% Text title : achyutashatakam % File name : achyutashatakam.itx % Category : vishhnu, shataka, vedAnta-deshika % Location : doc\_vishhnu % Author : vedAntadeshika % Proofread by : PSA Easwaran psawaswaran at gmail.com % Description/comments : Edited by S. V. Radhakrishna Shastriji % Acknowledge-Permission: Mahaperiaval Trust % Latest update : May 13, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Achyutashatakam ..}## \itxtitle{.. achyutashatakam ..}##\endtitles ## vedAntadeshikavirachitam | (tiruvahIndrapurAkhye auShadhagirau) (idaM shatakaM mUlaM prAkR^itabhAShAyAmAste |) (lekhakaireva saMskR^ite parivartitaM mUlameva atra dIyate |) namata tridashAnAM nAthaM satyaM dAsAnAmachyutaM sthirajyotiH | garuDanadItaTatamAlaM ahIndranagarauShadhAchalaikagajendram || 1|| ki~Nkarasatya stutistava svayambhU gehinI vilAsavyAhR^itimayI | phaNitA bAlena mayA pa~njarashuka jalpitamiva karotu prasAdam || 2|| malinamapi bhAShitaM mama ki~Nkarasatya tava kIrtijyotsnAprasare | lagnaM labhatAM vishuddhiM salilamiva tripathagAsrotogatam || 3|| trastari nayena sthApitA shobhatAM tridashAnAM nAtha tava samAje | vanditva mahitAnAM madhye shrutInAM bAlishA mama stutiH || 4|| asmadgurUNAmachyuta jihvAsiMhAsane labdhapratiShThaH | pratipAditaparamArtho vArayasyapaNDitatvamasmAkam || 5|| hR^idayeShu deshikAnAM jAhnavIlaharIShu pUrNachandra iva sphuTaH | kaluShajaleShviva haMsaH kaShAyakarbureShu tiShThasyachyuta na kShaNam || 6|| AgamamAtrapramANaH AgopIjanaM prakAsha nijamAhAtmyaH | shraddhitahR^idayasulabho dUraM mu~nchasi natasatya dolAyamAnAn || 7|| sadA kShapitasakalaheyaM sharaNAgatasatya satyaj~nAnAnandam | ulla~NghitatrividhAntamupaniShadAM shatAni gAyanti tvAm || 8|| karoShi na kriyase kenApi sthApayasi na saMsthApyase.ananyasthitaH | harasi nikhilaM na hriyase ahIndranagarendrAnaghajyotissphuran || 9|| aNupramitasyApyachyuta shaktistava sakaladhAraNAdiprabhUtA | tena prativastupUrNaH shrUyase.apratihatanijasthitiH sarvagataH || 10|| sakalAnAM dharaNaniyamanasvAmitvaniyamasaMsthitaH sarvatanuH | shrUyase.achyuta sarvaH sadA darshitakAryakAraNatvakarburaH || 11|| puruShapradhAnasharIro bhuvanAnAM bhavasyachyutopAdAnam | nijasa~NkalpasanAtho vahasi nimittattvamapyadbhutashaktiH || 12|| viShamaguNA~Nkuraprakare jalamiva sAmAnyakAraNaM tava keliH | nijakarmashaktiniyatA achyuta brahmAdi sthAvarAntavisheShAH || 13|| puruShAstava vibhUtiH achyuta lakShmyAH strIsa.nj~nAH | nAsti paraM yuvayoH sApi shrIrbhavati tava kiM punaritarat || 14|| na khalu tava sadR^ishAbhyadhikAH nAtha tvameva sarvalokasharaNyaH | etAvajj~nAnasAramiti j~nAtuM tridashanAthetaravichintA || 15|| bhAti phaNIndrapurAdhipa pratipAlayatsu prakaTaprabhUtaphalA | api druhiNapramukhaiH Aj~naptistavAla~NghanIyaprabhAvA || 16|| niyamavidhInAM pravR^ittiH sarveShAmapi dAsasatyoddishya tvAm | shrAddhanimantritabrAhmaNasamAdhisiddhAM labhante tridashA bhuktam || 17|| ArAdhya tridashavilaye.achyuta nityaM na tiShThasi yadi nAma tvam | karmaNAM kalpitAnAM kariShyati kalpAntareShu ko nirvesham || 18|| kalpayasi kA~NkShitAni kalpadruma iva shrIkA~nchanalatAsahitaH | natasatya sadAphalAni nijachChAyAnirbhinnanityatApatribhuvanaH || 19|| sakalAgamAnAM niShThA sakalasurANAmapyantara AtmA | sakalaphalAnAM prasUtiH sakalajanAnAM samaH khalu natasatya tvam || 20|| iti sarveShAM samAnaH satyasthito dAsasatya sadA paripUrNaH | kathaM vahasi pakShapAtaM pANDavapramukheShu preShaNamapi sahamAnaH || 21|| viShame karmamArge vipariskhalatAM vihvalitakaraNAnAm | nAtha nikhilAnAmanyo nAsti tvannatasatya hastAlambaH || 22|| j~nAnasya ko.aviShayo.achyuta karuNAyAstava ko dUrasthitaH | shakteH ko.atibharastasmAtkhalUpAyastvameva svayaM siddhaH || 23|| sa~NkalpakarNadhAraH ki~Nkarasatya bhavasAgare.atigabhIre | anaghastvaM khalu pota AtmanaH kR^ipAsamIraNena prayuktaH || 24|| achyuta na dadati mokShamIshvarabhAvena bhAvitA itarasurAH | rAtriM parivartayituM lakShamAlekhya dinakarANAmapi na kShamam || 25|| amR^itarasasAgarasyeva ahIndrapuranAtha nirmalamahArghANi | tIryante na vigaNayituM ananyasulabhAni tava guNaratnAni || 26|| bhUShitashrutisImanto bhujagendrapuresha sarvaguNasImAntaH | kShapitatR^iShA malamoho munInAM hR^idayeShu sphurasi shyAmalamayUkhaH || 27|| shubhalakShaNashrIvatsaH shobhase nirmuktavirahakShaNashrIvatsaH | raNadevana savihagaH udbhaTagaruDanadItIravanasavidhagataH || 28|| akumArayauvanasthitamahIndrapuranAthAbhimatamanurUpam | nityaM svabhAvasiddhaM shrUyate sUrimahitaM sukhaM tava rUpam || 29|| triguNaM tasya vikArAH achyuta puruSha ityAgamagaNyamAnAH | arthAstava khalu samastAH parasmin rUpe bhUShaNAstrasvarUpAH || 30|| niryanti tvatto.achyuta nikShapitavipakShaniShThuraparAkramaNAH | saMsthApitaparamadharmAH sAdhu paritrANasatphalA avatArAH || 31|| harimaNisadR^ikSha nijaruchiharitAyamAna bhujagendrapuraparyantaH | kAle dAsajanAnAM kR^iShNa ghano bhavasi dattakAruNyarasaH || 32|| garuDanadIkachChAraNye lakShyase lakShmI mahI kareNu manoharaH | dR^ishyamAnabahuladAno dishA gajendra iva khaNDitadanujendradrumaH || 33|| mukhachandramauli dinakaramadhyasthitastava chikurabhArAndhakAraH | aghaTitaghaTanAshaktiM satyaM sthApayati dAsasatya samagrAm || 34|| parihasitapUrNachandraM padmasadR^ikShaprasannalochanayugalam | sa~NkalpitaduritAnyapi saMsmR^itaM harati dAsasatya tava mukham || 35|| mAhAtmyaM tava mahitaM mA~NgalikaM tulasIkaustubhapramukhAnAm | achyuta sthiravanamAlaM vatsaM darshayati lakShmI lakShaNasubhagam || 36|| nirvishati nityatApo devajano devanAyaka vidhipramukhaH | shItalashAntaprabhUtAM ChAyAM tava vipulabAhukalpadrumANAm || 37|| sa~NkalpachandrakShobhitatriguNodadhi vipulabudbudaprakaraiH | brahmANDairapi bharitaM ki~Nkarasatya tava kasmAnnu kR^ishamudaram || 38|| nAbhiruhaM tava nalinaM bhujageshvaranagaranAtha shobhate subhagam | madhyasthitabrahmabhramaraM vatsAsanalakShmIpAdapIThasadR^ikSham || 39|| dR^iDhapIDitamadhukaiTabhashoNitapaTalaparipATalAmbaraghaTitA | rAjatyachyuta mukharA ratinAtha gajendrashR^i~NkhalA tava rashanA || 40|| dAsAnAM satya dR^ishyate dAnavavIrANAM dIrghanidrAshayanam | tavodarasthitatribhuvanaprAsAdastambhasachChAyamUruyugam || 41|| jAnumaNidarpaNena cha ja~NghAmarakatakalAchikayA cha dhanyA | achyuta na mu~nchati kAntaH lakShmIriva sarojalA~nChanau tava charaNau || 42|| shrutisImantaprasUnaM shobhate natasatya tava sarvasharaNyam | kramaNakShaNajanitasuranadIprashamitatrailokyapAtakaM padapadmam || 43|| iti tribhuvanaikamUlamAsvAdayantyanaghA amR^itasvAdurasam | oShadhimahIdharapArshva uditaM tvAmoShadhimiva dAsarujAm || 44|| siddhA~njanamiva shyAmAM tava tanuM nijavilochaneShu kShipantaH | achyuta lakShmInivAsaM nityanigUDhaM nidhimiva pashyanti tvAm || 45|| vighaTita nibiDAndhakAro ghaTamAnajyotistrilokaikagrahapatiH | dR^iShTagato yeShAM tvaM namatsatya na khalu teShAM mohatriyAmA || 46|| viShayarase viraktAH vikArajananairapi cha na khalu vikriyamANAH | jIvanmuktasadR^ishA achyuta dR^ishyante pAvanAstava bhaktAH || 47|| gandharvanagarasvapnasadR^ikShANAM shriyAM vanasaritAm | na smarati tvadgR^ihItaH sharaNAgatasadAmado jIvagajaH || 48|| na mahayanti j~nAnavantaH tara~NgaDiNDIrabudbudasadR^ikShANi | vidhipramukhANAM padAni ghanakandalIkanda kadalIstambhasamAni || 49|| dR^iShTasvaparasvabhAvAH puruShA gR^ihItvA svAminastava shIlam | nAtha natasatya saghR^iNAH na mu~nchati kathamapi sarvajanasauhArdam || 50|| mAnamaderShyAmatsaradambhAsUyAbhayAmarShalobhamukhAH | dR^ishyante na mohasutAH doShA dAsAnAM satya tava bhaktAnAm || 51|| yeShAM matiritaramukhI kAlaH sakalo.api teShAM kalivistAraH | ye tava pade pravaNAH nAsti kalirnAgapatinagarapate teShAm || 52|| atyAsannavinAshAH achyuta pashyanti tAvake bhaktajane | mokSharuchInAM mUDhA divasakaramaNDala iva chChidram || 53|| nitruTitadurmAnaghanAH nirmalaguNaghaTitatArakAprAgbhArAH | bhAsamAnabhaktijyotsnAH natasatya sphuranti nabhonibhAstava bhaktAH || na khalu yamaviShaye gatirnatasatya padAmbujaM tava prapannAnAm | skhalitAnAmapi yathAyogyaM shikShA shuddhAntaki~NkarANAmiva laghvI || 55|| karmagatidoShaduHkhitAH kR^itAntabhrukuTIbhuja~NgIdarshanatrastAH | archanti tava charaNau achyuta prabhraShTamanmatharasAsvAdAH || 56|| Alagati tava charaNau achyuta vidhinA.apyarchanA.a.acharitA | yaikAntaprayuktA sheShAmiva svayaM shirasA pratigR^ihNAsi tAm || 57|| tava mukhajyotsnA drAvitamAnasashashikAntapravAhasannibhabAShpAn | achyuta na mu~nchasi bhaktAn kadambagolanibhakaNTakAyamAnanijA~NgAn || sarve.api nirvairAH sharaNAgatasatya gR^ihItashAshvatadharmAH | gatasa~NgAstava bhaktAH yAnti tvAmeva durlabhamitaraiH || 59|| ahipatinagarendra tvAM Asannamapi gaganamiva sadA durgraham | viShayeShu vilagantaH tvaramANA api na labhante DolAyamAnamanasaH || 60|| bhaktAstAvakasevArasabharitAH sakalarakShaNotsukaruchinA | karaNAni dharanti chiraM kA~NkShitamokShA apyachyuta tvayA sthApitAH || sthiraguNagirijanitaiH santArayasi natasatya nijabhaktaiH | janmaparipATIjaladhiM ja~NgamasthirasetudarshanIyairjanAn || 62|| prashamitabhavAntarabhayAH prAptaM prAptaM hitamiti paripashyantaH | bhAvayanti tava bhaktAH priyAtithimiva natasatya pashchimadivasam || 63|| prakaTatimire bhuvane pAtrapratiShThApitaparamaj~nAnapradIpAH | nIyante.achyuta tvayA nijaM padaM sadA svayamprabhaM kR^itakAryAH || 64|| dR^iDhatIvrabhaktinayanAH paripashyanto.ahIndrapuranAtha tvAm | prAptAstava sAyujyaM pa~NktiM pUrayanti pannagendramukhAnAm || 65|| sannatasulabhamachyuta samAdhisopAnakramavilambavimukhitAH | sharaNaM gatvA tvAM muktA muchukunda kShatrabandhupramukhAH || 66|| devAnAM pashusamAno janturgatvA devanAtha tava padam | taireva sarvaiH saMsaramANairbhavati sadA dattabaliH || 67|| mohAndhakAramahArNavamUrchChitamAyAmahArajanipratyUShaH | achyuta tava kaTAkSho vimuktiprasthAnaprathamaparikarabandhaH || 68|| mokShasukhavR^ikShamUlaM mohajarAturamahArasAyanapravaram | sakalakushalaikakShetraM ki~Nkarasatya tava kIrtanamamR^itanibham || 69|| nAstyabhikramanAsho vichChede.api pratyavAyaprasa~NgaH | svalpA.api tava saparyA rakShatyachyuta mahattarAdbhayAt || 70|| aprasAde aprasannAstava prasAde dAsasatya prasannAH | ArAdhyA bhavanti pare kiM taiH prasa~NgalambhitaprabhAvaiH || 71|| itaratridashAH prasannAH ki~Nkarasatya mama kiM nu kariShyanti hitam | nIhAraghanashatairna khalu pUryate kathamapi chAtakatR^iShNA || 72|| anugatasukhamR^igatR^iShNA achyuta vishrAmyati tava mAmakatR^iShNA | pravAheShu prasR^itAyAH AshritapravahaddhanakR^ipAsaritaH || 73|| vikalasakalA~NgaviShamAn dharmAn natasatya dhvajanibhAn dhArayan | kAntArapAnthaka iva skhalachcharaNo.asmi kAtaravishIryamANaH || 74|| sthiradharmavarmasthagitaM adharmapravaNAnAmagraskandhapravR^ittam | aghaTamAnavipratIsAramachyuta mAM hasasi nUnaM lakShmIsamakSham || 75|| taritumachyuta duritamasmin deha eka divase.api kR^itam | kAlo.alaM na sakalaH karuNAyAstava pUrNapAtramasmyayam || 76|| achyuta tava guNAnAM mama doShANAmapi nAsti kutrApi gaNanA | tathApi jayaH prathamAnAmadhikaM lInAnAM bhavati na khalu daurbalyam || 77|| rAtriM divasamachyuta truTitaH patantyAyurdrumakhaNDAni | dR^iShTvApi dR^iptamanasaM bAlamidAnImapi bharasva mAmapramattaH || 78|| nishvAsasha~NkanIye dehe paTalAntasalilabindusadR^ikShe | jAnAsi natasatya tvaM jaratkaraNe.api dIrghayauvanatR^iShNam || 79|| aj~nAtanijakartavyaM yadR^ichChayA j~nAteShu mAmapi pratikUlagatim | iti nijasvabhAvavrIlitaM hAtuM dAsAnAM satya na khalu tava yuktam || 80|| ko.ahaM kiM karaNIyaM pariharaNIyamapi kimiti jAnAsi sarvam | shaknoShi cha taddhitaM mama tridasheshvara kuruShva nijahR^idayanikShiptam || 81|| idAnImuparyapyayaM guNagR^ihIto dAruputraka iva paravashaH | tasyApi mama tridasheshvara triShvapi karaNeShu bhava sukhasa~NkalpaH || 82|| nijakarmanigalayugalamachyuta kR^itvA mama priyApriyavarge | kadA ghorakalevarakArAgR^ihakuharanirgataM kariShyasi mAm || 83|| hArde tvayi kadA vishrAntaM brahmadhamanimArgaM gamiShyantam | dinakaradattAgrakaramachyuta drakShyasi dayita Dimbhamiva mAm || 84|| kadA amAnavAntAH agnimukhA AtivAhikAstava puruShAH | atila~NghayiShyanti mAmachyuta tamogahanatriguNamarukAntAram || 85|| la~NghitavirajAsaritaM lambhita sadA shuddhasattvamaya saumyatanum | kR^itabrahmAla~NkAraM kariShyasi natasatya ki~NkaraM kadA mAm || 86|| saMsArasAgarAdutkShiptaM tridashanAtha sphuritAlokam | kadA kariShyasi hR^idaye kaustubhamaNidarpaNamiva lakShmIpulakitam || 87|| kadA tava pAdapadme bhaviShyAmi natasatya kelikrAnta tribhuvane madanaripumakuTamaNDanasurasaritsrotaH sUchitamadhupravAhe || 88|| upaniShachChiraH kusumamuttaMsayitvA tava padAmbujayugaLam | dayito bhaviShyAmi kadA dAso dAsAnAM satya sUrisadR^ikShaH || 89|| apunarnivR^ittiyogyamavatAravihArasahacharatvadhanyam | AtmasamabhogamAtramanubhaviShyasi devanAtha kadA nu mAm || 90|| iti sphuTamanorathaM mAmetAdR^ishavachanamAtrasAraM vashagam | kuruShva nijaguNagaNaiH satyaM dAsAnAM satya sadA svachChandaH || 91|| bAlaplavaga iva taraLo mArutijAtiriti sAgaraM taritumanAH | prArthaye tvAmachyuta kA~NkShitapadapadma kShamasva mama kApeyam || 92|| achyutaviShayAkrAntaM bhavArNavAvartabhrami nistruTyamAnam | jananI stanandhayamiva mAmuddhR^itya sevasva svayaM pathyam || 93|| karmamayagharmataptaM sukhamR^igatR^iShNAbhiH kadA.apyatR^iShNAkam | kAraya nirvR^itaM mAM karakAshishirairachyuta kaTAkShaiH || 94|| tava chintanavimukhAnAM dR^iShTaviShANAmiva darshanAnmochayan | amR^itamukhAnAmiva mAmachyuta bhaktAnAM nayasva nayanAsAram || 95|| viShamilitamadhunibheShu cha tR^iNapratimeShu cha pratigraheShu praluThitam | amR^itanidhAvivAchyuta sthApaya tvayi nirmamaM mama hR^idayam || 96|| nityamasmin kR^ipaNe nikShipa namatsatya nidhisadR^ikShau | pravahannakhaprabhAjharaprashamitapraNamatsa~njvarau tava charaNau || 97|| sharaNAgata iti janite janavAde.api yadyachyuta na rakShasi mAm | bhavetkhalu sAgaraghoShaH sAgarapuline tAdR^ishaM tava vachanam || 98|| nikShipto.asmi chAgatiH nipuNaistvayi nAtha kAruNikaiH | tAMstava dR^iShTvA priyAn bhR^itaM natasatya bharasvAtmano bharam || 99|| natasatya pakkaNAnItagalitakirAtabhramanijakumAramiva nR^ipaH | bhaviShyadyauvanavadhUM vara iva mAM labhasva mantrajanavij~nApitam || 100|| iti kavitArkikakesari vedAntAchArya ve~NkaTeshavirachitam | subhagamachyutashatakaM sahR^idayahR^idayeShu shobhatAM samagraguNam || 101|| iti vedAntadeshikavirachitaM achyutashatakaM sampUrNam | ## Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}