% Text title            : Aditikritam 03 Vishnu Stotram
% File name             : aditikRRitaM03viShNustotram.itx
% Category              : vishhnu, vishnu, bRRihannAradIyapurANa, stotra
% Location              : doc\_vishhnu
% Proofread by          : PSA Easwaran
% Description/comments  : bRRihannAradIyapurANa | pUrvabhAga | adhyAya 10|| 11/19-39||
% Latest update         : October 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Aditikritam 03 Vishnu Stotram ..}##
\itxtitle{.. aditikR^itaM 3 viShNustotram ..}##\endtitles ##
aditiruvAcha |
namaste devadevesha sarvavyApi~njanArdana |
sattvAdiguNabhedena lokavyApArakAraNa || 19||
namaste bahurUpAyArUpAya mahAtmane |
sarvaikarUparUpAya nirguNAya guNAtmane || 20||
namaste lokanAthAya paramaj~nAnarUpiNe |
sadbhaktajanavAtsalyashAline ma~NgalAtmane || 21||
yasyAvatArarUpANi hyarchayanti munIshvarAH |
tamAdipuruShaM devaM namAmi hyarthasiddhaye || 22||
shrutayo yaM na jAnanti na jAnanti cha sUrayaH |
taM namAmi jagaddhetuM samAyaM chApyamAyinam || 23||
yasyAvalokanaM chitraM mAyopadravakAraNam |
jagadrUpaM jagaddhetuM taM vande sarvavanditam || 24||
yatpAdAmbujaki~njalkasevArakShitamastakAH |
avApuH paramAM siddhiM taM vande kamalAdhavam || 25||
yasya brahmAdayo devA mahimAnaM na vai viduH |
atyAsannaM cha bhaktAnAM taM vande bhaktasa~Nginam || 26||
yo devastyaktasa~NgAnAM shAntAnaM karuNArNavaH |
karoti hyAtmanaH sa~NgaM taM devaM sa~Ngavarjitam || 27||
yaj~neshvaraM yaj~nakarma yaj~nakarmasu niShThitam |
namAmi yaj~naphaladaM yaj~nakarmaprabodhakam || 28||
ajAmilo.api pApAtmA yannAmochchAraNAdanu |
prAptavAnparamaM dhAma taM vande lokasAkShiNam || 29||
harirUpI mahAdevaH shivarUpI janArdanaH |
iti lokasya netA yastaM namAmi jagadgurum || 30||
brahmAdyA api deveshA yanmAyApAshayantritAH |
na jAnanti paraM bhAvaM taM vande sarvanAyakam || 31||
hR^itpadmastho.api yogyAnAM dUrastha iva bhAsate |
pramANAtItasadbhAvastaM vande j~nAnasAkShiNam || 32||
yanmukhAdbrAhmaNo jAto bAhubhyAM kShatriyo.ajani |
UrvorvaishyaH samutpannaH padbhyAM shUdro.abhyajAyata || 33||
manasashchandramA jAto jAtaH sUryashcha chakShuShaH |
mukhAdagnistathendrashcha prANAdvAyurajAyata || 34||
R^igyajuHsAmarUpAya satyasvaragatAtmane |
ShaDa~NgarUpiNe tubhyaM bhUyo bhUyo namo namaH || 35||

iti nAradapurANe pUrvabhAge ekAdashAdhyAyAntargataM
         aditikR^itaM viShNustotraM samAptam |

bR^ihannAradIyapurANa | pUrvabhAga | adhyAya 10|| 11/19\-39||
##
bRRihannAradIyapurANa . pUrvabhAga . adhyAya 10.. 11/19-39..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}