದಥೇ᳚ ದು॒ಧ್ರವಾ᳚ಚಃ | ನ್ಯು॑ ಭ್ರಿಯಂತೇ ಯ॒ಶಸೋ᳚ ಗೃ॒ಭಾದಾ ದೂ॒ರ‌ಉ॑ಪಬ್ದೋ॒ ವೃಷ॑ಣೋ ನೃ॒ಷಾಚಃ॑ ||{7.21.2}, {7.2.4.2}, {5.3.3.2} |
| 194 | ತ್ವಮಿಂ᳚ದ್ರ॒ ಸ್ರವಿ॑ತ॒ವಾ ಅ॒ಪಸ್ಕಃ॒ ಪರಿ॑ಷ್ಠಿತಾ॒ ಅಹಿ॑ನಾ ಶೂರ ಪೂ॒ರ್ವೀಃ | ತ್ವದ್ವಾ᳚ವಕ್ರೇ ರ॒ಥ್ಯೋ॒೩॑(ಓ॒) ನ ಧೇನಾ॒ ರೇಜಂ᳚ತೇ॒ ವಿಶ್ವಾ᳚ ಕೃ॒ತ್ರಿಮಾ᳚ಣಿ ಭೀ॒ಷಾ ||{7.21.3}, {7.2.4.3}, {5.3.3.3} |
| 195 | ಭೀ॒ಮೋ ವಿ॑ವೇ॒ಷಾಯು॑ಧೇಭಿರೇಷಾ॒ಮಪಾಂ᳚ಸಿ॒ ವಿಶ್ವಾ॒ ನರ್ಯಾ᳚ಣಿ ವಿ॒ದ್ವಾನ್ | ಇಂದ್ರಃ॒ ಪುರೋ॒ ಜರ್ಹೃ॑ಷಾಣೋ॒ ವಿ ದೂ᳚ಧೋ॒ದ್ವಿ ವಜ್ರ॑ಹಸ್ತೋ ಮಹಿ॒ನಾ ಜ॑ಘಾನ ||{7.21.4}, {7.2.4.4}, {5.3.3.4} |
| 196 | ನ ಯಾ॒ತವ॑ ಇಂದ್ರ ಜೂಜುವುರ್ನೋ॒ ನ ವಂದ॑ನಾ ಶವಿಷ್ಠ ವೇ॒ದ್ಯಾಭಿಃ॑ | ಸ ಶ॑ರ್ಧದ॒ರ್ಯೋ ವಿಷು॑ಣಸ್ಯ ಜಂ॒ತೋರ್ಮಾ ಶಿ॒ಶ್ನದೇ᳚ವಾ॒ ಅಪಿ॑ ಗುರೃ॒ತಂ ನಃ॑ ||{7.21.5}, {7.2.4.5}, {5.3.3.5} |
| 197 | ಅ॒ಭಿ ಕ್ರತ್ವೇಂ᳚ದ್ರ ಭೂ॒ರಧ॒ ಜ್ಮನ್ನ ತೇ᳚ ವಿವ್ಯಙ್ಮಹಿ॒ಮಾನಂ॒ ರಜಾಂ᳚ಸಿ | ಸ್ವೇನಾ॒ ಹಿ ವೃ॒ತ್ರಂ ಶವ॑ಸಾ ಜ॒ಘಂಥ॒ ನ ಶತ್ರು॒ರಂತಂ᳚ ವಿವಿದದ್ಯು॒ಧಾ ತೇ᳚ ||{7.21.6}, {7.2.4.6}, {5.3.4.1} |
| 198 | ದೇ॒ವಾಶ್ಚಿ॑ತ್ತೇ ಅಸು॒ರ್ಯಾ᳚ಯ॒ ಪೂರ್ವೇಽನು॑ ಕ್ಷ॒ತ್ರಾಯ॑ ಮಮಿರೇ॒ ಸಹಾಂ᳚ಸಿ | ಇಂದ್ರೋ᳚ ಮ॒ಘಾನಿ॑ ದಯತೇ ವಿ॒ಷಹ್ಯೇಂದ್ರಂ॒ ವಾಜ॑ಸ್ಯ ಜೋಹುವಂತ ಸಾ॒ತೌ ||{7.21.7}, {7.2.4.7}, {5.3.4.2} |
| 199 | ಕೀ॒ರಿಶ್ಚಿ॒ದ್ಧಿ ತ್ವಾಮವ॑ಸೇ ಜು॒ಹಾವೇಶಾ᳚ನಮಿಂದ್ರ॒ ಸೌಭ॑ಗಸ್ಯ॒ ಭೂರೇಃ᳚ | ಅವೋ᳚ ಬಭೂಥ ಶತಮೂತೇ ಅ॒ಸ್ಮೇ ಅ॑ಭಿಕ್ಷ॒ತ್ತುಸ್ತ್ವಾವ॑ತೋ ವರೂ॒ತಾ ||{7.21.8}, {7.2.4.8}, {5.3.4.3} |
| 200 | ಸಖಾ᳚ಯಸ್ತ ಇಂದ್ರ ವಿ॒ಶ್ವಹ॑ ಸ್ಯಾಮ ನಮೋವೃ॒ಧಾಸೋ᳚ ಮಹಿ॒ನಾ ತ॑ರುತ್ರ | ವ॒ನ್ವಂತು॑ ಸ್ಮಾ॒ ತೇಽವ॑ಸಾ ಸಮೀ॒ಕೇ॒೩॑(ಏ॒)ಽಭೀ᳚ತಿಮ॒ರ್ಯೋ ವ॒ನುಷಾಂ॒ ಶವಾಂ᳚ಸಿ ||{7.21.9}, {7.2.4.9}, {5.3.4.4} |
| 201 | ಸ ನ॑ ಇಂದ್ರ॒ ತ್ವಯ॑ತಾಯಾ ಇ॒ಷೇ ಧಾ॒ಸ್ತ್ಮನಾ᳚ ಚ॒ ಯೇ ಮ॒ಘವಾ᳚ನೋ ಜು॒ನಂತಿ॑ | ವಸ್ವೀ॒ ಷು ತೇ᳚ ಜರಿ॒ತ್ರೇ ಅ॑ಸ್ತು ಶ॒ಕ್ತಿರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.21.10}, {7.2.4.10}, {5.3.4.5} |
| [22] (1-9) ನವರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | (1-8) ಪ್ರಥಮಾದ್ಯಷ್ಟರ್ಚಾಂ ವಿರಾಟ್, (9) ನವಮ್ಯಾಶ್ಚ ತ್ರಿಷ್ಟುಪ್ ಛಂದಸೀ || | |
| 202 | ಪಿಬಾ॒ ಸೋಮ॑ಮಿಂದ್ರ॒ ಮಂದ॑ತು ತ್ವಾ॒ ಯಂ ತೇ᳚ ಸು॒ಷಾವ॑ ಹರ್ಯ॒ಶ್ವಾದ್ರಿಃ॑ | ಸೋ॒ತುರ್ಬಾ॒ಹುಭ್ಯಾಂ॒ ಸುಯ॑ತೋ॒ ನಾರ್ವಾ᳚ ||{7.22.1}, {7.2.5.1}, {5.3.5.1} |
| 203 | ಯಸ್ತೇ॒ ಮದೋ॒ ಯುಜ್ಯ॒ಶ್ಚಾರು॒ರಸ್ತಿ॒ ಯೇನ॑ ವೃ॒ತ್ರಾಣಿ॑ ಹರ್ಯಶ್ವ॒ ಹಂಸಿ॑ | ಸ ತ್ವಾಮಿಂ᳚ದ್ರ ಪ್ರಭೂವಸೋ ಮಮತ್ತು ||{7.22.2}, {7.2.5.2}, {5.3.5.2} |
| 204 | ಬೋಧಾ॒ ಸು ಮೇ᳚ ಮಘವ॒ನ್ವಾಚ॒ಮೇಮಾಂ ಯಾಂ ತೇ॒ ವಸಿ॑ಷ್ಠೋ॒ ಅರ್ಚ॑ತಿ॒ ಪ್ರಶ॑ಸ್ತಿಂ | ಇ॒ಮಾ ಬ್ರಹ್ಮ॑ ಸಧ॒ಮಾದೇ᳚ ಜುಷಸ್ವ ||{7.22.3}, {7.2.5.3}, {5.3.5.3} |
| 205 | ಶ್ರು॒ಧೀ ಹವಂ᳚ ವಿಪಿಪಾ॒ನಸ್ಯಾದ್ರೇ॒ರ್ಬೋಧಾ॒ ವಿಪ್ರ॒ಸ್ಯಾರ್ಚ॑ತೋ ಮನೀ॒ಷಾಂ | ಕೃ॒ಷ್ವಾ ದುವಾಂ॒ಸ್ಯಂತ॑ಮಾ॒ ಸಚೇ॒ಮಾ ||{7.22.4}, {7.2.5.4}, {5.3.5.4} |
| 206 | ನ ತೇ॒ ಗಿರೋ॒ ಅಪಿ॑ ಮೃಷ್ಯೇ ತು॒ರಸ್ಯ॒ ನ ಸು॑ಷ್ಟು॒ತಿಮ॑ಸು॒ರ್ಯ॑ಸ್ಯ ವಿ॒ದ್ವಾನ್ | ಸದಾ᳚ ತೇ॒ ನಾಮ॑ ಸ್ವಯಶೋ ವಿವಕ್ಮಿ ||{7.22.5}, {7.2.5.5}, {5.3.5.5} |
| 207 | ಭೂರಿ॒ ಹಿ ತೇ॒ ಸವ॑ನಾ॒ ಮಾನು॑ಷೇಷು॒ ಭೂರಿ॑ ಮನೀ॒ಷೀ ಹ॑ವತೇ॒ ತ್ವಾಮಿತ್ | ಮಾರೇ ಅ॒ಸ್ಮನ್ಮ॑ಘವಂ॒ಜ್ಯೋಕ್ಕಃ॑ ||{7.22.6}, {7.2.5.6}, {5.3.6.1} |
| 208 | ತುಭ್ಯೇದಿ॒ಮಾ ಸವ॑ನಾ ಶೂರ॒ ವಿಶ್ವಾ॒ ತುಭ್ಯಂ॒ ಬ್ರಹ್ಮಾ᳚ಣಿ॒ ವರ್ಧ॑ನಾ ಕೃಣೋಮಿ | ತ್ವಂ ನೃಭಿ॒ರ್ಹವ್ಯೋ᳚ ವಿ॒ಶ್ವಧಾ᳚ಸಿ ||{7.22.7}, {7.2.5.7}, {5.3.6.2} |
| 209 | ನೂ ಚಿ॒ನ್ನು ತೇ॒ ಮನ್ಯ॑ಮಾನಸ್ಯ ದ॒ಸ್ಮೋದ॑ಶ್ನುವಂತಿ ಮಹಿ॒ಮಾನ॑ಮುಗ್ರ | ನ ವೀ॒ರ್ಯ॑ಮಿಂದ್ರ ತೇ॒ ನ ರಾಧಃ॑ ||{7.22.8}, {7.2.5.8}, {5.3.6.3} |
| 210 | ಯೇ ಚ॒ ಪೂರ್ವ॒ ಋಷ॑ಯೋ॒ ಯೇ ಚ॒ ನೂತ್ನಾ॒ ಇಂದ್ರ॒ ಬ್ರಹ್ಮಾ᳚ಣಿ ಜ॒ನಯಂ᳚ತ॒ ವಿಪ್ರಾಃ᳚ | ಅ॒ಸ್ಮೇ ತೇ᳚ ಸಂತು ಸ॒ಖ್ಯಾ ಶಿ॒ವಾನಿ॑ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.22.9}, {7.2.5.9}, {5.3.6.4} |
| [23] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 211 | ಉದು॒ ಬ್ರಹ್ಮಾ᳚ಣ್ಯೈರತ ಶ್ರವ॒ಸ್ಯೇಂದ್ರಂ᳚ ಸಮ॒ರ್ಯೇ ಮ॑ಹಯಾ ವಸಿಷ್ಠ | ಆ ಯೋ ವಿಶ್ವಾ᳚ನಿ॒ ಶವ॑ಸಾ ತ॒ತಾನೋ᳚ಪಶ್ರೋ॒ತಾ ಮ॒ ಈವ॑ತೋ॒ ವಚಾಂ᳚ಸಿ ||{7.23.1}, {7.2.6.1}, {5.3.7.1} |
| 212 | ಅಯಾ᳚ಮಿ॒ ಘೋಷ॑ ಇಂದ್ರ ದೇ॒ವಜಾ᳚ಮಿರಿರ॒ಜ್ಯಂತ॒ ಯಚ್ಛು॒ರುಧೋ॒ ವಿವಾ᳚ಚಿ | ನ॒ಹಿ ಸ್ವಮಾಯು॑ಶ್ಚಿಕಿ॒ತೇ ಜನೇ᳚ಷು॒ ತಾನೀದಂಹಾಂ॒ಸ್ಯತಿ॑ ಪರ್ಷ್ಯ॒ಸ್ಮಾನ್ ||{7.23.2}, {7.2.6.2}, {5.3.7.2} |
| 213 | ಯು॒ಜೇ ರಥಂ᳚ ಗ॒ವೇಷ॑ಣಂ॒ ಹರಿ॑ಭ್ಯಾ॒ಮುಪ॒ ಬ್ರಹ್ಮಾ᳚ಣಿ ಜುಜುಷಾ॒ಣಮ॑ಸ್ಥುಃ | ವಿ ಬಾ᳚ಧಿಷ್ಟ॒ ಸ್ಯ ರೋದ॑ಸೀ ಮಹಿ॒ತ್ವೇಂದ್ರೋ᳚ ವೃ॒ತ್ರಾಣ್ಯ॑ಪ್ರ॒ತೀ ಜ॑ಘ॒ನ್ವಾನ್ ||{7.23.3}, {7.2.6.3}, {5.3.7.3} |
| 214 | ಆಪ॑ಶ್ಚಿತ್ಪಿಪ್ಯುಃ ಸ್ತ॒ರ್ಯೋ॒೩॑(ಓ॒) ನ ಗಾವೋ॒ ನಕ್ಷ᳚ನ್ನೃ॒ತಂ ಜ॑ರಿ॒ತಾರ॑ಸ್ತ ಇಂದ್ರ | ಯಾ॒ಹಿ ವಾ॒ಯುರ್ನ ನಿ॒ಯುತೋ᳚ ನೋ॒ ಅಚ್ಛಾ॒ ತ್ವಂ ಹಿ ಧೀ॒ಭಿರ್ದಯ॑ಸೇ॒ ವಿ ವಾಜಾ॑ನ್ ||{7.23.4}, {7.2.6.4}, {5.3.7.4} |
| 215 | ತೇ ತ್ವಾ॒ ಮದಾ᳚ ಇಂದ್ರ ಮಾದಯಂತು ಶು॒ಷ್ಮಿಣಂ᳚ ತುವಿ॒ರಾಧ॑ಸಂ ಜರಿ॒ತ್ರೇ | ಏಕೋ᳚ ದೇವ॒ತ್ರಾ ದಯ॑ಸೇ॒ ಹಿ ಮರ್ತಾ᳚ನ॒ಸ್ಮಿಂಛೂ᳚ರ॒ ಸವ॑ನೇ ಮಾದಯಸ್ವ ||{7.23.5}, {7.2.6.5}, {5.3.7.5} |
| 216 | ಏ॒ವೇದಿಂದ್ರಂ॒ ವೃಷ॑ಣಂ॒ ವಜ್ರ॑ಬಾಹುಂ॒ ವಸಿ॑ಷ್ಠಾಸೋ ಅ॒ಭ್ಯ॑ರ್ಚಂತ್ಯ॒ರ್ಕೈಃ | ಸ ನಃ॑ ಸ್ತು॒ತೋ ವೀ॒ರವ॑ದ್ಧಾತು॒ ಗೋಮ॑ದ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.23.6}, {7.2.6.6}, {5.3.7.6} |
| [24] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 217 | ಯೋನಿ॑ಷ್ಟ ಇಂದ್ರ॒ ಸದ॑ನೇ ಅಕಾರಿ॒ ತಮಾ ನೃಭಿಃ॑ ಪುರುಹೂತ॒ ಪ್ರ ಯಾ᳚ಹಿ | ಅಸೋ॒ ಯಥಾ᳚ ನೋಽವಿ॒ತಾ ವೃ॒ಧೇ ಚ॒ ದದೋ॒ ವಸೂ᳚ನಿ ಮ॒ಮದ॑ಶ್ಚ॒ ಸೋಮೈಃ᳚ ||{7.24.1}, {7.2.7.1}, {5.3.8.1} |
| 218 | ಗೃ॒ಭೀ॒ತಂ ತೇ॒ ಮನ॑ ಇಂದ್ರ ದ್ವಿ॒ಬರ್ಹಾಃ᳚ ಸು॒ತಃ ಸೋಮಃ॒ ಪರಿ॑ಷಿಕ್ತಾ॒ ಮಧೂ᳚ನಿ | ವಿಸೃ॑ಷ್ಟಧೇನಾ ಭರತೇ ಸುವೃ॒ಕ್ತಿರಿ॒ಯಮಿಂದ್ರಂ॒ ಜೋಹು॑ವತೀ ಮನೀ॒ಷಾ ||{7.24.2}, {7.2.7.2}, {5.3.8.2} |
| 219 | ಆ ನೋ᳚ ದಿ॒ವ ಆ ಪೃ॑ಥಿ॒ವ್ಯಾ ಋ॑ಜೀಷಿನ್ನಿ॒ದಂ ಬ॒ರ್ಹಿಃ ಸೋ᳚ಮ॒ಪೇಯಾ᳚ಯ ಯಾಹಿ | ವಹಂ᳚ತು ತ್ವಾ॒ ಹರ॑ಯೋ ಮ॒ದ್ರ್ಯಂ᳚ಚಮಾಂಗೂ॒ಷಮಚ್ಛಾ᳚ ತ॒ವಸಂ॒ ಮದಾ᳚ಯ ||{7.24.3}, {7.2.7.3}, {5.3.8.3} |
| 220 | ಆ ನೋ॒ ವಿಶ್ವಾ᳚ಭಿರೂ॒ತಿಭಿಃ॑ ಸ॒ಜೋಷಾ॒ ಬ್ರಹ್ಮ॑ ಜುಷಾ॒ಣೋ ಹ᳚ರ್ಯಶ್ವ ಯಾಹಿ | ವರೀ᳚ವೃಜ॒ತ್ಸ್ಥವಿ॑ರೇಭಿಃ ಸುಶಿಪ್ರಾ॒ಸ್ಮೇ ದಧ॒ದ್ವೃಷ॑ಣಂ॒ ಶುಷ್ಮ॑ಮಿಂದ್ರ ||{7.24.4}, {7.2.7.4}, {5.3.8.4} |
| 221 | ಏ॒ಷ ಸ್ತೋಮೋ᳚ ಮ॒ಹ ಉ॒ಗ್ರಾಯ॒ ವಾಹೇ᳚ ಧು॒ರೀ॒೩॑(ಈ॒)ವಾತ್ಯೋ॒ ನ ವಾ॒ಜಯ᳚ನ್ನಧಾಯಿ | ಇಂದ್ರ॑ ತ್ವಾ॒ಯಮ॒ರ್ಕ ಈ᳚ಟ್ಟೇ॒ ವಸೂ᳚ನಾಂ ದಿ॒ವೀ᳚ವ॒ ದ್ಯಾಮಧಿ॑ ನಃ॒ ಶ್ರೋಮ॑ತಂ ಧಾಃ ||{7.24.5}, {7.2.7.5}, {5.3.8.5} |
| 222 | ಏ॒ವಾ ನ॑ ಇಂದ್ರ॒ ವಾರ್ಯ॑ಸ್ಯ ಪೂರ್ಧಿ॒ ಪ್ರ ತೇ᳚ ಮ॒ಹೀಂ ಸು॑ಮ॒ತಿಂ ವೇ᳚ವಿದಾಮ | ಇಷಂ᳚ ಪಿನ್ವ ಮ॒ಘವ॑ದ್ಭ್ಯಃ ಸು॒ವೀರಾಂ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.24.6}, {7.2.7.6}, {5.3.8.6} |
| [25] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 223 | ಆ ತೇ᳚ ಮ॒ಹ ಇಂ᳚ದ್ರೋ॒ತ್ಯು॑ಗ್ರ॒ ಸಮ᳚ನ್ಯವೋ॒ ಯತ್ಸ॒ಮರಂ᳚ತ॒ ಸೇನಾಃ᳚ | ಪತಾ᳚ತಿ ದಿ॒ದ್ಯುನ್ನರ್ಯ॑ಸ್ಯ ಬಾ॒ಹ್ವೋರ್ಮಾ ತೇ॒ ಮನೋ᳚ ವಿಷ್ವ॒ದ್ರ್ಯ೧॑(ಅ॒)ಗ್ವಿ ಚಾ᳚ರೀತ್ ||{7.25.1}, {7.2.8.1}, {5.3.9.1} |
| 224 | ನಿ ದು॒ರ್ಗ ಇಂ᳚ದ್ರ ಶ್ನಥಿಹ್ಯ॒ಮಿತ್ರಾಁ᳚ ಅ॒ಭಿ ಯೇ ನೋ॒ ಮರ್ತಾ᳚ಸೋ ಅ॒ಮಂತಿ॑ | ಆ॒ರೇ ತಂ ಶಂಸಂ᳚ ಕೃಣುಹಿ ನಿನಿ॒ತ್ಸೋರಾ ನೋ᳚ ಭರ ಸಂ॒ಭರ॑ಣಂ॒ ವಸೂ᳚ನಾಂ ||{7.25.2}, {7.2.8.2}, {5.3.9.2} |
| 225 | ಶ॒ತಂ ತೇ᳚ ಶಿಪ್ರಿನ್ನೂ॒ತಯಃ॑ ಸು॒ದಾಸೇ᳚ ಸ॒ಹಸ್ರಂ॒ ಶಂಸಾ᳚ ಉ॒ತ ರಾ॒ತಿರ॑ಸ್ತು | ಜ॒ಹಿ ವಧ᳚ರ್ವ॒ನುಷೋ॒ ಮರ್ತ್ಯ॑ಸ್ಯಾ॒ಸ್ಮೇ ದ್ಯು॒ಮ್ನಮಧಿ॒ ರತ್ನಂ᳚ ಚ ಧೇಹಿ ||{7.25.3}, {7.2.8.3}, {5.3.9.3} |
| 226 | ತ್ವಾವ॑ತೋ॒ ಹೀಂ᳚ದ್ರ॒ ಕ್ರತ್ವೇ॒ ಅಸ್ಮಿ॒ ತ್ವಾವ॑ತೋಽವಿ॒ತುಃ ಶೂ᳚ರ ರಾ॒ತೌ | ವಿಶ್ವೇದಹಾ᳚ನಿ ತವಿಷೀವ ಉಗ್ರಁ॒ ಓಕಃ॑ ಕೃಣುಷ್ವ ಹರಿವೋ॒ ನ ಮ॑ರ್ಧೀಃ ||{7.25.4}, {7.2.8.4}, {5.3.9.4} |
| 227 | ಕುತ್ಸಾ᳚ ಏ॒ತೇ ಹರ್ಯ॑ಶ್ವಾಯ ಶೂ॒ಷಮಿಂದ್ರೇ॒ ಸಹೋ᳚ ದೇ॒ವಜೂ᳚ತಮಿಯಾ॒ನಾಃ | ಸ॒ತ್ರಾ ಕೃ॑ಧಿ ಸು॒ಹನಾ᳚ ಶೂರ ವೃ॒ತ್ರಾ ವ॒ಯಂ ತರು॑ತ್ರಾಃ ಸನುಯಾಮ॒ ವಾಜಂ᳚ ||{7.25.5}, {7.2.8.5}, {5.3.9.5} |
| 228 | ಏ॒ವಾ ನ॑ ಇಂದ್ರ॒ ವಾರ್ಯ॑ಸ್ಯ ಪೂರ್ಧಿ॒ ಪ್ರ ತೇ᳚ ಮ॒ಹೀಂ ಸು॑ಮ॒ತಿಂ ವೇ᳚ವಿದಾಮ | ಇಷಂ᳚ ಪಿನ್ವ ಮ॒ಘವ॑ದ್ಭ್ಯಃ ಸು॒ವೀರಾಂ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.25.6}, {7.2.8.6}, {5.3.9.6} |
| [26] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 229 | ನ ಸೋಮ॒ ಇಂದ್ರ॒ಮಸು॑ತೋ ಮಮಾದ॒ ನಾಬ್ರ᳚ಹ್ಮಾಣೋ ಮ॒ಘವಾ᳚ನಂ ಸು॒ತಾಸಃ॑ | ತಸ್ಮಾ᳚ ಉ॒ಕ್ಥಂ ಜ॑ನಯೇ॒ ಯಜ್ಜುಜೋ᳚ಷನ್ನೃ॒ವನ್ನವೀ᳚ಯಃ ಶೃ॒ಣವ॒ದ್ಯಥಾ᳚ ನಃ ||{7.26.1}, {7.2.9.1}, {5.3.10.1} |
| 230 | ಉ॒ಕ್ಥೌ᳚ಕ್ಥೇ॒ ಸೋಮ॒ ಇಂದ್ರಂ᳚ ಮಮಾದ ನೀ॒ಥೇನೀ᳚ಥೇ ಮ॒ಘವಾ᳚ನಂ ಸು॒ತಾಸಃ॑ | ಯದೀಂ᳚ ಸ॒ಬಾಧಃ॑ ಪಿ॒ತರಂ॒ ನ ಪು॒ತ್ರಾಃ ಸ॑ಮಾ॒ನದ॑ಕ್ಷಾ॒ ಅವ॑ಸೇ॒ ಹವಂ᳚ತೇ ||{7.26.2}, {7.2.9.2}, {5.3.10.2} |
| 231 | ಚ॒ಕಾರ॒ ತಾ ಕೃ॒ಣವ᳚ನ್ನೂ॒ನಮ॒ನ್ಯಾ ಯಾನಿ॑ ಬ್ರು॒ವಂತಿ॑ ವೇ॒ಧಸಃ॑ ಸು॒ತೇಷು॑ | ಜನೀ᳚ರಿವ॒ ಪತಿ॒ರೇಕಃ॑ ಸಮಾ॒ನೋ ನಿ ಮಾ᳚ಮೃಜೇ॒ ಪುರ॒ ಇಂದ್ರಃ॒ ಸು ಸರ್ವಾಃ᳚ ||{7.26.3}, {7.2.9.3}, {5.3.10.3} |
| 232 | ಏ॒ವಾ ತಮಾ᳚ಹುರು॒ತ ಶೃ᳚ಣ್ವ॒ ಇಂದ್ರ॒ ಏಕೋ᳚ ವಿಭ॒ಕ್ತಾ ತ॒ರಣಿ᳚ರ್ಮ॒ಘಾನಾಂ᳚ | ಮಿ॒ಥ॒ಸ್ತುರ॑ ಊ॒ತಯೋ॒ ಯಸ್ಯ॑ ಪೂ॒ರ್ವೀರ॒ಸ್ಮೇ ಭ॒ದ್ರಾಣಿ॑ ಸಶ್ಚತ ಪ್ರಿ॒ಯಾಣಿ॑ ||{7.26.4}, {7.2.9.4}, {5.3.10.4} |
| 233 | ಏ॒ವಾ ವಸಿ॑ಷ್ಠ॒ ಇಂದ್ರ॑ಮೂ॒ತಯೇ॒ ನೄನ್ಕೃ॑ಷ್ಟೀ॒ನಾಂ ವೃ॑ಷ॒ಭಂ ಸು॒ತೇ ಗೃ॑ಣಾತಿ | ಸ॒ಹ॒ಸ್ರಿಣ॒ ಉಪ॑ ನೋ ಮಾಹಿ॒ ವಾಜಾ᳚ನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.26.5}, {7.2.9.5}, {5.3.10.5} |
| [27] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 234 | ಇಂದ್ರಂ॒ ನರೋ᳚ ನೇ॒ಮಧಿ॑ತಾ ಹವಂತೇ॒ ಯತ್ಪಾರ್ಯಾ᳚ ಯು॒ನಜ॑ತೇ॒ ಧಿಯ॒ಸ್ತಾಃ | ಶೂರೋ॒ ನೃಷಾ᳚ತಾ॒ ಶವ॑ಸಶ್ಚಕಾ॒ನ ಆ ಗೋಮ॑ತಿ ವ್ರ॒ಜೇ ಭ॑ಜಾ॒ ತ್ವಂ ನಃ॑ ||{7.27.1}, {7.2.10.1}, {5.3.11.1} |
| 235 | ಯ ಇಂ᳚ದ್ರ॒ ಶುಷ್ಮೋ᳚ ಮಘವಂತೇ॒ ಅಸ್ತಿ॒ ಶಿಕ್ಷಾ॒ ಸಖಿ॑ಭ್ಯಃ ಪುರುಹೂತ॒ ನೃಭ್ಯಃ॑ | ತ್ವಂ ಹಿ ದೃ॒ಳ್ಹಾ ಮ॑ಘವ॒ನ್ವಿಚೇ᳚ತಾ॒ ಅಪಾ᳚ ವೃಧಿ॒ ಪರಿ॑ವೃತಂ॒ ನ ರಾಧಃ॑ ||{7.27.2}, {7.2.10.2}, {5.3.11.2} |
| 236 | ಇಂದ್ರೋ॒ ರಾಜಾ॒ ಜಗ॑ತಶ್ಚರ್ಷಣೀ॒ನಾಮಧಿ॒ ಕ್ಷಮಿ॒ ವಿಷು॑ರೂಪಂ॒ ಯದಸ್ತಿ॑ | ತತೋ᳚ ದದಾತಿ ದಾ॒ಶುಷೇ॒ ವಸೂ᳚ನಿ॒ ಚೋದ॒ದ್ರಾಧ॒ ಉಪ॑ಸ್ತುತಶ್ಚಿದ॒ರ್ವಾಕ್ ||{7.27.3}, {7.2.10.3}, {5.3.11.3} |
| 237 | ನೂ ಚಿ᳚ನ್ನ॒ ಇಂದ್ರೋ᳚ ಮ॒ಘವಾ॒ ಸಹೂ᳚ತೀ ದಾ॒ನೋ ವಾಜಂ॒ ನಿ ಯ॑ಮತೇ ನ ಊ॒ತೀ | ಅನೂ᳚ನಾ॒ ಯಸ್ಯ॒ ದಕ್ಷಿ॑ಣಾ ಪೀ॒ಪಾಯ॑ ವಾ॒ಮಂ ನೃಭ್ಯೋ᳚ ಅ॒ಭಿವೀ᳚ತಾ॒ ಸಖಿ॑ಭ್ಯಃ ||{7.27.4}, {7.2.10.4}, {5.3.11.4} |
| 238 | ನೂ ಇಂ᳚ದ್ರ ರಾ॒ಯೇ ವರಿ॑ವಸ್ಕೃಧೀ ನ॒ ಆ ತೇ॒ ಮನೋ᳚ ವವೃತ್ಯಾಮ ಮ॒ಘಾಯ॑ | ಗೋಮ॒ದಶ್ವಾ᳚ವ॒ದ್ರಥ॑ವ॒ದ್ವ್ಯಂತೋ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.27.5}, {7.2.10.5}, {5.3.11.5} |
| [28] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 239 | ಬ್ರಹ್ಮಾ᳚ ಣ ಇಂ॒ದ್ರೋಪ॑ ಯಾಹಿ ವಿ॒ದ್ವಾನ॒ರ್ವಾಂಚ॑ಸ್ತೇ॒ ಹರ॑ಯಃ ಸಂತು ಯು॒ಕ್ತಾಃ | ವಿಶ್ವೇ᳚ ಚಿ॒ದ್ಧಿ ತ್ವಾ᳚ ವಿ॒ಹವಂ᳚ತ॒ ಮರ್ತಾ᳚ ಅ॒ಸ್ಮಾಕ॒ಮಿಚ್ಛೃ॑ಣುಹಿ ವಿಶ್ವಮಿನ್ವ ||{7.28.1}, {7.2.11.1}, {5.3.12.1} |
| 240 | ಹವಂ᳚ ತ ಇಂದ್ರ ಮಹಿ॒ಮಾ ವ್ಯಾ᳚ನ॒ಡ್ಬ್ರಹ್ಮ॒ ಯತ್ಪಾಸಿ॑ ಶವಸಿ॒ನ್ನೃಷೀ᳚ಣಾಂ | ಆ ಯದ್ವಜ್ರಂ᳚ ದಧಿ॒ಷೇ ಹಸ್ತ॑ ಉಗ್ರ ಘೋ॒ರಃ ಸನ್ಕ್ರತ್ವಾ᳚ ಜನಿಷ್ಠಾ॒ ಅಷಾ᳚ಳ್ಹಃ ||{7.28.2}, {7.2.11.2}, {5.3.12.2} |
| 241 | ತವ॒ ಪ್ರಣೀ᳚ತೀಂದ್ರ॒ ಜೋಹು॑ವಾನಾ॒ನ್ಸಂ ಯನ್ನೄನ್ನ ರೋದ॑ಸೀ ನಿ॒ನೇಥ॑ | ಮ॒ಹೇ ಕ್ಷ॒ತ್ರಾಯ॒ ಶವ॑ಸೇ॒ ಹಿ ಜ॒ಜ್ಞೇಽತೂ᳚ತುಜಿಂ ಚಿ॒ತ್ತೂತು॑ಜಿರಶಿಶ್ನತ್ ||{7.28.3}, {7.2.11.3}, {5.3.12.3} |
| 242 | ಏ॒ಭಿರ್ನ॑ ಇಂ॒ದ್ರಾಹ॑ಭಿರ್ದಶಸ್ಯ ದುರ್ಮಿ॒ತ್ರಾಸೋ॒ ಹಿ ಕ್ಷಿ॒ತಯಃ॒ ಪವಂ᳚ತೇ | ಪ್ರತಿ॒ ಯಚ್ಚಷ್ಟೇ॒ ಅನೃ॑ತಮನೇ॒ನಾ ಅವ॑ ದ್ವಿ॒ತಾ ವರು॑ಣೋ ಮಾ॒ಯೀ ನಃ॑ ಸಾತ್ ||{7.28.4}, {7.2.11.4}, {5.3.12.4} |
| 243 | ವೋ॒ಚೇಮೇದಿಂದ್ರಂ᳚ ಮ॒ಘವಾ᳚ನಮೇನಂ ಮ॒ಹೋ ರಾ॒ಯೋ ರಾಧ॑ಸೋ॒ ಯದ್ದದ᳚ನ್ನಃ | ಯೋ ಅರ್ಚ॑ತೋ॒ ಬ್ರಹ್ಮ॑ಕೃತಿ॒ಮವಿ॑ಷ್ಠೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.28.5}, {7.2.11.5}, {5.3.12.5} |
| [29] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 244 | ಅ॒ಯಂ ಸೋಮ॑ ಇಂದ್ರ॒ ತುಭ್ಯಂ᳚ ಸುನ್ವ॒ ಆ ತು ಪ್ರ ಯಾ᳚ಹಿ ಹರಿವ॒ಸ್ತದೋ᳚ಕಾಃ | ಪಿಬಾ॒ ತ್ವ೧॑(ಅ॒)ಸ್ಯ ಸುಷು॑ತಸ್ಯ॒ ಚಾರೋ॒ರ್ದದೋ᳚ ಮ॒ಘಾನಿ॑ ಮಘವನ್ನಿಯಾ॒ನಃ ||{7.29.1}, {7.2.12.1}, {5.3.13.1} |
| 245 | ಬ್ರಹ್ಮ᳚ನ್ವೀರ॒ ಬ್ರಹ್ಮ॑ಕೃತಿಂ ಜುಷಾ॒ಣೋ᳚ಽರ್ವಾಚೀ॒ನೋ ಹರಿ॑ಭಿರ್ಯಾಹಿ॒ ತೂಯಂ᳚ | ಅ॒ಸ್ಮಿನ್ನೂ॒ ಷು ಸವ॑ನೇ ಮಾದಯ॒ಸ್ವೋಪ॒ ಬ್ರಹ್ಮಾ᳚ಣಿ ಶೃಣವ ಇ॒ಮಾ ನಃ॑ ||{7.29.2}, {7.2.12.2}, {5.3.13.2} |
| 246 | ಕಾ ತೇ᳚ ಅ॒ಸ್ತ್ಯರಂ᳚ಕೃತಿಃ ಸೂ॒ಕ್ತೈಃ ಕ॒ದಾ ನೂ॒ನಂ ತೇ᳚ ಮಘವಂದಾಶೇಮ | ವಿಶ್ವಾ᳚ ಮ॒ತೀರಾ ತ॑ತನೇ ತ್ವಾ॒ಯಾಧಾ᳚ ಮ ಇಂದ್ರ ಶೃಣವೋ॒ ಹವೇ॒ಮಾ ||{7.29.3}, {7.2.12.3}, {5.3.13.3} |
| 247 | ಉ॒ತೋ ಘಾ॒ ತೇ ಪು॑ರು॒ಷ್ಯಾ॒೩॑(ಆ॒) ಇದಾ᳚ಸ॒ನ್ಯೇಷಾಂ॒ ಪೂರ್ವೇ᳚ಷಾ॒ಮಶೃ॑ಣೋ॒ರೃಷೀ᳚ಣಾಂ | ಅಧಾ॒ಹಂ ತ್ವಾ᳚ ಮಘವಂಜೋಹವೀಮಿ॒ ತ್ವಂ ನ॑ ಇಂದ್ರಾಸಿ॒ ಪ್ರಮ॑ತಿಃ ಪಿ॒ತೇವ॑ ||{7.29.4}, {7.2.12.4}, {5.3.13.4} |
| 248 | ವೋ॒ಚೇಮೇದಿಂದ್ರಂ᳚ ಮ॒ಘವಾ᳚ನಮೇನಂ ಮ॒ಹೋ ರಾ॒ಯೋ ರಾಧ॑ಸೋ॒ ಯದ್ದದ᳚ನ್ನಃ | ಯೋ ಅರ್ಚ॑ತೋ॒ ಬ್ರಹ್ಮ॑ಕೃತಿ॒ಮವಿ॑ಷ್ಠೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.29.5}, {7.2.12.5}, {5.3.13.5} |
| [30] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | ತ್ರಿಷ್ಟುಪ್ ಛಂದಃ || | |
| 249 | ಆ ನೋ᳚ ದೇವ॒ ಶವ॑ಸಾ ಯಾಹಿ ಶುಷ್ಮಿ॒ನ್ಭವಾ᳚ ವೃ॒ಧ ಇಂ᳚ದ್ರ ರಾ॒ಯೋ ಅ॒ಸ್ಯ | ಮ॒ಹೇ ನೃ॒ಮ್ಣಾಯ॑ ನೃಪತೇ ಸುವಜ್ರ॒ ಮಹಿ॑ ಕ್ಷ॒ತ್ರಾಯ॒ ಪೌಂಸ್ಯಾ᳚ಯ ಶೂರ ||{7.30.1}, {7.2.13.1}, {5.3.14.1} |
| 250 | ಹವಂ᳚ತ ಉ ತ್ವಾ॒ ಹವ್ಯಂ॒ ವಿವಾ᳚ಚಿ ತ॒ನೂಷು॒ ಶೂರಾಃ॒ ಸೂರ್ಯ॑ಸ್ಯ ಸಾ॒ತೌ | ತ್ವಂ ವಿಶ್ವೇ᳚ಷು॒ ಸೇನ್ಯೋ॒ ಜನೇ᳚ಷು॒ ತ್ವಂ ವೃ॒ತ್ರಾಣಿ॑ ರಂಧಯಾ ಸು॒ಹಂತು॑ ||{7.30.2}, {7.2.13.2}, {5.3.14.2} |
| 251 | ಅಹಾ॒ ಯದಿಂ᳚ದ್ರ ಸು॒ದಿನಾ᳚ ವ್ಯು॒ಚ್ಛಾಂದಧೋ॒ ಯತ್ಕೇ॒ತುಮು॑ಪ॒ಮಂ ಸ॒ಮತ್ಸು॑ | ನ್ಯ೧॑(ಅ॒)ಗ್ನಿಃ ಸೀ᳚ದ॒ದಸು॑ರೋ॒ ನ ಹೋತಾ᳚ ಹುವಾ॒ನೋ ಅತ್ರ॑ ಸು॒ಭಗಾ᳚ಯ ದೇ॒ವಾನ್ ||{7.30.3}, {7.2.13.3}, {5.3.14.3} |
| 252 | ವ॒ಯಂ ತೇ ತ॑ ಇಂದ್ರ॒ ಯೇ ಚ॑ ದೇವ॒ ಸ್ತವಂ᳚ತ ಶೂರ॒ ದದ॑ತೋ ಮ॒ಘಾನಿ॑ | ಯಚ್ಛಾ᳚ ಸೂ॒ರಿಭ್ಯ॑ ಉಪ॒ಮಂ ವರೂ᳚ಥಂ ಸ್ವಾ॒ಭುವೋ᳚ ಜರ॒ಣಾಮ॑ಶ್ನವಂತ ||{7.30.4}, {7.2.13.4}, {5.3.14.4} |
| 253 | ವೋ॒ಚೇಮೇದಿಂದ್ರಂ᳚ ಮ॒ಘವಾ᳚ನಮೇನಂ ಮ॒ಹೋ ರಾ॒ಯೋ ರಾಧ॑ಸೋ॒ ಯದ್ದದ᳚ನ್ನಃ | ಯೋ ಅರ್ಚ॑ತೋ॒ ಬ್ರಹ್ಮ॑ಕೃತಿ॒ಮವಿ॑ಷ್ಠೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.30.5}, {7.2.13.5}, {5.3.14.5} |
| [31] (1-12) ದ್ವಾದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರೋ ದೇವತಾ | (1-9) ಪ್ರಥಮಾದಿನವೋಂ ಗಾಯತ್ರೀ, (10-12) ದಶಮ್ಯಾದಿತೃಚಸ್ಯ ಚ ವಿರಾಟ್ ಛಂದಸೀ || | |
| 254 | ಪ್ರ ವ॒ ಇಂದ್ರಾ᳚ಯ॒ ಮಾದ॑ನಂ॒ ಹರ್ಯ॑ಶ್ವಾಯ ಗಾಯತ | ಸಖಾ᳚ಯಃ ಸೋಮ॒ಪಾವ್ನೇ᳚ ||{7.31.1}, {7.2.14.1}, {5.3.15.1} |
| 255 | ಶಂಸೇದು॒ಕ್ಥಂ ಸು॒ದಾನ॑ವ ಉ॒ತ ದ್ಯು॒ಕ್ಷಂ ಯಥಾ॒ ನರಃ॑ | ಚ॒ಕೃ॒ಮಾ ಸ॒ತ್ಯರಾ᳚ಧಸೇ ||{7.31.2}, {7.2.14.2}, {5.3.15.2} |
| 256 | ತ್ವಂ ನ॑ ಇಂದ್ರ ವಾಜ॒ಯುಸ್ತ್ವಂ ಗ॒ವ್ಯುಃ ಶ॑ತಕ್ರತೋ | ತ್ವಂ ಹಿ॑ರಣ್ಯ॒ಯುರ್ವ॑ಸೋ ||{7.31.3}, {7.2.14.3}, {5.3.15.3} |
| 257 | ವ॒ಯಮಿಂ᳚ದ್ರ ತ್ವಾ॒ಯವೋ॒ಽಭಿ ಪ್ರ ಣೋ᳚ನುಮೋ ವೃಷನ್ | ವಿ॒ದ್ಧೀ ತ್ವ೧॑(ಅ॒)ಸ್ಯ ನೋ᳚ ವಸೋ ||{7.31.4}, {7.2.14.4}, {5.3.15.4} |
| 258 | ಮಾ ನೋ᳚ ನಿ॒ದೇ ಚ॒ ವಕ್ತ॑ವೇ॒ಽರ್ಯೋ ರಂ᳚ಧೀ॒ರರಾ᳚ವ್ಣೇ | ತ್ವೇ ಅಪಿ॒ ಕ್ರತು॒ರ್ಮಮ॑ ||{7.31.5}, {7.2.14.5}, {5.3.15.5} |
| 259 | ತ್ವಂ ವರ್ಮಾ᳚ಸಿ ಸ॒ಪ್ರಥಃ॑ ಪುರೋಯೋ॒ಧಶ್ಚ॑ ವೃತ್ರಹನ್ | ತ್ವಯಾ॒ ಪ್ರತಿ॑ ಬ್ರುವೇ ಯು॒ಜಾ ||{7.31.6}, {7.2.14.6}, {5.3.15.6} |
| 260 | ಮ॒ಹಾಁ ಉ॒ತಾಸಿ॒ ಯಸ್ಯ॒ ತೇಽನು॑ ಸ್ವ॒ಧಾವ॑ರೀ॒ ಸಹಃ॑ | ಮ॒ಮ್ನಾತೇ᳚ ಇಂದ್ರ॒ ರೋದ॑ಸೀ ||{7.31.7}, {7.2.14.7}, {5.3.16.1} |
| 261 | ತಂ ತ್ವಾ᳚ ಮ॒ರುತ್ವ॑ತೀ॒ ಪರಿ॒ ಭುವ॒ದ್ವಾಣೀ᳚ ಸ॒ಯಾವ॑ರೀ | ನಕ್ಷ॑ಮಾಣಾ ಸ॒ಹ ದ್ಯುಭಿಃ॑ ||{7.31.8}, {7.2.14.8}, {5.3.16.2} |
| 262 | ಊ॒ರ್ಧ್ವಾಸ॒ಸ್ತ್ವಾನ್ವಿಂದ॑ವೋ॒ ಭುವಂ᳚ದ॒ಸ್ಮಮುಪ॒ ದ್ಯವಿ॑ | ಸಂ ತೇ᳚ ನಮಂತ ಕೃ॒ಷ್ಟಯಃ॑ ||{7.31.9}, {7.2.14.9}, {5.3.16.3} |
| 263 | ಪ್ರ ವೋ᳚ ಮ॒ಹೇ ಮ॑ಹಿ॒ವೃಧೇ᳚ ಭರಧ್ವಂ॒ ಪ್ರಚೇ᳚ತಸೇ॒ ಪ್ರ ಸು॑ಮ॒ತಿಂ ಕೃ॑ಣುಧ್ವಂ | ವಿಶಃ॑ ಪೂ॒ರ್ವೀಃ ಪ್ರ ಚ॑ರಾ ಚರ್ಷಣಿ॒ಪ್ರಾಃ ||{7.31.10}, {7.2.14.10}, {5.3.16.4} |
| 264 | ಉ॒ರು॒ವ್ಯಚ॑ಸೇ ಮ॒ಹಿನೇ᳚ ಸುವೃ॒ಕ್ತಿಮಿಂದ್ರಾ᳚ಯ॒ ಬ್ರಹ್ಮ॑ ಜನಯಂತ॒ ವಿಪ್ರಾಃ᳚ | ತಸ್ಯ᳚ ವ್ರ॒ತಾನಿ॒ ನ ಮಿ॑ನಂತಿ॒ ಧೀರಾಃ᳚ ||{7.31.11}, {7.2.14.11}, {5.3.16.5} |
| 265 | ಇಂದ್ರಂ॒ ವಾಣೀ॒ರನು॑ತ್ತಮನ್ಯುಮೇ॒ವ ಸ॒ತ್ರಾ ರಾಜಾ᳚ನಂ ದಧಿರೇ॒ ಸಹ॑ಧ್ಯೈ | ಹರ್ಯ॑ಶ್ವಾಯ ಬರ್ಹಯಾ॒ ಸಮಾ॒ಪೀನ್ ||{7.31.12}, {7.2.14.12}, {5.3.16.6} |
| [32] (1-27) ಸಪ್ತವಿಂಶತ್ಯೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠಃ, (26) ಷಡ್ವಿಶಂ ಯಾ ಋಚಃ ಪೂರ್ವಾರ್ಧಸ್ಯ ವಾಸಿಷ್ಠಃ ಶಕ್ತಿರ್ವಾ ಋಷಿಃ | ಇಂದ್ರೋ ದೇವತಾ | (1-2, 4-27) ಪ್ರಥಮಾದ್ವಿತೀಯಯೋರ್‌ಋಚೋಶ್ಚತುರ್ಥ್ಯಾದಿಚತುರ್ವಿಶತೇಶ್ಚ ಪ್ರಗಾಥಃ ( ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ ), (3) ತೃತೀಯಾಯಾಶ್ಚ ದ್ವಿಪದಾ ವಿರಾಟ್ ಛಂದಸೀ || | |
| 266 | ಮೋ ಷು ತ್ವಾ᳚ ವಾ॒ಘತ॑ಶ್ಚ॒ನಾರೇ ಅ॒ಸ್ಮನ್ನಿ ರೀ᳚ರಮನ್ | ಆ॒ರಾತ್ತಾ᳚ಚ್ಚಿತ್ಸಧ॒ಮಾದಂ᳚ ನ॒ ಆ ಗ॑ಹೀ॒ಹ ವಾ॒ ಸನ್ನುಪ॑ ಶ್ರುಧಿ ||{7.32.1}, {7.2.15.1}, {5.3.17.1} |
| 267 | ಇ॒ಮೇ ಹಿ ತೇ᳚ ಬ್ರಹ್ಮ॒ಕೃತಃ॑ ಸು॒ತೇ ಸಚಾ॒ ಮಧೌ॒ ನ ಮಕ್ಷ॒ ಆಸ॑ತೇ | ಇಂದ್ರೇ॒ ಕಾಮಂ᳚ ಜರಿ॒ತಾರೋ᳚ ವಸೂ॒ಯವೋ॒ ರಥೇ॒ ನ ಪಾದ॒ಮಾ ದ॑ಧುಃ ||{7.32.2}, {7.2.15.2}, {5.3.17.2} |
| 268 | ರಾ॒ಯಸ್ಕಾ᳚ಮೋ॒ ವಜ್ರ॑ಹಸ್ತಂ ಸು॒ದಕ್ಷಿ॑ಣಂ ಪು॒ತ್ರೋ ನ ಪಿ॒ತರಂ᳚ ಹುವೇ ||{7.32.3}, {7.2.15.3}, {5.3.17.3} |
| 269 | ಇ॒ಮ ಇಂದ್ರಾ᳚ಯ ಸುನ್ವಿರೇ॒ ಸೋಮಾ᳚ಸೋ॒ ದಧ್ಯಾ᳚ಶಿರಃ | ತಾಁ ಆ ಮದಾ᳚ಯ ವಜ್ರಹಸ್ತ ಪೀ॒ತಯೇ॒ ಹರಿ॑ಭ್ಯಾಂ ಯಾ॒ಹ್ಯೋಕ॒ ಆ ||{7.32.4}, {7.2.15.4}, {5.3.17.4} |
| 270 | ಶ್ರವ॒ಚ್ಛ್ರುತ್ಕ᳚ರ್ಣ ಈಯತೇ॒ ವಸೂ᳚ನಾಂ॒ ನೂ ಚಿ᳚ನ್ನೋ ಮರ್ಧಿಷ॒ದ್ಗಿರಃ॑ | ಸ॒ದ್ಯಶ್ಚಿ॒ದ್ಯಃ ಸ॒ಹಸ್ರಾ᳚ಣಿ ಶ॒ತಾ ದದ॒ನ್ನಕಿ॒ರ್ದಿತ್ಸಂ᳚ತ॒ಮಾ ಮಿ॑ನತ್ ||{7.32.5}, {7.2.15.5}, {5.3.17.5} |
| 271 | ಸ ವೀ॒ರೋ ಅಪ್ರ॑ತಿಷ್ಕುತ॒ ಇಂದ್ರೇ᳚ಣ ಶೂಶುವೇ॒ ನೃಭಿಃ॑ | ಯಸ್ತೇ᳚ ಗಭೀ॒ರಾ ಸವ॑ನಾನಿ ವೃತ್ರಹನ್ಸು॒ನೋತ್ಯಾ ಚ॒ ಧಾವ॑ತಿ ||{7.32.6}, {7.2.15.6}, {5.3.18.1} |
| 272 | ಭವಾ॒ ವರೂ᳚ಥಂ ಮಘವನ್ಮ॒ಘೋನಾಂ॒ ಯತ್ಸ॒ಮಜಾ᳚ಸಿ॒ ಶರ್ಧ॑ತಃ | ವಿ ತ್ವಾಹ॑ತಸ್ಯ॒ ವೇದ॑ನಂ ಭಜೇಮ॒ಹ್ಯಾ ದೂ॒ಣಾಶೋ᳚ ಭರಾ॒ ಗಯಂ᳚ ||{7.32.7}, {7.2.15.7}, {5.3.18.2} |
| 273 | ಸು॒ನೋತಾ᳚ ಸೋಮ॒ಪಾವ್ನೇ॒ ಸೋಮ॒ಮಿಂದ್ರಾ᳚ಯ ವ॒ಜ್ರಿಣೇ᳚ | ಪಚ॑ತಾ ಪ॒ಕ್ತೀರವ॑ಸೇ ಕೃಣು॒ಧ್ವಮಿತ್ಪೃ॒ಣನ್ನಿತ್ಪೃ॑ಣ॒ತೇ ಮಯಃ॑ ||{7.32.8}, {7.2.15.8}, {5.3.18.3} |
| 274 | ಮಾ ಸ್ರೇ᳚ಧತ ಸೋಮಿನೋ॒ ದಕ್ಷ॑ತಾ ಮ॒ಹೇ ಕೃ॑ಣು॒ಧ್ವಂ ರಾ॒ಯ ಆ॒ತುಜೇ᳚ | ತ॒ರಣಿ॒ರಿಜ್ಜ॑ಯತಿ॒ ಕ್ಷೇತಿ॒ ಪುಷ್ಯ॑ತಿ॒ ನ ದೇ॒ವಾಸಃ॑ ಕವ॒ತ್ನವೇ᳚ ||{7.32.9}, {7.2.15.9}, {5.3.18.4} |
| 275 | ನಕಿಃ॑ ಸು॒ದಾಸೋ॒ ರಥಂ॒ ಪರ್ಯಾ᳚ಸ॒ ನ ರೀ᳚ರಮತ್ | ಇಂದ್ರೋ॒ ಯಸ್ಯಾ᳚ವಿ॒ತಾ ಯಸ್ಯ॑ ಮ॒ರುತೋ॒ ಗಮ॒ತ್ಸ ಗೋಮ॑ತಿ ವ್ರ॒ಜೇ ||{7.32.10}, {7.2.15.10}, {5.3.18.5} |
| 276 | ಗಮ॒ದ್ವಾಜಂ᳚ ವಾ॒ಜಯ᳚ನ್ನಿಂದ್ರ॒ ಮರ್ತ್ಯೋ॒ ಯಸ್ಯ॒ ತ್ವಮ॑ವಿ॒ತಾ ಭುವಃ॑ | ಅ॒ಸ್ಮಾಕಂ᳚ ಬೋಧ್ಯವಿ॒ತಾ ರಥಾ᳚ನಾಮ॒ಸ್ಮಾಕಂ᳚ ಶೂರ ನೃ॒ಣಾಂ ||{7.32.11}, {7.2.15.11}, {5.3.19.1} |
| 277 | ಉದಿನ್ನ್ವ॑ಸ್ಯ ರಿಚ್ಯ॒ತೇಂಽಶೋ॒ ಧನಂ॒ ನ ಜಿ॒ಗ್ಯುಷಃ॑ | ಯ ಇಂದ್ರೋ॒ ಹರಿ॑ವಾ॒ನ್ನ ದ॑ಭಂತಿ॒ ತಂ ರಿಪೋ॒ ದಕ್ಷಂ᳚ ದಧಾತಿ ಸೋ॒ಮಿನಿ॑ ||{7.32.12}, {7.2.15.12}, {5.3.19.2} |
| 278 | ಮಂತ್ರ॒ಮಖ᳚ರ್ವಂ॒ ಸುಧಿ॑ತಂ ಸು॒ಪೇಶ॑ಸಂ॒ ದಧಾ᳚ತ ಯ॒ಜ್ಞಿಯೇ॒ಷ್ವಾ | ಪೂ॒ರ್ವೀಶ್ಚ॒ನ ಪ್ರಸಿ॑ತಯಸ್ತರಂತಿ॒ ತಂ ಯ ಇಂದ್ರೇ॒ ಕರ್ಮ॑ಣಾ॒ ಭುವ॑ತ್ ||{7.32.13}, {7.2.15.13}, {5.3.19.3} |
| 279 | ಕಸ್ತಮಿಂ᳚ದ್ರ॒ ತ್ವಾವ॑ಸು॒ಮಾ ಮರ್ತ್ಯೋ᳚ ದಧರ್ಷತಿ | ಶ್ರ॒ದ್ಧಾ ಇತ್ತೇ᳚ ಮಘವ॒ನ್ಪಾರ್ಯೇ᳚ ದಿ॒ವಿ ವಾ॒ಜೀ ವಾಜಂ᳚ ಸಿಷಾಸತಿ ||{7.32.14}, {7.2.15.14}, {5.3.19.4} |
| 280 | ಮ॒ಘೋನಃ॑ ಸ್ಮ ವೃತ್ರ॒ಹತ್ಯೇ᳚ಷು ಚೋದಯ॒ ಯೇ ದದ॑ತಿ ಪ್ರಿ॒ಯಾ ವಸು॑ | ತವ॒ ಪ್ರಣೀ᳚ತೀ ಹರ್ಯಶ್ವ ಸೂ॒ರಿಭಿ॒ರ್ವಿಶ್ವಾ᳚ ತರೇಮ ದುರಿ॒ತಾ ||{7.32.15}, {7.2.15.15}, {5.3.19.5} |
| 281 | ತವೇದಿಂ᳚ದ್ರಾವ॒ಮಂ ವಸು॒ ತ್ವಂ ಪು॑ಷ್ಯಸಿ ಮಧ್ಯ॒ಮಂ | ಸ॒ತ್ರಾ ವಿಶ್ವ॑ಸ್ಯ ಪರ॒ಮಸ್ಯ॑ ರಾಜಸಿ॒ ನಕಿ॑ಷ್ಟ್ವಾ॒ ಗೋಷು॑ ವೃಣ್ವತೇ ||{7.32.16}, {7.2.15.16}, {5.3.20.1} |
| 282 | ತ್ವಂ ವಿಶ್ವ॑ಸ್ಯ ಧನ॒ದಾ ಅ॑ಸಿ ಶ್ರು॒ತೋ ಯ ಈಂ॒ ಭವಂ᳚ತ್ಯಾ॒ಜಯಃ॑ | ತವಾ॒ಯಂ ವಿಶ್ವಃ॑ ಪುರುಹೂತ॒ ಪಾರ್ಥಿ॑ವೋಽವ॒ಸ್ಯುರ್ನಾಮ॑ ಭಿಕ್ಷತೇ ||{7.32.17}, {7.2.15.17}, {5.3.20.2} |
| 283 | ಯದಿಂ᳚ದ್ರ॒ ಯಾವ॑ತ॒ಸ್ತ್ವಮೇ॒ತಾವ॑ದ॒ಹಮೀಶೀ᳚ಯ | ಸ್ತೋ॒ತಾರ॒ಮಿದ್ದಿ॑ಧಿಷೇಯ ರದಾವಸೋ॒ ನ ಪಾ᳚ಪ॒ತ್ವಾಯ॑ ರಾಸೀಯ ||{7.32.18}, {7.2.15.18}, {5.3.20.3} |
| 284 | ಶಿಕ್ಷೇ᳚ಯ॒ಮಿನ್ಮ॑ಹಯ॒ತೇ ದಿ॒ವೇದಿ॑ವೇ ರಾ॒ಯ ಆ ಕು॑ಹಚಿ॒ದ್ವಿದೇ᳚ | ನ॒ಹಿ ತ್ವದ॒ನ್ಯನ್ಮ॑ಘವನ್ನ॒ ಆಪ್ಯಂ॒ ವಸ್ಯೋ॒ ಅಸ್ತಿ॑ ಪಿ॒ತಾ ಚ॒ನ ||{7.32.19}, {7.2.15.19}, {5.3.20.4} |
| 285 | ತ॒ರಣಿ॒ರಿತ್ಸಿ॑ಷಾಸತಿ॒ ವಾಜಂ॒ ಪುರಂ᳚ಧ್ಯಾ ಯು॒ಜಾ | ಆ ವ॒ ಇಂದ್ರಂ᳚ ಪುರುಹೂ॒ತಂ ನ॑ಮೇ ಗಿ॒ರಾ ನೇ॒ಮಿಂ ತಷ್ಟೇ᳚ವ ಸು॒ದ್ರ್ವಂ᳚ ||{7.32.20}, {7.2.15.20}, {5.3.20.5} |
| 286 | ನ ದು॑ಷ್ಟು॒ತೀ ಮರ್ತ್ಯೋ᳚ ವಿಂದತೇ॒ ವಸು॒ ನ ಸ್ರೇಧಂ᳚ತಂ ರ॒ಯಿರ್ನ॑ಶತ್ | ಸು॒ಶಕ್ತಿ॒ರಿನ್ಮ॑ಘವಂ॒ತುಭ್ಯಂ॒ ಮಾವ॑ತೇ ದೇ॒ಷ್ಣಂ ಯತ್ಪಾರ್ಯೇ᳚ ದಿ॒ವಿ ||{7.32.21}, {7.2.15.21}, {5.3.21.1} |
| 287 | ಅ॒ಭಿ ತ್ವಾ᳚ ಶೂರ ನೋನು॒ಮೋಽದು॑ಗ್ಧಾ ಇವ ಧೇ॒ನವಃ॑ | ಈಶಾ᳚ನಮ॒ಸ್ಯ ಜಗ॑ತಃ ಸ್ವ॒ರ್ದೃಶ॒ಮೀಶಾ᳚ನಮಿಂದ್ರ ತ॒ಸ್ಥುಷಃ॑ ||{7.32.22}, {7.2.15.22}, {5.3.21.2} |
| 288 | ನ ತ್ವಾವಾಁ᳚ ಅ॒ನ್ಯೋ ದಿ॒ವ್ಯೋ ನ ಪಾರ್ಥಿ॑ವೋ॒ ನ ಜಾ॒ತೋ ನ ಜ॑ನಿಷ್ಯತೇ | ಅ॒ಶ್ವಾ॒ಯಂತೋ᳚ ಮಘವನ್ನಿಂದ್ರ ವಾ॒ಜಿನೋ᳚ ಗ॒ವ್ಯಂತ॑ಸ್ತ್ವಾ ಹವಾಮಹೇ ||{7.32.23}, {7.2.15.23}, {5.3.21.3} |
| 289 | ಅ॒ಭೀ ಷ॒ತಸ್ತದಾ ಭ॒ರೇಂದ್ರ॒ ಜ್ಯಾಯಃ॒ ಕನೀ᳚ಯಸಃ | ಪು॒ರೂ॒ವಸು॒ರ್ಹಿ ಮ॑ಘವನ್ಸ॒ನಾದಸಿ॒ ಭರೇ᳚ಭರೇ ಚ॒ ಹವ್ಯಃ॑ ||{7.32.24}, {7.2.15.24}, {5.3.21.4} |
| 290 | ಪರಾ᳚ ಣುದಸ್ವ ಮಘವನ್ನ॒ಮಿತ್ರಾ᳚ನ್ಸು॒ವೇದಾ᳚ ನೋ॒ ವಸೂ᳚ ಕೃಧಿ | ಅ॒ಸ್ಮಾಕಂ᳚ ಬೋಧ್ಯವಿ॒ತಾ ಮ॑ಹಾಧ॒ನೇ ಭವಾ᳚ ವೃ॒ಧಃ ಸಖೀ᳚ನಾಂ ||{7.32.25}, {7.2.15.25}, {5.3.21.5} |
| 291 | ಇಂದ್ರ॒ ಕ್ರತುಂ᳚ ನ॒ ಆ ಭ॑ರ ಪಿ॒ತಾ ಪು॒ತ್ರೇಭ್ಯೋ॒ ಯಥಾ᳚ | ಶಿಕ್ಷಾ᳚ ಣೋ ಅ॒ಸ್ಮಿನ್ಪು॑ರುಹೂತ॒ ಯಾಮ॑ನಿ ಜೀ॒ವಾ ಜ್ಯೋತಿ॑ರಶೀಮಹಿ ||{7.32.26}, {7.2.15.26}, {5.3.21.6} |
| 292 | ಮಾ ನೋ॒ ಅಜ್ಞಾ᳚ತಾ ವೃ॒ಜನಾ᳚ ದುರಾ॒ಧ್ಯೋ॒೩॑(ಓ॒) ಮಾಶಿ॑ವಾಸೋ॒ ಅವ॑ ಕ್ರಮುಃ | ತ್ವಯಾ᳚ ವ॒ಯಂ ಪ್ರ॒ವತಃ॒ ಶಶ್ವ॑ತೀರ॒ಪೋಽತಿ॑ ಶೂರ ತರಾಮಸಿ ||{7.32.27}, {7.2.15.27}, {5.3.21.7} |
| [33] (1-14) ಚತುರ್ದಶ ಚಸ್ಯ ಸೂಕ್ತಸ್ಯ (1-9) ಪ್ರಥಮಾದಿನವರ್ಚಾಂ ಮೈತ್ರಾವರುಣಿರ್ವಸಿಷ್ಠಃ, (10-14) ದಶಮ್ಯಾದಿಪಂಚಾನಾಂಚ ವಸಿಷ್ಠಪತ್ರಾ ಇಂದ್ರೋ ವಾ ಋಷಯಃ (1-9) ಪ್ರಥಮಾದಿನವರ್ಚಾಂ ವಸಿಷ್ಠಪತ್ರಾಃ, (10-14) ದಶಮ್ಯಾದಿಪಂಚಾನಾಂಚ ವಸಿಷ್ಠೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 293 | ಶ್ವಿ॒ತ್ಯಂಚೋ᳚ ಮಾ ದಕ್ಷಿಣ॒ತಸ್ಕ॑ಪರ್ದಾ ಧಿಯಂಜಿ॒ನ್ವಾಸೋ᳚ ಅ॒ಭಿ ಹಿ ಪ್ರ॑ಮಂ॒ದುಃ | ಉ॒ತ್ತಿಷ್ಠ᳚ನ್ವೋಚೇ॒ ಪರಿ॑ ಬ॒ರ್ಹಿಷೋ॒ ನೄನ್ನ ಮೇ᳚ ದೂ॒ರಾದವಿ॑ತವೇ॒ ವಸಿ॑ಷ್ಠಾಃ ||{7.33.1}, {7.2.16.1}, {5.3.22.1} |
| 294 | ದೂ॒ರಾದಿಂದ್ರ॑ಮನಯ॒ನ್ನಾ ಸು॒ತೇನ॑ ತಿ॒ರೋ ವೈ᳚ಶಂ॒ತಮತಿ॒ ಪಾಂತ॑ಮು॒ಗ್ರಂ | ಪಾಶ॑ದ್ಯುಮ್ನಸ್ಯ ವಾಯ॒ತಸ್ಯ॒ ಸೋಮಾ᳚ತ್ಸು॒ತಾದಿಂದ್ರೋ᳚ಽವೃಣೀತಾ॒ ವಸಿ॑ಷ್ಠಾನ್ ||{7.33.2}, {7.2.16.2}, {5.3.22.2} |
| 295 | ಏ॒ವೇನ್ನು ಕಂ॒ ಸಿಂಧು॑ಮೇಭಿಸ್ತತಾರೇ॒ವೇನ್ನು ಕಂ᳚ ಭೇ॒ದಮೇ᳚ಭಿರ್ಜಘಾನ | ಏ॒ವೇನ್ನು ಕಂ᳚ ದಾಶರಾ॒ಜ್ಞೇ ಸು॒ದಾಸಂ॒ ಪ್ರಾವ॒ದಿಂದ್ರೋ॒ ಬ್ರಹ್ಮ॑ಣಾ ವೋ ವಸಿಷ್ಠಾಃ ||{7.33.3}, {7.2.16.3}, {5.3.22.3} |
| 296 | ಜುಷ್ಟೀ᳚ ನರೋ॒ ಬ್ರಹ್ಮ॑ಣಾ ವಃ ಪಿತೄ॒ಣಾಮಕ್ಷ॑ಮವ್ಯಯಂ॒ ನ ಕಿಲಾ᳚ ರಿಷಾಥ | ಯಚ್ಛಕ್ವ॑ರೀಷು ಬೃಹ॒ತಾ ರವೇ॒ಣೇಂದ್ರೇ॒ ಶುಷ್ಮ॒ಮದ॑ಧಾತಾ ವಸಿಷ್ಠಾಃ ||{7.33.4}, {7.2.16.4}, {5.3.22.4} |
| 297 | ಉದ್ದ್ಯಾಮಿ॒ವೇತ್ತೃ॒ಷ್ಣಜೋ᳚ ನಾಥಿ॒ತಾಸೋಽದೀ᳚ಧಯುರ್ದಾಶರಾ॒ಜ್ಞೇ ವೃ॒ತಾಸಃ॑ | ವಸಿ॑ಷ್ಠಸ್ಯ ಸ್ತುವ॒ತ ಇಂದ್ರೋ᳚ ಅಶ್ರೋದು॒ರುಂ ತೃತ್ಸು॑ಭ್ಯೋ ಅಕೃಣೋದು ಲೋ॒ಕಂ ||{7.33.5}, {7.2.16.5}, {5.3.22.5} |
| 298 | ದಂ॒ಡಾ ಇ॒ವೇದ್ಗೋ॒ಅಜ॑ನಾಸ ಆಸ॒ನ್ಪರಿ॑ಚ್ಛಿನ್ನಾ ಭರ॒ತಾ ಅ॑ರ್ಭ॒ಕಾಸಃ॑ | ಅಭ॑ವಚ್ಚ ಪುರಏ॒ತಾ ವಸಿ॑ಷ್ಠ॒ ಆದಿತ್ತೃತ್ಸೂ᳚ನಾಂ॒ ವಿಶೋ᳚ ಅಪ್ರಥಂತ ||{7.33.6}, {7.2.16.6}, {5.3.23.1} |
| 299 | ತ್ರಯಃ॑ ಕೃಣ್ವಂತಿ॒ ಭುವ॑ನೇಷು॒ ರೇತ॑ಸ್ತಿ॒ಸ್ರಃ ಪ್ರ॒ಜಾ ಆರ್ಯಾ॒ ಜ್ಯೋತಿ॑ರಗ್ರಾಃ | ತ್ರಯೋ᳚ ಘ॒ರ್ಮಾಸ॑ ಉ॒ಷಸಂ᳚ ಸಚಂತೇ॒ ಸರ್ವಾಁ॒ ಇತ್ತಾಁ ಅನು॑ ವಿದು॒ರ್ವಸಿ॑ಷ್ಠಾಃ ||{7.33.7}, {7.2.16.7}, {5.3.23.2} |
| 300 | ಸೂರ್ಯ॑ಸ್ಯೇವ ವ॒ಕ್ಷಥೋ॒ ಜ್ಯೋತಿ॑ರೇಷಾಂ ಸಮು॒ದ್ರಸ್ಯೇ᳚ವ ಮಹಿ॒ಮಾ ಗ॑ಭೀ॒ರಃ | ವಾತ॑ಸ್ಯೇವ ಪ್ರಜ॒ವೋ ನಾನ್ಯೇನ॒ ಸ್ತೋಮೋ᳚ ವಸಿಷ್ಠಾ॒ ಅನ್ವೇ᳚ತವೇ ವಃ ||{7.33.8}, {7.2.16.8}, {5.3.23.3} |
| 301 | ತ ಇನ್ನಿ॒ಣ್ಯಂ ಹೃದ॑ಯಸ್ಯ ಪ್ರಕೇ॒ತೈಃ ಸ॒ಹಸ್ರ॑ವಲ್ಶಮ॒ಭಿ ಸಂ ಚ॑ರಂತಿ | ಯ॒ಮೇನ॑ ತ॒ತಂ ಪ॑ರಿ॒ಧಿಂ ವಯಂ᳚ತೋಽಪ್ಸ॒ರಸ॒ ಉಪ॑ ಸೇದು॒ರ್ವಸಿ॑ಷ್ಠಾಃ ||{7.33.9}, {7.2.16.9}, {5.3.23.4} |
| 302 | ವಿ॒ದ್ಯುತೋ॒ ಜ್ಯೋತಿಃ॒ ಪರಿ॑ ಸಂ॒ಜಿಹಾ᳚ನಂ ಮಿ॒ತ್ರಾವರು॑ಣಾ॒ ಯದಪ॑ಶ್ಯತಾಂ ತ್ವಾ | ತತ್ತೇ॒ ಜನ್ಮೋ॒ತೈಕಂ᳚ ವಸಿಷ್ಠಾ॒ಗಸ್ತ್ಯೋ॒ ಯತ್ತ್ವಾ᳚ ವಿ॒ಶ ಆ᳚ಜ॒ಭಾರ॑ ||{7.33.10}, {7.2.16.10}, {5.3.23.5} |
| 303 | ಉ॒ತಾಸಿ॑ ಮೈತ್ರಾವರು॒ಣೋ ವ॑ಸಿಷ್ಠೋ॒ರ್ವಶ್ಯಾ᳚ ಬ್ರಹ್ಮ॒ನ್ಮನ॒ಸೋಽಧಿ॑ ಜಾ॒ತಃ | ದ್ರ॒ಪ್ಸಂ ಸ್ಕ॒ನ್ನಂ ಬ್ರಹ್ಮ॑ಣಾ॒ ದೈವ್ಯೇ᳚ನ॒ ವಿಶ್ವೇ᳚ ದೇ॒ವಾಃ ಪುಷ್ಕ॑ರೇ ತ್ವಾದದಂತ ||{7.33.11}, {7.2.16.11}, {5.3.24.1} |
| 304 | ಸ ಪ್ರ॑ಕೇ॒ತ ಉ॒ಭಯ॑ಸ್ಯ ಪ್ರವಿ॒ದ್ವಾನ್ಸ॒ಹಸ್ರ॑ದಾನ ಉ॒ತ ವಾ॒ ಸದಾ᳚ನಃ | ಯ॒ಮೇನ॑ ತ॒ತಂ ಪ॑ರಿ॒ಧಿಂ ವ॑ಯಿ॒ಷ್ಯನ್ನ॑ಪ್ಸ॒ರಸಃ॒ ಪರಿ॑ ಜಜ್ಞೇ॒ ವಸಿ॑ಷ್ಠಃ ||{7.33.12}, {7.2.16.12}, {5.3.24.2} |
| 305 | ಸ॒ತ್ರೇ ಹ॑ ಜಾ॒ತಾವಿ॑ಷಿ॒ತಾ ನಮೋ᳚ಭಿಃ ಕುಂ॒ಭೇ ರೇತಃ॑ ಸಿಷಿಚತುಃ ಸಮಾ॒ನಂ | ತತೋ᳚ ಹ॒ ಮಾನ॒ ಉದಿ॑ಯಾಯ॒ ಮಧ್ಯಾ॒ತ್ತತೋ᳚ ಜಾ॒ತಮೃಷಿ॑ಮಾಹು॒ರ್ವಸಿ॑ಷ್ಠಂ ||{7.33.13}, {7.2.16.13}, {5.3.24.3} |
| 306 | ಉ॒ಕ್ಥ॒ಭೃತಂ᳚ ಸಾಮ॒ಭೃತಂ᳚ ಬಿಭರ್ತಿ॒ ಗ್ರಾವಾ᳚ಣಂ॒ ಬಿಭ್ರ॒ತ್ಪ್ರ ವ॑ದಾ॒ತ್ಯಗ್ರೇ᳚ | ಉಪೈ᳚ನಮಾಧ್ವಂ ಸುಮನ॒ಸ್ಯಮಾ᳚ನಾ॒ ಆ ವೋ᳚ ಗಚ್ಛಾತಿ ಪ್ರತೃದೋ॒ ವಸಿ॑ಷ್ಠಃ ||{7.33.14}, {7.2.16.14}, {5.3.24.4} |
| [34] (1-25) ಪಂಚವಿಂಶತ್ಯೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-15, 18-25) ಪ್ರಥಮಾದಿಪಂಚದಶರ್ಚಾಮಷ್ಟಾದಶ್ಯಾದ್ಯಷ್ಟಾನಾಂಚ ವಿಶ್ವೇ ದೇವಾಃ, (16) ಷೋಡಶ್ಯಾ ಅಹಿಃ, (17) ಸಪ್ತದಶ್ಯಾಶ್ಚಾಹಿಬ, ಯೋ ದೇವತಾಃ | (1-21) ಪ್ರಥಮಾದ್ಯೇಕವಿಂಶತ್ರ್ಯಚಾಂ ದ್ವಿಪದಾ ವಿರಾಟ್ (22-25) ದ್ವಾವಿಂಶ್ಯಾದಿಚತಸೃಣಾಂಚ ತ್ರಿಷ್ಟುಪ್ ಛಂದಸೀ || | |
| 307 | ಪ್ರ ಶು॒ಕ್ರೈತು॑ ದೇ॒ವೀ ಮ॑ನೀ॒ಷಾ ಅ॒ಸ್ಮತ್ಸುತ॑ಷ್ಟೋ॒ ರಥೋ॒ ನ ವಾ॒ಜೀ ||{7.34.1}, {7.3.1.1}, {5.3.25.1} |
| 308 | ವಿ॒ದುಃ ಪೃ॑ಥಿ॒ವ್ಯಾ ದಿ॒ವೋ ಜ॒ನಿತ್ರಂ᳚ ಶೃ॒ಣ್ವಂತ್ಯಾಪೋ॒ ಅಧ॒ ಕ್ಷರಂ᳚ತೀಃ ||{7.34.2}, {7.3.1.2}, {5.3.25.2} |
| 309 | ಆಪ॑ಶ್ಚಿದಸ್ಮೈ॒ ಪಿನ್ವಂ᳚ತ ಪೃ॒ಥ್ವೀರ್ವೃ॒ತ್ರೇಷು॒ ಶೂರಾ॒ ಮಂಸಂ᳚ತ ಉ॒ಗ್ರಾಃ ||{7.34.3}, {7.3.1.3}, {5.3.25.3} |
| 310 | ಆ ಧೂ॒ರ್ಷ್ವ॑ಸ್ಮೈ॒ ದಧಾ॒ತಾಶ್ವಾ॒ನಿಂದ್ರೋ॒ ನ ವ॒ಜ್ರೀ ಹಿರ᳚ಣ್ಯಬಾಹುಃ ||{7.34.4}, {7.3.1.4}, {5.3.25.4} |
| 311 | ಅ॒ಭಿ ಪ್ರ ಸ್ಥಾ॒ತಾಹೇ᳚ವ ಯ॒ಜ್ಞಂ ಯಾತೇ᳚ವ॒ ಪತ್ಮಂ॒ತ್ಮನಾ᳚ ಹಿನೋತ ||{7.34.5}, {7.3.1.5}, {5.3.25.5} |
| 312 | ತ್ಮನಾ᳚ ಸ॒ಮತ್ಸು॑ ಹಿ॒ನೋತ॑ ಯ॒ಜ್ಞಂ ದಧಾ᳚ತ ಕೇ॒ತುಂ ಜನಾ᳚ಯ ವೀ॒ರಂ ||{7.34.6}, {7.3.1.6}, {5.3.25.6} |
| 313 | ಉದ॑ಸ್ಯ॒ ಶುಷ್ಮಾ᳚ದ್ಭಾ॒ನುರ್ನಾರ್ತ॒ ಬಿಭ॑ರ್ತಿ ಭಾ॒ರಂ ಪೃ॑ಥಿ॒ವೀ ನ ಭೂಮ॑ ||{7.34.7}, {7.3.1.7}, {5.3.25.7} |
| 314 | ಹ್ವಯಾ᳚ಮಿ ದೇ॒ವಾಁ ಅಯಾ᳚ತುರಗ್ನೇ॒ ಸಾಧ᳚ನ್ನೃ॒ತೇನ॒ ಧಿಯಂ᳚ ದಧಾಮಿ ||{7.34.8}, {7.3.1.8}, {5.3.25.8} |
| 315 | ಅ॒ಭಿ ವೋ᳚ ದೇ॒ವೀಂ ಧಿಯಂ᳚ ದಧಿಧ್ವಂ॒ ಪ್ರ ವೋ᳚ ದೇವ॒ತ್ರಾ ವಾಚಂ᳚ ಕೃಣುಧ್ವಂ ||{7.34.9}, {7.3.1.9}, {5.3.25.9} |
| 316 | ಆ ಚ॑ಷ್ಟ ಆಸಾಂ॒ ಪಾಥೋ᳚ ನ॒ದೀನಾಂ॒ ವರು॑ಣ ಉ॒ಗ್ರಃ ಸ॒ಹಸ್ರ॑ಚಕ್ಷಾಃ ||{7.34.10}, {7.3.1.10}, {5.3.25.10} |
| 317 | ರಾಜಾ᳚ ರಾ॒ಷ್ಟ್ರಾನಾಂ॒ ಪೇಶೋ᳚ ನ॒ದೀನಾ॒ಮನು॑ತ್ತಮಸ್ಮೈ ಕ್ಷ॒ತ್ರಂ ವಿ॒ಶ್ವಾಯು॑ ||{7.34.11}, {7.3.1.11}, {5.3.26.1} |
| 318 | ಅವಿ॑ಷ್ಟೋ ಅ॒ಸ್ಮಾನ್ವಿಶ್ವಾ᳚ಸು ವಿ॒ಕ್ಷ್ವದ್ಯುಂ᳚ ಕೃಣೋತ॒ ಶಂಸಂ᳚ ನಿನಿ॒ತ್ಸೋಃ ||{7.34.12}, {7.3.1.12}, {5.3.26.2} |
| 319 | ವ್ಯೇ᳚ತು ದಿ॒ದ್ಯುದ್ದ್ವಿ॒ಷಾಮಶೇ᳚ವಾ ಯು॒ಯೋತ॒ ವಿಷ್ವ॒ಗ್ರಪ॑ಸ್ತ॒ನೂನಾಂ᳚ ||{7.34.13}, {7.3.1.13}, {5.3.26.3} |
| 320 | ಅವೀ᳚ನ್ನೋ ಅ॒ಗ್ನಿರ್ಹ॒ವ್ಯಾನ್ನಮೋ᳚ಭಿಃ॒ ಪ್ರೇಷ್ಠೋ᳚ ಅಸ್ಮಾ ಅಧಾಯಿ॒ ಸ್ತೋಮಃ॑ ||{7.34.14}, {7.3.1.14}, {5.3.26.4} |
| 321 | ಸ॒ಜೂರ್ದೇ॒ವೇಭಿ॑ರ॒ಪಾಂ ನಪಾ᳚ತಂ॒ ಸಖಾ᳚ಯಂ ಕೃಧ್ವಂ ಶಿ॒ವೋ ನೋ᳚ ಅಸ್ತು ||{7.34.15}, {7.3.1.15}, {5.3.26.5} |
| 322 | ಅ॒ಬ್ಜಾಮು॒ಕ್ಥೈರಹಿಂ᳚ ಗೃಣೀಷೇ ಬು॒ಧ್ನೇ ನ॒ದೀನಾಂ॒ ರಜ॑ಸ್ಸು॒ ಷೀದ॑ನ್ ||{7.34.16}, {7.3.1.16}, {5.3.26.6} |
| 323 | ಮಾ ನೋಽಹಿ॑ರ್ಬು॒ಧ್ನ್ಯೋ᳚ ರಿ॒ಷೇ ಧಾ॒ನ್ಮಾ ಯ॒ಜ್ಞೋ ಅ॑ಸ್ಯ ಸ್ರಿಧದೃತಾ॒ಯೋಃ ||{7.34.17}, {7.3.1.17}, {5.3.26.7} |
| 324 | ಉ॒ತ ನ॑ ಏ॒ಷು ನೃಷು॒ ಶ್ರವೋ᳚ ಧುಃ॒ ಪ್ರ ರಾ॒ಯೇ ಯಂ᳚ತು॒ ಶರ್ಧಂ᳚ತೋ ಅ॒ರ್ಯಃ ||{7.34.18}, {7.3.1.18}, {5.3.26.8} |
| 325 | ತಪಂ᳚ತಿ॒ ಶತ್ರುಂ॒ ಸ್ವ೧॑(ಅ॒)'ರ್ಣ ಭೂಮಾ᳚ ಮ॒ಹಾಸೇ᳚ನಾಸೋ॒ ಅಮೇ᳚ಭಿರೇಷಾಂ ||{7.34.19}, {7.3.1.19}, {5.3.26.9} |
| 326 | ಆ ಯನ್ನಃ॒ ಪತ್ನೀ॒ರ್ಗಮಂ॒ತ್ಯಚ್ಛಾ॒ ತ್ವಷ್ಟಾ᳚ ಸುಪಾ॒ಣಿರ್ದಧಾ᳚ತು ವೀ॒ರಾನ್ ||{7.34.20}, {7.3.1.20}, {5.3.26.10} |
| 327 | ಪ್ರತಿ॑ ನಃ॒ ಸ್ತೋಮಂ॒ ತ್ವಷ್ಟಾ᳚ ಜುಷೇತ॒ ಸ್ಯಾದ॒ಸ್ಮೇ ಅ॒ರಮ॑ತಿರ್ವಸೂ॒ಯುಃ ||{7.34.21}, {7.3.1.21}, {5.3.27.1} |
| 328 | ತಾ ನೋ᳚ ರಾಸನ್ರಾತಿ॒ಷಾಚೋ॒ ವಸೂ॒ನ್ಯಾ ರೋದ॑ಸೀ ವರುಣಾ॒ನೀ ಶೃ॑ಣೋತು | ವರೂ᳚ತ್ರೀಭಿಃ ಸುಶರ॒ಣೋ ನೋ᳚ ಅಸ್ತು॒ ತ್ವಷ್ಟಾ᳚ ಸು॒ದತ್ರೋ॒ ವಿ ದ॑ಧಾತು॒ ರಾಯಃ॑ ||{7.34.22}, {7.3.1.22}, {5.3.27.2} |
| 329 | ತನ್ನೋ॒ ರಾಯಃ॒ ಪರ್ವ॑ತಾ॒ಸ್ತನ್ನ॒ ಆಪ॒ಸ್ತದ್ರಾ᳚ತಿ॒ಷಾಚ॒ ಓಷ॑ಧೀರು॒ತ ದ್ಯೌಃ | ವನ॒ಸ್ಪತಿ॑ಭಿಃ ಪೃಥಿ॒ವೀ ಸ॒ಜೋಷಾ᳚ ಉ॒ಭೇ ರೋದ॑ಸೀ॒ ಪರಿ॑ ಪಾಸತೋ ನಃ ||{7.34.23}, {7.3.1.23}, {5.3.27.3} |
| 330 | ಅನು॒ ತದು॒ರ್ವೀ ರೋದ॑ಸೀ ಜಿಹಾತಾ॒ಮನು॑ ದ್ಯು॒ಕ್ಷೋ ವರು॑ಣ॒ ಇಂದ್ರ॑ಸಖಾ | ಅನು॒ ವಿಶ್ವೇ᳚ ಮ॒ರುತೋ॒ ಯೇ ಸ॒ಹಾಸೋ᳚ ರಾ॒ಯಃ ಸ್ಯಾ᳚ಮ ಧ॒ರುಣಂ᳚ ಧಿ॒ಯಧ್ಯೈ᳚ ||{7.34.24}, {7.3.1.24}, {5.3.27.4} |
| 331 | ತನ್ನ॒ ಇಂದ್ರೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿರಾಪ॒ ಓಷ॑ಧೀರ್ವ॒ನಿನೋ᳚ ಜುಷಂತ | ಶರ್ಮ᳚ನ್ಸ್ಯಾಮ ಮ॒ರುತಾ᳚ಮು॒ಪಸ್ಥೇ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.34.25}, {7.3.1.25}, {5.3.27.5} |
| [35] (1-15) ಪಂಚದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವಿಶ್ವೇ ದೇವಾ ದೇವತಾ | ತ್ರಿಷ್ಟುಪ್ ಛಂದಃ || | |
| 332 | ಶಂ ನ॑ ಇಂದ್ರಾ॒ಗ್ನೀ ಭ॑ವತಾ॒ಮವೋ᳚ಭಿಃ॒ ಶಂ ನ॒ ಇಂದ್ರಾ॒ವರು॑ಣಾ ರಾ॒ತಹ᳚ವ್ಯಾ | ಶಮಿಂದ್ರಾ॒ಸೋಮಾ᳚ ಸುವಿ॒ತಾಯ॒ ಶಂ ಯೋಃ ಶಂ ನ॒ ಇಂದ್ರಾ᳚ಪೂ॒ಷಣಾ॒ ವಾಜ॑ಸಾತೌ ||{7.35.1}, {7.3.2.1}, {5.3.28.1} |
| 333 | ಶಂ ನೋ॒ ಭಗಃ॒ ಶಮು॑ ನಃ॒ ಶಂಸೋ᳚ ಅಸ್ತು॒ ಶಂ ನಃ॒ ಪುರಂ᳚ಧಿಃ॒ ಶಮು॑ ಸಂತು॒ ರಾಯಃ॑ | ಶಂ ನಃ॑ ಸ॒ತ್ಯಸ್ಯ॑ ಸು॒ಯಮ॑ಸ್ಯ॒ ಶಂಸಃ॒ ಶಂ ನೋ᳚ ಅರ್ಯ॒ಮಾ ಪು॑ರುಜಾ॒ತೋ ಅ॑ಸ್ತು ||{7.35.2}, {7.3.2.2}, {5.3.28.2} |
| 334 | ಶಂ ನೋ᳚ ಧಾ॒ತಾ ಶಮು॑ ಧ॒ರ್ತಾ ನೋ᳚ ಅಸ್ತು॒ ಶಂ ನ॑ ಉರೂ॒ಚೀ ಭ॑ವತು ಸ್ವ॒ಧಾಭಿಃ॑ | ಶಂ ರೋದ॑ಸೀ ಬೃಹ॒ತೀ ಶಂ ನೋ॒ ಅದ್ರಿಃ॒ ಶಂ ನೋ᳚ ದೇ॒ವಾನಾಂ᳚ ಸು॒ಹವಾ᳚ನಿ ಸಂತು ||{7.35.3}, {7.3.2.3}, {5.3.28.3} |
| 335 | ಶಂ ನೋ᳚ ಅ॒ಗ್ನಿರ್ಜ್ಯೋತಿ॑ರನೀಕೋ ಅಸ್ತು॒ ಶಂ ನೋ᳚ ಮಿ॒ತ್ರಾವರು॑ಣಾವ॒ಶ್ವಿನಾ॒ ಶಂ | ಶಂ ನಃ॑ ಸು॒ಕೃತಾಂ᳚ ಸುಕೃ॒ತಾನಿ॑ ಸಂತು॒ ಶಂ ನ॑ ಇಷಿ॒ರೋ ಅ॒ಭಿ ವಾ᳚ತು॒ ವಾತಃ॑ ||{7.35.4}, {7.3.2.4}, {5.3.28.4} |
| 336 | ಶಂ ನೋ॒ ದ್ಯಾವಾ᳚ಪೃಥಿ॒ವೀ ಪೂ॒ರ್ವಹೂ᳚ತೌ॒ ಶಮಂ॒ತರಿ॑ಕ್ಷಂ ದೃ॒ಶಯೇ᳚ ನೋ ಅಸ್ತು | ಶಂ ನ॒ ಓಷ॑ಧೀರ್ವ॒ನಿನೋ᳚ ಭವಂತು॒ ಶಂ ನೋ॒ ರಜ॑ಸ॒ಸ್ಪತಿ॑ರಸ್ತು ಜಿ॒ಷ್ಣುಃ ||{7.35.5}, {7.3.2.5}, {5.3.28.5} |
| 337 | ಶಂ ನ॒ ಇಂದ್ರೋ॒ ವಸು॑ಭಿರ್ದೇ॒ವೋ ಅ॑ಸ್ತು॒ ಶಮಾ᳚ದಿ॒ತ್ಯೇಭಿ॒ರ್ವರು॑ಣಃ ಸು॒ಶಂಸಃ॑ | ಶಂ ನೋ᳚ ರು॒ದ್ರೋ ರು॒ದ್ರೇಭಿ॒ರ್ಜಲಾ᳚ಷಃ॒ ಶಂ ನ॒ಸ್ತ್ವಷ್ಟಾ॒ ಗ್ನಾಭಿ॑ರಿ॒ಹ ಶೃ॑ಣೋತು ||{7.35.6}, {7.3.2.6}, {5.3.29.1} |
| 338 | ಶಂ ನಃ॒ ಸೋಮೋ᳚ ಭವತು॒ ಬ್ರಹ್ಮ॒ ಶಂ ನಃ॒ ಶಂ ನೋ॒ ಗ್ರಾವಾ᳚ಣಃ॒ ಶಮು॑ ಸಂತು ಯ॒ಜ್ಞಾಃ | ಶಂ ನಃ॒ ಸ್ವರೂ᳚ಣಾಂ ಮಿ॒ತಯೋ᳚ ಭವಂತು॒ ಶಂ ನಃ॑ ಪ್ರ॒ಸ್ವ೧॑(ಅ॒)ಃ ಶಮ್ವ॑ಸ್ತು॒ ವೇದಿಃ॑ ||{7.35.7}, {7.3.2.7}, {5.3.29.2} |
| 339 | ಶಂ ನಃ॒ ಸೂರ್ಯ॑ ಉರು॒ಚಕ್ಷಾ॒ ಉದೇ᳚ತು॒ ಶಂ ನ॒ಶ್ಚತ॑ಸ್ರಃ ಪ್ರ॒ದಿಶೋ᳚ ಭವಂತು | ಶಂ ನಃ॒ ಪರ್ವ॑ತಾ ಧ್ರು॒ವಯೋ᳚ ಭವಂತು॒ ಶಂ ನಃ॒ ಸಿಂಧ॑ವಃ॒ ಶಮು॑ ಸಂ॒ತ್ವಾಪಃ॑ ||{7.35.8}, {7.3.2.8}, {5.3.29.3} |
| 340 | ಶಂ ನೋ॒ ಅದಿ॑ತಿರ್ಭವತು ವ್ರ॒ತೇಭಿಃ॒ ಶಂ ನೋ᳚ ಭವಂತು ಮ॒ರುತಃ॑ ಸ್ವ॒ರ್ಕಾಃ | ಶಂ ನೋ॒ ವಿಷ್ಣುಃ॒ ಶಮು॑ ಪೂ॒ಷಾ ನೋ᳚ ಅಸ್ತು॒ ಶಂ ನೋ᳚ ಭ॒ವಿತ್ರಂ॒ ಶಮ್ವ॑ಸ್ತು ವಾ॒ಯುಃ ||{7.35.9}, {7.3.2.9}, {5.3.29.4} |
| 341 | ಶಂ ನೋ᳚ ದೇ॒ವಃ ಸ॑ವಿ॒ತಾ ತ್ರಾಯ॑ಮಾಣಃ॒ ಶಂ ನೋ᳚ ಭವಂತೂ॒ಷಸೋ᳚ ವಿಭಾ॒ತೀಃ | ಶಂ ನಃ॑ ಪ॒ರ್ಜನ್ಯೋ᳚ ಭವತು ಪ್ರ॒ಜಾಭ್ಯಃ॒ ಶಂ ನಃ॒ ಕ್ಷೇತ್ರ॑ಸ್ಯ॒ ಪತಿ॑ರಸ್ತು ಶಂ॒ಭುಃ ||{7.35.10}, {7.3.2.10}, {5.3.29.5} |
| 342 | ಶಂ ನೋ᳚ ದೇ॒ವಾ ವಿ॒ಶ್ವದೇ᳚ವಾ ಭವಂತು॒ ಶಂ ಸರ॑ಸ್ವತೀ ಸ॒ಹ ಧೀ॒ಭಿರ॑ಸ್ತು | ಶಮ॑ಭಿ॒ಷಾಚಃ॒ ಶಮು॑ ರಾತಿ॒ಷಾಚಃ॒ ಶಂ ನೋ᳚ ದಿ॒ವ್ಯಾಃ ಪಾರ್ಥಿ॑ವಾಃ॒ ಶಂ ನೋ॒ ಅಪ್ಯಾಃ᳚ ||{7.35.11}, {7.3.2.11}, {5.3.30.1} |
| 343 | ಶಂ ನಃ॑ ಸ॒ತ್ಯಸ್ಯ॒ ಪತ॑ಯೋ ಭವಂತು॒ ಶಂ ನೋ॒ ಅರ್ವಂ᳚ತಃ॒ ಶಮು॑ ಸಂತು॒ ಗಾವಃ॑ | ಶಂ ನ॑ ಋ॒ಭವಃ॑ ಸು॒ಕೃತಃ॑ ಸು॒ಹಸ್ತಾಃ॒ ಶಂ ನೋ᳚ ಭವಂತು ಪಿ॒ತರೋ॒ ಹವೇ᳚ಷು ||{7.35.12}, {7.3.2.12}, {5.3.30.2} |
| 344 | ಶಂ ನೋ᳚ ಅ॒ಜ ಏಕ॑ಪಾದ್ದೇ॒ವೋ ಅ॑ಸ್ತು॒ ಶಂ ನೋಽಹಿ॑ರ್ಬು॒ಧ್ನ್ಯ೧॑(ಅ॒)ಃ ಶಂ ಸ॑ಮು॒ದ್ರಃ | ಶಂ ನೋ᳚ ಅ॒ಪಾಂ ನಪಾ᳚ತ್ಪೇ॒ರುರ॑ಸ್ತು॒ ಶಂ ನಃ॒ ಪೃಶ್ನಿ॑ರ್ಭವತು ದೇ॒ವಗೋ᳚ಪಾ ||{7.35.13}, {7.3.2.13}, {5.3.30.3} |
| 345 | ಆ॒ದಿ॒ತ್ಯಾ ರು॒ದ್ರಾ ವಸ॑ವೋ ಜುಷಂತೇ॒ದಂ ಬ್ರಹ್ಮ॑ ಕ್ರಿ॒ಯಮಾ᳚ಣಂ॒ ನವೀ᳚ಯಃ | ಶೃ॒ಣ್ವಂತು॑ ನೋ ದಿ॒ವ್ಯಾಃ ಪಾರ್ಥಿ॑ವಾಸೋ॒ ಗೋಜಾ᳚ತಾ ಉ॒ತ ಯೇ ಯ॒ಜ್ಞಿಯಾ᳚ಸಃ ||{7.35.14}, {7.3.2.14}, {5.3.30.4} |
| 346 | ಯೇ ದೇ॒ವಾನಾಂ᳚ ಯ॒ಜ್ಞಿಯಾ᳚ ಯ॒ಜ್ಞಿಯಾ᳚ನಾಂ॒ ಮನೋ॒ರ್ಯಜ॑ತ್ರಾ ಅ॒ಮೃತಾ᳚ ಋತ॒ಜ್ಞಾಃ | ತೇ ನೋ᳚ ರಾಸಂತಾಮುರುಗಾ॒ಯಮ॒ದ್ಯ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.35.15}, {7.3.2.15}, {5.3.30.5} |
| [36] (1-9) ನವರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 347 | ಪ್ರ ಬ್ರಹ್ಮೈ᳚ತು॒ ಸದ॑ನಾದೃ॒ತಸ್ಯ॒ ವಿ ರ॒ಶ್ಮಿಭಿಃ॑ ಸಸೃಜೇ॒ ಸೂರ್ಯೋ॒ ಗಾಃ | ವಿ ಸಾನು॑ನಾ ಪೃಥಿ॒ವೀ ಸ॑ಸ್ರ ಉ॒ರ್ವೀ ಪೃ॒ಥು ಪ್ರತೀ᳚ಕ॒ಮಧ್ಯೇಧೇ᳚ ಅ॒ಗ್ನಿಃ ||{7.36.1}, {7.3.3.1}, {5.4.1.1} |
| 348 | ಇ॒ಮಾಂ ವಾಂ᳚ ಮಿತ್ರಾವರುಣಾ ಸುವೃ॒ಕ್ತಿಮಿಷಂ॒ ನ ಕೃ᳚ಣ್ವೇ ಅಸುರಾ॒ ನವೀ᳚ಯಃ | ಇ॒ನೋ ವಾ᳚ಮ॒ನ್ಯಃ ಪ॑ದ॒ವೀರದ॑ಬ್ಧೋ॒ ಜನಂ᳚ ಚ ಮಿ॒ತ್ರೋ ಯ॑ತತಿ ಬ್ರುವಾ॒ಣಃ ||{7.36.2}, {7.3.3.2}, {5.4.1.2} |
| 349 | ಆ ವಾತ॑ಸ್ಯ॒ ಧ್ರಜ॑ತೋ ರಂತ ಇ॒ತ್ಯಾ ಅಪೀ᳚ಪಯಂತ ಧೇ॒ನವೋ॒ ನ ಸೂದಾಃ᳚ | ಮ॒ಹೋ ದಿ॒ವಃ ಸದ॑ನೇ॒ ಜಾಯ॑ಮಾ॒ನೋಽಚಿ॑ಕ್ರದದ್ವೃಷ॒ಭಃ ಸಸ್ಮಿ॒ನ್ನೂಧ॑ನ್ ||{7.36.3}, {7.3.3.3}, {5.4.1.3} |
| 350 | ಗಿ॒ರಾ ಯ ಏ॒ತಾ ಯು॒ನಜ॒ದ್ಧರೀ᳚ ತ॒ ಇಂದ್ರ॑ ಪ್ರಿ॒ಯಾ ಸು॒ರಥಾ᳚ ಶೂರ ಧಾ॒ಯೂ | ಪ್ರ ಯೋ ಮ॒ನ್ಯುಂ ರಿರಿ॑ಕ್ಷತೋ ಮಿ॒ನಾತ್ಯಾ ಸು॒ಕ್ರತು॑ಮರ್ಯ॒ಮಣಂ᳚ ವವೃತ್ಯಾಂ ||{7.36.4}, {7.3.3.4}, {5.4.1.4} |
| 351 | ಯಜಂ᳚ತೇ ಅಸ್ಯ ಸ॒ಖ್ಯಂ ವಯ॑ಶ್ಚ ನಮ॒ಸ್ವಿನಃ॒ ಸ್ವ ಋ॒ತಸ್ಯ॒ ಧಾಮ॑ನ್ | ವಿ ಪೃಕ್ಷೋ᳚ ಬಾಬಧೇ॒ ನೃಭಿಃ॒ ಸ್ತವಾ᳚ನ ಇ॒ದಂ ನಮೋ᳚ ರು॒ದ್ರಾಯ॒ ಪ್ರೇಷ್ಠಂ᳚ ||{7.36.5}, {7.3.3.5}, {5.4.1.5} |
| 352 | ಆ ಯತ್ಸಾ॒ಕಂ ಯ॒ಶಸೋ᳚ ವಾವಶಾ॒ನಾಃ ಸರ॑ಸ್ವತೀ ಸ॒ಪ್ತಥೀ॒ ಸಿಂಧು॑ಮಾತಾ | ಯಾಃ ಸು॒ಷ್ವಯಂ᳚ತ ಸು॒ದುಘಾಃ᳚ ಸುಧಾ॒ರಾ ಅ॒ಭಿ ಸ್ವೇನ॒ ಪಯ॑ಸಾ॒ ಪೀಪ್ಯಾ᳚ನಾಃ ||{7.36.6}, {7.3.3.6}, {5.4.2.1} |
| 353 | ಉ॒ತ ತ್ಯೇ ನೋ᳚ ಮ॒ರುತೋ᳚ ಮಂದಸಾ॒ನಾ ಧಿಯಂ᳚ ತೋ॒ಕಂ ಚ॑ ವಾ॒ಜಿನೋ᳚ಽವಂತು | ಮಾ ನಃ॒ ಪರಿ॑ ಖ್ಯ॒ದಕ್ಷ॑ರಾ॒ ಚರಂ॒ತ್ಯವೀ᳚ವೃಧ॒ನ್ಯುಜ್ಯಂ॒ ತೇ ರ॒ಯಿಂ ನಃ॑ ||{7.36.7}, {7.3.3.7}, {5.4.2.2} |
| 354 | ಪ್ರ ವೋ᳚ ಮ॒ಹೀಮ॒ರಮ॑ತಿಂ ಕೃಣುಧ್ವಂ॒ ಪ್ರ ಪೂ॒ಷಣಂ᳚ ವಿದ॒ಥ್ಯ೧॑(ಅ॒) ಅಂನ ವೀ॒ರಂ | ಭಗಂ᳚ ಧಿ॒ಯೋ᳚ಽವಿ॒ತಾರಂ᳚ ನೋ ಅ॒ಸ್ಯಾಃ ಸಾ॒ತೌ ವಾಜಂ᳚ ರಾತಿ॒ಷಾಚಂ॒ ಪುರಂ᳚ಧಿಂ ||{7.36.8}, {7.3.3.8}, {5.4.2.3} |
| 355 | ಅಚ್ಛಾ॒ಯಂ ವೋ᳚ ಮರುತಃ॒ ಶ್ಲೋಕ॑ ಏ॒ತ್ವಚ್ಛಾ॒ ವಿಷ್ಣುಂ᳚ ನಿಷಿಕ್ತ॒ಪಾಮವೋ᳚ಭಿಃ | ಉ॒ತ ಪ್ರ॒ಜಾಯೈ᳚ ಗೃಣ॒ತೇ ವಯೋ᳚ ಧುರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.36.9}, {7.3.3.9}, {5.4.2.4} |
| [37] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 356 | ಆ ವೋ॒ ವಾಹಿ॑ಷ್ಠೋ ವಹತು ಸ್ತ॒ವಧ್ಯೈ॒ ರಥೋ᳚ ವಾಜಾ ಋಭುಕ್ಷಣೋ॒ ಅಮೃ॑ಕ್ತಃ | ಅ॒ಭಿ ತ್ರಿ॑ಪೃ॒ಷ್ಠೈಃ ಸವ॑ನೇಷು॒ ಸೋಮೈ॒ರ್ಮದೇ᳚ ಸುಶಿಪ್ರಾ ಮ॒ಹಭಿಃ॑ ಪೃಣಧ್ವಂ ||{7.37.1}, {7.3.4.1}, {5.4.3.1} |
| 357 | ಯೂ॒ಯಂ ಹ॒ ರತ್ನಂ᳚ ಮ॒ಘವ॑ತ್ಸು ಧತ್ಥ ಸ್ವ॒ರ್ದೃಶ॑ ಋಭುಕ್ಷಣೋ॒ ಅಮೃ॑ಕ್ತಂ | ಸಂ ಯ॒ಜ್ಞೇಷು॑ ಸ್ವಧಾವಂತಃ ಪಿಬಧ್ವಂ॒ ವಿ ನೋ॒ ರಾಧಾಂ᳚ಸಿ ಮ॒ತಿಭಿ॑ರ್ದಯಧ್ವಂ ||{7.37.2}, {7.3.4.2}, {5.4.3.2} |
| 358 | ಉ॒ವೋಚಿ॑ಥ॒ ಹಿ ಮ॑ಘವಂದೇ॒ಷ್ಣಂ ಮ॒ಹೋ ಅರ್ಭ॑ಸ್ಯ॒ ವಸು॑ನೋ ವಿಭಾ॒ಗೇ | ಉ॒ಭಾ ತೇ᳚ ಪೂ॒ರ್ಣಾ ವಸು॑ನಾ॒ ಗಭ॑ಸ್ತೀ॒ ನ ಸೂ॒ನೃತಾ॒ ನಿ ಯ॑ಮತೇ ವಸ॒ವ್ಯಾ᳚ ||{7.37.3}, {7.3.4.3}, {5.4.3.3} |
| 359 | ತ್ವಮಿಂ᳚ದ್ರ॒ ಸ್ವಯ॑ಶಾ ಋಭು॒ಕ್ಷಾ ವಾಜೋ॒ ನ ಸಾ॒ಧುರಸ್ತ॑ಮೇ॒ಷ್ಯೃಕ್ವಾ᳚ | ವ॒ಯಂ ನು ತೇ᳚ ದಾ॒ಶ್ವಾಂಸಃ॑ ಸ್ಯಾಮ॒ ಬ್ರಹ್ಮ॑ ಕೃ॒ಣ್ವಂತೋ᳚ ಹರಿವೋ॒ ವಸಿ॑ಷ್ಠಾಃ ||{7.37.4}, {7.3.4.4}, {5.4.3.4} |
| 360 | ಸನಿ॑ತಾಸಿ ಪ್ರ॒ವತೋ᳚ ದಾ॒ಶುಷೇ᳚ ಚಿ॒ದ್ಯಾಭಿ॒ರ್ವಿವೇ᳚ಷೋ ಹರ್ಯಶ್ವ ಧೀ॒ಭಿಃ | ವ॒ವ॒ನ್ಮಾ ನು ತೇ॒ ಯುಜ್ಯಾ᳚ಭಿರೂ॒ತೀ ಕ॒ದಾ ನ॑ ಇಂದ್ರ ರಾ॒ಯ ಆ ದ॑ಶಸ್ಯೇಃ ||{7.37.5}, {7.3.4.5}, {5.4.3.5} |
| 361 | ವಾ॒ಸಯ॑ಸೀವ ವೇ॒ಧಸ॒ಸ್ತ್ವಂ ನಃ॑ ಕ॒ದಾ ನ॑ ಇಂದ್ರ॒ ವಚ॑ಸೋ ಬುಬೋಧಃ | ಅಸ್ತಂ᳚ ತಾ॒ತ್ಯಾ ಧಿ॒ಯಾ ರ॒ಯಿಂ ಸು॒ವೀರಂ᳚ ಪೃ॒ಕ್ಷೋ ನೋ॒ ಅರ್ವಾ॒ ನ್ಯು॑ಹೀತ ವಾ॒ಜೀ ||{7.37.6}, {7.3.4.6}, {5.4.4.1} |
| 362 | ಅ॒ಭಿ ಯಂ ದೇ॒ವೀ ನಿರೃ॑ತಿಶ್ಚಿ॒ದೀಶೇ॒ ನಕ್ಷಂ᳚ತ॒ ಇಂದ್ರಂ᳚ ಶ॒ರದಃ॑ ಸು॒ಪೃಕ್ಷಃ॑ | ಉಪ॑ ತ್ರಿಬಂ॒ಧುರ್ಜ॒ರದ॑ಷ್ಟಿಮೇ॒ತ್ಯಸ್ವ॑ವೇಶಂ॒ ಯಂ ಕೃ॒ಣವಂ᳚ತ॒ ಮರ್ತಾಃ᳚ ||{7.37.7}, {7.3.4.7}, {5.4.4.2} |
| 363 | ಆ ನೋ॒ ರಾಧಾಂ᳚ಸಿ ಸವಿತಃ ಸ್ತ॒ವಧ್ಯಾ॒ ಆ ರಾಯೋ᳚ ಯಂತು॒ ಪರ್ವ॑ತಸ್ಯ ರಾ॒ತೌ | ಸದಾ᳚ ನೋ ದಿ॒ವ್ಯಃ ಪಾ॒ಯುಃ ಸಿ॑ಷಕ್ತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.37.8}, {7.3.4.8}, {5.4.4.3} |
| [38] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-6) ಪ್ರಥಮಾದಿಷಣ್ಣಾಂ ಸವಿತಾ, (6) ಷಷ್ಠ್ಯಾ ಉತ್ತರಾರ್ಧಸ್ಯ ಭಗೋ ವಾ, (7-8) ಸಪ್ತಮ್ಯಷ್ಟಮ್ಯೋಶ್ಚ ವಾಜಿನೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 364 | ಉದು॒ ಷ್ಯ ದೇ॒ವಃ ಸ॑ವಿ॒ತಾ ಯ॑ಯಾಮ ಹಿರ॒ಣ್ಯಯೀ᳚ಮ॒ಮತಿಂ॒ ಯಾಮಶಿ॑ಶ್ರೇತ್ | ನೂ॒ನಂ ಭಗೋ॒ ಹವ್ಯೋ॒ ಮಾನು॑ಷೇಭಿ॒ರ್ವಿ ಯೋ ರತ್ನಾ᳚ ಪುರೂ॒ವಸು॒ರ್ದಧಾ᳚ತಿ ||{7.38.1}, {7.3.5.1}, {5.4.5.1} |
| 365 | ಉದು॑ ತಿಷ್ಠ ಸವಿತಃ ಶ್ರು॒ಧ್ಯ೧॑(ಅ॒)ಸ್ಯ ಹಿರ᳚ಣ್ಯಪಾಣೇ॒ ಪ್ರಭೃ॑ತಾವೃ॒ತಸ್ಯ॑ | ವ್ಯು೧॑(ಉ॒)'ರ್ವೀಂ ಪೃ॒ಥ್ವೀಮ॒ಮತಿಂ᳚ ಸೃಜಾ॒ನ ಆ ನೃಭ್ಯೋ᳚ ಮರ್ತ॒ಭೋಜ॑ನಂ ಸುವಾ॒ನಃ ||{7.38.2}, {7.3.5.2}, {5.4.5.2} |
| 366 | ಅಪಿ॑ ಷ್ಟು॒ತಃ ಸ॑ವಿ॒ತಾ ದೇ॒ವೋ ಅ॑ಸ್ತು॒ ಯಮಾ ಚಿ॒ದ್ವಿಶ್ವೇ॒ ವಸ॑ವೋ ಗೃ॒ಣಂತಿ॑ | ಸ ನಃ॒ ಸ್ತೋಮಾ᳚ನ್ನಮ॒ಸ್ಯ೧॑(ಅ॒)ಶ್ಚನೋ᳚ ಧಾ॒ದ್ವಿಶ್ವೇ᳚ಭಿಃ ಪಾತು ಪಾ॒ಯುಭಿ॒ರ್ನಿ ಸೂ॒ರೀನ್ ||{7.38.3}, {7.3.5.3}, {5.4.5.3} |
| 367 | ಅ॒ಭಿ ಯಂ ದೇ॒ವ್ಯದಿ॑ತಿರ್ಗೃ॒ಣಾತಿ॑ ಸ॒ವಂ ದೇ॒ವಸ್ಯ॑ ಸವಿ॒ತುರ್ಜು॑ಷಾ॒ಣಾ | ಅ॒ಭಿ ಸ॒ಮ್ರಾಜೋ॒ ವರು॑ಣೋ ಗೃಣಂತ್ಯ॒ಭಿ ಮಿ॒ತ್ರಾಸೋ᳚ ಅರ್ಯ॒ಮಾ ಸ॒ಜೋಷಾಃ᳚ ||{7.38.4}, {7.3.5.4}, {5.4.5.4} |
| 368 | ಅ॒ಭಿ ಯೇ ಮಿ॒ಥೋ ವ॒ನುಷಃ॒ ಸಪಂ᳚ತೇ ರಾ॒ತಿಂ ದಿ॒ವೋ ರಾ᳚ತಿ॒ಷಾಚಃ॑ ಪೃಥಿ॒ವ್ಯಾಃ | ಅಹಿ॑ರ್ಬು॒ಧ್ನ್ಯ॑ ಉ॒ತ ನಃ॑ ಶೃಣೋತು॒ ವರೂ॒ತ್ರ್ಯೇಕ॑ಧೇನುಭಿ॒ರ್ನಿ ಪಾ᳚ತು ||{7.38.5}, {7.3.5.5}, {5.4.5.5} |
| 369 | ಅನು॒ ತನ್ನೋ॒ ಜಾಸ್ಪತಿ᳚ರ್ಮಂಸೀಷ್ಟ॒ ರತ್ನಂ᳚ ದೇ॒ವಸ್ಯ॑ ಸವಿ॒ತುರಿ॑ಯಾ॒ನಃ | ಭಗ॑ಮು॒ಗ್ರೋಽವ॑ಸೇ॒ ಜೋಹ॑ವೀತಿ॒ ಭಗ॒ಮನು॑ಗ್ರೋ॒ ಅಧ॑ ಯಾತಿ॒ ರತ್ನಂ᳚ ||{7.38.6}, {7.3.5.6}, {5.4.5.6} |
| 370 | ಶಂ ನೋ᳚ ಭವಂತು ವಾ॒ಜಿನೋ॒ ಹವೇ᳚ಷು ದೇ॒ವತಾ᳚ತಾ ಮಿ॒ತದ್ರ॑ವಃ ಸ್ವ॒ರ್ಕಾಃ | ಜಂ॒ಭಯಂ॒ತೋಽಹಿಂ॒ ವೃಕಂ॒ ರಕ್ಷಾಂ᳚ಸಿ॒ ಸನೇ᳚ಮ್ಯ॒ಸ್ಮದ್ಯು॑ಯವ॒ನ್ನಮೀ᳚ವಾಃ ||{7.38.7}, {7.3.5.7}, {5.4.5.7} |
| 371 | ವಾಜೇ᳚ವಾಜೇಽವತ ವಾಜಿನೋ ನೋ॒ ಧನೇ᳚ಷು ವಿಪ್ರಾ ಅಮೃತಾ ಋತಜ್ಞಾಃ | ಅ॒ಸ್ಯ ಮಧ್ವಃ॑ ಪಿಬತ ಮಾ॒ದಯ॑ಧ್ವಂ ತೃ॒ಪ್ತಾ ಯಾ᳚ತ ಪ॒ಥಿಭಿ॑ರ್ದೇವ॒ಯಾನೈಃ᳚ ||{7.38.8}, {7.3.5.8}, {5.4.5.8} |
| [39] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ | ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 372 | ಊ॒ರ್ಧ್ವೋ ಅ॒ಗ್ನಿಃ ಸು॑ಮ॒ತಿಂ ವಸ್ವೋ᳚ ಅಶ್ರೇತ್ಪ್ರತೀ॒ಚೀ ಜೂ॒ರ್ಣಿರ್ದೇ॒ವತಾ᳚ತಿಮೇತಿ | ಭೇ॒ಜಾತೇ॒ ಅದ್ರೀ᳚ ರ॒ಥ್ಯೇ᳚ವ॒ ಪಂಥಾ᳚ಮೃ॒ತಂ ಹೋತಾ᳚ ನ ಇಷಿ॒ತೋ ಯ॑ಜಾತಿ ||{7.39.1}, {7.3.6.1}, {5.4.6.1} |
| 373 | ಪ್ರ ವಾ᳚ವೃಜೇ ಸುಪ್ರ॒ಯಾ ಬ॒ರ್ಹಿರೇ᳚ಷಾ॒ಮಾ ವಿ॒ಶ್ಪತೀ᳚ವ॒ ಬೀರಿ॑ಟ ಇಯಾತೇ | ವಿ॒ಶಾಮ॒ಕ್ತೋರು॒ಷಸಃ॑ ಪೂ॒ರ್ವಹೂ᳚ತೌ ವಾ॒ಯುಃ ಪೂ॒ಷಾ ಸ್ವ॒ಸ್ತಯೇ᳚ ನಿ॒ಯುತ್ವಾ॑ನ್ ||{7.39.2}, {7.3.6.2}, {5.4.6.2} |
| 374 | ಜ್ಮ॒ಯಾ ಅತ್ರ॒ ವಸ॑ವೋ ರಂತ ದೇ॒ವಾ ಉ॒ರಾವಂ॒ತರಿ॑ಕ್ಷೇ ಮರ್ಜಯಂತ ಶು॒ಭ್ರಾಃ | ಅ॒ರ್ವಾಕ್ಪ॒ಥ ಉ॑ರುಜ್ರಯಃ ಕೃಣುಧ್ವಂ॒ ಶ್ರೋತಾ᳚ ದೂ॒ತಸ್ಯ॑ ಜ॒ಗ್ಮುಷೋ᳚ ನೋ ಅ॒ಸ್ಯ ||{7.39.3}, {7.3.6.3}, {5.4.6.3} |
| 375 | ತೇ ಹಿ ಯ॒ಜ್ಞೇಷು॑ ಯ॒ಜ್ಞಿಯಾ᳚ಸ॒ ಊಮಾಃ᳚ ಸ॒ಧಸ್ಥಂ॒ ವಿಶ್ವೇ᳚ ಅ॒ಭಿ ಸಂತಿ॑ ದೇ॒ವಾಃ | ತಾಁ ಅ॑ಧ್ವ॒ರ ಉ॑ಶ॒ತೋ ಯ॑ಕ್ಷ್ಯಗ್ನೇ ಶ್ರು॒ಷ್ಟೀ ಭಗಂ॒ ನಾಸ॑ತ್ಯಾ॒ ಪುರಂ᳚ಧಿಂ ||{7.39.4}, {7.3.6.4}, {5.4.6.4} |
| 376 | ಆಗ್ನೇ॒ ಗಿರೋ᳚ ದಿ॒ವ ಆ ಪೃ॑ಥಿ॒ವ್ಯಾ ಮಿ॒ತ್ರಂ ವ॑ಹ॒ ವರು॑ಣ॒ಮಿಂದ್ರ॑ಮ॒ಗ್ನಿಂ | ಆರ್ಯ॒ಮಣ॒ಮದಿ॑ತಿಂ॒ ವಿಷ್ಣು॑ಮೇಷಾಂ॒ ಸರ॑ಸ್ವತೀ ಮ॒ರುತೋ᳚ ಮಾದಯಂತಾಂ ||{7.39.5}, {7.3.6.5}, {5.4.6.5} |
| 377 | ರ॒ರೇ ಹ॒ವ್ಯಂ ಮ॒ತಿಭಿ᳚ರ್ಯ॒ಜ್ಞಿಯಾ᳚ನಾಂ॒ ನಕ್ಷ॒ತ್ಕಾಮಂ॒ ಮರ್ತ್ಯಾ᳚ನಾ॒ಮಸಿ᳚ನ್ವನ್ | ಧಾತಾ᳚ ರ॒ಯಿಮ॑ವಿದ॒ಸ್ಯಂ ಸ॑ದಾ॒ಸಾಂ ಸ॑ಕ್ಷೀ॒ಮಹಿ॒ ಯುಜ್ಯೇ᳚ಭಿ॒ರ್ನು ದೇ॒ವೈಃ ||{7.39.6}, {7.3.6.6}, {5.4.6.6} |
| 378 | ನೂ ರೋದ॑ಸೀ ಅ॒ಭಿಷ್ಟು॑ತೇ॒ ವಸಿ॑ಷ್ಠೈರೃ॒ತಾವಾ᳚ನೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ | ಯಚ್ಛಂ᳚ತು ಚಂ॒ದ್ರಾ ಉ॑ಪ॒ಮಂ ನೋ᳚ ಅ॒ರ್ಕಂ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.39.7}, {7.3.6.7}, {5.4.6.7} |
| [40] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 379 | ಓ ಶ್ರು॒ಷ್ಟಿರ್ವಿ॑ದ॒ಥ್ಯಾ॒೩॑(ಆ॒) ಸಮೇ᳚ತು॒ ಪ್ರತಿ॒ ಸ್ತೋಮಂ᳚ ದಧೀಮಹಿ ತು॒ರಾಣಾಂ᳚ | ಯದ॒ದ್ಯ ದೇ॒ವಃ ಸ॑ವಿ॒ತಾ ಸು॒ವಾತಿ॒ ಸ್ಯಾಮಾ᳚ಸ್ಯ ರ॒ತ್ನಿನೋ᳚ ವಿಭಾ॒ಗೇ ||{7.40.1}, {7.3.7.1}, {5.4.7.1} |
| 380 | ಮಿ॒ತ್ರಸ್ತನ್ನೋ॒ ವರು॑ಣೋ॒ ರೋದ॑ಸೀ ಚ॒ ದ್ಯುಭ॑ಕ್ತ॒ಮಿಂದ್ರೋ᳚ ಅರ್ಯ॒ಮಾ ದ॑ದಾತು | ದಿದೇ᳚ಷ್ಟು ದೇ॒ವ್ಯದಿ॑ತೀ॒ ರೇಕ್ಣೋ᳚ ವಾ॒ಯುಶ್ಚ॒ ಯನ್ನಿ॑ಯು॒ವೈತೇ॒ ಭಗ॑ಶ್ಚ ||{7.40.2}, {7.3.7.2}, {5.4.7.2} |
| 381 | ಸೇದು॒ಗ್ರೋ ಅ॑ಸ್ತು ಮರುತಃ॒ ಸ ಶು॒ಷ್ಮೀ ಯಂ ಮರ್ತ್ಯಂ᳚ ಪೃಷದಶ್ವಾ॒ ಅವಾ᳚ಥ | ಉ॒ತೇಮ॒ಗ್ನಿಃ ಸರ॑ಸ್ವತೀ ಜು॒ನಂತಿ॒ ನ ತಸ್ಯ॑ ರಾ॒ಯಃ ಪ᳚ರ್ಯೇ॒ತಾಸ್ತಿ॑ ||{7.40.3}, {7.3.7.3}, {5.4.7.3} |
| 382 | ಅ॒ಯಂ ಹಿ ನೇ॒ತಾ ವರು॑ಣ ಋ॒ತಸ್ಯ॑ ಮಿ॒ತ್ರೋ ರಾಜಾ᳚ನೋ ಅರ್ಯ॒ಮಾಪೋ॒ ಧುಃ | ಸು॒ಹವಾ᳚ ದೇ॒ವ್ಯದಿ॑ತಿರನ॒ರ್ವಾ ತೇ ನೋ॒ ಅಂಹೋ॒ ಅತಿ॑ ಪರ್ಷ॒ನ್ನರಿ॑ಷ್ಟಾನ್ ||{7.40.4}, {7.3.7.4}, {5.4.7.4} |
| 383 | ಅ॒ಸ್ಯ ದೇ॒ವಸ್ಯ॑ ಮೀ॒ಳ್ಹುಷೋ᳚ ವ॒ಯಾ ವಿಷ್ಣೋ᳚ರೇ॒ಷಸ್ಯ॑ ಪ್ರಭೃ॒ಥೇ ಹ॒ವಿರ್ಭಿಃ॑ | ವಿ॒ದೇ ಹಿ ರು॒ದ್ರೋ ರು॒ದ್ರಿಯಂ᳚ ಮಹಿ॒ತ್ವಂ ಯಾ᳚ಸಿ॒ಷ್ಟಂ ವ॒ರ್ತಿರ॑ಶ್ವಿನಾ॒ವಿರಾ᳚ವತ್ ||{7.40.5}, {7.3.7.5}, {5.4.7.5} |
| 384 | ಮಾತ್ರ॑ ಪೂಷನ್ನಾಘೃಣ ಇರಸ್ಯೋ॒ ವರೂ᳚ತ್ರೀ॒ ಯದ್ರಾ᳚ತಿ॒ಷಾಚ॑ಶ್ಚ॒ ರಾಸ॑ನ್ | ಮ॒ಯೋ॒ಭುವೋ᳚ ನೋ॒ ಅರ್ವಂ᳚ತೋ॒ ನಿ ಪಾಂ᳚ತು ವೃ॒ಷ್ಟಿಂ ಪರಿ॑ಜ್ಮಾ॒ ವಾತೋ᳚ ದದಾತು ||{7.40.6}, {7.3.7.6}, {5.4.7.6} |
| 385 | ನೂ ರೋದ॑ಸೀ ಅ॒ಭಿಷ್ಟು॑ತೇ॒ ವಸಿ॑ಷ್ಠೈರೃ॒ತಾವಾ᳚ನೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ | ಯಚ್ಛಂ᳚ತು ಚಂ॒ದ್ರಾ ಉ॑ಪ॒ಮಂ ನೋ᳚ ಅ॒ರ್ಕಂ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.40.7}, {7.3.7.7}, {5.4.7.7} |
| [41] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1) ಪ್ರಥಮರ್ಚೋಽಗ್ನೀಂದ್ರಮಿತ್ರಾವರುಣಾಶ್ವಿಭಗಪೂಷಬ್ರಹ್ಮಣಸ್ಪತಿಸೋಮರುದ್ರಾಃ, (2-6) ದ್ವಿತೀಯಾದಿಪಂಚಾನಾಂ ಭಗಃ, (7) ಸಪ್ತಮ್ಯಾಶ್ಚೋಷಸೋ ದೇವತಾಃ | (1) ಪ್ರಥಮ] ಜಗತೀ, (2-7) ದ್ವಿತೀಯಾದಿಷಣ್ಣಾಂಚ ತ್ರಿಷ್ಟುಪ್ ಛಂದಸೀ || | |
| 386 | ಪ್ರಾ॒ತರ॒ಗ್ನಿಂ ಪ್ರಾ॒ತರಿಂದ್ರಂ᳚ ಹವಾಮಹೇ ಪ್ರಾ॒ತರ್ಮಿ॒ತ್ರಾವರು॑ಣಾ ಪ್ರಾ॒ತರ॒ಶ್ವಿನಾ᳚ | ಪ್ರಾ॒ತರ್ಭಗಂ᳚ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ᳚ ಪ್ರಾ॒ತಃ ಸೋಮ॑ಮು॒ತ ರು॒ದ್ರಂ ಹು॑ವೇಮ ||{7.41.1}, {7.3.8.1}, {5.4.8.1} |
| 387 | ಪ್ರಾ॒ತ॒ರ್ಜಿತಂ॒ ಭಗ॑ಮು॒ಗ್ರಂ ಹು॑ವೇಮ ವ॒ಯಂ ಪು॒ತ್ರಮದಿ॑ತೇ॒ರ್ಯೋ ವಿ॑ಧ॒ರ್ತಾ | ಆ॒ಧ್ರಶ್ಚಿ॒ದ್ಯಂ ಮನ್ಯ॑ಮಾನಸ್ತು॒ರಶ್ಚಿ॒ದ್ರಾಜಾ᳚ ಚಿ॒ದ್ಯಂ ಭಗಂ᳚ ಭ॒ಕ್ಷೀತ್ಯಾಹ॑ ||{7.41.2}, {7.3.8.2}, {5.4.8.2} |
| 388 | ಭಗ॒ ಪ್ರಣೇ᳚ತ॒ರ್ಭಗ॒ ಸತ್ಯ॑ರಾಧೋ॒ ಭಗೇ॒ಮಾಂ ಧಿಯ॒ಮುದ॑ವಾ॒ ದದ᳚ನ್ನಃ | ಭಗ॒ ಪ್ರ ಣೋ᳚ ಜನಯ॒ ಗೋಭಿ॒ರಶ್ವೈ॒ರ್ಭಗ॒ ಪ್ರ ನೃಭಿ᳚ರ್ನೃ॒ವಂತಃ॑ ಸ್ಯಾಮ ||{7.41.3}, {7.3.8.3}, {5.4.8.3} |
| 389 | ಉ॒ತೇದಾನೀಂ॒ ಭಗ॑ವಂತಃ ಸ್ಯಾಮೋ॒ತ ಪ್ರ॑ಪಿ॒ತ್ವ ಉ॒ತ ಮಧ್ಯೇ॒ ಅಹ್ನಾಂ᳚ | ಉ॒ತೋದಿ॑ತಾ ಮಘವ॒ನ್ಸೂರ್ಯ॑ಸ್ಯ ವ॒ಯಂ ದೇ॒ವಾನಾಂ᳚ ಸುಮ॒ತೌ ಸ್ಯಾ᳚ಮ ||{7.41.4}, {7.3.8.4}, {5.4.8.4} |
| 390 | ಭಗ॑ ಏ॒ವ ಭಗ॑ವಾಁ ಅಸ್ತು ದೇವಾ॒ಸ್ತೇನ॑ ವ॒ಯಂ ಭಗ॑ವಂತಃ ಸ್ಯಾಮ | ತಂ ತ್ವಾ᳚ ಭಗ॒ ಸರ್ವ॒ ಇಜ್ಜೋ᳚ಹವೀತಿ॒ ಸ ನೋ᳚ ಭಗ ಪುರಏ॒ತಾ ಭ॑ವೇ॒ಹ ||{7.41.5}, {7.3.8.5}, {5.4.8.5} |
| 391 | ಸಮ॑ಧ್ವ॒ರಾಯೋ॒ಷಸೋ᳚ ನಮಂತ ದಧಿ॒ಕ್ರಾವೇ᳚ವ॒ ಶುಚ॑ಯೇ ಪ॒ದಾಯ॑ | ಅ॒ರ್ವಾ॒ಚೀ॒ನಂ ವ॑ಸು॒ವಿದಂ॒ ಭಗಂ᳚ ನೋ॒ ರಥ॑ಮಿ॒ವಾಶ್ವಾ᳚ ವಾ॒ಜಿನ॒ ಆ ವ॑ಹಂತು ||{7.41.6}, {7.3.8.6}, {5.4.8.6} |
| 392 | ಅಶ್ವಾ᳚ವತೀ॒ರ್ಗೋಮ॑ತೀರ್ನ ಉ॒ಷಾಸೋ᳚ ವೀ॒ರವ॑ತೀಃ॒ ಸದ॑ಮುಚ್ಛಂತು ಭ॒ದ್ರಾಃ | ಘೃ॒ತಂ ದುಹಾ᳚ನಾ ವಿ॒ಶ್ವತಃ॒ ಪ್ರಪೀ᳚ತಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.41.7}, {7.3.8.7}, {5.4.8.7} |
| [42] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 393 | ಪ್ರ ಬ್ರ॒ಹ್ಮಾಣೋ॒ ಅಂಗಿ॑ರಸೋ ನಕ್ಷಂತ॒ ಪ್ರ ಕ್ರಂ᳚ದ॒ನುರ್ನ॑ಭ॒ನ್ಯ॑ಸ್ಯ ವೇತು | ಪ್ರ ಧೇ॒ನವ॑ ಉದ॒ಪ್ರುತೋ᳚ ನವಂತ ಯು॒ಜ್ಯಾತಾ॒ಮದ್ರೀ᳚ ಅಧ್ವ॒ರಸ್ಯ॒ ಪೇಶಃ॑ ||{7.42.1}, {7.3.9.1}, {5.4.9.1} |
| 394 | ಸು॒ಗಸ್ತೇ᳚ ಅಗ್ನೇ॒ ಸನ॑ವಿತ್ತೋ॒ ಅಧ್ವಾ᳚ ಯು॒ಕ್ಷ್ವಾ ಸು॒ತೇ ಹ॒ರಿತೋ᳚ ರೋ॒ಹಿತ॑ಶ್ಚ | ಯೇ ವಾ॒ ಸದ್ಮ᳚ನ್ನರು॒ಷಾ ವೀ᳚ರ॒ವಾಹೋ᳚ ಹು॒ವೇ ದೇ॒ವಾನಾಂ॒ ಜನಿ॑ಮಾನಿ ಸ॒ತ್ತಃ ||{7.42.2}, {7.3.9.2}, {5.4.9.2} |
| 395 | ಸಮು॑ ವೋ ಯ॒ಜ್ಞಂ ಮ॑ಹಯ॒ನ್ನಮೋ᳚ಭಿಃ॒ ಪ್ರ ಹೋತಾ᳚ ಮಂ॒ದ್ರೋ ರಿ॑ರಿಚ ಉಪಾ॒ಕೇ | ಯಜ॑ಸ್ವ॒ ಸು ಪು᳚ರ್ವಣೀಕ ದೇ॒ವಾನಾ ಯ॒ಜ್ಞಿಯಾ᳚ಮ॒ರಮ॑ತಿಂ ವವೃತ್ಯಾಃ ||{7.42.3}, {7.3.9.3}, {5.4.9.3} |
| 396 | ಯ॒ದಾ ವೀ॒ರಸ್ಯ॑ ರೇ॒ವತೋ᳚ ದುರೋ॒ಣೇ ಸ್ಯೋ᳚ನ॒ಶೀರತಿ॑ಥಿರಾ॒ಚಿಕೇ᳚ತತ್ | ಸುಪ್ರೀ᳚ತೋ ಅ॒ಗ್ನಿಃ ಸುಧಿ॑ತೋ॒ ದಮ॒ ಆ ಸ ವಿ॒ಶೇ ದಾ᳚ತಿ॒ ವಾರ್ಯ॒ಮಿಯ॑ತ್ಯೈ ||{7.42.4}, {7.3.9.4}, {5.4.9.4} |
| 397 | ಇ॒ಮಂ ನೋ᳚ ಅಗ್ನೇ ಅಧ್ವ॒ರಂ ಜು॑ಷಸ್ವ ಮ॒ರುತ್ಸ್ವಿಂದ್ರೇ᳚ ಯ॒ಶಸಂ᳚ ಕೃಧೀ ನಃ | ಆ ನಕ್ತಾ᳚ ಬ॒ರ್ಹಿಃ ಸ॑ದತಾಮು॒ಷಾಸೋ॒ಶಂತಾ᳚ ಮಿ॒ತ್ರಾವರು॑ಣಾ ಯಜೇ॒ಹ ||{7.42.5}, {7.3.9.5}, {5.4.9.5} |
| 398 | ಏ॒ವಾಗ್ನಿಂ ಸ॑ಹ॒ಸ್ಯ೧॑(ಅ॒) ಅಂವಸಿ॑ಷ್ಠೋ ರಾ॒ಯಸ್ಕಾ᳚ಮೋ ವಿ॒ಶ್ವಪ್ಸ್ನ್ಯ॑ಸ್ಯ ಸ್ತೌತ್ | ಇಷಂ᳚ ರ॒ಯಿಂ ಪ॑ಪ್ರಥ॒ದ್ವಾಜ॑ಮ॒ಸ್ಮೇ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.42.6}, {7.3.9.6}, {5.4.9.6} |
| [43] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವಿಶ್ವೇ ದೇವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 399 | ಪ್ರ ವೋ᳚ ಯ॒ಜ್ಞೇಷು॑ ದೇವ॒ಯಂತೋ᳚ ಅರ್ಚಂ॒ದ್ಯಾವಾ॒ ನಮೋ᳚ಭಿಃ ಪೃಥಿ॒ವೀ ಇ॒ಷಧ್ಯೈ᳚ | ಯೇಷಾಂ॒ ಬ್ರಹ್ಮಾ॒ಣ್ಯಸ॑ಮಾನಿ॒ ವಿಪ್ರಾ॒ ವಿಷ್ವ॑ಗ್ವಿ॒ಯಂತಿ॑ ವ॒ನಿನೋ॒ ನ ಶಾಖಾಃ᳚ ||{7.43.1}, {7.3.10.1}, {5.4.10.1} |
| 400 | ಪ್ರ ಯ॒ಜ್ಞ ಏ᳚ತು॒ ಹೇತ್ವೋ॒ ನ ಸಪ್ತಿ॒ರುದ್ಯ॑ಚ್ಛಧ್ವಂ॒ ಸಮ॑ನಸೋ ಘೃ॒ತಾಚೀಃ᳚ | ಸ್ತೃ॒ಣೀ॒ತ ಬ॒ರ್ಹಿರ॑ಧ್ವ॒ರಾಯ॑ ಸಾ॒ಧೂರ್ಧ್ವಾ ಶೋ॒ಚೀಂಷಿ॑ ದೇವ॒ಯೂನ್ಯ॑ಸ್ಥುಃ ||{7.43.2}, {7.3.10.2}, {5.4.10.2} |
| 401 | ಆ ಪು॒ತ್ರಾಸೋ॒ ನ ಮಾ॒ತರಂ॒ ವಿಭೃ॑ತ್ರಾಃ॒ ಸಾನೌ᳚ ದೇ॒ವಾಸೋ᳚ ಬ॒ರ್ಹಿಷಃ॑ ಸದಂತು | ಆ ವಿ॒ಶ್ವಾಚೀ᳚ ವಿದ॒ಥ್ಯಾ᳚ಮನ॒ಕ್ತ್ವಗ್ನೇ॒ ಮಾ ನೋ᳚ ದೇ॒ವತಾ᳚ತಾ॒ ಮೃಧ॑ಸ್ಕಃ ||{7.43.3}, {7.3.10.3}, {5.4.10.3} |
| 402 | ತೇ ಸೀ᳚ಷಪಂತ॒ ಜೋಷ॒ಮಾ ಯಜ॑ತ್ರಾ ಋ॒ತಸ್ಯ॒ ಧಾರಾಃ᳚ ಸು॒ದುಘಾ॒ ದುಹಾ᳚ನಾಃ | ಜ್ಯೇಷ್ಠಂ᳚ ವೋ ಅ॒ದ್ಯ ಮಹ॒ ಆ ವಸೂ᳚ನಾ॒ಮಾ ಗಂ᳚ತನ॒ ಸಮ॑ನಸೋ॒ ಯತಿ॒ ಷ್ಠ ||{7.43.4}, {7.3.10.4}, {5.4.10.4} |
| 403 | ಏ॒ವಾ ನೋ᳚ ಅಗ್ನೇ ವಿ॒ಕ್ಷ್ವಾ ದ॑ಶಸ್ಯ॒ ತ್ವಯಾ᳚ ವ॒ಯಂ ಸ॑ಹಸಾವ॒ನ್ನಾಸ್ಕ್ರಾಃ᳚ | ರಾ॒ಯಾ ಯು॒ಜಾ ಸ॑ಧ॒ಮಾದೋ॒ ಅರಿ॑ಷ್ಟಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.43.5}, {7.3.10.5}, {5.4.10.5} |
| [44] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1) ಪ್ರಥಮ! ದಧಿಕ್ರಾಶ್ವ್ಯುಷೋಽಗ್ನಿಭಗೇಂದ್ರವಿಷ್ಣಪಷಂ ಬ್ರಹ್ಮಣಸ್ಪತ್ಯಾದಿತ್ಯದ್ಯಾವಾಪೃಥಿವ್ಯಾಪಃ, (2-5) ದ್ವಿತೀಯಾದಿಚತಸೃಣಾಂಚ ದಧಿಕ್ರಾ ದೇವತಾಃ | (1) ಪ್ರಥಮ! ಜಗತೀ, (2-5) ದ್ವಿತೀಯಾದಿಚತಸೃಣಾಂಚ ತ್ರಿಷ್ಟುಪ್ ಛಂದಸೀ || | |
| 404 | ದ॒ಧಿ॒ಕ್ರಾಂ ವಃ॑ ಪ್ರಥ॒ಮಮ॒ಶ್ವಿನೋ॒ಷಸ॑ಮ॒ಗ್ನಿಂ ಸಮಿ॑ದ್ಧಂ॒ ಭಗ॑ಮೂ॒ತಯೇ᳚ ಹುವೇ | ಇಂದ್ರಂ॒ ವಿಷ್ಣುಂ᳚ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿ॑ಮಾದಿ॒ತ್ಯಾಂದ್ಯಾವಾ᳚ಪೃಥಿ॒ವೀ ಅ॒ಪಃ ಸ್ವಃ॑ ||{7.44.1}, {7.3.11.1}, {5.4.11.1} |
| 405 | ದ॒ಧಿ॒ಕ್ರಾಮು॒ ನಮ॑ಸಾ ಬೋ॒ಧಯಂ᳚ತ ಉ॒ದೀರಾ᳚ಣಾ ಯ॒ಜ್ಞಮು॑ಪಪ್ರ॒ಯಂತಃ॑ | ಇಳಾಂ᳚ ದೇ॒ವೀಂ ಬ॒ರ್ಹಿಷಿ॑ ಸಾ॒ದಯಂ᳚ತೋ॒ಽಶ್ವಿನಾ॒ ವಿಪ್ರಾ᳚ ಸು॒ಹವಾ᳚ ಹುವೇಮ ||{7.44.2}, {7.3.11.2}, {5.4.11.2} |
| 406 | ದ॒ಧಿ॒ಕ್ರಾವಾ᳚ಣಂ ಬುಬುಧಾ॒ನೋ ಅ॒ಗ್ನಿಮುಪ॑ ಬ್ರುವ ಉ॒ಷಸಂ॒ ಸೂರ್ಯಂ॒ ಗಾಂ | ಬ್ರ॒ಧ್ನಂ ಮಾಁ᳚ಶ್ಚ॒ತೋರ್ವರು॑ಣಸ್ಯ ಬ॒ಭ್ರುಂ ತೇ ವಿಶ್ವಾ॒ಸ್ಮದ್ದು॑ರಿ॒ತಾ ಯಾ᳚ವಯಂತು ||{7.44.3}, {7.3.11.3}, {5.4.11.3} |
| 407 | ದ॒ಧಿ॒ಕ್ರಾವಾ᳚ ಪ್ರಥ॒ಮೋ ವಾ॒ಜ್ಯರ್ವಾಗ್ರೇ॒ ರಥಾ᳚ನಾಂ ಭವತಿ ಪ್ರಜಾ॒ನನ್ | ಸಂ॒ವಿ॒ದಾ॒ನ ಉ॒ಷಸಾ॒ ಸೂರ್ಯೇ᳚ಣಾದಿ॒ತ್ಯೇಭಿ॒ರ್ವಸು॑ಭಿ॒ರಂಗಿ॑ರೋಭಿಃ ||{7.44.4}, {7.3.11.4}, {5.4.11.4} |
| 408 | ಆ ನೋ᳚ ದಧಿ॒ಕ್ರಾಃ ಪ॒ಥ್ಯಾ᳚ಮನಕ್ತ್ವೃ॒ತಸ್ಯ॒ ಪಂಥಾ॒ಮನ್ವೇ᳚ತ॒ವಾ ಉ॑ | ಶೃ॒ಣೋತು॑ ನೋ॒ ದೈವ್ಯಂ॒ ಶರ್ಧೋ᳚ ಅ॒ಗ್ನಿಃ ಶೃ॒ಣ್ವಂತು॒ ವಿಶ್ವೇ᳚ ಮಹಿ॒ಷಾ ಅಮೂ᳚ರಾಃ ||{7.44.5}, {7.3.11.5}, {5.4.11.5} |
| [45] (1-4) ಚತುರೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಸವಿತಾ ದೇವತಾ | ತ್ರಿಷ್ಟುಪ್ ಛಂದಃ || | |
| 409 | ಆ ದೇ॒ವೋ ಯಾ᳚ತು ಸವಿ॒ತಾ ಸು॒ರತ್ನೋ᳚ಽನ್ತರಿಕ್ಷ॒ಪ್ರಾ ವಹ॑ಮಾನೋ॒ ಅಶ್ವೈಃ᳚ | ಹಸ್ತೇ॒ ದಧಾ᳚ನೋ॒ ನರ್ಯಾ᳚ ಪು॒ರೂಣಿ॑ ನಿವೇ॒ಶಯಂ᳚ಚ ಪ್ರಸು॒ವಂಚ॒ ಭೂಮ॑ ||{7.45.1}, {7.3.12.1}, {5.4.12.1} |
| 410 | ಉದ॑ಸ್ಯ ಬಾ॒ಹೂ ಶಿ॑ಥಿ॒ರಾ ಬೃ॒ಹಂತಾ᳚ ಹಿರ॒ಣ್ಯಯಾ᳚ ದಿ॒ವೋ ಅಂತಾಁ᳚ ಅನಷ್ಟಾಂ | ನೂ॒ನಂ ಸೋ ಅ॑ಸ್ಯ ಮಹಿ॒ಮಾ ಪ॑ನಿಷ್ಟ॒ ಸೂರ॑ಶ್ಚಿದಸ್ಮಾ॒ ಅನು॑ ದಾದಪ॒ಸ್ಯಾಂ ||{7.45.2}, {7.3.12.2}, {5.4.12.2} |
| 411 | ಸ ಘಾ᳚ ನೋ ದೇ॒ವಃ ಸ॑ವಿ॒ತಾ ಸ॒ಹಾವಾ ಸಾ᳚ವಿಷ॒ದ್ವಸು॑ಪತಿ॒ರ್ವಸೂ᳚ನಿ | ವಿ॒ಶ್ರಯ॑ಮಾಣೋ ಅ॒ಮತಿ॑ಮುರೂ॒ಚೀಂ ಮ॑ರ್ತ॒ಭೋಜ॑ನ॒ಮಧ॑ ರಾಸತೇ ನಃ ||{7.45.3}, {7.3.12.3}, {5.4.12.3} |
| 412 | ಇ॒ಮಾ ಗಿರಃ॑ ಸವಿ॒ತಾರಂ᳚ ಸುಜಿ॒ಹ್ವಂ ಪೂ॒ರ್ಣಗ॑ಭಸ್ತಿಮೀಳತೇ ಸುಪಾ॒ಣಿಂ | ಚಿ॒ತ್ರಂ ವಯೋ᳚ ಬೃ॒ಹದ॒ಸ್ಮೇ ದ॑ಧಾತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.45.4}, {7.3.12.4}, {5.4.12.4} |
| [46] (1-4) ಚತುರೃಚಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ | ರುದ್ರೋ ದೇವತಾ | (1-3) ಪ್ರಥಮಾದಿತೃಚಸ್ಯ ಜಗತೀ, (4) ಚತುರ್ಥ್ಯಾ ಋಚಶ್ಚ ತ್ರಿಷ್ಟುಪ್ ಛಂದಸೀ || | |
| 413 | ಇ॒ಮಾ ರು॒ದ್ರಾಯ॑ ಸ್ಥಿ॒ರಧ᳚ನ್ವನೇ॒ ಗಿರಃ॑ ಕ್ಷಿ॒ಪ್ರೇಷ॑ವೇ ದೇ॒ವಾಯ॑ ಸ್ವ॒ಧಾವ್ನೇ᳚ | ಅಷಾ᳚ಳ್ಹಾಯ॒ ಸಹ॑ಮಾನಾಯ ವೇ॒ಧಸೇ᳚ ತಿ॒ಗ್ಮಾಯು॑ಧಾಯ ಭರತಾ ಶೃ॒ಣೋತು॑ ನಃ ||{7.46.1}, {7.3.13.1}, {5.4.13.1} |
| 414 | ಸ ಹಿ ಕ್ಷಯೇ᳚ಣ॒ ಕ್ಷಮ್ಯ॑ಸ್ಯ॒ ಜನ್ಮ॑ನಃ॒ ಸಾಮ್ರಾ᳚ಜ್ಯೇನ ದಿ॒ವ್ಯಸ್ಯ॒ ಚೇತ॑ತಿ | ಅವ॒ನ್ನವಂ᳚ತೀ॒ರುಪ॑ ನೋ॒ ದುರ॑ಶ್ಚರಾನಮೀ॒ವೋ ರು॑ದ್ರ॒ ಜಾಸು॑ ನೋ ಭವ ||{7.46.2}, {7.3.13.2}, {5.4.13.2} |
| 415 | ಯಾ ತೇ᳚ ದಿ॒ದ್ಯುದವ॑ಸೃಷ್ಟಾ ದಿ॒ವಸ್ಪರಿ॑ ಕ್ಷ್ಮ॒ಯಾ ಚರ॑ತಿ॒ ಪರಿ॒ ಸಾ ವೃ॑ಣಕ್ತು ನಃ | ಸ॒ಹಸ್ರಂ᳚ ತೇ ಸ್ವಪಿವಾತ ಭೇಷ॒ಜಾ ಮಾ ನ॑ಸ್ತೋ॒ಕೇಷು॒ ತನ॑ಯೇಷು ರೀರಿಷಃ ||{7.46.3}, {7.3.13.3}, {5.4.13.3} |
| 416 | ಮಾ ನೋ᳚ ವಧೀ ರುದ್ರ॒ ಮಾ ಪರಾ᳚ ದಾ॒ ಮಾ ತೇ᳚ ಭೂಮ॒ ಪ್ರಸಿ॑ತೌ ಹೀಳಿ॒ತಸ್ಯ॑ | ಆ ನೋ᳚ ಭಜ ಬ॒ರ್ಹಿಷಿ॑ ಜೀವಶಂ॒ಸೇ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.46.4}, {7.3.13.4}, {5.4.13.4} |
| [47] (1-4) ಚತುರೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಆಪೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 417 | ಆಪೋ॒ ಯಂ ವಃ॑ ಪ್ರಥ॒ಮಂ ದೇ᳚ವ॒ಯಂತ॑ ಇಂದ್ರ॒ಪಾನ॑ಮೂ॒ರ್ಮಿಮಕೃ᳚ಣ್ವತೇ॒ಳಃ | ತಂ ವೋ᳚ ವ॒ಯಂ ಶುಚಿ॑ಮರಿ॒ಪ್ರಮ॒ದ್ಯ ಘೃ॑ತ॒ಪ್ರುಷಂ॒ ಮಧು॑ಮಂತಂ ವನೇಮ ||{7.47.1}, {7.3.14.1}, {5.4.14.1} |
| 418 | ತಮೂ॒ರ್ಮಿಮಾ᳚ಪೋ॒ ಮಧು॑ಮತ್ತಮಂ ವೋ॒ಽಪಾಂ ನಪಾ᳚ದವತ್ವಾಶು॒ಹೇಮಾ᳚ | ಯಸ್ಮಿ॒ನ್ನಿಂದ್ರೋ॒ ವಸು॑ಭಿರ್ಮಾ॒ದಯಾ᳚ತೇ॒ ತಮ॑ಶ್ಯಾಮ ದೇವ॒ಯಂತೋ᳚ ವೋ ಅ॒ದ್ಯ ||{7.47.2}, {7.3.14.2}, {5.4.14.2} |
| 419 | ಶ॒ತಪ॑ವಿತ್ರಾಃ ಸ್ವ॒ಧಯಾ॒ ಮದಂ᳚ತೀರ್ದೇ॒ವೀರ್ದೇ॒ವಾನಾ॒ಮಪಿ॑ ಯಂತಿ॒ ಪಾಥಃ॑ | ತಾ ಇಂದ್ರ॑ಸ್ಯ॒ ನ ಮಿ॑ನಂತಿ ವ್ರ॒ತಾನಿ॒ ಸಿಂಧು॑ಭ್ಯೋ ಹ॒ವ್ಯಂ ಘೃ॒ತವ॑ಜ್ಜುಹೋತ ||{7.47.3}, {7.3.14.3}, {5.4.14.3} |
| 420 | ಯಾಃ ಸೂರ್ಯೋ᳚ ರ॒ಶ್ಮಿಭಿ॑ರಾತ॒ತಾನ॒ ಯಾಭ್ಯ॒ ಇಂದ್ರೋ॒ ಅರ॑ದದ್ಗಾ॒ತುಮೂ॒ರ್ಮಿಂ | ತೇ ಸಿಂ᳚ಧವೋ॒ ವರಿ॑ವೋ ಧಾತನಾ ನೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.47.4}, {7.3.14.4}, {5.4.14.4} |
| [48] (1-4) ಚತುರೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-3) ಪ್ರಥಮಾದಿತೃಚಸ್ಯ ಅಭವಃ, (4) ಚತುರ್ಥ್ಯಾ ಋಚಶ್ಚ ಭವೋ ವಿಶ್ವೇ ದೇವಾ ವಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 421 | ಋಭು॑ಕ್ಷಣೋ ವಾಜಾ ಮಾ॒ದಯ॑ಧ್ವಮ॒ಸ್ಮೇ ನ॑ರೋ ಮಘವಾನಃ ಸು॒ತಸ್ಯ॑ | ಆ ವೋ॒ಽರ್ವಾಚಃ॒ ಕ್ರತ॑ವೋ॒ ನ ಯಾ॒ತಾಂ ವಿಭ್ವೋ॒ ರಥಂ॒ ನರ್ಯಂ᳚ ವರ್ತಯಂತು ||{7.48.1}, {7.3.15.1}, {5.4.15.1} |
| 422 | ಋ॒ಭುರೃ॒ಭುಭಿ॑ರ॒ಭಿ ವಃ॑ ಸ್ಯಾಮ॒ ವಿಭ್ವೋ᳚ ವಿ॒ಭುಭಿಃ॒ ಶವ॑ಸಾ॒ ಶವಾಂ᳚ಸಿ | ವಾಜೋ᳚ ಅ॒ಸ್ಮಾಁ ಅ॑ವತು॒ ವಾಜ॑ಸಾತಾ॒ವಿಂದ್ರೇ᳚ಣ ಯು॒ಜಾ ತ॑ರುಷೇಮ ವೃ॒ತ್ರಂ ||{7.48.2}, {7.3.15.2}, {5.4.15.2} |
| 423 | ತೇ ಚಿ॒ದ್ಧಿ ಪೂ॒ರ್ವೀರ॒ಭಿ ಸಂತಿ॑ ಶಾ॒ಸಾ ವಿಶ್ವಾಁ᳚ ಅ॒ರ್ಯ ಉ॑ಪ॒ರತಾ᳚ತಿ ವನ್ವನ್ | ಇಂದ್ರೋ॒ ವಿಭ್ವಾಁ᳚ ಋಭು॒ಕ್ಷಾ ವಾಜೋ᳚ ಅ॒ರ್ಯಃ ಶತ್ರೋ᳚ರ್ಮಿಥ॒ತ್ಯಾ ಕೃ॑ಣವ॒ನ್ವಿ ನೃ॒ಮ್ಣಂ ||{7.48.3}, {7.3.15.3}, {5.4.15.3} |
| 424 | ನೂ ದೇ᳚ವಾಸೋ॒ ವರಿ॑ವಃ ಕರ್ತನಾ ನೋ ಭೂ॒ತ ನೋ॒ ವಿಶ್ವೇಽವ॑ಸೇ ಸ॒ಜೋಷಾಃ᳚ | ಸಮ॒ಸ್ಮೇ ಇಷಂ॒ ವಸ॑ವೋ ದದೀರನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.48.4}, {7.3.15.4}, {5.4.15.4} |
| [49] (1-4) ಚತುರೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಆಪೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 425 | ಸ॒ಮು॒ದ್ರಜ್ಯೇ᳚ಷ್ಠಾಃ ಸಲಿ॒ಲಸ್ಯ॒ ಮಧ್ಯಾ᳚ತ್ಪುನಾ॒ನಾ ಯಂ॒ತ್ಯನಿ॑ವಿಶಮಾನಾಃ | ಇಂದ್ರೋ॒ ಯಾ ವ॒ಜ್ರೀ ವೃ॑ಷ॒ಭೋ ರ॒ರಾದ॒ ತಾ ಆಪೋ᳚ ದೇ॒ವೀರಿ॒ಹ ಮಾಮ॑ವಂತು ||{7.49.1}, {7.3.16.1}, {5.4.16.1} |
| 426 | ಯಾ ಆಪೋ᳚ ದಿ॒ವ್ಯಾ ಉ॒ತ ವಾ॒ ಸ್ರವಂ᳚ತಿ ಖ॒ನಿತ್ರಿ॑ಮಾ ಉ॒ತ ವಾ॒ ಯಾಃ ಸ್ವ॑ಯಂ॒ಜಾಃ | ಸ॒ಮು॒ದ್ರಾರ್ಥಾ॒ ಯಾಃ ಶುಚ॑ಯಃ ಪಾವ॒ಕಾಸ್ತಾ ಆಪೋ᳚ ದೇ॒ವೀರಿ॒ಹ ಮಾಮ॑ವಂತು ||{7.49.2}, {7.3.16.2}, {5.4.16.2} |
| 427 | ಯಾಸಾಂ॒ ರಾಜಾ॒ ವರು॑ಣೋ॒ ಯಾತಿ॒ ಮಧ್ಯೇ᳚ ಸತ್ಯಾನೃ॒ತೇ ಅ॑ವ॒ಪಶ್ಯಂ॒ಜನಾ᳚ನಾಂ | ಮ॒ಧು॒ಶ್ಚುತಃ॒ ಶುಚ॑ಯೋ॒ ಯಾಃ ಪಾ᳚ವ॒ಕಾಸ್ತಾ ಆಪೋ᳚ ದೇ॒ವೀರಿ॒ಹ ಮಾಮ॑ವಂತು ||{7.49.3}, {7.3.16.3}, {5.4.16.3} |
| 428 | ಯಾಸು॒ ರಾಜಾ॒ ವರು॑ಣೋ॒ ಯಾಸು॒ ಸೋಮೋ॒ ವಿಶ್ವೇ᳚ ದೇ॒ವಾ ಯಾಸೂರ್ಜಂ॒ ಮದಂ᳚ತಿ | ವೈ॒ಶ್ವಾ॒ನ॒ರೋ ಯಾಸ್ವ॒ಗ್ನಿಃ ಪ್ರವಿ॑ಷ್ಟ॒ಸ್ತಾ ಆಪೋ᳚ ದೇ॒ವೀರಿ॒ಹ ಮಾಮ॑ವಂತು ||{7.49.4}, {7.3.16.4}, {5.4.16.4} |
| [50] (1-4) ಚತುರೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1) ಪ್ರಥಮ! ಮಿತ್ರಾವರುಣೌ, (2) ದ್ವಿತೀಯಾಯಾ ಅಗ್ನಿಃ, (3) ತೃತೀಯಾಯಾ ವಿಶ್ವೇ ದೇವಾಃ, (4) ಚತುರ್ಥ್ಯಾಶ್ಚ ನದ್ಯೋ ದೇವತಾಃ | (1-3) ಪ್ರಥಮಾದಿತೃಚಸ್ಯ ಜಗತೀ, (4) ಚತುರ್ಥ್ಯಾ ಚಶ್ಚಾತಿಜಗತೀ ಶಕ್ವರೀ ವಾ ಛಂದಸೀ || | |
| 429 | ಆ ಮಾಂ ಮಿ॑ತ್ರಾವರುಣೇ॒ಹ ರ॑ಕ್ಷತಂ ಕುಲಾ॒ಯಯ॑ದ್ವಿ॒ಶ್ವಯ॒ನ್ಮಾ ನ॒ ಆ ಗ॑ನ್ | ಅ॒ಜ॒ಕಾ॒ವಂ ದು॒ರ್ದೃಶೀ᳚ಕಂ ತಿ॒ರೋ ದ॑ಧೇ॒ ಮಾ ಮಾಂ ಪದ್ಯೇ᳚ನ॒ ರಪ॑ಸಾ ವಿದ॒ತ್ತ್ಸರುಃ॑ ||{7.50.1}, {7.3.17.1}, {5.4.17.1} |
| 430 | ಯದ್ವಿ॒ಜಾಮ॒ನ್ಪರು॑ಷಿ॒ ವಂದ॑ನಂ॒ ಭುವ॑ದಷ್ಠೀ॒ವಂತೌ॒ ಪರಿ॑ ಕು॒ಲ್ಫೌ ಚ॒ ದೇಹ॑ತ್ | ಅ॒ಗ್ನಿಷ್ಟಚ್ಛೋಚ॒ನ್ನಪ॑ ಬಾಧತಾಮಿ॒ತೋ ಮಾ ಮಾಂ ಪದ್ಯೇ᳚ನ॒ ರಪ॑ಸಾ ವಿದ॒ತ್ತ್ಸರುಃ॑ ||{7.50.2}, {7.3.17.2}, {5.4.17.2} |
| 431 | ಯಚ್ಛ॑ಲ್ಮ॒ಲೌ ಭವ॑ತಿ॒ ಯನ್ನ॒ದೀಷು॒ ಯದೋಷ॑ಧೀಭ್ಯಃ॒ ಪರಿ॒ ಜಾಯ॑ತೇ ವಿ॒ಷಂ | ವಿಶ್ವೇ᳚ ದೇ॒ವಾ ನಿರಿ॒ತಸ್ತತ್ಸು॑ವಂತು॒ ಮಾ ಮಾಂ ಪದ್ಯೇ᳚ನ॒ ರಪ॑ಸಾ ವಿದ॒ತ್ತ್ಸರುಃ॑ ||{7.50.3}, {7.3.17.3}, {5.4.17.3} |
| 432 | ಯಾಃ ಪ್ರ॒ವತೋ᳚ ನಿ॒ವತ॑ ಉ॒ದ್ವತ॑ ಉದ॒ನ್ವತೀ᳚ರನುದ॒ಕಾಶ್ಚ॒ ಯಾಃ | ತಾ ಅ॒ಸ್ಮಭ್ಯಂ॒ ಪಯ॑ಸಾ॒ ಪಿನ್ವ॑ಮಾನಾಃ ಶಿ॒ವಾ ದೇ॒ವೀರ॑ಶಿಪ॒ದಾ ಭ॑ವಂತು॒ ಸರ್ವಾ᳚ ನ॒ದ್ಯೋ᳚ ಅಶಿಮಿ॒ದಾ ಭ॑ವಂತು ||{7.50.4}, {7.3.17.4}, {5.4.17.4} |
| [51] (1-3) ತೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಆದಿತ್ಯಾ ದೇವತಾಃ | ತ್ರಿಷ್ಟುಪ್ ಛಂದಃ || | |
| 433 | ಆ॒ದಿ॒ತ್ಯಾನಾ॒ಮವ॑ಸಾ॒ ನೂತ॑ನೇನ ಸಕ್ಷೀ॒ಮಹಿ॒ ಶರ್ಮ॑ಣಾ॒ ಶಂತ॑ಮೇನ | ಅ॒ನಾ॒ಗಾ॒ಸ್ತ್ವೇ ಅ॑ದಿತಿ॒ತ್ವೇ ತು॒ರಾಸ॑ ಇ॒ಮಂ ಯ॒ಜ್ಞಂ ದ॑ಧತು॒ ಶ್ರೋಷ॑ಮಾಣಾಃ ||{7.51.1}, {7.3.18.1}, {5.4.18.1} |
| 434 | ಆ॒ದಿ॒ತ್ಯಾಸೋ॒ ಅದಿ॑ತಿರ್ಮಾದಯಂತಾಂ ಮಿ॒ತ್ರೋ ಅ᳚ರ್ಯ॒ಮಾ ವರು॑ಣೋ॒ ರಜಿ॑ಷ್ಠಾಃ | ಅ॒ಸ್ಮಾಕಂ᳚ ಸಂತು॒ ಭುವ॑ನಸ್ಯ ಗೋ॒ಪಾಃ ಪಿಬಂ᳚ತು॒ ಸೋಮ॒ಮವ॑ಸೇ ನೋ ಅ॒ದ್ಯ ||{7.51.2}, {7.3.18.2}, {5.4.18.2} |
| 435 | ಆ॒ದಿ॒ತ್ಯಾ ವಿಶ್ವೇ᳚ ಮ॒ರುತ॑ಶ್ಚ॒ ವಿಶ್ವೇ᳚ ದೇ॒ವಾಶ್ಚ॒ ವಿಶ್ವ॑ ಋ॒ಭವ॑ಶ್ಚ॒ ವಿಶ್ವೇ᳚ | ಇಂದ್ರೋ᳚ ಅ॒ಗ್ನಿರ॒ಶ್ವಿನಾ᳚ ತುಷ್ಟುವಾ॒ನಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.51.3}, {7.3.18.3}, {5.4.18.3} |
| [52] (1-3) ತೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಆದಿತ್ಯೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 436 | ಆ॒ದಿ॒ತ್ಯಾಸೋ॒ ಅದಿ॑ತಯಃ ಸ್ಯಾಮ॒ ಪೂರ್ದೇ᳚ವ॒ತ್ರಾ ವ॑ಸವೋ ಮರ್ತ್ಯ॒ತ್ರಾ | ಸನೇ᳚ಮ ಮಿತ್ರಾವರುಣಾ॒ ಸನಂ᳚ತೋ॒ ಭವೇ᳚ಮ ದ್ಯಾವಾಪೃಥಿವೀ॒ ಭವಂ᳚ತಃ ||{7.52.1}, {7.3.19.1}, {5.4.19.1} |
| 437 | ಮಿ॒ತ್ರಸ್ತನ್ನೋ॒ ವರು॑ಣೋ ಮಾಮಹಂತ॒ ಶರ್ಮ॑ ತೋ॒ಕಾಯ॒ ತನ॑ಯಾಯ ಗೋ॒ಪಾಃ | ಮಾ ವೋ᳚ ಭುಜೇಮಾ॒ನ್ಯಜಾ᳚ತ॒ಮೇನೋ॒ ಮಾ ತತ್ಕ᳚ರ್ಮ ವಸವೋ॒ ಯಚ್ಚಯ॑ಧ್ವೇ ||{7.52.2}, {7.3.19.2}, {5.4.19.2} |
| 438 | ತು॒ರ॒ಣ್ಯವೋಽಙ್ಗಿ॑ರಸೋ ನಕ್ಷಂತ॒ ರತ್ನಂ᳚ ದೇ॒ವಸ್ಯ॑ ಸವಿ॒ತುರಿ॑ಯಾ॒ನಾಃ | ಪಿ॒ತಾ ಚ॒ ತನ್ನೋ᳚ ಮ॒ಹಾನ್ಯಜ॑ತ್ರೋ॒ ವಿಶ್ವೇ᳚ ದೇ॒ವಾಃ ಸಮ॑ನಸೋ ಜುಷಂತ ||{7.52.3}, {7.3.19.3}, {5.4.19.3} |
| [53] (1-3) ತೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ದ್ಯಾವಾಪೃಥಿವ್ಯೌ ದೇವತೇ | ತ್ರಿಷ್ಟುಪ್ ಛಂದಃ || | |
| 439 | ಪ್ರ ದ್ಯಾವಾ᳚ ಯ॒ಜ್ಞೈಃ ಪೃ॑ಥಿ॒ವೀ ನಮೋ᳚ಭಿಃ ಸ॒ಬಾಧ॑ ಈಳೇ ಬೃಹ॒ತೀ ಯಜ॑ತ್ರೇ | ತೇ ಚಿ॒ದ್ಧಿ ಪೂರ್ವೇ᳚ ಕ॒ವಯೋ᳚ ಗೃ॒ಣಂತಃ॑ ಪು॒ರೋ ಮ॒ಹೀ ದ॑ಧಿ॒ರೇ ದೇ॒ವಪು॑ತ್ರೇ ||{7.53.1}, {7.3.20.1}, {5.4.20.1} |
| 440 | ಪ್ರ ಪೂ᳚ರ್ವ॒ಜೇ ಪಿ॒ತರಾ॒ ನವ್ಯ॑ಸೀಭಿರ್ಗೀ॒ರ್ಭಿಃ ಕೃ॑ಣುಧ್ವಂ॒ ಸದ॑ನೇ ಋ॒ತಸ್ಯ॑ | ಆ ನೋ᳚ ದ್ಯಾವಾಪೃಥಿವೀ॒ ದೈವ್ಯೇ᳚ನ॒ ಜನೇ᳚ನ ಯಾತಂ॒ ಮಹಿ॑ ವಾಂ॒ ವರೂ᳚ಥಂ ||{7.53.2}, {7.3.20.2}, {5.4.20.2} |
| 441 | ಉ॒ತೋ ಹಿ ವಾಂ᳚ ರತ್ನ॒ಧೇಯಾ᳚ನಿ॒ ಸಂತಿ॑ ಪು॒ರೂಣಿ॑ ದ್ಯಾವಾಪೃಥಿವೀ ಸು॒ದಾಸೇ᳚ | ಅ॒ಸ್ಮೇ ಧ॑ತ್ತಂ॒ ಯದಸ॒ದಸ್ಕೃ॑ಧೋಯು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.53.3}, {7.3.20.3}, {5.4.20.3} |
| [54] (1-3) ತೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವಾಸ್ತೋಷ್ಪತಿದೇವ ತಾ, ತ್ರಿಷ್ಟುಪ್ ಛಂದಃ || | |
| 442 | ವಾಸ್ತೋ᳚ಷ್ಪತೇ॒ ಪ್ರತಿ॑ ಜಾನೀಹ್ಯ॒ಸ್ಮಾನ್ಸ್ವಾ᳚ವೇ॒ಶೋ ಅ॑ನಮೀ॒ವೋ ಭ॑ವಾ ನಃ | ಯತ್ತ್ವೇಮ॑ಹೇ॒ ಪ್ರತಿ॒ ತನ್ನೋ᳚ ಜುಷಸ್ವ॒ ಶಂ ನೋ᳚ ಭವ ದ್ವಿ॒ಪದೇ॒ ಶಂ ಚತು॑ಷ್ಪದೇ ||{7.54.1}, {7.3.21.1}, {5.4.21.1} |
| 443 | ವಾಸ್ತೋ᳚ಷ್ಪತೇ ಪ್ರ॒ತರ॑ಣೋ ನ ಏಧಿ ಗಯ॒ಸ್ಫಾನೋ॒ ಗೋಭಿ॒ರಶ್ವೇ᳚ಭಿರಿಂದೋ | ಅ॒ಜರಾ᳚ಸಸ್ತೇ ಸ॒ಖ್ಯೇ ಸ್ಯಾ᳚ಮ ಪಿ॒ತೇವ॑ ಪು॒ತ್ರಾನ್ಪ್ರತಿ॑ ನೋ ಜುಷಸ್ವ ||{7.54.2}, {7.3.21.2}, {5.4.21.2} |
| 444 | ವಾಸ್ತೋ᳚ಷ್ಪತೇ ಶ॒ಗ್ಮಯಾ᳚ ಸಂ॒ಸದಾ᳚ ತೇ ಸಕ್ಷೀ॒ಮಹಿ॑ ರ॒ಣ್ವಯಾ᳚ ಗಾತು॒ಮತ್ಯಾ᳚ | ಪಾ॒ಹಿ ಕ್ಷೇಮ॑ ಉ॒ತ ಯೋಗೇ॒ ವರಂ᳚ ನೋ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.54.3}, {7.3.21.3}, {5.4.21.3} |
| [55] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1) ಪ್ರಥಮ! ವಾಸ್ತೋಷ್ಪತಿಃ, (2-8) ದ್ವಿತೀಯಾದಿಸಪ್ತಾನಾಂಚೇಂದ್ರೋ ದೇವತೇ | (1) ಪ್ರಥಮ! ಗಾಯತ್ರೀ, (2-4) ದ್ವಿತೀಯಾದಿತೃಚಸ್ಯೋಪರಿಷ್ಟಾದ್ಹತೀ, (5-8) ಪಂಚಮ್ಯಾದಿಚತಸೃಣಾಂಚಾನುಷ್ಟಪ ಛಂದಾಂಸಿ || | |
| 445 | ಅ॒ಮೀ॒ವ॒ಹಾ ವಾ᳚ಸ್ತೋಷ್ಪತೇ॒ ವಿಶ್ವಾ᳚ ರೂ॒ಪಾಣ್ಯಾ᳚ವಿ॒ಶನ್ | ಸಖಾ᳚ ಸು॒ಶೇವ॑ ಏಧಿ ನಃ ||{7.55.1}, {7.3.22.1}, {5.4.22.1} |
| 446 | ಯದ॑ರ್ಜುನ ಸಾರಮೇಯ ದ॒ತಃ ಪಿ॑ಶಂಗ॒ ಯಚ್ಛ॑ಸೇ | ವೀ᳚ವ ಭ್ರಾಜಂತ ಋ॒ಷ್ಟಯ॒ ಉಪ॒ ಸ್ರಕ್ವೇ᳚ಷು॒ ಬಪ್ಸ॑ತೋ॒ ನಿ ಷು ಸ್ವ॑ಪ ||{7.55.2}, {7.3.22.2}, {5.4.22.2} |
| 447 | ಸ್ತೇ॒ನಂ ರಾ᳚ಯ ಸಾರಮೇಯ॒ ತಸ್ಕ॑ರಂ ವಾ ಪುನಃಸರ | ಸ್ತೋ॒ತೄನಿಂದ್ರ॑ಸ್ಯ ರಾಯಸಿ॒ ಕಿಮ॒ಸ್ಮಾಂದು॑ಚ್ಛುನಾಯಸೇ॒ ನಿ ಷು ಸ್ವ॑ಪ ||{7.55.3}, {7.3.22.3}, {5.4.22.3} |
| 448 | ತ್ವಂ ಸೂ᳚ಕ॒ರಸ್ಯ॑ ದರ್ದೃಹಿ॒ ತವ॑ ದರ್ದರ್ತು ಸೂಕ॒ರಃ | ಸ್ತೋ॒ತೄನಿಂದ್ರ॑ಸ್ಯ ರಾಯಸಿ॒ ಕಿಮ॒ಸ್ಮಾಂದು॑ಚ್ಛುನಾಯಸೇ॒ ನಿ ಷು ಸ್ವ॑ಪ ||{7.55.4}, {7.3.22.4}, {5.4.22.4} |
| 449 | ಸಸ್ತು॑ ಮಾ॒ತಾ ಸಸ್ತು॑ ಪಿ॒ತಾ ಸಸ್ತು॒ ಶ್ವಾ ಸಸ್ತು॑ ವಿ॒ಶ್ಪತಿಃ॑ | ಸ॒ಸಂತು॒ ಸರ್ವೇ᳚ ಜ್ಞಾ॒ತಯಃ॒ ಸಸ್ತ್ವ॒ಯಮ॒ಭಿತೋ॒ ಜನಃ॑ ||{7.55.5}, {7.3.22.5}, {5.4.22.5} |
| 450 | ಯ ಆಸ್ತೇ॒ ಯಶ್ಚ॒ ಚರ॑ತಿ॒ ಯಶ್ಚ॒ ಪಶ್ಯ॑ತಿ ನೋ॒ ಜನಃ॑ | ತೇಷಾಂ॒ ಸಂ ಹ᳚ನ್ಮೋ ಅ॒ಕ್ಷಾಣಿ॒ ಯಥೇ॒ದಂ ಹ॒ರ್ಮ್ಯಂ ತಥಾ᳚ ||{7.55.6}, {7.3.22.6}, {5.4.22.6} |
| 451 | ಸ॒ಹಸ್ರ॑ಶೃಂಗೋ ವೃಷ॒ಭೋ ಯಃ ಸ॑ಮು॒ದ್ರಾದು॒ದಾಚ॑ರತ್ | ತೇನಾ᳚ ಸಹ॒ಸ್ಯೇ᳚ನಾ ವ॒ಯಂ ನಿ ಜನಾ᳚ನ್ಸ್ವಾಪಯಾಮಸಿ ||{7.55.7}, {7.3.22.7}, {5.4.22.7} |
| 452 | ಪ್ರೋ॒ಷ್ಠೇ॒ಶ॒ಯಾ ವ॑ಹ್ಯೇಶ॒ಯಾ ನಾರೀ॒ರ್ಯಾಸ್ತ॑ಲ್ಪ॒ಶೀವ॑ರೀಃ | ಸ್ತ್ರಿಯೋ॒ ಯಾಃ ಪುಣ್ಯ॑ಗಂಧಾ॒ಸ್ತಾಃ ಸರ್ವಾಃ᳚ ಸ್ವಾಪಯಾಮಸಿ ||{7.55.8}, {7.3.22.8}, {5.4.22.8} |
| [56] (1-25) ಪಂಚವಿಂಶತ್ಯೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಮರುತೋ ದೇವತಾಃ | (1-11) ಪ್ರಥಮಾಯೇಕಾದಶಾ ದ್ವಿಪದಾ ವಿರಾಟ್, (12-25) ದ್ವಾದಶ್ಯಾದಿಚತುರ್ದಶ ನಾಂಚ ತ್ರಿಷ್ಟುಪ್ ಛಂದಸೀ || | |
| 453 | ಕ ಈಂ॒ ವ್ಯ॑ಕ್ತಾ॒ ನರಃ॒ ಸನೀ᳚ಳಾ ರು॒ದ್ರಸ್ಯ॒ ಮರ್ಯಾ॒ ಅಧ॒ ಸ್ವಶ್ವಾಃ᳚ ||{7.56.1}, {7.4.1.1}, {5.4.23.1} |
| 454 | ನಕಿ॒ರ್ಹ್ಯೇ᳚ಷಾಂ ಜ॒ನೂಂಷಿ॒ ವೇದ॒ ತೇ ಅಂ॒ಗ ವಿ॑ದ್ರೇ ಮಿ॒ಥೋ ಜ॒ನಿತ್ರಂ᳚ ||{7.56.2}, {7.4.1.2}, {5.4.23.2} |
| 455 | ಅ॒ಭಿ ಸ್ವ॒ಪೂಭಿ᳚ರ್ಮಿ॒ಥೋ ವ॑ಪಂತ॒ ವಾತ॑ಸ್ವನಸಃ ಶ್ಯೇ॒ನಾ ಅ॑ಸ್ಪೃಧ್ರನ್ ||{7.56.3}, {7.4.1.3}, {5.4.23.3} |
| 456 | ಏ॒ತಾನಿ॒ ಧೀರೋ᳚ ನಿ॒ಣ್ಯಾ ಚಿ॑ಕೇತ॒ ಪೃಶ್ನಿ॒ರ್ಯದೂಧೋ᳚ ಮ॒ಹೀ ಜ॒ಭಾರ॑ ||{7.56.4}, {7.4.1.4}, {5.4.23.4} |
| 457 | ಸಾ ವಿಟ್ ಸು॒ವೀರಾ᳚ ಮ॒ರುದ್ಭಿ॑ರಸ್ತು ಸ॒ನಾತ್ಸಹಂ᳚ತೀ॒ ಪುಷ್ಯಂ᳚ತೀ ನೃ॒ಮ್ಣಂ ||{7.56.5}, {7.4.1.5}, {5.4.23.5} |
| 458 | ಯಾಮಂ॒ ಯೇಷ್ಠಾಃ᳚ ಶು॒ಭಾ ಶೋಭಿ॑ಷ್ಠಾಃ ಶ್ರಿ॒ಯಾ ಸಮ್ಮಿ॑ಶ್ಲಾ॒ ಓಜೋ᳚ಭಿರು॒ಗ್ರಾಃ ||{7.56.6}, {7.4.1.6}, {5.4.23.6} |
| 459 | ಉ॒ಗ್ರಂ ವ॒ ಓಜಃ॑ ಸ್ಥಿ॒ರಾ ಶವಾಂ॒ಸ್ಯಧಾ᳚ ಮ॒ರುದ್ಭಿ॑ರ್ಗ॒ಣಸ್ತುವಿ॑ಷ್ಮಾನ್ ||{7.56.7}, {7.4.1.7}, {5.4.23.7} |
| 460 | ಶು॒ಭ್ರೋ ವಃ॒ ಶುಷ್ಮಃ॒ ಕ್ರುಧ್ಮೀ॒ ಮನಾಂ᳚ಸಿ॒ ಧುನಿ॒ರ್ಮುನಿ॑ರಿವ॒ ಶರ್ಧ॑ಸ್ಯ ಧೃ॒ಷ್ಣೋಃ ||{7.56.8}, {7.4.1.8}, {5.4.23.8} |
| 461 | ಸನೇ᳚ಮ್ಯ॒ಸ್ಮದ್ಯು॒ಯೋತ॑ ದಿ॒ದ್ಯುಂ ಮಾ ವೋ᳚ ದುರ್ಮ॒ತಿರಿ॒ಹ ಪ್ರಣ᳚ಙ್ನಃ ||{7.56.9}, {7.4.1.9}, {5.4.23.9} |
| 462 | ಪ್ರಿ॒ಯಾ ವೋ॒ ನಾಮ॑ ಹುವೇ ತು॒ರಾಣಾ॒ಮಾ ಯತ್ತೃ॒ಪನ್ಮ॑ರುತೋ ವಾವಶಾ॒ನಾಃ ||{7.56.10}, {7.4.1.10}, {5.4.23.10} |
| 463 | ಸ್ವಾ॒ಯು॒ಧಾಸ॑ ಇ॒ಷ್ಮಿಣಃ॑ ಸುನಿ॒ಷ್ಕಾ ಉ॒ತ ಸ್ವ॒ಯಂ ತ॒ನ್ವ೧॑(ಅ॒)ಃ ಶುಂಭ॑ಮಾನಾಃ ||{7.56.11}, {7.4.1.11}, {5.4.24.1} |
| 464 | ಶುಚೀ᳚ ವೋ ಹ॒ವ್ಯಾ ಮ॑ರುತಃ॒ ಶುಚೀ᳚ನಾಂ॒ ಶುಚಿಂ᳚ ಹಿನೋಮ್ಯಧ್ವ॒ರಂ ಶುಚಿ॑ಭ್ಯಃ | ಋ॒ತೇನ॑ ಸ॒ತ್ಯಮೃ॑ತ॒ಸಾಪ॑ ಆಯಂ॒ಛುಚಿ॑ಜನ್ಮಾನಃ॒ ಶುಚ॑ಯಃ ಪಾವ॒ಕಾಃ ||{7.56.12}, {7.4.1.12}, {5.4.24.2} |
| 465 | ಅಂಸೇ॒ಷ್ವಾ ಮ॑ರುತಃ ಖಾ॒ದಯೋ᳚ ವೋ॒ ವಕ್ಷ॑ಸ್ಸು ರು॒ಕ್ಮಾ ಉ॑ಪಶಿಶ್ರಿಯಾ॒ಣಾಃ | ವಿ ವಿ॒ದ್ಯುತೋ॒ ನ ವೃ॒ಷ್ಟಿಭೀ᳚ ರುಚಾ॒ನಾ ಅನು॑ ಸ್ವ॒ಧಾಮಾಯು॑ಧೈ॒ರ್ಯಚ್ಛ॑ಮಾನಾಃ ||{7.56.13}, {7.4.1.13}, {5.4.24.3} |
| 466 | ಪ್ರ ಬು॒ಧ್ನ್ಯಾ᳚ ವ ಈರತೇ॒ ಮಹಾಂ᳚ಸಿ॒ ಪ್ರ ನಾಮಾ᳚ನಿ ಪ್ರಯಜ್ಯವಸ್ತಿರಧ್ವಂ | ಸ॒ಹ॒ಸ್ರಿಯಂ॒ ದಮ್ಯಂ᳚ ಭಾ॒ಗಮೇ॒ತಂ ಗೃ॑ಹಮೇ॒ಧೀಯಂ᳚ ಮರುತೋ ಜುಷಧ್ವಂ ||{7.56.14}, {7.4.1.14}, {5.4.24.4} |
| 467 | ಯದಿ॑ ಸ್ತು॒ತಸ್ಯ॑ ಮರುತೋ ಅಧೀ॒ಥೇತ್ಥಾ ವಿಪ್ರ॑ಸ್ಯ ವಾ॒ಜಿನೋ॒ ಹವೀ᳚ಮನ್ | ಮ॒ಕ್ಷೂ ರಾ॒ಯಃ ಸು॒ವೀರ್ಯ॑ಸ್ಯ ದಾತ॒ ನೂ ಚಿ॒ದ್ಯಮ॒ನ್ಯ ಆ॒ದಭ॒ದರಾ᳚ವಾ ||{7.56.15}, {7.4.1.15}, {5.4.24.5} |
| 468 | ಅತ್ಯಾ᳚ಸೋ॒ ನ ಯೇ ಮ॒ರುತಃ॒ ಸ್ವಂಚೋ᳚ ಯಕ್ಷ॒ದೃಶೋ॒ ನ ಶು॒ಭಯಂ᳚ತ॒ ಮರ್ಯಾಃ᳚ | ತೇ ಹ᳚ರ್ಮ್ಯೇ॒ಷ್ಠಾಃ ಶಿಶ॑ವೋ॒ ನ ಶು॒ಭ್ರಾ ವ॒ತ್ಸಾಸೋ॒ ನ ಪ್ರ॑ಕ್ರೀ॒ಳಿನಃ॑ ಪಯೋ॒ಧಾಃ ||{7.56.16}, {7.4.1.16}, {5.4.25.1} |
| 469 | ದ॒ಶ॒ಸ್ಯಂತೋ᳚ ನೋ ಮ॒ರುತೋ᳚ ಮೃಳಂತು ವರಿವ॒ಸ್ಯಂತೋ॒ ರೋದ॑ಸೀ ಸು॒ಮೇಕೇ᳚ | ಆ॒ರೇ ಗೋ॒ಹಾ ನೃ॒ಹಾ ವ॒ಧೋ ವೋ᳚ ಅಸ್ತು ಸು॒ಮ್ನೇಭಿ॑ರ॒ಸ್ಮೇ ವ॑ಸವೋ ನಮಧ್ವಂ ||{7.56.17}, {7.4.1.17}, {5.4.25.2} |
| 470 | ಆ ವೋ॒ ಹೋತಾ᳚ ಜೋಹವೀತಿ ಸ॒ತ್ತಃ ಸ॒ತ್ರಾಚೀಂ᳚ ರಾ॒ತಿಂ ಮ॑ರುತೋ ಗೃಣಾ॒ನಃ | ಯ ಈವ॑ತೋ ವೃಷಣೋ॒ ಅಸ್ತಿ॑ ಗೋ॒ಪಾಃ ಸೋ ಅದ್ವ॑ಯಾವೀ ಹವತೇ ವ ಉ॒ಕ್ಥೈಃ ||{7.56.18}, {7.4.1.18}, {5.4.25.3} |
| 471 | ಇ॒ಮೇ ತು॒ರಂ ಮ॒ರುತೋ᳚ ರಾಮಯಂತೀ॒ಮೇ ಸಹಃ॒ ಸಹ॑ಸ॒ ಆ ನ॑ಮಂತಿ | ಇ॒ಮೇ ಶಂಸಂ᳚ ವನುಷ್ಯ॒ತೋ ನಿ ಪಾಂ᳚ತಿ ಗು॒ರು ದ್ವೇಷೋ॒ ಅರ॑ರುಷೇ ದಧಂತಿ ||{7.56.19}, {7.4.1.19}, {5.4.25.4} |
| 472 | ಇ॒ಮೇ ರ॒ಧ್ರಂ ಚಿ᳚ನ್ಮ॒ರುತೋ᳚ ಜುನಂತಿ॒ ಭೃಮಿಂ᳚ ಚಿ॒ದ್ಯಥಾ॒ ವಸ॑ವೋ ಜು॒ಷಂತ॑ | ಅಪ॑ ಬಾಧಧ್ವಂ ವೃಷಣ॒ಸ್ತಮಾಂ᳚ಸಿ ಧ॒ತ್ತ ವಿಶ್ವಂ॒ ತನ॑ಯಂ ತೋ॒ಕಮ॒ಸ್ಮೇ ||{7.56.20}, {7.4.1.20}, {5.4.25.5} |
| 473 | ಮಾ ವೋ᳚ ದಾ॒ತ್ರಾನ್ಮ॑ರುತೋ॒ ನಿರ॑ರಾಮ॒ ಮಾ ಪ॒ಶ್ಚಾದ್ದ॑ಘ್ಮ ರಥ್ಯೋ ವಿಭಾ॒ಗೇ | ಆ ನಃ॑ ಸ್ಪಾ॒ರ್ಹೇ ಭ॑ಜತನಾ ವಸ॒ವ್ಯೇ॒೩॑(ಏ॒) ಯದೀಂ᳚ ಸುಜಾ॒ತಂ ವೃ॑ಷಣೋ ವೋ॒ ಅಸ್ತಿ॑ ||{7.56.21}, {7.4.1.21}, {5.4.26.1} |
| 474 | ಸಂ ಯದ್ಧನಂ᳚ತ ಮ॒ನ್ಯುಭಿ॒ರ್ಜನಾ᳚ಸಃ॒ ಶೂರಾ᳚ ಯ॒ಹ್ವೀಷ್ವೋಷ॑ಧೀಷು ವಿ॒ಕ್ಷು | ಅಧ॑ ಸ್ಮಾ ನೋ ಮರುತೋ ರುದ್ರಿಯಾಸಸ್ತ್ರಾ॒ತಾರೋ᳚ ಭೂತ॒ ಪೃತ॑ನಾಸ್ವ॒ರ್ಯಃ ||{7.56.22}, {7.4.1.22}, {5.4.26.2} |
| 475 | ಭೂರಿ॑ ಚಕ್ರ ಮರುತಃ॒ ಪಿತ್ರ್ಯಾ᳚ಣ್ಯು॒ಕ್ಥಾನಿ॒ ಯಾ ವಃ॑ ಶ॒ಸ್ಯಂತೇ᳚ ಪು॒ರಾ ಚಿ॑ತ್ | ಮ॒ರುದ್ಭಿ॑ರು॒ಗ್ರಃ ಪೃತ॑ನಾಸು॒ ಸಾಳ್ಹಾ᳚ ಮ॒ರುದ್ಭಿ॒ರಿತ್ಸನಿ॑ತಾ॒ ವಾಜ॒ಮರ್ವಾ᳚ ||{7.56.23}, {7.4.1.23}, {5.4.26.3} |
| 476 | ಅ॒ಸ್ಮೇ ವೀ॒ರೋ ಮ॑ರುತಃ ಶು॒ಷ್ಮ್ಯ॑ಸ್ತು॒ ಜನಾ᳚ನಾಂ॒ ಯೋ ಅಸು॑ರೋ ವಿಧ॒ರ್ತಾ | ಅ॒ಪೋ ಯೇನ॑ ಸುಕ್ಷಿ॒ತಯೇ॒ ತರೇ॒ಮಾಧ॒ ಸ್ವಮೋಕೋ᳚ ಅ॒ಭಿ ವಃ॑ ಸ್ಯಾಮ ||{7.56.24}, {7.4.1.24}, {5.4.26.4} |
| 477 | ತನ್ನ॒ ಇಂದ್ರೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿರಾಪ॒ ಓಷ॑ಧೀರ್ವ॒ನಿನೋ᳚ ಜುಷಂತ | ಶರ್ಮ᳚ನ್ಸ್ಯಾಮ ಮ॒ರುತಾ᳚ಮು॒ಪಸ್ಥೇ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.56.25}, {7.4.1.25}, {5.4.26.5} |
| [57] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಮರುತೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 478 | ಮಧ್ವೋ᳚ ವೋ॒ ನಾಮ॒ ಮಾರು॑ತಂ ಯಜತ್ರಾಃ॒ ಪ್ರ ಯ॒ಜ್ಞೇಷು॒ ಶವ॑ಸಾ ಮದಂತಿ | ಯೇ ರೇ॒ಜಯಂ᳚ತಿ॒ ರೋದ॑ಸೀ ಚಿದು॒ರ್ವೀ ಪಿನ್ವಂ॒ತ್ಯುತ್ಸಂ॒ ಯದಯಾ᳚ಸುರು॒ಗ್ರಾಃ ||{7.57.1}, {7.4.2.1}, {5.4.27.1} |
| 479 | ನಿ॒ಚೇ॒ತಾರೋ॒ ಹಿ ಮ॒ರುತೋ᳚ ಗೃ॒ಣಂತಂ᳚ ಪ್ರಣೇ॒ತಾರೋ॒ ಯಜ॑ಮಾನಸ್ಯ॒ ಮನ್ಮ॑ | ಅ॒ಸ್ಮಾಕ॑ಮ॒ದ್ಯ ವಿ॒ದಥೇ᳚ಷು ಬ॒ರ್ಹಿರಾ ವೀ॒ತಯೇ᳚ ಸದತ ಪಿಪ್ರಿಯಾ॒ಣಾಃ ||{7.57.2}, {7.4.2.2}, {5.4.27.2} |
| 480 | ನೈತಾವ॑ದ॒ನ್ಯೇ ಮ॒ರುತೋ॒ ಯಥೇ॒ಮೇ ಭ್ರಾಜಂ᳚ತೇ ರು॒ಕ್ಮೈರಾಯು॑ಧೈಸ್ತ॒ನೂಭಿಃ॑ | ಆ ರೋದ॑ಸೀ ವಿಶ್ವ॒ಪಿಶಃ॑ ಪಿಶಾ॒ನಾಃ ಸ॑ಮಾ॒ನಮಂ॒ಜ್ಯಂ᳚ಜತೇ ಶು॒ಭೇ ಕಂ ||{7.57.3}, {7.4.2.3}, {5.4.27.3} |
| 481 | ಋಧ॒ಕ್ಸಾ ವೋ᳚ ಮರುತೋ ದಿ॒ದ್ಯುದ॑ಸ್ತು॒ ಯದ್ವ॒ ಆಗಃ॑ ಪುರು॒ಷತಾ॒ ಕರಾ᳚ಮ | ಮಾ ವ॒ಸ್ತಸ್ಯಾ॒ಮಪಿ॑ ಭೂಮಾ ಯಜತ್ರಾ ಅ॒ಸ್ಮೇ ವೋ᳚ ಅಸ್ತು ಸುಮ॒ತಿಶ್ಚನಿ॑ಷ್ಠಾ ||{7.57.4}, {7.4.2.4}, {5.4.27.4} |
| 482 | ಕೃ॒ತೇ ಚಿ॒ದತ್ರ॑ ಮ॒ರುತೋ᳚ ರಣಂತಾನವ॒ದ್ಯಾಸಃ॒ ಶುಚ॑ಯಃ ಪಾವ॒ಕಾಃ | ಪ್ರ ಣೋ᳚ಽವತ ಸುಮ॒ತಿಭಿ᳚ರ್ಯಜತ್ರಾಃ॒ ಪ್ರ ವಾಜೇ᳚ಭಿಸ್ತಿರತ ಪು॒ಷ್ಯಸೇ᳚ ನಃ ||{7.57.5}, {7.4.2.5}, {5.4.27.5} |
| 483 | ಉ॒ತ ಸ್ತು॒ತಾಸೋ᳚ ಮ॒ರುತೋ᳚ ವ್ಯಂತು॒ ವಿಶ್ವೇ᳚ಭಿ॒ರ್ನಾಮ॑ಭಿ॒ರ್ನರೋ᳚ ಹ॒ವೀಂಷಿ॑ | ದದಾ᳚ತ ನೋ ಅ॒ಮೃತ॑ಸ್ಯ ಪ್ರ॒ಜಾಯೈ᳚ ಜಿಗೃ॒ತ ರಾ॒ಯಃ ಸೂ॒ನೃತಾ᳚ ಮ॒ಘಾನಿ॑ ||{7.57.6}, {7.4.2.6}, {5.4.27.6} |
| 484 | ಆ ಸ್ತು॒ತಾಸೋ᳚ ಮರುತೋ॒ ವಿಶ್ವ॑ ಊ॒ತೀ ಅಚ್ಛಾ᳚ ಸೂ॒ರೀನ್ಸ॒ರ್ವತಾ᳚ತಾ ಜಿಗಾತ | ಯೇ ನ॒ಸ್ತ್ಮನಾ᳚ ಶ॒ತಿನೋ᳚ ವ॒ರ್ಧಯಂ᳚ತಿ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.57.7}, {7.4.2.7}, {5.4.27.7} |
| [58] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಮರುತೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 485 | ಪ್ರ ಸಾ᳚ಕ॒ಮುಕ್ಷೇ᳚ ಅರ್ಚತಾ ಗ॒ಣಾಯ॒ ಯೋ ದೈವ್ಯ॑ಸ್ಯ॒ ಧಾಮ್ನ॒ಸ್ತುವಿ॑ಷ್ಮಾನ್ | ಉ॒ತ ಕ್ಷೋ᳚ದಂತಿ॒ ರೋದ॑ಸೀ ಮಹಿ॒ತ್ವಾ ನಕ್ಷಂ᳚ತೇ॒ ನಾಕಂ॒ ನಿರೃ॑ತೇರವಂ॒ಶಾತ್ ||{7.58.1}, {7.4.3.1}, {5.4.28.1} |
| 486 | ಜ॒ನೂಶ್ಚಿ॑ದ್ವೋ ಮರುತಸ್ತ್ವೇ॒ಷ್ಯೇ᳚ಣ॒ ಭೀಮಾ᳚ಸ॒ಸ್ತುವಿ॑ಮನ್ಯ॒ವೋಽಯಾ᳚ಸಃ | ಪ್ರ ಯೇ ಮಹೋ᳚ಭಿ॒ರೋಜ॑ಸೋ॒ತ ಸಂತಿ॒ ವಿಶ್ವೋ᳚ ವೋ॒ ಯಾಮ᳚ನ್ಭಯತೇ ಸ್ವ॒ರ್ದೃಕ್ ||{7.58.2}, {7.4.3.2}, {5.4.28.2} |
| 487 | ಬೃ॒ಹದ್ವಯೋ᳚ ಮ॒ಘವ॑ದ್ಭ್ಯೋ ದಧಾತ॒ ಜುಜೋ᳚ಷ॒ನ್ನಿನ್ಮ॒ರುತಃ॑ ಸುಷ್ಟು॒ತಿಂ ನಃ॑ | ಗ॒ತೋ ನಾಧ್ವಾ॒ ವಿ ತಿ॑ರಾತಿ ಜಂ॒ತುಂ ಪ್ರ ಣಃ॑ ಸ್ಪಾ॒ರ್ಹಾಭಿ॑ರೂ॒ತಿಭಿ॑ಸ್ತಿರೇತ ||{7.58.3}, {7.4.3.3}, {5.4.28.3} |
| 488 | ಯು॒ಷ್ಮೋತೋ॒ ವಿಪ್ರೋ᳚ ಮರುತಃ ಶತ॒ಸ್ವೀ ಯು॒ಷ್ಮೋತೋ॒ ಅರ್ವಾ॒ ಸಹು॑ರಿಃ ಸಹ॒ಸ್ರೀ | ಯು॒ಷ್ಮೋತಃ॑ ಸ॒ಮ್ರಾಳು॒ತ ಹಂ᳚ತಿ ವೃ॒ತ್ರಂ ಪ್ರ ತದ್ವೋ᳚ ಅಸ್ತು ಧೂತಯೋ ದೇ॒ಷ್ಣಂ ||{7.58.4}, {7.4.3.4}, {5.4.28.4} |
| 489 | ತಾಁ ಆ ರು॒ದ್ರಸ್ಯ॑ ಮೀ॒ಳ್ಹುಷೋ᳚ ವಿವಾಸೇ ಕು॒ವಿನ್ನಂಸಂ᳚ತೇ ಮ॒ರುತಃ॒ ಪುನ᳚ರ್ನಃ | ಯತ್ಸ॒ಸ್ವರ್ತಾ᳚ ಜಿಹೀಳಿ॒ರೇ ಯದಾ॒ವಿರವ॒ ತದೇನ॑ ಈಮಹೇ ತು॒ರಾಣಾಂ᳚ ||{7.58.5}, {7.4.3.5}, {5.4.28.5} |
| 490 | ಪ್ರ ಸಾ ವಾ᳚ಚಿ ಸುಷ್ಟು॒ತಿರ್ಮ॒ಘೋನಾ᳚ಮಿ॒ದಂ ಸೂ॒ಕ್ತಂ ಮ॒ರುತೋ᳚ ಜುಷಂತ | ಆ॒ರಾಚ್ಚಿ॒ದ್ದ್ವೇಷೋ᳚ ವೃಷಣೋ ಯುಯೋತ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.58.6}, {7.4.3.6}, {5.4.28.6} |
| [59] (1-12) ದ್ವಾದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-11) ಪ್ರಥಮಾಯೇಕಾದಶೋಂ ಮರುತಃ (12) ದ್ವಾದಶ್ಯಾಶ್ಚ ರುದ್ರೋ ದೇವತಾಃ | (1-6) ಪ್ರಥಮಾದಿತೃಚದ್ವಯಸ್ಯ ಪ್ರಗಾಥಃ ( ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ ), (7-8) ಸಪ್ತಮ್ಯಷ್ಟಮ್ಯೋರ್‌ಋಚೋಸ್ತ್ರಿಷ್ಟುಪ್, (9-11) ನವಮ್ಯಾದಿತೃಚಸ್ಯ ಗಾಯತ್ರೀ, (12) ದ್ವಾದಶ್ಯಾಶ್ಚಾನುಷ್ಟಪ್ ಛಂದಾಂಸಿ || | |
| 491 | ಯಂ ತ್ರಾಯ॑ಧ್ವ ಇ॒ದಮಿ॑ದಂ॒ ದೇವಾ᳚ಸೋ॒ ಯಂ ಚ॒ ನಯ॑ಥ | ತಸ್ಮಾ᳚ ಅಗ್ನೇ॒ ವರು॑ಣ॒ ಮಿತ್ರಾರ್ಯ॑ಮ॒ನ್ಮರು॑ತಃ॒ ಶರ್ಮ॑ ಯಚ್ಛತ ||{7.59.1}, {7.4.4.1}, {5.4.29.1} |
| 492 | ಯು॒ಷ್ಮಾಕಂ᳚ ದೇವಾ॒ ಅವ॒ಸಾಹ॑ನಿ ಪ್ರಿ॒ಯ ಈ᳚ಜಾ॒ನಸ್ತ॑ರತಿ॒ ದ್ವಿಷಃ॑ | ಪ್ರ ಸ ಕ್ಷಯಂ᳚ ತಿರತೇ॒ ವಿ ಮ॒ಹೀರಿಷೋ॒ ಯೋ ವೋ॒ ವರಾ᳚ಯ॒ ದಾಶ॑ತಿ ||{7.59.2}, {7.4.4.2}, {5.4.29.2} |
| 493 | ನ॒ಹಿ ವ॑ಶ್ಚರ॒ಮಂ ಚ॒ನ ವಸಿ॑ಷ್ಠಃ ಪರಿ॒ಮಂಸ॑ತೇ | ಅ॒ಸ್ಮಾಕ॑ಮ॒ದ್ಯ ಮ॑ರುತಃ ಸು॒ತೇ ಸಚಾ॒ ವಿಶ್ವೇ᳚ ಪಿಬತ ಕಾ॒ಮಿನಃ॑ ||{7.59.3}, {7.4.4.3}, {5.4.29.3} |
| 494 | ನ॒ಹಿ ವ॑ ಊ॒ತಿಃ ಪೃತ॑ನಾಸು॒ ಮರ್ಧ॑ತಿ॒ ಯಸ್ಮಾ॒ ಅರಾ᳚ಧ್ವಂ ನರಃ | ಅ॒ಭಿ ವ॒ ಆವ॑ರ್ತ್ಸುಮ॒ತಿರ್ನವೀ᳚ಯಸೀ॒ ತೂಯಂ᳚ ಯಾತ ಪಿಪೀಷವಃ ||{7.59.4}, {7.4.4.4}, {5.4.29.4} |
| 495 | ಓ ಷು ಘೃ॑ಷ್ವಿರಾಧಸೋ ಯಾ॒ತನಾಂಧಾಂ᳚ಸಿ ಪೀ॒ತಯೇ᳚ | ಇ॒ಮಾ ವೋ᳚ ಹ॒ವ್ಯಾ ಮ॑ರುತೋ ರ॒ರೇ ಹಿ ಕಂ॒ ಮೋ ಷ್ವ೧॑(ಅ॒)'ನ್ಯತ್ರ॑ ಗಂತನ ||{7.59.5}, {7.4.4.5}, {5.4.29.5} |
| 496 | ಆ ಚ॑ ನೋ ಬ॒ರ್ಹಿಃ ಸದ॑ತಾವಿ॒ತಾ ಚ॑ ನಃ ಸ್ಪಾ॒ರ್ಹಾಣಿ॒ ದಾತ॑ವೇ॒ ವಸು॑ | ಅಸ್ರೇ᳚ಧಂತೋ ಮರುತಃ ಸೋ॒ಮ್ಯೇ ಮಧೌ॒ ಸ್ವಾಹೇ॒ಹ ಮಾ᳚ದಯಾಧ್ವೈ ||{7.59.6}, {7.4.4.6}, {5.4.29.6} |
| 497 | ಸ॒ಸ್ವಶ್ಚಿ॒ದ್ಧಿ ತ॒ನ್ವ೧॑(ಅ॒)ಃ ಶುಂಭ॑ಮಾನಾ॒ ಆ ಹಂ॒ಸಾಸೋ॒ ನೀಲ॑ಪೃಷ್ಠಾ ಅಪಪ್ತನ್ | ವಿಶ್ವಂ॒ ಶರ್ಧೋ᳚ ಅ॒ಭಿತೋ᳚ ಮಾ॒ ನಿ ಷೇ᳚ದ॒ ನರೋ॒ ನ ರ॒ಣ್ವಾಃ ಸವ॑ನೇ॒ ಮದಂ᳚ತಃ ||{7.59.7}, {7.4.4.7}, {5.4.30.1} |
| 498 | ಯೋ ನೋ᳚ ಮರುತೋ ಅ॒ಭಿ ದು॑ರ್ಹೃಣಾ॒ಯುಸ್ತಿ॒ರಶ್ಚಿ॒ತ್ತಾನಿ॑ ವಸವೋ॒ ಜಿಘಾಂ᳚ಸತಿ | ದ್ರು॒ಹಃ ಪಾಶಾ॒ನ್ಪ್ರತಿ॒ ಸ ಮು॑ಚೀಷ್ಟ॒ ತಪಿ॑ಷ್ಠೇನ॒ ಹನ್ಮ॑ನಾ ಹಂತನಾ॒ ತಂ ||{7.59.8}, {7.4.4.8}, {5.4.30.2} |
| 499 | ಸಾಂತ॑ಪನಾ ಇ॒ದಂ ಹ॒ವಿರ್ಮರು॑ತ॒ಸ್ತಜ್ಜು॑ಜುಷ್ಟನ | ಯು॒ಷ್ಮಾಕೋ॒ತೀ ರಿ॑ಶಾದಸಃ ||{7.59.9}, {7.4.4.9}, {5.4.30.3} |
| 500 | ಗೃಹ॑ಮೇಧಾಸ॒ ಆ ಗ॑ತ॒ ಮರು॑ತೋ॒ ಮಾಪ॑ ಭೂತನ | ಯು॒ಷ್ಮಾಕೋ॒ತೀ ಸು॑ದಾನವಃ ||{7.59.10}, {7.4.4.10}, {5.4.30.4} |
| 501 | ಇ॒ಹೇಹ॑ ವಃ ಸ್ವತವಸಃ॒ ಕವ॑ಯಃ॒ ಸೂರ್ಯ॑ತ್ವಚಃ | ಯ॒ಜ್ಞಂ ಮ॑ರುತ॒ ಆ ವೃ॑ಣೇ ||{7.59.11}, {7.4.4.11}, {5.4.30.5} |
| 502 | ತ್ರ್ಯಂ॑ಬಕಂ ಯಜಾಮಹೇ ಸು॒ಗಂಧಿಂ᳚ ಪುಷ್ಟಿ॒ವರ್ಧ॑ನಂ | ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಮೃತಾ᳚ತ್ ||{7.59.12}, {7.4.4.12}, {5.4.30.6} |
| [60] (1-12) ದ್ವಾದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1) ಪ್ರಥಮರ್ಚಃ ಸೂಯಃ, (2-12) ದ್ವಿತೀಯಾದ್ಯೇಕಾದಶಾನಾಂಚ ಮಿತ್ರಾವರುಣೌ ದೇವತಾಃ | ತ್ರಿಷ್ಟುಪ್ ಛಂದಃ || | |
| 503 | ಯದ॒ದ್ಯ ಸೂ᳚ರ್ಯ॒ ಬ್ರವೋಽನಾ᳚ಗಾ ಉ॒ದ್ಯನ್ಮಿ॒ತ್ರಾಯ॒ ವರು॑ಣಾಯ ಸ॒ತ್ಯಂ | ವ॒ಯಂ ದೇ᳚ವ॒ತ್ರಾದಿ॑ತೇ ಸ್ಯಾಮ॒ ತವ॑ ಪ್ರಿ॒ಯಾಸೋ᳚ ಅರ್ಯಮನ್ಗೃ॒ಣಂತಃ॑ ||{7.60.1}, {7.4.5.1}, {5.5.1.1} |
| 504 | ಏ॒ಷ ಸ್ಯ ಮಿ॑ತ್ರಾವರುಣಾ ನೃ॒ಚಕ್ಷಾ᳚ ಉ॒ಭೇ ಉದೇ᳚ತಿ॒ ಸೂರ್ಯೋ᳚ ಅ॒ಭಿ ಜ್ಮನ್ | ವಿಶ್ವ॑ಸ್ಯ ಸ್ಥಾ॒ತುರ್ಜಗ॑ತಶ್ಚ ಗೋ॒ಪಾ ಋ॒ಜು ಮರ್ತೇ᳚ಷು ವೃಜಿ॒ನಾ ಚ॒ ಪಶ್ಯ॑ನ್ ||{7.60.2}, {7.4.5.2}, {5.5.1.2} |
| 505 | ಅಯು॑ಕ್ತ ಸ॒ಪ್ತ ಹ॒ರಿತಃ॑ ಸ॒ಧಸ್ಥಾ॒ದ್ಯಾ ಈಂ॒ ವಹಂ᳚ತಿ॒ ಸೂರ್ಯಂ᳚ ಘೃ॒ತಾಚೀಃ᳚ | ಧಾಮಾ᳚ನಿ ಮಿತ್ರಾವರುಣಾ ಯು॒ವಾಕುಃ॒ ಸಂ ಯೋ ಯೂ॒ಥೇವ॒ ಜನಿ॑ಮಾನಿ॒ ಚಷ್ಟೇ᳚ ||{7.60.3}, {7.4.5.3}, {5.5.1.3} |
| 506 | ಉದ್ವಾಂ᳚ ಪೃ॒ಕ್ಷಾಸೋ॒ ಮಧು॑ಮಂತೋ ಅಸ್ಥು॒ರಾ ಸೂರ್ಯೋ᳚ ಅರುಹಚ್ಛು॒ಕ್ರಮರ್ಣಃ॑ | ಯಸ್ಮಾ᳚ ಆದಿ॒ತ್ಯಾ ಅಧ್ವ॑ನೋ॒ ರದಂ᳚ತಿ ಮಿ॒ತ್ರೋ ಅ᳚ರ್ಯ॒ಮಾ ವರು॑ಣಃ ಸ॒ಜೋಷಾಃ᳚ ||{7.60.4}, {7.4.5.4}, {5.5.1.4} |
| 507 | ಇ॒ಮೇ ಚೇ॒ತಾರೋ॒ ಅನೃ॑ತಸ್ಯ॒ ಭೂರೇ᳚ರ್ಮಿ॒ತ್ರೋ ಅ᳚ರ್ಯ॒ಮಾ ವರು॑ಣೋ॒ ಹಿ ಸಂತಿ॑ | ಇ॒ಮ ಋ॒ತಸ್ಯ॑ ವಾವೃಧುರ್ದುರೋ॒ಣೇ ಶ॒ಗ್ಮಾಸಃ॑ ಪು॒ತ್ರಾ ಅದಿ॑ತೇ॒ರದ॑ಬ್ಧಾಃ ||{7.60.5}, {7.4.5.5}, {5.5.1.5} |
| 508 | ಇ॒ಮೇ ಮಿ॒ತ್ರೋ ವರು॑ಣೋ ದೂ॒ಳಭಾ᳚ಸೋಽಚೇ॒ತಸಂ᳚ ಚಿಚ್ಚಿತಯಂತಿ॒ ದಕ್ಷೈಃ᳚ | ಅಪಿ॒ ಕ್ರತುಂ᳚ ಸು॒ಚೇತ॑ಸಂ॒ ವತಂ᳚ತಸ್ತಿ॒ರಶ್ಚಿ॒ದಂಹಃ॑ ಸು॒ಪಥಾ᳚ ನಯಂತಿ ||{7.60.6}, {7.4.5.6}, {5.5.1.6} |
| 509 | ಇ॒ಮೇ ದಿ॒ವೋ ಅನಿ॑ಮಿಷಾ ಪೃಥಿ॒ವ್ಯಾಶ್ಚಿ॑ಕಿ॒ತ್ವಾಂಸೋ᳚ ಅಚೇ॒ತಸಂ᳚ ನಯಂತಿ | ಪ್ರ॒ವ್ರಾ॒ಜೇ ಚಿ᳚ನ್ನ॒ದ್ಯೋ᳚ ಗಾ॒ಧಮ॑ಸ್ತಿ ಪಾ॒ರಂ ನೋ᳚ ಅ॒ಸ್ಯ ವಿ॑ಷ್ಪಿ॒ತಸ್ಯ॑ ಪರ್ಷನ್ ||{7.60.7}, {7.4.5.7}, {5.5.2.1} |
| 510 | ಯದ್ಗೋ॒ಪಾವ॒ದದಿ॑ತಿಃ॒ ಶರ್ಮ॑ ಭ॒ದ್ರಂ ಮಿ॒ತ್ರೋ ಯಚ್ಛಂ᳚ತಿ॒ ವರು॑ಣಃ ಸು॒ದಾಸೇ᳚ | ತಸ್ಮಿ॒ನ್ನಾ ತೋ॒ಕಂ ತನ॑ಯಂ॒ ದಧಾ᳚ನಾ॒ ಮಾ ಕ᳚ರ್ಮ ದೇವ॒ಹೇಳ॑ನಂ ತುರಾಸಃ ||{7.60.8}, {7.4.5.8}, {5.5.2.2} |
| 511 | ಅವ॒ ವೇದಿಂ॒ ಹೋತ್ರಾ᳚ಭಿರ್ಯಜೇತ॒ ರಿಪಃ॒ ಕಾಶ್ಚಿ॑ದ್ವರುಣ॒ಧ್ರುತಃ॒ ಸಃ | ಪರಿ॒ ದ್ವೇಷೋ᳚ಭಿರರ್ಯ॒ಮಾ ವೃ॑ಣಕ್ತೂ॒ರುಂ ಸು॒ದಾಸೇ᳚ ವೃಷಣಾ ಉ ಲೋ॒ಕಂ ||{7.60.9}, {7.4.5.9}, {5.5.2.3} |
| 512 | ಸ॒ಸ್ವಶ್ಚಿ॒ದ್ಧಿ ಸಮೃ॑ತಿಸ್ತ್ವೇ॒ಷ್ಯೇ᳚ಷಾಮಪೀ॒ಚ್ಯೇ᳚ನ॒ ಸಹ॑ಸಾ॒ ಸಹಂ᳚ತೇ | ಯು॒ಷ್ಮದ್ಭಿ॒ಯಾ ವೃ॑ಷಣೋ॒ ರೇಜ॑ಮಾನಾ॒ ದಕ್ಷ॑ಸ್ಯ ಚಿನ್ಮಹಿ॒ನಾ ಮೃ॒ಳತಾ᳚ ನಃ ||{7.60.10}, {7.4.5.10}, {5.5.2.4} |
| 513 | ಯೋ ಬ್ರಹ್ಮ॑ಣೇ ಸುಮ॒ತಿಮಾ॒ಯಜಾ᳚ತೇ॒ ವಾಜ॑ಸ್ಯ ಸಾ॒ತೌ ಪ॑ರ॒ಮಸ್ಯ॑ ರಾ॒ಯಃ | ಸೀಕ್ಷಂ᳚ತ ಮ॒ನ್ಯುಂ ಮ॒ಘವಾ᳚ನೋ ಅ॒ರ್ಯ ಉ॒ರು ಕ್ಷಯಾ᳚ಯ ಚಕ್ರಿರೇ ಸು॒ಧಾತು॑ ||{7.60.11}, {7.4.5.11}, {5.5.2.5} |
| 514 | ಇ॒ಯಂ ದೇ᳚ವ ಪು॒ರೋಹಿ॑ತಿರ್ಯು॒ವಭ್ಯಾಂ᳚ ಯ॒ಜ್ಞೇಷು॑ ಮಿತ್ರಾವರುಣಾವಕಾರಿ | ವಿಶ್ವಾ᳚ನಿ ದು॒ರ್ಗಾ ಪಿ॑ಪೃತಂ ತಿ॒ರೋ ನೋ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.60.12}, {7.4.5.12}, {5.5.2.6} |
| [61] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಮಿತ್ರಾವರುಣೌ ದೇವತೇ | ತ್ರಿಷ್ಟುಪ್ ಛಂದಃ || | |
| 515 | ಉದ್ವಾಂ॒ ಚಕ್ಷು᳚ರ್ವರುಣ ಸು॒ಪ್ರತೀ᳚ಕಂ ದೇ॒ವಯೋ᳚ರೇತಿ॒ ಸೂರ್ಯ॑ಸ್ತತ॒ನ್ವಾನ್ | ಅ॒ಭಿ ಯೋ ವಿಶ್ವಾ॒ ಭುವ॑ನಾನಿ॒ ಚಷ್ಟೇ॒ ಸ ಮ॒ನ್ಯುಂ ಮರ್ತ್ಯೇ॒ಷ್ವಾ ಚಿ॑ಕೇತ ||{7.61.1}, {7.4.6.1}, {5.5.3.1} |
| 516 | ಪ್ರ ವಾಂ॒ ಸ ಮಿ॑ತ್ರಾವರುಣಾವೃ॒ತಾವಾ॒ ವಿಪ್ರೋ॒ ಮನ್ಮಾ᳚ನಿ ದೀರ್ಘ॒ಶ್ರುದಿ॑ಯರ್ತಿ | ಯಸ್ಯ॒ ಬ್ರಹ್ಮಾ᳚ಣಿ ಸುಕ್ರತೂ॒ ಅವಾ᳚ಥ॒ ಆ ಯತ್ಕ್ರತ್ವಾ॒ ನ ಶ॒ರದಃ॑ ಪೃ॒ಣೈಥೇ᳚ ||{7.61.2}, {7.4.6.2}, {5.5.3.2} |
| 517 | ಪ್ರೋರೋರ್ಮಿ॑ತ್ರಾವರುಣಾ ಪೃಥಿ॒ವ್ಯಾಃ ಪ್ರ ದಿ॒ವ ಋ॒ಷ್ವಾದ್ಬೃ॑ಹ॒ತಃ ಸು॑ದಾನೂ | ಸ್ಪಶೋ᳚ ದಧಾಥೇ॒ ಓಷ॑ಧೀಷು ವಿ॒ಕ್ಷ್ವೃಧ॑ಗ್ಯ॒ತೋ ಅನಿ॑ಮಿಷಂ॒ ರಕ್ಷ॑ಮಾಣಾ ||{7.61.3}, {7.4.6.3}, {5.5.3.3} |
| 518 | ಶಂಸಾ᳚ ಮಿ॒ತ್ರಸ್ಯ॒ ವರು॑ಣಸ್ಯ॒ ಧಾಮ॒ ಶುಷ್ಮೋ॒ ರೋದ॑ಸೀ ಬದ್ಬಧೇ ಮಹಿ॒ತ್ವಾ | ಅಯ॒ನ್ಮಾಸಾ॒ ಅಯ॑ಜ್ವನಾಮ॒ವೀರಾಃ॒ ಪ್ರ ಯ॒ಜ್ಞಮ᳚ನ್ಮಾ ವೃ॒ಜನಂ᳚ ತಿರಾತೇ ||{7.61.4}, {7.4.6.4}, {5.5.3.4} |
| 519 | ಅಮೂ᳚ರಾ॒ ವಿಶ್ವಾ᳚ ವೃಷಣಾವಿ॒ಮಾ ವಾಂ॒ ನ ಯಾಸು॑ ಚಿ॒ತ್ರಂ ದದೃ॑ಶೇ॒ ನ ಯ॒ಕ್ಷಂ | ದ್ರುಹಃ॑ ಸಚಂತೇ॒ ಅನೃ॑ತಾ॒ ಜನಾ᳚ನಾಂ॒ ನ ವಾಂ᳚ ನಿ॒ಣ್ಯಾನ್ಯ॒ಚಿತೇ᳚ ಅಭೂವನ್ ||{7.61.5}, {7.4.6.5}, {5.5.3.5} |
| 520 | ಸಮು॑ ವಾಂ ಯ॒ಜ್ಞಂ ಮ॑ಹಯಂ॒ ನಮೋ᳚ಭಿರ್ಹು॒ವೇ ವಾಂ᳚ ಮಿತ್ರಾವರುಣಾ ಸ॒ಬಾಧಃ॑ | ಪ್ರ ವಾಂ॒ ಮನ್ಮಾ᳚ನ್ಯೃ॒ಚಸೇ॒ ನವಾ᳚ನಿ ಕೃ॒ತಾನಿ॒ ಬ್ರಹ್ಮ॑ ಜುಜುಷನ್ನಿ॒ಮಾನಿ॑ ||{7.61.6}, {7.4.6.6}, {5.5.3.6} |
| 521 | ಇ॒ಯಂ ದೇ᳚ವ ಪು॒ರೋಹಿ॑ತಿರ್ಯು॒ವಭ್ಯಾಂ᳚ ಯ॒ಜ್ಞೇಷು॑ ಮಿತ್ರಾವರುಣಾವಕಾರಿ | ವಿಶ್ವಾ᳚ನಿ ದು॒ರ್ಗಾ ಪಿ॑ಪೃತಂ ತಿ॒ರೋ ನೋ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.61.7}, {7.4.6.7}, {5.5.3.7} |
| [62] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-3) ಪ್ರಥಮತೃಚಸ್ಯ ಸೂರ್ಯಃ, (4-6) ದ್ವಿತೀಯತೃಚಸ್ಯ ಚ ಮಿತ್ರಾವರುಣೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 522 | ಉತ್ಸೂರ್ಯೋ᳚ ಬೃ॒ಹದ॒ರ್ಚೀಂಷ್ಯ॑ಶ್ರೇತ್ಪು॒ರು ವಿಶ್ವಾ॒ ಜನಿ॑ಮ॒ ಮಾನು॑ಷಾಣಾಂ | ಸ॒ಮೋ ದಿ॒ವಾ ದ॑ದೃಶೇ॒ ರೋಚ॑ಮಾನಃ॒ ಕ್ರತ್ವಾ᳚ ಕೃ॒ತಃ ಸುಕೃ॑ತಃ ಕ॒ರ್ತೃಭಿ॑ರ್ಭೂತ್ ||{7.62.1}, {7.4.7.1}, {5.5.4.1} |
| 523 | ಸ ಸೂ᳚ರ್ಯ॒ ಪ್ರತಿ॑ ಪು॒ರೋ ನ॒ ಉದ್ಗಾ᳚ ಏ॒ಭಿಃ ಸ್ತೋಮೇ᳚ಭಿರೇತ॒ಶೇಭಿ॒ರೇವೈಃ᳚ | ಪ್ರ ನೋ᳚ ಮಿ॒ತ್ರಾಯ॒ ವರು॑ಣಾಯ ವೋ॒ಚೋಽನಾ᳚ಗಸೋ ಅರ್ಯ॒ಮ್ಣೇ ಅ॒ಗ್ನಯೇ᳚ ಚ ||{7.62.2}, {7.4.7.2}, {5.5.4.2} |
| 524 | ವಿ ನಃ॑ ಸ॒ಹಸ್ರಂ᳚ ಶು॒ರುಧೋ᳚ ರದಂತ್ವೃ॒ತಾವಾ᳚ನೋ॒ ವರು॑ಣೋ ಮಿ॒ತ್ರೋ ಅ॒ಗ್ನಿಃ | ಯಚ್ಛಂ᳚ತು ಚಂ॒ದ್ರಾ ಉ॑ಪ॒ಮಂ ನೋ᳚ ಅ॒ರ್ಕಮಾ ನಃ॒ ಕಾಮಂ᳚ ಪೂಪುರಂತು॒ ಸ್ತವಾ᳚ನಾಃ ||{7.62.3}, {7.4.7.3}, {5.5.4.3} |
| 525 | ದ್ಯಾವಾ᳚ಭೂಮೀ ಅದಿತೇ॒ ತ್ರಾಸೀ᳚ಥಾಂ ನೋ॒ ಯೇ ವಾಂ᳚ ಜ॒ಜ್ಞುಃ ಸು॒ಜನಿ॑ಮಾನ ಋಷ್ವೇ | ಮಾ ಹೇಳೇ᳚ ಭೂಮ॒ ವರು॑ಣಸ್ಯ ವಾ॒ಯೋರ್ಮಾ ಮಿ॒ತ್ರಸ್ಯ॑ ಪ್ರಿ॒ಯತ॑ಮಸ್ಯ ನೃ॒ಣಾಂ ||{7.62.4}, {7.4.7.4}, {5.5.4.4} |
| 526 | ಪ್ರ ಬಾ॒ಹವಾ᳚ ಸಿಸೃತಂ ಜೀ॒ವಸೇ᳚ ನ॒ ಆ ನೋ॒ ಗವ್ಯೂ᳚ತಿಮುಕ್ಷತಂ ಘೃ॒ತೇನ॑ | ಆ ನೋ॒ ಜನೇ᳚ ಶ್ರವಯತಂ ಯುವಾನಾ ಶ್ರು॒ತಂ ಮೇ᳚ ಮಿತ್ರಾವರುಣಾ॒ ಹವೇ॒ಮಾ ||{7.62.5}, {7.4.7.5}, {5.5.4.5} |
| 527 | ನೂ ಮಿ॒ತ್ರೋ ವರು॑ಣೋ ಅರ್ಯ॒ಮಾ ನ॒ಸ್ತ್ಮನೇ᳚ ತೋ॒ಕಾಯ॒ ವರಿ॑ವೋ ದಧಂತು | ಸು॒ಗಾ ನೋ॒ ವಿಶ್ವಾ᳚ ಸು॒ಪಥಾ᳚ನಿ ಸಂತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.62.6}, {7.4.7.6}, {5.5.4.6} |
| [63] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ | (1-4, 5) ಪ್ರಥಮಾದಿಚತುರ್‌ಋಚಾಂ ಪಂಚಮ್ಯಾಃ ಪೂರ್ವಾರ್ಧಸ್ಯ ಚ ಸೂಯಃ, (5-6) ಪಂಚಮ್ಯಾ ಉತ್ತರಾರ್ಧಸ್ಯ ಷಷ್ಟ್ಯಾಶ್ಚ ಮಿತ್ರಾವರುಣೌ ದೇವತಾಃ | ತ್ರಿಷ್ಟುಪ್ ಛಂದಃ || | |
| 528 | ಉದ್ವೇ᳚ತಿ ಸು॒ಭಗೋ᳚ ವಿ॒ಶ್ವಚ॑ಕ್ಷಾಃ॒ ಸಾಧಾ᳚ರಣಃ॒ ಸೂರ್ಯೋ॒ ಮಾನು॑ಷಾಣಾಂ | ಚಕ್ಷು᳚ರ್ಮಿ॒ತ್ರಸ್ಯ॒ ವರು॑ಣಸ್ಯ ದೇ॒ವಶ್ಚರ್ಮೇ᳚ವ॒ ಯಃ ಸ॒ಮವಿ᳚ವ್ಯ॒ಕ್ತಮಾಂ᳚ಸಿ ||{7.63.1}, {7.4.8.1}, {5.5.5.1} |
| 529 | ಉದ್ವೇ᳚ತಿ ಪ್ರಸವೀ॒ತಾ ಜನಾ᳚ನಾಂ ಮ॒ಹಾನ್ಕೇ॒ತುರ᳚ರ್ಣ॒ವಃ ಸೂರ್ಯ॑ಸ್ಯ | ಸ॒ಮಾ॒ನಂ ಚ॒ಕ್ರಂ ಪ᳚ರ್ಯಾ॒ವಿವೃ॑ತ್ಸ॒ನ್ಯದೇ᳚ತ॒ಶೋ ವಹ॑ತಿ ಧೂ॒ರ್ಷು ಯು॒ಕ್ತಃ ||{7.63.2}, {7.4.8.2}, {5.5.5.2} |
| 530 | ವಿ॒ಭ್ರಾಜ॑ಮಾನ ಉ॒ಷಸಾ᳚ಮು॒ಪಸ್ಥಾ᳚ದ್ರೇ॒ಭೈರುದೇ᳚ತ್ಯನುಮ॒ದ್ಯಮಾ᳚ನಃ | ಏ॒ಷ ಮೇ᳚ ದೇ॒ವಃ ಸ॑ವಿ॒ತಾ ಚ॑ಚ್ಛಂದ॒ ಯಃ ಸ॑ಮಾ॒ನಂ ನ ಪ್ರ॑ಮಿ॒ನಾತಿ॒ ಧಾಮ॑ ||{7.63.3}, {7.4.8.3}, {5.5.5.3} |
| 531 | ದಿ॒ವೋ ರು॒ಕ್ಮ ಉ॑ರು॒ಚಕ್ಷಾ॒ ಉದೇ᳚ತಿ ದೂ॒ರೇಅ॑ರ್ಥಸ್ತ॒ರಣಿ॒ರ್ಭ್ರಾಜ॑ಮಾನಃ | ನೂ॒ನಂ ಜನಾಃ॒ ಸೂರ್ಯೇ᳚ಣ॒ ಪ್ರಸೂ᳚ತಾ॒ ಅಯ॒ನ್ನರ್ಥಾ᳚ನಿ ಕೃ॒ಣವ॒ನ್ನಪಾಂ᳚ಸಿ ||{7.63.4}, {7.4.8.4}, {5.5.5.4} |
| 532 | ಯತ್ರಾ᳚ ಚ॒ಕ್ರುರ॒ಮೃತಾ᳚ ಗಾ॒ತುಮ॑ಸ್ಮೈ ಶ್ಯೇ॒ನೋ ನ ದೀಯ॒ನ್ನನ್ವೇ᳚ತಿ॒ ಪಾಥಃ॑ | ಪ್ರತಿ॑ ವಾಂ॒ ಸೂರ॒ ಉದಿ॑ತೇ ವಿಧೇಮ॒ ನಮೋ᳚ಭಿರ್ಮಿತ್ರಾವರುಣೋ॒ತ ಹ॒ವ್ಯೈಃ ||{7.63.5}, {7.4.8.5}, {5.5.5.5} |
| 533 | ನೂ ಮಿ॒ತ್ರೋ ವರು॑ಣೋ ಅರ್ಯ॒ಮಾ ನ॒ಸ್ತ್ಮನೇ᳚ ತೋ॒ಕಾಯ॒ ವರಿ॑ವೋ ದಧಂತು | ಸು॒ಗಾ ನೋ॒ ವಿಶ್ವಾ᳚ ಸು॒ಪಥಾ᳚ನಿ ಸಂತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.63.6}, {7.4.8.6}, {5.5.5.6} |
| [64] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ | ಮಿತ್ರಾವರುಣೋ ದೇವತೇ | ತ್ರಿಷ್ಟುಪ್ ಛಂದಃ || | |
| 534 | ದಿ॒ವಿ ಕ್ಷಯಂ᳚ತಾ॒ ರಜ॑ಸಃ ಪೃಥಿ॒ವ್ಯಾಂ ಪ್ರ ವಾಂ᳚ ಘೃ॒ತಸ್ಯ॑ ನಿ॒ರ್ಣಿಜೋ᳚ ದದೀರನ್ | ಹ॒ವ್ಯಂ ನೋ᳚ ಮಿ॒ತ್ರೋ ಅ᳚ರ್ಯ॒ಮಾ ಸುಜಾ᳚ತೋ॒ ರಾಜಾ᳚ ಸುಕ್ಷ॒ತ್ರೋ ವರು॑ಣೋ ಜುಷಂತ ||{7.64.1}, {7.4.9.1}, {5.5.6.1} |
| 535 | ಆ ರಾ᳚ಜಾನಾ ಮಹ ಋತಸ್ಯ ಗೋಪಾ॒ ಸಿಂಧು॑ಪತೀ ಕ್ಷತ್ರಿಯಾ ಯಾತಮ॒ರ್ವಾಕ್ | ಇಳಾಂ᳚ ನೋ ಮಿತ್ರಾವರುಣೋ॒ತ ವೃ॒ಷ್ಟಿಮವ॑ ದಿ॒ವ ಇ᳚ನ್ವತಂ ಜೀರದಾನೂ ||{7.64.2}, {7.4.9.2}, {5.5.6.2} |
| 536 | ಮಿ॒ತ್ರಸ್ತನ್ನೋ॒ ವರು॑ಣೋ ದೇ॒ವೋ ಅ॒ರ್ಯಃ ಪ್ರ ಸಾಧಿ॑ಷ್ಠೇಭಿಃ ಪ॒ಥಿಭಿ᳚ರ್ನಯಂತು | ಬ್ರವ॒ದ್ಯಥಾ᳚ ನ॒ ಆದ॒ರಿಃ ಸು॒ದಾಸ॑ ಇ॒ಷಾ ಮ॑ದೇಮ ಸ॒ಹ ದೇ॒ವಗೋ᳚ಪಾಃ ||{7.64.3}, {7.4.9.3}, {5.5.6.3} |
| 537 | ಯೋ ವಾಂ॒ ಗರ್ತಂ॒ ಮನ॑ಸಾ॒ ತಕ್ಷ॑ದೇ॒ತಮೂ॒ರ್ಧ್ವಾಂ ಧೀ॒ತಿಂ ಕೃ॒ಣವ॑ದ್ಧಾ॒ರಯ॑ಚ್ಚ | ಉ॒ಕ್ಷೇಥಾಂ᳚ ಮಿತ್ರಾವರುಣಾ ಘೃ॒ತೇನ॒ ತಾ ರಾ᳚ಜಾನಾ ಸುಕ್ಷಿ॒ತೀಸ್ತ॑ರ್ಪಯೇಥಾಂ ||{7.64.4}, {7.4.9.4}, {5.5.6.4} |
| 538 | ಏ॒ಷ ಸ್ತೋಮೋ᳚ ವರುಣ ಮಿತ್ರ॒ ತುಭ್ಯಂ॒ ಸೋಮಃ॑ ಶು॒ಕ್ರೋ ನ ವಾ॒ಯವೇ᳚ಽಯಾಮಿ | ಅ॒ವಿ॒ಷ್ಟಂ ಧಿಯೋ᳚ ಜಿಗೃ॒ತಂ ಪುರಂ᳚ಧೀರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.64.5}, {7.4.9.5}, {5.5.6.5} |
| [65] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಮಿತ್ರಾವರುಣೌ ದೇವತೇ | ತ್ರಿಷ್ಟುಪ್ ಛಂದಃ || | |
| 539 | ಪ್ರತಿ॑ ವಾಂ॒ ಸೂರ॒ ಉದಿ॑ತೇ ಸೂ॒ಕ್ತೈರ್ಮಿ॒ತ್ರಂ ಹು॑ವೇ॒ ವರು॑ಣಂ ಪೂ॒ತದ॑ಕ್ಷಂ | ಯಯೋ᳚ರಸು॒ರ್ಯ೧॑(ಅ॒)ಮಕ್ಷಿ॑ತಂ॒ ಜ್ಯೇಷ್ಠಂ॒ ವಿಶ್ವ॑ಸ್ಯ॒ ಯಾಮ᳚ನ್ನಾ॒ಚಿತಾ᳚ ಜಿಗ॒ತ್ನು ||{7.65.1}, {7.4.10.1}, {5.5.7.1} |
| 540 | ತಾ ಹಿ ದೇ॒ವಾನಾ॒ಮಸು॑ರಾ॒ ತಾವ॒ರ್ಯಾ ತಾ ನಃ॑ ಕ್ಷಿ॒ತೀಃ ಕ॑ರತಮೂ॒ರ್ಜಯಂ᳚ತೀಃ | ಅ॒ಶ್ಯಾಮ॑ ಮಿತ್ರಾವರುಣಾ ವ॒ಯಂ ವಾಂ॒ ದ್ಯಾವಾ᳚ ಚ॒ ಯತ್ರ॑ ಪೀ॒ಪಯ॒ನ್ನಹಾ᳚ ಚ ||{7.65.2}, {7.4.10.2}, {5.5.7.2} |
| 541 | ತಾ ಭೂರಿ॑ಪಾಶಾ॒ವನೃ॑ತಸ್ಯ॒ ಸೇತೂ᳚ ದುರ॒ತ್ಯೇತೂ᳚ ರಿ॒ಪವೇ॒ ಮರ್ತ್ಯಾ᳚ಯ | ಋ॒ತಸ್ಯ॑ ಮಿತ್ರಾವರುಣಾ ಪ॒ಥಾ ವಾ᳚ಮ॒ಪೋ ನ ನಾ॒ವಾ ದು॑ರಿ॒ತಾ ತ॑ರೇಮ ||{7.65.3}, {7.4.10.3}, {5.5.7.3} |
| 542 | ಆ ನೋ᳚ ಮಿತ್ರಾವರುಣಾ ಹ॒ವ್ಯಜು॑ಷ್ಟಿಂ ಘೃ॒ತೈರ್ಗವ್ಯೂ᳚ತಿಮುಕ್ಷತ॒ಮಿಳಾ᳚ಭಿಃ | ಪ್ರತಿ॑ ವಾ॒ಮತ್ರ॒ ವರ॒ಮಾ ಜನಾ᳚ಯ ಪೃಣೀ॒ತಮು॒ದ್ನೋ ದಿ॒ವ್ಯಸ್ಯ॒ ಚಾರೋಃ᳚ ||{7.65.4}, {7.4.10.4}, {5.5.7.4} |
| 543 | ಏ॒ಷ ಸ್ತೋಮೋ᳚ ವರುಣ ಮಿತ್ರ॒ ತುಭ್ಯಂ॒ ಸೋಮಃ॑ ಶು॒ಕ್ರೋ ನ ವಾ॒ಯವೇ᳚ಽಯಾಮಿ | ಅ॒ವಿ॒ಷ್ಟಂ ಧಿಯೋ᳚ ಜಿಗೃ॒ತಂ ಪುರಂ᳚ಧೀರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.65.5}, {7.4.10.5}, {5.5.7.5} |
| [66] (1-19) ಏಕೋನವಿಂಶತ್ಯೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-3, 17-19) ಪ್ರಥಮಾದಿತೃಚಸ್ಯ ಸಪ್ತದಶ್ಯಾದಿತೃಚಸ್ಯ ಚ ಮಿತ್ರಾವರುಣೌ, (4-13) ಚತುರ್ಥ್ಯಾದಿದಶರ್ಚಾಮಾದಿತ್ಯಾಃ, (14-16) ಚತುದರ್ಶ ಯಾದಿತೃಚಸ್ಯ ಚ ಸೂರ್ಯೋ ದೇವತಾಃ | (1-9, 17-19) ಪ್ರಥಮಾದಿನವರ್ಚಾಂ ಸಪ್ತದಶ್ಯಾದಿತೃಚಸ್ಯ ಚ ಗಾಯತ್ರೀ, (10-15) ದಶಮ್ಯಾದಿತೃಚದ್ಯಸ್ಯ ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ), (16) ಷೋಡಶ್ಯಾಶ್ಚ ಪುರ ಉಷ್ಣಿಕ್ ಛಂದಾಂಸಿ || | |
| 544 | ಪ್ರ ಮಿ॒ತ್ರಯೋ॒ರ್ವರು॑ಣಯೋಃ॒ ಸ್ತೋಮೋ᳚ ನ ಏತು ಶೂ॒ಷ್ಯಃ॑ | ನಮ॑ಸ್ವಾಂತುವಿಜಾ॒ತಯೋಃ᳚ ||{7.66.1}, {7.4.11.1}, {5.5.8.1} |
| 545 | ಯಾ ಧಾ॒ರಯಂ᳚ತ ದೇ॒ವಾಃ ಸು॒ದಕ್ಷಾ॒ ದಕ್ಷ॑ಪಿತರಾ | ಅ॒ಸು॒ರ್ಯಾ᳚ಯ॒ ಪ್ರಮ॑ಹಸಾ ||{7.66.2}, {7.4.11.2}, {5.5.8.2} |
| 546 | ತಾ ನಃ॑ ಸ್ತಿ॒ಪಾ ತ॑ನೂ॒ಪಾ ವರು॑ಣ ಜರಿತೄ॒ಣಾಂ | ಮಿತ್ರ॑ ಸಾ॒ಧಯ॑ತಂ॒ ಧಿಯಃ॑ ||{7.66.3}, {7.4.11.3}, {5.5.8.3} |
| 547 | ಯದ॒ದ್ಯ ಸೂರ॒ ಉದಿ॒ತೇಽನಾ᳚ಗಾ ಮಿ॒ತ್ರೋ ಅ᳚ರ್ಯ॒ಮಾ | ಸು॒ವಾತಿ॑ ಸವಿ॒ತಾ ಭಗಃ॑ ||{7.66.4}, {7.4.11.4}, {5.5.8.4} |
| 548 | ಸು॒ಪ್ರಾ॒ವೀರ॑ಸ್ತು॒ ಸ ಕ್ಷಯಃ॒ ಪ್ರ ನು ಯಾಮ᳚ನ್ಸುದಾನವಃ | ಯೇ ನೋ॒ ಅಂಹೋ᳚ಽತಿ॒ಪಿಪ್ರ॑ತಿ ||{7.66.5}, {7.4.11.5}, {5.5.8.5} |
| 549 | ಉ॒ತ ಸ್ವ॒ರಾಜೋ॒ ಅದಿ॑ತಿ॒ರದ॑ಬ್ಧಸ್ಯ ವ್ರ॒ತಸ್ಯ॒ ಯೇ | ಮ॒ಹೋ ರಾಜಾ᳚ನ ಈಶತೇ ||{7.66.6}, {7.4.11.6}, {5.5.9.1} |
| 550 | ಪ್ರತಿ॑ ವಾಂ॒ ಸೂರ॒ ಉದಿ॑ತೇ ಮಿ॒ತ್ರಂ ಗೃ॑ಣೀಷೇ॒ ವರು॑ಣಂ | ಅ॒ರ್ಯ॒ಮಣಂ᳚ ರಿ॒ಶಾದ॑ಸಂ ||{7.66.7}, {7.4.11.7}, {5.5.9.2} |
| 551 | ರಾ॒ಯಾ ಹಿ॑ರಣ್ಯ॒ಯಾ ಮ॒ತಿರಿ॒ಯಮ॑ವೃ॒ಕಾಯ॒ ಶವ॑ಸೇ | ಇ॒ಯಂ ವಿಪ್ರಾ᳚ ಮೇ॒ಧಸಾ᳚ತಯೇ ||{7.66.8}, {7.4.11.8}, {5.5.9.3} |
| 552 | ತೇ ಸ್ಯಾ᳚ಮ ದೇವ ವರುಣ॒ ತೇ ಮಿ॑ತ್ರ ಸೂ॒ರಿಭಿಃ॑ ಸ॒ಹ | ಇಷಂ॒ ಸ್ವ॑ಶ್ಚ ಧೀಮಹಿ ||{7.66.9}, {7.4.11.9}, {5.5.9.4} |
| 553 | ಬ॒ಹವಃ॒ ಸೂರ॑ಚಕ್ಷಸೋಽಗ್ನಿಜಿ॒ಹ್ವಾ ಋ॑ತಾ॒ವೃಧಃ॑ | ತ್ರೀಣಿ॒ ಯೇ ಯೇ॒ಮುರ್ವಿ॒ದಥಾ᳚ನಿ ಧೀ॒ತಿಭಿ॒ರ್ವಿಶ್ವಾ᳚ನಿ॒ ಪರಿ॑ಭೂತಿಭಿಃ ||{7.66.10}, {7.4.11.10}, {5.5.9.5} |
| 554 | ವಿ ಯೇ ದ॒ಧುಃ ಶ॒ರದಂ॒ ಮಾಸ॒ಮಾದಹ᳚ರ್ಯ॒ಜ್ಞಮ॒ಕ್ತುಂ ಚಾದೃಚಂ᳚ | ಅ॒ನಾ॒ಪ್ಯಂ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ಕ್ಷ॒ತ್ರಂ ರಾಜಾ᳚ನ ಆಶತ ||{7.66.11}, {7.4.11.11}, {5.5.10.1} |
| 555 | ತದ್ವೋ᳚ ಅ॒ದ್ಯ ಮ॑ನಾಮಹೇ ಸೂ॒ಕ್ತೈಃ ಸೂರ॒ ಉದಿ॑ತೇ | ಯದೋಹ॑ತೇ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ಯೂ॒ಯಮೃ॒ತಸ್ಯ॑ ರಥ್ಯಃ ||{7.66.12}, {7.4.11.12}, {5.5.10.2} |
| 556 | ಋ॒ತಾವಾ᳚ನ ಋ॒ತಜಾ᳚ತಾ ಋತಾ॒ವೃಧೋ᳚ ಘೋ॒ರಾಸೋ᳚ ಅನೃತ॒ದ್ವಿಷಃ॑ | ತೇಷಾಂ᳚ ವಃ ಸು॒ಮ್ನೇ ಸು॑ಚ್ಛ॒ರ್ದಿಷ್ಟ॑ಮೇ ನರಃ॒ ಸ್ಯಾಮ॒ ಯೇ ಚ॑ ಸೂ॒ರಯಃ॑ ||{7.66.13}, {7.4.11.13}, {5.5.10.3} |
| 557 | ಉದು॒ ತ್ಯದ್ದ॑ರ್ಶ॒ತಂ ವಪು॑ರ್ದಿ॒ವ ಏ᳚ತಿ ಪ್ರತಿಹ್ವ॒ರೇ | ಯದೀ᳚ಮಾ॒ಶುರ್ವಹ॑ತಿ ದೇ॒ವ ಏತ॑ಶೋ॒ ವಿಶ್ವ॑ಸ್ಮೈ॒ ಚಕ್ಷ॑ಸೇ॒ ಅರಂ᳚ ||{7.66.14}, {7.4.11.14}, {5.5.10.4} |
| 558 | ಶೀ॒ರ್ಷ್ಣಃಶೀ᳚ರ್ಷ್ಣೋ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ᳚ ಸ॒ಮಯಾ॒ ವಿಶ್ವ॒ಮಾ ರಜಃ॑ | ಸ॒ಪ್ತ ಸ್ವಸಾ᳚ರಃ ಸುವಿ॒ತಾಯ॒ ಸೂರ್ಯಂ॒ ವಹಂ᳚ತಿ ಹ॒ರಿತೋ॒ ರಥೇ᳚ ||{7.66.15}, {7.4.11.15}, {5.5.10.5} |
| 559 | ತಚ್ಚಕ್ಷು॑ರ್ದೇ॒ವಹಿ॑ತಂ ಶು॒ಕ್ರಮು॒ಚ್ಚರ॑ತ್ | ಪಶ್ಯೇ᳚ಮ ಶ॒ರದಃ॑ ಶ॒ತಂ ಜೀವೇ᳚ಮ ಶ॒ರದಃ॑ ಶ॒ತಂ ||{7.66.16}, {7.4.11.16}, {5.5.11.1} |
| 560 | ಕಾವ್ಯೇ᳚ಭಿರದಾ॒ಭ್ಯಾ ಯಾ᳚ತಂ ವರುಣ ದ್ಯು॒ಮತ್ | ಮಿ॒ತ್ರಶ್ಚ॒ ಸೋಮ॑ಪೀತಯೇ ||{7.66.17}, {7.4.11.17}, {5.5.11.2} |
| 561 | ದಿ॒ವೋ ಧಾಮ॑ಭಿರ್ವರುಣ ಮಿ॒ತ್ರಶ್ಚಾ ಯಾ᳚ತಮ॒ದ್ರುಹಾ᳚ | ಪಿಬ॑ತಂ॒ ಸೋಮ॑ಮಾತು॒ಜೀ ||{7.66.18}, {7.4.11.18}, {5.5.11.3} |
| 562 | ಆ ಯಾ᳚ತಂ ಮಿತ್ರಾವರುಣಾ ಜುಷಾ॒ಣಾವಾಹು॑ತಿಂ ನರಾ | ಪಾ॒ತಂ ಸೋಮ॑ಮೃತಾವೃಧಾ ||{7.66.19}, {7.4.11.19}, {5.5.11.4} |
| [67] (1-10) ದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಶ್ವಿನೌ ದೇವತೇ | ತ್ರಿಷ್ಟುಪ್ ಛಂದಃ || | |
| 563 | ಪ್ರತಿ॑ ವಾಂ॒ ರಥಂ᳚ ನೃಪತೀ ಜ॒ರಧ್ಯೈ᳚ ಹ॒ವಿಷ್ಮ॑ತಾ॒ ಮನ॑ಸಾ ಯ॒ಜ್ಞಿಯೇ᳚ನ | ಯೋ ವಾಂ᳚ ದೂ॒ತೋ ನ ಧಿ॑ಷ್ಣ್ಯಾ॒ವಜೀ᳚ಗ॒ರಚ್ಛಾ᳚ ಸೂ॒ನುರ್ನ ಪಿ॒ತರಾ᳚ ವಿವಕ್ಮಿ ||{7.67.1}, {7.4.12.1}, {5.5.12.1} |
| 564 | ಅಶೋ᳚ಚ್ಯ॒ಗ್ನಿಃ ಸ॑ಮಿಧಾ॒ನೋ ಅ॒ಸ್ಮೇ ಉಪೋ᳚ ಅದೃಶ್ರಂ॒ತಮ॑ಸಶ್ಚಿ॒ದಂತಾಃ᳚ | ಅಚೇ᳚ತಿ ಕೇ॒ತುರು॒ಷಸಃ॑ ಪು॒ರಸ್ತಾ᳚ಚ್ಛ್ರಿ॒ಯೇ ದಿ॒ವೋ ದು॑ಹಿ॒ತುರ್ಜಾಯ॑ಮಾನಃ ||{7.67.2}, {7.4.12.2}, {5.5.12.2} |
| 565 | ಅ॒ಭಿ ವಾಂ᳚ ನೂ॒ನಮ॑ಶ್ವಿನಾ॒ ಸುಹೋ᳚ತಾ॒ ಸ್ತೋಮೈಃ᳚ ಸಿಷಕ್ತಿ ನಾಸತ್ಯಾ ವಿವ॒ಕ್ವಾನ್ | ಪೂ॒ರ್ವೀಭಿ᳚ರ್ಯಾತಂ ಪ॒ಥ್ಯಾ᳚ಭಿರ॒ರ್ವಾಕ್ಸ್ವ॒ರ್ವಿದಾ॒ ವಸು॑ಮತಾ॒ ರಥೇ᳚ನ ||{7.67.3}, {7.4.12.3}, {5.5.12.3} |
| 566 | ಅ॒ವೋರ್ವಾಂ᳚ ನೂ॒ನಮ॑ಶ್ವಿನಾ ಯು॒ವಾಕು॑ರ್ಹು॒ವೇ ಯದ್ವಾಂ᳚ ಸು॒ತೇ ಮಾ᳚ಧ್ವೀ ವಸೂ॒ಯುಃ | ಆ ವಾಂ᳚ ವಹಂತು॒ ಸ್ಥವಿ॑ರಾಸೋ॒ ಅಶ್ವಾಃ॒ ಪಿಬಾ᳚ಥೋ ಅ॒ಸ್ಮೇ ಸುಷು॑ತಾ॒ ಮಧೂ᳚ನಿ ||{7.67.4}, {7.4.12.4}, {5.5.12.4} |
| 567 | ಪ್ರಾಚೀ᳚ಮು ದೇವಾಶ್ವಿನಾ॒ ಧಿಯಂ॒ ಮೇಽಮೃ॑ಧ್ರಾಂ ಸಾ॒ತಯೇ᳚ ಕೃತಂ ವಸೂ॒ಯುಂ | ವಿಶ್ವಾ᳚ ಅವಿಷ್ಟಂ॒ ವಾಜ॒ ಆ ಪುರಂ᳚ಧೀ॒ಸ್ತಾ ನಃ॑ ಶಕ್ತಂ ಶಚೀಪತೀ॒ ಶಚೀ᳚ಭಿಃ ||{7.67.5}, {7.4.12.5}, {5.5.12.5} |
| 568 | ಅ॒ವಿ॒ಷ್ಟಂ ಧೀ॒ಷ್ವ॑ಶ್ವಿನಾ ನ ಆ॒ಸು ಪ್ರ॒ಜಾವ॒ದ್ರೇತೋ॒ ಅಹ್ರ॑ಯಂ ನೋ ಅಸ್ತು | ಆ ವಾಂ᳚ ತೋ॒ಕೇ ತನ॑ಯೇ॒ ತೂತು॑ಜಾನಾಃ ಸು॒ರತ್ನಾ᳚ಸೋ ದೇ॒ವವೀ᳚ತಿಂ ಗಮೇಮ ||{7.67.6}, {7.4.12.6}, {5.5.13.1} |
| 569 | ಏ॒ಷ ಸ್ಯ ವಾಂ᳚ ಪೂರ್ವ॒ಗತ್ವೇ᳚ವ॒ ಸಖ್ಯೇ᳚ ನಿ॒ಧಿರ್ಹಿ॒ತೋ ಮಾ᳚ಧ್ವೀ ರಾ॒ತೋ ಅ॒ಸ್ಮೇ | ಅಹೇ᳚ಳತಾ॒ ಮನ॒ಸಾ ಯಾ᳚ತಮ॒ರ್ವಾಗ॒ಶ್ನಂತಾ᳚ ಹ॒ವ್ಯಂ ಮಾನು॑ಷೀಷು ವಿ॒ಕ್ಷು ||{7.67.7}, {7.4.12.7}, {5.5.13.2} |
| 570 | ಏಕ॑ಸ್ಮಿ॒ನ್ಯೋಗೇ᳚ ಭುರಣಾ ಸಮಾ॒ನೇ ಪರಿ॑ ವಾಂ ಸ॒ಪ್ತ ಸ್ರ॒ವತೋ॒ ರಥೋ᳚ ಗಾತ್ | ನ ವಾ᳚ಯಂತಿ ಸು॒ಭ್ವೋ᳚ ದೇ॒ವಯು॑ಕ್ತಾ॒ ಯೇ ವಾಂ᳚ ಧೂ॒ರ್ಷು ತ॒ರಣ॑ಯೋ॒ ವಹಂ᳚ತಿ ||{7.67.8}, {7.4.12.8}, {5.5.13.3} |
| 571 | ಅ॒ಸ॒ಶ್ಚತಾ᳚ ಮ॒ಘವ॑ದ್ಭ್ಯೋ॒ ಹಿ ಭೂ॒ತಂ ಯೇ ರಾ॒ಯಾ ಮ॑ಘ॒ದೇಯಂ᳚ ಜು॒ನಂತಿ॑ | ಪ್ರ ಯೇ ಬಂಧುಂ᳚ ಸೂ॒ನೃತಾ᳚ಭಿಸ್ತಿ॒ರಂತೇ॒ ಗವ್ಯಾ᳚ ಪೃಂ॒ಚಂತೋ॒ ಅಶ್ವ್ಯಾ᳚ ಮ॒ಘಾನಿ॑ ||{7.67.9}, {7.4.12.9}, {5.5.13.4} |
| 572 | ನೂ ಮೇ॒ ಹವ॒ಮಾ ಶೃ॑ಣುತಂ ಯುವಾನಾ ಯಾಸಿ॒ಷ್ಟಂ ವ॒ರ್ತಿರ॑ಶ್ವಿನಾ॒ವಿರಾ᳚ವತ್ | ಧ॒ತ್ತಂ ರತ್ನಾ᳚ನಿ॒ ಜರ॑ತಂ ಚ ಸೂ॒ರೀನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.67.10}, {7.4.12.10}, {5.5.13.5} |
| [68] (1-9) ನವರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಶ್ವಿನೌ ದೇವತೇ | (1-7) ಪ್ರಥಮಾದಿಸಪ್ತರ್ಚಾಂ ವಿರಾಟ್, (8-9) ಅಷ್ಟಮೀನವಮ್ಯೋಶ್ಚ ತ್ರಿಷ್ಟುಪ್ ಛಂದಸೀ || | |
| 573 | ಆ ಶು॑ಭ್ರಾ ಯಾತಮಶ್ವಿನಾ॒ ಸ್ವಶ್ವಾ॒ ಗಿರೋ᳚ ದಸ್ರಾ ಜುಜುಷಾ॒ಣಾ ಯು॒ವಾಕೋಃ᳚ | ಹ॒ವ್ಯಾನಿ॑ ಚ॒ ಪ್ರತಿ॑ಭೃತಾ ವೀ॒ತಂ ನಃ॑ ||{7.68.1}, {7.4.13.1}, {5.5.14.1} |
| 574 | ಪ್ರ ವಾ॒ಮಂಧಾಂ᳚ಸಿ॒ ಮದ್ಯಾ᳚ನ್ಯಸ್ಥು॒ರರಂ᳚ ಗಂತಂ ಹ॒ವಿಷೋ᳚ ವೀ॒ತಯೇ᳚ ಮೇ | ತಿ॒ರೋ ಅ॒ರ್ಯೋ ಹವ॑ನಾನಿ ಶ್ರು॒ತಂ ನಃ॑ ||{7.68.2}, {7.4.13.2}, {5.5.14.2} |
| 575 | ಪ್ರ ವಾಂ॒ ರಥೋ॒ ಮನೋ᳚ಜವಾ ಇಯರ್ತಿ ತಿ॒ರೋ ರಜಾಂ᳚ಸ್ಯಶ್ವಿನಾ ಶ॒ತೋತಿಃ॑ | ಅ॒ಸ್ಮಭ್ಯಂ᳚ ಸೂರ್ಯಾವಸೂ ಇಯಾ॒ನಃ ||{7.68.3}, {7.4.13.3}, {5.5.14.3} |
| 576 | ಅ॒ಯಂ ಹ॒ ಯದ್ವಾಂ᳚ ದೇವ॒ಯಾ ಉ॒ ಅದ್ರಿ॑ರೂ॒ರ್ಧ್ವೋ ವಿವ॑ಕ್ತಿ ಸೋಮ॒ಸುದ್ಯು॒ವಭ್ಯಾಂ᳚ | ಆ ವ॒ಲ್ಗೂ ವಿಪ್ರೋ᳚ ವವೃತೀತ ಹ॒ವ್ಯೈಃ ||{7.68.4}, {7.4.13.4}, {5.5.14.4} |
| 577 | ಚಿ॒ತ್ರಂ ಹ॒ ಯದ್ವಾಂ॒ ಭೋಜ॑ನಂ॒ ನ್ವಸ್ತಿ॒ ನ್ಯತ್ರ॑ಯೇ॒ ಮಹಿ॑ಷ್ವಂತಂ ಯುಯೋತಂ | ಯೋ ವಾ᳚ಮೋ॒ಮಾನಂ॒ ದಧ॑ತೇ ಪ್ರಿ॒ಯಃ ಸನ್ ||{7.68.5}, {7.4.13.5}, {5.5.14.5} |
| 578 | ಉ॒ತ ತ್ಯದ್ವಾಂ᳚ ಜುರ॒ತೇ ಅ॑ಶ್ವಿನಾ ಭೂ॒ಚ್ಚ್ಯವಾ᳚ನಾಯ ಪ್ರ॒ತೀತ್ಯಂ᳚ ಹವಿ॒ರ್ದೇ | ಅಧಿ॒ ಯದ್ವರ್ಪ॑ ಇ॒ತಊ᳚ತಿ ಧ॒ತ್ಥಃ ||{7.68.6}, {7.4.13.6}, {5.5.15.1} |
| 579 | ಉ॒ತ ತ್ಯಂ ಭು॒ಜ್ಯುಮ॑ಶ್ವಿನಾ॒ ಸಖಾ᳚ಯೋ॒ ಮಧ್ಯೇ᳚ ಜಹುರ್ದು॒ರೇವಾ᳚ಸಃ ಸಮು॒ದ್ರೇ | ನಿರೀಂ᳚ ಪರ್ಷ॒ದರಾ᳚ವಾ॒ ಯೋ ಯು॒ವಾಕುಃ॑ ||{7.68.7}, {7.4.13.7}, {5.5.15.2} |
| 580 | ವೃಕಾ᳚ಯ ಚಿ॒ಜ್ಜಸ॑ಮಾನಾಯ ಶಕ್ತಮು॒ತ ಶ್ರು॑ತಂ ಶ॒ಯವೇ᳚ ಹೂ॒ಯಮಾ᳚ನಾ | ಯಾವ॒ಘ್ನ್ಯಾಮಪಿ᳚ನ್ವತಮ॒ಪೋ ನ ಸ್ತ॒ರ್ಯಂ᳚ ಚಿಚ್ಛ॒ಕ್ತ್ಯ॑ಶ್ವಿನಾ॒ ಶಚೀ᳚ಭಿಃ ||{7.68.8}, {7.4.13.8}, {5.5.15.3} |
| 581 | ಏ॒ಷ ಸ್ಯ ಕಾ॒ರುರ್ಜ॑ರತೇ ಸೂ॒ಕ್ತೈರಗ್ರೇ᳚ ಬುಧಾ॒ನ ಉ॒ಷಸಾಂ᳚ ಸು॒ಮನ್ಮಾ᳚ | ಇ॒ಷಾ ತಂ ವ॑ರ್ಧದ॒ಘ್ನ್ಯಾ ಪಯೋ᳚ಭಿರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.68.9}, {7.4.13.9}, {5.5.15.4} |
| [69] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಶ್ವಿನೌ ದೇವತೇ | ತ್ರಿಷ್ಟುಪ್ ಛಂದಃ || | |
| 582 | ಆ ವಾಂ॒ ರಥೋ॒ ರೋದ॑ಸೀ ಬದ್ಬಧಾ॒ನೋ ಹಿ॑ರ॒ಣ್ಯಯೋ॒ ವೃಷ॑ಭಿರ್ಯಾ॒ತ್ವಶ್ವೈಃ᳚ | ಘೃ॒ತವ॑ರ್ತನಿಃ ಪ॒ವಿಭೀ᳚ ರುಚಾ॒ನ ಇ॒ಷಾಂ ವೋ॒ಳ್ಹಾ ನೃ॒ಪತಿ᳚ರ್ವಾ॒ಜಿನೀ᳚ವಾನ್ ||{7.69.1}, {7.4.14.1}, {5.5.16.1} |
| 583 | ಸ ಪ॑ಪ್ರಥಾ॒ನೋ ಅ॒ಭಿ ಪಂಚ॒ ಭೂಮಾ᳚ ತ್ರಿವಂಧು॒ರೋ ಮನ॒ಸಾ ಯಾ᳚ತು ಯು॒ಕ್ತಃ | ವಿಶೋ॒ ಯೇನ॒ ಗಚ್ಛ॑ಥೋ ದೇವ॒ಯಂತೀಃ॒ ಕುತ್ರಾ᳚ ಚಿ॒ದ್ಯಾಮ॑ಮಶ್ವಿನಾ॒ ದಧಾ᳚ನಾ ||{7.69.2}, {7.4.14.2}, {5.5.16.2} |
| 584 | ಸ್ವಶ್ವಾ᳚ ಯ॒ಶಸಾ ಯಾ᳚ತಮ॒ರ್ವಾಗ್ದಸ್ರಾ᳚ ನಿ॒ಧಿಂ ಮಧು॑ಮಂತಂ ಪಿಬಾಥಃ | ವಿ ವಾಂ॒ ರಥೋ᳚ ವ॒ಧ್ವಾ॒೩॑(ಆ॒) ಯಾದ॑ಮಾ॒ನೋಽನ್ತಾಂ᳚ದಿ॒ವೋ ಬಾ᳚ಧತೇ ವರ್ತ॒ನಿಭ್ಯಾಂ᳚ ||{7.69.3}, {7.4.14.3}, {5.5.16.3} |
| 585 | ಯು॒ವೋಃ ಶ್ರಿಯಂ॒ ಪರಿ॒ ಯೋಷಾ᳚ವೃಣೀತ॒ ಸೂರೋ᳚ ದುಹಿ॒ತಾ ಪರಿ॑ತಕ್ಮ್ಯಾಯಾಂ | ಯದ್ದೇ᳚ವ॒ಯಂತ॒ಮವ॑ಥಃ॒ ಶಚೀ᳚ಭಿಃ॒ ಪರಿ॑ ಘ್ರಂ॒ಸಮೋ॒ಮನಾ᳚ ವಾಂ॒ ವಯೋ᳚ ಗಾತ್ ||{7.69.4}, {7.4.14.4}, {5.5.16.4} |
| 586 | ಯೋ ಹ॒ ಸ್ಯ ವಾಂ᳚ ರಥಿರಾ॒ ವಸ್ತ॑ ಉ॒ಸ್ರಾ ರಥೋ᳚ ಯುಜಾ॒ನಃ ಪ॑ರಿ॒ಯಾತಿ॑ ವ॒ರ್ತಿಃ | ತೇನ॑ ನಃ॒ ಶಂ ಯೋರು॒ಷಸೋ॒ ವ್ಯು॑ಷ್ಟೌ॒ ನ್ಯ॑ಶ್ವಿನಾ ವಹತಂ ಯ॒ಜ್ಞೇ ಅ॒ಸ್ಮಿನ್ ||{7.69.5}, {7.4.14.5}, {5.5.16.5} |
| 587 | ನರಾ᳚ ಗೌ॒ರೇವ॑ ವಿ॒ದ್ಯುತಂ᳚ ತೃಷಾ॒ಣಾಸ್ಮಾಕ॑ಮ॒ದ್ಯ ಸವ॒ನೋಪ॑ ಯಾತಂ | ಪು॒ರು॒ತ್ರಾ ಹಿ ವಾಂ᳚ ಮ॒ತಿಭಿ॒ರ್ಹವಂ᳚ತೇ॒ ಮಾ ವಾ᳚ಮ॒ನ್ಯೇ ನಿ ಯ॑ಮಂದೇವ॒ಯಂತಃ॑ ||{7.69.6}, {7.4.14.6}, {5.5.16.6} |
| 588 | ಯು॒ವಂ ಭು॒ಜ್ಯುಮವ॑ವಿದ್ಧಂ ಸಮು॒ದ್ರ ಉದೂ᳚ಹಥು॒ರರ್ಣ॑ಸೋ॒ ಅಸ್ರಿ॑ಧಾನೈಃ | ಪ॒ತ॒ತ್ರಿಭಿ॑ರಶ್ರ॒ಮೈರ᳚ವ್ಯ॒ಥಿಭಿ॑ರ್ದಂ॒ಸನಾ᳚ಭಿರಶ್ವಿನಾ ಪಾ॒ರಯಂ᳚ತಾ ||{7.69.7}, {7.4.14.7}, {5.5.16.7} |
| 589 | ನೂ ಮೇ॒ ಹವ॒ಮಾ ಶೃ॑ಣುತಂ ಯುವಾನಾ ಯಾಸಿ॒ಷ್ಟಂ ವ॒ರ್ತಿರ॑ಶ್ವಿನಾ॒ವಿರಾ᳚ವತ್ | ಧ॒ತ್ತಂ ರತ್ನಾ᳚ನಿ॒ ಜರ॑ತಂ ಚ ಸೂ॒ರೀನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.69.8}, {7.4.14.8}, {5.5.16.8} |
| [70] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಶ್ವಿನೌ ದೇವತೇ | ತ್ರಿಷ್ಟುಪ್ ಛಂದಃ || | |
| 590 | ಆ ವಿ॑ಶ್ವವಾರಾಶ್ವಿನಾ ಗತಂ ನಃ॒ ಪ್ರ ತತ್ಸ್ಥಾನ॑ಮವಾಚಿ ವಾಂ ಪೃಥಿ॒ವ್ಯಾಂ | ಅಶ್ವೋ॒ ನ ವಾ॒ಜೀ ಶು॒ನಪೃ॑ಷ್ಠೋ ಅಸ್ಥಾ॒ದಾ ಯತ್ಸೇ॒ದಥು॑ರ್ಧ್ರು॒ವಸೇ॒ ನ ಯೋನಿಂ᳚ ||{7.70.1}, {7.4.15.1}, {5.5.17.1} |
| 591 | ಸಿಷ॑ಕ್ತಿ॒ ಸಾ ವಾಂ᳚ ಸುಮ॒ತಿಶ್ಚನಿ॒ಷ್ಠಾತಾ᳚ಪಿ ಘ॒ರ್ಮೋ ಮನು॑ಷೋ ದುರೋ॒ಣೇ | ಯೋ ವಾಂ᳚ ಸಮು॒ದ್ರಾನ್ಸ॒ರಿತಃ॒ ಪಿಪ॒ರ್ತ್ಯೇತ॑ಗ್ವಾ ಚಿ॒ನ್ನ ಸು॒ಯುಜಾ᳚ ಯುಜಾ॒ನಃ ||{7.70.2}, {7.4.15.2}, {5.5.17.2} |
| 592 | ಯಾನಿ॒ ಸ್ಥಾನಾ᳚ನ್ಯಶ್ವಿನಾ ದ॒ಧಾಥೇ᳚ ದಿ॒ವೋ ಯ॒ಹ್ವೀಷ್ವೋಷ॑ಧೀಷು ವಿ॒ಕ್ಷು | ನಿ ಪರ್ವ॑ತಸ್ಯ ಮೂ॒ರ್ಧನಿ॒ ಸದಂ॒ತೇಷಂ॒ ಜನಾ᳚ಯ ದಾ॒ಶುಷೇ॒ ವಹಂ᳚ತಾ ||{7.70.3}, {7.4.15.3}, {5.5.17.3} |
| 593 | ಚ॒ನಿ॒ಷ್ಟಂ ದೇ᳚ವಾ॒ ಓಷ॑ಧೀಷ್ವ॒ಪ್ಸು ಯದ್ಯೋ॒ಗ್ಯಾ ಅ॒ಶ್ನವೈ᳚ಥೇ॒ ಋಷೀ᳚ಣಾಂ | ಪು॒ರೂಣಿ॒ ರತ್ನಾ॒ ದಧ॑ತೌ॒ ನ್ಯ೧॑(ಅ॒)ಸ್ಮೇ ಅನು॒ ಪೂರ್ವಾ᳚ಣಿ ಚಖ್ಯಥುರ್ಯು॒ಗಾನಿ॑ ||{7.70.4}, {7.4.15.4}, {5.5.17.4} |
| 594 | ಶು॒ಶ್ರು॒ವಾಂಸಾ᳚ ಚಿದಶ್ವಿನಾ ಪು॒ರೂಣ್ಯ॒ಭಿ ಬ್ರಹ್ಮಾ᳚ಣಿ ಚಕ್ಷಾಥೇ॒ ಋಷೀ᳚ಣಾಂ | ಪ್ರತಿ॒ ಪ್ರ ಯಾ᳚ತಂ॒ ವರ॒ಮಾ ಜನಾ᳚ಯಾ॒ಸ್ಮೇ ವಾ᳚ಮಸ್ತು ಸುಮ॒ತಿಶ್ಚನಿ॑ಷ್ಠಾ ||{7.70.5}, {7.4.15.5}, {5.5.17.5} |
| 595 | ಯೋ ವಾಂ᳚ ಯ॒ಜ್ಞೋ ನಾ᳚ಸತ್ಯಾ ಹ॒ವಿಷ್ಮಾ᳚ನ್ಕೃ॒ತಬ್ರ᳚ಹ್ಮಾ ಸಮ॒ರ್ಯೋ॒೩॑(ಓ॒) ಭವಾ᳚ತಿ | ಉಪ॒ ಪ್ರ ಯಾ᳚ತಂ॒ ವರ॒ಮಾ ವಸಿ॑ಷ್ಠಮಿ॒ಮಾ ಬ್ರಹ್ಮಾ᳚ಣ್ಯೃಚ್ಯಂತೇ ಯು॒ವಭ್ಯಾಂ᳚ ||{7.70.6}, {7.4.15.6}, {5.5.17.6} |
| 596 | ಇ॒ಯಂ ಮ॑ನೀ॒ಷಾ ಇ॒ಯಮ॑ಶ್ವಿನಾ॒ ಗೀರಿ॒ಮಾಂ ಸು॑ವೃ॒ಕ್ತಿಂ ವೃ॑ಷಣಾ ಜುಷೇಥಾಂ | ಇ॒ಮಾ ಬ್ರಹ್ಮಾ᳚ಣಿ ಯುವ॒ಯೂನ್ಯ॑ಗ್ಮನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.70.7}, {7.4.15.7}, {5.5.17.7} |
| [71] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಶ್ವಿನೌ ದೇವತೇ | ತ್ರಿಷ್ಟುಪ್ ಛಂದಃ || | |
| 597 | ಅಪ॒ ಸ್ವಸು॑ರು॒ಷಸೋ॒ ನಗ್ಜಿ॑ಹೀತೇ ರಿ॒ಣಕ್ತಿ॑ ಕೃ॒ಷ್ಣೀರ॑ರು॒ಷಾಯ॒ ಪಂಥಾಂ᳚ | ಅಶ್ವಾ᳚ಮಘಾ॒ ಗೋಮ॑ಘಾ ವಾಂ ಹುವೇಮ॒ ದಿವಾ॒ ನಕ್ತಂ॒ ಶರು॑ಮ॒ಸ್ಮದ್ಯು॑ಯೋತಂ ||{7.71.1}, {7.5.1.1}, {5.5.18.1} |
| 598 | ಉ॒ಪಾಯಾ᳚ತಂ ದಾ॒ಶುಷೇ॒ ಮರ್ತ್ಯಾ᳚ಯ॒ ರಥೇ᳚ನ ವಾ॒ಮಮ॑ಶ್ವಿನಾ॒ ವಹಂ᳚ತಾ | ಯು॒ಯು॒ತಮ॒ಸ್ಮದನಿ॑ರಾ॒ಮಮೀ᳚ವಾಂ॒ ದಿವಾ॒ ನಕ್ತಂ᳚ ಮಾಧ್ವೀ॒ ತ್ರಾಸೀ᳚ಥಾಂ ನಃ ||{7.71.2}, {7.5.1.2}, {5.5.18.2} |
| 599 | ಆ ವಾಂ॒ ರಥ॑ಮವ॒ಮಸ್ಯಾಂ॒ ವ್ಯು॑ಷ್ಟೌ ಸುಮ್ನಾ॒ಯವೋ॒ ವೃಷ॑ಣೋ ವರ್ತಯಂತು | ಸ್ಯೂಮ॑ಗಭಸ್ತಿಮೃತ॒ಯುಗ್ಭಿ॒ರಶ್ವೈ॒ರಾಶ್ವಿ॑ನಾ॒ ವಸು॑ಮಂತಂ ವಹೇಥಾಂ ||{7.71.3}, {7.5.1.3}, {5.5.18.3} |
| 600 | ಯೋ ವಾಂ॒ ರಥೋ᳚ ನೃಪತೀ॒ ಅಸ್ತಿ॑ ವೋ॒ಳ್ಹಾ ತ್ರಿ॑ವಂಧು॒ರೋ ವಸು॑ಮಾಁ ಉ॒ಸ್ರಯಾ᳚ಮಾ | ಆ ನ॑ ಏ॒ನಾ ನಾ᳚ಸ॒ತ್ಯೋಪ॑ ಯಾತಮ॒ಭಿ ಯದ್ವಾಂ᳚ ವಿ॒ಶ್ವಪ್ಸ್ನ್ಯೋ॒ ಜಿಗಾ᳚ತಿ ||{7.71.4}, {7.5.1.4}, {5.5.18.4} |
| 601 | ಯು॒ವಂ ಚ್ಯವಾ᳚ನಂ ಜ॒ರಸೋ᳚ಽಮುಮುಕ್ತಂ॒ ನಿ ಪೇ॒ದವ॑ ಊಹಥುರಾ॒ಶುಮಶ್ವಂ᳚ | ನಿರಂಹ॑ಸ॒ಸ್ತಮ॑ಸಃ ಸ್ಪರ್ತ॒ಮತ್ರಿಂ॒ ನಿ ಜಾ᳚ಹು॒ಷಂ ಶಿ॑ಥಿ॒ರೇ ಧಾ᳚ತಮಂ॒ತಃ ||{7.71.5}, {7.5.1.5}, {5.5.18.5} |
| 602 | ಇ॒ಯಂ ಮ॑ನೀ॒ಷಾ ಇ॒ಯಮ॑ಶ್ವಿನಾ॒ ಗೀರಿ॒ಮಾಂ ಸು॑ವೃ॒ಕ್ತಿಂ ವೃ॑ಷಣಾ ಜುಷೇಥಾಂ | ಇ॒ಮಾ ಬ್ರಹ್ಮಾ᳚ಣಿ ಯುವ॒ಯೂನ್ಯ॑ಗ್ಮನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.71.6}, {7.5.1.6}, {5.5.18.6} |
| [72] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಶ್ವಿನೌ ದೇವತೇ | ತ್ರಿಷ್ಟುಪ್ ಛಂದಃ || | |
| 603 | ಆ ಗೋಮ॑ತಾ ನಾಸತ್ಯಾ॒ ರಥೇ॒ನಾಶ್ವಾ᳚ವತಾ ಪುರುಶ್ಚಂ॒ದ್ರೇಣ॑ ಯಾತಂ | ಅ॒ಭಿ ವಾಂ॒ ವಿಶ್ವಾ᳚ ನಿ॒ಯುತಃ॑ ಸಚಂತೇ ಸ್ಪಾ॒ರ್ಹಯಾ᳚ ಶ್ರಿ॒ಯಾ ತ॒ನ್ವಾ᳚ ಶುಭಾ॒ನಾ ||{7.72.1}, {7.5.2.1}, {5.5.19.1} |
| 604 | ಆ ನೋ᳚ ದೇ॒ವೇಭಿ॒ರುಪ॑ ಯಾತಮ॒ರ್ವಾಕ್ಸ॒ಜೋಷ॑ಸಾ ನಾಸತ್ಯಾ॒ ರಥೇ᳚ನ | ಯು॒ವೋರ್ಹಿ ನಃ॑ ಸ॒ಖ್ಯಾ ಪಿತ್ರ್ಯಾ᳚ಣಿ ಸಮಾ॒ನೋ ಬಂಧು॑ರು॒ತ ತಸ್ಯ॑ ವಿತ್ತಂ ||{7.72.2}, {7.5.2.2}, {5.5.19.2} |
| 605 | ಉದು॒ ಸ್ತೋಮಾ᳚ಸೋ ಅ॒ಶ್ವಿನೋ᳚ರಬುಧ್ರಂಜಾ॒ಮಿ ಬ್ರಹ್ಮಾ᳚ಣ್ಯು॒ಷಸ॑ಶ್ಚ ದೇ॒ವೀಃ | ಆ॒ವಿವಾ᳚ಸ॒ನ್ರೋದ॑ಸೀ॒ ಧಿಷ್ಣ್ಯೇ॒ಮೇ ಅಚ್ಛಾ॒ ವಿಪ್ರೋ॒ ನಾಸ॑ತ್ಯಾ ವಿವಕ್ತಿ ||{7.72.3}, {7.5.2.3}, {5.5.19.3} |
| 606 | ವಿ ಚೇದು॒ಚ್ಛಂತ್ಯ॑ಶ್ವಿನಾ ಉ॒ಷಾಸಃ॒ ಪ್ರ ವಾಂ॒ ಬ್ರಹ್ಮಾ᳚ಣಿ ಕಾ॒ರವೋ᳚ ಭರಂತೇ | ಊ॒ರ್ಧ್ವಂ ಭಾ॒ನುಂ ಸ॑ವಿ॒ತಾ ದೇ॒ವೋ ಅ॑ಶ್ರೇದ್ಬೃ॒ಹದ॒ಗ್ನಯಃ॑ ಸ॒ಮಿಧಾ᳚ ಜರಂತೇ ||{7.72.4}, {7.5.2.4}, {5.5.19.4} |
| 607 | ಆ ಪ॒ಶ್ಚಾತಾ᳚ನ್ನಾಸ॒ತ್ಯಾ ಪು॒ರಸ್ತಾ॒ದಾಶ್ವಿ॑ನಾ ಯಾತಮಧ॒ರಾದುದ॑ಕ್ತಾತ್ | ಆ ವಿ॒ಶ್ವತಃ॒ ಪಾಂಚ॑ಜನ್ಯೇನ ರಾ॒ಯಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.72.5}, {7.5.2.5}, {5.5.19.5} |
| [73] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಶ್ವಿನೌ ದೇವತೇ | ತ್ರಿಷ್ಟುಪ್ ಛಂದಃ || | |
| 608 | ಅತಾ᳚ರಿಷ್ಮ॒ ತಮ॑ಸಸ್ಪಾ॒ರಮ॒ಸ್ಯ ಪ್ರತಿ॒ ಸ್ತೋಮಂ᳚ ದೇವ॒ಯಂತೋ॒ ದಧಾ᳚ನಾಃ | ಪು॒ರು॒ದಂಸಾ᳚ ಪುರು॒ತಮಾ᳚ ಪುರಾ॒ಜಾಮ॑ರ್ತ್ಯಾ ಹವತೇ ಅ॒ಶ್ವಿನಾ॒ ಗೀಃ ||{7.73.1}, {7.5.3.1}, {5.5.20.1} |
| 609 | ನ್ಯು॑ ಪ್ರಿ॒ಯೋ ಮನು॑ಷಃ ಸಾದಿ॒ ಹೋತಾ॒ ನಾಸ॑ತ್ಯಾ॒ ಯೋ ಯಜ॑ತೇ॒ ವಂದ॑ತೇ ಚ | ಅ॒ಶ್ನೀ॒ತಂ ಮಧ್ವೋ᳚ ಅಶ್ವಿನಾ ಉಪಾ॒ಕ ಆ ವಾಂ᳚ ವೋಚೇ ವಿ॒ದಥೇ᳚ಷು॒ ಪ್ರಯ॑ಸ್ವಾನ್ ||{7.73.2}, {7.5.3.2}, {5.5.20.2} |
| 610 | ಅಹೇ᳚ಮ ಯ॒ಜ್ಞಂ ಪ॒ಥಾಮು॑ರಾ॒ಣಾ ಇ॒ಮಾಂ ಸು॑ವೃ॒ಕ್ತಿಂ ವೃ॑ಷಣಾ ಜುಷೇಥಾಂ | ಶ್ರು॒ಷ್ಟೀ॒ವೇವ॒ ಪ್ರೇಷಿ॑ತೋ ವಾಮಬೋಧಿ॒ ಪ್ರತಿ॒ ಸ್ತೋಮೈ॒ರ್ಜರ॑ಮಾಣೋ॒ ವಸಿ॑ಷ್ಠಃ ||{7.73.3}, {7.5.3.3}, {5.5.20.3} |
| 611 | ಉಪ॒ ತ್ಯಾ ವಹ್ನೀ᳚ ಗಮತೋ॒ ವಿಶಂ᳚ ನೋ ರಕ್ಷೋ॒ಹಣಾ॒ ಸಂಭೃ॑ತಾ ವೀ॒ಳುಪಾ᳚ಣೀ | ಸಮಂಧಾಂ᳚ಸ್ಯಗ್ಮತ ಮತ್ಸ॒ರಾಣಿ॒ ಮಾ ನೋ᳚ ಮರ್ಧಿಷ್ಟ॒ಮಾ ಗ॑ತಂ ಶಿ॒ವೇನ॑ ||{7.73.4}, {7.5.3.4}, {5.5.20.4} |
| 612 | ಆ ಪ॒ಶ್ಚಾತಾ᳚ನ್ನಾಸ॒ತ್ಯಾ ಪು॒ರಸ್ತಾ॒ದಾಶ್ವಿ॑ನಾ ಯಾತಮಧ॒ರಾದುದ॑ಕ್ತಾತ್ | ಆ ವಿ॒ಶ್ವತಃ॒ ಪಾಂಚ॑ಜನ್ಯೇನ ರಾ॒ಯಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.73.5}, {7.5.3.5}, {5.5.20.5} |
| [74] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಅಶ್ವಿನೌ ದೇವತೇ | ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ || | |
| 613 | ಇ॒ಮಾ ಉ॑ ವಾಂ॒ ದಿವಿ॑ಷ್ಟಯ ಉ॒ಸ್ರಾ ಹ॑ವಂತೇ ಅಶ್ವಿನಾ | ಅ॒ಯಂ ವಾ᳚ಮ॒ಹ್ವೇಽವ॑ಸೇ ಶಚೀವಸೂ॒ ವಿಶಂ᳚ವಿಶಂ॒ ಹಿ ಗಚ್ಛ॑ಥಃ ||{7.74.1}, {7.5.4.1}, {5.5.21.1} |
| 614 | ಯು॒ವಂ ಚಿ॒ತ್ರಂ ದ॑ದಥು॒ರ್ಭೋಜ॑ನಂ ನರಾ॒ ಚೋದೇ᳚ಥಾಂ ಸೂ॒ನೃತಾ᳚ವತೇ | ಅ॒ರ್ವಾಗ್ರಥಂ॒ ಸಮ॑ನಸಾ॒ ನಿ ಯ॑ಚ್ಛತಂ॒ ಪಿಬ॑ತಂ ಸೋ॒ಮ್ಯಂ ಮಧು॑ ||{7.74.2}, {7.5.4.2}, {5.5.21.2} |
| 615 | ಆ ಯಾ᳚ತ॒ಮುಪ॑ ಭೂಷತಂ॒ ಮಧ್ವಃ॑ ಪಿಬತಮಶ್ವಿನಾ | ದು॒ಗ್ಧಂ ಪಯೋ᳚ ವೃಷಣಾ ಜೇನ್ಯಾವಸೂ॒ ಮಾ ನೋ᳚ ಮರ್ಧಿಷ್ಟ॒ಮಾ ಗ॑ತಂ ||{7.74.3}, {7.5.4.3}, {5.5.21.3} |
| 616 | ಅಶ್ವಾ᳚ಸೋ॒ ಯೇ ವಾ॒ಮುಪ॑ ದಾ॒ಶುಷೋ᳚ ಗೃ॒ಹಂ ಯು॒ವಾಂ ದೀಯಂ᳚ತಿ॒ ಬಿಭ್ರ॑ತಃ | ಮ॒ಕ್ಷೂ॒ಯುಭಿ᳚ರ್ನರಾ॒ ಹಯೇ᳚ಭಿರಶ್ವಿ॒ನಾ ದೇ᳚ವಾ ಯಾತಮಸ್ಮ॒ಯೂ ||{7.74.4}, {7.5.4.4}, {5.5.21.4} |
| 617 | ಅಧಾ᳚ ಹ॒ ಯಂತೋ᳚ ಅ॒ಶ್ವಿನಾ॒ ಪೃಕ್ಷಃ॑ ಸಚಂತ ಸೂ॒ರಯಃ॑ | ತಾ ಯಂ᳚ಸತೋ ಮ॒ಘವ॑ದ್ಭ್ಯೋ ಧ್ರು॒ವಂ ಯಶ॑ಶ್ಛ॒ರ್ದಿರ॒ಸ್ಮಭ್ಯಂ॒ ನಾಸ॑ತ್ಯಾ ||{7.74.5}, {7.5.4.5}, {5.5.21.5} |
| 618 | ಪ್ರ ಯೇ ಯ॒ಯುರ॑ವೃ॒ಕಾಸೋ॒ ರಥಾ᳚ ಇವ ನೃಪಾ॒ತಾರೋ॒ ಜನಾ᳚ನಾಂ | ಉ॒ತ ಸ್ವೇನ॒ ಶವ॑ಸಾ ಶೂಶುವು॒ರ್ನರ॑ ಉ॒ತ ಕ್ಷಿ॑ಯಂತಿ ಸುಕ್ಷಿ॒ತಿಂ ||{7.74.6}, {7.5.4.6}, {5.5.21.6} |
| [75] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಉಷಸೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 619 | ವ್ಯು೧॑(ಉ॒)ಷಾ ಆ᳚ವೋ ದಿವಿ॒ಜಾ ಋ॒ತೇನಾ᳚ವಿಷ್ಕೃಣ್ವಾ॒ನಾ ಮ॑ಹಿ॒ಮಾನ॒ಮಾಗಾ᳚ತ್ | ಅಪ॒ ದ್ರುಹ॒ಸ್ತಮ॑ ಆವ॒ರಜು॑ಷ್ಟ॒ಮಂಗಿ॑ರಸ್ತಮಾ ಪ॒ಥ್ಯಾ᳚ ಅಜೀಗಃ ||{7.75.1}, {7.5.5.1}, {5.5.22.1} |
| 620 | ಮ॒ಹೇ ನೋ᳚ ಅ॒ದ್ಯ ಸು॑ವಿ॒ತಾಯ॑ ಬೋ॒ಧ್ಯುಷೋ᳚ ಮ॒ಹೇ ಸೌಭ॑ಗಾಯ॒ ಪ್ರ ಯಂ᳚ಧಿ | ಚಿ॒ತ್ರಂ ರ॒ಯಿಂ ಯ॒ಶಸಂ᳚ ಧೇಹ್ಯ॒ಸ್ಮೇ ದೇವಿ॒ ಮರ್ತೇ᳚ಷು ಮಾನುಷಿ ಶ್ರವ॒ಸ್ಯುಂ ||{7.75.2}, {7.5.5.2}, {5.5.22.2} |
| 621 | ಏ॒ತೇ ತ್ಯೇ ಭಾ॒ನವೋ᳚ ದರ್ಶ॒ತಾಯಾ᳚ಶ್ಚಿ॒ತ್ರಾ ಉ॒ಷಸೋ᳚ ಅ॒ಮೃತಾ᳚ಸ॒ ಆಗುಃ॑ | ಜ॒ನಯಂ᳚ತೋ॒ ದೈವ್ಯಾ᳚ನಿ ವ್ರ॒ತಾನ್ಯಾ᳚ಪೃ॒ಣಂತೋ᳚ ಅಂ॒ತರಿ॑ಕ್ಷಾ॒ ವ್ಯ॑ಸ್ಥುಃ ||{7.75.3}, {7.5.5.3}, {5.5.22.3} |
| 622 | ಏ॒ಷಾ ಸ್ಯಾ ಯು॑ಜಾ॒ನಾ ಪ॑ರಾ॒ಕಾತ್ಪಂಚ॑ ಕ್ಷಿ॒ತೀಃ ಪರಿ॑ ಸ॒ದ್ಯೋ ಜಿ॑ಗಾತಿ | ಅ॒ಭಿ॒ಪಶ್ಯಂ᳚ತೀ ವ॒ಯುನಾ॒ ಜನಾ᳚ನಾಂ ದಿ॒ವೋ ದು॑ಹಿ॒ತಾ ಭುವ॑ನಸ್ಯ॒ ಪತ್ನೀ᳚ ||{7.75.4}, {7.5.5.4}, {5.5.22.4} |
| 623 | ವಾ॒ಜಿನೀ᳚ವತೀ॒ ಸೂರ್ಯ॑ಸ್ಯ॒ ಯೋಷಾ᳚ ಚಿ॒ತ್ರಾಮ॑ಘಾ ರಾ॒ಯ ಈ᳚ಶೇ॒ ವಸೂ᳚ನಾಂ | ಋಷಿ॑ಷ್ಟುತಾ ಜ॒ರಯಂ᳚ತೀ ಮ॒ಘೋನ್ಯು॒ಷಾ ಉ॑ಚ್ಛತಿ॒ ವಹ್ನಿ॑ಭಿರ್ಗೃಣಾ॒ನಾ ||{7.75.5}, {7.5.5.5}, {5.5.22.5} |
| 624 | ಪ್ರತಿ॑ ದ್ಯುತಾ॒ನಾಮ॑ರು॒ಷಾಸೋ॒ ಅಶ್ವಾ᳚ಶ್ಚಿ॒ತ್ರಾ ಅ॑ದೃಶ್ರನ್ನು॒ಷಸಂ॒ ವಹಂ᳚ತಃ | ಯಾತಿ॑ ಶು॒ಭ್ರಾ ವಿ॑ಶ್ವ॒ಪಿಶಾ॒ ರಥೇ᳚ನ॒ ದಧಾ᳚ತಿ॒ ರತ್ನಂ᳚ ವಿಧ॒ತೇ ಜನಾ᳚ಯ ||{7.75.6}, {7.5.5.6}, {5.5.22.6} |
| 625 | ಸ॒ತ್ಯಾ ಸ॒ತ್ಯೇಭಿ᳚ರ್ಮಹ॒ತೀ ಮ॒ಹದ್ಭಿ॑ರ್ದೇ॒ವೀ ದೇ॒ವೇಭಿ᳚ರ್ಯಜ॒ತಾ ಯಜ॑ತ್ರೈಃ | ರು॒ಜದ್ದೃ॒ಳ್ಹಾನಿ॒ ದದ॑ದು॒ಸ್ರಿಯಾ᳚ಣಾಂ॒ ಪ್ರತಿ॒ ಗಾವ॑ ಉ॒ಷಸಂ᳚ ವಾವಶಂತ ||{7.75.7}, {7.5.5.7}, {5.5.22.7} |
| 626 | ನೂ ನೋ॒ ಗೋಮ॑ದ್ವೀ॒ರವ॑ದ್ಧೇಹಿ॒ ರತ್ನ॒ಮುಷೋ॒ ಅಶ್ವಾ᳚ವತ್ಪುರು॒ಭೋಜೋ᳚ ಅ॒ಸ್ಮೇ | ಮಾ ನೋ᳚ ಬ॒ರ್ಹಿಃ ಪು॑ರು॒ಷತಾ᳚ ನಿ॒ದೇ ಕ᳚ರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.75.8}, {7.5.5.8}, {5.5.22.8} |
| [76] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ | ಉಷಸೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 627 | ಉದು॒ ಜ್ಯೋತಿ॑ರ॒ಮೃತಂ᳚ ವಿ॒ಶ್ವಜ᳚ನ್ಯಂ ವಿ॒ಶ್ವಾನ॑ರಃ ಸವಿ॒ತಾ ದೇ॒ವೋ ಅ॑ಶ್ರೇತ್ | ಕ್ರತ್ವಾ᳚ ದೇ॒ವಾನಾ᳚ಮಜನಿಷ್ಟ॒ ಚಕ್ಷು॑ರಾ॒ವಿರ॑ಕ॒ರ್ಭುವ॑ನಂ॒ ವಿಶ್ವ॑ಮು॒ಷಾಃ ||{7.76.1}, {7.5.6.1}, {5.5.23.1} |
| 628 | ಪ್ರ ಮೇ॒ ಪಂಥಾ᳚ ದೇವ॒ಯಾನಾ᳚ ಅದೃಶ್ರ॒ನ್ನಮ॑ರ್ಧಂತೋ॒ ವಸು॑ಭಿ॒ರಿಷ್ಕೃ॑ತಾಸಃ | ಅಭೂ᳚ದು ಕೇ॒ತುರು॒ಷಸಃ॑ ಪು॒ರಸ್ತಾ᳚ತ್ಪ್ರತೀ॒ಚ್ಯಾಗಾ॒ದಧಿ॑ ಹ॒ರ್ಮ್ಯೇಭ್ಯಃ॑ ||{7.76.2}, {7.5.6.2}, {5.5.23.2} |
| 629 | ತಾನೀದಹಾ᳚ನಿ ಬಹು॒ಲಾನ್ಯಾ᳚ಸ॒ನ್ಯಾ ಪ್ರಾ॒ಚೀನ॒ಮುದಿ॑ತಾ॒ ಸೂರ್ಯ॑ಸ್ಯ | ಯತಃ॒ ಪರಿ॑ ಜಾ॒ರ ಇ॑ವಾ॒ಚರಂ॒ತ್ಯುಷೋ᳚ ದದೃ॒ಕ್ಷೇ ನ ಪುನ᳚ರ್ಯ॒ತೀವ॑ ||{7.76.3}, {7.5.6.3}, {5.5.23.3} |
| 630 | ತ ಇದ್ದೇ॒ವಾನಾಂ᳚ ಸಧ॒ಮಾದ॑ ಆಸನ್ನೃ॒ತಾವಾ᳚ನಃ ಕ॒ವಯಃ॑ ಪೂ॒ರ್ವ್ಯಾಸಃ॑ | ಗೂ॒ಳ್ಹಂ ಜ್ಯೋತಿಃ॑ ಪಿ॒ತರೋ॒ ಅನ್ವ॑ವಿಂದನ್ಸ॒ತ್ಯಮಂ᳚ತ್ರಾ ಅಜನಯನ್ನು॒ಷಾಸಂ᳚ ||{7.76.4}, {7.5.6.4}, {5.5.23.4} |
| 631 | ಸ॒ಮಾ॒ನ ಊ॒ರ್ವೇ ಅಧಿ॒ ಸಂಗ॑ತಾಸಃ॒ ಸಂ ಜಾ᳚ನತೇ॒ ನ ಯ॑ತಂತೇ ಮಿ॒ಥಸ್ತೇ | ತೇ ದೇ॒ವಾನಾಂ॒ ನ ಮಿ॑ನಂತಿ ವ್ರ॒ತಾನ್ಯಮ॑ರ್ಧಂತೋ॒ ವಸು॑ಭಿ॒ರ್ಯಾದ॑ಮಾನಾಃ ||{7.76.5}, {7.5.6.5}, {5.5.23.5} |
| 632 | ಪ್ರತಿ॑ ತ್ವಾ॒ ಸ್ತೋಮೈ᳚ರೀಳತೇ॒ ವಸಿ॑ಷ್ಠಾ ಉಷ॒ರ್ಬುಧಃ॑ ಸುಭಗೇ ತುಷ್ಟು॒ವಾಂಸಃ॑ | ಗವಾಂ᳚ ನೇ॒ತ್ರೀ ವಾಜ॑ಪತ್ನೀ ನ ಉ॒ಚ್ಛೋಷಃ॑ ಸುಜಾತೇ ಪ್ರಥ॒ಮಾ ಜ॑ರಸ್ವ ||{7.76.6}, {7.5.6.6}, {5.5.23.6} |
| 633 | ಏ॒ಷಾ ನೇ॒ತ್ರೀ ರಾಧ॑ಸಃ ಸೂ॒ನೃತಾ᳚ನಾಮು॒ಷಾ ಉ॒ಚ್ಛಂತೀ᳚ ರಿಭ್ಯತೇ॒ ವಸಿ॑ಷ್ಠೈಃ | ದೀ॒ರ್ಘ॒ಶ್ರುತಂ᳚ ರ॒ಯಿಮ॒ಸ್ಮೇ ದಧಾ᳚ನಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.76.7}, {7.5.6.7}, {5.5.23.7} |
| [77] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಉಷಸೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 634 | ಉಪೋ᳚ ರುರುಚೇ ಯುವ॒ತಿರ್ನ ಯೋಷಾ॒ ವಿಶ್ವಂ᳚ ಜೀ॒ವಂ ಪ್ರ॑ಸು॒ವಂತೀ᳚ ಚ॒ರಾಯೈ᳚ | ಅಭೂ᳚ದ॒ಗ್ನಿಃ ಸ॒ಮಿಧೇ॒ ಮಾನು॑ಷಾಣಾ॒ಮಕ॒ರ್ಜ್ಯೋತಿ॒ರ್ಬಾಧ॑ಮಾನಾ॒ ತಮಾಂ᳚ಸಿ ||{7.77.1}, {7.5.7.1}, {5.5.24.1} |
| 635 | ವಿಶ್ವಂ᳚ ಪ್ರತೀ॒ಚೀ ಸ॒ಪ್ರಥಾ॒ ಉದ॑ಸ್ಥಾ॒ದ್ರುಶ॒ದ್ವಾಸೋ॒ ಬಿಭ್ರ॑ತೀ ಶು॒ಕ್ರಮ॑ಶ್ವೈತ್ | ಹಿರ᳚ಣ್ಯವರ್ಣಾ ಸು॒ದೃಶೀ᳚ಕಸಂದೃ॒ಗ್ಗವಾಂ᳚ ಮಾ॒ತಾ ನೇ॒ತ್ರ್ಯಹ್ನಾ᳚ಮರೋಚಿ ||{7.77.2}, {7.5.7.2}, {5.5.24.2} |
| 636 | ದೇ॒ವಾನಾಂ॒ ಚಕ್ಷುಃ॑ ಸು॒ಭಗಾ॒ ವಹಂ᳚ತೀ ಶ್ವೇ॒ತಂ ನಯಂ᳚ತೀ ಸು॒ದೃಶೀ᳚ಕ॒ಮಶ್ವಂ᳚ | ಉ॒ಷಾ ಅ॑ದರ್ಶಿ ರ॒ಶ್ಮಿಭಿ॒ರ್ವ್ಯ॑ಕ್ತಾ ಚಿ॒ತ್ರಾಮ॑ಘಾ॒ ವಿಶ್ವ॒ಮನು॒ ಪ್ರಭೂ᳚ತಾ ||{7.77.3}, {7.5.7.3}, {5.5.24.3} |
| 637 | ಅಂತಿ॑ವಾಮಾ ದೂ॒ರೇ ಅ॒ಮಿತ್ರ॑ಮುಚ್ಛೋ॒ರ್ವೀಂ ಗವ್ಯೂ᳚ತಿ॒ಮಭ॑ಯಂ ಕೃಧೀ ನಃ | ಯಾ॒ವಯ॒ ದ್ವೇಷ॒ ಆ ಭ॑ರಾ॒ ವಸೂ᳚ನಿ ಚೋ॒ದಯ॒ ರಾಧೋ᳚ ಗೃಣ॒ತೇ ಮ॑ಘೋನಿ ||{7.77.4}, {7.5.7.4}, {5.5.24.4} |
| 638 | ಅ॒ಸ್ಮೇ ಶ್ರೇಷ್ಠೇ᳚ಭಿರ್ಭಾ॒ನುಭಿ॒ರ್ವಿ ಭಾ॒ಹ್ಯುಷೋ᳚ ದೇವಿ ಪ್ರತಿ॒ರಂತೀ᳚ ನ॒ ಆಯುಃ॑ | ಇಷಂ᳚ ಚ ನೋ॒ ದಧ॑ತೀ ವಿಶ್ವವಾರೇ॒ ಗೋಮ॒ದಶ್ವಾ᳚ವ॒ದ್ರಥ॑ವಚ್ಚ॒ ರಾಧಃ॑ ||{7.77.5}, {7.5.7.5}, {5.5.24.5} |
| 639 | ಯಾಂ ತ್ವಾ᳚ ದಿವೋ ದುಹಿತರ್ವ॒ರ್ಧಯಂ॒ತ್ಯುಷಃ॑ ಸುಜಾತೇ ಮ॒ತಿಭಿ॒ರ್ವಸಿ॑ಷ್ಠಾಃ | ಸಾಸ್ಮಾಸು॑ ಧಾ ರ॒ಯಿಮೃ॒ಷ್ವಂ ಬೃ॒ಹಂತಂ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.77.6}, {7.5.7.6}, {5.5.24.6} |
| [78] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಉಷಸೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 640 | ಪ್ರತಿ॑ ಕೇ॒ತವಃ॑ ಪ್ರಥ॒ಮಾ ಅ॑ದೃಶ್ರನ್ನೂ॒ರ್ಧ್ವಾ ಅ॑ಸ್ಯಾ ಅಂ॒ಜಯೋ॒ ವಿ ಶ್ರ॑ಯಂತೇ | ಉಷೋ᳚ ಅ॒ರ್ವಾಚಾ᳚ ಬೃಹ॒ತಾ ರಥೇ᳚ನ॒ ಜ್ಯೋತಿ॑ಷ್ಮತಾ ವಾ॒ಮಮ॒ಸ್ಮಭ್ಯಂ᳚ ವಕ್ಷಿ ||{7.78.1}, {7.5.8.1}, {5.5.25.1} |
| 641 | ಪ್ರತಿ॑ ಷೀಮ॒ಗ್ನಿರ್ಜ॑ರತೇ॒ ಸಮಿ॑ದ್ಧಃ॒ ಪ್ರತಿ॒ ವಿಪ್ರಾ᳚ಸೋ ಮ॒ತಿಭಿ॑ರ್ಗೃ॒ಣಂತಃ॑ | ಉ॒ಷಾ ಯಾ᳚ತಿ॒ ಜ್ಯೋತಿ॑ಷಾ॒ ಬಾಧ॑ಮಾನಾ॒ ವಿಶ್ವಾ॒ ತಮಾಂ᳚ಸಿ ದುರಿ॒ತಾಪ॑ ದೇ॒ವೀ ||{7.78.2}, {7.5.8.2}, {5.5.25.2} |
| 642 | ಏ॒ತಾ ಉ॒ ತ್ಯಾಃ ಪ್ರತ್ಯ॑ದೃಶ್ರನ್ಪು॒ರಸ್ತಾ॒ಜ್ಜ್ಯೋತಿ॒ರ್ಯಚ್ಛಂ᳚ತೀರು॒ಷಸೋ᳚ ವಿಭಾ॒ತೀಃ | ಅಜೀ᳚ಜನ॒ನ್ಸೂರ್ಯಂ᳚ ಯ॒ಜ್ಞಮ॒ಗ್ನಿಮ॑ಪಾ॒ಚೀನಂ॒ ತಮೋ᳚ ಅಗಾ॒ದಜು॑ಷ್ಟಂ ||{7.78.3}, {7.5.8.3}, {5.5.25.3} |
| 643 | ಅಚೇ᳚ತಿ ದಿ॒ವೋ ದು॑ಹಿ॒ತಾ ಮ॒ಘೋನೀ॒ ವಿಶ್ವೇ᳚ ಪಶ್ಯಂತ್ಯು॒ಷಸಂ᳚ ವಿಭಾ॒ತೀಂ | ಆಸ್ಥಾ॒ದ್ರಥಂ᳚ ಸ್ವ॒ಧಯಾ᳚ ಯು॒ಜ್ಯಮಾ᳚ನ॒ಮಾ ಯಮಶ್ವಾ᳚ಸಃ ಸು॒ಯುಜೋ॒ ವಹಂ᳚ತಿ ||{7.78.4}, {7.5.8.4}, {5.5.25.4} |
| 644 | ಪ್ರತಿ॑ ತ್ವಾ॒ದ್ಯ ಸು॒ಮನ॑ಸೋ ಬುಧಂತಾ॒ಸ್ಮಾಕಾ᳚ಸೋ ಮ॒ಘವಾ᳚ನೋ ವ॒ಯಂ ಚ॑ | ತಿ॒ಲ್ವಿ॒ಲಾ॒ಯಧ್ವ॑ಮುಷಸೋ ವಿಭಾ॒ತೀರ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.78.5}, {7.5.8.5}, {5.5.25.5} |
| [79] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಉಷಸೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 645 | ವ್ಯು೧॑(ಉ॒)ಷಾ ಆ᳚ವಃ ಪ॒ಥ್ಯಾ॒೩॑(ಆ॒) ಜನಾ᳚ನಾಂ॒ ಪಂಚ॑ ಕ್ಷಿ॒ತೀರ್ಮಾನು॑ಷೀರ್ಬೋ॒ಧಯಂ᳚ತೀ | ಸು॒ಸಂ॒ದೃಗ್ಭಿ॑ರು॒ಕ್ಷಭಿ॑ರ್ಭಾ॒ನುಮ॑ಶ್ರೇ॒ದ್ವಿ ಸೂರ್ಯೋ॒ ರೋದ॑ಸೀ॒ ಚಕ್ಷ॑ಸಾವಃ ||{7.79.1}, {7.5.9.1}, {5.5.26.1} |
| 646 | ವ್ಯಂ᳚ಜತೇ ದಿ॒ವೋ ಅಂತೇ᳚ಷ್ವ॒ಕ್ತೂನ್ವಿಶೋ॒ ನ ಯು॒ಕ್ತಾ ಉ॒ಷಸೋ᳚ ಯತಂತೇ | ಸಂ ತೇ॒ ಗಾವ॒ಸ್ತಮ॒ ಆ ವ॑ರ್ತಯಂತಿ॒ ಜ್ಯೋತಿ᳚ರ್ಯಚ್ಛಂತಿ ಸವಿ॒ತೇವ॑ ಬಾ॒ಹೂ ||{7.79.2}, {7.5.9.2}, {5.5.26.2} |
| 647 | ಅಭೂ᳚ದು॒ಷಾ ಇಂದ್ರ॑ತಮಾ ಮ॒ಘೋನ್ಯಜೀ᳚ಜನತ್ಸುವಿ॒ತಾಯ॒ ಶ್ರವಾಂ᳚ಸಿ | ವಿ ದಿ॒ವೋ ದೇ॒ವೀ ದು॑ಹಿ॒ತಾ ದ॑ಧಾ॒ತ್ಯಂಗಿ॑ರಸ್ತಮಾ ಸು॒ಕೃತೇ॒ ವಸೂ᳚ನಿ ||{7.79.3}, {7.5.9.3}, {5.5.26.3} |
| 648 | ತಾವ॑ದುಷೋ॒ ರಾಧೋ᳚ ಅ॒ಸ್ಮಭ್ಯಂ᳚ ರಾಸ್ವ॒ ಯಾವ॑ತ್ಸ್ತೋ॒ತೃಭ್ಯೋ॒ ಅರ॑ದೋ ಗೃಣಾ॒ನಾ | ಯಾಂ ತ್ವಾ᳚ ಜ॒ಜ್ಞುರ್ವೃ॑ಷ॒ಭಸ್ಯಾ॒ ರವೇ᳚ಣ॒ ವಿ ದೃ॒ಳ್ಹಸ್ಯ॒ ದುರೋ॒ ಅದ್ರೇ᳚ರೌರ್ಣೋಃ ||{7.79.4}, {7.5.9.4}, {5.5.26.4} |
| 649 | ದೇ॒ವಂದೇ᳚ವಂ॒ ರಾಧ॑ಸೇ ಚೋ॒ದಯಂ᳚ತ್ಯಸ್ಮ॒ದ್ರ್ಯ॑ಕ್ಸೂ॒ನೃತಾ᳚ ಈ॒ರಯಂ᳚ತೀ | ವ್ಯು॒ಚ್ಛಂತೀ᳚ ನಃ ಸ॒ನಯೇ॒ ಧಿಯೋ᳚ ಧಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.79.5}, {7.5.9.5}, {5.5.26.5} |
| [80] (1-3) ತೃಚಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಋಷಿಃ | ಉಷಸೋ ದೇವತಾಃ | ತ್ರಿಷ್ಟುಪ್ ಛಂದಃ || | |
| 650 | ಪ್ರತಿ॒ ಸ್ತೋಮೇ᳚ಭಿರು॒ಷಸಂ॒ ವಸಿ॑ಷ್ಠಾ ಗೀ॒ರ್ಭಿರ್ವಿಪ್ರಾ᳚ಸಃ ಪ್ರಥ॒ಮಾ ಅ॑ಬುಧ್ರನ್ | ವಿ॒ವ॒ರ್ತಯಂ᳚ತೀಂ॒ ರಜ॑ಸೀ॒ ಸಮಂ᳚ತೇ ಆವಿಷ್ಕೃಣ್ವ॒ತೀಂ ಭುವ॑ನಾನಿ॒ ವಿಶ್ವಾ᳚ ||{7.80.1}, {7.5.10.1}, {5.5.27.1} |
| 651 | ಏ॒ಷಾ ಸ್ಯಾ ನವ್ಯ॒ಮಾಯು॒ರ್ದಧಾ᳚ನಾ ಗೂ॒ಢ್ವೀ ತಮೋ॒ ಜ್ಯೋತಿ॑ಷೋ॒ಷಾ ಅ॑ಬೋಧಿ | ಅಗ್ರ॑ ಏತಿ ಯುವ॒ತಿರಹ್ರ॑ಯಾಣಾ॒ ಪ್ರಾಚಿ॑ಕಿತ॒ತ್ಸೂರ್ಯಂ᳚ ಯ॒ಜ್ಞಮ॒ಗ್ನಿಂ ||{7.80.2}, {7.5.10.2}, {5.5.27.2} |
| 652 | ಅಶ್ವಾ᳚ವತೀ॒ರ್ಗೋಮ॑ತೀರ್ನ ಉ॒ಷಾಸೋ᳚ ವೀ॒ರವ॑ತೀಃ॒ ಸದ॑ಮುಚ್ಛಂತು ಭ॒ದ್ರಾಃ | ಘೃ॒ತಂ ದುಹಾ᳚ನಾ ವಿ॒ಶ್ವತಃ॒ ಪ್ರಪೀ᳚ತಾ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.80.3}, {7.5.10.3}, {5.5.27.3} |
| [81] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಉಷಸೋ ದೇವತಾಃ | ಪ್ರಗಾಥಃ (ವಿಷಮರ್ಚಾಂ ಬೃಹತೀ, ಸಮರ್ಚಾಂ ಸತೋಬೃಹತೀ) ಛಂದಃ || | |
| 653 | ಪ್ರತ್ಯು॑ ಅದರ್ಶ್ಯಾಯ॒ತ್ಯು೧॑(ಉ॒)ಚ್ಛಂತೀ᳚ ದುಹಿ॒ತಾ ದಿ॒ವಃ | ಅಪೋ॒ ಮಹಿ᳚ ವ್ಯಯತಿ॒ ಚಕ್ಷ॑ಸೇ॒ ತಮೋ॒ ಜ್ಯೋತಿ॑ಷ್ಕೃಣೋತಿ ಸೂ॒ನರೀ᳚ ||{7.81.1}, {7.5.11.1}, {5.6.1.1} |
| 654 | ಉದು॒ಸ್ರಿಯಾಃ᳚ ಸೃಜತೇ॒ ಸೂರ್ಯಃ॒ ಸಚಾಁ᳚ ಉ॒ದ್ಯನ್ನಕ್ಷ॑ತ್ರಮರ್ಚಿ॒ವತ್ | ತವೇದು॑ಷೋ॒ ವ್ಯುಷಿ॒ ಸೂರ್ಯ॑ಸ್ಯ ಚ॒ ಸಂ ಭ॒ಕ್ತೇನ॑ ಗಮೇಮಹಿ ||{7.81.2}, {7.5.11.2}, {5.6.1.2} |
| 655 | ಪ್ರತಿ॑ ತ್ವಾ ದುಹಿತರ್ದಿವ॒ ಉಷೋ᳚ ಜೀ॒ರಾ ಅ॑ಭುತ್ಸ್ಮಹಿ | ಯಾ ವಹ॑ಸಿ ಪು॒ರು ಸ್ಪಾ॒ರ್ಹಂ ವ॑ನನ್ವತಿ॒ ರತ್ನಂ॒ ನ ದಾ॒ಶುಷೇ॒ ಮಯಃ॑ ||{7.81.3}, {7.5.11.3}, {5.6.1.3} |
| 656 | ಉ॒ಚ್ಛಂತೀ॒ ಯಾ ಕೃ॒ಣೋಷಿ॑ ಮಂ॒ಹನಾ᳚ ಮಹಿ ಪ್ರ॒ಖ್ಯೈ ದೇ᳚ವಿ॒ ಸ್ವ॑ರ್ದೃ॒ಶೇ | ತಸ್ಯಾ᳚ಸ್ತೇ ರತ್ನ॒ಭಾಜ॑ ಈಮಹೇ ವ॒ಯಂ ಸ್ಯಾಮ॑ ಮಾ॒ತುರ್ನ ಸೂ॒ನವಃ॑ ||{7.81.4}, {7.5.11.4}, {5.6.1.4} |
| 657 | ತಚ್ಚಿ॒ತ್ರಂ ರಾಧ॒ ಆ ಭ॒ರೋಷೋ॒ ಯದ್ದೀ᳚ರ್ಘ॒ಶ್ರುತ್ತ॑ಮಂ | ಯತ್ತೇ᳚ ದಿವೋ ದುಹಿತರ್ಮರ್ತ॒ಭೋಜ॑ನಂ॒ ತದ್ರಾ᳚ಸ್ವ ಭು॒ನಜಾ᳚ಮಹೈ ||{7.81.5}, {7.5.11.5}, {5.6.1.5} |
| 658 | ಶ್ರವಃ॑ ಸೂ॒ರಿಭ್ಯೋ᳚ ಅ॒ಮೃತಂ᳚ ವಸುತ್ವ॒ನಂ ವಾಜಾಁ᳚ ಅ॒ಸ್ಮಭ್ಯಂ॒ ಗೋಮ॑ತಃ | ಚೋ॒ದ॒ಯಿ॒ತ್ರೀ ಮ॒ಘೋನಃ॑ ಸೂ॒ನೃತಾ᳚ವತ್ಯು॒ಷಾ ಉ॑ಚ್ಛ॒ದಪ॒ ಸ್ರಿಧಃ॑ ||{7.81.6}, {7.5.11.6}, {5.6.1.6} |
| [82] (1-10) ದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರಾವರುಣೋ ದೇವತೇ | ಜಗತೀ ಛಂದಃ || | |
| 659 | ಇಂದ್ರಾ᳚ವರುಣಾ ಯು॒ವಮ॑ಧ್ವ॒ರಾಯ॑ ನೋ ವಿ॒ಶೇ ಜನಾ᳚ಯ॒ ಮಹಿ॒ ಶರ್ಮ॑ ಯಚ್ಛತಂ | ದೀ॒ರ್ಘಪ್ರ॑ಯಜ್ಯು॒ಮತಿ॒ ಯೋ ವ॑ನು॒ಷ್ಯತಿ॑ ವ॒ಯಂ ಜ॑ಯೇಮ॒ ಪೃತ॑ನಾಸು ದೂ॒ಢ್ಯಃ॑ ||{7.82.1}, {7.5.12.1}, {5.6.2.1} |
| 660 | ಸ॒ಮ್ರಾಳ॒ನ್ಯಃ ಸ್ವ॒ರಾಳ॒ನ್ಯ ಉ॑ಚ್ಯತೇ ವಾಂ ಮ॒ಹಾಂತಾ॒ವಿಂದ್ರಾ॒ವರು॑ಣಾ ಮ॒ಹಾವ॑ಸೂ | ವಿಶ್ವೇ᳚ ದೇ॒ವಾಸಃ॑ ಪರ॒ಮೇ ವ್ಯೋ᳚ಮನಿ॒ ಸಂ ವಾ॒ಮೋಜೋ᳚ ವೃಷಣಾ॒ ಸಂ ಬಲಂ᳚ ದಧುಃ ||{7.82.2}, {7.5.12.2}, {5.6.2.2} |
| 661 | ಅನ್ವ॒ಪಾಂ ಖಾನ್ಯ॑ತೃಂತ॒ಮೋಜ॒ಸಾ ಸೂರ್ಯ॑ಮೈರಯತಂ ದಿ॒ವಿ ಪ್ರ॒ಭುಂ | ಇಂದ್ರಾ᳚ವರುಣಾ॒ ಮದೇ᳚ ಅಸ್ಯ ಮಾ॒ಯಿನೋಽಪಿ᳚ನ್ವತಮ॒ಪಿತಃ॒ ಪಿನ್ವ॑ತಂ॒ ಧಿಯಃ॑ ||{7.82.3}, {7.5.12.3}, {5.6.2.3} |
| 662 | ಯು॒ವಾಮಿದ್ಯು॒ತ್ಸು ಪೃತ॑ನಾಸು॒ ವಹ್ನ॑ಯೋ ಯು॒ವಾಂ ಕ್ಷೇಮ॑ಸ್ಯ ಪ್ರಸ॒ವೇ ಮಿ॒ತಜ್ಞ॑ವಃ | ಈ॒ಶಾ॒ನಾ ವಸ್ವ॑ ಉ॒ಭಯ॑ಸ್ಯ ಕಾ॒ರವ॒ ಇಂದ್ರಾ᳚ವರುಣಾ ಸು॒ಹವಾ᳚ ಹವಾಮಹೇ ||{7.82.4}, {7.5.12.4}, {5.6.2.4} |
| 663 | ಇಂದ್ರಾ᳚ವರುಣಾ॒ ಯದಿ॒ಮಾನಿ॑ ಚ॒ಕ್ರಥು॒ರ್ವಿಶ್ವಾ᳚ ಜಾ॒ತಾನಿ॒ ಭುವ॑ನಸ್ಯ ಮ॒ಜ್ಮನಾ᳚ | ಕ್ಷೇಮೇ᳚ಣ ಮಿ॒ತ್ರೋ ವರು॑ಣಂ ದುವ॒ಸ್ಯತಿ॑ ಮ॒ರುದ್ಭಿ॑ರು॒ಗ್ರಃ ಶುಭ॑ಮ॒ನ್ಯ ಈ᳚ಯತೇ ||{7.82.5}, {7.5.12.5}, {5.6.2.5} |
| 664 | ಮ॒ಹೇ ಶು॒ಲ್ಕಾಯ॒ ವರು॑ಣಸ್ಯ॒ ನು ತ್ವಿ॒ಷ ಓಜೋ᳚ ಮಿಮಾತೇ ಧ್ರು॒ವಮ॑ಸ್ಯ॒ ಯತ್ಸ್ವಂ | ಅಜಾ᳚ಮಿಮ॒ನ್ಯಃ ಶ್ನ॒ಥಯಂ᳚ತ॒ಮಾತಿ॑ರದ್ದ॒ಭ್ರೇಭಿ॑ರ॒ನ್ಯಃ ಪ್ರ ವೃ॑ಣೋತಿ॒ ಭೂಯ॑ಸಃ ||{7.82.6}, {7.5.12.6}, {5.6.3.1} |
| 665 | ನ ತಮಂಹೋ॒ ನ ದು॑ರಿ॒ತಾನಿ॒ ಮರ್ತ್ಯ॒ಮಿಂದ್ರಾ᳚ವರುಣಾ॒ ನ ತಪಃ॒ ಕುತ॑ಶ್ಚ॒ನ | ಯಸ್ಯ॑ ದೇವಾ॒ ಗಚ್ಛ॑ಥೋ ವೀ॒ಥೋ ಅ॑ಧ್ವ॒ರಂ ನ ತಂ ಮರ್ತ॑ಸ್ಯ ನಶತೇ॒ ಪರಿ॑ಹ್ವೃತಿಃ ||{7.82.7}, {7.5.12.7}, {5.6.3.2} |
| 666 | ಅ॒ರ್ವಾಙ್ನ॑ರಾ॒ ದೈವ್ಯೇ॒ನಾವ॒ಸಾ ಗ॑ತಂ ಶೃಣು॒ತಂ ಹವಂ॒ ಯದಿ॑ ಮೇ॒ ಜುಜೋ᳚ಷಥಃ | ಯು॒ವೋರ್ಹಿ ಸ॒ಖ್ಯಮು॒ತ ವಾ॒ ಯದಾಪ್ಯಂ᳚ ಮಾರ್ಡೀ॒ಕಮಿಂ᳚ದ್ರಾವರುಣಾ॒ ನಿ ಯ॑ಚ್ಛತಂ ||{7.82.8}, {7.5.12.8}, {5.6.3.3} |
| 667 | ಅ॒ಸ್ಮಾಕ॑ಮಿಂದ್ರಾವರುಣಾ॒ ಭರೇ᳚ಭರೇ ಪುರೋಯೋ॒ಧಾ ಭ॑ವತಂ ಕೃಷ್ಟ್ಯೋಜಸಾ | ಯದ್ವಾಂ॒ ಹವಂ᳚ತ ಉ॒ಭಯೇ॒ ಅಧ॑ ಸ್ಪೃ॒ಧಿ ನರ॑ಸ್ತೋ॒ಕಸ್ಯ॒ ತನ॑ಯಸ್ಯ ಸಾ॒ತಿಷು॑ ||{7.82.9}, {7.5.12.9}, {5.6.3.4} |
| 668 | ಅ॒ಸ್ಮೇ ಇಂದ್ರೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ದ್ಯು॒ಮ್ನಂ ಯ॑ಚ್ಛಂತು॒ ಮಹಿ॒ ಶರ್ಮ॑ ಸ॒ಪ್ರಥಃ॑ | ಅ॒ವ॒ಧ್ರಂ ಜ್ಯೋತಿ॒ರದಿ॑ತೇರೃತಾ॒ವೃಧೋ᳚ ದೇ॒ವಸ್ಯ॒ ಶ್ಲೋಕಂ᳚ ಸವಿ॒ತುರ್ಮ॑ನಾಮಹೇ ||{7.82.10}, {7.5.12.10}, {5.6.3.5} |
| [83] (1-10) ದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರಾವರುಣೋ ದೇವತೇ | ಜಗತೀ ಛಂದಃ || | |
| 669 | ಯು॒ವಾಂ ನ॑ರಾ॒ ಪಶ್ಯ॑ಮಾನಾಸ॒ ಆಪ್ಯಂ᳚ ಪ್ರಾ॒ಚಾ ಗ॒ವ್ಯಂತಃ॑ ಪೃಥು॒ಪರ್ಶ॑ವೋ ಯಯುಃ | ದಾಸಾ᳚ ಚ ವೃ॒ತ್ರಾ ಹ॒ತಮಾರ್ಯಾ᳚ಣಿ ಚ ಸು॒ದಾಸ॑ಮಿಂದ್ರಾವರು॒ಣಾವ॑ಸಾವತಂ ||{7.83.1}, {7.5.13.1}, {5.6.4.1} |
| 670 | ಯತ್ರಾ॒ ನರಃ॑ ಸ॒ಮಯಂ᳚ತೇ ಕೃ॒ತಧ್ವ॑ಜೋ॒ ಯಸ್ಮಿ᳚ನ್ನಾ॒ಜಾ ಭವ॑ತಿ॒ ಕಿಂ ಚ॒ನ ಪ್ರಿ॒ಯಂ | ಯತ್ರಾ॒ ಭಯಂ᳚ತೇ॒ ಭುವ॑ನಾ ಸ್ವ॒ರ್ದೃಶ॒ಸ್ತತ್ರಾ᳚ ನ ಇಂದ್ರಾವರು॒ಣಾಧಿ॑ ವೋಚತಂ ||{7.83.2}, {7.5.13.2}, {5.6.4.2} |
| 671 | ಸಂ ಭೂಮ್ಯಾ॒ ಅಂತಾ᳚ ಧ್ವಸಿ॒ರಾ ಅ॑ದೃಕ್ಷ॒ತೇಂದ್ರಾ᳚ವರುಣಾ ದಿ॒ವಿ ಘೋಷ॒ ಆರು॑ಹತ್ | ಅಸ್ಥು॒ರ್ಜನಾ᳚ನಾ॒ಮುಪ॒ ಮಾಮರಾ᳚ತಯೋ॒ಽರ್ವಾಗವ॑ಸಾ ಹವನಶ್ರು॒ತಾ ಗ॑ತಂ ||{7.83.3}, {7.5.13.3}, {5.6.4.3} |
| 672 | ಇಂದ್ರಾ᳚ವರುಣಾ ವ॒ಧನಾ᳚ಭಿರಪ್ರ॒ತಿ ಭೇ॒ದಂ ವ॒ನ್ವಂತಾ॒ ಪ್ರ ಸು॒ದಾಸ॑ಮಾವತಂ | ಬ್ರಹ್ಮಾ᳚ಣ್ಯೇಷಾಂ ಶೃಣುತಂ॒ ಹವೀ᳚ಮನಿ ಸ॒ತ್ಯಾ ತೃತ್ಸೂ᳚ನಾಮಭವತ್ಪು॒ರೋಹಿ॑ತಿಃ ||{7.83.4}, {7.5.13.4}, {5.6.4.4} |
| 673 | ಇಂದ್ರಾ᳚ವರುಣಾವ॒ಭ್ಯಾ ತ॑ಪಂತಿ ಮಾ॒ಘಾನ್ಯ॒ರ್ಯೋ ವ॒ನುಷಾ॒ಮರಾ᳚ತಯಃ | ಯು॒ವಂ ಹಿ ವಸ್ವ॑ ಉ॒ಭಯ॑ಸ್ಯ॒ ರಾಜ॒ಥೋಽಧ॑ ಸ್ಮಾ ನೋಽವತಂ॒ ಪಾರ್ಯೇ᳚ ದಿ॒ವಿ ||{7.83.5}, {7.5.13.5}, {5.6.4.5} |
| 674 | ಯು॒ವಾಂ ಹ॑ವಂತ ಉ॒ಭಯಾ᳚ಸ ಆ॒ಜಿಷ್ವಿಂದ್ರಂ᳚ ಚ॒ ವಸ್ವೋ॒ ವರು॑ಣಂ ಚ ಸಾ॒ತಯೇ᳚ | ಯತ್ರ॒ ರಾಜ॑ಭಿರ್ದ॒ಶಭಿ॒ರ್ನಿಬಾ᳚ಧಿತಂ॒ ಪ್ರ ಸು॒ದಾಸ॒ಮಾವ॑ತಂ॒ ತೃತ್ಸು॑ಭಿಃ ಸ॒ಹ ||{7.83.6}, {7.5.13.6}, {5.6.5.1} |
| 675 | ದಶ॒ ರಾಜಾ᳚ನಃ॒ ಸಮಿ॑ತಾ॒ ಅಯ॑ಜ್ಯವಃ ಸು॒ದಾಸ॑ಮಿಂದ್ರಾವರುಣಾ॒ ನ ಯು॑ಯುಧುಃ | ಸ॒ತ್ಯಾ ನೃ॒ಣಾಮ॑ದ್ಮ॒ಸದಾ॒ಮುಪ॑ಸ್ತುತಿರ್ದೇ॒ವಾ ಏ᳚ಷಾಮಭವಂದೇ॒ವಹೂ᳚ತಿಷು ||{7.83.7}, {7.5.13.7}, {5.6.5.2} |
| 676 | ದಾ॒ಶ॒ರಾ॒ಜ್ಞೇ ಪರಿ॑ಯತ್ತಾಯ ವಿ॒ಶ್ವತಃ॑ ಸು॒ದಾಸ॑ ಇಂದ್ರಾವರುಣಾವಶಿಕ್ಷತಂ | ಶ್ವಿ॒ತ್ಯಂಚೋ॒ ಯತ್ರ॒ ನಮ॑ಸಾ ಕಪ॒ರ್ದಿನೋ᳚ ಧಿ॒ಯಾ ಧೀವಂ᳚ತೋ॒ ಅಸ॑ಪಂತ॒ ತೃತ್ಸ॑ವಃ ||{7.83.8}, {7.5.13.8}, {5.6.5.3} |
| 677 | ವೃ॒ತ್ರಾಣ್ಯ॒ನ್ಯಃ ಸ॑ಮಿ॒ಥೇಷು॒ ಜಿಘ್ನ॑ತೇ ವ್ರ॒ತಾನ್ಯ॒ನ್ಯೋ ಅ॒ಭಿ ರ॑ಕ್ಷತೇ॒ ಸದಾ᳚ | ಹವಾ᳚ಮಹೇ ವಾಂ ವೃಷಣಾ ಸುವೃ॒ಕ್ತಿಭಿ॑ರ॒ಸ್ಮೇ ಇಂ᳚ದ್ರಾವರುಣಾ॒ ಶರ್ಮ॑ ಯಚ್ಛತಂ ||{7.83.9}, {7.5.13.9}, {5.6.5.4} |
| 678 | ಅ॒ಸ್ಮೇ ಇಂದ್ರೋ॒ ವರು॑ಣೋ ಮಿ॒ತ್ರೋ ಅ᳚ರ್ಯ॒ಮಾ ದ್ಯು॒ಮ್ನಂ ಯ॑ಚ್ಛಂತು॒ ಮಹಿ॒ ಶರ್ಮ॑ ಸ॒ಪ್ರಥಃ॑ | ಅ॒ವ॒ಧ್ರಂ ಜ್ಯೋತಿ॒ರದಿ॑ತೇರೃತಾ॒ವೃಧೋ᳚ ದೇ॒ವಸ್ಯ॒ ಶ್ಲೋಕಂ᳚ ಸವಿ॒ತುರ್ಮ॑ನಾಮಹೇ ||{7.83.10}, {7.5.13.10}, {5.6.5.5} |
| [84] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರಾವರುಣೋ ದೇವತೇ | ತ್ರಿಷ್ಟುಪ್ ಛಂದಃ || | |
| 679 | ಆ ವಾಂ᳚ ರಾಜಾನಾವಧ್ವ॒ರೇ ವ॑ವೃತ್ಯಾಂ ಹ॒ವ್ಯೇಭಿ॑ರಿಂದ್ರಾವರುಣಾ॒ ನಮೋ᳚ಭಿಃ | ಪ್ರ ವಾಂ᳚ ಘೃ॒ತಾಚೀ᳚ ಬಾ॒ಹ್ವೋರ್ದಧಾ᳚ನಾ॒ ಪರಿ॒ ತ್ಮನಾ॒ ವಿಷು॑ರೂಪಾ ಜಿಗಾತಿ ||{7.84.1}, {7.5.14.1}, {5.6.6.1} |
| 680 | ಯು॒ವೋ ರಾ॒ಷ್ಟ್ರಂ ಬೃ॒ಹದಿ᳚ನ್ವತಿ॒ ದ್ಯೌರ್ಯೌ ಸೇ॒ತೃಭಿ॑ರರ॒ಜ್ಜುಭಿಃ॑ ಸಿನೀ॒ಥಃ | ಪರಿ॑ ನೋ॒ ಹೇಳೋ॒ ವರು॑ಣಸ್ಯ ವೃಜ್ಯಾ ಉ॒ರುಂ ನ॒ ಇಂದ್ರಃ॑ ಕೃಣವದು ಲೋ॒ಕಂ ||{7.84.2}, {7.5.14.2}, {5.6.6.2} |
| 681 | ಕೃ॒ತಂ ನೋ᳚ ಯ॒ಜ್ಞಂ ವಿ॒ದಥೇ᳚ಷು॒ ಚಾರುಂ᳚ ಕೃ॒ತಂ ಬ್ರಹ್ಮಾ᳚ಣಿ ಸೂ॒ರಿಷು॑ ಪ್ರಶ॒ಸ್ತಾ | ಉಪೋ᳚ ರ॒ಯಿರ್ದೇ॒ವಜೂ᳚ತೋ ನ ಏತು॒ ಪ್ರ ಣಃ॑ ಸ್ಪಾ॒ರ್ಹಾಭಿ॑ರೂ॒ತಿಭಿ॑ಸ್ತಿರೇತಂ ||{7.84.3}, {7.5.14.3}, {5.6.6.3} |
| 682 | ಅ॒ಸ್ಮೇ ಇಂ᳚ದ್ರಾವರುಣಾ ವಿ॒ಶ್ವವಾ᳚ರಂ ರ॒ಯಿಂ ಧ॑ತ್ತಂ॒ ವಸು॑ಮಂತಂ ಪುರು॒ಕ್ಷುಂ | ಪ್ರ ಯ ಆ᳚ದಿ॒ತ್ಯೋ ಅನೃ॑ತಾ ಮಿ॒ನಾತ್ಯಮಿ॑ತಾ॒ ಶೂರೋ᳚ ದಯತೇ॒ ವಸೂ᳚ನಿ ||{7.84.4}, {7.5.14.4}, {5.6.6.4} |
| 683 | ಇ॒ಯಮಿಂದ್ರಂ॒ ವರು॑ಣಮಷ್ಟ ಮೇ॒ ಗೀಃ ಪ್ರಾವ॑ತ್ತೋ॒ಕೇ ತನ॑ಯೇ॒ ತೂತು॑ಜಾನಾ | ಸು॒ರತ್ನಾ᳚ಸೋ ದೇ॒ವವೀ᳚ತಿಂ ಗಮೇಮ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.84.5}, {7.5.14.5}, {5.6.6.5} |
| [85] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವರುಣೋ ದೇವತಾ | ತ್ರಿಷ್ಟುಪ್ ಛಂದಃ || | |
| 684 | ಪು॒ನೀ॒ಷೇ ವಾ᳚ಮರ॒ಕ್ಷಸಂ᳚ ಮನೀ॒ಷಾಂ ಸೋಮ॒ಮಿಂದ್ರಾ᳚ಯ॒ ವರು॑ಣಾಯ॒ ಜುಹ್ವ॑ತ್ | ಘೃ॒ತಪ್ರ॑ತೀಕಾಮು॒ಷಸಂ॒ ನ ದೇ॒ವೀಂ ತಾ ನೋ॒ ಯಾಮ᳚ನ್ನುರುಷ್ಯತಾಮ॒ಭೀಕೇ᳚ ||{7.85.1}, {7.5.15.1}, {5.6.7.1} |
| 685 | ಸ್ಪರ್ಧಂ᳚ತೇ॒ ವಾ ಉ॑ ದೇವ॒ಹೂಯೇ॒ ಅತ್ರ॒ ಯೇಷು॑ ಧ್ವ॒ಜೇಷು॑ ದಿ॒ದ್ಯವಃ॒ ಪತಂ᳚ತಿ | ಯು॒ವಂ ತಾಁ ಇಂ᳚ದ್ರಾವರುಣಾವ॒ಮಿತ್ರಾ᳚ನ್ಹ॒ತಂ ಪರಾ᳚ಚಃ॒ ಶರ್ವಾ॒ ವಿಷೂ᳚ಚಃ ||{7.85.2}, {7.5.15.2}, {5.6.7.2} |
| 686 | ಆಪ॑ಶ್ಚಿ॒ದ್ಧಿ ಸ್ವಯ॑ಶಸಃ॒ ಸದ॑ಸ್ಸು ದೇ॒ವೀರಿಂದ್ರಂ॒ ವರು॑ಣಂ ದೇ॒ವತಾ॒ ಧುಃ | ಕೃ॒ಷ್ಟೀರ॒ನ್ಯೋ ಧಾ॒ರಯ॑ತಿ॒ ಪ್ರವಿ॑ಕ್ತಾ ವೃ॒ತ್ರಾಣ್ಯ॒ನ್ಯೋ ಅ॑ಪ್ರ॒ತೀನಿ॑ ಹಂತಿ ||{7.85.3}, {7.5.15.3}, {5.6.7.3} |
| 687 | ಸ ಸು॒ಕ್ರತು॑ರೃತ॒ಚಿದ॑ಸ್ತು॒ ಹೋತಾ॒ ಯ ಆ᳚ದಿತ್ಯ॒ ಶವ॑ಸಾ ವಾಂ॒ ನಮ॑ಸ್ವಾನ್ | ಆ॒ವ॒ವರ್ತ॒ದವ॑ಸೇ ವಾಂ ಹ॒ವಿಷ್ಮಾ॒ನಸ॒ದಿತ್ಸ ಸು॑ವಿ॒ತಾಯ॒ ಪ್ರಯ॑ಸ್ವಾನ್ ||{7.85.4}, {7.5.15.4}, {5.6.7.4} |
| 688 | ಇ॒ಯಮಿಂದ್ರಂ॒ ವರು॑ಣಮಷ್ಟ ಮೇ॒ ಗೀಃ ಪ್ರಾವ॑ತ್ತೋ॒ಕೇ ತನ॑ಯೇ॒ ತೂತು॑ಜಾನಾ | ಸು॒ರತ್ನಾ᳚ಸೋ ದೇ॒ವವೀ᳚ತಿಂ ಗಮೇಮ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.85.5}, {7.5.15.5}, {5.6.7.5} |
| [86] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವರುಣೋ ದೇವತಾ | ತ್ರಿಷ್ಟುಪ್ ಛಂದಃ || | |
| 689 | ಧೀರಾ॒ ತ್ವ॑ಸ್ಯ ಮಹಿ॒ನಾ ಜ॒ನೂಂಷಿ॒ ವಿ ಯಸ್ತ॒ಸ್ತಂಭ॒ ರೋದ॑ಸೀ ಚಿದು॒ರ್ವೀ | ಪ್ರ ನಾಕ॑ಮೃ॒ಷ್ವಂ ನು॑ನುದೇ ಬೃ॒ಹಂತಂ᳚ ದ್ವಿ॒ತಾ ನಕ್ಷ॑ತ್ರಂ ಪ॒ಪ್ರಥ॑ಚ್ಚ॒ ಭೂಮ॑ ||{7.86.1}, {7.5.16.1}, {5.6.8.1} |
| 690 | ಉ॒ತ ಸ್ವಯಾ᳚ ತ॒ನ್ವಾ॒೩॑(ಆ॒) ಸಂ ವ॑ದೇ॒ ತತ್ಕ॒ದಾ ನ್ವ೧॑(ಅ॒)'ನ್ತರ್ವರು॑ಣೇ ಭುವಾನಿ | ಕಿಂ ಮೇ᳚ ಹ॒ವ್ಯಮಹೃ॑ಣಾನೋ ಜುಷೇತ ಕ॒ದಾ ಮೃ॑ಳೀ॒ಕಂ ಸು॒ಮನಾ᳚ ಅ॒ಭಿ ಖ್ಯಂ᳚ ||{7.86.2}, {7.5.16.2}, {5.6.8.2} |
| 691 | ಪೃ॒ಚ್ಛೇ ತದೇನೋ᳚ ವರುಣ ದಿ॒ದೃಕ್ಷೂಪೋ᳚ ಏಮಿ ಚಿಕಿ॒ತುಷೋ᳚ ವಿ॒ಪೃಚ್ಛಂ᳚ | ಸ॒ಮಾ॒ನಮಿನ್ಮೇ᳚ ಕ॒ವಯ॑ಶ್ಚಿದಾಹುರ॒ಯಂ ಹ॒ ತುಭ್ಯಂ॒ ವರು॑ಣೋ ಹೃಣೀತೇ ||{7.86.3}, {7.5.16.3}, {5.6.8.3} |
| 692 | ಕಿಮಾಗ॑ ಆಸ ವರುಣ॒ ಜ್ಯೇಷ್ಠಂ॒ ಯತ್ಸ್ತೋ॒ತಾರಂ॒ ಜಿಘಾಂ᳚ಸಸಿ॒ ಸಖಾ᳚ಯಂ | ಪ್ರ ತನ್ಮೇ᳚ ವೋಚೋ ದೂಳಭ ಸ್ವಧಾ॒ವೋಽವ॑ ತ್ವಾನೇ॒ನಾ ನಮ॑ಸಾ ತು॒ರ ಇ॑ಯಾಂ ||{7.86.4}, {7.5.16.4}, {5.6.8.4} |
| 693 | ಅವ॑ ದ್ರು॒ಗ್ಧಾನಿ॒ ಪಿತ್ರ್ಯಾ᳚ ಸೃಜಾ॒ ನೋಽವ॒ ಯಾ ವ॒ಯಂ ಚ॑ಕೃ॒ಮಾ ತ॒ನೂಭಿಃ॑ | ಅವ॑ ರಾಜನ್ಪಶು॒ತೃಪಂ॒ ನ ತಾ॒ಯುಂ ಸೃ॒ಜಾ ವ॒ತ್ಸಂ ನ ದಾಮ್ನೋ॒ ವಸಿ॑ಷ್ಠಂ ||{7.86.5}, {7.5.16.5}, {5.6.8.5} |
| 694 | ನ ಸ ಸ್ವೋ ದಕ್ಷೋ᳚ ವರುಣ॒ ಧ್ರುತಿಃ॒ ಸಾ ಸುರಾ᳚ ಮ॒ನ್ಯುರ್ವಿ॒ಭೀದ॑ಕೋ॒ ಅಚಿ॑ತ್ತಿಃ | ಅಸ್ತಿ॒ ಜ್ಯಾಯಾ॒ನ್ಕನೀ᳚ಯಸ ಉಪಾ॒ರೇ ಸ್ವಪ್ನ॑ಶ್ಚ॒ನೇದನೃ॑ತಸ್ಯ ಪ್ರಯೋ॒ತಾ ||{7.86.6}, {7.5.16.6}, {5.6.8.6} |
| 695 | ಅರಂ᳚ ದಾ॒ಸೋ ನ ಮೀ॒ಳ್ಹುಷೇ᳚ ಕರಾಣ್ಯ॒ಹಂ ದೇ॒ವಾಯ॒ ಭೂರ್ಣ॒ಯೇಽನಾ᳚ಗಾಃ | ಅಚೇ᳚ತಯದ॒ಚಿತೋ᳚ ದೇ॒ವೋ ಅ॒ರ್ಯೋ ಗೃತ್ಸಂ᳚ ರಾ॒ಯೇ ಕ॒ವಿತ॑ರೋ ಜುನಾತಿ ||{7.86.7}, {7.5.16.7}, {5.6.8.7} |
| 696 | ಅ॒ಯಂ ಸು ತುಭ್ಯಂ᳚ ವರುಣ ಸ್ವಧಾವೋ ಹೃ॒ದಿ ಸ್ತೋಮ॒ ಉಪ॑ಶ್ರಿತಶ್ಚಿದಸ್ತು | ಶಂ ನಃ॒ ಕ್ಷೇಮೇ॒ ಶಮು॒ ಯೋಗೇ᳚ ನೋ ಅಸ್ತು ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.86.8}, {7.5.16.8}, {5.6.8.8} |
| [87] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವರುಣೋ ದೇವತಾ | ತ್ರಿಷ್ಟುಪ್ ಛಂದಃ || | |
| 697 | ರದ॑ತ್ಪ॒ಥೋ ವರು॑ಣಃ॒ ಸೂರ್ಯಾ᳚ಯ॒ ಪ್ರಾರ್ಣಾಂ᳚ಸಿ ಸಮು॒ದ್ರಿಯಾ᳚ ನ॒ದೀನಾಂ᳚ | ಸರ್ಗೋ॒ ನ ಸೃ॒ಷ್ಟೋ ಅರ್ವ॑ತೀರೃತಾ॒ಯಂಚ॒ಕಾರ॑ ಮ॒ಹೀರ॒ವನೀ॒ರಹ॑ಭ್ಯಃ ||{7.87.1}, {7.5.17.1}, {5.6.9.1} |
| 698 | ಆ॒ತ್ಮಾ ತೇ॒ ವಾತೋ॒ ರಜ॒ ಆ ನ॑ವೀನೋತ್ಪ॒ಶುರ್ನ ಭೂರ್ಣಿ॒ರ್ಯವ॑ಸೇ ಸಸ॒ವಾನ್ | ಅಂ॒ತರ್ಮ॒ಹೀ ಬೃ॑ಹ॒ತೀ ರೋದ॑ಸೀ॒ಮೇ ವಿಶ್ವಾ᳚ ತೇ॒ ಧಾಮ॑ ವರುಣ ಪ್ರಿ॒ಯಾಣಿ॑ ||{7.87.2}, {7.5.17.2}, {5.6.9.2} |
| 699 | ಪರಿ॒ ಸ್ಪಶೋ॒ ವರು॑ಣಸ್ಯ॒ ಸ್ಮದಿ॑ಷ್ಟಾ ಉ॒ಭೇ ಪ॑ಶ್ಯಂತಿ॒ ರೋದ॑ಸೀ ಸು॒ಮೇಕೇ᳚ | ಋ॒ತಾವಾ᳚ನಃ ಕ॒ವಯೋ᳚ ಯ॒ಜ್ಞಧೀ᳚ರಾಃ॒ ಪ್ರಚೇ᳚ತಸೋ॒ ಯ ಇ॒ಷಯಂ᳚ತ॒ ಮನ್ಮ॑ ||{7.87.3}, {7.5.17.3}, {5.6.9.3} |
| 700 | ಉ॒ವಾಚ॑ ಮೇ॒ ವರು॑ಣೋ॒ ಮೇಧಿ॑ರಾಯ॒ ತ್ರಿಃ ಸ॒ಪ್ತ ನಾಮಾಘ್ನ್ಯಾ᳚ ಬಿಭರ್ತಿ | ವಿ॒ದ್ವಾನ್ಪ॒ದಸ್ಯ॒ ಗುಹ್ಯಾ॒ ನ ವೋ᳚ಚದ್ಯು॒ಗಾಯ॒ ವಿಪ್ರ॒ ಉಪ॑ರಾಯ॒ ಶಿಕ್ಷ॑ನ್ ||{7.87.4}, {7.5.17.4}, {5.6.9.4} |
| 701 | ತಿ॒ಸ್ರೋ ದ್ಯಾವೋ॒ ನಿಹಿ॑ತಾ ಅಂ॒ತರ॑ಸ್ಮಿಂತಿ॒ಸ್ರೋ ಭೂಮೀ॒ರುಪ॑ರಾಃ॒ ಷಡ್ವಿ॑ಧಾನಾಃ | ಗೃತ್ಸೋ॒ ರಾಜಾ॒ ವರು॑ಣಶ್ಚಕ್ರ ಏ॒ತಂ ದಿ॒ವಿ ಪ್ರೇಂ॒ಖಂ ಹಿ॑ರ॒ಣ್ಯಯಂ᳚ ಶು॒ಭೇ ಕಂ ||{7.87.5}, {7.5.17.5}, {5.6.9.5} |
| 702 | ಅವ॒ ಸಿಂಧುಂ॒ ವರು॑ಣೋ॒ ದ್ಯೌರಿ॑ವ ಸ್ಥಾದ್ದ್ರ॒ಪ್ಸೋ ನ ಶ್ವೇ॒ತೋ ಮೃ॒ಗಸ್ತುವಿ॑ಷ್ಮಾನ್ | ಗಂ॒ಭೀ॒ರಶಂ᳚ಸೋ॒ ರಜ॑ಸೋ ವಿ॒ಮಾನಃ॑ ಸುಪಾ॒ರಕ್ಷ॑ತ್ರಃ ಸ॒ತೋ ಅ॒ಸ್ಯ ರಾಜಾ᳚ ||{7.87.6}, {7.5.17.6}, {5.6.9.6} |
| 703 | ಯೋ ಮೃ॒ಳಯಾ᳚ತಿ ಚ॒ಕ್ರುಷೇ᳚ ಚಿ॒ದಾಗೋ᳚ ವ॒ಯಂ ಸ್ಯಾ᳚ಮ॒ ವರು॑ಣೇ॒ ಅನಾ᳚ಗಾಃ | ಅನು᳚ ವ್ರ॒ತಾನ್ಯದಿ॑ತೇರೃ॒ಧಂತೋ᳚ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.87.7}, {7.5.17.7}, {5.6.9.7} |
| [88] (1-7) ಅಷ್ಟರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವರುಣೋ ದೇವತಾ | ತ್ರಿಷ್ಟುಪ್ ಛಂದಃ || | |
| 704 | ಪ್ರ ಶುಂ॒ಧ್ಯುವಂ॒ ವರು॑ಣಾಯ॒ ಪ್ರೇಷ್ಠಾಂ᳚ ಮ॒ತಿಂ ವ॑ಸಿಷ್ಠ ಮೀ॒ಳ್ಹುಷೇ᳚ ಭರಸ್ವ | ಯ ಈ᳚ಮ॒ರ್ವಾಂಚಂ॒ ಕರ॑ತೇ॒ ಯಜ॑ತ್ರಂ ಸ॒ಹಸ್ರಾ᳚ಮಘಂ॒ ವೃಷ॑ಣಂ ಬೃ॒ಹಂತಂ᳚ ||{7.88.1}, {7.5.18.1}, {5.6.10.1} |
| 705 | ಅಧಾ॒ ನ್ವ॑ಸ್ಯ ಸಂ॒ದೃಶಂ᳚ ಜಗ॒ನ್ವಾನ॒ಗ್ನೇರನೀ᳚ಕಂ॒ ವರು॑ಣಸ್ಯ ಮಂಸಿ | ಸ್ವ೧॑(ಅ॒)'ರ್ಯದಶ್ಮ᳚ನ್ನಧಿ॒ಪಾ ಉ॒ ಅಂಧೋ॒ಽಭಿ ಮಾ॒ ವಪು॑ರ್ದೃ॒ಶಯೇ᳚ ನಿನೀಯಾತ್ ||{7.88.2}, {7.5.18.2}, {5.6.10.2} |
| 706 | ಆ ಯದ್ರು॒ಹಾವ॒ ವರು॑ಣಶ್ಚ॒ ನಾವಂ॒ ಪ್ರ ಯತ್ಸ॑ಮು॒ದ್ರಮೀ॒ರಯಾ᳚ವ॒ ಮಧ್ಯಂ᳚ | ಅಧಿ॒ ಯದ॒ಪಾಂ ಸ್ನುಭಿ॒ಶ್ಚರಾ᳚ವ॒ ಪ್ರ ಪ್ರೇಂ॒ಖ ಈಂ᳚ಖಯಾವಹೈ ಶು॒ಭೇ ಕಂ ||{7.88.3}, {7.5.18.3}, {5.6.10.3} |
| 707 | ವಸಿ॑ಷ್ಠಂ ಹ॒ ವರು॑ಣೋ ನಾ॒ವ್ಯಾಧಾ॒ದೃಷಿಂ᳚ ಚಕಾರ॒ ಸ್ವಪಾ॒ ಮಹೋ᳚ಭಿಃ | ಸ್ತೋ॒ತಾರಂ॒ ವಿಪ್ರಃ॑ ಸುದಿನ॒ತ್ವೇ ಅಹ್ನಾಂ॒ ಯಾನ್ನು ದ್ಯಾವ॑ಸ್ತ॒ತನ॒ನ್ಯಾದು॒ಷಾಸಃ॑ ||{7.88.4}, {7.5.18.4}, {5.6.10.4} |
| 708 | ಕ್ವ೧॑(ಅ॒) ತ್ಯಾನಿ॑ ನೌ ಸ॒ಖ್ಯಾ ಬ॑ಭೂವುಃ॒ ಸಚಾ᳚ವಹೇ॒ ಯದ॑ವೃ॒ಕಂ ಪು॒ರಾ ಚಿ॑ತ್ | ಬೃ॒ಹಂತಂ॒ ಮಾನಂ᳚ ವರುಣ ಸ್ವಧಾವಃ ಸ॒ಹಸ್ರ॑ದ್ವಾರಂ ಜಗಮಾ ಗೃ॒ಹಂ ತೇ᳚ ||{7.88.5}, {7.5.18.5}, {5.6.10.5} |
| 709 | ಯ ಆ॒ಪಿರ್ನಿತ್ಯೋ᳚ ವರುಣ ಪ್ರಿ॒ಯಃ ಸಂತ್ವಾಮಾಗಾಂ᳚ಸಿ ಕೃ॒ಣವ॒ತ್ಸಖಾ᳚ ತೇ | ಮಾ ತ॒ ಏನ॑ಸ್ವಂತೋ ಯಕ್ಷಿನ್ಭುಜೇಮ ಯಂ॒ಧಿ ಷ್ಮಾ॒ ವಿಪ್ರಃ॑ ಸ್ತುವ॒ತೇ ವರೂ᳚ಥಂ ||{7.88.6}, {7.5.18.6}, {5.6.10.6} |
| 710 | ಧ್ರು॒ವಾಸು॑ ತ್ವಾ॒ಸು ಕ್ಷಿ॒ತಿಷು॑ ಕ್ಷಿ॒ಯಂತೋ॒ ವ್ಯ೧॑(ಅ॒)ಸ್ಮತ್ಪಾಶಂ॒ ವರು॑ಣೋ ಮುಮೋಚತ್ | ಅವೋ᳚ ವನ್ವಾ॒ನಾ ಅದಿ॑ತೇರು॒ಪಸ್ಥಾ᳚ದ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.88.7}, {7.5.18.7}, {5.6.10.7} |
| [89] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವರುಣೋ ದೇವತಾ | (1-4) ಪ್ರಥಮಾದಿಚತುರ್‌ಋಚಾಂ ಗಾಯತ್ರೀ, (5) ಪಂಚಮ್ಯಾಶ್ಚ ಜಗತೀ ಛಂದಸೀ || | |
| 711 | ಮೋ ಷು ವ॑ರುಣ ಮೃ॒ನ್ಮಯಂ᳚ ಗೃ॒ಹಂ ರಾ᳚ಜನ್ನ॒ಹಂ ಗ॑ಮಂ | ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ ||{7.89.1}, {7.5.19.1}, {5.6.11.1} |
| 712 | ಯದೇಮಿ॑ ಪ್ರಸ್ಫು॒ರನ್ನಿ॑ವ॒ ದೃತಿ॒ರ್ನ ಧ್ಮಾ॒ತೋ ಅ॑ದ್ರಿವಃ | ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ ||{7.89.2}, {7.5.19.2}, {5.6.11.2} |
| 713 | ಕ್ರತ್ವಃ॑ ಸಮಹ ದೀ॒ನತಾ᳚ ಪ್ರತೀ॒ಪಂ ಜ॑ಗಮಾ ಶುಚೇ | ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ ||{7.89.3}, {7.5.19.3}, {5.6.11.3} |
| 714 | ಅ॒ಪಾಂ ಮಧ್ಯೇ᳚ ತಸ್ಥಿ॒ವಾಂಸಂ॒ ತೃಷ್ಣಾ᳚ವಿದಜ್ಜರಿ॒ತಾರಂ᳚ | ಮೃ॒ಳಾ ಸು॑ಕ್ಷತ್ರ ಮೃ॒ಳಯ॑ ||{7.89.4}, {7.5.19.4}, {5.6.11.4} |
| 715 | ಯತ್ಕಿಂ ಚೇ॒ದಂ ವ॑ರುಣ॒ ದೈವ್ಯೇ॒ ಜನೇ᳚ಽಭಿದ್ರೋ॒ಹಂ ಮ॑ನು॒ಷ್ಯಾ॒೩॑(ಆ॒)ಶ್ಚರಾ᳚ಮಸಿ | ಅಚಿ॑ತ್ತೀ॒ ಯತ್ತವ॒ ಧರ್ಮಾ᳚ ಯುಯೋಪಿ॒ಮ ಮಾ ನ॒ಸ್ತಸ್ಮಾ॒ದೇನ॑ಸೋ ದೇವ ರೀರಿಷಃ ||{7.89.5}, {7.5.19.5}, {5.6.11.5} |
| [90] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-4) ಪ್ರಥಮಾದಿಚತುರ್‌ಋಚಾಮಾ, ವಾಯುಃ, (5-7) ಪಂಚಮ್ಯಾದಿತೃಚಸ್ಯ ಚೇಂದ್ರವಾಯೂ ದೇವತೇ | ತ್ರಿಷ್ಟುಪ್ ಛಂದಃ || | |
| 716 | ಪ್ರ ವೀ᳚ರ॒ಯಾ ಶುಚ॑ಯೋ ದದ್ರಿರೇ ವಾಮಧ್ವ॒ರ್ಯುಭಿ॒ರ್ಮಧು॑ಮಂತಃ ಸು॒ತಾಸಃ॑ | ವಹ॑ ವಾಯೋ ನಿ॒ಯುತೋ᳚ ಯಾ॒ಹ್ಯಚ್ಛಾ॒ ಪಿಬಾ᳚ ಸು॒ತಸ್ಯಾಂಧ॑ಸೋ॒ ಮದಾ᳚ಯ ||{7.90.1}, {7.6.1.1}, {5.6.12.1} |
| 717 | ಈ॒ಶಾ॒ನಾಯ॒ ಪ್ರಹು॑ತಿಂ॒ ಯಸ್ತ॒ ಆನ॒ಟ್ ಛುಚಿಂ॒ ಸೋಮಂ᳚ ಶುಚಿಪಾ॒ಸ್ತುಭ್ಯಂ᳚ ವಾಯೋ | ಕೃ॒ಣೋಷಿ॒ ತಂ ಮರ್ತ್ಯೇ᳚ಷು ಪ್ರಶ॒ಸ್ತಂ ಜಾ॒ತೋಜಾ᳚ತೋ ಜಾಯತೇ ವಾ॒ಜ್ಯ॑ಸ್ಯ ||{7.90.2}, {7.6.1.2}, {5.6.12.2} |
| 718 | ರಾ॒ಯೇ ನು ಯಂ ಜ॒ಜ್ಞತೂ॒ ರೋದ॑ಸೀ॒ಮೇ ರಾ॒ಯೇ ದೇ॒ವೀ ಧಿ॒ಷಣಾ᳚ ಧಾತಿ ದೇ॒ವಂ | ಅಧ॑ ವಾ॒ಯುಂ ನಿ॒ಯುತಃ॑ ಸಶ್ಚತ॒ ಸ್ವಾ ಉ॒ತ ಶ್ವೇ॒ತಂ ವಸು॑ಧಿತಿಂ ನಿರೇ॒ಕೇ ||{7.90.3}, {7.6.1.3}, {5.6.12.3} |
| 719 | ಉ॒ಚ್ಛನ್ನು॒ಷಸಃ॑ ಸು॒ದಿನಾ᳚ ಅರಿ॒ಪ್ರಾ ಉ॒ರು ಜ್ಯೋತಿ᳚ರ್ವಿವಿದು॒ರ್ದೀಧ್ಯಾ᳚ನಾಃ | ಗವ್ಯಂ᳚ ಚಿದೂ॒ರ್ವಮು॒ಶಿಜೋ॒ ವಿ ವ᳚ವ್ರು॒ಸ್ತೇಷಾ॒ಮನು॑ ಪ್ರ॒ದಿವಃ॑ ಸಸ್ರು॒ರಾಪಃ॑ ||{7.90.4}, {7.6.1.4}, {5.6.12.4} |
| 720 | ತೇ ಸ॒ತ್ಯೇನ॒ ಮನ॑ಸಾ॒ ದೀಧ್ಯಾ᳚ನಾಃ॒ ಸ್ವೇನ॑ ಯು॒ಕ್ತಾಸಃ॒ ಕ್ರತು॑ನಾ ವಹಂತಿ | ಇಂದ್ರ॑ವಾಯೂ ವೀರ॒ವಾಹಂ॒ ರಥಂ᳚ ವಾಮೀಶಾ॒ನಯೋ᳚ರ॒ಭಿ ಪೃಕ್ಷಃ॑ ಸಚಂತೇ ||{7.90.5}, {7.6.1.5}, {5.6.12.5} |
| 721 | ಈ॒ಶಾ॒ನಾಸೋ॒ ಯೇ ದಧ॑ತೇ॒ ಸ್ವ᳚ರ್ಣೋ॒ ಗೋಭಿ॒ರಶ್ವೇ᳚ಭಿ॒ರ್ವಸು॑ಭಿ॒ರ್ಹಿರ᳚ಣ್ಯೈಃ | ಇಂದ್ರ॑ವಾಯೂ ಸೂ॒ರಯೋ॒ ವಿಶ್ವ॒ಮಾಯು॒ರರ್ವ॑ದ್ಭಿರ್ವೀ॒ರೈಃ ಪೃತ॑ನಾಸು ಸಹ್ಯುಃ ||{7.90.6}, {7.6.1.6}, {5.6.12.6} |
| 722 | ಅರ್ವಂ᳚ತೋ॒ ನ ಶ್ರವ॑ಸೋ॒ ಭಿಕ್ಷ॑ಮಾಣಾ ಇಂದ್ರವಾ॒ಯೂ ಸು॑ಷ್ಟು॒ತಿಭಿ॒ರ್ವಸಿ॑ಷ್ಠಾಃ | ವಾ॒ಜ॒ಯಂತಃ॒ ಸ್ವವ॑ಸೇ ಹುವೇಮ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.90.7}, {7.6.1.7}, {5.6.12.7} |
| [91] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1, 3) ಪ್ರಥಮಾತೃತೀಯಯೋರ್‌ಋಚೋರ್ವಾಯಃ, (2, 4-7) ದ್ವಿತೀಯಾಯಾಶ್ಚತುರ್ಥ್ಯಾದಿಚತಸೃಣಾಂಚೇಂದ್ರವಾಯೂ ದೇವತೇ | ತ್ರಿಷ್ಟುಪ್ ಛಂದಃ || | |
| 723 | ಕು॒ವಿದಂ॒ಗ ನಮ॑ಸಾ॒ ಯೇ ವೃ॒ಧಾಸಃ॑ ಪು॒ರಾ ದೇ॒ವಾ ಅ॑ನವ॒ದ್ಯಾಸ॒ ಆಸ॑ನ್ | ತೇ ವಾ॒ಯವೇ॒ ಮನ॑ವೇ ಬಾಧಿ॒ತಾಯಾವಾ᳚ಸಯನ್ನು॒ಷಸಂ॒ ಸೂರ್ಯೇ᳚ಣ ||{7.91.1}, {7.6.2.1}, {5.6.13.1} |
| 724 | ಉ॒ಶಂತಾ᳚ ದೂ॒ತಾ ನ ದಭಾ᳚ಯ ಗೋ॒ಪಾ ಮಾ॒ಸಶ್ಚ॑ ಪಾ॒ಥಃ ಶ॒ರದ॑ಶ್ಚ ಪೂ॒ರ್ವೀಃ | ಇಂದ್ರ॑ವಾಯೂ ಸುಷ್ಟು॒ತಿರ್ವಾ᳚ಮಿಯಾ॒ನಾ ಮಾ᳚ರ್ಡೀ॒ಕಮೀ᳚ಟ್ಟೇ ಸುವಿ॒ತಂ ಚ॒ ನವ್ಯಂ᳚ ||{7.91.2}, {7.6.2.2}, {5.6.13.2} |
| 725 | ಪೀವೋ᳚ಅನ್ನಾಁ ರಯಿ॒ವೃಧಃ॑ ಸುಮೇ॒ಧಾಃ ಶ್ವೇ॒ತಃ ಸಿ॑ಷಕ್ತಿ ನಿ॒ಯುತಾ᳚ಮಭಿ॒ಶ್ರೀಃ | ತೇ ವಾ॒ಯವೇ॒ ಸಮ॑ನಸೋ॒ ವಿ ತ॑ಸ್ಥು॒ರ್ವಿಶ್ವೇನ್ನರಃ॑ ಸ್ವಪ॒ತ್ಯಾನಿ॑ ಚಕ್ರುಃ ||{7.91.3}, {7.6.2.3}, {5.6.13.3} |
| 726 | ಯಾವ॒ತ್ತರ॑ಸ್ತ॒ನ್ವೋ॒೩॑(ಓ॒) ಯಾವ॒ದೋಜೋ॒ ಯಾವ॒ನ್ನರ॒ಶ್ಚಕ್ಷ॑ಸಾ॒ ದೀಧ್ಯಾ᳚ನಾಃ | ಶುಚಿಂ॒ ಸೋಮಂ᳚ ಶುಚಿಪಾ ಪಾತಮ॒ಸ್ಮೇ ಇಂದ್ರ॑ವಾಯೂ॒ ಸದ॑ತಂ ಬ॒ರ್ಹಿರೇದಂ ||{7.91.4}, {7.6.2.4}, {5.6.13.4} |
| 727 | ನಿ॒ಯು॒ವಾ॒ನಾ ನಿ॒ಯುತಃ॑ ಸ್ಪಾ॒ರ್ಹವೀ᳚ರಾ॒ ಇಂದ್ರ॑ವಾಯೂ ಸ॒ರಥಂ᳚ ಯಾತಮ॒ರ್ವಾಕ್ | ಇ॒ದಂ ಹಿ ವಾಂ॒ ಪ್ರಭೃ॑ತಂ॒ ಮಧ್ವೋ॒ ಅಗ್ರ॒ಮಧ॑ ಪ್ರೀಣಾ॒ನಾ ವಿ ಮು॑ಮುಕ್ತಮ॒ಸ್ಮೇ ||{7.91.5}, {7.6.2.5}, {5.6.13.5} |
| 728 | ಯಾ ವಾಂ᳚ ಶ॒ತಂ ನಿ॒ಯುತೋ॒ ಯಾಃ ಸ॒ಹಸ್ರ॒ಮಿಂದ್ರ॑ವಾಯೂ ವಿ॒ಶ್ವವಾ᳚ರಾಃ॒ ಸಚಂ᳚ತೇ | ಆಭಿ᳚ರ್ಯಾತಂ ಸುವಿ॒ದತ್ರಾ᳚ಭಿರ॒ರ್ವಾಕ್ಪಾ॒ತಂ ನ॑ರಾ॒ ಪ್ರತಿ॑ಭೃತಸ್ಯ॒ ಮಧ್ವಃ॑ ||{7.91.6}, {7.6.2.6}, {5.6.13.6} |
| 729 | ಅರ್ವಂ᳚ತೋ॒ ನ ಶ್ರವ॑ಸೋ॒ ಭಿಕ್ಷ॑ಮಾಣಾ ಇಂದ್ರವಾ॒ಯೂ ಸು॑ಷ್ಟು॒ತಿಭಿ॒ರ್ವಸಿ॑ಷ್ಠಾಃ | ವಾ॒ಜ॒ಯಂತಃ॒ ಸ್ವವ॑ಸೇ ಹುವೇಮ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.91.7}, {7.6.2.7}, {5.6.13.7} |
| [92] (1-5) ಪಂಚರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1, 3, 5) ಪ್ರಥಮಾತೃತೀಯಾಪಂಚಮೀನಾಮೃಚಾಂ ವಾಯುಃ, (2, 4) ದ್ವಿತೀಯಾಚತುರ್ಯೋಶ್ಚ ದ್ರವಾಯೂ ದೇವತೇ | ತ್ರಿಷ್ಟುಪ್ ಛಂದಃ || | |
| 730 | ಆ ವಾ᳚ಯೋ ಭೂಷ ಶುಚಿಪಾ॒ ಉಪ॑ ನಃ ಸ॒ಹಸ್ರಂ᳚ ತೇ ನಿ॒ಯುತೋ᳚ ವಿಶ್ವವಾರ | ಉಪೋ᳚ ತೇ॒ ಅಂಧೋ॒ ಮದ್ಯ॑ಮಯಾಮಿ॒ ಯಸ್ಯ॑ ದೇವ ದಧಿ॒ಷೇ ಪೂ᳚ರ್ವ॒ಪೇಯಂ᳚ ||{7.92.1}, {7.6.3.1}, {5.6.14.1} |
| 731 | ಪ್ರ ಸೋತಾ᳚ ಜೀ॒ರೋ ಅ॑ಧ್ವ॒ರೇಷ್ವ॑ಸ್ಥಾ॒ತ್ಸೋಮ॒ಮಿಂದ್ರಾ᳚ಯ ವಾ॒ಯವೇ॒ ಪಿಬ॑ಧ್ಯೈ | ಪ್ರ ಯದ್ವಾಂ॒ ಮಧ್ವೋ᳚ ಅಗ್ರಿ॒ಯಂ ಭರಂ᳚ತ್ಯಧ್ವ॒ರ್ಯವೋ᳚ ದೇವ॒ಯಂತಃ॒ ಶಚೀ᳚ಭಿಃ ||{7.92.2}, {7.6.3.2}, {5.6.14.2} |
| 732 | ಪ್ರ ಯಾಭಿ॒ರ್ಯಾಸಿ॑ ದಾ॒ಶ್ವಾಂಸ॒ಮಚ್ಛಾ᳚ ನಿ॒ಯುದ್ಭಿ᳚ರ್ವಾಯವಿ॒ಷ್ಟಯೇ᳚ ದುರೋ॒ಣೇ | ನಿ ನೋ᳚ ರ॒ಯಿಂ ಸು॒ಭೋಜ॑ಸಂ ಯುವಸ್ವ॒ ನಿ ವೀ॒ರಂ ಗವ್ಯ॒ಮಶ್ವ್ಯಂ᳚ ಚ॒ ರಾಧಃ॑ ||{7.92.3}, {7.6.3.3}, {5.6.14.3} |
| 733 | ಯೇ ವಾ॒ಯವ॑ ಇಂದ್ರ॒ಮಾದ॑ನಾಸ॒ ಆದೇ᳚ವಾಸೋ ನಿ॒ತೋಶ॑ನಾಸೋ ಅ॒ರ್ಯಃ | ಘ್ನಂತೋ᳚ ವೃ॒ತ್ರಾಣಿ॑ ಸೂ॒ರಿಭಿಃ॑ ಷ್ಯಾಮ ಸಾಸ॒ಹ್ವಾಂಸೋ᳚ ಯು॒ಧಾ ನೃಭಿ॑ರ॒ಮಿತ್ರಾ॑ನ್ ||{7.92.4}, {7.6.3.4}, {5.6.14.4} |
| 734 | ಆ ನೋ᳚ ನಿ॒ಯುದ್ಭಿಃ॑ ಶ॒ತಿನೀ᳚ಭಿರಧ್ವ॒ರಂ ಸ॑ಹ॒ಸ್ರಿಣೀ᳚ಭಿ॒ರುಪ॑ ಯಾಹಿ ಯ॒ಜ್ಞಂ | ವಾಯೋ᳚ ಅ॒ಸ್ಮಿನ್ಸವ॑ನೇ ಮಾದಯಸ್ವ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.92.5}, {7.6.3.5}, {5.6.14.5} |
| [93] (1-8) ಅಷ್ಟರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರಾಗ್ನೀ ದೇವತೇ | ತ್ರಿಷ್ಟುಪ್ ಛಂದಃ || | |
| 735 | ಶುಚಿಂ॒ ನು ಸ್ತೋಮಂ॒ ನವ॑ಜಾತಮ॒ದ್ಯೇಂದ್ರಾ᳚ಗ್ನೀ ವೃತ್ರಹಣಾ ಜು॒ಷೇಥಾಂ᳚ | ಉ॒ಭಾ ಹಿ ವಾಂ᳚ ಸು॒ಹವಾ॒ ಜೋಹ॑ವೀಮಿ॒ ತಾ ವಾಜಂ᳚ ಸ॒ದ್ಯ ಉ॑ಶ॒ತೇ ಧೇಷ್ಠಾ᳚ ||{7.93.1}, {7.6.4.1}, {5.6.15.1} |
| 736 | ತಾ ಸಾ᳚ನ॒ಸೀ ಶ॑ವಸಾನಾ॒ ಹಿ ಭೂ॒ತಂ ಸಾ᳚ಕಂ॒ವೃಧಾ॒ ಶವ॑ಸಾ ಶೂಶು॒ವಾಂಸಾ᳚ | ಕ್ಷಯಂ᳚ತೌ ರಾ॒ಯೋ ಯವ॑ಸಸ್ಯ॒ ಭೂರೇಃ᳚ ಪೃಂ॒ಕ್ತಂ ವಾಜ॑ಸ್ಯ॒ ಸ್ಥವಿ॑ರಸ್ಯ॒ ಘೃಷ್ವೇಃ᳚ ||{7.93.2}, {7.6.4.2}, {5.6.15.2} |
| 737 | ಉಪೋ᳚ ಹ॒ ಯದ್ವಿ॒ದಥಂ᳚ ವಾ॒ಜಿನೋ॒ ಗುರ್ಧೀ॒ಭಿರ್ವಿಪ್ರಾಃ॒ ಪ್ರಮ॑ತಿಮಿ॒ಚ್ಛಮಾ᳚ನಾಃ | ಅರ್ವಂ᳚ತೋ॒ ನ ಕಾಷ್ಠಾಂ॒ ನಕ್ಷ॑ಮಾಣಾ ಇಂದ್ರಾ॒ಗ್ನೀ ಜೋಹು॑ವತೋ॒ ನರ॒ಸ್ತೇ ||{7.93.3}, {7.6.4.3}, {5.6.15.3} |
| 738 | ಗೀ॒ರ್ಭಿರ್ವಿಪ್ರಃ॒ ಪ್ರಮ॑ತಿಮಿ॒ಚ್ಛಮಾ᳚ನ॒ ಈಟ್ಟೇ᳚ ರ॒ಯಿಂ ಯ॒ಶಸಂ᳚ ಪೂರ್ವ॒ಭಾಜಂ᳚ | ಇಂದ್ರಾ᳚ಗ್ನೀ ವೃತ್ರಹಣಾ ಸುವಜ್ರಾ॒ ಪ್ರ ನೋ॒ ನವ್ಯೇ᳚ಭಿಸ್ತಿರತಂ ದೇ॒ಷ್ಣೈಃ ||{7.93.4}, {7.6.4.4}, {5.6.15.4} |
| 739 | ಸಂ ಯನ್ಮ॒ಹೀ ಮಿ॑ಥ॒ತೀ ಸ್ಪರ್ಧ॑ಮಾನೇ ತನೂ॒ರುಚಾ॒ ಶೂರ॑ಸಾತಾ॒ ಯತೈ᳚ತೇ | ಅದೇ᳚ವಯುಂ ವಿ॒ದಥೇ᳚ ದೇವ॒ಯುಭಿಃ॑ ಸ॒ತ್ರಾ ಹ॑ತಂ ಸೋಮ॒ಸುತಾ॒ ಜನೇ᳚ನ ||{7.93.5}, {7.6.4.5}, {5.6.15.5} |
| 740 | ಇ॒ಮಾಮು॒ ಷು ಸೋಮ॑ಸುತಿ॒ಮುಪ॑ ನ॒ ಏಂದ್ರಾ᳚ಗ್ನೀ ಸೌಮನ॒ಸಾಯ॑ ಯಾತಂ | ನೂ ಚಿ॒ದ್ಧಿ ಪ॑ರಿಮ॒ಮ್ನಾಥೇ᳚ ಅ॒ಸ್ಮಾನಾ ವಾಂ॒ ಶಶ್ವ॑ದ್ಭಿರ್ವವೃತೀಯ॒ ವಾಜೈಃ᳚ ||{7.93.6}, {7.6.4.6}, {5.6.16.1} |
| 741 | ಸೋ ಅ॑ಗ್ನ ಏ॒ನಾ ನಮ॑ಸಾ॒ ಸಮಿ॒ದ್ಧೋಽಚ್ಛಾ᳚ ಮಿ॒ತ್ರಂ ವರು॑ಣ॒ಮಿಂದ್ರಂ᳚ ವೋಚೇಃ | ಯತ್ಸೀ॒ಮಾಗ॑ಶ್ಚಕೃ॒ಮಾ ತತ್ಸು ಮೃ॑ಳ॒ ತದ᳚ರ್ಯ॒ಮಾದಿ॑ತಿಃ ಶಿಶ್ರಥಂತು ||{7.93.7}, {7.6.4.7}, {5.6.16.2} |
| 742 | ಏ॒ತಾ ಅ॑ಗ್ನ ಆಶುಷಾ॒ಣಾಸ॑ ಇ॒ಷ್ಟೀರ್ಯು॒ವೋಃ ಸಚಾ॒ಭ್ಯ॑ಶ್ಯಾಮ॒ ವಾಜಾ॑ನ್ | ಮೇಂದ್ರೋ᳚ ನೋ॒ ವಿಷ್ಣು᳚ರ್ಮ॒ರುತಃ॒ ಪರಿ॑ ಖ್ಯನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.93.8}, {7.6.4.8}, {5.6.16.3} |
| [94] (1-12) ದ್ವಾದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಇಂದ್ರಾಗ್ನೀ ದೇವತೇ | (1-11) ಪ್ರಥಮಾದ್ಯೇಕಾದಶೋಂ ಗಾಯತ್ರೀ, (12) ದ್ವಾದಶ್ಯಾಶ್ಚಾನುಷ್ಟಪ್ ಛಂದಸೀ || | |
| 743 | ಇ॒ಯಂ ವಾ᳚ಮ॒ಸ್ಯ ಮನ್ಮ॑ನ॒ ಇಂದ್ರಾ᳚ಗ್ನೀ ಪೂ॒ರ್ವ್ಯಸ್ತು॑ತಿಃ | ಅ॒ಭ್ರಾದ್ವೃ॒ಷ್ಟಿರಿ॑ವಾಜನಿ ||{7.94.1}, {7.6.5.1}, {5.6.17.1} |
| 744 | ಶೃ॒ಣು॒ತಂ ಜ॑ರಿ॒ತುರ್ಹವ॒ಮಿಂದ್ರಾ᳚ಗ್ನೀ॒ ವನ॑ತಂ॒ ಗಿರಃ॑ | ಈ॒ಶಾ॒ನಾ ಪಿ॑ಪ್ಯತಂ॒ ಧಿಯಃ॑ ||{7.94.2}, {7.6.5.2}, {5.6.17.2} |
| 745 | ಮಾ ಪಾ᳚ಪ॒ತ್ವಾಯ॑ ನೋ ನ॒ರೇಂದ್ರಾ᳚ಗ್ನೀ॒ ಮಾಭಿಶ॑ಸ್ತಯೇ | ಮಾ ನೋ᳚ ರೀರಧತಂ ನಿ॒ದೇ ||{7.94.3}, {7.6.5.3}, {5.6.17.3} |
| 746 | ಇಂದ್ರೇ᳚ ಅ॒ಗ್ನಾ ನಮೋ᳚ ಬೃ॒ಹತ್ಸು॑ವೃ॒ಕ್ತಿಮೇರ॑ಯಾಮಹೇ | ಧಿ॒ಯಾ ಧೇನಾ᳚ ಅವ॒ಸ್ಯವಃ॑ ||{7.94.4}, {7.6.5.4}, {5.6.17.4} |
| 747 | ತಾ ಹಿ ಶಶ್ವಂ᳚ತ॒ ಈಳ॑ತ ಇ॒ತ್ಥಾ ವಿಪ್ರಾ᳚ಸ ಊ॒ತಯೇ᳚ | ಸ॒ಬಾಧೋ॒ ವಾಜ॑ಸಾತಯೇ ||{7.94.5}, {7.6.5.5}, {5.6.17.5} |
| 748 | ತಾ ವಾಂ᳚ ಗೀ॒ರ್ಭಿರ್ವಿ॑ಪ॒ನ್ಯವಃ॒ ಪ್ರಯ॑ಸ್ವಂತೋ ಹವಾಮಹೇ | ಮೇ॒ಧಸಾ᳚ತಾ ಸನಿ॒ಷ್ಯವಃ॑ ||{7.94.6}, {7.6.5.6}, {5.6.17.6} |
| 749 | ಇಂದ್ರಾ᳚ಗ್ನೀ॒ ಅವ॒ಸಾ ಗ॑ತಮ॒ಸ್ಮಭ್ಯಂ᳚ ಚರ್ಷಣೀಸಹಾ | ಮಾ ನೋ᳚ ದುಃ॒ಶಂಸ॑ ಈಶತ ||{7.94.7}, {7.6.5.7}, {5.6.18.1} |
| 750 | ಮಾ ಕಸ್ಯ॑ ನೋ॒ ಅರ॑ರುಷೋ ಧೂ॒ರ್ತಿಃ ಪ್ರಣ॒ಙ್ಮರ್ತ್ಯ॑ಸ್ಯ | ಇಂದ್ರಾ᳚ಗ್ನೀ॒ ಶರ್ಮ॑ ಯಚ್ಛತಂ ||{7.94.8}, {7.6.5.8}, {5.6.18.2} |
| 751 | ಗೋಮ॒ದ್ಧಿರ᳚ಣ್ಯವ॒ದ್ವಸು॒ ಯದ್ವಾ॒ಮಶ್ವಾ᳚ವ॒ದೀಮ॑ಹೇ | ಇಂದ್ರಾ᳚ಗ್ನೀ॒ ತದ್ವ॑ನೇಮಹಿ ||{7.94.9}, {7.6.5.9}, {5.6.18.3} |
| 752 | ಯತ್ಸೋಮ॒ ಆ ಸು॒ತೇ ನರ॑ ಇಂದ್ರಾ॒ಗ್ನೀ ಅಜೋ᳚ಹವುಃ | ಸಪ್ತೀ᳚ವಂತಾ ಸಪ॒ರ್ಯವಃ॑ ||{7.94.10}, {7.6.5.10}, {5.6.18.4} |
| 753 | ಉ॒ಕ್ಥೇಭಿ᳚ರ್ವೃತ್ರ॒ಹಂತ॑ಮಾ॒ ಯಾ ಮಂ᳚ದಾ॒ನಾ ಚಿ॒ದಾ ಗಿ॒ರಾ | ಆಂ॒ಗೂ॒ಷೈರಾ॒ವಿವಾ᳚ಸತಃ ||{7.94.11}, {7.6.5.11}, {5.6.18.5} |
| 754 | ತಾವಿದ್ದುಃ॒ಶಂಸಂ॒ ಮರ್ತ್ಯಂ॒ ದುರ್ವಿ॑ದ್ವಾಂಸಂ ರಕ್ಷ॒ಸ್ವಿನಂ᳚ | ಆ॒ಭೋ॒ಗಂ ಹನ್ಮ॑ನಾ ಹತಮುದ॒ಧಿಂ ಹನ್ಮ॑ನಾ ಹತಂ ||{7.94.12}, {7.6.5.12}, {5.6.18.6} |
| [95] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-2, 4-6) ಪ್ರಥಮಾದ್ವಿತೀಯಯೋರ್‌ಋಚೋಶ್ಚತುರ್ಥ್ಯಾದಿತೃಚಸ್ಯ ಚ ಸರಸ್ವತೀ, (3) ತೃತೀಯಾಯಾಶ್ಚ ಸರಸ್ವಾನ್ ದೇವತೇ | ತ್ರಿಷ್ಟುಪ್ ಛಂದಃ || | |
| 755 | ಪ್ರ ಕ್ಷೋದ॑ಸಾ॒ ಧಾಯ॑ಸಾ ಸಸ್ರ ಏ॒ಷಾ ಸರ॑ಸ್ವತೀ ಧ॒ರುಣ॒ಮಾಯ॑ಸೀ॒ ಪೂಃ | ಪ್ರ॒ಬಾಬ॑ಧಾನಾ ರ॒ಥ್ಯೇ᳚ವ ಯಾತಿ॒ ವಿಶ್ವಾ᳚ ಅ॒ಪೋ ಮ॑ಹಿ॒ನಾ ಸಿಂಧು॑ರ॒ನ್ಯಾಃ ||{7.95.1}, {7.6.6.1}, {5.6.19.1} |
| 756 | ಏಕಾ᳚ಚೇತ॒ತ್ಸರ॑ಸ್ವತೀ ನ॒ದೀನಾಂ॒ ಶುಚಿ᳚ರ್ಯ॒ತೀ ಗಿ॒ರಿಭ್ಯ॒ ಆ ಸ॑ಮು॒ದ್ರಾತ್ | ರಾ॒ಯಶ್ಚೇತಂ᳚ತೀ॒ ಭುವ॑ನಸ್ಯ॒ ಭೂರೇ᳚ರ್ಘೃ॒ತಂ ಪಯೋ᳚ ದುದುಹೇ॒ ನಾಹು॑ಷಾಯ ||{7.95.2}, {7.6.6.2}, {5.6.19.2} |
| 757 | ಸ ವಾ᳚ವೃಧೇ॒ ನರ್ಯೋ॒ ಯೋಷ॑ಣಾಸು॒ ವೃಷಾ॒ ಶಿಶು᳚ರ್ವೃಷ॒ಭೋ ಯ॒ಜ್ಞಿಯಾ᳚ಸು | ಸ ವಾ॒ಜಿನಂ᳚ ಮ॒ಘವ॑ದ್ಭ್ಯೋ ದಧಾತಿ॒ ವಿ ಸಾ॒ತಯೇ᳚ ತ॒ನ್ವಂ᳚ ಮಾಮೃಜೀತ ||{7.95.3}, {7.6.6.3}, {5.6.19.3} |
| 758 | ಉ॒ತ ಸ್ಯಾ ನಃ॒ ಸರ॑ಸ್ವತೀ ಜುಷಾ॒ಣೋಪ॑ ಶ್ರವತ್ಸು॒ಭಗಾ᳚ ಯ॒ಜ್ಣೇ ಅ॒ಸ್ಮಿನ್ | ಮಿ॒ತಜ್ಞು॑ಭಿರ್ನಮ॒ಸ್ಯೈ᳚ರಿಯಾ॒ನಾ ರಾ॒ಯಾ ಯು॒ಜಾ ಚಿ॒ದುತ್ತ॑ರಾ॒ ಸಖಿ॑ಭ್ಯಃ ||{7.95.4}, {7.6.6.4}, {5.6.19.4} |
| 759 | ಇ॒ಮಾ ಜುಹ್ವಾ᳚ನಾ ಯು॒ಷ್ಮದಾ ನಮೋ᳚ಭಿಃ॒ ಪ್ರತಿ॒ ಸ್ತೋಮಂ᳚ ಸರಸ್ವತಿ ಜುಷಸ್ವ | ತವ॒ ಶರ್ಮ᳚ನ್ಪ್ರಿ॒ಯತ॑ಮೇ॒ ದಧಾ᳚ನಾ॒ ಉಪ॑ ಸ್ಥೇಯಾಮ ಶರ॒ಣಂ ನ ವೃ॒ಕ್ಷಂ ||{7.95.5}, {7.6.6.5}, {5.6.19.5} |
| 760 | ಅ॒ಯಮು॑ ತೇ ಸರಸ್ವತಿ॒ ವಸಿ॑ಷ್ಠೋ॒ ದ್ವಾರಾ᳚ವೃ॒ತಸ್ಯ॑ ಸುಭಗೇ॒ ವ್ಯಾ᳚ವಃ | ವರ್ಧ॑ ಶುಭ್ರೇ ಸ್ತುವ॒ತೇ ರಾ᳚ಸಿ॒ ವಾಜಾ᳚ನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.95.6}, {7.6.6.6}, {5.6.19.6} |
| [96] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-3) ಪ್ರಥಮತೃಚಸ್ಯ ಸರಸ್ವತೀ, (4-6) ದ್ವಿತೀಯತೃಚಸ್ಯ ಚ ಸರಸ್ವಾನ್ ದೇವತೇ | (1-2) ಪ್ರಥಮಾದ್ವಿತೀಯಯೋಜೃಚೋಃ ಪ್ರಗಾಥಃ (ಪ್ರಥಮಾಯಾ ಬೃಹತೀ, ದ್ವಿತೀಯಾಯಾಃ ಸತೋಬೃಹತೀ), (3) ತೃತೀಯಾಯಾಃ ಪ್ರಸ್ತಾರಪ‌ಙ್ಕ್ತಿಃ, (4-6) ಚತುರ್ಥ್ಯಾದಿತೃಚಸ್ಯ ಚ ಗಾಯತ್ರೀ ಛಂದಾಂಸಿ || | |
| 761 | ಬೃ॒ಹದು॑ ಗಾಯಿಷೇ॒ ವಚೋ᳚ಽಸು॒ರ್ಯಾ᳚ ನ॒ದೀನಾಂ᳚ | ಸರ॑ಸ್ವತೀ॒ಮಿನ್ಮ॑ಹಯಾ ಸುವೃ॒ಕ್ತಿಭಿಃ॒ ಸ್ತೋಮೈ᳚ರ್ವಸಿಷ್ಠ॒ ರೋದ॑ಸೀ ||{7.96.1}, {7.6.7.1}, {5.6.20.1} |
| 762 | ಉ॒ಭೇ ಯತ್ತೇ᳚ ಮಹಿ॒ನಾ ಶು॑ಭ್ರೇ॒ ಅಂಧ॑ಸೀ ಅಧಿಕ್ಷಿ॒ಯಂತಿ॑ ಪೂ॒ರವಃ॑ | ಸಾ ನೋ᳚ ಬೋಧ್ಯವಿ॒ತ್ರೀ ಮ॒ರುತ್ಸ॑ಖಾ॒ ಚೋದ॒ ರಾಧೋ᳚ ಮ॒ಘೋನಾಂ᳚ ||{7.96.2}, {7.6.7.2}, {5.6.20.2} |
| 763 | ಭ॒ದ್ರಮಿದ್ಭ॒ದ್ರಾ ಕೃ॑ಣವ॒ತ್ಸರ॑ಸ್ವ॒ತ್ಯಕ॑ವಾರೀ ಚೇತತಿ ವಾ॒ಜಿನೀ᳚ವತೀ | ಗೃ॒ಣಾ॒ನಾ ಜ॑ಮದಗ್ನಿ॒ವತ್ಸ್ತು॑ವಾ॒ನಾ ಚ॑ ವಸಿಷ್ಠ॒ವತ್ ||{7.96.3}, {7.6.7.3}, {5.6.20.3} |
| 764 | ಜ॒ನೀ॒ಯಂತೋ॒ ನ್ವಗ್ರ॑ವಃ ಪುತ್ರೀ॒ಯಂತಃ॑ ಸು॒ದಾನ॑ವಃ | ಸರ॑ಸ್ವಂತಂ ಹವಾಮಹೇ ||{7.96.4}, {7.6.7.4}, {5.6.20.4} |
| 765 | ಯೇ ತೇ᳚ ಸರಸ್ವ ಊ॒ರ್ಮಯೋ॒ ಮಧು॑ಮಂತೋ ಘೃತ॒ಶ್ಚುತಃ॑ | ತೇಭಿ᳚ರ್ನೋಽವಿ॒ತಾ ಭ॑ವ ||{7.96.5}, {7.6.7.5}, {5.6.20.5} |
| 766 | ಪೀ॒ಪಿ॒ವಾಂಸಂ॒ ಸರ॑ಸ್ವತಃ॒ ಸ್ತನಂ॒ ಯೋ ವಿ॒ಶ್ವದ॑ರ್ಶತಃ | ಭ॒ಕ್ಷೀ॒ಮಹಿ॑ ಪ್ರ॒ಜಾಮಿಷಂ᳚ ||{7.96.6}, {7.6.7.6}, {5.6.20.6} |
| [97] (1-10) ದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1) ಪ್ರಥಮರ್ಚ ಇಂದ್ರಃ, (2, 4-8) ದ್ವಿತೀಯಾಯಾಶ್ಚತುರ್ಥ್ಯಾದಿಪಂಚಾನಾಂಚ ಬೃಹಸ್ಪತಿಃ, (3, 9) ತೃತೀಯಾನವಮ್ಯೋರಿಂದ್ರಾಬ್ರಹ್ಮಣಸ್ಪತೀ, (10) ದಶಮ್ಯಾಶ್ಚೇಂದ್ರಾಬೃಹಸ್ಪತೀ ದೇವತಾಃ | ತ್ರಿಷ್ಟುಪ್ ಛಂದಃ || | |
| 767 | ಯ॒ಜ್ಞೇ ದಿ॒ವೋ ನೃ॒ಷದ॑ನೇ ಪೃಥಿ॒ವ್ಯಾ ನರೋ॒ ಯತ್ರ॑ ದೇವ॒ಯವೋ॒ ಮದಂ᳚ತಿ | ಇಂದ್ರಾ᳚ಯ॒ ಯತ್ರ॒ ಸವ॑ನಾನಿ ಸು॒ನ್ವೇ ಗಮ॒ನ್ಮದಾ᳚ಯ ಪ್ರಥ॒ಮಂ ವಯ॑ಶ್ಚ ||{7.97.1}, {7.6.8.1}, {5.6.21.1} |
| 768 | ಆ ದೈವ್ಯಾ᳚ ವೃಣೀಮ॒ಹೇಽವಾಂ᳚ಸಿ॒ ಬೃಹ॒ಸ್ಪತಿ᳚ರ್ನೋ ಮಹ॒ ಆ ಸ॑ಖಾಯಃ | ಯಥಾ॒ ಭವೇ᳚ಮ ಮೀ॒ಳ್ಹುಷೇ॒ ಅನಾ᳚ಗಾ॒ ಯೋ ನೋ᳚ ದಾ॒ತಾ ಪ॑ರಾ॒ವತಃ॑ ಪಿ॒ತೇವ॑ ||{7.97.2}, {7.6.8.2}, {5.6.21.2} |
| 769 | ತಮು॒ ಜ್ಯೇಷ್ಠಂ॒ ನಮ॑ಸಾ ಹ॒ವಿರ್ಭಿಃ॑ ಸು॒ಶೇವಂ॒ ಬ್ರಹ್ಮ॑ಣ॒ಸ್ಪತಿಂ᳚ ಗೃಣೀಷೇ | ಇಂದ್ರಂ॒ ಶ್ಲೋಕೋ॒ ಮಹಿ॒ ದೈವ್ಯಃ॑ ಸಿಷಕ್ತು॒ ಯೋ ಬ್ರಹ್ಮ॑ಣೋ ದೇ॒ವಕೃ॑ತಸ್ಯ॒ ರಾಜಾ᳚ ||{7.97.3}, {7.6.8.3}, {5.6.21.3} |
| 770 | ಸ ಆ ನೋ॒ ಯೋನಿಂ᳚ ಸದತು॒ ಪ್ರೇಷ್ಠೋ॒ ಬೃಹ॒ಸ್ಪತಿ᳚ರ್ವಿ॒ಶ್ವವಾ᳚ರೋ॒ ಯೋ ಅಸ್ತಿ॑ | ಕಾಮೋ᳚ ರಾ॒ಯಃ ಸು॒ವೀರ್ಯ॑ಸ್ಯ॒ ತಂ ದಾ॒ತ್ಪರ್ಷ᳚ನ್ನೋ॒ ಅತಿ॑ ಸ॒ಶ್ಚತೋ॒ ಅರಿ॑ಷ್ಟಾನ್ ||{7.97.4}, {7.6.8.4}, {5.6.21.4} |
| 771 | ತಮಾ ನೋ᳚ ಅ॒ರ್ಕಮ॒ಮೃತಾ᳚ಯ॒ ಜುಷ್ಟ॑ಮಿ॒ಮೇ ಧಾ᳚ಸುರ॒ಮೃತಾ᳚ಸಃ ಪುರಾ॒ಜಾಃ | ಶುಚಿ॑ಕ್ರಂದಂ ಯಜ॒ತಂ ಪ॒ಸ್ತ್ಯಾ᳚ನಾಂ॒ ಬೃಹ॒ಸ್ಪತಿ॑ಮನ॒ರ್ವಾಣಂ᳚ ಹುವೇಮ ||{7.97.5}, {7.6.8.5}, {5.6.21.5} |
| 772 | ತಂ ಶ॒ಗ್ಮಾಸೋ᳚ ಅರು॒ಷಾಸೋ॒ ಅಶ್ವಾ॒ ಬೃಹ॒ಸ್ಪತಿಂ᳚ ಸಹ॒ವಾಹೋ᳚ ವಹಂತಿ | ಸಹ॑ಶ್ಚಿ॒ದ್ಯಸ್ಯ॒ ನೀಲ॑ವತ್ಸ॒ಧಸ್ಥಂ॒ ನಭೋ॒ ನ ರೂ॒ಪಮ॑ರು॒ಷಂ ವಸಾ᳚ನಾಃ ||{7.97.6}, {7.6.8.6}, {5.6.22.1} |
| 773 | ಸ ಹಿ ಶುಚಿಃ॑ ಶ॒ತಪ॑ತ್ರಃ॒ ಸ ಶುಂ॒ಧ್ಯುರ್ಹಿರ᳚ಣ್ಯವಾಶೀರಿಷಿ॒ರಃ ಸ್ವ॒ರ್ಷಾಃ | ಬೃಹ॒ಸ್ಪತಿಃ॒ ಸ ಸ್ವಾ᳚ವೇ॒ಶ ಋ॒ಷ್ವಃ ಪು॒ರೂ ಸಖಿ॑ಭ್ಯ ಆಸು॒ತಿಂ ಕರಿ॑ಷ್ಠಃ ||{7.97.7}, {7.6.8.7}, {5.6.22.2} |
| 774 | ದೇ॒ವೀ ದೇ॒ವಸ್ಯ॒ ರೋದ॑ಸೀ॒ ಜನಿ॑ತ್ರೀ॒ ಬೃಹ॒ಸ್ಪತಿಂ᳚ ವಾವೃಧತುರ್ಮಹಿ॒ತ್ವಾ | ದ॒ಕ್ಷಾಯ್ಯಾ᳚ಯ ದಕ್ಷತಾ ಸಖಾಯಃ॒ ಕರ॒ದ್ಬ್ರಹ್ಮ॑ಣೇ ಸು॒ತರಾ᳚ ಸುಗಾ॒ಧಾ ||{7.97.8}, {7.6.8.8}, {5.6.22.3} |
| 775 | ಇ॒ಯಂ ವಾಂ᳚ ಬ್ರಹ್ಮಣಸ್ಪತೇ ಸುವೃ॒ಕ್ತಿರ್ಬ್ರಹ್ಮೇಂದ್ರಾ᳚ಯ ವ॒ಜ್ರಿಣೇ᳚ ಅಕಾರಿ | ಅ॒ವಿ॒ಷ್ಟಂ ಧಿಯೋ᳚ ಜಿಗೃ॒ತಂ ಪುರಂ᳚ಧೀರ್ಜಜ॒ಸ್ತಮ॒ರ್ಯೋ ವ॒ನುಷಾ॒ಮರಾ᳚ತೀಃ ||{7.97.9}, {7.6.8.9}, {5.6.22.4} |
| 776 | ಬೃಹ॑ಸ್ಪತೇ ಯು॒ವಮಿಂದ್ರ॑ಶ್ಚ॒ ವಸ್ವೋ᳚ ದಿ॒ವ್ಯಸ್ಯೇ᳚ಶಾಥೇ ಉ॒ತ ಪಾರ್ಥಿ॑ವಸ್ಯ | ಧ॒ತ್ತಂ ರ॒ಯಿಂ ಸ್ತು॑ವ॒ತೇ ಕೀ॒ರಯೇ᳚ ಚಿದ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.97.10}, {7.6.8.10}, {5.6.22.5} |
| [98] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-6) ಪ್ರಥಮಾದಿಷಡ಼ಚಾಮಿಂದ್ರಃ, (7) ಸಪ್ತಮ್ಯಾಶ್ಚೇಂದ್ರಾಬೃಹಸ್ಪತೀ ದೇವತೇ | ತ್ರಿಷ್ಟುಪ್ ಛಂದಃ || | |
| 777 | ಅಧ್ವ᳚ರ್ಯವೋಽರು॒ಣಂ ದು॒ಗ್ಧಮಂ॒ಶುಂ ಜು॒ಹೋತ॑ನ ವೃಷ॒ಭಾಯ॑ ಕ್ಷಿತೀ॒ನಾಂ | ಗೌ॒ರಾದ್ವೇದೀ᳚ಯಾಁ ಅವ॒ಪಾನ॒ಮಿಂದ್ರೋ᳚ ವಿ॒ಶ್ವಾಹೇದ್ಯಾ᳚ತಿ ಸು॒ತಸೋ᳚ಮಮಿ॒ಚ್ಛನ್ ||{7.98.1}, {7.6.9.1}, {5.6.23.1} |
| 778 | ಯದ್ದ॑ಧಿ॒ಷೇ ಪ್ರ॒ದಿವಿ॒ ಚಾರ್ವನ್ನಂ᳚ ದಿ॒ವೇದಿ॑ವೇ ಪೀ॒ತಿಮಿದ॑ಸ್ಯ ವಕ್ಷಿ | ಉ॒ತ ಹೃ॒ದೋತ ಮನ॑ಸಾ ಜುಷಾ॒ಣ ಉ॒ಶನ್ನಿಂ᳚ದ್ರ॒ ಪ್ರಸ್ಥಿ॑ತಾನ್ಪಾಹಿ॒ ಸೋಮಾ॑ನ್ ||{7.98.2}, {7.6.9.2}, {5.6.23.2} |
| 779 | ಜ॒ಜ್ಞಾ॒ನಃ ಸೋಮಂ॒ ಸಹ॑ಸೇ ಪಪಾಥ॒ ಪ್ರ ತೇ᳚ ಮಾ॒ತಾ ಮ॑ಹಿ॒ಮಾನ॑ಮುವಾಚ | ಏಂದ್ರ॑ ಪಪ್ರಾಥೋ॒ರ್ವ೧॑(ಅ॒)'ನ್ತರಿ॑ಕ್ಷಂ ಯು॒ಧಾ ದೇ॒ವೇಭ್ಯೋ॒ ವರಿ॑ವಶ್ಚಕರ್ಥ ||{7.98.3}, {7.6.9.3}, {5.6.23.3} |
| 780 | ಯದ್ಯೋ॒ಧಯಾ᳚ ಮಹ॒ತೋ ಮನ್ಯ॑ಮಾನಾ॒ನ್ಸಾಕ್ಷಾ᳚ಮ॒ ತಾನ್ಬಾ॒ಹುಭಿಃ॒ ಶಾಶ॑ದಾನಾನ್ | ಯದ್ವಾ॒ ನೃಭಿ॒ರ್ವೃತ॑ ಇಂದ್ರಾಭಿ॒ಯುಧ್ಯಾ॒ಸ್ತಂ ತ್ವಯಾ॒ಜಿಂ ಸೌ᳚ಶ್ರವ॒ಸಂ ಜ॑ಯೇಮ ||{7.98.4}, {7.6.9.4}, {5.6.23.4} |
| 781 | ಪ್ರೇಂದ್ರ॑ಸ್ಯ ವೋಚಂ ಪ್ರಥ॒ಮಾ ಕೃ॒ತಾನಿ॒ ಪ್ರ ನೂತ॑ನಾ ಮ॒ಘವಾ॒ ಯಾ ಚ॒ಕಾರ॑ | ಯ॒ದೇದದೇ᳚ವೀ॒ರಸ॑ಹಿಷ್ಟ ಮಾ॒ಯಾ ಅಥಾ᳚ಭವ॒ತ್ಕೇವ॑ಲಃ॒ ಸೋಮೋ᳚ ಅಸ್ಯ ||{7.98.5}, {7.6.9.5}, {5.6.23.5} |
| 782 | ತವೇ॒ದಂ ವಿಶ್ವ॑ಮ॒ಭಿತಃ॑ ಪಶ॒ವ್ಯ೧॑(ಅ॒) ಅಂಯತ್ಪಶ್ಯ॑ಸಿ॒ ಚಕ್ಷ॑ಸಾ॒ ಸೂರ್ಯ॑ಸ್ಯ | ಗವಾ᳚ಮಸಿ॒ ಗೋಪ॑ತಿ॒ರೇಕ॑ ಇಂದ್ರ ಭಕ್ಷೀ॒ಮಹಿ॑ ತೇ॒ ಪ್ರಯ॑ತಸ್ಯ॒ ವಸ್ವಃ॑ ||{7.98.6}, {7.6.9.6}, {5.6.23.6} |
| 783 | ಬೃಹ॑ಸ್ಪತೇ ಯು॒ವಮಿಂದ್ರ॑ಶ್ಚ॒ ವಸ್ವೋ᳚ ದಿ॒ವ್ಯಸ್ಯೇ᳚ಶಾಥೇ ಉ॒ತ ಪಾರ್ಥಿ॑ವಸ್ಯ | ಧ॒ತ್ತಂ ರ॒ಯಿಂ ಸ್ತು॑ವ॒ತೇ ಕೀ॒ರಯೇ᳚ ಚಿದ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.98.7}, {7.6.9.7}, {5.6.23.7} |
| [99] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-3, 7) ಪ್ರಥಮಾದಿತೃಚಸ್ಯ ಸಪ್ತಮ್ಯಾ ಋಚಶ್ಚ ವಿಷ್ಣುಃ, (4-6) ಚತುರ್ಥ್ಯಾದಿತೃಚಸ್ಯ ಚಂದ್ರಾವಿಷ್ಣೂ ದೇವತೇ | ತ್ರಿಷ್ಟುಪ್ ಛಂದಃ || | |
| 784 | ಪ॒ರೋ ಮಾತ್ರ॑ಯಾ ತ॒ನ್ವಾ᳚ ವೃಧಾನ॒ ನ ತೇ᳚ ಮಹಿ॒ತ್ವಮನ್ವ॑ಶ್ನುವಂತಿ | ಉ॒ಭೇ ತೇ᳚ ವಿದ್ಮ॒ ರಜ॑ಸೀ ಪೃಥಿ॒ವ್ಯಾ ವಿಷ್ಣೋ᳚ ದೇವ॒ ತ್ವಂ ಪ॑ರ॒ಮಸ್ಯ॑ ವಿತ್ಸೇ ||{7.99.1}, {7.6.10.1}, {5.6.24.1} |
| 785 | ನ ತೇ᳚ ವಿಷ್ಣೋ॒ ಜಾಯ॑ಮಾನೋ॒ ನ ಜಾ॒ತೋ ದೇವ॑ ಮಹಿ॒ಮ್ನಃ ಪರ॒ಮಂತ॑ಮಾಪ | ಉದ॑ಸ್ತಭ್ನಾ॒ ನಾಕ॑ಮೃ॒ಷ್ವಂ ಬೃ॒ಹಂತಂ᳚ ದಾ॒ಧರ್ಥ॒ ಪ್ರಾಚೀಂ᳚ ಕ॒ಕುಭಂ᳚ ಪೃಥಿ॒ವ್ಯಾಃ ||{7.99.2}, {7.6.10.2}, {5.6.24.2} |
| 786 | ಇರಾ᳚ವತೀ ಧೇನು॒ಮತೀ॒ ಹಿ ಭೂ॒ತಂ ಸೂ᳚ಯವ॒ಸಿನೀ॒ ಮನು॑ಷೇ ದಶ॒ಸ್ಯಾ | ವ್ಯ॑ಸ್ತಭ್ನಾ॒ ರೋದ॑ಸೀ ವಿಷ್ಣವೇ॒ತೇ ದಾ॒ಧರ್ಥ॑ ಪೃಥಿ॒ವೀಮ॒ಭಿತೋ᳚ ಮ॒ಯೂಖೈಃ᳚ ||{7.99.3}, {7.6.10.3}, {5.6.24.3} |
| 787 | ಉ॒ರುಂ ಯ॒ಜ್ಞಾಯ॑ ಚಕ್ರಥುರು ಲೋ॒ಕಂ ಜ॒ನಯಂ᳚ತಾ॒ ಸೂರ್ಯ॑ಮು॒ಷಾಸ॑ಮ॒ಗ್ನಿಂ | ದಾಸ॑ಸ್ಯ ಚಿದ್ವೃಷಶಿ॒ಪ್ರಸ್ಯ॑ ಮಾ॒ಯಾ ಜ॒ಘ್ನಥು᳚ರ್ನರಾ ಪೃತ॒ನಾಜ್ಯೇ᳚ಷು ||{7.99.4}, {7.6.10.4}, {5.6.24.4} |
| 788 | ಇಂದ್ರಾ᳚ವಿಷ್ಣೂ ದೃಂಹಿ॒ತಾಃ ಶಂಬ॑ರಸ್ಯ॒ ನವ॒ ಪುರೋ᳚ ನವ॒ತಿಂ ಚ॑ ಶ್ನಥಿಷ್ಟಂ | ಶ॒ತಂ ವ॒ರ್ಚಿನಃ॑ ಸ॒ಹಸ್ರಂ᳚ ಚ ಸಾ॒ಕಂ ಹ॒ಥೋ ಅ॑ಪ್ರ॒ತ್ಯಸು॑ರಸ್ಯ ವೀ॒ರಾನ್ ||{7.99.5}, {7.6.10.5}, {5.6.24.5} |
| 789 | ಇ॒ಯಂ ಮ॑ನೀ॒ಷಾ ಬೃ॑ಹ॒ತೀ ಬೃ॒ಹಂತೋ᳚ರುಕ್ರ॒ಮಾ ತ॒ವಸಾ᳚ ವ॒ರ್ಧಯಂ᳚ತೀ | ರ॒ರೇ ವಾಂ॒ ಸ್ತೋಮಂ᳚ ವಿ॒ದಥೇ᳚ಷು ವಿಷ್ಣೋ॒ ಪಿನ್ವ॑ತ॒ಮಿಷೋ᳚ ವೃ॒ಜನೇ᳚ಷ್ವಿಂದ್ರ ||{7.99.6}, {7.6.10.6}, {5.6.24.6} |
| 790 | ವಷ॑ಟ್ ತೇ ವಿಷ್ಣವಾ॒ಸ ಆ ಕೃ॑ಣೋಮಿ॒ ತನ್ಮೇ᳚ ಜುಷಸ್ವ ಶಿಪಿವಿಷ್ಟ ಹ॒ವ್ಯಂ | ವರ್ಧಂ᳚ತು ತ್ವಾ ಸುಷ್ಟು॒ತಯೋ॒ ಗಿರೋ᳚ ಮೇ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.99.7}, {7.6.10.7}, {5.6.24.7} |
| [100] (1-7) ಸಪ್ತರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ವಿಷ್ಣುರ್ದೇರ್ವತಾ ತ್ರಿಷ್ಟುಪ್ ಛಂದಃ || | |
| 791 | ನೂ ಮರ್ತೋ᳚ ದಯತೇ ಸನಿ॒ಷ್ಯನ್ಯೋ ವಿಷ್ಣ॑ವ ಉರುಗಾ॒ಯಾಯ॒ ದಾಶ॑ತ್ | ಪ್ರ ಯಃ ಸ॒ತ್ರಾಚಾ॒ ಮನ॑ಸಾ॒ ಯಜಾ᳚ತ ಏ॒ತಾವಂ᳚ತಂ॒ ನರ್ಯ॑ಮಾ॒ವಿವಾ᳚ಸಾತ್ ||{7.100.1}, {7.6.11.1}, {5.6.25.1} |
| 792 | ತ್ವಂ ವಿ॑ಷ್ಣೋ ಸುಮ॒ತಿಂ ವಿ॒ಶ್ವಜ᳚ನ್ಯಾ॒ಮಪ್ರ॑ಯುತಾಮೇವಯಾವೋ ಮ॒ತಿಂ ದಾಃ᳚ | ಪರ್ಚೋ॒ ಯಥಾ᳚ ನಃ ಸುವಿ॒ತಸ್ಯ॒ ಭೂರೇ॒ರಶ್ವಾ᳚ವತಃ ಪುರುಶ್ಚಂ॒ದ್ರಸ್ಯ॑ ರಾ॒ಯಃ ||{7.100.2}, {7.6.11.2}, {5.6.25.2} |
| 793 | ತ್ರಿರ್ದೇ॒ವಃ ಪೃ॑ಥಿ॒ವೀಮೇ॒ಷ ಏ॒ತಾಂ ವಿ ಚ॑ಕ್ರಮೇ ಶ॒ತರ್ಚ॑ಸಂ ಮಹಿ॒ತ್ವಾ | ಪ್ರ ವಿಷ್ಣು॑ರಸ್ತು ತ॒ವಸ॒ಸ್ತವೀ᳚ಯಾಂತ್ವೇ॒ಷಂ ಹ್ಯ॑ಸ್ಯ॒ ಸ್ಥವಿ॑ರಸ್ಯ॒ ನಾಮ॑ ||{7.100.3}, {7.6.11.3}, {5.6.25.3} |
| 794 | ವಿ ಚ॑ಕ್ರಮೇ ಪೃಥಿ॒ವೀಮೇ॒ಷ ಏ॒ತಾಂ ಕ್ಷೇತ್ರಾ᳚ಯ॒ ವಿಷ್ಣು॒ರ್ಮನು॑ಷೇ ದಶ॒ಸ್ಯನ್ | ಧ್ರು॒ವಾಸೋ᳚ ಅಸ್ಯ ಕೀ॒ರಯೋ॒ ಜನಾ᳚ಸ ಉರುಕ್ಷಿ॒ತಿಂ ಸು॒ಜನಿ॑ಮಾ ಚಕಾರ ||{7.100.4}, {7.6.11.4}, {5.6.25.4} |
| 795 | ಪ್ರ ತತ್ತೇ᳚ ಅ॒ದ್ಯ ಶಿ॑ಪಿವಿಷ್ಟ॒ ನಾಮಾ॒ರ್ಯಃ ಶಂ᳚ಸಾಮಿ ವ॒ಯುನಾ᳚ನಿ ವಿ॒ದ್ವಾನ್ | ತಂ ತ್ವಾ᳚ ಗೃಣಾಮಿ ತ॒ವಸ॒ಮತ᳚ವ್ಯಾ॒ನ್ಕ್ಷಯಂ᳚ತಮ॒ಸ್ಯ ರಜ॑ಸಃ ಪರಾ॒ಕೇ ||{7.100.5}, {7.6.11.5}, {5.6.25.5} |
| 796 | ಕಿಮಿತ್ತೇ᳚ ವಿಷ್ಣೋ ಪರಿ॒ಚಕ್ಷ್ಯಂ᳚ ಭೂ॒ತ್ಪ್ರ ಯದ್ವ॑ವ॒ಕ್ಷೇ ಶಿ॑ಪಿವಿ॒ಷ್ಟೋ ಅ॑ಸ್ಮಿ | ಮಾ ವರ್ಪೋ᳚ ಅ॒ಸ್ಮದಪ॑ ಗೂಹ ಏ॒ತದ್ಯದ॒ನ್ಯರೂ᳚ಪಃ ಸಮಿ॒ಥೇ ಬ॒ಭೂಥ॑ ||{7.100.6}, {7.6.11.6}, {5.6.25.6} |
| 797 | ವಷ॑ಟ್ ತೇ ವಿಷ್ಣವಾ॒ಸ ಆ ಕೃ॑ಣೋಮಿ॒ ತನ್ಮೇ᳚ ಜುಷಸ್ವ ಶಿಪಿವಿಷ್ಟ ಹ॒ವ್ಯಂ | ವರ್ಧಂ᳚ತು ತ್ವಾ ಸುಷ್ಟು॒ತಯೋ॒ ಗಿರೋ᳚ ಮೇ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.100.7}, {7.6.11.7}, {5.6.25.7} |
| [101] (1-6) ಷಳೃರ್ಚಸ್ಯ ಸೂಕ್ತಸ್ಯ ಮೈತ್ರಾವರಣಿರ್ವಸಿಷ್ಠ ಆಗ್ನೇಯಃ ಕುಮಾರೋ ವಾ ಋಷಿಃ | ಪರ್ಜನ್ಯೋ ದೇವತಾ | ತ್ರಿಷ್ಟುಪ್ ಛಂದಃ || | |
| 798 | ತಿ॒ಸ್ರೋ ವಾಚಃ॒ ಪ್ರ ವ॑ದ॒ ಜ್ಯೋತಿ॑ರಗ್ರಾ॒ ಯಾ ಏ॒ತದ್ದು॒ಹ್ರೇ ಮ॑ಧುದೋ॒ಘಮೂಧಃ॑ | ಸ ವ॒ತ್ಸಂ ಕೃ॒ಣ್ವನ್ಗರ್ಭ॒ಮೋಷ॑ಧೀನಾಂ ಸ॒ದ್ಯೋ ಜಾ॒ತೋ ವೃ॑ಷ॒ಭೋ ರೋ᳚ರವೀತಿ ||{7.101.1}, {7.6.12.1}, {5.7.1.1} |
| 799 | ಯೋ ವರ್ಧ॑ನ॒ ಓಷ॑ಧೀನಾಂ॒ ಯೋ ಅ॒ಪಾಂ ಯೋ ವಿಶ್ವ॑ಸ್ಯ॒ ಜಗ॑ತೋ ದೇ॒ವ ಈಶೇ᳚ | ಸ ತ್ರಿ॒ಧಾತು॑ ಶರ॒ಣಂ ಶರ್ಮ॑ ಯಂಸತ್ತ್ರಿ॒ವರ್ತು॒ ಜ್ಯೋತಿಃ॑ ಸ್ವಭಿ॒ಷ್ಟ್ಯ೧॑(ಅ॒)ಸ್ಮೇ ||{7.101.2}, {7.6.12.2}, {5.7.1.2} |
| 800 | ಸ್ತ॒ರೀರು॑ ತ್ವ॒ದ್ಭವ॑ತಿ॒ ಸೂತ॑ ಉ ತ್ವದ್ಯಥಾವ॒ಶಂ ತ॒ನ್ವಂ᳚ ಚಕ್ರ ಏ॒ಷಃ | ಪಿ॒ತುಃ ಪಯಃ॒ ಪ್ರತಿ॑ ಗೃಭ್ಣಾತಿ ಮಾ॒ತಾ ತೇನ॑ ಪಿ॒ತಾ ವ॑ರ್ಧತೇ॒ ತೇನ॑ ಪು॒ತ್ರಃ ||{7.101.3}, {7.6.12.3}, {5.7.1.3} |
| 801 | ಯಸ್ಮಿ॒ನ್ವಿಶ್ವಾ᳚ನಿ॒ ಭುವ॑ನಾನಿ ತ॒ಸ್ಥುಸ್ತಿ॒ಸ್ರೋ ದ್ಯಾವ॑ಸ್ತ್ರೇ॒ಧಾ ಸ॒ಸ್ರುರಾಪಃ॑ | ತ್ರಯಃ॒ ಕೋಶಾ᳚ಸ ಉಪ॒ಸೇಚ॑ನಾಸೋ॒ ಮಧ್ವಃ॑ ಶ್ಚೋತಂತ್ಯ॒ಭಿತೋ᳚ ವಿರ॒ಪ್ಶಂ ||{7.101.4}, {7.6.12.4}, {5.7.1.4} |
| 802 | ಇ॒ದಂ ವಚಃ॑ ಪ॒ರ್ಜನ್ಯಾ᳚ಯ ಸ್ವ॒ರಾಜೇ᳚ ಹೃ॒ದೋ ಅ॒ಸ್ತ್ವಂತ॑ರಂ॒ ತಜ್ಜು॑ಜೋಷತ್ | ಮ॒ಯೋ॒ಭುವೋ᳚ ವೃ॒ಷ್ಟಯಃ॑ ಸಂತ್ವ॒ಸ್ಮೇ ಸು॑ಪಿಪ್ಪ॒ಲಾ ಓಷ॑ಧೀರ್ದೇ॒ವಗೋ᳚ಪಾಃ ||{7.101.5}, {7.6.12.5}, {5.7.1.5} |
| 803 | ಸ ರೇ᳚ತೋ॒ಧಾ ವೃ॑ಷ॒ಭಃ ಶಶ್ವ॑ತೀನಾಂ॒ ತಸ್ಮಿ᳚ನ್ನಾ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ | ತನ್ಮ॑ ಋ॒ತಂ ಪಾ᳚ತು ಶ॒ತಶಾ᳚ರದಾಯ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ||{7.101.6}, {7.6.12.6}, {5.7.1.6} |
| [102] (1-3) ತೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಆಗ್ನೇಯಃ ಕಮಾರೋ ವಾ ಋಷಿಃ | ಪರ್ಜನ್ಯೋ ದೇವತಾ | ಗಾಯತ್ರೀ ಛಂದಃ || | |
| 804 | ಪ॒ರ್ಜನ್ಯಾ᳚ಯ॒ ಪ್ರ ಗಾ᳚ಯತ ದಿ॒ವಸ್ಪು॒ತ್ರಾಯ॑ ಮೀ॒ಳ್ಹುಷೇ᳚ | ಸ ನೋ॒ ಯವ॑ಸಮಿಚ್ಛತು ||{7.102.1}, {7.6.13.1}, {5.7.2.1} |
| 805 | ಯೋ ಗರ್ಭ॒ಮೋಷ॑ಧೀನಾಂ॒ ಗವಾಂ᳚ ಕೃ॒ಣೋತ್ಯರ್ವ॑ತಾಂ | ಪ॒ರ್ಜನ್ಯಃ॑ ಪುರು॒ಷೀಣಾಂ᳚ ||{7.102.2}, {7.6.13.2}, {5.7.2.2} |
| 806 | ತಸ್ಮಾ॒ ಇದಾ॒ಸ್ಯೇ᳚ ಹ॒ವಿರ್ಜು॒ಹೋತಾ॒ ಮಧು॑ಮತ್ತಮಂ | ಇಳಾಂ᳚ ನಃ ಸಂ॒ಯತಂ᳚ ಕರತ್ ||{7.102.3}, {7.6.13.3}, {5.7.2.3} |
| [103] (1-10) ದಶರ್ಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | ಮಂಡೂಕಾ ದೇವತಾಃ | (1) ಪ್ರಥಮರ್ಚೋಽನುಷ್ಟುಪ್, (2-10) ದ್ವಿತೀಯಾದಿನವಾನಾಂಚ ತ್ರಿಷ್ಟುಪ್ ಛಂದಸೀ || | |
| 807 | ಸಂ॒ವ॒ತ್ಸ॒ರಂ ಶ॑ಶಯಾ॒ನಾ ಬ್ರಾ᳚ಹ್ಮ॒ಣಾ ವ್ರ॑ತಚಾ॒ರಿಣಃ॑ | ವಾಚಂ᳚ ಪ॒ರ್ಜನ್ಯ॑ಜಿನ್ವಿತಾಂ॒ ಪ್ರ ಮಂ॒ಡೂಕಾ᳚ ಅವಾದಿಷುಃ ||{7.103.1}, {7.6.14.1}, {5.7.3.1} |
| 808 | ದಿ॒ವ್ಯಾ ಆಪೋ᳚ ಅ॒ಭಿ ಯದೇ᳚ನ॒ಮಾಯಂ॒ದೃತಿಂ॒ ನ ಶುಷ್ಕಂ᳚ ಸರ॒ಸೀ ಶಯಾ᳚ನಂ | ಗವಾ॒ಮಹ॒ ನ ಮಾ॒ಯುರ್ವ॒ತ್ಸಿನೀ᳚ನಾಂ ಮಂ॒ಡೂಕಾ᳚ನಾಂ ವ॒ಗ್ನುರತ್ರಾ॒ ಸಮೇ᳚ತಿ ||{7.103.2}, {7.6.14.2}, {5.7.3.2} |
| 809 | ಯದೀ᳚ಮೇನಾಁ ಉಶ॒ತೋ ಅ॒ಭ್ಯವ॑ರ್ಷೀತ್ತೃ॒ಷ್ಯಾವ॑ತಃ ಪ್ರಾ॒ವೃಷ್ಯಾಗ॑ತಾಯಾಂ | ಅ॒ಖ್ಖ॒ಲೀ॒ಕೃತ್ಯಾ᳚ ಪಿ॒ತರಂ॒ ನ ಪು॒ತ್ರೋ ಅ॒ನ್ಯೋ ಅ॒ನ್ಯಮುಪ॒ ವದಂ᳚ತಮೇತಿ ||{7.103.3}, {7.6.14.3}, {5.7.3.3} |
| 810 | ಅ॒ನ್ಯೋ ಅ॒ನ್ಯಮನು॑ ಗೃಭ್ಣಾತ್ಯೇನೋರ॒ಪಾಂ ಪ್ರ॑ಸ॒ರ್ಗೇ ಯದಮಂ᳚ದಿಷಾತಾಂ | ಮಂ॒ಡೂಕೋ॒ ಯದ॒ಭಿವೃ॑ಷ್ಟಃ॒ ಕನಿ॑ಷ್ಕ॒ನ್ಪೃಶ್ನಿಃ॑ ಸಂಪೃಂ॒ಕ್ತೇ ಹರಿ॑ತೇನ॒ ವಾಚಂ᳚ ||{7.103.4}, {7.6.14.4}, {5.7.3.4} |
| 811 | ಯದೇ᳚ಷಾಮ॒ನ್ಯೋ ಅ॒ನ್ಯಸ್ಯ॒ ವಾಚಂ᳚ ಶಾ॒ಕ್ತಸ್ಯೇ᳚ವ॒ ವದ॑ತಿ॒ ಶಿಕ್ಷ॑ಮಾಣಃ | ಸರ್ವಂ॒ ತದೇ᳚ಷಾಂ ಸ॒ಮೃಧೇ᳚ವ॒ ಪರ್ವ॒ ಯತ್ಸು॒ವಾಚೋ॒ ವದ॑ಥ॒ನಾಧ್ಯ॒ಪ್ಸು ||{7.103.5}, {7.6.14.5}, {5.7.3.5} |
| 812 | ಗೋಮಾ᳚ಯು॒ರೇಕೋ᳚ ಅ॒ಜಮಾ᳚ಯು॒ರೇಕಃ॒ ಪೃಶ್ನಿ॒ರೇಕೋ॒ ಹರಿ॑ತ॒ ಏಕ॑ ಏಷಾಂ | ಸ॒ಮಾ॒ನಂ ನಾಮ॒ ಬಿಭ್ರ॑ತೋ॒ ವಿರೂ᳚ಪಾಃ ಪುರು॒ತ್ರಾ ವಾಚಂ᳚ ಪಿಪಿಶು॒ರ್ವದಂ᳚ತಃ ||{7.103.6}, {7.6.14.6}, {5.7.4.1} |
| 813 | ಬ್ರಾ॒ಹ್ಮ॒ಣಾಸೋ᳚ ಅತಿರಾ॒ತ್ರೇ ನ ಸೋಮೇ॒ ಸರೋ॒ ನ ಪೂ॒ರ್ಣಮ॒ಭಿತೋ॒ ವದಂ᳚ತಃ | ಸಂ॒ವ॒ತ್ಸ॒ರಸ್ಯ॒ ತದಹಃ॒ ಪರಿ॑ ಷ್ಠ॒ ಯನ್ಮಂ॑ಡೂಕಾಃ ಪ್ರಾವೃ॒ಷೀಣಂ᳚ ಬ॒ಭೂವ॑ ||{7.103.7}, {7.6.14.7}, {5.7.4.2} |
| 814 | ಬ್ರಾ॒ಹ್ಮ॒ಣಾಸಃ॑ ಸೋ॒ಮಿನೋ॒ ವಾಚ॑ಮಕ್ರತ॒ ಬ್ರಹ್ಮ॑ ಕೃ॒ಣ್ವಂತಃ॑ ಪರಿವತ್ಸ॒ರೀಣಂ᳚ | ಅ॒ಧ್ವ॒ರ್ಯವೋ᳚ ಘ॒ರ್ಮಿಣಃ॑ ಸಿಷ್ವಿದಾ॒ನಾ ಆ॒ವಿರ್ಭ॑ವಂತಿ॒ ಗುಹ್ಯಾ॒ ನ ಕೇ ಚಿ॑ತ್ ||{7.103.8}, {7.6.14.8}, {5.7.4.3} |
| 815 | ದೇ॒ವಹಿ॑ತಿಂ ಜುಗುಪುರ್ದ್ವಾದ॒ಶಸ್ಯ॑ ಋ॒ತುಂ ನರೋ॒ ನ ಪ್ರ ಮಿ॑ನಂತ್ಯೇ॒ತೇ | ಸಂ॒ವ॒ತ್ಸ॒ರೇ ಪ್ರಾ॒ವೃಷ್ಯಾಗ॑ತಾಯಾಂ ತ॒ಪ್ತಾ ಘ॒ರ್ಮಾ ಅ॑ಶ್ನುವತೇ ವಿಸ॒ರ್ಗಂ ||{7.103.9}, {7.6.14.9}, {5.7.4.4} |
| 816 | ಗೋಮಾ᳚ಯುರದಾದ॒ಜಮಾ᳚ಯುರದಾ॒ತ್ಪೃಶ್ನಿ॑ರದಾ॒ದ್ಧರಿ॑ತೋ ನೋ॒ ವಸೂ᳚ನಿ | ಗವಾಂ᳚ ಮಂ॒ಡೂಕಾ॒ ದದ॑ತಃ ಶ॒ತಾನಿ॑ ಸಹಸ್ರಸಾ॒ವೇ ಪ್ರ ತಿ॑ರಂತ॒ ಆಯುಃ॑ ||{7.103.10}, {7.6.14.10}, {5.7.4.5} |
| [104] (1-25) ಪಂಚವಿಂಶತ್ಯೃಚಸ್ಯ ಸೂಕ್ತಸ್ಯ ಮೈತ್ರಾವರುಣಿರ್ವಸಿಷ್ಠ ಋಷಿಃ | (1-7, 15, 24-25) ಪ್ರಥಮಾದಿಸಪ್ತರ್ಚಾಂ ಪಂಚದಶ್ಯಾಶ್ಚತುರ್ವಿಶೀಪಂಚವಿಂಶ್ಯೋಶ್ಚೇಂದ್ರಾಸೋಮೌ, (8, 16, 1922) ಅಷ್ಟಮೀಷೋಡಶ್ಯೋರೇಕೋನವಿಂಶ್ಯಾದಿಚತಸೃಣಾಂಚೇಂದ್ರಃ, (9, 12-13) ನವಮೀದ್ವಾದಶೀತ್ರಯೋದಶೀನಾಂ ಸೋಮಃ, (10, 14) ದಶಮೀಚತುದರ್ಶ ಯೋರಗ್ನಿಃ, (11) ಏಕಾದಶ್ಯಾ ದೇವಾಃ, (17) ಸಪ್ತದಶ್ಯಾ ಗ್ರಾವಾಣಃ, (18) ಅಷ್ಟಾದಶ್ಯಾ ಮರುತಃ, (23) ತ್ರಯೋವಿಂಶ್ಯಾಶ್ಚ ಪೂರ್ವಾಧರ್ಸಯ ವಸಿಷ್ಠಾಶೀರುತ್ತರಾರ್ಧಸ್ಯ ಚ ಪೃಥಿವ್ಯಂತರಿಕ್ಷೇ ದೇವತಾಃ | (1-6, 18, 21, 23) ಪ್ರಥಮಾದಿಷಡ಼ಚಾಮಷ್ಟಾದಶ್ಯೇಕವಿಂಶೀತ್ರಯೋವಿಂಶೀನಾಂಚ ಜಗತೀ, (7) ಸಪ್ತಮ್ಯಾ ಜಗತೀ ತ್ರಿಷ್ಟುಪ್ವಾ, (8-17, 19-20, 22, 24) ಅಷ್ಟಮ್ಯಾದಿದಶಾನಾಮೇಕೋನವಿಂಶೀವಿಂಶೀದ್ವಾವಿಂಶೀಚತುರ್ವಿಶೀನಾಂಚ ತ್ರಿಷ್ಟುಪ್ (25) ಪಂಚವಿಂಶ್ಯಾಶ್ಚಾನಷ್ಟಪ ಛಂದಾಂಸಿ || | |
| 817 | ಇಂದ್ರಾ᳚ಸೋಮಾ॒ ತಪ॑ತಂ॒ ರಕ್ಷ॑ ಉ॒ಬ್ಜತಂ॒ ನ್ಯ॑ರ್ಪಯತಂ ವೃಷಣಾ ತಮೋ॒ವೃಧಃ॑ | ಪರಾ᳚ ಶೃಣೀತಮ॒ಚಿತೋ॒ ನ್ಯೋ᳚ಷತಂ ಹ॒ತಂ ನು॒ದೇಥಾಂ॒ ನಿ ಶಿ॑ಶೀತಮ॒ತ್ರಿಣಃ॑ ||{7.104.1}, {7.6.15.1}, {5.7.5.1} |
| 818 | ಇಂದ್ರಾ᳚ಸೋಮಾ॒ ಸಮ॒ಘಶಂ᳚ಸಮ॒ಭ್ಯ೧॑(ಅ॒)ಘಂ ತಪು᳚ರ್ಯಯಸ್ತು ಚ॒ರುರ॑ಗ್ನಿ॒ವಾಁ ಇ॑ವ | ಬ್ರ॒ಹ್ಮ॒ದ್ವಿಷೇ᳚ ಕ್ರ॒ವ್ಯಾದೇ᳚ ಘೋ॒ರಚ॑ಕ್ಷಸೇ॒ ದ್ವೇಷೋ᳚ ಧತ್ತಮನವಾ॒ಯಂ ಕಿ॑ಮೀ॒ದಿನೇ᳚ ||{7.104.2}, {7.6.15.2}, {5.7.5.2} |
| 819 | ಇಂದ್ರಾ᳚ಸೋಮಾ ದು॒ಷ್ಕೃತೋ᳚ ವ॒ವ್ರೇ ಅಂ॒ತರ॑ನಾರಂಭ॒ಣೇ ತಮ॑ಸಿ॒ ಪ್ರ ವಿ॑ಧ್ಯತಂ | ಯಥಾ॒ ನಾತಃ॒ ಪುನ॒ರೇಕ॑ಶ್ಚ॒ನೋದಯ॒ತ್ತದ್ವಾ᳚ಮಸ್ತು॒ ಸಹ॑ಸೇ ಮನ್ಯು॒ಮಚ್ಛವಃ॑ ||{7.104.3}, {7.6.15.3}, {5.7.5.3} |
| 820 | ಇಂದ್ರಾ᳚ಸೋಮಾ ವ॒ರ್ತಯ॑ತಂ ದಿ॒ವೋ ವ॒ಧಂ ಸಂ ಪೃ॑ಥಿ॒ವ್ಯಾ ಅ॒ಘಶಂ᳚ಸಾಯ॒ ತರ್ಹ॑ಣಂ | ಉತ್ತ॑ಕ್ಷತಂ ಸ್ವ॒ರ್ಯ೧॑(ಅ॒) ಅಂಪರ್ವ॑ತೇಭ್ಯೋ॒ ಯೇನ॒ ರಕ್ಷೋ᳚ ವಾವೃಧಾ॒ನಂ ನಿ॒ಜೂರ್ವ॑ಥಃ ||{7.104.4}, {7.6.15.4}, {5.7.5.4} |
| 821 | ಇಂದ್ರಾ᳚ಸೋಮಾ ವ॒ರ್ತಯ॑ತಂ ದಿ॒ವಸ್ಪರ್ಯ॑ಗ್ನಿತ॒ಪ್ತೇಭಿ᳚ರ್ಯು॒ವಮಶ್ಮ॑ಹನ್ಮಭಿಃ | ತಪು᳚ರ್ವಧೇಭಿರ॒ಜರೇ᳚ಭಿರ॒ತ್ರಿಣೋ॒ ನಿ ಪರ್ಶಾ᳚ನೇ ವಿಧ್ಯತಂ॒ ಯಂತು॑ ನಿಸ್ವ॒ರಂ ||{7.104.5}, {7.6.15.5}, {5.7.5.5} |
| 822 | ಇಂದ್ರಾ᳚ಸೋಮಾ॒ ಪರಿ॑ ವಾಂ ಭೂತು ವಿ॒ಶ್ವತ॑ ಇ॒ಯಂ ಮ॒ತಿಃ ಕ॒ಕ್ಷ್ಯಾಶ್ವೇ᳚ವ ವಾ॒ಜಿನಾ᳚ | ಯಾಂ ವಾಂ॒ ಹೋತ್ರಾಂ᳚ ಪರಿಹಿ॒ನೋಮಿ॑ ಮೇ॒ಧಯೇ॒ಮಾ ಬ್ರಹ್ಮಾ᳚ಣಿ ನೃ॒ಪತೀ᳚ವ ಜಿನ್ವತಂ ||{7.104.6}, {7.6.15.6}, {5.7.6.1} |
| 823 | ಪ್ರತಿ॑ ಸ್ಮರೇಥಾಂ ತು॒ಜಯ॑ದ್ಭಿ॒ರೇವೈ᳚ರ್ಹ॒ತಂ ದ್ರು॒ಹೋ ರ॒ಕ್ಷಸೋ᳚ ಭಂಗು॒ರಾವ॑ತಃ | ಇಂದ್ರಾ᳚ಸೋಮಾ ದು॒ಷ್ಕೃತೇ॒ ಮಾ ಸು॒ಗಂ ಭೂ॒ದ್ಯೋ ನಃ॑ ಕ॒ದಾ ಚಿ॑ದಭಿ॒ದಾಸ॑ತಿ ದ್ರು॒ಹಾ ||{7.104.7}, {7.6.15.7}, {5.7.6.2} |
| 824 | ಯೋ ಮಾ॒ ಪಾಕೇ᳚ನ॒ ಮನ॑ಸಾ॒ ಚರಂ᳚ತಮಭಿ॒ಚಷ್ಟೇ॒ ಅನೃ॑ತೇಭಿ॒ರ್ವಚೋ᳚ಭಿಃ | ಆಪ॑ ಇವ ಕಾ॒ಶಿನಾ॒ ಸಂಗೃ॑ಭೀತಾ॒ ಅಸ᳚ನ್ನ॒ಸ್ತ್ವಾಸ॑ತ ಇಂದ್ರ ವ॒ಕ್ತಾ ||{7.104.8}, {7.6.15.8}, {5.7.6.3} |
| 825 | ಯೇ ಪಾ᳚ಕಶಂ॒ಸಂ ವಿ॒ಹರಂ᳚ತ॒ ಏವೈ॒ರ್ಯೇ ವಾ᳚ ಭ॒ದ್ರಂ ದೂ॒ಷಯಂ᳚ತಿ ಸ್ವ॒ಧಾಭಿಃ॑ | ಅಹ॑ಯೇ ವಾ॒ ತಾನ್ಪ್ರ॒ದದಾ᳚ತು॒ ಸೋಮ॒ ಆ ವಾ᳚ ದಧಾತು॒ ನಿರೃ॑ತೇರು॒ಪಸ್ಥೇ᳚ ||{7.104.9}, {7.6.15.9}, {5.7.6.4} |
| 826 | ಯೋ ನೋ॒ ರಸಂ॒ ದಿಪ್ಸ॑ತಿ ಪಿ॒ತ್ವೋ ಅ॑ಗ್ನೇ॒ ಯೋ ಅಶ್ವಾ᳚ನಾಂ॒ ಯೋ ಗವಾಂ॒ ಯಸ್ತ॒ನೂನಾಂ᳚ | ರಿ॒ಪುಃ ಸ್ತೇ॒ನಃ ಸ್ತೇ᳚ಯ॒ಕೃದ್ದ॒ಭ್ರಮೇ᳚ತು॒ ನಿ ಷ ಹೀ᳚ಯತಾಂ ತ॒ನ್ವಾ॒೩॑(ಆ॒) ತನಾ᳚ ಚ ||{7.104.10}, {7.6.15.10}, {5.7.6.5} |
| 827 | ಪ॒ರಃ ಸೋ ಅ॑ಸ್ತು ತ॒ನ್ವಾ॒೩॑(ಆ॒) ತನಾ᳚ ಚ ತಿ॒ಸ್ರಃ ಪೃ॑ಥಿ॒ವೀರ॒ಧೋ ಅ॑ಸ್ತು॒ ವಿಶ್ವಾಃ᳚ | ಪ್ರತಿ॑ ಶುಷ್ಯತು॒ ಯಶೋ᳚ ಅಸ್ಯ ದೇವಾ॒ ಯೋ ನೋ॒ ದಿವಾ॒ ದಿಪ್ಸ॑ತಿ॒ ಯಶ್ಚ॒ ನಕ್ತಂ᳚ ||{7.104.11}, {7.6.15.11}, {5.7.7.1} |
| 828 | ಸು॒ವಿ॒ಜ್ಞಾ॒ನಂ ಚಿ॑ಕಿ॒ತುಷೇ॒ ಜನಾ᳚ಯ॒ ಸಚ್ಚಾಸ॑ಚ್ಚ॒ ವಚ॑ಸೀ ಪಸ್ಪೃಧಾತೇ | ತಯೋ॒ರ್ಯತ್ಸ॒ತ್ಯಂ ಯ॑ತ॒ರದೃಜೀ᳚ಯ॒ಸ್ತದಿತ್ಸೋಮೋ᳚ಽವತಿ॒ ಹಂತ್ಯಾಸ॑ತ್ ||{7.104.12}, {7.6.15.12}, {5.7.7.2} |
| 829 | ನ ವಾ ಉ॒ ಸೋಮೋ᳚ ವೃಜಿ॒ನಂ ಹಿ॑ನೋತಿ॒ ನ ಕ್ಷ॒ತ್ರಿಯಂ᳚ ಮಿಥು॒ಯಾ ಧಾ॒ರಯಂ᳚ತಂ | ಹಂತಿ॒ ರಕ್ಷೋ॒ ಹಂತ್ಯಾಸ॒ದ್ವದಂ᳚ತಮು॒ಭಾವಿಂದ್ರ॑ಸ್ಯ॒ ಪ್ರಸಿ॑ತೌ ಶಯಾತೇ ||{7.104.13}, {7.6.15.13}, {5.7.7.3} |
| 830 | ಯದಿ॑ ವಾ॒ಹಮನೃ॑ತದೇವ॒ ಆಸ॒ ಮೋಘಂ᳚ ವಾ ದೇ॒ವಾಁ ಅ॑ಪ್ಯೂ॒ಹೇ ಅ॑ಗ್ನೇ | ಕಿಮ॒ಸ್ಮಭ್ಯಂ᳚ ಜಾತವೇದೋ ಹೃಣೀಷೇ ದ್ರೋಘ॒ವಾಚ॑ಸ್ತೇ ನಿರೃ॒ಥಂ ಸ॑ಚಂತಾಂ ||{7.104.14}, {7.6.15.14}, {5.7.7.4} |
| 831 | ಅ॒ದ್ಯಾ ಮು॑ರೀಯ॒ ಯದಿ॑ ಯಾತು॒ಧಾನೋ॒ ಅಸ್ಮಿ॒ ಯದಿ॒ ವಾಯು॑ಸ್ತ॒ತಪ॒ ಪೂರು॑ಷಸ್ಯ | ಅಧಾ॒ ಸ ವೀ॒ರೈರ್ದ॒ಶಭಿ॒ರ್ವಿ ಯೂ᳚ಯಾ॒ ಯೋ ಮಾ॒ ಮೋಘಂ॒ ಯಾತು॑ಧಾ॒ನೇತ್ಯಾಹ॑ ||{7.104.15}, {7.6.15.15}, {5.7.7.5} |
| 832 | ಯೋ ಮಾಯಾ᳚ತುಂ॒ ಯಾತು॑ಧಾ॒ನೇತ್ಯಾಹ॒ ಯೋ ವಾ᳚ ರ॒ಕ್ಷಾಃ ಶುಚಿ॑ರ॒ಸ್ಮೀತ್ಯಾಹ॑ | ಇಂದ್ರ॒ಸ್ತಂ ಹಂ᳚ತು ಮಹ॒ತಾ ವ॒ಧೇನ॒ ವಿಶ್ವ॑ಸ್ಯ ಜಂ॒ತೋರ॑ಧ॒ಮಸ್ಪ॑ದೀಷ್ಟ ||{7.104.16}, {7.6.15.16}, {5.7.8.1} |
| 833 | ಪ್ರ ಯಾ ಜಿಗಾ᳚ತಿ ಖ॒ರ್ಗಲೇ᳚ವ॒ ನಕ್ತ॒ಮಪ॑ ದ್ರು॒ಹಾ ತ॒ನ್ವ೧॑(ಅ॒) ಅಂಗೂಹ॑ಮಾನಾ | ವ॒ವ್ರಾಁ ಅ॑ನಂ॒ತಾಁ ಅವ॒ ಸಾ ಪ॑ದೀಷ್ಟ॒ ಗ್ರಾವಾ᳚ಣೋ ಘ್ನಂತು ರ॒ಕ್ಷಸ॑ ಉಪ॒ಬ್ದೈಃ ||{7.104.17}, {7.6.15.17}, {5.7.8.2} |
| 834 | ವಿ ತಿ॑ಷ್ಠಧ್ವಂ ಮರುತೋ ವಿ॒ಕ್ಷ್ವಿ೧॑(ಇ॒)ಚ್ಛತ॑ ಗೃಭಾ॒ಯತ॑ ರ॒ಕ್ಷಸಃ॒ ಸಂ ಪಿ॑ನಷ್ಟನ | ವಯೋ॒ ಯೇ ಭೂ॒ತ್ವೀ ಪ॒ತಯಂ᳚ತಿ ನ॒ಕ್ತಭಿ॒ರ್ಯೇ ವಾ॒ ರಿಪೋ᳚ ದಧಿ॒ರೇ ದೇ॒ವೇ ಅ॑ಧ್ವ॒ರೇ ||{7.104.18}, {7.6.15.18}, {5.7.8.3} |
| 835 | ಪ್ರ ವ॑ರ್ತಯ ದಿ॒ವೋ ಅಶ್ಮಾ᳚ನಮಿಂದ್ರ॒ ಸೋಮ॑ಶಿತಂ ಮಘವ॒ನ್ಸಂ ಶಿ॑ಶಾಧಿ | ಪ್ರಾಕ್ತಾ॒ದಪಾ᳚ಕ್ತಾದಧ॒ರಾದುದ॑ಕ್ತಾದ॒ಭಿ ಜ॑ಹಿ ರ॒ಕ್ಷಸಃ॒ ಪರ್ವ॑ತೇನ ||{7.104.19}, {7.6.15.19}, {5.7.8.4} |
| 836 | ಏ॒ತ ಉ॒ ತ್ಯೇ ಪ॑ತಯಂತಿ॒ ಶ್ವಯಾ᳚ತವ॒ ಇಂದ್ರಂ᳚ ದಿಪ್ಸಂತಿ ದಿ॒ಪ್ಸವೋಽದಾ᳚ಭ್ಯಂ | ಶಿಶೀ᳚ತೇ ಶ॒ಕ್ರಃ ಪಿಶು॑ನೇಭ್ಯೋ ವ॒ಧಂ ನೂ॒ನಂ ಸೃ॑ಜದ॒ಶನಿಂ᳚ ಯಾತು॒ಮದ್ಭ್ಯಃ॑ ||{7.104.20}, {7.6.15.20}, {5.7.8.5} |
| 837 | ಇಂದ್ರೋ᳚ ಯಾತೂ॒ನಾಮ॑ಭವತ್ಪರಾಶ॒ರೋ ಹ॑ವಿ॒ರ್ಮಥೀ᳚ನಾಮ॒ಭ್ಯಾ॒೩॑(ಆ॒)ವಿವಾ᳚ಸತಾಂ | ಅ॒ಭೀದು॑ ಶ॒ಕ್ರಃ ಪ॑ರ॒ಶುರ್ಯಥಾ॒ ವನಂ॒ ಪಾತ್ರೇ᳚ವ ಭಿಂ॒ದನ್ಸ॒ತ ಏ᳚ತಿ ರ॒ಕ್ಷಸಃ॑ ||{7.104.21}, {7.6.15.21}, {5.7.9.1} |
| 838 | ಉಲೂ᳚ಕಯಾತುಂ ಶುಶು॒ಲೂಕ॑ಯಾತುಂ ಜ॒ಹಿ ಶ್ವಯಾ᳚ತುಮು॒ತ ಕೋಕ॑ಯಾತುಂ | ಸು॒ಪ॒ರ್ಣಯಾ᳚ತುಮು॒ತ ಗೃಧ್ರ॑ಯಾತುಂ ದೃ॒ಷದೇ᳚ವ॒ ಪ್ರ ಮೃ॑ಣ॒ ರಕ್ಷ॑ ಇಂದ್ರ ||{7.104.22}, {7.6.15.22}, {5.7.9.2} |
| 839 | ಮಾ ನೋ॒ ರಕ್ಷೋ᳚ ಅ॒ಭಿ ನ॑ಡ್ಯಾತು॒ಮಾವ॑ತಾ॒ಮಪೋ᳚ಚ್ಛತು ಮಿಥು॒ನಾ ಯಾ ಕಿ॑ಮೀ॒ದಿನಾ᳚ | ಪೃ॒ಥಿ॒ವೀ ನಃ॒ ಪಾರ್ಥಿ॑ವಾತ್ಪಾ॒ತ್ವಂಹ॑ಸೋ॒ಽನ್ತರಿ॑ಕ್ಷಂ ದಿ॒ವ್ಯಾತ್ಪಾ᳚ತ್ವ॒ಸ್ಮಾನ್ ||{7.104.23}, {7.6.15.23}, {5.7.9.3} |
| 840 | ಇಂದ್ರ॑ ಜ॒ಹಿ ಪುಮಾಂ᳚ಸಂ ಯಾತು॒ಧಾನ॑ಮು॒ತ ಸ್ತ್ರಿಯಂ᳚ ಮಾ॒ಯಯಾ॒ ಶಾಶ॑ದಾನಾಂ | ವಿಗ್ರೀ᳚ವಾಸೋ॒ ಮೂರ॑ದೇವಾ ಋದಂತು॒ ಮಾ ತೇ ದೃ॑ಶ॒ನ್ಸೂರ್ಯ॑ಮು॒ಚ್ಚರಂ᳚ತಂ ||{7.104.24}, {7.6.15.24}, {5.7.9.4} |
| 841 | ಪ್ರತಿ॑ ಚಕ್ಷ್ವ॒ ವಿ ಚ॒ಕ್ಷ್ವೇಂದ್ರ॑ಶ್ಚ ಸೋಮ ಜಾಗೃತಂ | ರಕ್ಷೋ᳚ಭ್ಯೋ ವ॒ಧಮ॑ಸ್ಯತಮ॒ಶನಿಂ᳚ ಯಾತು॒ಮದ್ಭ್ಯಃ॑ ||{7.104.25}, {7.6.15.25}, {5.7.9.5} |