% Text title : Atimanushastavah % File name : atimAnuShastavaH.itx % Category : vishhnu % Location : doc\_vishhnu % Proofread by : Aruna Narayanan narayanan.aruna at gmail.com % Description/comments : Ramanuja Stotramala % Latest update : November 23, 2019, July 5, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Atimanushastavah ..}## \itxtitle{.. atimAnuShastavaH ..}##\endtitles ## pa~nchastavyAM 2 atimAnuShastavaH shrIrastu | shrImate hayagrIvAya namaH | shrImate rAmAnujAya namaH || shrIvatsachihnamishrebhyo namauktimadhImahe | yaduktayastrayIkaNThe yAnti ma~NgalasUtratAm || atimAnuShashIlavR^ittaveShairativR^ittAmaravikramapratApaiH | atila~NghitasarvalokasAmyaM varaye vaiShNavavaibhavAvatAram || 1|| shreyaH kirantu kiraNAshcharaNAravinda\- niShyandamAnamakarandarasaughadeshyAH | tajjAH shrutermadhuna utsa iti pratItA\- mA~Ngalyara~Nganilayasya parasya dhAmnaH || 2|| shrImatparA~NkushamunIndramanonivAsA\- ttajjAnurAgarasamajjanama~njasA.a.apya | adyApyanAratatadutthitarAgayogaM shrIra~NgarAjacharaNAmbujamunnayAmaH || 3|| vajradhvajA~NkushasudhAkalashAtapatra\- pa~NkeruhA~NkaparikarmaparItamantaH | ApAdapa~NkajavishR^i~NkhaladIpramaule\- shshrIra~NgiNashcharaNayoryugamAshrayAmaH || 4|| shrIra~NgarAjacharaNau praNumo yayoH kha\- lvekastrivikramavidhau vasudhAmasheShAm | vyakraMsta sAchalakulAmapi viprakIrNa\- sthUlAvalagnasikatAmiva nirNatochcham || 5|| j~nAnaM balaM vipulamIshanavIryashakti\- tejAMsi cha triyugabhUyamupAgatAni | pUrNAni ShaT cha parigR^ihya bhavaMshchaturdhA bhaktaM janaM tvamanujagrahithAnurAgAt || 6|| ekAntama~NgalaguNAspadamastaheyaM nityaM padaM tava yatastata eva deva! | AmnAyate tadiha vishvavirUparUpaM tenaiva nanvidamashabdamarUpamAhuH || 7|| shabdAdiheya iha gochara indriyANAM tatpratyanIkavibhavastvamatIndriyo.asi | tenaiva te na bata darshanamasti ki~nchi\- dvAcho dhiyashcha tata eva na gocharo.asi || 8|| evaM sthite tvadupasaMshrayaNAbhyupAyo mAnena kenachidalapsyata nopalabdhum | no chedamartyamanujAdiShu yoniShu tva\- michChAvihAravidhinA samavAtariShyaH || 9|| shIlaH ka eSha tava hanta dayaikasindho! kShudre pR^ithagjanapade jagadaNDamadhye | kShodIyaso.api hi janasya kR^ite kR^itI tva\- matrAvatIrya nanu lochanagocharo.abhUH || 10|| yaM pAtakAtsumahato.apyudadhArayastvaM tvatpAdavAriparipUtashirAshcha yo.abhUt | taM vandase kila tatashcha varaM vR^iNIShe krIDAvidhirbata! vilakShaNalakShaNaste || 11|| krIDAvidheH parikarastava yA tu mAyA sA mohanI na katamasya tu hanta! jantoH | hai martyasiMhavapuShastava tejasoM.ashe shambhurbhavan hi sharabhashshalabho babhUva || 12|| yasyAtmatAM tripurabha~NgavidhAvadhAstvaM tvachChaktitejitasharo vijayI cha yo.abhUt | dakShakratau tu kila tena vinirjitastvaM yukto vidheyaviShayeShu hi kAmachAraH || 13|| mugdhashshishurvaTadale shayito.atitanvA tanvA jaganti bibhR^iShe savikAsameva | aishImimAM tu tava shaktimatarkitavyA\- mavyAjataH prathayase kimihAvatIrNaH || 14|| brahmeshamadhyagaNanA gaNanA.arkapa~Nktau indrAnujatvamaditestanayatvayogAt | ikShvAkuvaMshayaduvaMshajanishcha hanta shlAghyAnyamUnyanupamasya parasya dhAmnaH || 15|| tvannirmitA jaTharagA cha tava trilokI kiM bhikShaNAdiyamR^ite bhavatA durApA | madhye kadA tu na vichakramiShe jagachchet tvadvikramaiH kathamiva shrutira~nchitA syAt || 16|| pR^ichChAmi ki~nchana yadA kila rAghavatve mAyAmR^igasya vashago manujatvamaugdhyAt | sItAviyogavivasho na cha tadgatij~naH prAdAstadA paragatiM hi kathaM svagAya || 17|| akShuNNayogapathamagryahataM jaTAyuM tirya~nchameva bata! mokShapathe niyoktum | shaknoShi vetsi cha yadA sa tadA kathaM tvaM devImavAptumanalaM vyathito vichinvan || 18|| sAlAn hi sapta sagirInsarasAtalAnyA\- nekeShumandajavato nirapatrayastvam | teShvekavivyathanakhinnakapipraNunnaM shAkhAmR^igaM mR^imayase sma kathaM sahAyam || 19|| dAsassakhA samabhavattava yaH kapIndra\- stadvidviShaM kapimamarShavashAjjighAMsuH | tvatsnehaviklabadhiyaM tamimaM kapIndraM visrambhayan sapadi sAlagirInavidhyaH || 20|| yadvA mR^igaM mR^igayuvanmR^igayApathena chChanno jaghantha na tu shatruvadhAbhimukhyAt | tadyuktameva tava rAghava vaMshajasya tiryakShu naiva hi vipakShatayopachAraH || 21|| mAnuShyakaM charitamAcharituM pravR^itto devAtigaM charitama~Nga! kima~NgyakArShIH | yatsAgare bata babandhitha nAtha! setuM shailaiHplava~Ngamasami~Ngitasa.npraNunnaiH || 22|| yo vikrameNa manujatvavibhUShaNena devaM varaM varuNarAjamaja! vyajeShThAH | kR^itvopadAM dasharathaM vidhirudramukhyai\- rdevaisstutashcha sa kilendrajitA jito.asi || 23|| abdhiM na teritha na jigyitha rAkShasendraM naivAsya jaj~nitha yadA cha balAbalaM tvam | nissaMshayassapadi tasya pade.abhyaShi~ncha\- stasyAnujaM kathamidaM hi vibhIShaNaM cha || 24|| tvaM dakShiNasya nivasannudadhestaTe.api dUrAntarottarapayodhimahAntarIpe | daityAnnijaikasharapAraNayUn kimetAM la~NkAM sthito.atra kuruShe kila na sma bhasma || 25|| etatkathaM kathaya yanmathitastvayA.asau hitvA svabhAvaniyamaM prathitaM trilokyAm | ashvApsaroviShasudhAvidhupArijAta\- lakShmyAtmanA pariNato jaladhirbabhUva || 26|| yattAdR^ishAgasamariM raghuvIra! vIkShya vishramyatAmiti mumochitha mugdhamAjau | ko.ayaM guNaH katarakoTigataH kiyAnvA kasya stuteH padamaho bata! kasya bhUmiH || 27|| yallakShmaNastvadanujo ripushaktimugdha\- shshatrorgururhanumatastu laghurbabhUva | etena vai suvidito.abhavadindrashatro\- rmAyAstrabandhananibandhanajo vimohaH || 28|| hA hanta hanta ! bhavatashcharaNAravinda\- dvandvaM kadA nu bhavitA viShayo mamAkShNoH | yo.ahaM nirargalavinirgaladandhakArai\- rvR^ikShaistR^iNaishcha sulabhaM samayaM vyatItaH || 29|| vaMshaM raghoranujighR^ikShurihAvatIrNo divyairvavarShitha tathA.atra bhavadguNaughaiH | tvatsannidhiprabhavashaityajuSho yathA hi vR^ikShAshcha tAntimalabhanta bhavadviyoge || 30|| ye dharmamAcharitumabhyasituM cha yogaM boddhuM cha ki~nchana na jAtvadhikArabhAjaH | te.api tvadAcharitabhUtalabandhagandhA\- dbandhAtigAH paragatiM gamitAstR^iNAdyAH || 31|| tAdR^igguNo nanu babhUvitha rAghavatve yastAvakaM charitamanvahamanvabhu~NktaH | so.atraiva hanta hanumAn paramAM vimuktiM bud.hdhyA.avadhUya charitaM tava sevate.asau || 32|| yattvaM kR^itAgasamapi praNatiprasaktaM taM vAyasaM paramayA dayayA.akShamiShThAH | tenaiva mAdR^ishajanasya mahAgaso.api yuktaM samAshvasanamityupadhArayAmi || 33|| sA pUtanA shakaTamarjunayoshcha yugmaM bAlyochitA.anyaparacheShTitavisphuli~Nge | yasyAlabhanta shalabhatvamaho nigUDha\- ssa tvaM vraje vavR^idhiShe kila kaMsabhItyA || 34|| pashyatsu sUriShu sadA paramaM padaM te devyA shriyA saha vasanparayA vibhUtyA | yogena yoganirataiH parimR^igyamANaH kiM tvaM vrajeShu navanItamaho ! vyamuShNAH || 35|| yaM durgrahaM sumanaso manasA.api nityaM bandhachChidaM paramamIshamudAharanti | dAmnA nibaddha iti shushruma taM bhavantaM nAlaM babhUvitha bata ! shlathanAya tasya || 36|| aishaM hi shaishavamapi vyativelakhelaM yatpUtanA shakaTamarjunayoshcha yugmam | bAlyochitAnyaparasAchivicheShTitena hantAlabhanta shalabhAyitamojasaste || 37|| satyeva gavyanivahe nijadhAmni bhUmnA paryantasadmasu kimarthamachUchurastvam | muShNaMshcha kiM vyajaghaTo ghaTasheShamagre gopIjanasya parihAsapadaM kimAsIH ? || 38|| yannAma nAtha navanItamachUchurastvaM tachChAdanAya yadi te matirAvirAsIt | kiM mugdha ! digdhamamunA karapallavaM te gAtre pramR^ijya niragAH kila nirvisha~NkaH || 39|| tvAmanyagopagR^ihagavyamuShaM yashodA gurvI tvadIyamavamAnamamR^iShyamANA | premNA.atha dAmapariNAmajuShA babandha tAdR^i~N na te charitamAryajanAssahante || 40|| mAtrA yadi tvamasi dAmani sannibaddha\- stachChrAviNAmuditachAkShuShanirjharANAm | badhnAsi hanta hR^idayaM bhagavankutasta\- tsarvo hi vashyaviShaye vivR^iNoti vIryam || 41|| kAntAlakAntamamalaM kamalAyatAkSha\- mudbhrUvilAsamuditasmitamunnasaM cha | vaktraM vahan parama ! gopagR^iheShu kiM tvaM gopImanAMsi navanItamutAbhyamoShIH || 42|| sarvaM guNAya guNinAmiti satyameta\- dyatkhalvihetarajane malinatvahetuH | yadgopaveShaviniShevaNamuttamaM te gopAlanaM cha gaNayanti guNaM guNeShu || 43|| gopAlapotakatayA nibhR^itaM dharitrIM AvastukAma iva sannapi bAlyalaulyAt | aindraM nihanya makhamadrimatho dadhAnaH kiM tasthiShe suragaNAya savAsavAya || 44|| veNukvaNapraNayini tvayi lokanAtha! vR^indAvanaM charaNasa~ncharaNaiH punAne | bhAvAstadA vanabhuvaH kila kIdR^ishaste tvadgItasiktasikatAsu vasundharAsu || 45|| dhanyaishshrutaM tadiha tAvakarAsakAle gItena yen hi shilAssalilAmbabhUvuH | pa~nchApi ki~ncha parivR^ittaguNAni bhUtA\- nyurvIkR^ishAnumarudambarashambarANi || 46|| tebhyaH kR^itI na kila kashchidihAsti ye vai rAsotsavotsukadhiyastava kAnanAnte | veNusvanasrutarasaughapariplutAnte sve sR^ikvaNI rasanayA lilihurbhuja~NgAH || 47|| ambhodanIlamaravindadalAyatAkShaM pi~nChAvataMsamurarIkR^itaveNupANim | tvAM gopaveShaparikarmitakAyakAntiM dhanyAstadA dadR^ishurunmathitAnyabhAvAH || 48|| govardhano girivaro yamunA nadI sA vR^indAvanaM cha madhurA cha purI purANI | adyApi hanta sulabhAH kR^itinAM janAnA\- mete bhavachcharaNachArajuShaH pradeshAH || 49|| vR^indAvane sthiracharAtmakakITadUrvA\- paryantajantunichaye bata ! ye tadAnIm | naivAlabhAmahi janiM hatakAsta ete pApAH padaM tava kadA punarAshrayAmaH || 50|| hA janma tAsu sikatAsu mayA na labdhaM rAse tvayA virahitAH kila gopakanyAH | yAstAvakInapadapa~NktijuSho.ajuShanta nikShipya tatra nijama~Ngamana~Ngataptam || 51|| AchinvataH kusumamaM~NghrisaroruhaM te ye bhejire bata ! vanaspatayo latA vA | adyApi tatkulabhuvaH kuladaivataM me vR^indAvanaM mama dhiyaM cha sanAthayanti || 52|| yattvatpriyaM tadiha puNyamapuNyamanya\- nnAnyattayorbhavati lakShaNamatra jAtu | dhUrtAyitaM tava hi yatkila rAsagoShThyAM tatkIrtanaM paramapAvanamAmananti || 53|| yA kaMsamukhyanR^ipakITanibarhaNotthA sA nirjitatrijagatastava naiva kIrtiH | gopAlanAdi yadidaM bhavadIyakarme\- tyArdrIkaroti viduShAM hR^idayaM tadetat || 54|| gopAlaveShaparikarma parAvareshaM yannAma dhAma paramaM tamasaH parastAt | tatpi~nChalA~nChanasudAmakR^itopavItaM godhUlidhUsaritakuntalamantarAstAm || 55|| yadvai jarAsutabhayAdvipalAyathAstvaM tachchenmanuShyacharitAnuvidhAnajaM te | tarhi trilokagurumIshvaramIshvarANAM bANAhave kimiti shambhumajR^imbhayastvam || 56|| jAtaM kutastadakR^itaj~navicheShTitaM te putrIyayA kila varaM vavR^iShevR^iShA~NkAt | akSheShu saktamatinA cha nirAdareNa vArANasI harapurI bhavatA vidagdhA || 57|| sa~njIvayannapi mR^itaM sutamuttarAyA\- ssAndIpaneshchiramR^itaM sutamAnayaMshcha | dhAmno nijAddvijasutAnpunarAnayanvA svAmeva tAM tanumaho ! kathamAnayastvam || 58|| adyApi nAsmyuparatastrividhApachArA\- tpApaH pare nipatito.asmi tamasyapAre | etAdR^isho.ahamagatirbhavato dayAyAH pAtraM tvadIyacharaNau sharaNaM prapadye || 59|| visrambhaNaM tvayi na yadyapi me.asti nApi shraddhA yathoktavachanArthagatA tathA.api | vAchaM tvimAM sakR^idathApyasakR^inmayoktAM satyAM kuruShva dayayaiva dayaikasindho || 60|| pApIyaso.api sharaNAgatashabdabhAjo nopekShaNaM mama tavochitamIshvarasya | tvajj~nAnashaktikaruNAsu satIShu neha pApaM parAkramitumarhati mAmakInam || 61|| iti pa~nchastavyAM atimAnuShastavaH samAptaH | ## Proofread by Aruna Narayanan narayanan.aruna at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}