% Text title            : Adbhuta Stuti
% File name             : adbhutastutiH.itx
% Category              : vishhnu, stuti, shrIkRiShNalIlAshukamuni
% Location              : doc\_vishhnu
% Author                : Shrikrishnalilashukamuni
% Proofread by          : Mohan Chettoor
% Description/comments  : From Stotras Samahara Part 1 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Adbhuta Stuti ..}##
\itxtitle{.. adbhutastutiH ..}##\endtitles ##
shrIkR^iShNalIlAshukakavimunivirachitA
yadanayorduhaM nayanayoH priyaM kimidamudbhaTaM trijagadadbhutam |
hariNamekato haritamekataH karuNayA punaH kimapi sarvataH || 1||
kamalAgirijAkapolabimbapratibimbIbhavatA mukhAmbujena |
avalokitavibhrameNa jAtasmitamAlokaya lokanAthaveSham || 2||
nAthashcha tAtashcha surApagAyA lopashcha lAbhashcha vilAsayoneH |
shvetashcha nIlashcha sa epa veShaH kathaM mithaH sa~Ngatimeti devaH || 3||
anantakalpAntabhuvAM sudhAbhujAM kapAladhAmnaH shriyamantarAntarA | (kapAladAmnaH?)
vitanvatIbhistulasIbhiradbhutaM virAjate deva bhavadbhujAntaram || 4||
urasi kA~nchichChirasi kA~nchidvahasi chAnye vAmasavye |
iti vichitraM chatasR^ibhistvaM kathamivaikaH krIDatIshaH || 5||
shayyeti bhUpeti cha saMshayAne bhuja~NgayAne harisha~Nkaro vaH |
vihasya pAthodhigirIndrakanyAstaneShu pAyAchChayitaH kR^itArthaH || 6||
nidrAntarAle nijavallabhAbhyAM sImAnamulla~Nghya dR^iDhopagUDhaH |
mugdhAvabodhe chakitekShaNAbhyAM vrIlekShito.avyAchChivakeshavo vaH || 7||
haratu vo duritamabdhinandanAtuhinashailatanayAstanA~Nkitam |
apicha mechakavipANDuvibhramaM hariharAkR^iti manoharaM mahaH || 8||
galagatagaralA~NkureNa bhUyaH pravisarateva samagranIlakaNTham |
apicha nichitamechakArdhagAtraM hariharamAshraya vishvato.avadAtam || 9||
mAteti matvA tava vAmabhAgaM
     manye guhaH stanyanipAnakAmaH |
pakShemR^ishan deva vihasya mAtrA\- (vakShomR^ishan?)
     pyanvIkShyate vighnakR^itApahAsaH || 10||
sphaTikamaNishilAvilAsachoraM
     maratakakAntimadApahArashUram |
parikapiladR^ishaM payoruhAkShaM
     bhajata jagattrayanAthachitraveSham || 11||
sa eSha veShastava vishvarUpaparigrahaprakramasUtradhAraH |
bhaktAnukampAparatantramUrte shrIkaNThavaikuNTha! virAjayIyAt || 12||
virAchatAmati vIrakR^iShNalIlAshuka iti vishramavIthimAgatena |
kavishvanitilakena kAvyavANIpariNatasIma bhavadvilAsadAma || 13||
stotraM tavaitat tulasIdalA~NkaM prasUnakalpaM hR^idaye chirAya |
jagatprabho! sha~NkarashAr~NgapANe! bhaktyA praNItaM bhagavan! gR^ihANa || 14||
adbhutastutimimAM pumAn paThannudbhavatpulakahArabhUShaNaH |
udbhaTaM kamapi gAhate muhurmadbharaM hariharAhvayaM cha tam || 15||
(hariharAtmakaM bhagavantaM sha~NkaranArAyaNamadhikR^itya
virachitamidaM \ldq{}adbhutastutiH\rdq{} nAmakaM stotraratnaM malabAra
deshavartina kATTumATaH nAmno nampUtiribhavanAt sampAdite
63 a~NkA~Nkite kairalIlipilikhite tAlapatragranthe vidyamAneShu
shrIkR^iShNalIlAshukakavimunikR^iteShu stotrarateShu anyatamam |)

iti shrIkR^iShNalIlAshukakavimunivirachitA pa~nchadashashlokA
stotraratnasodarA adbhutastutiH samAptA |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}