% Text title            : Akrurakritam 1 Shri Krishna Stotram
% File name             : akrUrakRRitaMshrIkRRiShNastotram1.itx
% Category              : vishhnu, vishnu, krishna, brahmapurANa, stotra
% Location              : doc\_vishhnu
% Proofread by          : PSA Easwaran
% Description/comments  : brahmapurANa | adhyAya 192/48-58||
% Latest update         : September 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Akrurakritam 1 Shri Krishna Stotram ..}##
\itxtitle{.. akrUrakR^itaM 1 shrIkR^iShNastotram ..}##\endtitles ##
akrUra uvAcha |
tanmAtrarUpiNe.achintyamahimne paramAtmane |
vyApine naikarUpaikasvarUpAya namo namaH || 48||
shabdarUpAya te.achintyahavirbhUtAya te namaH |
namo vij~nAnarUpAya parAya prakR^iteH prabho || 49||
bhUtAtmA chendriyAtmA cha pradhAnAtmA tathA bhavAn |
AtmA cha paramAtmA cha tvamekaH pa~nchadhA sthitaH || 50||
prasIda sarvadharmAtman kSharAkShara maheshvara |
brahmaviShNushivAdyAbhiH kalpanAbhirudIritaH || 51||
anAkhyeyasvarUpAtmannanAkhyeyaprayojana |
anAkhyeyAbhidhAna tvAM nato.asmi parameshvaram || 52||
na yatra nAtha vidyante nAmajAtyAdikalpanAH |
tadbrahma paramaM nityamavikAri bhavAnajaH || 53||
na kalpanAmR^ite.arthasya sarvasyAdhigamo yataH |
tataH kR^iShNAchyutAnanta viShNusa.nj~nAbhirIDyase || 54||
sarvAtmaMstvamaja vikalpanAbhiretai\-
rdevAstvaM jagadakhilaM tvameva vishvam |
vishvAtmaMstvamativikArabhedahInaH
sarvasminna hi bhavato.asti ki~nchidanyat || 55||
tvaM brahmA pashupatiraryamA vidhAtA
tvaM dhAtA tridashapatiH samIraNo.agniH |
toyesho dhanapatirantakastvameko
bhinnAtmA jagadapi pAsi shaktibhedaiH || 56||
vishvaM bhavAnsR^ijati hanti gabhastirUpo
vishvaM cha te guNamayo.ayamaja prapa~nchaH |
rUpaM paraM saditivAchakamakSharaM ya\-
jj~nAnAtmane sadasate praNato.asmi tasmai || 57||
OM namo vAsudevAya namaHsa~NkarShaNAya cha |
pradyumnAya namastubhyamaniruddhAya te namaH || 58||

iti brahmapurANe dvinavatyadhikashatatamAdhyAyAntargataM
         akrUrakR^itaM shrIkR^iShNastotraM samAptam |

brahmapurANa | adhyAya 192/48\-58||
##
brahmapurANa . adhyAya 192/48-58..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}