% Text title            : Amlanapankajamalabandha Panchakam
% File name             : amlAnapankajamAlAbandhapanchakam.itx
% Category              : vishhnu, vishnu, moropanta, panchaka
% Location              : doc\_vishhnu
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Amlanapankajamalabandha Panchakam ..}##
\itxtitle{.. amlAnapa~NkajamAlAbandhapa~nchakam ..}##\endtitles ##
(sragdharAvR^ittam \*)
dhAtA dAtAvitA tvaM gR^iha iha gahane lokashokaghnakarmA
dInAnAM nAtha! nAnyo (1)hR^itanatapatanastvAM vinA vishvavittaH(2) |
(3)mAyegA ye na ye svAmanu nanu manujAstaiH kR^itaM kR^itmakR^ityaM
vAvidyAvittavighnairvata! hR^itamatayo rAma! vA madyamattAH || 1||
j~nAnAtmAnAdinAthaH (4)svajanajayajanuH pAvano varNyavaryaH
sevA te vAsavArhA kimuta munimude rAma! bhUman ! namaste |
(5)kAlaM kAlaM balaM tvadbhujamaja! | na jahAtIsha! bho sharvashakte!
tvaM haMho hanta(6) ! hantA harirarihariNo rAvaNo.avadyavartmA || 2||
vIro dhIro guro ! tvaM shuchi(7)ruchiruchitaM sevituM vij~navittaM
modADhyo dAsadAyaH(8) khalabalavilayo bhAvanAvatsu(9) vashyaH |
shAnto.ananto.atitoShAtsamamamaramaNe! | bhAsi pAsi svasiddhaH
sAdhurbandhurvidhurbhoH kuru gurukaruNAM sevake.ava svavatsam || 3||
mAne dAne.avane.alaM tvamasi mahimanomohano harShaharmyaM
kIshAdIshAtishAtaM suranaravara! te hyAdarAdatra dattam |
svAchAraM chApachAruvratamata itare tvAM na ke.anarghyanamrAH
sevAM hyevA~Nga vA~nChankapirapi sa pinAkI sadA sakhyasaktaH || 4||
svaujA(10) rAjA prajAnAM tvamatimahimahaHpAlako labdhalakSho
bhogI tyAgI bhagI(11) sotsavanavasavako mandakandarpadarpaH |
AshAnAshAnna shAThyaM kR^itamuta natarAM ghAta etachcha tajj~nai\-
rj~nAtaM tAtaM hitaM tvAM jaguraguruguruM(12) j~nAnino nityaniShThAH || 5||

iti shrIrAmanandanamayUreshvarakR^itaM amlAnapa~NkajamAlAbandhapa~nchakaM sampUrNam |

TippaNi
\* sragdharAvR^ittapAde sarve.api yativibhAgAH samAnAH saptAkSharAshcha | atashchitrakAvyeShvanyatamasyAmlAnapa~NkajamAlAbandhasya tadevAtAvopakaroti | asmin hi dvAdasha yativibhAgAH pratishlokaM tAvanti pa~NkajAnIti kalpyate | uddhArarAtistviyam | prathamasyAM pa~NktAvakSharamekaM dvitIyasyAM trINyakSharANi tR^itIyasyAM cha punarakSharamekamiti krameNa likhite etAnyeva pa~nchAkSharANi sapta sampadyante | prathamapa~NktisthitaM prathamamakSharaM, dvitIyapa~NktisthitaM madhyamaM dvitIyamakSharaM, dvitIyapa~NktisthitaM prathama tR^itIyaM, madhyamaM chaturtha, tR^itIyaM pa~nchamaM punarmadhyamaM ShaShThaM, tR^itIyapa~NktisthaM cha saptamamiti vAchanakramastu iha yojitAduddhArAdarshapatrAdavagamyeta |
1| hR^itaM natAnAM bhaktAnAM patanaM nAsho nirayagamanaM vA yena saH |
2| vishvameva vittaM dhanaM yasya tAdR^ishaH |
3| ye mAyeshAH mAyAdhInAH, ye cha tvadanusaraNe.anutkaNThAH teShAM nAnyatki~nchitkartavyaM vidyate | te hi avidyaiva vittaM tadeva vinAstairdUShitamatayo bhavanti vA madyamattA vA bhavantIti katha~nchidyojanIyam |
4| svajanAnAM bhaktAnAM jayasyAbhyudayasya januH prabhavaH |
5| kAlaM kAlaM sarvadA balaM tvadbhujaM na jahAtItyanvayaH |
6| haMho ityAshcharyArthakamavyayam | hantA hariH mArakaH siMhaH, nindhakarmA rAvaNastu arihariNaH |
7| shuddhatejAH |
8| dAsasya dAyaH pitrAdyAgataM dhanam |
9| bhaktimatsu |
10| svayamprakAshaH |
11| siddhisampannaH |
12| avidyamAnaH guruH shreShThaH yasya saH aguruH sarvashreShTho gururityarthaH |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}