% Text title            : Abhinavakaustubhamala
% File name             : abhinavakaustubhamAlA.itx
% Category              : vishhnu, shrIkRiShNalIlAshukamuni
% Location              : doc\_vishhnu
% Author                : Shrikrishnalilashukamuni
% Proofread by          : Preeti N. Bhandare
% Latest update         : November 27, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. abhinavakaustubhamAlA by Shrikrishnalilashukamuni ..}##
\itxtitle{.. shrIkR^iShNalIlAshukamunipraNItA abhinavakaustubhamAlA ..}##\endtitles ##
(kaustubhamAlAstotram)
lakShmIshcha kaustubhashcheti yadratnadvayamuddhR^itam |
tannaH kAmadughaM bhUyAt tejastrailokyama~Ngalam || 1||
yatra sAmrAjyachihnAni yAminAM hR^idayaiH saha |
shrIshcha jAgrati tajjIyAchChrIsha! tvachcharaNAmbujam || 2||
yachchAdikavayo vyAsapramukhAH sapitAmahAH |
bhAgIrathIsarasvatyoH pravAhaprabhavaM viduH || 3||
(yugmakam)
kiM brUmaH prapadaM deva! yasya pratinidhAvapi(1) |
pR^iShThe jaraDhakUrmasya jagatI pratitiShThati || 4||
te.amI nakhendavo deva! yAn hi nAbhisarojabhUH |
purA sisR^ikShitasyendoH pratimAmanvamanyata || 5||
jayatAM jagatAM nAtha! gulphAvutphullavibhramau |
yAvanusmaratAM gADhamunnatirna(2) tathAnayoH || 6||
tava deva! padaM dhanyA maNibhUShaNamaNDalI |
veShAntareNa vedAntavANIva viniShevate || 7||
nirvANasa.nj~nakaM deva! tava tat paramaM padam |
chirAt pravishatAM sha~Nke ja~Nghe ma~NgalyatoraNe || 8||
ete te jAnunI nAtha! yashodA~NgaNari~NgiNI |
lakShmIH karIShagandhAndhyachChalAjjighrati(3) ye (smitA?)(4) || 9||
tAvUrU jayatAM yau kiM dvau karau smarahastinaH |
hastipR^iShThApratiShThashchennaiva(5) devaH shriyaM jayet || 10||
tvatkaTItaTasaubhAgye svAminnAsmadgirAM gatiH |
lakShmIvasundharAdhanyamanIShAstatra jAgratu || 11||
kAmarUpaiva deva! shrIryeyaM vakShastaTe sthitA |
kaTItaTe.api kAmAndhA bhAti pItAmbarAtmanA || 12||
kA~nchIyaM kA~nchanI nAtha! bhAti ratnaprabhodbhaTA |
mugdhayeva kR^itA lakShmyA madAndhasmarashR^i~NkhalA || 13||
seyaM nAbhI yayA deva! sha~NkhaH sa~NghR^iShya garjati |
lakShmIviri~nchayoH spardhA vastuM yatsarasIruhe || 14||
valitrayamidaM deva! jagattrayamanoharam |
mAdhuryavAridherdhatte vIchInAM vibhramashriyam || 15||
shrImAnudarabandho.ayaM shriyaM devasya puShyati |
kAntisindhau dR^ishoH krIDAplavaH kLLipta iva shriyaH || 16||
lokaikanAtha! ramyeyaM romarAjI virAjate |
kLLipteva prathamaM lakShmyA vakShoharmyAdhirohaNI || 17||
shrIvatsaH shrInidhe! so.ayaM shriyaM kAmapi puShyati |
yaH padmajApadAmbhojakrIDAchihnAni nihnute || 18||
chakAsti kaustubhaH so.ayaM tava deva! bhujAntare |
payodhirAjakanyAyA harmyadIpa ivArpitaH || 19||
nAnAratnasahasrANi nAtha! vakShasi jAgrati |
ratnAkarasutodvAhayautakAnIva kAnichit || 20||
vaijayantImimAM(6) deva! manye sAdhAraNIM(7) dhruvam |
mamatvapAtraM bhR^i~NgANAM devasya(8) madanasya cha || 21||
bhAnti te jagatAM nAtha! bhujA bhUShaNabhUShaNAH |
jagadbhArodvahaishchakre yaishchakrAdibharashramaH || 22||
pANayashchakrapANe! te bhAnti bhaktAbhayapradAH |
yeShAM dakShiNataivAsIllakShmIpANigrahotsave || 23||
lokapAlalalATeShu lakShmyAshcha stanamaNDale |
lekhArasaj~nairyaiH pa~nchashAkhaiH pa~nchasharaH smaraH || 24||
(yugmakam)
te.amI kararuhA deva! yeShAM vibhramavikramAH |
kamalAvipulottu~NgastanayorhR^idi cha dviShaH || 25||
kambu grIvAmimAM nAtha! kathaM nu kathayAmahe |
lakShmIka~NkaNamudrAbhiryA trirekhAsthitiM jahau(9) || 26||
karNapAshAvimau deva! sphuranmakarakuNDalau |
avashAdyatpraveshAndhA mR^igA mR^igadR^ishAM dR^ishaH || 27||
tau kapolAvimau deva! yAvudvIkShya ramAbhuvau |
manye nAnyAvamanyetAM(10) ma~NgalyamaNidarpaNau || 28||
adharaM deva! bimboShThamamR^itaM bhuvanottaram |
AhurviparyayeNAtra(11) pramANaM prANavallabhe || 29||
tavAdharasudhA seyaM yAM nipIya payodhijA |
tataH prabhR^iti vai deva! sudhAntaramupekShate || 30||
dantapa~NktiriyaM deva! dashanachChadara~njitA |
mukhendukAnterAdhatte muktAvalipariShkriyAm || 31||
deva! tvannAsikAvajrakusumaM prApya manmathaH |
kusumAntarasampattiM manyate pa~NktipUraNam || 32||
anayoH puNDarIkAkSha ! netrayoH puNDarIkayoH |
mukhenduH kAntisarasI mUlabhUmistu chintyatAm(12) || 33||
deva! krIDAkaTAkShAya bhUyo baddho.ayama~njaliH |
kAmaM na kevalaM lakShmyA yo dugdhe jagatAmapi || 34||
tadetad vadanaM deva! mAdhuryamiva mUrttimat |
vIkShya sevAchChalArUDhanAsAgrA~Nguli(13) yajjagat || 35||
yatra svayaMvare spardhA lakShmIkAntyoH kilAbhavat |
vedAshcha kelijalpAshcha saubhrAtraM yatra bibhrate || 36||
(yugmakam)
padmachandramadhujyotsnAvivAdAndhyeShvanAdiShu |
deva! tvadvakrabimbasya smitasya cha kimuchyatAm(14) || 37||
kastUrItilakAmode lalATe bhramarairvR^ite |
deva! tvadbhrUlatAbhR^i~NgachamU: pAti mukhAmbujam || 38||
aShTamIndunibhasyAsya lalATAShTApadasya te |
yauvarAjyapadaM deva! mukhenduranumanyatAm || 39||
nAtha! dhammillabhAre.asmin nAnAsaurabhanirbhare |
bhR^i~NgairlakShmIkaTAkShANAM jR^imbhate.atimR^idhaM mudhA || 40||
nAtha! tvAmeva manye.ahamachalaM bhuvanonnatam |
anulla~Nghyeva yanmauliM ChalAdarko.api(15) sevate || 41||
deva! tvadbhaktirathavA tvatto.api dviguNonnatA |
jitastvamasi yadbhAjA prahlAdena raNe.api hi || 42||
namastasyai namastasyai namastasyai namo namaH |
namastubhyaM namastubhyaM namastubhyaM namo namaH || 43||
tadidaM tvadvapurdeva! nIlaM nirvR^itimanmayam |
kAntibhUShAshatAbhogakarburaM bhAtu me muhuH || 44||
tattvaM paraM kimapi yat svarasAvabhAsi
sAndrapramodalaharIbharitAkhilAsham |
kaivalyavigrahamidaM tadanugrahArtha\-
masmAdR^ishAM jayati tAdR^igupAttamUrtti || 45||
anubhavatamamuM bhR^ishaM dR^ishAvabhinavakaustubhamAlayAnayAM(16) |
bhuvanavibhumabhUtapUrvayA pulakaparamparayA cha bhUShitam || 46||
shrIkR^iShNakelishukavA~NmayavIchimAlA\-
lIlArasaj~na(makara) shravaNA~nchalasya |
devasya divyahR^idaye hR^idaya~NgameyaM
kaNThasthale cha sukR^itAM suchirAya jIyAt || 47||
iti shrIkR^iShNalIlAshukamunivirachitA
saptachatvAriMshatsa~NkhyA abhinavakaustubhamAlA samAptA |

pAdaTippaNI
1\. sAkShAt tasmin jagatI pratitiShThatIti kimu vaktavyamityApishabdena dyotyate |
2\. unnatirutkarSha utsedhashcha |
3\. karIShagandhAndhyaM shuShkagomayagandhavyAptatvaM tasyachChalAt
    tadrUpAdvA kalpitA\-li~NgAdityarthaH | jighrati spR^ishati iti manye iti
    sheShaH | eva~ncha lakShmIsaMsargajamevedaM jAnunoH karIShagandhAndhyaM,
    na tva~NgaNari~NgaNavashajanitamiti tAtparyaM phalitam | lakShmIshcha
    karIShiNI shrIsUkte shrUyate \-\- \ldq{}gandhadvArAndurAdharShAM nityapuShTAM
    karIShiNIm | IshvarIM sarvabhUtAnAM tvAmihopahvaye shriyam\rdq{} iti |
4\. \ldq{}sadA\rdq{} iti vA \ldq{}mudA\rdq{} iti vA pATho bhavet |
5\. idamardhaM \ldq{}itipraviShTapratishnenaiva devaH shriyaM jayet?\rdq{} 
    ityevAdarsha \- pustake dR^ishyate |
6\. \ldq{}vaijayantI patAkAyAM jayantyAM keshavasraji\rdq{} iti yAdavaH |
7\. sAdhAraNIM sAmAnyavanitAm |
8\. devasya prakaraNAt tavetyarthaH |
9\. kambunA trirekheNa bhAvyaM, na tu trirekhAhInena | \ldq{}trayI tu kambuH
    sha~Nkho.astrI sugrIvo madhurasvanaH | trirekhaH ShoDashAvartaH\rdq{} iti vaijayantI |
10\. anyau vAstavau |
11\. bhuvanottaratvAduttara shati hi bimboShTho vaktavyaH, na tvadhara iti |
12\. virodhina indorutpattisthAnatvamadbhutamiti bhAvaH |
13\. sevAyAH sevAkAlikA~njaleshChalAvdyAjAd vastuto vismayAdityarthaH
     ArUDhanAsAgrA a~Ngulayo yasya tat |
14\. padmachandrayormadhujyotsnayoshchotkarShApratiShThAnAnna kimapi
     vaktumarhamupAnatayeti bhAvaH |
15\. netrasthAnAvasthAnavyAjAdityarthaH |
     sevanaM cha maulyanulla~NghanapUrvamihotprekShyam |
16\. abhinaveti stutyarthe nUtanArthe cha |


##

Proofread by Preeti N. Bhandare

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}