% Text title            : Shri Arti Shodashi 06 04
% File name             : ArtiShoDashI.itx
% Category              : vishhnu, ShoDasha
% Location              : doc\_vishhnu
% Author                : Nrisimharya
% Proofread by          : Saritha Sangameswaran
% Description/comments  : prakIrNastotrANi Stotrarnavah Ed. T.Chandrasekharan 1961 From stotrArNavaH 06-04
% Latest update         : March 27, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Arti Shodashi ..}##
\itxtitle{.. shrI ArtiShoDashI ..}##\endtitles ##
janmAnantyasamutthakilbiShaparIpAkotthadushshemuShI\-
      sa~njAtAnabhijAtakR^ityakalanAshIlaM sadA shrIpate |
pAhi shrIkarishailanAtha karuNAkUpAra pApAkaraM
      dAsaM mAmaruNAbjanetra yatirAmukhyAryasevya prabho || 1||
saMsAre durvachAdhikShudahitabahulavyadhyakANDAtapAdyaiH
      duHkhaiHprote mayA tu kShaNamapi bhagavan vartanaM sahyate na |
shrImantaM tvAM prapannaH sharaNamahamativyAkulaM mAM karIsha
      svAmin muktaishcha sAkaM kR^itavividhabhavadyAsyamenaM kuruShva || 2||
sharIrAshakteH prA~N mama manasi cha tvatpadayuga\-
      smR^itisthe chaiva shrIsahachara karikShmAdharapate |
anAyAsenaitat kaluShadasharIrAt karuNayA
      kShaNAdunmochya tvachcharaNayugalaM mAM naya hare || 3||
mahApApakoTiM gate mayyanAthe
      dayAkShAntipUrNo bhavAn hastinAtha |
kaTAkShaM prakurvan visheSheNa dInaM
      tvanAyAsato mAM nayatva~Ngghriyugmam || 4||
sadA machchitte tvatpadasarasijadhyAnamadhikaM
      mudA madvAchi tvanmadhurataranAmAlikathanam |
tvadIyaiH sattvADhayaiH satatasahavAsaM cha kR^ipayA
      samutpAdya shrIman varada naya mAM tvatpadayugam || 5||
kR^itAntAj~naptAtiprakaTakaTuvAgbhIShaNanija\-
      svarUpapreShyaughaprachitabahubAdhA mama hare |
yathA na syAllakShmIparibR^iDhatayA kAmapi bhavAn
      kR^ipAM kurvan divyaM padamapi cha bho prApayatu mAm || 6||
mayi tvatsve jAte svakaviShayachintA tava hi tat
      svakaM bhUtaM svasmai kuru varada bhogAya tarasA |
tvadekopAyatvadhyabhidhavR^itimAtatya kimidaM
      phalaprAkkAlInaM kimapi karaNIyaM na kuruShe || 7||
satkarmANi saroruhAkSha varada j~nAnaM lasadbhaktira\-
      pyatyAshcharyakaratvadIyacharitavyUhe shrute.apyAdaraH |
satyaM tvatpadapa~NkajaikaniratasvAnteShu saMsevanaM
      chaiteShvanyatamaM cha nAtha na kR^itaM pApAtmanA hA mayA || 8||
mudhA chintA bhItirvyasanamadhikaM chAdhiramitA
      prakR^iShTasvastautyaM mahadadhikanindA cha mama bho |
na mu~nchanti svAntaM nayananalinemAni satataM
      mahAprArabdhasyAnuguNaphalametanna vishayaH || 9||
pitA mAtA bhrAtA suhR^idapi sutaH sadgururapi
      tvameva shrIman me jaya jaya karikShmAdharapate |
hare brahyendrAditridivapaTalIsevitapadA\-
      mbujadvandva svAmin sakalabhuvanAdhIshvara vibho || 10||
rAgadveShavilobhamAnamadasammohAdijanmAvaniH
      majjanmaprabhavAmbudhAvahamayaM tvAM sarvalokeshvaram |
svAmin bho kathamApnuyAM varada te kShAntyAH parAyA bhR^ishaM
      dAsaM mAM viShayIkarotu dayayA shrIman bhavAn vatsalaH || 11||
mahApApavyUho vyapanayati satkarmadhiShaNA\-
      makR^ityavyUho.atiprayatanamanIShAM vitanute |
svarUpaM cha prAptand yadiha mahatAM sammatatamaM
      suvR^ittaM tannityaM suguNanilayotpAdaya hare || 12||
dhanyAstvatkaruNotthavittavibhavasvArAdhitatvatpada
      tvaddAsA vilasanti kechidasamA lIlAvibhUtyAmaho |
tadbhAgyaM varada prabho mama kathaM jAyeta jAtainaso
      nityaM tvatpadapadmasaMsmR^itiriyaM syAnchenmamAlaM hare || 13||
matsyAtman kUrmarUpin mahitakiTitano nArasiMharavarUpin
      bhUyA~nchodyuktavarNina nR^ipakulabahuruDbhArgavAkArashobhin |
dhAtrIputrIsharUpa svakaratalalasatsIra tAlA~NkamUrteM
      lIlAgopAla kalke varada murahare tvAM sharaNyaM bhajAmi || 14||
dR^iShTArthaM prArthite.apIpsitaphalada mayA vAsanAtaH prakR^ityAH
      taM me tvaM mA kR^ithAstvatpadakamalayugIdAsyavR^ittyekalipsoH |
sambhUtAddehabandhAjj~naTiti karuNayA mAM vimochya tvadIyaiH
      nityairmuktaishcha sAkaM kR^itavividhabhavaddAsyamenaM kuruShva || 15||
kaTAkShaviShayaM kR^itvA dAsaM kamalalochana |
anAyAsena naya mAM tvatpAdAmbhoruhadvayam || 16||
aShTagotranR^isiMhAryakalitAmArtiShoDashIm |
yaH paThettasya tu bhavet karIshakaruNAmitA || 17||

iti shrI ArtiShoDashI sampUrNA |

##
Proofread by Saritha Sangameswaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}