% Text title : Ashtaprasapushpanjalih % File name : aShTaprAsapuShpAnjaliH.itx % Category : vishhnu % Location : doc\_vishhnu % Author : shrIsundaradAsa % Proofread by : Rajesh Thyagarajan % Description/comments : From Stotrasamuchchaya 2, Edited by Pandit K. Parameshwara Aithal % Latest update : May 10, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ashtaprasapushpanjalih ..}## \itxtitle{.. aShTaprAsapuShpA~njaliH ..}##\endtitles ## trAtA yo jagatAM sakR^itprapadanaprItAntarAtmA muhu\- rdAtAbhUdabhayasya cheti jagati khyAtApadAnAvaliH | naitAdR^ik karuNAkaro.anya iti nirdhUtAnyadevaH sadA sItAnAyakameva taM mama mano jAtAdaraM sevate || 1|| jetA nUtananIlanIradaruchAM bhrAtA cha nIlotpala\- vrAtAbhAvitateH sakhA harimaNIjAtA~njanauShatviShAm | sItApA~NgamarIchivIchinichayasphItAtmarUpaH shritA\- netAn naH paripAtvasau raghupateH pUtAkR^itenalimA || 2|| ye tAvad bahuduHkhasAgaragatA bhItA janAH saMsR^itau yAtAyAtanitAntatAntahR^idayA nItAshcha nIchAM dashAm | etAdR^ikShvapi durdashAsu manasA sItApatiM yAnti ched yAtAyAtaparishramaM jahati te kA tAvatA syAt kShatiH || 3|| mAtAro na hi yanmahimna iha vikhyAtA mahAnto.apyasA\- vetAvAniti yogino.api satataM dhyAtAtmarUpA api | sItAnAthamahimni tatra kimanAghrAtAtmadR^iShTikramo j~nAtAbhUvamihedR^isho.ahamadhunA stotA bhaveyaM katham || 4|| netAdityakulasya sannapi janAn krItAn svakIyairguNaiH shItAlokamR^idR^Iktibhishcha sukhayan mAtApitR^ibhyo.adhikam | dhautAn kArtayugAMshcha dharmanivahAMstretAyuge.apyAcharan vyAtAnIdratisAdhu rAjyamiha yaH sItApatiH pAtu saH || 5|| lokA yUyamupAshrayadhvamadhunA lokAbhirAmaM kR^ipA\- lokAsArakR^itAvanaM raghupatiM lokAtishAyiprabhum | lokAlokadharAvadhIha gamane lokAntaroddhAvane\- .apyekApItaradevatA na sharaNaM kAkAsurasyApyabhUt || 6|| mUkAtmApyahamAshraye raghupatiM nAkAdhipAdyairnR^itaM rAkAchandranibhAnanaM stutikR^ite lokAn vidhAtuM mudA | kAkArAvasamAstadanyaviShayashlokA iti j~nAnavA\- ~nshokAnAmapanodanAya jagatAmekAdhipaM santatam || 7|| shailAnAmapi yasya pAdarajasA chelAdibhUShAmaNI\- jAlAni sphuTamambujAdisumanomAlAshcha sampAditAH | sA lAvaNyamayI tanustanumatAM helAdiyogyA cha taM phAlAkShAdinutaM shraye raghuvaraM shIlAnvitaM sarvadA || 8|| AdAyAshu kareNa shailanivahAn vyAdAya vaktraM cha yA khAdAya drutamApatantyabhimukhaM khedAvahA prANinAm | sIdAmIti hatApatad yadiShuNA sA dAruNA tATakA modADhyA munayo.astuvan tamanaghaM vedAntavedyaM bhaje || 9|| mArIcho hi yadIyabANavibhave vairIbhavannAdimo dUrIkR^itya nipAtane nipuNatAmUrIchakArAdbhutAm | dArIyastanadAraNaH suduraha~NkArI kilAmoghatAM vArINAM nidhirarchiShAM cha vibhavaM bhUrIDitaM taM bhaje || 10|| siddhA yatra janA bhavanti tapasA siddhAshramaM taM bhaja\- ~nshuddhAtmA raghunandano guruvachastaddhArayaMshchetasA | ruddhAkAshamapAsya rAkShasakulaM yuddhAya pAtAstrataH shraddhAto guruyaj~narakShaNaparo hR^iddhAmni bhUyAchchiram || 11|| shUrAgresaramAnino.atra bhuvi ye dhIrAstathA bhUmipA bhArAd yachchalanAdhiropaNakathAdUrA nirAshA gatAH | paurANAM puratastadIshvaradhanuryo rAgato lIlayA sArADhyo.atha bibheda taM raghupatiM vIrAgragaNyaM bhaje || 12|| tArAnAthanibhAnanaM janakajA mArAbhirAmAkR^itiM sphArAkShyutpalamAlikAbhirabhito nIrAjayantI muhuH | sArAsAravivekalampaTamatirdhIrAtha vavre patiM shrIrAmaM sukumAramUrtiranishaM smerAnanaM taM bhaje || 13|| kArAgAramavApitAH kranubhujo ye rAvaNenArditA nairAshyAnnijajIvane.apyasharaNAH kShIrAmburAshestaTe | dUrAdachyutamastuvan janakajAshrIrAmachandrAvubhA\- vArAt te kalayanta eva manasA krUrAshareshaM hatam || 14|| kShIrAbdheravatIrya chaitya vimalAkArAM prasannAM sadA\- chArADhyAM tanumujjvalAM kuvalayaM dUrAdasau harShayan | ArAdhya dvijarAjabhAvamamR^itAsArAbhivarShI nR^iNAM ghorANIha tamAMsyapohya jayati shrIrAmachandro bhuvi || 15|| ye dhAvantyapi tAnaho bhuvi mahInAthAn samastAnapi krodhAgnau hi juhAva yo nijapiturbAdhApravR^iddhArchiShi | AghAt taM jamadagnijaM munimasau sAdhAraNaM cheti yad gAdhAH sAdhu paThanti taM raghupatiM medhAvinaM saMshraye || 16|| tyaktvA rAjyamakaNTakaM pitR^ikR^ite kR^itvA nivAsaM vane hatvA krUrataraM virAdhamasuraM dhR^itvA jaTAvalkale | natvAgastyamukhAnR^ipI~nshuchitamAn sattvAlayAn rAghavaH sthitvA pa~nchavaTItaTe sadayitaH sattvAshrayo naH prabhuH || 17|| bhImA shUrpaNakhAbhidhA nishicharI kAmAbhirAmAkR^itau rAmAkhye puruShottame patimatiM kAmAturA vyAtanot | mA mA tvanmatirIdR^ishI madanujaM premAspadIkurviti kShAmA yena niShedhitA trijagatIkShemAvahaM taM bhaje || 18|| dhAmAgatya nishAcharI tadanu sA rAmAnujaM prApya tad\- bhImAsipratikR^ittakarNasunasA gAmAshritAkrandatI | yA mAyAkharadUShaNatrishiraso.alIkAni sa~NkIrtya sA gAmAkAshamapi svanAnmukharayAmAsAtha ghorasvaraiH || 19|| bANAnasyata ekadaiva bahulAn bANAsanAdadbhutaM prANAnapyatha rakShasAM kharashiraHsthUNAsadR^ikShAn bhujAn | pANAvAmalakaM va yasya dadR^ishurvINAmunIndrAdayaH shoNAbhaM pariShasvaje janakajA prANAdhipaM taM numaH || 20|| pAyAnmAmiha kosaleshvarasutAdAyAda eSha jvalan mAyArUpamR^igasya tUrNamiShuNA kAyAdasUn mochayan | jAyAhartR^idashAnanasya padavImAyAsato jalpataH preyAnAshu dadau jaTAyuSha urushreyAMsi yaH sAnujaH || 21|| tvaM pAhIti vadatkabandhamavaTe taM pAtayitvA tataH shampAtulyatanuM gatena danujAsampAditopAyataH | pampAmetya raghUdvaho hanumatA sampAdya sakhyaM hare\- staM pApaM hanamaikShata trijagatIkampAvahaM rAvaNam || 22|| sAlAn sapta girIn rasAtalamasau kAlAnalAkAriNA helAkR^iShTashareNa kenachidaho nAlAnivAmbhoruhAm | yo.alAvId draDhayan manashcha suhR^ido DolAyitaM harShayan nIlAdhInabhujaM bhaje raghupatiM nIlAmbudashyAmalam || 23|| ko yoddhA bhuvane mayeti cha dhiyA bhUyomadaM vAlinaM nyAyopetanijAnujatyajanatajjAyopabhogAdyaghaiH | heyo.asAviti yo.avadhIt tamiShuNA mAyoddhataM dhArmikaM bhUyo bhUya upAsmahe tamanaghaM shreyonidhiM rAghavam || 24|| rAjA sarvadhanuShmatAM hanumatA shrIjAnakIvR^ittama\- pyAjAnannakhilairvR^ito vasumatIbhAjAM kapInAM gaNaiH | vyAjAd dArahR^iduttharoShashikhino bhAjAladuShprekShaNo yo jAto vijayaprayANasamaye shrIjAnimenaM bhaje || 25|| indhAno.atha vanaukasAM bahubalairmanthAnabhUbhR^itsamaiH panthAnaM dyusadAM nR^iNAM cha raghurADindhAnarUpaH shriyA | saMvAyAtha vibhIShaNena jaladhau bandhAya setordR^iDhaM sandhAmeSha vidhAya cha tridivasaM sindhAvashena sthale || 26|| buddhvA vArinidhiM pramattamadhikaM kruddhvA shitaiH sAyakai\- rdagdhvA taM raghurAD vishoShya jalajaM vadhvA sahAkrandayan | baddhvA setumasau valImukhabalairadhvAnamAvR^itya ta\- nnidhvAnairapi rodasI ripupuraM ruddhvA suvele vyabhAt || 27|| koTIbhishcha vanaukasAM saha javAdATIkamAnaH prabhuH koTIraM cha suvelanAmakagireH pATIragandhAnvitam | ghoTIdantighaTAchChaTArathabhaTaishcheTIjanaiH saMvR^itAM vATIbhishcha mahIruhAmaripurIM peTImavait sampadAm || 28|| vegAdAgatamIkShya rAkShasabalaM rAgAd raNe rAghavo nAgAshvAdisamAkulaM haribaleShvAgAMsi kurvan bhR^isham | yo gADhaM nijaghAna sAyakavaraishChAgAn yathA kesarI rogANAM prashamAya taM harimaNImAgAhamAnaM bhaje || 29|| yogAsaktahR^ido munIn samavadhId yAgAnupa~NgAnapi prAgAkramya haThAdasAvasuparityAgAvadhIti prabhuH | bhogAshA na bhaved yathAsya bhujagIbhogAbhachApachyutai\- rdrAgAgatya tathA sharairagamayad vegAt purIM rAvaNam || 30|| bhItyA yasya na tepire ravikarA vAtyAstathA chandramAH shaityAyAsya cha saudhagasya purato bhItyAstR^iNIte karAn | prItyAkR^itya shiro mamArja dayayA kAtyAyanIvallabho nItyAvarjita eSha rAghavabhayAd daityAdhipa prAdravat || 31|| nIchAnAM prathamaM nitAntaparuShaM strIchApalena kShaNAt prAchAmapyayasho.abhivadhyamalinaM vAchAmameyAMhasA | AchArai rahitaM dashAnanamasau vAchAlayan khecharAn AchAryAttasharairjaghAna raghurAD ye chAnugAstaiH saha || 32|| la~NkArAjyapade vibhIShaNamamuM sha~NkAlavenotthitaM svaM kAruNyamamoghayan raghupatiH pa~NkAtigaH sthApayan | Ta~Nkagrairiva parvataM bahumadAha~NkArapUrNaM ripuM taM kAlAtithimAkalasya cha sharairhu~NkAradhUtAram || 33|| duShTAnAM prathamena yena ripuNA kaShTAM dashAM prApitA bhraShTAste padato nijAt suragaNA aShTAsu dikShu drutAH | ghR^iShTAgryeNa raghUdvahena nihataM hR^iShTAshayA vIkShya taM hR^iShTA rAmamavAkiran sumagaNairnaShTApadaH svaHpurAt || 34|| vR^iddhAnAM samupAsitA raghuvaro baddhAdaraH sadvrate kruddhAtmeva shuchau praveshya dayitAM shuddhAM gR^ihItvA tataH | yaddhAtrA kR^itameSha puShpakamado nirdhArya yAtuM puraM yuddhAdAgatavAnaraiH saha javAndaddhA pratasthe mudA || 35|| prAsAdairbahubhirvR^itAM hR^itaripuryo.asAvayodhyApurI prAsAdyAkhilavAnaraiH saha nR^ipairvyAsAditulyairdvijaiH | shrIsAmrAjyapade.abhyapichyata bhR^ishaM bhAsArkakoTyujjvalo dAsAn pAtu raghUdvahaH sadayito haMsAvalokAnvitaH || 36|| nAnAdeshasamAgatAn narapatIn mAnAtigaprAbhavA\- .nj~nAnAbdhInR^iShisattamAn kapivarAn yAnAsanAli~NganaiH | dInAnAthajanAMstathA dhanamaNIdAnAdibhirmAnaya\- nnenAn naH paripAtvasau raghupatiH sthAnAshritaH sAnugaH || 37|| shrImAneSha raghUdvaha strijagatAM kShemAya pUShAnvaye bhUmAvatra satAM kR^itAvataraNaH sImAtigaprAbhavaH | vAmAkShImaNijAnakIniravadhipremArdravIkShAvashaH somAdityamukhAmarairabhinuto mAmAdarAt trAyatAm || 38|| iti shrIsundaradAsavirachitA aShTaprAsapuShpA~njaliH samAptA | stotrasamuchchayaH 2 (51) ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}