% Text title            : Shri Oppiliappan or Akashanagarisha Suprabhatam 
% File name             : AkAshanagarIshasuprabhAtam.itx
% Category              : vishhnu
% Location              : doc\_vishhnu
% Author                : U. V. Sri Ramadesikacharyar Swamy
% Transliterated by     : NA
% Proofread by          : NA, PSA Easwaran
% Description/comments  : Lord of Bhumi devi, TiruviNNagarappan
% Latest update         : March 12, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Oppiliappan or Akashanagarisha Suprabhatam ..}##
\itxtitle{.. shrI oppiliappan suprabhAtaM athavA AkAshanagarIshasuprabhAtam ..}##\endtitles ##
shrImAn ve~NkaTanAthAryaH kavitArkikakesarI |
vedAntAchAravaryo me sanidhattAm sadA hR^idi ||
udyatkoTidivAkarendusubhagaM pItAmbarAla~NkR^itaM
      nAnAbhUShaNabhUShitaM navaghanashyAmaM prasannAnanam |
lAvaNyAmbunidhiM nirastalavaNaM shrIsha~NkhachakrA~nchitaM
      shrIvaikuNThapurAdhipaM shubhatanuM bhUmyAH patiM saMshraye || 1||
mArkaNDeyamahAtapaH phalatayA shrIvyomapuryAM purA
      sa~njAtA pariNIya tatpurapatiM tyaktvA rasaM saindhavam |
bhaktAnAmabhayapradAnaniratA phullAravindekShaNA
      seyaM puShyatu ma~NgalAnyanudinaM sarvANi sarvaMsahA || 2||
kausalyAsuprajA rAma pUrvA sandhyA pravartate |
uttiShTha narashArdUla kartavyaM daivamAhnikam || 3||
uttiShThottiShTha sarvesha uttiShTha dharaNIpate |
uttiShThAbhrapurAdhIsha lokAnAM ma~NgalaM kuru || 4||
tava suprabhAtamamalAyatekShaNe
      bhagavanmR^ikaNDusutaputri shobhane |
karuNAmayaistava kaTAkShatallajaiH
      abhirakSha no dharaNidevi tAvakAn || 5||
mAtarmahIshvari mR^ikaNDukulAvatIrNe
      svAyattakAntavibhave sarasIruhAkShi |
tvaM jAgR^ihi shrutisukhastutigItavAdyaiH
      shrIshrInivAsadayite tava suprabhAtam || 6||
prAchyAmudeti dishi dIpashikheva bhAnuH
      viprAH svakarmaniratAH praNamanti sandhyAm |
uttiShTha bhUstanataTadvayamadhyasupta
      vaikuNThapuryadhipate tava suprabhAtam || 7||
bhR^i~NgA~nchitAni madhumanti vikasvarANi
      puShpANi pUjayitumarchyamupAharantaH |
dvArAntike vidhimukhAH pratipAlayanti
      shrIvyomapattanapate tava suprabhAtam || 8||
geyaM bhavantamupavINayituM pravR^ittAn
      kAsArabhUkalivirodhimahachChaThArIn |
dvAri sthitAnanugR^ihANa shubhaiH kaTAkShaiH
      AkAshapattanapate tava suprabhAtam || 9||
vaikuNThanAtha iti sUrinuto.asi shuddhaM
      AnandamAlayavimAnamudairayaMste |
nidrA.api te nikhilarakShaNachintanaiva
      dAsAn vilokaya vibho tava suprabhAtam || 10||
kShetre mR^ikaNDusutadivyatapassamR^iddhyai
      tvaM sannidhAya tulasIvipine.avatIrNAm |
bhUmiM priyAmanagha yAM parirabhya sheShe
      budhyasva bhoH saha tayA tava suprabhAtam || 11||
bhUdAratAmupagato jaladherdharitrIM
      prAguddadhAra hi bhavAn kimu tachChrameNa |
bhUdAra eva shayito.atra bhuvaH kuchAdrau
      shAntashramo nu bhagavan tava suprabhAtam || 12||
puNyaM tavAvataraNAt shravaNaM vanaM cha
      tyAjyaM babhUva lavaNaM pariNetumurvIm |
bhavyekShaNena bhavataH kR^itino bhavema
      svApaM vimu~ncha dharaNIshvara suprabhAtam || 13||
muktAmayo maNimayaH kanakasvarUpo
      vaikuNThadivyanagarInilayo nijashcha |
svAmIti pa~nchavidhameSha shaThArisUriH
      tvAmudgR^iNAti bhagavan tava suprabhAtam || 14||
shrInAthayAmunayatIndramukhA mahAntaH
      ahorAtrapuShkariNikAvihitAvagAhAH |
dhAmAntike.a~njalibhR^itaH pratipAlayanti
      tvAM vyomapattanapate tava suprabhAtam || 15||
vedAntadeshikamaNirguNaratnasindhuH
      bhaktyodgR^iNan aghaTitaM ghaTayantamatra |
tvAM sevituM shritajanaiH saha sannidhatte
      shrIvyomapuryadhipate tava suprabhAtam || 16||
vaikhAnasena vidhinA.architapAdapadma
      vaikuNThapuryadhipate vinatArtihArin |
tvadvaishvarUpyavibhavAnubhavotsukAn naH
      dhanyAn vidhehi dharaNipriya suprabhAtam || 17||
shreyonidAnamidameva samastajantoH
      ityAshayaM karuNayA svapadAravindam |
nirdishya darshayasi bhUmipate kareNa
      tvaM dakShiNena bhagavan tava suprabhAtam || 18||
badhvA.a~njaliM duritakR^idgatiratra keti
      pArshvasthayA vasudhayA kR^ipayA.anuyuktaH |
eSheti dakShiNakareNa padAravindaM
      naijaM pradarshayasi bhUpriya suprabhAtam || 19||
mAmAshritasya sumateratibhIShaNo.api
      saMsArasAgara iyAn bhavatIti nUnam |
hastena sUchayasi nAtha kaTisthitena
      vAmena bhUmikamitastava suprabhAtam || 20||
madviprayogaparikhinnashaThArisUri\-
      saMshleShadaM gaganapattanametadAsIt |
hAtuM tadetaduchitaM na kadAchaneti
      tvaM nityavAsamiha vA~nChasi suprabhAtam || 21||
AkAshadivyanagarIsha shubhAM tvadIyAM
      mUrtiM bhajeya satataM dayatAM bhavAn me |
pashchAdbhavaM pratibhayaM na hi kAmayeti
      AchaShTa te kaliripustava suprabhAtam || 22||
alpA.asthiraM vitarataH phalamIshvarAdIn
      nAhaM smarAmi divi te.anubhavAdi lipse |
bhUvallabhetyakathayattava sannidhAne
      ShaTsUktikArakalijittava suprabhAtam || 23||
kukShau sthitiM tadanu janmajarAmR^itIshcha
      tvadvismR^itermuhuragAM khapurAdhinAtha |
ityabhyadhAnnijadashAM bhavataH samIpe
      bhUmyAH pate kaliripustava suprabhAtam || 24||
tvaM shrIshcha divyabhuvane samayaM vidhAya
      prAptau pR^ithagvanamidaM jagato vibhUtyai |
vyAjo mR^ikaNDutanayasya tapo.avatAre
      tasyAshcha te cha vasudhAdhava suprabhAtam || 25||
nirnidrapadmasubhagaM nayanAmbujaM te
      vaikuNThasImani niShevya viyatpure.asmin |
nityAH suShuptisuShamAmanubhUya tR^iptAH
      nidrAM vimu~ncha dharaNIshvara suprabhAtam || 26||
bhAgyena kenachana ki~NkaratAdhirAjyaM
      bhaktA janA bhuvi bhavatkR^ipayA prapannAH |
bhogaiH samarchayitumIsha bhavatpratIkShAH
      bhUmIsha jAgR^ihi vibho tava suprabhAtam || 27||
rUpeShu pa~nchasu paraM tava divyamAdyaM
      vyUhastathA vibhavasa.nj~namathAntaraM cha |
archeti teShu charame kR^itino ramante
      ye tAn vilokaya mahIshvara suprabhAtam || 28||
sUrIshvarairbahumate shaThakopamukhyaiH
      aShTottare sati shate bhagavatsthalAnAm |
saulabhyamabhyadhikamatra pure vitanvan
      vIkShasva naH kShitipate tava suprabhAtam || 29||
tvatsevayA tava guNAvalikIrtanena
      tvadbhuktabhogarasatastvadananyabhaktyA |
kAlaM samastamiha naH saphalaM chikIrShUn
      prItyA.avalokaya mahIshvara suprabhAtam || 30||
aprAkR^itaM shrutishatoktamakAlakAlyaM
      AnandasAndramanaghaM paramaM padaM tat |
tyaktvA.a.agatastvamavaneravanAya deva
      sarvaMsahesha bhagavan tava suprabhAtam || 31||
shArIrakAdhikaraNadramiDaprabandha\-
      dugdhAbdhinirmathanajairguNadivyaratnaiH |
vedAntadeshikagurugrathitAM sumAlAM
      kaNThe kuru kShitipate tava suprabhAtam || 32||
elAdisaMskR^itasugandhinadIjalADhyaiH
      haimairghaTairnijashirovidhR^itairlasantaH |
tvatki~NkarAstvadabhiShekakR^ite sametAH
      tAnAdishAvanipate tava suprabhAtam || 33||
kAlochitA guNanidhe vividhAH saparyAH
      bhaktA yathA.adhikaraNaM pravidhAtukAmAH |
utthAnamatra bhavataH pratipAlayanti
      vaikuNThapuryadhipate tava suprabhAtam || 34||
tvatto.adhikA puruShakAratayA dharitrI
      tulyA tvayA ha phalatAphaladAtR^itAbhyAm |
uktAkR^ititrayavishiShTagR^ihiNyupeta
      vaikuNThapuryadhipate tava suprabhAtam|| 35||
AkAshapattanapate tava suprabhAtaM
      etajjanAH pratidinaM bhavatassamIpe |
prAtaH paThantu sakalaM shubhamApnuvantu
      tvatpAdapadmamadhupAnaratA bhavantu || 36||

iti vaikuNThavAsi shrI yu ve rAmadeshikAchArya svAmi virachitaM
shrI oppiliappan suprabhAtaM athavA AkAshanagarIshasuprabhAtaM sampUrNam ||
shrI bhUmidevIsameta shrI oppiliappan tiruvaDigale AkAshanagarIshapAdapadmau sharaNam |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}