% Text title            : Aditikritam 01 Vishnu Stotram
% File name             : aditikRRitaM01viShNustotram.itx
% Category              : vishhnu, vishnu, vAmanapurANa, stotra
% Location              : doc\_vishhnu
% Proofread by          : PSA Easwaran
% Description/comments  : vAmanapurANa | adhyAya 27/17-36||
% Latest update         : September 27, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Aditikritam 01 Vishnu Stotram ..}##
\itxtitle{.. aditikR^itaM 1 viShNustotram ..}##\endtitles ##
aditiruvAcha |
namaH kR^ityArtinAshAya namaH puShkaramAline |
namaH paramakalyANakalyANAyAdivedhase || 17||
namaH pa~NkajanetrAya namaH pa~NkajanAbhaye |
namaH pa~NkajasambhUtisambhavAyAtmayonaye || 18||
shriyaH kAntAya dAntAya dAntadR^ishyAya chakriNe |
namaH padmAsihastAya namaH kanakaretase || 19||
tathAtmaj~nAnayaj~nAya yogichintyAya yogine |
nirguNAya visheShAya haraye brahmarUpiNe || 20||
jagachcha tiShThate yatra jagato yo na dR^ishyate |
namaH sthUlAtisUkShmAya tasmai devAya shAr~NgiNe || 21||
yaM na pashyanti pashyanto jagadapyakhilaM narAH |
apashyadbhirjagadyashcha dR^ishyate hR^idi saMsthitaH || 22||
bahirjyotiralakShyo yo lakShyate jyotiShaH paraH |
yasminneva yatashchaiva yasyaitadakhilaM jagat || 23||
tasmai samastajagatAmamarAya namo namaH |
AdyaH prajApatiH so.api pitR^INAM paramaH patiH |
patiH surANAM yastasmai namaH kR^iShNAya vedhase || 24||
yaH pravR^ittairnivR^ittaishcha karmabhistu virajyate |
svargApavargaphalado namastasmai gadAbhR^ite || 25||
yastu sa~nchintyamAno.api sarvaM pApaM vyapohati |
namastasmai vishuddhAya parasmai harimedhase || 26||
ye pashyantyakhilAdhAramIshAnamajamavyayam |
na punarjanmamaraNaM prApnuvanti namAmi tam || 27||
yo yaj~no yaj~naparamairijyate yaj~nasaMsthitaH |
taM yaj~napuruShaM viShNuM namAmi prabhumIshvaram || 28||
gIyate sarvavedeShu vedavidbhirvidAM gatiH |
yastasmai vedavedyAya nityAya viShNave namaH || 29||
yato vishvaM samudbhUtaM yasmin pralayameShyati |
vishvodbhavapratiShThAya namastasmai mahAtmane || 30||
AbrahmastambaparyantaM vyAptaM yena charAcharam |
mAyAjAlasamunnaddhaM tamupendraM namAmyaham || 31||
yo.atra toyasvarUpastho bibhartyakhilamIshvaraH |
vishvaM vishvapatiM viShNuM taM namAmi prajApatim || 32||
mUrttaM tamo.asuramayaM tadvidho vinihanti yaH |
rAtrijaM sUryarUpI cha tamupendraM namAmyaham || 33||
yasyAkShiNI chandrasUryau sarvalokashubhAshubham |
pashyataH karma satataM tamupendraM namAmyaham || 34||
yasmin sarveshvare sarvaM satyametanmayoditam |
nAnR^itaM tamajaM viShNuM namAmi prabhumavyayam || 35||
yadyetatsatyamuktaM me bhUyashchAto janArdana |
satyena tena sakalAH pUryantAM me manorathAH || 36||

iti vAmanapurANe saptaviMshAdhyAyAntargataM
         aditikR^itaM viShNustotraM samAptam |

vAmanapurANa | adhyAya 27/17\-36||
##
vAmanapurANa . adhyAya 27/17-36..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}