% Text title            : Oshadhi Sukta from taittirIyasaMhitA
% File name             : taittirIyANAmoShadhisUktam.itx
% Category              : veda, svara, sUkta
% Location              : doc\_veda
% Transliterated by     : Mandar Kulkarni
% Proofread by          : Mandar Kulkarni
% Description-comments  : taittirIyasaMhitA
% Latest update         : June 1, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Oshadhi Sukta from taittirIyasaMhitA ..}##
\itxtitle{.. taittirIyANAmoShadhisUktam ..}##\endtitles ##
taittirIyasaMhitAyAM chaturthakANDe dvitIyaprapAThake prashne vA
ShaShTho.ayamoShadhInAM viMshatyR^icho.anuvAkaH |
agniranuvAkarShiH | oShadhimAnino devatAH | oShadhIshaH somo devatA |
somanAtho dhanvantarirdevatA |
hariH o3m ||
\section{sasvaraH}
yA jA\`tA oSha\'dhayo de\`vebhya\'striyu\`gaM pu\'rA |
mandA\'mi ba\`bhrUNA\'ma\`ha{\m+} sha\`taM dhAmA\'ni sa\`pta cha\' || 1||
sha\`taM vo\' amba\` dhAmA\'ni sa\`hasra\'mu\`ta vo\` ruha\'H |
athA\' shatakratvo yU\`yami\`maM me\' aga\`daM kR^i\'ta || 2||
puShpA\'vatIH pra\`sUva\'tIH pha\`linI\'rapha\`lA u\`ta |
ashvA\' iva sa\`jitva\'rIrvI\`rudhaH\' pArayi\`ShNava\'H || 3||
oSha\'dhI\`riti\' mAtara\`stadvo\' devI\`rupa\' bruve |
rapA{\m+} si vighna\`tIri\'ta\` rapa\'shchA\`taya\'mAnAH || 4||
a\`shva\`tthe vo\' ni\`Shada\'naM pa\`rNNe vo\' vasa\`tiH kR^i\`tA |
go\`bhAja\` it kilA\'satha\` yat sa\`nava\'tha\` pUru\'Sham || 5||
yada\`haM vA\`jaya\'nni\`mA oSha\'dhI\`rhasta\' Ada\`dhe |
A\`tmA yakhShma\'sya nashyati pu\`rA jI\'va\`gR^ibho\' yathA || 6||
yadoSha\'dhayaH sa\`~NgachCha\'nte\` rAjA\'na\`H sami\'tAviva |
vipra\`H sa u\'chyate bhi\`Shag ra\'khSho\`hAmI\'va\`chAta\'naH || 7||
niShkR^i\'ti\`rnnAma\' vo mA\`tA.athA\' yU\`ya{\m+}stha\` sa~NkR^i\'tIH |
sa\`rAH pa\'ta\`triNI\'H stha\`na\` yadA\`maya\'ti niShkR^ita || 8||
a\`nyA vo\' a\`nyAma\'vatva\`nyaanyasyA\` upA\'vata |
tAH sarvA\` oSha\'dhayaH saMvidA\`nA i\`daM me\` prAva\'tA\` vacha\'H || 9||
uchChuShmA\` oSha\'dhInAM\` gAvo\' go\`ShThAdi\'verate |
dhana\'{\m+} sani\`ShyantI\'nAmA\`tmAnaM\` tava\' pUruSha || 10||
ati\` vishvA\'H pari\`ShThAH ste\`na i\'va vra\`jama\'kramuH |
oSha\'dhaya\`H prAchu\'chyavu\`ryat kiM cha\' ta\`nuvA\`{\m+} rapa\'H || 11||
yAsta\' Ata\`sthurA\`tmAnaM\` yA A\'vivi\`shuH paru\'H paruH |
tAste\` yakhShmaM\` vi bA\'dhantAmu\`gro ma\'ddhyama\`shIri\'va || 12||
sA\`kaM ya\'khShma\` pra pa\'ta shye\`nena\' kikidI\`vinA\' |
sA\`kaM vAta\'sya\` dhrAjyA\' sA\`kaM na\'shya ni\`hAka\'yA || 13||
a\`shvA\`va\`tI{\m+} so\'mava\`tImU\`rjjaya\'ntI\`mudo\'jasam |
A vi\'thsi\` sarvA\` oSha\'dhIra\`smA a\'ri\`ShTatA\'taye || 14||
yAH pha\`linI\`ryyA a\'pha\`lA a\'pu\`ShpA yAshcha\' pu\`ShpiNI\'H |
bR^iha\`spati\'prasUtA\`stA no\' mu~ncha\`ntva{\m+}ha\'saH || 15||
yA oSha\'dhaya\`H soma\'rAj~nI\`H pravi\'ShTAH pR^ithi\`vImanu\' |
tAsAM\` tvama\'syutta\`mA pra No\' jI\`vAta\'ve suva || 16||
a\`va\`pata\'ntIravadan di\`va oSha\'dhaya\`H pari\' |
yaM jI\`vama\`sh~navA\'mahai\` na sa ri\'ShyAti\` pUru\'ShaH || 17||
yAshche\`damu\'pashR^i\`Nvanti\` yA\'shcha dU\`raM parA\'gatAH |
i\`ha sa\`~Ngatya\` tAH sarvA\' a\`smai saM da\'tta bheSha\`jam || 18||
mA vo\' riShat khani\`tA yasmai\' chA\`haM khanA\'mi vaH |
dvi\`pachchatu\'Shpada\`smAka\`{\m+} sarvama\`stvanA\'turam || 19||
oSha\'dhaya\`H saM va\'dante\` some\'na sa\`ha rAj~nA\' |
yasmai\' ka\`roti\' brAhma\`Nasta{\m+} rA\'jan pArayAmasi || 20||

OM shAnti\`H shAnti\`H shAnti\'H |
\section{niHsvaraH}
yA jAtA oShadhayo devebhyastriyugaM purA |
mandAmi babhrUNAmaha{\m+} shataM dhAmAni sapta cha || 1||
shataM vo amba dhAmAni sahasramuta vo ruhaH |
athA shatakratvo yUyamimaM me agadaM kR^ita || 2||
puShpAvatIH prasUvatIH phalinIraphalA uta |
ashvA iva sajitvarIrvIrudhaH pArayiShNavaH || 3||
oShadhIriti mAtarastadvo devIrupa bruve |
rapA{\m+} si vighnatIrita rapashchAtayamAnAH || 4||
ashvatthe vo niShadanaM parNNe vo vasatiH kR^itA |
gobhAja it kilAsatha yat sanavatha pUruSham || 5||
yadahaM vAjayannimA oShadhIrhasta Adadhe |
AtmA yakhShmasya nashyati purA jIvagR^ibho yathA || 6||
yadoShadhayaH sa~NgachChante rAjAnaH samitAviva |
vipraH sa uchyate bhiShag rakhShohAmIvachAtanaH || 7||
niShkR^itirnnAma vo mAtA.athA yUya{\m+}stha sa~NkR^itIH |
sarAH patatriNIH sthana yadAmayati niShkR^ita || 8||
anyA vo anyAmavatvanyaanyasyA upAvata |
tAH sarvA oShadhayaH saMvidAnA idaM me prAvatA vachaH || 9||
uchChuShmA oShadhInAM gAvo goShThAdiverate |
dhana{\m+} saniShyantInAmAtmAnaM tava pUruSha || 10||
ati vishvAH pariShThAH stena iva vrajamakramuH |
oShadhayaH prAchuchyavuryat kiM cha tanuvA{\m+} rapaH || 11||
yAsta AtasthurAtmAnaM yA AvivishuH paruH paruH |
tAste yakhShmaM vi bAdhantAmugro maddhyamashIriva || 12||
sAkaM yakhShma pra pata shyenena kikidIvinA |
sAkaM vAtasya dhrAjyA sAkaM nashya nihAkayA || 13||
ashvAvatI{\m+} somavatImUrjjayantImudojasam |
A vithsi sarvA oShadhIrasmA ariShTatAtaye || 14||
yAH phalinIryyA aphalA apuShpA yAshcha puShpiNIH |
bR^ihaspatiprasUtAstA no mu~nchantva{\m+}hasaH || 15||
yA oShadhayaH somarAj~nIH praviShTAH pR^ithivImanu |
tAsAM tvamasyuttamA pra No jIvAtave suva || 16||
avapatantIravadan diva oShadhayaH pari |
yaM jIvamash~navAmahai na sa riShyAti pUruShaH || 17||
yAshchedamupashR^iNvanti yAshcha dUraM parAgatAH |
iha sa~Ngatya tAH sarvA asmai saM datta bheShajam || 18||
mA vo riShat khanitA yasmai chAhaM khanAmi vaH |
dvipachchatuShpadasmAka{\m+} sarvamastvanAturam || 19||
oShadhayaH saM vadante somena saha rAj~nA |
yasmai karoti brAhmaNasta{\m+} rAjan pArayAmasi || 20||

iti taittirIyANAmoShadhisUktaM sampUrNam |

OM shAntiH shAntiH shAntiH |

##
Encoded and proofread by Mandar Kulkarni

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}