% Text title            : Shashtibalaih Kritam Balakrishna Stotram
% File name             : ShaShTibAlaiHkRRitaMbAlakRRiShNastotram.itx
% Category              : vishhnu, vishnu, krishna, lakShmInArAyaNIyasaMhitA, stotra
% Location              : doc\_vishhnu
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 2 | adhyAya 165/48-77||
% Latest update         : February 28, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shashtibalaih Kritam Balakrishna Stotram ..}##
\itxtitle{.. ShaShTibAlaiH kR^itaM bAlakR^iShNastotram ..}##\endtitles ##
tApasAH siddhimantashcha yathA vai brahmachAriNaH |
natvA divyaM vimAnaM te tasthuH kShaNaM vishashramuH || 48||
atha ShaShTirdivyarUpA militvA te narAH striyaH |
vR^ikAyanaM tathA chATvAlarShIn sarvAn praNamya cha || 49||
stutiM chakrurvimAnAbhimukhaM vilokya bhAvataH |
ekasvareNa muditA netre pramIlya vai tadA || 50||
vyApako yaH parabrahmA.anAdishrIpuruShottamaH |
muktamuktAnikAsevyastasmai kR^iShNAya te namaH || 51||
akSharaM brahma yatrAste dhAma divyaM parAtparam |
sevate yaM sadA tatra tasmai kR^iShNAya te namaH || 52||
yanmUrtestu samutpannA rAdhA shaktiH surUpiNI |
rAdhArthaM kR^iShNarUpo.abhUt tasmai kR^iShNAya te namaH || 53||
yaM kR^iShNaM nityagoloke gAvo gopyashcha gopakAH |
sevante sukhadaM rAse tasmai kR^iShNAya te namaH || 54||
yanmUrtestu samutpannA lakShmIrmUrtiH surUpiNI |
nArAyaNo.abhUllakShmyarthaM tasmai kR^iShNAya te namaH || 55||
yaM vaikuNThe pArShadAH pArShadAnyashcha bhagAni cha |
prasevante sakhIkoTyastasmai kR^iShNAya te namaH || 56||
yo nAtho.anAdisR^iShTeshcha pravAhArthaM chatuShTayam |
vAsudevAdikaM vyUhaM dhatte kR^iShNAya te namaH || 57||
yo devo vai mahAbhUmA vairAjashcha purA.abhavat |
tridevatAM samApannastasmai kR^iShNAya te namaH || 58||
yaH svamUrtau mANikIM cha ramAM padmAvatIM satIm |
lakShmIM nArAyaNIM dhatte tasmai kR^iShNAya te namaH || 59||
yo haMsAM suguNAM ma~njulikAM dhatte svavigrahe |
dayAM jayAM cha lalitAM tasmai kR^iShNAya te namaH || 60||
yo rAdhAM yamunAM ga~NgAM virajAM cha sarasvatIm |
shAradAM kamalAM dhatte tasmai kR^iShNAya te namaH || 61||
yaH svamUrtervivareShu dhatte brahmANDakoTikAH |
brahmANDeShvanvitashchAste tasmai kR^iShNAya te namaH || 62||
avyAkR^ite.amR^ite dhAmni shvetadvIpe narAyaNaH |
yastvAste shrIramAsevyastasmai kR^iShNAya te namaH || 63||
AdityamaNDale hiraNmayo yashcha virAjate |
agnau yaj~nasvarUpashcha tasmai kR^iShNAya te namaH || 64||
brahmANDe viShNurUpo yaH svarge vAmanarUpadhR^ik |
badaryAM cha harishchAste tasmai kR^iShNAya te namaH || 65||
sheShe nArAyaNarUpashchAtmasvantarniyAmakaH |
sAkShI yaH sarvabhUtAnAM tasmai kR^iShNAya te namaH || 66||
yashchAste bAlakR^iShNo.ayaM shrImadgopAlanandanaH |
ku~NkumavApikAkShetre tasmai kR^iShNAya te namaH || 67||
yena ga~NgA kR^itA divyA.asmanmAtA ShaShTibAlakA |
pAdA~NguShThena satye vai tasmai kR^iShNAya te namaH || 68||
mUrtirUpo vimAne.atra yashchAste bhagavAn hariH |
ga~NgA.apatyakR^ipAvarShI tasmai kR^iShNAya te namaH || 69||
karmakANDAya yogAya j~nAnAya cha viviktaye |
nItaye cha vichArAya tasmai kR^iShNAya te namaH || 70||
jIvAya jIvakAyApi prANAya koshine cha te |
khAya kAya cha satyAya tasmai kR^iShNAtmane namaH || 71||
tIrthAya sAdhurUpAya sarvaj~nAya vihAriNe |
muktaye muktidAtre cha tasmai kR^iShNAtmane namaH || 72||
chidachitsarvarUpAya vimAnasthAya mUrtaye |
bAlAya bAlakR^iShNAya kAntakR^iShNAya te namaH || 73||
brahmapriyAdhipataye koTishaktIshvarAya cha |
shatachatvAriMshadUrdhvakanyAkAntAya te namaH || 74||
mAyAkAlapuruShANAM pataye dhAmadhAminAm |
IshajIvAdhipataye tasmai kR^iShNAya te namaH || 75||
gocharAyA.agocharAya ShaShTivandyAya mUrtaye |
sharaNaM smaH samApannAH sharaNyAya cha te namaH || 76||
evaM stutvA rAdhike! te vR^ikAyanAbhikA~NkShayA |
puShpA~njalInnibad.hdhyaiva vimAnabhUmikAM yayuH || 77||

iti shrIlakShmInArAyaNIyasaMhitA | khaNDa 2| adhyAya 165\-adhyAyAntargataM
ShaShTibAlaiH kR^itaM bAlakR^iShNastotraM sampUrNam |

lakShmInArAyaNIyasaMhitA | khaNDa 2| adhyAya 165/48\-77||
##
lakShmInArAyaNIyasaMhitA . khaNDa 2. adhyAya 165/48-77..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}