% Text title : Shri Artatrana Parayana Stotram 03 06 % File name : ArtatrANaparAyaNastotram.itx % Category : vishhnu, stotra % Location : doc\_vishhnu % Proofread by : Rajesh Thyagarajan % Description/comments : From stotrArNavaH 03-06 % Latest update : November 13, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Artatrana Parayana Stotram ..}## \itxtitle{.. shrI ArtatrANaparAyaNastotram ..}##\endtitles ## vAtsalyAdabhayapradAnasamayAdArtArti nirvApaNA\- daudAryAdaghashoShaNAdagaNitashreyaHpadaprApaNAt | sevyaH shrIpatireka eva jagatAM santyatra ShaT sAkShiNaH prahlAdashcha vibhIShaNashcha karirAT pA~nchAlyahalyA dhruvaH || 1|| prahlAda prabhurasti chettava hariH sarvatra me darshaya stambhe chetyavadaddhiraNyakashipustatrAvirAsIddhariH | vakShastasya vidArayannijanakhairvAtsalyamAvedayan ArtatrANaparAyaNaH sa bhagavAnnArAyaNo me gatiH || 2|| shrIrAmo.atra vibhIShaNo.ayamanagho rakShobhayAdAgataH sugrIvAnaya pAlayAmi kR^ipayA paulastyamapyAgatam | ityuktvAbhayamasya sarvavidito yo rAghavo dattavAn ArtatrANaparAyaNaH sa bhagavAnnArAyaNo me gatiH || 3|| nakragrastapadaM samuddhR^itakaraM brahmeshadeveshvarAH pAntvityArtaravaM nishamya kariNaM deveShvashakteShvapi | mA bhaiShIriti yo rarakSha makarAchchakreNa taM saharan ArtatrANaparAyaNaH sa bhagavAnnArAyaNo me gatiH || 4|| hA kR^iShNAchyuta hA kR^ipAjalanidhe hA pANDavAnAM sakhe kvAsi kvAsi suyodhanAdyapahR^itAM hA rakSha mAM draupadIm | (suyodhanAdavagatAM) ityukte.akShayavastrasaMvR^itatanuM yo.arakShadardhakShaNA\- (vastrarakShitatanuM yo.arakShadApadgaNAd\-) dArtatrANaparAyaNaH sa bhagavAnnArAyaNo me gatiH || 5|| yatpAdAbjanakhodakaM trijagatAM pApaughavichChedanaM yannAmAmR^itapUramastu pibatAM saMsArasantArakam | pAShANo.api yada~Nghrito muniva dhU rUpaM paraM prAptavAn ArtatrANaparAyaNaH sa bhagavAnnArAyaNo me gatiH || 6|| pitrA bhrAtaramuttamAsanagataM bhaktottamaH sa dhruvo dR^iShTvA tatsamamArurukShurudito mAtrAvamAnaM gataH | yaM gatvA sharaNaM jagAma tapasA hemAdrisiMhAsanaM hyArtatrANaparAyaNaH sa bhagavAnnArAyaNo me gatiH || 7|| yo.arakShadvasanAdibhirvirahitaM vipraM kuchelAbhidhaM dInaM dInachakorapAlanavidhuH shrIsha~NkhachakrojjvalaH | yajjIrNAmbaramuShTimeyapR^ithukAnAdAya bhuktvA kShaNAt ArtatrANaparAyaNaH sa bhagavAnnArAyaNo me gatiH || 8|| yaM kalyANaguNAbhirAmamamalaM shAstrANi sa~nchakShate | yasmin yogayute pratiShThitamidaM vishvaM vadantyAgamAH | yo yogIndramanaHsaroruhatamaHpradhvaMsane bhAnumAn ArtatrANaparAyaNaH sa bhagavAnnArAyaNo me gatiH || 2|| yo.atrAsIdaravindagarbhajanuShaM brahmANamArtiM gataM bhItaM kaiTabharAkShasena madhunA kalpAntakAle mahAn | hatvA tau madhukaiTabhau raNamukhe bhaktArtisaMshoShaNAt ArtatrANaparAyaNaH sa bhagavAnnArAyaNo me gatiH || 10|| yannAmasmaraNAdaghaugharahito vipraH purAjAmilaH prAyAnmuktimasheShato virahitaH saMsAradAvAnalAt | so.ayaM bhAgavatottamAvana iti prAptapratiShTho.achirAt ArtatrANaparAyaNaH sa bhagavAnnArAyaNo me gatiH || 11|| kAverIhR^idayAbhirAmapuline puNye jaganmaNDale chandrArkAkhyasarittaTIparisare dhAtrA samArAdhite | shrIra~Nge bhujagendrabhogashayane shete sadA yaH pumAn ArtatrANaparAyaNaH sa bhagavAnnArAyaNo me gatiH || 12|| vaktrendudyutimaNDitAbjanayano gaNDollasatkuNDalaH shrIvatsorumaNishriyAptahR^idayaH svarNAmbaro yo bhujaiH | sha~NkhaM chakragadAbhayAni bibhR^ite padmA~Nghriratyunnato hyArtatrANaparAyaNaH sa bhagavAnnArAyaNo me gatiH || 13|| karmabrahmanidAnavedanikaraM hR^itvA mahImaNDalaM tyaktvA nirmitamandiro.abhavadatho madhyemahAsAgaram | hantuM somakanAnakaM tamasuraM matsyasvarUpaM dadhA\- vArtatrANaparAyaNaH sa bhagavAnnArAyaNo me gatiH || 14|| kR^itvA mandaranAmakaM girivaraM manthAnadaNDaM purA kShIrAbdhau mathanaM chitenuradhikaM sarve.api devAsurAH | majjantaM nagamuddidhIrShurabhavadyaH kachChapAkAravAn ArtatrANaparAyaNaH sa bhagavAnnArAyaNo me gatiH || 15|| bhUlokaM pralaye mahArNavajale tAntaM nitAntaM chiraM brahmAdyairakhilairashakyamamarairdhartuM mahopadrave | vArAhI tanuratra dhartumanasA yenAsthitA lIlayA hyArtatrANaparAyaNaH sa bhagavAnnArAyaNo me gatiH || 16|| ##missing in the manuscript ## || 17|| svArAjye balichakravartyapahR^ite dAridryasampIDitai rindrAdyairamarairasheShamunibhiH saMstutya samprArthitaH | tAnetAn saphalAn vidhAtumakhilAn yo vAmanAkAravAn ArtatrANaparAyaNaH sa bhagavAnnArAyaNo me gatiH || 18|| karmabrahmavichAradakShamanaso dharmArthakAmeShu cha | protsAhaM nitarAmasaktamanasaH kurvanti ye brAhmaNAH | itvA kShattramapAlayad dvijavarAn yo bhArgavAkAravAn ArtatrANaparAyaNaH sa bhagavAnnArAyaNo me gatiH || 19|| indrAdInamarAMstathA munivarAn yo rAvaNo bAdhate bhAgAn hanti tathaiva yo diviShadAmAgneyAgAdiShu | jitvA taM sakalAMshcha rakShitumanA yo rAmarUpaM dadhA\- vArtatrANaparAyaNaH sa bhagavAnnArAyaNo me gatiH || 20|| gopAlAnatipAmarAnaviduSho mAyAvR^itAn rakShituM yaH prApAnakadundubheshcha sadane shrIkR^iShNarUpaM hariH | tajjyeShTho balarAma ityajani yo hyanvarthanAmA mahAn ArtatrANaparAyaNaH sa bhagavAnnArayaNo me gatiH || 21|| indrAdInamarAMstathA munivarAn sampIDitAn rAkShasai\- strAtuM mantragurUpadeshavidhinA bhUtAni sammohayan | nityaM dharmaparAyaNaH svayamapi shrIbauddharUpaM dadhA\- vArtatrANaparAyaNaH sa bhagavAnnArAyaNo me gatiH || 22|| varNAchAravivarjite kaliyuge duShTasvabhAvairjanai\- garveNoddhatamAnasairmunigaNAn sampIDyamAnAMstathA | trAtuM kalkyavatAramApa bhagavAn yaH sarvasAkShI pumAn ArtatrANaparAyaNaH sa bhagavannArAyaNo me gatiH || 23|| shailArAtiniyuktabhIShaNamahAkAdambinImaNDale ruddhvA khaM vidisho disho.ashanishilAsArAn bhR^ishaM varShati | yo.arakShadvrajagokulaM karatalenoddhR^itya govardhanaM hyAtatrANaparAyaNaH sa bhagavAnnArAyaNo me gatiH || 24|| kArAveshmani bhImavikramajarAsandhena bandIkR^itAn bhUpAlAnakhilAnananyagatikAn vij~napitasvavyathAn | bandhAnmochayituM prabha~njanabhuvA yo.ajIghanattaM sami\- tyArtatrANaparAyaNaH sa bhagavAnnArAyaNo me gatiH || 25|| kShuttR^iShNArtasahasrayogisahitaM durvAsasaM krodhinaM draupadyA vighasANumabhyavaharan shAkaM svahastArpitam | tR^iptyAtarpayadAtmano.asya jagatastR^iptiM samAvedayan ArtatrANaparANaH sa bhagavAnnArAyaNo me gatiH || 26|| sItAyA apachAriNaM hariharabrahmAdibhirdurgrahaM bANenAbhihataM nijena punarapyAyAtama~Nghridvayam | kAkAkAranishAcharaM karuNayArakShadvipannaM bhayA\- dArtatrANaparAyaNaH sa bhagavAnnArAyaNo me gatiH || 27|| vAliprAptakalatrarAjyavibhavaM dInaM kushaM nirdashaM sugrIvaM svapadagrahaikasharaNaM kR^itvA kaTAkShAspadam | tadduHkhAnyahite saroShamakarodyaH svapratij~nAbalAt ArtatrANaparAyaNaH sa bhagavAnnArAyaNo me gatiH || 28|| shUdre ghoratapassamAcharati taddoSheNa mR^ityuM gate kasmiMshchit pR^ithuke tadIyajananIpitrormahAduHkhayoH | hatvA shU drashiro mR^itasya cha shishoH prANAn punaryo.adadAt ArtatrANaparAyaNaH sa bhagavAnnArAyaNo me gatiH || 29|| yasmAdraktapipIlikAdirachanAdeveshaparyantakaM yo rakShatyakhilaM charAcharamidaM nityaM jagannirmitam | karmabrahmavichAradakShamanasAmaikyena yo rakShitA hyArtatrANaparAyaNaH sa bhagavAnnArAyaNo me gatiH || 30|| tatsR^iShTvA tadanupravishya sadabhUttyachchAbhavadyaH pumAn eShA hyeva mukhAchChrutishcha sakalA yaM bodhayatyAdarAt | yo gR^ihNAti yathorNanAbhirudare sarvaM jagannirmitaM hyArtatrANaparAyaNaH sa bhagavAnnArAyaNo me gatiH || 31|| satyaM j~nAnamanantamAdisakalashrutyarthamImAMsayA satyo.ahaM chidahaM (tathAntarahito) brahmAsmyahaM sarvadA | evaM vR^ittibhirarditAnaviduSho yo bodhayatyAkhyayA hyArtatrANaparAyaNaH sa bhagavAnnArAyaNo me gatiH || 32|| chidrUpI cha samastabhedarahito yashchAbhavannirmamo\- yaH sthUlAdisharIrabandharahito yaH satyarUpaH sadA | kartuM svIyamupAsakaM phalayutaM yaH kalpitAkAravAn ArtatrANaparAyaNaH sa bhagavAnnArAyaNo me gatiH || 33|| shabdAt sarpamR^itistathA gajamR^itiH sparshAttathA rUpato naShTo.abhUchChalabhastathaiva rasato matsyAshcha gandhAdaliH | sarvaiH svairviShayairnipIDitatanUn yaH pAlayatyAshritAn ArtatrANaparAyaNaH sa bhagavAnnArAyaNo me gatiH || 34|| bhUlokAdisamastalokanichayaM kR^itvAgajAtaM tanoH svIyAyAH sakalaM charAcharamidaM pAdAdishIrShAntakam | yo brahmANDasamaShTirUpatanubhR^idvairAjanAmA babhA\- vArtatrANaparAyaNaH sa bhagavAnnArAyaNo me gatiH || 35|| shrotratvAsanAdidhIndriyachayo vAgAdikarmendriya\- stomaH prANachayashcha saptadashakaM li~NgaM mano dhIrapi | tAdR^igli~NgasamaShTirUpatanumAn hairaNyagarbho babhU\- vArtatrANaparAyaNaH sa bhagavAnnArAyaNo me gatiH || 36|| avyaktaM prakR^itiH pradhAnamapi chAvidyA cha mAyA tathA\- nirvAchyA gurumUrtirAdirahitA chichChaktirityuchyate | tAdR^igghetusamaShTirUpatanubhR^it sarveshvaro yo babhU\- vArtatrANaparAyaNaH sa bhagavAnnArAyaNo me gatiH || 37|| eko dIvyati yashcharAcharajagadgUDho.akhilavyApaka\- shchAntaryAmitayA sthitashcha jagatAM yaH karmaNAmIshvaraH | AvAso nikhilasya pashyati cha vidyaH kevalo nirguNa\- shchArtantrANaparAyaNaH sa bhagavAnnArAyaNo meM gatiH || 38|| yo devo nijamAyayA jagadidaM nirmAya sampoShayan ante svAtmani sandadhAti nitarAmAnandapUrNo hariH | satyAtmA vibhurAdimadhyarahito gambhIrakarmA mahAn ArtatrANaparAyaNaH sa bhagavAnnArAyaNo me gatiH || 39|| sarvAtmAnamajaM chidambaraparij~neyaM mano.agocharaM vAgarvAchi gataM jarAkR^ititanuM chaitanyasampAdakam | ekaM naikavidhasvarUpamamalaM yaM veda pa~NkejabhU\- rArtatrANaparAyaNaH sa bhagavAnnArAyaNo me gatiH || 40|| nirbheda nirupadravaM nirupamaM nirvANadaM nirmalaM niShkampaM nirupAdhikaM nirashanaM nityAmR^itoddAyakam | nirvelaM niratodayaM nirudayaM yaM veda durgAdhirAT\- ArtatrANaparAyaNaH sa bhagavAnnArAyaNo me gatiH || 41|| satyaM jyotiranAdi ya~ncha kalayannAtmanyajastraM jaga\- nnirdvaito vichachAra chAraNagaNaiH saMstUyamAnaH shukaH | loko budbudataulyameti kila yatrAmbhonidhau chA~nchalan ArtatrANaparAyaNaH sa bhagavAnnArAyaNo me gatiH || 42|| nadyaH syandanasaMyutA jalanidhau sve nAmarUpe yathA santyajyaikyamupAgatAshcha sakalAstadvat pumAn brahmavit | rUpaM nAma vihAya pUrNatanumannarAyaNaikyaM gata\- shchArtatrANaparAyaNaH sa bhagavAnnArAyaNo me gatiH || 43|| braMhiShThAdipipIlikAntahR^idaye yA prItirAste sadA saiShArdho.abhimataH samastaviduShAmAdyasya vAkyasya cha | saiShAnandalavo hi yasya mahato nArAyaNasya prabho\- rArtatrANaparAyaNaH sa bhagavAnnArAyaNo me gatiH || 44|| AdityAdichaturmukhAntahR^idaye yA prItirAste sadA saiShArdho.abhimataH samastaviduShAM madhyasthavAkyasya cha | antyAttvaikyapadI dadau sapadi yA nArAyaNaikyaM tayo\- rArtatrANaparAyaNaH sa bhagavAndArAyaNo me gatiH || 45|| yenAghrANanirIkShaNagrahaNadhIrvAgvyAkR^itiryena cha svAdvasvAdviti yena vindati cha tatpraj~nAnamityuchyate | praj~nAnaM mayi tAdR^ishaM vijayate yasya svarUpaM vibho\- rArtatrANaparAyaNaH sa bhagavAnnArAyaNo me gatiH || 46|| yachchaitanyamasheShadevanichaye sarveShu martyeShvapi prANiShvadya gavAdiShu prakaTitaM brahmeti tatrochyate | tAdR^ibrahma virAjate mayi sadA yasyaiva dhAma prabho\- rArtatrANaparAyaNaH sa bhagavAnnArAyaNo me gatiH || 47|| vidyArhe paripUrNamatra nivasan devaH parAtmAbhito buddheH sAkShitayA sphurannahamiti j~neyaH sadA prochyate | so.ayaM tAdR^igahaM babhUva satataM yasyaiva chAMshaH prabho\- rArtatrANaparAyaNaH sa bhagavAnnArAyaNo me gatiH || 48|| sarvatra svayameva pUrNatanumAn devaH parAtmA vibhuH sarvairbrahmavidAM gaNaiH sumanasAM brahmeti saMvarNyate | tadbrahmAhamiti pramAsmi vadato yaH svAnubhUtiM dadA\- vArtatrANaparAyaNaH sa bhagavAnnArAyaNo me gatiH || 49|| ekaM vAstvitareNa shUnyamabhitaH santyaktanAma svayaM rUpeNApi vivarjitaM yadabhavattattvampadArthaM viduH | shrInArAyaNamUrtireva bhagavAn yattatpadArthashrutA\- vArtatrANaparAyaNaH sa bhagavAnnArAyaNo me gatiH || 50|| shrotuH shiShyajanAdapIndriyachayAddehatrayAchchApi ya\- dvastvekaM nitarAM vilakShaNamaho tattvampadArthaM viduH | tAdR^ik tvaM tadasIti deshikagirA prApnoti yenaikatA\- mArtatrANaparAyaNaH sa bhagavAnnArAyaNo me gatiH || 51|| nityaM vastu virAjate svayamaho svasyAparokShaM sadA sAkShI svIyatanoshcha sarvavibudhaiH so.ayaM tadAtmochyate | AtmA yo.ayamabhUtapUrvamahimA yasyaiva leshaH sphuran ArtatrANaparAyaNaH sa bhagavAnnArAyaNo me gatiH || 52|| AtmA yastu virAjate.asya jagato dR^ishyasya sarvasya cha sthitvA sAkShitayA chakAsti tamimaM brahmeti sarve viduH | brahmAtmAyamiti prasannahR^idaye nArAyaNAtmA babhA\- vArtatrANaparAyaNaH sa bhagavAnnArAyaNo me gatiH || 53|| chidrUpo madhushAsano madhuharo mAyAtigo nirguNo santo vishvaparaH purANapuruSho nityodito nirmalaH | nityAnandavapurbhavan bhavaharo yo vAsudevaH pumAn\- ArtatrANaparAyaNaH sa bhagavAnnArAyaNo me gatiH || 54|| ArtatrANaparAyaNastavamimaM dharmAdimokShapradaM vyAsAchAryakR^itaM paraM shubhakaraM sarvAghavidhvaMsanam | nityaM yaH paThati prabhAtasamaye shR^iNvannaro bhaktimAn shrIvaikuNThapadaM sa yAti vimalaM yogIndralabhyaM padam || 55|| iti shrI ArtatrANaparAyaNastotraM sampUrNam | ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}