% Text title            : ArtatrANanArAyaNAShTAdashakam
% File name             : ArtatrANanArAyaNAShTAdashakam.itx
% Category              : dashaka, vishhnu, vishnu, aShTAdasha
% Location              : doc\_vishhnu
% Author                : Traditional
% Transliterated by     : Nat Natarajan nat.natarajan at gmail.com
% Proofread by          : Nat Natarajan nat.natarajan at gmail.com, NA
% Description-comments  : From Brihatstotraratnakara with 408 stotras
% Latest update         : August 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ArtatrANanArAyaNAShTAdashakam ..}##
\itxtitle{.. ArtatrANanArAyaNAShTAdashakam ..}##\endtitles ##
prahlAda prabhurasti chettava dR^iriH sarvatra me darshaya
stambhe chainamiti bruvantamasuraM tatrAvirAsIddhariH |
vakShastasyavidArayannijanakhairvAtsalyamAvedayann\-
ArtatrANaparAyaNaH sa bhagavAnnArAyaNo me gatiH || 1||
shrIrAmAva vibhIShaNoyamadhunA tvArto bhayAdAgataH
sugrIvAnaya pAlayehamadhunA paulastvayevAgatam |
evaM yo.abhayamasya sarvaviditaM la~NkAdhipatyandadA\-
vArtatrANaparAyaNaH sa bhagavAnnArAyaNo me gatiH || 2||
nakragrastapadaM samudyatakaraM brahmesha devesha mAM
pAhIti prachurArtarAvakariNaM devesha shaktIsha cha |
mA shocheti rarakSha nakravadanA~nchakrashriyA tatkShaNAd\-
ArtatrANaparAyaNaH sa bhagavAnnArAyaNo me gatiH || 3||
hA kR^iShNAchyuta hA kR^ipAjalanidhe hA pANDavAnAM sakhe
kvAsi kvAsi suyodhanAdavagatAM hA rakSha mAM draupadIm |
ityukto.akShayamastrarakShitatanuM yo.arakShadApadgaNAd\-
ArtatrANaparAyaNaH sa bhagavAnnArAyaNo me gatiH || 4||
yatpAdAbjanakhodakaM trijagatAM pApaughavidhvasanaM
yannAmAmR^itapUraNaM cha pibatAM santApasaMhArakam |
pAShANashcha yada~Nghrito nijavadhUrUpaM munerAptavAn\-
ArtatrANaparAyaNaH  sa bhagavAnnArAyaNo me gatiH || 5||
yannAma shrutimAtrato.aparimitaM saMsAravArAnnidhiM
tyaktvA gachChati durjano.api paramaM viShNoH padaM shAshvatam |
tannaivAdbhutakAraNaM trijagatAM nAthasya dAsosmyaham\-
ArtatrANaparAyaNaH trANaparAyaNaHsa bhagavAnnArAyaNo me gatiH || 6||
pitrA bhrAtaramuttamA~NkagamitaM bhaktottamaM yo dhruvaM
dR^iShTvA tatsamamArurukShumuditaM mAtrA.avamAnaM gatam |
yodAttaM sharaNAgataM tu tapasA hemAdrisiMhAsanaM
hyArtatrANaparAyaNaH sa bhagavAnnArAyaNo me gatiH || 7||
nAtheti shrutayo na tattvamatayo ghoShasthitA gopikA
jAriNyaH kulajAtidharmavimukhA adhyAtmabhAvaM yayuH |
bhaktiryasya dadAti muktimatulAM jArasya yaH sadgati\-
rhyArtatrANaparAyaNaH sa bhagavAnnArAyaNo me gatiH || 8||
kShuttR^iShNArtasahasrashiShyasahitaM durvAsasaM kShobhitaM
draupadyAbhaya bhaktiyuktamanasA shAkaM svahastArpitam |
bhuktvA.atarpayadAtmavR^ittimakhilAmAvedayan yaH pumAn
ArtatrANaparAyaNaH sa bhagavAnnArAyaNo me gatiH || 9||
yenArAkShi raghUttamena jaladhestIre dashAsyAnuja\-
stvAyAtaM sharaNaM raghUttama vibho rakShAtura mAmiti |
paulastyena virAkR^ito.atha sadasi bhrAtrA cha la~NkApure
hyArtatrANaparAyaNaH sa bhagavAnnArAyaNo me gatiH || 10||
yenAvAhi mahAhave vasumatI saMvartakAle mahA\-
lIlAkroDavapurdhareNa hariNA nArAyaNena svayam |
yaHpApidrumasampravartamachirAddhattvA cha yogAt priyAm\-
ArtatrANaparAyaNaH sa bhagavAnnArAyaNo me gatiH || 11||
yoddhAsau bhuvanatraye madhupatirbhartA narANAM bale
rAdhAyA akarodrate ratimanaHpUrtiH surendrAnujaH |
yo vA rakShati dInapANDutanayAnnAtheti bhItiM gatAn\-
ArtatrANaparAyaNaH sa bhagavAnnArAyaNo me gatiH || 12||
yaHsAndIpinideshatashcha tanayaM lokAntarAtsannataM
chAnIya pratipAdya putramaraNAdujjR^imbhamANArtaye |
santoShaM janayannameyamahimA putrArthasampAdanAd\-
ArtatrANaparAyaNaH sa bhagavAnnArAyaNo me gatiH || 13||
yannAmasmaraNAdaghaughasahito vipraH purA.ajAmilaH
prANAnmuktimasheShitAmanu cha yaH pApaudhadAvAtiyuk |
sadyo bhAgavatottamAtmanimatiM prApAmbarIShAbhidha\-
shchArtatrANaparAyaNaH sa bhagavAnnArAyaNo me gatiH || 14||
yorakShadvasanAdinityarahitaM vipraM kuchailAbhidhaM
dInAsanachakorapAlanaparaH shrIsha~NkhachakrojjvalaH |
tajjIrNAmbaramuShTipAtrapR^ithukAnAdAya bhuktvA kShaNAd\-
ArtatrANaparAyaNaH sa bhagavAnnArAyaNo me gatiH || 15||
yatkalyANaguNAbhirAmamamalaM mantrANi saMshikShate
yatsaMshetipatipratiShThitamidaM vishvaM vadatyAgamaH |
yo yogIndramanaHsaroruhatamaHpradhvaMsavidbhAnumAn\-
ArtatrANaparAyaNaH sa bhagavAnnArAyaNo me gatiH || 16||
kAlindIhR^idayAbhirAmapuline puNye jaganma~Ngale
chandrAmbhojavaTe puTe parisare dhAtrA samArAdhite |
shrIra~Nge bhujagendrabhogashayane shete sadA yaH pumAn\-
ArtatrANaparAyaNaH sa bhagavAnnArAyaNo me gatiH || 17||
vAtsalyAdabhayapradAnasamayAdArtArtinirvApaNAd\-
audAryAdaghashoShaNAdagaNitashreyaH padaprApaNAt |
sevyaHshrIpatirevasarvajagatAmete hi tatsAkShiNa\-
prahlAdashcha vibhIShaNashcha karirAT pA~nchAlyahalyA dhruvaH || 18||

iti shrImachCha~NkarAchAryavirachitamArtatrANaparAyaNa\-
nArAyaNAShTAdashakaM sampUrNam ||

##
Proofread by Nat Natarajan, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}